అమెరికాలోని అట్లాంటా మహానగరంలో భారతీయ పారిశ్రామికవేత్త, శాస్త్రవేత్త, శాంతా బయోటెక్వ్యవస్థాపక చైర్మన్ పద్మ భూషణ్ డాక్టర్ కెఐ వరప్రసాద్ రెడ్డితో శంకర్‌ నేత్రాలయ ఒక ఆత్మీయ సమావేశాన్ని నిర్వహించింది. శంకర నేత్రాలయ USA అధ్యక్షడు బాలారెడ్డి ఇందుర్తి ఆధ్వర్యంలో, కోశాధికారి మూర్తి రేకపల్లి, పాలకమండలి సభ్యులు శ్రీని వంగిమళ్ళ, ఉపేంద్ర రాచుపల్లి, నీలిమ గడ్డమణుగు, డా. కిషోర్‌ రసమల్లు, రాజేష్ తడికమల్ల ఆధ్వర్యంలో ఈ సమావేశం జరిగింది. ఈ కార్యక్రమంలో డాక్టర్ వరప్రసాద్ రెడ్డి శంకరనేత్రాలయ మేసు (MESU) కార్యక్రమాలను అభినందిస్తూ, తనవంతుగా రూ. 25 లక్షల విరాళాన్ని ప్రకటించారు. గత విరాళం రూ. 25 లక్షల కు తోడు, మొత్తం రూ. 50 లక్షలువిరాళాన్ని ఆయన శంకర నేత్రాలయ యుఎస్సే కు అందించారు. అలాగే 2026లో నెల్లూరులో మరో భారీ కంటి చికిత్సా శిబిరాన్ని నిర్వహించడానికి డా. వరప్రసాద్ రెడ్డి అంగీకరించారు. కాగా ఈ విరాళం ఐదు MESU Adopt-A-Village కంటి చికిత్సా శిబిరాలకు సాయం అందుతుందని అద్యక్షుడు బాలారెడ్డి ఇందుర్తి కొనియాడారు. అమెరికా పర్యటనలో భాగంగా ప్రసాద్‌రెడ్డి డాలస్ ను కూడా సందర్శించారు. ఆయన మిత్రుడుCTO EVP, LennoxInternational (బిలియన్-డాలర్ పబ్లిక్ కంపెనీ) ప్రకాశ్ ఆహ్వానం మేరకు , ఆయన స్వగృహంలొ15 మంది స్నేహితులతో ఇంకొక ఆత్మీయ సమావేశాన్ని నిర్వహించారు. వరప్రసాద్‌ ప్రసంగాలు, సంగీత సాహిత్య మేళవింపుగా ఇది ఈ సమావేశం హృద్యంగా సాగింది. డాలస్ నివాసి, శంకర నేత్రాలయ యుఎస్సే పాలక మండలి సబ్యులు డా. రెడ్డీ (NRU) ఊరిమిండి సంస్థ లక్ష్యాలను, సేవలనుపంచుకొన్నారు. ప్రకాశ్ బెడపూడి శంకరనేత్రాలయ సంస్థ సమగ్ర సేవలను అభినందిస్తూ తమ మిత్రుని గౌరవార్ధం యాభై వేల డాలర్ల విరాళాన్ని ప్రకటించారు. అక్కడకు విచ్చేసిన స్నేహితులు అదనంగా మరో రెండు MESUAdopt-A-Village కంటి చికిత్సా శిబిరాలకు మద్దతు ఇవ్వడానికి ముందుకు వచ్చారు. ఇతర విరాళాలతో కలిపి డాలస్ కార్యక్రమంలో దాదాపు లక్ష డాలర్ల వరకు విరాళాలు ప్రకటించడం సంస్థకార్యక్రమాలకు ఉత్సాహాన్ని ఇచ్చిందని శంకర్‌నేత్రాలయ ప్రకటించింది.

అమెరికాలోని అట్లాంటాలో వైయస్సార్‌సీపీ అధ్యక్షులు మాజీ ముఖ్యమంత్రి, వైఎస్‌ జగన్‌ పుట్టినరోజు వేడుకలు అత్యంత ఘనంగా జరిగాయి. ఈ కార్యక్రమానికి ముఖ్య అతిథులుగా పోతిరెడ్డి నాగార్జున రెడ్డి హాజరైనారు. జగన్ అన్న పుట్టినరోజు వేడుకలు దేశవ్యాప్తంగా ఉన్న వైయస్సార్ పార్టీ అభిమానులతోపాటు, ,విదేశాల్లో ఉన్న మన తెలుగు ఎన్నారైలు కూడా అత్యంత ఘనంగా జరుపుకున్నారని నాగార్జునరెడ్డి వెల్లడించారు. చంద్రబాబు మోసపూరిత వాగ్దానాలను, సూపర్.6. ప్రజలు గమనిస్తున్నారని,వారి లోపాలను.. మోసాలను ప్రజలకు సోషల్ మీడియా ద్వారా వివరించాలని అన్నారు. జగనన్న 2019లో 3680 కిలోమీటర్లు పాదయాత్ర చేసి, ఎన్నికల ముందు నవరత్నాలు. . పథకాలను అమలు చేస్తానని వాగ్దానం చేసి అధికారులు వచ్చిన తర్వాత నవరత్నాలు పూర్తిగాఅమలు చేసిన ఘనత జగనన్నదే అన్నారు. కులం,మతం, ప్రాంతం, పార్టీ లు చూడకుండా..అర్హత కలిగిన ప్రతి ఒక్కరికి సంక్షేమ పథకాలు అన్నీ అందాయని, టిడిపి ఎన్నికల ముందు ఇచ్చిన హామీలను ఏ ఒక్కటి అమలు చేయలేదు అన్నారు. ఇప్పుడు విజన్ 2047.. అని కొత్త రాగం పాడుతున్నారని విమర్శించారు. మళ్ళీ జగనన్న ముఖ్యమంత్రిగా రావాలని ప్రజలు.. ఇక్కడి తెలుగు ఎన్నారైలు కోరుకుంటున్నారని ఆయన తెలిపారు. ఈ కార్యక్రమంలో కృష్ణ,దినకర్, ఉదయ్, ముఖ్య అతిథులుగా వెంకట్రామిరెడ్డి గిరీష్ రెడ్డి , సందీప్ పాల్గొన్నారు.

శంకర నేత్రాలయ అమెరికా సంస్థ (SN USA) అట్లాంటాలో ఈ నెల 17న ఒక అద్భుతమైన శాస్త్రీయ నృత్య కార్యక్రమాన్ని పేద రోగుల దృష్టిని పునరుద్ధరించే మహత్తర కార్యం కోసం నిధులను సేకరించే లక్ష్యంతో నిర్వహించింది. ఈ కార్యక్రమంతో శంకర నేత్రాలయ అమెరికా సంస్థ $1,300,000(సుమారు రూ.10 కోట్లు పైన)ని సేకరించింది. ఈ నిధులు ద్వారా 20,000 కంటిశుక్లం శస్త్రచికిత్సలు చేయవచ్చు.అట్లాంటాకు చెందిన నాలుగు ప్రసిద్ధ శాస్త్రీయ నృత్య అకాడమీల నుంచి సుమారు 100 మంది విద్యార్థులు తమ ప్రదర్శనలతో వేదికను అలంకరించడం ద్వారా ఈ కార్యక్రమం విజయవంతమయ్యింది. ప్రతి నృత్యం ప్రేక్షకుల నుంచి గర్జించే చప్పట్లు అందుకుంది, ఇచ్చిన ప్రదర్శనలు:నేపధ్యం : వాసవీ కన్యకా పరమేశ్వరిఅకాడమీ ఆఫ్ కూచిపూడి నృత్య గురువు: శశికళ పెనుమర్తినృత్యకారుల సంఖ్య: 17నేపధ్యం : శరణం అయ్యప్పకలైవాణి డ్యాన్స్ అకాడమీ గురువు: పద్మజ కేలంనృత్యకారుల సంఖ్య: 13నేపధ్యం : నాద బ్రహ్మ శంకరశ్రీవాణి కూచిపూడి అకాడమీ గురువు: రేవతి కొమండూరినృత్యకారుల సంఖ్య: 13నేపధ్యం : పంచభూత ప్రశస్తినటరాజ నాట్యాంజలి కూచిపూడి అకాడమీ గురువు: నీలిమ గడ్డమణుగునృత్యకారుల సంఖ్య: 50ఈ కార్యక్రమాన్ని విజయవంతం చేయడంలో సహకరించిన అన్ని విద్యాసంస్థలకు, గురువులకు, విద్యార్థులకు మా హృదయపూర్వక కృతజ్ఞతలు తెలియజేస్తున్నట్లు నిర్వాకులు తెలిపారు. ఈ కార్యక్రమం కళ మాత్రమే కాకుండా సమాజం, దాతృత్వం వంటి వాటికి ప్రేరణగా నిలిచింది. ప్రతి నృత్యకారిణి, వాలంటీర్ అవసరమైన వారి కోసం నిధులను సేకరించడంలో కీలక పాత్ర పోషించారు. పేద రోగుల దృష్టిని పునరుద్ధరించే ఉదాత్తమైన లక్ష్యం కోసం పనిచేస్తున్న స్వచ్ఛంద సేవకులు, దాతలందరికీ భగవంతుని ఆశీస్సులు ఉండాలని కోరుకుంటూ..అట్లాంటా హిందూ దేవాలయం నుంచి పూజారి పవన్ కుమార్ క్రిస్టాపతి పవిత్ర మంత్రాలతో సత్కారాలు ప్రారంభించారు.మెగా డోనర్ ప్రసాద రెడ్డి కాటంరెడ్డి, అతని భార్య శోభా రెడ్డి కార్యక్రమానికి హాజరు కాలేక పోయారని నిర్వాకులు తెలిపారు. దురదృష్టవశాత్తు, ప్రసాద రెడ్డి గారి ప్రియమైన తల్లి ఇటీవల మరణించడంతో, దంపతులు ఈ కార్యక్రమానికి హాజరు కాలేకపోయారని వెల్లడించారు. ఈ నేపథ్యంలో డోనర్‌ ప్రసాద రెడ్డి గారి తల్లిగారి ఆత్మకు శాంతి చేకురాలని కోరుతూ ప్రగాఢ సంతాపం తెలిపారు నిర్వాహకులు. అలాగే ఇంత ఈ కష్ట సమయంలోనూ, $500,000(రూ. 4 కోట్లు) సహకారంతో మద్దతు అందించారు. ఈ ఉదార సహకారం ద్వారా 11 కంటి శిబిరాలకు మద్దతు లభించిందని తెలిపారు. దీంతోపాటు భారతదేశంలోని అత్యవసర ప్రాంతంలో మొబైల్ ఐ సర్జికల్ యూనిట్ (MESU)ని కూడా ఏర్పాటు చేయగలిగామని అన్నారు. శంకర నేత్రాలయ యూఎస్‌ఏ బ్రాండ్ అంబాసిడర్‌గా ప్రసాద రెడ్డి కాటంరెడ్డి గారిని ప్రకటించారు. ఆయన తరఫున బాలా ఇందుర్తి , మాధవి ఇందుర్తి ఈ ఘనతను స్వీకరించారు.SN USA బోర్డ్ ఆఫ్ అడ్వైజర్స్ సభ్యుడు డాక్టర్ కిషోర్ చివుకుల గారు $100,000 విరాళంగా అందించారు. ఈ విరాళం సంస్థకు అవసరమైన కంటి సంరక్షణ సేవలను అత్యవసరమైన రోగులకు చేరువ చేయడంలో కీలక పాత్ర పోషిస్తుంది. వేలాది మంది రోగులు తగిన దృష్టి పునరుద్ధరణ శస్త్రచికిత్సలను పొందే అవకాశం కల్పిస్తుంది.SN USA బోర్డ్ ఆఫ్ అడ్వైజర్స్ సభ్యుడు, పద్మభూషణ్ పురస్కార గ్రహీత డాక్టర్ జగదీష్ షేత్ స్ఫూర్తిదాయకమైన ప్రసంగంతో కార్యక్రమానికి హాజరైన వారందరినీ ఆకట్టుకున్నారు. MESU అడాప్ట్-A-విలేజ్ కంటి శిబిరానికి స్పాన్సర్ చేయడానికి $12,500(రూ. 10 లక్షలు) విరాళం అందించి డాక్టర్ షేత్ తన మద్దతును మరింతగా చాటిచెప్పారు. ఈ సహకారం వందలాది మంది పేద రోగులకు కంటి చూపును పునరుద్ధరించడానికి సహాయపడటమే గాక కొత్త ఆశను కలిగిస్తుంది.ఆగస్టా, జార్జియా నుంచి T. రామచంద్రారెడ్డి గారు 8 కంటి శిబిరాలకు $100,000 విరాళం ప్రకటించారు. ఇక తెలంగాణలోని నాగర్కర్నూల్ జిల్లా నంది వడ్డెమాన్ గ్రామంలో ఒక కంటి శిబిరాన్ని విజయవంతంగా పూర్తి చేశారు. ఎస్‌ఎన్‌ యూఎస్‌ఏ ప్రెసిడెంట్ బాలా రెడ్డి ఇందుర్తి ఎగ్జిక్యూటివ్ వైస్ ప్రెసిడెంట్ మూర్తి రేకపల్లి భారతదేశంలో MESU కార్యకలాపాల పురోగతిని వివరించారు. గ్రామీణ మారుమూల ప్రాంతాలకు చేరుకునే లక్ష్యంతో పేద రోగులకు సేవలను అందించడంపై దృష్టి పెట్టారు. భవిష్యత్తులో ఈ సేవలను మొత్తం భారతదేశానికి విస్తరించే ప్రణాళికను గురించి కూడా వెల్లడించారు.ముఖ్య అతిథిగా రావాలన్న మా ఆహ్వానాన్ని అంగీకరించి హాజరైన భారత కాన్సులేట్ జనరల్ రమేష్ బాబు లక్ష్మణన్ గారికి మా కృతజ్ఞతలు. ఈ కార్యక్రమాన్ని ఘనంగా విజయవంతం చేయడంలో ఆయన చూపిన అంకితభావం, మద్దతుకు మేము హృదయపూర్వక ధన్యవాదాలు తెలుపుతున్నాము. కార్యక్రమంలో పాల్గొన్న వారిని నిర్వాహకులను గౌరవంగా గుర్తించేందుకు ఆయన ఫలకాలను అందజేశారు.సాయంత్రం మొత్తం ఎస్‌ఎన్‌ యూఎస్‌ఏ అధ్యక్షుడు బాలా రెడ్డి ఇందుర్తి నాయకత్వం దార్శనికతకు ప్రతి ఒక్కరూ హృదయపూర్వక అభినందనలు తెలియజేశారు. ఆయన నాయకత్వంలో ఈ కార్యక్రమం గణనీయమైన నిధులను సేకరించడం మాత్రమే కాకుండా, గొప్ప కారణం కోసం అవగాహనను విస్తృతంగా పెంచగలిగింది. ముందుండి ఈకార్యక్రమాన్ని విజయవంతం చేయడంమేగాక, ఈ మిషన్‌లో చేర్చేలా ఇతరులను ప్రేరేపించడంలో బాలా గారి ఎనలేని కృషి ప్రధాన భూమికను పోషించింది. తన విశేష సేవలకు గుర్తింపుగా ప్రతిష్టాత్మక శంకరరత్న పురస్కారం అందుకోవడం పట్ల నిర్వాహకులందరూ ఆయనకు అభినందనలు తెలిపారు. వెనుకబడిన వ్యక్తుల జీవితాలను మెరుగుపరచడం, దృష్టిని పునరుద్ధరించడం పట్ల ఆయన చూపిన అచంచలమైన అంకితభావం స్ఫూర్తిదాయకం.SN USA ఎగ్జిక్యూటివ్ వైస్ ప్రెసిడెంట్ మూర్తి రేకపల్లి, ట్రస్టీలు శ్రీని వంగిమల్ల, మెహర్ చంద్ లంక, రాజ్ ఐల, శ్రీధర్ జూలపల్లి, నీలిమ గడ్డమణుగు, డాక్టర్ మాధురి నాముదురి, స్పోర్ట్స్ కమిటీ చైర్ రమేష్ చాపరాల, MESU కమిటీ సభ్యుడు డాక్టర్ కిషోర్ రెడ్డి రసమల్లు వంటి ప్రముఖుల నుంచి నిరంతరం మద్దతు అందింది. అట్లాంటా చాప్టర్ వైస్ ప్రెసిడెంట్ రాజేష్ తడికమళ్ళతో పాటు చాప్టర్ లీడర్స్ చిన్మయ్ దస్మోహపాత్ర, హేమంత్ వర్మ, పేన్మెట, సుధీర్ పాత్రో, విజయ్ గార్లపాటి ఈ ఈవెంట్‌ను విజయవంతం చేయడంలో కీలకంగా వ్యవహరించారు. కార్యక్రమ నిర్వహణ, భోజన ఏర్పాట్ల సమన్వయంపై ఈ బృందం చేసిన కృషికి ప్రేక్షకుల నుంచి భారీగా చప్పట్లు వచ్చాయి.గత 15 సంవత్సరాలుగా పనిచేస్తున్న రెండు MESU బృందాలలో ఒకటి చెన్నై కేంద్రంగా, మరొకటి జార్ఖండ్‌లో టాటా ట్రస్ట్స్ సహకారంతో సేవలందిస్తున్నాయి. ఇటీవల హైదరాబాద్, ఆంధ్రప్రదేశ్‌లలో 13నుంచి పది రోజుల కంటి శిబిరాలను విజయవంతంగా నిర్వహించింది. నాల్గవ యూనిట్ పుట్టపర్తిలో మార్చి 2025లో ప్రారంభమవుతుండగా, ఐదవ యూనిట్ ఆగస్టు 2025లో వైజాగ్‌లో ప్రారంభమవుతుంది. ప్రతి యూనిట్ దాని బేస్ లొకేషన్ నుంచి 500 కిలోమీటర్ల పరిధిలో ఉన్న ప్రాంతాలకు సేవలు అందిస్తుంది. ఈ యూనిట్లు పూర్తిగా ఆపరేషనల్ అయిన తర్వాత భారతదేశంలోని దాదాపు 1/3 గ్రామీణ ప్రాంతాలను కవర్ చేస్తాయి.MESU అడాప్ట్-ఎ-విలేజ్ ప్రోగ్రామ్‌లో భాగంగా, అట్లాంటా SN చాప్టర్ స్పాన్సర్లు బాలా రెడ్డి ఇందుర్తి, శ్రీని రెడ్డి వంగిమల్ల, డాక్టర్ మాధురి నాముదురి, మెహర్ చంద్ లంక, రాజశేఖర్ ఐల, నీలిమ గడ్డమణుగు ఈ శిబిరాలు వందలాది మంది రోగుల దృష్టిని పునరుద్ధరించడంలో కీలకపాత్ర పోషించారు. ఈ MESU ప్రోగ్రామ్ ద్వారా పేద రోగులకు అందించిన సేవల పట్ల వారి ఆనందాన్ని వ్యక్తం చేస్తూ అనుభవాలను పంచుకున్నారు.చాలా మంది వ్యక్తులు ముందుకు వచ్చి MESU అడాప్ట్-ఎ-విలేజ్ ప్రోగ్రామ్‌ను స్పాన్సర్ చేయడం ద్వారా తమ స్వస్థలం చుట్టుపక్కల ప్రాంతాల్లోని పేద రోగులకు సేవలను అందించడంలో భాగస్వాములు అయ్యారు. రూ. $12,500 విరాళంతో బేస్ హాస్పిటల్ నుంచి 300 కిలోమీటర్ల పరిధిలో ఉన్న ప్రాంతాల్లో కంటి శిబిరాలను నిర్వహించడం ద్వారా ఈ కార్యక్రమం పేదల జీవన ప్రమాణాలను మెరుగుపరచడం మాత్రమే కాకుండా దృష్టి కోల్పోయిన వారికి కొత్త ఆశలను అందించగలిగింది.SN USA ప్రెసిడెంట్ బాలా ఇందుర్తి గారు రాబోయే MESU ప్రాజెక్ట్‌ల గురించి, అవి ఎంత విస్తీర్ణంగా ఉన్నాయో, అలాగే ట్రస్టీలు, వాలంటీర్లు వివిధ నగరాల్లో నిధుల సేకరణ కార్యక్రమాలు నిర్వహించడం ద్వారా భారతదేశంలో అంధత్వాన్ని నిర్మూలించేందుకు ఎలా అవిశ్రాంతంగా పనిచేస్తున్నారో వివరించారు.పేద రోగులకు దృష్టిని పునరుద్ధరించడానికి SN USA చేస్తున్న కృషికి ప్రేక్షకుల నుంచి భారీ కరతాళ ధ్వనులు వచ్చాయి.. SN USA అట్లాంటా బృందానికి ప్రత్యేక ధన్యవాదాలు - మూర్తి రేకపల్లి, నీలిమ గడ్డమణుగు, మెహర్ లంక, శ్రీని రెడ్డి వంగిమళ్ల, ఉపేంద్ర రాచుపల్లి, డా. మాధురి నాముదూరి, రాజశేఖర్ ఐల, సురేష్ వేములమాడ, శ్రీధర్ రావు జూలపల్లి, రాజేష్ తడికమల్ల, రమేష్ చాపరాల, డాక్టర్ కిషోర్ రాసమల్లు - ఈ కార్యక్రమాన్ని ఘనవిజయంగా నిర్వహించడానికి లక్షల గంటలు కష్టపడ్డారు. డాక్టర్ నరసింహా రెడ్డి ఊరిమిండి (NRU), SN USA సెక్రటరీ శ్యామ్ అప్పాలి మాస్టర్స్ ఆఫ్ సెర్మనీ, శంకరనేత్రాలయ సంస్థకు ప్రత్యేక కృతజ్ఞతలు తెలిపారు(చదవండి: ఘనంగా శంకర నేత్రాలయ మ్యూజికల్ కాన్సర్ట్)

అట్లాంటాలో శంకర నేత్రాలయ “నవరసం” వేడుకలు ఘనంగా జరిగాయి. ఈ సందర్బంగా కర్ణాటిక్ స్ట్రింగ్స్ వయోలిన్ స్టూడియో వ్యవస్థాపకురాలు జస్సోత బాలసుబ్రహ్మణ్యం శంకర నేత్రాలయ USA (SNUSA) ప్రెసిడెంట్ బాలా రెడ్డి ఇందుర్తి, ట్రస్టీ నీలిమ గడ్డమణుగుల ఆధ్వర్యంలో 8 విభిన్న శాస్త్రీయ నృత్య అకాడమీలతో సమన్వయంతో నిధుల సమీకరణ చేయడానికి ఆసక్తిని వ్యక్తం చేశారు. వయోలిన్ అకాడమీతో సహా, 9 అకాడమీలు పేద రోగులకు దృష్టిని పునరుద్ధరించే ఉదాత్తమైన కారణం కోసం సెప్టెంబర్ 14, 2024న నవరసం పేరుతో నిధుల సేకరణ కార్యక్రమాన్ని నిర్వహించాయి. హౌస్ ఫుల్ షో కావడంతో ఈ కార్యక్రమం పూర్తిగా విజయవంతమైంది. దీనికి శంకర నేత్రాలయకు, వారి మద్దతుకు ధన్యవాదాలు తెలిపారు. పాల్గొన్న అన్ని విద్యాసంస్థలు, గురువులు మరియు విద్యార్థుల సహాయాన్ని కృతజ్ఞతలు తెలిపారు.SNUSA బోర్డ్ ఆఫ్ అడ్వైజర్ డా. రాజ్ మోడీ, ట్రస్టీ వంశీ కృష్ణ ఏరువరం సోషల్ మీడియాలో ఈవెంట్‌ను ప్రచారం చేయడంలో సహాయం చేసారు. SNUSA వ్యవస్థాపకుడు & అధ్యక్షుడు ఎమెరిటస్ S.N. ఆచార్య, బోర్డ్ ఆఫ్ అడ్వైజర్స్ ప్రసాద్ రెడ్డి, లీలా కృష్ణమూర్తి , కోశాధికారి బానోతు రామకృష్ణన్ అట్లాంటా టీమ్ గ్రాండ్ సక్సెస్‌పై అభినందనలు తెలిపారు. అగస్టా జిఎ ముఖ్య అతిథి టి.రామచంద్రారెడ్డి ఈ కార్యక్రమానికి హాజరు కాలేకపోయినప్పటికీ, ఆయన దత్తత తీసుకున్న నంది వడ్డెమాన్‌లో నవంబర్ 2024లో కంటి వైద్య శిబిరం ఏర్పాటు చేయనున్నారు. గౌరవ అతిథి డా. కల్పనా రెంగరాజన్ శంకర నేత్రాలయతో తనకున్న అనుబంధాన్ని, సంగీత నృత్య కచేరీ గురించి అద్భుతమైన అనుభవాన్ని పంచుకున్నారు ఈ ప్రతిపాదనను SNUSA బోర్డ్ ఆఫ్ అడ్వైజర్, పద్మభూషణ్ అవార్డు గ్రహీత డాక్టర్ జగదీష్ షేత్ సులభతరం చేశారు.అట్లాంటా చాప్టర్ వైస్ ప్రెసిడెంట్ రాజేష్ తడికమళ్లతో పాటు చాప్టర్ లీడ్స్ చిన్మయ్ దాస్మోహపాత్ర, హేమంత్ వర్మ పెన్మెత్స, సుధీర్ పాత్రో, విజయ్ గార్లపాటి ఈ ప్రయత్నానికి నాయకత్వం వహించారు. వాలంటీర్లు దేవాన్ష్ తడికమళ్ల, గిరి కోటగిరి, ⁠గోపాల అభిమన్యు పుల్లెల, మౌర్య కొప్పిరెడ్డి, ప‌రిచాయి కృష్ణ క‌త్తెర్ల, ⁠శివెన్ పాత్రో ఈ కార్య‌క్ర‌మం గ్రాండ్‌గా విజ‌య‌వంతం కావ‌డానికి చాలా స‌హాయం అందించారు. SNUSA ఎగ్జిక్యూటివ్ వైస్ ప్రెసిడెంట్ మూర్తి రేకపల్లి, ట్రస్టీలు శ్రీని రెడ్డి వంగిమళ్ల, రాజశేఖర్ రెడ్డి ఐల, శ్రీధర్ రావు జూలపల్లి, నీలిమ గడ్డమణుగు, స్పోర్ట్స్ కమిటీ చైర్ రమేష్ బాబు చాపరాల, MESU UNIT (కమిటీ సభ్యుడు డాక్టర్ కిషోర్ రెడ్డి రసమల్లు నుండి సంపూర్ణ మద్దతు లభించింది.భారతదేశంలోని అంధులైన రోగులకు కంటిశుక్లం శస్త్రచికిత్సలకు మద్దతుగా మేము ఈ ఈవెంట్ నుండి గణనీయమైన నిధులను సేకరించాము. మొబైల్ ఐ సర్జికల్ యూనిట్ (MESU) అనేది చక్రాలపై ఉన్న ఆసుపత్రి మరియు చెన్నై, హైదరాబాద్ , జార్కండ్ నుండి 500 కిలోమీటర్ల వ్యాసార్థంలో ఒక ప్రాంతాన్ని కవర్ చేస్తుంది. ప్రతి MESU (సంచాలక వైద్య శిబిరం) లో రెండు బస్సులు ఉంటాయి. ఈ బస్సులు మారుమూల గ్రామాలకు వెళ్లి క్షేత్రస్థాయిలోనే శస్త్రచికిత్సలు చేస్తుంటాయి. వీటిని ఐఐటీ మద్రాస్ డిజైన్ చేసి అభివృద్ధి చేసింది. బాలా రెడ్డి ఇందుర్తి , మూర్తి రేకపల్లి భారతదేశంలో ప్రస్తుతం MESU కార్యకలాపాలు ఎలా కొనసాగుతున్నాయి.ప్రస్తుతం, తమిళనాడు, ఆంధ్రప్రదేశ్, తెలంగాణ, జార్ఖండ్ రాష్ట్రాలను కవర్ చేయడానికి చెన్నై, జార్ఖండ్, హైదరాబాద్ నుండి 3 MESU యూనిట్లు పూర్తిగా పనిచేస్తున్నాయి. కర్ణాటక, ఆంధ్రప్రదేశ్, కేరళలోని కొన్ని ప్రాంతాలలో సేవలను కవర్ చేయడానికి SNUSA మరియు బోర్డ్ ఆఫ్ అడ్వైజర్ ఆనంద్ దాసరి మద్దతుతో 4వ యూనిట్ జనవరి 2025 ప్రారంభంలో పుట్టపర్తిలో ప్రారంభమవుతుంది. ఐదవ MESU యూనిట్ 2025 3వ త్రైమాసికంలో వైజాగ్‌లో SNUSA మరియు బోర్డ్ ఆఫ్ అడ్వైజర్ ఉదయ భాస్కర్ గంటి మద్దతుతో కోస్తా ఆంధ్ర ప్రదేశ్ జిల్లాలు మరియు ఒరిస్సాలోని కొన్ని ప్రాంతాలను భువనేశ్వర్ వైపు కవర్ చేస్తుంది.అడాప్ట్-ఎ-విలేజ్ స్పాన్సర్‌లు శ్రీని రెడ్డి వంగిమల్ల, రాజశేఖర్ రెడ్డి ఐల, నీలిమ గడ్డమణుగు , బాల ఇందుర్తి ఈ MESU 10 రోజుల కంటి శిబిరాలు వందలాది మంది రోగులకు వారి స్వస్థలాలలో చూపును ఎలా పునరుద్ధరించాయో వివరించారు. అలాగే అట్లాంటా బృందం భారతదేశంలో వేల సంఖ్యలో కంటిశుక్లం శస్త్రచికిత్సలకు మద్దతుగా నిధులను సేకరించేందుకు నవంబర్ 17న సంవత్సరాంతపు కచేరీని నిర్వహించాలని యోచిస్తోంది.

