ఆసియాక‌ప్‌-2025కు ముందు అఫ్గానిస్తాన్ క్రికెట్ బోర్డు (ACB) కీల‌క నిర్ణ‌యం తీసుకుంది. త‌మ జ‌ట్టు బౌలింగ్ కోచ్‌గా ఐర్లాండ్ దిగ్గజం జాన్ మూనీని ఏసీబీ నియ‌మించింది. దీంతో మ‌ళ్లీ ఆరేళ్ల త‌ర్వాత అఫ్గాన్ కోచింగ్ సెట‌ప్‌లోకి మూనీ తిరిగొచ్చాడు.ఈ ఐరీష్ మాజీ పేస‌ర్ ఇంత‌కుముందు 2018 నుండి 2019 వరకు అఫ్గాన్ ఫీల్డింగ్ కోచ్‌గా పనిచేశాడు. ఆ త‌ర్వాత షేన్ మెక్‌డెర్మాట్ అఫ్గాన్ ఫీల్డింగ్ కోచ్‌గా కొన‌సాగాడు. అత‌డు ఇటీవ‌లే త‌న ప‌దవికి రాజీనామా చేసి పాకిస్తాన్ ఫీల్డింగ్ కోచ్‌గా బాధ్య‌త‌లు చేప‌ట్టాడు. దీంతో అఫ్గాన్ క్రికెట్ మ‌ళ్లీ మూనీకి పిలుపునిచ్చింది. 43 ఏళ్ల మూనీ ఐర్లాండ్ త‌ర‌పున 91 మ్యాచ్‌లు ఆడాడు. 2007, 2011, 2015 వ‌న్డే వ‌ర‌ల్డ్‌క‌ప్‌లు ఆడిన‌ ఐర్లాండ్ జ‌ట్టులో అత‌డు భాగంగా ఉన్నాడు. అదేవిధంగా రెండు టీ20 ప్ర‌పంచ‌క‌ప్‌ల‌లో కూడా ఐరీష్‌కు అత‌డు ప్రాతినిథ్యం వ‌హించాడు. అత‌డు ఇంగ్లండ్ అండ్ వేల్స్ క్రికెట్ బోర్డు నుంచి లెవల్ 3, 2, 1 కోచింగ్ సర్టిఫికెట్‌లను కలిగి ఉన్నాడు.ఇక అఫ్గాన్ జ‌ట్టు విష‌యానికి వ‌స్తే.. ఆసియాక‌ప్‌-2025కు స‌న్న‌ద్ద‌మ‌వుతోంది. అంత‌కంటే ముందు యూఏఈ-పాకిస్తాన్‌ల‌తో రషీద్ సేన ట్రైసిరీస్ ఆడ‌నుంది. ఇప్ప‌టికే యూఏఈకు చేరుకున్న అఫ్గాన్ జ‌ట్టు నెట్స్‌లో తీవ్రంగా శ్ర‌మిస్తోంది.కాగా ఆసియాక‌ప్ కోసం 17 మంది స‌భ్యుల‌తో కూడిన జ‌ట్టును అఫ్గాన్ క్రికెట్ బోర్డు ఇటీవ‌లే ప్ర‌క‌టించింది. ఈ జ‌ట్టుకు స్టార్ స్పిన్న‌ర్ ర‌షీద్ ఖాన్ నాయ‌క‌త్వం వ‌హించ‌నున్నాడు. ర‌షీద్ డిప్యూటీగా వికెట్ కీప‌ర్ బ్యాట‌ర్ రహ్మానుల్లా గుర్బాజ్ వ్య‌వ‌హ‌రించ‌నున్నాడు. కాగా సెప్టెంబర్ 9న అబుదాబిలో జరిగే టోర్న‌మెంట్ తొలి మ్యాచ్‌లో హాంకాంగ్‌తో అఫ్గానిస్తాన్ త‌ల‌ప‌డ‌నుంది.ఆసియాక‌ప్‌-2025కు అఫ్గాన్ జ‌ట్టు ఇదేరషీద్ ఖాన్ (కెప్టెన్‌), రహ్మానుల్లా గుర్బాజ్, ఇబ్రహీం జద్రాన్, దర్విష్ రసూలీ, సెదిఖుల్లా అటల్, అజ్మతుల్లా ఒమర్జాయ్, కరీం జనత్, మహ్మద్ నబీ, గుల్బాదిన్ నాయబ్, షరాఫుద్దీన్ అష్రఫ్, మహ్మద్ ఇషాక్, ముజీబ్ ఉర్ రహమాన్, అల్లాహ్ గజన్ఫార్. నూర్ అహ్మద్, ఫారిక్ అహ్మద్ మాలిక్, నవీన్-ఉల్-హక్, ఫజల్హాక్ ఫరూకీ

భారత క్రికెట్‌ జట్టు ఫీల్డింగ్‌ కోచ్‌గా హైదరాబాద్‌కు చెందిన టి.దిలీప్‌ మళ్లీ ఎంపికయ్యాడు. ప్రతిష్టాత్మక ఇంగ్లండ్‌ పర్యటన కోసం భారత క్రికెట్‌ నియంత్రణ మండలి (బీసీసీఐ) దిలీప్‌ను మరో సారి ఫీల్డింగ్‌ కోచ్‌గా నియమించింది. 2021 నుంచి ఈ ఏడాది ఆరంభం వరకు దిలీప్‌ టీమిండియా ఫీల్డింగ్‌ కోచ్‌గా వ్యవహరించగా... ఆ్రస్టేలియాలో ‘బోర్డర్‌–గావస్కర్‌ ట్రోఫీ’లో భారత జట్టు పేలవ ప్రదర్శనతో సహాయక కోచ్‌ అభిషేక్‌ నాయర్‌తో పాటు దిలీప్‌ను తొలగించింది.ఫీల్డింగ్‌ కోచ్‌గా విదేశీయుడిని నియమించాలని బోర్డు ప్రయత్నించనా... అది వీలు కాకపోవడంతో జట్టు సభ్యులతో మంచి అనుబంధం ఉన్న దిలీప్‌ను తిరిగి ఎంపిక చేసింది. "దిలీప్‌ చాలా మంచి కోచ్‌. నాలుగేళ్లుగా భారత జట్టుతో కలిసి పనిచేశాడు. ఆటగాళ్ల బలాబలాలు అతడికి బాగా తెలుసు. ఇంగ్లండ్‌తో సిరీస్‌కు ముందు అతడిని తిరిగి నియమించాం"అని బోర్డు అధికారి వెల్లడించారు. ఇక మరోవైపు భారత టెస్టు కొత్త కెపె్టన్‌ శుబ్‌మన్‌ గిల్, సుదర్శన్‌ జూన్‌ 6 నుంచి ఇంగ్లండ్‌ లయన్స్‌తో జరిగే వార్మప్‌ మ్యాచ్‌కు అందుబాటులో ఉండకపోవచ్చని బీసీసీఐ వర్గాలు వెల్లడించాయి. కాగా భారత్‌-ఇంగ్లండ్‌ మధ్య టెస్టు సిరీస్‌ జూన్‌ 20 నుంచి ప్రారంభం కానుంది.చదవండి: జితేశ్‌ జితాదియా

