పిల్లల ప్రతిభను ప్రపంచం కంటే ముందు తల్లిదండ్రులే గుర్తించాలి. గోరుముద్దల్లో ఉత్సాహం.. వేలు పట్టి నడిపే నడకలో ప్రోత్సాహం అందించినప్పుడే పిల్లలు పులుల్లా మారతారు... చిరుతల్లా కదలాడతారు. తల్లిదండ్రులు అమ్మాయిలను చదివించి... ఉద్యోగాలు చేయించడం వరకు ఆలోచిస్తారు. కానీ, క్రీడల్లో కొనసాగమని చెప్పడం తక్కువ. మన మహిళా క్రికెట్‌ జట్టు ప్రపంచ కప్‌ విజయం సాధించడం చూసి ఇకపై పెద్ద మార్పు రావచ్చు. ఈ జట్టులోని అమ్మాయిలను తల్లిదండ్రులు ప్రోత్సహించిన తీరు చూస్తే ‘క్రీడాకారిణి కావాలని ఉంది’ అని ఏ అమ్మాయి కోరినా తల్లిదండ్రులు తప్పక ‘మేమున్నాం’ అనే రోజులు వచ్చేశాయి.ఇంట్లో నాతోనే క్రికెట్‌ ఆడేది!చిన్నప్పటినుంచి అథ్లెటిక్స్‌ అంటే శ్రీచరణికిప్రాణం. జాతీయ స్థాయిలో ఖోఖో అడింది. కానీ, క్రికెట్‌ అంటేనే చాలా ఇష్టం. ఇంట్లో క్రికెట్‌ ఆడతానని అలిగేది. తన తండ్రి కూడా అథ్లెటిక్స్‌ ఆడమని చెప్పారు. కానీ, నేను మాత్రం శ్రీచరణీకి తోడుగా నిలిచి క్రికెట్‌ను ప్రోత్సహించాను. నాతోనే ఇంట్లో క్రికెట్‌ ఆడేది. ఇప్పుడు ఏకంగా వరల్డ్‌ కప్‌ గెలుపులో కీలకంగా నిలవడం మాకెంతో గర్వకారణం. ఇక మా సంతోషానికి హద్దులు లేవు. – నల్లపురెడ్డి రేణుక (శ్రీచరణి తల్లి)తండ్రిగా చెప్పుకోవడానికిగర్వంగా ఉంది..ఉమెన్స్ వరల్డ్‌ కప్‌లో అదరగొట్టిన భారత్‌ క్రికెటర్‌ నల్లపురెడ్డి శ్రీచరణి తండ్రిగా చెప్పుకోవడానికి నాకు చాలా గర్వంగా ఉంది. నా కూతురు వరల్డ్‌ కప్‌లో క్రికెట్‌ ఆడుతుంటే చాలా సంతోషంగా ఉంది. – నల్లపురెడ్డి చంద్రశేఖర్‌రెడ్డి, శ్రీచరణి తండ్రిమహిళల ప్రపంచ కప్‌ పోటీల్లో సాటిలేని ప్రతిభ కనబర్చి వైఎస్సార్‌ కడప జిల్లా పేరును ప్రపంచ పటంలో నిలిపిన శ్రీచరణి వైఎస్సార్‌ జిల్లా వీరపునాయునిపల్లె మండలం యర్రంపల్లె గ్రామానికి చెందిన నల్లపురెడ్డి చంద్రశేఖరరెడ్డి, రేణుక దంపతుల కుమార్తె. తండ్రి ఆర్టీపీపీలో ఎలక్ట్రికల్‌ ఫోర్‌మన్ . ఒకటి నుంచి 10వ తరగతి వరకూ ఆర్టీపీపీలోని డీఏవీ స్కూల్‌లో చదివింది. హైదరాబాద్‌ లేపాక్షి జూనియర్‌ కళాశాలల్లో ఇంటర్మీడియెట్‌ పూర్తిచేసింది. ప్రస్తుతం వీఎన్ పల్లె వీఆర్‌ఎస్‌ డిగ్రీ కళాశాలలో బీఎస్పీ కంప్యూటర్స్‌ చదువుతూ క్రికెట్‌లో విశేష ప్రతిభ కనబరుస్తోంది.ఇదీ చదవండి: స్టార్‌ క్రికెటర్‌, కెప్టెన్ హర్మన్‌ ప్రీత్ కౌర్ లగ్జరీ వాచ్‌ : ధర ఎంతో తెలుసా?అండర్‌–19 నుంచి భారత జట్టు స్థాయికి..తొలుత శ్రీచరణి 2017–18లో జిల్లా అండర్‌–19 జట్టుకు ఎంపికైంది. అప్పటినుంచి ఇంక వెనక్కి తిరిగి చూడలేదు. అదే ఏడాది రాష్ట్రస్థాయి పోటీల్లో పాల్గొనే అవకాశం లభించింది. జిల్లాకు చెందిన క్రికెట్‌ శిక్షకులు ఖాజా మొయినుద్దీన్, మధుసూదన్ రెడ్డి మార్గదర్శకత్వంలో ఎన్నో మెళకువలు నేర్చుకుంది. ఆ తర్వాత..⇒ 2021లో అండర్‌–19 చాలెంజర్స్‌ ట్రోఫీలో ఇండియా–సి జట్టుకుప్రాతినిధ్యం వహించి నాలుగు వికెట్లు తీసి జట్టు విజయంలో కీలకపాత్ర పోషించింది. ⇒ శ్రీచరణి ఆట నైపుణ్యం గుర్తించిన డబ్ల్యూపీఎల్‌ ప్రతినిధులు ఢిల్లీ క్యాపిటల్స్‌కు రూ.55 లక్షలతో ఎంపిక చేసుకున్నారు. ⇒ ఏప్రిల్‌ 27 నుంచి మే 11 వరకు జరిగిన శ్రీలంక ముక్కోణపు వన్డే సీరీస్‌ క్రికెట్‌ టోర్నీకి నల్లపురెడ్డి శ్రీచరణి తొలిసారి భారత జట్టుకుప్రాతినిధ్యం వహించింది. ⇒లండన్ లో జరిగిన టీ–20 టూర్‌కు భారత జట్టు తరఫున ఎంపికైంది. ⇒ ప్రస్తుతం ఐసీసీ మహిళ విభాగంలో భారత జట్టు తరఫున ప్రపంచకప్‌లో నిలకడగా రాణించింది. ఈ టోర్నీలో 14 వికెట్లు తీసి అత్యుత్తమ ప్రతిభ కనబర్చిన రెండో బౌలర్‌గా ఘనత సాధించింది.కుటుంబ సభ్యుల ప్రోత్సాహం..చిన్నప్పటి నుంచి ఆటలపై మక్కువ చూపే శ్రీచరణి తల్లిదండ్రుల ప్రోత్సాహంతో అంతర్జాతీయ స్థాయికి చేరుకుంది. మొదట్లో అథ్లెటిక్స్‌లో రాణిస్తున్న శ్రీచరణి ఆ తర్వాత క్రికెట్‌పై ఆసక్తి చూపుతుండడంపై అమ్మానాన్నలు సందేహించారు. కానీ, క్రికెట్‌పై ఉన్న ఆసక్తిని గమనించిన మామ కిశోర్‌కుమార్‌రెడ్డి శ్రీచరణిని ప్రోత్సహించారు. సరదాగా మొదలుపెట్టిన క్రికెట్‌ ఇప్పుడు శ్రీచరణికి సర్వస్వం అయింది. ప్రోత్సాహం ఉంటే అమ్మాయిలు ఎందులోనైనా రాణించగలరని శ్రీచరణి రుజువు చేసింది. – మోపూరు బాలకృష్ణారెడ్డి. సాక్షి ప్రతినిధి, కడపదిసీజ్‌ ఫర్‌ యూ..!‘పిల్లల ఇష్టాలు కనిపెట్టి, వారు ఎంచుకున్న మార్గంలో వెళ్లేలా ప్రోత్సహించడం, తగిన స్వేచ్ఛను ఇస్తూ, సపోర్ట్‌గా ఉండటం పేరెంట్స్‌ నిర్వర్తించాల్సిన పనులు’ అంటారు ఇండియన్‌ విమెన్‌ క్రికెటర్‌ అరుంధతీరెడ్డి తల్లి భాగ్యరెడ్డి. మహిళా క్రికెట్‌లో వరల్డ్‌ కప్‌ కైవసం చేసుకున్న మన భారత జట్టులో భాగమైన ఫాస్ట్‌ బౌలర్‌ అరుంధతి రెడ్డి హైదరాబాద్‌ వాసి. ఈ విజయోత్సవ ఆనందంలో కూతురి కల గురించి అమ్మగా భాగ్య రెడ్డి పంచుకున్న విషయాలు..‘‘ఫైనల్స్‌ చూడటానికి ముంబయ్‌ వెళ్లి, ఈ రోజే వచ్చాను. మ్యాచ్‌ గెలవగానే ‘అమ్మా.. దిస్‌ ఈజ్‌ ఫర్‌ యు’ అని చెప్పింది నా బిడ్డ. ఆ క్షణంలో పొందిన ఆనందాన్ని మాటల్లో చెప్పలేను. ఈ గెలుపును ఇప్పుడు మా కుటుంబం అంతా ఎంజాయ్‌ చేస్తున్నాం. చిన్నప్పుడు తన అన్న రోహిత్, ఇతర కజిన్స్‌తో కలిసి గల్లీలో క్రికెట్‌ ఆడేది. టీవీలో క్రికెట్‌ చూసేది. సోర్ట్స్‌లో చాలా చురుకుగా ఉండేది. నేను వాలీబాల్‌ స్టేట్‌ ప్లేయర్‌ని. స్పోర్ట్స్‌ అంటే ఇష్టం ఉన్నా కుటుంబ పరిస్థితుల కారణంగా నా కలలను నెరవేర్చుకోలేకపోయాను. నా కూతురుకి ఉన్న ఇష్టాన్ని కాదనకూడదు అనుకున్నాను. క్రికెట్‌ ఫస్ట్‌..మేముండేది సైనిక్‌పురిలో. ప్రైవేట్‌ స్కూల్‌ టీచర్‌ని. మధ్యతరగతి కుటుంబం. సోర్ట్స్‌లో అరుంధతికి ఉన్న ఇష్టాన్ని చూసి, పన్నెండేళ్ల వయసులో స్పోర్ట్స్‌ సెంటర్‌లో చేర్పించాను. ఉదయం నాలుగు గంటలకే స్పోర్ట్స్‌ సెంటర్‌కి వెళ్లిపోయేవాళ్లం. అక్కణ్ణుంచి స్కూల్‌. మళ్లీ సాయంత్రం ఇద్దరం గ్రౌండ్‌కి వెళ్లిపోయేవాళ్లం. క్రికెట్‌ప్రాక్టీస్‌ చేస్తూనే ఓపెన్‌ లో టెన్త్‌ ఎగ్జామ్స్‌ రాసింది. 15 ఏళ్లకే అండర్‌ –19 హైదరాబాద్‌ జట్టుకు ఎంపికయ్యింది. ఫాస్ట్‌ బౌలర్‌ గా పేరు తెచ్చుకుంది. పెద్ద కల ఉంటే త్యాగాలు ఎన్నో...2017లో రైల్వేలో చేరింది. అక్కడ ఉంటూనే చాలా విషయాల పట్ల అవగాహన ఏర్పరుచుకుంది. అండర్‌ 23 జోనల్‌ టోర్నమెంట్‌ లో రాణించింది. మళ్లీ ఒక దశలో క్రికెట్‌– జాబ్‌ .. దేనిని ఎంచుకోవాలనే నిర్ణయం వచ్చింది. ఓ రోజు తన నిర్ణయం క్రికెట్‌ మాత్రమే అని చెప్పింది. నేనూ ‘సరే’ అన్నాను. రెండేళ్ల కిందట జాబ్‌ మానేసి పూర్తి సమయాన్నిప్రాక్టీస్‌కే కేటాయించింది.ప్రాక్టీస్‌లో భాగంగా కుటుంబంలో ఎన్నో సంతోష సమయాలలో తను దూరంగా ఉండాల్సి వచ్చేది. ఈ రోజు దేశాన్ని గెలిపించిన జట్టులో నా బిడ్డ ఉందంటే... చాలా ఆనందంగా ఉంది. ధైర్యమే పెద్ద సపోర్ట్‌అరుంధతికి క్రికెట్‌తో పాటు పాటలు పాడటం అంటే చాలా ఇష్టం. సమయం దొరికితే మెలోడీస్‌ ను చాలా ఇష్టంగా పాడుతుంది. అమ్మాయిలకైనా, అబ్బాయిలకైనా వారి జీవితాన్ని వారు ఎంచుకునే స్వేచ్ఛ వారికే ఇవ్వాలి. పెద్దలుగా మనం కనిపెడుతూ ఉండాలి. పిల్లల ఆసక్తితో ఎంచుకున్న మార్గంవైపు మనకు తెలిస్తే ఏవైనా సూచనలు ఇవ్వాలి. లేదంటే, ధైర్యంగా వెళ్లు అని చెప్పాలి. ఈ ఏడాది పిల్లలను సోర్ట్స్‌ అకాడమీలో చేర్చాం. వచ్చే ఏడాదికి పెద్ద ప్లేయర్‌ అయిపోవాలని వారిపై ఒత్తిడి తీసుకురావద్దు. అది సాధ్యం కాదు కూడా.ఎంచుకున్న దానిపైన అంకితభావం, క్రమశిక్షణ, సాధన ఉండాలి. మా అమ్మాయి ఆలోచన ఎప్పుడూ క్రికెట్‌ వైపు ఉండేది. మా కుటుంబం అంతా ఆమె వైపు ఉన్నాం. నా కలలను పిల్లల ద్వారా తీర్చుకోవాలి అనుకోలేదు. నా జీవితంలో ఎదురైన స్ట్రగుల్స్‌ని ఎప్పుడూ పిల్లల ముందు చెప్పలేదు. నా జర్నీలో మా అమ్మ నాకు పెద్ద మోరల్‌ సపోర్ట్‌. నా కూతురు ఎదుగుదలలో నేను కూడా అంతే. ఎంచుకున్న మార్గం వైపు ధైర్యంగా వెళ్లమనే చెబుతుంటాను. ఈ రోజు ఆ సక్సెస్‌ను చూస్తున్నాం’’ అంటూ ఆనందంగా వివరించారు. – నిర్మలారెడ్డి, సాక్షి ఫీచర్స్‌ ప్రతినిధి