అట్లాంటా (అమెరికా): ప్రొఫెషనల్‌ గోల్ఫ్‌ అసోసియేషన్‌ (పీజీఏ) సీజన్‌ ముగింపు ప్రతిష్టాత్మక టోర్నీ టూర్‌ చాంపియన్‌షిప్‌లో భారత సంతతి అమెరికన్‌ గోల్ఫర్‌ తీగల సాహిత్‌ రెడ్డి ఆకట్టుకున్నాడు. –24 అండర్‌ స్కోరుతో సాహిత్‌ మూడో స్థానాన్ని దక్కించుకున్నాడు. ఈ ప్రదర్శనకుగాను సాహిత్‌కు 75 లక్షల డాలర్లు (రూ. 62 కోట్ల 93 లక్షలు) ప్రైజ్‌మనీగా లభించాయి. విజేతకు రూ. 209 కోట్లుసాహిత్‌ తల్లిదండ్రులు మురళీధర్, కరుణ 1980 దశకంలో హైదరాబాద్‌ నుంచి అమెరికాకు వచ్చి స్థిరపడ్డారు. సాహిత్‌ కాలిఫోర్నియాలో జన్మించి అక్కడే పెరిగాడు. అమెరికాకే చెందిన స్కాటీ షెఫ్లర్‌ –30 అండర్‌ స్కోరుతో విజేతగా నిలిచి 2 కోట్ల 50 లక్షల డాలర్లు (రూ. 209 కోట్లు) ప్రైజ్‌మనీని దక్కించుకోగా... కొలిన్‌ మొరికావా –26 అండర్‌ స్కోరుతో రన్నరప్‌గా నిలిచి 1 కోటీ 25 లక్షల డాలర్ల (రూ. 104 కోట్లు) ప్రైజ్‌మనీని సొంతం చేసుకున్నాడు.

బ్రెయిన్‌ సర్జరీ కోసం వెళ్లి పుర్రెలో కొంత భాగాన్ని కోల్పోయాడు. పోనీ అక్కడితో అతడి కష్టాలు ఆగలేదు. చివరికి వైద్యులు అతడికి సింథటిక్‌ ఎముకను అమర్చి సర్జరీ చేశారు. అది కూడా వర్కౌట్‌ అవ్వకపోగా ఇన్ఫెక్షన్‌ సోకి ఆస్పత్రుల చుట్టూ తిరగాల్సిన పరిస్థితి ఏర్పడింది. ఇక ఆస్పత్రి బిల్లులు కూడా తడసి మోపడయ్యాయి. వైద్యులు తప్పిదం వల్లే నాకి పరిస్థితి అని సదరు ఆస్పత్రిపై దావా వేశాడు. ఈ దిగ్బ్రాంతికర ఘటన అమెరికాలో చోటు చేసుకుంది. వివరాల్లోకెళ్తే..అమెరికాకు చెందిన ఫెర్నాండో క్లస్టర్‌ విపరీతమైన తలనొప్పికి తాళ్లలేక సెప్టెంబర్‌ 2022లో ఎమోరీ యూనివర్సిటీ హాస్పిటల్‌ వెళ్లాడు. అక్కడ వైద్యులు అతడికి ఇంట్రాసెరెబ్రల్‌ హెమరేజ్‌ ఉన్నట్లు గుర్తించాడు. దీని కారణంగా బ్రెయిన్‌లో బ్లీడ్‌ అవుతుంది. ఆ సమయంలో వైద్యులు ఒత్తడిని తగ్గించేందుకు 4.7 బై-6-అంగుళాల పుర్రె ముక్కని తొలగించాలని నిర్ణయించారు. పుర్రె భాగాన్ని మార్చిన రెండు నెలల తర్వాత యథావిధిగా తొలిగించిన భాగాన్ని రీప్లేస్‌ చేసేందుకు యత్నించగా..అక్కడ ఇతర రోగుల పుర్రె భాగాలు కూడా ఉండటంతో అందులో అతడిది ఏదో గుర్తించడంలో విఫలమయ్యారు వైద్యులు. దీంతో ఆస్పత్రి అతడికి సింథటిక్‌ పుర్రె భాగాన్ని కృత్రిమంగా తయారు చేసి ప్రత్యామ్నాయంగా అమర్చింది. ఇలా సింథటిక్‌ ఎముక కోసం సదరు రోగి నుంచి ఏకంగా రూ. 15 లక్షలు వసూలు చేసింది. అయితే ఇలా రోగికి సింథటిక్‌ ఎముకను పెట్టడం వల్ల ఇన్ఫెక్షన్‌ బారిని పడి అదనంగా మరికొన్ని సర్జరీలు చేయించుకోవాల్సిన పరిస్థితి ఏర్పడింది. చెప్పాలంటే సదరు రోగికి ‍బ్రెయిన్‌ సర్జరీ శారీరకంగా, ఆర్థికంగా భయానక అనుభవాన్ని మిగిల్చింది. ఈ సమస్య నుంచి బయటపడేటప్పటికీ అతడికి ఆస్పత్రి బిల్లు ఏకంగా కోటి రూపాయల పైనే ఖర్చు అయ్యింది. వైద్యుల తప్పిదం కారణంగా జరిగిన నష్టాన్ని కూడా తనపైనే రుద్ది మరీ డబ్బులు వసూలు చేశారంటూ కన్నీటిపర్యంతమయ్యాడు. తాను శరీరంలో కొంత భాగాన్ని కోల్పోవడమే గాక, ఆర్థికంగా శారీకంగా ఇబ్బందులు పడేలా చేసినందుకు గానూ సదరు ఆస్పత్రి తనకు నష్ట పరిహారం చెల్లించాల్సిందే అంటూ దావా వేశాడు.(చదవండి: హోటల్‌ వ్యాపారం నుంచి ఏకంగా దేశ ప్రధాని స్థాయికి..!)

అట్లాంటాలోని భారతీయ రాయబార అధికారి రమేశ్‌ ను ఉత్తర అమెరికా తెలుగు సంఘం నాట్స్ నాయకులు కలిసి నాట్స్ చేస్తున్న సేవా కార్యక్రమాలను వివరించారు. నాట్స్ బోర్డ్ చైర్మన్ ప్రశాంత్ పిన్నమనేని, నాట్స్ అట్లాంటా నాట్స్ నాయకులు నాట్స్ బోర్డ్ ఆఫ్ డైరెక్టర్ సురేశ్ పెద్ది, అట్లాంటా నాట్స్ నాయకులు ఇండియన్ కాన్సులేట్ అధికారులతో చర్చించారు. నాట్స్ హెల్ప్ లైన్, అమెరికాకు వచ్చే విద్యార్ధులకు చేయాల్సిన, చేయకూడని పనులపై అవగాహన, గృహహింస బాధితులకు అండగా నిలబడటం, మానసిక పరిణితి పెంచేలా సదస్సులు, ప్రతిభ గల విద్యార్ధులకు పురస్కారాలు, స్థానిక కమ్యునిటీ సేవలు ఇవన్నీ నాట్స్ ఎలా చేస్తుంది..? అమెరికాలో తెలుగుజాతికి ఎలా అండగా నిలబడుతుందనే విషయాలను కాన్సులేట్ అధికారులకు వివరించారు. నాట్స్ చేస్తున్న సేవా కార్యక్రమాలను తెలుసుకున్న అట్లాంటా భారత రాయబార కార్యాలయాన్ని నాట్స్ నాయకత్వాన్ని ప్రత్యేకంగా అభినందించింది. ప్లోరిడాలో కూడా భారత కాన్సులేట్ జనరల్ నిర్వహించే కార్యక్రమాల్లో నాట్స్ చురుకుగా పాల్గొంటుందని నాట్స్ బోర్డ్ చైర్మన్ ప్రశాంత్ పిన్నమనేని తెలిపారు.. భారత రాయబార కార్యాలయంతో తమ అనుబంధం మరింత బలోపేతం అవుతుందనే నమ్మకాన్ని ప్రశాంత్ వ్యక్తం చేశారు.(చదవండి: ఆఫ్రికాలో అంతర్జాతీయ యోగా దినోత్సవ వేడుకలు)a

వాషింగ్టన్‌: అట్లాంటాలో టీవీలో ముఖాముఖి చర్చలో రిపబ్లికన్‌ అభ్యర్థి డొనాల్డ్‌ ట్రంప్‌ ధాటికి చేతులెత్తేసిన డెమొక్రటిక్‌ అభ్యర్థి, అధ్యక్షుడు జో బైడెన్‌పై సొంత పారీ్టలోనే వ్యతిరేకత ఎక్కువవుతోంది. 81 ఏళ్ల వయసున్న ఆయన అధ్యక్ష రేసు నుంచి తప్పుకోవాలని డిమాండ్లు పెరుగుతున్నాయి. ఆయన మాత్రం తాను తప్పుకునే ప్రసక్తే లేదని పునరుద్ఘాటించారు! ట్రంప్‌తో చర్చలో బైడెన్‌ పేలవ ప్రదర్శనను పలు మీడియా సంస్థలు సంపాదకీయాల్లో ఏకిపారేశాయి. సోషల్‌ మీడియాలో మీమ్స్‌కు కొదువే లేదు. ఈ విమర్శలపై బైడెన్‌ స్పందించారు. ‘‘బరాక్‌ ఒబామా మాదిరి ప్రత్యర్థిని నేను వాగ్ధాటితో ఇరుకున పెట్టలేకపోయిన మాట వాస్తవమే. దీనిపై నా మద్దతుదారులు, పారీ్టలోనూ కొంత అసంతృప్తి నెలకొందని తెలుసు. కానీ ట్రంప్‌పై మరింతగా పోరాడతా’ అని అన్నారు. డెమొక్రటిక్‌ ముఖ్యుల్లో పెరిగిన అసంతృప్తి ట్రంప్‌తో డిబేట్‌ తర్వాత బైడెన్‌ అభ్యరి్థత్వంపై చాలా మంది డెమొక్రటిక్‌ నేషనల్‌ కమిటీ(డీఎన్‌సీ) సభ్యుల్లో అసమ్మతి పెరిగింది. యువనేతకు అవకాశమిశ్వాలన్న డిమాండ్‌ తెరపైకి వస్తోంది. షికాగోలో ఆగస్ట్‌ 19న జరిగే డెలిగేట్ల భేటీలో దీనిపై కీలక నిర్ణయం తీసుకోవచ్చని పార్టీ వర్గాల కథనం.

విశ్వాసానికి పెట్టింది పేరు శునకం. పెంపుడు జంతువుల్లో బాగా పాపులర్‌ అయింది కూడా కుక్క. ఇంటి యజమాని, కుటుంబం ఏదైనా అనుకోని ప్రమాదంలో పడినపుడు చాకచక్యంగా వ్యవహరించి కాపాడుతుంది. ఒక్కోసారి ప్రాణాలకు తెగించి మరీ విశ్వాసాన్ని చాటుకుని హ్యాట్సాఫ్‌ అనిపించుకున్న ఘటనలు చాలానే చూశాం. అయితే పగబట్టి, వెంటాడి వేటాడిన ఘటనలు చాలా అరుదు కదా. ఇలాంటి ఘటన ఒకటి అట్లాంటాలో చోటు చేసుకుంది.వివరాలను పరిశీలిస్తే..తన యజమాని కుటుంబానికి చెందిన గొర్రెలు, మేకల మందకు కాపలాగా ఉంది ఒక కుక్క. దాని పేరు కాస్పర్. ఒకరోజు గొర్రెలమందపై ఒక్కసారిగా 13 తోడేళ్ల గుంపు (కొయెట్, అమెరికన్ జాకల్) దాడి చేసింది దీంతో అక్కడే ఉన్న కుక్క వాటిపై ఎటాక్‌ చేసింది. ఎనిమిదింటిని అక్కడికక్కడే చంపేసింది.Atlanta Dog fights 13 coyotes attacking his sheep. Kills 8 on the spot. Goes missing 4 days. Comes home after killing the remaining 5. Salute 🫡 pic.twitter.com/OYDKhuzscW— trader (@TicTocTick) June 25, 2024ఇంతటితో దాని కోపం చల్లారలేదు. నాలుగు రోజులు అదృశ్యమై, వాటిని వెదికి పట్టుకొని మరీ వేటాడి, మిగిలిన ఐదు తోడేళ్ల పని కూడా పట్టింది. ఆ తర్వాత మాత్రమే ఇంటికి చేరింది. తీవ్ర గాయాలతో ఇంటికి చేరిన దాన్ని చూసి, ఇక బతకదని భావించారట దాని యజమాని వీర్‌విల్లే. ఆ తరువాత కొంతకాలం లైఫ్‌లైన్ యానిమల్ ప్రాజెక్ట్ సంరక్షణలో కోలుకుంది హీరో కాస్పర్‌. గత ఏడాది చోటుచేసుకున్న ఈ ఘటనకు సంబంధించిన వీడియో ఇన్‌స్టా,, ఎక్స్‌లో ప్రస్తుతం తెగ వైరలవుతోంది.

నవత, యువత, భవిత నినాదంతో తెలుగు వారి అతి పెద్ద పండుగ ఆటా 2024 వేడుక అమెరికాలో ఘనంగా జరిగింది. జార్జియా వరల్డ్ కాంగ్రెస్ సెంటర్ లో జూన్ 7 నుండి 9 వరకు అట్లాంటా లో జరిగిన 18వ ఆటా కన్వెన్షన్ కు 18 వేల మంది పైగా హాజరయ్యారు. ఆటా అధ్యక్షురాలు మధు బొమ్మినేని, కన్వీనర్ కిరణ్ పాశం నాయకత్వంలో తొలి రోజు బ్యాంకెట్ సమావేశం జరిగింది. తెలంగాణ మంత్రులు కోమటిరెడ్డి వెంకటరెడ్డి, శ్రీధర్ బాబు దుద్దిళ్ల, కాన్సులేట్ జనరల్ రమేష్ బాబు లక్ష్మణన్, ధ్యాన గురు దాజి, సినీ నటులు విజయ్ దేవరకొండ, ఆనంద్ దేవరకొండ, హీరో శ్రీకాంత్, హీరోయిన్ మెహ్రీన్, నేహా షెట్టి, తమ్మారెడ్డి భరద్వాజ, తనికెళ్ళ భరణి హాజరయ్యారు.జార్జియా రాష్ట్ర అభివృద్ధికి తెలుగు వారి సేవలు అభినందనీయం- జార్జియా గవర్నర్ బ్రయాన్ కెంప్ జార్జియా రాష్ట్ర అభివృద్ధికి తెలుగు వారు తోడ్పడుతున్నందుకు కొనియాడారు జార్జియా గవర్నర్ బ్రయాన్ కెంప్ . ఇండియా తమకు కీలక భాగస్వామి అన్నారు. ముఖ్యంగా తెలుగు వారి సేవలను ఎప్పటికీ గుర్తుంచు కుంటామని అన్నారు. ఆటా వేడుకల లో జార్జియా గవర్నర్ పాల్గొన్నారు.యువత భవిష్యత్తుకు పెద్దపీటనవత, యువత, భవిత అనే లక్ష్యాలతో ఈ సారి కన్వెన్షన్ నిర్వహించామని ఆటా అధ్యక్షుడు ప్రెసిడెంట్ ఎలెక్ట్ జయంత్ చల్లా, అధ్యక్షురాలు మధు బొమ్మినేని వెల్లడించారు. చరిత్రను తిరగరాసిన ఈ కన్వెన్షన్ లో పాల్గొన్న ప్రతి ఒక్కరికీ వారు కృతజ్ఞతలు తెలిపారు. ఆటా నవల పోటీ లు..త్రీఓరీ మ్యూజికల్ కాన్సర్ట్ చాలా విన్నూత్నంగా, యువతను ఆకర్షించే విధంగా సాగింది. ఈలల గోలల తో మారు మోగిపోయింది. భద్రాద్రి శ్రీ సీతారామ కళ్యాణం వైభవంగా జరిగింది. తెలంగాణ ప్రభుత్వం తరపున దేవాదాయ శాఖ కమిషనర్ హనమంతరావు హాజరయ్యారు. యూత్ కమిటీ సమావేశాలు ఈసారి హై లైట్ గా నిలిచాయి. ఏ ఐ సెమినార్, సెలబ్రిటీలతో క్యూ & ఏ, వివిధ విషయాలపై డిబేట్స్ వినోదాత్మకంగా సాగాయి. ఉమెన్స్ ఫోరమ్ లో మహిళా సాధికారత, గృహ హింస, వంటి అంశాలు చర్చించారు. మెహ్రీన్, దేవరకొండ బ్రదర్స్ తో ముఖాముఖీ కార్యక్రమాలు నిర్వహించారు. బిజినెస్ ఫోరంలో రాష్ట్ర మంత్రులు, కాన్సులేట్ జనరల్ రమేష్ బాబు, తెలంగాణ ఐటీ అడ్వైజర్ రవి తంగిరాల తదితరులు పాల్గొనగా, ప్రెసిడెంట్ ఎలెక్ట్ జయంత్ చల్లా మోడరేటర్ గా వ్యవహరించారు. ఎప్పుడూ లేని విధంగా బిజినెస్ పిచ్చింగ్ జరిగింది. టెక్నాలజీ, ట్రేడ్ ఫోరంలో ఏ ఐ వంటి అత్యాధునిక విషయాల ప చర్చ జరిగింది. యెన్ ఆర్ ఐ కమిటీ ఇమ్మిగ్రేషన్, టాక్స్, యెన్ ఆర్ ఐ ఇష్యూస్ సెమినార్లు, ఆంధ్రా, తెలంగాణా, అమెరికా పొలిటికల్ ఫోరంలలో వివిధ విషయాలపై చర్చ ఆసక్తిగా సాగింది. సాహిత్య ఫోరమ్ లో కథా సాహిత్యం, సమకాలీన నవల, పుస్తక ఆవిష్కరణలు జరిగాయి. అష్టావధానం రకరకాల చిక్కుముడులతో రసవత్తరంగా సాగింది. తనికెళ్ళ భరణి, గంగాధర శాస్త్రి ప్రవచనాలు అద్భుతంగా సాగాయి. బ్యూటీ పెజెంట్ వేరే లెవెల్లో ఘనంగా జరిగింది, గెలిచిన వారికి దేవరకొండ బ్రదర్స్ కిరీటాలను అందించారు.జీవిత భాగస్వాములను కోరుకునే పిల్లలు, వారి తల్లిదండ్రులు ఆటా మ్యాట్రిమోనీకి అధిక సంఖ్యలో హాజరయ్యారు. మరోవైపు ప్రధాన కార్యక్రమంలో దాజీ శ్రీ కమలేష్ పటేల్ పాల్గొని ప్రేక్షకులకు సందేశo ఇచ్చారు. థమన్ మ్యూజికల్ కాన్సర్ట్ చిన్నా పెద్దా తారతమ్యం లేకుండా ఉర్రూతలూగించింది. వివిధ రంగాలలో ప్రతిభాపాటవాలు చూపించిన 17 మందికి ఆటా అవార్డులు ప్రదానం చేశారు. మాజీ అధ్యక్షులు భువనేష్ బూజాల, హరి ప్రసాద్ రెడ్డి లింగాల, రామకృష్ణారెడ్డి ఆల, సాయినాథ్ బోయపల్లి, విజయ్ కుందూరు, రఘువీరారెడ్డిలకు అవార్డులు, ఆటా లైఫ్‌టైమ్ సర్వీస్ అవార్డును డాక్టర్ రాజేశ్వర్ రావు టేక్మాల్‌కు అందజేశారు. తెలంగాణ ప్రెస్ అకాడమీ చైర్మన్ జర్నలిస్ట్ అసోసియేషన్ చైర్మన్ శ్రీనివాస్ రెడ్డికి సన్మానం చేశారు. ఆటా మహా సభలు అట్లాంటాలో జరగడం ఇది మూడోసారి. 2000, 2012లో అట్లాంటాలో ఆటా సమావేశాలు జరగగా ఇప్పుడు మళ్లీ పదేళ్ల తరవాత జరిగాయి. కన్వెన్షన్ కోఆర్డినేటర్ శ్రీధర్ తిరుపతి, నేషనల్ కోఆర్డినేటర్ సాయి సూదిని, కో కన్వీనర్ ప్రశాంతి ఆసిరెడ్డి, కో కోఆర్డినేటర్ ప్రశీల్ గూకంటి, కో డైరెక్టర్ శ్రీనివాస్ శ్రీరామ్ ఆధ్వర్యంలో ఏర్పాట్లు జరిగాయి.

ఆటా కన్వెన్షన్ & యూత్ కాన్ఫరెన్స్ జూన్ 7న బ్యాంకెట్‌తో మొదలయ్యి..మూడు రోజులు వివిధ కార్యక్రమాలతో అంగరంగ వైభవంగా జరిగాయి. జార్జియా వరల్డ్‌ కాంగ్రె సెంటర్‌ ప్రాంగణం ఈ వేడుకుల కోసం అంత్యంత సుందరంగా ముస్తాబయ్యింది. అట్లాంటాలో ఈ వేడుకలు 2000, 2012లో జరగగా మళ్లీ ఇన్నేళ్లకు జరగడం విశేషం. ఈ కార్యక్రమాన్ని జ్యోతి ప్రజ్వలనంతో ప్రారంభించిన అనంతరం కన్వెన్షన్ కోర్ టీం కన్వీనర్ కిరణ్ పాశం, అధ్యక్షురాలు మధు బొమ్మినేని ఈ కార్యక్రమానికి విచ్చేసిన అందరికీ సాదర స్వాగతం పలికారు. ఈ కార్యక్రమాన్ని ఇంతలా దిగ్విజయంగా చేసుకునేందుకు సహకరించిన స్పాన్సర్లను కోర్ కమిటీ తోపాటు ప్రెసిడెంట్ ఎలెక్ట్ జయంత్ చల్లా, సెక్రటరీ రామకృష్ణ రెడ్డి ఆలా, ట్రెజరర్ సతీష్ రెడ్డి, జాయింట్ సెక్రటరీ తిరుపతి ఎర్రంరెడ్డి, జాయింట్ ట్రెజరర్ రవీందర్ గూడూరు, బోర్డు అఫ్ ట్రస్టీలు ఘనంగా సత్కరించారు. ఇక ఆటా అవార్డ్స్ కమిటీ వివిధ రంగాలలో ప్రతిభాపాటవాలు చూపించిన వారికి అవార్డులు ప్రదానం చేసింది. ఈ వేడుకలో జరిగిన పలు రకాల సాంస్కృతిక కార్యక్రమాలు ఆహుతులను ఎంతగానో ఆకట్టుకున్నాయి. తెలంగాణ మంత్రివర్యులు కోమటిరెడ్డి వెంకటరెడ్డి, శ్రీధర్ బాబు దుద్దిళ్ల, సినీ నటులు శ్రీకాంత్, మెహ్రీన్, నేహా షెట్టి, తమ్మారెడ్డి భరద్వాజ, సందీప్ రెడ్డి వంగా వంటి పలువురు విశిష్ట అతిథులు ఆటా వారి ఆహ్వానానికి కృతజ్ఞతలు తెలియ జేసి, అందరికీ శుభాకాంక్షలు తెలియజేశారు. అనూప్ రూబెన్స్ బృందం చేసిన మ్యూజికల్ కాన్సర్ట్ చిన్నా పెద్దా తారతమ్యం లేకుండా ఉర్రూతలూగించింది. రుచికరమైన భోజనాలు అందరి జిహ్వ చాపల్యాన్ని తీర్చాయి. ఇక ఈ వేడుకలో యూత్ కాన్ఫరెన్స్ హైటెట్‌గా నిలిచింది. ఎక్కడెక్కడ నుంచే పెద్ద ఎత్తున​ యువతీయువకులు ఈ కార్యక్రమంలో పాల్గొనడం విశేషం. ఈ ఆటా నవత, యువత, భవితకు ఆటా పెద్ద పీట వేస్తుందంటూ దీని ప్రాముఖ్యత గురించి వివరించారు ప్రెసిడెంట్ మధు బొమ్మినేని ఇంకా ఎన్నో ఆకట్టుకునే అలాగే అట్లాంటా నుంచే కాకుండా వివిధ ప్రాంతాల నుండి పలు నాన్ ప్రాఫిట్ సంస్థల నుంచి ఎంతో మంది వచ్చారు. వారందరికీ కన్వీనర్ కిరణ్ పాశం అభినందనలు తెలిపి, ఈ కన్వెన్షన్ ఎలా మొదలయ్యిందీ, ఎంత మంది పాటుపడ్డారు, వాలంటీర్ల కృషి మున్నగు వివరాలు గురించి వివరించారు. ఆటా టీం గౌరవ అతిథులకు కృతజ్ఞతలు తెలియజేసి, సముచితంగా సత్కరించారు. ఇది ఆరంభం మాత్రమే, ఇంకా ఇలాంటి మరెన్నో కార్యక్రమాలు చేసుకుని అందరం కలిసి పాల్గొని ఆనందిద్దాం అని అన్నారు కన్వీనర్ కిరణ్ పాశం.(చదవండి: 18వ ఆటా కన్వెన్షన్ యూత్ కాన్ఫరెన్స్ సర్వం సన్నద్ధం!)

తెలంగాణ ఐటీ శాఖ మంత్రి డి శ్రీధర్‌బాబు అట్లాంటాలోని మహాత్మాగాంధీ విగ్రహానికి నివాళులు అర్పించారు. గాంధీ ఫౌండేషన్ ఆఫ్ యూఎస్‌ఏ (ఎఊ్ఖ అ) ఆహ్వానం మేరకు అట్లాంటా వెళ్లిన ఆయన డాక్టర్ మార్టిన్ లూథర్ కింగ్ సెంటర్‌లోని గాంధీ కాంస్య విగ్రహానికి పూలమాల వేశారు. ఈ సందర్భంగా ఫ్రీడమ్ హాల్, గాంధీ రూమ్, కింగ్ రూమ్, ఎటర్నల్ ఫ్లేమ్, ప్రసిద్ధ ఎబినేజర్ బాప్టిస్ట్ చర్చి, కింగ్స్ బర్త్ హోమ్, విజిటర్స్ సెంటర్, కింగ్ క్రిప్ట్‌లను సందర్శించారు.అట్లాంటాలో గాంధీ విగ్రహ ఏర్పాటుకు సాకారం చేసినందుకు ఇండియన్ ఎంబసీ, ఇండియా కౌన్సిల్ ఫర్ కల్చరల్ రిలేషన్స్, వివిధ కమ్యూనిటీ ఆర్గనైజేషన్స్‌తో పాటు నేషనల్ పార్క్ సర్వీస్‌కు శ్రీధర్‌ బాబు ధన్యవాదాలు తెలిపారు. ఈ స్మారక చిహ్నం ఏటా కింగ్ పార్క్‌ను సందర్శించే లక్షలాది మంది పర్యాటకులకు అహింస, శాంతి కోసం పోరాడాలనే విషయం గుర్తుకుతెస్తుందన్నారు. ఈ కార్యక్రమంలో ప్రముఖ జర్నలిస్ట్, జీఎఫ్‌యూఎస్‌ఏ మీడియా డైరెక్టర్‌ రవి పోణంగి, ఎగ్జిక్యూటివ్‌ డైరెక్టర్‌ ఆంటోనీ థాలియాత్, ఛైర్మన్‌ సుభాష్ రజ్దాన్‌ తదితరులు పాల్గొన్నారు. అమెరికాలోని గాంధీ ఫౌండేషన్‌ను 1997 అక్టోబర్ 26న స్థాపించారు.

