అత్యవసర సందర్భాల్లో మొబైల్‌లో సన్నిహితులు, తెలిసిన వారి ఫోన్‌ నంబర్‌లు ఏ పేరుతో సేవ్‌ చేసుకున్నది ఎంత గింజుకున్నా గుర్తుకు రాదు. అంతెందుకు.. మన ఫోన్‌ నంబర్‌ తప్ప కుటుంబ సభ్యులందరి ఫోన్‌ నంబర్లు చెప్పలేని పరిస్థితి. కుటుంబ సభ్యులు, దగ్గరి బంధువుల పుట్టిన తేదీ ఎప్పుడన్నది గుర్తుండదు. చిన్న లెక్క వేయడానికి మెదడు గజిబిజిగా మారి సెల్‌ ఫోన్‌లోని క్యాల్‌క్యులేటర్‌ను ఓపెన్‌ చేయాల్సి వస్తోంది. ప్రస్తుతం ఇలాంటి సమస్యలు చాలా మందిని వేధిస్తున్నాయి. ఇది తరచూ జరుగుతూ ఉంటే మాత్రం ‘డిజిటల్‌ డిమెన్షియా’ అయ్యుండొచ్చని వైద్యులు అభిప్రాయపడుతున్నారు. ప్రస్తుత సాంకేతిక ఆధిపత్య యుగంలో మొబైల్‌ ఫోన్, ట్యాబ్, కంప్యూటర్, టీవీ ఇతర సాంకేతిక పరికరాల వినియోగం పెరిగిపోయింది. ఫలితంగా ఒకప్పుడు వృద్ధుల్లో సహజంగా కనిపించే డిమెన్షియా (చిత్త వైకల్యం) బారిన ఇప్పుడు చిన్న పిల్లలు, యువత పడుతున్నారు. దైనందిన జీవితంలో చాలా మంది మేల్కొని ఉండే సమయంలో 40 శాతం, ఆపై కూడా స్క్రీన్‌ చూడటానికి కేటాయిస్తున్నారు. దీంతో ఆరోగ్యంపై తీవ్ర ప్రతికూల ప్రభావం పడుతోంది. ముఖ్యంగా చిన్నారుల్లో విజ్ఞానం, సృజనాత్మకతను సెల్‌ఫోన్‌లు చిదిమేస్తున్నాయనే చెప్పాలి. – సాక్షి, అమరావతిడిమెన్షియా ప్రారంభ దశ సాధారణంగా 60 ఏళ్లు పైబడిన వృద్ధుల్లో డిమెన్షియా వస్తుంటుంది. సాంకేతికతను అతిగా వినియోగించడం ద్వారా జ్ఞాపక శక్తిలో వచ్చే సమస్యలను డిజిటల్‌ డిమెన్షియా అని 2012లో జర్మన్‌ న్యూరో శాస్త్రవేత్తలు అభివర్ణించారు. దీన్ని డిమెన్షియాకు ప్రారంభంలో వచ్చే మైల్డ్‌ కాగ్నిటివ్‌ ఇంపైర్‌మెంట్‌ అని కూడా కొందరు వైద్యులు చెబుతున్నారు. డిజిటల్‌ డిమెన్షియా మీద ప్రపంచ వ్యాప్తంగా పరిశోధనలు కొనసాగుతున్నాయి. అయితే ఇప్పటి వరకు వెలువడిన ఫలితాల ఆధారంగా ఎక్కువ సమయాన్ని స్క్రీన్‌కు కేటాయించడంతో జ్ఞాపక శక్తిపై ప్రభావం పడుతుందని తేలింది. మెదడు డీయాక్టివ్‌ సాధారణంగా రాయడం, చదవడం, ఇంకా మరేదైనా పనుల్లో ఉన్నప్పుడు చుట్టూ ఏం జరుగుతుందో కూడా తెలుస్తుంది. ఆ అంశాలను మెదడు యాక్టివ్‌గా పరిశీలిస్తూ ఉంటుంది. అదే మొబైల్‌ ఫోన్‌లో సోషల్‌ మీడియా, సినిమాలు చూడటం, వీడియో గేమ్స్‌ ఆడటం చేస్తున్నప్పుడు పూర్తిగా అందులోనే నిమగ్నం అవుతారు. చుట్టూ ఏం జరుగుతుందో కూడా గ్రహించకుండా మెదడు డీ యాక్టివ్‌ అయిపోతుంటుంది. ఈ నేపథ్యంలో రోజూ గంటల తరబడి స్క్రీన్‌ చూడటంతో మెదడు పనితీరుపై ప్రభావం పడుతోందని వైద్యులు అభిప్రాయపడుతున్నారు. ఇక చిన్న పిల్లల్లో అయితే ఆటిజం వంటి తీవ్ర దుష్ప్రభావాలు తలెత్తుతున్నట్టు వెల్లడిస్తున్నారు. కోవిడ్‌ వ్యాప్తి నేపథ్యంలో లాక్‌డౌన్‌ కారణంగా డిజిటల్‌ తరగతుల రూపంలో విద్యార్థుల్లో స్క్రీన్‌ వినియోగం గణనీయంగా పెరిగింది. పాఠశాలలు, కళాశాలల్లో సైతం ప్రాజెక్ట్‌ వర్క్‌ల పేరిట ఇంటర్నెట్‌లో శోధించే అంశాలనే పిల్లలకు చెబుతున్నారు. ఈ నేపథ్యంలో పిల్లలు మెదడుకు పని చెప్పడం లేదు. ఇది కూడా జ్ఞాపక శక్తి మీద ప్రభావం చూపుతోంది. ఇలా నివారించొచ్చు.. » మొబైల్, ల్యాప్‌ ట్యాప్, ఇతర డిజిటల్‌ స్క్రీన్‌ వినియోగం తగ్గించాలి. సుదీర్ఘంగా స్క్రీన్‌పై ఉండాల్సి వచి్చనప్పుడు మధ్య మధ్యలో విరామం తీసుకోవాలి. » జ్ఞాపక శక్తి, మెదడు పనితీరుపై సానుకూల ప్రభావం చూపేలా వ్యాయామాలు చేయాలి. వ్యాయామంతో మెదడు కణాల ఎదుగుదలకు తోడ్పడే హార్మోన్లు విడుదల అవుతాయి. వాకింగ్, జాగింగ్, ఏరోబిక్‌ వంటి వ్యాయామాలు మెదడులోని హిప్పో క్యాంపస్‌ భాగం వృద్ధికి తోడ్పడతాయి. » రోజుకు 7 నుంచి 8 గంటల తప్పనిసరిగా నిద్ర పోవాలి. తీపి పదార్థాలను ఎక్కువగా తీసుకోకూడదు. ఇవి మెదడు పనితీరుపై ప్రభావం చూపుతాయి. » మద్యం సేవించడం, ధూమపానం విడనాడాలి. » గ్రీన్‌ టీ, తాజా ఆకుకూరలు, కూరగాయలు, పండ్లు తినే ఆహారంలో ఉండేలా చూసుకోవాలి.మెదడు ఎదుగుదలపై ప్రభావం మాకు వస్తున్న 100 ఓపీల్లో 30–40 మొబైల్‌ అతి వినియోగం ద్వారా వచ్చిన సమస్యలవే ఉంటున్నాయి. సాధారణంగా చిన్న పిల్లల్లో ఐదున్నరేళ్ల వర­కూ మెదడు ఎదుగు­తుంది. ప్రస్తుత రోజుల్లో పిల్లలు అల్లరి చేస్తున్నారని తల్లిదండ్రులు మొబైల్‌ ఇచ్చేస్తున్నారు. ఏడాదిలోపు నుంచే స్క్రీన్‌ చూడటం మొదలు పెట్టడం చిన్న పిల్లల్లో మెదడు ఎదుగు దల మీద తీవ్ర ప్రభావం చూపుతోంది. ఫోన్, టీవీల్లో చూసే కార్టూన్‌లు, గేమ్‌లనే వాస్తవ ప్రపంచంగా పిల్లలు భావిస్తున్నారు. వయసుతో పా­టు ఈ సమస్య పెరిగి చదవులపై శ్రద్ధ పెట్టలేకపోతున్నారు.. – డాక్టర్‌ ఎన్‌.ప్రసన్నకుమార్, ప్రొఫెసర్, చైల్డ్‌ సైకియాట్రి, మానసిక వైద్యశాల విశాఖపట్నం

టెక్నాలజీ విస్తృతమైన నేటి రోజుల్లో ఫోన్‌ నంబర్‌ లేని వారంటూ ఎవరూ లేరంటే అతిశయోక్తి కాదు. దేశంలో ప్రతిఒక్కరికి వ్యక్తిగత ఫోన్‌ నంబరో లేక ల్యాండ్‌లైన్‌ నంబరో ఏదో ఒకటి ఉంటుంది. యూజర్లు తమ అవసరాలను బట్టీ వాటికి రీచార్జ్‌ చేసుకుంటూ ఉంటారు. అయితే ఫోన్‌ నంబర్‌ కోసం ఇప్పటి వరకూ ఎలాంటి రుసుము లేకపోయినప్పటికీ రానున్న రోజుల్లో చెల్లించాల్సి ఉంటుంది.టెలికాం రెగ్యులేటర్ ట్రాయ్ ప్రతిపాదన ప్రకారం మీ మొబైల్ నంబర్ లేదా ల్యాండ్ లైన్ నంబర్ కోసం త్వరలో రుసుము చెల్లించాల్సి ఉంటుంది. ఫోన్ నంబర్‌ను అత్యంత విలువైన, పరిమితమైన ప్రజా వనరుగా భావిస్తున్న ట్రాయ్‌ ఈ నంబర్లకు గానూ మొబైల్ ఆపరేటర్లపై ఛార్జీలు విధించాలని ప్రతిపాదించింది. కంపెనీలు వీటిని వినియోగదారుల నుంచి రికవరీ చేయవచ్చు. అలాగే ఎక్కువ నంబర్లు కలిగి తక్కువ వినియోగం ఉన్న టెలికం ఆపరేటర్లపై జరిమానా విధించే అవకాశాన్ని ట్రాయ్‌ పరిశీలిస్తున్నట్లు సమాచారం.ఆస్ట్రేలియా, సింగపూర్, బెల్జియం, ఫిన్లాండ్, యూకే, లిథువేనియా, గ్రీస్, హాంకాంగ్, బల్గేరియా, కువైట్, నెదర్లాండ్స్, స్విట్జర్లాండ్, పోలాండ్, నైజీరియా, దక్షిణాఫ్రికా, డెన్మార్క్ సహా పలు దేశాలు ఇప్పటికే ఫోన్ నంబర్లకు ఫీజులు విధిస్తున్నాయి. భారత్‌లోనూ నంబరింగ్‌ వనరులను సమర్థవంతంగా నిర్వహించడానికి ఇలాంటి చర్యలను అవలంబించాలని ట్రాయ్ లక్ష్యంగా పెట్టుకుంది.ఈ ఛార్జీల అమలుకు ట్రాయ్ పలు మార్గాలను సూచించింది. ప్రభుత్వం ప్రతి నంబర్‌కు వన్ టైమ్ ఛార్జీ లేదా వార్షిక రుసుమును విధించవచ్చు. ఇక ప్రీమియం లేదా 'వీఐపీ' నంబర్ల కోసం వేలం నిర్వహించవచ్చు.प्रेस विज्ञप्ति संख्या 27/2024 - राष्ट्रीय नंबरिंग योजना के संशोधन पर परामर्श पत्र के संबंध में ।Press Release No. 27/2024 regarding Consultation Paper on Revision of National Numbering Plan.https://t.co/AQC11neBSr— TRAI (@TRAI) June 7, 2024

సాక్షి,మేడ్చల్‌ జిల్లా:  ఆధార్‌ కార్డు నవీకరణ గడువును కేంద్ర ప్రభుత్వం మరో మూడు నెలల పాటు పొడిగించింది. కార్డులు పొంది పదేళ్లు పూర్తయిన వారు, ప్రస్తుతం ఉన్న కార్డులను నవీనీకరించుకోవాలని ఇప్పటికే యూఐడీఏఐ సూచించింది. ఆధార్‌ కార్డు నవీనీకరణకు మొదట జూన్‌ 14 వరకు గడువు విధించారు. అయితే ప్రజల నుంచి నామ మాత్రంగా స్పందన రావడంతో గడువును మరో మూడు నెలల పాటు పొడిగించారు.  2010–18 సంవత్సరాల మధ్య ఆధార్‌ కార్డులు పొందినవారు సెపె్టంబరు 14 వరకు ఉచితంగా నవీనీకరించుకోవచ్చని ప్రభుత్వం సూచించింది.  రెండు రకాలుగా...  ఆధార్‌ కార్డును మై–ఆధార్‌ పోర్టల్, ఎం–ఆధార్‌ యాప్‌లో ఉచితంగా నవీనీకరించుకోవచ్చు. ప్రభుత్వ కార్యాలయాల్లో కొనసాగుతున్న శాశ్వత ఆధార్‌ కేంద్రాల్లోనూ మార్పులు, చేర్పులు చేసుకోవచ్చు. ఆధార్‌ ప్రక్రియ ప్రారంభమైనప్పుడు గతంలో ప్రజలు చెప్పిన వ్యక్తిగత వివరాలను మాత్రమే హడావుడిగా నమోదు చేశారు. చాలా మంది తప్పుడు సమాచారం ఇచి్చనట్లు గుర్తించారు. ప్రస్తుతం,.. గతంలో ప్రజలు వెల్లడించిన వివరాల ప్రకారం ధ్రువపత్రాలను అప్‌లోడ్‌ చేసి నవీనీకరించుకోవచ్చు. నవీనీకరణకు ఏదైనా ప్రభుత్వ గుర్తింపు పత్రాన్ని ఖచి్చతంగా సమరి్పంచాల్సి ఉంటుంది. అక్షరాస్యులైతే పదో తరగతి మార్కుల మెమోను తీసుకెళ్తే సరిపోతుంది. ఓటరు గుర్తింపు కార్డు, రేషన్‌ కార్డు, ఉపాధిహామీ జాబ్‌ కార్డు, బ్యాంకు పాస్‌ పుస్తకం, పాస్‌ పోర్టు, డ్రైవింగ్‌ లైసెన్స్, వివాహ పత్రం, తహసీల్దార్‌ జారీ చేసిన ధ్రువపత్రాలను తీసుకెళ్లి ఆధార్‌ కార్డు నవీనీకరణను పూర్తి చేసుకోవచ్చు.  ఇతర మార్పులకు ఇలా...  ప్రస్తుతం పదేళ్లు దాటిన వారందరూ ఆధార్‌ కార్డు సమాచారాన్ని నవీనీకరించుకోవాల్సి ఉంది. దీంతోపాటు పేరులో అక్షరాలను సరి చేసుకోవడానికి, ఫొటో, చిరునామా మార్పు, ఫోన్‌ నంబర్లలో మార్పులు చేసుకోవచ్చును. జిల్లాలోని చాలా గ్రామాల్లో ప్రస్తుతం ఆధార్‌ నమోదు కేంద్రాలు అందుబాటులో లేవు. నవీనీకరణకు తప్పనిసరిగా మండల కేంద్రాలకు వెళ్లాల్సి ఉండటంతో చాలా మంది ఆసక్తి చూపడం లేదని తెలుస్తోంది. గతంలో కొత్తగా ఆధార్‌ కార్డుల జారీ సమయంలో గ్రామాల వారీగా ప్రత్యేక కేంద్రాలను ఏర్పాటు చేశారు. కానీ నవీనీకరణకు ప్రభుత్వం తగిన చర్యలు తీసుకోవాలని ప్రజలు కోరుతున్నారు. 

