న్యూఢిల్లీ: ఉగ్రవాద వ్యతిరేక, నిరోధక చర్యల్లో ఆపరేషన్‌ సిందూర్‌ ఒక నిర్ణయాత్మక ఘట్టమని రాష్ట్రపతి ద్రౌపదీ ముర్ము అభివరి్ణంచారు. ఈ ఆపరేషన్‌ ద్వారా మన సైన్యం శక్తిసామర్థ్యాలు ప్రపంచానికి తెలిసొచ్చాయని అన్నారు. శాంతిని సాధించడంలో భారత్‌ అత్యంత దృఢంగా, అదే సమయంలో బాధ్యతాయుతంగా వ్యవహరిస్తుందని ప్రపంచ దేశాలు అర్థం చేసుకున్నట్లు తెలిపారు. గురువారం ఢిల్లీలో ప్రారంభమైన ‘చాణక్య డిఫెన్స్‌ డైలాగ్‌’కార్యక్రమంలో రాష్ట్రపతి పాల్గొన్నారు. మనదేశం ఆనాదిగా ‘వసుధైవ కుటుంబం’అనే సూత్రానికి కట్టుబడి ఉన్నట్లు గుర్తుచేశారు. ప్రపంచ దేశాలతో శాంతియుత సంబంధాలకు ప్రాధాన్యం ఇస్తున్నట్లు చెప్పారు. భారత్‌ కేవలం శాంతిని కోరుకుంటున్నట్లు మన దౌత్యం, ఆర్థిక వ్యవస్థ, మన సైనిక దళాలు ఉమ్మడిగా నిరూపిస్తున్నట్లు స్పష్టంచేశారు. మరోవైపు దేశ సరిహద్దులను, ప్రజలను కాపాడుకోవడంలో ఎంతమాత్రం రాజీపడడం లేదని పేర్కొన్నారు. దేశ సార్వ¿ౌమత్వాన్ని పరిరక్షించడంలో మన సైనిక దళాలు అద్భుతంగా పనిచేస్తున్నాయని రాష్ట్రపతి ప్రశంసించారు. జవాన్ల పనితీరు, దేశభక్తిని కొనియాడారు. దేశ అభివృద్ధికి సైన్యం కీలకమైన ఆధారంగా నిలుస్తోందని వివరించారు. సరిహద్దు ప్రాంతాల్లో భద్రత మాత్రమే కాకుండా మౌలిక సదుపాయాల కల్పనలో సైన్యం చురుగ్గా పనిచేస్తోందని గుర్తుచేశారు. నేడు ప్రపంచమంతటా శాంతికి, ఘర్షణకు మధ్య విభజన రేఖ చెదిరిపోతోందని పేర్కొన్నారు. అందుకే సైనిక దళాలపై బాధ్యత మరింత పెరుగుతోందని వెల్లడించారు. 2047 నాటికి ‘వికసిత్‌ భారత్‌’లక్ష్య సాధనకు తోడ్పాటు అందించాలని సైన్యానికి రాష్ట్రపతి పిలుపునిచ్చారు.

శివ‌సేన యూబీటీ చీఫ్ ఉద్ద‌వ్ థాక్రే(Uddhav Thackeray) భావోద్వేగానికి లోనయ్యారు. శనివారం ముంబై వేదికగా జరిగిన శివసేన-ఎంఎన్ఎస్‌ కార్యక్రమంలో ఇది చోటు చేసుకుంది. అదే సమయంలో పుష్ఫ సినిమాలోని డైలాగులను ఆయన తన ప్రసంగంలో రిఫరెన్స్‌లుగా వాడారు.ముంబై: సుమారు 20 ఏళ్ల తన సోదరుడు, మహారాష్ట్ర నవనిర్మాణ్ సేన అధ్యక్షుడు రాజ్‌థాక్రేతో కలిసి రాజకీయ వేదిక పంచుకున్న ఉద్దవ్‌ థాక్రే.. భావోద్వేగానికి గురయ్యారు. శనివారం ముంబైలో ఆయన మాట్లాడుతూ.. ‘‘ఈ ఆవాజ్‌ మరాఠీచా కార్యక్రమం కోసం ఆత్రుతగా ఎదురు చూశా. రాజ్ అద్భుతంగా మాట్లాడాడు. ఇంక నేనేం మాట్లాడక్కర్లేదనుకుంటున్న. ఒక్కటి మాత్రం చెప్పదల్చుకున్నా. మా మధ్య ఉన్న విభేదాలను పక్కనపెట్టి ఇక్కడికి వచ్చాం. అధికారం రావొచ్చు.. పోవొచ్చు. కానీ, కలిసి ఉంటేనే బలం అని చాటి చెప్పడానికి వచ్చాం. ఒక్క‌టి క‌లిసి ఉండేందుకు మేం ఒక్క‌ట‌య్యాం. ఇక మీదట కలిసి కట్టుగా ముందుకు సాగుతాం. ఎట్టి పరిస్థితుల్లో మహారాష్ట్ర బడులలో బలవంతంగా హిందీని ప్రవేశపెట్టనివ్వబోం’’ అని ఉద్దవ్‌ అన్నారు.పుష్ప సినిమా నేనూ చూశా. నాకు కూడా అందులో హీరోలా గ‌డ్డం ఉండి ఉంటే.. త‌గ్గేదేలే అని డైలాగ్ కొట్టేవాడిని అని ఉద్ధ‌వ్ ఉన్నారు. దీంతో అక్కడున్న ఇరుపార్టీల కార్యకర్తలు విజిల్స్‌ వేశారు. మ‌రాఠీ భాష‌ను ర‌క్షించేందుకు తామిద్దరం ఐక్య‌మైన‌ట్లు ప్రకటించిన ఉద్దవ్‌.. ఇది ట్రైల‌ర్ మాత్ర‌మే అని, ముందు చాలా ఉంద‌న్న‌ట్లు ఆయ‌న చెప్పారు.పుష్ఫ సినిమాలో హీరో తగ్గేదేలే అన్నాడు. కానీ, ఇక్కడి ఓ ద్రోహి(ఏకనాథ్ షిండేను పరోక్షంగా ఉద్దేశించి) మాత్రం ‘దమ్ము ధైర్యం ఏమాత్రం లే’ అన్నట్లు ప్రవర్తిస్తున్నాడు. ఆ ద్రోహికి సొంత ఆలోచనలు లేవు. కేవలం తన బాస్‌ వచ్చాడు కాబట్టి ఆయన్ని మెప్పించడానికే ‘జై గుజరాత్’ అన్నాడు. అలాంటోడు మహారాష్ట్రకు, మరాఠీ భాషకు ఏం గౌరవం ఇచ్చినట్లు? అని ఉద్దవ్‌ మండిపడ్డారు. Mumbai, Maharashtra: Shiv Sena (UBT) Chief Uddhav Thackeray says, "Gaddar (Eknath Shinde) said ‘Jai Gujarat’ just like the actor in the movie Pushpa says ‘Jhukega nahi s*la’; but this Gaddar follows ‘Uthega nahi s*la’. He doesn’t have his own thoughts. His boss came, so to please… pic.twitter.com/s7N4a0bog0— IANS (@ians_india) July 5, 2025మరాఠీలో మాట్లాడలేదని ఓ షాపు అతనిపై ఎంఎన్‌ఎస్‌ కార్యకర్తలు దాడి చేశారు. ఈ ఘటనను ప్రస్తావిస్తూ మరాఠీ భాష పేరుతో చేసే గుండాగిరిని సహించేది లేదని సీఎం ఫడ్నవిస్‌ అన్నారు. అయితే.. ఈ వ్యవహారంలో తామూ గూండాలేమేనని, మరాఠా ప్రజలకు న్యాయం జరిగే వరకు ఈ గుండాగిరి ఇలాగే కొనసాగుతుందని ఉద్దవ్‌ థాక్రే స్పష్టం చేశారు. అల్లు అర్జున్‌ హీరోగా.. సుకుమార్‌ డైరెక్షన్‌లో వచ్చిన పుష్ఫ సిరీస్‌ ఎంత పెద్ద హిట్‌ అయ్యిందో తెలిసిందే. మరీ ముఖ్యంగా ఉత్తరాది ప్రేక్షకులు ఈ సినిమాకు, అందులోని డైలాగులు.. హీరో మేనరిజానికి బాగా అడిక్ట్‌ అయ్యారు. అందుకే మొదటి భాగం రిలీజ్‌ అయ్యాక.. అందులోని డైలాగులను పలు రాజకీయ పార్టీలు తమ ప్రచారాలకు వాడుకున్నాయి. పుష్ఫ అంటే ఫ్లవర్‌ అనుకుంటివా.. ఫైర్‌ అనే డైలాగ్‌ను బీజేపీ పార్టీ ఎన్నికల ప్రచారంలో బాగా ఉపయోగించింది.

సాక్షి, నరసరావుపేట: అధికారపార్టీ అడ్డంగా బుక్కయింది. మాజీ ముఖ్యమంత్రి వైఎస్‌ జగన్‌మోహన్‌రెడ్డి రెంటపాళ్ల పర్యటనలో భాగంగా వైఎస్సార్‌సీపీ అభిమానులు ప్రదర్శించిన ఫ్లెక్సీలపై కూటమి నేతలు, వారి అనుకూల మీడియా రెండు రోజులుగా నానాయాగీ చేశారు. ‘‘సైకోలు వీరంగం చేశారు, నరకుడు భాష ఏంటి’’ అటూ పచ్చ పత్రికల్లో వార్తలు రాయడంతోపాటు టీవీ చానళ్లలో డిబేట్లు నిర్వహించారు.వైఎస్సార్‌సీపీ అభిమానులకు వ్యతిరేకంగా విష ప్రచారం చేశారు. కూటమి మంత్రులు, ప్రజాప్రతినిధులు గగ్గోలు పెట్టారు. పుష్ప సినిమాలోని రప్పా.. రప్పా.. పోస్టర్‌ ప్రదర్శించిన బొల్లెద్దు రవితేజపై టీడీపీ మైనార్టీ సెల్‌ సత్తెనపల్లి టౌన్‌ ప్రెసిడెంట్‌ షేక్‌ మస్తాన్‌ వలి చేత పోలీసులకు ఫిర్యాదు చేయించారు. పోలీసులూ తక్షణం కేసు నమోదు చేశారు. తీరా చూస్తే రవితేజ టీడీపీ వాడేనని తేలిపోయింది. దీంతో అధికారపార్టీ అడ్డంగా దొరికిపోయింది. బయటపడిన అసలు నిజాలు పోలీసులు పెదకూరపాడు నియోజకవర్గం క్రోసూరు మండలం 88 తాళ్లూరు గ్రామానికి చెందిన బొల్లెద్దు రవితేజను బుధవారం రాత్రి అదుపులోకి తీసుకోవడంతో అసలు విషయం బయటపడింది. రవితేజ కుటుంబ సభ్యులు తాము టీడీపీ అభిమానులమని తమకు వైఎస్సార్‌సీపీతో సంబంధం లేదని తెలిపారు. సార్వత్రిక ఎన్నికలకు ముందే పెదకూరపాడు ఎమ్మెల్యే భాష్యం ప్రవీణ్‌ చేతుల మీదుగా పచ్చ కండువా కప్పుకుని టీడీపీలో చేరామని ఫొటోలు చూపారు. బొల్లెద్దు రవితేజపై ఉన్న టీడీపీ సభ్యత్వ కార్డు రవితేజ పేరు మీద ఉన్న టీడీపీ సభ్యత్వ కార్డునూ వారే బయటపెట్టారు. దీంతో టీడీపీ నేతలు, సోషల్‌మీడియా కార్యకర్తలు ఒక్కసారిగా కంగుతిన్నారు. టీడీపీ సభ్యత్వం ఉండి వైఎస్సార్‌సీపీ కార్యక్రమంలో ఎందుకు పాల్గొన్నాడని, ఏ ఉద్దేశంతో హాజరయ్యాడు? రవితేజ వెనుక ఎవరున్నారంటూ సోషల్‌మీడియాలో వైఎస్సార్‌సీపీ అభిమానులు ప్రశ్నల వర్షం కురిపించారు. రవితేజ టీడీపీ కోవర్టేనని, వైఎస్‌ జగన్‌ పర్యటనలో ఆలజడులు సృష్టించడానికే టీడీపీ నేతలు అతనిని పంపి కుట్రలు పన్నారని వైఎస్సార్‌సీపీ నేతలు ధ్వజమెత్తారు. టీడీపీ నేతల కొత్త రాగం వైఎస్సార్‌సీపీ అభిమానులపై టీడీపీ చేసిన దు్రష్పచారం బూమరాంగ్‌ కావడంతో ఆ పార్టీ నేతలు కొత్త రాగం మొదలుపెట్టారు. రవితేజ తల్లిదండ్రులు టీడీపీ వారేనని, కానీ రవితేజ మాత్రం వైఎస్సార్‌సీపీ అభిమాని అంటూ బుకాయిస్తున్నారు. బీమా ఉందని టీడీపీ సభ్యత్వం తీసుకున్నాడంటూ పెదకూరపాడు నేతలతో వీడియోలు విడుదల చేయించారు. దీనికి సోషల్‌ మీడియా యాక్టివిస్టులు గట్టి సమాధానాలు ఇచ్చారు. కోట్ల మంది టీడీపీ సభ్యత్వం తీసుకున్నారంటూ మహానాడులో చేసే ప్రసంగాలన్నీ వట్టివేనా అంటూ ప్రశి్నంచారు. జీవిత బీమా ఉంటుందని ఆశచూపి ఇతర పార్టీల నేతలకూ సభ్యత్వాలు అంటగడుతూ గొప్పలు చెప్పుకుంటున్నారా అంటూ ఎద్దేవా చేశారు.