జూన్ 7 నుంచి 9 వరకు అట్లాంటాలో అత్యంత భారీగా, మిన్నంటేలా జరగనున్న ఆటా కన్వెన్షన్, యూత్ కాన్ఫరెన్స్ ఏర్పాట్లు బ్రహ్మాండంగా సాగుతున్నాయి. సాంస్కృతిక, సాహిత్య, సంగీత, నృత్య, ఆధ్యాత్మిక, వ్యాపారం, వ్యవస్థాపకత, అవార్డులు, అంగళ్ళు, ఆరోగ్యం, నాయకత్వం, కళలు, మ్యాట్రిమోనీ, పేజంట్ వంటి ఎన్నెన్నో ప్రత్యేక కార్యక్రమాలు ఆ మూడు రోజులలో జరగనున్నాయి. ఆటా వారు యువత తమకు ఎంత ముఖ్యమో చాలాసార్లు తెలియజేసారు, చేతల్లో చూపిస్తున్నారు కూడా. యువతకు ఉపయోగకరంగా సరదాగా సాగే చాలా ఈవెంట్స్ ఉన్నాయి. వారికి ఒక ప్రత్యేక కమిటీ కూడా ఉంది. వినోద, వివేక, విజ్ఞానాల కలబోతగా ఉండనున్న కన్వెన్షన్ గురించి ఎంత సేపైనా మాట్లాడుకోవచ్చు అనడంలో ఎలాంటి అతిశయోక్తి లేదు. ఇక విందు సరే సరి, తెలుగు వారి వంటకాలు నోరూరేలా, ఘుమ ఘుమ లాడుతూ చాలానే ఉండనున్నాయి. వివిధ రంగాలలో ప్రముఖులకు ఆటా అవార్డులు అందజేయటం ఆనవాయితీగా వస్తోంది. పొద్దు పోయాక జరిగే మ్యూజికల్ కాన్సర్ట్ లు ఎప్పుడూ ప్రత్యేక ఆకర్షణే. మహిళా సాధికారికత కోసం ప్రత్యేక కార్యక్రమాలు నిర్వహిస్తున్నారు. విశిష్ట అతిథుల విషయానికి వస్తే, తెలుగు రాష్ట్రాల ముఖ్య మంత్రులు శ్రీ. రేవంత్ రెడ్డి, శ్రీ. జగన్ మోహన్ రెడ్డిని, ఎంతో మంది ప్రముఖ నటులను, దర్శకులను, సాహితీ వేత్తలను, శాస్త్రఘ్నులను, వ్యాపారవేత్తలను, న్యాయ కోవిదులను, వివిధ రంగాలలో నిష్ణాతులను ఆటా నాయకత్వం ఆహ్వానించడం జరిగింది. భారతదేశం నుంచి ఇప్పటికే విజయ్ దేవరకొండ, జాహ్నవి కపూర్, మెహ్రీన్, శ్రీకాంత్, థమన్, అనూప్ రూబెన్స్, సందీప్ రెడ్డి వంగా, తనికెళ్ళ భరణి వంటి వారు వస్తున్నామని నిర్ధారించారు, ఇంకా తెలంగాణా క్యాబినెట్ మంత్రులు, ఎందరో తెలుగు రాష్ట్రాల రాజకీయ నాయకులు, ఇతర ప్రముఖులు విచ్చేస్తున్నారు. ఇన్ని కార్యక్రమాలు ఒకే చోట జరగడం చిరస్మరణీయం. ఆలస్యం దేనికీ, రండీ కదలి రండి, ఈ అత్యద్భుతాన్ని ఆస్వాదించండి. మరిన్ని వివరములకు https://ataconference.org, ఎర్లీ బర్డ్ టికెట్లకు https://ataconference.org/Registration/Attendee-Registration ని సందర్శించండి.జార్జియా కాంగ్రెస్ సెంటర్ ప్రాంగణం చాలా పెద్దది. కన్వెన్షన్ కి 15 నుండి 20 వేల మంది వస్తారని అంచనా, వీళ్ళందరికీ ఈ సెంటర్ చాలా వసతిగా ఉంటుంది. ఆటా ప్రెసిడెంట్ మధు బొమ్మినేని, కన్వీనర్ కిరణ్ పాశం ఆధ్వర్యంలో చాలా టీములు వెళ్లి సదుపాయాలు చూసి వచ్చారు. ఈ సందర్భంగా ప్రెసిడెంట్ మధు గారు మాట్లాడుతూ.. వేల మంది వందల రోజులు ఈ కన్వెన్షన్ కోసం శాయశక్తులా కృషి చేస్తున్నారు. ఇది అభినందనీయం. అందరూరండి, కన్వెన్షన్‌లో పాలు పంచుకోండని అన్నారు. అమెరికా విషయానికి వస్తే, జా2ర్జియా గవర్నర్ బ్రయాన్ కెంపిని ఆహ్వానించారు. ఆయన వీలుంటే తప్పకుండా వస్తాను అన్నారు. అట్లాంటాలోని ఇండియన్ కాన్సులేట్ జనరల్ రమేష్ బాబు లక్ష్మణను సాదరంగా ఆహ్వానించారు. కన్వీనర్ కిరణ్ గారు మాట్లాడుతూ.. కాన్సులేట్ జనరల్‌ రావడం కార్యక్రమానికి ఎంతో వన్నె తెస్తుందని శ్లాఘించారు. అలానే, లోకల్ లీడర్స్ ఎందరినో పిలిచామనీ, వారందరూ విచేస్తున్నారని తెలిపారు. కాంగ్రెస్ మెన్ రిచ్ మెకార్మిక్, సెనేటర్ జాన్ ఆసాఫ్, స్టేట్ రెప్రెసెంటేటివ్ టాడ్ జోన్స్, కమీషనర్లు లారా సేమాన్సన్, ఆల్ఫ్రెడ్ జాన్, సిటీ కౌన్సిల్ దిలీప్ తున్కి, బాబ్ ఎర్రమిల్లి, నరేందర్ రెడ్డి, ఇంకా సిటీ మేయర్లు, ఇతర నాయకులను ఆహ్వానించడం జరిగింది. కోర్ కమిటీ కోఆర్డినేటర్ శ్రీధర్ తిరుపతి, డైరెక్టర్ అనిల్ బొద్దిరెడ్డి, నేషనల్ కోఆర్డినేటర్ సాయి సూదిని, కో కన్వీనర్ ప్రశాంతి ఆసిరెడ్డి, కో కోఆర్డినేటర్ ప్రశీల్ గూకంటి, కో డైరెక్టర్ శ్రీనివాస్ శ్రీరామ్ పలు కమిటీలను, నాయకులను, వాలంటీర్లను తదితరులు సహకారంతో ఈ కార్యక్రమాన్ని విజయవంతం చేసేందుకు కృషి చేస్తున్నారని అన్నారు.ఇండియా నుంచి తేవలసిన వస్తువులు. ఇక్కడ కావలసినవి ఇప్పటికే సమకూరుస్తున్నారు. ఎక్సిబిట్స్ విషయానికి వస్తే, దాదాపు 200 లకు పైగా స్టాల్ల్స్ ఉండనున్నాయి. ఇంకా చాలా మంది పెడదామనుకున్నా, ఇంకే అవకాశం లేదని నిర్వాహకులు చెప్పారు. ఆటా ఎగ్జిక్యూటివ్ కమిటీ నుంచి ప్రెసిడెంట్ ఎలెక్ట్ జయంత్ చల్లా, పాస్ట్ ప్రెసిడెంట్ భువనేశ్ బూజాల, సెక్రటరీ రామకృష్ణ రెడ్డి ఆల, ట్రెజరర్ సతీష్ రెడ్డి, జాయింట్ సెక్రటరీ తిరుపతి ఎర్రంరెడ్డి, జాయింట్ ట్రెజరర్ రవీందర్ గూడూరు తోపాటు ఎంతో మంది కృషి చేస్తున్నారు. ఇలా చెప్పుకుంటూ పోతే, చాలా విశేషాలు ఉన్నాయి. త్వరలో కలుద్దాం. ఈ మధ్యలో మీకు మరిన్ని వివరాలు కావాలంటే, ఆటా సోషల్ మీడియా, వెబ్ సైట్, టీవీ ఇంటర్వ్యూ లు, పత్రికలు చూస్తూ ఉండండి.(చదవండి: తానా ప్రపంచసాహిత్యవేదిక నాల్గవ వార్షికోత్సవ వేడుకలు !)

గ్రేటర్‌ అట్లాంటా తెలుగు సంఘం వారి ఉగాది వేడుకలు అంగ రంగ వైభవంగా జరిగాయి. ఈ కార్యక్రమాన్ని స్పాన్సర్‌ SplashBI వారి సహాయ సహకారంతో, ఏప్రిల్‌ 13న డేశానా మిడిల​ స్కూల్‌(Desana Middle School)లో వేడుకగా నిర్వహించారు. ఈ వేడుకకు దాదాపు 1800 మందికి పైగా విచ్చేశారు. తెలుగు వారి సాంప్రదాయా పద్ధతిలో గణనాథుని ఆరాధన, జ్యోతి ప్రజ్వలన శ్రీకారంతో ఈ కార్యక్రమాన్ని ప్రారంభించారు. నోరూరించే షడ్రుచుల ఉగాది పచ్చడి..వినోదాత్మక రీతిలో యాంకరింగ్‌ చేసిన లావణ్య గూడూరు, లక్మీ మండవల్లిల అల్లరి ముచ్చటలతో మునగితేలారు.  ఈ ఈవెంట్‌లో దాదాపు 200 మంది చిన్నారుల ఆట పాటల సందడి, అతిధుల సాంప్రదాయ వస్త్రదారణ, విభిన్న కళా ‍ ప్రదర్శనలు ఆద్యంతం ఆహుతులను మంత్ర ముగ్దుల్ని చేశాయి. ఈ వేడుకలో పాల్గొన్న వారికి ఫుడ్‌ స్పాన్సర్లు ప్రశాంత్‌, బిర్యాని హౌస్‌ మహేష్‌ స్టాప్‌ ఈట్‌ రిపీట్‌( Stop Eat Repeat) వారు నోరూరించే కమ్మని వంటకాలను అదించారు. ఈ కార్యక్రమంలో దుర్గ ‍ మ్యూజికల్‌ కన్సర్ట్‌తో అఖిల్‌ అందించిన డీజే మ్యూజిక్‌ దద్ధరిల్లగా, అందులో అద్భతమైన గాయని అంజనా సౌమ్యా తన గాన మాదుర్యంలో ఆహుతలను రంజిప చేసింది. అంతేగాదు ఈ వేడుకల్లో పెద్దా, చిన్నా, పిల్లలు చిందులేసి సంతోషంగా గడిపారు. చివరిగా శ్రీరాములోరి రథం తరలిరావడం, అక్షింతలు, ప్రసాదాలు, ఆశీర్వాదాలు అక్కడున్న వారందర్నీ సంభ్రమాశ్చర్యాలకు లోను చేశాయి. ఇక గాటా ఈసీ బోర్డు(Gata EC బోర్డు) సభ్యులకు సహకారులకు, సంస్థ శ్రేయోభిలాషులకు, విశిష్ట అతిథులకు, విచ్చేసిన అతిథులందరికీ పేరుపేరునా కృతజ‍్క్షతలు తెలియజేశారు గాటా ప్రెసిడెంట్ స్వప్న కస్వా.  (చదవండి: అమెరికలో కలవర పెడుతున్న భారత విద్యార్థుల మరణాలు..ఎఫ్‌ఐడీఎస్‌ సీరియస్‌!)

అ‍ట్లాంటాలోని బుఫోర్డ్ హైవేలోగల గ్యాస్ స్టేషన్‌లో గత జనవరి 21న జరిగిన సాయుధ దోపిడీని దులుత్ పోలీస్ డిపార్ట్‌మెంట్ ఛేదించింది. వివరాల్లోకి వెళితే గ్యాస్‌ స్టేషన్‌ నిర్వాహకుడు, క్యాషియర్‌ రాజ్‌ పటేల్.. నలుపు రంగు దుస్తులు ధరించిన గుర్తు తెలియని వ్యక్తి తనపై దాడి చేశాడని, ఐదువేల డాలర్లు దొంగిలించాడని పోలీసులకు ఫిర్యాదు చేశాడు. గ్యాస్‌ స్టేషన్‌లోని సెక్యూరిటీ కెమెరా ఫుటేజ్ సోషల్ మీడియాలో ప్రసారం అయినప్పుడు ఈ సంఘటన అందరి దృష్టిని ఆకర్షించింది. రాజ్‌ పటేల్‌ను ఆ గుర్తు తెలియని వ్యక్తి కొట్టగానే అతను వెంటనే కింద పడిపోయినట్లు వీడియోలో కనిపించింది.  రాజ్‌ పటేల్‌ ఫిర్యాదుతో రంగంలోకి దిగిన పోలీసులు అతనితో పాటు అదే గ్యాస్‌ స్టేషన్‌లో పనిచేస్తున్న కర్టిస్‌లను విచారించారు. దీనిలో వారు డబ్బు కోసం కుట్ర పన్నారని తేలడంతో పోలీసులు వారిని అరెస్టు చేశారు. పటేల్ ఈ దోపిడీకి సంబంధించి చెబుతున్నదానిలో పోలీసులకు పలు అనుమానాలు తలెత్తాయి. రాజ్‌ పటేల్‌ విచారణ అధికారులతో గుర్తు తెలియని వ్యక్తి తన ముఖంపై కత్తితో దాడి చేశాడని చెప్పాడు. అయితే పోలీసులకు రాజ్‌ పటేల్‌ ముఖంపై ఎలాంటి గుర్తులు కనిపించలేదు. సెక్యూరిటీ ఫుటేజ్‌లో కర్టిస్.. రాజ్‌ పటేల్‌ను మెల్లగా కొట్టినప్పటికీ అతను వెంటనే పడిపోవడం పోలీసులలో అనుమానాలను పెంచింది. తనపై దాడిచేశాక ఆ గుర్తు తెలియని వ్యక్తి  బయటపడేందుకు గ్యాస్‌ స్గేషన్‌లోని  మరో తలుపును ఉపయోగించాడని రాజ్‌ పటేల్ పోలీసులకు చెప్పాడు. దీంతో ఆ అధికారి అదే తలుపు నుండి బయటకు వెళ్లి అక్కడ పరిశీలించాడు. కర్టిస్ ఆ గదిలో పనిచేసేవాడని పటేల్ పోలీసులకు తెలిపాడు. అయితే  కర్టిస్ తాను ఈ దాడి జరిగిన సమయంలో ఎవరినీ చూడలేదని పోలీసు అధికారులకు చెప్పాడు.  వీడియో ఫుటేజీలో ఆ గుర్తు తెలియని వ్యక్తి సైడ్ డోర్ నుండి బయటకు వెళ్లి, అక్కడున్న చెత్తకుప్ప దగ్గర రెండుసార్లు బట్టలు మార్చుకున్నట్లు కనిపిస్తోంది. దీంతో పోలీసులు కర్టిస్‌ను అదుపులోకి తీసుకుని, ఆ గది కీని అడిగారు. అతను కీని బయటకు తీసే సమయంలో అతని జేబులో నుండి విలువైన బిల్లులు పడిపోవడాన్ని పోలీసులు గుర్తించారు.  కర్టిస్ గ్యాస్ స్టేషన్‌లో ఉద్యోగి అని, ఈ దోపిడీకి పాల్పడింది అతనేనని పటేల్ పోలీసుల ముందు ఆరోపించాడు. పోలీసుల విచారణలో కర్టిస్  తాను నగదు దొంగిలించినట్లు అంగీకరించాడు. అయితే ఇదంతా రాజ్‌ పటేల్‌ చేసిన ప్లాన్‌ అని, తాను దొంగిలించిన నగదు తీసుకుంటే, రాజ్‌ పటేల్‌ బీమా సొమ్ము తీసుకోవాలని ప్లాన్‌ చేశాడని కర్టిస్‌ పోలీసులకు తెలిపాడు.   

ఇప్పుడు వెజిటేరియన్‌ డైట్‌ అని, ఫ్రూట్‌ జ్యూస్‌ డైట్‌ అని పలు రకాల డైట్‌లు వచ్చేశాయి. తమ ఆహార్యానికి తగ్గట్టుగా వారికి నచ్చిన డైట్‌ని ఫాలో అవుతున్నారు. ఇటీవల బాగా సోషల్‌ మీడియాలో అట్లాంటిక్‌ డైట్‌ అని ఓ డైట్‌ తెగ ట్రెండ్‌ అవుతోంది. ఈ డైట్‌ ఫాలో అయితే కేవలం బరువు మాత్రమే అదుపులో ఉండటమే గాకుండా చాలా రకాల ఆరోగ్య ప్రయోజనాలు ఉన్నాయని చెబుతున్నారు నిపుణులు. అత్యంత ఆరోగ్యకరమైన డైట్‌లలో ఇది కూడా ఒకటని చెబుతున్నారు. ఏంటా డైట్‌ అంటే.. ఈ అట్లాంటిక్‌ డైట్‌ మెడిటేరియన్‌ డైట్‌ని పోలి ఉంటుంది. ఇది యూరప్‌లో బాగా ఫేమస్‌ అయ్యిన డైట్‌. ఇది బరువుని అదుపులో ఉంచడమే గాక శరీరంలోని కొలెస్ట్రాల్‌ స్థాయిలను అదుపులో ఉంచుతుంది. ఆరునెలల పాటు ఈ డైట్‌ ఫాలో అయితే గొప్ప ‍ప్రయోజనాలు పొందగలరని నిపుణులు చెబుతున్నారు. ముఖ్యంగా కొలెస్ట్రాల్‌ స్థాయిల తోపాటు రక్తపోటు, గ్లూకోజ్‌ స్థాయిలను సమతుల్య స్థాయిలో ఉండేట్లు చేస్తుందని నమ్మకంగా చెబుతున్నారు. దాదాపు 200 స్పానిష్‌ కుటుంబాలపై జరిపిన అధ్యయనంలో ఈ విషయం వెల్లడయ్యిందlన్నారు.  ఈ డైట్‌లో ఏం ఉంటాయంటే.. ఈ డైట్‌లో పోర్చుగల్‌, వాయువ్య స్పెయిన్‌లో ప్రసిద్ధి చెందిన ఆహారాలు ఉంటాయి. దీనిని దక్షిణ యూరోపియన్‌ డైట్‌ అని కూడా అంటారు. ఐరోపాలో జరిపిన పలు అధ్యయనాల్లో ఈ డైట్‌ వల్ల అపారమైన ఆరోగ్య ప్రయోజనాలు ఉన్నట్లు తేలింది. ఇందులో క్యాన్సర్ లేదా గుండె జబ్బుల నుంచి ముందుగానే చనిపోయే ప్రమాదం తక్కువగా ఉంటుంది. అంతే కాకుండా కొరోనరీ హార్ట్ డిసీజ్, డయాబెటిస్, స్ట్రోక్ ,ఇతర తీవ్రమైన ఆరోగ్య పరిస్థితుల ప్రమాదాన్ని పెంచే వేలాడే పొట్ట కొవ్వుని కూడా తగ్గించడంలో కూడా ఇది సహాయపడుతుంది. ఈ డైట్‌లో ఉండే ఆహారాలు.. తాజా చేప  కొద్దిగా ఎర్ర మాంసం ఉత్పత్తులు పాలు చిక్కుళ్ళు తాజా కూరగాయలు బంగాళదుంపలు గోధమ బ్రెడ్ కొద్ది మోతాదులో వైన్  ఆకుకూరలు ఈ డైట్‌లె మాంసం, చేపలు తప్పనిసరిగా ఉంటాయి. అయితే మితంగానే ఉంటుంది. ముఖ్యంగా ఒమెగా 3కి సంబంధించిన కొవ్వు ఆధారిత చేపలు, గుడ్లు, పాలు ఉత్పత్తులు తప్పనిసరిగా ఉండేలా చూసుకుంటారు. దీన్ని చాలావరకు కుటుంబసభ్యులంతా కలిసి ప్రిపేర్‌ చేసుకుని ఉత్సాహ భరితంగా ఆస్వాదిస్తారు. దీంతోపాటు రోజువారీ నడక, సైక్లింగ్‌ తప్పనిసరి ఉంటాయి.  ప్రయోజనాలు.. మెటబాలిక్ సిండ్రోమ్‌ను తగ్గిస్తుంది జబ్బులు, మధుమేహం, స్ట్రోక్  వంటివి వచ్చే ప్రమాదం తగ్గుతుంది.  ఊబకాయం వంటివి రావు గుండె ఆరోగ్యాన్ని మెరుగుపరుస్తుంది.  చెడు కొలస్ట్రాల్‌ని దరిచేరనీయ్యదు బరువు అదుపులో ఉంటుంది అధిక రక్తపోటు సమస్య నుంచి బయటపడగలుగుతారు. మూడేళ్లకు అట్లాంటిక్‌ డైట్‌కు కట్టుబడి ఉంటే 60 ఏళ్ల పైబడిన పెద్దల్లో ముందస్తుగా మరణించే ప్రమాదాలు 14% తగ్గుతుందని పరిశోధనలు చెబుతున్నాయి. బరువు తగ్గాలని కోరుకునే వారికి ఇది బెస్ట్‌ డైట్‌.  (చదవండి: నటుడు శరత్‌బాబు ఉసురు తీసింది ఆ వ్యాధే!)

అట్లాంటా దద్దరిల్లేలా, అమెరికా మారుమ్రోగేలా, తెలంగాణ గర్వపడేలా గ్లోబల్‌ తెలంగాణ అసోసీయేషన్‌(జీటీఏ) బతుకమ్మ సంబరాలు జరిగాయి. మునుపెన్నడూ లేని విధంగా సుమారు 5 వేలకు పైగా విచ్చేసిన అతిథులతో డెన్‌మార్క్‌ హైస్కూల్‌ కిటకిటలాడింది. తొలి అడుగులోనే బతుకమ్మ సంబరాల చరిత్రలో నూతన అధ్యాయం సృష్ఠిస్తూ గ్లోబల్ తెలంగాణ అసోసీషియేషన్ తమ ఉత్సాహాన్ని, నిర్వహణా సామర్థ్యాన్ని చాటుకున్నారు. జీటీఏ ప్రతిపాదన మేరకు బతుకమ్మ పండుగను గుర్తిస్తూ జార్జియా రాష్ట్ర అధ్యక్షులు గవర్నర్ కెంపు ప్రతినిధుల అధికారిక ప్రకటన ఈ సంబరాల్లో విశిష్ఠ అంశంగా నిలిచింది.  పలు స్వచ్ఛంద సేవా కార్య్రమాలలో అత్యద్భుత సహకారం అందిస్తున్న వీటీ సేవ సంస్థకు సహకరిస్తూ నిర్వహించనున్న పలు సేవా కార్యక్రమాలను ప్రకటించింది. విశిష్ఠ అతిథిగా తెలంగాణ రాష్ట్ర ప్రభుత్వం తరుపున విచ్చేసిన వి. ప్రకాష్ గారు జీటీఏ కార్య నిర్వహణా సామర్ధ్య పటిమను కొనియాడారు. స్టేట్‌ ఆఫ్‌ జార్జియా, సిటీ ఆఫ్‌ జాన్స్‌ క్రీక్‌ ప్రముఖులు విచ్చేయగా ఈ వేదికపై "Meditation" అనే పుస్తకాన్ని విడుదల చేశారు. తెలంగాణ సంస్కృతి సాంప్రదాయాలు ఉట్టిపడే విధంగా ముస్తాబయిన ఎత్తైన కళాత్మక బతుకమ్మలు అందరినీ అబ్బుర పరుచగా, పరికినీలు పట్టు పంచెలు, పట్టు చీరలు, పలుకరింపుల కోలాహలంతో బంధుమిత్ర సకుటుంబ సపరివార సమేతంగా విచ్చేసిన ఆత్మీయ అతిథులతో కన్నుల పండుగలా అలరించింది జీటీఏ బతుకమ్మ సంబరం. ఆకట్టుకునేలా విభిన్న విక్రయదారుల కోలాహలం, ఘుమఘుమలాడే విందు, సాంస్కృతిక వినోదం, అనురాగ పూరిత ఆతిథ్యం, పిల్లల కేరింతలు, నారీమణుల ఉత్తేజ భరిత బతుకమ్మ ఆటల వాతావరణంతో అందరినీ మంత్రముగ్ధుల్ని గావించింది. నిర్విరామంగా సుమారు 8 గంటలకు పైగా జీటీఏ బతుకమ్మ సంబరం సాగింది. బతుకమ్మ పాటలకు పరవశించి ఆడిపాడి, బతుకమ్మలను సగౌరవంగా నిమర్జనంగావించగా, యువత అందించిన అద్వితీయ సేవా సహకారాలకు హృదయ పూర్వకంగా అభినందనలు తెలియజేశారు.  అత్యుత్సాహంగా బతుకమ్మ పోటీలలో పాల్గొన్న ఆడపడుచులకి , గ్లోబల్‌ తెలంగాణ అసోసీయేషన్‌ కోర్‌ టీం సభ్యులకు, అతిథులకు, సహాయ సహకారకులకు, ఆహ్వానాన్ని మన్నించి విచ్చేసిన ఇతర సంస్థల కార్యవర్గ బృందానికి, స్పాన్సర్లకు హృదయ పూర్వకంగా ప్రత్యేక ధన్యవాదాలు తెలుపుకుంది జీటీఏ సంస్థ. రానున్న కాలంలో మరిన్ని అద్భుత కార్యక్రమాలను నిర్వహిస్తామని తెలియచేయడమే గాక అందుకుగాను అమెరికా తెలుగు ప్రజల ఆదరణాభిమానాలను మద్దతు ఉండాలని కోరింది జీటీఏ అట్లాంటా కార్యవర్గ బృందం. (చదవండి: లండన్‌లో వైభవంగా చేనేత బతుకమ్మ, దసరా సంబరాలు!)

