భక్తులారా.. అభయమిస్తున్నా

● ఈ ఏడాది ఎల్‌నినో ప్రభావం ప్రధానంగా రైతును కంటిమీద కునుకు లేకుండా చేసింద ని గుర్తించాను.అందుకే నాతోపాటు వరుణుడి ని వెంటపెట్టుకొచ్చా. మీరు స్వయంగా సాగు చేసి పూజలో నాకు సమర్పించిన వస్త్రం బాగా నచ్చింది. ఈసారి తెల్లబంగారం దిగుబడి కొంత తగ్గినా మద్దతు ధర కష్టాలుండవని దీవిస్తున్నా. శాస్త్రవేత్తలు, వ్యవసాయాధికా రుల సూచనలు పాటించండి. అంతా మంచే జరుగుతుంది. ● సర్కారు కొలువు కోసం ఎదురుచూస్తున్న యువత మీ ప్రయత్నాలు ఆపకండి. నిర్దేశించుకున్న లక్ష్యాలకు అనుగుణంగా ముందుకు సాగండి. ఇప్పటికే పోలీస్‌ ఉద్యోగాల నోటిఫికేషన్‌ వచ్చిందని విన్నా. పట్టుదలతో సన్నద్ధమవ్వండి. విజయం సాధించండి. ఉద్యోగం రాకున్నా నిరాశ పడకండి. స్వయం ఉపాధి వైపు దృష్టి సారించండి. ప్రభుత్వ పథకాల ద్వారా సొంతంగా ఎదగండి. మీతో పాటు పది మందికి ఉపాధి కల్పించండి. మీకు నేనున్నా.. అభయమిస్తున్నా. ఆల్‌ ది బెస్ట్‌. ● దేశ భవిష్యత్తు తరగతి గదుల్లోనే రూపుదిద్దుకుంటుందని మీకు తెలిసిందే.విద్యార్థుల్లారా.. చెడు అలవాట్లకు దూరంగా ఉండి క్రమశిక్షణ తో ముందుకు సాగండి. ఈ రోజు మీరు పడే కష్టం.. రేపటి విజయానికి బాటలు వేస్తుంద ని గుర్తుంచుకోండి. 20 ఏళ్లు శ్రమిస్తే 80 ఏళ్లు సు ఖంగా ఉంటారని నమ్మండి. ప్రణా ళికాబద్ధంగా ముందుకు సాగి మీ లక్ష్యాలను నెరవేర్చుకోండి. కన్నవారు, గురువులు గర్వపడేలా ఎదగండి. ● చెమట చుక్కతో కుటుంబాలను పోషిస్తున్న కార్మికుల్లారా.. ఎన్ని కష్టాలు ఎదురైనా ఆత్మస్థైర్యం మాత్రం కోల్పోవద్దు. నిజాయతీగా పనిచేస్తూ ముందుకు సాగండి. మీ పిల్లలు ఉన్నతంగా ఎదిగేలా చూడండి. వారికి కష్టం విలువ చెబుతూ ప్రోత్సహించండి. మీకంతా మంచే జరుగుతుందని ఆశీర్విదిస్తున్నా. ● ఆకాశంలో స గం.. అవనిలో సగమైన మహిళా భక్తులారా.. తీరొ క్క పూజలతో నన్ను కొలిచిన తీరు నచ్చింది. భక్తితో మీరు సమర్పించిన నైవేద్యాలు నా బొజ్జ నింపాయి. మీ ఇంటిల్లి పాది సుఖ శాంతులతో ఉండాలని దీవిస్తున్నా. మీరు కూడా నా మాటగా ఒకటి వినండి. ఇంటికే పరిమితం కాకుండా సమాజాభివృద్ధిలోనూ మార్కు చూపండి. స్వయం సమృద్ధి దిశగా ముందడుగు వేయండి. నాణ్య త, నిజాయితీ, పట్టుదలతో మీ కృషికి తగిన ఫలితం దక్కేలా నా ఆశీస్సులు ఉంటాయి.