మహిళల వన్డే ప్రపంచకప్‌ 2025లో (ICC Women's World Cup 2025) భాగంగా భారత్‌-పాకిస్తాన్‌ (India vs Pakistan) మధ్య ఇవాళ (అక్టోబర్‌ 5) జరుగుతున్న మ్యాచ్‌లో ఓ ఆసక్తికర సన్నివేశం చోటు చేసుకుంది. మ్యాచ్‌ మధ్యలో పాక్‌ కెప్టెన్‌ ఫాతిమా సనా మ్యాజిక్‌ స్ప్రేను (Spray) ప్రయోగించింది. దీనికి సంబంధించిన ఫోటోలు సోషల్‌మీడియాలో వైరలవుతున్నాయి. ఇంతకీ పాక్‌ కెప్టెన్‌ ఎందుకలా చేసిందని అభిమానులు ఆరా తీస్తున్నారు.వివరాల్లో వెళితే.. కొలొంబోలోని ఆర్‌ ప్రేమదాస స్టేడియం వేదికగా జరుగుతున్న మ్యాచ్‌లో పాకిస్తాన్‌ టాస్‌ గెలిచి ఫీల్డింగ్‌ ఎంచుకుంది. ఈ మ్యాచ్‌ ప్రారంభమైనప్పటి నుంచి చిన్నచిన్న పురుగులు మైదానమంతా వ్యాపించి ఇరు జట్ల ఆటగాళ్లను ఇబ్బంది పెట్టాయి. ఈ పరుగుల కారణంగా మ్యాచ్‌కు పలు మార్లు అంతరాయం కలిగింది.ఇన్నింగ్స్‌ మధ్యలో పురుగుల ప్రభావం చాలా ఎక్కువైంది. దీని వల్ల భారత ఆటగాళ్లు బ్యాటింగ్‌ చేయలేకపోయారు. ఈ విషయమై అప్పుడు క్రీజ్‌లో ఉన్న భారత కెప్టెన్‌ హర్మన్‌ప్రీత్‌ అంపైర్‌కు ఫిర్యాదు చేసింది. పురుగుల వల్ల తాను బంతిపై దృష్టి సారించలేకపోతున్నానని తెలిపింది.దీంతో ఇన్నింగ్స్‌ 28వ ఓవర్‌లో అంపైర్‌ పురుగులు తరిమే స్ప్రేను ఉపయోగించేందుకు పర్మిషన్‌ ఇచ్చాడు. పాక్‌ సబ్‌స్టిట్యూట్ ప్లేయర్ ఒకరు స్ప్రే తీసుకొచ్చి వారి కెప్టెన్‌ ఫాతిమా సనాకు ఇవ్వగా, ఆమె దాన్ని ఉపయోంచి పురుగులను తరిమికొట్టింది. స్ప్రే ఉపయోగించిన తర్వాత కాస్త ఉపశమనం లభించడంతో భారత ఆటగాళ్లు బ్యాటింగ్‌కు కొనసాగించారు.శ్రీలంకలోని క్రికెట్‌ మైదానాల్లో ఇలాంటి సన్నివేశాలు తరుచూ కనిపిస్తుంటాయి. పురుగులు, జంతువులు, పాములు పిలవని పేరంటాలకు వచ్చి పోతుంటాయి. తాజాగా భారత జట్టు ప్రాక్టీస్‌ చేస్తుండగా మైదానంలోకి పెద్ద పాము ప్రవేశించింది. పాములు పట్టే వారు వచ్చి దాన్ని తీసుకెళ్లి అడవిలో వదిలేశారు.మ్యాచ్‌ విషయానికొస్తే.. తొలుత బ్యాటింగ్‌ చేస్తున్న భారత్‌ 44 ఓవర్ల తర్వాత 5 వికెట్ల నష్టానికి 197 పరుగులు చేసింది. ప్రతీక రావల్‌ (31), స్మృతి మంధన (23), హర్లీన్‌ డియోల్‌ (46), హర్మన్‌ప్రీత్‌ (19), జెమీమా రోడ్రిగెజ్‌ (32) ఔట్‌ కాగా.. దీప్తి శర్మ (24), స్నేహ్‌ రాణా (16) క్రీజ్‌లో ఉన్నారు.చదవండి: భారత్‌తో నిర్ణయాత్మక మూడో వన్డే.. ఆస్ట్రేలియా భారీ స్కోర్‌

అంతర్జాతీయ క్రికెట్‌ మండలి (ఐసీసీ) మహిళల వన్డే ప్రపంచకప్‌ (ICC Womens World Cup 2025)ను వరుణుడు వీడటం లేదు. ఇప్పటికే పలు మ్యాచ్‌లకు స్వల్పంగా ఆటంకం కలిగించిన వర్షం... శనివారం పూర్తి మ్యాచ్‌ను తుడిచిపెట్టేసింది. కొలంబో వేదికగా డిఫెండింగ్‌ చాంపియన్‌ ఆస్ట్రేలియా- శ్రీలంక ( Sri Lanka W vs Australia W) మధ్య జరగాల్సిన మ్యాచ్‌ భారీ వర్షం కారణంగా రద్దు అయింది. మ్యాచ్‌ సమయం కంటే ముందు నుంచే భారీ వర్షం ముంచెత్తడంతో... కనీసం టాస్‌ కూడా వేసే అవకాశం దక్కలేదు. దీంతో ఇరు జట్లకు చెరో పాయింట్‌ కేటాయించారు. వరల్డ్‌కప్‌లో భాగంగా నేడు దాయాది పాకిస్తాన్‌తో భారత మహిళల జట్టు తలపడనుంది. ఇదీ చదవండి: ఒంటిచేత్తో ఆసీస్‌ను గెలిపించిన మార్ష్‌మౌంట్‌ మాంగనీ: మిచెల్‌ మార్ష్‌ (52 బంతుల్లో 103 నాటౌట్‌; 8 ఫోర్లు, 7 సిక్స్‌లు) అజేయ శతకంతో చెలరేగడంతో న్యూజిలాండ్‌పై మూడో టీ20లో ఆస్ట్రేలియా ఘనవిజయం సాధించింది. మూడు మ్యాచ్‌ల ‘చాపెల్‌–హ్యాడ్లీ’ సిరీస్‌లో భాగంగా శనివారం జరిగిన ఆఖరి టీ20లో ఆస్ట్రేలియా 3 వికెట్ల తేడాతో ఆతిథ్య న్యూజిలాండ్‌ను చిత్తుచేసింది. తద్వారా 2–0తో సిరీస్‌ కైవసం చేసుకుంది.తొలి మ్యాచ్‌లో మార్ష్‌ మెరుపులతో ఆసీస్‌ అలవోకగా గెలవగా... రెండో మ్యాచ్‌ వర్షం కారణంగా రద్దు అయింది. అంతర్జాతీయ టి20ల్లో మార్ష్‌కు ఇదే తొలి సెంచరీ కావడం విశేషం. టాస్‌ ఓడి మొదట బ్యాటింగ్‌కు దిగిన న్యూజిలాండ్‌ నిర్ణీత 20 ఓవర్లలో 9 వికెట్ల నష్టానికి 156 పరుగులు చేసింది. వికెట్‌ కీపర్‌ టిమ్‌ సైఫెర్ట్‌ (35 బంతుల్లో 48; 5 ఫోర్లు, 3 సిక్స్‌లు) టాప్‌ స్కోరర్‌ కాగా... కెప్టెన్‌ మిచెల్‌ బ్రేస్‌వెల్‌ (22 బంతుల్లో 26; 2 ఫోర్లు, 1 సిక్స్‌), నీషమ్‌ (18 బంతుల్లో 25; 2 ఫోర్లు, 2 సిక్స్‌లు) ఫర్వాలేదనిపించారు.గత మ్యాచ్‌ సెంచరీ హీరో టిమ్‌ రాబిన్‌సన్‌ (13) ఈ సారి విఫలం కాగా... డెవాన్‌ కాన్వే (0), మార్క్‌ చాప్‌మన్‌ (4), డారిల్‌ మిచెల్‌ (9) ప్రభావం చూపలేకపోయారు. ఆస్ట్రేలియా బౌలర్లలో సీన్‌ అబాట్‌ 3 వికెట్లు పడగొట్టగా... జోష్‌ హాజిల్‌వుడ్, జేవియర్‌ చెరో రెండు వికెట్లు ఖాతాలో వేసుకున్నారు. అనంతరం లక్ష్యఛేదనలో మార్ష్‌ మెరుపులు మెరిపించడంతో ఆ్రస్టేలియా 18 ఓవర్లలో 7 వికెట్లు కోల్పోయి 160 పరుగులు చేసింది. మిగిలిన వాళ్లు పెద్దగా ఆకట్టుకోలేకపోగా, మార్ష్‌ ఒంటి చేత్తో జట్టును విజయపథాన నడిపాడు.ట్రావిస్‌ హెడ్‌ (8), మాథ్యూ షార్ట్‌ (7), టిమ్‌ డేవిడ్‌ (3), అలెక్స్‌ కారీ (1)మార్కస్‌ స్టొయినిస్‌ (2) పేలవ ప్రదర్శన కనబర్చారు. మరో ఎండ్‌లో వరుసగా వికెట్లు పడుతున్నా... మార్ష్‌ ఏమాత్రం వెరవకుండా భారీ షాట్‌లతో విరుచుకుపడ్డాడు. ఈ క్రమంలో అతడు 50 బంతుల్లో సెంచరీ పూర్తి చేసుకున్నాడు. టీ20ల్లో 73 ఇన్నింగ్స్‌లు ఆడిన మార్ష్‌కు ఇదే తొలి మూడంకెల స్కోరు. న్యూజిలాండ్‌ బౌలర్లలో నీషమ్‌ 4 వికెట్లు పడగొట్టాడు. మార్ష్‌కు ‘మ్యాన్‌ ఆఫ్‌ ద మ్యాచ్‌’, ‘మ్యాన్‌ ఆఫ్‌ ద సిరీస్‌’ అవార్డులు దక్కాయి.