సాక్షి, అమరావతి: ఏదైనా కారణంతో వలంటీర్‌ మారినా.. సమాచారం విషయంలో ఆ క్లస్టర్‌ పరిధిలో ప్రజలకు ఇబ్బంది లేకుండా ఉండేందుకు ప్రభుత్వం చర్యలు చేపట్టింది. గ్రామాలు, పట్టణాలు, నగర కార్పొరేషన్లలో క్లస్టర్‌ వారీగా శాశ్వత ఫోన్‌ నంబర్‌ను కేటాయించేందుకు ప్రభుత్వం చర్యలు తీసుకుంది. రాష్ట్రంలో వలంటీర్‌ వ్యవస్థను ఏర్పాటు చేసినప్పుడే ప్రభుత్వం ప్రతి వలంటీర్‌కు మొబైల్‌ ఫోన్‌తో పాటు సిమ్‌ను కూడా అందజేసింది.  అయితే ఏ కారణంతోనైనా ఏదైనా ప్రాంతంలో వలంటీర్‌ విధుల నుంచి తప్పుకొని తనకు కేటాయించిన ఫోన్‌ నంబర్‌ తిరిగి ఇవ్వనప్పుడు ఆ క్లస్టర్‌ పరిధిలోని ప్రజలు ఇబ్బంది పడాల్సి వస్తోంది. ఇలాంటి ఇబ్బంది ఇకపై తలెత్తకుండా విధుల నుంచి తప్పుకొన్న వలంటీర్‌కు కేటాయించిన సిమ్‌ను బ్లాక్‌ చేసి, అదే నంబర్‌తో కొత్త సిమ్‌ తీసుకొని కొత్త వలంటీర్‌కు అధికారులు అందజేయనున్నారు. ఇందుకోసం వలంటీర్లకు ప్రభుత్వం కేటాయించిన ఫోను నంబర్ల వివరాలను రాష్ట్ర స్థాయి ఆన్‌లైన్‌ డేటా బేస్‌ సెంటర్‌లో నమోదు చేస్తున్నారు.  ఈ నెల పదో తేదీ కల్లా ప్రతి వలంటీర్‌ తమ మొబైల్‌ నంబర్‌ వివరాలతో పాటు సిమ్‌ కార్డు వివరాలు రాష్ట్ర స్థాయి డేటా బేస్‌ పోర్టల్‌లో నమోదు చేయాలని ఇప్పటికే గ్రామ, వార్డు సచివాలయాలకు ఆదేశాలు ఇచ్చారు. ఎక్కడైనా సరైన సిగ్నల్‌ లేక ప్రభుత్వం కేటాయించిన సిమ్‌ కాకుండా వలంటీర్లు తమ సొంత ఫోన్‌ నంబర్‌ వాడుతుంటే.. అలాంటి చోట్ల సరైన సిగ్నల్‌ ఉండే కంపెనీలకు చెందిన ఫోన్‌ నంబర్లనే వలంటీర్లకు కేటాయించేందుకు చర్యలు చేపట్టారు. (క్లిక్ చేయండి: వైద్య శాఖలో కొలువుల జాతర)

సాక్షి, హైదరాబాద్‌: ‘ఎమ్మెల్యేలకు ఎర’ కేసులో ప్రత్యేక దర్యాప్తు బృందం (సిట్‌) దర్యాప్తులో భాగంగా జారీ చేసిన నోటీసులలో గందరగోళం నెలకొంది. సోమవారం హైదరాబాద్‌లోని సిట్‌ కార్యాలయంలో విచారణకు హాజరు కావాలని బీజేపీ జాతీయ ప్రధాన కార్యదర్శి బొమ్మెరబెట్లు లక్ష్మీ జనార్దన సంతోష్‌ (బీఎల్‌ సంతోష్‌), కరీంనగర్‌కు చెందిన న్యాయవాది భూసారపు శ్రీనివాస్‌లకు 41ఏ సీఆర్‌పీసీ కింద నోటీసులు జారీ చేసిన విషయం తెలిసిందే. అయితే ఈ ఇరువు రూ విచారణకు వచ్చేటప్పుడు వారు వినియోగించే మొబైల్‌ ఫోన్, ల్యాప్‌టాప్, ట్యాబ్, ఐపాడ్‌ వంటి ఎలక్ట్రానిక్‌ ఉపకరణాలను వెంట తీసుకురావాలని నోటీసులో సిట్‌ పేర్కొంది. ఫలానా ఫోన్‌ నంబరు, ఫలానా ఐఎంఈఐ నంబరు గల సెల్‌ఫోన్‌ను తప్పనిసరిగా తీసుకు రావాలని ఆదేశించింది. ఫోన్‌లోని సమాచారాన్ని తొలగించడం లేదా చెరపడం కానీ చేయరాదని పేర్కొంది. అయితే బీఎల్‌ సంతోష్, శ్రీనివాస్‌.. ఇద్దరికీ సిట్‌ జారీ చేసిన నోటీసులలో పేరొన్న ఫోన్‌ నంబరు, ఐఎంఈఐ నంబర్లు ఒకటే ఉండటం గందరగోళానికి తెరతీసింది.  ముద్రణలో పొరపాటేనా..  ఇరువురు ఇంటిగ్రేటెడ్‌ కమాండ్‌ కంట్రోల్‌ కార్యాలయంలో విచారణకు హాజరుకావాలని సిట్‌ విచారణాధికారి, రాజేంద్రనగర్‌ డివిజన్‌ ఏసీపీ బి.గంగాధర్‌ ఈ నెల 16న నోటీసులు జారీ చేశా రు. అయితే ఒకే రోజు ఒకే సమయానికి ఇద్దరికీ నోటీసులు జారీ చేసే క్రమంలో ముద్రణలో పొరపాటు జరిగిందా? లేక దర్యాప్తులో భాగంగా ఆ ఫోన్‌ నంబరు ఎవరి దగ్గర ఉంది? ఎవరు వినియోగిస్తున్నారో తెలుసుకోవటానికే అలా ఇద్దరి నోటీసుల్లోనూ ఒకటే ఫోన్, ఐఎంఈఐ నంబర్ల ను పేర్కొన్నారా? అనే దానిపై స్పష్టత రావాల్సి ఉంది. ఇదిలా ఉండగా.. నోటీసులో పేర్కొన్న ఫోన్‌ నంబరుకు ‘సాక్షి’ కాల్‌ చేసేందుకు ప్రయత్నించగా.. ట్రూ కాలర్‌లో బీఎల్‌ సంతోష్‌ అనే పేరు రావటం గమనార్హం. దీంతో శ్రీనివాస్‌కు జారీ చేసిన నోటీసు ముద్రణలో సిట్‌ అధికారు లు పొరపాటు చేసి ఉండే అవకాశం ఉంది. మరోవైపు ఈ కేసులో ఈనెల 29లోగా దర్యాప్తు పురోగతి నివేదికను సీల్డ్‌ కవర్‌లో అందించాలని సిట్‌ను హైకోర్టు ఆదేశించిన సంగతి తెలిసిందే. సమయం తక్కువగా ఉండటంతో నోటీసుల జారీలో పొరపాట్లు దొర్లి ఉండొచ్చనే వాదనలు వినిపిస్తున్నాయి. అంతేకాకుండా బీఎల్‌ సంతోష్‌ స్వస్థలం కర్ణాటకలోని ఉడిపి జిల్లా హిరియాడ్కా పట్టణం కాగా.. సిట్‌ అధికారులు మాత్రం బెంగళూరులోని మల్లేశ్వరం, టెంపుల్‌ స్ట్రీట్‌ చిరునామాతో నోటీసులు జారీ చేయడం గమనార్హం.  ఎవరికీ భౌతికంగా అందించలేదు..  ఇప్పటికే ఈ కేసులో అరెస్టయిన ప్రధాన నిందితుడు హరియాణాలోని ఫరీదాబాద్‌ పురోహితుడు రామచంద్రభారతి అలియాస్‌ సతీష్‌ శర్మ, హైదరాబాద్‌కు చెందిన వ్యాపారి నందకుమార్, తిరుపతికి చెందిన సింహాయాజీలను విచారించి న పోలీసులు వారి నుంచి మరింత సమాచారా న్ని రాబట్టారు. వీటి ఆధారంగా  సంతోష్, శ్రీనివాస్‌లతో పాటు కేరళలో బీజే పీకి మిత్రపక్షమైన భరత్‌ ధర్మజనసేన(బీడీజేఎస్‌) అధినేత తుషార్‌ వెల్లపళ్లి, రామచంద్రభారతికి మధ్యవర్తిత్వం వహించినట్లు పోలీసులు అనుమానిస్తున్న కేరళకు చెందిన వైద్యుడు జగ్గు స్వామికి కూడా 41ఏ సీఆర్‌పీసీ నోటీసులు జారీ అయ్యాయి. అయితే వీరిలో ఏ ఒక్కరికీ కూడా సిట్‌ అధికారులు భౌతికంగా నోటీసులు అందించకపోవటం గమనార్హం. శ్రీనివాస్, జగ్గు స్వామి ఇళ్లకు నోటీసులు అతికించగా, తుషార్‌ ఇంట్లో లేకపోవటంతో ఆయన ఆఫీసు సెక్రటరీకి నోటీసులు అందించారు. అయితే ఈనెల 3న సీఎం కేసీఆర్‌.. ఈ కేసులో ప్రధాన నిందితుడు రామచంద్రభారతి సంభాషించిన ఆడియో, వీడి యో రికార్డులను విడుదల చేసిన సంగతి తెలిసిందే. వీటిల్లో రామచంద్రభారతి, బీఎల్‌ సంతోష్, సునీల్‌కుమార్‌ బన్సల్, తుషార్‌ పేర్లను పలుమార్లు ప్రస్తావించారు. ఇందులో సంతోష్, తుషార్లకు సిట్‌ ఇప్పటికే నోటీసులు జారీ చేయగా.. బన్సల్‌కు నోటీసులు జారీ చేశారా? లేదా? అనే దానిపై స్పష్టత రావాల్సి ఉంది.  స్పష్టత కోసమేనా?  కాగా.. అరెస్టు సమయంలో రామచంద్రభా రతి సెల్‌ఫోన్‌ను పోలీసులు స్వాధీనం చేసుకున్న సంగతి తెలిసిందే. అందులోని కాంటాక్ట్‌లను పరిశీలించగా.. ‘సంతోష్‌ బీజేపీ’ పేరిట ఉన్న ఫోన్‌ నంబర్‌కు ఇంగ్లీషులో పంపిన సందేశాలను పోలీసులు గుర్తించారు. ‘నేను రామచంద్రభారతిస్వా మీజిని, హరిద్వార్‌ బైఠక్‌లో మిమ్మల్ని కలిశా. తెలంగాణలో కీలకాంశాలపై చర్చించాలి. 25 మంది చేరేందుకు సిద్ధంగా ఉన్నారు. మీ అపాయింట్‌మెంట్‌ కావాలి, ఆ ముగ్గురికీ కొంత విట మిన్‌ ఎం అవసరం.. వంటి పలు సందేశాలను పోలీసులు గుర్తించారు. సంతోష్‌ బీజేపీ నుంచి మాత్రం రామచంద్రభారతికి ఎలాంటి రిప్‌లైలు వచ్చినట్లు పోలీసులకు కనిపించలేదని తెలుస్తోంది. ఈ అంశంపై స్పష్టత కోసమే సిట్‌ అధికారులు బీఎల్‌ సంతోష్, శ్రీనివాస్‌లకు ఇరువురికీ ఒకే ఫోన్‌ నంబరు, ఐఎంఈఐ నంబరును తీసుకురావాలని సూచించినట్లు పోలీసు వర్గాలు అంటున్నాయి. అసలు ఆ ఫోన్‌ను ఎవరు వినియోగిస్తున్నారో బయటపడుతుందని చెపుతున్నారు. ఇదీ చదవండి: ఎమ్మెల్యేల కొనుగోలు కేసులో ఊహించని ట్విస్ట్‌లు.. బీజేపీకి కొత్త టెన్షన్‌!  

ఓ వ్యక్తికి ఉద్యోగం ఇవ్వకపోవడానికి ప్రధాన కారణాలే­ముంటాయి? అతనికి సరైన క్వాలిఫికేషన్స్‌ లేకపోవడం. ఆ వ్యక్తి ఆ పొజిషన్‌కు సరిపోడనుకోవడం. వగైరా.. వగైరా. కానీ, కేవలం ఫోన్‌ నెంబర్‌లో ఓ దురదృష్టకరమైన సంఖ్య ఉందని చెప్పి... అభ్యర్థులను తిరస్కరించింది ఓ చైనీస్‌ ఎడ్యుకేషన్‌ కంపెనీ. ఫోన్‌ నెంబర్‌లోని 5వ స్థానంలో నెంబర్‌ 5 ఉన్న అభ్యర్థులను వెనక్కి పంపించేసింది. ఆ ఉద్యోగం తప్పనిసరిగా కావాలను­కుంటే... మొబైల్‌ నెంబర్‌ మార్చుకొని రావాలని సూచించింది. గాంగ్‌డాంగ్‌లోని షెంగెన్‌కు చెందిన ఎడ్యుకేషన్‌ కంపెనీ పెట్టిన ఈ నిబంధన చూసి జనం నవ్వుకుంటున్నారు. ఎంత అభివృద్ధి చెందినా... ఇప్పటికీ అతీత శక్తులను, మూఢ నమ్మకాలను అనుసరించే చైనా సామాజిక మాధ్యమాల్లో దీనిపై వాడీవేడి చర్చ నడుస్తోంది. ఎడ్యుకేషన్‌ కంపెనీ ఇలాంటి పిచ్చి రిక్రూటింగ్‌ పాలసీలు పెట్టడమేంటని మండిపడుతున్నారు. ఇది కచ్చితంగా వివక్ష చూపడమేనంటున్నారు. ఉద్యోగులను కాకుండా జ్యోతిష్యం చెప్పే ‘ఫెంగ్‌ షూయ్‌ మాస్టర్‌’ను రిక్రూట్‌ చేస్తే మంచిదని ఎద్దేవా చేస్తున్నారు. అయితే... పురాతన చైనీస్‌ భవిష్యవాణి ‘బుక్‌ ఆఫ్‌ చేంజెస్‌’ ప్రకారం ఐదు దురదృష్టకరమైన సంఖ్యని, అందుకే కొందరు దాన్ని అనుసరిస్తారని చైనీస్‌ సంఖ్యాశాస్త్ర నిపుణుడు, బ్లాగర్‌ జిమెంజున్‌ చెబుతున్నాడు.  

ఓ వ్యక్తికి ఉద్యోగం ఇవ్వకపోవడానికి ప్రధాన కారణాలేముంటాయి? అతనికి సరైన క్వాలిఫికేషన్స్‌ లేకపోవడం, ఆ పొజిషన్‌కు సరిపోడను కోవడం.. వగైరా. కానీ కేవలం ఫోన్‌ నెంబర్‌ లో ఓ దురదృష్టకరమైనసంఖ్య ఉందని చెప్పి.. అభ్యర్థులను తిరస్కరించింది ఓ చైనీస్‌ ఎడ్యుకేషన్‌ కంపెనీ. ఫోన్‌నెంబర్‌లోని 5వ స్థానంలో నెంబర్‌ 5 ఉన్న అభ్యర్థులను వెనక్కి పంపించేసింది. ఆ ఉద్యోగం తప్పనిసరిగా కావాలనుకుంటే... మొబైల్‌ నెంబర్‌ మార్చుకొని రావాలని సూచించింది. గాంగ్‌డాంగ్‌లోని షెంగెన్‌కు చెందిన ఎడ్యుకేషన్‌ కంపెనీ పెట్టిన ఈ నిబంధన చూసి జనం నవ్వుకుంటున్నారు. ఎంత అభివృద్ధి చెందినా.. ఇప్పటికీ అతీత శక్తులను, మూఢనమ్మకాలను అనుసరించే చైనా సామాజిక మాధ్యమాల్లో ఈ వార్తపై వాడీవేడి చర్చ నడుస్తోంది. ఎడ్యుకేషన్‌ కంపెనీ ఇలాంటి పిచ్చి రిక్రూటింగ్‌ పాలసీలు పెట్టడమేంటని మండిపడుతున్నారు. ఇది వివక్ష చూపడమే నంటున్నారు. ఉద్యోగులను కాకుండా జ్యోతిష్యం చెప్పే ‘ఫెంగ్‌ షూయ్‌ మాస్టర్‌’ను రిక్రూట్‌ చేస్తే మంచిదని ఎద్దేవా చేస్తున్నారు. అయితే... పురాతన చైనీస్‌ భవిష్యవాణి ‘బుక్‌ ఆఫ్‌ చేంజెస్‌’ ప్రకారం ఐదు దురదృష్టకరమైన సంఖ్యని, అందుకే కొందరు దాన్ని అనుసరిస్తారని చైనీస్‌ సంఖ్యాశాస్త్ర నిపుణుడు, బ్లాగర్‌ జిమెంజున్‌ చెబుతున్నాడు.  

నటి మొబైల్‌ నంబర్‌ ఇవ్వకుంటే నీ భార్యను మానభంగం చేస్తానని బెదిరించిన దర్శకుడిపై చాయాగ్రాహకుడు పోలీస్‌స్టేషన్‌లో ఫిర్యాదు చేయడం చిత్ర పరిశ్రమలో కలకలం రేపింది. రామాపురంపోలీసుల కథనం మేరకు.. రామాపురం, భారతీవీధికి చెందిన ఎంఎస్‌ ప్రభు 30 ఏళ్లుగా సినీ చాయాగ్రాహకుడిగా పనిచేస్తున్నాడు. ఏఎల్‌ సూర్య ఇతనికి 2006లో ఏఎల్‌ సూర్య అనే దర్శకుడు పరిచయం అయ్యాడు. నటి పద్మప్రియతో భారతీయార్‌ పాటను వీడియోగా రూపొందించి ఇవ్వాల్సిందిగా సూర్య అడిగాడు. ఆ వీడియోలు రూపొందించి ఇవ్వడంతో ఇద్దరి మధ్య స్నేహం ఏర్పడింది. అయితే కొంతకాలం తర్వాత దర్శకుడు ఏఎల్‌ సూర్య తనకు నటి పద్మప్రియను పరిచయం చేయాల్సిందిగా ప్రభును కోరాడు. ఆమె ఫోన్‌ నంబర్‌ ఇవ్వాలని ఒత్తిడి చేశాడు. ఎందుకని ప్రశ్నించడంతో గొడవ పడ్డాడు. పద్మప్రియ ఫోన్‌ నంబర్‌ ఇవ్వకుంటే నీ భార్యను మానభంగం చేస్తానని బెదిరించారని బాధితుడు ప్రభు ఫిర్యాదులో పేర్కొన్నాడు.  చదవండి: (తెలంగాణ ఇంటెలిజెన్స్‌ మరో ఫెయిల్యూర్‌)

గచ్చిబౌలి (హైదరాబాద్‌): ఫోన్‌ నెంబర్‌ ఇవ్వకపోవడంతో కొందరు యువకులు బెదిరింపులకు పాల్పడ్డట్లు ఓ యువతి రాయదుర్గం పోలీస్‌ స్టేషన్‌లో ఫిర్యాదు చేసింది. యువతి వెంట వచ్చిన బాక్సర్‌ దాడి చేయడంతో గాయాలయ్యాయని మరో యువకుడు ఫిర్యాదు చేయడంతో ఇరు వర్గాలపై కేసు నమోదు చేశారు. ఈ సంఘటన రాయదుర్గం పోలీస్‌ స్టేషన్‌ పరిధిలో చోటు చేసుకుంది. సీఐ తిరుపతి, బాధితులు తెలిపిన ప్రకారం వివరాలు ఇలా ఉన్నాయి. ఐటీ కారిడార్‌లోని నాలెడ్జ్‌ సిటీలో ఐటీసీ కోహినూర్‌ స్టార్‌ హోటల్‌లో 24 గంటలు తెరిచి ఉండే ఒటినో రూఫ్‌ టాప్‌ హ్యాంగింగ్‌ బార్‌కు శనివారం రాత్రి 11.30 గంటలకు యూఎస్‌లో రీసెర్చ్‌ స్కాలర్, న్యూట్రీషియన్‌గా పనిచేస్తూ నగరంలో ఉండే రాజస్తాన్‌కు చెందిన ఓ యువతి (25)తో కలిసి విష్ణు, విక్రమ్‌లు వెళ్లారు. యువతికి పరిచయస్తుడైన మయాంక్‌ అగర్వాల్, అబ్రార్, సాదత్, అరీఫుద్ధీన్‌లతో పాటు మరో ఇద్దరు స్నేహితులు కలిసి అదే బార్‌కు వచ్చారు. చదవండి: (నాగదోషం ఉన్నట్లు నమ్మించి.. పలుమార్లు అత్యాచారం) అర్థరాత్రి దాటిన తరువాత మయాంక్, సాదత్‌లు యువతిని పక్కకు పిలిచి ఫోన్‌ నెంబర్‌ ఇవ్వాలని అడిగారు. ఈ విషయంలో ఇద్దరి మధ్య వాగ్వివాదం చోటు చేసుకుంది. ఈ క్రమంలో బాక్సర్‌ విక్రమ్‌ దాడిలో అబ్రార్‌ గాయపడ్డాడు. వెంటనే ఆస్పత్రిలో చేర్పించారు. అనంతరం అబ్రార్‌ శనివారం తెల్లవారు జామున రాయదుర్గం పీఎస్‌లో ఫిర్యాదు చేశారు. ఫోన్‌ నెంబర్‌ ఇవ్వక పోవడంతో తనపై లైంగిక దాడి చేస్తామని బెదిరించారని బాధిత యువతి సోమవారం రాయదుర్గం పీఎస్‌లో ఫిర్యాదు చేసినట్లు సీఐ తెలిపారు. విక్రమ్‌ దాడిలో అబ్రార్, మయాంక్‌ వర్గం దాడిలో విష్ణు గాయపడ్డారని చెప్పారు. ఇరు వర్గాలపై కేసు నమోదు చేశామని, సీసీ పుటేజీలు పరిశీలిస్తున్నట్లు ఆయన పేర్కొన్నారు. బాధితురాలితో పాటు విష్ణు, విక్రమ్‌లు మంగళవారం సాయంత్రం రాయదుర్గం పీఎస్‌కు వచ్చారు. యువతి నుంచి పోలీసులు మరిన్ని వివరాలు సేకరించారు. ఈ సందర్భంగా యువతి మీడియాతో మాట్లాడుతూ తన కుటుంబీకులను కూడా బెదిరిస్తున్నారని ఆరోపించారు. తగిన చర్యలు తీసుకోకుంటే మహిళా కమిషన్‌ను ఆశ్రయిస్తామని తెలిపారు.  