టాలీవుడ్ నటుడు మోహన్ బాబు గురించి ప్రత్యేకంగా చెప్పాల్సిన పనిలేదు. హీరోగా, విలన్‌గా తన నటనతో అభిమానులను మెప్పించారు. అప్పటి స్టార్ హీరోలతోనూ చాలా సినిమాల్లో కనిపించారు. ఇటీవల తాను నటించిన పాత్ర చిత్రాలను సోషల్ మీడియా వేదికగా గుర్తు చేసుకుంటున్నారు. తాను నటించిన బ్లాక్‌ బస్టర్‌ చిత్రాలకు సంబంధించిన పోస్టులు పెడుతున్నారు.తాజాగా మరో బ్లాక్‌బస్టర్‌ మూవీ గురించి సోషల్ మీడియా వేదికగా షేర్ చేశారు. 1997లో వచ్చిన ‍అడవిలో అన్న అనే యాక్షన్‌ సినిమాను గుర్తు చేసుకున్నారు. ఈ చిత్రంలో ఓ సన్నివేశాన్ని ట్విటర్‌ వేదికగా పంచుకున్నారు. ఈ సినిమాలోని డైలాగ్స్ వింటే ఇప్పటికీ గూస్‌బంప్స్ ఖాయమని మోహన్ బాబు ట్వీట్ చేశారు.మోహన్ బాబు తన ట్వీట్‌లో రాస్తూ..' బి. గోపాల్ దర్శకత్వం వహించిన చిత్రం అడవిలో అన్న. ఈ కథను పరుచూరి బ్రదర్స్ అద్భుతంగా రాశారు. ఈ చిత్రం ఎప్పటికీ సినిమాటిక్ క్లాసిక్‌గా నిలుస్తుంది. వందేమాతరం శ్రీనివాస్ మరపురాని సంగీతం అందించారు. ఇందులో ప్రతి సన్నివేశం ఓ శాశ్వతమైన ప్రభావాన్ని చూపుతుంది. అలాగే నా సోదరుడు, దివంగత గద్దర్ కూడా ఈ కళాఖండానికి సాహిత్యంతో పాటు కొన్ని డైలాగ్స్ అందించారు. పవర్‌ఫుల్‌ డైలాగ్స్ ఉన్న ఈ ఐకానిక్ సీన్‌ చూస్తే ఇప్పటికీ గూస్‌బంప్స్‌ ఇస్తూనే ఉంది.' అంటూ పోస్ట్ చేశారు. 🌟 Adavilo Anna (1997) – A Captivating Action Drama 🌟Directed by Sri. B. Gopal and masterfully written by the Paruchuri Brothers, this film stands as a true cinematic classic. With Sri. Vandemataram Srinivas's unforgettable music enhancing its essence, every scene leaves a… pic.twitter.com/f016pexrc5— Mohan Babu M (@themohanbabu) December 24, 2024

పుష్ప-2 ఆ పేరు వింటే చాలు ఎవరికైనా పూనకం రావాల్సిందే. అంతలా సినీప్రియులను ఊపేస్తోంది తాజాగా రిలీజైన ట్రైలర్. ఆ డైలాగ్స్, ఆ మేనరిజం బన్నీ ఫ్యాన్స్‌తో ప్రపంచవ్యాప్తంగా ఉన్న అభిమానులను ఊపేస్తున్నాయి. నవంబర్ 17న పాట్నా వేదికగా భారీస్థాయిలో నిర్వహించిన ఈవెంట్‌లో ట్రైలర్‌ను విడుదల చేశారు. దేశంలో ఇంతవరకు ఏ భారతీయ సినిమాకు రాని రికార్డులను పుష్ప-2 సాధించింది.అయితే పుష్పలోని ఆ డైలాగ్‌ చెబితే ఫ్యాన్స్‌కే కాదు.. ఎవరికైనా పూనకాలే. అంతలా ఫేమస్ అయింది. పుష్ప-2 ట్రైలర్‌లో 'పుష్ప అంటే ఫైర్ అనుకుంటివా.. వైల్డ్‌ ఫైర్‌' అనే బన్నీ డైలాగ్‌ ప్రతి ఒక్కరి నోటా వినిపిస్తోంది. ఇలాంటి ఫేమస్ డైలాగ్‌ను ప్రొ కబడ్డీ లీగ్‌లోనూ వాడేశారు.ఈ సీజన్‌లో విజయాలతో జోరుమీదున్న తెలుగు టైటాన్‌ టీమ్‌ ప్రత్యేకంగా పోస్టర్‌ను షేర్ చేసింది. ఈ డైలాగ్‌తో ఉన్న టీమ్ ఫోటోను సోషల్ మీడియాలో పంచుకుంది. 'టైటాన్స్ అంటే ఫైర్ అనుకుంటివా.. వైల్డ్ ఫైర్‌' అంటూ ట్వీట్‌లో రాసుకొచ్చారు. ఈ ట్వీట్‌ను పుష్ప టీమ్‌ తన అధికారిక ఖాతాలో పోస్ట్ చేసింది. ప్రస్తుతం ఈ ఫోటో నెట్టింట తెగ వైరలవుతోంది. టైటన్స్ అంటే ఫైర్ అనుకుంటివా.. వైల్డ్ ఫైర్ 🔥#ProKabaddi #PKL11 #LetsKabaddi #ProKabaddiOnStar #TeluguTitans pic.twitter.com/EZXQMMkOKD— ProKabaddi (@ProKabaddi) November 18, 2024

టాలీవుడ్ యంగ్ టైగర్‌ ఎన్టీఆర్- కొరటాల శివ డైరెక్షన్‌లో వస్తోన్న యాక్షన్‌ చిత్రం దేవర. ఈ చిత్రం ద్వారా బాలీవుడ్ భామ జాన్వీ కపూర్‌ టాలీవుడ్ ఎంట్రీ ఇస్తోంది. సముద్ర నేపథ్యంలో సాగే కథాంశంతో ఈ సినిమాను తెరకెక్కిస్తున్నారు. ఇప్పటికే రిలీజైన పోస్టర్స్‌, గ్లింప్స్‌కు అదిరిపోయే రెస్పాన్స్ వచ్చింది.తాజాగా దేవరకు సంబంధించిన ఓ ఆసక్తికర విషయమైన విషయం నెట్టింట తెగ వైరలవుతోంది. ప్రస్తుతం ఈ మూవీ డబ్బింగ్‌ పనులు జరుగుతున్నట్లు తెలుస్తోంది. ఈ నేపథ్యంలో దేవరలోని ఓ డైలాగ్‌ లీక్ అయినట్లు సమాచారం. 'సాదా సీదా మగాళ్లు కావాలా.. ఈ ఊరినే ఉప్పొంగించే వీరుడు కావాలా.' అనే డైలాగ్‌ సోషల్ మీడియాలో తెగ ట్రెండ్ అవుతోంది. మొత్తంగా ఈ డైలాగ్‌ వింటే ఎన్టీఆర్‌ పవర్‌ఫుల్‌ రోల్‌ ‍పోషిస్తున్నట్లు అర్థమవుతోంది. కాగా.. దేవర ఈ ఏడాది సెప్టెంబర్ 27న ప్రేక్షకుల ముందుకు రానుంది. Actress Mani Chandana garu has started dubbing for #Devara, She is playing #JanhviKapoor's mother role in the film ❤️సాదా సీదా మగాళ్ళు కావాలా...ఈ ఊరినే ఉప్పొంగించే వీరుడు కావాలా...! 🔥🔥🔥#ManOfMassesNTR @tarak9999 pic.twitter.com/WcbbRVJ0kk— Dhanush🧛 (@Always_kaNTRi) July 10, 2024

‘జనతా గ్యారేజ్‌’ (2016) వంటి హిట్‌ మూవీ తర్వాత హీరో ఎన్టీఆర్‌–డైరెక్టర్‌ కొరటాల శివ కాంబినేషన్‌లో తెరకెక్కుతోన్న తాజా చిత్రం ‘దేవర’. జాన్వీ కపూర్‌ హీరోయిన్‌గా నటిస్తున్న ఈ చిత్రంలో సైఫ్‌ అలీఖాన్‌ కీలక పాత్రలో నటిస్తున్నారు. కల్యాణ్‌ రామ్‌ సమర్పణలో ఎన్టీఆర్‌ ఆర్ట్స్, యువసుధ ఆర్ట్స్‌ బ్యానర్స్‌పై మిక్కిలినేని సుధాకర్, హరికృష్ణ .కె నిర్మిస్తున్నారు. రెండు భాగాలుగా రూపొందుతోన్న ఈ చిత్రం తొలి భాగం ‘దేవర పార్ట్‌ 1’ ఏప్రిల్‌ 5న తెలుగు, హిందీ, తమిళ, కన్నడ, మలయాళ భాషల్లో విడుదలవుతోంది. కాగా ఈ సినిమా గ్లింప్స్‌ను ఆయా భాషల్లో సోమవారం విడుదల చేశారు మేకర్స్‌. ‘ఈ సముద్రం సేపల్ని కంటే కత్తుల్ని, నెత్తుర్ని ఎక్కువ సూసుండాది.. అందుకేనేమో దీన్ని ఎర్ర సముద్రం అంటారు’ అంటూ ఎన్టీఆర్‌ చెప్పిన డైలాగ్‌తో గ్లింప్స్‌ రిలీజైంది. ‘‘దేవర’ సినిమా కోసం ఎన్టీఆర్‌ అభిమానులతో పాటు ప్రేక్షకులు, ట్రేడ్‌ వర్గాలు సైతం ఎంతో ఆసక్తిగా ఎదురు చూస్తున్నాయి. ఆ అంచనాలను దృష్టిలో పెట్టుకుని ఈ చిత్రాన్ని అద్భుతంగా తెరకెక్కిస్తున్నాం’’ అని చిత్రబృందం పేర్కొంది. ఈ చిత్రానికి సంగీతం: అనిరుధ్, కెమెరా: రత్నవేలు.

యంగ్ రెబల్ స్టార్ ప్రభాస్ నటించిన సలార్ బాక్సాఫీస్ షేక్ చేస్తోంది. ఈనెల 22న థియేటర్లలోకి వచ్చిన ఈ చిత్రం ఇప్పటికే రూ.500 కోట్ల క్లబ్‌లోకి ఎంట్రీ ఇచ్చేసింది. రెండో వీక్‌లోనూ భారీ వసూళ్లతో దూసుకెళ్తోంది. కేజీఎఫ్ ఫేమ్ ప్రశాంత్ నీల్ తెరకెక్కించిన సరికొత్త యాక్షన్ థ్రిల్లర్ సలార్‌ మరిన్ని రికార్డులు బద్దలు కొట్టడం ఖాయంగా కనిపిస్తోంది.  (ఇది చదవండి: ఓటీటీలపై అగ్రతారల కన్ను.. ఈ ఏడాది అత్యధిక పారితోషికం ఎవరికంటే?) తాజాగా ఈ చిత్రంలోన  ఓ డైలాగ్‌ ప్రోమోను రిలీజ్ చేశారు. సలార్‌- సీజ్‌ఫైర్‌ చిత్రంలో క్లైమాక్స్‌లో శ్రుతిహాసన్‌ చెప్పే ఈ డైలాగ్‌ అభిమానులకు గూస్‌బంప్స్ తెప్పిస్తోంది. ఈ సినిమా చూడని వారు డైలాగ్‌ ప్రోమోను చూసేయండి. కాగా.. ఈ చిత్రంలో పృథ్వీరాజ్‌ సుకుమారన్‌, జగపతి బాబు కీలక పాత్రల్లో నటించారు.   

ఎన్నికల ప్రచారంలో వాడీవేడి కొటేషన్లు ‘‘నాకు ఏం మాట్లాడినా పంచ్‌ ఉండాలంతే.. పంచ్‌ లేకుంటే కుదరదంతే’ అని ’ఆర్య’ సినిమాలో సునీల్‌ చేసిన హడావుడి బాగా పేలింది. ఇప్పుడు ప్రచారంలో పంచ్‌ డైలాగ్‌లు లేకుంటే పస ఉండదని భావిస్తున్న పార్టీల అభ్యర్థ్ధులు మంచి మంచి కొటేషన్లతో పంచ్‌లు విసురుతున్నారు.  సోషల్‌ మీడీయాలో వాటిని వినూత్న రీతిలో ప్రచారం చేస్తున్నారు.  సాక్షి, సిద్దిపేట :ఈ నెల 30న అందరి వేళ్లకు ఇంక్‌.. రాష్ట్రమంతా పింక్‌ అంటూ,  అప్పుడు ఎట్లుండే తెలంగాణ..ఇప్పుడు ఎట్లయ్యింది తెలంగాణ అని బీఆర్‌ఎస్‌ అభ్యర్థుల కొటేషన్లు ఇప్పుడు సోషల్‌ మీడియాలో చక్కర్లు కొడుతున్నాయి. తెలంగాణ ఏర్పాటు కాకముందు 2014లో ఎలా ఉండే.. 2023లో ఎలా ఉందని బీఆర్‌ఎస్‌ అభ్యర్థులు డైలాగ్‌ కొటేషన్‌తో ప్రశ్నిస్తున్నారు. వీటితోపాటు కాంగ్రెస్, బీజేపీ కొటేషన్లు కూడా సోషల్‌ మీడియాలో  ప్రజలను విపరీతంగా ఆకట్టుకుంటున్నాయి.  ఆకట్టుకున్న కొటేషన్లు కొన్ని..  అన్నా... జిల్లాజిల్లాకూ ఐటీ టవర్‌..  మా గుండెల్లో ఉంటాడు కేటీఆర్‌ ఫరెవర్‌  మా అన్నను ప్రేమిస్తారు మహబూబ్‌నగర్‌ క్రౌడ్‌.. డెవలప్‌మెంట్‌ ఆగొద్దంటే రావాలి మా అన్న శ్రీనివాస్‌ గౌడ్‌  మర్చిపోతామా సాయన్న చేసి­న సాయమూ.. కంటోన్మెంట్‌లో లాస్యమ్మ గెలుపు ఖాయమూ.. బాల్కొండలో ఎగురబోతుంది గులాబీ జెండా...  ప్రశాంత్‌ అన్న మన అందరికీ అండా దండా..  ఎవరికి పడితే వాడికి కొట్టం జిందాబాద్‌... మా గోవర్న రూరల్‌ నిజాంబాద్‌  కాంగ్రెస్‌ బీజేపీ అందరు పక్కకు జరగాలి... మెదక్‌లో భారీ మెజారిటీ రాబోతుంది  మా పద్మక్క   కాంగ్రెస్‌ మారుస్తుంది తెలంగాణ భవిష్యత్‌ ఇప్పుడు ఇస్తుంది 200 యూనిట్‌ల ఫ్రీ విద్యుత్‌  బాగుండాలి  ఐదేళ్ల జీవితం.... రావాలి ఐదు వేళ్ల హస్తం కాంగ్రెస్‌ మనకు అండ దండ... ఇస్తుంది రూ. 500కే గ్యాస్‌ బండ   కాంగ్రెస్‌ వస్తే ఎన్నో ఉపయోగాలు.... యువతకు దొరుకుతాయి లక్షల్లో ఉద్యోగాలు  తెలంగాణలో కమలం జెండా ఎగరాలి.. బీజేపీ గెలవాలి... బీసీ సీఎం కావాలి  బద్దలు కొడదాం దొరల గడీ సాలు దొర... సెలవు దొర.

సాక్షి ప్రతినిధి, కరీంనగర్‌: ఐదేళ్లకోసారి వచ్చే అసెంబ్లీ ఎన్నికల పండుగకు ఈసారి దీపావళి తోడైంది. ఈ వేడుకలు అనగానే పిల్లల నుంచి పెద్దల వరకు అందరికీ గుర్తుకువచ్చేది టపాసులే. తోకబాంబుల నుంచి చిచ్చుబుడ్లు, రాకెట్లు, బాంబులు, భూచక్రాలు తదితరాలను ఎంతో ఇష్టపడి కాలుస్తుంటారు. ఓవైపు దీపావళికి జనాలు సిద్ధమవుతున్న తరుణంలో నాయకులు తమ విమర్శలకు పదును పెడుతున్నారు. మాటలను తూటాలుగా చేసి, ప్రత్యర్థులపై సంధిస్తున్నారు. సీనియర్‌ నాయకులు మరో అడుగు ముందుకేసి, తమ ఆరోపణాస్త్రాలను టపాసుల్లా పేలుస్తున్నారు. తమ నోటి నుంచి వచ్చే ఆరోపణలు, మాటలు, హామీలను చిచ్చుబుడ్డి, రాకెట్‌, భూచక్రాలు, తోక పటాకుల్లా సందర్భాన్ని బట్టి తమకు అనుకూలంగా మలచుకొని, ప్రయోగిస్తున్నారు. ఇవి పేలగానే జనాలు చప్పట్లతో స్వాగతిస్తున్నారు. అలాంటి తూటాల్లాంటి మాటలు కొన్నింటిని గుర్తు చేసుకుందాం! తెలంగాణతో నాది కుటుంబ బంధం! ఇటీవల ఉమ్మడి కరీంనగర్‌ జిల్లా పర్యటనకు వచ్చిన ఏఐసీసీ అగ్రనేత రాహుల్‌గాంధీ అనేక పంచ్‌ డైలాగులు విసిరారు. అందులో తెలంగాణతో నాది రాజకీయ బంధం కాదు, కుటుంబ బంధం అంటూ సభికులను కలుపుకుపోతూ చెప్పిన మాటలు వారి మనసును రాకెట్లలా తాకాయి. రాహుల్‌కు ఎద్దు ఎరుకనా? ఎవుసం ఎరుకనా? ఇటీవల ధర్మపురిలో సీఎం కేసీఆర్‌ కాంగ్రెస్‌ అగ్రనేత రాహుల్‌ను విమర్శించారు. ఈ క్రమంలో రాహుల్‌కు ఎద్దు ఎరుకనా? ఎవుసం ఎరుకనా? ఏమీ తెలియని వాడు కూడా ధరణిని తొలగిస్తాం అంటున్నాడని వ్యాఖ్యానించారు. గులుగుడు గులుగుడే.. గుద్దుడు.. గుద్దుడే! సిరిసిల్ల నుంచి ప్రాతినిధ్యం వహిస్తున్న మంత్రి కేటీఆర్‌ కొన్ని రోజులుగా ప్రతీ వేదిక మీద చెబుతున్న భూచక్రాల్లాంటి మాటలివి. ప్రజలంతా తమవైపే ఉన్నారని, ఒకరిద్దరు వ్యతిరేకంగా ఉన్నా.. కారుకే ఓటేస్తారని చెప్పే క్రమంలో గులుగుడు.. గులుగుడే.. గుద్దుడు.. గుద్దుడే అన్న మాటలు ట్రెండ్‌ అవుతున్నాయి. సంక్షేమమా? సంక్షోభమా? హుజూరాబాద్‌లో ఎమ్మెల్సీ పాడి కౌశిక్‌రెడ్డి నామినేషన్‌కు హాజరైన మంత్రి హరీశ్‌రావు ఎమ్మెల్యే ఈటల మాటలకు మోసపోవద్దని, బీఆర్‌ఎస్‌తోనే అన్ని వర్గాల సంక్షేమం సాధ్యమని అన్నారు. సంక్షోభం కావాలా? సంక్షేమం కావాలా? తేల్చుకోవాలని ప్రజలను కోరారు. ఐదేళ్లు నా రక్తం ధారపోస్తా! అసెంబ్లీ ఎన్నికల నేపథ్యంలో మరో 20 రోజులు కష్టపడండి.. రాబోయే ఐదేళ్లు నా రక్తాన్ని ధారపోస్తా అని మంత్రి గంగుల కమలాకర్‌ అన్న మాటలు సామాజిక మాధ్యమాల్లో బాగా వైరల్‌ అవుతున్నాయి. ఇక్కడే పుట్టిన.. ఈ గడ్డ మీద పెరిగిన నేను ఇక్కడే పుట్టిన.. ఈ గడ్డ మీద పెరిగిన.. ఇక్కడ గాలి పీల్చి న.. మీతోనే ఎదిగిన.. మీ కష్టసుఖాల్లో పాలుపంచుకున్న.. అని బీఆర్‌ఎస్‌ కో రుట్ల అభ్యర్థి కల్వకుంట్ల సంజయ్‌ అ న్నారు. వాళ్లంతా ఎన్నికల టైంలో వచ్చేటోళ్లు.. మళ్లీ కనబడరు.. యాదించుకోండ్రి.. రానున్న ఎన్నికల్లో గెలిపిస్తే మీకు అండగా ఉంటానని హామీ ఇచ్చారు. సీఎంకు గుంట భూమి ఎక్కువ.. ధరణి పోర్టల్‌ను విమర్శించే క్రమంలో 53 ఎకరాల 30 గుంటలకు బదులు 53 ఎకరాల 31 గుంటలు చూపిస్తోంది అని సీఎం కేసీఆర్‌ అఫిడవిట్‌ను చూపిస్తూ బండి సంజయ్‌కుమార్‌ చేసిన కామెంట్లు చిచ్చుబుడ్డిలా పేలుతున్నాయి. రైతు రాజ్యమా? రాబంధుల రాజ్యమా? బీఆర్‌ఎస్‌ ప్రభుత్వం రైతుబంధు, రైతుభీమా, 24 గంటల ఉచిత కరెంట్‌, రుణమాఫీ లాంటి పథకాలతో రైతులు సుభిక్షంగా ఉండేలా చర్యలు తీసుకుందని బీఆర్‌ఎస్‌ జగిత్యాల అభ్యర్థి, ఎమ్మెల్యే డాక్టర్‌ సంజయ్‌కుమార్‌ అన్నారు. కాంగ్రెస్‌, బీజేపీ వారు వస్తే మూడు గంటల కరెంట్‌, ధరణిని ఎత్తివేస్తామంటూ, రైతుబంధును కుదిస్తామంటూ మాట్లాడుతున్నారని.. రైతు రాజ్యం కావాలో.. రాబంధుల రాజ్యం కావాలో తేల్చుకోవాలని జగిత్యాల ప్రజలను కోరారు. ఇవి చదవండి: విభిన్న తీర్పు! ప్రస్తుత ఎన్నికల ట్రెండ్‌పై సర్వత్రా ఆరా..

మెగా ప్రిన్స్ వ‌రుణ్ తేజ్‌, హీరోయిన్ లావ‌ణ్య త్రిపాఠి పెళ్లి వేడుక ఇటలీలో ఘనంగా జరిగింది. టుస్కానీలో జరిగిన గ్రాండ్ వెడ్డింగ్‌లో కుటుంబ సభ్యులు, సన్నిహితులు పాల్గొని సందడి చేశారు. ఈ ఏడాది జూన్‌లో ఎంగేజ్‌మెంట్‌ చేసుకున్న ఈ జంట మూడుముళ్లబంధంతో ఒక్కటయ్యారు. వారి పెళ్లికి ముందు జరిగిన కాక్‌టైల్‌, మెహందీ, హ‌ల్దీ వేడుక‌ల‌కు సంబంధించిన ఫోటోలు సోష‌ల్ మీడియాలో తెగ వైరల్‌ అయ్యాయి.  అల్లు అరవింద్ కామెంట్స్! అయితే గతంలో లావణ్యను ఉద్దేశించి నిర్మాత అల్లు అరవింద్ కామెంట్స్ వైరల్ అయిన సంగతి తెలిసిందే. ‘చావు కబురు చల్లగా' మూవీ ప్రీ రిలీజ్ ఈవెంట్‌లో లావణ్య మాట్లాడుతుండగా మధ్యలో మైక్ అందుకున్న అల్లు అరవింద్.. 'ఎక్కడో నార్త్ ఇండియా నుంచి వచ్చి తెలుగు చక్కగా మాట్లాడుతోంది. ఇక్కడే ఒక కుర్రోడిని చూసి పెళ్లి చేసుకుని సెటిల్ అయితే బాగుంటుంది’ అని అన్నారు. అదే ఇప్పుడు నిజమైందంటూ నెటిజన్స్ కూడా తెగ కామెంట్స్ చేశారు. ఆ సినిమా డైలాగ్‌ నిజమైంది అలాగే లావణ్య త్రిపాఠి ప్రేమ పెళ్లి అయినప్పటికీ.. యాదృచ్ఛికంగా కొన్ని సంఘటనలు నిజ జీవితంలో జరుగుతూనే ఉంటాయి. అల్లు అరవింద్ మాటల్లాగే.. ఓ సినిమా డైలాగ్ కూడా తెగ ట్రెండ్ అవుతోంది. గతంలో లావణ్య త్రిపాఠి నటించిన అందాల రాక్షసి సినిమాలో ఈ పెళ్లికి సరిగ్గా సెట్ అవుతుంది. అందులో కొంతమంది పిల్లలు మాట్లాడుతూ..' లావణ్య అక్కా.. నీ పెళ్లికి సినిమా యాక్టర్స్ వస్తున్నారంటా కదా? అంటే పెళ్లికి చిరంజీవి కూడా వస్తాడా? అంటూ లావణ్యను అడుగుతారు. అందుకు లావణ్య కూడా అవునని చెబుతుంది. ఆ తర్వాత పిల్లలంతా గ్యాంగ్ లీడర్ కూడా వస్తున్నారంటూ అల్లరి చేస్తారు. ఆ సినిమా డైలాగ్ 2012లో వచ్చినా.. 2023లో అదే సీన్ రిపీట్ అయిందంటూ సోషల్ మీడియాలో తెగ వైరలవుతోంది. ఏది ఏమైనా ఇలాంటి సంఘటనలు మన నిజ జీవితంలో జరగడం చాలా అరుదుగా చూస్తుంటాం కదా!  కాగా.. అందాల రాక్షసి హను రాఘవపూడి దర్శకత్వంలో తెరకెక్కించిన ప్రేమకథా చిత్రం. ఇందులో నవీన్ చంద్ర, రాహుల్ రవీంద్రన్, లావణ్య త్రిపాఠి ముఖ్య పాత్రలు పోషించారు.ఈ చిత్రాన్ని సాయి కొర్రపాటి, ఎస్. ఎస్. రాజమౌళి వారాహి చలన చిత్ర పతాకంపై నిర్మించారు.ఈ చిత్రం 2012 ఆగస్టు 10 న విడుదలైంది.

