టైటిల్‌: ఓ భామ అయ్యో రామనటీనటులు: సుహాస్, మాళవిక మనోజ్, అనిత హంసానందిని, ఆలీ, రవీందర్ విజయ్, బబ్లు పృథ్వీరాజ్, ప్రభాస్ శ్రీను, రఘు కరుమంచి తదితరులునిర్మాణ సంస్థ: వీ ఆర్ట్స్‌నిర్మాతలు : హరీష్‌ నల్లరచన, దర్శకత్వం: రామ్‌ గోదలసంగీతం: రథన్‌సినిమాటోగ్రఫీ : ఎస్‌ మణికందన్‌ఎడిటర్‌: భవిన్‌ ఎం షావిడుదల తేది: జులై 11, 2025యంగ్‌ హీరో సుహాస్‌ వరుస సినిమాలతో దూసుకెళ్తున్నాడు. ఒకవైపు కాన్సెప్ట్‌ కథలతో అలరిస్తూనే మరోవైపు కామెడీ చిత్రాలతోనూ నవ్విస్తున్నాడు. ఈ టాలెంటెడ్‌ హీరో నటించిన తాజా చిత్రం 'ఓ భామ అయ్యో రామ'. మలయాళంలో జో అనే చిత్రంతో అందరి హృదయాలను దోచుకున్న నటి మాళవిక మనోజ్ ఈ చిత్రంతో తెలుగులో కథానాయికగా పరిచయమవుతోంది. రామ్ గోధల దర్శకుడు. వీ ఆర్ట్స్‌ బ్యానర్‌పై హరీష్‌ నల్ల ఈ చిత్రాన్ని నిర్మిస్తున్నారు. ఇప్పటికే ఈ చిత్రం నుంచి విడుదలైన పాటలు, ట్రైలర్‌కు ప్రేక్షకుల నుంచి మంచి స్పందన లభించింది. దానికి తోడు సినిమా ప్రమోషన్స్‌ కూడా గట్టిగా చేయడంతో 'ఓ భామ అయ్యో రామ'పై హైప్‌ క్రియేట్‌ అయింది. ఓ మోస్తరు అంచనాలతో నేడు(జులై 11) ప్రేక్షకుల ముందకు వచ్చిన ఈ చిత్రం ఎలా ఉందో రివ్యూలో చూద్దాం.కథేంటంటే..రామ్‌ (సుహాస్‌) చిన్నప్పుడే తల్లి(అనిత హంసానందిని)చనిపోతుంది. మేనమామ(అలీ)నే అన్ని తానై పెంచుతాడు. పెద్ద చదువుల కోసం పారెన్‌ వెళ్లాలనేది తన లక్ష్యం. స్నేహితులంతా సినిమాకు వెళ్తే..మనోడు మాత్రం థియేటర్‌ బయట నుంచే విని.. సినిమా హిట్టో ఫట్టో చెప్పేస్తాడు. మామ, స్నేహితులే ప్రపంచంగా బతుకుతున్న రామ్‌ జీవితంలోకి అనుకోకుండా సత్యభామ(మాళవిక మనోజ్‌) వచ్చేస్తుంది. బడా వ్యాపారవేత్త(పృథ్వీరాజ్) ఏకైక కూతురే ఈ సత్యభామ. ఆమెకు ఎవరైనా నచ్చితే.. వారికోసం ఏదైనా చేసేస్తుంది. రామ్‌ని ఇష్టపడమే కాకుండా అతన్ని సినిమా డైరెక్టర్‌ని చేయాలని ఫిక్సవుతుంది. అతనికి ఇష్టం లేకపోయినా.. స్టార్‌ డైరెక్టర్‌ హరీశ్‌ శంకర్‌ దగ్గర అసిస్టెంట్‌ డైరెక్టర్‌గా చేరిపిస్తుంది. కొన్నాళ్ల తర్వాత మూడేళ్ల వరకు మనం కలువొద్దని కండీషన్‌ పెట్టి.. అతనికి దూరంగా వెళ్లిపోతుంది. ఆ మూడేళ్లలో రామ్‌ జీవితం ఎలా మారింది? సత్యభామ.. రామ్‌కి దూరంగా ఎందుకు వెళ్లింది? రామ్‌ తండ్రి ఎవరు? సినిమాలు అంటేనే నచ్చని రామ్‌ని దర్శకుడిగా చేయాలని సత్యభామ ఎందుకు ప్రయత్నించింది. రామ్‌ దర్శకుడుగా సక్సెస్‌ అయ్యాడా లేదా? చివరకు రామ్‌, సత్యభామ కలిశారా లేదా అనేదే మిగతా కథ.