ఛండీగఢ్‌: పంజాబ్‌ అసెంబ్లీ ఎన్నికల్లో ఆమ్‌ ఆ‍ద్మీ పార్టీ భారీ విజయాన్ని అందుకుంది. ఈ క్రమంలో సీఎంగా భగవంత్‌ మాన్‌ బాధ్యతలు స్వీకరించారు. కేజ్రీవాల్‌, భగవంత్ మాన్‌ ఆలోచనలతో పంజాబ్‌లో వినూత్న కార్యక్రమాలు చేపడుతోంది ఆప్‌ ప్రభుత్వం. ఇప్పటికే ఉద్యోగులకు గుడ్‌ న్యూస్‌ చెప్పి, మంత్రులకు టార్గెట్‌ విధించిన ఆప్‌ సర్కార్‌ తాజాగా మరో కీలక ప్రకటన చేసింది.  బుధవారం భగత్ సింగ్ బలిదానం చేసిన రోజైన షహీద్ దివస్ (మార్చి 23) సందర్భంగా ఖట్కర్ కలాన్‌లో సీఎం మాన్‌ నివాళి అర్పించారు. ఈ సందర్భంగా భగత్ సింగ్, రాజ్ గురు, సుఖ్ దేవ్ ల విగ్రహాల వద్ద నివాళి అర్పించిన అనంతరం పంజాబ్‌లో అవినీతిపరుల ఆట కట్టించేందుకు యాంటీ కరప్షన్ హెల్ప్ లైన్ నంబర్‌(9501200200)ను సీఎం ప్రకటించారు. అందులో భాగంగానే యాంటీ కరప్షన్ యాక్షన్ లైన్ పేరుతో ఒక వాట్సాప్ నంబర్‌(9501200200)ను విడుదల చేశారు.  ఈ క్రమంలో ఆయన ట్విట్టర్‌ ఓ వీడియో పోస్ట్‌ విడుదల చేశారు. పంజాబ్‌లో ఎవరైనా లంచం అడిగినా, మరేదైనా అవినీతికి పాల్పడినట్లు ప్రజల దృష్టికి వస్తే ఈ వాట్సాప్ నంబర్‌కు వీడియో లేదా ఆడియో రికార్డింగ్ చేసి పంపించాలన్నారు. అనంతరం సీఎం పర్యవేక్షణలో ఉన్న ఓ టీమ్‌ వాటిని పరిశీలించి తగు చర్యలు తీసుకుంటుందని వెల్లడించారు. పంజాబ్‌ను అవినీతిమయం కాకుండా కాపాడుకుందామని సీఎం పిలుపునిచ్చారు. పంజాబ్‌ను అవినీతి రహితం చేస్తే అదే మనం స్వాతంత్ర్య సమర యోధులకు ఇచ్చి నివాళి అంటూ వ్యాఖ్యలు చేశారు.  AAP PUNJAB GOVT LAUNCHES ANTI-CORRUPTION ACTION LINE! 📞 WhatsApp: 9501-200-200 "कोई रिश्वत मांगे तो मना मत करना! उसकी Audio/Video Recording कर लेना, हम उसके ख़िलाफ़ एक्शन लेंगे!" - CM @BhagwantMann #AAPagainstCorruption pic.twitter.com/TsXHUKH9Iq — AAP (@AamAadmiParty) March 23, 2022

హిమాయత్‌నగర్‌: అమెజాన్‌ నుంచి మాట్లాడుతున్నామని, మీ పేరుపై, మీ ఫోన్‌ నంబర్‌పై రూ. కోటి లాటరీ వచ్చిందని నగర మహిళకు ఎర వేశారు సైబర్‌ నేరగాళ్లు. రూ.కోటి మీ సొంతం కావాలంటే ప్రాసెసింగ్‌ చార్జీల నిమిత్తం కొంత డబ్బు చెల్లించాలన్నారు. దీనికి ఆశపడిన బాధితురాలు వారు కోరిన విధంగా పలు దఫాలుగా 15 రోజుల్లో రూ. 15 లక్షలు వారు చెప్పిన ఖాతాల్లో జమ చేసింది. రోజులు గడుస్తున్నా డబ్బులు మాత్రం చేతికి అందకపోవడంతో తాను మోసపోయినట్లు గుర్తించి సిటీ సైబర్‌క్రైం ఏసీపీ కేవీఎం ప్రసాద్‌కు ఫిర్యాదు చేసింది. కేసు నమోదు చేసిన పోలీసులు దర్యాప్తు చేస్తున్నారు. కంపెనీ నుంచి రూ. 11 లక్షలు...  గోల్కొండ కేంద్రంగా పని చేస్తున్న ఓ కన్‌స్ట్రక్షన్‌ కంపెనీ నుంచి రూ. 11 లక్షలు మాయమైనట్లు కంపెనీ ప్రతినిధులు మంగళవారం సిటీ సైబర్‌క్రైం పోలీసులకు ఫిర్యా దు చేశారు. కంపెనీకి సంబంధించిన బ్యాంక్‌ ఖాతాల ఫోన్‌ నంబర్లను ఇటీవల మార్చారు. అయితే ఆ తర్వాత కొద్దిరోజులకే కంపెనీ ఖాతా నుంచి రూ. 11 లక్షలు డెబిట్‌ అయినట్లు గుర్తించారు.   కేసు నమోదు చేసిన పోలీసులు సంబంధిత బ్యాంకు అధికారులతో మాట్లాడగా రూ. 4 లక్షలను ఫ్రీజ్‌ చేయగలిగారు. కేసు నమో దు చేసుకుని దర్యాప్తు చేస్తున్నట్లు ఏసీపీ తెలిపారు.    (చదవండి: పోలీసులకు విదేశీ వనిత కృతజ్ఞతలు)

ప్రభుత్వాలకు మాత్రమే అందుబాటులో ఉండే స్పైవేర్‌ ‘పెగాసస్‌’ హ్యాకింగ్‌కు గురైందన్న వార్తలు ప్రకంపనలు సృష్టిస్తున్నాయి. ఓవైపు భారత ప్రభుత్వం ఈ హ్యాకింగ్‌ కుంభకోణంలో తమ ప్రమేయం లేదని చెప్తుండగా.. మరోవైపు ఫోరెన్సిక్‌ టెస్టుల్లో పెగాసస్‌ ద్వారా డేటా హ్యాక్‌ అయ్యేందుకు వీలుందన్న కథనాలు కలకలం రేపుతున్నాయి.  న్యూఢిల్లీ: దేశంలో మరో భారీ డేటా లీకేజీ కుంభకోణం ప్రకంపనలు మొదలయ్యాయా?. కేంద్ర మంత్రులు, ప్రతిపక్ష నేతలు, జర్నలిస్టులు, మరికొందరు ప్రముఖుల్ని లక్క్ష్యంగా చేసుకుని హ్యాకర్లు రెచ్చిపోయినట్లు తెలుస్తోంది. ఇజ్రాయెల్‌కు చెందిన పెగాసస్‌ స్పైవేర్‌.. కేవలం ప్రభుత్వాలకు మాత్రమే అందుబాటులో ఉంటుంది. అయితే ఈ స్పైవేర్‌ ద్వారా హ్యాకర్లు.. ప్రముఖుల ఫోన్‌ డేటాను చోరీ చేశారని ‘ది వైర్‌’ ఆదివారం ఓ కథనం ప్రచురించింది.  తాజా కథనం ప్రకారం.. భారత్‌తో మరికొన్ని దేశాల ప్రముఖులను లక్క్ష్యంగా చేసుకుని ఈ హ్యాకింగ్‌ ఎటాక్‌ జరిగినట్లు తెలుస్తోంది. ఫోరెన్సిక్‌ టెస్ట్‌లు(డేటాబేస్‌లో ఉన్న పది నెంబర్లపై పరీక్షలు) దాదాపుగా హ్యాకింగ్‌ జరిగిందనేందుకు ఆస్కారం ఉందని తేల్చాయని వైర్‌ ప్రస్తావించింది. మన దేశానికి చెందిన సుమారు 300 మంది ఫోన్‌ నెంబర్లు ఆ లిస్ట్‌లో ఉన్నట్లు సమాచారం. అందులో ఇద్దరు కేంద్ర మంత్రులు, తాజా-మాజీ అధికారులు, రాజ్యాంగబద్ధ పదవిలో ఓ ప్రముఖుడు, ముగ్గురు కీలక ప్రతిపక్ష సభ్యులు, 40 మంది జర్నలిస్టుల నెంబర్లు, ఆరెస్సెస్‌ సభ్యులు, ఇతర ప్రముఖుల వివరాలు ఉన్నట్లు, రాబోయే రోజుల్లో వాళ్ల పేర్లను సైతం వెల్లడిస్తామని ది వైర్‌ పేర్కొంది. యాపిల్‌ ఫోన్లు వాడే ప్రముఖుల డేటా మరింత తేలికగా హ్యాకింగ్‌కు గురయ్యే అవకాశం ఉందని ఉటంకించింది. Strong rumour that this evening IST, Washington Post & London Guardian are publishing a report exposing the hiring of an Israeli firm Pegasus, for tapping phones of Modi’s Cabinet Ministers, RSS leaders, SC judges, & journalists. If I get this confirmed I will publish the list. — Subramanian Swamy (@Swamy39) July 18, 2021 దావా వేస్తాం 2018-19 నడుమ ఈ హ్యాకింగ్‌ ప్రయత్నం జరిగిందని, అయితే అన్ని నెంబర్లు హ్యాకింగ్‌కు గురయ్యాయా,? లేదా? అనే వివరాలు మాత్రం తెలియాల్సి ఉందని వైర్‌ పేర్కొంది. వైర్‌తో పాటు వాషింగ్టన్‌ పోస్ట్‌ లాంటి అంతర్జాతీయ మ్యాగజైన్‌లు సైతం ఈ వార్తలను ప్రచురించాయి. మరోవైపు ఇజ్రాయెల్‌ కంపెనీ ఎన్‌ఎస్‌వో గ్రూప్‌ (పెగాసస్‌ను అమ్మేది ఇదే) ఆరోపణల్ని ఖండించింది. నిఘా కార్యకలాపాల కోసమే ఈ స్పైవేర్‌ను ఎన్‌ఎస్‌వో ప్రభుత్వాలకు అమ్ముతుంటుంది. అలాంటిది హ్యాకింగ్‌కు గురయ్యే అవకాశమే ఉండదని స్పష్టం చేసింది. అయితే లీక్‌ డేటా బేస్‌లో నెంబర్లు కనిపించినంత మాత్రనా హ్యాక్‌ అయినట్లు కాదని గుర్తించాలని తెలిపింది. ప్రభుత్వాలకు మాత్రమే యాక్సెస్‌ ఉండే Pegasus డేటా హ్యాకింగ్‌కు గురయ్యే అవకాశమే లేదని, తప్పుడు కథనాలు ప్రచురించిన వార్తా సంస్థలపై పరువు నష్టం దావా వేస్తామని ప్రకటించింది.   గతంలో కూడా.. పారిస్‌కు చెందిన ఓ మీడియా హౌజ్‌ ఇన్వెస్టిగేషన్‌ జర్నలిజం ద్వారా ఈ నిఘా కుంభకోణం వెలుగు చూసినట్లు సమాచారం. ఎన్‌ఎస్‌వో గ్రూప్‌ రూపొందించిన పెగాసస్‌.. సైబర్‌వెపన్‌గా భావిస్తుంటారు. కానీ, ఐఫోన్‌ యూజర్లనే ఇది టార్గెట్‌ చేస్తుందని, హ్యాకింగ్‌కు పాల్పడుతుంటుందనే ఆరోపణలు ఉన్నాయి. కానీ, ఇది ఆండ్రాయిడ్‌ ఫోన్లను సైతం టార్గెట్‌ చేస్తుందని తర్వాత తేలింది. పెగాసస్‌ స్పైవేర్‌కు సంబంధించి ఎన్‌ఎస్‌వో గ్రూప్‌ మీద ఫేస్‌బుక్‌ 2019లో ఓ దావా కూడా వేసింది. అంతేకాదు వాట్సాప్‌ యూజర్లను అప్రమత్తం చేసింది కూడా. ప్రస్తుతం పెగాసస్‌ కథనాలు పలు ఇంటర్నేషనల్‌ మీడియా హౌజ్‌లలో కూడా ప్రచురితం అవుతున్నాయి.

కుదరదంటే కుదరదని తేల్చి చెప్పేశారు హీరోయిన్‌ శ్రుతీహాసన్‌. ఇంతకీ శ్రుతి ఏదైనా సినిమా ఆఫర్‌ని కుదరదంటే కుదరదన్నారా? అంటే.. కాదు... కాదు. ఇద్దరు అభిమానులు అడిగిన ప్రశ్నలకు ‘కుదరదు’ అని సమాధానం చెప్పారు శ్రుతి. ఇటీవల సోషల్‌ మీడియా లైవ్‌ సెషన్‌లో అభిమానులు అడిగిన ప్రశ్నలకు సమాధానాలు చెప్పారు శ్రుతీహాసన్‌. ఒక అభిమాని ‘శ్రుతీ.. మీరు నన్ను పెళ్లి చేసుకుంటారా?’ అని అడిగితే ‘కుదరదు’ అని చెప్పారు. అలాగే మరో అభిమాని ‘మీ మొబైల్‌ నంబరు ఇస్తారా’ అని అడగ్గా ఈ ప్రశ్నకు కూడా శ్రుతి ‘ఆహా.. నా నంబరు కావాలా! కుదరదు’ అని సరదాగా చెప్పారు. ఇంకా నెటిజన్ల ప్రశ్నలకు సమాధానాలు చెబుతూ– ‘‘క్రాక్‌’ సినిమాలో నేను చేసిన యాక్షన్‌ సీన్స్‌కు మంచి స్పందన లభించినందుకు సంతోషంగా ఉంది. ‘సలార్‌’ సినిమాలో నాకు అంతగా యాక్షన్‌ సీన్స్‌ లేవు. కానీ మంచి పాత్ర చేస్తున్నాను. ఈ సినిమాలో ప్రభాస్‌తో యాక్ట్‌ చేస్తున్నందుకు ఆనందంగా ఉంది. అలాగే హిందీలో ఓ వెబ్‌ సిరీస్‌ చేస్తున్నాను’’ అని పేర్కొన్నారు శ్రుతీహాసన్‌.