విజయ్‌ దేవరకొండ, పరుశురామ్‌ కాంబినేషన్‌లో వస్తోన్న ‘ఫ్యామిలీస్టార్‌. ఈ చిత్రంలో సీతారామ బ్యూటీ మృణాల్ ఠాకూర్ జోడీగా కనిపించనుంది. గీతగోవిందం సూపర్ హిట్ తర్వాత పరశురామ్‌తో మరోసారి జతకట్టారు. ఇటీవలే ఈ చిత్రానికి సంబంధించిన గ్లింప్స్ రిలీజ్ చేశారు మేకర్స్. అయితే ఈ మూవీలో ఓ డైలాగ్ మాత్రం‌ ఇప్పుడు సోషల్‌మీడియాను ఊపేస్తోంది. నెట్టింట ట్రెండ్‌ అవుతోంది. అంతే కాకుండా  ఈ డైలాగ్‌పై నెట్టింట మీమ్స్ చక్కర్లు కొడుతున్నాయి. తాజాగా టాలీవుడ్ స్టార్ హీరోల సినిమాల్లోని సీన్స్‌కు ఈ ఫ్యామిలీ స్టార్‌లోని 'ఉల్లిపాయలు కొంటే మనిషికాదా? పిల్లల్ని రెడీ చేస్తే మగాడు కాదా? ఐరనే వంచాలా ఏంటి?' అనే డైలాగ్‌లో మీమ్స్ తెగ వైరల్ చేస్తున్నారు. ఇప్పటికే మిర్చి సినిమాలోని డైలాగ్‌తో లింక్ చేస్తూ విజయ్ దేవరకొండ ఇన్‌స్టాలో షేర్ చేశారు. ఇంటర్నెట్‌లో అసలు ఏం నడుస్తోంది అంటూ క్యాప్షన్ కూడా ఇచ్చారు. ఐరనే వంచాలా ఏంటి? అనే డైలాగ్‌తో ప్రభాస్‌ బాహుబలి, అల్లు అర్జున్‌ సరైనోడు, రేసుగుర్రం సినిమాల్లోని సీన్లతో కలిపి తెగ ట్రెండ్ చేసేస్తున్నారు. దీంతో ఒక్కసారిగా సోషల్ మీడియాలో ఈ ఒక్క డైలాగ్ హాట్‌ టాపిక్‌గా మారింది. మీరు కూడా ఈ డైలాగ్‌పై వచ్చిన మీమ్స్ చూస్తే నవ్వుకుండా ఉండలేరు.  అయితే దీని వెనుక మరో కారణం కూడా ఉన్నట్లు సమాచారం. ఈ ఐరన్‌ డైలాగ్‌, విజువల్స్‌ యాడ్‌ను తలపించేలా ఉన్నాయంటూ ట్రోల్స్‌ వచ్చాయి. వాటిని తిప్పికొట్టేందుకే మేకర్స్ ఇలా ప్లాన్‌ చేసిందని కొందరు నెటిజన్లు అభిప్రాయం వ్యక్తం చేస్తున్నారు. ఫ్యామిలీ ఎంటర్‌టైనర్‌గా రూపొందుతున్న ఈ సినిమా వచ్చే ఏడాది సంక్రాంతి బరిలో నిలవనుంది. Promotions lo evadina ma vadi tharvatha ne ani prove chesadu Insta story of #VijayDeverakonda 𝙃𝙖𝙩𝙚𝙧𝙨 𝙩𝙝𝙧𝙤𝙬𝙞𝙣𝙜 𝙨𝙩𝙤𝙣𝙚𝙨 𝙤𝙣 𝙝𝙞𝙢 😅 𝘽𝙪𝙩 𝙝𝙚 𝙞𝙨 𝙗𝙪𝙞𝙡𝙙𝙞𝙣𝙜 𝙖𝙣 𝙀𝙢𝙥𝙞𝙧𝙚 𝙬𝙞𝙩𝙝 𝙩𝙝𝙚𝙢 𝙆𝙄𝙉𝙂 👑#Airanevonchalaenti pic.twitter.com/7T1OHhLyGy — THE CHANTI (@chanticomr95290) October 26, 2023 #AiranevanchalaEnti 😅#FamilyStar #VijayDeverakonda pic.twitter.com/u5wEjJeH71 — Ee Nagaraniki Emaindi Meme Project (@enememeproject) October 26, 2023 #Airanevanchalaenti #AlluArjun #FamilyStar @TheDeverakonda Entertainment Teaser 😂 pic.twitter.com/3yRMQQONfr — 𝕂ℝ𝕚𝕤𝕙𝕟🅰️🅰️ (@sAAi_krishnAA) October 26, 2023 Me from last 2 days#FamilyStar @zunkkkkkk @sanjaysahu4510 pic.twitter.com/cwQVSomXdn — Vinsmoke Akhil🚬(Mr.Typo) (@Erengaadu) October 26, 2023 Twitter mottham idhe Lolli🚶🏻‍♂️#Airanevonchalaenti #FamilyStar pic.twitter.com/bMkif1b5LA — Devil🦦 (@AlwaysDevill) October 26, 2023 Sorry but not sorry .#VijayDevarakonda #FamilyStar #AiraneVanchalaEnti pic.twitter.com/KAMGdztXyT — filmyentity (@filmyentity) October 26, 2023 Wait for it🙂#FamilyStar pic.twitter.com/yZER1ciIuT — VIRAT⭐️ #AiraneVanchalaEnti (@ReyyViratuu) October 26, 2023 #FamilyStar X #NaaSaamiRanga 🙂 pic.twitter.com/BFEQa0g1cY — VIRAT⭐️ #AiraneVanchalaEnti (@ReyyViratuu) October 26, 2023

విజయ్‌ దేవరకొండ, మృణాల్ ఠాకూర్ జంటగా నటిస్తోన్న తాజా చిత్రం ఫ్యామిలీ స్టార్‌. ఈ మూవీని దర్శకుడు పరశురామ్‌ తెరకెక్కిస్తున్నారు. ఈ సినిమాను శ్రీ వెంకటేశ్వర క్రియేషన్స్ పతాకంపై దిల్‌రాజు నిర్మిస్తున్నారు. గీత గోవిందం తర్వాత వీరిద్దరి కాంబినేషన్‌లో మరోసారి ‍జతకట్టారు. ఇప్పటికే ఈ చిత్రానికి సంబంధించిన గ్లింప్స్ రిలీజ్‌ చేయగా అదిరిపోయే రెస్పాన్స్ వచ్చింది.  (ఇది చదవండి: అమలాపాల్ రెండో పెళ్లి.. కాబోయే భర్త ఏం చేస్తాడో తెలుసా?) అయితే ఈ మూవీ  గ్లింప్స్‌లో..' ఉల్లిపాయలు కొంటే మనిషికాదా? పిల్లల్ని రెడీ చేస్తే మగాడు కాదా? ఐరనే వంచాలా ఏంటి?’ అని విజయ్‌ విలన్‌కు వార్నింగ్‌ ఇస్తాడు. ప్రస్తుతం 'ఐరనే వంచాలా ఏంటి' అనే డైలాగ్‌ నెట్టింట వైరల్‌గా మారింది. ట్విటర్‌లో ఈ డైలాగ్‌ ట్రెండ్‌ అవుతోంది. ఈ డైలాగ్‌ను సైతం విజయ్ దేవరకొండ తన ఇన్‌స్టా స్టోరీస్‌లో పోస్ట్ చేశారు. అయితే ఈ డైలాగ్‌కు ప్రభాస్ మిర్చి సినిమాలో విలన్‌తో ఫోన్‌లో మాట్లాడే డైలాగ్‌ను జోడించారు. ఇంటర్నెట్‌.. అసలు ఏం నడుస్తోంది? అంటూ ఫన్నీగా క్యాప్షన్ ఇచ్చారు. ఇది చూసిన అభిమానులు ఈ ఐరన్‌ డైలాగ్‌ను జతచేసి పోస్ట్‌ చేయడంతో ఐరనే వంచాలా ఏంటి(#Airanevanchalaenti), ఫ్యామిలీ స్టార్ (#FamilyStar) ట్రెండింగ్‌లోకి వచ్చాయి. ఈ మేరకు నిర్మాణ సంస్థ ఏకంగా పోస్టర్‌నే రిలీజ్‌ చేసింది. (ఇది చదవండి: వరుణ్‌తేజ్‌- లావణ్యల శుభలేఖ ఫోటో చూశారా? ఆరోజే రిసెప్షన్‌!) అయితే దీని వెనుక మరో కారణం ఉందని నెటిజన్స్ కామెంట్స్ చేస్తున్నారు. ఇప్పటికే ఈ ఐరన్‌ డైలాగ్‌, విజువల్స్‌ యాడ్‌ను తలపించేలా ఉన్నాయంటూ ట్రోల్స్‌.. వాటిని తిప్పికొట్టేందుకు టీమ్‌ ఇలా ప్లాన్‌ చేసిందని కొందరు అభిప్రాయం వ్యక్తం చేస్తున్నారు. ఫ్యామిలీ ఎంటర్‌టైనర్‌గా రూపొందుతున్న ఈ సినిమా వచ్చే ఏడాది సంక్రాంతి బరిలో నిలవనుంది.  Maakkuda 🤣🤣 #AiraneVanchalaEnti #FamilyStar https://t.co/nHkerzL0Zk — Sri Venkateswara Creations (@SVC_official) October 26, 2023 Have you said it yet :) pic.twitter.com/5dWTnHJIEp — Vijay Deverakonda (@TheDeverakonda) October 26, 2023

నందమూరి బాలకృష్ణ నటించిన భగవంత్ కేసరి చిత్రంపై ప్రశంసలు కురుస్తున్నాయి. అనిల్ రావిపూడి డైరెక్షన్‌లో తెరకెక్కించిన ఈ చిత్రం దసరా కానుకగా థియేటర్లలో సందడి చేసింది. ఈ చిత్రంలో కాజల్ అగర్వాల్ హీరోయిన్‌గా కనిపించగా.. పెళ్లిసందడి ఫేమ్ శ్రీలీల ప్రత్యేక పాత్రలో కనిపించింది. అయితే ఈ మూవీలోని ఓ డైలాగ్‌ అందరినీ ఆకట్టుకుంది. ఈ చిత్రబృందాన్ని నెటిజన్స్ మెచ్చుకుంటున్నారు. సినిమాలోని గుడ్‌ టచ్‌.. బ్యాడ్‌ టచ్‌ డైలాగ్‌పై నటుడు రాహుల్ రవీంద్రన్ ట్వీట్‌ చేశారు. ఆ ఒక్క డైలాగ్‌తో ప్రజలకు మంచి సందేశాన్ని ఇచ్చారని కొనియాడారు. ఈ ట్వీట్‌కు అనసూయ రిప్ కూడా ఇచ్చింది. రాహుల్ తన ట్వీట్‌లో రాస్తూ.. 'ఈ చిత్రంలో ఒక్క డైలాగ్‌తో  ప్రజలను చైతన్యవంతులను చేశారు. ఒక్క వారంలోనే మెసేజ్ అందరికీ చేరేలా చేశారు. మీడియా ద్వారా అయితే  దాదాపు 10 ఏళ్లు పట్టేది. మాస్‌ మసాల సినిమాలో ఇలాంటి గొప్ప అంశాన్ని పెట్టినందుకు చిత్రబృందానికి కృతజ్ఞతలు. బాలకృష్ణ వల్లే ఇది సాధ్యమైంది. అత్యంత ప్రభావవంతంగా దీన్ని ప్రజల్లోకి తీసుకెళ్లారు. బాలయ్య పక్కన శ్రీలీల చూడటం అద్భుతంగా అనిపించింది.' అంటూ చిత్రబృందానికి శుభాకాంక్షలు తెలిపారు. అయితే ట్వీట్‌కు అనసూయం సైతం స్పందించింది. ఈ సినిమా గురించి ఇంతకంటే గొప్పగా ఎవరూ చెప్పలేరంటూ రిప్లై ఇచ్చింది.  The good touch-bad touch scene in #BhagavantKesari will achieve in a week what other mediums will take 10 years. Thank you for bringing this topic to mass masala cinema @AnilRavipudi garu and NBK garu🙌🏽🙌🏽 Communicated in such a simple and yet highly effective manner like only NBK… — Rahul Ravindran (@23_rahulr) October 23, 2023

ఆది సాయికుమార్‌ టైటిల్‌ రోల్‌లో రూపొందిన చిత్రం ‘సీఎస్‌ఐ సనాతన్‌’. మిషా నారంగ్‌ హీరోయిన్‌. శివశంకర్‌ దేవ్‌ దర్శకత్వంలో అజయ్‌ శ్రీనివాస్‌ నిర్మించిన ఈ చిత్రం మార్చి 10న విడుదల కానుంది. ట్రైలర్‌ని శుక్రవారం విడుదల చేశారు. కార్పొరేట్‌ లీడర్‌ విక్రమ్‌ చక్రవర్తి హత్యను చేధించడమే లక్ష్యంగా సీఎస్‌ఐ (క్రైమ్‌ సీన్‌ ఇన్వెస్టిగేటర్‌) సనాతన్‌ ఐదుగురు నిందితులను విచారించడం ఈ ట్రైలర్‌లో కనబడుతుంది. ఐదుగురూ ఐదు రకాలుగా చెబుతారు. ‘నిజాన్ని అస్సలు ఊహించలేము’ అని సనాతన్‌ చెప్పే డైలాగ్‌తో ట్రైలర్‌ సాగుతుంది. ‘‘మర్డర్‌ మిస్టరీగా రూపొందించిన ఈ చిత్రం ఉత్కంఠభరింతగా ఉంటుంది’’ అని నిర్మాత అజయ్‌ శ్రీనివాస్‌ అన్నారు.  

సాక్షి, వరంగల్‌ క్రైం: వరంగల్‌ పోలీస్‌ కమిషనరేట్‌ పరిధిలో జరిగిన అక్రమాలపై ఉక్కుపాదం మోపేది టాస్క్‌ఫోర్స్‌.. కానీ ఆ విభాగంలోని అధికారుల్లో కొందరు అవే అక్రమాలకు పాల్పడడం... విచారణలో తెలిసిన విషయాలు చూసి నివ్వెరపోయిన పోలీస్‌ కమిషనర్‌ ఏవీ రంగనాథ్‌ నలుగురిపై సస్పెన్షన్‌ వేటు వేశారు. ఈ విషయం కమిషరేట్‌లో కలకలం రేపింది. టాస్క్‌ఫోర్స్‌ ఇన్‌స్పెక్టర్‌ వి.నరేష్‌కుమార్, హెడ్‌ కానిస్టేబుళ్లు పి.శ్యాంసుందర్, కె.సోమలింగం, కానిస్టేబుల్‌ బి.సృజన్‌లు బియ్యం దందాతోపాటు మ రికొన్నింట్లో అక్రమ వసూళ్లకు పాల్పడినట్లు తేలడంతో సస్పెండ్‌ చేస్తూ సీపీ సోమవారం రాత్రి ఉత్తర్వులు జారీ చేశారు. డిసెంబర్‌ 3న పోలీస్‌ కమిషనర్‌గా బాధ్యతలు చేపట్టిన ఏవీ రంగనాథ్‌ ముందుగా సొంతింటిని చక్కబెట్టుకోవడం పట్ల ప్రజలు హర్షం వ్యక్తం చేస్తున్నారు.  అక్రమ వసూళ్లకు వారే సూత్రధారులు  వరంగల్‌ పోలీస్‌ కమిషనరేట్‌లో టాస్క్‌ఫోర్స్‌ ఏర్పడినప్పటినుంచి కొంతమంది సిబ్బందికి ఎలాంటి బదిలీలు లేవు. దీంతో శాఖలోని లొసుగులను ఆసరా చేసుకుని వసూళ్లకు తెరలేపినట్లు సమాచారం. ఉన్నతాధికారులను తప్పుదోవ పట్టించి టాస్క్‌ ఫోర్స్‌ను అడ్డుపెట్టుకుని సస్పెన్షన్‌కు గురైన ఓ హెడ్‌ కానిస్టేబుల్‌ ఏకంగా లక్షల రూపాయల వసూళ్లకు పా ల్పడినట్లు ఆరోపణలు వినిపిస్తున్నాయి. ఆ కానిస్టేబుల్‌కు రూ.10వేల కంటే తక్కువ ఇస్తే వాటిని ముఖంపై విసిరికొట్టేవాడని చెబుతుండేవారు. కొంతకాలంగా వీరిపై వస్తున్న వసూళ్ల ఆరోపణలపై దృష్టి సారించిన సీపీ రంగనాథ్‌ ఆ దిశగా విచారణ జరిపారు. కొందరు అధికారుల అవినీతి బయటపడుతుందని ఆశించిన వారికి టాస్క్‌ఫోర్స్‌లో అది వెలుగుచూడడంతో ఆశ్చర్యానికి గురయ్యారు. రెండు బృందాల్లోని టాస్క్‌ఫోర్స్‌లో కీలకంగా పనిచేసిన ఇద్దరు హెడ్‌ కానిస్టేబుళ్లు ఒకేసారి సస్పెండ్‌ కావడం చూస్తుంటే ఏ స్థాయిలో వసూళ్లు జరిగాయో అర్థం చేసుకోవచ్చు. వారం రోజుల విచారణ...నలుగురిపై వేటు పీడీఎస్‌ బియ్యం దందాపై జరిగిన విచారణలో భా గంగా హసన్‌పర్తికి చెందిన ఓ బియ్యం వ్యాపారి, మిల్స్‌కాలనీ పీఎస్‌ పరిధిలో ఉండే మరో వ్యాపారి, ఓ రిపోర్టర్‌ను వారం రోజులపాటు విచారించడంతో నిజాలు వెలుగుచూసినట్లు తెలిసింది. మామూ ళ్ల వసూళ్లలో కమిషనరేట్‌కు చెందిన అధికారులు పెద్ద సంఖ్యలో ఉండడం గమనార్హం. వరుస సస్పెన్షన్‌ వేట్లతో ఉరికిస్తున్న సీపీ.. రానున్న రోజుల్లో ఎవరిపై చర్యలు హాట్‌టాపిక్‌గా మారింది.  చంటి లోకల్‌.. వసూళ్ల సూత్రధారి ఓ రిపోర్టర్‌  వేటుపడిన టాస్క్‌ఫోర్స్‌ అధికారి ఉన్నతాధికారుల ముందు ‘చంటి లోకల్‌...అధికారులు వస్తారు...పోతారు’ అనే సినిమా డైలాగ్‌ను పదేపదే చెప్పడంతోపాటు తనకు ఓ ఎమ్మెల్యే అండ ఉందని, తనను ఎవరు ఏమీ చేయరనే ధైర్యంతో వసూళ్లకు పాల్పడినట్లు ఆరోపణలు వస్తున్నాయి. ప్రతినెలా లక్షల రూపాయల వరకు వసూళ్లకు పాల్పడినట్లు తెలిసింది. వరంగల్‌ ప్రాంతంలో ఓ యూ ట్యూబ్‌ రిపోర్టర్‌ను మధ్యవర్తిగా పెట్టుకుని పెద్ద మొత్తంలో వసూలు చేసినట్లు విచారణలో వెలుగు చూసింది.   (చదవండి: మానవత్వంలో ‘రాజా’రాం... )