ధోని శకానికి (సారథిగా) ముందు భారత్‌ అంటే పటిష్టమైన బ్యాటింగ్‌ లైనప్‌ జట్టుగా పేరు గడించింది. దిగ్గజాలు సచిన్‌ మానియా, రాహుల్‌ ది వాల్, గంగూలీ శైలి అంతా బ్యాటింగ్‌ బలాన్ని, దీంతోనే జట్టు ఇమేజ్‌ను పెంచారు. 2007 మొట్టమొదటి టి20 ప్రపంచకప్‌తో ‘మహేంద్ర’జాలం మొదలయ్యాక టీమిండియా అంటే బ్యాటింగ్, బౌలింగే కాదు... ఫీల్డింగ్, ఫిట్‌నెస్‌ ప్రాధాన్యమున్న జట్టుగా రూపాంతరం చెందింది. అటుపైనా అదే పవర్‌ప్యాక్డ్‌ పెర్ఫార్మెన్స్‌ జట్టుగా కొనసాగుతోంది. అహ్మదాబాద్‌: సీనియరా... జూనియరా... కాదు! ఫిఫ్టీలు, సెంచరీలు చేయడమే ప్రధానం కాదు... ఫీల్డింగ్‌లో చురుగ్గా పది ఇరవై పరుగులు ఆపే ఆటగాళ్లు జట్టులో ఉండాలని ధోని నిక్కచ్చిగా సెలక్టర్లతో తన అభిప్రాయాన్ని చెప్పేవాడు. తనకు అవసరమైన ఆటగాళ్లను ఎంపిక చేసుకునేవాడు. ఆది జట్టుపై పెను ప్రభావమే చూపింది. ఒకప్పుడు ఫీల్డింగ్‌ కోచే లేని జట్టుకు తదనంతరం ఫీల్డింగ్‌ కోచ్‌ ప్రాధాన్యమేమిటో తెలిసొచ్చింది. హైదరాబాద్‌కు చెందిన టి. దిలీప్‌ నైపుణ్యాన్ని మెచ్చిన మాజీ హెడ్‌ కోచ్‌ ద్రవిడ్‌ టీమిండియా ఫీల్డింగ్‌ కోచ్‌గా చేస్తే... గంభీర్‌ వచ్చాక తన సహాయ బృందంలో మార్పులెన్నో చేసినా... దిలీప్‌ను మాత్రం మార్చలేదు. ఎందుకంటే అతని ప్రతిభ ఏంటో తెలిసిన గంభీర్‌ తన శిక్షణ బృందంలో కొనసాగిస్తున్నాడు. ఇంగ్లండ్‌తో ఇటీవలే ముగిసిన టి20, వన్డే ద్వైపాక్షిక సిరీస్‌లలో జట్టు ప్రదర్శనపై దిలీప్‌ సంతృప్తి వ్యక్తం చేశాడు. భారత ఆటగాళ్లు మైదానంలో కదిలిన తీరు, చురుకైన జోరు అద్భుతమని కితాబిచ్చాడు. పలు అంశాలపై దిలీప్‌ ఏమన్నాడో అతని మాటల్లోనే... అన్నింటా మెరుగే ఈ సిరీస్‌లలో భారత క్రికెటర్లు మైదానంలో ప్రత్యేకించి ఫీల్డింగ్‌లో పోషించిన పాత్ర అద్భుతం. ప్రత్యర్థి బ్యాటర్ల పరుగుల్ని నిరోధించడంలో, కీలకమైన క్యాచ్‌ల్ని అందుకోవడంలో, రనౌట్లు చేయడంలో ఆటగాళ్లు పాదరసంలా కదిలారు. మ్యాచ్‌ల్లో ప్రత్యర్థి పుంజుకోకుండా ఎన్నో అవకాశాల్ని సృష్టించుకొని పట్టు సాధించిన తీరు బాగుంది. కీలకమైన దశల్లో ఆటగాళ్లు స్పందించిన విధానం మనమెంతో మెరుగని చాటింది. అలసట, అలసత్వం లేనేలేదు సిరీస్‌ ఆసాంతం ఆటగాళ్లు ఎంతో శ్రమించారు. అలసట ఎరుగని ప్రదర్శన చేశారు. ప్రత్యర్థి జట్టు త్వరత్వరగా వికెట్లు కోల్పోయినా... అలసత్వాన్ని దరిచేరనీయకుండా క్రమంగా తమ పట్టు పెంచారే తప్ప ఎక్కడా కోల్పోలేదు. ప్రతీ ఒక్కరు బాధ్యతగా మెలిగారు. ఎక్కడా తగ్గలేదు. తమ వంతు పాత్ర సమర్థంగా పోషించారు. అందుకే రెండు సిరీస్‌లను ఆఖరుదాకా లాక్కు రాకుండా ఓ మ్యాచ్‌ ఉండగానే గెలిచారు. వన్డేల్లో అయితే సులువుగా క్లీన్‌స్వీప్‌ చేశారు. అందరూ హీరోలే ఈ రెండు సిరీస్‌ల ప్రదర్శనను గమనించిన నాకు... ఇందులో ఏ ఒక్కరికో క్రెడిట్‌ ఇవ్వలేమని తెలిసొచ్చింది. ఫలాన ఆటగాడు మెరుగు, ఫలాన ఆటగాడు తక్కవ అని వేలెత్తి చూపలేం. ఫీల్డింగ్‌లో అయితే అందరు హీరోలే! కొత్త సీమర్‌ హర్షిత్‌ రాణా నుంచి అనుభవజ్ఞులైన శ్రేయస్‌ అయ్యర్, వైస్‌ కెప్టెన్ శుబ్‌మన్‌ గిల్‌ వరకు అంతా బాగా ఆడారు. కట్టుదిట్టమైన ఫీల్డింగ్‌తో ప్రతి ఒక్కరు పది పైచిలుకు పరుగుల్ని నిరోధించారనిపించింది. ఇంపాక్ట్‌ ఫీల్డర్‌ అంటూ ఉంటే మాత్రం శ్రేయస్‌ అయ్యరే! బ్యాటింగ్, ఫీల్డింగ్‌లో అతని ఆటతీరు అసాధారణంగా ఉంది.

అంతర్జాతీయ క్రికెట్‌లో అరుదైన ఘటన చోటు చేసుకుంది. పాకిస్తాన్‌ ట్రై సిరీస్‌లో భాగంగా న్యూజిలాండ్‌తో నిన్న (ఫిబ్రవరి 10) జరిగిన మ్యాచ్‌లో ప్లేయర్లు లేక సౌతాఫ్రికా జట్టు ఫీల్డింగ్‌ కోచ్‌ను బరిలోకి దించింది. మెజార్టీ శాతం ఆటగాళ్లు సౌతాఫ్రికా టీ20 లీగ్‌లో ఇరుక్కుపోవడంతో ఈ టోర్నీలో సౌతాఫ్రికాకు ఆటగాళ్ల కొరత ఏర్పడింది. ఈ టోర్నీ కోసం​ సౌతాఫ్రికా సెలెక్టర్లు కేవలం 12 మంది సభ్యుల జట్టును మాత్రమే ఎంపిక చేశారు. ఈ 12లోనూ ఇద్దరు ఆటగాళ్లు ఎమర్జెన్సీ మీద మైదానాన్ని వీడటంతో ఆ జట్టు ఫీల్డింగ్‌ కోచ్‌ వాండిలే గ్వావు తప్పనిసరి పరిస్థితుల్లో సబ్‌స్టిట్యూట్‌ ఫీల్డర్‌గా బరిలోకి దిగాడు. అంతర్జాతీయ క్రికెట్‌లో ఇలాంటి ఘటనలు చాలా అరుదుగా జరుగుతాయి. అయితే ఇలాంటి ఘటన సౌతాఫ్రికాకు మాత్రం కొత్తేమీ కాదు. గత సీజన్‌లో అబుదాబీలో జరిగిన ఓ మ్యాచ్‌లో ఆ జట్టు ఆటగాళ్లు అస్వస్థతకు గురికావడంతో బ్యాటింగ్‌ కోచ్‌ జేమీ డుమినీ సబ్‌స్టిట్యూట్‌ ఫీల్డర్‌గా బరిలోకి దిగాడు.We don’t see that happening too often! 😅South Africa’s fielding coach Wandile Gwavu came on as a substitute fielder during the New Zealand innings! 👀#TriNationSeriesonFanCode pic.twitter.com/ilU5Zj2Xxn— FanCode (@FanCode) February 10, 2025ఈ విషయాన్ని పక్కన పెడితే.. ఈ మ్యాచ్‌లో సౌతాఫ్రికాను న్యూజిలాండ్‌ 6 వికెట్ల తేడాతో ఓడించి, ఫైనల్‌కు చేరింది. తొలుత బ్యాటింగ్‌ చేసిన సౌతాఫ్రికా.. అరంగట్రేం ఆటగాడు మాథ్యూ బ్రీట్జ్కీ (150) శతక్కొట్టడంతో నిర్ణీత 50 ఓవర్లలో 6 వికెట్ల నష్టానికి 304 పరుగులు చేసింది. ఈ సెంచరీతో బ్రీట్జ్కీ వన్డే అరంగేట్రంలో 150 పరుగుల మార్కును తాకిన తొలి బ్యాటర్‌గా ప్రపంచ రికార్డు నెలకొల్పాడు. సౌతాఫ్రికా ఇన్నింగ్స్‌లో వియాన్‌ ముల్దర్‌ (64) అర్ద సెంచరీతో.. జే స్మిత్‌ (41) ఓ మోస్తరు స్కోర్లతో రాణించారు. కెప్టెన్‌ బవుమా (20), కైల్‌ వెర్రిన్‌ (1), ముత్తుసామి (2) తక్కువ స్కోర్లకే ఔటయ్యారు. న్యూజిలాండ్‌ బౌలర్లలో మ్యాట్‌ హెన్రీ, విలియమ్‌ ఓరూర్కీ తలో రెండు వికెట్లు పడగొట్టగా.. బ్రేస్‌వెల్‌కు ఓ వికెట్‌ దక్కింది.అనంతరం భారీ లక్ష్యాన్ని ఛేదించేందుకు బరిలోకి దిగిన న్యూజిలాండ్‌.. కేన్‌ విలియమ్సన్‌ (133) అజేయ శతకంతో విరుచుకుపడటంతో మరో 8 బంతులు మిగిలుండగానే విజయతీరాలకు చేరింది. డెవాన్‌ కాన్వే (97) తృటిలో సెంచరీ చేసే అవకాశాన్ని చేజార్చుకున్నప్పటికీ.. న్యూజిలాండ్‌ గెలుపుకు గట్టి పునాది వేశాడు. విలియమ్సన్‌.. గ్లెన్‌ ఫిలిప్స్‌తో కలిసి (28 నాటౌట్‌) న్యూజిలాండ్‌ను గెలుపు తీరాలు దాటించాడు. న్యూజిలాండ్‌ ఇన్నింగ్స్‌లో విల్‌ యంగ్‌ 19, డారిల్‌ మిచెల్‌ 10, టామ్‌ లాథమ్‌ డకౌటయ్యారు.సౌతాఫ్రికా బౌలర్లలో ముత్తుసామి 2, ఈథన్‌ బాష్‌, జూనియర్‌ డాలా తలో వికెట్‌ పడగొట్టారు. ఈ మ్యాచ్‌లో సెంచరీ చేసిన విలియమ్సన్‌ వన్డేల్లో అత్యంత వేగంగా 7000 పరుగులు పూర్తి చేసిన రెండో ఆటగాడిగా నిలిచాడు. ఈ టోర్నీలో రేపు (ఫిబ్రవరి 12) జరుగబోయే మ్యాచ్‌లో (పాకిస్తాన్‌ వర్సెస్‌ సౌతాఫ్రికా) విజేత ఫిబ్రవరి 14న జరిగే ఫైనల్లో న్యూజిలాండ్‌తో తలపడుతుంది. ఛాంపియన్స్‌ ట్రోఫీకి ముందు పాకిస్తాన్‌లో జరుగుతున్న టోర్నీ కావడంతో ఈ టోర్నీకి ప్రాధాన్యత సంతరించుకుంది.