మహిళల వన్డే ప్రపంచకప్‌ 2025లో (Women's World Cup 2025) సంచలనం నమోదైంది. పాకిస్తాన్‌ను (Pakistan) వారికంటే బలహీనమైన బంగ్లాదేశ్‌ (Bangladesh) చిత్తుగా ఓడించింది. కొలొంబో వేదికగా నిన్న (అక్టోబర్‌ 2) జరిగిన మ్యాచ్‌లో తొలుత బ్యాటింగ్‌ చేసిన పాకిస్తాన్‌.. బంగ్లా బౌలర్ల ధాటికి 389.3 ఓవర్లలో 129 పరుగులకే ఆలౌటైంది.షోర్నా అక్తర్‌ 3, మరుఫా అక్తర్‌, నహిద అక్తర్‌ చరో 2, నిషిత అక్తర్‌, ఫహీమా ఖాతూన్‌, రబేయా ఖాన్‌ తలో వికెట్‌ తీసి పాక్‌ను స్వల్ప స్కోర్‌కే పరిమితం చేశారు.పాక్‌ ఇన్నింగ్స్‌లో 23 పరుగులు చేసిన రమీన్‌ షమీమ్‌ టాప్‌ స్కోరర్‌ కాగా.. కెప్టెన్‌ ఫాతిమా సనా (22), మునీబా అలీ (17), అలియా రియాజ్‌ (13), సిద్రా నవాజ్‌ (15), డయానా బేగ్‌ (16 నాటౌట్‌) రెండంకెల స్కోర్లు చేశారు. ఒమైమా సోహైల్‌, సిద్రా అమీన్‌ డకౌట్లయ్యారు.అనంతరం స్వల్ప లక్ష్య ఛేదనకు దిగిన బంగ్లాదేశ్‌ ఆడుతూ పాడుతూ విజయం సాధించింది. 31.1 ఓవర్లలో కేవలం 3 వికెట్లు మాత్రమే కోల్పోయి లక్ష్యాన్ని చేరుకుంది. రుబ్యా హైదర్‌ (54) అజేయ అర్ద సెంచరీతో బంగ్లాదేశ్‌ను గెలిపించింది. కెప్టెన్‌ నిగార్‌ సుల్తానా (23), శోభన మోస్తరి (24 నాటౌట్‌) రుబ్యాకు సహకరించారు. పాక్‌ బౌలర్లలో ఫాతిమా సనా, డయానా బేగ్‌, రమీన్‌ షమీమ్‌కు తలో వికెట్‌ దక్కింది. కాగా, ఈ టోర్నీలో భారత్‌-పాక్‌ మ్యాచ్‌ అక్టోబర్‌ 5న కొలొంబో వేదికగా జరుగనుంది.చదవండి: IND VS WI 1st Test: ఆల్‌టైమ్‌ రికార్డును సమం చేసిన బుమ్రా

ఐసీసీ మహిళల వన్డే ప్రపంచకప్‌ 2025లో (ICC Women's World Cup 2025) ఇవాళ (అక్టోబర్‌ 2) పాకిస్తాన్‌ (Pakistan), బంగ్లాదేశ్‌ (Bangladesh) తలపడుతున్నాయి. కొలొంబో వేదికగా జరుగుతున్న ఈ మ్యాచ్‌లో పాకిస్తాన్‌ టాస్‌ గెలిచి బ్యాటింగ్‌ చేసి స్వల్ప స్కోర్‌కే ఆలౌటైంది. బంగ్లాదేశ్‌ బౌలర్లు మూకుమ్మడిగా విజృంభించడంతో పాక్‌ 38.3 ఓవర్లలో 129 పరుగులకే కుప్పకూలింది. షోర్నా అక్తర్‌ 3, మరుఫా అక్తర్‌, నహిద అక్తర్‌ చరో 2, నిషిత అక్తర్‌, ఫహీమా ఖాతూన్‌, రబేయా ఖాన్‌ తలో వికెట్‌ తీసి పాక్‌ను స్వల్ప స్కోర్‌కే పరిమితం చేశారు. పాక్‌ ఇన్నింగ్స్‌లో 23 పరుగులు చేసిన రమీన్‌ షమీమ్‌ టాప్‌ స్కోరర్‌ కాగా.. కెప్టెన్‌ ఫాతిమా సనా (22), మునీబా అలీ (17), అలియా రియాజ్‌ (13), సిద్రా నవాజ్‌ (15), డయానా బేగ్‌ (16 నాటౌట్‌) రెండంకెల స్కోర్లు చేశారు. ఒమైమా సోహైల్‌, సిద్రా అమీన్‌ డకౌట్లయ్యారు. కాగా, ప్రస్తుత ప్రపంచ కప్‌ సెప్టెంబర్‌ 30న ప్రారంభమైంది. ఈ మెగా టోర్నీ భారత్‌, శ్రీలంక వేదికలుగా జరుగుతుంది. టోర్నీ ఓపెనర్‌లో ఆతిథ్య దేశాలు గౌహతిలో తలపడ్డాయి. ఇందులో భారత్‌ శ్రీలంకపై 59 పరుగుల తేడతో గెలుపొంది బోణీ కొట్టింది. నిన్న జరిగిన రెండో మ్యాచ్‌లో డిఫెండింగ్‌ ఛాంపియన్‌ ఆస్ట్రేలియా, న్యూజిలాండ్‌ తలపడ్డాయి. ఇండోర్‌ వేదికగా జరిగిన ఈ మ్యాచ్‌లో ఆస్ట్రేలియా 89 పరుగుల తేడాతో ఘన విజయం సాధించింది. ఈ టోర్నీలో రేపు (అక్టోబర్‌ 3) ఇంగ్లండ్‌, సౌతాఫ్రికా తలపడనున్నాయి. అక్టోబర్‌ 4న శ్రీలంక, ఆస్ట్రేలియా మ్యాచ్‌ జరుగుతుంది. అక్టోబర్‌ 5న కొలొంబో వేదికగా భారత్‌, పాకిస్తాన్‌ తలపడతాయి. ఈ మ్యాచ్‌ కోసం అభిమానులు ఆతృతగా ఎదురుచూస్తున్నారు. తాజాగా ముగిసిన పురుషుల ఆసియా కప్‌లో భారత్‌ ఫైనల్లో పాకిస్తాన్‌ను చిత్తుగా ఓడించి ఛాంపియన్‌గా నిలిచింది. ఈ టోర్నీలో భారత్‌ పాక్‌పై మూడుసార్లు గెలుపొందింది. ఈ టోర్నీలో భారత ఆటగాళ్లు పాక్‌ ఆటగాళ్లకు హ్యాండ్‌షేక్‌ను నిరాకరించారు. టోర్నీ గెలిచిన తర్వాత టీమిండియా ఆటగాళ్లు ఏసీసీ అధ్యక్షుడిగా ఉన్న పీసీబీ ఛైర్మన్‌ చేతుల మీదుగా ట్రోఫీని అందుకునేందుకు నిరాకరించింది. దీంతో చిర్రెత్తిపోయని ఏసీసీ అధ్యక్షుడు నఖ్వీ ట్రోఫీ సహా భారత ఆటగాళ్లకు ఇవ్వాల్సిన మెడల్స్‌ను ఎత్తుకెళ్లిపోయారు. ఈ వివాదం ఇంకా కొనసాగుతూనే ఉంది. చదవండి: చెలరేగిన బౌలర్లు.. రాణించిన కేఎల్‌ రాహుల్‌.. భారీ స్కోర్‌ దిశగా టీమిండియా

రేపటి నుంచి (సెప్టెంబర్‌ 30) మహిళల క్రికెట్‌ మహా సంగ్రామం (ICC Women's World Cup-2025) ప్రారంభం కానుంది. ఈ మెగా టోర్నీకి భారత్‌ (India), శ్రీలంక (Sri Lanka) సంయుక్తంగా ఆతిథ్యమిస్తున్నాయి. నవంబర్‌ 2 వరకు జరిగే ఈ క్రికెట్‌ పండుగలో మొత్తం 8 జట్లు (భారత్, ఆస్ట్రేలియా, ఇంగ్లాండ్, దక్షిణాఫ్రికా, న్యూజిలాండ్, పాకిస్తాన్, బంగ్లాదేశ్, శ్రీలంక) పాల్గొంటున్నాయి. 5 వేదికలపై 34 రోజుల పాటు 31 మ్యాచ్‌లు జరుగనున్నాయి. మహిళల వన్డే వరల్డ్‌కప్‌లో ఇది 13వ ఎడిషన్‌.మ్యాచ్‌లు ఎక్కడ జరుగుతాయి..?భారత్‌లో: గౌహతి, ఇండోర్, విశాఖపట్నం, నవి ముంబై శ్రీలంకలో: కొలంబో కొలంబోలో మొత్తం 10 మ్యాచ్‌లు జరుగుతాయి. పాకిస్తాన్ జట్టు ఆడే అన్ని మ్యాచ్‌లు ఇక్కడే షెడ్యూల్‌ అయ్యాయి.మ్యాచ్ టైమింగ్స్‌..ఒక్క మ్యాచ్‌ మినహా అన్ని మ్యాచ్‌లు భారతకాలమానం ప్రకారం మధ్యాహ్నం 3 గంటలకు ప్రారంభమవుతాయి. అక్టోబర్ 26న న్యూజిలాండ్ vs ఇంగ్లండ్ మ్యాచ్ మాత్రం ఉదయం 11 గంటలకు ప్రారంభమవుతుంది.జట్ల కెప్టెన్లు.. భారత్‌- హర్మన్‌ప్రీత్ కౌర్ఆస్ట్రేలియా- అలిస్సా హీలీ ఇంగ్లాండ్- నాట్ స్కివర్-బ్రంట్న్యూజిలాండ్- సోఫీ డివైన్పాకిస్తాన్- ఫాతిమా సనాదక్షిణాఫ్రికా- లారా వోల్వార్డ్ట్బంగ్లాదేశ్- నిగార్ సుల్తానా జోటి శ్రీలంక- చమారి అటపత్తుభారత మ్యాచ్‌లు..సెప్టెంబర్ 30: భారత్ vs శ్రీలంక – గౌహతి అక్టోబర్ 5: భారత్ vs పాకిస్తాన్ – కొలంబో అక్టోబర్ 12: భారత్ vs ఆస్ట్రేలియా – విశాఖపట్నం అక్టోబర్ 19: భారత్ vs ఇంగ్లాండ్ – ఇండోర్ అక్టోబర్ 23: భారత్ vs న్యూజిలాండ్ – నవి ముంబై అక్టోబర్ 26: భారత్ vs బంగ్లాదేశ్ – నవి ముంబై అక్టోబర్ 29, 30: సెమీఫైనల్స్ నవంబర్ 2: ఫైనల్భారత జట్టు..హర్మన్‌ప్రీత్ కౌర్ (కెప్టెన్), స్మృతి మంధన (వైస్ కెప్టెన్), జెమిమా, రిచా ఘోష్, దీప్తి శర్మ, రేణుకా సింగ్, స్నేహ్ రాణా, హర్లీన్, అరుంధతి రెడ్డి, రాధా యాదవ్, ఉమా చేత్రి, అమన్‌జోత్, కాంతి గౌడ్, శ్రీ చరణి, ప్రతికా రావల్ రిజర్వ్స్: తేజల్ హసాబ్నిస్, ప్రీమా రావత్, ప్రియా మిశ్రా, మిన్ను మణి, సయాలి సత్ఘారేప్రసార వివరాలు.. మహిళల వన్డే వరల్డ్‌కప్‌ 2025ను భారత్‌లో స్టార్ స్పోర్ట్స్ నెట్‌వర్క్ చానళ్లలో ప్రత్యక్ష ప్రసారమవుతుంది. JioHotstar యాప్ మరియు వెబ్‌సైట్ ద్వారా లైవ్ స్ట్రీమింగ్ కూడా అందుబాటులో ఉంటుంది.చదవండి: టీమిండియాకు కొత్త టాస్క్‌.. మరో మూడు రోజుల్లో ప్రారంభం