కోల్‌కతా: సినిమా డైలాగులు పేల్చడం రాజకీయ నాయకులకు ఈమధ్య బాగా అలవాటైంది. అయితే పంచ్‌ కోసం పేలుస్తున్న ఆ డైలాగులు.. ఒక్కోసారి బెడిసి కొడుతున్నాయి కూడా. తృణమూల్‌ కాంగ్రెస్‌ నేత మనోజ్‌ తివారీ తాజాగా అల్లు అర్జున్‌ పుష్ఫ సినిమాలోంచి కొట్టిన డైలాగ్‌.. బీజేపీకి బాగా కోపం తెప్పించింది.  మొత్తం బెంగాల్‌ ప్రభుత్వం తీరే పుష్ప సినిమాలాగా ఉంది. ఎర్ర చందనపు స్మగర్ల సినిమాలో ఏవో డైలాగులు కొడితే.. ఇక్కడి టీఎంసీ నేత కూడా అలాగే డైలాగులు కొడుతున్నాడు. ఒకరేమో యువత హక్కులను దోచుకుంటున్నారు. మరొకరేమో స్కామ్‌లు చేసి వాళ్ల భవిష్యత్తుతో ఆడుకుంటున్నారు. టీఎంసీ నేతల తీరు.. ఆ సినిమాలోని ఎర్ర చందనపు స్మగ్లర్లలాగే ఉంది. వాళ్లతో పాటు ఆ పార్టీ ఒరిజినల్‌ క్యారెక్టర్లను బయటపెడుతోంది అంటూ బీజేపీ నేత ఉమేశ్‌ రాయ్‌ మండిపడ్డారు.  క్రికెటర్‌ నుంచి రాజకీయ నేత, రాష్ట్ర క్రీడాశాఖ మంత్రిగా ఎదిగిన మనోజ్‌ తివారీ.. ఆదివారం ఓ ర్యాలీలో పార్టీ కార్యకర్తలంతా సంఘటితంగా ఉండాలని ఆకాంక్షించారు. ఈ క్రమంలో.. పుష్ప సినిమాలోని ఝుకేగా నహీ సాలా' (తెలుగులో నీయవ్వ.. తగ్గేదే లే) అంటూ బీజేపీకి సవాల్‌ విసిరాడు. ఈ వ్యాఖ్యలపైనే బీజేపీ భగ్గుమంది. అయితే.. ర్యాలీ సందర్భంగా ఆయన చేసిన వ్యాఖ్యలు దుమారం రేపడంతో..  మీడియా ప్రతినిధులు ఆయన తీరును ప్రశ్నించారు. దీంతో ఆయన  నేను అలా మాట్లాడి ఉండాల్సింది కాదు.. ఆ డైలాగ్‌ కొట్టాల్సింది కాదు అని తివారీ క్షమాపణలు చెప్పారు.

ముంబై: మహారాష్ట్రకు చెందిన ఓ వ్యక్తి పోలీసు అధికారి కుర్చిలో కూర్చొన్న వీడియో  సోషల్‌ మాధ్యమంలో తెగ వైరల్‌ అయ్యింది. దీంతో సీరియస్‌ అయిన పోలీసులు సదరు వ్యక్తిని అరెస్టు చేశారు. సదరు వ్యక్తి బిల్డర్‌ సురేష్‌ పాండురంగ పాటిల్‌ అలియాస్‌ చౌదరి అని, మాన్‌పాడ పోలీస్‌ స్టేషన్‌కి ఫిర్యాదు చేయడానికి వచ్చి ఈ వీడియోని షూట్‌ చేసినట్లు పోలీసులు పేర్కొన్నారు. ఆ వీడియోలో బ్యాక్‌గ్రౌండ్‌లో రాణి నహీం హై తో క్యా హుమా యే బాద్షా ఆజ్‌ భీ లకోన్‌ దిలోన్‌ పే రాజ్‌ కర్తా హై (నాకు రాణి లేకపోయినప్పటికీ లక్షల హృదయాలను పాలిస్తున్నాడు) అనే డైలాగ్‌ వస్తుంది. అంతేగాదు సదరు వ్యక్తి తన స్నేహితులతో కలిసి  తుపాకీ ఊపుతూ ఫోజ్‌ పెట్టిన మరో వీడియోని కూడా జోడించి మరీ పోస్ట్‌ చేశాడు. దీంతో ఆ వ్యక్తి ఏ పోలీస్టేషన్‌లో షూట్‌ చేశాడో అక్కడే పోలీసులు అరెస్టు చేశారు. ప్రభుత్వోద్యోగిగా నటించడం, ఆయుధాన్ని కలిగి ఉండటం వంటి నేరాలకు గాను కేసు నమోదు చేసి అదుపులోకి తీసుకున్నారు. ఈ మేరకు పోలీసులు మాట్లాడుతూ...బిల్డర్‌ సురేష్‌ మాన్‌పాడ పోలీస్‌ స్టేషన్‌లో నరబలి, మూఢనమ‍్మకాలకు పేరుతో ఓ వ్యక్తి చేతిలో రూ. 19 లక్షలు పొగొట్టుకున్నానంటూ ఫిర్యాదు చేశాడు. ఆ తదనంతరం కోర్టు ఆదేశాల మేరకు ఆ డబ్బులు వసూలు చేసుకునేందుకు పోలీస్టేషన్‌కి వచ్చినప్పుడు ఈ అకృత్యానికి పాల్పడ్డాడు. ప్రస్తుతం వివిధ పోలీస్టేషన్‌లో అతనిపై ఏడు క్రిమినల్‌ కేసులు నమోదయ్యాయని, అలాగే అతని వద్ద నుంచి లైసెన్సు తుపాకిని, మెర్సిడేజ్‌ కారు, కొడవలి, ఐదు లైవ్‌ కాట్రిడ్జిలు స్వాధీనం చేసుకున్నారు. Man Shoots Video From Cop's Chair, Gets Locked Up At Same Police Station https://t.co/Fe9ToXGilt pic.twitter.com/fsAICzuthK — NDTV News feed (@ndtvfeed) November 1, 2022 (చదవండి: దాగుడుమూతలు ఆడుతూ.. లిఫ్ట్ కిటికిలో తల పెట్టి...)

అధికారం ఉందని ఓ మహిళను అడ్డుపెట్టుకుని తనపై అక్రమ కేసు బనాయించారంటూ బీజేపీపై ఆరోపణలు గుప్పించాడు గుజరాత్‌ ఎమ్మెల్యే జిగ్నేష్‌ మెవానీ. అస్సాంలో మహిళా కానిస్టేబుల్‌ను దుర్భాషలాడిన చేసిన కేసులో జిగ్నేష్‌ మేవానీకి శుక్రవారం బెయిల్‌ లభించిన విషయం తెలిసిందే. బెయిల్‌పై బయటికి వచ్చి రాగానే అ‍ల్లు అర్జున్‌ పుష్ప సినిమాలోని ఫేమస్‌ డైలాగ్‌ కొట్టాడాయన. పుష్ప సినిమాలోని ఝుకేగా నహీ(తలవంచను).. తగ్గేదే లే.. డైలాగ్‌తో ఓ మీడియా ఛానెల్‌ ముందు పుష్పరాజ్‌ తరహా మేనరిజాన్ని ప్రదర్శించాడు జిగ్నేష్‌ మేవానీ. ‘‘నా అరెస్ట్‌ సాధారణ విషయం కాదు. పీఎంవోలో ఉన్న పొలిటికల్‌ బాస్‌ల సూచనలతోనే జరిగింది. నేను చేసిన ట్వీట్‌లో తప్పేం లేదు. ఆ విషయం ఇప్పటికీ గర్వంగా చెప్తున్నా..  జరిగిన మతఘర్షణలను, అల్లర్లను చూసి ఈ దేశంలో ఒక పౌరుడిగా శాంతి సామరస్యాలను కాపాడమని దేశ ప్రధానిని కోరా. అడగడానికి నాకు హక్కు ఉంది. అంటేకాదు చట్ట సభ ప్రతినిధిగా శాంతిని పాటించాలని ప్రజలను కోరా. అది నా విధి. అదేగా నేను చేసింది. దానికే కేసు పెట్టి అరెస్ట్‌ చేశారు అని మేవానీ తెలిపారు.    ఆపై ఒక ఆడదాన్ని అడ్డుపెట్టి.. కథను అల్లి మరో కేసు పెట్టారు. పిరికిపంద చర్యే ఇది. గుజరాత్‌ ఎన్నికలు దగ్గర పడుతున్నాయి కదా అందుకే బీజేపీ ఇలా చేస్తోంది అని మేవానీ ఆరోపించారు. అరెస్ట్‌ వేళ తనకు మద్దతు ఇచ్చిన అస్సాం ప్రజానీకానికి, కాంగ్రెస్‌కు ధన్యవాదాలు తెలిపాడాయన. అలాగే ఎక్కడో అస్సాంలో తనను అరెస్ట్‌ చేయడం, కేసులు బనాయించి బయటకు రాకుండా చేయడం.. ముమ్మాటికీ బీజేపీ కుట్రే అని అంటున్నాడు. ప్రశ్నించేవారిపై అక్రమంగా కేసులు బనాయిస్తున్నారు వీళ్లు. అలాగే ఎన్నికలు దగ్గర పడుతుండడంతో నన్నూ టార్గెట్‌ చేశారు. దళితులు, గుజరాత్‌ ప్రజలు ఇదంతా గమనిస్తున్నారు. సరైన టైంలో బుద్ధి చెప్తారు. గుజరాత్‌ ఎన్నికల్లో వాళ్లు(బీజేపీ) మూల్యం చెల్లించుకోక తప్పదు. అని పేర్కొన్నాడు ఎమ్మెల్యే మేవానీ. (చదవండి:ఎట్టకేలకుజిగ్నేష్‌ మేవానీకి బెయిల్‌) పోలీసులపై కోర్టు ఆగ్రహం మహిళా కానిస్టేబుల్‌పై దాడి కేసులో గుజరాత్ ఎమ్మెల్యే జిగ్నేష్ మేవానీని ‘‘కావాలనే’’ ఇరికించేందుకు ప్రయత్నించారంటూ అస్సాం పోలీసులపై అక్కడి కోర్టు మండిపడింది. బార్‌పేట కోర్టు మేవానీకి బెయిల్‌ మంజూర్‌ చేసే క్రమంలో తీవ్రంగా పోలీసులను మందలించింది. రాష్ట్రాన్ని పోలీస్‌ స్టేట్‌గా మార్చాలనుకుంటున్నారా? అని ప్రశ్నించింది.