ఎలా ఉందంటే.. ‘తెలుగు సినిమా అంటే లవ్‌, ఎమోషన్‌, డ్రామా.. ఇవన్నీ ఉండాలి’ అని ఓ సీన్‌లో హీరో సుహాస్‌ అంటాడు. ఆ డైలాగ్‌కు తగ్గట్టే ఓ భామ అయ్యో రామ సినిమా కథ ఉంది. అయితే వాటిని సరిగా వాడుకోవడంలోనే దర్శకుడు కాస్త తడబడ్డాడు. ఓ యూత్‌ఫుల్‌ లవ్‌స్టోరీకి మదర్‌ సెంటిమెంట్‌ని యాడ్‌ చేసి ఫన్‌వేలో కథనాన్ని నడించారు. కథగా చూస్తే ఇందులో కొత్తదనం ఏమి ఉండదు. లవ్‌స్టోరీ రొటీన్‌గానే ఉన్నా.. ఎంటర్‌టైనింగ్‌గా సాగుతుంది. ఇక ప్లాష్‌బ్యాక్‌లో వచ్చే ఎమోషనల్‌ సన్నివేశాలు మాత్రం హృదయాలను హత్తుకుంటాయి. హీరో తల్లి చనిపోయే ఎమోషనల్‌ సీన్‌తో కథని ప్రారంభం అవుతుంది. హీరోహీరోయిన్ల పరిచయ సన్నివేశం కాస్త కొత్తగా ఉంటుంది. హీరోహీరోయిన్లు కలిసిన తర్వాత కథనం ఫుల్‌ ఎంటర్‌టైనింగ్‌గా సాగుతుంది. హీరో ఎక్కడ ఉంటే అక్కడికి హీరోయిన్‌ వెల్లడం.. బయటకు తీసుకెళ్లి.. కథ చెబుతూ విసిగించడం మొదట్లో బాగున్నా.. ప్రతిసారి అలాంటి సీన్లే రిపీట్‌ కావడం కాస్త బోరింగ్‌గా అనిపిస్తుంది. ఇంటర్వెల్‌ సీన్‌ బాగా ప్లాన్‌ చేశారు. సెకండాఫ్‌లో వచ్చే హీరో మదర్‌ ఎపిసోడ్‌ చాలా ఎమోషనల్‌గా ఉంటుంది. అలాగే ఫ్రెండ్‌ పెళ్లి ఎపిసోడ్‌ కామెడీగా ప్లాన్‌ చేసినా..అది వర్కౌట్‌ కాలేదు. ఫస్టాఫ్‌లో హీరోయిన్‌ చేసే అల్లరి పనులన్నింటికి.. సెకండాఫ్‌లో మంచి జస్టిఫికేషన్‌ ఉంటుంది. ఇక క్లైమాక్స్‌లో వచ్చే ట్విస్ట్‌ ఆకట్టుకుంటుంది. ఎలాంటి వల్గారిటీ లేకుండా ఫ్యామిలీ అంతా కలిసి చూసేలా ఈ సినిమాను తీర్చిదిద్దారు. అయితే కథను మరింత బలంగా రాసుకొని.. ఫస్టాఫ్‌ విషయంలో ఇంకాస్త కేర్‌ తీసుకొని ఉంటే.. సినిమా ఫలితం మరోలా ఉండేది. ఎవరెలా చేశారంటే.. రామ్‌ పాత్రలో సుహాస్‌ ఒదిగిపోయాడు. ముఖ్యంగా ఎమోషనల్‌ సీన్లలో చక్కగా నటించాడు. ఇక హీరోయిన్‌ మాళవిక మనోజ్‌కి ఇది తొలి తెలుగు సినిమా. సత్యభామగా తనదైన నటనతో ఆకట్టుకుంది. ఆమె పాత్రని తీర్చిదిద్దిన విధానం బాగుంది. కథనం మొత్తం ఆమె చుట్టూనే తిరుగుతుంది. అనిత హంసానందిని చాలా ఏళ్ల తర్వాత మళ్లీ తెలుగు తెరపై కనిపించింది. హీరో తల్లిగా పాత్రలో నటించి అందర్ని సర్‌ప్రైజ్‌ చేసింది. మదర్‌ సెంటిమెంట్‌ సీన్ల ఈ సినిమాకు హైలెట్‌. ఆలీ, రవీందర్ విజయ్, బబ్లు పృథ్వీరాజ్, ప్రభాస్ శ్రీను, రఘు కరుమంచితో పాటు మిగిలిన నటీనటులు తమ పాత్రల పరిధిమేర నటించారు. సాంకేతికంగా సినిమా బాగుంది. మణికందన్‌ సినిమాటోగ్రఫీ సినిమాకి మరో ప్రధాన బలం. ప్రతీ సీన్‌ తెరపై చాలా రిచ్‌గా చూపించాడు. రథన్‌ నేపథ్య సంగీతం బాగుంది. పాటలు పర్వాలేదు. బ్రహ్మకడలి ఆర్ట్‌వర్క్‌ బాగుంది. నిర్మాణ విలువలు చాలా ఉన్నతంగా ఉన్నాయి. బడ్జెట్‌ విషయంలో ఎక్కడ తగ్గలేదని సినిమా చూస్తే అర్థం అవుతుంది. హీరో మార్కెట్‌, కథని మించి ఖర్చు చేశారు. - అంజి శెట్టె, సాక్షి వెబ్‌డెస్క్‌

‘‘ఎటువంటి నేపథ్యం లేకుండా హీరోగా ఎదిగాడు సుహాస్‌. నెపో కిడ్స్‌ (బ్యాక్‌గ్రౌండ్‌ ఉన్నవారు) అయినా సినిమా పరిశ్రమలో కష్టపడాల్సిందే. కష్టపడితేనే విజయం. ఈ విషయాన్ని ఓ నెపో కిడ్‌గా చెబుతున్నాను. తమిళంలో విజయ్‌ సేతుపతిగారిలా తెలుగులో సుహాస్‌ అలాంటి స్టారే. ‘ఓ భామ అయ్యో రామ’ మంచి విజయం సాధించాలి’’ అని మంచు మనోజ్‌ తెలిపారు. సుహాస్, మాళవికా మనోజ్‌ జంటగా రామ్‌ గోధల దర్శకత్వం వహించిన చిత్రం ‘ఓ భామ అయ్యో రామ’. హరీష్‌ నల్ల నిర్మించిన ఈ సినిమా ఈ నెల 11న విడుదలవుతోంది. ఈ చిత్రం ప్రీ రిలీజ్‌ వేడుకకి మంచు మనోజ్‌ ముఖ్య అతిథిగా హాజరయ్యారు. ఈ సందర్భంగా సుహాస్‌ మాట్లాడుతూ– ‘‘ప్రతి అబ్బాయి సక్సెస్‌ఫుల్‌ లైఫ్‌లో తల్లి, భార్య... ఇద్దరూ ఎంతో కీలకంగా ఉంటారు. మా సినిమాలో ఆ పాత్రలకు సంబంధించిన భావోద్వేగాలు అందరి హృదయాలను హత్తుకుంటాయి’’ అన్నారు. ‘‘రామ్‌ కొత్త దర్శకుడిలా కాకుండా ఎంతో అనుభవం ఉన్నవాడిలా తీశారు. సుహాస్‌ నటన మరో రేంజ్‌లో ఉంటుంది’’ అని హరీష్‌ నల్లా తెలిపారు. ‘‘మా చిత్రంలో సుహాస్‌ ఆల్‌రౌండర్‌ ప్రతిభ చూపారు’’ అన్నారు రామ్‌ గోధల.

కమెడియన్‌ అలీ సినిమాల్లోనే కాదు బయట కూడా చాలా సరదాగా ఉంటాడు. మూవీ ఈవెంట్స్‌లో అందరిపై పంచులు వేస్తూ నవ్వులు పూయిస్తుంటాడు. కానీ నిన్న జరిగిన ఓ సినిమా ప్రీరిలీజ్‌ ఈవెంట్‌లో 15 ఏళ్ల క్రితం తన ఫ్యామిలీలో జరిగిన ఓ విషాదకర విషయాన్ని చెప్పి అందరిని ఎమోషనల్‌కు గురి చేశాడు.సుహాస్‌ హీరోగా నటించిన తాజా చిత్రం 'ఓ భామ అయ్యో రామ'. మలయాళంలో జో అనే చిత్రంతో అందరి హృదయాలను దోచుకున్న నటి మాళవిక మనోజ్ ఈ చిత్రంతో టాలీవుడ్‌ ఎంట్రీ ఇస్తోంది. రామ్ గోధల దర్శకుడు. వీ ఆర్ట్స్‌ బ్యానర్‌పై హరీష్‌ నల్ల ఈ చిత్రాన్ని నిర్మిస్తున్నారు. జూలై 11న చిత్రం ప్రపంచ వ్యాప్తంగా విడుదల కానుంది. ఈ నేపథ్యంలో మంగళవారం సాయంత్రం హైదరాబాద్‌లోని ఓ ప్రముఖ హోటల్‌లో ఈ సినిమా ప్రీరిలీజ్‌ ఈవెంట్‌ని నిర్వహించారు. ఈ సందర్భంగా అలీ మాట్లాడుతూ.. ఈ సినిమాలో నటించడానికి తాను ఎందుకు ఒప్పుకున్నాడో వివరించాడు.