ఐసీసీ మహిళల వన్డే వరల్డ్‌కప్‌ 2025 వార్మప్‌ మ్యాచ్‌లు (ICC Women's World Cup 2025 Warm up Matches) ఇవాల్టి నుంచి (సెప్టెంబర్‌ 25) ప్రారంభమయ్యాయి. బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌ మరియు కొలొంబోలోని వేర్వేరు మైదానాల్లో ఈ మ్యాచ్‌లు జరుగుతున్నాయి.తొలి మ్యాచ్‌లో న్యూజిలాండ్‌పై భారత్‌-ఏ (India A vs New zealand) 4 వికెట్ల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌.. ఇసబెల్లా గేజ్‌ (101) అజేయ శతకంతో చెలరేగడంతో నిర్ణీత 50 ఓవర్లలో 9 వికెట్ల నష్టానికి 273 పరుగులు చేసింది.అనంతరం భారత్‌ లక్ష్యాన్ని ఛేదిస్తుండగా వర్షం ప్రారంభమైంది. దీంతో డక్‌వర్త్‌ లూయిస్‌ పద్దతిన టార్గెట్‌ను 40 ఓవర్లలో 224 పరుగులుగా నిర్దేశించారు. వర్షం కారణంగా మ్యాచ్‌ నిలిచిపోయే సమయానికే భారత్‌ టార్గెట్‌ను రీచ్‌ అయ్యింది (39.3 ఓవర్లలో 6 వికెట్ల నష్టానికి 226 పరుగులు చేసింది). దీంతో భారత్‌ను విజేతగా ప్రకటించారు.121 పరుగులకే 6 వికెట్లు కోల్పోయి కష్టాల్లో ఉండిన టీమిండియాను కెప్టెన్‌ మిన్నూ మణి (39 నాటౌట్‌), మమత మడివాలా (56 నాటౌట్‌) ఆదుకున్నారు. అంతకుముందు షఫాలీ వర్మ (49 బంతుల్లో 70) విధ్వంసకర అర్ద శతకంతో ఆకట్టుకుంది.బెంగళూరులోనే జరుగుతున్న మరో మ్యాచ్‌లో భారత్‌, ఆస్ట్రేలియా (India vs Australia) తలపడుతున్నాయి. ఈ మ్యాచ్‌లో తొలుత బ్యాటింగ్‌ చేస్తున్న ఆస్ట్రేలియా 36 ఓవర్ల అనంతరం 3 వికెట్లు కోల్పోయి 214 పరుగులు చేసింది. కెప్టెన్‌ నాట్‌ సీవర్‌ బ్రంట్‌ (89), ఎమ్మా లాంబ​్‌ (45) క్రీజ్‌లో ఉన్నారు. భారత బౌలర్లలో రేణుకా ఠాకూర్‌, అరుంధతి రెడ్డి తలో వికెట్‌ తీశారు.కొలొంబోలో జరుగుతున్న మరో రెండు మ్యాచ్‌ల్లో సౌతాఫ్రికా-బంగ్లాదేశ్‌, శ్రీలంక-పాకిస్తాన్‌ తలపడుతున్నాయి. ఈ రెండు మ్యాచ్‌లు వర్షం​ కారణంగా ఆగిపోయాయి. ​చదవండి: IND VS AUS: కేఎల్‌ రాహుల్‌కు గాయం.. సెంచరీ దిశగా సాగుతుండగా..!

ఐసీసీ మహిళల ప్రపంచకప్‌-2025కు ముందు భారత జట్టుకు గట్టి ఎదురు దెబ్బ తగిలింది. స్టార్ ఓపెనర్‌, వికెట్ కీపర్ బ్యాటర్ యస్తికా భాటియా మెకాలి గాయం కారణంగా టోర్నమెంట్ నుండి వైదొలిగింది. ఈ విషయాన్ని బీసీసీఐ ధ్రువీకరించింది.ఆమె స్ధానాన్ని ఉమా చెత్రితో భారత క్రికెట్ బోర్డు భర్తీ చేసింది. కాగా ఈ మెగా టోర్నీ కోసం హర్మన్ ప్రీత్ కౌర్ సారథ్యంలోని భారత మహిళల జట్టు వైజాగ్‌లో ప్రాక్టీస్ క్యాప్‌ను నిర్వహించింది. ఈ సన్నాహకాల్లో భాగంగానే భాటియా గాయపడింది. ఈ క్రమంలోనే వరల్డ్‌కప్‌తో పాటు ఆస్ట్రేలియాతో వన్డే సిరీస్‌కు కూడా యస్తికా దూరమైంది."వైజాగ్‌లో జరిగిన టీమిండియా సన్నాహక శిబిరంలో యాస్తికా భాటియా ఎడమ మోకాలికి గాయమైంది. దీంతో ప్రపంచకప్‌కు యస్తికా దూరమైంది. ప్రస్తుతం ఆమె బీసీసీఐ వైద్య బృందం పర్యవేక్షణలో ఉంది. ఆమె త్వరగా కోలుకోవాలని ఆశిస్తున్నాము" అని బీసీసీఐ ఓ ప్రకటనలో పేర్కొంది. అయితే యాస్తికా గత కొన్ని సిరీస్‌ల నుంచి జట్టుతో ఉన్నప్పటికి ప్లేయింగ్‌ ఎలెవన్‌లో మాత్రం రెగ్యూలర్‌గా చోటు దక్కించుకోవడం లేదు. వికెట్‌ కీపర్‌ బ్యాటర్‌ రిచా ఘోష్‌కు ప్రత్యామ్నాయంగా కొనసాగుతోంది. ఇప్పుడు రిచాకు బ్యాకప్‌గా అస్సాంకు చెందిన ఉమా జట్టుతో చేరనుంది. ఉమా చెత్రి ఇప్పటివరకు భారత తరపున వన్డేల్లో అరంగేట్రం చేయలేదు. కాగా ఈ మెగా ఈవెంట్‌ సెప్టెంబర్‌ 30 నుంచి ప్రారంభం కానుంది. తొలి మ్యాచ్‌లో గౌహతి వేదికగా భారత్‌-శ్రీలంక జట్లు తలపడనున్నాయి.ఆస్ట్రేలియాతో వన్డేలకు భారత జట్టు(అప్‌డేటడ్‌): హర్మన్‌ప్రీత్ కౌర్ (కెప్టెన్‌), స్మృతి మంధాన (వైస్ కెప్టెన్‌), ప్రతీకా రావల్, హర్లీన్ డియోల్, దీప్తి శర్మ, జెమిమా రోడ్రిగ్స్, రేణుకా సింగ్ ఠాకూర్, అరుంధతి రెడ్డి, రిచా ఘోష్ (వికెట్ కీపర్‌), క్రాంతి గౌడ్, సయాలీ సత్‌ఘరే, రాధా యాదవ్, శ్రీ చరణి, స్నేహ రాణా, ఉమా చెత్రీ (వికెట్ కీపర్‌)మహిళల క్రికెట్ ప్రపంచ కప్ 2025కు భారత జట్టు (అప్‌డేటడ్‌): హర్మన్‌ప్రీత్ కౌర్ (కెప్టెన్‌), స్మృతి మంధాన (వైస్ కెప్టెన్‌), ప్రతీకా రావల్, హర్లీన్ డియోల్, దీప్తి శర్మ, జెమిమా రోడ్రిగ్స్, రేణుకా సింగ్ ఠాకూర్, అరుంధతి రెడ్డి, రిచా ఘోష్ (వికెట్‌కీపర్‌), క్రాంతి గౌడ్, అమంజోత్ కౌర్, రాధా యాదవ్, శ్రీ చరణి, స్నేహ రాణా, ఉమా చెత్రీ

భారత్‌ వేదికగా జరగనున్న మహిళల వన్డే వరల్డ్‌కప్‌ (ICC Women's ODI World Cup) కోసం పాకిస్తాన్‌ జట్టు భారత్‌లో పర్యటించబోదని పాకిస్తాన్‌ క్రికెట్‌ బోర్డు (PCB) చైర్మన్‌ మొహసిన్‌ నఖ్వీ శనివారం స్పష్టంచేశారు. సరిహద్దు ఉద్రిక్తతల నేపథ్యంలో ఇటీవల ఐసీసీ పురుషుల చాంపియన్స్‌ ట్రోఫీ (ICC Champions Trophy 2025) ఆడేందుకు టీమిండియా పాకిస్తాన్‌లో పర్యటించేందుకు నిరాకరించింది. ఈ క్రమంలో రోహిత్‌ సేన ఆడే మ్యాచ్‌లను ‘హైబ్రీడ్‌ మోడల్‌’లో దుబాయ్‌లో నిర్వహించారు. ఇప్పుడదే రీతిన మహిళల వన్డే ప్రపంచకప్‌లో పాకిస్తాన్‌ ఆడనున్న మ్యాచ్‌లను తటస్థ వేదికపై నిర్వహించనున్నారు. దీనికి గతంలోనే ఇరు దేశాల క్రికెట్‌ బోర్డులు అంగీకారం తెలిపాయి. ‘భారత జట్టు పాకిస్తాన్‌లో చాంపియన్స్‌ ట్రోఫీ ఆడలేదు. తటస్థ వేదికపై మ్యాచ్‌లు ఆడింది. ఇప్పుడు మహిళల ప్రపంచకప్‌ విషయంలోనే అదే జరుగుతుంది. ఆతిథ్య హోదాలో భారత్‌ నిర్ణయించిన తటస్థ వేదికపై మ్యాచ్‌లు ఆడేందుకు పాకిస్తాన్‌ క్రికెట్‌ జట్టు సిద్ధంగా ఉంది’అని నఖ్వీ పేర్కొన్నారు. కాగా ఈ ఏడాది సెప్టెంబర్‌ –అక్టోబర్‌లలో భారత్‌ వేదికగా మహిళల వన్డే వరల్డ్‌కప్‌ టోర్నీ జరుగనుంది.వెస్టిండీస్‌ అవుట్‌.. బంగ్లాదేశ్‌ క్వాలిఫైభారత్‌ వేదికగా ఈ ఏడాది చివర్లో జరగనున్న అంతర్జాతీయ క్రికెట్‌ మండలి (ఐసీసీ) మహిళల వన్డే ప్రపంచకప్‌ క్రికెట్‌ టోర్నమెంట్‌కు బంగ్లాదేశ్‌ అర్హత సాధించింది. పాకిస్తాన్‌లో జరుగుతున్న వరల్డ్‌కప్‌ క్వాలిఫయింగ్‌ టోర్నమెంట్‌ పాయింట్ల పట్టికలో రెండో స్థానంలో నిలవడం ద్వారా బంగ్లాదేశ్‌ వరల్డ్‌కప్‌ బెర్త్‌ దక్కించుకుంది. లాహోర్‌లో శనివారం జరిగిన తమ చివరి లీగ్‌ మ్యాచ్‌లో బంగ్లాదేశ్‌ జట్టు 7 వికెట్ల తేడాతో పాకిస్తాన్‌ చేతిలో పరాజయం పాలైంది. మొదట బ్యాటింగ్‌ చేసిన బంగ్లాదేశ్‌ జట్టు నిర్ణీత 50 ఓవర్లలో 9 వికెట్ల నష్టానికి 178 పరుగులు చేసింది. రితూ మోని (48; 5 ఫోర్లు), ఫహీమా ఖాతూన్‌ (44 నాటౌట్‌; 4 ఫోర్లు) రాణించారు. పాకిస్తాన్‌ బౌలర్లలో సాదియా 3 వికెట్లు పడగొట్టింది. అనంతరం లక్ష్యఛేదనలో పాకిస్తాన్‌ మహిళల జట్టు 39.4 ఓవర్లలో 3 వికెట్ల నష్టానికి 181 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’మునీబా అలీ (93 బంతుల్లో 69; 8 ఫోర్లు), ఆలియా రియాజ్‌ (52 నాటౌట్‌; 6 ఫోర్లు, 1 సిక్స్‌) సత్తాచాటారు.ఈ టోర్నీలో ఆడిన 5 మ్యాచ్‌ల్లోనూ గెలిచిన పాకిస్తాన్‌ 10 పాయింట్లతో పట్టిక అగ్ర స్థానంలో నిలవగా... బంగ్లాదేశ్‌ జట్టు 5 మ్యాచ్‌ల్లో 3 విజయాలు, 2 పరాజయాలతో 6 పాయింట్లు ఖాతాలో వేసుకున్న బంగ్లాదేశ్‌ రెండో ‘ప్లేస్‌’దక్కించుకుంది. వెస్టిండీస్‌ కూడా 5 మ్యాచ్‌ల్లో 3 విజయాలు, 2 ఓటములతో 6 పాయింట్లు సాధించినా... రన్‌రేట్‌లో స్వల్పంగా మెరుగ్గా ఉన్న బంగ్లాదేశ్‌ ముందంజ వేసింది. మాథ్యూస్‌ మెరుపులు వృథా... వెస్టిండీస్‌ మహిళల జట్టుకు నిరాశ తప్పలేదు. థాయ్‌లాండ్‌తో మ్యాచ్‌లో 10 ఓవర్లలో లక్ష్యఛేదన పూర్తిచేస్తే మెరుగైన రన్‌రేట్‌తో వరల్డ్‌కప్‌నకు అర్హత సాధించే అవకాశం ఉండగా...ఐదు బంతుల తేడాతో అవకాశం కోల్పోయింది. ఆ జట్టు 10.5 ఓవర్లలో 168 పరుగులు చేసింది. మొదట థాయ్‌లాండ్‌ మహిళల జట్టు 46.1 ఓవర్లలో 166 పరుగులకు ఆలౌటైంది. నాథకన్‌ చాంతమ్‌ (66; 7 ఫోర్లు) టాప్‌ స్కోరర్‌ కాగా.. విండీస్‌ బౌలర్లలో అఫీ ఫ్లెచర్‌ 4, ఆలియా అలీనె 3 వికెట్లు పడగొట్టింది.అనంతరం ఛేదనలో విండీస్‌ 10.5 ఓవర్లలో 4 వికెట్లకు 168 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’, కెపె్టన్‌ హేలీ మాథ్యూస్‌ (29 బంతుల్లో 70; 11 ఫోర్లు, 2 సిక్స్‌లు) ఆకాశమే హద్దుగా చెలరేగగా... షినెల్‌ హెన్రీ (17 బంతుల్లో 48; 3 ఫోర్లు, 5 సిక్స్‌లు) దంచికొట్టింది.మాథ్యూస్‌ మెరుపులతో కరీబియన్‌ జట్టు సునాయాసంగా గమ్యాన్ని చేరేలా కనిపించినా... కీలక సమయంలో ఆమె అవుట్‌ కావడం విండీస్‌ అవకాశాలను దెబ్బకొట్టింది. చివర్లో హెన్రీ విజృంభించినా... అది సాధ్యపడలేదు. లీగ్‌ మ్యాచ్‌లు ముగిసేసరికి బంగ్లాదేశ్‌ 0.639 రన్‌రేట్‌తో నిలవగా... వెస్టిండీస్‌ 0.626తో నిలిచింది. అంటే 0.013 తేడాతో వెస్టిండీస్‌ వరల్డ్‌కప్‌ పోటీ నుంచి తప్పుకొంది. చదవండి: కెరీర్‌లో తొలి బంతికే సిక్సర్‌.. చరిత్రపుటల్లోకెక్కిన 14 ఏళ్ల వైభవ్‌ సూర్యవంశీ