Yash KGF 2 Movie Popular Violence Dialogue On Wedding Card: ప్రస్తుతం సినీ ఇండస్ట్రీలో  'కేజీఎఫ్‌ 2' మేనియా కనిపిస్తోంది. ఈ సినిమా చూసిన ప్రతి ఒక్కరు హీరో యశ్‌, దర్శకుడు ప్రశాంత్‌ నీల్‌పై ప్రశంసలు కురిపిస్తున్నారు. టాలీవుడ్‌, బాలీవుడ్‌ అనే కాదు ఏ చిత్ర పరిశ్రమలో అయినా 'కేజీఎఫ్ 2' గురించే టాక్‌. భారీ అంచనాల మధ్య ఏప్రిల్‌ 14న వరల్డ్ వైడ్‌గా రిలీజైన ఈ చిత్రానికి ప్రేక్షకులు బ్రహ్మరథం పడుతున్నారు. డైరెక్టర్‌ ప్రశాంత్‌ నీల్‌ టేకింగ్‌కు, యశ్‌ యాక్టింగ్‌, యాక్షన్‌కు ఫిదా అవుతున్నారు. ముఖ్యంగా ఈ మూవీలో యశ్ చెప్పిన డైలాగ్‌లో పత్యేకంగా ఆకట్టుకుంటున్నాయి. ట్రైలర్‌ విడుదలైనప్పటినుంచే యశ్‌ డైలాగ్‌లకు విపరీతమైన క్రేజ్‌ పెరిగింది.  ఇందులోని 'వయలెన్స్‌.. వయలెన్స్‌.. వయలెన్స్‌.. ఐ డోంట్‌ లైక్‌ ఇట్‌' ఎంత పాపులర్‌ అయిందో ప్రత్యేకంగా చెప్పనవసరం లేదు. ఈ డైలాగ్‌తో అనేక మీమ్స్‌, రీల్స్ వచ్చి ఎంతో అలరించాయి. అయితే తాజాగా ఈ డైలాగ్‌ తరహాలో తన మ్యారేజ్‌ గురించి వెడ్డింగ్‌ కార్డ్‌పై డైలాగ్‌ ప్రింట్‌ చేయించడం వైరల్‌ అవుతోంది. కర్ణాటకలోని బెళగావికి చెందిన చంద్రశేఖర్‌ తన పెళ్లి శుభలేఖపై 'మ్యారేజ్‌.. మ్యారేజ్‌.. మ్యారేజ్‌.. ఐ డోంట్‌ లైక్‌ ఇట్‌. ఐ అవైడ్‌. బట్‌, మై రిలేటివ్స్‌ లైక్‌ మ్యారేజ్‌. ఐ కాంట్‌ అవైడ్‌.' అని ముద్రించాడు. దీంతో ఈ వెడ్డింగ్‌ కార్డు సోషల్‌ మీడియాలో చక్కర్లు కొడుతోంది. ఇది రాకీ భాయ్‌ క్రేజ్‌ అని ఫ్యాన్స్‌ సంబరపడిపోతున్నారు. అలాగే మరోపక్క బాక్సాఫీస్‌ వద్ద 'కేజీఎఫ్‌ 2' వైలెన్స్‌ బీభత్సంగా ఉంది. ప్రపంచవ్యాప్తంగా ఈ మూవీ 6 రోజుల్లో రూ. 645 కోట్లను వసూలు చేసి కలెక్షన్ల సునామీ సృష్టిస్తోంది.  చదవండి: కేజీఎఫ్‌ 2 ఎఫెక్ట్‌: బాలీవుడ్‌పై ఆర్జీవీ షాకింగ్ కామెంట్స్‌.. చదవండి: రాకీభాయ్‌ ఊచకోత.. ‘కేజీయఫ్‌ 2’ కలెక్షన్స్‌ ఎంతంటే..

న్యూఢిల్లీ: భారత్‌–అమెరికాల మధ్య రెండో విడత 2+2  మంత్రుల స్థాయి చర్చలు 18వ తేదీన జరగనున్నాయి. రెండు దేశాల వ్యూహాత్మక సంబంధాలను సమీక్షించే ఈ భేటీ వాషింగ్టన్‌లో జరుగనుందని విదేశాంగ శాఖ గురువారం తెలిపింది. మన దేశం తరఫున విదేశాంగ మంత్రి ఎస్‌.జై శంకర్, రక్షణ మంత్రి రాజ్‌నాధ్‌ సింగ్‌ ఇందులో పాల్గొంటారని విదేశాంగ శాఖ ప్రతినిధి రవీశ్‌కుమార్‌ వెల్లడించారు. తాజాగా పార్లమెంట్‌ ఆమోదం పొందిన పౌరసత్వ బిల్లుపై వ్యక్తమైన అభ్యంతరాలపై అమెరికా ప్రజాప్రతినిధులతో మాట్లాడామన్నారు. భారత్‌ వైఖరిని వారు అర్థం చేసుకుంటారని ఆశిస్తున్నామన్నారు. ఈ బిల్లుపై ఆందోళనలు కొనసాగుతున్న నేపథ్యంలో గువాహటిలో 15వ తేదీ నుంచి 17 వరకు జరగాల్సిన భారత్‌–జపాన్‌ భేటీ వేదికపై ప్రస్తుతానికి ఎలాంటి మార్పూ లేదన్నారు. బంగ్లాదేశ్‌ విదేశాంగ మంత్రి ఏకే అబ్దుల్‌ మొమెన్‌ భారత్‌ పర్యటన వాయిదా వేసుకోవడంపై ఆయన స్పందిస్తూ.. బంగ్లాదేశ్‌లో ప్రస్తుత ప్రభుత్వ హయాంలో మత పరమైన హింస జరుగుతున్నట్లు భారత్‌ ఎన్నడూ విమర్శించలేదన్నారు. పౌరసత్వ బిల్లుపై పాక్‌ ప్రధాని ఇమ్రాన్‌ ఖాన్‌ చేసిన వ్యాఖ్యలపై ఆయన స్పందిస్తూ.. భారత్‌ అంతరంగిక విషయాల్లో జోక్యం చేసుకునే ముందు సొంత దేశంలో మైనారిటీలపై ఎలాంటి వివక్ష కొనసాగుతోందో తెలుసుకోవాలన్నారు.

స్టైలిష్ స్టార్ అల్లు అర్జున్ మళ్లీ సోషల్ మీడియాలో అడ్డంగా దొరికిపోయాడు. మొన్నీ మధ్యే మోదీ తనకు ఇన్సిపిరేషన్ అంటూ బన్నీ ఇచ్చిన స్టేట్ మెంట్ వైరల్ అయి దుమారం రేపింది. ఇప్పుడు కొత్త చిత్రం నా పేరు సూర్య డైలాగ్ ఇంపాక్ట్ మూలంగా బన్నీని సోషల్ మీడియాలో నిర్దాక్షిణ్యంగా ట్రోల్ చేసి పడేస్తున్నారు.    ‘సౌత్ ఇండియా.. నార్త్‌ ఇండియా.. ఈస్ట్.. వెస్ట్‌.. అన్ని ఇండియాలు లేవురా మనకి ఒక్కటే ఇండియా’ అంటూ డైలాగ్ చెబుతాడు. అయితే అల్లు అర్జున్ అఫీషియల్ ట్విటర్ ప్రొఫైల్ లో మాత్రం "సౌత్ ఇండియన్ యాక్టర్'' అని ఉండటం గమనించిన కొందరు.. దేశభక్తి డైలాగుల వరకేనా? అంటూ ప్రశ్నిస్తున్నారు. మరికొందరు.. రీల్ స్టార్సే తప్ప రియల్ స్టార్స్ కాదంటూ... ట్వీట్లు చేస్తూ బన్నీని ఏకేస్తున్నారు. ఇక యాంటీ ఫ్యాన్స్ గురించి ప్రత్యేకంగా ప్రస్తావించాల్సిన అవసరం లేదు.  ఆ సంగతి పక్కన పెడితే వక్కంతం వంశీ డైరెక్షన్ లో తెరకెక్కిన "నా పేరు సూర్య చిత్రంలో అనూ ఇమ్మాన్యూయేల్ హీరోయిన్ కాగా, అర్జున్, బొమన్ ఇరానీ, రాధిక శరత్ కుమార్, రావు రమేష్, వెన్నెల కిషోర్ తదితరులు ముఖ్య పాత్రల్లో కనిపించబోతున్నారు.  మే 4న ఈ చిత్రం ప్రపంచ వ్యాప్తంగా విడుదల కానుంది.

ఇస్లామాబాద్‌ : అంతర్జాతీయంగా మారుతున్న సమీకరణల నేపథ్యంలో పాకిస్తాన్‌ వైఖరిలో మార్చు వచ్చినట్లు కనిపిస్తోంది. చతుర్భుజ కూటమితో భారత్‌ బలోపేతమవుతున్ననేపథ్యంలో పాకిస్తాన్‌.. రెండడుగులు వెనక్కి వేసినట్లు తెలుస్తోంది. కశ్మీర్‌ సహా పలు వివాదాస్పద అంశాలపై భారత్‌తో చర్చలకు తాము సిద్ధమంటూ పాకిస్తాన్‌ గురువారం ప్రకటించింది. దశాబ్దాలుగా అత్యంత వివాదాస్పద అంశంగా నలుగుతున్న కశ్మీర్‌ సహా, సియాచిన్‌, సిర్‌క్రీక్‌ వంటి అంశాలపై చర్చలు పునఃప్రారంభించేందుకు సిద్ధంగా ఉన్నామంటూ.. పాకిస్తాన్‌ విదేశాంగ శాఖ అధికార ప్రతినిధి మహమ్మద్‌ ఫైసల్‌ ప్రకటించారు. బుధవారం ఆయన ఇస్లామాబాద్‌లో మాట్లాడుతూ.. చర్చలకు మేం సిద్ధంగా ఉన్నాం.. భారత ప్రతిస్పందన కోసం ఎదురు చూస్తున్నామని ప్రకటించారు. పాకిస్తాన్‌ సైనిక చట్టాల ప్రకారం.. మిలటరీ కోర్టు ఉరిశిక్ష విధించాక.. ఎవరినీ కలిసేందుకు అనుమతించం..అయితే కేవలం మానవతా దృక్ఫథాన్ని దృష్టిలో పెట్టుకుని కులభూషన్‌ జాదవ్‌ను కలిసేందుకు ఆమె భార్యకు అనుమతి ఇచ్చినట్లు ఆయన తెలిపారు. ఈ మధ్య కాలంలో భారత్‌ క్రూయిజ్‌ మిసైల్‌ను పరీక్షించడంపైనా ఆయన స్పందించారు. భారత్‌ మిసైల్‌ పరీక్షలు నిర్వహించడం​ వల్ల రీజియన్‌లో శాంతి భద్రతలు ప్రమాదంలో పడతాయని ఆయన అన్నారు.


 న్యూఢిల్లీ: రాళ్ల దాడులు ఆగిపోయేవరకు కశ్మీర్‌ సమస్యపై ఎలాంటి మాటలు లేవని బీజేపీ జాతీయ అధ్యక్షుడు అమిత్‌ షా అన్నారు. ఒక్కసారి దాడులు ఆగితే ప్రారంభమయ్యేది చర్చలే అని ఆయన స్పష్టం చేశారు. ప్రతి ఒక్కరితో తాము చర్చించేందుకు సిద్ధమని అన్న ఆయన ముందు రాళ్ల దాడులు ముగిసిపోవాలని, సైనికులపై దాడులు ఆగాలని చెప్పారు. గతంలో పనిచేసిన ఎన్డీయే మాదిరిగానే ఇప్పటి ఎన్డీయే కూడా వేర్పాటువాదులతో చర్యలు జరుపుతారా అని అమిత్‌ షాను ప్రశ్నించగా ఆయన ఈ విధంగా స్పందించారు.
 
 ‘మేం ఇప్పటికే చెప్పాం. రాళ్ల దాడి ముగిసిన వెంటనే చర్చల ప్రక్రియ ప్రారంభిస్తామని. కానీ అక్కడ ఇంకా రాళ్ల దాడులు జరుగుతున్నాయి. ఇలాంటి పరిస్థితుల్లో చర్చలు చేయలేం. వాళ్లు రాళ్లు విసురుతుంటే మేం పువ్వులివ్వలేం. వారే ఈ విషయాన్ని అర్థం చేసుకోవాలి’ అని అమిత్‌ షా అన్నారు. ప్రస్తుతం పీడీపీ ఆధ్వర్యంలో నడుస్తున్న ప్రభుత్వంతో సంతృప్తి చెందుతున్నారా అని ప్రశ్నించగా చాలా బాగా పనిచేస్తుందని అన్నారు. బీజేపీ, పీడీపీ భాగస్వామ్యంతో జమ్ముకశ్మీర్‌లో ప్రభుత్వాన్ని ఏర్పాటుచేసిన విషయం తెలిసిందే.


 న్యూఢిల్లీ: అయోధ్యలో రామమందిరం నిర్మాణం విషయంలో ఉత్తరప్రదేశ్‌ ముఖ్యమంత్రి యోగి ఆదిత్యానాథ్‌ స్పందించారు. చర్చలతో, మధ్యే మార్గంగా అయోధ్య సమస్యను పరిష్కరించుకోవాలని సుప్రీంకోర్టు ఇచ్చిన సలహాను తాను స్వాగతిస్తున్నానని అన్నారు. తప్పనిసరిగా చర్చల ద్వారానే రామమందిరం విషయంలో పరిష్కారం జరగాల్సిన అవసరం ఉందని ఆరెస్సెస్‌ అధికారిక మేగిజిన్‌ పాంచజన్యకు ఇంటర్వ్యూ సందర్భంగా స్పష్టం చేశారు.
 
 కొత్త సీఎంగా బాధ్యతలు చేపట్టినప్పటి నుంచి యోగి వాయువేగంతో నిర్ణయాలు తీసుకుంటూ ముందుకెళుతున్న విషయం తెలిసిందే. ముఖ్యంగా కబేళాల విషయంలో తీసుకున్న నిర్ణయం తీవ్ర చర్చగా మారింది. ఈ నేపథ్యంలో రామమందిర నిర్మాణం విషయంలో కూడా యోగి ఎలాంటి అభిప్రాయం వ్యక్తం చేస్తారో అని ప్రతి ఒక్కరు ఆసక్తిగా ఎదురుచూశారు. దీంతో తాజాగా చర్చల మార్గానికే ఆయన మద్దతిస్తూ అభిప్రాయం చెప్పడం ప్రాధాన్యం సంతరించుకుంది.
 
 ‘సుప్రీంకోర్టు ఇచ్చిన సలహాను నేను స్వాగతిస్తున్నాను. ఈ సమస్య వివాద రహితంగా సమన్వయంతో చర్చల జరపడం ద్వారా పరిష్కరించుకోవాలి. దీనికోసం ప్రభుత్వ సహకారం కావాల్సి వస్తే అందించేందుకు మేం సిద్ధంగా ఉన్నాం’ అని యోగి చెప్పారు. గతంలో నేషనల్‌ గ్రీన్‌ ట్రిబ్యునల్‌ (ఎన్‌జీటీ) 2015లో, హైకోర్టు 2017లో ఇచ్చిన మార్గదర్శకాల ఆధారంగానే తాము అక్రమ కబేళాలపై కొరడా ఝళిపించామని అన్నారు. ఇక ఆహారం విషయంలో ఎవరి ఇష్టం వారిదని అన్నారు. కాయగూరల భోజనం చేసేవారి ఆరోగ్యం బాగుంటుందని, అయితే, ఈ విషయంలో వ్యక్తిగత స్వేచ్ఛ ప్రతి ఒక్కరికీ ఉందని అన్నారు. అయితే, స్వేచ్ఛ పేరుతో అక్రమ చర్యలు చేస్తే మాత్రం ప్రభుత్వం తనపని తాను చేసుకుపోతుందని స్పష్టం చేశారు. 