భారత జట్టు కొత్త హెడ్‌కోచ్‌గా టీమిండియా మాజీ ఓపెనర్‌ గౌతం గంభీర్‌ ఎంపికైన సంగతి తెలిసిందే. జూలై 26 నుంచి శ్రీలంక పర్యటనతో అతడు తన కొత్త ప్రయాణం ప్రారంభం కానుంది. కాగా కోచింగ్ స్టాఫ్ ఎంపిక విషయంలో గంభీర్‌కు బీసీసీఐ పూర్తి స్వేచ్ఛ ఇచ్చినట్టు సమాచారం.ఈ క్రమంలో తన సహాయక సిబ్బంది నియామకంపై గంభీర్‌ కసరత్తులు మొదలెట్టాడు. ఐపీఎల్‌లో కోల్‌కతా నైట్‌రైడర్స్‌ జట్టుకు తనతో కలిసి పనిచేసిన నెదర్లాండ్స్‌ క్రికెట్‌ దిగ్గజం ర్యాన్‌ టెన్‌ డష్కాటేను తన టీమ్‌లోకి తీసుకునేందుకు గంభీర్‌ ఆసక్తిగా ఉ న్నట్లు తెలుస్తోంది.అతడికి ఫీల్డింగ్‌ కోచ్‌ బాధ్యతలు అప్పగించే అవకాశముందని క్రిక్‌బజ్‌ తమ కథనంలో పేర్కొంది. తాజాగా టెన్‌ డష్కాటేను ఉద్దేశించి గంభీర్‌ చేసిన వ్యాఖ్యలు ఈ వార్తలకు మరింత ఊతమిస్తున్నాయి. ర్యాన్ టెన్‌ డష్కాటే నిస్వార్థపరుడని, తను జీవితాంతం నమ్మే వ్యక్తి అతడేనని గంభీర్‌ ఇటీవల ఓ ఇంటర్వ్యూలో కొనియాడాడు. దీంతో డష్కాటే గంభీర్‌ కోచింగ్‌ స్టాప్‌లో భాగం కావడం దాదాపు ఖారారైనట్లు అభిమానులు భావిస్తున్నారు. కాగా టెన్‌ డష్కాటేకి కోచ్‌గా అపారమైన అనుభవం ఉంది. కరీబియన్ ప్రీమియర్ లీగ్, మేజర్ లీగ్ క్రికెట్, యూఏఈ టీ20 వంటి ప్రాంఛైజీ క్రికెట్‌ లీగ్‌ల్లో సపోర్ట్‌ స్టాప్‌లో భాగంగా ఉన్నాడు. నెదర్లాండ్స్‌ తరపున 33 వన్డేలు, 24 టీ20లు ఆడిన అతడు.. వరుసగా 1541, 533 పరుగులు చేశాడు. అదేవిధంగా బౌలింగ్‌లో 88 వికెట్లు పడగొట్టాడు. 2011 వన్డే వరల్డ్‌కప్‌ అనంతరం అంతర్జాతీయ క్రికెట్‌లో టెన్‌ డష్కాటే మరి కన్పించలేదు.

టీమిండియా తదుపరి ఫీల్డింగ్‌ కోచ్‌గా జాంటీ రోడ్స్‌ ఎంపిక కాబోతున్నాడన్న వార్త ప్రస్తుతం సోషల్‌మీడియాలో వైరలవుతుంది. టీమిండియా హెడ్‌ కోచ్‌గా రాహుల్‌ ద్రవిడ్‌ పదవీకాలం ఈ నెలాఖరుతో ముగియనుండటంతో అతని కోచింగ్‌ బృందంలోని సభ్యులను కూడా మారుస్తారన్న ప్రచారం జరుగుంది. ఈ నేపథ్యంలో భారత క్రికెట్‌ జట్టు తదుపరి ఫీల్డింగ్‌ కోచ్‌గా జాంటీ రోడ్స్‌ పేరు తెరపైకి వచ్చింది. ప్రస్తుతం రాహుల్‌ బృందంలో ఫీల్డింగ్‌ కోచ్‌గా టి దిలీప్‌ ఉన్నాడు. ఒకవేళ ద్రవిడ్‌తో పాటు అతని సహాయ బృందం​ మొత్తం తప్పుకుంటే.. బీసీసీఐ కొత్త కోచింగ్‌ టీమ్‌ను ఎంపిక చేయాల్సి ఉంటుంది.ఇదిలా ఉంటే, టీమిండియా తదుపరి హెడ్‌ కోచ్‌గా గౌతమ్‌ గంభీర్‌ పేరు దాదాపుగా ఖరారైనట్లు తెలుస్తుంది. ఈ నెల (జూన్‌) చివరి వారంలో గంభీర్‌ పేరును అధికారికంగా ప్రకటించే అవకాశం ఉంది. తన సపోర్టింగ్‌ స్టాఫ్‌ ఎంచుకునే విషయంలో గంభీర్‌ పూర్తి స్వేచ్చను ఇవ్వాలని బీసీసీఐని కోరినట్లు సమాచారం. ఇందులో భాగంగా గంభీరే రోడ్స్‌ పేరును ప్రతిపాదించినట్లు తెలుస్తుంది. గంభీర్‌, రోడ్స్‌ 2022, 2023 ఐపీఎల్‌ సీజన్లలో లక్నో సూపర్‌ జెయింట్స్‌కు సేవలందించారు. గంభీర్‌ మెంటార్‌, రోడ్స్‌ ఫీల్డింగ్‌ కోచ్‌గా లక్నో ఫ్రాంచైజీకి పని చేశారు. కోచ్‌గా తొలిసారి..గంభీర్‌ భారత ఫుల్‌టైమ్‌ హెడ్‌ కోచ్‌గా నియమితుడైతే ఇదే అతనికి హెడ్‌ కోచ్‌గా మొదటి బాధ్యత అవుతుంది. గంభీర్‌ గతంలో ఏ జట్టుకు ఫుల్‌టైమ్‌ హెడ్‌ కోచ్‌గా పని చేయలేదు. అయితే అతను మూడు సీజన్ల పాటు ఐపీఎల్‌లో మెంటార్‌గా వ్యవహరించాడు. 2022, 2023లో లక్నోతో.. 2024లో కేకేఆర్‌కు మెంటార్‌గా పని చేశాడు. గత ఐపీఎల్‌ సీజన్‌లో కేకేఆర్‌ను ఛాంపియన్‌గా నిలబెట్టడంతో గంభీర్‌ పేరు టీమిండియా హెడ్‌ కోచ్‌ రేసులో ప్రధానంగా వినిపిస్తుంది.

