‘మాట్లాడితే నవ్వు. నడిస్తే నవ్వు. నా జీవితం నవ్వుల పాలైంది’ అంటూ నిరాశ చీకట్లో అనీ మంగుళూరు మగ్గిపోయి ఉంటే... ఎంతో మందికి ధైర్యాన్ని, స్ఫూర్తిని ఇచ్చేది కాదు. భిక్షాటన స్థాయి నుంచి అయిదు ఆటోల యజమాని స్థాయికి ఎదిగిన అనీ ఇతరులకు ఉపాధి ఇవ్వడంతో పాటు ట్రాన్స్‌జెండర్‌ వృద్ధులకు అండగా ఉంది.కర్నాటకలోని రాయచూర్‌లో పేదింట్లో పుట్టిన అజిబాబు మాటతీరు, నడక అమ్మాయిలను పోలి ఉండేవి. దాంతో స్కూల్‌ రోజుల నుంచి వెక్కిరింపులు, అవమానాలు కొత్త కాక΄ోయినా మంగుళూరులో డిగ్రీ చేయడానికి వెళ్లినప్పుడు ఎదుౖరైన చేదు అనుభవాలు తనకు చదువును దూరం చేశాయి. చదువును మధ్యలోనే వదిలేసిన అజిబాబు బెంగళూరులోని ట్రాన్స్‌జెండర్‌ కమ్యూనిటీలో చేరాడు.జెండర్‌ చేంజ్‌ సర్జరీ తరువాత అనిబాబు అనీ మంగుళూరుగా మారింది. సిటీలో ఇల్లు అద్దెకు దొరకడం కష్టం అయింది. ఉద్యోగం దొరకడం గగనం అయింది. గత్యంతరం లేక భిక్షాటన చేయాల్సి వచ్చింది. ఆ తరువాత అమ్మ ఇచ్చిన కొద్దిమొత్తంతో ఆటో కొనుగోలు చేసి నడపడం మొదలుపెట్టింది అనీ. ఆటో కొనడం తన జీవితానికి టర్నింగ్‌ పాయింట్‌గా మారింది. మరో మూడు ఆటోలు కొనేస్థాయికి, ఇతరులకు ఉపాధిని ఇచ్చే స్థాయికి ఎదిగింది.అయినప్పటికీ ‘ఇక నాకు ఎలాంటి కష్టాల్లేవు’ అనుకోలేదు అనీ. కష్టాల్లో ఉన్న ట్రాన్స్‌జెండర్‌లకు సహాయం చేయాలని నిర్ణయించుకుంది.అనీ నటి కూడా. ‘శివలీల’ అనే కన్నడ సినిమాలో నటించింది. ఈ సినిమాకు లైన్‌ ప్రొడ్యూసర్‌గా పనిచేసింది. ఫిట్‌నెస్‌పై శ్రద్ధ చూపే అనీ ఇప్పుడు జిమ్‌ ట్రైనర్‌గా మారింది.ట్రాన్స్‌ జెండర్‌ వృద్ధుల కోసం భవిష్యత్తులో ఆశ్రమం నిర్మించాలనేది అనీ లక్ష్యంఇదీ చదవండి: జిమ్‌కు వెళ్లకుండానే 30 కిలోలు తగ్గింది

బంజారాహిల్స్‌: ప్రియురాలిపై అనుమానంతో ఆమెను పార్కుకు పిలిచి బూతులు తిట్టి..బూటు కాలితో పొత్తి కడుపులో తన్నిన జిమ్‌ ట్రైనర్‌ను జూబ్లీహిల్స్‌ పోలీసులు అరెస్టు చేశారు. వివరాల్లోకి వెళితే..వైజాగ్‌కు చెందిన కుమొరల్లు ప్రసాద్‌ జూబ్లీహిల్స్‌ ఐలాం కాలనీలో జిమ్‌ నిర్వహిస్తున్నాడు. జిమ్‌ ట్రైనర్‌గా పలువురు యువతులను లోబరచుకుని వారిని మోసం చేస్తున్నాడు. ఇదే తరహాలో ఓ సాఫ్ట్‌వేర్‌ ఇంజినీర్‌ను ప్రేమ పేరుతో దగ్గరకు తీసి ఆమెతో చట్టాపట్టాలేసుకుని తిరుగుతున్నాడు. కొద్ది రోజులుగా ప్రియురాలిపై అనుమానం పెంచుకున్న అతను మాట్లాడుకుందామని జూబ్లీహిల్స్‌ రోడ్డునెంబర్‌–10లోని పార్కుకు రప్పించాడు. అప్పటికే మద్యం మత్తులో తూలుతున్న ప్రసాద్‌ ఆమె వచ్చీ రావడంతోనే జట్టు పట్టుకుని నేలకొసి కొట్టాడు. పొత్తి కడుపుతో బూటు కాలితో తన్నాడు. అసభ్యంగా ఆమెను దూషిస్తూ చితక బాదాడు. భయంతో వణికిపోయిన బాధితురాలు తన సోదరికి ఫోన్‌ చేసి చెప్పింది. ఆమె అక్కడికి వచ్చి సర్దిచెప్పడానికి ప్రయత్నించగా ఆమెను కూడా దూషిస్తూ మద్యం మత్తులో దాడికి పాల్పడ్డాడు. బాధితురాలి ఫిర్యాదు మేరకు కేసు నమోదు చేసిన జూబ్లీహిల్స్‌ పోలీసులు నిందితుడిని అరెస్టు చేశారు.

సొగసైన శరీరాకృతి అందరూ కోరుకుంటారు. అయితే దానికి మన వంతుగా ఎలాంటి ప్రయత్నం చేస్తున్నామన్నదే ముఖ్యం. ఎవరైనా నిత్యం వ్యాయామం చేస్తూ, జిమ్‌ ట్రైనర్స్‌ సూచనలు పాటిస్తే మెరుగైన ఆకృతిని సొంతం చేసుకోవచ్చు. దీనికి ఆహారపు అలవాట్లు, శరీరతత్వం, ఉద్యోగ సమయం, ఆరోగ్యం పరిస్థితులు, తదితర అంశాలు సైతం శరీరంపై ప్రభావం చూపిస్తాయి. నగరంలో యువత, మహిళలు అధిక శాతం మంది జిమ్‌ బాట పడుతున్నారు. ఇందులో కొంత మంది ప్రాథమిక వ్యాయామానికే పరిమితం అవుతుండగా, మరికొంత మంది మాత్రం తమ శరీరంలోని వివిధ అవయవాలకు సంబంధించిన ప్రత్యేక వ్యాయామాలపై దృష్టి పెడుతున్నారు. ట్రైనర్స్‌ ఏం చెబుతున్నారు? ఎలాంటి డైట్‌ పాటించాలి? తెలుసుకుందాం..! నగర యువత అత్యధిక శాతం మంది తమ శరీరాకృతిని ఆరు పలకల ఆకృతిలోకి మార్చుకోడానికి ఆసక్తి చూపిస్తున్నారు. పొట్ట ప్రదేశంలో అనవసరమైన కొవ్వులను కరిగించుకోడానికి ఆబ్డామిన్‌ స్ట్రెచ్చెస్, క్రంచెస్‌ వంటి వ్యాయామాలకు ప్రాధాన్యత ఇస్తున్నారు. దీంతో పొట్ట భాగం సరైన ఆకృతిలోకి వస్తోంది. జంపింగ్‌ స్వా్కట్స్‌ చేయడం వల్ల బరువుని తగ్గించుకోవచ్చు. ఎత్తుకు సరిపడేంతగా సన్నబడడం, షోల్డర్స్‌ను అభివృద్ధి చేయడంపై దృష్టిసారిస్తున్నారు. శరీరంలో వృధాగా పేరుకుపోయే కొవ్వులు, కేలరీలను కరిగించేందుకు బర్పీస్‌ చేస్తే మంచి ఫలితాలు పొందవచ్చు. మౌంటెనింగ్, క్లైంబింగ్స్‌ వంటివి ఫ్లాట్‌ స్టొమక్‌ని అందిస్తాయి. డంబెల్స్‌తో డిఫరెంట్‌ సెట్స్‌.. చూడచక్కని షోల్డర్స్‌ కోసం డంబెల్స్‌తో వర్కౌట్‌ చేయాలి. బెంచ్‌ ప్రెస్‌ చేయడం వల్ల గుండె భాగంపై ప్రభావం కనిపిస్తుంది. చెస్ట్‌ కండరాలు స్పష్టమైన అమరికతో ఆకర్షిణీయంగా తయారవుతాయి. వీపు వైపు బలంగా, ఫిట్‌గా ఉండాలంటే పుల్‌ డౌన్, నడుము బలంగా తయారవడానికి డెడ్‌ లిఫ్ట్‌ వర్కౌట్‌ చేయాలి. ప్లాంక్‌ ఫోశ్చర్‌పై పరుగు తీస్తే గుండె కొట్టుకునే సామర్థ్యాన్ని పెంచుతుంది. ఈ వ్యాయామాలు ముఖ్యంగా భుజాలు, గుండె భాగం, కాళ్లపై ప్రభావం చూపిస్తాయి. మజిల్స్‌ బలంగా తయారై, శరీరాన్ని ఫ్లెక్సిబిలిటీగా ఉంచుతుంది. మహిళలను వేధిస్తున్న అధిక బరువు.. ఇటీవలి కాలంలో జిమ్‌లకు వస్తున్న మహిళల సంఖ్య గణనీయంగా పెరుగుతోంది. పిల్లలు పుట్టిన తరువాత మహిళలు బరువు పెరుగుతున్నారు. ఇంట్లో సరైన వ్యాయామం లేకపోవడంతో వివిధ ఆరోగ్య సమస్యలు వస్తున్నాయని పేర్కొంటున్నారు. బెల్లీఫ్యాట్‌ తగ్గించుకోవడం, గుండె భాగం ఫిట్‌గా ఉండటం, నడుము బలంగా తయారు కావడానికి వ్యాయామాలు చేస్తున్నారని ట్రైనర్స్‌ పేర్కొంటున్నారు.శరీరం దృఢంగా ఉండాలంటే.. శరీరం దృఢంగా, బలంగా ఉండాలని ప్రతి ఒక్కరూ కోరుకోవడం సహజం. అయితే బిజీ సిటీ లైఫ్‌లో ఆహారపు అలవాట్లు, కాలుష్యం, నిద్ర అనేక అంశాలు శరీర పటుత్వంపై ప్రభావం చూపిస్తాయి. సరైన వ్యాయామం చేయకుంటే అనేక వ్యాధులకు మనం ఆహ్వానం పలికినట్లే అవుతుంది. శరీరం ఫిట్‌గా ఉండేందుకు క్రాస్‌ ఫీట్, బరీ్పస్, జంపింగ్‌ తదితర వ్యాయామాలు చేయడం మంచిది. శరీర కండరాలు సరైన ఆకృతిలో పెరగాలన్నా, ఆరోగ్యంగా ఉండాలన్నా ఆహారపు క్రమశిక్షణ అవసరం. బయట చిరు తిళ్లు, నూనె వంటకాలకు దూరంగా ఉండాలని జిమ్‌ ట్రైనర్స్‌ సూచిస్తున్నారు.శరీరం ఫిట్‌గా తయారైంది.. రెండేళ్లుగా నిత్యం జిమ్‌ చేస్తున్నాను. వారంలో కనీసం మూడు రోజులు 60 నుంచి 70 కిలో మీటర్ల వరకూ పరుగెత్తుతాను. గతంలో కిడ్నీలో స్టోన్స్, అల్సర్, ఛాతీలో నొప్పి వంటి సమస్యలు బాధించేవి. వ్యాయామం చేయడం మొదలు పెట్టిన తర్వాత సుమారు 20 కిలోల వరకూ బరువు తగ్గాను. ఇప్పుడు శరీరం ఫిట్‌గా తయారైంది. వచ్చే ఏడాది జనవరిలో జరిగే రాష్త్ర స్థాయి పరుగు పోటీల్లో పాల్గొనేందుకు అర్హత సాధించాను. – శ్రీశైలంగౌడ్, బండ్లగూడక్రమశిక్షణ అవసరం.. యువతలో ఎక్కువ మంది జిమ్‌ చేసే సమయంలో శరీరాకృతి కోసం అడుగుతున్నారు. పెద్దలు సాధారణ వ్యాయామాలపై దృష్టిసారిస్తున్నారు. మహిళలు సన్నబడటం, బెల్లీ ఫ్యాట్, బరువు తగ్గించుకోడానికి ఆసక్తి చూపిస్తున్నారు. డైట్‌ పాటించాలి. మాంసాహారానికి దూరంగా ఉండాలి. కూరగాయలు ఎక్కువ మోతాదులో తీసుకోవాలి. ప్రతి రోజూ కనీసం అరగంట సమయం నడక, పరుగు తీయడం మంచిది. – సద్దాం, జిమ్‌ ట్రైనర్‌