 ‘‘హీరో ఇమేజ్‌ కంటే క్యారెక్టర్‌ ఇమేజ్‌ తక్కువయితే... హీరోయిజాన్ని ఎలివేట్‌ చేసే ప్రయత్నం చేయాలి. శాతకర్ణిలో అలాంటి డైలాగులు రాసే అవసరం రాలేదు’’ అన్నారు మాటల రచయిత సాయిమాధవ్‌ బుర్రా. బాలకృష్ణ హీరోగా క్రిష్‌ దర్శకత్వంలో వై. రాజీవ్‌రెడ్డి, సాయిబాబు నిర్మించిన ‘గౌతమిపుత్ర శాతకర్ణి’ ఈ నెల 12న రిలీజవుతోంది. సాయిమాధవ్‌ చెప్పిన సంగతులు...
 
 ►  ‘కృష్ణం వందే జగద్గురుమ్‌’ తర్వాత క్రిష్‌గారు శాతకర్ణిపై పరిశోధన ప్రారంభించారు. హిందీలో ‘గబ్బర్‌’, తర్వాత తెలుగులో ‘కంచె’ చేస్తూనే క్రిష్‌ రీసెర్చ్‌ కొనసాగించారు. ఆయన నాతో చెప్పిన తర్వాత నేనూ రీసెర్చ్‌ చేశా. తెనాలిలో ‘యజ్ఞశ్రీ శాతకర్ణి’కి ఆచార్య నాగార్జునుడు రాసిన లేఖల ద్వారా అప్పటి సంస్కృతి తెలిసింది.
 
 ►  చిన్న చిన్న గణరాజ్యాలుగా ఉన్న భారతావనిని ఓ దేశంగా మార్చడానికి శాతకర్ణి ఎలాంటి యుద్ధం చేశాడనేది ఈ చిత్రకథ. శాతకర్ణికున్న బిరుదుల్లో ‘త్రిసముద్ర తోయపాన వాహన’ ఒకటి. ‘మూడు సముద్రాల్లోనూ నీళ్లు తాగిన గుర్రాలను అధిరోహించినవాడు’ అని అర్థం. ఓటమి ఎరుగని శాతకర్ణి విజయగాథ – ఈ చిత్రకథ.
 
 ► కథ సిద్ధమైన తర్వాత ‘బాలకృష్ణగారు తప్ప ఇంకెవరూ శాతకర్ణి పాత్రను చేయలేరేమో’ అనంటే... ‘ఆల్రెడీ నేను మాట్లాడాను. ఆయనే చేస్తున్నారు’ అన్నారు క్రిష్‌. చరిత్రలో జరిగింది చెబుతున్నాం. కథలో కల్పితాలు ఏం లేవు.
 
 ► తొలిసారి మొరాకో సెట్స్‌లో బాలకృష్ణగారికి డైలాగులు చెప్పడానికి వెళ్లినప్పుడు నాకు భయం వేసింది. 99 సినిమాల్లో మహానుభావులు రాసిన డైలాగులు చెప్పారాయన. నా డైలాగులు నచ్చుతాయో? లేదో? అనుకున్నా. ఆయన ఒక్క డైలాగ్‌ కూడా మార్చమనలేదు. శాతకర్ణి శక్తిమంతుడు కావడంలో మంచి డైలాగులు పడ్డాయి.
 
 ► ‘ఖైదీ నంబర్‌ 150’లో కొన్ని సీన్లకు డైలాగులు రాశా. చిన్నప్పట్నుంచీ చిరంజీవి, బాలకృష్ణ చిత్రాలు చూస్తూ ఇక్కడి వరకూ వచ్చా! వాళ్లే నాకు స్ఫూర్తి. వాళ్ల ప్రయాణంలో మైలురాళ్లుగా నిలిచే చిత్రాలకు మాటలు రాయడం అదృష్టం. ఎవరూ కలలు కనే ధైర్యం కూడా చేయని అరుదైన సంఘటన నా జీవితంలో జరిగింది. సావిత్రి గారి జీవితకథతో నాగ అశ్విన్‌ తీయబోయే ‘మహానటి’కి, హీరో సందీప్‌కిషన్‌–మంజుల సినిమాకి మాటలు రాస్తున్నా.


 న్యూయార్క్‌: ఇరు దేశాల మధ్య సమస్యలను చర్చించుకోవడానికి రావాల్సిందిగా భారత్‌, పాకిస్థాన్‌ను మరోసారి ఐక్యరాజ్యసమితి ప్రధాన కార్యదర్శి బాన్‌ కీ మూన్‌ ఆహ్వానించారు. రెండు దేశాల మధ్య ఉన్న నియంత్రణ రేఖ వద్ద జరుగుతున్న పరిణామాలు తనకు తీవ్ర ఆందోళన కలిగిస్తోందని, చర్చల ద్వారా సమస్యను పరిష్కరించుకోవచ్చని అన్నారు. దక్షిణాసియా దేశాల్లో శాంతియుత పరిస్ధితులు ఉంటేనే ప్రపంచమంతా కూడా శాంతియుతంగా ఉంటుందని చెప్పిన ఆయన చర్చలకే భారత్‌-పాక్‌ దేశాలు ప్రాధాన్యం ఇవ్వాలని అన్నారు.
 
 ఈ నెలాఖరులో బాన్‌ కీ మూన్‌ పదవీ కాలం ముగుస్తున్న నేపథ్యంలో ఈ వ్యాఖ్యలు చేయడం గమనార్హం. బాన్‌ కీ మూన్‌ తరుపున ఐక్యరాజ్య సమితి అధికార ప్రతినిధి ఫరాన్‌ హక్‌ ఈ ప్రకటన విడుదల చేశారు. భారత్‌లో సరిహద్దు వద్ద మానవ హక్కుల ఉల్లంఘనలు జరుగుతున్నాయని, అయినా ఈ విషయాన్ని ఐక్యరాజ్యసమితి చూసి చూడనట్లు వ్యవహరిస్తోందంటూ ఓ పాక్‌ జర్నలిస్టు ఫిర్యాదు చేశారు. ఈ నేపథ్యంలో హక్‌ స్పందిస్తూ మూన్‌ మాటలుగా పలు విషయాలు చెప్పారు. కశ్మీర్‌ విషయాన్ని పట్టించుకోవడం లేదనే మాటలు సరికాదని, తాము అన్నింటిని పరిశీలిస్తున్నామని, ఎప్పటికప్పుడు ప్రకటనలు కూడా చేస్తూనే ఉన్నామని తెలిపారు. పాక్‌- భారత్‌ దేశాల మధ్య చర్చలకు బాన్‌ కీ మూన్‌ ఇప్పటికీ సిద్ధంగా ఉన్నారని స్పష్టం చేశారు.  


 అవును మరి. సిద్దప్పనాయుడు అంటే మాటలు కాదు. 35 బెల్ట్‌షాపులకు ఓనరు. ఎమ్మెల్యే కావాలని సిన్సియర్‌గా ఫిక్సై పోయాడు. ఎందుకంటే...ఆయనకు పెజాసేవ అంటే కసి..కసి!
  తన శత్రువును ఉద్దేశించి...
  ‘వాడ్ని చంపాక
  తల ఒక్కటి తీసుకురా
  ఆ హెడ్డుకి వెయిటు ఎక్కువ’ అని నిప్పులు కక్కగలడు.
  శత్రువు తమ్ముడిని దగ్గరకు తీసి...
  ‘తమ్ముడూ... నువ్వు ఉండాల్సింది  కాళ్ల దగ్గర కాదు... కౌగిళ్లలో’ అంటూ చాప కింద నీరులా కుట్రకు రచన చేయగలడు.
  ‘గబ్బర్‌సింగ్’ సినిమాలో సిద్దప్పనాయుడిగా అభిమన్యుసింగ్ భయపెట్టాడు. భయపెడుతూ భయపెడుతూనే... నవ్వకుండానే నవ్వించాడు.
  కొంచెం వెనక్కి వెళితే...
  రామ్‌గోపాల్ వర్మ ‘రక్తచరిత్ర’లో ఈ అభిమన్యుసింగ్ బుక్కారెడ్డిగా వణుకు తెప్పిస్తాడు.
  బుక్కారెడ్డి ఎవరు?
  వర్మ గొంతుతోనే స్వయంగా విందాం...
  ‘‘అతడు రాజకీయ నాయకుడు కాదు.
  రాక్షస నాయకుడు. అతని గురించి విన్నవాళ్లెవరైనా సరే...
  ‘అసలు భూమ్మీద ఇలాంటి మనిషి ఉంటాడా!’ అని స్టన్ అయిపోతారు’’
  ‘రక్తచరిత్రలో’ బుక్కారెడ్డి పాత్రను భయంకరంగా పండించి ‘ఉత్తమ విలన్’ అని వర్మ చేత అనిపించుకున్నాడు అభిమన్యు.
  ‘బుక్కారెడ్డి పాత్రకు సోల్ ఇచ్చావు’ అని మెచ్చుకున్నాడు వర్మ.
  ఇప్పుడంటే అభిమన్యుసింగ్ వయిలెంట్ విలనిజం గురించి ప్రత్యేకంగా మాట్లాడుకుంటున్నాంగానీ...
  ఒకప్పుడు? అక్కడికే వెళదాం. 
  అభిమన్యుసింగ్ స్వస్థలం బిహార్‌రాజధాని పట్నా. ‘బాలీవుడ్’ కలలతో ముంబైకి చేరుకున్నాడు. నిర్మాతల ఆఫీసుల చుట్టూ బొంగరంలా తిరిగాడు. కొంచెం కూడా ఫలితం కనిపించలేదు. ‘థియేటర్’ రూట్ నుంచి వెళితే...ప్రయాణం కాస్త సులువవుతుంది అనుకొని మకరంద్ దేశ్‌పాండే థియేటర్ గ్రూప్ ‘అంశ్’లో చేరాడు.
  మొదటి రోజు...
 ‘‘నటన అంటే ఇదీ’’ అని చెప్పలేదు మకరంద్.  ‘‘చీపురు అంటే ఇదీ’’ అన్నట్లుగా మూలకు ఉన్న చీపురును అభిమన్యుకు చూపి...ఫ్లోర్ ఊడ్చమన్నాడు. ‘నేను వచ్చింది నటన నేర్చుకోవడం కోసం. ఊడ్చడం కోసం కాదు’ అభిమన్యులో కోపం కెరటమై లేచింది. అయితే నటన మీద ప్రేమ... ఆ కోపాగ్నిపై నీళ్లు చల్లింది. అలా....చీపురుతో ఫ్లోర్ ఊడ్చాడు అభిమన్యు. ‘ఇగో మెల్టింగ్’ పూర్తయ్యాక... అభిమన్యుకు నటనలో ఓనమాలు దిద్దించాడు మకరంద్. ‘అంశ్’ థియేటర్ గ్రూప్‌లో కె.కె. మీనన్, అనురాగ్ కశ్యప్‌లు అభిమన్యుకు సీనియర్లు. ‘బాగా నటిస్తున్నాడు’ అని పేరైతే వచ్చిందిగానీ... సినిమాల్లో అవకాశాలేవీ రావడం లేదు. తన రూమ్‌లో ఒంటరిగా ఏడ్చిన రోజులెన్నో ఉన్నాయి.
 
 పట్నాలో ఉన్నప్పుడు నటుడు మనోజ్ బాజ్‌పాయ్ నుంచి ఒకరోజు ఫోన్ వచ్చింది. కట్ చేస్తే... రాకేష్ మెహ్ర ‘అక్స్’లో పోలీస్ పాత్ర పోషించే అవకాశం దక్కింది. అయితే... ఆ సినిమా బాక్సాఫీసు దగ్గర నిరాశపరచడంతో... అభిమన్యు కెరీర్‌కు ఉపయోగపడలేదు. మళ్లీ స్ట్రగుల్....‘లక్ష్య్’ ‘డోల్’ ‘జన్నత్’ సినిమాల్లో నటించాడుగానీ... కెరీర్ స్పీడ్ అందుకోలేదు. అయితే... ‘గులాల్’ సినిమాతో కెరీర్ టర్నింగ్ తీసుకుంది. ప్రముఖుల దృష్టిలో పడే అవకాశం వచ్చింది. ‘రక్తచరిత్ర’తో దక్షిణాది సినిమాల్లో కూడా మంచి గుర్తింపు వచ్చింది. చెడు పాత్రలను ‘ఎంత మంచిగా చేశాడు’ అనిపించుకోవడం అంత తేలికేమీకాదు... అందుకే అభిమన్యు సింగ్ ‘ఉత్తమ విలన్’ అనిపించుకున్నాడు.


 వాషింగ్టన్: కశ్మీర్ వివాదం పరిష్కారానికి భారత్, పాకిస్తాన్ రెండు వైపుల నుంచి చొరవచూపాలని అమెరికా విదేశాంగ శాఖ అధికార ప్రతినిధి జాన్ కిర్బీ అభిప్రాయపడ్డారు. ఇరుదేశాల మధ్య ఏర్పడిన ఉద్రిక్తపరిస్థితిని తొలగించుకోవాలని తాము కోరుకుంటున్నామని శుక్రవారం ఆయన మీడియాతో మాట్లాడుతూ తెలిపారు. సమస్య పరిష్కారానికి దేశాల మధ్య అర్థవంతమైన చర్చలు జరగాల్సి ఉందని అన్నారు.
  
 యూఎస్ కాంగ్రెస్లో పాకస్తాన్ను టెర్రరిస్టు దేశంగా ప్రకటించే బిల్లు ప్రస్తావన గురించి మాట్లాడుతూ.. అలాంటి ప్రత్యేకమైన బిల్లు ఏదీ తాన దృష్టికి రాలేదని కిర్బీ తెలిపారు.  అదేసమయంలో చట్టసభల్లో తీసుకోబోయే నిర్ణయాలపై తాను కామెంట్ చేయబోనని అన్నారు. పాకిస్తాన్ దగ్గర ఉన్న అణ్వాయుధాలు ఉగ్రవాదుల చేతికి చిక్కే అవకాశాలపై పాత్రికేయుల ప్రశ్నకు సమాధానంగా.. పాక్ ఆయుధసంపత్తికి సంబంధించిన భద్రతా వ్యవహారంపై తాను నమ్మకంగా ఉన్నానని కిర్బీ అన్నారు.
  