అమెరికా తెలుగు సంఘం ఆటా ద్వైవార్షికంగా నిర్వహించు 18వ మహాసభలను 2024న జూన్ 7,8, 9 తేదీలలో అట్లాంటాలో అత్యంత వైభవోపేతంగా జరగనున్నాయి. అందుకోసం ఈ నెల సెప్టెంబరు 8,9,10తేదీలలో అట్లాంటాలోని మారియట్ హోటల్లో ఆటా బోర్డు సమావేశం, ఫేస్ ఈవెంట్స్ నందు ఆటా18వ మహాసభల కిక్ ఆఫ్ కార్యక్రమం నిర్వహించారు. సెప్టెంబరు 8న, శుక్రవారం సాయంత్రం వివిధ రాష్ట్రాల నుంచి విచ్చేసిన వివిధ నగరాలలో సేవలు అందిస్తున్న ఆటా అధ్యక్షురాలు, ఉపాధ్యక్షులు, పూర్వ అధ్యక్షులు, ట్రస్ట్ బోర్ద్ సభ్యులు,రీజనల్ అడ్వైజర్స్, రీజనల్ కోఆర్దినేటర్స్, వుమెన్ కోఆర్దినేటర్స్, స్టాండింగ్ కమిటీస్, ఆటా అడ్వైజర్స్ పెద్ద సంఖ్యలో ఈ సమావేశానికి హాజరు అయ్యారు. ఆటా అట్లాంటా సభ్యులు మర్యాదపూర్వక స్వాగత సమారోహంతో ఆహ్వానిస్తూ ఆత్మీయ ఆతిథ్యం, అద్వితీయ విందు వినోదాలతో అలరించింది. ఇక సెప్టెంబర్ 9 శనివారం ఉదయం 9 గంటలకు బోర్డు సమావేశం గణనాథుని ప్రార్థనతో ఆరంభమయి, ఆటా అధ్యక్షురాలు మధు బొమ్మినేని సారథ్యంలో, ఉపాధ్యక్షులు జయంత్ చల్లా ,పూర్వ అధ్యక్షులు భువనేష్ బుజాల,హనుమంత్ రెడ్డి,కరుణాకర్ మాధవరం,సుధాకర్ పెరికారి మరియు పరమేష్ భీమ్రెడ్డి, కార్యదర్శి రామకృష్ణ రెడ్డి ఆల, కోశాధికారి సతీష్ రెడ్డి, సంయుక్త కోశాధికారి రవీందర్ గూడూర్, ట్రస్ట్ బోర్ద్ సభ్యుల,రీజనల్ అడ్వైజర్స్, రీజనల్ కోఆర్దినేటర్స్, వుమెన్ కోఆర్దినేటర్స్, స్టాండింగ్ కమిటీస్, ఆటా అడ్వైజర్స్ మరియు అట్లాంటా ఆటా బృందం ఆధ్వర్యంలో నిర్విరామంగా సమావేశాన్ని జరిపారు. ఆటా సభ్యుల ప్రోత్సాహభరిత సందేశాలు , మౌలిక సదుపాయాల చర్చ, ఆవశ్యక సేవా కార్యక్రమాలు, భారత దేశంలో డిసెంబర్ నెలలో జరుగు ఆటా వేడుకల చర్చలు, ఆమెరికన్ తెలంగాణ సొసైటి (ఏటీఎస్‌) సంస్థ విలీనం , సమావేశ సభ్యుల పరిచయం, మహాసభల తాత్కాలిక అడ్హాక్ బృందం ప్రకటన, ఆర్థిక సేవా అభివృద్ధి సంబంధిత అజెండా, రానున్న బోర్డు సమావేశపు కీలక నిర్ణయాలు, వంటి పలు కీలక అంశాల అధ్యయనంతో ప్రభావాన్వితంగా సాగడం హర్షణీయం. ఆటా 18వ సభల కొరకు నియామికమైన కాన్ఫరెన్స్ కన్వీనర్ కిరణ్ పాశం,కాన్ఫరెన్స్ కోఆర్డినేటర్ శ్రీధర్ తిరుపతి, కాన్ఫరెన్స్ డైరెక్టర్ అనిల్ బోదిరెడ్డి నేషనల్ కోఆర్డినేటర్ సాయి సుదినిలు ప్రసంగిస్తూ అట్లాంటా తరుపున అందరికీ అభినందనలు తెలుపుకుంటూ ఆటా సభలకుగాను అందరి సహాయసహకారాలను సవినయంగా కోరుతూ, సభలను గూర్చి పలు అంశాల వివరణ అందించారు. ఆటా మ్యాట్రిమోని కమిటీ కో-చైర్ రమేష్ నల్లవోలు కమిటీ సభ్యుల ఆధ్వర్యంలో అట్లాంటాలో వివాహ పరిచయ వేదిక ఏర్పాటు చేసారు. వధూవరులు, తల్లితండ్రులు, మిత్రులు సుమారు 50 కుటుంబాలు ఈ అవకాశాన్ని సద్వినియోగం చేసుకున్నారు. అనంతరం కమ్మని విందుతో బోర్డు సమావేశం సంపూర్ణం అయ్యింది. మధ్యాహ్నం ఆటా అధ్యక్షురాలు మధు బొమ్మినేని, కాన్ఫరెన్స్ కన్వీనర్ కిరణ్ పాశం, ఆటా 18వ కాన్ఫరెన్స్ బృందం , ట్రస్ట్ బోర్ద్ సభ్యులు, అట్లాంటా ఆటా బృందం 18వ మహాసభలను నిర్వహించు జార్జియా వరల్డ్ కాంగ్రెస్ సెంటర్(జీడబ్ల్యూసీసీ)ని సందర్శించి అట్లాంటా నగర వీధుల్లో ప్రత్యేక సందడి చేసారు. సాయంత్రం 7 గంటలకు అట్లాంటాలోని ఫేస్ ఈవెంట్స్‌లో కాన్ఫరెన్స్ కిక్ ఆఫ్ సమావేశం అధ్యక్షురాలు మధు బొమ్మినేని అట్లాంటా కోర్ సభ్యుల చేత సాంప్రదాయబద్దంగా జ్యోతి ప్రజ్వలనతో శ్రీకారం చుట్టుకోగా గణనాథుని ఆరాధనతో శుభారంభమయ్యింది.  ఆ శుభవేళ కళారాధనతో మొదలైన నీలిమ గడ్డమనుగు నేపథ్యంలో వివిధ శాస్త్రీయ జానపద , చలన చిత్ర గీతికల నృత్య ప్రదర్శనలు, సంగీత విభావరి వంటి అద్భుత కార్యక్రమాలతో ఆద్యంతం సభాసదుల అలరించింది. ఆటా 18వ కాన్ఫరెన్స్ లోగో ను ఇటీవల ఎన్నికైన అమెరికా క్రికెట్ బోర్డ్ చైర్మన్ మరియు పూర్వ ట్రస్ట్ బోర్ద్ సభ్యులు వేణు పీసీకే ఆవిష్కరించగా, మధు బొమ్మినేని, జయంత్ చల్లా కిరణ్, పాశం వేణు పీసీకేను సన్మానించారు. మధు బొమ్మినేని కాన్ఫరెన్స్ సాంగ్ ఆవిష్కరించగా ప్రసిద్ధ గాయకులు, అద్భుత సంగీత సహకారాన్ని అందించిన దర్శకులు మల్లికార్జున సాహిత్య సహకారం అందించిన మాధవి దాస్యంలను అధ్యక్షురాలు మధు బొమ్మినేని అభినందించగా సభాసదులు ప్రతిధ్వనించు హర్షధ్వానాలతో ఆటా సభ అడ్హాక్ సభ్యులను, సలహాదారులను, పూర్వ అధ్యక్షులను, స్పాన్సర్సను హర్షధ్వానాలతో సత్కరించారు. ఈ సాయంకాలం సుమారు 600 గౌరవ అతిథులతో కార్యక్రమం ఆద్యంతం మధురానుభూతులతో ఉల్లాసభరితంగా కొనసాగింది. శ్రావణి రాచకుల్ల సారథ్యంలో సుందర నారీమణుల వస్త్రాలంకరణ ప్రదర్శన (ఫ్యాషన్ షో) వీక్షకులను మంత్రముగ్ధుల్ని చేయగా నూతన మోహన, జనార్ధన్ పన్నేల గార్ల అద్భుత గానాలాపన మరియు స్థానిక గాయకుల గానాలాపానతో జనరంజకంగా సాగింది ఆ శుభ సాయంకాలం. కాన్ఫరెన్స్ కన్వీనర్ కిరణ్ పాశం 18 వ కాన్ఫరెన్స్ కార్యక్రమాలు గురించి తెలుపుతు అందరికీ అభినందనలు తెలియచేశారు. అట్లాంటాలోని స్థానిక తెలుగు సంస్థల TANA, GATA,GATeS, GTA, NATA,NATS,TTA, TDF, TAMA ప్రతినిధులను 18వ ఆటా మహాసభలకు ఆహ్వానించారు. తెలుగు సంస్థల ప్రతినిధులు కూడా 18వ ఆటా మహాసభల విజయవంతంగా సాగడానికి సహాయ సహకారాలను అందిస్తామన్నారు. అధ్యక్షురాలు మధు బొమ్మినేని తమ స్పందన తెలియచేస్తూ కార్యక్రమం అద్భుతంగా, అద్వితీయంగా కొనసాగడానికి కారకులైన విశిష్ఠ అతిథులకు, గౌరవ అతిథులకు, వదాన్యులకు , యూత్ వాలంటీర్స్కు, అట్లాంటా కోర్ సభ్యులకు, అట్లాంటా కోర్ కాన్ఫరెన్స్ దాతలకు  తదితర మీడియా మిత్రులకు హృదయపూర్వక కృతజ్ఞతలు తెలియచేశారు. (చదవండి: ఐటీ అమెరికా నిర్వహించిన ఆత్మీయ సదస్సులో బండి సంజయ్‌!)

అట్లాంట‌:  ఆంధ్ర‌ప్ర‌దేశ్‌లో ప్ర‌త్యేకించి అట‌వీ విశ్వ విద్యాల‌యం (ఫారెస్టు యూనివ‌ర్సిటీ) ఏర్పాటు చేయ‌డానికి రాష్ట్ర ప్ర‌భుత్వం సుముఖంగా ఉంద‌ని రాష్ట్ర విద్యాశాఖ మంత్రి  బొత్స స‌త్య‌నారాయ‌ణ  తెలిపారు. అమెరికాలోని ప‌ర్య‌టిస్తున్న మంత్రి బొత్స స‌త్య‌నారాయ‌ణ  ఇక్క‌డి అల‌బామాలోని సుప్ర‌సిద్ధ ఆబ‌ర్న్ యూనివ‌ర్సిటీ అధికారుల‌తో భేటీ అయ్యారు.  ఆంధ్ర‌ప్ర‌దేశ్ రాష్ట్ర ప్ర‌భుత్వ విదేశీ విద్యా కో-ఆర్డినేట‌ర్ డాక్ట‌ర్ కుమార్ అన్న‌వ‌ర‌పు.. మంత్రి బొత్స‌కు స్వాగ‌తం ప‌లికి ఆబ‌ర్న్ యూనివర్సిటీ అధికారుల‌ను ప‌రిచ‌యం చేశారు.  ఏపీ ప్ర‌భుత్వంతో ఈ యూనివ‌ర్సిటీ కొలాబ‌రేష‌న్ కొర‌కు ఆయ‌న అధికారుల‌తో చ‌ర్చ‌లు జ‌రిపారు.  ఈ సంద‌ర్భంగా మంత్రి  బొత్స మాట్లాడుతూ ఆంధ్ర‌ప్ర‌దేశ్ ప్ర‌భుత్వం ఉన్న‌త విద్య‌కు ఇస్తున్న ప్రాధాన్యం, విద్యా రంగంలో రాష్ట్ర ముఖ్య‌మంత్రి వై.య‌స్‌.జ‌గ‌న్ తీసుకొచ్చిన విప్ల‌వాత్మ‌క మార్పుల గురించి వివ‌రించారు. ఉన్న‌త విద్యారంగాన్ని మ‌రింత ప్రోత్స‌హించడానికి త‌మ ప్ర‌భుత్వం దాదాపు 2600 ప్రొఫెస‌ర్  ఖాళీల‌ను భ‌ర్తీ చేయ‌నున్నామ‌ని తెలిపారు. పాఠ‌శాల విద్య నుంచే ఆంగ్లమాధ్య‌మంలో బోధ‌న‌కు ఏపీ ప్ర‌భుత్వం చేస్తున్న కృషిని వివ‌రించారు. ఏపీ ప్ర‌భుత్వం చేప‌డుతున్న విప్ల‌వాత్మ‌క చ‌ర్య‌ల వ‌ల్ల సాధిస్తున్న ఫ‌లితాల గురించి కూడా మంత్రి బొత్స అక్కడ యూనివ‌ర్సీటీల అధికారుల‌కు వివ‌రించారు.  రాష్ట్ర ప్ర‌భుత్వం ఫారెస్టు యూనివ‌ర్సిటీని ఏర్పాటు చేయ‌డానికి సిద్ధంగా ఉంద‌ని, ఈ యూనివ‌ర్సిటీ అభివృద్ధికి ఆబ‌ర్న్ యూనివ‌ర్సిటీ అధికారుల స‌హాయ స‌హ‌కారాలు, సూచ‌న‌లు త‌ప్పకుండా తీసుకుంటామ‌ని తెలిపారు.    వ్యాక్సిన్ ప‌రిశోధ‌న‌లో స‌హ‌కారం  వ్యాక్సిన్ల అభివృద్ధి ప‌రిశోధ‌న‌, కేస్  స్ట‌డీస్ రంగాల్లో విశేష‌మైన కృషి చేసిన అట్లాంటాలోని సుప్ర‌సిద్ధ ఎమ‌రే యూనివ‌ర్సిటీ అధికారులు మాట్లాడుతూ వ్యాక్సిన్ ప‌రిశోధ‌న‌కు కేస్ స్ట‌డీస్‌కు సంబంధించి ఏపీతో క‌లిసి ప‌నిచేయ‌డానికి తాము సిద్ధంగా ఉన్నామ‌ని చెప్పారు.  అమెరికాలోని సుప్ర‌సిద్ధ యూనివిర్స‌టీల‌తో కొల‌బొరేష‌న్‌కు ఏపీ ప్ర‌భుత్వం సిద్ధంగా ఉంద‌ని మంత్రి బొత్స తెలిపారు.   ప్రొఫెస‌ర్ అమ‌రాతో భేటీ అమెరికాలో వ్యాక్సిన్ గురుగా సుప్ర‌సిద్ధులైన ఎమ‌రే యూనివ‌ర్సిటీ ప్రొఫెస‌ర్  రామారావు అమ‌రాతో మంత్రి బొత్స భేటీ అయ్యారు. ఈ భేటీలో  ఏపీలో వ్యాక్సిన్ అభివృద్ధికి గ‌ల సాధ్యాసాధ్యాల గురించి మంత్రి చ‌ర్చించారు.  ఈ ప‌ర్య‌ట‌న‌లో ఆబ‌ర్న్ యూనివ‌ర్సిటీ ప్రొఫెస‌ర్ అల‌వ‌ల‌పాటి జాన‌కీరామిరెడ్డి, ఆంధ‌ప్ర‌దేశ్ ప్ర‌భుత్వ అమెరికా రెప్ర‌జెంటేటివ్ ర‌త్నాక‌ర్ పండుగ‌ల త‌దిత‌రులు పాల్గొన్నారు.

అట్లాంటా:  వైఎస్సార్‌ వర్ధంతి సందర్భంగా రెండు తెలుగు రాష్ట్రాలతో పాటు ప్రపంచ వ్యాప్తంగా ఉన్న వైయస్ఆర్‌సీపీ శ్రేణులు వివిధ కార్యక్రమాలు చేపట్టారు. దివంగత మహానేత ప్రవేశపెట్టిన సంక్షేమ పథకాలను, ఆయన జ్ఞాపకాలను గుర్తు చేసుకుంటూ నివాళులర్పించారు. ఇక అమెరికాలో సైతం వైఎస్సార్‌సీపీ శ్రేణులు ఈ కార్యక్రమాల్లో పాల్గొన్నారు. అట్లాంటాలో నిర్వహించిన వర్ధంతి కార్యక్రమంలో విద్యాశాఖమంత్రి మంత్రి బొత్స సత్యనారాయణ పాల్గొని దివంగత మహానేతకు నివాళులర్పించారు. ఈ సందర్భంగా మహానేతతో తన అనుబంధాన్ని, ఆయన తీసుకొచ్చిన విప్లవాత్మక కార్యక్రమలు పేదల జీవితాలను ప్రభావితం చేసిన తీరును బొత్స సత్యనారాయణ ప్రస్తావించారు. సమాజం బాగుండాలంటే ప్రతి ఒక్కరూ ఉన్నత చదువులు చదవాలి, నిరుపేదలు తమ పిల్లలను డాక్టర్లు, ఇంజినీర్లుగా చూడాలని దివంగత వైయస్ఆర్ ఆనాడే తపించారు. ఫీజు రీయింబర్స్ మెంట్ పథకాన్ని ప్రవేశపెట్టి లక్షలమంది పేద పిల్లలను ఉచితంగా చదివించారు. ఫీజు రీయింబర్స్మెంట్ పథకం ద్వారా చదువుకున్న ఎంతో మంది పిల్లలు నేడు ప్రపంచవ్యాప్తంగా ఉన్న అనేక ఎంఎన్‌సీల్లో పెద్ద ఉద్యోగాలు చేస్తూ జీవితంలో గొప్పగా స్థిరపడ్డారని పేర్కొన్నారు. దేశానికే ఆదర్శం.. నాడు మహానేత వైఎస్సార్‌ చదువుల కోసం రెండు అడుగులు వేస్తే నేడు ముఖ్యమంత్రి జగన్ అదే స్ఫూర్తితో నాలుగడుగులు ముందుకు వేశారన్నారు. సీఎం జగన్ నేతృత్వంలో ఏపీ ప్రభుత్వం విద్యను ప్రధాన అంశంగా గుర్తించి అనేక విప్లవాత్మక కార్యక్రమాలు చేపట్టిందని అన్నారు. నాడు-నేడు, డిజిటల్ బోధనలు, విద్యాకానుక, అమ్మఒడి, గోరు ముద్ద వంటి పథకాలు దేశంలో మరెక్కడా లేవని, ఏపీ విద్యారంగం దేశానికే ఆదర్శంగా నిలుస్తోందని కొనియాడారు. కార్యక్రమం అనంతరం, ప్రవాస ఆంధ్రులతో చిట్ చాట్ లో పాల్గొన్నారు. సీఎం జగన్ ప్రవేశపెట్టిన ప్రభుత్వ పథకాలు, రాష్ట్ర- దేశ ఆర్ధిక, రాజకీయ పరిస్థితులు ఇతర అంశాలపై ఎన్నారైలతో ముచ్చటించారు.  ఆ ఘనత వైఎస్సార్‌దే కనిగిరి నియోజకవర్గ మాజీ ఎమ్మెల్యే కదిరి బాబురావు మాట్లాడుతూ.. ఆరోగ్య శ్రీ, 108 వంటి అద్భుతమైన కార్యక్రమాల ద్వారా దివంగత వైయస్ఆర్ ప్రపంచానికే స్ఫూర్తిగా నిలిచారని, పేదలకు ఉచితంగా గుండె ఆపరేషన్లు చేయించి ఎంతో మంది ప్రాణాలను కాపాడిన ఘనత వైయస్ఆర్‌దే అని అన్నారు. ఆయన సంక్షేమ పథకాల స్పూర్తితో మన దేశంలోని వివిధ రాష్ట్రాలతో పాటు ఇతర దేశాలూ ఆరోగ్య శ్రీ వంటి పథకాలు ప్రవేశపెట్టాయన్నారు.  వైయస్ జగన్ తండ్రిని మించిన తనయుడు.. ఉత్తర అమెరికా ఏపీ ప్రభుత్వ ప్రత్యేక ప్రతినిధి పండుగాయల రత్నాకర్ మాట్లాడుతూ విశ్వసనీయతకు, మంచితనానికి మారుపేరు డాక్టర్ వైయస్ఆర్ అన్నారు. 14 ఏళ్ల తర్వాత కూడా ప్రజలకు వైయస్ఆర్ పై ఉన్న అభిమానం చెక్కుచెదర్లేదని, తెలుగు నేలపై ఆయన పేరు, ఆయన ప్రవేశపెట్టిన అజరామరంగా కీర్తింపబడతాయని పేర్కొన్నారు. ఆ మహానేత దారిలోనే ప్రయాణిస్తున్న వైయస్ జగన్ తండ్రిని మించిన తనయుడిగా ఏపీని తీర్చిదిద్దుతున్నారని అన్నారు. 4 ఏళ్లలో ఏ ముఖ్యమంత్రికి సాధ్యం కాని విప్లవాత్మక మార్పులను సీఎం వైయస్ జగన్ తీసుకొచ్చారని, ఆంధ్రప్రదేశ్ సీఎంగా జగన్ ఉండటం మన అదృష్టం అని రత్నాకర్ అన్నారు. ఈ కార్యక్రమంలో IIIT మాజీ ప్రిన్సిపాల్ కృష్ణా రెడ్డి వైయస్ఆర్ గొప్పతనాన్ని పద్యరూపంలో చెప్పడం అలరించింది. సీఎం సలహాదారు ( విద్య ) కుమార్ అన్నవరపు కూడా కార్యక్రమంలో పాల్గొని ప్రసంగించారు. అట్లాంటాలో నివాసముంటున్న వైఎస్సార్‌సీపీ శ్రేణులు, సోషల్ మీడియా యాక్టివిస్టులు,  వైఎస్సార్‌ అభిమానులు ఈ కార్యక్రమంలో పాల్గొన్నారు. ఇదీ చదవండి: స్మృత్యంజలి

యూఎస్‌లోని తూర్పు తీర వెంబడి సముద్ర జలాల్లో ఈ బ్యాక్టీరియా ఉంటుంది. ఇది విబ్రియో వల్నిఫికస్ అనే ప్రాణాంతక గాయాల ఇన్ఫెక్షన్లకు దారితీస్తుంది. ఈ బ్యాక్టీరియా కారణంగా ఇన్ఫెక్షన్లు నెక్రోటైజింగ్ ఫాసిటిస్‌కు దారితీస్తుంది. దీంతో ఓపెన్‌ గాయం చుట్టూ మాంసం కుళ్లపోవడం ప్రారంభమవుతుంది. దీన్నే మాంసం తినే బ్యాక్టీరియాగా చెబుతారు. ఈ నైక్రోటైజింగ్‌ ఫాసిటస్‌ అనేది ఒకటికంటే ఎక్కువ రకాల బ్యాక్టీరియాల వల్ల సంభవిస్తుంది. దీని బారిన పడిన కేసుల్లో చాలావరకు ప్రాణాలు కోల్పోయే అవకాశం గానీ అవయవాన్ని కోల్పోయే ప్రమాదం గానీ ఉంటుంది. ఇలాంటి ఇన్ఫెక్షన్‌ బారినే  జెన్నిఫర్‌ బార్లో అనే అట్లాంట మహిళ పడి మరణం అంచులాదాకి వెళ్లొచ్చింది.  అసలేం జరిగిందంటే.. జెన్నిఫర్‌ బార్లో(33) అనే అట్టాంట మహిళ యూఎస్‌లోని బహామాస్‌ పర్యటనలో ఉన్నప్పుడు..సముద్రపు నీరు కారణంగా చిన్నపాటి గాయం అయ్యింది. చాలా చిన్ననీళ్ల ఒరిపిడి గాయం. అదికాస్త పెద్దదిగా అయ్యి బ్యాక్టీరియా ఇన్ఫెక్షన్‌కి గురవ్వుతుందని ఊహించను కూడా ఊహించం. అయితే బార్లో కూడా పెద్ద గాయం కాదనే అనుకుంది. చిన్న పాటి క్రీమ్‌లు వంటివి రాసి గాయం పెద్దది కాకుండా తీసుకోవాల్సిన జాగ్రత్తలన్నింటిని తీసుకుంది. తగ్గిపోతుందనుకుంటే రోజు రోజుకి పెరుగుతుందేంటి అని ఆశ్చర్యపోయింది కూడా. రెండు వారాలకు పైగా కోమాలోనే.. చిన్న గాయం ఏదో పెద్ద రాడ్‌తో కొట్టినట్ల, లేదా పడిపోతే తగిలిన గాయం మాదిరిగా ఇంత నొప్పి వస్తోందేంటి అని కూడా అనుకుంది. అంతే ఓ రోజు తన నివాసంలోనే హఠాత్తుగా స్ప్రుహ కోల్పోయి పడిపోయింది. ఇది గమనించిన ఆమె సోదరుడు వెంటనే ఆస్పత్రికి హుటాహుటినా తరలించాడు. అక్కడ వైద్యుల ఆమె సెప్టిక్‌ షాక్‌తో బాధపడుతున్నట్లు నిర్థారించారు. కాలు బాగా వాచిపోయి నొప్పిగా ఉండటమేగాక అక్కడ చర్మం అంతా వేడిగా ఉంది. బ్యాక్టీరియా ఆమె రక్త ప్రవాహంలో ప్రవేశించడంతో బార్లో సుమారు రెండు వారాల పాటు కోమాలోనే ఉండిపోయింది. ఆమె కిడ్నీ, లివర్‌ ఫెయిల్‌ అయిన లక్షణాలు కనిపించాయి. శ్వాసతీసుకోవడంలో ఇబ్బంది కూడా ఎదురైంది. వైద్యులు కూడా ఆమె దీని నుంచి ఆరోగ్యంతో బయటపడదనే భావించారు. ఆశలన్ని వదులేసి మరీ తమ వంతు ప్రయత్నంగానే వైద్యులు ఆమెకు చికిత్స చేయడం ప్రారంభించారు. ఆమె తొడలో చనిపోయిన కణజాలాన్ని తొలగించడానికి ఏకంగా 12 సర్జరీలు చేశారు. ఆమె కాలును తొలగించకుండానే నయం అయ్యేలా ఎన్నో ప్రయత్నాలు చేశారు. 30కి పైగా సర్జరీలు.. కానీ ఫలితం లేకుండా పోయింది. దీంతో చేసేది లేక వైద్యులు చివరికి ఆమె కాలును తొలగించారు. ప్రస్తుతం ఆమె కాలు లేకుండా ఎలా దైనందిన జీవితాన్ని లీడ్‌ చేయాలో నేర్చుకునే పనిలో పడింది. అంతేగాదు ఈ గాయం కారణంగా కాలుని తొలగించకుండా ఉండేలా తొడలోని కణజాలన్ని తొలగించేందుకు గానూ సుమారు 30కి పైగా సర్జరీలు చేయించుకున్నప్పటికీ కాలు కోల్పోక తప్పలేదు బార్లోకి. కాగా, యూఎస్‌ సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ ప్రకారం..1996 నివేదికలో యూఎస్‌లో ఏడాదికి 500 నుంచి 1500 దాక నెక్రోటైజింగ్‌ ఫాసిటిస్‌కి సంబంధించని కేససులు ఉన్నాయని పేర్కొంది. వాటిలో దాదాపు 20 శాతం ప్రాణాంతకంగా ఉన్నాయని వెల్లడించింది. ఈ ఇన్ఫెక్షన్‌ కారణంగా ప్రతి ఐదుమందిలో ఒకరు చనిపోయే అవకాశం ఉంటుందని కూడా తెలిపింది. దయచేసి బీచ్‌ల వద్ద సముద్రపు నీటిలో ఎంజాయ్‌ చేసేటప్పుడూ జాగ్రత్తగా ఉండండి. ఏదైన గాయమైన జాగుకతతో వ్యవహరించండి. (చదవండి:  సరోగసీకి ప్రత్యామ్నాయం!.భవిష్యత్తులో వేలాది మహిళలకు..)

అమెరికా మాజీ అధ్యక్షుడు డొనాల్డ్‌ ట్రంప్‌ అరెస్ట్‌ అయిన విషయం తెలిసిందే. జార్జియాలోని ఫుల్టన్‌ కౌంటీ జైలు వద్ద గురువారం రాత్రి పోలీసుల ఎదుట లొంగిపోయారు. 2020 సంవత్సరంలో జరిగిన అమెరికా అధ్యక్ష ఎన్నికల ఫలితాల్లో జోక్యం, కుట్రపూరితంగా వ్యవహరించడం వంటి కేసులు నమోదైన నేపథ్యంలో ట్రంప్‌ పోలీసులకు సరెండర్‌ అయ్యారు. ఆయనపై డజనుకు పైగా ఆరోపణలున్న నేపథ్యంలో స్వయంగా ఫుల్టన్‌ కౌంటీ జైలుకు వెళ్లి లొంగిపోయారు. నిబంధనల ప్రకారం పోలీసులు ట్రంప్‌ను అరెస్ట​ చేసి జైలులోకి తీసుకెళ్లారు. ట్రంప్‌కు జైలు అధికారులు P01135809, ఖైదీ నెంబర్‌ కేటాయిచారు. పోలీసు రికార్డుల కోసం కెమెరా ముందు ఆయన ఫొటోను (మగ్‌షాట్‌) కూడా తీశారు. ఫుల్టన్‌ కౌంటీ రికార్డుల ప్రకారం ట్రంప్‌  ఎత్తు 6.3 అడుగులు. 97 కిలోల బరువు ఉన్నారు. ఆయనకు నీలి కళ్లు, స్ట్రాబెర్రీ రంగు హెయిర్‌ ఉన్నట్లు రికార్డుల్లో నమోదు చేశారు. అయితే 2లక్షల డాలర్ల విలువైన బాండ్‌ను(భారత కరెన్సీ ప్రకారం రూ.1.65 కోట్లు) సమర్పించి బెయిల్‌ తీసుకొనేందుకు అట్లాంటా ఫుల్టన్‌ కౌంటీ డిస్ట్రిక్ట్‌ అటార్ని ఫాని విల్లీస్‌ అనుమతించారు. ఆ వెంటనే బెయిల్‌ రావడంతో ఆ ప్రక్రియను పూర్తి చేసేందుకు ట్రంప్‌ జైలుకు వెళ్లారు. ఆయన జైలులో 20 నిమిషాలు గడిపారు. అనంతరం బెయిల్‌పై బయటకొచ్చారు. చదవండి: ఉత్తరకొరియా నిఘా ఉపగ్రహ ప్రయోగం మళ్లీ విఫలం అమెరికా అధ్యక్ష ఎన్నికలకు సంబంధించి ఫలితాల్లో జోక్యం, కుట్ర వంటి కేసుల్లో ఆరోపణలు ఎదుర్కొంటున్న వ్యక్తులు తమంతట తాముగా పోలీసులు ఎదుట లొంగిపోయినా ఆ దేశంలో  దాన్ని అరెస్ట్‌ కిందే పరిగణిస్తారు. ఇక అమెరికా చరిత్రలోనే ఫొటోతో సహా(మగ్‌షాట్‌) పోలీసు రికార్డుల్లోకి ఎక్కిన  తొలి మాజీ అధ్యక్షుడిగా ట్రంప్‌ నిలిచారు. ఆయనపై ఇప్పటి వరకు నాలుగు క్రిమినల్‌ కేసులు నమోదయ్యాయి.   https://t.co/MlIKklPSJT pic.twitter.com/Mcbf2xozsY — Donald J. Trump (@realDonaldTrump) August 25, 2023 కాగా తన మగ్‌ షాట్‌ ఫోటోను ట్రంంట్‌ ట్విటరల్‌లో పోస్టు చేశారు. ఈ ఫొటో ఆన్‌లైన్‌లో వైరల్‌గా మారింది.అయితే  2021 జనవరి 6వ తేదీన ట్రంప్‌ను ట్విటర్‌ బ్యాన్‌ చేసిన విషయం తెలిసిందే. ట్విటర్‌ యాజమాన్య పగ్గాలు ఎలాన్‌ మస్క్‌ తీసుకున్నా గత నవంబర్‌లో ట్రంప్‌పై బ్యాన్‌ తొలగించారు. కానీ ట్రంప్‌ ట్విటర్‌కు దూరంగా ఉంటూ వచ్చారు. నేడు అరెస్టు తర్వాత తొలిసారి తన ఖాతాలో మగ్‌షాట్‌ను పోస్టు చేశారు.. ‘ఎన్నికల్లో జోక్యం.. ఎప్పుడూ లొంగను..’ అని క్యాప్షన్‌ ఇచ్చారు. ఈ ట్వీట్‌ను కేవలం 2గంటల్లో 4.2 కోట్ల మంది వీక్షించారు. రెండు లక్షల సార్లు రీట్వీట్‌ చేశారు.