తల్లిదండ్రులు లేరు. అండ దండలు లేవు. నానమ్మ నేటికీ పల్లెలో ఆకుకూరలు అమ్ముతుంది. కాని 24 ఏళ్ల ఎస్తేర్‌ రాణి గుంటూరు జిల్లా వేమూరు నుంచి బయలుదేరి ఆంధ్రప్రదేశ్‌లో మొదటి మహిళా బాడీబిల్డర్‌ అయ్యింది. ఇటీవల చెన్నైలో జరిగిన‘మిస్టర్‌ అండ్‌ మిస్‌ హిందూస్తాన్‌’ పోటీలో గోల్డ్‌మెడల్‌ సాధించింది. హైదరాబాద్‌లో జిమ్‌ ట్రయినర్‌గా ఉద్యోగం చేస్తున్న ఎస్తేర్‌ ఏ సాయం అందక గుండె మండుతోందని అంటున్నది.ఎస్తేర్‌ 2021లో గుంటూరు జిల్లా వేమూరు నుంచి హైదరాబాద్‌ వచ్చింది. కేవలం ఇంటర్‌ వరకూ చదువుకుంది. ఏదో ఒక పని చేయాలనుకుంటే ఏం చేయాలో తెలియలేదు. ఆమెకు సిటీలో ఎవరూ తెలియదు. స్కూల్లో కాలేజీలో అథ్లెటిక్స్‌లో మంచి ్రపావీణ్యం ఉంది. హామర్‌ త్రోలో నేషనల్స్‌ వరకూ వెళ్లింది. ఆ ఫిట్‌నెస్‌ వల్ల జిమ్‌లో పనికి కుదిరి ట్రయినర్‌గా మారింది. ‘‘కొద్దిపాటి జీతం. గుర్తింపు లేని పని. ‘ఏదైనా సాధించాలనే నా తపనకు ఆ పని సరిపోలేదు. ఆ సమయంలోనే మహిళా బాడీ బిల్డర్ల మీదకు నా దృష్టి వెళ్లింది. జాతీయస్థాయి కాంపిటీషన్లలో ఆంధ్రప్రదేశ్‌ నుంచి ఒక్కరు కూడా లేకపోవడాన్ని గమనించాను. ఇదే ఎందుకు నేను సాధించకూడదు అని భావించి ఎవరికీ చెప్పకనే ఎవరి అంగీకారం లేకనే నాకై నేనుగా కృషి చేసి ఎదిగాను’ అంటుంది ఎస్తేర్‌.అన్నీ ఆటంకాలేమహిళా బాడీగార్డ్‌ కావాలంటే పర్సనల్‌ ట్రయినర్‌ ఉండాలి. అందుకు నెలకు పది వేల నుంచి భారీ ఫీజు చెల్లించాల్సి ఉంటుంది. అదీగాక నిర్దిష్ట డైట్‌ తీసుకోవాలి. రోజుకు కనీసం 7 గంటలు వర్కవుట్స్‌ చేయాలి. అవన్నీగాక మహిళలు బాడీ బిల్డింగ్‌ చేసే సమస్యలు అనేకం ఉంటాయి. ‘అయినా సరే అప్పుచేసి కండలు పెంచాను. రెండేళ్లలోనే తగినట్టుగా తయారయ్యి మొన్నటి సెప్టెంబర్‌లో వరల్డ్‌ ఫిట్‌నెస్‌ ఫెడరేషన్ (డబ్లు్య.ఎఫ్‌.ఎఫ్‌) నిర్వహించిన నేషనల్స్‌ బాడీబిల్డింగ్‌ పోటీల్లో ‘స్పోర్ట్స్‌ మోడల్‌’ కేటగిరీలో ద్వితీయస్థానంలో రజత పతకం సాధించాను.ఆ ఉత్సాహంతోనే ఈనెల 9,10 తేదీల్లో చెన్నైలోని నెహ్రూ ఇండోర్‌ స్టేడియంలో డబ్లు్య.ఎఫ్‌.ఎఫ్‌ నిర్వహించిన ‘మిస్టర్‌ అండ్‌ మిస్‌ హిందూస్తాన్ ’ బాడీబిల్డింగ్‌ ఫిట్‌నెస్‌ చాంపియన్ షిప్‌ అండ్‌ మోడల్స్‌’ పోటీల్లో ‘మిస్‌ ఫిగర్‌’ కేటగిరీలో ప్రథమ స్థానంలో బంగారు పతకం గెలుచుకున్నాను. నా కేటగిరిలో దేశవ్యాప్తంగా పోటీ ఉన్నా నాకు స్వర్ణం రావడం మర్చిపోలేను’ అంటుంది ఎస్తేర్‌.దొరకని సాయంబాడీ బిల్డింగ్‌లో నిరంతర సాధన ఉండాలి. రోజుకు తీసుకునే ఆహారానికే 1500 నుంచి రెండు వేలు ఖర్చు అవుతుంది. ‘ఉద్యోగం చేస్తే సాధన మిస్‌ అవుతుందని ఫ్రీలాన్స్‌ జిమ్‌ ట్రయినర్‌గా పని చేస్తున్నాను. ఆసియా స్థాయి, ప్రపంచ స్థాయి బాడీ బిల్డింగ్‌ చాంపియన్‌షిప్‌ వరకూ వెళ్లాలని నా కల. ఊళ్లో మా నానమ్మ నేటికీ ఆకుకూరలు అమ్ముతుంది. మాకు సరైన తిండి లేదు. నా తమ్ముడు ఇంకా సెటిల్‌ కాలేదు. మహిళా బాడీ బిల్డింగ్‌ అంటే ఎన్నో సవాళ్లు.బంధువులు అందరూ నన్ను నిరోధించారు. అబ్బాయిగా మారిపోయానని సందేహించారు. ఇలా అయితే ఎవరు పెళ్లి చేసుకుంటారన్నారు. కాని నా గెలుపులను చూసి వారు ఇప్పుడు సంతోషిస్తున్నారు. మన సమాజంలో స్త్రీ తన శరీరాన్ని సరైన వస్త్రధారణలో ఉంచుకోవాలి. అందుకే ఎక్కువమంది స్త్రీలు ఆ రంగంలోకి రారు. ఏదైనా సాధించాలని వచ్చిన నావంటి వారిని ఎంకరేజ్‌ చేయడం ప్రభుత్వ బాధ్యత. అందరికీ అదే నా విన్నపం’ అంది ఎస్తేర్‌. – బి.ఎల్‌.నారాయణ, సాక్షి, తెనాలి‘మహిళా బాడీబిల్డింగ్‌లో ఉత్తర భారతదేశం వారు ముందంజలో ఉన్నారు. మనకు ప్రతిభ ఉన్నా పైస్థాయిలో మనల్ని ముందుకు తీసుకెళ్లేవారు లేరు. మçహారాష్ట్ర, హర్యాణ మహిళా బాడీబిల్డర్లు ఎంతో సౌకర్యంగా కెరీర్‌లో రాణిస్తున్నారు’ – ఎస్తేర్‌