ఐపీఎల్‌-2023 సీజన్‌ ప్రారంభానికి ముందు సన్‌రైజర్స్ హైదరాబాద్ కీలక నిర్ణయం తీసుకుంది. తమ జట్టు ఫీల్డింగ్‌ కోచ్‌గా నెదర్లాండ్స్ ప్రధాన కోచ్ ర్యాన్ కుక్‌ను ఎస్‌ఆర్‌హెచ్‌ నియమించింది. గత ఏడాది సీజన్‌లో దారుణ ప్రదర్శన అనంతరం ఎస్‌ఆర్‌హెచ్‌.. తమ కోచింగ్‌ స్టాప్‌లో భారీ మార్పులు చేసింది. ఈ క్రమంలోనే గతేడాది సీజన్‌లోనే బ్యాటింగ్‌ కోచ్‌గా వ్యవహరించిన విండీస్‌ దిగ్గజం బ్రియాన్‌ లారా.. ఈ ఏడాది సీజన్‌లో హెడ్‌కోచ్‌గా బాధ్యతలు చేపట్టనున్నాడు. ఇక ర్యాన్‌ కుక్‌ విషయానికి వస్తే.. అతడు తొట్ట తొలి సౌతాఫ్రికా టీ20 లీగ్‌ టైటిల్‌ను సొంతం చేసుకున్న  సన్‌రైజర్స్ ఈస్టర్న్ కేప్‌కు అసిస్టెంట్ కోచ్‌గా పనిచేశాడు. ఐపీఎల్‌ 16వ సీజన్ నేపథ్యంలో నెదర్లాండ్స్ తదుపరి రెండు ద్వైపాక్షిక సిరీస్‌లకు కుక్‌  దూరం కానున్నారు. అతడు ఒకట్రెండు రోజుల్లో ఎస్‌ఆర్‌ హెచ్‌ జట్టుతో కలిసే అవకాశం ఉంది. అతడు హెడ్‌కోచ్‌ బ్రియాన్‌ లారాతో కలిసి పని చేయనన్నాడు. మార్‌క్రమ్‌ మ్యాజిక్‌ చేస్తాడా? గత ఏడాది సీజన్‌లో దారుణ ప్రదర్శన కనబరిచిన ఎస్‌ఆర్‌హెచ్‌.. పాయింట్ల పట్టికలో 8వ స్ధానంలో నిలిచింది. దీంతో ఐపీఎల్‌ 16వ సీజన్‌కు ముందు ఎస్‌ఆర్‌హెచ్‌ తమ జట్టులో సమూల మార్పులు చేసింది. ఈ నేపథ్యంలో తమ జట్టు కెప్టెన్‌గా దక్షిణాఫ్రికా స్టార్‌ బ్యాటర్‌ ఐడైన్‌ మార్‌క్రమ్‌ను సన్‌రైజర్స్‌ నియమించింది.  కాగా  తొట్ట తొలి సౌతాఫ్రికా టీ20 లీగ్‌ టైటిల్‌ను సొంతం చేసుకున్న  ఎస్‌ఆర్‌హెచ్‌ ఫ్రాంచైజీ సన్‌రైజర్స్ ఈస్టర్న్ కేప్‌కు కూడా మార్‌క్రమ్‌ సారథ్యం వహించాడు. దీంతో ఐపీఎల్‌లో కూడా మార్‌క్రమ్‌ సారథిగా విజయవంతమవుతాడని ఆరెంజ్‌ ఆర్మీ అభిమానులు భావిస్తున్నారు. ఇక ఈ ఏడాది ఐపీఎల్‌ మార్చి 31 నుంచి ప్రారంభం కానుంది. ఎస్‌ఆర్‌హెచ్‌ తమ తొలి మ్యాచ్‌లో హైదరాబాద్‌ వేదికగా ఏప్రిల్‌2న రాజస్తాన్‌ రాయల్స్‌తో తలపడనుంది. చదవండి: IND vs AUS: మూడో వన్డేకు సూర్యకుమార్‌ను తప్పిస్తారా..? క్లారిటీ ఇచ్చిన రోహిత్‌ శర్మ

Sinikiwe Mpofu: జింబాబ్వే మహిళా క్రికెట్‌ జట్టు అసిస్టెంట్‌ కోచ్‌ సినికివె ఎంపోఫు హఠాన్మరణం చెందింది. 37 ఏళ్ల వయసులోనే కన్నుమూసింది. తన నివాసంలో శనివారం కుప్పకూలిన సినికివె ఆస్పత్రిలో చికిత్స పొందుతూ తుదిశ్వాస విడిచింది. జింబాబ్వే ఫీల్డింగ్‌ కోచ్‌ కూడా మృతి సినికివె భర్త, జింబాబ్వే క్రికెట్‌ పురుషుల జట్టు ఫీల్డింగ్‌ కోచ్‌ షెఫర్డ్‌ మకునురా మరణించిన రోజుల వ్యవధిలోనే ఆమె కూడా శాశ్వతంగా ఈ లోకాన్ని వీడటం విషాదకరం. షెఫర్డ్‌ డిసెంబరు 15న చనిపోయాడు. కాగా ఇద్దరు కీలక వ్యక్తులు ఇలా అకస్మాత్తుగా దూరం కావడంతో జింబాబ్వే క్రికెట్‌  శోకసంద్రంలో మునిగిపోయింది. PC: Zimbabwe Cricket కఠిన శ్రమకోర్చి కెరీర్‌లో మంచి స్థాయికి చేరుకున్న ఈ సినికివెను చావు తమ నుంచి దూరం చేసిందంటూ జింబాబ్వే మేనేజింగ్‌ డైరెక్టర్‌ గివ్మోర్‌ మకోని విచారం వ్యక్తం చేశారు. జింబాబ్వే మహిళా క్రికెట్‌లో ఆదర్శనీయమైన వ్యక్తిగా ఎంతో మంది ఆదరాభిమానాలు చూరగొన్న ఆమె ఇలా అర్ధంతరంగా వెళ్లిపోవడం జీర్ణించుకోలేకపోతున్నామని సంతాపం వ్యక్తం చేశారు.  PC: Zimbabwe Cricket రోజుల వ్యవధిలో దంపతులు హఠాన్మరణం సినికివె, షెఫర్డ్‌ దంపతుల హఠాన్మరణం వారి కుటుంబాలతో పాటు తమకు కూడా తీరని లోటు అని భావోద్వేగానికి లోనయ్యారు. వీరి పిల్లలు, తల్లిదండ్రులకు ప్రగాఢ సానుభూతి ప్రకటించారు. జాతీయ జట్టులో కీలకమైన ఇద్దరు సభ్యులను కోల్పోయామని.. ఇంతటి విషాదం మరెక్కడా ఉండదని ఆవేదన వ్యక్తం చేశారు. కాగా సినికివె 2006లో జింబాబ్వే తరఫున క్రికెట్‌ ఆడిన తొలి మహిళా జట్టులో సభ్యురాలు. ప్లేయర్‌గా కెరీర్‌ ముగిసిన తర్వాత ఆమె కోచింగ్‌ స్టాఫ్‌గా బాధ్యతలు నిర్వర్తించింది. మహిళా జట్టు అసిస్టెంట్‌ కోచ్‌ స్థాయికి ఎదిగింది. మౌంటనీర్స్‌ వుమెన్‌ను ఫిఫ్టీ50 చాలెంజ్‌లో విజేతగా నిలపడంలో కీలక పాత్ర పోషించింది. చదవండి: Suryakumar Yadav: సూర్య కెరీర్‌పై గంభీర్‌ ట్వీట్‌! నీకు అతడు మాత్రమే కనిపిస్తున్నాడా? ఫ్యాన్స్‌ ఫైర్‌ Suryakumar Yadav: సూర్య ఇండియన్‌ కాబట్టి సరిపోయింది.. అదే పాకిస్తాన్‌లో ఉంటేనా: పాక్‌ మాజీ కెప్టెన్‌

టి20 ప్రపంచకప్‌లో సెమీస్‌ ఓటమి తర్వాత టీమిండియా వెంటనే మరో సిరీస్‌కు రెడీ కానుంది. న్యూజిలాండ్‌ పర్యటించనున్న టీమిండియా అక్కడ కివీస్‌తో మూడు టి20లు, మూడు వన్డేలు ఆడనుంది. కాగా టి20 సిరీస్‌కు హార్దిక్‌ పాండ్యా కెప్టెన్సీ వహించనుండగా.. వన్డే సిరీస్‌కు టీమిండియాను ధావన్‌ నడిపించనున్నాడు. ఇక కివీస్‌ పర్యటనకు సీనియర్లు సహా ప్రధాన కోచ్‌ ద్రవిడ్‌లకు రెస్ట్‌ ఇవ్వడంతో వీవీఎస్‌ లక్ష్మణ్‌ కోచ్‌ బాధ్యతలు తీసుకోగా.. అతనికి సపోర్ట్‌ స్టాఫ్‌గా హృషికేష్‌ కనిత్కర్‌, సాయిరాజ్‌ బహుతులేలు బ్యాటింగ్‌, బౌలింగ్‌ కోచ్‌లుగా ఎంపికయ్యారు. తాజాగా కివీస్‌ పర్యటనకు బీసీసీఐ.. మునిష్‌ బాలీని కొత్త ఫీల్డింగ్‌ కోచ్‌గా నియమించినట్లు సమాచారం. కాగా కివీస్‌ పర్యటనలో సపోర్ట్‌ స్టాప్‌లో ఉన్న ముగ్గురు ఎన్‌సీఏతో అనుబంధం ఉన్నవారే. వీరి ఎంపికలో ఎన్‌సీఏ హెడ్‌.. కివీస్‌ పర్యటనకు కోచ్‌గా ఉన్న వీవీఎస్‌ లక్ష్మణ్‌ పాత్ర ఉందన్న విషయం ప్రత్యేకంగా చెప్పనవసరం లేదు. కాగా మునిష్‌ బాలి ఇంతకముందు టీమిండియా ఐర్లాండ్‌ పర్యటనలోనూ సపోర్ట్‌ స్టాప్‌గా ఉన్నాడు. ఆ తర్వాత సౌతాఫ్రికాతో స్వదేశంలో జరిగిన సిరీస్‌లోనూ తన విధులు నిర్వర్తించాడు. తాజాగా పూర్తి స్థాయిలో ఫీల్డింగ్‌ కోచ్‌గా నియమించినట్లు తెలుస్తోంది.  కాగా ఇదే సమయంలో సీనియర్స్‌ టీమ్‌ మాత్రం బంగ్లాదేశ్‌ పర్యటనకు వెళ్లనుంది. ఐసీసీ టెస్టు చాంపియన్‌షిప్‌లో భాగంగా బంగ్లాతో రెండు టెస్టు మ్యాచ్‌ల సిరీస్‌ ఆడనుంది. ఇక కివీస్‌ పర్యటనలో నవంబర్‌ 18న తొలి టీ20 ఆడనున్న టీమిండియా.. 20, 22 తేదీల్లో రెండు, మూడు మ్యాచ్‌లు ఆడనుంది. అనంతరం 25న తొలి వన్డే, 27, 30 తేదీల్లో రెండు, మూడు వన్డేలు ఆడనుంది. న్యూజిలాండ్‌ పర్యటనకు భారత టి20 జట్టు.. హార్ధిక్‌ పాండ్యా (కెప్టెన్‌), రిషబ్‌ పంత్‌ (వైస్‌ కెప్టెన్‌), ఇషాన్‌ కిషన్‌, శుభ్‌మన్‌ గిల్‌, దీపక్‌ హుడా, సూర్యకుమార్‌ యాదవ్‌, శ్రేయస్‌ అయ్యర్‌, సంజూ శాంసన్‌, వాషింగ్టన్‌ సుందర్‌, యుజ్వేంద్ర చహల్‌, కుల్దీప్‌ యాదవ్‌, హర్షల్‌ పటేల్‌, మహ్మద్‌ సిరాజ్‌, భువనేశ్వర్‌ కుమార్‌, అర్షదీప్‌ సింగ్‌, ఉమ్రాన్‌ మాలిక్‌ న్యూజిలాండ్‌ పర్యటనకు భారత వన్డే జట్టు.. శిఖర్‌ ధవన్‌ (కెప్టెన్‌), రిషబ్‌ పంత్‌ (వైస్‌ కెప్టెన్‌, వికెట్‌కీపర్‌), శుభ్‌మన్‌ గిల్‌, దీపక్‌ హుడా, సూర్యకుమార్‌ యాదవ్‌, శ్రేయస్‌ అయ్యర్‌, సంజూ శాంసన్‌, వాషి​ంగ్టన్‌ సుందర్‌, శార్ధూల్‌ ఠాకూర్‌, షాబాజ్‌ అహ్మద్‌, యుజ్వేంద్ర చహల్‌, కుల్దీప్‌ యాదవ్‌, అర్షదీప్‌ సింగ్‌, దీపక్‌ చాహర్‌, కుల్దీప్‌ సేన్‌, ఉమ్రాన్‌ మాలిక్‌