ఈ సినిమా దర్శకుడు రామ్‌ నా దగ్గరకు వచ్చి ‘సుహాస్‌కి మేనమామ క్యారెక్టర్‌ చేయాలి’ అన్నారు. వెంటనే నేను ఓకే చెప్పాను. ఎంత ఇస్తారని(రెమ్యునరేషన్‌) అడగలేదు..ఎన్ని రోజులు కావాలని అడిగాను. వెంటనే ఎందుకు ఒప్పుకున్నానంటే.. సుహాస్‌కి మామయ్య క్యారెక్టర్‌ చేయాలి అన్నారు. ఎంత ఇస్తారు అని అడగలేదు. ఎన్నిరోజులు కావాలని అడిగా. ఎందుకు చేస్తాననిచెప్పానంటే... 15 ఏళ్ల క్రితం నా మేనల్లుడు ఆత్మహత్య చేసుకొని చనిపోయాడు. మా అక్క చనిపోతే.. అతన్ని మా అమ్మే పెంచింది. నా ముందే ఎదిగాడు. ఒక అమ్మాయిని ప్రేమించాడు. ఆమె మాత్రం నో చెప్పింది. ఆ మనస్థాపంతో నా మేనల్లుడు ఆత్మహత్య చేసుకొని చనిపోయాడు. అప్పటి నుంచి రెండేళ్ల పాటు ఆ అమ్మ ప్రతి రోజు ఏడ్చింది. మనవడు అయినా..కొడుకులా పెంచింది. ఈ సినిమా స్టోరీ చెప్పగానే నాకు మేనల్లుడు గుర్తొచ్చాడు. సుహాన్‌లో చనిపోయిన నా మేనల్లుడుని చూసుకున్నాను. అందుకే ఈ పాత్రకి నేను బాగా కనెక్ట్‌ అయ్యాను’ అని అలీ ఒకింత భావోద్వేగానికి గురయ్యాడు. ఆ తర్వాత మళ్లీ తనదైన శైలీలో పంచులేసి..అందర్నీ నవ్వించాడు.

‘‘గతంలో నేను నటించిన సినిమాల్లో సాధారణంగా ఉండే పల్లెటూరి అమ్మాయి పాత్రలు చేశాను. అయితే ‘ఓ భామ అయ్యో రామ’ చిత్రంలో ఎంతో మోడ్రన్‌ గా, హైపర్‌గా, ఆటిట్యూడ్‌తో ఉండే సత్యభామ పాత్రలో నటించా.. ఇలాంటి పాత్ర చేయడం నా అదృష్టంగా భావిస్తున్నాను’’ అని మాళవికా మనోజ్‌(Malavika Manoj) తెలిపారు. సుహాస్, మాళవికా మనోజ్‌ జంటగా రామ్‌ గోధల దర్శకత్వం వహించిన చిత్రం ‘ఓ భామ అయ్యో రామ’(Oh Bhama Ayyo Rama). హరీష్‌ నల్ల నిర్మించిన ఈ సినిమా ఈ నెల 11న విడుదలవుతోంది. ఈ సందర్భంగా మాళవికా మనోజ్‌ మాట్లాడుతూ–‘‘నేను తమిళంలో నటించిన ‘జో’లో నా నటన నచ్చడంతో ‘ఓ భామ అయ్యో రామ’కి ఎంపిక చేశారు రామ్‌ గోధల. నాకు తెలుగు రాకపోయినా.. భావం అర్థం చేసుకుని సత్యభామ పాత్ర చేశాను. సుహాస్‌ సినిమా కోసం చాలా కష్టపడతాడు. హరీష్‌గారు ఎక్కడా రాజీ పడకుండా ఖర్చు పెట్టారు. రధన్‌గారు మంచి పాటలిచ్చారు. భాషతో సంబంధం లేకుండా ఈ పాటలు అందరికి నచ్చాయి. ఈ సినిమాలో హరీష్‌ శంకర్, మారుతిగార్లతో నటించడం సంతోషంగా ఉంది. నాకు చాలా అవకాశాలు వస్తున్నాయి. కానీ, నచ్చిన కథలు మాత్రమే చేస్తున్నాను. గ్లామరస్‌ రోల్స్‌ చేయాలా? వద్దా? అనే నిబంధన నాకు లేదు. కథ నచ్చితే చేస్తాను’’ అన్నారు.