ఢిల్లీ: కాన్పూర్‌లో ఓ మేజిస్ట్రేట్ బంగ్లా సమీపంలో ఓ మహిళ మృతదేహాన్ని బయటపడటం తీవ్ర కలకలం సృష్టించింది. సదరు మహిళ.. ఢిల్లీకి చెందిన వ్యాపారవేత్త భార్యగా పోలీసులు గుర్తించారు. ఈ క్రమంలో ఆమెను హత్య చేసిన జిమ్‌ ట్రైనర్‌ను పోలీసులు అరెస్ట్‌ చేశారు.ఈ షాకింగ్‌ ఘటనపై నార్త్‌ కాన్పూర్‌ డీసీపీ శ్రవణ్‌ కుమార్‌ సింగ్‌ తెలిపిన వివరాల ప్రకారం.. కాన్పూర్‌లోని రాయ్‌పూర్వాలో ఉన్న ఓ మేజిస్ట్రేట్‌ ఇంటి వద్ద తాజాగా ఓ పని కోసం తవ్వకాలు చేపట్టారు. ఈ సందర్భంగా ఓ మహిళ డెడ్‌బాడీ కనిపించింది. మృతదేహానికి పోస్టుమార్టం చేయగా ఢిల్లీకి చెందిన వ్యాపారవేత్త భార్య ఏక్తాగా గుర్తించాము. అయితే, ఏక్తా కనిపించడం లేదని ఆయన భర్త.. గత జూన్‌లో పోలీసు స్టేషన్‌లో ఫిర్యాదు చేయగా కేసు నమోదైంది. ఈ కేసుపై దర్యాప్తు జరుగుతోంది.తాజాగా ఆమె మృతిచెందడంతో అసలు ఏం జరిగిందనే కోణం విచారణ చేపట్టాం. ఈ క్రమంలో జిమ్‌ ట్రైనర్‌తో ఆమెకు పరిచయం ఉన్నట్టు గుర్తించాము. పోలీసులు దర్యాప్తులో భాగంగా అతడే ఆమెను హత్య చేసినట్టు నిందితుడు ఒప్పుకున్నాడు. అయితే, ఏక్తా జూన్‌ నాలుగో తేదీన నిందితుడు విమల్‌ సోనీకి కలిసేందుకు జిమ్‌కు వచ్చింది. ఈ సందర్భంగా విమల్‌ సోనికి పెళ్లి నిశ్చయం అయినట్టు తెలుసుకుంది. దీంతో, వీరి మధ్య వాగ్వాదం జరిగింది. అనంతరం, ఇద్దరు కలిసి కారులో బయటకు వెళ్లారు. అప్పటికీ వాగ్వాదం కొనసాగడంతో..ఆగ్రహానికి లోనైనా విమల్‌.. ఆమెకు తలపై కొట్టడంతో ఆమె స్పృహ కోల్పోయింది. తర్వాత ఆమెను హత్య చేసి అక్కడ పాతిపెట్టినట్టు చెప్పారు. ఈ హత్య జరుగుతున్న సమయంలో నిందితుడి వద్ద ఫోన్‌ లేకపోవడంతో దర్యాప్తు ఆలస్యమైందన్నారు. ఇదే సమయంలో మహిళ ధరించిన ఆభరణాలను అతడు తీసుకున్నాడా? లేదా? అనేది ఇంకా నిర్ధారించాల్సి ఉంది. అలాగే, అసలు వీరి పరిచయం గురించి కూడా వివరాలు తెలియాల్సి ఉందని ఆయన తెలిపారు.

న్యూఢిల్లీ: దేశ రాజ‌ధాని ఢిల్లీలో దారుణ హ‌త్య జ‌రిగింది. భ‌జ‌న్‌పురా ప్రాంతంలో 28 ఏళ్ల జిమ్ య‌జ‌మానికి కొంద‌రు వ్య‌క్తులు క‌త్తితో పొడిచి చంపారు. బాధితుడిని సుమిత్ చౌద‌రి అలియాస్ ప్రేమ్‌గా గుర్తించారు. బుధ‌వారం అర్థ‌రాత్రి గమ్రీ ఎక్స్‌టెన్ష‌న్‌లోని అత‌ని ఇంటి వెలుప‌ల ఈ దాడి జ‌రిగింది.స‌మాచారం అందుకున్న పోలీసులు హుటాహుటిని సంఘ‌ట‌నా స్థ‌లానికి చేరుకొని బాధితుడిని జేపీసీ ఆసుప‌త్రికి త‌ర‌లించారు. అయితే అత‌డు అప్ప‌టికే మ‌ర‌ణించిన‌ట్లు వైద్యులు ధృవీక‌రించారు.బాధితుడు సుమిత్ జిమ్‌తోపాటు టూర్ అండ్ ట్రావెల్ వ్యాపారం చేస్తున్నాడ‌ని, ఇటీవ‌ల హ‌త్యాయ‌త్నం కేసులో దోషిగా తేలి బెయిల్‌పై బ‌య‌ట‌కు వ‌చ్చిన‌ట్లు పోలీసులు తెలిపారు. బుధ‌వారం రాత్రి చౌదరి తన ఇంటి బయట కూర్చున్నప్పుడు మ‌రో ను ముగ్గురు, నలుగురు వ్యక్తులు అక్క‌డికి వ‌చ్చి గొడవ పడిన‌ట్లు పేర్కొన్నారు. సుమిత్‌పై కత్తితో దాడి చేసి ముఖం, మెడ, ఛాతీ, పొత్తికడుపుపై ​​పలుమార్లు పొడిచార‌ని, ముఖంపై 21కి పైగా కత్తిపోట్లు ఉన్న‌ట్లు తెలిపారు. కేసు న‌మోదు చేసుకొని ద‌ర్యాప్తు చేస్తున్నామ‌ని, నిందితులను గుర్తించేందుకు సీసీటీవీ ఫుటేజీలను పరిశీలిస్తున్నామని తెలిపారు. చౌదరికి భార్య, మూడేళ్ల కుమారుడు ఉన్న‌ట్లు చెప్పారు.

చండీగఢ్‌: ప్రియుడి మోజులో ప‌డి ఓ మ‌హిళ క‌ట్టుకున్న భ‌ర్త‌ను క‌డ‌తేర్చేందుకు సిద్ద‌మైంది. ఒక‌టి కాదు రెండు ప్లాన్‌లు వేసి అత‌డిని వ‌దిలించుకోవాల‌నుకుంది. మొద‌టి ప్రయ‌త్నంలో అత‌డు ప్రాణాల‌తో బ‌య‌ట‌ప‌డ‌గా.. రెండో సారి ప‌క్కా ప్లాన్ ప్ర‌కారం హ‌త్య జ‌రిపించింది. చివరికి అనుమానాస్పద ప్రవర్తనే ఆమె నేరాన్ని పోలీసులకు పట్టించింది. ఈ కేసుపై దర్యాప్తు చేసిన పోలీసులు మూడేళ్ల తర్వాత ఆ మహిళను అరెస్ట్‌ చేశారు. హర్యానాలోని పానిపట్‌లో ఈ సంఘటన వెలుగుచూసింది.వివ‌రాలు.. కంప్యూటర్ ఇనిస్టిట్యూట్ నిర్వహించిన వినోద్ బరారాకు నిధితో వివాహమైంది. ఆ దంపతులకు ఒక కుమార్తె ఉంది. వీరు పానిపట్‌లో నివాసం ఉంటున్నారు. నిధికి కొన్నేళ్ల క్రితం సుమిత్‌ అనే జిమ్‌ ట్రెయినర్‌తో ప‌రిచ‌యం ఏర్ప‌డింది. అనంత‌రం ఇది ప్రేమ‌గా మారింది. ఈ విషయం వినోద్‌కు తెలియ‌డంతో దంపతుల మధ్య తరచూ గొడవలు జరిగేవి. దీంతో వినోద్‌ను ఎలాగైనా అడ్డుతొలగించుకొని సుమిత్‌తో జీవించాలని నిధి నిర్ణయించుకొంది.పంజాబ్‌కు చెందిన దేవ్‌ సునార్‌ అనే లారీ డ్రైవర్‌కు రూ. 10 లక్షలు సుపారీ ఇచ్చి.. తన భర్తను వాహనంతో ఢీకొట్టి చంపాలని సూచించింది. 2021 అక్టోబర్‌ 5న వినోద్‌ను ఇంటి సమీపంలోనే దేవ్‌ లారీతో ఢీకొట్టడంతో తీవ్రంగా గాయపడ్డాడు. కానీ, ప్రాణాల‌తో బ‌య‌ట‌ప‌డ్డాడు. నిందితుడైన లారీ డ్రైవర్‌ దేవ్‌ సునర్‌ను పోలీసులు అరెస్ట్‌ చేశారు. కేసును వెనక్కి తీసుకోవాలని వినోద్‌ను సునర్‌ బెదిరించాడు. కానీ అత‌డు నిరాక‌రించాడు. దీంతో భర్తను ఎలాగైన సరే అడ్డు తొలగించుకోవాలన్న మ‌హిళ మ‌రో ప్లాన్ వేసింది. అదే ఏడాది డిసెంబ‌ర్ 15న దేవ్‌.. నిధి ఇంటికి వెళ్లి మంచానపడి ఉన్న వినోద్‌ను పాయింట్‌ బ్లాంక్‌ రేంజిలో కాల్చి చంపాడు. పోలీసులు దేవ్‌ను హంతకుడిగా గుర్తించి అరెస్టు చేశారు. కోర్టులో కేసు వెనక్కి తీసుకోనందుకే వినోద్‌ను చంపినట్లు పోలీసులకు చెప్పాడు.ఈ ఘటన తర్వాత దేవ్‌ కుటుంబ అవసరాలను నిధి, జిమ్‌ ట్రైనర్‌ సుమిత్‌లే చూసుకొంటున్నారు. వినోద్‌ హత్య తర్వాత నిధి సైతం విలాసవంతంగా జీవించింది. కుమార్తెను ఆస్ట్రేలియాలోని బంధువు వద్దకు పంపింది. ఆమె విలాసవంతమైన జీవనశైలి వినోద్‌ కుటుంబీకుల్లో అనుమానాలను పెంచింది. దీంతో అతడి సోదరుడు ప్రమోద్‌ మూడేళ్ల తర్వాత పానిపట్ ఎస్పీ అజీత్‌ సింగ్‌కు విషయం చెప్పాడు.తన సోదరుడి భార్యపై అనుమానం వ్యక్తం చేశాడు. దీంతో పోలీసుల ప్రత్యేక బృందం నిందితుడు దేవ్‌ కాల్‌ డేటాను వెలికి తీసింది. తరచూ జిమ్‌ ట్రెయినర్‌ సుమిత్‌తో మాట్లాడుతున్నట్లు దానిలో గుర్తించారు. దీంతో పోలీసులు అతడి కాల్‌ డేటాను వెలికి తీయగా నిధితో సంబంధం బయటపడింది. దీంతో సుమిత్‌ను అదుపులోకి తీసుకొని విచారించగా అసలు కుట్ర వెలుగులోకి వచ్చింది. నిందితులను పోలీసులు అరెస్టు చేశారు.