Vikram Rathour, Paras Mhambrey, T Dilip Set To Be Team India Support Staff: టీమిండియా కోచింగ్‌ సిబ్బంది నియామకాలు దాదాపుగా ఖరారైనట్టేనని తెలుస్తోంది. ఇటీవలే టీమిండియా హెడ్‌ కోచ్‌గా రాహుల్‌ ద్రవిడ్‌ పేరును అధికారికంగా వెల్లడించిన బీసీసీఐ.. మరి కొద్ది గంటల్లో బ్యాటింగ్‌, బౌలింగ్‌, ఫీల్డింగ్‌ కోచ్‌ల పేర్లను కూడా ప్రకటించే అవకాశం ఉంది. బ్యాటింగ్‌ కోచ్‌గా విక్రమ్‌ రాథోడ్‌నే కొనసాగించాలని నిర్ణయించిన భారత క్రికెట్‌ బోర్డు.. బౌలింగ్‌ కోచ్‌గా ద్రవిడ్‌ సన్నిహితుడు, టీమిండియా మాజీ బౌలర్‌ పరాస్‌ మాంబ్రేను, ఫీల్డింగ్‌ కోచ్‌గా టి దిలీప్‌ను నియమించనున్నట్లు తెలుస్తోంది. ఒకవేళ ఈ ముగ్గురు పేర్లు ఖరారైతే.. వీరంతా ద్రవిడ్‌ కోచింగ్‌ టీంలో సహాయక సిబ్బందిగా పని చేస్తారు. ఈ నియామకాలపై అధికారిక ప్రకటన వెలువడాల్సి ఉంది. కాగా, టీమిండియా బ్యాటింగ్, బౌలింగ్, ఫీల్డింగ్ కోచ్‌ స్థానాలతో పాటు నేష‌న‌ల్ క్రికెట్ అకాడ‌మీ (ఎన్‌సీఏ)లో స్పోర్ట్స్‌ సైన్స్‌, మెడిసిన్ హెడ్ ప‌ద‌వుల‌కు బీసీసీఐ దరఖాస్తులను ఆహ్వానించిన సంగతి తెలిసిందే.  చదవండి: T20 WC 2021 PAK VS AUS: పాక్‌ను ఓడించడం అసాధ్యం.. రమీజ్ రజా  

Teamindia fielding coach:  భారత క్రికెట్‌ జట్టు ఫీల్డింగ్‌ కోచ్‌ పదవికి టీమిండియా మాజీ వికెట్‌ కీపర్‌ అజయ్‌ రాత్రా దరఖాస్తు చేసుకున్నాడు. హరియాణాకు చెందిన 39 ఏళ్ల రాత్రా 6 టెస్టుల్లో, 12 వన్డేల్లో భారత్‌కు ప్రాతినిధ్యం వహించాడు. ప్రస్తుతం అజయ్‌ రాత్రా అస్సాం జట్టుకు కోచ్‌గా ఉన్నాడు. అంతేకాకుండా గతంలో అతడు భారత మహిళల జట్టు, ఐపీఎల్‌లో ఢిల్లీ క్యాపిటల్స్‌ కోచింగ్‌ బృందంలో పనిచేశాడు. ‘అవకాశం ఇస్తే భారత క్రికెట్‌ జట్టు అభివృద్ధికి నా వంతుగా కృషి చేస్తా’ అని రాత్రా వ్యాఖ్యానించాడు. చదవండి: T20 World Cup 2021: పెను ప్రమాదం తప్పించకున్న పాక్‌ అంపైర్ .. వీడియో వైరల్‌

Abhay Sharma set To Apply for India Fielding Coach: భారత యువ జట్లకు ఫీల్డింగ్‌ కోచ్‌గా పనిచేసిన అభయ్‌ శర్మ ఇప్పుడు సీనియర్‌ జట్టుకు సేవలందించేందుకు ఆసక్తి కనబరుస్తున్నాడు. ఫీల్డింగ్‌ కోచ్‌ పదవి కోసం త్వరలోనే దరఖాస్తు చేయనున్నాడు. 52 ఏళ్ల అభయ్‌ శర్మకు ఢిల్లీ తరఫున 89 ఫస్ట్‌క్లాస్‌ మ్యాచ్‌లు ఆడిన అనుభవం ఉంది. జాతీయ క్రికెట్‌ అకాడమీలో డైరెక్టర్‌ ద్రవిడ్‌ సహాయక సిబ్బందిలో ఫీల్డింగ్‌ శిక్షకుడిగా వ్యవహరిస్తున్నాడు. భారత్‌ ‘ఎ’, అండర్‌–19, భారత సీనియర్‌ మహిళల జట్లకు ఫీల్డింగ్‌ కోచ్‌గా పనిచేశాడు. చదవండి: T20 WC 2021 IND Vs PAK: పఠాన్‌ టీమిండియా ప్లేయింగ్‌ ఎలెవెన్‌.. అశ్విన్‌కు నో ప్లేస్‌

న్యూఢిల్లీ: భారత మహిళల క్రికెట్‌ జట్టు ఫీల్డింగ్‌ కోచ్‌ అభయ్‌ శర్మను బీసీసీఐ తప్పించింది. ఆస్ట్రేలియా పర్యటనకు ముందు జట్టు సభ్యులతో పాటు సహాయక సిబ్బంది కూడా బెంగళూరులో ఏర్పాటు చేసిన ప్రత్యేక ‘బయోబబుల్‌’లోకి మంగళవారంలోగా అడుగు పెట్టాల్సి ఉంది. అయితే అభయ్‌ ఇంకా జట్టుతో చేరకపోవడంతో ఆయనను తొలగించినట్లు తెలిసింది. ఈ క్రమంలో.. త్వరలోనే ఫీల్డింగ్‌ కోచ్‌ను ఎంపిక చేస్తామని బోర్డు వర్గాలు వెల్లడించాయి. కాగా, 52 ఏళ్ల అభయ్‌ శర్మ భారత దేశవాళీ క్రికెట్‌లో ఢిల్లీ, రైల్వేస్‌, రాజస్థాన్‌ జట్ల తరఫున వికెట్‌ కీపర్‌గా రాణించాడు. ఇటీవలి కాలంలో అతను ఇండియా-ఏ, భారత్‌ అండర్‌-19 జట్లకు ఫీల్డింగ్‌ కోచ్‌గా వ్యవహరించాడు. ఇదే ఏడాది అభయ్‌ భారత మహిళా క్రికెట్‌ జట్టుకు ఫీల్డింగ్‌ కోచ్‌గా ఎంపికయ్యాడు. 