కేప్‌టౌన్‌: టి20 ప్రపంచకప్‌ను సాధించాలనే లక్ష్యంతో బరిలోకి దిగనున్న భారత మహిళల జట్టు నేడు గ్రూప్‌ ‘బి’ తొలిపోరులో చిరకాల ప్రత్యర్థి పాకిస్తాన్‌తో తలపడుతుంది. కీలకమైన పోరుకు ముందు డాషింగ్‌ ఓపెనర్‌ స్మృతి మంధాన, కెప్టెన్‌ హర్మన్‌ప్రీత్‌ కౌర్‌ ఫిట్‌నెస్‌ సమస్యలు జట్టును సతమతం చేస్తున్నాయి. తొలి మ్యాచ్‌కు స్మృతి గాయంతో జట్టుకు దూరమవడం బ్యాటింగ్‌పై ప్రభావం చూపగలదు. అయితే ఇటీవల షఫాలీ వర్మ, రిచా అండర్‌–19 ఈవెంట్‌లో రాణించారు. ఇప్పుడు కూడా బాధ్యతను పంచుకుంటే ఆ సమస్యను అధిగమించవచ్చు. జెమీమా, హర్లీన్, కెప్టెన్‌ హర్మన్‌ప్రీత్‌ మిడిలార్డర్‌లో రాణిస్తే జట్టుకు ఢోకా ఉండదు. బౌలింగ్‌ లో రేణుక, శిఖా పాండే, దీప్తి శర్మ రాణిస్తే పాకిస్తాన్‌పై భారత్‌కు విజయం సులువవుతుంది.

ఐసీసీ వరల్డ్‌ కప్ సూపర్‌ లీగ్‌ పాయింట్ల పట్టికలో టీమిండియా ఐదో స్థానానికి చేరుకుంది. రాంఛీ వేదికగా జరిగిన రెండో వన్డేలో ఘన విజయం సాధించిన టీమిండియా.. న్యూజిలాండ్‌ను అధిగమించి ఐదో స్థానాన్ని సొంతం చేసుకుంది. 2020-23 ఏడాది సూపర్ లీగ్‌లో భాగంగా ఇప్పటి వరకు 17 మ్యాచ్‌లు ఆడిన టీమిండియా .. 12 మ్యాచ్‌ల్లో విజయం, 5 మ్యాచ్‌ల్లో పరాజయం పాలైంది. ఓవరాల్‌గా ఇప్పటి వరకు భారత్‌ ఖాతాలో 119 పాయింట్లు ఉన్నాయి. కాగా వచ్చే ఏడాది వన్డే వరల్డ్‌కప్‌కు భారత్‌ ఆతిథ్యం ఇస్తుంది కాబట్టి.. పాయింట్ల పట్టికతో సంబంధం లేకుండా నేరుగా టీమిండియా అర్హత సాధిస్తుంది. ఇక ఈ మ్యాచ్‌లో ఓటమి పాలైన దక్షిణాఫ్రికా.. వన్డే ప్రపంచకప్‌కు అర్హత సాధించే అవకాశాలను మరింత సంక్లిష్టం చేసుకుంది. ఇక ఐసీసీ వరల్డ్‌ కప్ సూపర్‌ లీగ్‌ పాయింట్ల పట్టికలో 125 పాయింట్లతో ఇంగ్లండ్‌ ఆగ్ర స్థానంలో కొనసాగుతుండగా.. 120 పాయింట్లతో ఆస్ట్రేలియా రెండో స్థానంలో నిలిచింది. ఇక ఐసీసీ క్రికెట్‌ వరల్డ్‌ కప్‌ సూపర్‌ లీగ్‌ పాయింట్ల పట్టికలో టాప్‌-8 స్థానాల్లో నిలిచిన జట్లు 2023 వన్డే వరల్డ్‌ కప్‌కు నేరుగా అర్హత సాధిస్తాయి.  చదవండి: IND vs SA: ఇషాన్‌ కిషన్‌ అరుదైన రికార్డు.. రెండో భారత ఆటగాడిగా..!

ICC Women World Cup 2022 Nz Vs Ban: ఐసీసీ మహిళా వరల్డ్‌కప్‌-2022 టోర్నీలో న్యూజిలాండ్‌ అద్భుత విజయం సాధించింది. బంగ్లాదేశ్‌ మహిళా జట్టుపై 9 వికెట్ల తేడాతో గెలుపొందింది. న్యూజిలాండ్‌లోని యూనివర్సిటీ ఓవల్‌ మైదానంలో జరిగిన మ్యాచ్‌లో టాస్‌ గెలిచిన ఆతిథ్య జట్టు బౌలింగ్‌ ఎంచుకుంది. అయితే వర్షం అంతరాయం కలిగించడంతో మ్యాచ్‌ను 27 ఓవర్లకు కుదించారు.  ఈ క్రమంలో బంగ్లాదేశ్‌ నిర్ణీత ఓవర్లలో 8 వికెట్ల నష్టానికి 140 పరుగులు చేసింది. బంగ్లా బ్యాటర్లలో ఓపెనర్లు షమీమా సుల్తానా(33 పరుగులు) ఫర్జానా హక్‌(52 పరుగులు) మినహా మిగతా వాళ్లంతా అత్యల్ప స్కోర్లకే పెవిలియన్‌ చేరారు.  ఇక లక్ష్య ఛేదనకు దిగిన న్యూజిలాండ్‌ మహిళా జట్టు ఒక వికెట్‌ కోల్పోయి 20 ఓవర్లలోనే టార్గెట్‌ పూర్తి చేసింది. సుజీ బేట్స్‌ అద్భుత హాఫ్‌ సెంచరీ(79 పరుగులు- 8 ఫోర్లు)తో అజేయంగా నిలిచి వైట్‌ ఫెర్న్స్‌' విజయంలో కీలక పాత్ర పోషించింది. తద్వారా ప్లేయర్‌ ఆఫ్‌ ది మ్యాచ్‌గా నిలిచింది. ఇక ఓపెనర్‌, కెప్టెన్‌ సోఫీ డివైన్‌ 14 పరుగులు చేయగా.. మరో బ్యాటర్‌ అమీలియా కెర్‌ 47 పరుగులు(నాటౌట్‌) సాధించింది. ఐసీసీ మహిళా వరల్డ్‌కప్‌-2022 న్యూజిలాండ్‌ వర్సెస్‌ బంగ్లాదేశ్‌ స్కోర్లు: బంగ్లాదేశ్‌- 140/8 (27) న్యూజిలాండ్‌- 144/1 (20) 9 వికెట్ల తేడాతో వైట్‌ ఫెర్న్స్‌ విజయం ప్లేయర్‌ ఆఫ్‌ ది మ్యాచ్‌: సుజీ బేట్స్‌ చదవండి: Ind W Vs Pak W: పాక్‌ కెప్టెన్‌ కూతురిని ముద్దు చేసిన భారత మహిళా క్రికెటర్లు.. ఈ ఫొటో ఎంత అందంగా ఉందో! వైరల్‌

Ind W Vs Pak W 2022 World Cup: ఐసీసీ మహిళల వన్డే వరల్డ్‌కప్‌-2022లో భారత్‌ బోణి కొట్టింది. పాకిస్తాన్‌తో జరిగిన తొలి మ్యాచ్‌లో 107 పరుగుల తేడాతో భారత్‌ ఘన విజయం సాధించింది. కాగా పాక్‌పై భారత్‌కు ఇది వరుసగా 11వ విజయం. ఇక 245 పరుగుల లక్ష్యంతో బరిలోకి దిగిన పాకిస్తాన్‌.. భారత బౌలర్ల ధాటికి 137 పరుగులకే కుప్పకూలింది. పాక్‌ బ్యాటర్లలో సిద్రా అమీన్(30) తప్ప మిగితా ఎవరూ రాణించలేదు. భారత బౌలర్లలో రాజేశ్వరీ గైక్వాడ్‌ మూడు వికెట్లు పడగొట్టగా, గోస్వామి, స్నేహ్‌ రానా చెరో రెండు వికెట్లు సాధించారు.ఇక అంతకుముందు టాస్‌ గెలిచి బ్యాటింగ్‌ ఎంచుకున్న భారత్‌ నిర్ణీత 50 ఓవర్లలో 244 పరుగులు సాదించింది. భారత బ్యాటర్లలో పూజా వస్త్రాకర్‌ అద్భుతంగా రాణించింది. ఇక 114 పరుగులకే ఆరు వికెట్లు కోల్పోయి పీకల్లోతు కష్టాల్లో పడిన భారత్‌ను పూజా వస్త్రాకర్‌(67),స్నేహ్‌ రానా(53) అదుకున్నారు. వీరిద్దరూ ఏడో వికెట్‌కు 124 పరుగుల భాగస్వామ్యాన్ని నెలకొల్పారు. భారత బ్యాటర్లలో కెప్టెన్‌ మిథాలీ, హర్మన్‌ ప్రీత్‌, షఫాలీ వర్మ నిరాశపరిచాడు. పాక్‌ బౌలర్లలో నిదా ధార్‌,సంధు చెరో రెండు వికెట్లు పడగొట్టగా.. బేగ్‌, ఆమీన్‌ ఒక్కో వికెట్‌ సాధించారు. ఇక ఈమ్యాచ్‌లో 67 పరుగులతో అద్భుతంగా రాణించిన పూజా వస్త్రాకర్‌కు మ్యాన్‌ ఆఫ్‌ది మ్యాచ్‌ అవార్డు దక్కింది. ఇక భారత్‌ తమ తదుపరి మ్యాచ్‌లో న్యూజిలాండ్‌తో మార్చి10న తలపడనుంది. చదవండి: Shane Warne: శవపరీక్షకు వార్న్‌ మృతదేహం.. బోరుమన్న దిగ్గజం కుమారుడు