టాలీవుడ్‌ హీరో సుహాస్, మాళవిక మనోజ్‌ నటించిన 'ఓ భామ అయ్యో రామా'(Oh Bhama Ayyo Rama) సినిమా నుంచి తాజాగా ట్రైలర్‌ విడుదలైంది. ఈ ప్రేమకథ చిత్రానికి రామ్ గోదాల దర్శకత్వం వహించారు. ఈ సినిమాను వీ ఆర్ట్స్‌ బ్యానర్‌లో హరీశ్ నల్లా నిర్మించారు. జూలై 11న ప్రేక్షకుల ముందుకు రానున్న ఈ చిత్రం నుంచి ఇప్పటికే విడుదలైన టీజర్‌, సాంగ్స్‌ ప్రేక్షకులను మెప్పించాయి. తాజాగా వచ్చిన ట్రైలర్‌ కూడా అంతే స్థాయిలో ఉంది. కామెడీ, లవ్‌, ఎమోషనల్‌ సీన్స్‌తో ట్రైలర్‌ కట్‌ ఉండటంతో సినిమాపై అంచనాలు పెరిగాయి. కాగా.. ఈ చిత్రంలో రవీందర్ విజయ్, బబ్లూ పృథ్వీ రాజ్, ప్రభాస్ శ్రీను, రఘు కారుమంచి, సాథ్విక్ ఆనంద్, నయని పావని ముఖ్య పాత్రలు పోషిస్తున్నారు. ఈ చిత్రానికి రాధన్ సంగీతమందిస్తున్నారు.

టాలీవుడ్‌లో మొన్నటి వరకు పోటీ లేకుండా సినిమా రిలీజ్‌ అయ్యేది కాదు. ఒకేవారం పెద్ద సినిమాతో పాటు మూడు, నాలుగు చిన్న చిత్రాలు కూడా రీలీజ్‌ అయ్యేవి. కానీ సమ్మర్‌ నుంచి టాలీవుడ్‌లో పెద్దగా పోటీ లేకుండా సినిమాలు వస్తున్నాయి. ఇక గత నెలలో థగ్‌లైఫ్‌, కుబేర, కన్నప్ప లాంటి పెద్ద సినిమాలు వచ్చినా.. వాటి మధ్యలో కూడా వారం, వారం గ్యాప్‌ ఉంది. వీటితో పాటు రెండు, మూడు చిన్న సినిమాలు కూడా వచ్చాయి. కానీ పెద్దగా పోటీ ఇవ్వలేకపోయాయి. ఇక జులైలో టాలీవుడ్‌ పరిస్థితి మరింత దారుణంగా ఉంది. నెల మొత్తంలో ఒకే ఒక పెద్ద సినిమా రిలీజ్‌ కానుంది. మిగిలిన సినిమాలన్ని పెద్దగా అంచనాలు లేకుండానే బరిలోకి దిగబోతున్నాయి.జులై మొదటి వారంలో తమ్ముడు చిత్రంలో నితిన్‌ తన అదృష్టాన్ని పరీక్షించుకోవడానికి ప్రేక్షకుల ముందుకు రాబోతున్నాడు. వేణు శ్రీరామ్‌ దర్శకత్వం వహించిన ఈ చిత్రంలో సప్తమి గౌడ, వర్ష బొల్లమ హీరోయిన్లుగా నటించగా, లయ కీలక పాత్ర పోషించింది. దిల్‌ రాజు నిర్మించిన ఈ చిత్రంపై మోస్తరు అంచనాలు ఉన్నాయి. ఆ అంచనాల మేరకు అయినా సినిమా ఆడుతుందో లేదో జులై 4న తెలుస్తుంది. ఇక అదే రోజు సిద్ధార్థ్‌ నటించిన 3 బి.హెచ్‌.కె కూడా విడుదల కానుంది. తమ్ముడుతో పోలిస్తే ఈ సినిమాపై పెద్దగా అంచనాలు అయితే లేవు. హిట్‌ టాక్‌ వస్తే తప్ప థియేటర్‌కి వెళ్లి చూసే పరిస్థితి అయితే ఈ సినిమాకు లేదు.ఇక రెండో వారంలో అనుష్క షూటీ రిలీజ్‌ కావాల్సింది. కానీ అది వాయిదా పడింది. దీంతో ఈ వారంలో ఎలాంటి పోటీ లేకుండా సింగిల్‌గా బరిలోకి దిగుతున్నాడు సుహాస్‌. ఆయన హీరోగా నటించిన ఓ భామ అయ్యో రామ జులై 11న రిలీజ్‌ కానుంది. ఇటీవల విడుదలైన ట్రైలర్‌ సినిమాపై బజ్‌ క్రియేట్‌ చేసింది. మరి సింగిల్‌గా వస్తున్న సుహాస్‌.. సూపర్‌ హిట్‌ కొడతాడో లేదో చూడాలి.