లండ‌న్‌: టీమిండియా ఫీల్డింగ్‌ను మ‌రింత మెరుగుప‌రిచేందుకు, ఫీల్డ‌ర్ల ఏకాగ్ర‌త‌ను ప‌రీక్షించ‌డానికి ఫీల్డింగ్ కోచ్ శ్రీధ‌ర్ ఓ వినూత్న ప్ర‌య‌త్నం చేశాడు. ఇంగ్లండ్‌తో రెండో టెస్ట్‌కు ముందు లార్డ్స్‌లో ప్రాక్టీస్ చేస్తున్న ప్లేయ‌ర్స్‌కు ఓ కొత్త ఫీల్డింగ్ డ్రిల్‌ను ఏర్పాటు చేశాడు. దీనికి సంబంధించిన వీడియోను బీసీసీఐ ట్విట‌ర్‌లో పోస్ట్ చేయగా వైరల్‌గా మారింది. ఆ వీడియోలో ఫీల్డింగ్ కోచ్ శ్రీధ‌ర్ బ్యాటింగ్ చేస్తుండ‌గా.. స్టంప్స్ వెనుక రిష‌బ్ పంత్ కీపింగ్ చేస్తూ క‌నిపించాడు. అత‌ని ఏకాగ్ర‌త‌ను ప‌రీక్షించ‌డానికి శ్రీధ‌ర్ త‌న‌కు రెండు వైపులా ఇద్ద‌రు ప్లేయ‌ర్స్‌ను ఉంచాడు. How is that for a drill? Fielding coach @coach_rsridhar keeping the boys on their toes. #TeamIndia #ENGvIND @RishabhPant17 • @Wriddhipops • @prasidh43 • @Hanumavihari pic.twitter.com/LjER4lgFV0 — BCCI (@BCCI) August 10, 2021 బౌల‌ర్ బౌలింగ్ చేస్తుండ‌గా.. ఈ ఇద్ద‌రు ప్లేయ‌ర్స్ అటు నుంచి ఇటు బంతిని విసురుతూ క్యాచింగ్ ప్రాక్టీస్ చేస్తున్నారు. మ‌ధ్య‌లో ఈ బాల్ వ‌ల్ల పంత్ త‌న ఏకాగ్ర‌త కోల్పోకుండా బౌల‌ర్ విసిరిన బంతిని ప‌ట్టుకోవాలి. ఈ వినూత్న ఫీల్డింగ్ డ్రిల్ ఎలా ఉంది అంటూ బీసీసీఐ ట్విట‌ర్‌లో సంబంధిత వీడియోను పోస్ట్ చేసింది. ఇది చూసిన నెటిజన్లు కొత్త ఫీల్డింగ్‌ డ్రిల్‌ ఐడియా అదుర్స్‌ అంటున్నారు. కాగా, రేపటి నుంచి ప్రారంభం కాబోయే రెండో టెస్ట్ కోసం టీమిండియా లార్డ్స్‌ మైదానంలో ముమ్మరంగా సాధన చేస్తోంది. ఫీల్డింగ్‌తో పాటు బ్యాటింగ్‌, బౌలింగ్‌లో ఆటగాళ్లు చమటోడుస్తున్నారు.

భారత ఫీల్డింగ్ కోచ్ ఆర్ శ్రీధర్ టీమిండియా ఆటగాడు శుబ్‌మన్‌ గిల్‌పై ప్రశంసలు కురిపించాడు. తాను ఇటువంటి క్రికెటర్‌ను చూడలేదంటూ కితాబిచ్చాడు. కాగా ఐపీఎల్‌ రాణించడంతో వెలుగులోకి వచ్చిన గిల్‌ జాతీయ జట్టులోనూ సత్తా చాటి తానేంటో నిరూపించుకున్నాడు. ఈ క్రమంలోనే ప్రపంచ టెస్ట్ ఛాంపియన్‌షిప్‌  జాబితాలో గిల్‌ చోటు దక్కించుకున్న విషయం తెలిసిందే. శుభమన్‌ గిల్‌ ఒక పూర్తి అథ్లెట్‌: భారత ఫీల్డింగ్ కోచ్ కేవలం ఏడు టెస్టుల అనుభవంతో శుభమన్‌ అంతర్జాతీయ క్రికెట్‌కు చాలా కొత్తవాడనే చెపాలి. గత కొన్ని సంవత్సరాలుగా టెస్ట్ ఓపెనర్లకు ఇంగ్లండ్ పిచ్‌లు అంతటి అనుకూలం కాదు. పైగా ఈ మెగా ఈవెంట్‌లో ట్రెంట్ బౌల్ట్, టిమ్ సౌతీ, నీల్ వాగ్నెర్ లాంటి పేసర్లని ఎదుర్కొనే గిల్ రాణించాల్సి ఉంటుందని శ్రీధర్‌ తెలిపారు. గిల్‌ గురించి మాట్లాడుతూ.. '' అతను సన్నగా పొడవైనవాడు, గ్రౌండ్‌లోనే చురుకుగా కదలడం, బ్యాటింగ్ పద్ధతిలోనూ లోపాలు లేవు, అలాగే ఫీల్డింగ్ పరంగానూ ఆకట్టుకుంటున్నాడు. ఇలా నేను చూసిన క్రికెటర్లలో పూర్తి అథ్లెట్ అతనేనని భావిస్తున్నట్లు'' టైమ్స్ ఆఫ్ ఇండియాతో చాట్‌లో అన్నారు. ఈ నెలాఖరులో జరిగే ఐసీసీ ప్రపంచ టెస్ట్ ఛాంపియన్‌షిప్ ఫైనల్‌లో భారత్ న్యూజిలాండ్‌తో తలపడినప్పుడు చాలా మంది కళ్ళు శుబ్‌మన్‌ గిల్‌పై ఉండనున్నాయి. ఇదిలావుండగా.. డబ్ల్యుటీసీ ఫైనల్, ఇంగ్లండ్‌తో ఐదు మ్యాచ్‌ల టెస్ట్ సిరీస్ కోసం భారత జట్టు జూన్ 2న ఇంగ్లండ్ వెళ్లనుంది. విరాట్ కోహ్లి జట్టు  అక్కడికి వెళ్లిన తర్వాత 10 రోజుల క్వారంటైన్‌లో గడపనున్నారు. అందువల్ల, కివీస్‌పై అంతిమ యుద్ధానికి సిద్ధం కావడానికి వారికి ఎక్కువ సమయం లభించదు. చదవండి: దుమ్మురేపాడు.. నెటిజన్లచే చివాట్లు తిన్నాడు

న్యూఢిల్లీ: విదేశీ జట్లపై నిలకడగా విజయాలు దక్కాలంటే భారత మహిళల క్రికెట్‌ జట్టు ఫీల్డింగ్‌ విభాగంలో మరింత మెరుగైన ప్రదర్శన చేయాల్సిన అవసరం ఉందని టీమిండియా ఫీల్డింగ్‌ కోచ్‌ అభయ్‌ శర్మ అభిప్రాయపడ్డారు. చాలాకాలం భారత అండర్‌–19 పురుషుల జట్టుకు కోచ్‌గా వ్యవహరించిన అభయ్‌ శర్మ... గత మార్చిలో స్వదేశంలో దక్షిణాఫ్రికాతో జరిగిన వన్డే, టి20 సిరీస్‌లో భారత మహిళల జట్టుకు తొలిసారి ఫీల్డింగ్‌ కోచ్‌గా వచ్చారు. చివరి నిమిషంలో దక్షిణాఫ్రికాతో సిరీస్‌ ఏర్పాటు కావడం... జట్టు సభ్యులతో కలిసి పనిచేసేందుకు తగినంత సమయం కూడా లభించకపోవడంతో ఆయన ఫీల్డింగ్‌ విభాగంపై పూర్తిస్థాయిలో దృష్టి సారించలేకపోయారు. అయితే వచ్చే నెలలో ఇంగ్లండ్‌ పర్యటన మాత్రం అభయ్‌ శర్మ పనితీరు ఎలా ఉందనే విషయం తెలియజేస్తుంది. ఈ పర్యటనలో భారత జట్టు ఒక టెస్టు, మూడు వన్డేలు, మూడు టి20 మ్యాచ్‌లు ఆడనుంది. ‘ఫీల్డింగ్‌ విషయానికొస్తే చాలా మెరుగుపడాల్సిన అవసరం ఉంది. మహిళల క్రికెట్‌లో కాలానుగుణంగా ఎన్నో మార్పులు వస్తున్నాయి. ప్రత్యర్థి జట్టును కట్టడి చేయాలంటే, పరుగులు ఎక్కువ ఇవ్వకూడదంటే ఫీల్డర్లు మైదానంలో ఎల్లవేళలా చురుకుగా కదలాల్సి ఉంటుంది. సాంకేతికంగా కూడా కొన్ని అంశాల్లో మనం మెరుగుపడాలి. ముఖ్యంగా త్రోయింగ్‌లో మన అమ్మాయిలు బలహీనంగా ఉన్నారు. కెరీర్‌ ఆరంభంలోనే మనం సరైన పద్ధతిలో శిక్షణ తీసుకోకపోతే ఆ తర్వాత మనకు ఇబ్బందులు ఎదురవుతాయి’ అని అభయ్‌ శర్మ విశ్లేషించారు. ‘విదేశీ మహిళా క్రికెటర్లతో పోలిస్తే మనం కొన్ని విభాగాల్లో ఇంకా వెనుకబడి ఉన్నామని అంగీకరించాలి. దక్షిణాఫ్రికా అమ్మాయిలు మైదానంలో చురుకుగా కదులుతారు. శారీరకంగా కూడా విదేశీ మహిళా క్రికెటర్లు పటిష్టంగా ఉంటారు’ అని అభయ్‌ శర్మ వివరించారు.