ఏదైనా దుకాణం లేదా స్టోర్‌లో లూటీ జరినప్పుడు అక్కడ అలజడి నెలకొంటుంది. లేదా ఆగంతకుడి చేతిలో ఆయుధం ఉంటే ఆ ప్రాంతంలో మౌనం నెలకొంటుంది. అయితే ఇటీవల అట్లాంటాలో దీనికి భిన్నమైన ఘటన చోటుచేసుకుంది. ఇక్కడి ఒక నెయిల్‌ సెలూన్‌లో లూటీ చేసేందుకు వచ్చిన ఆగంతకుని ఎటువంటి పరిస్థితి ఎదురయ్యిందంటే.. దానిని ఎవరూ ఊహించలేరు.  ఈ లూటీకి సంబంధించిన వీడియో వైరల్‌గా మారింది. దానిని చూసిన జనం తెగ నవ్వుకుంటున్నారు. నెయిల్‌ సెలూన్‌లోని సీసీటీవీ ఫుటేజ్‌లో ఉన్నదాని ప్రకారం అక్కడి సిబ్బంది కస్టమర్లకు సర్వీస్‌ చేస్తున్నారు. ఇంతలో ఒక ఆగంతకుడు అరుచుకుంటూ నెయిల్‌ సెలూన్‌లోకి ‍ప్రవేశించి.. ‘అందరూ కింద కూర్చుని, నోరుమూసుకుని మీ దగ్గరున్న సొమ్ము ఇవ్వండి’ అని డిమాండ్‌ చేశాడు. ఆ ఆగంతకుని చేతిలో ఒక బ్యాగు ఉంది. దానిలో ఆ ఆగంతకుడు చేతులు పెట్టి, దీనిలో ఒక తుపాకీ ఉంది. బయటకు తీసి ఎవరినైనా కాల్చేస్తానని బెదిరించాడు.  అయితే ఆగంతకుని అరుపులకు, బెదిరింపులకు అక్కడున్న ఎవరూ కించిత్తు కూడా భయపడలేదు. వారంతా ఎంతో రిలాక్స్‌ అవుతూ, ఫోను చూసుకుంటూ కూర్చున్నారు. అక్కడున్నవారంతా ఈ విధంగా ప్రవర్తిస్తారని ఆ ఆగంతకుడు అస్సలు ఊహించలేదు. చివరికి సెలూన్‌ యజమాని కూడా ఏ మాత్రం స్పందించకపోవడాన్ని ఆ ఆగంతకుడు జీర్ణించుకోలేకపోయాడు. ఇంతలో ఒక మహిళ తన ఫోనును బయటకు తీయగా, ఆ ఆగంతకుడు దానిని లాక్కున్నాడు. అయితే ఆమె ఏమాత్రం రియాక్ట్‌ అవకుండా మెల్లగా బయటకు వెళ్లిపోయింది.  సెలూన్‌లో ఉన్న పరిస్థితులను చూసి ఆ ఆగంతకుడు ఉత్త చేతులతోనే బయటకు జారుకున్నాడు. ఆ సెలూన్‌ రెగ్యులర్‌ కస్టమర్‌ లీజా బోరె మీడియాతో మాట్లాడుతూ ఈ ఘటనలో సెలూన్‌ యజమాని కొద్దిగా భయపడ్డాడని, వినియోగదారులెవరూ స్పందించలేదని, దీంతో ఆ దొంగ పారిపోయాడని తెలిపారు. ఇది కూడా చదవండి: బీబీసీ యజమాని ఎవరు? సంస్థకు సొమ్ము ఎలా వస్తుంది?  

అర్జెంటీనా స్టార్‌ లియోనల్‌ మెస్సీ తన సూపర్‌ ఫామ్‌ను కొనసాగిస్తున్నాడు. ఇటీవలే ఇంటర్‌ మియామి క్లబ్‌ తరపున అరంగేట్రం చేసిన తొలి మ్యాచ్‌లో సబ్‌స్టిట్యూట్‌గా వచ్చిన మెస్సీ అదనపు సమయంలో వచ్చిన ఫ్రీకిక్‌ను గోల్‌గా మలిచి థ్రిల్లింగ్‌ విజయాన్ని అందించాడు. ఇది మరువకముందే మరోసారి ఇంటర్‌ మియామి క్లబ్‌ తరపున అదరగొట్టాడు. బుధవారం తెల్లవారుజామున(భారత కాలామాన ప్రకారం) అట్లాంటా యునైటెడ్‌తో జరిగిన మ్యాచ్‌లో ఇంటర్‌ మియామి క్లబ్‌ 4-0తో ఘన విజయాన్ని అందుకుంది. తొలి మ్యాచ్‌లో సింగిల్‌ గోల్‌తో మెరిసిన మెస్సీ ఈసారి మాత్రం డబుల్‌ గోల్స్‌తో పాటు ఒక అసిస్ట్‌ చేసి జట్టు విజయంలో కీలకపాత్ర పోషించాడు. ఆట ఎనిమిదో నిమిషంలో సెర్జియో బస్‌క్వెట్స్‌ నుంచి పాస్‌ అందుకున్న మెస్సీ బంతిని గోల్‌పోస్ట్‌లోకి తరలించి ఇంటర్‌ మియామి క్లబ్‌ ఖాతా తెరిచాడు. ఆ తర్వాత 22వ నిమిషంలో మరో గోల్‌తో మెరిసిన మెస్సీ మ్యాచ్‌లో రెండో గోల్ నమోదు చేశాడు. ఇక ఆట 53వ నిమిషంలో రాబర్ట్‌ టేలర్‌కు మెస్సీ అసిస్ట్‌ అందించగా.. అది గోల్‌గా వెళ్లడంతో ఇంటర్‌ మియామి 3-0తో భారీ ఆధిక్యంలోకి వెళ్లిపోయింది. ఇక 84వ నిమిషంలో క్రిస్టోఫర్‌ మెక్‌వే గోల్‌ కొట్టడంతో 4-0తో ఇంటర్‌ మియామి స్పష్టమైన విజయాన్ని అందుకుంది.  ఇక మ్యాచ్‌ చివర్లో 12 నిమిషాలు ఉందనగా ఇంటర్‌ మియామి క్లబ్‌ మెస్సీని వెనక్కి పిలిచింది. మొత్తం గేమ్‌ ఆడించడానికి రిస్క్‌ తీసుకోలేమని తెలిపింది. దీంతో మెస్సీ మైదానం నుంచి వెళ్లిపోయే సమయంలో ఒక ఆసక్తికర ఘటన చోటుచేసుకుంది. మ్యాచ్‌కు అభిమానులు పోటెత్తారు. అయితే కేవలం మెస్సీ ఆటను చూడడానికే తాము వచ్చామని.. అతను ఆడకపోతే మేం ఇక్కడ ఉండడం వ్యర్థమంటూ.. మెస్సీ మైదానం వీడగానే చాలా మంది అభిమానులు స్టేడియం నుంచి వెళ్లిపోయారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇది గమనించిన మెస్సీ మ్యాచ్‌ అనంతరం ఫ్యాన్స్‌ను ఉద్దేశించి.. ''నాకోసం మ్యాచ్‌ చూసేందుకు వచ్చిన అభిమానులకు కృతజ్ఞతలు.. కానీ ఇలా మ్యాచ్‌ మధ్యలో మీరు వెళ్లిపోవడం నాకు నచ్చలేదు.. ఇలాంటివి వద్దు.. మీ అభిమానానికి థాంక్స్‌'' అంటూ పేర్కొన్నాడు. من مغادرة الجماهير بعد خروج الأسطورة ميسي🏟️ pic.twitter.com/RdW11m84Iu — Messi Xtra (@M30Xtra) July 26, 2023 That Busquets > Messi link up play 😍 Lionel Messi makes it two goals in two gamespic.twitter.com/MYRNwukH0N — 101 Great Goals (@101greatgoals) July 25, 2023 LIONEL MESSI WITH HIS SECOND GOAL OF THE MATCH FOR INTER MIAMI! Via MLS.pic.twitter.com/itYUdcED4h — Roy Nemer (@RoyNemer) July 26, 2023 చదవండి: FIFA World Cup: ప్రపంచకప్‌లో ఆడిన అతిపిన్న వయస్కురాలిగా.. Asian Games 2023: హర్మన్‌పై వేటు.. ఆసియా గేమ్స్‌లో జట్టును నడిపించేది ఎవరు?

అట్లాంటా: పీచ్ ట్రీలో జరిగిన మహిళల 10 కిలోమీటర్ల పరుగుపందెంలో ఇతియోపియా కు చెందిన ఒలింపియన్ అథ్లెట్ సెన్బెర్ టెఫెరి మొత్తం పరుగు పందాన్ని పూర్తి చేసి గమ్యస్థానానికి ఆమడ దూరంలో చేయకూడని పొరపాటు చేసి 10,000 యూఎస్ డాలర్ల ప్రైజ్ మనీని కోల్పోయింది.  ఇతియోపియాకు చెందిన 28 ఏళ్ల అథ్లెట్ సెన్బెర్ టెఫెరి జులై 4న జరిగిన అట్లాంటాలో జరిగిన 10,000 కిలోమీటర్ల పరుగు పందెంలో డిఫెండింగ్ చాంపియన్ హోదాలో బరిలోకి దిగింది. మొత్తం పరుగు పందాన్ని విజయవంతంగా పూర్తి చేసిన సెన్బెర్ చివరి అంచెలో పరిగెడుతుండగా ఆమె పొరపాటున ఆమె ముందున్న ఎస్కార్ట్ బైక్ ను అనుసరించి కుడి వైపుకు తిరిగిపోయింది.  అప్పటికి పరుగులో ఆమె మిగతా వారికంటే చాలా ముందుంది. కానీ ఆమె రాంగ్ టర్న్ తీసుకుని పెద్ద పొరపాటు చేయడంతో మిగతావారు ఆమెకంటే ముందు గమ్యాన్ని చేరుకున్నారు. పక్కనున్న వారు సెన్బెర్ ను అప్రమత్తం చేశాక మళ్ళీ ఆమె సరైన దిశగా పరుగు లంఘించుకుని గమ్యాన్ని చేరుకొని మూడో స్థానంలో నిలిచింది.  ఈ రేసులో మొదటి స్థానంలో నిలిచిన టెస్ఫే 10 వేల డాలర్ల ప్రైజ్ మనీని సొంతం చేసుకోగా సెన్బెర్ మాత్రం 3000 డాలర్ల ప్రైజ్ మనీతో సరిపెట్టుకుంది. రేసు పూర్తయ్యాక సెన్బెర్ జరిగిన పొరపాటుకి బాధతో కుమిలిపోయింది. సహచరులు ఆమెను ఓదార్చే ప్రయత్నం చేశారు. కీలకమైన దశలో సెన్బెర్ చేసిన పొరపాటు ఖరీదు 7 వేల డాలర్లన్న మాట.   During the women's elite division of the Peachtree Road Race, a 10-kilometer race held annually in Atlanta on July 4, one runner took a wrong turn just before the finish line, costing her the win pic.twitter.com/qRs9Umk19y — CNN (@CNN) July 4, 2023 ఇది కూడా చదవండి: ఎయిర్‌పోర్టులో వీరంగం.. కంప్యూటర్లను నేలకేసి కొట్టి.. 

అమెరికన్ ప్రోగ్రెసివ్ తెలుగు అసోసియేషన్ (APTA) 15 ఏళ్ల జాతీయ కన్వెన్షన్.. జార్జియా రాష్ట్రంలోని అట్లాంటాలో.. సెప్టెంబర్ ఒకటి నుంచి మూడు వరకు నిర్వహిస్తున్నట్టు అసోసియేషన్ అధ్యక్ష, కార్యదర్శులు కొట్టే ఉదయ భాస్కర్, ఏ. బాబి ప్రకటించారు. హైదరాబాద్ లో   జరిగిన మీడియా సమావేశంలో వారు ప్రసంగించారు. ఆప్తా ఏర్పడి 15 ఏళ్ల అయిందని సుమారు పదివేల మంది కి పైగా స్కాలర్ షిప్ లు అందిస్తున్నదని నిర్వాహకులు తెలియజేశారు.  మీడియా సమావేశంలో అసోసియేషన్ అధ్యక్షుడు సుబ్బు కోలా ఉదయభాస్కర్ కొట్టి, విజయ్ గుడిసె,  గోపాల్ గుడిపాటి, అడ్డా బాబి  తదితరులు ప్రసంగించారు. ఈ సంవత్సరానికి ఆప్తా కన్వెన్షన్ కు సుమారు 7000 మంది సభ్యులు హాజరవుతారని భావిస్తున్నట్టు చెప్పారు. రాష్ట్రంలో కమ్యూనిటీ లీడర్లకు, పాఠశాలలకు, దాతలకు, వ్యాపారవేత్తలకు, ఇతర వివిధ రంగాల ప్రముఖులకు ఆహ్వానాలు అందజేసినట్టు వివరించారు. 15 ఏళ్ల క్రితం ఏర్పడిన ఈ సంస్థ చదువు, సేవే పరమార్థంగా పనిచేస్తుందని తెలిపారు. మహిళా సాధికారత కోసం పనిచేస్తున్నట్టుగా వివరించారు. అమెరికాకు వచ్చే వేలాదిమంది విద్యార్థులకు ఇమ్మిగ్రేషన్ సేవలు విద్య ఉపాధి సౌకర్యాలను కూడా కల్పించేందుకు తాము కృషి చేస్తున్నామని నిర్వాహకులు తెలిపారు. ఆప్తా కన్వెన్షన్ కు తెలుగు రాష్ట్రాల నుంచి ప్రముఖులందరూ తరలి రావాల్సిందిగా కోరారు. తెలుగు సంఘాలు ఎన్ని ఉంటే అంత మేలు జరుగుతుందని అమెరికాలో ఎవరికీ పోటీ కాదని అందరం కలిసి మెలిసే పని చేస్తామని వారు చెప్పారు. ప్రశ్నించుకుంటాం తప్ప ఒకరికి ఒకరు పోటీ కాదని తెలిపారు. త్వరలో తెలుగు రాష్ట్రాల్లోని అన్ని ప్రధాన నగరాలలోనూ మీడియా సమావేశాలు నిర్వహించి తమ సదస్సు ఉద్దేశాలను వివరిస్తున్నట్టు తెలిపారు. తెలుగు అంటే రెండు రాష్ట్రాలే కాదని ఐదు రాష్ట్రాలకు పైగా ప్రతినిధులు ప్రాతినిధ్యం వహిస్తున్నారని, తమిళనాడు, పాండిచ్చేరి, కర్ణాటక, తమిళనాడు, తెలంగాణ, ఆంధ్రప్రదేశ్ రాష్ట్రాలలో తమ కార్యకలాపాలు నిర్వహిస్తున్నామని.. అమెరికాలోని సేవ కార్యక్రమాలను ఈ రాష్ట్రాల ప్రజలకు అందిస్తున్నట్టుగా తెలిపారు. సదస్సు కర్తవ్యాన్ని మర్చిపోకుండా సుమారు 500 మంది వాలంటీర్లు నిరంతరం పనిచేస్తున్నారని చెప్పారు. (చదవండి: పెన్సిల్వేనియాలో ఎన్టీఆర్‌ శత జయంతి వేడుకలు)

పోలీస్‌ పెట్రోలింగ్‌ వాహనాన్నే దొంగలించేందుకు యత్నం చేశాడు. ఆ క్రమంలో ముందు వెనుక చూడకుండా ఊహించనంత వేగంగా వెళ్లిపోయాడు. మృత్యుముఖం వరకు వెళ్లి త్రుటిలో బయటపడ్డాడు. ఈ అనుహ్య ఘటన యూఎస్‌లోని అట్లాంటాలో చోటుచేసుకుంది. వివరాల్లోకెళ్తే..యూఎస్‌లోని అట్లాంటాలో ఓ వ్యక్తి పోలీస్‌ పెట్రోలింగ్‌ కారును దొంగలించే సాహసం చేశాడు. దీంతో ఒక్కసారిగా అలర్ట్‌ అయిన పోలీసులు అతడ్ని వెంబడించారు. అంతేకాదు ఒక పక్క కారుని ట్రేస్‌ చేస్తూ ఫాలో చేయడం ప్రారంభించారు. మరోవైపు గగనతలం నుంచి హెలకాఫ్టర్‌ల సాయంతో కూడా ఛేజ్‌ చేస్తున్నారు. ఇంతలో అనుహ్యంగా ఆ కారు అదుపుతప్పి సమీపంలో ఉన్న రైల్వే పట్టాలపై పల్టీలు కొట్టి తలికిందులగా పడిపోయింది. ఐతే అదే సమయంలో అనుహ్యంగా ఒక రైలు స్పీడ్‌గా వస్తోంది. అంతే నిమిషాల వ్యవధిలో పోలీసులు వచ్చి ఆ నిందితుడిని బయటకు లాగి రక్షించిన కొద్ది నిమిషాల్లోనే రైలు ఆ కారుని గుద్దుకుంటూ వెళ్లిపోయింది. నిందితుడు మాత్రం కొద్దిపాటి గాయాలతో ప్రాణాలతో బయటపడ్డాడు. ఈ మేరకు పోలీసులు సదరు వ్యక్తిని రక్షించడమే గాక అతనిపై కేసు నమోదు చేసి అరెస్టు చేశారు. అందుకు సంబంధించిన వీడియో నెట్టింట వైరల్‌ అవుతోంది.    Dramatic body camera footage shows Atlanta police saving a suspect from an oncoming train at the last minute. Police chased a man who stole a patrol vehicle while an officer was conducting a traffic stop, but was halted when the suspect crashed the car onto train tracks. pic.twitter.com/7r4MmfIjFp — Newsweek (@Newsweek) January 30, 2023 (చదవండి: విమానంలో ప్రయాణకురాలి వీరంగం..సిబ్బందిని హడలెత్తించేలా కొట్టి, ఉమ్మి వేసి...)

అట్లాంటి తెలుగువారి తెలంగాణా సంప్రదాయ పండుగ బతుకమ్మను నాలుగువేల భారీ జనసందోహం మధ్య  తెలంగాణా డెవలప్మెంట్  ఫోరమ్ ఆధ్వర్యంలో అత్యంత వైభవంగా జరుపుకున్నారు. అక్టోబర్ 1వ తేదీన నిర్వహించిన బతుకమ్మ, దసరా ఉత్సవం అంగరంగ వైభవంగా జరిగింది. స్థానిక కళాకారులు ప్రదర్శించిన రకరకాల సాంస్కృతిక కార్యక్రమాలతో ఈ వేడుకలు ఆరంభమైనాయి. తెలుగింటి ఆడుపడుచులు రంగురంగుల పూలతో అలంకరించిన బతుకమ్మలు ఆహుతులను అలరించాయి.  పిల్లలూ పెద్దలూ కలిసి వందకు పైగా కళాకారులు ప్రదర్శనలు నిర్వహించారు. ఆరుగంటలపాటు  బతుకమ్మల ఆటపాటలతో సందడిగా సాగిన ఈ వేడుక, బతుకమ్మల నిమజ్జనంతో ముగిసింది.  ఆకట్టుకునే బతుకమ్మలతో  మహిళలు రెండువేల డాలర్ల వరకు క్యాష్ ప్రైజులు, డైమండ్ రింగ్, సిల్వర్ కాయిన్లు సిల్వర్ బౌల్ సెట్లు, వెరా బ్రాడ్లీ పర్సులు వంటి  ఆకట్టుకునే ప్రైజులు గెల్చుకున్నారు.   ఆహుతుల కోసం కాంప్లిమెంటరీ సాంప్రదాయ భోజనం ఏర్పాటు చేశారు వివిధ రకాల వెండర్ స్టాల్స్ ఏర్పాటు చేశారు. టీడీఎఫ్ కోర్ టీమ్ సమిష్టి కృషితో ఘనమైన బతుకమ్మ పండుగను నిర్వహించి విజయవంతం చేయటం గర్వంగా ఉందని టీడీఎఫ్ అట్లాంటా చాప్టర్ అధ్యక్షురాలు స్వప్న కస్వా కృషిని కొనియాడుతూ అలాగే ఈ కార్యక్రామానికి సహకరించిన మహిళలతోపాటు, కార్యక్రమ విజయవంతం చేసిన వాలంటీర్లకు ప్రత్యేక ధన్యవాదాలు తెలియజేసారు. ఫోర్ ఓక్స్ ఇన్సూరెన్స్, పీచ్ క్లీనిక్, ర్యాపిడ్ ఐటీ, ఈఐయెస్ టెక్నాలజీస్, ఎవరెస్ట్ టెక్నాలజీస్ మొదలగు దాతలు స్పాన్సర్ చేయగా, టీడీఎఫ్ కోర్ టీమ్, అట్లాంటా చాప్టర్ కమిటీ, మరెందరో వాలంటీర్లు కలిసి ఈ కర్యక్రమాన్ని ఆద్యంతం రక్తి కట్టించారు.

అట్లాంటా: అమెరికాలోని అట్లాంటా నగరంలో నార్త్ అమెరికన్ తెలుగు అసోసియేషన్‌ (నాటా), APNRT అద్వర్యంలో HTA వారి సహకారంతో జులై 9వ తేదీన శ్రీదేవి, భూదేవి సమేత శ్రీవెంకటేశ్వర స్వామి  కళ్యాణం కన్నుల పండుగలా జరిగింది. టీటీడీ కళ్యాణం కార్యనిర్వాహకవర్గం సభ్యులు  శ్రీనివాసులు రెడ్డి కొట్లూరి, నంద గోపి నాథ రెడ్డి, HTA కార్యవర్గ కమిటీ,  వారి మిత్ర బృందం, వాలంటీర్ల సహకారంతో స్వామి వారి కళ్యాణోత్సవం సజావుగా సాగేలా సమన్వయం చేసారు.  తిరుమల తిరుపతి దేవస్థాన అర్చకులు, వేదపండితులు కళ్యాణాన్ని నిర్వహించారు. కళ్యాణోత్స క్రతువులో భాగంగా పుణ్యహవచనం, విశ్వక్సేన ఆరాధన, అంకురార్పణ,మహా సంకల్పం, కన్యాదానం, మాంగల్య ధారణ, వారణ మాయిరం, హారతితో శాస్త్రోక్తంగా కళ్యాణోత్సవం నిర్వహించారు. హిందూ టెంపుల్ అఫ్ అట్లాంటా కార్య వర్గం  వారు స్వామి, అమ్మవార్లకు పట్టువస్త్రాలు సమర్పించారు. అశేష సంఖ్యలో భక్తులు హాజరై కళ్యాణ ఘట్టాన్ని ప్రత్యక్షంగా తిలకించి, తరించారు, భక్తులందరికీ తిరుమల నుండి తెచ్చిన లడ్డూ ప్రసాదం అందించారు.  అమెరికాలో పుట్టి పెరిగిన ఈ తరం పిల్లలకు కలియుగ ప్రత్యక్ష దైవం శ్రీ వెంకటేశ్వర స్వామి వారి ఆశీస్సులతో పాటు ఆధ్యాత్మిక భావాన్ని కల్పించాలనే ప్రధాన ఉద్దేశ్యంతో ఈ వేడుకల్ని నిర్వహించారు. గత రెండు సంవత్సరాలుగా కరోనా కారణంగా తమ స్వస్థలాలకు రాలేక, స్వామివారి  దర్శనానికి నోచుకోని వేలాది మంది భక్తుల కోసం టీటీడీ  ఆధ్వర్యంలో అమెరికాలోని 9 నగరాల్లో శ్రీనివాస కళ్యాణం నిర్వహిస్తున్న విషయం విదితమే. దాదాపుగా 100 సభ్యులతో కూడిన గాన బృందం  ఆధ్వర్యంలో అన్నమయ్య కీర్తనలతో ఈ  వివాహ మహోత్సవం  ఘనంగా జరిగింది. గాయనీ గాయకులకు నిర్వాహకులు ధన్యవాదాలు తెలిపారు. ఈ కార్యక్రమంలో నాటా అధ్యక్షుడు శ్రీదర్ కొరసపాటి,  నాటా నేషనల్ కన్వెన్షన్  అడ్వైజర్ శ్రీనివాసులు రెడ్డితో పాటు, ఎస్‌వీబీసీ డైరెక్టర్ శ్రీనివాస్ రెడ్డి, టీటీడీ ఏఈఓ బి. వెంకటేశ్వర్లు, వైఎస్సార్సీపీ యూఎస్‌ఏ గవర్నింగ్ కౌన్సిల్ మెంబర్ నంద గోపినాథ రెడ్డి తదితరులు పాల్గొన్నారు.  

తెలంగాణ డెవలప్‌మెంట్‌ ఫోరమ్‌ (అట్లాంటా) ఆధ్వర్యంలో ప్రవాస భారతీయులు చెట్టు కింద వంట కార్యక్రమాన్ని ఉల్లాసంగా నిర్వహించారు. 2022 మే 14న బూఫోర్డ్‌ డ్యామ్‌రోడ్డులో ఉన్న సరస్సు ఒడ్డున చిక్కనైన వనంలో పచ్చని చెట్ల కింద వంటావార్పు - ఆటాపాటలతో సందడి చేశారు. ఆరేళ్ల కిందట టీడీఎఫ్‌ ఈ వంటావార్పు కార్యక్రమానికి శ్రీకారం చుట్టింది.  ఈ వంటావార్పు కార్యక్రమంలో 800ల మందికి పైగా ఎన్నారైలు పాల్గొన్నారు. పిల్లల నుంచి పెద్దల వరకు అంతా హాయిగా గడిపారు. పురుషులు నలభీములై పాకాలను ఘుమఘుమలాడించగ, స్త్రీమూర్తులు అన్నపూర్ణలై కమ్మదనాన్ని రంగరించారు. సుమారు 20 రకాల నోరూరే శాకాహార మాంసాహార వంటకాలు సిద్ధం చేశారు. లావణ్య గూడూరు తన ఆటపాటలతో ఆకట్టుకుంది.  చెట్టు కింద వంట కార్యక్రమం విజయవంతం చేసేందుకు  ప్రణాళిక బద్దంగా కార్యాచరణ రూపొందించుకుని టీడీఎఫ్‌ అందులో విజయం సాధించింది. బాపురెడ్డి కేతిరెడ్డి, స్వాతి సుదిని సారథ్యంలో స్వప్న కస్వా నేతృత్వంలో ఎగ్జిక్యూటివ్‌ బోర్డు సభ్యులు, కోర్‌టీం మెంబర్స్‌ అంతా కలిసికట్టుగా ఈ కార్యక్రమాన్ని విజయవంతం చేశారు.  ఈ కార్యక్రమ నిర్వాహణకు తమ వంతు సహకారాన్ని అందించిన సువిద, డెక్కన్‌ స్పైస్‌, డీజే దుర్గం, లావణ్య గూడురు ఇతర స్వచ్చంధ సంస్థలకు టీడీఎఫ్‌ ధన్యవాదాలు తెలిపింది. భవిష్యత్తులో తాము చేపట్టబోయే కార్యక్రమాలకు ఇదే తీరుగా సహాకారం ఇవ్వాలని కోరింది. తమ ఆహ్వానం మన్నించి వచ్చిన ప్రవాస తెలుగువారికి మరోసారి కృతజ్ఞతలు  తెలిపింది.    చదవండి : టీడీఎఫ్‌ ఆధ్వర్యంలో ఘనంగా వనితా డే

UEFA Champions League 2021-22.. యూఈఎఫ్‌ఏ చాంపియన్స్‌ లీగ్‌లో భాగంగా  అర్జెంటీనా గోల్‌ కీపర్‌ జువాన్‌ ముస్సో పాయింట్‌ బ్లాక్‌లో గోల్‌ అడ్డుకోవడం సోషల్‌ మీడియాలో వైరల్‌గా మారింది. ఆ గోల్‌ కీపర్‌ తాను అడ్డుకొని తన జట్టును ఓటమి నుంచి రక్షించాడు. అట్లాంటా, విల్లారియల్‌ మధ్య జరిగిన మ్యాచ్‌లో ఇది చోటుచేసుకుంది. ఆటలో ఫస్ట్‌హాఫ్‌ కాసేపట్లో ముగుస్తుందనగా.. ప్రత్యర్థి మిడ్‌ఫీల్డర్‌ వేగంగా దూసుకొచ్చి గోల్‌పోస్ట్‌ వైపు బంతిని తన్నాడు. అయితే అప్పటికే అప్రమత్తమైన జువాన్‌ ముస్సో గాల్లోకి ఎగిరి పాయింట్‌ బ్లాక్‌ తేడాతో తన చేతితో బంతిని గోల్‌పోస్ట్‌ పై నుంచి వెళ్లేలా చేశాడు. దీంతో అట్లాంటా బతికిపోయింది. ఆ తర్వాత ఇరు జట్లు చెరో గోల్‌ చేయడం.. ఓవరాల్‌గా 2-2తో మ్యాచ్‌ డ్రాగా ముగిసింది. అట్లాంటా తరపున రెమో ఫ్రూలర్‌ ఆట 6వ నిమిషంలో.. రాబిన్‌ గోసెన్స్‌ 83వ నిమిషంలో గోల్‌ చేయగా.. విల్లారియల్‌ తరపున మనూ ట్రిగురస్‌ ఆట 39వ నిమిషంలో.. ఆర్నాట్‌ డంజూమా 73వ నిమిషంలో గోల్‌ చేశాడు. చదవండి: తాలిబన్‌ ముప్పు.. పాక్‌ చేరిన అఫ్ఘాన్‌ మహిళల ఫుట్‌బాల్‌ జట్టు Cristiano Ronaldo: రొనాల్డో సంచలనం.. ఫుట్‌బాల్‌లో కొత్త చరిత్ర View this post on Instagram A post shared by UEFA Champions League (@championsleague)

అమెరికాలోని అట్లాంటలో భారత స్వాతంత్ర్య దినోత్సవ వేడుకలను ఘనంగా నిర్వహించారు. గ్యాస్‌ సౌత్‌ కన్వెన్షన్‌ సెంటర్‌లో జరిగిన ఈ కార్యక్రమానికి ఇండియన్ కౌన్సిల్ ఆఫ్ జనరల్ స్వాతి కులకర్ణి  ప్రత్యేక అతిథిగా హాజరయ్యారు. స్వాతంత్ర దినోత్సవంతో పాటు ఇండియన్ అమెరికన్ కల్చరల్ అసోసియేషన్ (ఐఏసీఏ) 50వ వార్షికోత్సవ వేడుకలు నిర్వహించారు. ఈ వేడుకల్లో బాలీవుడ్‌ నటి పూజా బాత్రా, లిసా క్యూపిడ్‌, నికోల్. కౌంటీ కమిషనర్లతో పాటు లూసీ కాంగ్రెస్ సభ్యుడు ఈ కార్యక్రమానికి హాజరయ్యారు. కోవిడ్‌ నిబంధనలు పాటిస్తూ ఈ వేడుకల్లో ప్రవాస భారతీయులు పాల్గొన్నారు. ఈ సందర్భంగా పలు దేశభక్తి గీతాల ఆలాపన, నృత్య ప్రదర్శనలు నిర్వహించారు. ఈ వేడుకల్లో చిన్నారుల నుంచి పెద్దల వరకు అంతా ఉత్సాహంగా పాల్గొన్నారు.  డల్లాస్‌లో  భారత 75వ స్వాతంత్ర దినోత్సవ వేడుకులను అమెరికాలోని డల్లాస్‌లో ప్రవాస భారతీయులు ఘనంగా నిర్వహించారు. జాతిపిత మహత్మా గాంధీ విగ్రహం దగ్గర ప్రత్యేక లైటింగ్‌ ఏర్పాటు చేశారు. అమెరికా, భారత జెండాలను పట్టుకుని వందేమాతరం, జైహింద్‌ నినాదాలు చేశారు.  