యాంకర్‌ శ్రీముఖి.. బుల్లితెర ప్రేక్షకులకు పరిచయం అక్కర్లేని పేరు. తన ముద్దు ముద్దు మాటలతో పాటు ఆకర్షించే అందం, అల్లరితో ప్రేక్షకులను ఎంతగానే అలరిస్తూ వస్తుంది. ప్రోగ్రామ్‌ ఏదైనా సరే స్టేజ్‌పై శ్రీముఖి ఉంటే.. ఆ జోషే వేరు. తనదైన పంచులు, కామెడీతో షోని రక్తికట్టిస్తుంది. బుల్లితెరపై ‘రాములమ్మ’గా పేరు సంపాదించుకున్న ఈ ముద్దుగుమ్మ.. సోషల్‌ మీడియాలో చాలా యాక్టీవ్‌గా ఉంటుంది. ఎప్పటికప్పుడు అభిమానులతో చిట్ చాట్ చేయడం,  హాట్ హాట్ ఫొటోషూట్స్ పోస్ట్ చేస్తూ నెటిజన్లకు ఫుల్‌ ఎంటర్‌టైన్‌మెంట్‌ అందిస్తుంది. ఇక ఈ బ్యూటీ లైవ్‌లోకి వచ్చిందంటే చాలు.. నెటిజన్లు తమ ధర్మ సందేహాలన్నింటిని బయటపెడతారు. శ్రీముఖి కూడా ఓపికగా, తనదైన శైలీలో నెటిజన్ల ప్రశ్నలకు సమాధానాలు ఇస్తుంటుంది. తాజాగా  లైవ్ చిట్ చాట్ చేసిన ‘రాములమ్మ’ఏకంగా ఫోన్ ఫోన్ నెంబర్ ఇచ్చేసి నెటిజన్లను షాక్‌కు గురిచేసింది.  ఫేస్ బుక్, ట్విటర్ లాంటి సామాజిక మాధ్యమాలు ఇండియాలో బ్యాన్ కాబోతున్నాయని వార్తలు రావడంతో వెంటనే లైవ్ లోకి వచ్చింది శ్రీముఖి. మీరు ఏం అడగాలనుకుంటున్నారో ఓపెన్‌గా అడిగేయండి అంటూ ఆఫర్ ఇవ్వడంతో నెటిజన్లు రెచ్చిపోయారు. సోషల్ మీడియా ప్లాట్‌ఫామ్స్ బ్యాన్ అయితే మీతో మాట్లాడటం ఎలా అక్కా? ఎస్సెమ్మెస్‌లొ మాట్లాడుకుందాం అక్క  టోల్ ఫ్రీ నెంబర్ చెప్పు అని ఓ నెటిజన్‌ అడిగాడు. దీంతో వెంటనే ఒక్కడు సినిమాలో ధర్మవరపు సుబ్రహ్మణ్యం చెప్పిన 9848032919 నెంబర్ ను శ్రీముఖి ఇచ్చింది.  వీటితో పాటు తన పెళ్లి, రిలేషన్‌షిప్‌పై అడిగిన ప్రశ్నలకు కూడా శ్రీముఖి ఫన్నీ సమాధానాలు ఇచ్చి నవ్వులు పూయించింది. 

ముంబై: మగవారిలో కొందరు మగానుభావులు ఉంటారు. వీరికి సమయం, సందర్భం ఇలాంటి ఏం పట్టవు. ఆడగాలి సోకితే చాలు.. చిత్తకార్తి కుక్కలా మారిపోతారు. అవతలి మనిషి పరిస్థితిని ఏ మాత్రం అర్థం చేసుకోకుండా వారిని వేధింపులకు గురి చేస్తారు. తాజాగా ఈ కోవకు చెందిన సంఘటన ఒకటి ముంబైలో చోటు చేసుకుంది. ఓ మహిళా కరోనా బారిన పడిన తన కుటుంబ సభ్యుల కోసం ప్లాస్మా, వెంటిలేటర్స్‌ కావాలి.. దాతలు ఎవరైనా సాయం చేయండని కోరుతూ.. సోషల్‌ మీడియాలో తన పర్సనల్‌ మొబైల్‌ నంబర్‌ షేర్‌ చేసింది.  ఇంకేముంది.. మహిళ సెల్‌ నంబర్‌ దొరికడంతో కొందరు మృగాళ్లు ఆమె పరిస్థితిని అర్థం చేసుకోకుండా.. లైంగిక వేధింపులకు గురి చేయడం ప్రారంభించారు. దాంతో సదరు మహిళ ‘‘సాయం కోసం నంబర్‌ షేర్‌ చేసాను.. ఇలాంటి సమయంలో కూడా ఆడవారిని ఏడిపించే ప్రబుద్ధులు.. మెడికల్‌ ఎమర్జెన్సీలో కూడా కేవలం జననేంద్రియాలతో ఆలోచించే దరిద్రులు ఉంటారని అస్సలు అనుకోలేదు.. ఎట్టి పరిస్థితుల్లో కూడా మహిళలు తమ నంబర్‌ను సోషల్‌ మీడియాలో షేర్‌ చేయకూడదు’’ అంటుంది బాధితురాలు. ఆ వివరాలు.. ముంబైకి చెందిన శస్వతి శివ అనే యువతి కుటుంబ సభ్యులు కోవిడ్‌ బారిన పడ్డారు. వారి చికిత్సలో భాగంగా ప్లాస్మా, వెంటిలేటర్స్‌ అవసరం అయ్యాయి. దాంతో తనకు తెలిసిన వారందరికి కాల్‌ చేసి సాయం చేయమని అడిగింది. కానీ లాభం లేకపోయింది. లేట్‌ చేసిన కొద్ది కోవిడ్‌ బారిన పడిన వారికి ప్రమాదం. దాంతో ఆమె తన పరిస్థితిని వివరిస్తూ.. ప్లాస్మా, వెంటిలేటర్స్‌ కోసం అర్థిస్తూ సోషల్‌ మీడియాలో మెసేజ్‌ చేసింది. దాతలు తనను సంప్రదించేందుకు వీలుగా ఆమె పర్సనల్‌ సెల్‌ నంబర్‌ని షేర్‌ చేసింది.  ఇక మొదలైంది టార్చర్‌. ఫోన్‌ మోగిన ప్రతి సారి ఆమె తనకు సాయం లభిస్తుందనే ఉద్దేశంతో ఆశగా కాల్‌ లిఫ్ట్‌ చేసేది. కానీ చాలా సార్లు ఆమెకు నిరాశే ఎదురయ్యింది. ఆమెకు కాల్‌ చేసిన వారు అందరూ మగవారు. వారిలో చాలా మంది ‘‘మీరు ఎక్కడ ఉంటున్నారు’’.. ‘‘మీరు సింగిలా’’.. ‘‘నేను మీకు సాయం చేస్తాను కానీ నాతో డేట్‌కి వస్తారా’’.. ‘‘మీ డీపీ చాలా బాగుంది’’ వంటి చెత్తంతా వాగేవారు. ఇక మరి కొందరు ప్రబుద్ధులు మరో అడుగు ముందుకు వేసి.. వీడియో కాల్‌ చేయడం.. మార్ఫడ్‌ ఫోటోలు పంపడం చేశారు. మరో షాకింగ్‌ న్యూస్‌ ఏంటంటే ఆమె ఫోటో కొన్ని అశ్లీల వెబ్‌సైట్‌లలో ప్రత్యక్షం అయ్యింది. ఏడుగురు వ్యక్తులు అయితే ఒకరి ఒకరి తర్వాత ఒకరు ఆమెకు వీడియో కాల్‌ చేస్తూనే ఉన్నారు. జరిగిన సంఘటనలు చూసి ఆమెకు చిరాకెత్తింది. సాయం చేయమని కోరుతూ నంబర్‌ షేర్‌ చేస్తే.. ఇతంటి భయానక అనుభవం ఎదురయ్యింది అంటూ వాపోయింది. దాంతో శస్వతి శివ ట్విట్టర్‌ ద్వారా తన బాధను వెల్లడించారు. తను ఎదర్కొన్న అనుభవాలను చెప్తూ.. ‘‘మెడికల్‌ ఎమర్జెన్సీ సమయంలో కూడా చాలా మంది మగవారు కేవలం తమ జననేంద్రియాలతో మాత్రమే ఆలోచిస్తారని.. పరిస్థితితో సంబంధం లేకుండా ఆడవారిని వేధిస్తారని ఈ ఘటనతో నాకు బాగా అర్థం అయ్యింది. ఎట్టి పరిస్థితుల్లో కూడా మీరు మీ వ్యక్తిగత నంబర్‌ను సోషల్‌ మీడియాలో షేర్‌ చేయకండి’’ అంటూ ట్వీట్‌ చేశారు.  I thought it wouldn't get worse, but since this morning, I've received (on whatsapp) 3 dick pics, and 7 men trying to video call me continuously. Even in a medical emergency, men think only with their genitals. Women: NEVER, EVER let your number out in public forums. https://t.co/CAJJKiQmR6 — Shasvathi Siva (@shasvathi) April 16, 2021 చదవండి: ‘మీ కాళ్లు మొక్కుతా.. నా భార్య చనిపోయేలా ఉంది’ 

చెన్నై : డోమినోస్‌ పిజ్జా డెలివరీ బాయ్‌పై తమిళ నటి గాయత్రి సాయి బుధవారం పోలీసులకు ఫిర్యాదు చేశారు. గాయత్రి ఇంటికి పిజ్జా తీసుకువచ్చిన డెలివరీ బాయ్‌ ఆ తర్వాత ఆమె ఫోన్‌ నెంబర్‌ను వాట్సాప్‌లోని పలు అడల్ట్‌ గ్రూప్స్‌లో షేర్‌ చేశాడు. దీంతో పలువురు ఆమెను వేధిస్తూ వాట్సాప్‌లో మెసేజ్‌లు పంపడం, పోన్స్‌ చేయడం ప్రారంభించారు. వేధింపులతో ఆగ్రహానికి లోనైనా గాయత్రి.. తేనాంపేటలోని మహిళ పోలీస్‌ స్టేషేన్‌లో పిజ్జా డెలివరీ బాయ్‌పై ఫిర్యాదు చేశారు. అలాగే ట్విటర్‌ వేదికగా తనకు ఎదురైన వేధింపులను వివరించారు. ‘ఫిబ్రవరి 9న చెన్నైలోని నా ఇంటికి డోమినోస్‌ డెలివరీ బాయ్‌ పిజ్జా తీసుకుని వచ్చాడు. పిజ్జా డెలివరీ చేసే సమయంలో అతడు మత్తులో ఉన్నాడు. అతడు నా ఫోన్‌ నంబర్‌ను పలు అడల్ట్‌ గ్రూప్స్‌లో షేర్‌ చేశాడు. ఇందుకు సంబంధించి అతని యాజమాన్యానికి ఫిర్యాదు చేసినప్పటికీ.. అది పెండింగ్‌లోనే ఉంది. అతను నా నెంబర్‌ షేర్‌ చేయడంతో.. విపరీతమైన ఫోన్‌ కాల్స్‌, వాట్సాప్‌ మెసేజ్‌లు వస్తున్నాయ’ని గాయత్రి తెలిపారు. అలాగే పిజ్జా డెలివరీ బాయ్‌ ఫొటోను కూడా షేర్‌ చేశారు. తనకు వస్తున్న వాట్సాప్‌ మెసేజ్‌లను స్ర్కీన్‌ షాట్‌లను ఆమె ట్విటర్‌లో ఉంచారు. అలాగే తనకు సాయం చేయాల్సిందిగా తమిళనాడు పోలీసులను కోరారు. ఆన్‌లైన్‌లో ఆన్‌లైన్‌ యాప్‌లు తమ నెంబర్‌లు ఇతరులకు షేర్‌ చేయకుండా ఉండేలా చర్యలు తీసుకోవాలన్నారు. తేనాంపేట పోలీస్‌ స్టేషన్‌లో ఫిర్యాదు చేసినట్టు చెప్పారు. మరోవైపు గాయత్ని ఫిర్యాదుపై పోలీసులు స్పందిస్తూ.. పిజ్జా డెలివరీ బాయ్‌ను అదుపులోకి తీసుకున్నామని, విచారణ కొనసాగుతుందని వెల్లడించారు. కాగా, ప్రముఖ దర్శకుడు మణిరత్నం తెరకెక్కించిన అంజలి చిత్రంతో గాయత్రి చైల్డ్‌ ఆర్టిస్ట్‌గా ఇండస్ట్రీకి పరిచమయ్యారు. ఆ తర్వాత పలు చిత్రాల్లో ఆమె నటించారు.  .@DrMRaviIPS1 commisioner called and said he is transferring the case to protection under women Sir. Hope other online apps do not share our numbers. Most of our orders these days are online. The complaint is lodged in Teynampet station sir https://t.co/0RiKZIo9es — Gayatri Sai (@gainsai) February 27, 2020 .@dominos_india this is how he spread it through Whatsapp @TNPOLICE_HQ please help pic.twitter.com/xePh7QsiGo — Gayatri Sai (@gainsai) February 26, 2020

సోషల్‌ మీడియాలో అసందర్భంగా కామెంట్‌ చేసిన ఓ వ్యక్తికి పుణె పోలీసులు గట్టి కౌంటర్‌ ఇచ్చారు. సాయం కోసం ప్రయత్నించిన మహిళ ఫోన్‌ నెంబర్‌ కావాలని అడగడంతో.. పోలీసులు అతనికి తమదైన శైలిలో జవాబిచ్చారు. వివరాల్లోకి వెళ్తే.. ఓ న్యాయ విధ్యార్థిని ధనోరి పోలీస్‌ స్టేషన్‌ నెంబర్‌ కావాలని ట్విటర్‌లో పూణె పోలీసులను కోరింది. దీనిపై స్పందించిన పూణె పోలీసు ట్విటర్‌ అధికార విభాగం.. ఆ మహిళకు ధనోరి పోలీస్‌ స్టేషన్‌ నెంబర్‌ను షేర్‌ చేశారు. అయితే ఇక్కడే ఓ నెటిజన్‌ పోలీసుల ట్వీట్‌కు స్పందిస్తూ.. ‘ప్లీజ్‌ నాకు ఆమె నెంబర్‌ ఇవ్వగలరా’ అని కామెంట్‌ చేశాడు. అతను అలా కామెంట్‌ చేయడంపై పూణె పోలీసులు ఘాటుగా స్పందించారు. అతన్ని హెచ్చరించడంతో పాటు వ్యంగ్యాస్త్రాలు సంధించారు. ‘సార్‌, ప్రస్తుతం మీ నెంబర్‌ తెలుసుకోవడానికి మేము ఎక్కువ ఆసక్తిగా ఉన్నాం. ఎందుకంటే.. మహిళల నెంబర్లపై మీకు ఎందుకంతా ఆసక్తి ఉందో తెలుసుకోవాలని అనుకుంటున్నాం. మీ గోప్యతకు మేము గౌరవం ఇస్తాం. అందుకే మీకు డైరక్ట్‌ మేసేజ్‌ చేస్తాం’ అని పేర్కొన్నారు. మహిళల పట్ల చులకన భావం ప్రదర్శించిన సదరు నెటిజన్‌కు పోలీసులు గట్టి కౌంటర్‌ ఇవ్వడంతో.. వారిపై సోషల్‌ మీడియాలో ప్రశంసల వర్షం కురుస్తోంది. ప్రస్తుతం ఈ ట్వీట్‌ వైరల్‌గా మారింది.  @PuneCityPolice Can I get the number of Dhanori police station please. Need urgently! — Nidhi Doshi (@nidhidoshi12) January 12, 2020 @PuneCityPolice can i get her number please ? — Chiklu (@abirchiklu) January 12, 2020 Sir, we are more interested in your number currently, to understand your interest in the lady’s number. You may DM. We respect privacy. https://t.co/LgaD1ZI2IT — PUNE POLICE (@PuneCityPolice) January 12, 2020