 డైలాగ్స్ చెప్పడంలో మోహన్‌బాబుది ఓ ప్రత్యేకమైన శైలి. ‘అరిస్తే చరుస్తా.. చరిస్తే కరుస్తా.. కరిస్తే నిన్ను కూడా బొక్కలో ఏస్తా..’ అంటూ ‘అసెంబ్లీ రౌడీ’లో ఆయన చెప్పిన డైలాగ్‌ని ఎప్పటికీ మర్చిపోలేం. ఇంకా మోహన్‌బాబు చెప్పినవాటిలో బోల్డన్ని ఫేమస్ డైలాగ్స్ ఉన్నాయి. గతేడాది నవంబర్ 22తో మోహన్‌బాబు నటుడిగా 40 వసంతాలు పూర్తి చేసుకున్న సందర్భంగా ఆయన కుమారులు విష్ణు, మనోజ్, కుమార్తె లక్ష్మీప్రసన్న పలు కార్యక్రమాలను ప్రకటించారు.
 అందులో భాగంగా మోహన్‌బాబు తన సినిమాల్లో చెప్పిన పలు ఫేమస్ డైలాగ్స్‌ని పుస్తక రూపంలోకి తెచ్చారు. ఈ పుస్తకాన్ని ఈ నెల 11న సాయంత్రం ఆరున్నర గంటలకు బ్రిటన్ పార్లమెంట్ హౌస్ ఆఫ్ కామన్‌లో విడుదల చేయనున్నారు. నటుడిగా, విద్యావేత్తగా మోహన్‌బాబు చేస్తున్న కృషిని గుర్తించి, ఈ వేడుకలో ఏసియన్ లైట్ అనే సంస్థ, బ్రిటన్ పార్లమెంట్ సభ్యుడు బాబ్ బ్లాక్ మన్ సంయుక్తంగా ఆయన్ను సత్కరించనున్నారు.


 
 కేసీఆర్ డైలాగ్నే వాడేసుకున్నానంటున్నాడు అల్లు అర్జున్. సినిమా సినిమాకి ఆసక్తికరమైన పాత్రలతో ప్రేక్షకులను అలరిస్తుంటాడు ఈ యువ హీరో. అర్జున్ కెరీర్లో ఇప్పటివరకు చేసిన అన్ని పాత్రలు ఒక ఎత్తైతే.. 'రుద్రమదేవి'లో పోషించిన గోనగన్నారెడ్డి పాత్ర మరో ఎత్తు. గోన గన్నారెడ్డిగా అల్లు అర్జున్ అభినయం సినిమాకే ప్రత్యేక ఆకర్షణగా నిలిచి పలువురి ప్రశంసలందుకున్న విషయం తెలిసిందే. ఆ పాత్రలో అల్లు అర్జున్  ఊతపదం 'గమ్మునుండవయ్' అభిమానులను విపరీతంగా ఆకట్టుకుంది. అయితే ఆ డైలాగ్ కేసీఆర్దేనంటూ అల్లు అర్జున్ ఇటీవల ఓ ఆసక్తికర విషయం చెప్పాడు. 
 
  
 
 గోన గన్నారెడ్డి పాత్ర చేయాలని నిర్ణయించుకున్నప్పుడు తెలంగాణ యాసను పూర్తిగా ఒంటబట్టించుకోవడానికి చాలా ప్రయత్నాలు చేశానన్నాడు అల్లు అర్జున్. ఆ క్రమంలోనే రాష్ట్ర విభజనకు ముందు సీఎం కేసీఆర్ చేసిన ప్రసంగాలను పదే పదే చూసేవాడట. ఆయన ఎక్కువగా 'గమ్మునుండవయ్య' అనే మాట వాడుతుండటం గమనించాడు. ఈ మాట అయితే ప్రేక్షకులు సులువుగా కనెక్ట్ అవుతారని డిసైడ్ అయ్యాడట. సినిమా విడుదలయ్యాక నిజంగానే అందరూ ఆ పాత్ర తీరుకు, ఆ మాటకు ఫిదా అయిపోయారు. 'ఆ డైలాగ్కి కేసీఆరే నాకు ఇన్స్పిరేషన్' అంటూ అసలు విషయాన్ని బయటపెట్టాడు గోనగన్నారెడ్డి. రూపాయి పారితోషికం తీసుకోకుండా రుద్రమదేవిలో నటించానని చెప్పిన అల్లు అర్జున్, ఆ పాత్ర జీవితంలో మర్చిపోలేనిదంటూ మరోసారి గుర్తుచేసుకున్నాడు.
 
  


 హైదరాబాద్:  ప‌వ‌న్ క‌ల్యాణ్ ప‌వ‌ర్ ఫుల్ పోలీస్  ఆఫీసర్  లుక్  లో ప్రతిష్టాత్మకంగా తెర‌కెక్కిన  చిత్రం స‌ర్దార్ గ‌బ్బర్  సింగ్‌. తన అభిమానులకు అంకితం అంటూ  మొదలయ్యే ఈ సర్దార్ గబ్బర్ సింగ్ మూవీని  బాబాయ్ అబ్బాయిలు, పవన్ కల్యాణ్,  రామ్ చరణ్ కలసి  స్పెషల్ షో లో సందడి  చేయడం  ఆసక్తికరంగా మారింది.  దీంతో పాటు ఈ సినిమాలో ఉన్న 'బ్రూస్ లీ బాబాయ్' లా ఉన్నాడు అన్న డైలాగ్ ను ఈ హీరోలిద్దరి అభిమానులు తెగ ఎంజాయ్ చేస్తున్నారట.  పవర్ స్టార్ ఫైట్ చేస్తుండగా 'బ్రూస్ లీకి బాబాయ్ లా ఉన్నాడన్నా' అనే  డైలాగ్  హాట్ టాపిక్ మారింది.
 
 సర్దార్  గబ్బర్ సింగ్ విడుదలైన శుక్రవారం పవన్ కళ్యాణ్ - రామ్ చరణ్ లు ఈ మూవీని ప్రసాద్ కలర్ ల్యాబ్ లో ప్రత్యేకంగా షో వేయించుకుని చూశారు.  నిర్మాత శరత్ మరార్ - డైరెక్టర్ బాబీలు కూడా ఈ షో చూశారు.  తనను, తన సినిమాని గుర్తు చేస్తూ... పవన్ కల్యాణ్ మూవీలో డైలాగ్ ని చెప్పించడాన్ని.. రామ్ చరణ్ ఫుల్లుగా ఎంజాయ్ చేశాడని అంటున్నారు. దీంతో పవర్ స్టార్ పవన్ కల్యాణ్ - రామ్ చరణ్ లు కలసి కనిపిస్తే చూడాలని సంబరపడుతున్న అభిమానులు కూడా ఈ డైలాగ్ తో పండగ  చేసుకుంటున్నారు. మెగా అభిమానులు ఎంజాయ్ చేసేలా జాగ్రత్త పడ్డ పవన్ కల్యాణ్.. రామ్ చరణ్ బ్రూస్ లీని కూడా ఉపయోగించుకోవడం విశేషమని అభిమానులు తెగ  మురిసిపోతున్నారట.


 రోమ్: ఇస్లాం మతానికి ఉగ్రవాద సంస్థ ఇస్లామిక్ స్టేట్ తీవ్ర నష్టాన్ని కలిగిస్తోందని ప్రముఖ ఆధ్యాత్మిక గురువు దలైలామా అన్నారు. ఓ ఇటాలియన్ పత్రికకు ఇచ్చిన ఇంటర్వ్యూలో ఆయన మాట్లాడుతూ ఇస్లామిక్ స్టేట్ ఉగ్రవాదులతో చర్చలు జరిపితే సత్పలితాలు ఉంటాయని చెప్పారు.
 
 'ఇస్లాం అనేది శాంతితో కూడుకున్న మతం. అందులో ఉన్నవారే తమ సొంతమతానికి, సొంత సోదరులకు హానీ కలిగిస్తున్నారు' అని ఆయన చెప్పారు. ఇస్లామిక్ స్టేట్ తో సరైన చర్చలు జరగాల్సిన అవసరం ఉందని ఆయన చెప్పారు.


 పంచ్ శాస్త్ర
 ఎప్పుడూ గంభీరంగా కనిపించే భైరవకోన ఆరోజు భావోద్వేగాలకు సంబంధించిన అనేక కోణాలతో వెలిగిపోతోంది. భయం, నిర్భయం, ఆగ్రహం, ఆరాటం, పోరాటం... వీరత్వం, రణతంత్రం... ఒకే సమయంలో అనేక రకాల అనుభూతులు ఆకాశంలో కారు మేఘాలై సంచరిస్తున్నాయి. దట్టంగా దుమ్ములేస్తుంది. చెవులు పిక్కటిల్లేలా గుర్రపు డెక్కల శబ్దం వినిపిస్తుంది. షేర్‌ఖాన్ వస్తున్నాడు. పేరులోనే కాదు ధైర్యంలోనూ అతడు షేరే.
 
 ‘నేను యుద్ధానికి పిలుపునిస్తే... ప్రతిఘటించ కుండానే రాజ్యం అప్పగించి పారిపోయిన రాజులు ఉన్నారు. నేను యుద్ధరంగంలోకి దిగితే... పోరాడకుండానే పారిపోయిన సైనికులు ఉన్నారు’ అని తనను తాను పరిచయం చేసుకునే షేర్‌ఖాన్ ఉదయ్‌గఢ్‌ను జయించడానికి, అదే రాజ్యానికి చెందిన రణదేవ బిల్లాను తొత్తుగా మార్చుకొని వస్తున్నాడు. రణదేవ బిల్లాకు రాజ్యం కాదు పిల్ల కావాలి.
  
 షేర్‌ఖాన్‌కి రాజ్యం కావాలి. ‘‘యువరాణిని విడిపిస్తానని మాటిచ్చా. దాన్ని తీసుకొచ్చి వీడి ఒళ్లో పెట్టి నా కాళ్లకు సలాం కొట్టు... పో... నిన్ను ప్రాణాలతో వదిలేస్తా’’ గర్జించాడు షేర్‌ఖాన్. ‘అలాగే మహారాజా’ అనే భయమేదీ వినిపించలేదు. భయాన్ని భయపెట్టే మాటొకటి కాలభైరవుడి నోటి నుంచి దూసుకొచ్చింది... ‘‘నేను నీకు మాటిస్తున్నాను షేర్‌ఖాన్. ఆ రాజద్రోహిని నాకు అప్పజెప్పు. నిన్నూ నీ సైన్యాన్ని ప్రాణాలతో వదిలిపెడతా’’ ఈ మాటకు తోక తొక్కిన తాచులా లేచాడు షేర్‌ఖాన్.
  
 ‘‘నాకు ప్రాణభిక్షపెడతావా? ఖుదా హు మై.. నీ ఒంట్లో రోషం ఉంటే, నీ కళ్లలో నిజం ఉంటే నా మనుషుల్ని వందమందిని పంపిస్తా. నీ ఒంటి మీద చేయిపడకుండా ఆపు. ఈ రాజ్యాన్ని ఆ రాణిని నీకు అప్పగిస్తా’’ అని ఆఫర్ ఇచ్చాడు షేర్‌ఖాన్.
 ‘‘వెన్ను చూపని వీరుల్ని ఎన్నుకొని మరీ పంపించు షేర్‌ఖాన్’’ అని ధైర్యంగా బదులిచ్చాడు కాలభైరవ.
 ‘‘వాళ్లను చూస్తేనే నువ్వు సగం ఛస్తావురా’’ బెదిరింపు ఖడ్గం విసిరాడు షేర్‌ఖాన్. దాన్ని వేలిగోరుతో దూరంగా నెట్టి ‘‘ఎక్కువైనా ఫరవాలేదు. లెక్క తక్కువ కాకుండా చూసుకో’’ సవాలుకు సవాలు విసిరాడు కాలభైరవ.
  
 ‘‘ఆ వందలో ఒక్కడు మిగిలినా నువ్వు ఓడిపోయినట్లే’’ కవ్వించాడు షేర్‌ఖాన్.
  ‘‘ఒక్కొక్కడిని కాదు షేర్‌ఖాన్ వందమందిని ఒకేసారి పంపించు’’ కాలభైరవుడి దమ్ముకు, ధైర్యానికి భైరవకోన నలుదిక్కులు ప్రతిధ్వనించాయి.  ఒక్కడు కాదు... నిజంగానే వందమంది ఒకేసారి కాలభైరవుడి మీది వచ్చారు. మాటల్లో పొగరు మాత్రమే కాదు... చేతల్లో దమ్ము కూడా ఉందని నిరూపిస్తున్నాడు భైరవ. షురూ... ఒక్కటి... పది... ఇరవై మూడు... కుత్తుకలు తెగిపడుతున్నాయి. ‘పిచ్చేసే మారు’’ అరుస్తున్నాడు షేర్.
  
 ఇరవై తొమ్మిది... ముప్పై.. నిమిషాల వ్యవధిలోనే కౌంట్ పూర్తయింది. వంద శిరస్సులు... ఒక్క యోధుడికి వందనం చెబుతున్నాయి ‘‘చాలా షేర్‌ఖాన్... ఇంకో వందిమందిని పంపిస్తావా?’’ భైరవుడు అడుగుతున్నాడు. ఆ ఎర్రటి నేలపై షేర్‌ఖాన్ తెల్లటి ముఖం వేశాడు. ఒక్క చిత్రం వెయ్యి పదాలను చెబుతుంది అంటారు. ‘మగధీరా’ సినిమాలో ‘ఒక్కొక్కడిని కాదు షేర్‌ఖాన్... డైలాగులో మాత్రం ఒక్కో పదం రోమాలు నిక్కబొడుచుకునేలా వందల చిత్రాలను చూపించి పంచ్‌శాస్త్ర పవర్ ఏమిటో రుజువు చేసింది.         
  
 సినిమా: మగధీర
 డైలాగ్: ఒక్కొక్కడిని కాదు షేర్‌ఖాన్