న్యూఢిల్లీ: ఆస్ట్రేలియాతో భారత జట్టు పోరాటపటిమ, అద్భుత ప్రదర్శన ఎప్పటికీ మరిచిపోలేనిది. ముఖ్యంగా సిడ్నీ టెస్టును అశ్విన్, విహారి కలిసి కాపాడుకున్న తీరు అసమానం. ఈ పర్యటనలో తాను ఆడిన తొలి మూడు టెస్టులకు సంబంధించిన పలు ఆసక్తికర అంశాలను భారత స్పిన్నర్‌ రవిచంద్రన్‌ అశ్విన్, జట్టు ఫీల్డింగ్‌ కోచ్‌ ఆర్‌. శ్రీధర్‌తో కలిసి పంచుకున్నాడు. మైదానంలో అశ్విన్, విహారి పోరాడుతున్న సమయంలో కోచ్‌లుగా తమ పరిస్థితి ఎలా ఉందో శ్రీధర్‌ గుర్తు చేసుకున్నాడు. ‘పుజారా అవుటయ్యాక ఆందోళన పెరిగిపోయింది. విహారికి కండరాలు పట్టేయడం కూడా రవిశాస్త్రికి ఆగ్రహం తెప్పించింది. ఒక్క సింగిల్‌ తీస్తేనే ఇలా జరుగుతుందా అని అతను కోప్పడ్డాడు. ఇక అశ్విన్, విహారి డిఫెన్స్‌ మొదలయ్యాక ప్రతీ బంతికి అతనిలో ఉత్కంఠ కనిపించింది. ఒక్క బంతి ఆడగానే సీట్‌లోంచి లేవడం, శభాష్‌ అంటూ మళ్లీ కూర్చోవడం...ఇలా ఇలా 249 బంతుల పాటు సాగింది. మ్యాచ్‌ ముగిసేవరకు ఈ భావోద్వేగాలు కొనసాగాయి’ అని శ్రీధర్‌ చెప్పాడు. అశ్విన్‌ కూడా విహారితో తన భాగస్వామ్యం గురించి చెప్పుకొచ్చాడు. ‘నేను స్పిన్‌ను సమర్థంగా ఆడతాను కాబట్టి లయన్‌ను ఎదుర్కోవాలని, పేసర్లను విహారి ఆడాలనేది ప్లాన్‌. అయితే ఒక దశలో సింగిల్‌ కారణంగా లెక్క మారిపోయింది.  కమిన్స్‌ బౌలింగ్‌లో దెబ్బలు తినకుండా ఆడటం అసాధ్యం. అదే నాకు జరిగింది. మధ్యలో శార్దుల్‌ ఠాకూర్‌ డ్రెస్సింగ్‌ రూమ్‌ నుంచి పరుగెత్తుకొచ్చాడు. ఏదో సందేశం ఉందని మేం భావిస్తే... హెడ్‌ కోచ్‌ మీకు ఏవేవో సూచనలు ఇవ్వమని నాకు చెప్పి పంపించాడు. అయితే నేను మాత్రం అవేమీ మీకు చెప్పను. మీరు ఎలా ఆడుతున్నారో అలాగే ఆడండి అని చెప్పి వెళ్లిపోయాడు. ఇది చెప్పడానికి నువ్వు రావాలా అన్నాను. ఆసీస్‌ పేలవ వ్యూహాలు కూడా మాకు మేలు చేశాయి. నేను వంగడం కష్టమై నిటారుగా నిలబడుతుంటే నాకు బౌన్సర్లు వేశారు. అదే ముందుకొచ్చి ఆడేలా చేస్తే నేను బాగా ఇబ్బంది పడేవాడిని. పైన్‌ స్లెడ్జింగ్‌ మొదలు పెట్టగానే మమ్మల్ని అవుట్‌ చేసే విషయంలో వారు చేతులెత్తేశారని మాకు అర్థమైపోయింది’ అని అశ్విన్‌ వివరించాడు. అడిలైడ్‌లో ఘోర పరాభవం తర్వాత అదే రోజు అర్ధరాత్రి సమావేశంలోనే మెల్‌బోర్న్‌ టెస్టు కోసం వ్యూహరచన చేశామని శ్రీధర్‌ వెల్లడించాడు. 36కు ఆలౌట్‌ అయిన తర్వాత బ్యాటింగ్‌ను పటిష్టం చేయడంపై దృష్టి పెట్టకుండా అదనపు బౌలర్‌ను తీసుకోవాలనే ఆలోచన బాగా పని చేసిందని, జడేజా అద్భుతంగా ఆడాడని అతను కితాబునిచ్చాడు. పైగా ఆసీస్‌ బౌలర్లు ఒకే లైన్‌లో బంతులు వేస్తున్న విషయంపై చర్చించి ఎడమ చేతివాటం ఆటగాడు ఉంటే బాగుంటుందని భావించి పంత్‌ను తుది జట్టులోకి తీసుకున్నట్లు చెప్పాడు.   జూలైలోనే వ్యూహరచన ఆస్ట్రేలియా ఆటగాళ్లు ఆఫ్‌సైడ్‌ వైపు ఆడే అవకాశాలు బాగా తగ్గిస్తే తాము పైచేయి సాధించవచ్చనే ప్రణాళికను సిరీస్‌కు చాలా రోజుల ముందుగా వేసినట్లు బౌలింగ్‌ కోచ్‌ భరత్‌ అరుణ్‌ వెల్లడించాడు. సిరీస్‌లో లెగ్‌ సైడ్‌ ఆడబోయి కీలక ఆటగాళ్లు స్మిత్, లబ్‌షేన్‌ వికెట్లు కోల్పోవడంతో భారత్‌కు పట్టు చిక్కింది. ‘స్మిత్, లబ్‌షేన్‌ ఎక్కువగా కట్, పుల్‌ షాట్లతో పాటు ఆఫ్‌ సైడ్‌ పరుగులు సాధించే బ్యాట్స్‌మెన్‌. అయితే న్యూజిలాండ్‌ పేసర్‌ వాగ్నర్‌ కొద్ది రోజుల ముందు లెగ్‌ సైడ్‌ బౌలింగ్‌ చేసి స్మిత్‌ను బాగా ఇబ్బంది పెట్టాడు. ఇది చూసి పన్నిన వ్యూహం అద్భుతంగా పని చేసింది’ అని అరుణ్‌ వివరించారు. ఆస్ట్రేలియా పర్యటనలో లభించిన ఆణిముత్యం సిరాజ్‌ అని హెడ్‌ కోచ్‌ రవిశాస్త్రి ప్రశంసలు కురిపించారు. వ్యక్తిగత బాధను దిగమింగి అతను జట్టు కోసం చేసిన ప్రదర్శనను ఎంత ప్రశంసించినా తక్కువేనని అభిప్రాయపడ్డాడు. మరోవైపు ఒక రోజు ఆలస్యంగా శుక్రవారం అశ్విన్, వాషింగ్టన్‌ సుందర్‌ స్వస్థలం చెన్నై చేరుకొని రాష్ట్ర ప్రభుత్వ నిబంధనల ప్రకారం ఆరు రోజులు క్వారంటైన్‌కు వెళ్లిపోయారు.