కావలికి చెందిన దేవి (పేరు మార్చాం)కి చెందిన ఫోన్‌ నంబరుకు నెల రోజులుగా వాట్సాప్‌లో ఓ నంబరు నుంచి అసభ్యకరమైన సందేశాలు వస్తున్నాయి. మెసేజ్‌లతో పాటు అశ్లీల వీడియోలు, ఫొటోలు పంపిస్తున్నాడు. ఆ మెసేజ్‌లు చూసి ఆమె కుటుంబ సభ్యులు ఆందోళన చెంది వాట్సాప్‌ మేసేజ్‌ల వేధింపులపై కావలి వన్‌టౌన్‌ పోలీసులకు ఫిర్యాదు చేశారు. పోలీసులు స్పందించకపోవడంతో మెసేజ్‌లు కొనసాగుతున్నాయి.   నెల్లూరు నగరంలోని భక్తవత్సలనగర్‌ ప్రాంతానికి చెందిన ఓ మహిళ ఫోన్‌ నంబర్‌కు వాట్సాప్‌లో అసభ్యకరమై సందేశాలు వచ్చాయి. దీంతో ఆమె తన కుటుంబ సభ్యుల దృష్టికి తీసుకెళ్లింది. అయితే ఆమె కుటుంబ సభ్యులు ఆమెనే అనుమానించి వేధించడం ప్రారంభించారు. నువ్వు వాడికి తెలియకపోతే నీ నంబరు ఎలా తెలుస్తుంది.. నీకెలా అంత ధైర్యంగా పంపిస్తాడంటూ తిరిగి ప్రశ్నిస్తున్నారు. సంతోషంగా సాగిపోతున్న ఆమె కుటుంబంలో కలతలు చోటు చేసుకోవడంతో ఆమె మానసికంగా నరకాన్ని చవిచూస్తోంది. ఎవరో చేసిన తప్పుకు ఆమె శిక్ష అనుభవిస్తోంది.    సాక్షి, నెల్లూరు: మహిళలకు ఇంటా.. బయటే కాదు.. ఇప్పుడు స్మార్ట్‌ ఫోన్లలోనూ భద్రత లేకుండా పోతోంది. సంతోషంగా సాగిపోతున్న కుటుంబాల్లో రాంగ్‌ కాల్‌ చిచ్చు రగులుతోంది. కాపురాలు కూలిపోయే పరిస్థితులు నెలకొంటున్నాయి. పోకిరీలు మహిళలను టార్గెట్‌ చేసి వారిని లొంగదీసుకునేందుకు ‘మిస్డ్‌ కాల్‌’ వలలు విసురుతున్నారు. మహిళల అభద్రతాభావాన్ని ఆసరాగా చేసుకుని కొందరు ఫేక్‌ ఐడీలతో సిమ్‌లు సేకరిస్తున్నారు. ఏదొక నంబర్లకు కాల్‌ చేస్తున్నారు. ఎవరిదో మిస్డ్‌ కాల్‌ వచ్చిందని తిరిగి చేస్తే.. అది మహిళ గొంతు అయితే రాంగ్‌ కాల్‌ వచ్చిందంటూ మాటలు కలుపుతున్నారు. ఆ నంబర్లకు వాట్సాప్‌ ఆప్షన్‌ ఉంటే.. దానికి అశ్లీల ఫొటోలు, వీడియోలు పంపిస్తున్నారు. వీరి మెసేజ్‌లకు ఎవరైనా తిరిగి రెస్పాండ్‌ అయితే.. ఆ మెసేజ్‌లను అడ్డం పెట్టుకునిబ్లాక్‌ మెయిల్‌ చేస్తున్నారు. ఫోన్‌ నంబర్ల ఆధారంగా వాట్సాప్, ఫేస్‌బుక్‌లోని కుటుంబ సభ్యులతో ఉన్న ఫొటోలు సేకరించి, వాటి ద్వారా అశ్లీల వీడియోలు, ఫొటోలుగా మార్ఫింగ్‌ చేసి వారికే పంపించి ఆర్థికంగా బ్లాక్‌ మెయిల్‌ చేస్తున్నారు. ఇలాంటి ఘటనలపై చాలా వరకు పోలీస్‌స్టేషన్లకు వెళ్లడం లేదు. వీలైనంత వరకు సిమ్‌ నంబర్లు మార్చేసుకోవడం, ఖాతాలను బ్లాక్‌ చేసుకోవడం చేస్తున్నారు.   కూలిపోతున్న కాపురాలు.. కుటుంబాల్లో కలతలు రాంగ్‌ కాల్‌ రోమియోలు చేష్టలకు కొన్ని కుటుంబాల్లో కలతలు చోటు చేసుకుంటుంటే.. మరి కొన్ని కాపురాలు కూలిపోతున్నాయి. ఇందుకు ఉదాహరణే.. నెల్లూరు భక్తవత్సలనగర్‌ ప్రాంతానికి చెందిన మహిళ ఉదంతం. ఇంకా వెలుగుచూడని ఘటనలు ఎన్నో ఉన్నాయి. అశ్లీల వీడియోలు, చిత్రాలతో మహిళలను మానసికంగా కుంగిపోయేలా చేస్తున్నారు. ఎవరికి చెప్పుకోలేని పరిస్థితిలోకి నెట్టేస్తున్నారు. కుటుంబ సభ్యుల దృష్టికి తీసుకెళ్తే ఎక్కడ అపార్థం చేసుకుంటే.. ఏ పరిస్థితులకు దారి తీస్తాయో అనే భయంతో కుమిలిపోతున్నారు. ఈ పోకిరీల వలలో పడి కొందరు మహిళలు మోసపోయి జీవితాలను ఛిద్రం చేసుకుంటున్నారు.  వేధించడానికి ఆయుధంగా.. తమను ఇబ్బంది పెట్టిన మహిళలను వేధించడానికి కూడా కొందరు ఆయుధంగా వాడుకుంటున్నారు. కావలి మహిళకు పంపుతున్న మెసేజ్‌లు చూస్తుంటే.. ఆమెను మానసికంగా ఇబ్బంది పెట్టడానికే అన్నట్లుగా కనిపిస్తోంది. ఇటీవల ఆమె భూవివాదం విషయంలో నెల్లూరుకు చెందిన ఓ టీడీపీ నేతతో పోరాటం చేస్తోంది. ఈ నేపథ్యంలోనే ఆమెకు ఇలాంటి మెసేజ్‌లు రావడంతో ఆ చోటా టీడీపీ నేతే తనను టార్గెట్‌ చేసి, వాట్సాప్‌లో అసభ్యకరమైన వీడియోలు, ఫొటోలు పంపిస్తున్నట్లు అనుమానిస్తూ ఆవేదన వ్యక్తం చేస్తోంది.  పోలీసులకు చెప్పినా..   మహిళల భద్రత విషయంలో ఇప్పటికే ఎన్నో చట్టాలు ఉన్నాయి. దేశంలోనే ఎక్కడ లేని విధంగా దిశ చట్టాన్ని తీసుకువచ్చింది. కానీ మహిళలపై ఇలాంటి వేధింపుల విషయంలో పోలీసులు ఏ మాత్రం కఠిన చర్యలు చేపట్టడం లేదన్న ఆరోపణలు వినిపిస్తున్నాయి. తాజాగా కావలికి చెందిన దేవి వాట్సాప్‌లో వేధింపుల విషయంలో గత డిసెంబర్‌ 10న ఫిర్యాదు చేసింది. కానీ స్థానిక పోలీసులు విచారణ కూడా చేపట్టకపోగా ఆ నంబర్‌ను బ్లాక్‌ చేసుకోమని ఉచిత సలహా ఇచ్చారు. పోలీసుల ప్రవర్తన వల్ల మహిళలు స్టేషన్‌కు వెళ్లి ఫిర్యాదు చేయలేకపోతున్నారు. ఏటా మహిళలపై వేధింపుల ఫిర్యాదులు తగ్గుతున్నాయని ఉన్నతాధికారులు చెబుతున్నా వాస్తవంగా పోలీసుల తీరుపై నమ్మకం లేక వెలుగులోకి తేలేకపోతున్నారు. 

ముంబై: ఎంకి పెళ్లి సుబ్బిచావుకు వచ్చినట్టు తయారైంది ముంబై వాసి ప్రశాంత్‌​ మిశ్రా పరిస్థితి. అధికారులు చేసిన పొరపాటు అతడికి పెద్ద చికాకు తెచ్చిపెట్టింది. లోక్‌సభ వెబ్‌సైట్‌లో పొరపాటున అతడి మొబైల్‌ నంబరు పెట్టడంతో నిరాంతరాయంగా ఫోన్‌ కాల్స్‌, మెసేజ్‌లు వస్తూనే ఉన్నాయి. అయితే ఇవన్నీ గురుదాస్‌పూర్‌ ఎంపీ, నటుడు సన్నీ డియోల్‌కు వెళ్లాల్సినవి. లోక్‌సభ వెబ్‌సైట్‌లో సన్నీ డియోల్‌ నంబరుకు బదులుగా ప్రశాంత్‌​ మిశ్రా ఫోన్‌ నంబరు పెట్టారు. దీంతో అతడి ఫోన్‌కు రకరకాల ఫిర్యాదులు, అభ్యర్థనలతో ఫోన్లు, వాట్సప్‌, టెక్ట్స్‌ మెసేజ్‌లు వస్తున్నాయి. సన్నీ డియోల్‌ నియోజకవర్గాన్ని పట్టించుకోకుండా ముంబైలో ఉంటున్నారని గురుదాస్‌పూర్‌ వాసుల నుంచి ఫిర్యాదు వెల్లువెత్తాయి. సన్నీడియోల్‌ను తమ ఎంపీగా ఎన్నుకుని తప్పు చేశామని చాలా మంది వాపోయారు. సన్నీడియోల్‌ను కలవాలని ఆయన అభిమానులు చాలా మంది తనకు ఫోన్లు చేస్తున్నారని ప్రశాంత్‌​ మిశ్రా వాపోయాడు. గతేడాదే ఈ ఫోన్‌ నంబరు తీసుకున్నానని, లోక్‌సభ వెబ్‌సైట్‌లో పొరపాటుగా తన నంబరు పెట్టడంతో వేలాదిగా ఫోన్లు వస్తున్నాయని తెలిపాడు. తన నంబరును లోక్‌సభ వెబ్‌సైట్‌ నుంచి తొలగించాలని కోరుకుంటున్నాడు. సన్నీ డియోల్‌ ఫోన్‌ నంబరును లోక్‌సభ వెబ్‌సైట్‌లో అప్‌డేట్‌ చేశారని ఆయన వ్యక్తిగత సహాయకుడు నిరంజన్‌ విద్యాసాగర్‌ తెలిపారు. పొరపాటుగా పెట్టిన ప్రశాంత్‌ నంబరును అధి​కారులు తొలగిచారని చెప్పారు. లోక్‌సభ ఎన్నికల్లో పంజాబ్‌లోని గురుదాస్‌పూర్‌ నుంచి బీజేపీ ఎంపీగా సన్నీ డియోల్‌ గెలిచిన సంగతి తెలిసిందే.

న్యూఢిల్లీ: సెలబ్రిటీ నంబర్‌ అంటూ మీ ఫోన్‌ నంబర్‌ను లీక్‌ చేస్తే పరిస్థితి ఎలా ఉంటుందో ఓ సారి ఊహించుకోండి. రోజంతా విపరీతంగా కాల్స్‌, మెసేజ్‌లతో బుర్ర బద్దలవుతుంది. ఢిల్లీకి చెందిన పునీత్‌ అగర్వల్‌కు ఇదే పరిస్థితి ఎదురయ్యింది. సన్నీ లియోన్‌ నంబర్‌ అంటూ పునీత్‌ నంబర్‌ను లీక్‌ చేశారు. ఇంకేముంది ఓ వారం రోజుల నుంచి ఒకటే ఫోన్లు, అసభ్య సందేశాలట. విసిగి పోయిన పునీత్‌.. ‘అర్జున్‌ పటియాలా’ సినిమా మీద పోలీసులకు ఫిర్యాదు చేశాడు. ఇతనికి కాల్స్‌ వస్తే.. సినిమా మీద ఫిర్యాదు చేయడం ఏంటని ఆశ్చర్యపోతున్నారు. ఇక్కడే ఉంది అసలు విషయం. సన్నీ లియోన్ నటించిన 'అర్జున్ పటియాలా' సినిమా ఇటీవల విడుదలైంది. ఈ సినిమాలో వచ్చే ఓ సన్నివేశంలో సన్నీ, పోలీస్ అధికారికి తన తన ఫోన్ నంబర్ ఇస్తుంది. దురదృష్టం కొద్ది ఆ నంబర్‌ కాస్త​ పునీత్‌ది కావడంతో ఇబ్బందులు మొదలయ్యాయి. ఆ నంబర్ నిజంగా సన్నీదే అని చాలామంది నోట్ చేసేసుకున్నారు. చేసుకోవడమే కాదు.. ఆ నంబర్‌కు ఫోన్ చేసి సన్నీ మేడమేనా మాట్లాడేది? అంటూ ఆరా తీశారు. కాదని బదులిస్తే.. అసభ్యకరంగా తిడుతూ ఫోన్ పెట్టేసేవారు. ఇలా దాదాపు రోజుకు 100-200 కాల్స్‌, అసభ్య సందేశాలు రావడంతో విసిగి పోయిన పునీత్‌ పోలీసులను ఆశ్రయించాడు. కానీ ఈ విషయంలో వారు కూడా ఏం చేయలేకపోవడంతో.. కోర్టుకు వెళ్లాలని భావిస్తున్నాడు. సాధరణంగా సినిమాల్లో ఇలాంటి సన్నివేశాల్లో వాడుకలో లేని ఫోన్‌ నంబర్లను ఇవ్వడం పరిపాటి. కానీ ఇందుకు విరుద్ధంగా చిత్రంలో పునీత్‌ నంబర్‌ను వాడారు. దాంతో అప్పటి నుంచి అతడికి కష్టాలు ప్రారంభమయ్యాయి.

కర్ణాటక, బనశంకరి : బ్యాంక్‌ అకౌంట్‌కు లింక్‌ అఇన మీ మొబైల్‌ నెంబరు మార్చాలని ఆలోచిస్తున్నారా అలాగైతే హుషార్‌ కావాల్సిందే. నిర్లక్ష్యం వహిస్తే మీ అకౌంట్‌లో ఉన్న నగదు దోచేయడం ఖాయం. ఓ వ్యక్తి కొనుగోలు చేసిన సిమ్‌కార్డుకు  బ్యాంక్‌ అకౌంట్‌కు లింక్‌ కాబడిన మొబైల్‌ నెంబరు తీసుకున్న మరో వ్యక్తి పేటీఎం వ్యాలెట్‌ వినియోగించి అతడి అకౌంట్‌ నుంచి నగదు దోచేసిన ఘటన వెలుగుచూసింది. ఇంటర్నెట్‌ బ్యాంకింగ్, వ్యాలెట్‌ మొబైల్‌ బ్యాంకింగ్‌ ఇతర బ్యాంకింగ్‌ సేవలకు మొబైల్‌ నెంబరు కచ్చితంగా ఉండాలి. సైబర్‌ క్రైం నేరాలను అడ్డుకట్టవేయడం, భద్రత కోసం భారతీయ రిజర్వుబ్యాంక్‌ కూడా ఇప్పటికే లింక్‌ ఆదేశాలు జారీ చేస్తూ ఆర్దినెన్స్‌ విడుదల చేసింది. ఈ సేవలను పొందినప్పుడు మొబైల్‌ కు వచ్చే ఓటీపీ చాలా ముఖ్యం. దీనిపై నిఘా వహించకపోతే బ్యాంక్‌ అకౌంట్‌లో నగదు మాయం కావడం తథ్యం.  కొడగు జిల్లా కుశాలనగరకు చెందిన వ్యక్తి అష్రఫ్‌ దుబాయిలో  ఉంటున్నాడు. ఇతను తన బ్యాంక్‌ అకౌంట్‌కు, పేటీఎం, వ్యాలెట్‌కు లింక్‌ చేసి మొబైల్‌ నెంబర్‌ను ఇటీవల తొలగించాడు. కానీ కొత్త మొబైల్‌ నెంబరును బ్యాంక్‌లో లింక్‌ చేయలేదు. దుబాయి నుంచి అష్రఫ్‌ కుశాలనగర బ్యాంక్‌ అకౌంట్‌కు నగదు జమచేసి తల్లిదండ్రులకు పంపించేవాడు. కానీ అష్రఫ్‌ తొలగించిన మొబైల్‌ నెంబరు సిమ్‌కార్డు కంపెనీ దావణగెరె భరత్‌ అనే వ్యక్తికి విక్రయించింది. భరత్‌ కొనుగోలు చేసిన కొత్త సిమ్‌కార్డుకు అష్రఫ్‌ బ్యాంకింగ్‌ మెసేజ్‌లు మొబైల్‌కు వస్తున్నాయి. మొదట పట్టించుకోని భరత్‌ అనంతరం మొబైల్‌కు పేటీఎం, వ్యాలెట్‌ యాక్టివేట్‌ చేసుకున్నాడు. తక్షణం అష్రఫ్‌ బ్యాంక్‌ అకౌంట్‌తో సహ సింక్‌ కాబడింది. అనంతరం భరత్‌ పేటీఎం వ్యాలెట్‌తో తన బ్యాంక్‌ అకౌంట్‌కు నాలుగురోజుల్లో రూ.79,994 వేలు నగదు జమ అయింది. దీంతో కంగారుపడిన అష్రఫ్‌ కొడగు జిల్లా సీఐఎన్‌ పోలీస్‌స్టేషన్‌లో ఫిర్యాదు చేయడంతో కేసు నమోదు చేసుకుని విచారణ చేపట్టిన పోలీసులు మొబైల్‌ నెంబర్‌ ఆధారంగా భరత్‌ను బుదవారం అరెస్ట్‌ చేశారు. 

సినిమా: హీరోయిన్ల వెతలు అంతా ఇంతా కాదు. రిజర్వుగా ఉంటే టెక్కు ఎక్కువ అంటారు. కాస్త ఫ్రీగా ఉంటే అలుసుగా తీసుకుని ఏకాంతాన్ని భంగం కలిగిస్తుంటారు. వీళ్లతో ఎలాగబ్బా ఏగేది అని తల పట్టుకుంటున్నారు కొందరు హీరోయిన్లు. ఎవరి సంగతి ఏమోగానీ, నటి అనుపమ పరమేశ్వన్‌ పరిస్థితి మాత్రం ఇదే. ఈ మలయాళీ బ్యూటీ దక్షిణ భారతీయ నటిగా గుర్తింపు తెచ్చుకుంటున్న విషయం తెలిసిందే. కోలీవుడ్‌లో ధనుష్‌కు జంటగా కొడి చిత్రంతో ఎంట్రీ ఇచ్చిన ఈ బ్యూటీ ఆ తరువాత టాలీవుడ్‌కు వెళ్లి అక్కడ మంచి పేరు తెచ్చుకుంది. అయితే అందాలారబోత విషయంలో కొన్ని పరిమితులను విధించుకున్న ఈ అమ్మడికి అవకాశాలు నత్తనడకగానే వస్తున్నాయి. ముఖ్యంగా కోలీవుడ్‌ అనుపమను అస్సలు పట్టించుకోవడం లేదు. దీంతో తెలుగు, తమిళం భాషల్లోనే దృష్టి సారిస్తోంది. ఇకపోతే ఈ కేరళా కుట్టి చిత్ర వర్గాలతో చాలా చనువుగా ఉంటుందట.ఈమె ఫోన్‌ నంబరు కూడా చాలా మందికి తెలుసట. అనుపమ చనువు ఇప్పుడు ఆమెకు పెద్ద తలనొప్పిగా మారిందట. నటినటులతో పాటు సాంకేతిక వర్గం కూడా తరచూ ఆమెకు ఫోన్‌ చేసి మాట్లాడే ప్రయత్నం చేస్తుండడంతో అనుపమ ప్రైవసీని కోల్పోతోందట. వారిపై విసుగు, కోపం కలుగుతున్నా, ఏం చెయ్యాలో తెలియని పరిస్థితి కావడంతో ఇక చేసేదేమీలేక తన సెల్‌ఫోన్‌ నంబరునే మార్చేసిందట. ఇది చాలా మందిని నిరుత్సాహపరుస్తున్నా, అనుపమకు మాత్రం అభిమాన గోల తప్పిందని సంతోషపడుతోందట.