వివక్ష.. ఇది కనిపించని రంగమంటూ లేదు. అయితే ఈ పరిస్థితిని మార్చే ప్రయత్నాలు మాత్రం జరుగు... తూనే ఉన్నాయి. ఈ తరుణంలో మహిళల క్రికెట్‌కు ఆదరణ గతకొంతకాలంగా పెరుగుతూ వస్తున్న సంగతి తెలిసిందే.  తాజాగా ఐసీసీ మహిళల ప్రపంచ కప్‌ పోటీలు మొదలుకాగా..  ఈ టోర్నీకి మద్ధతుగా గూగుల్‌ డూడుల్‌తో ప్లేయర్‌లకు  జోహార్లు చెప్పింది.  12వ ఎడిషన్‌ మహిళా క్రికెట్‌ ప్రపంచ కప్‌ పోటీలు మార్చి 4న ప్రారంభం అయ్యాయి. ఏప్రిల్‌ 3వ తేదీ దాకా జరగబోయే ఈ టోర్నీ కోసం గూగుల్‌ డూడుల్‌ను రిలీజ్‌ చేసింది. ఆరుగురు ప్లేయర్లు ప్రేక్షకుల మధ్య గేమ్‌లో మునిగిపోయినట్లు ఉండే డూడుల్‌ ఇది. గూగుల్‌ హోం పేజీలో ఈ డూడుల్‌ను మీరూ గమనించొచ్చు. క్లిక్‌ చేయగానే స్కోర్‌ బోర్డుకు వెళ్లడంతో పాటు బాల్స్‌ ఎడమ నుంచి కుడికి దూసుకెళ్లడం చూడొచ్చు.  New Google Doodle has been released: "Women's Cricket World Cup 2022 Begins!" :)#google #doodle #designhttps://t.co/oM7i79OJ1E pic.twitter.com/UeRDYk14qt — Google Doodles EN (@Doodle123_EN) March 3, 2022 ప్రపంచంలో తొలి ఇంటర్నేషనల్‌ క్రికెట్‌ మ్యాచ్‌ 1844లో కెనడా, అమెరికా మధ్య జరిగింది. అయితే మహిళల ప్రపంచ కప్‌ మాత్రం 1973 నుంచి  మొదలైంది. కొవిడ్‌ కారణంగా కిందటి ఏడాది జరగాల్సిన టోర్నీ.. ఈ ఏడాదికి వాయిదా పడింది. న్యూజిలాండ్‌ వేదికగా జరుగుతున్న ఈ టోర్నీలో మొత్తం ఎనిమిది జట్లు తలపడుతున్నాయి. తొలి మ్యాచ్‌ శుక్రవారం ఆతిథ్య న్యూజిలాండ్‌, వెస్టిండీస్‌ మధ్య మొదలైంది. విండీస్‌ 259 పరుగులు సాధించగా.. 260 పరుగుల లక్క్ష్యంతో న్యూజిలాండ్‌ బరిలోకి దిగింది. మహిళల ప్రపంచ కప్‌లో భాగంగా భారత్‌ తన తొలి మ్యాచ్‌ దాయాది పాక్‌తో మార్చ్‌ 6వ తేదీన(ఆదివారం) తలపడనుంది. ఉదయం 6.30ని. మ్యాచ్‌ ప్రారంభం అవుతుంది. ఆసీస్‌, ఇంగ్లండ్‌లు ఫేవరెట్‌గా ఉన్నాయి ఈసారి టోర్నీలో.

మహిళల ప్రపంచకప్‌-2022 సమరానికి భారత జట్టు సిద్దమైంది. మార్చి 6న భారత్‌ తమ తొలి మ్యాచ్‌లో చిరకాల ప్రత్యర్ధి పాకిస్తాన్‌తో తలపడనుంది. ఈ నేపథ్యంలో మిథాలీ సేనకు టీమిండియా స్టార్‌ క్రికెటర్‌ విరాట్‌ కోహ్లి మద్దతుగా నిలిచాడు. అంతే కాకుండా సోషల్‌ మీడియా వేదికగా భారత జట్టుకు మద్దతు తెలియజేయాలని అభిమానులను విరాట్‌ కోహ్లి కోరాడు. మిథాలీ రాజ్ నేతృత్వంలోని జట్టు దక్షిణాఫ్రికా,వెస్టిండీస్‌తో జరిగిన రెండు వార్మప్ మ్యాచ్‌ల్లోను విజయం సాధించి మంచి ఊపు మీద ఉంది. 2017 వన్డే ప్రపంచకప్‌లో రన్నరప్‌గా నిలిచిన భారత్‌.. ఈ సారి ఎలాగైనా గెలిచి తొలిసారి వరల్డ్‌ ఛాంపియన్స్‌గా నిలవాలని భావిస్తోంది. ఇక కెప్టెన్‌ మిథాలీ రాజ్‌ ప్రపంచకప్‌ తర్వాత అంతర్జాతీయ క్రికెట్‌ నుంచి తప్పుకోనుంది.  "భారత జట్టుకు సపోర్ట్‌ చేయడానికి సిద్దంగా ఉండండి. మన మద్దతు తెలియజేయడానికి ఇంతకంటే మంచి సమయం మరి ఉండదు. ఎందుకంటే ఇది ఐసీసీ మహిళల ప్రపంచకప్‌-2022 సమరం. కాబట్టి మార్చి 6 ఉదయం 6.30 గంటలకు అలారమ్‌ సెట్ చేయండి" అని కోహ్లి ట్వీట్‌ చేశాడు. కాగా అంతకుముందు కూడా చాలా సందర్భాల్లో వుమెన్‌ క్రికెట్‌కు విరాట్‌ మద్దతుగా నిలిచాడు. అదే విధంగా అండర్ 19 ప్రపంచకప్ ఫైనల్ చేరిన యువ భారత జట్టుకు విరాట్‌ కోహ్లి విలువైన సలహాలు ఇచ్చిన సంగతి తెలిసిందే. అండర్ 19 ప్రపంచకప్‌ను భారత్‌ కైవసం చేసుకుంది. చదవండి: Womens ODI World Cup 2022: ప్రపంచ కప్‌ సమరానికి సై.. భారత్‌ తొలి మ్యాచ్‌లోనే..

ఐసీసీ మహిళా వన్డే ప్రపంచకప్‌-2022 సమరానికి రంగం సిద్దమైంది. న్యూజిలాండ్‌ వేదికగా మెగా టోర్నమెంట్‌ మార్చి 4నుంచి ప్రారంభం కానుంది. మౌంట్‌ మౌంగానుయ్ వేదికగా జరగనున్న తొలి మ్యాచ్‌లో అతిథ్య న్యూజిలాండ్‌.. వెస్టిండీస్‌తో తలపడనుంది. ఇక భారత్‌ తమ తొలి మ్యాచ్‌లో చిరకాల ప్రత్యర్ధి పాకిస్తాన్‌తో తలపడనుంది. కాగా మెగా టోర్నమెంట్‌ ఆరంభానికి ముందు భారత కెప్టెన్‌ మిథాలీ రాజ్‌ తన మనసులోని మాటను బయట పెట్టింది. "2000లో కూడా న్యూజిలాండ్‌లోనే జరిగిన ప్రపంచకప్‌లో ఆడాను. ఇప్పుడు 20 ఏళ్ల తర్వాత మళ్లీ ఇక్కడకు వచ్చాను. "నా సుదీర్ఘ ప్రయాణాన్ని ప్రపంచకప్‌ టైటిల్‌తో ముగించాలని కోరుకుంటున్నా. మా జట్టు సభ్యులంతా బాగా ఆడి మా ప్రణాళికలన్నీ సఫలం చేయాలని ఆశిస్తున్నా. కొన్ని సిరీస్‌ల ముందు మా జట్టు బాగా ఆడలేదనేది వాస్తవం. అయితే ప్రపంచకప్‌ సమయానికి అన్నీ చక్కదిద్దుకున్నాం. ప్రపంచకప్‌ గెలిస్తే మా ఆటగాళ్లందరికీ స్వదేశంలో మంచి గుర్తింపు లభిస్తుంది. మమ్మల్ని చూసి అమ్మాయిలే కాదు అబ్బాయిలు కూడా స్ఫూర్తి పొందాలని కోరుకుంటున్నాం" అని మిథాలీ విలేకరుల సమావేశంలో పేర్కొంది. ఇక మిథాలీ రాజ్‌కు ఇది 6వ వన్డే వరల్డ్‌ కప్‌. ఈ ఘనత సాధించిన తొలి ప్లేయర్‌గా ఆమె నిలవనుంది. చదవండి: Womens ODI World Cup 2022: ప్రపంచ కప్‌ సమరానికి సై.. భారత్‌ తొలి మ్యాచ్‌లోనే..

ICC Womens World Cup 2022 Schedule Announced.. ఐసీసీ వుమెన్స్‌ వరల్డ్‌కప్‌ 2022కు సంబంధించి షెడ్యూల్‌ విడుదల అయింది. న్యూజిలాండ్‌ వేదికగా జరగనున్న ఈ ప్రపంచకప్‌ మార్చి 4న మొదలై ఏప్రిల్‌ 3న జరిగే ఫైనల్‌తో ముగుస్తుంది. ఇక మార్చి 4న న్యూజిలాండ్‌, వెస్టిండీస్‌ మధ్య జరగనున్న మ్యాచ్‌తో టోర్నీ ప్రారంభం కానుంది. ఇక టీమిండియా మహిళల జట్టు తమ తొలి మ్యాచ్‌ను మార్చి 6న చిరకాల ప్రత్యర్థి పాకిస్తాన్‌తో ఆడనుంది. ఆ తర్వాత మార్చి 10న న్యూజిలాండ్‌తో, మార్చి 12న వెస్టిండీస్‌తో, మార్చి 16న ఇంగ్లండ్‌తో, మార్చి 19న ఆస్ట్రేలియాతో, మార్చి 22న బంగ్లాదేశ్‌తో , మార్చి 27 సౌతాఫ్రికాతో టీమిండియా మహిళల జట్టు మ్యాచ్‌లు ఆడనుంది. చదవండి: India Tour Of SA: కోహ్లి నుంచి మాకు ఎలాంటి సమాచారం లేదు టోర్నీలో మొత్తం 8 జట్లు పాల్గొననుండగా.. లీగ్‌ దశలో ఒక్కో జట్టు మిగిలిన జట్టుతో మ్యాచ్‌లు ఆడుతుంది. ఆక్లాండ్‌, క్రైస్ట్‌చర్చి, డ్యునెడిన్‌, హామిల్టన్‌, తౌరంగా, వెల్లింగ్టన్‌ వేదికలుగా టోర్నీలో మొత్తం 31 మ్యాచ్‌లు జరగనున్నాయి. లీగ్‌ దశలో తొలి నాలుగు స్థానాల్లో నిలిచిన జట్లు సెమీస్‌కు అర్హత సాధిస్తాయి. తొలి సెమీ ఫైనల్‌ మార్చి 30న వెల్లింగ్టలన్‌ వేదికగా.. రెండో సెమీఫైనల్‌ మార్చి 31న క్రైస్ట్‌చర్చి వేదికగా జరగనుంది. ఇక ఫైనల్‌ మ్యాచ్‌ ఏప్రిల్‌ 3న క్రైస్ట్‌చర్చి వేదికగానే జరగనుంది. కాగా ఫైనల్‌ మ్యాచ్‌కు రిజర్వ్‌ డేను కేటాయించినట్లు ఐసీసీ తెలిపింది. ఇక ఐసీసీ వుమెన్స్‌ చాంపియన్‌షిప్‌ 2017-20 వరకు పరిగణలోకి తీసుకున్న ఐసీసీ.. ఆస్ట్రేలియా, ఇంగ్లండ్‌, సౌతాఫ్రికా, భారత్‌లు ప్రపంచకప్‌కు క్వాలిఫై అయినట్లు పేర్కొంది. ఇక ఆతిథ్య హోదాలో న్యూజిలాండ్‌ కూడా నేరుగా క్వాలిఫై జాబితాలో చేరింది. ఇక మిగిలిన మూడు జట్లు బంగ్లాదేశ్‌, పాకిస్తాన్‌, వెస్టిండీస్‌లు అర్హత కోసం క్వాలిఫయర్‌ మ్యాచ్‌లు ఆడాల్సి ఉండగా.. కోవిడ్‌ నేపథ్యంలో మ్యాచ్‌లను రద్దు చేశారు.  ఇక చివరిసారి ఐసీసీ వుమెన్స్‌ టి20 ప్రపంచకప్‌లో భారత్‌ను ఫైనల్లో ఓడించిన ఆస్ట్రేలియా విశ్వవిజేతగా నిలిచింది.  చదవండి: Under-19 World Cup: ఆస్ట్రేలియా అండర్‌-19లో భారత సంతతి కుర్రాడు.. వింత బౌలర్ల జాబితాలో చోటు