ఇక మూడో వారంలో మేఘాలు చెప్పిన ప్రేమ కథ(జులై 17) అనే చిన్న సినిమాతో పాటు జూనియర్‌(జులై 18 అనే కన్నడ-తెలుగు సినిమా కూడా ఇక్కడ విడుదల కాబోతుంది. గాలి జనార్థన్‌రెడ్డి కొడుకు కిరీటీ హీరోగా నటిస్తున్న జూనియర్‌పై ప్రేక్షకుల్లో మంచి అంచనాలే ఉన్నాయి. దేవీశ్రీ ప్రసాద్‌ సంగీతం అందించడం, హీరోయిన్‌గా శ్రీలీల నటించడం, మరో కీలక పాత్రలో జెనీలియా కనిపించడంతో జూనియర్‌పై టాలీవుడ్‌లో మంచి హైప్‌ క్రియేట్‌ అయింది.ఇక చివరి వారంలో (జూలై 24) హరిహరి వీరమల్లు రాబోతుంది. ఈ నెలలో వస్తున్న ఏకైక పెద్ద సినిమా ఇదే. పవన్‌ కల్యాణ్‌ హీరోగా నటిస్తున్న ఈ చిత్రానికి ఎ.ఎం. జ్యోతి కృష్ణ, క్రిష్ జాగర్లమూడి దర్శకత్వం వహించారు. ఎంఎం రత్నం భారీ బడ్జెట్‌తో నిర్మించిన ఈ పీరియాడికల్‌ డ్రామాలో నిధి అగర్వాల హీరోయిన్‌గా నటిస్తోంది. తాజాగా విడుదలైన ట్రైలర్‌ ఈ సినిమాపై అంచనాలను పెంచేసిది.

టాలీవుడ్‌ హీరో సుహాస్ తొలిసారి గాయకుడిగా మారాడు. తను నటిస్తున్న కొత్త సినిమా 'ఓ భామ అయ్యే రామ' కోసం అదిరిపోయే మాస్‌ సాంగ్‌ను ఆయన పాడారు. ఈ చిత్రంలో సుహాస్‌కు జోడిగా మాళవిక మనోజ్‌ నటించింది. ఈ ప్రేమకథ చిత్రానికి రామ్ గోదాల దర్శకత్వం వహించారు. ఈ సినిమాను వీ ఆర్ట్స్‌ బ్యానర్‌లో హరీశ్ నల్లా నిర్మించారు. ఇప్పటికే షూటింగ్ పూర్తి చేసుకున్న ఈ చిత్రం డబ్బింగ్‌ దశలో ఉంది. జూలై 11న ప్రేక్షకుల ముందుకు తీసుకు రానున్నట్లు ఇప్పటికే ప్రకటించారు. ఇప్పటికే విడుదలైన పాటలు, టీజర్‌కు ఆడియన్స్‌ నుంచి అద్భుతమైన రెస్పాన్స్ వస్తోంది. కాగా.. ఈ చిత్రంలో రవీందర్ విజయ్, బబ్లూ పృథ్వీ రాజ్, ప్రభాస్ శ్రీను, రఘు కారుమంచి, సాథ్విక్ ఆనంద్, నయని పావనిముఖ్య పాత్రలు పోషిస్తున్నారు. ఈ చిత్రానికి రాధన్ సంగీతమందిస్తున్నారు.

సుహాస్, మాళవిక మనోజ్‌ జంటగా నటించిన తాజా చిత్రం 'ఓ భామ అయ్యే రామ'. ఈ ప్రేమకథ చిత్రానికి రామ్ గోదాల దర్శకత్వం వహించారు. ఈ సినిమాను వీ ఆర్ట్స్‌ బ్యానర్‌లో హరీశ్ నల్లా నిర్మించారు. దాదాపు ఇప్పటికే షూటింగ్ పూర్తి చేసుకున్న ఈ చిత్రం ప్రేక్షకుల ముందుకు వచ్చేందుకు సిద్ధమైంది. తాజాగా ఈ సినిమా రిలీజ్ డేట్‌ను మేకర్స్ అనౌన్స్ చేశారు.ఈ విభిన్నమైన రొమాంటిక్‌ లవ్ స్టోరీని జూలై 11న ప్రేక్షకుల ముందుకు తీసుకు రానున్నట్లు ప్రకటించారు. అదే రోజు అనుష్క ప్రధాన పాత్రలో తెరకెక్కించిన ఘాటి విడుదలవుతోంది. దీంతో బాక్సాఫీస్ వద్ద ఈ రెండు చిత్రాలు పోటీ పడనున్నాయి. ఇప్పటికే విడుదలైన పాటలు, టీజర్‌కు ఆడియన్స్‌ నుంచి అద్భుతమైన రెస్పాన్స్ వస్తోంది. కాగా.. ఈ చిత్రంలో రవీందర్ విజయ్, బబ్లూ పృథ్వీ రాజ్, ప్రభాస్ శ్రీను, రఘు కారుమంచి, సాథ్విక్ ఆనంద్, నయని పావనిముఖ్య పాత్రలు పోషిస్తున్నారు. ఈ చిత్రానికి రాధన్ సంగీతమందిస్తున్నారు.