పుణె: ఎల్గార్‌ పరిషత్‌ కేసు విచారణలో భాగంగా తమకు లభించిన లేఖల్లో కాంగ్రెస్‌ సీనియర్‌ నేత దిగ్విజయ్‌ సింగ్‌దిగా భావిస్తున్న ఫోన్‌ నంబర్‌ ఉందని పుణె పోలీసులు వెల్లడించారు. దాంతో చార్జిషీట్లో దానిని చేర్చామన్నారు. సెప్టెంబర్‌ 25, 2017న సురేంద్ర గాడ్లింగ్‌ అనే మానవహక్కుల కార్యకర్తకు మావోయిస్టు నేత నుంచి వచ్చిన ఒక లేఖలో దిగ్విజయ్‌ సింగ్‌దిగా భావిస్తున్న ఫోన్‌ నెంబర్‌ ఉందని తెలిపారు. ‘విద్యార్థుల సహకారంతో దేశవ్యాప్త నిరసనలను మనం మరింత తీవ్రతరం చేయాలి. సాధారణంగా పోలీసులు విద్యార్థులతో కఠినంగా వ్యవహరించలేరు. అది మనకు అనుకూలత. మన ఉద్యమాలకు సహకరించేందుకు కాంగ్రెస్‌ నేతలు కూడా ఆసక్తిగా ఉన్నారు. ఇందుకు సంబంధించి ఈ నెంబర్‌లో మన మిత్రుడిని సంప్రదించగలరు’ అని ఆ లేఖలో ఉందన్నారు. ఆ నెంబర్‌ దిగ్విజయ్‌ సింగ్‌దేనని పోలీసులు భావిస్తున్నారన్నారు. ఆ నంబర్‌ కాంగ్రెస్‌ పార్టీ వెబ్‌సైట్‌లోనూ ఉందని ఒక పోలీసు అధికారి చెప్పారు. దిగ్విజయ్‌ స్పందిస్తూ.. ధైర్యముంటే తనపై చర్యలు తీసుకోవాలని ప్రధాని మోదీ, హోంమంత్రి రాజ్‌నాథ్‌లకు సవాల్‌ విసిరారు.

యశవంతపుర :  ప్రముఖ రౌడీ, సైకిల్‌ రవితో ప్రముఖు సంబంధాలు ఒక్కొక్కటిగా బయటపడుతున్నాయి. బెంగళూరు సీసీబీ పోలీసుల విచారణలో మాజీ మంత్రి ఎంబీ పాటిల్‌కు సంబంధాలు ఉన్నట్లు వెలుగు చూసింది. గతంలో కాంగ్రెస్‌ పార్టీలో మంత్రిగా పనిచేసిన ఎంబీ పాటిల్‌కు సంబంధాలు ఉన్నట్లు సీసీబీ పోలీసుల విచారణలో బయటపడింది. ఎంబీ పాటిల్‌ మంత్రిగా ఉన్నప్పుడే రౌడీ రవినే మంత్రికి 24 సార్లు ఫోన్‌ చేసినట్లు పోలీసుల వద్ద ఆధారాలు లభించాయి. ఈ సందర్భంగా నిందితుడు ఉపయోగించిన 11 ఫోన్లతో పాటు 38 సిమ్‌ కార్డులు స్వాధీనం చేసుకున్నారు. ఒక సిమ్‌ నంబర్‌ ద్వారా మాత్రమే ఎంబీ పాటిల్‌కు ఫోన్‌ చేసినట్లు తెలిసింది. రవి ఉపయోగించిన సిమ్‌కార్డు మండ్యకు చెందిన కాంగ్రెస్‌ నాయకుడు సచ్చిదానంద పేరుతో ఉంది. అదే నంబర్‌ రవికి ఏలా వచ్చిందో పోలీసులకు అర్థం కావటంలేదు. 2009 నుండి తానే ఉపయోగిస్తున్నట్లు సచ్చిదానంద చెబుతున్నారు. సాంకేతిక పరిజ్ఞానంతో అదే నంబర్‌ను రవి ఉపయోగించి ఉండవచ్చని సీసీబీ పోలీసులు అనుమానిస్తున్నారు. ఎక్కడ తప్పు జరిగిందో విచారణ చేపట్టారు. ఇదే సమయంలో పోలీసులు లోతుగా విచారణ చేపట్టనుండటంతో అటు రాజకీయ నాయకుల్లో, ఇటు చిత్ర రంగ ప్రముఖల్లో భయం నెలకొంది. రవి ఎవరో నాకు తెలియదు : మాజీ మంత్రి ఎంబీ పాటిల్‌ రవి ఏవరో తనకు తెలిదని మాజీ మంత్రి, కాంగ్రెస్‌ నాయకుడు ఎంబీ పాటిల్‌ స్పష్టం చేశారు. పోలీసుల విచారణలో వెల్లడించిన నెంబర్‌ తనదేనని, తన వాట్సాప్‌ నెంబర్‌ కూడా అదేనన్నారు. అయితే రవి అనే వ్యక్తితో తనకు ఎప్పుడు పరిచయం లేదని, అతడిని ఒక్కసారి కూడా చూడలేదన్నారు.

ఈ మధ్య కాలంలో ప్రపంచమంతా ఆసక్తిగా ఎదురుచూసింది...ట్రంప్‌ - కిమ్‌ల భేటి గురించే. సింగపూర్‌ వేదికగా సంపూర్ణ అణ్వాయుధ నిరాయుధీకరణే లక్ష్యంగా అమెరికా అధ్యక్షుడు డొనాల్డ్‌ ట్రంప్‌, ఉత్తరకొరియా అధ్యక్షుడు కిమ్‌ జాంగ్‌ ఉన్‌ల మధ్య జరిగిన చరిత్రాత్మక భేటీ ఫలప్రదమైన సంగతి తెలిసిందే. సమావేశం ప్రారంభం నుంచి ఇరు దేశాల అధ్యక్షులు పాత వివాదాలను పక్కన పెట్టి నూతన చెలిమికి స్వాగతం పలికారు. ఈ సందర్భంగా అమెరికా అధ్యక్షుడు ట్రంప్‌ మరో అడుగు ముందుకు వేసి...ఏకంగా తన డైరెక్ట్‌ ఫోన్‌ నంబర్‌ను కిమ్‌కు ఇచ్చాడు. అంతేకాక ఏదైన సమస్య తలెత్తితే మొహమాట పడకుండా తనకు ఫోన్‌ చేయమని మరి చెప్పాడంట కిమ్‌కు. ప్రస్తుతం అంతర్జాతీయ మీడియాలో ఇదే హాట్‌ టాపిక్‌. ‘ఫాదర్స్‌ డే’ సందర్భంగా ఒక ప్రముఖ మీడియా సంస్థకు ఇచ్చిన ఇంటర్వ్యూలో ట్రంప్‌ ఈ విషయాన్ని స్వయంగా వెల్లడించారు. ‘నేను ఇప్పుడు అతనికి(కిమ్‌) ఫోన్‌ చేయగలను. అంతేకాక కిమ్‌కు ఏదైనా సమస్య వస్తే మొహమాట పడకుండా నాకు ఫోన్‌ చేయమని చెప్పాను. ఈ ఆదివారం నాకు ఫోన్‌ చేయమని కిమ్‌కు చెప్పానన్నా’డు. ఈ విషయం గురించి మీడియా...‘ఆదివారం మీరు ఎవరితో మాట్లడబోతున్నారు?’ అని అడగ్గా, అందుకు ట్రంప్‌ ‘ఉత్తర కొరియాలో ఉన్న నా దేశ ప్రజలు, అలానే ఉత్తర కొరియా ప్రజలతో మాట్లాడతానన్నా’డు.

న్యూఢిల్లీ : ఫోన్‌ నెంబర్‌ ఇవ్వాలని క్యాబ్‌ డ్రైవర్‌ బలవంతపెట్టడంతో కారులో నుంచి దూకేసిందో యువతి. ఈ సంఘటన ఢిల్లీలోని కంటోన్మెంట్ ఏరియా పరిధిలో ఆదివారం చోటుచేసుకుంది. పోలీసులు తెలిసిన వివరాల మేరకు.. ఢిల్లీలోని కపషెరకు చెందిన 19ఏళ్ల యువతి మండిహౌస్‌ నుంచి తన ఇంటికి వెళ్లడానికి క్యాబ్‌ ఎక్కింది. కొద్దిసేపటి తర్వాత క్యాబ్‌ డ్రైవర్‌ యువతి ఫోన్‌ నెంబర్‌ ఇవ్వాలని అడిగాడు. యువతి అందుకు స్పందించకున్నా అది పట్టించుకోని క్యాబ్‌ డ్రైవర్‌ ఫోన్‌ నెంబర్‌ ఇవ్వాల్సిందిగా బలవంతపెట్టాడు. తనతో స్నేహం చేయాలని ఆ యువతిని బతిమాలాడు. దీంతో కంగారు పడ్డ యువతి కారు దౌలా కౌనా బస్‌ స్టేషన్‌ వద్దకు రాగానే అందులోనుంచి కిందకు దూకేసింది. ప్రాణాపాయం తప్పి సురక్షితంగా బయటపడ్డ యువతి పోలీసులను ఆశ్రయించింది. సమాచారం తెలుసుకున్న పోలీసులు నిందితుడిని అదుపులోకి తీసుకుని విచారిస్తున్నారు.  

మోస్ట్‌ వాంటెడ్‌ అండర్‌ వరల్డ్‌ డాన్‌ దావూద్‌ ఇబ్రహీంతో తాను ఫోన్‌లో మాట్లాడినట్టు ఆయన తమ్ముడు ఇక్బాల్‌ కస్కర్‌ చెప్పాడు. అరెస్ట్‌కు ముందు దావూద్‌తో ఫోన్‌లో మాట్లాడినట్టు థానే కోర్టులో ఇక్బాల్‌ ఒప్పుకున్నాడు. వెంటనే ఇబ్రహీం ఎక్కడున్నాడని, అతని ఫోన్‌ నెంబర్‌ ఏంటని జడ్జి ప్రశ్నించగా.. మొబైల్ నెంబరు డిస్‌ప్లే కాలేదని, అతడెక్కడున్నదీ తాను తెలుసుకోలేకపోయానని న్యాయమూర్తికి తెలిపాడు. దోపిడీ కేసు విచారణలో భాగంగా కస్కర్‌ను థానె పోలీసులు చీఫ్‌ జ్యుడీషియల్‌ మేజిస్ట్రేట్ ఆర్‌వీ థమదేకర్ ఎదుట హాజరు పరిచారు. ఈ కేసు విచారణ క్రమంలో దావూద్‌తో మాట్లాడిన విషయాన్ని కస్కర్‌ ఒప్పుకున్నాడు. దావూద్‌ ఇబ్రహీం గతంలో లొంగిపోయేందుకు సిద్ధమయ్యాడని, అప్పుడు మధ్యవర్తిగా రామ్‌ జెఠ్మలానీ వ్యవహరించాలని కస్కర్‌ తరుఫు న్యాయవాది శ్యాం కేస్వాని చెప్పారు. కానీ కొన్ని షరతులు వర్తిస్తాయంటూ తన తరఫు న్యాయవాది ద్వారా ప్రభుత్వానికి తెలియజేశాడని, కేసు విచారణ సమయంలో అత్యంత కట్టుదిట్టమైన భద్రత ఉండే అర్థర్ రోడ్ జైలులో తనను ఉంచుతానంటేనే లొంగిపోతానని దావూద్ తెలియజేసినట్టు శ్యామ్ కేశ్వాని పేర్కొన్నారు. ఈ షరతులకు ప్రభుత్వం నిరాకరించిందని, దావూద్‌ను అరెస్ట్ చేయలేదని తెలిపారు. దీంతో దావూద్‌ ఇబ్రహీం లొంగిపోలేదని చెప్పారు.  దావూద్ సోదరుడు కస్కర్‌పై, ఆయన గ్యాంగ్‌ సభ్యులపై దోపిడీ కేసు నమోదైంది. శ్యాం సుందర్‌ అగర్వాల్‌ అనే వ్యక్తి బోరివల్లిలో ప్లాట్‌ కొనుగోలు చేశాడు. అయితే ఈ ప్లాట్‌ విషయంలో కస్కర్‌, అగర్వాల్‌ను బెదిరించాడు. ఆ ప్లాట్‌ను బలవంతంగా మరో వ్యక్తికి బదిలీ చేయించాడు. ప్రస్తుతం డయాబెటిస్‌ వల్ల కాలుకు కలిగిన గాయంతో కస్కర్‌కు మెడికల్‌ చికిత్స అవసరమని శ్యాం కేస్వాని చెప్పారు. ఇరు పక్షాల వాదనలు విన్న తర్వాత సివిల్‌ ఆసుపత్రిలో అతనికి పోలీసులు చికిత్స అందించాలని, మార్చి 9 వరకు కస్కర్‌ కస్టడీ కొనసాగుతుందని జడ్జి తెలిపారు. 

సాక్షి, ముంబై: భార్యను కిరాతకంగా హత్యచేసి.. ఆపై పోలీసుల కళ్లుగప్పి వారి నుంచి తప్పించుకున్న ఓ నిందితుడిని అతడి ఆధార్ కార్డ్ సాయంతో పోలీసులు అరెస్ట్ చేశారు. ఆధార్‌ను బ్యాంక్ అకౌంట్లు, సిమ్ కార్డులు ఇలా పలు రంగాల్లో అనుసంధాన ప్రక్రియ జరుగుతుండగా.. వ్యక్తిగత భద్రతకు భంగం వాటిల్లుతుందని కొందరు అనుమానాలు వ్యక్తం చేస్తున్నారు. అయితే పోలీసులు మాత్రం నేరగాళ్లను అదుపులోకి తీసుకునేందుకు ఓ మార్గమని చెబుతున్నారు. ముంబై పోలీసుల కథనం ప్రకారం.. ఉత్తరప్రదేశ్‌కి చెందిన సతీశ్ మహిపాల్ వాల్మీకి(37) నైగమ్‌లో నివాసం ఉంటున్నాడు. 2012లో తన భార్యను అతి దారుణంగా హత్యచేసి, మృతదేహాన్ని ముక్కలుగా చేసి పారేశాడు. కేసు నమోదు చేసిన భద్రకాళి స్టేషన్ పోలీసులు సతీశ్ వాల్మీకిని అదుపులోకి తీసుకుని విచారించగా భార్యను తానే హత్యచేసినట్లు అంగీకరించాడు. నిందితుడికి కోర్టు జీవితఖైదు విధించింది. సతీశ్ వాల్మీకిని అదే ఏడాది సెప్టెంబర్‌లో వైద్యపరీక్షల నిమిత్తం నాసిక్ సివిల్ హాస్పిటల్‌కు తీసుకెళ్తుండగా పోలీసుల వాహనం దిగి 60 అడుగుల ఎత్తు నుంచి గోదావరి నదిలో దూకి తప్పించుకున్నాడు. వాల్మీకి కేసును బోయివాడ స్టేషన్ పోలీసులు కూడా విచారణ చేపట్టారు. ఈ క్రమంలో నిందితుడి ఫొటోను సోషల్ మీడియాలో పోస్ట్ చేయడంతో పాటు పోలీస్ స్టేషన్లకు పంపించారు. నిందితుడి ఆధార్ కార్డ్ లభ్యమవడంతో ఫోన్ నెంబర్‌ను పోలీసులు గుర్తించారు. ఫోన్ నెంబర్‌ను ట్రేస్ చేసిన పోలీసులు సోమవారం యూపీలోని నిందితుడి స్వగ్రామం బరానాకు చేరుకున్నారు. వాల్మీకిని అదుపులోకి తీసుకుంటుండగా స్థానికులు పోలీసులపై దాడికి దిగారు. అతికష్టమ్మీద నిందితుడిని అదుపులోకి తీసుకున్న పోలీసులు బుధవారం ముంబైకి తీసుకొచ్చారు. సాయంత్రం నాసిక్ సెంట్రల్ రోడ్డు జైలుకు వాల్మీకిని తరలించారు. ఆధార్‌కు ఫోన్ నెంబర్ లింక్ చేయడంతో కేసు సులువుగా ఛేదించగలిగామని పోలీసులు వివరించారు.

సాక్షి, భీమిలి: సినిమాలో చెప్పిన ఫోన్‌ నెంబరు ఎంత పని చేసింది... అదే పనిగా సినిమా బాగుందంటూ ఫోన్లు వస్తుంటే ఆ వ్యక్తికి చిర్రెత్తుకొస్తోంది. ఎందుకంటారా.. ఆ సినిమాలో యాదృచ్ఛికంగా చెప్పిన ఫోన్‌ నెంబరు తన ఫోన్‌ నెంబరు ఒకటే కాబట్టి. ఈ విశేషమేంటో చదువుదాం. రాజా ది గ్రేట్‌ సినిమా ఇటీవలే విడుదలైంది. అందులో హీరో రవితేజ అంధుడిగా, ఆయనకు తల్లి పాత్రలో రాధిక నటించారు. గుడ్డి వాడి (హీరో) చేతిలో ఓడిపోవలసి వచ్చిందిరా అని విలన్లు ఒక డైలాగ్‌ చెబుతారు. ఆ మాటలను సహించలేని రాధిక మీకు ధైర్యముంటే నా కొడుకు(హీరో రవితేజ) వద్ద ఉండే 8074545422 నంబరుకు మీరున్న లొకేషన్‌ను వాట్సాప్‌లో పెట్టి చూడండి.. అప్పుడు తెలుస్తుంది అని అంటుంది. రవితేజాదిగా రాధిక చెప్పిన ఫోన్‌ నంబరు విశాఖ జిల్లా ఆనందపురానికి చెందిన లంకలపల్లి గోపి ఫోన్‌ నెంబరు ఒకటే. దీంతో సినిమా చూసిన చాలామంది ఆ నంబరుకు ఫోన్‌ చేసి రవితేజ గారండీ.. సినిమా ఎంతో బాగుంది.. మీ నటన అద్భుతం అంటూ పొగడ్తలతో ముంచెత్తుతున్నారు. దీంతో రెండు రోజులుగా విరామం లేకుండా ఫోన్‌ కాల్స్‌ వస్తుండడంతో విసుగెత్తిన గోపి చివరకు తన ఫోన్‌ను స్విచ్‌ ఆఫ్‌ చేసుకోవాల్సి వచ్చింది. రవితేజకు ఫోన్‌ ఇమ్మంటున్నారు.. తన నంబర్‌ ఎవరు ఇచ్చారో తెలియదని లంకలపల్లి గోపి చెప్పారు. సినిమా యూనిట్‌తో తనకు ఎటువంటి సంబంధం లేదని, తనకు తెల్సినవాళ్లు ఎవరూ ఈ సినిమాకు పనిచేయలేదని తెలిపారు. సినిమా చూసిన వాళ్లలో చాలా మంది ఫోన్లు చేస్తున్నారని వాపోయారు. వరుసపెట్టి ఫోన్లు వస్తుండటంతో తనకు చాలా ఇబ్బందిగా ఉందని, ఇప్పటివరకు 300 వరకు ఫోన్ కాల్స్ వచ్చాయని వివరించారు. అర్ధరాత్రి కూడా ఫోన్లు వస్తున్నాయని చెప్పారు. ఫోన్‌ చేసి సినిమా బాగుందని కొంతమంది, రవితేజతో మాట్లాడాలి ఫోన్‌ ఇవ్వమని కొందరు అడుగుతున్నారని గోపి వివరించారు.  