 లండన్: ఇటీవల ఇంగ్లండ్ లో ముగిసిన మహిళల ప్రపంచకప్కు రికార్డు స్థాయిలో ఆదరణ లభించింది. ప్రపంచవ్యాప్తంగా 18 కోట్ల మంది ఈ టోర్నీని తిలకించినట్లు అంతర్జాతీయ క్రికెట్ మండలి(ఐసీసీ) వెల్లడించింది.  2013 వన్డే ప్రపంచకప్తో పోలిస్తే ఈ మెగా టోర్నీని వీక్షించిన సమయంలో 300 శాతం పెరిగినట్లు ఐసీసీ పేర్కొంది. అదే సమయంలో భారత్ , దక్షిణాఫ్రికాల్లో అత్యధిక మంది ప్రేక్షకులు మ్యాచ్ లను వీక్షించినట్లు స్పష్టం చేసింది.
 
 భారత్ లో గతంలో ఎన్నడూ లేని విధంగా 15.6 కోట్ల మంది మహిళల ప్రసారాలను వీక్షించారు. గ్రామీణ ప్రాంతాల్లో ఎనిమిది కోట్ల మంది చూడగా, ఒక్క ఫైనల్ పోరును 12.6 కోట్ల మంది వీక్షించారు. భారత జట్టు ఫైనల్ కు చేరడంతో భారత్ లో వీక్షణ సమయం 500 శాతం పెరిగింది. దీనిపై ఐసీసీ  సీఈవో డేవిడ్ రిచర్డ్ సన్ హర్షం వ్యక్తం చేశారు. 'మహిళల క్రికెట్ ను ముందుకు తీసుకెళ్లడానిక ఇదే తగిన సమయం. ఈ మెగా టోర్నీతో మహిళల క్రికెట్ ఆదరణ పెరిగింది. దానికి నిదర్శనం ఈ లెక్కలే'అని ఆయన పేర్కొన్నారు.

- ఫైనల్స్‌లో 9 పరుగుల తేడాతో ఇండియా ఓటమి - నాలుగోసారి ప్రపంచ విజేతగా ఇంగ్లండ్‌ - భారత మహిళకు అభినందనల వెల్లువ లండన్‌: బ్రిటిష్‌ గడ్డపై జయకేతనం ఎగరేయాలనుకున్న భారత్‌ తృటిలో అవకాశాన్ని చేజార్చుకుంది. మహిళల వన్డే వరల్డ్ కప్‌ ట్రోఫీని ఆతిథ్య ఇంగ్లండ్‌ జట్టు చేజిక్కించుకుంది. ‘క్రికెట్‌ మక్కా’  లార్డ్స్‌ వేదికగా ఆదివారం జరిగిన ఉత్కంఠభరిత ఫైనల్‌ పోరులో టీమిండియాపై ఇంగ్లండ్‌ 9 పరుగుల తేడాతో విజయం సాధించింది. బ్రిటీష్‌ జట్టు విసిరిన 229 పరుగులను ఛేధించేక్రమంలో ఇండియా 48.4 ఓవర్లలో 219 పరుగులకు ఆలౌట్‌ అయింది. ఇంగ్లండ్‌ ప్రపంచ విజేత కావడం ఇది నాలుగోసారి కావడం విశేషం. కప్‌ గెలవలేకపోయినా సిరీస్‌ ఆద్యంతం అద్భుతంగా ఆడిన భారత మహిళలకు అభినందనలు వెల్లువెత్తుతున్నాయి. ఊరించి.. ఉసూరుమనిపించారు 229 పరుగుల టార్గెట్‌ను సునాయాసంగా పూర్తిచేయగలదనిపించిన ఇండియా ఆఖరి ఓవర్లలో ఉసూరుమనిపించింది. 86 పరుగులతో వీరవిహారం చేసిన ఓపెనర్‌ రౌత్‌ 4వ వికెట్‌గా వెనుదిరిగిన తర్వాత టీమిండియా పేకమేడలా కూలిపోయింది. మరో ఓపెనర్‌ మంధనా డకౌట్‌ కాగా, కెప్టెన్‌ మిథాలీ 17 పరుగులు మాత్రమే చేసింది. సెమీస్‌లో రికార్డు స్కోరు సాధించిన హర్మీత్‌ కౌర్‌ (51), ఐదో స్థానంలో వచ్చిన కృష్ణమూర్తి (35)లు తమ వంతు పరుగులు చేశారు. అయితే లోయర్‌ మిడిలార్డర్‌ దారుణంగా విఫలం చెందడం, టెయిలెండర్లు నిమిషాల్లోనే పెవిలియన్‌కు దారిపట్టడంతో ఇండియా ఓటమిపాలైంది. ఇంగ్లండ్‌ పేస్‌ బౌలర్‌ ష్రబ్‌షోల్‌ ఏకంగా 6 వికెట్లు పగడొట్టి తన జట్టు విజయంలో కీలక పాత్ర పోషించింది. మరో బౌలర్‌ హార్ట్లే 2 వికెట్లు సాధించింది.  టాస్ గెలిచి బ్యాటింగ్ ఎంచుకున్న ఇంగ్లండ్ ను భారత్ కట్టడి చేసి సాధారణ స్కోరుకే పరిమితం చేసింది. ఇంగ్లండ్ క్రికెటర్లలో ఓపెనర్లు విన్ ఫీల్డ్డ్(24), బీమాంట్(23)లు ఫర్వాలేదనిపించగా, సారా టేలర్(45), స్కీవర్(51)లు రాణించారు.  చివర్లో బ్రంట్(34), జెన్నీ గన్(25 నాటౌట్)లు బాధ్యతాయుతంగా ఆడటంతో ఇంగ్లండ్ నిర్ణీత ఓవర్లలో ఏడు వికెట్లకు 228 పరుగులు చేసింది. భారత బౌలర్లలో గోస్వామి మూడు వికెట్లు సాధించగా, పూనమ్ యాదవ్ రెండు వికెట్లు లభించాయి. ఇక గైక్వాడ్ ఒక వికెట్ తీశారు.


 - మహిళల ప్రపంచకప్‌లో శ్రీలంకను ఓడించిన టీమిండియా
 - వరుసగా నాలుగు విజయాలతో మిథాలి సేన దూడుకు
 
 డెర్బీ: ఐసీసీ మహిళల ప్రపంచకప్‌ టోర్నీలో టీమిండియా వరుసగా నాలుగో విజయం సాధించింది. బుధవారం డెర్బీలో జరిగిన మ్యాచ్‌లో శ్రీలంకపై 16 పరుగుల తేడాతో గెలుపొందింది. భారత్‌ విసిరిన 232 పరుగుల లక్ష్యాన్ని ఛేదించే క్రమంలో తడబడిన లంక.. 47.1 ఓవర్లలో ఏడు వికెట్లు కోల్పోయి కేవలం 216 పరుగులు మాత్రమే చేసింది.
 
 శ్రీలంక బ్యాటింగ్‌ విమన్స్‌లో సురాంగిక 61(75 బంతుల్లో), సిరివర్ధనే37(63 బంతుల్లో) తప్ప మిగతావారంతా అవసరమైన మేరకు రాణించలేదు. ఓపెనర్‌ హన్సిక 29, జయాంగని 25, వీరక్కోడి 21 పరుగులు చేశారు. భారత బౌలర్లలో జులన్‌ గోస్వామి, పూనమ్‌ యాదవ్‌లు చెరో రెండు వికెట్లు పడగొట్టగా, బిస్త్‌, శర్మలు చెరో వికెట్‌ నేలకూల్చారు.
 
 అంతకుముందు టాస్‌ గెలిచి తొలుత బ్యాటింగ్‌కు దిగిన టీమిండియా నిర్ణీత 50 ఓవర్లలో 8 వికెట్లు కోల్పోయి 232 పరుగులు సాధించింది. భారత్ బ్యాటింగ్ ఉమెన్ లో దీప్తీ శర్మ(78), కెప్టెన్ మిథాలీ రాజ్ (53)లు రాణించారు. ఇక చివర్లో వేద కృష్ణమూర్తి(29), హర్మన్ ప్రీత్ కౌర్(20) లు దాటిగా ఆడటంతో భారత్ 200 పై చిలుకు పరుగులు చేయగలిగింది. శ్రీలంక బౌలర్లలో శ్రీపాలి విరొక్కడే 3 వికెట్లు తీయగా రణవీర(2), కాంచన, గుణరత్నే చెరో వికెట్ పడగొట్టారు.
 
 తర్వాతి మ్యాచ్‌ సౌతాఫ్రికాతో..
 వరుస విజయాలతో దూసుకుపోతున్న టీమిండియా తన తర్వాతి మ్యాచ్‌లో దిగ్గజ సౌతాఫ్రికా జట్టుతో తలపడనుంది. జులై 8న (శనివారం) లీసెస్టర్ వేదికగా భారత్‌-సఫారీలు పోటీపడనున్నాయి.
 
 పాకిస్తాన్‌ మళ్లీ ఢమాల్‌
 గత మ్యాచ్‌లో టీమిండియా చేతిలో చిత్తైన పాకిస్తాన్ బుధవారం ఆసీస్‌తో జరిగిన మ్యాచ్‌లోనూ భారీ తేడాతో ఓటమిపాలైంది. పాక్‌పై ఆసీస్‌ 159 పరుగుల తేడాతో విజయం సాధించింది.


 ♦ ఆత్మవిశ్వాసంతో మిథాలీ రాజ్‌ బృందం
 ♦ విజయమే లక్ష్యంగా బరిలోకి
 ♦ మహిళల వన్డే ప్రపంచకప్‌
 
 
 ఆతిథ్య ఇంగ్లండ్‌ను ఓడించిన ఉత్సాహంతో ఉన్న భారత మహిళల జట్టు... వెస్టిండీస్‌తో పోరుకు సై అంటోంది.          ‘ట్రిపుల్‌’ ప్రపంచకప్‌ చాంపియన్‌ను జయించిన ధీమాతో ఉన్న మిథాలీ సేన... దీన్ని తలకెక్కించుకోకుండా బరిలోకి దిగాలి. ఎందుకంటే వెస్టిండీస్‌ ఆషామాషీ జట్టు కాదు. గత వన్డే ప్రపంచకప్‌ రన్నరప్, టి20 చాంపియన్‌. పైగా ఆస్ట్రేలియా చేతిలో పరాజయంతో దెబ్బతిన్న పులిలా కాచుకుంది. ఈ నేపథ్యంలో భారత అమ్మాయిలు ఏమాత్రం ఆదమరిచినా అంతే సంగతులు! కాబట్టి... మిథాలీ సేన బహు పరాక్‌!
 