సుహాస్, మాళవికా మనోజ్‌ జంటగా నటించిన చిత్రం ‘ఓ భామ అయ్యో రామ’. రామ్‌ గోధల దర్శకత్వంలో హరీష్‌ నల్ల నిర్మించారు. ప్రముఖ నటుడు రానా దగ్గుబాటి స్పిరిట్‌ మీడియా ఈ చిత్రాన్ని ఈ వేసవిలో విడుదల చేయనుంది. కాగా ‘ఎలాగుండే వాడ్నే... ఎలాగా అయిపోయానే...’ అంటూ సాగే ఈ చిత్రం టైటిల్‌ సాంగ్‌ లిరికల్‌ వీడియోను గురువారం విడుదల చేశారు. చిత్రసంగీత దర్శకుడు రథన్‌ స్వరాలందించిన ఈ పాటకు శ్రీహర్ష ఈమని సాహిత్యం అందించగా శరత్‌ సంతోష్‌ ఆలపించారు. మొయిన్‌ మాస్టర్‌ కొరియోగ్రఫీ అందించారు. ‘‘యూత్‌ఫుల్‌గా సాగే ఈ పాటలో హీరో, హీరోయిన్‌ ఎనర్జీ ప్లస్‌ అయ్యే విధంగా ఉంటుంది. ఈ రొమాంటిక్‌ ఎంటర్‌టైనర్‌ మూవీ ప్రేక్షకులను అలరించేలా ఉంటుంది’’ అని హరీష్‌ నల్ల పేర్కొన్నారు. ‘‘ఈ సినిమాలోని ప్రతి పాత్ర బాగుంటుంది’’ అని రామ్‌ గోధల అన్నారు.

సినిమా సినిమాకు డిఫరెంట్‌ కథలను ఎంచుకుంటూ దూసుకెళ్తుతున్న హీరో సుహాస్‌. ఒకవైపు సహాయక నటుడి పాత్రలు పోషిస్తూనే.. మరోవైపు హీరోగాను రాణిస్తున్నాడు. జూనియర్‌ ఆర్టాస్ట్‌గా కేరీర్‌ ఆరంభించి..ఇప్పుడు హీరో స్థాయికి ఎదిగాడు. కెరీర్‌లో ఎదిగినట్లుగానే తన రెమ్యునరేషన్‌ని కూడా పెంచేశాడు. ప్రస్తుతం ఈ టాలెంటెడ్‌ యాక్టర్‌ ఒక్కో సినిమాకు రూ. 2.5 నుంచి రూ.3 కోట్ల వరకు తీసుకుంటున్నట్లు తెలుస్తోంది. అయితే రెమ్యునరేషన్‌ గురించి మీడియా అడిగిన ప్రతిసారి హాస్యాస్పదంగా స్పందిస్తూ తప్పించుకుంటున్నాడు. అయినా కూడా మీడియా ప్రతినిధులు మాత్రం సుహాస్‌ రెమ్యునరేషన్‌ గురించి ప్రతి ప్రెస్‌మీట్‌లోనూ అడుగుతూనే ఉన్నారు. తాజాగా మరోసారి సుహాస్‌కు మీడియా నుంచి ఇదే ప్రశ్న ఎదురవ్వగా.. ‘ఏం టార్చర్ ఇది.. యాక్టింగ్ గురించి మానేసి నా రెమ్యూనరేషన్ గురించి ఎందుకు,’ అని కాస్త అసహనం వ్యక్తం చేశాడు.సుహాస్‌ హీరోగా నటించిన రొమాంటిక్‌ కామెడీ ఎంటర్‌టైనర్‌ 'ఓ భామ అయ్యో రామ'.తాజాగా ఈ మూవీ ఈ సందర్భంగా ఏర్పాటు చేసిన మీడియా సమావేశంలో ‘యాడ్‌కి, సినిమాకే ఒకే రకమైన రెమ్యునరేషన్‌ తీసుకుంటున్నారట కదా?’ అని ఓ రిపోర్టర్‌ ప్రశ్నించాడు. దానికి సుహాస్‌ సమాధానం చెబుతూ.. ‘ప్రతిసారి నా రెమ్యునరేషన్‌ గురించే అడుగున్నారు? ఏం టార్చర్ అయిపోయింది ఇది.. జీవితమో..