సా..గుతున్న చిన్న కాళేశ్వరం పనులు..

Dec 30 2025 7:45 AM | Updated on Dec 30 2025 7:45 AM

కాటారం సబ్‌ డివిజన్‌లోని పంట పొలాలకు సాగునీరు అందించాలనే సదుద్ధేశంతో దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి చేపట్టిన చిన్న కాళేశ్వరం ప్రాజెక్టు నిర్మాణ పనులు నేటికీ పూర్తి కావడం లేదు. రూ.499 కోట్ల వ్యయంతో 2008 సెప్టెంబరు 19న ఈ ప్రాజెక్టు పనులను ప్రారంభించారు. ఇప్పటివరకు రూ.370 కోట్లు ఖర్చు చేసి 70 శాతం పనులను పూర్తి చేశారు. ఈ ప్రాజెక్టు నిర్మాణం పూర్తయితే 4.5 టీఎంసీల నీటిని తరలించి 45,280 ఎకరాల ఆయకట్టుకు సాగునీరు అందించవచ్చు. కాంగ్రెస్‌ పార్టీ అధికారంలోకి వచ్చాక రాష్ట్ర మంత్రి దుద్దిళ్ల శ్రీధర్‌బాబు ఈ ప్రాజెక్టుపై ప్రత్యేక శ్రద్ధ చూపుతున్నప్పటికీ భూసేకరణలో తలెత్తుతున్న ఇబ్బందుల కారణంగా నిర్మాణంలో జాప్యం జరుగుతోంది.