పత్తిపైనే ఆశలు..!

● గతంలో కంటే ఎక్కువ సాగు ● వరి తర్వాత పత్తికే ప్రాధాన్యం ● ఒకే సీసీఐ కేంద్రంతో ఇబ్బందులు ● కొన్నేళ్లుగా మార్కెట్‌లో మంచి ధర పలకడం, స్థానిక నేలలు అనుకూలించడంతో రైతులు వాణిజ్య పంటైన పత్తి వైపే తీవ్ర ఆసక్తి చూపుతున్నారు. ● నియోజకవర్గంలో ఇప్పటికే మెజారిటీ విస్తీర్ణంలో విత్తనాలు నాటడం పూర్తికాగా.. మొలకెత్తిన చేన్లలో కలుపు తీత, అంతరకృషి పనులు వేగవంతంగా సాగుతున్నాయి. ● నకిలీ విత్తనాల నిరోధానికి ప్రభుత్వం కఠిన చర్యలు తీసుకోవడం, రికార్డు దిగుబడులపై ఆశలతో రైతులు ఈసారి భారీ ఆశలే పెట్టుకున్నారు. ● పంట సాగులో రైతులు ముందంజలో ఉన్నప్పటికీ, మార్కెటింగ్‌ సమయం వచ్చేసరికి నిరీక్షణ తప్పడం లేదు. ● నియోజకవర్గం మొత్తానికి వెల్గటూరు మండలంలోని కొత్తపేట జన్నింగ్‌ మిల్లులో ఉన్న ఒక్క సీసీఐ కేంద్రమే ఏకై క ఆధారంగా మారింది. ● సుదూర గ్రామాల నుంచి పత్తిని ఒకే కేంద్రానికి తరలించాల్సి రావడంతో రవాణా ఖర్చులు తడిసి మోపెడవుతున్నాయి. ● ఒకేకేంద్రం ఉండటంతో వాహనాల రద్దీ పెరిగి, రోజులు తరబడి ఎదురుచూడాల్సిన పరిస్థితి ఏర్పడుతోంది. ● సీసీఐ కేంద్రం వద్ద తిప్పలు భరించలేక చాలామంది రైతులు గ్రామీణ ప్రాంతాల్లో దళారులకు ప్రభుత్వం నిర్ణయించిన మద్దతు ధర కంటే తక్కువకే అమ్ముకొని నష్టపోతున్నారు. ● సాగు విస్తీర్ణానికి అనుగుణంగా ప్రభుత్వం తక్షణమే స్పందించి నియోజకవర్గంలో అదనపు సీసీఐ కొనుగోలు కేంద్రాలను అందుబాటులోకి తీసుకురావాలని రైతులు డిమాండ్‌ చేస్తున్నారు.