జైపూర్‌: ఇండియన్‌ ప్రీమియర్‌ లీగ్‌ (ఐపీఎల్‌)–2020 కోసం బీసీసీఐనుంచి ఫ్రాంచైజీల వరకు అంతా సిద్ధమైపోతున్నారు... యునైటెడ్‌ అరబ్‌ ఎమిరేట్స్‌లో చకచకా ఏర్పాట్లు సాగుతున్నాయి. ఆగస్టు 20 నుంచి ఒక్కో జట్టు యూఏఈ వెళ్లేందుకు ఉత్సాహంగా ఎదురు చూస్తున్న సమయంలో నిర్వాహకులను ఇబ్బంది పెట్టే వార్త ఇది. రాజస్తాన్‌ రాయల్స్‌ జట్టుకు ఫీల్డింగ్‌ కోచ్‌గా వ్యవహరిస్తున్న దిశాంత్‌ యాజ్ఞిక్‌కు కరోనా వచ్చినట్లు తేలింది. కోవిడ్‌–19 పరీక్షలో తనకు పాజిటివ్‌గా వచ్చినట్లు అతను ప్రకటించాడు. యూఏఈ బయల్దేరడానికి ముందు జట్టు సభ్యులందరినీ ఒకే చోట చేర్చే క్రమంలో తాము పరీక్షలు నిర్వహించామని, ఇందులో యాజ్ఞిక్‌ పాజిటివ్‌గా తేలినట్లు రాయల్స్‌ యాజమాన్యం వెల్లడించింది. అయితే గత పది రోజుల్లో అతనికి దగ్గరగా జట్టులోని ఏ ఆటగాడు వెళ్లలేదని కూడా ఫ్రాంచైజీ స్పష్టం చేసింది.   నెగెటివ్‌గా తేలితే... ఐపీఎల్‌ ఆరంభానికి నెలకు పైగా సమయముంది కాబట్టి దిశాంత్‌ యాజ్ఞిక్‌కు కరోనా రావడం ప్రస్తుతానికి జట్టుపై పెద్దగా ప్రభావం చూపకపోవచ్చు. అయితే టీమ్‌ ప్రణాళికలు కచ్చితంగా దెబ్బ తింటాయి. క్వారంటీన్‌తో పాటు సన్నాహకాల కోసమే ఐపీఎల్‌ జట్లు దాదాపు నెల రోజులు ముందుగా యూఏఈ వెళుతున్నాయి. ఇలాంటి స్థితిలో ఫీల్డింగ్‌ కోచ్‌ ఆలస్యంగా జట్టుతో చేరితే అది కొంత ఇబ్బంది పెట్టవచ్చు. ఇప్పుడు దిశాంత్‌ 14 రోజుల పాటు చికిత్స తీసుకుంటూ క్వారంటైన్‌లో గడపాల్సి ఉంది. ఆ తర్వాత అతను భారత్‌లోనే రెండు సార్లు కోవిడ్‌–19 పరీక్షలకు హాజరు కావాలి. ఆ రెండు నెగెటివ్‌గా వస్తేనే యూఏఈ విమానమెక్కుతాడు. అక్కడికి చేరాక నిబంధనల ప్రకారం ఆరు రోజులు క్వారంటీన్‌లో ఉండి మరో మూడు సార్లు కరోనా పరీక్షలు చేయించుకోవాలి. అప్పటి వరకు ఆ జట్టు ఫీల్డింగ్‌ కోచ్‌ సేవలు కోల్పోయినట్లే. ప్రతికూల పరిస్థితుల మధ్య ఐపీఎల్‌కు సన్నద్ధమైన బీసీసీఐ, ఫ్రాంచైజీలకు తాజా పరిణామం ఒక హెచ్చరికలాంటిదే. ఇక్కడినుంచి బయల్దేరడానికి ముందునుంచి లీగ్‌ ముగిసే వరకు వారు ఎన్నెన్నో జాగ్రత్తలు తీసుకోవాల్సి ఉంటుందో ఈ ఉదంతం చూపించింది. రాజస్తాన్‌ రాయల్స్‌ తరఫునే 2011–2014 మధ్య ఐపీఎల్‌ ఆడిన దిశాంత్‌ యాజ్ఞిక్‌ దేశవాళీ క్రికెట్‌లో రాజస్తాన్‌ జట్టుకు ప్రాతినిధ్యం వహించాడు. ఇటీవలే అతను రాబోయే సీజన్‌ కోసం పాండిచ్చేరి జట్టుకు కూడా ఫీల్డింగ్‌ కోచ్‌గా ఎంపికయ్యాడు.

న్యూఢిల్లీ:  ఐపీఎల్‌ మ్యాచ్‌లలో కొన్ని జట్లు అనుసరిస్తున్న ఫీల్డింగ్‌ వ్యూహాలను మాజీ క్రికెటర్, ఢిల్లీ క్యాపిటల్స్‌ అసిస్టెంట్‌ కోచ్‌ మొహమ్మద్‌ కైఫ్‌ తప్పు పట్టాడు. తుది జట్టులో ఉన్న ఆటగాళ్లలో మందకొడిగా ఫీల్డింగ్‌ చేసేవారు ఎవరైనా ఉంటే వారి స్థానాల్లో కావాలని చురుకైన ఫీల్డర్లను తీసుకొస్తున్నారని... తగిన కారణం లేకుండా సబ్‌స్టిట్యూట్‌లను వాడుకోవడం సరైంది కాదని కైఫ్‌ వ్యాఖ్యానించాడు. దీనిపై అంపైర్లు దృష్టి పెట్టాలని, లేదంటే తామే వారికి ఫిర్యాదు చేస్తామని అతను అన్నాడు. ‘కోల్‌కతాతో మ్యాచ్‌లో రసెల్‌ స్థానంలో రింకూ సింగ్‌ వచ్చాడు. చావ్లా వేగంగా తన నాలుగు ఓవర్లను పూర్తి చేసుకొని బయటకు వెళ్లిపోతే మళ్లీ రింకూ సింగ్‌ బరిలోకి దిగాడు. పంజాబ్‌తో జరిగిన మ్యాచ్‌లో కూడా సర్ఫరాజ్‌ గాయం గురించి నాకు స్పష్టత లేదు కానీ అతని స్థానంలో వచ్చిన కరుణ్‌ నాయర్‌ అద్భుతమైన క్యాచ్‌ అందుకొని మ్యాచ్‌ స్వరూపాన్ని మార్చాడు. నెమ్మదిగా కదిలే ఆటగాళ్ల స్థానంలో చురుకైన ఫీల్డర్లను తెచ్చి ఆయా జట్లు తెలివిగా వ్యవహరించాయని భావిస్తున్నాయి. అయితే నా దృష్టిలో అది తప్పు. దీనిని ఇకపై అంపైర్ల దృష్టికి తీసుకెళతాం’ అని కైఫ్‌ చెప్పాడు. మరో వైపు ఫీల్డింగ్‌ చేస్తున్న జట్లు వ్యూహాలు రూపొందించడంలో చాలా సమయాన్ని వృథా చేస్తున్నాయని, నిజానికి అంత అవసరం లేదని అతను అన్నాడు. 


 సిడ్నీ:ఆస్ట్రేలియా మాజీ క్రికెటర్ బ్రాడ్ హాడిన్ ను ఆ జట్టు ఫీల్డింగ్ కోచ్ గా ఎంపికచేశారు. గతంలో ఆసీస్ జట్టుకు వికెట్ కీపర్ బ్యాట్స్మన్ గా సేవలందించిన హాడిన్ కు ఫీల్డింగ్ కోచ్ గా బాధ్యతలు అప్పచెబుతూ క్రికెట్ ఆస్ట్రేలియా(సీఏ) నిర్ణయం తీసుకుంది. ఆసీస్ మాజీ బ్యాట్స్మన్ గ్రెగ్ బ్లెవెట్ స్థానంలో హాడిన్ ను ఫీల్డింగ్ కోచ్ గా నియమించారు. 2019 వరకూ హాడిన్ ఫీల్డింగ్ కోచ్ గా కొనసాగనున్నారు.
 
 ఈ ఏడాది న్యూజిలాండ్ పర్యటనకు వెళ్లిన ఆస్ట్రేలియా-ఎ జట్టుకు హాడిన్ కోచ్ గా పనిచేశారు. మరొకవైపు పాకిస్తాన్ ప్రీమియర్ లీగ్(పీపీఎల్) లో ఇస్లామాబాద్ ప్రాంఛైజీకి  కోచ్ గా హాడిన్ సేవలందించారు. ఆసీస్ తరపున 66 టెస్టులకు ప్రాతినిథ్య వహించిన హాడిన్ 262 క్యాచ్ లు అందుకున్నాడు. పరిమిత ఓవర్ల క్రికెట్ లో 126 వన్డేలు, 34 అంతర్జాతీయ ట్వంటీ 20 మ్యాచ్ లను హాడిన్ ఆడాడు. 2015లో తన అంతర్జాతీయ క్రికెట్ కు హాడిన్ గుడ్ బై చెప్పాడు.


 బెంగుళూరు: భారత క్రికెట్‌ జట్టు ఫీల్డింగ్‌ కోచ్‌ శ్రీధర్‌ను నటుడు అక్కినేని అఖిల్‌ కలిశాడు. బెంగుళూరులో జరిగిన ఓ కార్యక్రమానికి ముఖ్య అతిథిగా హాజరైన అఖిల్‌.. అనుకోకుండా భారత జట్టు ఫీల్డింగ్‌ కోచ్‌ శ్రీధర్‌ను కలిసినట్లు ట్విట్టర్‌లో పేర్కొన్నాడు. అఖిల్‌ తనను కలిసిన విషయాన్ని శ్రీధర్‌ కూడా అభిమానులతో పంచుకున్నారు. 
  
 ఈ సమయంలో అఖిల్‌, శ్రీధర్‌లు కలిసిదిగిన ఫోటో ఇన్‌స్టాగ్రాంలో షేర్‌ అవుతోంది. ఆస్ట్రేలియాతో భారత్‌ టెస్టు మ్యాచ్‌లు ఆడుతున్న నేపధ్యంలో భవిష్యత్తులో జరగబోయే మ్యాచ్‌లలో విజయాలు సాధించాలని ట్విట్టర్‌ వేదికగా ఆకాంక్షించాడు అఖిల్‌.
  
 
 
 
  
 
 
 It was pleasant surprise to catch up with @akkineniakhil & @rcratul indeed a surprise to meet such well behaved up boys in today's world!!
 
 A post shared by R Sridhar (@coach_rsridhar) on
 
 Mar 5, 2017 at 7:01am PST