యశవంతపుర: గొడవపడి ఇంట్లో నుంచి వెళ్లిపోయిన భార్యకు వీడియో కాల్‌ చేసి తిరిగి రావాలని అర్థించాడు ఓ భర్త. దీనికి ఆమె నిరాకరించడంతో బెదిరించాలని ఉరేసుకోబోయి ప్రాణాలు పోగొట్టుకున్నాడు. ఈ ఘటన బెంగళూరు బాగలగుంటెలో చోటుచేసుకుంది. బీహార్‌కు చెందిన అమిత్‌కుమార్‌ సాహ (28) దాసరహళ్లిలో జిమ్‌ ట్రైనర్‌గా పనిచేస్తున్నాడు. ఏడాది క్రితం హసన్‌కు చెందిన యువ­తిని ప్రేమించి పెళ్లి చేసు­కున్నాడు. చదువు నిమి­త్తం భార్యను నర్సింగ్‌ కోర్సులో చేర్చాడు. ఆమె నిరంతరం ఫోన్‌లో స్నేహితులతో మాట్లాడుతూ తనను పట్టించుకోకపోవడంతో భార్యతో గొడపడేవాడు. ఇద్దరి మధ్య గొడవలు పెరగడం­తో ఆమె ఇంట్లో నుంచి వెళ్లిపోయింది. దీంతో గురువారం అమిత్‌ భార్యకు వీడియో కాల్‌ చేసి ఇంటికి రావాలని బతిమాలాడు. రాకపోతే ఉరి వేసుకొని చనిపోతానని బెదిరించాడు. ఇంతలో చేతిలోని మొబైల్‌ ఫోన్‌ కింద పడటంతో పాటు గొంతుకు ఉరి బిగిసి మృత్యువాత పడ్డాడు.

దేశ రాజధాని ఢిల్లీలో విషాదం జరిగింది. మరి కొన్ని గంటల్లో పెళ్లి ఉంది అనగా.. వరుడు దారుణ హత్యకు గురయ్యాడు. అత్యంత కిరాతకంగా 15సార్లు పొడిచి మరి ప్రాణాలు తీశారు అగంతకులు. ఈ ఘటన సౌత్‌ ఢిల్లీలోని దేవ్లీ ఎక్స్‌టెన్షన్‌ ప్రాంతంలో గురువారం చోటుచేసుకుంది. వివరాలు.. 29 ఏళ్ల గౌరవ్‌ సింఘాల్‌ జిమ్‌ ట్రైనర్‌గా పనిచేస్తున్నారు. ఇతడికి గురువారమే పెళ్లి జరగనుంది.  ఇది పెద్దలు కుదిర్చిన వివాహం కాగా మరికొన్ని గంటల్లో వధువు మెడలో తాళి కడతాడనే సమయంలో తన ఇంట్లోనే తెల్లవారుజామున గుర్తు తెలియని వ్యక్తి చేతిలో హత్యకు గురయ్యాడు. అతని ముఖం, ఛాతీపై 15 సార్లు కత్తితో పొడిచిన గుర్తులు ఉన్నాయి. సమాచారం అందుకున్న పోలీసులు ఘటనా స్థలానికి చేరుకున్నారు. బాధితుడిని సమీపంలోని ఆసుపత్రికి తరలించగా.. అప్పటికే అతడు మరణించినట్లు వైద్యులు తెలిపారు.  దీనిపై కేసు నమోదు చేసుకున్న పోలీసులు దర్యాప్తు చేపట్టారు. బాధితుడి హత్యకు గల కారణాలు ఇంకా తెలియరాలేదు. మృతుడి గౌరవ్ సింఘాల్ తమ్ముడిని, బంధువును విచారణ నిమిత్తం అదుపులోకి తీసుకున్నామని, అన్ని కోణాల్లోనూ విచారిస్తున్నామని పోలీసులు తెలిపారు. అయితే సింఘాల్‌ హత్య విషయంలో తమ కుటుంబంలో ఎవరిని అనుమానించడం లేదని మృతుడి మేనమామ జావవర్‌ తెలిపారు. అతడ్ని ఎవరూ చంపారే విషయంలో కుటుంబానికి తెలియదని, ఇంటి దగ్గర బ్యాండ్‌ సౌండ్‌ వస్తుండటంతో తమకు ఎలాంటి అరుపులు వినపడలేదని తెలిపారు. హత్యపై పోలీసులు సరైన విచారణ జరిపి నిందితులను అరెస్ట్‌ చేయాలని కోరారు.  మరోవైపు మృతుడికి, అతడి తండ్రితో గత కొంత కాలంగా గొడవలు జరుగుతున్నట్లు తెలిసిందని, ప్రస్తుతం అతడు పరారీలో ఉన్నాడని చెప్పారు. ఈ కేసుపై అయిదు బృందాలు పనిచేస్తున్నాయని, త్వరలోనే నిందిడిని అదుపులోకి తీసుకొని, హత్యకు దారితీసిన కారణాలను వెల్లడిస్తామని తెలిపారు.

ప్రముఖ మలయాళ నటుడు షియాస్‌ కరీమ్‌ను పోలీసులు అదుపులోకి తీసుకున్నారు.  జిమ్ ట్రైనర్‌గా పనిచేస్తున్న మహిళ ఫిర్యాదుతో అతన్ని చెన్నై విమానాశ్రయంలో అరెస్ట్ చేశారు. తనపై అత్యాచారం చేయడంతో పాటు పెళ్లి చేసుకుంటానని నమ్మంచి మోసం చేశాడంటూ 32 ఏళ్ల మహిళ గత నెలలో కాసర్‌గోడ్‌లోని చందేరా పోలీస్ స్టేషన్‌లో ఫిర్యాదు చేసింది. దీంతో గురువారం చెన్నైలో దిగిన వెంటనే ఎయిర్‌పోర్ట్ పోలీసులు అడ్డుకున్నారు. అతనిపై ఇప్పటికే లుక్ అవుట్ నోటీసులు కూడా జారీ చేశారు. (ఇది చదవండి: విజయ్ సేతుపతి- కత్రినా కైఫ్ మూవీ.. రిలీజ్‌ డేట్‌పై అప్‌డేట్‌!) కరీమ్ ఆధ్వర్యంలో నడుస్తున్న జిమ్‌లోనే ఆ మహిళా జిమ్‌ ట్రైనర్‌గా పనిచేస్తోంది. తన వద్ద నుంచి రూ.11 లక్షలు అప్పుగా తీసుకున్నాడని.. డబ్బులు ఇవ్వకుండా వేధిస్తున్నారని మహిళ ఆరోపించింది. పెళ్లి చేసుకుంటానని చెప్పి 2021 ఏప్రిల్‌ నుంచి చిత్రహింసలకు గురిచేస్తున్నాడని ఫిర్యాదులో పేర్కొంది. అంతే కాకుండా తన వ్యాపారంలో భాగస్వామిని చేస్తానని చెప్పి మోసం చేశాడని ఆమె తన ఫిర్యాదులో పేర్కొంది. దీంతో కరీమ్‌ను అదుపులోకి తీసుకు‍న్న ఎయిర్‌పోర్ట్‌ పోలీసులు చందేరా పోలీసులకు అప్పగించనున్నారు. కాగా.. కరీం గతంలో ఆమె చేసిన ఆరోపణలను కల్పితమని కొట్టి పారేశాడు. కాగా.. కరీం మలయాళంలో పలు చిత్రాల్లో నటించారు.  అంతే కాకుండా మలయాళం బిగ్‌ బాస్‌ షోతో ఫేమ్ తెచ్చుకున్నారు.  View this post on Instagram A post shared by Shiyas Kareem (@shiyaskareem)

ఆ హీరో వయసు 50 ఏళ్లు. కానీ అస్సలు అలా కనిపించడు. సిక్స్ ప్యాక్ బాడీతో అమ్మాయిల మనసు దోచేస్తుంటాడు. యాక్షన్ సీన్స్, గ్రేస్‌తో స్టెప్పులు వేయాలంటే ఆ ఇండస్ట్రీలో మనోడి తర్వాత ఎవరైనా. ఒక్కో సినిమాకు కోట్లకు కోట్లు తీసుకునే ఇతడు.. ఫిట్‌నెస్ కోసం కూడా కోట్ల రూపాయలు ఖర్చు చేస్తున్నాడు. ఇంతకీ ఎవరా హీరో? ఏంటి సంగతి? బాలీవుడ్ స్టార్ హీరో హృతిక్ రోషన్ పేరు చెప్పగానే చాలామందికి క్రిష్ సినిమాలు గుర్తొస్తాయి. తెలుగు ప్రేక్షకులకు అలా బాగా పరిచయమయ్యాడు. ప్రస్తుతం హిందీలో యాక్షన్ తరహా సినిమాలు చేస్తూ బిజీగా ఉన్నాడు. ఇక ఇద్దరు పిల్లలకు తండ్రి అయినప్పటికీ.. బాడీ మంచి షేప్‌లో ఉండేలా చూసుకుంటూ ఉంటాడు. డైలీ వర్కౌట్స్ చేయడం మాత్రం అస్సలు మర్చిపోడు. (ఇదీ చదవండి: ఈ తెలుగు హీరోయిన్‌ని గుర్తుపట్టారా? సుప్రీంకోర్టులో ఇ‍ప్పుడు లాయర్‌గా!) అయితే తన బాడీ ఫిట్, షేప్‌లో ఉండటం కోసం పర్సనల్‌గా ట్రైనర్ క్రిస్ గెతిన్ అనే ఫారెనర్ ని పెట్టుకున్నాడు. అయితే ఇతడికి ప్రతినెలా దాదాపు రూ.20 లక్షల మొత్తాన్ని ఫీజుగా చెల్లిస్తున్నాడట. ఇది తెలిసి ఫ్యాన్స్ అవాక్కవుతున్నారు. ఎందుకంటే ఏడాదికి లెక్కేసుకుంటే రూ.2.4 కోట్లు అనమాట. బహుశా ఫిట్‌నెస్ కోసం ఈ రేంజులో ఖర్చు పెడుతున్న స్టార్ హీరో ఇతడే అయ్యుంటాడు. ప్రస్తుతం 'ఫైటర్' మూవీ చేస్తున‍్న హృతిక్.. దీని తర్వాత 'వార్ 2'లో నటిస్తాడు. ఇందులో హృతిక్ తో పాటు జూ.ఎన్టీఆర్ కూడా యాక్ట్ చేస్తాడు. ఇప్పటికే ఈ కాంబో ఫిక్స్ అయింది. ఈ డిసెంబరు నుంచి షూటింగ్ మొదలు కానుండగా, తాజాగా రిలీజ్ డేట్ కూడా ఫైనల్ చేశారు. 2025 జనవరి 25న ఈ మూవీని థియేటర్లలోకి తీసుకురావాలని ఫిక్స్ అయినట్లు తెలుస్తోంది.  (ఇదీ చదవండి: చిరంజీవి పూజగదిలో ఆ ఇద్దరి ఫొటోలు..)