అట్లాంటా : జార్జియాలోని కమ్మింగ్ సిటీలో జాతీయ స్థాయి బ్యాడ్మింటన్ టోర్నమెంట్‌ పోటీలు ప్రారంభమయ్యాయి. జార్జియాలోని అట్లాంటా రిక్రియేషన్ క్లబ్‌లో ఈ  జాతీయ స్థాయి  బ్యాడ్మింటన్ టోర్నమెంట్‌ను నిర్వహిస్తున్నారు. ఇందులో  11 నుంచి 19 ఏళ్ల వయస్సు వారికి పోటీలు నిర్వహిస్తున్నారు. కోవిడ​ సంక్షోభం తర్వాత జరుగుతున్న మొదటి జాతీయ స్థాయి టోర్నమెంట్ ఇదే.  అట్లాంటా రిక్రియేషన్ క్లబ్ అనేది ఉత్తర అట్లాంటా జార్జియన్లకు ప్రపంచ స్థాయి బ్యాడ్మింటన్ ప్లే మరియు కోచింగ్ అరేనాతో సేవలందించే ప్రీమియం సౌకర్యం. ఇక్కడ జరుగుతున్న పోటీల్లో  దేశవ్యాప్తంగా వివిధ ప్రాంతాలకు చెందిన 160 మంది క్రీడాకారులు పాల్గొంటున్నారు. 

అట్లాంట: ఏపీలో అధికారంలో ఉ‍న్న వైఎస్సార్‌సీపీ ప్రభుత్వం కూడా సంక్షేమ పథకాలకు పెద్ద పీట వేస్తోందని అభిప్రాయపడ్డారు ప్రవాస భారతీయులు. సీఎం జగన్‌ ​సైతం తండ్రిగారి బాటలోనే నడుస్తున్నారని ప్రశంసించారు. జులై 11 ఆదివారం మధ్యాహ్నం అట్లాంటాలో వైయస్సార్ గారి జయంతి వేడుకలు కన్నుల పండువగా జరిగాయి. సీడీసీ నిబంధనలు పాటిస్తూ రాజన్నకు  శ్రద్ధాంజలి ఘటించారు. ఈ సందర్భంగా డాక్టర్‌ వైఎస్సార్ పాలన, ఆయన హయాంలో జరిగిన సంక్షేమ, అభివృద్ధి కార్యక్రమాలను గుర్తు తెచ్చుకున్నారు. అదేవిధంగా ఏపీలో సీఎం జగన్‌ పాలనలో జరుగుతున్న ప్రజా సంక్షేమ పథకాలు గురించి చర్చించారు. శ్రీనివాస్‌రెడ్డి  కొట్లూరు, నంద గోపినాథ్‌రెడ్డి, వెంకటరామి రెడ్డి చింతంల ఆధ్వర్యంలో ఈ కార్యక్రమం జరిగింది.  అట్లాంటాలో మహానేత వైఎస్‌ రాజశేఖరరెడ్డి గురించి ఏ సభ జరిగినా, ఏ కార్యక్రమం జరిగినా భారీ ఎత్తున అభిమానులు ఇతర ప్రాంతాల నుంచి ఇక్కడకు రావడం ఆనవాయితీగా వస్తోంది. ఈసారి జరిగిన 72వ జయంతి వేడుకలకు భారీగానే ఆయన అభిమానులు వచ్చారు.  ఇందులో ఒక్క ఉమ్మడి ఆంధ్రప్రదేశ్‌కి చెందిన వాళ్లే కాకుండా తమిళనాడు, కర్ణాటక, కేరళ రాష్ట్రాలకు చెందిన అభిమానులు కూడా ఉండటం విశేషం.  జననేత రాజశేఖరరెడ్డి ప్రవేశపెట్టిన సంక్షేమ పథకాల ద్వారా లబ్ధి పొందిన కొంతమంది వక్తలు ప్రసంగిస్తూ.... వైఎస్సార్‌తో  తమకున్న సాన్నిహిత్యం, ఆయన ద్వారా చేకూరిన లబ్ది, వారి ప్రాంతంలో అందిన సంక్షేమ ఫలాలు గురించి ప్రసంగించారు.

అట్లాంటా: తెలుగు జాతి, సంప్రదాయం ప్రపంచ పటంపై వెలుగుతోంది. తాజాగా అమెరికాలోని జార్జియా రాష్ట్రంలో తెలుగుకు అద్భుతమైన గుర్తింపు లభించింది. అక్కడ అధికారికంగా తెలుగు సంవత్సరాది ఉగాది వేడుకలను ఘనంగా నిర్వహించారు. ఈ మేరకు జార్జియా రాష్ట్ర ప్రభుత్వం ఓ ప్రకటన విడుదల చేసింది. ఏప్రిల్‌ 12వ తేదీ ఉగాది సందర్భంగా ఆ రోజును తెలుగు భాష, హెరిటేజ్‌ దినోత్సవంగా గుర్తిస్తూ ఆ రాష్ట్ర గవర్నర్‌ బ్రెయిన్‌ పి.కెంప్‌ ఉత్తర్వులు జారీ చేశారు.  ఈ సందర్భంగా తెలుగువారి సేవలను జార్జియా ప్రభుత్వం ప్రశంసించింది. దాంతోపాటు తెలుగు సంప్రదాయం, భాష బాగుంటుందని పేర్కొంది. ఈ సందర్భంగా నార్త్‌ స్టెయిర్స్‌ ఆఫ్‌ జార్జియాలో జరిగిన ఉగాది వేడుకలో తెలుగు వారికి దానికి సంబంధించిన ఉత్తర్వుల ప్రతిని అధికారులు అందించారు. జార్జియాలో తెలుగువారు అత్యధిక సంఖ్యలో ఉన్నారు. వైద్యులు, ఇంజనీర్లుగా జార్జియా అభివృద్ధిలో పాలుపంచుకుంటున్నారు. దాదాపు 500 మంది అక్కడి విద్యా రంగంలో ఉపాధ్యాయులు, అధ్యాపకులుగా ఉన్నారు. భారతదేశ సంప్రదాయాన్ని పరిరక్షిస్తూనే తెలుగు వారుగా గుర్తింపు పొందుతున్నారు. ఏప్రిల్‌ 12వ తేదీని తెలుగు భాష, హెరిటేజ్‌ దినోత్సవంగా గుర్తించి ఆ రోజు పాటలు, ఆటలు, సాహిత్య పోటీలు నిర్వహించాలని నిర్ణయించింది.   

అమెరికాలో తుపాకి సంస్కృతి కొత్తకాదు. హఠాత్తుగా ఉన్మాదం ఆవహించినట్టు జనంపై విరుచుకు పడి దాడులు చేసిన ఉదంతాలు అక్కడ తరచుగా  చోటు చేసుకుంటున్నాయి. అట్లాంటాలో మొన్న మంగళవారం ఈ తరహాలోనే ఒక దుండగుడు దాడి చేసి 8 మంది ప్రాణాలు తీశాడు. వీరిలో ఆరుగురు ఆసియా సంతతికి చెందిన మహిళలు. మరో ఇద్దరు శ్వేత జాతీయులు. ఇది జాత్యహంకార దాడా, వేరే కారణాలున్నాయా అన్నది తెలియాల్సివున్నా... గత ఏడాది కాలంగా ఆసియా సంతతి వారిని లక్ష్యంగా చేసుకుని ఏదో రకమైన దాడులకు పాల్పడటం మాత్రం పెరిగిందని జాత్యహంకార దాడుల నిరోధానికి పనిచేస్తున్న సంస్థ చెబుతోంది. వాస్తవానికి దేశంలోని ఇతర ప్రాంతాలతో పోలిస్తే అట్లాంటా ప్రశాంతమైన ప్రాంతమని, ఇక్కడ కాల్పుల ఘటనలు ఇంతక్రితం పెద్దగా లేవని స్థానికులు చెబుతున్న మాట. నిరుడు అక్కడ ఒకే ఒక ఘటన జరిగిందని వారంటున్నారు. మొత్తంగా అమెరికా విధానాలనూ, రాజకీయాలనూ తుపాకులే శాసిస్తున్న వర్తమాన పరిస్థితుల్లో ఇలాంటి విషాద ఘటనలు చోటుచేసుకోవటంలో వింతేమీ లేదు. రోడ్డు ప్రమాదాల్లో మరణిస్తున్నవారికన్నా తుపాకులకు బలవుతున్నవారే ఎక్కువగా వున్న సందర్భాలు అమెరికా చరిత్రలో లేకపోలేదని చెబు తారు. అయినా అమెరికా వీటినుంచి నేర్చుకున్నదేమీ లేదు. తుపాకుల వినియోగాన్ని నియంత్రిం చటానికి డెమొక్రాటిక్‌ పార్టీ ఏదోమేరకు ప్రయత్నిస్తుంది. కానీ రిపబ్లికన్లు ఇందుకు ససేమిరా వ్యతిరేకం. మారణాయుధాలు దగ్గరుంచుకోవటం పౌరహక్కుల్లో భాగమని వారి అభిప్రాయం. తుపాకి ఉత్పత్తిదారుల లాబీ బలంగా వుండటం వల్లనే ఇలా జరుగుతోందన్నది చాలామంది ఆరోపణ. తుపాకులను యధేచ్ఛగా విక్రయించే సంస్కృతి గతంలో బ్రిటన్‌ తదితర దేశాల్లో కూడా వుండేది. కానీ ఆ దేశాలు క్రమేపీ అందుకు దూరమయ్యాయి. తగిన నియంత్రణలు విధించాయి. ఇప్పుడు దాడి చేసిన 21 ఏళ్ల యువకుడు మసాజ్‌ సెంటర్ల ముసుగులో వ్యభిచారాన్ని సాగిస్తున్న వారిపట్ల ఆగ్రహంతో ఇలా చేశాను తప్ప జాతిపరమైన కక్షతో కాదని పోలీసులకు చెప్పాడంటు న్నారు. అయితే ఇందులో నిజానిజాలేమిటో లోతుగా దర్యాప్తు చేస్తే తప్ప వెల్లడికాదని వారు చెబుతున్నారు.  అమెరికా సమాజంలో అన్నిచోట్లా వున్నట్టే ఆధిపత్య భావజాలం అల్లుకుని వుంది. ఆ భావజాలం పురుషాహంకారం, జాత్యహంకారం రూపాల్లో తరచు బయటపడుతుంటుంది. మూకుమ్మడి మారణకాండ ఉదంతాలు చోటుచేసుకోవటానికి ఇవే ప్రధాన కారణాలు. నాలుగేళ్ల క్రితం కాన్సాస్‌లో తెలుగువాడైన శ్రీనివాస్‌ కూచిభొట్ల ఇలాంటి ఉన్మాది చేతుల్లోనే బలైపోయాడు. ఒకప్పుడు అన్నిటా అగ్రభాగంలోవున్న తమ దేశం ఆఫ్రో అమెరికన్లు, ముస్లింలు, వలసదారుల కారణంగా నాశనమైపోతున్నదని భావించే ఇలా కక్ష తీర్చుకున్నానని దుండగుడు అప్పట్లో చెప్పాడు. దేశంలో నివసిస్తున్న అన్ని జాతులు, మతాలు, సంస్కృతులు సమష్టిగా కృషి చేయబట్టే ప్రపంచంలో అగ్రభాగాన నిలబడగలిగామన్న వాస్తవాన్ని ఈ మాదిరి ఆధిపత్య భావజాలంలో పడి కొట్టుకుపోతున్నవారికి అర్థంకాదు. అలాంటివారిని ఏదోమేరకు చక్కదిద్దాల్సిన తరుణంలో డోనాల్డ్‌ ట్రంప్‌ రంగ ప్రవేశం చేసి ఆ ధోరణిని మరింతగా ప్రోత్సహించారు. 2016 అధ్యక్ష అభ్యర్థిత్వంకోసం ప్రయత్నాలు ప్రారంభించినప్పటినుంచి ఆయన శ్వేతజాతి దురహంకారాన్ని ఒక పద్ధతి ప్రకారం రెచ్చగొడుతూ పోయారు. ‘అమెరికాను మళ్లీ అగ్రభాగాన నిలబెడదామంటూ ఆయన ఇచ్చిన నినాదం అప్పటికి పదేళ్లుగా అధికారానికి దూరంగా వున్న రిపబ్లికన్‌ పార్టీకి ఊపిరిపోసి వుండొచ్చు గానీ, అమాయకుల్ని అకారణంగా పొట్టనబెట్టుకునే ఉన్మాదులకు కూడా ఊతం ఇచ్చింది. శ్రీనివాస్‌ కూచిభొట్లను హత్య చేసిన ఏడాదే ఓర్లాండోలోని నైట్‌ క్లబ్‌పై కొందరు దాడి చేసి 50 మందిని కాల్చి చంపారు. ఆ మరుసటి ఏడాది లాస్‌వెగాస్‌లో సంగీత కచేరి చూస్తున్న 60మందిని తుపాకి గుళ్లకు బలిచేశారు. ఆ ఉదంతంలో 500మందికి పైగా గాయపడ్డారు.  అట్లాంటా దాడిని జాత్యహంకారంనుంచి వేరు చేసి చూడటం సాధ్యం కాదు. ఆసియా సంతతివారిలో కూడా ప్రత్యేకించి మహిళలనే లక్ష్యంగా ఎంచుకుని దాడులు జరుగుతున్నాయన్నది వీటిని అధ్యయనం చేస్తున్న విశ్లేషకులు చెబుతున్న మాట. పురుషులతో పోలిస్తే మహిళలపై జరిగిన దాడులు రెట్టింపు వున్నాయని వారు వివరిస్తున్నారు. డోనాల్డ్‌ ట్రంప్‌ నాలుగేళ్లు అధికారంలోవుండగా అవకాశం చిక్కినప్పుడల్లా వలసవచ్చి స్థిరపడినవారిని ద్వేషిస్తూ మాట్లాడేవారు. వారిని వెళ్లగొడితే తప్ప స్థానికులకు ఉద్యోగావకాశాలుండవని చెప్పేవారు. శ్రీనివాస్‌ కూచిభొట్ల ఉదంతం జరిగి నప్పుడు కూడా మొదట్లో ఆయన స్పందించటానికి ఇష్టపడలేదు. ఆ తర్వాత నలుమూలలనుంచీ విమర్శలు రావటంతో సంతాపం వ్యక్తంచేశారు. నేరాలు జరగని సమాజం, ఉన్మాదులు లేని ప్రదేశం ఎక్కడా వుండవన్నది నిజమే. కానీ అలాంటి పెడధోరణుల్ని నియంత్రించటానికి ఏం చేస్తున్నామని వ్యక్తులైనా వ్యవస్థలైనా ప్రశ్నించుకోనట్టయితే, సకాలంలో తగిన దిద్దుబాటు చర్యలు తీసుకోనట్ట యితే అవి పెరుగుతూ పోతాయి. ఇక అధికారంలో వున్నవారే ఆజ్యం పోస్తే అవి మరింత పెచ్చరిల్లు తాయి. గత నాలుగేళ్లుగా అమెరికాలో జరిగింది అదే. తాజా ఉదంతంపై అధ్యక్షుడు జో బైడెన్‌ వెంటనే స్పందించటం బాగానే వున్నా ఈ తరహా ఉన్మాదాన్ని అరికట్టటానికి అవసరమైన విధానా లను రూపొందించాలి. ముఖ్యంగా తుపాకి సంస్కృతిని రూపుమాపేందుకు కృషి చేయాలి.

అట్లాంటా: అమెరికాలోని అట్లాంటాలో వరస కాల్పులు కలకలం రేపాయి. ఒక గంట వ్యవధిలోనే మూడు వేర్వేరు మసాజ్‌ సెంటర్లలో జరిగిన కాల్పుల్లో ఎనిమిది మంది మృతి చెందారు. వీరిలో ఆరుగురు మహిళలు ఆసియా దేశాలకు చెందినవారే ఉన్నారు. కాల్పులకు పాల్పడ్డాడని అనుమానిస్తున్న 21 ఏళ్ల యువకుడిని పోలీసులు అదుపులోనికి తీసుకొని ప్రశ్నిస్తున్నారు. అట్లాంటా పోలీసు చీఫ్‌ రాడ్నీ బ్రియాంట్‌ తెలిపిన వివరాలు ప్రకారం ఉత్తర అట్లాంటాకు 50 కి.మీ. దూరంలోని గ్రామీణ ప్రాంతమైన అక్వర్త్‌లో మంగళవారం సాయంత్రం 5 గంటలకు యంగ్స్‌ ఆసియన్‌ మసాజ్‌ పార్లర్‌లో తుపాకుల మోత మోగింది. ఈ కాల్పుల్లో ఇద్దరు అక్కడికక్కడే మరణించగా, మరో ఇద్దరు ఆస్పత్రికి తరలిస్తుండగా ప్రాణాలు కోల్పోయారు. మరొకరు తీవ్రంగా గాయపడ్డారు. ఆ తర్వాత సాయంత్రం 6 గంటలు అవుతుండగా అట్లాంటాకి సమీపంలోని బక్‌హెడ్‌లోని గోల్డ్‌ స్పాలో జరిగిన కాల్పుల్లో ముగ్గురు మహిళలు ప్రాణాలు కోల్పోయారు. ఆ మసాజ్‌ సెంటర్‌లో దోపిడి జరుగుతోందన్న సమాచారం మేరకు పోలీసులు వచ్చి చూడగా ముగ్గురు మహిళలు విగతజీవులై పడి ఉన్నారు. అక్కడికి సమీపంలోనే ఉన్న మరో వీధిలో అరోమాథెరపీ స్పాలో కూడా కాల్పులు జరిగాయి. ఈ ఘటనలో ఒక మహిళ ప్రాణాలు కోల్పోయినట్టు పోలీసు చీఫ్‌ వివరించారు. ఈ బీభత్సకరమైన హింసాకాండలో బాధి తుల కోసం మేమంతా ప్రార్థనలు చేస్తున్నామంటూ అట్లాంటా గవర్నర్‌ బ్రెయిన్‌ కెంప్‌ ట్వీట్‌ చేశారు.   కాల్పులు జరిపింది ఒక్కడేనా ?   అక్వర్త్‌ ఘటనలో కాల్పులకు తెగబడినట్టుగా అనుమానిస్తున్న వ్యక్తిని అదుపులోనికి తీసుకొని పోలీసులు ప్రశ్నిస్తున్నారు. స్పా బయట అతను తిరుగుతున్న దృశ్యాలు సీసీ టీవీ కెమెరాల్లో రికార్డయ్యాయి. వుడ్‌స్టాక్‌కు చెందిన రాబర్ట్‌ ఆరన్‌ లాంగ్‌గా అతనిని గుర్తించారు. మిగిలిన రెండు చోట్ల కాల్పులు జరిపింది అతని పనేనని పోలీసులు అనుమానిస్తున్నారు. మొదటి వీడియోలో కనిపించిన కారు, కాల్పులు జరిగిన ఇతర ప్రాంతాల్లో కూడా కనిపించింది. కరోనా వైరస్‌ అగ్రరాజ్యాన్ని అతలాకుతలం చేస్తున్న నేపథ్యంలో ఆసియన్‌ అమెరికన్లపై దాడులు విస్తృతంగా జరుగుతున్నాయి. ఈ కాల్పులు కూడా అందులో భాగమేనన్న ఆందోళన పెరుగుతోంది. మరోవైపు అక్వర్త్‌లో యంగ్స్‌ ఆసియన్‌ మసాజ్‌ పార్లర్‌లో మరణించిన వారందరూ దక్షిణ కొరియాకి చెందిన మహిళలేనని ఆ దేశ విదేశాంగ శాఖ ఒక ప్రకటనలో వెల్లడించింది.

వాషింగ్లన్‌: అగ్రరాజ్యం అమెరికాలో మరోసారి కాల్పుల మోత మోగిపోయింది. దుండగులు అట్లాంటాలోని మసాజ్‌ పార్లర్‌, స్పాలను లక్ష్యంగా చేసుకుని దొంగతనం చేయడానికి ప్రయత్నిస్తుండగా చోటు చేసుకున్న కాల్పుల్లో ఎనిమింది మంది చనిపోయారు. వీరిలో ఆరుగురు ఆసియా ఖండానికి చెందిన మహిళలు ఉండటం గమనార్హం. కాల్పులకు పాల్పడినట్లు భావిస్తున్న అనుమానితుడిని పోలీసులు అరెస్ట్‌ చేశారు.  వివరాలు.. వుడ్‌స్టాక్‌కు చెందిన రాబర్ట్ ఆరోన్ లాంగ్‌ మంగళవారం అట్లాంటాలో ఉన్న ఓ బ్యూటీ స్పా దగ్గర దొంగతనం చేయడానికి ప్రయత్నించాడు. ఈ క్రమంలో అతడిని అడ్డుకోవడానికి ప్రయత్నించిన వారిపై విచక్షణారహితంగా కాల్పులు జరిపాడు.  ఇలా రెండు స్పాలు, ఓ మసాజ్‌ సెంటర్‌ దగ్గర మొత్తం ఎనిమిది మందిపై కాల్పులు జరిపాడు. వీరిలో నలుగురు అక్కడికక్కడే మరణించారు. మరో నలుగురి ఆస్పత్రిలో చికిత్స పొందుతూ ప్రాణాలు విడిచారు. మరణించిన వారిలో ఆరుగురు ఆసియా ఖండానికి చెందిన మహిళలు ఉన్నారు. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేశారు. కాల్పులకు తెగబడిన రాబర్ట్‌ ఆరన్‌ కోసం గాలించడం ప్రారంభించారు. రాబర్ట్ ఆరోన్ లాంగ్‌ను రాత్రి 8:30 గంటలకు అదుపులోకి తీసుకున్నారు పోలీసులు.    చదవండి: దారుణం: చూస్తుండగానే దడేల్‌, దడేల్‌!

వాషింగ్టన్‌ : వివాహం అంటే స్త్రీ, పురుషలు మధ్య జరిగే వేడుక. అయితే ఈ మధ్య కాలంలో సేమ్‌ సెక్స్‌ వివాహాలు కూడా జరుగుతున్నాయి. ఏది ఏమైనా పెళ్లి చేసుకోవాలంటే ఇద్దరు తప్పని సరి. కానీ కొన్ని నెలల కిత్రం ఓ వ్యక్తి తనను తానే పెళ్లి చేసుకున్న సంఘటన గురించి ఉన్నాం. తాజాగా ఇలాంటి సంఘటన మరొకటి చోటు చేసుకుంది. ఓ యువతి తనను తానే వివాహం చేసుకుంది. ఇందుకు ఆమె ఓ సరికొత్త సిద్ధాంతాన్ని తెర మీదకు తెచ్చింది. తన సంతోషం కోసం తనను తానే వివాహం చేసుకున్నానని వెల్లడించింది అమెరికా అట్లాంటాకు చెందిన మెగ్‌ టేలర్‌ మోరిసన్‌.  ఈ సందర్భంగా మెగ్‌ మాట్లాడుతూ.. ‘‘అందరి ఆడపిల్లలాగే నేను మంచి వ్యక్తిని వివాహం చేసుకుని సంతోషంగా జీవించాలనుకున్నాను. కానీ అన్ని మనం అనుకున్నట్లే జరగవు కదా. నేను, నా బాయ్‌ఫ్రెండ్‌ గతేడాది జూన్‌లో విడిపోయాం. బ్రేకప్‌ నన్ను కుంగదీసింది. చాలా బాధపడ్డాను. ఆ సమయంలో నాకు ఓ ఆలోచన వచ్చింది. లవ్‌ ఫెయిల్యూర్‌‌ అయినంత మాత్రాన నేను నా కలల్ని, సంతోషాలని ఎందుకు చంపుకోవాలి అని అనిపించింది. అలా అని మరో వ్యక్తిని వివాహం చేసుకోవాలనిపించలేదు. దాంతో ఈ నిర్ణయం తీసుకున్నాను’’ అని తెలిపింది మెగ్‌. ఇక వివాహం కోసం సంప్రదాయం ప్రకారం అన్ని ఏర్పాట్లు చేసుకుంది మెగ్‌. కస్టమ్ మేడ్ కేక్, డ్రెస్‌ను ఆమె ఆర్డర్ చేసింది. పెళ్లి కోసం ప్రత్యేకంగా ఒక డైమండ్ రింగ్ కూడా కొనుగోలు చేసింది. వివాహ వేడుకలో ఉంగరం పెట్టుకొని, అద్దంలో తన రూపాన్ని ముద్దు పెట్టుకుంది. తన సొంత లక్ష్యాలు, కోరికల కోసం పాటుపడతానని పెళ్లిలో ప్రమాణం చేసింది. తన ఆలోచనల ప్రకారమే నడచుకుంటానని చెప్పింది. ఇలా అన్ని పెళ్లి తంతులను ఒక్కతే పూర్తి చేసింది. అమెరికాలోని కొలరాడోలో జరిగిన ఈ కార్యక్రమానికి మెగ్‌కు సన్నిహితంగా ఉండే స్నేహితులు, కుటుంబ సభ్యులు హాజరయ్యారు. అంతేకాదు..  పెళ్లి కోసం మెగ్ 1,000 పౌండ్లు (రూ.1.02 లక్షలు) ఖర్చు చేయడం విశేషం. ప్రస్తుతం ఇందుకు సంబంధించిన ఫోటోలు ఇంటర్నెట్‌లో తెగ వైరలవుతున్నాయి.  మరో పెళ్లికి సిద్ధం మంచి వ్యక్తి దొరికితే రిలేషన్‌షిప్‌లో ఉండటానికి తనకు అభ్యంతరాలు లేవన్నది మెగ్‌. అతడిని మళ్లీ పెళ్లి చేసుకోవడానికి సిద్ధమని ప్రకటించింది. ‘పెళ్లి సందర్భంగా నాకు నేనొక వాగ్దానం చేసుకున్నాను. నా మ్యారేజ్ రింగ్‌ను చూసిన ప్రతిసారీ నా కోసం నేను పెళ్లి చేసుకున్నాననే విషయం గుర్తొస్తోంది. పెళ్లి నా జీవితాన్ని ప్రశాంతంగా, అందంగా తీర్చిదిద్దింది’ అన్నది మెడ్‌. కరోనా మహమ్మారి కారణంగా హనీమూన్‌కు వెళ్లలేదని చెప్పింది. కోవిడ్‌ ముగిసిన తరువాత హనీమూన్‌కు వెళ్లి ప్రశాంతంగా గడుపుతానని వివరించింది. చదవండి: బ్రేక‌ప్‌: త‌న‌ను తానే పెళ్లి చేసుకున్నాడు సింగిల్‌ లైఫే బాగుంది: ష్రాఫ్‌

సాక్షి, గుడ్లవల్లేరు: సెల్ఫీ సరదా మరో నిండుప్రాణాన్ని బలి తీసుకొంది. కోటి ఆశలతో సప్త సముద్రాలు దాటి వెళ్లిన యువతి నూరేళ్ళ జీవితాన్ని చిదిమేసింది. ఉన్నత చదువుల కోసం వెళ్ళిన కూతురిని జలరక్కసి మింగేయటంతో ఆ కుటుంబం విషాదంలో మునిగిపోయింది. అమెరికాలోని ఓ జలపాతంలో ప్రమాదవశాత్తు పడి కృష్ణా జిల్లా యువతి దుర్మరణం చెందారు. కృష్ణా జిల్లా గుడ్లవల్లేరుకు చెందిన పోలవరపు లక్ష్మణరావు, అరుణ దంపతులకు ఇద్దరు కుమార్తెలు. రెండో కుమార్తె కమల (27) గుడ్లవల్లేరులో ఇంజినీరింగ్‌ పూర్తి చేసి అమెరికా వెళ్లారు. ఎంఎస్‌ పూర్తి చేసి ప్రస్తుతం కొలంబియాలో ఉద్యోగం చేస్తున్నారు. ఒహాయోలోని మేఫీల్డ్ హైట్స్‌లో నివాసం ఉంటున్నారు. శనివారం బంధువుల ఇంటికి వెళ్లి తిరిగొస్తూ అట్లాంటా సమీపంలోని జలపాతం వద్ద ఆగారు.  అక్కడ సెల్ఫీ తీసుకునే క్రమంలో ప్రమాదవశాత్తూ జలపాతంలో పడి మృతి చెందారు. నాట్స్‌ సహకారంతో ఆమె మృతదేహాన్ని భారత్‌ తీసుకొచ్చేందుకు ప్రయత్నాలు చేస్తున్నారు. చెన్నైలోని పెద్దకుమార్తె వద్దకు వెళ్లిన తల్లితండ్రులు విషయం తెలిసి తల్లడిల్లిపోతున్నారు.అందరినీ ఆప్యాయంగా పలకరించే కమల ఇక లేదన్నా విషయాన్ని కుటుంబ సభ్యులు ,గ్రామస్థులు జీర్ణించుకోలేకున్నారు.