 - ఫోర్జరీ పత్రాలతో ఫ్యాన్సీ నంబర్‌ తస్కరణ
 - జూబ్లీహిల్స్‌ పోలీసులను ఆశ్రయించిన బాధితుడు
  
 హైదరాబాద్‌: నగలు, నగదు, బైక్‌లు, కార్లు, ఫోన్లు ఇప్పటివరకూ ఇలాంటి దొంగతనాలను ఎన్నోచూసే ఉంటారు. ఇకపై ఇలాంటి వాటినే కాదు మీ మొబైల్‌ ఫోన్‌ నంబర్‌ను సైతం జాగ్రత్తగా కాపాడుకోవాల్సిందే. ఎందుకంటే ఇప్పుడు ఓ ఫ్యాన్సీ మొబైల్‌ ఫోన్‌ నంబర్‌ తస్కరణకు గురైంది మరి. తన ఫోన్‌ నంబర్‌ చోరీకి గురైందంటూ శుక్రవారం ఓ వ్యక్తి జూబ్లీహిల్స్‌ పోలీస్‌స్టేషన్‌లో ఫిర్యాదు చేశాడు. బంజారాహిల్స్‌ రోడ్‌ నంబర్‌ 2లోని అన్నపూర్ణ స్టూడియో సమీపంలో నివసించే రాకేష్‌చంద్ర గౌరిశెట్టి(28) మూడేళ్ల క్రితం ప్రముఖ టెలికం సంస్థ వొడాఫోన్‌ నుంచి ఓ ఫ్యాన్సీ నంబర్‌ తీసుకున్నాడు.
 
 గతనెల 17న థాయ్‌లాండ్‌కు వెళ్లిన రాకేష్‌ తన ఫోన్‌ను స్విచ్చాఫ్‌ చేశాడు. అనంతరం 21వ తేదీన నగరానికి వచ్చిన అతను ఫోన్‌ను ఆన్‌ చేసి చూడగా నో సర్వీస్‌ అని వచ్చింది. దీంతో వొడాఫోన్‌ స్టోర్‌కి వెళ్లాడు. డాక్యుమెంట్లు ఇస్తే కొత్త నంబర్‌ ఇస్తామని వారు చెప్పడంతో పత్రాలన్నీ ఇచ్చి 3 రోజుల తర్వాత వెళ్లి నంబర్‌ తీసుకున్నాడు. అయితే ఆ నంబరూ నో సర్వీస్‌ అనే వచ్చింది. దీంతో వొడాఫోన్‌ నోడల్‌ ఆఫీస్‌కు వెళ్లి ఫిర్యాదు చేయగా.. ఒడిశాలోని వొడాఫోన్‌ స్టోర్‌లో నంబర్‌ను రీప్లేస్‌మెం ట్‌ చేసుకోవాలని చెప్పారు. అతని పత్రాలను గుర్తుతెలియని వ్యక్తులు ఫోర్జరీ చేసి నంబర్‌ దొంగిలించారని, అందువల్ల అక్కడికే వెళ్లి రీప్లేస్‌ చేసుకోవాలని సూచించారు. దీంతో తన పత్రాలను గుర్తుతెలియని వ్యక్తులు ఫోర్జరీ చేసి తన ప్రమేయం లేకుండానే తన ఫ్యాన్సీ నంబర్‌ను తస్కరించారని రాకేష్‌ పోలీసులకు ఫిర్యాదు చేశాడు.పోలీసులు ఐపీసీ సెక్షన్లు 420, 468, 471 కింద కేసు నమోదు చేసి దర్యాప్తు చేస్తున్నారు.  


 హైదరాబాద్, బిజినెస్‌ బ్యూరో: టెలికం రంగ సంస్థ వొడాఫోన్‌ తెలంగాణ, ఆంధ్రప్రదేశ్‌ వినియోగదార్ల కోసం ప్రైవేట్‌ రీచార్జ్‌ పేరుతో వినూత్న సేవలను అందుబాటులోకి తెచ్చింది. దుకాణదారుకు కస్టమర్లు తమ ఫోన్‌ నంబరు చెప్పకుండానే రీచార్జ్‌ చేసుకునే వీలుండడం ఈ సర్వీసుల ప్రత్యేకత. వినియోగదార్లు 12604 నంబరుకు  pటజీఠ్చ్టి్ఛ అని ఎస్‌ఎంఎస్‌ పంపాలి.
 
 వెంటనే కస్టమర్‌ మొబైల్‌కు వన్‌ టైమ్‌ పాస్‌వర్డ్‌ (ఓటీపీ) వస్తుంది. రీచార్జ్‌ సమయంలో రిటైలర్‌కు మొబైల్‌ నంబరుకు బదులు ఈ పాస్‌వర్డ్‌ ఇస్తే చాలు. రోజంతా ఓటీపీ చెల్లుబాటు అవుతుంది. ఈ సేవలు ఉచితం. కస్టమర్ల ప్రైవసీ కోసమే ప్రైవేట్‌ రీచార్జ్‌ను ప్రవేశపెట్టామని వొడాఫోన్‌ తెలంగాణ, ఆంధ్రప్రదేశ్‌ సర్కిల్‌ బిజినెస్‌ హెడ్‌ రోహిత్‌ టాండన్‌ తెలిపారు.


 గ్లోబల్‌ మెసెజింగ్‌ సర్వీస్‌ వాట్సప్‌ తాజాగా ఓ షాకింగ్‌న్యూస్‌ వెల్లడించింది. తన యూజర్ల ఫోన్‌నంబర్లన్నింటినీ తన మాతృసంస్థ ఫేస్‌బుక్‌కు అందజేయనున్నట్టు తెలిపింది. ఈ ప్రక్రియ త్వరలోనే ప్రారంభమవుతుందని చెప్పింది. దీనివల్ల వాట్సప్‌ యూజర్లకు ఫేస్‌బుక్‌లో భారీగా లక్షిత వాణిజ్య ప్రకటనలు వెల్లువెత్తే అవకాశముంది. వాట్సప్‌లో మాత్రం గతంలో మాదిరిగా ఎలాంటి యాడ్స్‌ రావు.
 
 వాట్సప్‌ తాజా చర్య వ్యూహాత్మకమైనదిగా నిపుణులు భావిస్తున్నారు. ప్రపంచవ్యాప్తంగా 100 కోట్లకుపైగా యూజర్లు కలిగిన వాట్సప్‌ ఇప్పటివరకు వారి సమాచార భద్రతకు పూర్తి భరోసా ఇస్తూ వచ్చింది. తాజాగా కూడా తమ సమాచారం ఫేస్‌బుక్‌కు అందజేయకుండా ఉండేందుకు యూజర్లకు పరిమిత సమయాన్ని ఇచ్చింది. తమ ఫోన్‌ నంబర్లు ఫేస్‌బుక్‌కు తెలుపకుండా ఉండేందుకు సెట్టింగ్స్‌లో ఓ బాక్స్‌ను అన్‌టిక్‌ చేసుకొనే సదుపాయాన్ని యూజర్లకు కల్పించింది. కానీ, ఈ అన్‌చెకింగ్‌ బాక్స్‌ గురించి యూజర్లకు పెద్దగా తెలియదు. అంతేకాదు, తాము ఫేస్‌బుక్‌ ఇచ్చిన ఫోన్‌నంబర్లను ఆన్‌లైన్‌లో పోస్టుచేయడంగానీ, ఇతరులకు ఇవ్వడంగానీ జరగదని వాట్సప్‌ అంటోంది. కానీ, ఈ వ్యవహారంపై నిపుణులు ఆందోళన వ్యక్తం చేస్తున్నారు.
 
 రెండేళ్ల కిందట రూ. 21.8 బిలియన్‌ డాలర్ల భారీమొత్తానికి వాట్సప్‌ను సోషల్‌ మీడియా దిగ్గజం ఫేస్‌బుక్‌ కొనుగోలు చేసింది. అప్పటినుంచి వాట్సప్‌ ద్వారా డబ్బు సంపాదించడానికి పెద్ద ఎత్తున ఫేస్‌బుక్‌ ప్రయత్నిస్తోంది.
 
 యూజర్ల ప్రైవసీని కాపాడుతామని, వాణిజ్య ప్రకటనలకు వాట్సప్‌ మెసెజింగ్‌ వేదికను దూరంగా ఉంచుతామని దాని సహస్థాపకులు గతంలో ప్రకటించారు. వారి హామీని నిలబెట్టుకుంటానని, వాట్సప్‌ వ్యవహారాల్లో జోక్యం చేసుకోబోమని దీనిని కొనుగోలు చేసేటప్పుడు ఫేస్‌బుక్‌ ప్రకటించింది. కానీ, తాజాగా వాట్సప్‌ ప్రైవసీ పాలసీలో, నియమనిబంధనల్లో మార్పులు తీసుకొచ్చారు. వాణిజ్య సంస్థలు తమ వాణిజ్య అవసరాలకు వాట్సప్‌ను వాడుకునేందుకు వీలు కల్పించేలా, వాట్సప్‌ ద్వారా వ్యాపారసంస్థలు తమ వినియోగదారులకు కమ్యూనికేట్‌ చేసేలా అవకాశం కల్పిస్తామని సంకేతాలు ఇచ్చారు. అంటే ఇకముందు కంపెనీలు తమ వినియోగదారులకు కొనుగోలు రిసిప్ట్‌లు, రిజర్వేషన్‌ ధ్రువీకరణ పత్రాలు, అప్‌డేట్‌ను వాట్సప్‌ ద్వారా అందించే అవకాశమున్నట్టు తెలుస్తోంది.


 లండన్: ప్రముఖ సామాజిక వెబ్‌సైట్ ‘ఫేస్‌బుక్’ యూజర్స్ తమ ప్రొఫైల్‌లో ఫోన్ నెంబర్ ఫీడ్ చేసేటప్పుడు ఒకటికి రెండు సార్లు ఆలోచించాలి. యూజర్స్, పిక్చర్స్ అప్‌లోడ్ చేసేటప్పుడు ఫోన్ నెంబర్ కూడా యాడ్ చేయమంటూ ఫేస్‌బుక్ యాజమాన్యమే యూజర్స్‌ను ఇటీవల ప్రోత్సహిస్తోంది. అలా చేసినట్లయితే ఏ యూజర్ తన ప్రైవసీ సెట్టింగ్స్‌ను పెట్టుకున్నా అతని ఫోన్ నెంబర్ ద్వారా ఆ యూజర్ పేరును, పిక్చర్‌ను, లొకేషన్‌ను, ఇతరత్రా సమాచారాన్ని ఇట్టే దొంగలించవచ్చని, అతని ఫేస్‌బుక్ ఖాతాలోకి వెళ్లి కామెంట్స్ కూడా చేయవచ్చని బ్రిటన్‌కు చెందిన ఓ సాఫ్ట్‌వేర్ ఇంజనీర్ నిరూపించారు.
 
 ఫేస్‌బుక్ ఓపెనింగ్ టైపింగ్ బార్‌పై ఎవరి ఫోన్ నెంబర్‌ను టైప్ చేసినా వారికి సంబంధించిన ప్రొఫైల్, ఫొటో, లొకేషన్, ఇతరత్రా వివరాలు తెలుసుకోవచ్చని బ్రిటన్‌కు చెందిన సాల్ట్ డాట్ ఏజెన్సీ టెక్నికల్ డెరైక్టర్ రెజా మొయావుద్దీన్ తన బ్లాగ్‌లో తెలియజేశారు. తాను బ్రిటన్, అమెరికా, కెనడాకు చెందిన ప్రాబబుల్ నెంబర్లను ర్యాండమ్‌గా కొన్ని లక్షల్లో ఫేస్‌బుక్ యాప్ బిల్డింగ్ ప్రోగ్రామ్ (ఏపీఐ)కు పంపించానని, ఆ ఫోన్ నెంబర్లను ట్యాలీ అయిన ప్రతి యూజర్ ప్రొఫైల్, ఇతరత్రా వివరాలు తనకు అందాయని ఆయన తెలిపారు.
 
 తానీ విషయాన్ని స్వయంగా ‘ఫేస్‌బుక్’ యాజమాన్యం దృష్టికి తీసుకెళ్లానని, అయితే వారిచ్చిన సమాధానం సంతృప్తిగా లేదని ఆయన పేర్కొన్నారు. ప్రొఫైల్స్ వెల్లడైనా, వారి పర్సనల్ సెట్టింగ్స్‌లోకి అంత సులభంగా వెళ్లలేమని ఫేస్‌బుక్ అధికార ప్రతినిధి తెలిపారట. అయినా ఎవరి పట్ల అసభ్యకరంగా వ్యాఖ్యలు చేయకుండా, యూజర్ ఖాతాను దుర్వినియోగం చేయకుండా తమ ఏపీఐ టీమ్ ఎల్లప్పుడూ ఓ కంట నిఘా వేసి ఉంటుందని చెప్పారట. పూర్తి వ్యక్తిగత వ్యాఖ్యలు షేర్ చేసుకోవాలనుకునే వారు ఫోన్ నెంబర్ ఇవ్వక పోవడమే మంచిదని కూడా ఆయన సలహా ఇచ్చారట.
  
 సైబర్ క్రిమినల్స్ పెరిగి పోయిన నేటి సాంకేతిక యుగంలో ఫోన్ నెంబర్ ద్వారా ఇతరుల వ్యక్తిగత వివరాలు తెలుసుకునే వీలుండడం ప్రమాదకరమని మొయావుద్దీన్ హెచ్చరిస్తున్నారు. ఆపిల్ కంపెనీలాగా ఉత్పత్తుల నిర్మాణంపై కాకుండా ఒకరి నుంచి ఒకరు సమాచారం ఇచ్చి పుచ్చుకోవడమే ప్రధాన లక్ష్యంగా ఏర్పడినందున ఫేస్‌బుక్‌లో ప్రైవసి తక్కువని న్యూయార్క్ యూనివర్సిటీలో కంప్యూటర్ సైన్స్ అండ్ ఇంజనీరింగ్‌లో పనిచేస్తున్న ప్రొఫెసర్. సైబర్ సెక్యూరిటీ నిపుణుడు జస్టిన్ కప్పోస్ తెలిపారు. 26లక్షల కోట్ల రూపాయల వ్యాపారాన్ని నిర్వహిస్తున్న ఫేస్‌బుక్‌కు ప్రపంచవ్యాప్తంగా 150 కోట్ల మంది యూజర్లు ఉన్నారు.


 తిరువనంతపురం: కేరళలోని తిరువనంతపురంలో డ్రైవింగ్ స్కూల్ ఇన్స్ట్రక్టర్గా పనిచేస్తున్న 34 ఏళ్ల మహిళకు ఒక విచిత్రమైన పరిస్థితి ఎదురైంది. మలయాళంలో ఇటీవల విడుదలైన సినిమా ఆమె జీవితంలో తీవ్ర అలజడిని రేపింది. చివరికి సమస్య పరిష్కారం కోసం ఆమె కోర్టుమెట్లు ఎక్కాల్సి వచ్చింది.
 
 విషయం ఏమిటంటే. ఈ మధ్యనే విడుదలైన 'చంద్రేట్టన్ ఇవిదేవా' అనే మలళయాళ సినిమాలోని ఒక సీన్లో ఒక ఫోన్ నెంబర్ డిస్ ప్లే అవుతుంది. అది సినిమాలోని ఒక మహిళా పాత్రధారి నంబర్.  నిజానికి ఆ ఫోన్ నెంబరు డ్రైవింగ్ స్కూల్ ఇన్స్ట్రక్టర్గా పనిచేస్తున్న మహిళది. పూర్తిగా పరిశీలించకుండా.. నిర్లక్ష్యంగా ఆ నెంబరును సినిమాలో ప్రదర్శించడం వివాదానికి దారి తీసింది.
 
 ఆ సినిమా విడుదలైనప్పటి నుంచి ఆమె ఫోన్ నిరంతరాయంగా మోగుతూనే ఉంది. అర్థరాత్రి ఎవ్వడు పడితే వాడు ఫోన్ చేసి నోటికొచ్చిన బూతులు మాట్లాడటం మొదలుపెట్టారు. మరోవైపు అర్థరాత్రి  ఫోన్లేంటని భర్త విసుగు. దీంతో చిరాకొచ్చిన ఆ మహిళ  సదరు సినిమాకు సంబంధించిన వ్యక్తిని సంప్రదించింది. ఫోన్ నెంబర్ ఏం పాపం చేసిందండీ.. అంటూ ఆ వ్యక్తి కొట్టిపారేశాడు. దాంతో ఆ మహిళకు  చిర్రెత్తుకొచ్చింది. లాభం లేదనుకుని స్థానిక పోలీస్ స్టేషన్లో ఫిర్యాదుచేసింది. వారి సలహాపై న్యాయం కోసం కోర్టును ఆశ్రయించింది. ఇన్ని రోజులు తాను అనుభవించిన మానసిక క్షోభకు,  ఎదుర్కొన్న అవమానాలకు రూ. 50 లక్షల నష్టపరిహారం చెల్లించాలంటూ కోర్టుకెక్కింది. అంతేకాదు ఆ సినిమాను సమీక్షించాలని కోరుతోంది.  
 