సాక్షి, హైదరాబాద్‌: రాజేంద్రనగర్ జిమ్ ట్రైనర్ రాహుల్ హత్య కేసులో ట్విస్ట్ చోటుచేసుకుంది. రాహుల్ హత్యకు, ప్రేమ వ్యవహారానికి సంబంధం లేదని,  ఆ రోజు వీడియో కాల్ మాట్లాడింది ఎంగేజ్‌మెంట్‌ అయిన అమ్మాయితో అని పోలీసులు తేల్చారు. రాహుల్‌ను హత్య చేసిన నలుగురు హంతకులను రాజేంద్రనగర్‌ పోలీసులు అరెస్ట్ చేశారు. వ్యక్తిగత కారణాల వల్లే హత్య చేసినట్లు సమాచారం. చిన్నపాటి గొడవే కారణంగానే రాహుల్ హత్యకు గురైనట్లు తెలుస్తోంది. పోలీసులు లోతుగా విచారణ చేపట్టారు. రాహుల్‌ను హత మార్చాలని రెక్కీ నిర్వహించిన దుండగులు.. అదును చూసి రాహుల్‌ను అతి కిరాతకంగా కత్తులతో పొడిచి చంపారు.  రాహుల్ బలం అంచనా వేసి పెప్పర్ స్ప్రే వాడారు. వర్కట్‌ ముగించుకొని లిఫ్ట్‌లో కిందకు రాగానే కంట్లో పెప్పర్ స్ప్రేను ఓ యువకుడు కొట్టగా, మరో ముగ్గురు రాహుల్‌పై కత్తులతో దాడి చేశారు. రాహుల్‌ తేరుకునే లోపు విచక్షణారహితంగా పొడిచి చంపారు. చదవండి: కోరుట్ల దీప్తి కేసు.. పోలీసుల అదుపులో చందన, ఆమె బాయ్ ఫ్రెండ్?

చావు చెప్పి రాదు. అయితే.. దానిని కెలికి మరీ ఆహ్వానించడం ఎంత వరకు సబబు?..  పాముల్ని పట్టేవాడు దాని కాటుకే బలవుతాడని ఎవరో అన్నారు.  వెతుక్కుంటూ వెళ్లి మరీ మృత్యువును పలకరించే ఘటనలు తరచూ మనం చూస్తుంటాం కూడా. అలాంటిదే ఇది.. జిమ్‌ ట్రైనర్‌.. అదీ అంతర్జాతీయ స్థాయిలో పేరు సంపాదించుకున్న బాడీ బిల్డర్‌.. దానికి తోడు ఫిట్‌నెస్‌ ప్రియులకు జాగ్రత్తలు చెప్పే ట్రైనర్‌..  వెయిట్‌లిఫ్టింగ్‌Squat చేస్తూ మరణిస్తే?..  ఇండోనేషియా బాడీబిల్డర్‌, అంతర్జాతీయంగా పేరు సంపాదించుకున్న ఫిట్‌నెస్‌ ఇన్‌ఫ్లూయెన్సర్‌ జస్టిన్‌ విక్కీ(33) Justyn Vicky కెమెరా సాక్షిగా ప్రాణం విడిచాడు.  సుమారు 400 పౌండ్ల బరువును(210 కేజీలు) ఎత్తే క్రమంలో మెడ విరిగి తీవ్రంగా గాయపడి చనిపోయాడతను. ఆస్పత్రికి తీసుకెళ్లినా లాభం లేకపోయిందని..  జులై 15వ తేదీన ఈ ఘటన జరిగినట్లు స్థానిక మీడియా ఛానెల్స్‌ కథనాలు ప్రచురించాయి.  మెడ విరగడంతో పాటు గుండెకు, లంగ్స్‌(కాలేయం) నరాలు దెబ్బతిని అతను మరణించినట్లు వైద్యులు ధృవీకరించారు. అతి బరువు ఎత్తే రిస్క్‌ చేయడం.. ఆ క్రమంలో తగిన జాగ్రత్తలు పాటించకపోవడమే అతని మరణానికి కారణమైంది. ఇందుకు సంబంధించిన వీడియో ఒకటి ట్విటర్‌లో కనిపిస్తోంది.  

సాక్షి, హైదరాబాద్‌: ఓ జిమ్‌ ట్రైనర్‌ ఊరేసుకుని ఆత్మహత్యకు పాల్పడిన ఘటన  అంబర్‌పేట పోలీస్‌స్టేషన్‌ పరిధిలో చోటుచేసుకుంది. డీఐ ప్రభాకర్‌  తెలిపిన వివరాల ప్రకారం.. పటేల్‌నగర్‌కు చెందిన వెంకటేష్‌గౌడ్‌ కుమారుడు రాకేష్‌గౌడ్‌(27) విద్యానగర్‌లో జిమ్‌ట్రైనర్‌. కాగా గతంలో ఓ అమ్మాయిని ప్రేమించి వివాహాం చేసుకున్నాడు. ఇద్దరి మద్య విభేదాలు తలెత్తడంతో భార్య ఇంటి నుంచి వెళ్లిపోయింది. అప్పటి నుంచి తీవ్ర మానసిక వేదనకు గురై ఈ నెల 12న ఇంట్లో ఎవరికీ చెప్పకుండా  వెళ్లిపోయాడు. దీంతో తల్లిదండ్రుల పోలీసులకు ఫిర్యాదు చేయగా.. వారు మొదటగా మిస్సింగ్‌ కేసు నమోదు చేశారు. శుక్రవారం తిరిగొచ్చిన రాకేష్‌ ఇంట్లో ఎవరు లేని సమయంలో తాళం పగులగొట్టి ఇంట్లోనే ఉరేసుకున్నాడు. సమాచారం అందుకున్న పోలీసులు మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు. 

సాత్‌ నిభానా సాతియా(కోడలా కోడలా కొడుకు పెళ్లామా) సీరియల్‌ నటి దేవలీనా భట్టాచార్జి సీక్రెట్‌గా పెళ్లిపీటలెక్కింది. తన ప్రియుడితో ఏడడుగులు నడిచింది. లోనావాలాలో జరిగిన ఈ వివాహ వేడుకకు ఇరు కుటుంబ సభ్యులు, అతి దగ్గరి బంధుమిత్రులు మాత్రమే హాజరయ్యారు. వీరిలో దేవలీనా స్నేహితులు విశాల్‌ సింగ్‌, రష్మీ సింగ్‌, భావిని పురోహిత్‌ దంపతులు ఉన్నారు. ప్రస్తుతం ఆమె పెళ్లికి సంబంధించిన ఫోటోలు, వీడియోలతో సోషల్‌ మీడియా హోరెత్తిపోతోంది. ట్విటర్‌లో దేవలీనాకీ షాదీ(#DevoleenaKiShaadi) అనే హ్యాష్‌ట్యాగ్‌ ట్రెండింగ్‌గా మారింది. చాలామటుకు ఫోటోల్లో విశాల్‌ సింగ్‌ వధువు పక్కన ఉండటంతో వీరిద్దరూ పెళ్లి చేసుకున్నారని చాలామంది పొరపడుతున్నారు. కానీ అది నిజం కాదు, అతడు స్నేహితుడు మాత్రమే! మరికొందరేమో ఇది నిజమైన పెళ్లా? లేదా ఏదైనా మ్యూజిక్‌ ఆల్బమ్‌ కోసం ఇలా రెడీ అయ్యావా? అని అడుగుతున్నారు. అటు దేవలీనా సైతం హల్ది, మెహందీ, పెళ్లి ఫోటోలు పెట్టిందే తప్ప వరుడి ముఖాన్ని చూపించలేదు. ఒక్క ఫోటోలో మాత్రం భర్త చేయిని పట్టుకుని ఉంది. అయితే నటి జిమ్‌ ట్రైనర్‌ షాన్వద్‌ షైఖ్‌ను పెళ్లాడినట్లు వార్తలు వస్తున్నాయి. ఈ సస్పెన్స్‌కు చెక్‌ పెడుతూ ఎట్టకేలకు తను పెళ్లాడింది ఎవరినో ప్రకటించింది దేవలీనా. ఆ మిస్టరీ మ్యాన్‌ మరెవరో కాదు ఫేమస్‌ జిమ్‌ ట్రైనర్‌ షోనూనే అని వెల్లడిస్తూ ఇన్‌స్టాగ్రామ్‌లో ఫోటోలు అప్‌లోడ్‌ చేసింది. "Wishing you all of the love and happiness!#DevoleenaBhattacharjee #devoleena #DevoleenaKiShaadi @Devoleena_23 pic.twitter.com/BRE6Q0kj4c — Rajul (@Rajul_Raj1) December 14, 2022 Look who is ruling the trending list#DevoleenaBhattacharjee #DevoleenaKiShaadi CONGRATS DEVOLEENA pic.twitter.com/IjPukT0nxO — Devoleenamyidol22 (@devoleenamyidol) December 14, 2022 If it's Real Nd @Devoleena_23 Got Married With Shahnawaz Shaikh.. So Congratulations nd wishing Uh Happy married Life Devo May Allah bless you ❤️ #DevoleenaKiShaadi #DevoleenaBhattacharjee #PriyankaPaltan pic.twitter.com/O4JS2qwsqt — mr Khan (@mr_sany_) December 14, 2022 Jaldi hi https://t.co/iSANjKlCoP — Devoleena Bhattacharjee (@Devoleena_23) December 14, 2022 View this post on Instagram A post shared by Devoleena Bhattacharjee (@devoleena) చదవండి: అందుకే హిందీ సినిమాలు ఫ్లాప్‌, కానీ సౌత్‌లో అలా కాదు: రాజమౌళి వివాహ బంధంలోకి అడుగుపెట్టిన బుల్లితెర జంట