(నవ్వుతూ..). మీరు అనుకున్నంత కాదు కాని మంచిగానే ఇచ్చారు. ఇదేంటో.. యాక్టింగ్‌ బాగా చేస్తాననేది వదిలేసి..రెమ్యునరేషన్‌ భారీగా తీసుకుంటున్నారనేదే ప్రచారం చేస్తున్నారు. అందులో వాస్తవం లేదు’అని సుహాస్‌ చెప్పుకొచ్చాడు. ఇక ప్రభాస్‌ స్పిరిట్‌ సినిమాలో ఓ కీలక పాత్ర పోషిస్తున్నాడంటూ వస్తున్న వార్తలో నిజం లేదని, తనకు ఇప్పటివరకు ఆ మూవీ టీమ్‌ నుంచి కాల్‌ రాలేదని స్పష్టం చేశాడు.ఇక ‘ఓ భామ అయ్యో రామ’ విషయానికొస్తే.. సుహాస్‌ నటిస్తున్న తొలి రొమాంటిక్‌ కామెడీ ఎంటర్‌టైనర్‌. మలయాళంలో జో అనే చిత్రంతో అందరి హృదయాలను దోచుకున్న నటి మాళవిక మనోజ్ (జో ఫేమ్) ఈ చిత్రంతో తెలుగులో కథానాయికగా పరిచయమవుతోంది. రామ్ గోధల దర్శకుడు. వీ ఆర్ట్స్‌ పతాకంపై హరీష్‌ నల్ల ఈ చిత్రాన్ని నిర్మిస్తున్నారు. ప్రముఖ కథానాయకుడు రానా దగ్గుబాటి స్పిరిట్ మీడియా ఈ చిత్రాన్ని విడుదల చేయనుంది.

‘గబ్బర్‌ సింగ్, రామయ్యా వస్తావయ్యా, దువ్వాడ జగన్నాథమ్‌’ వంటి పలు చిత్రాలకు దర్శకత్వం వహించిన హరీష్‌ శంకర్‌(Harish Shankar ) ‘ఓ భామ అయ్యో రామ’(Oh Bhama Ayyo Rama) చిత్రంలో గెస్ట్‌ రోల్‌లో కనిపించనున్నారు. సుహాస్‌ హీరోగా రూపొందుతోన్న ఈ సినిమా ద్వారా మలయాళ నటి మాళవికా మనోజ్‌ తెలుగుకి హీరోయిన్‌గా పరిచయమవుతున్నారు. నూతన దర్శకుడు రామ్‌ గోధల దర్శకత్వంలో హరీష్‌ నల్ల నిర్మిస్తున్న ఈ సినిమాని రానా దగ్గుబాటి స్పిరిట్‌ మీడియా విడుదల చేయనుంది. ఈ చిత్రంలో హరీష్‌ శంకర్‌ అతిథి పాత్ర చేసినట్లు మేకర్స్‌ ప్రకటించారు. సినిమాలో ఆయన గెస్ట్‌ రోల్‌ అందరిని సర్‌ఫ్రైజ్‌ చేస్తుందట. ఈ పాత్ర ఆయన చేస్తేనే బాగుంటుందని భావించిన మేకర్స్‌ హరీష్‌ శంకర్‌ను ఒప్పించి ఆయన పాత్రకు సంబంధించిన షూటింగ్‌ను ఇటీవల పూర్తిచేశారు.‘‘ఈ సినిమాలో సున్నితమైన ప్రేమ, భావోద్వేగాలతో పాటు మంచి వినోదం ఉంటుంది. ఈ మూవీలోని ఓ పాత్ర కోసం హరీష్‌ శంకర్‌గారిని ఒప్పించి, ఆయన పాత్ర షూటింగ్‌ పూర్తి చేశాం. ఆయన గెస్ట్‌ రోల్‌ సర్‌ప్రైజ్‌ చేస్తుంది. మా చిత్రాన్ని ఈ వేసవిలో విడుదల చేస్తాం’’ అన్నారు హరీష్‌ నల్ల.