అట్లాంటా: ఆఫ్రో అమెరికన్‌ జార్జ్‌ ఫ్లాయిడ్‌ హత్యపై ఆందోళనలు పూర్తిగా చల్లారకముందే.. మరొక నల్ల జాతి వ్యక్తి అట్లాంటాలో పోలీసుల చేతిలో మరణించిన ఘటన ఉద్రిక్తతలకు దారి తీసింది. ఒక రెస్టారెంట్‌ ముందు వినియోగదారులకు ఇబ్బంది కలిగిస్తున్నాడన్న ఫిర్యాదుపై అరెస్ట్‌ చేసే క్రమంలో పోలీసులు జరిపిన కాల్పుల్లో శుక్రవారం రాత్రి రేషర్డ్‌ బ్రూక్స్‌ అనే నల్లజాతి యువకుడు గాయపడ్డారు. అనంతరం చికిత్స పొందుతూ మృతి చెందారు. ఈ సమాచారం వెల్లడైన వెంటనే స్థానికంగా ఆందోళనలు చెలరేగాయి. ఘటన జరిగిన ప్రాంతంలోని వెండీ రెస్టారెంట్‌ను ధ్వంసం చేశారు. అక్కడి హైవేను దిగ్బంధించారు. ఈ నేపథ్యంలో, ఈ కాల్పులకు బాధ్యత వహిస్తూ అట్లాంటా పోలీస్‌ చీఫ్‌ ఎరిక్‌ షీల్డ్‌ శనివారం రాజీనామా చేశారు. తాజాగా, ఆదివారం గారెట్‌ రాల్ఫ్‌ అనే పోలీసు అధికారిని విధుల నుంచి తొలగిం చారు. డేవిడ్‌ బ్రాస్నన్‌ అనే మరో అధికారిని పరిపాలన విధులకు బదిలీ చేశారు. ఘటన జరిగిన సమయంలో ఆ ఇద్దరు అధికారుల శరీరాలపై ఉన్న కెమెరా ఫుటేజ్‌ను కూడా అధికారులు విడుదల చేశారు. ఆందోళనల్లో పాల్గొన్న వారిలో 36 మందిని పోలీసులు అరెస్ట్‌ చేశారు. కాల్పుల ఘటనపై  దర్యాప్తు జరుపుతున్నారు. వెండీ రెస్టారెంట్‌ డ్రైవ్‌ ఇన్‌ మార్గానికి అడ్డుగా కారు పెట్టి నిద్ర పోతున్నాడని ఫిర్యాదు రావడంతో పోలీసులు అక్కడికి వెళ్లారని, కారులో మద్యం మత్తులో ఉన్న బ్రూక్స్‌ను అదుపులోకి తీసుకునే క్రమంలో కాల్పులు జరిగాయని అధికారులు అంటున్నారు.  

అట్లాంటా: డ్రంక్‌ అండ్‌ డ్రైవ్‌ ఆరోపణలపై ఓ వ్యక్తిని అదుపులోకి తీసుకునే క్రమంలో పోలీసులు జరిపిన కాల్పుల్లో ఒక వ్యక్తి చనిపోయాడు. అమెరికాలోని అట్లాంటాలో శుక్రవారం ఈ ఘటన చోటుచేసుకుంది. వెండీ రెస్టారెంట్‌ వద్ద ఓ వ్యక్తి పార్కు చేసిన వాహనం కారణంగా ఇతర వినియోగదారులు ఇబ్బంది పడుతున్నారంటూ పోలీసులకు సమాచారం అందింది. అక్కడకు చేరుకున్న పోలీసులు కారులో ఉన్న వ్యక్తిని అదుపులోకి తీసుకునేందుకు యత్నించగా ప్రతిఘటించాడు. మద్యం మత్తులో ఉన్న ఆ వ్యక్తిని కట్టడి చేసేందుకు పోలీసులు టేజర్‌ (షాక్‌ కలిగించడం ద్వారా చేష్టలుడిగేలా చేయడం)ను ప్రయోగించేందుకు ప్రయత్నించారు. ఆ వ్యక్తి ఆ టేజర్‌ను కూడా లాగేసుకునేందుకు యత్నించాడు. ఈ సందర్భంగా జరిగిన పెనుగులాటలో పోలీసు అధికారి ఒకరు అగంతకుడిపైకి కాల్పులు జరిపాడు. ఆస్పత్రిలో చికిత్సపొందుతూ అతను మరణించాడు.

అట్లాంటా :  సాఫ్ట్‌వేర్ దిగ్గ‌జం మైక్రోసాఫ్ట్ మ‌రో కీల‌క నిర్ణ‌యం తీసుకున్నారు. ఆర్టిఫిషియ‌ల్ ఇంట‌లిజెన్స్‌, క్లౌడ్ స్పేస్ ల‌లో 1500 కొత్త ఉద్యోగాలు సృష్టించేందుకు ప్ర‌ణాళిక‌లు ర‌చిస్తున్నారు. ఇందుకోసం 75 మిలియ‌న్ డాల‌ర్ల పెట్టుబ‌డితో 523,000 చదరపు అడుగుల విస్తీర్ణంలో జార్జియాలోని అట్లాంటాలో కొత్త కార్యాల‌యం రూపుదిద్దుకోనున్న‌ట్లు సంస్థ ప్ర‌క‌టించింది. వ‌చ్చే ఏడాదిక‌ల్లా అట్లాంటాలో  మైక్రోసాఫ్ట్ కార్యాల‌యం కొలువు దీర‌నుంది. జార్జియాలో మైక్రోసాఫ్ట్ వంటి టెక్ దిగ్గ‌జం పెట్టుబ‌డులు పెట్ట‌డంపై ఆ రాష్ర్ట గవ‌ర్న‌ర్ బ్రియ‌న్ పి. కెంప్ ఆనందం వ్య‌క్తం చేశారు. దీని ద్వారా కంపెనీకి, రాష్ర్టానికి ఇరువురికి ప్ర‌యోజ‌నం చేకూరుతుందని ఆశాభావం వ్య‌క్తం చేశారు. (అందుకే అట్లాంటిక్‌తో భాగస్వామ్యం: ఆకాశ్‌ అంబానీ )  అట్లాంటాలో పెట్టుబ‌డులు పెట్ట‌డం ప‌ట్ల మైక్రోసాఫ్ట్ జనరల్ మేనేజర్ టెర్రెల్ కాక్స్ మాట్లాడుతూ.."టెక్ కంపెనీ సంస్థ‌ల‌కు కేంద్ర‌మైన అట్లాంటాలో మేము పెట్టుబ‌డులు పెట్ట‌డం ఆనందంగా ఉంది. దీని ద్వారా ఇత‌ర ప్రాంతాల‌కు మా ఉనికి విస్త‌రించ‌డానికి అవ‌కాశం ఉంది. మేం తీసుకున్న ఈ నిర్ణ‌యం వ‌ల్ల సంస్థ‌కి   సాంకేతికంగా, ఆర్థికంగా మ‌రింత లాభం చేకూరుతుంది” అని టెర్రెల్ కాక్స్ అభిప్రాయ‌ప‌డ్డారు. ఇక క‌రోనా క్రైసిస్‌లోనూ సాఫ్ట్‌వేర్ దిగ్గ‌జం మైక్రోసాఫ్ట్ మూడ‌వ త్రైమాసికంలో భారీ లాభాల‌ను, ఆదాయాన్ని సాధించిన‌ట్లు సంస్థ ప్ర‌క‌టించిన సంగ‌తి తెలిసిందే. (లాక్‌డౌన్‌ ఎఫెక్ట్ : మైక్రోసాఫ్ట్ దూకుడు )

భారత బృందం ఎప్పుడు ఒలింపిక్స్‌కు వెళుతున్నా ఎవరిలోనూ పెద్దగా ఆశలు లేని రోజులవి... పతకాల సంగతి దేవుడెరుగు, మనవాళ్లు కనీసం పరువు నిలబెట్టుకునే ప్రదర్శన చేసినా గొప్పే అనిపించేది. 1980 మాస్కో ఒలింపిక్స్‌తోనే టీమ్‌ ఈవెంట్‌ హాకీ జోరు ముగిసింది. ఆ తర్వాత వరుసగా మూడు ఒలింపిక్స్‌లలో 5, 6, 7 స్థానాల్లో నిలవడంతో దానినీ ఎవరూ పట్టించుకోలేదు. ఇక వ్యక్తిగత విభాగంలో విజయం అంటే సుదూర స్వప్నం. కానీ ఇలాంటి సమయంలో 23 ఏళ్ల కుర్రాడి సంచలన ప్రదర్శన ఒక్కసారిగా దేశంలో అమితానందం నింపింది. ఎవరూ ఊహించని విధంగా టెన్నిస్‌ సింగిల్స్‌లో కాంస్యం సాధించి లియాండర్‌ పేస్‌ అద్భుతం చేసి చూపించాడు. 1996 అట్లాంటా ఒలింపిక్స్‌లో అతను గెలుచుకున్న కంచు పతకం అందరి దృష్టిలో బంగారమైంది. దేశానికి ప్రాతినిధ్యం వహించినప్పుడల్లా అసమాన ఆటతీరు కనబర్చడం లియాండర్‌ పేస్‌లో కనిపించే ప్రత్యేక లక్షణం. ఆసియా క్రీడల్లో, డేవిస్‌కప్‌లాంటి పోటీల్లో అతని రికార్డులే చెబుతాయి. భారత్‌కు ఆడుతున్న సమయంలో  ప్రత్యర్థి ఎంత బలమైనవాడో, ఏ ర్యాంకులో ఉన్నాడో అతనికి కనిపించదు. తన అత్యుత్తమ ఆటతీరుతో చెలరేగిపోయే తత్వంతో పేస్‌ పలు సంచలన విజయాలు నమోదు చేశాడు. సరిగ్గా ఇదే శైలితో అతను ఒలింపిక్స్‌లో భారత జాతీయ పతకాన్ని ఎగురవేశాడు.   సన్నాహాలు... లియాండర్‌ పేస్‌కు ఇది రెండో ఒలింపిక్స్‌. 1992 బార్సిలోనా ఒలింపిక్స్‌లో అతను రమేశ్‌ కృష్ణన్‌తో కలిసి డబుల్స్‌ బరిలోకి దిగాడు కానీ పెద్దగా ఫలితం దక్కలేదు. దాంతో తర్వాతి ఒలింపిక్స్‌పై ప్రత్యేక దృష్టి పెట్టినట్లు అతను ఆ తర్వాత వెల్లడించాడు. 1996 ఒలింపిక్స్‌ కోసం నాలుగేళ్లు ప్రత్యేకంగా సన్నద్ధమయ్యాడు. ఇందుకోసం ప్రొఫెషనల్‌ టూర్‌లో కొన్ని టోర్నీలను వదిలేసుకున్నాడు. ఒలింపిక్స్‌ జరిగే అట్లాంటాలోని స్టోన్‌ మౌంటెయిన్‌ను పోలి ఉండే వాతావరణంలో (సముద్ర మట్టానికి ఎక్కువ ఎత్తులో ఉంటుంది) జరిగే టోర్నీలలో, అదీ హార్డ్‌కోర్టు టోర్నీలలో మాత్రమే పాల్గొన్నాడు.   ప్రతిభ ప్లస్‌ అదృష్టం... అయితే ఇంతగా శ్రమించినా ఒలింపిక్స్‌ ‘డ్రా’ చూడగానే అతనిలో ఉత్సాహం ఆవిరైంది. తొలి రౌండ్‌ ప్రత్యర్థిగా దిగ్గజ ఆటగాడు పీట్‌ సంప్రాస్‌ ఎదురయ్యాడు. దాంతో సహచరులు కూడా అయ్యో అంటూ ఓదార్చారు. కానీ అతని కష్టం వృథా పోలేదు. అనూహ్యంగా సంప్రాస్‌ ఒలింపిక్స్‌ నుంచి తప్పుకున్నాడు. దాంతో ఊపిరి పీల్చుకొని వరుసగా ప్రత్యర్థులను చిత్తు చేస్తూ పోయాడు. ఆ సమయంలో పేస్‌ ప్రపంచ ర్యాంక్‌ 126. కానీ అతని పట్టుదల ముందు ర్యాంక్‌లు పని చేయలేదు. వరుస రౌండ్లలో రికీ రెనెబర్గ్‌ (వరల్డ్‌ నంబర్‌ 20), నికోలాస్‌ పెరీరా (వరల్డ్‌ నంబర్‌ 74), థామస్‌ ఎన్‌క్విస్ట్‌ (వరల్డ్‌ నంబర్‌ 10), రెంజో ఫుర్లాన్‌ (వరల్డ్‌ నంబర్‌ 26)లను పడగొట్టి పేస్‌ ముందుకు దూసుకుపోయాడు.   నాలుగు విజయాల తర్వాత లియాండర్‌ దిగ్విజయంగా సెమీఫైనల్లోకి అడుగుపెట్టాడు. అక్కడ అతనికి మరో సూపర్‌ స్టార్, అప్పటి ప్రపంచ ఆరో ర్యాంకర్‌ ఆండ్రీ అగస్సీ ఎదురయ్యాడు. అయితే అప్పటికే ఆత్మవిశ్వాసంతో ఉన్న పేస్‌ బెదరలేదు. తొలి సెట్‌ను టైబ్రేక్‌ వరకు తీసుకెళ్లగలిగాడు. అయితే చివరికు అగస్సీ ముందు 6–7 (5/7), 3–6తో తలవంచక తప్పలేదు. అసలు సమరం... సెమీస్‌ మ్యాచ్‌లోనే పేస్‌ కుడి మణికట్టుకు గాయమైంది. అది తగ్గకుండానే తర్వాతి రోజు కాంస్య పతకం కోసం జరిగే ప్లే ఆఫ్‌ మ్యాచ్‌లో ఆడాల్సి ఉంది. బ్రెజిల్‌కు చెందిన వరల్డ్‌ 93వ ర్యాంకర్‌ ఫెర్నాండో మెలిగినీ ప్రత్యర్థిగా నిలబడ్డాడు. ఇక అటో ఇటో తేల్చుకోవాల్సిన సమరంలో గాయాలను పట్టించుకునే స్థితిలో అతను లేడు. నొప్పిని భరిస్తూనే మైదానంలోకి దిగాడు. ఆ రోజు పేస్‌ తన కోసం కాకుండా దేశం కోసం ఆడినట్లు కనిపించాడు. భారత జాతి యావత్తూ కూడా అన్నీ ఆపేసి అతని విజయం కోసం ఎదురుచూసింది. గెలుపు దక్కాలని కోరుకుంది. కానీ తొలి సెట్‌ను పేస్‌ 3–6తో కోల్పోయాడు. కోర్టు మొత్తం నిశ్శబ్దం. అదే సమయంలో వాన రావడంతో ఆట ఆగిపోయింది. అయితే ఒక్కసారి వర్షం వెలిశాక పేస్‌ కొత్తగా కనిపించాడు. రెండో సెట్‌లో 1–2తో వెనుకబడి 30–40తో మరో గేమ్‌ కోల్పోయే దశలో ఒక్కసారిగా ఎదురుదాడికి దిగాడు. అంతే... అతడిని ఆపడం మెలిగినీ వల్ల కాలేదు. వరుసగా రెండు సెట్‌లు పేస్‌ ఖాతాలో చేరాయి.  చివరకు 3–6, 6–2, 6–4తో అద్భుత విజయం అందుకొని కన్నీళ్లపర్యంతమయ్యాడు. 1952 హెల్సింకీ ఒలింపిక్స్‌లో రెజ్లర్‌ ఖాషాబా జాదవ్‌ తర్వాత వ్యక్తిగత విభాగంలో పతకం గెలిచిన రెండో భారతీయుడిగా పేస్‌ నిలిచాడు. కోట్లాది భారతీయులు ఈ విజయం తామే సాధించినంతగా సంబరపడ్డారు. పేస్‌ తండ్రి వీస్‌ పేస్‌ 1972 మ్యూనిక్‌ ఒలింపిక్స్‌లో కాంస్యం సాధించిన భారత హాకీ జట్టులో సభ్యుడు. దాంతో ఒకే కుటుంబంలో రెండు ఒలింపిక్‌ పతకాలు చేరడం విశేషం.  

అట్లాంటా : బుల్లితెర నటి, రియాలిటీ టెలివిజన్‌ స్టార్‌ ఆప్లే రాస్‌(34) రోడ్డు ప్రమాదంలో దుర్మరణం పాలయ్యారు. గత ఆదివారం రాత్రి ఆమె ప్రయాణిస్తున్న కారును మరో కారు ఢీకొట్టింది. ఈ ప్రమాదంలో ఆమె తలకు తీవ్రగాయాలయ్యాయి. దీంతో ఆప్లే రాస్‌ను అట్లాంటాలోని ఓ ఆస్పత్రికి తరలించి చికిత్స అందించారు. అయితే ప్రమాదం జరిగిన 24 గంటల తర్వాత సోమవారం ఉదయం ఆమె మరణించారు.  ఈ విషయాన్ని ఆమె కుటుంభ సభ్యులు ధృవీకరించారు.  ఆష్లే రాస్, ‘లిటిల్ ఉమెన్: అట్లాంటా’ రియాలిటీ షోలో ‘మిన్నీ’గా అందరికి సుపరిచితం. 2016లో మొదలైన ఈ రియాలిటీ షోలో ఇప్పటి వరకు 5 సిరీస్‌లను పూర్తి చేసుకుంది. త్వరలో ఆరో సిరీస్‌ కూడా రాబోతుంది. మహిళల జీవిత సమస్యలను డ్రామా రూపంలో చూపిస్తున్న ఈ రియాలిటీ షో.. అట్లాంటాలో మంచి ఆదరణ పొందుతుంది. ఇక మిన్నీ పాత్రలో ఆష్లే రాస్‌ నటనకు మంచి గుర్తింపు వచ్చింది. ఆరో సిరీస్‌ షూటింగ్‌లో ఆష్లే పాల్గొన్నారని, ఎపిసోడ్‌ విడుదలకాక ముందే ఆమె మృతి చెందడం బాధకరమని ‘లిటిల్‌ ఉమెన్‌ : అట్లాంటా’ టీమ్‌ విచారం వ్యక్తం చేసింది. 

కరోనా వైరస్‌.. ప్రస్తుతం ఈ పేరు ప్రపంచాన్ని బెంబేలెత్తిస్తోంది. తుమ్మినా.. దగ్గినా ఎదుటి వ్యక్తిపై ‘అనుమానాలు’ రేకెత్తేలా చేస్తోంది. సొంత వాళ్లను సైతం దూరంగా ఉంచే పరిస్థితులు తీసుకువస్తోంది. ఎన్నెన్నో హృదయ విదారక దృశ్యాలు, కథనాలకు కేంద్ర బిందువుగా నిలిచింది. ఇలాంటి తరుణంలో కరోనా సోకిన పేషెంట్లకు చికిత్స అందిస్తున్న డాక్టర్లు, నర్సుల పరిస్థితి ఎలా ఉంటుందో ప్రత్యేకంగా చెప్పాల్సిన పనిలేదు. ఓవైపు మహమ్మారిని తరిమికొట్టేందుకు తమ వంతు ప్రయత్నాలు చేస్తూనే.. తమను తాము కాపాడుకోవడం వారికి సవాలుగా పరిణమిస్తోంది. ఈ క్రమంలో ఈ మహమ్మారి కారణంగా ఫిజీషియన్‌ అయిన తన భర్తను కుటుంబానికి దూరంగా ఉంచాల్సి వచ్చిందని రేచల్‌ పట్జేర్‌ అనే మహిళ ఆవేదన వ్యక్తం చేశారు. అయితే అదే సమయంలో ప్రాణాంతక కోవిడ్‌-19 వ్యాప్తి నివారణకు ప్రతీ ఒక్కరూ కఠినంగా వ్యవహరించి తీరాల్సిందేనని ఇటీవలే ఓ బిడ్డకు జన్మనిచ్చిన ఆమె ప్రజల్లో చైతన్యం నింపే ప్రయత్నం చేశారు. అట్లాంటాకు చెందిన ఆమె సెంటర్‌ ఫర్‌ హెల్త్‌ సర్వీసెస్‌ రీసెర్చ్‌ సెంటర్‌ డైరెక్టర్‌గా ఉన్నారు.(‘ఇలాగైతే అమెరికాలో 22 లక్షల మరణాలు’) ‘‘నా భర్త ఎమర్జెన్సీ డిపార్టుమెంటులో ఫిజీషియన్‌గా పనిచేస్తున్నారు. కరోనా పేషెంట్లకు ఎంతో నిబద్ధతతో సేవలు అందిస్తున్నారు. మాకు ఇదివరకే ఇద్దరు పిల్లలు ఉన్నారు. మూడు వారాల క్రితం మరో చిన్నారికి జన్మనిచ్చాం. ఇన్ని రోజులు గడుస్తున్నా నా భర్త ఒక్కసారి కూడా పాపాయిని తాకలేదు. ఆయనను మా నుంచి దూరంగా ఉంచేందుకు గ్యారేజ్‌కు పంపించాం. ఆరోగ్య శాఖలో పనిచేస్తున్న వాళ్లు ఇలాంటి త్యాగాలు చేయక తప్పదు. సమాజం కోసం మేము ఓ కఠిన నిర్ణయం తీసుకున్నాం. నేను ఇప్పుడు ప్రసూతి సెలవులో ఉన్నాను. అన్నీ నేనే అయి పిల్లలను చూసుకుంటున్నాను.(‘కరోనా’ వ్యాక్సిన్‌ క్లినికల్‌ ట్రయల్స్‌ ప్రారంభం!) కానీ కొన్ని దృశ్యాలు చూస్తుంటే నా మనసు ద్రవించిపోతోంది. రెస్టారెంట్లు, ఇతర చోట్ల ప్రజలు గుంపులు గుంపులుగా కనిపిస్తున్నారు. సోషల్‌ డిస్టాన్సింగ్‌ను నిర్లక్ష్యం చేస్తున్నారు. నా భర్త లాంటి ఎంతో మంది వైద్యులు, నర్సులు కుటుంబాలకు దూరంగా ఉంటూ సేవలు అందిస్తున్నారు. దయచేసి అందరూ అప్రమత్తంగా ఉండండి. అంటువ్యాధి ప్రబలకుండా జాగ్రత్తపడండి. మీ సేవలో నిమగ్నమైన వైద్య సిబ్బందికి ధన్యవాదాలు తెలపండి’’అని రేచల్‌ ప్రజలకు ట్విటర్‌ వేదికగా విజ్ఞప్తి చేశారు. కాగా కరోనా మహమ్మారి కారణంగా ప్రపంచవ్యాప్తంగా ఇప్పటికే దాదాపు 8 వేల మంది మరణించగా.. 2 లక్షల మందికి పైగా దీని లక్షణాలతో బాధపడుతున్న సంగతి తెలిసిందే. ఇక కరోనా పేషెంట్లకు చికిత్స అందిస్తున్న కొంతమంది డాక్టర్లు దీని బారిన పడగా... ఒకరిద్దరు మృతి చెందారు.    My spouse is a physician in the emergency dept, and is actively treating #coronavirus patients. We just made the difficult decision for him to isolate & move into our garage apartment for the foreseeable future as he continues to treat patients. (1/5) — Rachel Patzer, PhD (@RachelPatzerPhD) March 17, 2020

అట్లాంటా: అమెరికాలోని గ్రేటర్ అట్లాంటా తెలుగు సంఘం (గాటా) ఆధ్వర్యంలో సంక్రాంతి సంబరాలు ఘనంగా జరిగాయి. దేసానా మిడిల్ స్కూల్‌ల్లో ఆదివారం గాటా సంక్రాంతి సంబరాలను నిర్వహించింది. ఈ కార్యాక్రమంలో గాటా వ్యవస్థాపకులు గిరీష్‌ మేకా, కో ఆర్టీనేటర్‌ సాయి గొర్రేపాటితో పాటు పలువురు ప్రముఖులు పాల్గొన్నారు. తొలుత జ్యోతి ప్రజ్వలన చేసి సంక్రాంతి సంబరాలను ప్రారంభించారు. ఈ సంబరాల్లో భాగంగా మహిళాలకు ముగ్గుల పోటీలు, పిల్లలకు కైట్‌ పోటీలను నిర్వహించి విజేతలకు బహుమతులు అందజేశారు. అదేవిధంగా పలు డ్యాన్స్‌ ఇన్‌స్టిట్యూట్‌ల ద్వారా నృత్య కార్యక్రమాలను కూడా ఏర్పాటు చేశారు. కాగా, ఈ కార్యక్రమంలో పిల్లలు చేసిన నటరాజా నాట్యంజలి, కూచిపూడి నృత్యాలు ప్రత్యేక ఆకర్షణగా నిలిచాయి.  ఇక గాటా చీఫ్‌ కో ఆర్డినేటర్‌ సాయి గొర్రేపాటి మాట్లాడుతూ, తమ కొత్త కార్యనిర్వాహక బృందం సభ్యులు నవీన్‌ మర్రి, ఉదయ్‌ ఏటూరు, సుబ్బారెడ్డి, కిషన్‌ దేవునూరి, సిదార్థ అబ్బాగారి, స్వప్న కాస్వా, లక్ష్మి సానికొమ్ము, సరిత చెక్కిల్ల, సరిత శనిగరపు, వాసవి చిత్తలూరిలను సభకు పరిచయం చేశారు. చివరగా గాటా వ్యవస్థాపకులు గిరీష్‌ మేకా మాట్లాడుతూ, రంగోలి, కిడ్స్‌ కైట్ ఫ్లయింగ్‌ విజేతలకు బహుమతులను స్పాన్సర్‌ చేసిన నవీన్‌, కిషన్‌, సుబ్బారెడ్డిలకు ధన్యవాదాలు తెలిపారు. అదేవిధంగా కార్యక్రమానికి  వాలంటీర్లుగా వ్యవహరించి విజయవంతం చేసిన గోవర్ధనానంద్ జగన్నాథ్‌ బృందానికి ఆయన కృతజ్ఞతలు తెలిపారు. అలాగే మే నెలలో జరగబోయే గాటా పదవ వార్షిక వేడుకలను ప్రతిఒక్కరూ రావాలని ఆహ్వానం పలికారు. అనంతరం భారత జాతీయ గీతం ‘జన గణ మన’ తో కార్యక్రమాన్ని ముగించారు.