లక్నో: కుర్చీలో కూర్చొని సేద తీరుతూ ఒక్కసారిగా కుప్పకూలిపోయాడు 35 ఏళ్ల జిమ్ ట్రైనర్. అందరూ చూస్తుండగానే క్షణాల్లో గుండెపోటుతో మరణించాడు. ఉత్తర్‌ప్రదేశ్ గాజియాబాద్‌లోని షహీద్‌ నగర్‌లో ఈ షాకింగ్‌ ఘటన జరిగింది. ప్రాణాలు కోల్పోయిన వ్యక్తిని అదిల్‌గా గుర్తించారు. ఈ ఘటనకు సంబంధించిన వీడియో సామాజిక  మాధ్యమాల్లో వైరల్‌గా మారింది. అదిల్ మృతితో కుంటుబసభ్యులతో అందరూ షాక్‌కు గురయ్యారని అతని స్నేహితుడు పరాగ్ చౌదరి తెలిపాడు. అదిల్‌కు సొంతంగా జిమ్‌ ఉండేదని, జ్వరం వచ్చినా లెక్క చేయకుండా ప్రతిరోజు జిమ్‌కు వెళ్లేవాడని తెలిపాడు. అయితే కొద్దిరోజుల క్రితం అతను రియల్ ఎస్టేట్ వ్యాపారంలోకి అడుగుపెట్టాడని పేర్కొన్నాడు. అదిల్‌కు భార్య, నలుగురు పిల్లలు ఉన్నారు. అతని మృతితో కుటుంబసభ్యులు శోకసంద్రంలో మునిగిపోయారు. एक और मौत LIVE- कल ग़ाज़ियाबाद में 35 साल का एक जिम ट्रेनर सामान्य दिनों की तरह अपनी कुर्सी पर बैठा और वहीं हार्ट अटैक से उसकी मौत हो गई। सेकंड में मौत pic.twitter.com/7TX5di258X — Narendra nath mishra (@iamnarendranath) October 19, 2022 చదవండి: ట్రాఫిక్ పోలీస్‌ను చితకబాదిన యువకుడు.. వీడియో వైరల్‌..

సాక్షి, హైదరాబాద్‌: పదో తరగతి బాలికపై అత్యాచారానికి పాల్పడిన జిమ్‌ ట్రైనర్‌పై జీడిమెట్ల పోలీసులు అత్యాచారం, ఫోక్సో చట్టం సెక్షన్ల కింద కేసు నమోదు చేసి శనివారం రిమాండ్‌కు తరలించారు. సీఐ ఎం.పవన్‌ వివరాల ప్రకారం.. గాజులరామారం డివిజన్‌ నెహ్రూనగర్‌కు చెందిన విశ్వక్‌(23) జిమ్‌ ట్రైనర్‌గా పనిచేస్తున్నాడు. కాగా అదే ప్రాంతానికి చెందిన పదో తరగతి చదువుతున్న మైనర్‌ బాలిక(14)తో చనువుగా ఉండేవాడు. ఈ క్రమంలో విశ్వక్‌ సదరు బాలికతో ఉన్న చనువుతో బాలికను గత నెల 29వ తేదీన ఇంటి నుంచి బయటకు తీసుకువెళ్లాడు. బాలిక రాత్రైనా ఇంటికి రాకపోవడంతో బాలిక కనబడటం లేదని బాలిక తండ్రి అదేరోజు జీడిమెట్ల పోలీసులకు ఫిర్యాదు చేయగా పోలీసులు మిస్సింగ్‌ కేసు నమోదు చేశారు. కాగా విశ్వక్‌ శుక్రవారం బాలికను ఇంటి వద్ద వదిలివెళ్లిపోయాడు. ఇంట్లోకి వెళ్లిన బాలికను తల్లిదండ్రులు నిలదీయడంతో విశ్వక్‌ తనపై అత్యాచారానికి పాల్పడినట్లు జరిగిన విషయం తల్లిదండ్రులకు తెలిపింది. బాలిక తండ్రి ఫిర్యాదు మేరకు కేసు నమోదు చేసిన పోలీసులు నిందితుడిని శుక్రవారం అదుపులోకి తీసుకుని శనివారం రిమాండ్‌కు తరలించారు.    చదవండి: ఎంత పని చేశావు తల్లీ! తన కొడుకుకంటే ఎక్కువ మార్కులు వచ్చాయని..

పరిశ్రమలో అడుగుపెట్టిన తక్కువ కాలంలోనే స్టార్‌ హీరోయిన్ల జాబితాలో చేరిపోయింది రష్మక మందన్నా. కన్నడ నుంచి తెలుగులోకి వచ్చిన రష్మిక సౌత్‌ స్టార్‌ హీరోయిన్‌గా చక్రం తిప్పుతోంది. అంతేకాదు ఇండియన్‌ నేషనల్‌ క్రష్‌ 2019గా అరుదైన గుర్తింపు కూడా పొందింది ఈ భామ. ఇక తనకు సంబంధించిన ఫొటోలను, వీడియోలను సోషల్‌ మీడియా షేర్‌ చేస్తూ యాక్టివ్‌గా ఉంటుంది. ఈ క్రమంలో నెట్టింట ఆమెకు ఫాలోవర్స్‌ కూడా ఎక్కువే. సమంత, రకుల్‌ మాదిరిగానే రష్మిక కూడా తరచూ తన జిమ్‌ వీడియోలను షేర్‌ చేస్తూ ఉంటుంది. తాజాగా తన జిమ్‌ ట్రైనర్‌పై ఆసక్తికర వ్యాఖ్యలు చేసింది రష్మిక. చదవండి: ఆహాతో నాకు సంబంధం లేదు, గమనించగలరు: అల్లు శిరీష్‌ ట్వీట్‌ వైరల్‌ రష్మిక జిమ్‌ ట్రైనర్‌ కుల్దీప్ ‘సామి సామి’ పాటకు స్టెప్పులేశాడు. ఇది చూసిన పుష్ప హీరోయిన్‌ తన ట్రైనర్ మీద సెటైర్ వేసింది. కుల్దీప్ జిమ్‌లో ట్రైనింగ్ సెషన్‌లో భాగంగా వర్కౌట్స్‌ సరిగ్గా చేయమంటూ నన్ను టార్చర్ చేస్తుంటాడు, వద్దన్నా చేయిస్తూ ఉంటాడని చెప్పింది. అయితే ఇలా సామి సామి సాంగ్‌కు స్టెప్పులు వేస్తాడని తెలిస్తే దగ్గరుండి నేనే ఆ స్టెప్పులు నేర్పిస్తూ మళ్ళీ మళ్ళీ చేయమని రివేంజ్ తీసుకునేదాన్ని. మిస్‌ అయ్యాను అని తన ఇన్‌స్ట్రాగ్రామ్‌ స్టోరీలో పోస్ట్‌ షేర్‌ చేసింది రష్మిక. దీంతో ఆ పోస్ట్‌ నెట్టింట వైరల్‌గా మారింది.  చదవండి: ‘బంగార్రాజు’ మూవీ డైరెక్టర్‌కు తమిళ నిర్మాత భారీ ఆఫర్‌ \ కాగా రష్మిక తాజాగా నటించిన పుష్ప మూవీ బ్లాక్‌బస్టర్‌ హిట్‌ అయ్యింది. ఇందులోని పాటలకు కూడా సోషల్‌ మీడియాల్లో మంచి రెస్పాన్స్‌ వస్తోంది. పుష్పలో రష్మిక-బన్నీల సాంగ్ రారా సామీ పాటకు ఏ రేంజ్‌లో రెస్పాన్స్‌ వస్తుందో ప్రత్యేకంగా చెప్పనక్కర్లేదు. ఈ పాట దేశాలు కూడా దాటింది. విదేశీయులు సైతం రారా సామీ పాటకు స్టెప్పులు వేస్తూ వీడియోలు షేర్‌ చేస్తున్నారు. తాజాగా రష్మిక జిమ్‌ ట్రైనర్‌ కుల్దీప్ సేతీ కూడా సామీ సామీ పాటకు స్టెప్పులు వేసి సోషల్ మీడియాలో షేర్ చేశాడు. 

బనశంకరి: ప్రేమ ఫలించలేదని జిమ్‌ శిక్షకుడు వీడియో తీసి ఆత్మహత్య చేసుకున్న ఘటన రాజరాజేశ్వరినగర పోలీస్‌స్టేషన్‌ పరిధిలో  చోటుచేసుకుంది. మారప్పలేఔట్‌ కు చెందిన కార్తీక్‌ (29) అనే యువకుడు జిమ్‌ ట్రైనర్‌గా ఉంటున్నాడు. ఇతను గత మూడేళ్లు నుంచి ఓ యువతి ని ప్రేమిస్తున్నాడు.  కానీ ఇటీవల యువతి దూరం కావడంతో  కార్తీక్‌ కుంగిపోయినట్లు తెలిసింది. ఈ తరుణంలో అతనికి తల్లిదండ్రులు ఒక సంబంధం చూశారు. ఆదివారం పెళ్లిచూపులకు వెళ్లాల్సి ఉంది. కానీ శనివారం రాత్రి ఇంట్లో తన ప్రేమ వైఫల్యం గురించి సెల్ఫీ వీడియో తీసుకుని షీట్‌ హ్యాంగర్‌ కు ఉరివేసుకున్నాడు. స్థానిక పోలీసులు కార్తీక్‌ మొబైల్‌ను స్వా«దీనం చేసుకుని కేసు దర్యాప్తు చేపడుతున్నారు. (చదవండి: రిక్షా కార్మికుడిని రూ.3 కోట్లు టాక్స్‌ కట్టాలన్న ఐటీ అధికారులు)

ముంబై : బాక్సింగ్‌ శిక్షణ పేరుతో 19 ఏళ్ల అమ్మాయిపై జిమ్‌ ట్రైనర్‌ లైంగిక వేధింపులకు పాల్పడిన ఘటన మహారాష్ట్రలోని పూణెలో చోటుచేసుకుంది. వివరాల ప్రకారం...బీఏ చదువుతున్న సదరు యువతి ఆరు నెలల క్రితం సోదరుడితో కలిసి జిమ్‌లో చేరింది. అక్కడే ట్రైనర్‌ రాబిస్‌ ఆంధోని పర్యవేక్షణలో యువతి బాక్సింగ్‌ నేర్చుకుంటుంది. అయితే కరోనా కేసులు పెరుగుతున్న నేపథ్యంలో ఇంటి దగ్గరికే వచ్చే శిక్షణ ఇవ్వాల్సిందిగా కోరారు. ఈ నేపథ్యంలో రోజూ మాదిరిగానే ఈనెల 19న యువతి ఫ్లాట్‌కు వెళ్లిన ట్రైనర్‌ ఆంధోని..ఇంట్లో ఎవరూ లేకపోవడంతో దాన్ని అవకాశంగా మరల్చుకున్నాడు. బాక్సింగ్‌ నేర్పుతున్నట్లు నటించి ఆమె శరీర భాగాలను అసభ్యకరంగా తడిమాడు. దీంతో షాక్‌కి గురైన యువతి..ఫ్లాట్‌ నుంచి వెంటనే బయటకు వచ్చేసింది. లిఫ్ట్‌ ఎక్కబోతుండగా, మరోసారి ఆమెపై లైంగిక వేధింపులకు పాల్పడ్డాడు. ఈ విషయాన్ని బాధిత యువతి..కుటుంబ సభ్యులకు వివరించగా, వారు ట్రైనర్‌ ఆంధోనిపై పోలీసులకు ఫిర్యాదు చేసి నిందితుడిని అరెస్ట్‌ చేశారు.  చదవండి : బలిచ్చేందుకు బాలుడిని చిత్రహింసలు పెట్టి.. వివాహేతర సంబంధం; భర్తను వదిలిరానన్నందుకు..

