ఇన్‌కమ్‌ ట్యాక్స్‌ ఓకే.. మీకు ఈ ‘పింక్‌ ట్యాక్స్‌’ గురించి తెలుసా? | Kiran Mazumdar Shaw Slams Pink Tax | Sakshi
Sakshi News home page

ఇన్‌కమ్‌ ట్యాక్స్‌ ఓకే.. మీకు ఈ ‘పింక్‌ ట్యాక్స్‌’ గురించి తెలుసా?

Published Wed, Mar 13 2024 2:43 PM | Last Updated on Wed, Mar 13 2024 3:32 PM

Kiran Mazumdar Shaw Slams Pink Tax - Sakshi

బయోకాన్‌ చీఫ్‌ కిరణ్‌ మంజుందార్‌ షా ‘పింక్‌ ట్యాక్స్‌’ పై ఆగ్రహం వ్యక్తం చేశారు. పురుషులు తమ అందం కోసం వినియోగించే ప్రొడక్ట్‌ల ధరల కంటే మహిళల ఉపయోగించే ప్రొడక్ట్‌ల ధరలు ఎక్కువ ఎందుకు ఉన్నాయని ప్రశ్నించారు. అంతేకాదు ఆ తరహా వస్తువుల్ని కొనుగోలు చేయొద్దని విజ్ఞప్తి చేశారు.  

వరల్డ్ ఎకనామిక్ ఫోరమ్ (WEF) ప్రకారం..లింగ ఆధారిత ధరల అసమానతలు అనేక రంగాలలో ఎక్కువగా ఉన్నట్లు తెలుస్తోంది. అయితే వాటిలో వ్యక్తిగత సంరక్షణ ఉత్పత్తులు అధికం. ఉదాహరణకు, మహిళలకు, పురుషుల కోసం ప్రత్యేకంగా విక్రయించే సబ్బులు, లోషన్లు, డియోడరెంట్‌ ‍ప్రొడక్ట్‌లు ఉన్నాయి. ఈ అంశాన్ని లేవనెత్తుతూ సోషల్‌మీడియాలో వైరలవుతున్న వీడియోపై మంజుదార్‌ షా స్పందించారు. ఆ వీడియోని 1.5లక్షల మంది వీక్షించారు.  

ప్రభుత్వం విధించే పన్నుకాదు
పింక్‌ ట్యాక్స్‌ అనేది అసలు ప్రభుత్వ పన్ను కాదు. ఇది మహిళలకు విక్రయించబడే వస్తువుల ధరను పెంచే వివక్షతతో కూడిన ధరలను సూచిస్తుంది.
 


పింక్ టాక్స్ అంటే ఏమిటి?
ఇన్‌కమ్‌ ట్యాక్స్‌ గురించి తెలుసు. మరి ఈ పింక్‌ ట్యాక్స్‌ అంటే? ఉదాహరణకు సమ్మర్‌ సీజన్‌లో మహిళలు చర్మం పాడవుకుండా పలు స్కిన్‌ కేర్‌ ప్రొడక్ట్‌లు వాడుతుంటారు. అలాగే పురుషులు కూడా. అయితే మహిళలు కొనుగోలు చేసిన స్కిన్‌ కేర్‌ ప్రొడక్ట్‌ ధర రూ.100 ఉంటే, పురుషుల స్కిన్‌ కేర్‌ ప్రొడక్ట్‌ దర రూ.80 ఉంటుంది. అంటే పురుషులు - మహిళలు వినియోగించే ధరల మధ్య వ్యత్యాసం. అలా ధరల మధ్య వ్యత్యాసం ఎందుకనే మంజుదార్‌ షా అడుగుతున్నారు. ఇలా ఒక్క మంజుదార్‌ షానే కాదు ఐక్యరాజ్య సమితి సైతం పింక్‌ ట్యాక్స్‌ను తీవ్రంగా వ్యతిరేకిస్తోంది.  

పింక్‌ ట్యాక్స్‌ను తొలగించాలి
మహిళలు ఆర్థిక వ్యవస్థలో పూర్తి, సమాన భాగస్వామ్యాన్ని సాధించేలా పింక్ ట్యాక్స్‌ను తొలగించేందుకు చర్యలు తీసుకోవాలని ప్రపంచవ్యాప్తంగా ఉన్న దేశాలకు ఐక్యరాజ్యసమితి పిలుపునిచ్చింది.

పింక్ టాక్స్ వల్ల ఆర్థిక భారం
డబ్ల్యూఈఎఫ్‌ ప్రకారం.. వివక్షతతో కూడిన ధరల వల్ల మహిళలపై ఆర్థిక భారం పడుతోంది. పురుషుల కంటే మహిళలు తక్కువ సంపాదిస్తున్నారు. ముఖ్యంగా, పింక్‌ ట్యాక్స్‌ విధించే ఉత్పత్తులను కొనుగోలు చేయడం మహిళలపై ఆర్ధిక భారం పెరుగుతోంది. 

No comments yet. Be the first to comment!
Add a comment
Advertisement
Advertisement
 
Advertisement
 
Advertisement