 టాంటన్‌: ఐసీసీ మహిళల వన్డే ప్రపంచకప్‌లో భారత జట్టు మరో విజయంపై దృష్టి పెట్టింది. ఆతిథ్య ఇంగ్లండ్‌పై గెలిచి టోర్నీలో శుభారంభం చేసిన మిథాలీ సేన గురువారం వెస్టిండీస్‌తో తలపడేందుకు సిద్ధమైంది. ‘ట్రిపుల్‌’ ప్రపంచకప్‌ చాంపియన్‌ ఇంగ్లండ్‌ను కంగుతినిపించిన భారత్‌ ఈ మ్యాచ్‌లో ఆత్మవిశ్వాసంతో బరిలోకి దిగుతోంది. బ్యాటింగ్, బౌలింగ్‌లో భారత క్రికెటర్లు నిలకడగా రాణిస్తున్నారు. ఓపెనర్లు స్మృతి మంధన, పూనమ్‌ రౌత్‌లతో పాటు టాపార్డర్‌లో మిథాలీరాజ్‌ సూపర్‌ ఫామ్‌లో ఉన్నారు.
 
  బౌలింగ్‌ విభాగంలో పేసర్‌ శిఖాపాండేతో పాటు స్పిన్నర్లు దీప్తి శర్మ, పూనమ్‌ యాదవ్‌లు ప్రత్యర్థి బ్యాట్స్‌మెన్‌ను సమర్థంగా కట్టడి చేస్తున్నారు. సెమీఫైనల్‌ లక్ష్యంగా పెట్టుకున్న మిథాలీ అండ్‌ కో ఇంగ్లండ్‌పై కనబరిచిన జోరును టోర్నీ ఆసాంతం కొనసాగించాలని భావిస్తోంది. అయితే గత మ్యాచ్‌లో బ్యాటింగ్, బౌలింగ్‌లతో అదరగొట్టినప్పటికీ ఫీల్డింగ్‌ మాత్రం పేలవంగా ఉంది. లక్ష్యాన్ని ఛేదించే క్రమంలో ఉన్న ఇంగ్లండ్‌ బ్యాట్స్‌మన్‌ ఇచ్చిన సునాయాస క్యాచుల్ని భారత ఫీల్డర్లు నేలపాలు చేశారు. జట్టు మేనేజ్‌మెంట్, కోచింగ్‌ స్టాఫ్‌ ఈ విషయంలో ప్రత్యేకంగా దృష్టి సారించాలి. మేటి ఈవెంట్‌లో ఇలాంటి పొరపాట్లు పునరావృతమైతే అవకాశాలు గల్లంతవుతాయన్న సంగతి మరవొద్దు.
 
 సమష్టిగా రాణించాలి...
 మరోవైపు వెస్టిండీస్‌ జట్టు తమ తొలి మ్యాచ్‌లో ఆస్ట్రేలియా చేతిలో ఓడింది. అయితే ఒక్క మ్యాచ్‌ ఫలితంతో స్టెఫానీ టేలర్‌ సేనని తక్కువ అంచనా వేయలేం. గత మ్యాచ్‌లో టాపార్డర్‌ బ్యాట్స్‌మెన్‌ హేలీ మాథ్యూస్, చెడియన్‌ నషన్, కెప్టెన్‌ టేలర్‌ చెప్పుకోదగ్గ పరుగులు చేశారు. అయితే ఏ ఒక్కరూ వాటిని భారీ స్కోర్లుగా మలచుకోలేకపోయారు. ఇదే విండీస్‌ ఇన్నింగ్స్‌పై తీవ్ర ప్రభావం చూపించింది. దీనికి తోడు మిడిలార్డర్‌ బ్యాట్స్‌మెన్‌ చేతులెత్తేయడం కూడా విండీస్‌ను కోలుకోలేని దెబ్బతీసింది. అయితే భారత్‌తో జరిగే కీలకమైన మ్యాచ్‌లో ఇలాంటి పొరపాట్లకు తావివ్వకుండా సమష్టిగా రాణించాలనే పట్టుదలతో విండీస్‌ ఉంది. ఈ మ్యాచ్‌లో గెలిచి టోర్నీలో బోణీ కొట్టాలనే లక్ష్యంతో బరిలోకి దిగుతోంది.
 
 జట్లు: భారత్‌: మిథాలీ రాజ్‌ (కెప్టెన్‌), స్మృతి మంధన, పూనమ్‌ రౌత్, హర్మన్‌ప్రీత్‌ కౌర్, వేద కృష్ణమూర్తి, మోనా మేశ్రమ్, దీప్తి శర్మ, జులన్‌ గోస్వామి, శిఖా పాండే, ఏక్తా బిష్త్, పూనమ్‌ యాదవ్‌.
 
 వెస్టిండీస్‌: స్టెఫానీ టేలర్‌ (కెప్టెన్‌), మెరిస్సా, రినిస్‌ బాయిస్, షమీలియా కానెల్, షానెల్‌ డెలీ, డియాం డ్రా డాటిన్, అఫీ ఫ్లెచర్, క్వియానా జోసెఫ్, అనిసా మొహమ్మద్, ఫెలిసియా వాల్టర్స్, చెడియన్‌ నషన్‌.
 
 
 మధ్యాహ్నం గం. 3.00 నుంచి
 స్టార్‌ స్పోర్ట్స్‌–1లో ప్రత్యక్ష ప్రసారం


 - తొలి మ్యాచ్‌లో ఆతిథ్య ఇంగ్లండ్‌ను చిత్తుచేసిన మిథాలీ సేన
 
 డెర్బీ: మహిళల క్రికెట్‌ వన్డే ప్రపంచ కప్‌ టోర్నీలో టీమిండియా శుభారంభం చేసింది. శుక్రవారం డెర్బీలో జరిగిన మ్యాచ్‌లో ఆతిథ్య ఇంగ్లండ్‌పై 35 పరుగుల తేడాతో సూపర్‌ విక్టరీ సాధించింది. టీమిండియా విసిరిన 281 పరుగుల భారీ లక్ష్యాన్ని సాధించాల్సిఉండగా బ్రిటిష్‌ జట్టు 47.3 ఓవర్లలో 246 పరుగులకే ఆలౌట్‌ అయింది.
 
 ఓపెనర్లు బీమౌంట్‌(14), టేలర్‌(22) ఆశించినమేర రాణించలేదు. అయితే వన్‌డౌన్‌ బ్యాట్స్‌ఉమన్‌ నైట్‌(46), ఐదో స్థానంలో బ్యటింగ్‌కు దిగిన విల్సన్‌(81)లు భారత బౌలర్లను ధాటిగా ఎదుర్కొన్నారు. 32వ ఓవర్లో నైట్‌ అనూహ్యంగా రనౌట్‌ అయింది. ఆ తర్వాత నుంచి క్రమం తప్పకుండా వికెట్లు పడిపోయాయి. 44వ ఏడో వికెట్‌గా విల్సన్‌ రనౌట్‌ కావడంతో భారత్‌ విజయం దాదాపు ఖరారైంది. మిగిలిన మూడు వికెట్లు కూడా టపటపా రాలిపోవడంతో లాంఛనం పూర్తయింది. భారత బౌలర్లలో శర్మకు 3 వికెట్లు దక్కగా, పాండే 2, పూనమ్‌ యాదవ్‌ ఒక వికెట్‌ నేలకూల్చారు.
 
 అంతకుముందు టాస్ ఓడి ఫస్ట్ బ్యాటింగ్ చేసిన భారత మహిళలు నిర్ణీత ఓవర్లలో 50 ఓవర్లలో 3 వికెట్ల నష్టానికి 281 పరుగులు సాధించింది. ఓపెనర్లు రౌత్‌(86), మంధన(90) చెలరేగి ఆడారు. కెప్టెన్‌ మిథాలీ రాజ్‌(71) మెరుపు వేగంతోనూ, కౌర్‌ 24 పరుగులతోనూ రాణించారు. ఇంగ్లండ్‌ బౌలర్లలో నైట్‌కు రెండు వికెట్లు దక్కగా, హజెల్‌ ఒక్క వికెట్‌ పడగొట్టారు.
 
 మరో మ్యాచ్‌లో న్యూజిలాండ్‌ జయభేరి
 వరల్డ్‌ కప్‌లో భాగంగానే జరిగిన మరో మ్యాచ్‌లో శ్రీలంకపై న్యూజిలాండ్‌ తొమ్మిది వికెట్ల తేడాతో విజయం సాధించింది. బ్రిస్టల్‌లో జరిగిన మ్యాచ్‌లో తొలుత బ్యాటింగ్‌కు దిగిన శ్రీలంక నిర్ణీత 50 ఓవర్లలో 188 పరుగులు సాధించింది. 7.4 ఓవర్లలో ఒక్క వికెట్‌ మాత్రమే కోల్పోయిన కివీస్‌ 189 పరుగులు చేసి విజయం సాధించింది.


 కొలంబో: మరో విజయంతో ఫైనల్‌కు చేరాలని భారత్‌... చిరకాల ప్రత్యర్థిపై ఈసారైనా గెలిచి ప్రపంచకప్‌ బెర్త్‌ను ఖాయం చేసుకోవాలనే లక్ష్యంతో పాకిస్తాన్...ఐసీసీ మహిళల ప్రపంచకప్‌ వన్డే క్రికెట్‌ క్వాలిఫయింగ్‌ టోర్నీలో ఆదివారం ముఖాముఖి పోరులో తలపడనున్నాయి.
 జూన్ లో ఇంగ్లండ్‌లో జరిగే ప్రపంచకప్‌ టోర్నీకి టీమిండియా ఇప్పటికే అర్హత సాధించింది. ఇప్పటి వరకు పాకిస్తాన్ తో ఆడిన ఎనిమిది మ్యాచ్‌లో్లనూ భారత్‌నే విజయం వరించింది. చివరిసారి ఈ రెండు జట్లు భారత్‌లో జరిగిన 2013 వన్డే ప్రపంచకప్‌ ప్లే ఆఫ్‌ మ్యాచ్‌లో తలపడ్డాయి.  
  


 కొలంబో: ఐసీసీ మహిళల ప్రపంచకప్‌ క్వాలిఫయింగ్‌ క్రికెట్‌ టోర్నమెంట్‌లో భారత జట్టు లీగ్‌ దశను అజేయంగా ముగించింది. గ్రూప్‌ ‘ఎ’లో భాగంగా జింబాబ్వేతో సోమవారం జరిగిన చివరిదైన నాలుగో మ్యాచ్‌లో మిథాలీ రాజ్‌ బృందం తొమ్మిది వికెట్ల తేడాతో గెలిచింది. లెగ్‌ స్పిన్నర్‌ పూనమ్‌ యాదవ్‌ (5/19) ధాటికి తొలుత బ్యాటింగ్‌కు దిగిన జింబాబ్వే 28.5 ఓవర్లలో 60 పరుగులకే కుప్పకూలింది.
 
 అనంతరం భారత జట్టు 9 ఓవర్లలో వికెట్‌ నష్టపోయి 61 పరుగులు చేసి విజయాన్ని దక్కించుకుంది. వేద కృష్ణమూర్తి (16 బంతుల్లో 29; 6 ఫోర్లు) అవుటవ్వగా... మోనా (21 నాటౌట్‌; 4 ఫోర్లు), హర్మన్‌ప్రీత్‌ కౌర్‌ (11 నాటౌట్‌) అజేయంగా నిలిచారు. ‘సూపర్‌ సిక్స్‌’ దశ మ్యాచ్‌ల్లో భారత జట్టు ఈనెల 15న దక్షిణాఫ్రికాతో; 17న బంగ్లాదేశ్‌తో; 19న పాకిస్తాన్‌తో తలపడుతుంది. 


 న్యూఢిల్లీ: ఐసీసీ మహిళల ప్రపంచ కప్‌ క్వాలిఫయర్స్‌కు ముందు భారత జట్టుకు మరో ఎదురు దెబ్బ తగిలింది. ఇప్పటికే అగ్రశ్రేణి బ్యాట్స్‌విమన్‌ స్మృతి మందన దూరం కాగా, తాజాగా సీనియర్‌ బౌలర్‌ జులన్‌ గోస్వామి గాయం కారణంగా జట్టునుంచి తప్పుకుంది. జులన్‌తో పాటు సుకన్య పరీదాలను కూడా టీమ్‌నుంచి తొలగించారు.
 
 14 మంది సభ్యుల జట్టులోకి ఎంపికైన తర్వాత వీరిద్దరు పూర్తి ఫిట్‌గా లేరని డాక్టర్లు నిర్ధారించడంతో మార్పు అనివార్యమైంది.  గోస్వామి స్థానం లో సోని యాదవ్, పరీదా స్థానంలో మాన్సి జోషిలను జట్టులోకి తీసుకున్నారు.