సినిమాల్లో రాణించాలంటే టాలెంట్ ఒక్క‌టే ఉంటే స‌రిపోదు. అందుకు అందం, అభిన‌యం ఉండాల్సిందే. హీరోల విష‌యానికొస్తే ఫిట్‌నెస్ త‌ప్ప‌నిస‌రి. అందుకే ఇప్పుడు ఏ హీరో చూసినా షూటింగ్స్‌లో క‌న్నా ఎక్కువ‌గా జిమ్ముల్లోనే గడిపేస్తున్నారు. చెమ‌టలు చిందిస్తూ శ‌రీర సౌష్ఠ‌వాన్ని కాపాడుకునేందుకు అహ‌ర్నిశ‌లు శ్ర‌మిస్తున్నారు. ఇందుకోసం వారికి స్పెష‌ల్ ట్రైన‌ర్లు కూడా ఉంటారు. అంద‌రిలాగే బాహుబ‌లి హీరో కు కూడా ఓ జిమ్ ట్రైన‌ర్ ఉన్నాడు. ప్ర‌భాస్ అత‌డితో ఆప్యాయంగా మాట్లాడేవారు. (చ‌ద‌వండి: ఈ హీరోల పారితోషికం ఎంతో తెలుసా?) త‌న‌కోసం క‌ష్ట‌ప‌డుతున్న అత‌నికి ఓ బ‌హుమ‌తిని కూడా ఇచ్చారు. ప్ర‌స్తుతం ఈ గిఫ్ట్ విష‌యం అంద‌రి నోరెళ్ల‌బెట్టేలా చేసింది. ఎందుకంటే జిమ్ ట్రైన‌ర్ ల‌క్ష్మ‌ణ్ రెడ్డికి ఇచ్చిన గిఫ్ట్ ఆషామాషీది కాదు. ల‌క్ష‌లు ఖ‌రీదు చేసే రేంజ్ రోవ‌ర్ కారు కొనిచ్చారు. త‌న చుట్టూ ఉన్న‌వారికి ప్ర‌భాస్ ఇలా గిఫ్ట్ ఇవ్వ‌డం ఇదేం తొలిసారేం కాదు. గ‌తంలోనూ డార్లింగ్ ప‌లువురికి బ‌హుమ‌తులు ఇచ్చి స‌ర్‌ప్రైజ్ చేశారు. ప్ర‌భాస్‌లో ఉన్న ఈ కోణాన్ని చూసి కూడా ఆయ‌న‌కు ఫ్యాన్ ఫాలోయింగ్ మ‌రింత పెరుగుతోంది. (చ‌ద‌వండి:మూడు సినిమాల నుంచి తప్పించారు)

సాక్షి, న్యూఢిల్లీ : దాదాపు 25 ఏళ్లుగా కమ్యునిస్టుల కంచుకోటగా పేరున్న త్రిపురలో పాగా వేసి కమలనాథులు గద్దెనెక్కబోతున్న తరుణంలో ఇప్పుడు అక్కడ ఎవరు ముఖ్యమంత్రిగా వస్తారు అనే అంశంపై చర్చనీయాంశంగా మారింది. పార్టీ కనుసన్నల్లో ఉంటున్న కొంతమంది అభ్యర్థులు తమను తామే ముఖ్యమంత్రిగా ఊహించుకుంటూ మురిసిపోతున్నారు. దాదాపు త్రిపురలో బీజేపీకి పూర్తి మెజార్టీ ఖాయమైపోయిన నేపథ్యంలో ఇక సీఎం అభ్యర్థిపై చర్చ జోరుగా ఊపందుకుంది. సీఎం అభ్యర్థులుగా వినిపిస్తున్న పేర్లు ఇవే.. బిప్‌లాబ్‌ కుమార్‌ దేబ్‌ సీఎం పోస్టుకు బిప్‌లాబ్‌ పేరు ముఖ్యంగా వినిపిస్తోంది. ఈయన రాష్ట్ర బీజేపీ పార్టీ చీఫ్‌గా పనిచేస్తున్నారు. అంతేకాకుండా చాలా కాలం నుంచి ఆరెస్సెస్‌కు అనుబంధంగా ఉన్నారు. త్రిపురలోని గోమతి జిల్లాలోగల అక్రాబన్‌ అనే గ్రామంలో జన్మించిన ఆయన పదిహేనేళ్లపాటు ఢిల్లీలోనే ఉన్నారు. ఆ సమయంలో ఆయన జిమ్‌ ట్రైనర్‌గా పనిచేశారు. తొలిసారి 2016లో పూర్తిస్థాయిలో త్రిపుర పార్టీ పగ్గాలు అందుకున్నారు. ఆయనకు కేంద్ర నాయకత్వం దీవెనలు కూడా మెండుగా ఉన్నాయి. పైగా ఈయన ముందు నుంచి కూడా బీజేపీతోనే ఉన్న వ్యక్తి కావడంతో సీఎం అభ్యర్థిగా ఈయనే సరైనవాడు అనుకుంటున్నారట. అయితే, పార్టీ ఎన్నికల ప్రచార సమయంలో ఓ గిరిజన వ్యక్తిని ముఖ్యమంత్రి చేస్తామని ప్రకటించిన విషయం తెలిసిందే. దీంతో తుది నిర్ణయం వచ్చే వరకు ఎదురుచూడాల్సిందే. రామ్‌పద జమాతియా ఇక ముఖ్యమంత్రి రేసులో రెండో వరుసలో వినిపిస్తున్న పేరు రామ్‌పద జమాతియా. ఈయన రాష్ట్ర బీజేపీకి ఉపాధ్యక్షుడిగా పనిచేస్తున్నారు. విశ్వహిందూ పరిషత్‌లో సభ్యుడిగా చేరి రెండేళ్లుగా పనిచేస్తున్నారు. జమాతియా గిరిజన తెగకు చెందిన ఈయన ఆ తెగకు కోశాధికారిగా కూడా పనిచేస్తున్నారు. ఒక వేళ ముందు చెప్పినట్లు బీజేపీ గిరిజనుడిని సీఎం చేయాలనుకుంటే ఈయనకే ఆ అవకాశం దక్కుతుంది. డాక్టర్‌ అతుల్‌ దెబ్బార్మా త్రిపుర ముఖ్యమంత్రి అభ్యర్థిగా మూడోస్థానంలో డాక్టర్‌ అతుల్‌ దెబ్బార్మా పేరు వినిపిస్తోంది. ఈయన సంస్కృతంలో స్కాలర్‌, పైగా వేదశాస్త్రాలపై పూర్తి పట్టున్నవారు. నాగ్‌పూర్‌లో ఉన్నప్పుడు వైద్యుడిగా కూడా పనిచేసి అనంతరం ఆరెస్సెస్‌ పంపించడంతో రాష్ట్రానికి వచ్చి పార్టీలో పనిచేశారు. గిరిజన అభ్యర్థిని బీజేపీ పెడితే ఈయన రెండో వరుసలో ఉన్నారు.   ఎవ్వరూ ఊహించని వ్యక్తినా..? ముందు నుంచి కూడా ప్రధాని నరేంద్రమోదీ, బీజేపీ జాతీయ అధ్యక్షుడు అమిత్‌షా ద్వయం తీసుకుంటున్న నిర్ణయాలు ఎవరి ఊహకు అందనట్లు ఉంటున్నాయి. వాస్తవానికి ప్రచారంలో ఉన్న వ్యక్తులెవరికీ కూడా వారు ఇప్పటి వరకు సీఎం బాధ్యతలు గానీ, పార్టీ అధ్యక్షుల బాధ్యతలుగానీ అప్పగించలేదు. మరో ఏడాదిలో జరగబోయే సాధారణ ఎన్నికలను, ఓటు బ్యాంకును దృష్టిలో పెట్టుకొనే వారు అభ్యర్థులను ప్రకటిస్తున్నారు. త్రిపుర విషయంలో కూడా మోదీ, షా ద్వయం అలాంటి నిర్ణయమే తీసుకుంటారేమో వేచి చూడాలి.


