మధ్యవర్తిత్వంపై శిక్షణ తరగతులు ప్రారంభం

● తొలుత జిల్లా ప్రధాన న్యాయమూరి సాయికళ్యాణచక్రవర్తి మాట్లాడుతూ రాష్ట్రంలో మధ్యవర్తిత్వం ద్వారా వివాదాలను పరిష్కరించుకోవడం అనుకున్న స్థాయిలో జరగడం లేదన్నారు. దానికి న్యాయబద్ధమైన కారణాలు ఉన్నాయని తెలిపారు. ● మధ్యవర్తిత్వంలో స్థిరాస్తి, వివాహ సంబంధ వివాదాల, వాణిజ్య పరమైన వివాదాలు ప్రథమ స్థాయిలోనే పరిష్కరించడం తేలికని తెలిపారు. భవిష్యత్తులో మధ్యవర్తిత్వం ద్వారా కేసులు పరిష్కరించడానికి ఎక్కువ ప్రాముఖ్యత ఉంటుందని చెప్పారు. ● శిక్షణకు వచ్చిన న్యాయవాదులంతా మధ్యవర్తిత్వంలో నైపుణ్యాన్ని పెంచుకొని సుప్రీం కోర్టు అంచనాలకు తగినట్టు మధ్యవర్తిత్వంలో భాగస్వాములు కావాలన్నారు. ● జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌ మాట్లాడుతూ న్యాయవాదులకు శిక్షణ కార్యక్రమం మధ్యవర్తిత్వాన్ని సమర్థంగా, సులభతరం చేయడానికి ఉపయోగపడుతుందన్నారు. అధునాతన పద్ధతులలో మధ్యవర్తిత్వం ద్వారా కేసుల పరిష్కారానికి ఎంతగానో ఉపయోగపడుతుందని తెలిపారు. ● మొదటి రోజు శిక్షణ కార్యక్రమంలో జిల్లాకు సంబంధించిన న్యాయవాదులు మొత్తం 33 మంది పాల్గొన్నారు.