 ఆమె ఫిర్యాదుపై స్పందించిన కోర్టు, విచారణకు ఒక కమిషన్ ఏర్పాటు చేసి వారం రోజుల్లోగా నివేదిక ఇవ్వాలని కోరింది. గతంలో ఇలాగే గజిని సినిమాలో హీరో ఒంటిపై ఉన్నఫోన్ నెంబర్లు, శివమణి సినిమాలో హీరో చెప్పిన ఫోన్ నెంబర్లు కూడా వివాదానికి దారితీశాయి. ఇక ముందు ఇలాంటి సీన్లను తీసేటపుడు దర్శక నిర్మాతలు  జాగ్రత్తగా ఉండాల్సిందే.


 ఎంఎన్‌పీ చట్టానికి సవరణ
 న్యూఢిల్లీ: దేశవ్యాప్తంగా మొబైల్ నంబర్ పోర్టబిలిటీ(ఎంఎన్‌పీ) వచ్చే నెల 3 నుంచి అమల్లోకి వస్తోంది. ఈ మేరకు టెలికం నియంత్రణ సంస్థ(ట్రాయ్) 2009 నాటి ఎంఎన్‌పీ నిబంధనలను సవరించింది. ఈ చట్టానికి చేసిన ఆరో సవరణ ప్రకారం దేశవ్యాప్తంగా వచ్చే నెల 3 నుంచి ఎంఎన్‌పీ అందుబాటులోకి వస్తుందని ట్రాయ్ పేర్కొంది. వినియోగదారుడు తన ఫోన్ నంబర్‌ను మార్చుకోకుండానే టెలికం సర్వీసులందజేసే ఆపరేటర్‌ను మార్చుకోవడానిన ఎంఎన్‌పీగా వ్యవహరిస్తారు. ఇప్పటివరకూ ఈ ఎంఎన్‌పీ ఒక టెలికం సర్కిల్(సాధారణంగా ఒక రాష్ట్రానికి)కు మాత్రమే పరిమితమై ఉంది.
 
 ఇక వచ్చే నెల 3 నుంచి ఇది దేశవ్యాప్తంగా వర్తిస్తుంది. అంటే హైదరాబాద్‌లో ఉన్న వినియోగదారుడు ఢిల్లీకి మారితే, అక్కడ ఆ యూజర్ ఎంఎన్‌పీని పొందొచ్చు. కాగా ఎంఎన్‌పీ నిబంధనలు ఉల్లంఘించినందుకు మొబైల్ సర్వీసులందజేసే కంపెనీలపై రూ.9.4 కోట్ల జరిమానాలు విధించామని టెలికం మంత్రి రవిశంకర్ పేర్కొన్నారు. లోక్‌సభకు లిఖితపూర్వకంగా ఇచ్చిన సమాధానంలో ఆయన ఈ విషయాలు వెల్లడించారు. నిర్దేశిత గడువులోగా వినియోగదారుడి ఎంఎన్‌పీని పూర్తి చేయలేని పక్షంలో రూ.5,000కు మించకుండా ట్రాయ్ జరిమానా విధించవచ్చన్నారు.  ఎంఎన్‌పీ విజ్నప్తిని అన్యాయంగా తిరస్కరిస్తే రూ.10,000కు మించకుండా జరిమానా విధించవచ్చని వివరించారు.


 సైబరాబాద్ పోలీసుల ప్రయోగం
 నేరాల అడ్డుకట్టకు యత్నం
 అందుబాటులోకి కొత్త నెంబర్
 పౌర పోలీసు సేవలను ప్రారంభించిన కమిషనర్
  
 సిటీబ్యూరో:  అధునాతన సాంకేతిక పరిజ్ఞానాన్ని వినియోగించుకుంటూ... ప్రజల భాగస్వామ్యంతో నేరాలను అదుపు చేసే దిశగా సైబరాబాద్ పోలీసులు మరో అడుగు ముందుకేశారు. ఇందులో భాగంగా వాట్సప్ సేవలను వినియోగించుకోనున్నారు. దీని కోసం సెల్‌ఫోన్ నెంబర్ 94906 17444ను అందుబాటులోకి తీసుకొచ్చారు. పోలీసు కమిషనర్ సీవీ ఆనంద్ తన కార్యాలయంలో శుక్రవారం దీన్ని ప్రారంభించారు. ఈ సందర్భంగా కమిషనర్ మాట్లాడుతూ  పోలీసు సేవలు ప్రజలకు మరింత చేరువయ్యేందుకు ఈ నెంబర్ ఉపకరిస్తుందని చెప్పారు. బాధితులు ఎప్పుడైనా వాట్సప్ ద్వారా తమకు ఫిర్యాదు చేయవచ్చని తెలిపారు. అసాంఘిక శక్తులు, అనుమానిత వ్యక్తులు, ట్రాఫిక్ సమస్యలపై పౌర పోలీసులు స్పందించి వాట్సప్ ద్వారా తెలియజేస్తే వెంటనే పోలీసులు స్పందించేందుకు వీలు కలుగుతుందన్నారు. గుర్తు తెలియని మృతదేహాలు లభ్యమైనప్పుడు, మిస్సింగ్ కేసులు, రోడ్డు ప్రమాదాలు చోటుచేసుకున్న సమయంలో వాట్సప్ ద్వారా ఫొటోలు షేర్ చేసుకుంటే కేసు దర్యాప్తు వేగవంతమవడంతో పాటు మిస్టరీలు వీడే అవకాశం   ఉంటుందన్నారు. బాధితులకు సకాలంలో న్యాయం చేసేందుకు వీలు కలుగుతుందన్నారు. ప్రజల సహకారం ఉంటే శాంతి భద్రతలు, ట్రాఫిక్ సమస్యలను పరిష్కరించగలమన్నారు.
 
 551 మందికి...
 
 సైబరాబాద్‌లోని ఎస్‌ఐ స్థాయి నుంచి కమిషనర్ వరకు సుమారు 551 మందికి వాట్సప్ సౌకర్యం కల్పించామని సీవీ ఆనంద్ వివరించారు. వీరందరి వద్ద ఇంటర్‌నెట్ సౌకర్యం కలిగిన స్మార్ట్‌ఫోన్‌లు ఉంటాయన్నారు. ఇదే నెంబర్‌తో వాట్సప్‌లో 10 గ్రూప్‌లను చేర్చామని తెలిపారు. లా అండ్ ఆర్డర్ గ్రూప్‌లో 69 మంది, క్రైమ్ గ్రూప్‌లో 99, ట్రాఫిక్ గ్రూప్‌లో 79, సీఏఆర్, సీఎస్‌డబ్ల్యూ గ్రూప్‌లో 50 మంది, మీడియా గ్రూప్‌లో 56 మంది, మాదాపూర్ జోన్ గ్రూప్‌లో 51 మంది, బాలనగర్ జోన్ గ్రూప్‌లో 36 మంది, ఎల్బీనగ ర్ జోన్ గ్రూప్‌లో 66 మంది, శంషాబాద్ జోన్ గ్రూప్‌లో 40, మల్కాజ్‌గిరి జోన్ గ్రూప్‌లో 36 మంది పోలీసులను చేర్చినట్టు చెప్పారు. ఈ గ్రూప్‌లన్నింటికి 94906 17444 అడ్మిన్ నెంబర్‌గా ఉంటుంది. సైబరాబాద్ పోలీసు కమిషనరేట్ పరిధిలోని ఏ సమస్యలనైనా వాట్సప్ ద్వారా తెలియజేయవచ్చని కమిషనర్ తెలిపారు.
 
 ఫిర్యాదును సంబంధిత పోలీసు గ్రూప్‌లకు పంపించి సమస్య పరిష్కారానికి చర్యలు తీసుకుంటామన్నారు. నేరాలు, మహిళలకు వేధింపులు, ఈవ్‌టీజింగ్, ట్రాఫిక్, శాంతి భద్రతలకు సంబంధించిన ఫిర్యాదులు, సలహాలు, సూచనలను మెసేజ్‌ల ద్వారా ఆడియో, వీడియో, క్లిప్పింగ్‌ల రూపంలో ప్రజలు పంపించవచ్చు. పోలీసుల అక్రమాలు, మంచి పనులు కూడా వాట్సప్‌కు పంపించవచ్చని కమిషనర్ పేర్కొన్నారు. ఈ కార్యక్రమంలో జాయింట్ పోలీసు కమిషనర్ టి.వి.శశిధర్‌రెడ్డి, అదనపు డీసీపీ ప్రతాప్‌రెడ్డి, ఏసీపీ రవీందర్ రెడ్డి, జి.పి.వాసుసేన, అడ్మిన్ ఇన్‌స్పెక్టర్ ఆనంద్‌రెడ్డి, సుధీర్ కుమార్ తదితరులు పాల్గొన్నారు.
  


 డైలీ సీరియల్ - క్రైమ్ కామెడీ సస్పెన్స్‌థ్రిల్లర్ - 26
 - మల్లాది వెంకటకృష్ణమూర్తి
 
 మగాళ్ళల్లా బాయ్ కట్ క్రాఫ్ హెయిర్ స్టైల్. జీన్స్ పేంట్. టి షర్ట్. పాలరాయిలా తెల్లటి చర్మం. చూపరులని ఇట్టే ఆకట్టుకునే అందం ఆమెది. బట్టల సబ్బు కోసం ఆ విభాగంలోకి వచ్చిన కపీష్ ఆమెని, ఆమె రెండు చేతులతో లాఘవంగా తోసే రెండు ట్రాలీలని చూశాడు. వాటి నిండుగా బ్రష్‌లు, చీపుళ్ళు, క్లీనింగ్ లోషన్లు, హేండ్ శానిటైజర్స్, డెటాల్ బాటిల్స్...
 ‘‘మే ఐ హెల్ప్ యు?’’ అడిగాడు.
 ‘‘ఓ! థాంక్స్’’ ఆమె కృతజ్ఞతగా చెప్పింది.
 ఓ ట్రాలీని తోస్తూ ఆమె పక్కనే నడుస్తూ అడిగాడు.
 ‘‘మీరు హాస్టల్‌లో ఉంటారా?’’
 ‘‘ఊహూ. దేనికలా అనుకున్నారు?’’
 ‘‘ఈ సామాను చూసి’’
 ‘‘సిల్లీ. ఇవన్నీ మా ఇంటికే.’’
 ఆమెది చాలా పెద్ద ఇల్ల్లై ఉంటుందని, అంటే ధనవంతురాలు అయి ఉంటుందని కూడా కపీష్ భావించాడు.
 ‘‘మీరు నార్త్ ఇండియనా?’’ అడిగాడు.
 ‘‘కాదు. తెలంగాణియన్‌ని. ఏం?’’
 ‘‘మీ చర్మం రంగు ఏపిలో కాని, తెలంగాణాలో కాని అరుదు. తమన్నాలా నార్త్ వాళ్ళు బాగా తెల్లగా ఉంటారు.’’
 ‘‘మా నాన్న యుపి. మా అమ్మ ఏపి. నేను తెలంగాణియన్‌ని.’’
 ఆ వస్తువులకి ఆమె చెకౌట్ కౌంటర్‌లో బిల్‌ని చెల్లించాక పార్కింగ్ లాట్ దాకా వెళ్ళి టాటా సఫారీలో వాటిని ఎక్కించాడు.
 ‘‘మీ ఫోన్ నంబర్?’’ నసిగాడు.
 ‘‘మీది చెప్పండి.’’
 ఆమె తన సెల్ తీసి అతను చెప్పే నంబర్ని నొక్కి కాల్ చేసింది. అతని సెల్‌ఫోన్ మోగాక చెప్పింది.
 ‘‘ఫీడ్ చేసుకోండి. నా పేరు స్వచ్ఛ.’’
 ‘‘స్వేచ్ఛా?’’
 ‘‘కాదు. స్వచ్ఛ.’’
 ‘‘మీ నాన్న గారి పేరు భారత్ కదా?’’
 ‘‘కాదు. భరత్.’’
 ‘‘నా పేరు కపీష్. సూపర్ బజార్ అని ఏడ్ చేసుకుంటే నేను గుర్తుండచ్చు’’ సూచించాడు.
 ‘‘ఆ అవసరం లేదు. ఏ హంసవర్ధనో, మృగాంకో అయితే గుర్తుండకపోవచ్చు. కపీష్ లాంటి పేరు ఎవరికీ ఉండదని పందెం. బై’’
 ఆమె వాహనం వెళ్ళిన రెండు నిమిషాలకి స్వచ్ఛకి కాల్ చేశాడు.
 ‘‘యస్ మిస్టర్ కపీష్. ఏదైనా కింద పడిందా? అప్పటికీ కింద చూసే ఎక్కానే?’’ స్వచ్ఛ మాటలు వినిపించాయి.
 ‘‘నాకు ఎందుకో దిగులుగా ఉంది’’ అతను చెప్పాడు.
 ‘‘దేనికి దిగులు?’’
 ‘‘దేనికి కాదు. ఎవరి మీద అని అడగండి... మీ మీద... మళ్ళీ ఎప్పుడు చూస్తానో అని! సాయంత్రం మీరు ఫ్రీనేనా?’’
 ‘‘ఏ టైంకి?’’
 ‘‘ేన  బిట్విన్ సిక్స్ అండ్ సెవెన్.’’
 ‘‘ఐ యామ్ నాట్ ష్యూర్... యస్ ఫ్రీ’’ మొహమాటపడి చెప్పింది.
 ‘‘గుడ్. జివికె మాల్‌లోని ఫుడ్ కోర్టులో కలుద్దామా?’’
 ‘‘వైనాట్?’’
 ‘‘థాంక్స్. డన్.’’
    
 ‘‘మీకు ఏం ఇష్టం?’’ అడిగాడు.
 ‘‘మీకు?’’ స్వచ్ఛ అడిగింది.
 ‘‘మోమోస్ ఓకే?’’
 ‘‘ఫైన్. నాన్ ఫేనింగ్, టేస్టీ’’
  
 కపీష్ లేచి వెళ్ళి ఓరియెంటల్ వెజ్ మోమోలు రెండు ప్లేట్‌లని కొన్నాడు. ఇటీవల మోమోలు ఫుడ్ కోర్టుల్లో ప్రాచుర్యం పొంది యువతని ఆకర్షిస్తున్నాయి. మైదా పిండిని చపాతీలా వత్తి అందులో కేరట్, కేబేజ్, కేప్సికం, ఉల్లిపాయ, బ్రకోలి తరుగుని, అల్లం వెల్లుల్లి, సోయాసాస్, వెనిగర్, ఉప్పు, మిరియాల పొడి మిశ్రమాన్ని ఉంచి అర్ధచంద్రాకారంలో మడిచి పది నిమిషాలు ఆవిరి మీద ఉడికించి, సోయా, చిలీ సాస్‌లతో సర్వ్ చేసే ఈ సింగపూర్, సౌత్ కొరియా స్నాక్ ఇప్పుడు ఇండియాలో ఇంకా స్ట్ట్రీట్ ఫుడ్‌గా (రోడ్ల మీద బళ్ళ మీదకి) రాలేదు. వెజిటబుల్స్ బదులు చికెన్, ప్రాన్స్, ఫిష్ మొదలైనవి కూడా పెట్టి మోమోలు తయారు చేస్తారు.
 
 వాటిని చూసి ఆమె హేండ్ బేగ్‌లోంచి హేండ్ శానిటైజర్ తీసి అతని చేతులని చాపమని అతని అరచేతుల మీద, తన అరచేతుల మీద పోసి చెప్పింది.
  ‘‘క్లీన్‌లీనెస్ ఈజ్ నెక్ట్ ్సటు గాడ్లీనెస్’’
  ‘‘అఫ్‌కోర్స్. అఫ్‌కోర్స్.’’
  ఆమెతో అరగంట పైనే కబుర్లు చెప్పాడు. ఆమె తండ్రి ఎయిర్‌ఫోర్స్‌లో పెలైట్. తల్లి ఫిజియోథెరపిస్ట్.
  ‘‘నేను సెంట్రల్ యూనివర్సిటీలో ఇంగ్లీష్ భాషలోని పదాల మీద డాక్టరేట్ చేస్తున్నాను.’’
  ‘‘ఓ! పదాల పుట్టుక మీద రీసెర్చా?’’
  ‘‘కాదు. నేను ప్రత్యామ్నాయ పదాల మీద రీసెర్చ్ చేస్తున్నాను. ఆ క్రమంలో ప్రస్తుతం ఇప్పుడు ఉన్న పదాల కన్నా ఇంకాస్త స్పష్టమైన పదాలని సృష్టించే ప్రాజెక్ట్ మీద పని చేస్తున్నాను.’’
  ‘‘అంటే?’’
 ‘‘అమెరికా ఇందులో అందె వేసిన చెయ్యి. ఇలా అక్కడ సృష్టించబడ్డ కొత్త పదాలు ఇంగ్లీష్ స్పీకింగ్ దేశాల్లో కూడా ప్రాచుర్యం పొందుతున్నాయి. ‘సెకండ్ హేండ్ కారు’ అనగానే అదేదో నాసిరకంది అన్న భావన కలుగుతుంది. కాబట్టి ఆ పరిశ్రమ వారు ‘యూజ్డ్ కార్స్’ అనే కొత్త పేరుని సృష్టించారు. ఇప్పుడు అదీ నాసిరకం అనిపించి ‘ప్రీ-ఓన్డ్ కార్స్’ అనే పదాన్ని సృష్టించారు. ఇలాగే నీగ్రోలని బ్లాక్స్ అనే వాళ్ళు. చర్మం రంగు వివక్షత సరి కాదని ఇప్పుడు ‘ఆఫ్రో-అమెరికన్స్’ అనే పదాన్ని సృష్టించారు. ఈ తరహాలో నేను సృష్టించిన కొన్ని పదాలని మా ప్రొఫెసర్ పేనల్ అప్రూవ్ చేసింది. పేరుని బట్టి ఆ వస్తువేదో స్ఫురించాలి.’’
 ‘‘గ్రేట్! కంగ్రాట్స్. మీరు సృష్టించిన పదాలు ఏమిటి?’’ కపీష్ ఆసక్తిగా అడిగాడు.
 
 (ఫింగర్ పాంట్స్ అంటే?)