 సాక్షి, చండీగఢ్: అత్యాచారం కేసులో గుర్మీత్‌ సింగ్‌ను దోషిగా కోర్టు నిర్ధారించిన నేపథ్యంలో డేరా చీఫ్ దత్తపుత్రిక హనీప్రీత్ ఇన్సాన్, డేరా ప్రతినిధి ఆదిత్య ఇన్సాన్‌ కోసం పోలీసుల వేట కొనసాగుతోంది. అయితే హనీప్రీత్, గుర్మీత్‌ల సంబంధం గురించి షాకింగ్ విషయం తాజాగా వెలుగుచూసింది.  గుర్మీత్, హనీప్రీత్ ఎప్పుడూ కలిసే ఉండేవారని డేరాలోని ఓ సాధ్వి చెప్పారు. డేరాలో ఉన్నప్పుడే కాదు, బయటకు వెళ్లినప్పుడు కూడా ఒకే రూములో ఏకాంతంగా గడిపేవారని ఆమె తెలిపారు.
 గుర్మీత్ తర్వాత డేరా చీఫ్‌గా బాధ్యతలు చేపడుతుందని అందరూ భావిస్తున్న హనీప్రీత్‌ తన అందం గురించి దిగులు చెందేదట. ఈ విషయాన్ని ఆమె వ్యక్తిగత జిమ్ ట్రైనర్ మీడియాకు తెలిపారు. ఆమెకు బాలీవుడ్ స్టార్ హీరోయిన్ కత్రినా కైఫ్‌కు పిచ్చి అభిమాని అని.. అందుకు కత్రినాలా అందంగా తయారవ్వాలన్న ఆశే కారణమని వెల్లడించారు. 'నటి కత్రినాలా తను కూడా చాలా అందంగా తయారవ్వాలనుకున్న హనీప్రీత్ ఎంతో శ్రమించి వర్కవుట్లు చేసేవారు. గ్లామర్ డాల్‌గా మారిపోవాలన్నది ఆమె చిరకాల కోరిక.
 అందుకే వర్కవుట్లు చేస్తూ ఆలసట చెందినట్లు అనిపిస్తే చాలు.. దూమ్ 3 మూవీలోని కత్రినా పాటకు హుషారుగా స్టెప్పులేస్తూ ఆలసటను, శ్రమను మర్చిపోయేది. గుర్మీత్ కూడా తన వద్దే అదే జిమ్‌లో కసరత్తులు చేసేవాడు. కత్రినాలా తాను నాజుకూగా మారేందుకు ప్రతిరోజు మూడు గంటల పాటు జిమ్‌లో వర్కవుట్లు చేయడంతో కఠిన ఆహారపు అలవాట్లను హనీప్రీత్ ఫాలో అయ్యేదంటూ' ఆమె వ్యక్తిగత జిమ్ ట్రైనర్ వివరించారు.
 
 గత ఆగస్ట్ 25న అత్యాచారాల కేసులో గుర్మీత్‌కు 20 ఏళ్ల జైలుశిక్ష విధించగా, అప్పటినుంచి ఆయన దత్తపుత్రిక హనీప్రీత్ పరారీలో ఉంది. మరోవైపు సీబీఐ అధికారులు ఇదివరకే డేరాలో పూర్తిస్థాయిలో తనిఖీలు చేపట్టి పలు కీలక సాక్ష్యాలు సేకరించారు. గుర్మీత్ చేసిన హత్యల కేసులపై పోలీసులు దర్యాప్తు చేస్తున్న విషయం తెలిసిందే.


 ఢిల్లీ: డిగ్రీ వరకూ కలిసి చదువుకున్న ఆ ఇద్దరూ ఒకరినొకరు ప్రేమించుకున్నారు. కానీ విడివిడిగా వేరేవాళ్లతో పెళ్లిళ్లయ్యాయి. జిమ్‌ ట్రైనర్‌గా సెటిల్‌ అయిన ఆ ప్రేమికుడు.. అటు ప్రేయసిని మర్చిపోలేక, ఇటు భార్యతో సౌఖ్యంగా ఉండలేక సతమతమయ్యాడు. ఎలాగోలా భార్యను వదిలించుకుని, ప్రేయసిని దక్కించుకునేందుకు మాస్టర్‌ప్లాన్‌ వేశాడు. రెండో ప్రపంచ యుద్ధం, కోల్డ్‌వార్‌ సమయాల్లో జరిగిన హత్యోదంతాలను ఇంటర్నెట్‌లో చదివాడు. చివరికి, 1978నాటి లండన్‌ ‘గొడుగు హత్య’(Umbrella Murder) తరహాలో ప్రేయసి భర్తను హత్య చేయించాలనుకున్నాడు. ఇందుకోసం లక్షలు పోసి ఓ ప్రొఫెషనల్‌ కిల్లర్‌తో ఒప్పందం కుదుర్చుకున్నాడు. దేశరాజధాని ఢిల్లీలో సంచలనం రేపిన ఈ ఉదంతానికి సంబంధించిన వివరాలను డీసీపీ(నార్త్‌ ఢిల్లీ) జతిన్‌ నర్వాల్‌ మీడియాకు వెల్లడించారు.
 
 సదర్‌ బజార్‌లో నివసించే రవి కుమార్‌(27) అనే వ్యక్తి కోటక్‌ మహీంద్రా బ్యాంకులో ఉద్యోగం చేస్తున్నాడు. కొన్నేళ్ల కిందట అదే ప్రాంతానికి చెందిన ఓ యువతిని పెళ్లిచేసుకున్నాడు. శనివారం సాయంత్రం సినిమాకు వెళ్లిన రవి కుమార్‌కు మెడ మీద ఏదో గుచ్చుకున్నట్లైంది. అతణ్ని ఫాలో అవుతూవచ్చి, వెనుక సీటులో కూర్చున్న హంతకుడు.. రవికుమార్‌ మెడలోకి విషాన్ని ఇంజెక్ట్‌ చేశాడు. విష ప్రభావంతో స్పృహ కోల్పోతూ, రక్తం కారుతున్న స్థితిలోనూ రవి కుమార్‌ హంతకుణ్ని దొరకబుచ్చుకునే ప్రయత్నం చేశాడు. ఇదంతా గమనించిన చుట్టుపక్కలవాళ్లు హంతకుణ్ని పట్టుకుని, రవి కుమార్‌ను ఆసుపత్రికి తరలించారు. ఇంజెక్ట్‌ చేసింది అత్యంత ప్రమాదకరమైన విషం కావడంతో చికిత్స పనిచేయలేదు. ఆదివారం తెల్లవారుజామున రవికుమార్‌ ప్రాణాలు విడిచాడు.
 
 హంతకుణ్ని ప్రొఫెషనల్‌ కిల్లర్‌ ప్రేమ్‌గా గుర్తించిన పోలీసులు తమదైన శైలిలో ఇంటరాగేట్‌చేయగా అసలు విషయం బయటపడింది. జిమ్‌ ట్రైనర్‌గా పనిచేసే అనీశ్‌ యాదవ్‌.. హతుడు రవికుమార్‌ భార్య గతంలో ప్రేమికులు. కొన్ని కారణాల వల్ల విడిపోయి, వేరువేరు పెళ్లిళ్లు చేసుకున్నారు. కొద్ది రోజుల కిందటే భార్యను వదిలేసిన అనీశ్‌.. ఎలాగైనాసరే ప్రేయసిని దక్కించుకోవాలనుకున్నాడు. అందుకు అడ్డుగా ఉన్న ఆమె భర్త(రవికుమార్‌)ను అంతం చేయాలనుకున్నాడు. ఆ మేరకు ప్లాన్‌గీసి, ప్రేమ్‌ అనే హంతకుడికి రూ.1.5 లక్షలు చెల్లించి హత్య చేయించాడు. కాగా, రవికుమార్‌ హత్యోదంతంలో ఆయన భార్య ప్రమేయం కూడా ఉందా? అనే విషయం ఇప్పుడే చెప్పలేమని డీసీపీ జతిన్‌ నర్వాల్‌ అన్నారు. విచారణకు హాజరుకావాల్సిందిగా ఆమెకు నోటీసులు ఇచ్చామని, పూర్తి వివరాలు మరికొద్ది రోజుల్లో తెలుస్తాయని తెలిపారు. కోర్టు ఆదేశాల మేరకు నిందితులను రిమాండ్‌కు తరలించారు.
 
 ‘గొడుగు హత్య’
 ప్రఖ్యాత వార్తా సంస్థ బీబీసీలో రిపోర్టర్‌గా పనిచేసిన గార్గ్‌ మార్కోవ్‌ అనే జర్నలిస్టు 1978లో దారుణ హత్యకు గురయ్యారు. లండన్‌ వీధుల్లో నడుచుకుంటూ వెళుతోన్న గార్డ్‌ను ఎదురుగా వచ్చిన హంతకుడు గొడుగుతో పొడిచాడు. గొడుగు ముందు భాగానికి ప్రమాదకరమైన విషం పూసి ఉండటంతో గార్గ్‌ నిమిషాల వ్యవధిలోనే ప్రాణాలు కోల్పోయాడు. అప్పట్లో ఇది ‘గొడుగు హత్య’(Umbrella Murder)గా ప్రాచుర్యం పొందింది. 2011లో హానోవర్‌(జర్మనీ)లోనూ ఇదే తరహాలో ఓ హత్య జరిగింది. కాగా, ఈ రెండు సందర్భాల్లోనూ హంతకుడు ఎవరు? ఎందుకు హత్య చేశారు అనేవి ఇప్పటికీ మిస్టరీలే!
 
 పోలీసుల అదుపులో ప్రొఫెషనల్‌ కిల్లర్‌ ప్రేమ్‌, మూల కారకుడు అనీశ్‌ యాదవ్‌(జిమ్‌ ట్రైనర్‌)


 యువతికి మత్తుమందు కలిపిన కూల్ డ్రింక్ ఇచ్చి అపై అత్యాచారం చేశాడు ఓ జిమ్ ట్రైనర్. ఆ ఘటన దక్షిణ ఢిల్లీలోని సరోజిని నగర్ పోలీస్ స్టేషన్ పరిధిలో జరిగింది. దాంతో సదరు యువతి పోలీసులను ఆశ్రయించింది. పోలీసులు కేసు నమోదు చేసి దర్యాప్తు చేపట్టారు. అందులోభాగంగా జిమ్ ట్రైనర్ తరుణ్ను అరెస్ట్ చేసినట్లు పోలీసులు సరోజిని నగర్ పోలీసులు వెల్లడించారు. బాధితురాలు (30) స్థానికంగా వ్యాపారం చేసుకుంటు జీవనం సాగిస్తుంది.
  
 అయితే కొద్ది నెలల క్రితం ఆమె జిమ్లో చేరటంతో.... ఆమెకు జిమ్ ట్రైనర్ తరుణ్ శిక్షణ ఇస్తున్నాడు. ఆ క్రమంలో ఆమెకు కూల్ డ్రింక్ ఇచ్చిడు. ఆమె ఆ డ్రింక్ తాగి అపస్మారక స్థితిలోకి వెళ్లడంతో ఆమెపై అత్యాచారం చేశాడు. అనంతరం ఆ విషయం ఎక్కడైన చెబితే చంపెస్తానని బెదిరించాడు. దాంతో బాధితురాలు పోలీసులకు ఫిర్యాదు చేసింది. పోలీసులు నిందితుడిని అతడి నివాసంలో అరెస్ట్ చేశారు.