అట్లాంటా: ‘దేవుడు ఎప్పుడు.. ఎవరి జీవితాన్ని ఏవిధంగా మలుపు తిప్పుతాడో తెలియదు.. కెవిన్‌ ఎస్క్చ్‌ రూపంలో వచ్చి నా కలను నెరవేర్చాడు’ అంటున్నారు అమెరికాకు చెందిన ఉబెర్‌ డ్రైవర్‌ లాటోన్యా యంగ్‌. 16వ ఏటనే బిడ్డకు జన్మనిచ్చిన ఆమె కుటుంబాన్ని పోషించడం కోసం పగలూ రాత్రీ తేడా లేకుండా కష్టపడేవారు. పొద్దంతా హెయిర్‌స్టైలిస్ట్‌గా.. రాత్రి వేళల్లో క్యాబ్‌ డ్రైవర్‌గా పనిచేస్తూ తన పిల్లలకు కావాల్సినవన్నీ సమకూర్చేవారు. సింగిల్‌ పేరెంట్‌ అయినప్పటికీ పిల్లలకు ఏ లోటూ రాకుండా ఉండేందుకు తన కలల్ని సైతం ఫణంగా పెట్టారు. ఫీజు కట్టే స్థోమత లేక లాయర్‌ కావాలనే కోరికను పక్కన పెట్టేశారు. అయితే కాలం ఎప్పుడు ఒకేలా ఉండదు కదా. ఓ ప్రయాణికుడి రూపంలో గ్రాడ్యుయేషన్‌ పూర్తి చేయాలనే లాటోన్యా ఆశయం నెరవేరింది. ఒకానొక రోజు తన కారులో ఎక్కిన ఎస్క్చ్‌ అనే వ్యక్తికి బోర్‌ కొట్టకుండా ఉండేందుకు తన జీవితం గురించి చెప్పుకొచ్చారు లాటోన్యా. ‘చిన్నతనంలోనే తల్లి కావడం వల్ల డ్రాపౌట్‌గా మిగలాల్సి వచ్చింది. ఎంత కష్టపడినా పిల్లల అవసరాలు తీర్చేందుకు మాత్రమే నా సంపాదన సరిపోతోంది. మొదట స్కూల్‌ నుంచి తర్వాత జార్జియా స్టేట్‌ యూనివర్సిటీ నుంచి నన్ను తొలగించినపుడు ఎంతగానో బాధపడ్డాను. ఫీజు కట్టేందుకు డబ్బు సిద్ధం చేసుకున్న ప్రతీసారి నా పిల్లలలకు ఏదో ఒక అవసరం వచ్చి పడేది. అందుకే ప్రతీసారి ఆ డబ్బును వాళ్ల కోసమే ఖర్చు చేసేదాన్ని. ఇప్పుడు 700 డాలర్లు కడితేగానీ నన్ను కాలేజీలో చేర్చుకోరు’ అంటూ 43 ఏళ్ల లాటోన్యా అతడికి తన పరిస్థితి గురించి వివరించింది. ఆ తర్వాత అతడు కారు దిగిపోవడం, ఆ విషయం గురించి లాటోన్యా మరచిపోవడం జరిగింది. ఈ నేపథ్యంలో ఓ రోజు లాటోన్యాకు యూనివర్సిటీ నుంచి మెసేజ్‌ వచ్చింది. ‘ నువ్వు ఇప్పుడు క్లాసులకు హాజరు కావచ్చు’ అన్న పదాలు చూడగానే ఆమె ఎగిరి గంతేశారు. తన కారులో ఎక్కిన ప్రయాణికుడి సహాయంతో గ్రాడ్యుయేషన్‌ పూర్తి చేశారు. అంతేగాక తన గ్రాడ్యుయేషన్‌కు అతడు హాజరయ్యాడు. ఊహించని ఈ పరిణామంతో స్వీట్‌ షాక్‌కు గురైన లాటోన్యా..‘ అతడికి ధన్యవాదాలు.. నాకు 16వ ఏటనే కొడుకు పుట్టాడు. అప్పడే స్కూలు నుంచి తీసివేశారు. ఆ తర్వాత ఇదిగో ఇప్పుడు ఇలా. జీవితాన్ని ఎలా మొదలు పెట్టామన్నది కాదు.. ఎలా ముగించామన్నదే ముఖ్యం. ఎప్పుడు ధైర్యాన్ని వదలొద్దు’ అంటూ తన  ఫేస్‌బుక్‌ పేజీలో రాసుకొచ్చారు. ఈ క్రమంలో లాటోన్యా, ఆమెకు సహాయం చేసిన వ్యక్తిపై ప్రశంసలు కురుస్తున్నాయి. అదే విధంగా లాటోన్యా మంచి లాయర్‌గా గుర్తింపు తెచ్చుకోవాలంటూ నెటిజన్లు ఆకాంక్షిస్తున్నారు. 

అట్లాంటా: అమెరికాలోని గ్రేటర్ అట్లాంటా తెలుగు అసోసియేషన్(గాటా) 10వ చీఫ్ కోఆర్డినేటర్‌గా సాయి గొర్రెపాటి ఎన్నికయ్యారు. డిసెంబర్‌ 8న జరిగిన గ్రేటర్ అట్లాంటా తెలుగు అసోసియేషన్ వ్వవస్థాపక సభ్యులు, ఎగ్జిక్యూటివ్ కమిటీ సభ్యులు సమావేశాన్ని నిర్వహించి ఆయనను గాటా చీఫ్‌ కో ఆర్డినేటర్‌గా ఎన్నుకున్నారు. ఈ సందర్భంగా వ్వవస్థాపక సభ్యులు, నూతన ఎగ్జిక్యూటివ్ కమిటీ సభ్యులంతా ఆయనకు శుభాకాంక్షలు తెలిపారు. ఈ కార్యక్రమంలో గాటా వ్యవస్థాపకులు తంగిరాల సత్యనారాయణ రెడ్డి, గిరీష్ మేక, సత్య కర్నాటి మాట్లాడుతూ.. గాటా గత 10 సంవత్సరాలుగా చేసిన వివిధ సేవా కార్యక్రమాల గురించి వివరించారు. ఇక చీఫ్ కోఆర్డినేటర్‌ సాయి గొర్రెపాటి మాట్లాడుతూ.. 10వ వార్షికోత్సవం సందర్భంగా చేపట్టే వివిధ సాంస్కృతిక కార్యక్రమాల గురించి వివరించారు. అట్లాంటాలోని ఇన్ఫినిటి ఎనర్జీ సెంటర్‌లో వచ్చే ఏడాది మే 29,30 వరకు జరగబోయే ఈ కార్యక్రమానికి అమెరికాలో ఉన్న తెలుగు వారందరూ తరలి రావాలని గాటా నూతన కార్యవర్గ సభ్యులు పిలుపునిచ్చారు.అలాగే గాటా నిర్వహకులు గౌతమ్ గోలి, కిరణ్ పాశం, రవి కందిమళ్ళ, అరుణ్ కాట్పల్లి, తదితరులు సాయి గొర్రెపాటికి శుభకాంక్షలు తెలుపుతూ గాటా కన్వెన్షన్‌కు అన్ని రకాల సహాయ సహకారాలు అందిస్తామన్నారు.

అట్లాంటా: విమానంలో ప్రయాణించేటపుడు కొన్ని అరుదైన ఘటనలు జరుగుతుంటాయి. దీనివల్ల ప్రయాణికులు బెంబేలెత్తిపోయిన సందర్భాలు కోకొల్లలు. తాజాగా యునైటెడ్‌ ఎయిర్‌లైన్స్‌లో ప్రయాణిస్తున్న ఓ మహిళకు భయంకర అనుభవం ఎదురు కాగా ప్రస్తుతం ఆసుపత్రిలో చికిత్స తీసుకుంటోంది. వివరాలు.. ఓ మహిళ గురువారం ఉదయం పూట శాన్‌ఫ్రాన్సిస్కో నుంచి అట్లాంటా బయలు దేరింది. విమానంలో ప్రయాణిస్తున్న సమయంలో ఓ తేలు ఆమె కాలిపై అదేపనిగా కాట్లు వేసింది. దీంతో మహిళకు నొప్పి భరించలేకుండా ఉండటంతో బాత్రూంలోకి వెళ్లింది. ఇంకా ఏదో కుడుతున్నట్టుగా అనిపించడంతో మహిళ ప్యాంటు చెక్‌ చేసుకోగా.. అందులో నుంచి ఓ తేలు బయటపడింది. అది కూడా సజీవంగా ఉండటంతో ఆమె భయభ్రాంతులకు లోనైంది. ఈ క్రమంలో ఎయిర్‌లైన్స్‌ సిబ్బందికి సమాచారం ఇవ్వగా.. విమానం ల్యాండ్‌ అయ్యాక సదరు మహిళను స్థానిక ఆసుపత్రికి తరలించారు. ఇక బాధితురాలికి విమానంలోనే ‍ప్రాథమిక చికిత్స అందించామని ఎయిర్‌లైన్స్‌ ఓ ప్రకటనలో తెలిపింది. కాగా ప్రస్తుతం ఆ మహిళ క్షేమంగా ఉంది.

అట్లాంటా: ఈ ఏడాది విశ్వసుందరిగా దక్షిణాఫ్రికాకు చెందిన జోజిబినీ తుంజీ(26) ఎంపికయ్యారు. మొత్తం తొంభై మంది అందాల భామలు పాల్గొన్న ఈ పోటీలో మిస్‌ దక్షిణాఫ్రికా తుంజీ విశ్వసుందరి కిరీటం దక్కించుకున్నారు. అమెరికాలోని అట్లాంటాలోని టైలర్‌ పెర్రీ స్టూడియోస్‌లో జరిగిన ఈ అందాల పోటీలకు పాపులర్‌ టీవీ పర్సనాలిటీ స్టీవ్‌ హార్వే హోస్ట్‌గా వ్యవహరించారు. ఇక ఏడుగురు మహిళలతో కూడిన బృందం ఈ కార్యక్రమానికి న్యాయ నిర్ణేతలుగా వ్యవహరించింది. ఫైనల్‌లో ప్యూర్టో రికన్‌, మెక్సికన్‌ భామలను వెనక్కి నెట్టి జోజిబినీ తుంజీ విజేతగా నిలిచినట్లు వారు ప్రకటించారు.  ఈ క్రమంలో తుంజీ మాట్లాడుతూ... ‘అచ్చం నాలాగే కనిపించే మహిళలు ఉన్న ప్రపంచలో నేను పెరిగాను. వారిది కూడా నాలాంటి శరీర వర్ణమే. శిరోజాలు కూడా నా వంటివే. అయితే మమ్మల్ని ఎవరూ ఎప్పుడూ సౌందర్యరాశులుగా పరిగణించలేదు. నేటి నుంచి ఆ భావన తొలగిపోతుందనుకుంటున్నా. అలా అనుకునే వాళ్లు నా ముఖం చూడండి. నా ముఖంలో ప్రతిబింబిస్తున్న మీ ముఖాలు చూసుకోండి’ అని తన దేశ మహిళల్లో ఆత్మవిశ్వాసం నింపారు. అనంతరం మిస్‌ యూనివర్స్‌-2018 కాట్రియోనా గ్రే(ఫిలిప్పైన్స్‌) తుంజీకి విశ్వ సుందరి కిరీటం అలంకరించగా.. తుంజీ కన్నీటి పర్యంతమయ్యారు. ‘ఇంకా చేయాల్సి చాలా ఉంది’ అంటూ ఉద్వేగానికి లోనయ్యారు. (ఫొటో గ్యాలరీ కోసం ఇక్కడ క్లిక్ చేయండి) Making a statement... This is Miss Universe South Africa.#MissUniverse2019 LIVE on @FOXtv. Airing in Spanish on @Telemundo. pic.twitter.com/FWpqb0517w — Miss Universe (@MissUniverse) December 9, 2019

అట్లాంటా: భారతదేశంలో వివిధ ప్రాంతాలలో మహిళలపై జరుగుతున్న అత్యాచార ఘటనలపై అట్లాంటాలోని ప్రవాసాంధ్రులు అందోళన వ్యక్తం చేస్తున్నారు. అమెరికన్‌ తెలుగు అసోషియేషన్‌(ఆటా) ఆధ్వర్యంలో స్థానిక బిర్యాని పాట్‌ రెస్టారెంట్‌లో అత్యాచారం, హత్యకు గురైన దిశకు నివాళులు అర్పించారు. ఈ కార్యక్రమంలో అట్లాంటాలోని ప్రవాసాంధ్రులతో పాటు ఎన్నారైలు పెద్ద ఎత్తున పాల్గొన్నారు. ఈ సందర్భంగా ఏర్పాటు చేసిన క్యాండిల్ లైట్ విజిల్‌లో భాగంగా క్యాండిల్స్‌ వెలిగించి దిశకు నివాళులర్పించారు.  అనంతరం కార్యక్రమానికి హాజరైన ప్రముఖులు మాట్లాడుతూ.. ఇలాంటి ఘటనలు జరగకుండా కేంద్ర, రాష్ట్ర ప్రభుత్వాలు కఠినమైన చట్టాలు రూపొందించాలని విజ్ఞప్తి చేశారు. ఈ రోజుల్లో మహిళలు అన్ని రంగాల్లో రాణిస్తున్నారని, అదే సమయంలో వారిపై దాడులు కూడా ఎక్కువవుతున్నాయని ఆందోళన వ్యక్తం చేశారు. అనంతరం ఈ కార్యక్రమ ఏర్పాటుకు సహకరించిన సభ్యులు శ్రీరాం, జయచంద్రారెడ్డి, నిరంజన్‌ పొద్దుటూరికి ఆటా కార్యవర్గ సభ్యులు అనిల్‌ బొడిరెడ్డి ప్రత్యేక ధన్యవాదాలు తెలిపారు. ఈ కార్యక్రమంలో ఆటా మాజీ అధ్యక్షులు కరుణాకర్‌ అసిరెడ్డి, కిరణ్‌ పాషం, గౌతం గోళి వెంకట్‌ మొండెద్దు, శ్రీని గంగసాని, అనిల్‌ బోదిరెడ్డి, తంగిరాల సత్యనారాయణ రెడ్డి, కళ్యాణి మోడ్గుల, హేమ శిల్ప తదితరులు పాల్గొన్నారు. 

అట్లాంటా : అట్లాంటా తెలుగు సంఘం 'తామా' ఆధ్వర్యంలో దీపావళి సంబరాలు ఘనంగా జరిగాయి. నార్క్రాస్ లోని స్థానిక మేడోక్రీక్ ఉన్నత పాఠశాలలో జరిగిన ఈ కార్యక్రమానికి ఫోర్సైత్ కౌంటీ బోర్డ్ ఆఫ్ ఎడ్యుకేషన్ చైర్మన్ క్రిస్టీన్ మోరిస్సి, ఫోర్సైత్ కౌంటీ డిస్ట్రిక్ట్ 2 కమీషనర్ డెన్నిస్ బ్రౌన్ ముఖ్యఅతిథులుగా హాజరయ్యారు. ఈ వేడుకల్లో వెయ్యి మందికి పైగా తెలుగు వారు పాల్గొన్నారు. ముందుగా పిల్లలకి క్యూరీ లెర్నింగ్ సెంటర్ వారు వ్యాస రచన పోటీలు, యూత్ టెక్నాలజీ లెర్నింగ్ సెంటర్ వారు లెగో పోటీలు నిర్వహించగా, సుమారు 175 మంది బాలబాలికలు పాల్గొన్నారు. లెగో పోటీలలో పిల్లలు ఎంతో వినూత్నంగా తమ సృజనాత్మకతను వెలికితీయడం విశేషం. తదనంతరం ప్రముఖ తెలుగు సినీ గాయనీగాయకులు లిప్సిక, యాజిన్, యాంకర్ రవళితో మీట్ అండ్ గ్రీట్ కార్యక్రమం జరిగింది. తామా కార్యవర్గ, బోర్డు సభ్యులు జ్యోతి ప్రజ్వలనతో సాంస్కృతిక కార్యక్రమాలను ప్రారంభించారు. చిన్నలు పెద్దలు నృత్యాలతో, పాటలతో వేదికను హోరెత్తించారు. మధ్య మధ్యలో రాఫుల్ విజేతలకు బహుమతులు అందజేశారు. యాంకర్ రవళి వ్యాఖ్యానం అందరినీ ఆకట్టుకుంది. చక్కని విందు బోజనాలను అందించిన గోదావరి రెస్టారెంట్ వారిని, స్పాన్సర్స్ అందరినీ ముఖ్యఅతిథులను పుష్పగుచ్ఛం, శాలువా, మెమెంటోలతో గౌరవంగా సత్కరించారు. ఫ్రెండ్స్ ఆఫ్ రాయపురెడ్డి సమర్పించిన శ్రీ శ్రీనివాసరావు రాయపురెడ్డి మెమోరియల్ వాలంటీర్ సర్వీస్ అవార్డును తామా తరపున బాలనారాయణ మద్దకి అందజేశారు. ఈ సందర్భంగా అందరూ రాయపురెడ్డిని, తాను తామాకి అలాగే తెలుగు కమ్యూనిటీ మొత్తానికి చేసిన సేవలను గుర్తుచేసుకున్నారు. గ్రాండ్ ఫినాలేలో భాగంగా యాజిన్ లిప్సిక తమ సంగీత కచేరీతో ప్రేక్షకులను మంత్రముగ్ధులను చేశారు. పిల్లలు మహిళలు అందరూ స్టేజ్ మీదకు వెళ్లిమరీ డ్యాన్సులు చేయడం విశేషం. చివరిగా ప్రెసిడెంట్ వెంకీ గద్దె తామా తదుపరి కార్యవర్గాన్ని సభకు పరిచయం చేయగా, ప్రెసిడెంట్ ఎలెక్ట్ భరత్ మద్దినేని తామా దివ్య దీపావళి వేడుకలకు సహకరించిన వాలంటీర్స్, స్పాన్సర్స్, స్టేజి డెకరేటర్ సుజాత పొన్నాడ, ఆడియో, లైటింగ్ అందించిన బీట్స్ అండ్ ఈవెంట్స్ వెంకట్ చెన్నుభొట్ల, ఫోటోగ్రఫీ సేవలందించిన రఘు, ప్రేక్షకులు తదితరులకు కృతఙ్ఞతలు తెలియజేశారు. ఈ వేడుకలకు శేఖర్ రియాల్టీ, జార్జ్ మెలత్ మోర్ట్ గేజ్ & ఇన్సూరెన్స్, ట్వంటీ సెవెంత్ ఇన్వెస్ట్మెంట్స్, గోదావరి రెస్టారెంట్, ఎస్.వి.కె సిస్టమ్స్, గిరీష్ మోడీ, పటేల్ బ్రదర్స్ సమర్పకులుగా వ్యవహరించారు.

అట్లాంటా: ప్రకృతిని పూజించే సంస్కృతికి ప్రతీకగా నిలిచే బతుకమ్మ పండుగను అట్లాంటాలో ఘనంగా జరుపుకున్నారు. ఆటపాటలతో ఈ కార్యక్రమం హోరెత్తిపోయింది. తెలంగాణ డెవలప్‌మెంట్‌ ఫోరమ్‌(టీడీఎఫ్‌) ఆధ్వర్యంలో అక్టోబర్‌ 5న సౌత్‌ ఫోర్సిత్‌ మిడిల్‌ స్కూల్‌లో బతుకమ్మ వేడుకలు జరిగాయి. అట్లాంటాలో వందల సంఖ్యలో నివసిస్తోన్న తెలంగాణ మహిళలు వేడుకకు తరలి వచ్చారు. వారంతా కలిసి గౌరీదేవీని తీర్చిదిద్దిన బతుకమ్మలతో హాజరయ్యారు. అందంగా పేర్చి తీసుకువచ్చిన బతుకమ్మలను మధ్యలో ఉంచి దాని చుట్టూ వృత్తాకారంలో తిరుగుతూ చప్పట్లు కొడుతూ ఆడిపాడారు. ఈ వేడుకలో పసి పిల్లల నుంచి పండు ముసలి దాకా అందరూ ఉత్సాహంగా పాల్గొన్నారు. బతుకమ్మ, దసరా సంబరాలకు 2,500మంది పైచిలుకు హాజరయ్యారు ఇక దసరా పండగను జమ్మి పూజతో ప్రారంభించారు. కోలాటాల కోలాహలంతో వేడుక కన్నులవిందుగా సాగింది. అందంగా తయారు చేసిన బతుకమ్మలకు టీడీఎఫ్‌ జ్యూరీ బహుమతులను అందజేసింది. టీడీఎఫ్‌ బృందం ఈ కార్యక్రమం గురించి మాట్లాడుతూ బతుకమ్మ ప్రాముఖ్యతను చాటిచెప్పడమే కాక, తెలంగాణ ఉద్యమంలో టీడీఎఫ్‌ పాత్రను గుర్తు చేయడమే ఈ వేడుక ముఖ్య ఉద్దేశమని తెలిపింది. నానమ్మ-మనుమరాలు థీమ్‌తో ఈ యేడాది తీసుకువచ్చిన ఆన్‌సైట్‌ బతుకమ్మకు విశేష స్పందన వచ్చిందని సంతోషం వ్యక్తం చేసింది. కనుమరుగైపోతున్న సాంప్రదాయాన్ని భావి తరాలకు తెలియజేయడమే లక్ష్యంగా ఈ వేడుకలను నిర్వహించామని పేర్కొంది.  టీడీఎఫ్‌  సంస్థ తెలంగాణలో చేపడుతోన్న అభివృద్ధి, సేవా కార్యక్రమాలను ఈ సందర్భంగా గుర్తు చేసింది. ఈ కార్యక్రమానికి టైటిల్‌ స్పాన్సర్‌ చేసిన ఈఐఎస్‌ టెక్నాలజీస్‌కు టీడీఎఫ్‌ బృందం కృతజ్ఞతలు తెలిపింది. వేడుకలు విజయవంతమవడానికి సహాయ సహాకారాలు అందించిన రాపిడ్‌ ఐటీ ఇన్‌కార్పొరేటెడ్‌ కంపెనీ, పీచ్‌ క్లినిక్‌, ఫార్మర్స్‌ ఇన్సూరెన్స్‌, డ్రవ్‌ ఇన్ఫో, ఆర్పైన్‌ ఇన్‌కార్పొరేటెడ్‌ కంపెనీ, శేఖర్‌ పుట్ట రియల్టర్‌, సువిధ గ్రోసరీస్‌, పటేల్‌ బ్రదర్స్‌, ఏజెంట్‌ రమేశ్‌, ఓర్దశన్‌ టెక్నాలజీస్‌కు ధన్యవాదాలు తెలిపింది . ఈ ప్రోగ్రాంకు రఘు వలసాని ఫొటోగ్రఫీ, డీజే దుర్గం సౌండ్‌ సిస్టమ్‌ను అందించారు. సువిధ ఇండో పాక్‌ గ్రోసరీస్‌, బిర్యానీ పాట్‌, అడ్డా ఈటరీ వారు విందును ఏర్పాటు చేశారు. స్వప్న కట్ట, స్థానిక కళాకారులైన శ్రీనివాస్‌ దుర్గమ్‌లు వారి గాత్రంతో ప్రేక్షకులను అలరించారు.

అట్లాంటా తెలుగు సంఘం 'తామా' ఆధ్వర్యంలో మొట్టమొదటిసారిగా బతుకమ్మ, దసరా వేడుకలను అంగరంగ వైభవంగా నిర్వహించారు. గోదావరి రెస్టారెంట్, మాగ్నమ్ ఓపస్ ఐటీ, డెల్టా ఇన్ఫర్మేషన్ సిస్టమ్స్, అమెరిన్డ్ సోలుషన్స్, డాక్టర్ నాగేంద్ర శ్రీనివాస్ కొడాలి సమర్పణలో సెప్టెంబర్ 28న ఈ వేడుకలు జరిగాయి. ఇందులో సుమారు 1700 మందికి పైగా మహిళలు, చిన్నారులు పాల్గొని రంగురంగుల బతుకమ్మలతో సందడి చేశారు. ప్రపంచమంతా నివసిస్తున్న తెలుగువారు అత్యంత విశిష్టమైన బతుకమ్మ పండుగను భాద్రపదమాసములో జరుపుకుంటారు. తెలంగాణ ప్రాంతంలో ఘనంగా జరిగే ఈ పండుగ గత కొన్ని సంవత్సరాలుగా అమెరికాలోని అన్ని ప్రాంతాల తెలుగువారు నిర్వహిస్తున్నారు. ఏడు వరుసల్లో రంగు రంగుల పూలను పేర్చి, పసుపుతో గౌరమ్మను బతుకమ్మపైన పెట్టి రెండు అగరుబత్తులను వెలిగించి.. అన్ని బతుకమ్మలను ఒక ప్రాంగణంలో పెట్టి మహిళలు, ఆడపిల్లలు బతుకమ్మల చుట్టూ వృత్తాకారంలో చప్పట్లు కొడుతూ తిరుగుతూ ఆడిపాడారు. ఈ వేడుకలకు ముఖ్య అతిధిగా ఇండియా నుంచి ప్రముఖ జానపద గాయకులు డా. శ్రీనివాస లింగా హాజరయ్యారు. ఆయన తన పాటలతో అందరిని ఆకట్టుకున్నారు. లింగా రాయలసీమ, కోస్తా ఆంధ్ర, తెలంగాణా ప్రాంతాలలోని యాసలతో పాటలు వినిపించడం కార్యక్రమానికే ఒక వన్నె తెచ్చింది. దాదాపు 500 మహిళలు 100 పిల్లలు లింగా పాటలతో రెండు గంటలపాటు బతుకమ్మ ఉత్సాహంగా ఆడి అనంతరం నిమజ్జనం చేశారు.   ఈ బతుకమ్మ పోటీల్లో న్యాయమూర్తులుగా వ్యవహిరంచిన స్నేహ బుక్కరాయసముద్రం, కనకలక్ష్మి చింతల, గీత వేదుల విజేతలను ప్రకటించారు. గెలచిన విజేతలకు రమేష్ అన్నాబత్తుల, విజు చిలువేరు బహుమతులను అందజేశారు. ప్రియా బలుసు ట్రివియా బహుమతులు, మహేష్ పవార్ కోలాటం కర్రలు స్పాన్సర్‌ చేశారు. బతుకమ్మ ఆటకు ముందు ప్రేక్షకులకు ఒక ప్రశ్నావళి నిర్వహించి.. అందులో గెలిచిన వారికి నిర్వాహకులు బహుమతులను అందచేశారు. ఈ వేడుకల్లో భాగంగా నిర్వహించిన సాంస్కృతిక కార్యక్రమాల్లో పాల్గొన్న శశికళ పెనుమర్తి, నీలిమ గడ్డమణుగు, శాంతి మేడిచెర్ల, శ్రీదేవి దాడితోట, హేమశిల్ప ఉప్పల, శ్రీవల్లి శ్రీధర్‌, దాస్యం మాధవిలు పెద్దలను, చిన్నారులను ఆకట్టుకున్నారు. బతుక్మ వేడుకలు విజయవంతంగా నిర్వహించడంలో అన్ని శాఖల్లో అత్యంత మక్కువతో పనిచేసిన కార్యకర్తలు.. వెంకీ గద్దె, భరత్ మద్దినేని, ఇన్నయ్య ఎనుముల, ప్రియా బలుసు, సుబ్బారావు మద్దాళి, సాయిరాం కారుమంచి, ఆదిత్య గాలి, రవి కల్లి, బిల్హన్ ఆలపాటి, సురేష్ బండారు, రూపేంద్ర వేములపల్లి, భరత్ అవిర్నేని, శ్రీవల్లి శ్రీధర్, వినయ్ మద్దినేని, రాజశేఖర్ చుండూరి, నగేష్ దొడ్డాక, కమల్ సాతులూరు, శ్రీనివాస్ ఉప్పు, విజు చిలువేరు, మహేష్ పవార్, రామ్ మద్ది, రామ్కిచౌడారపు, రమేష్ కోటికే, శ్రీనివాస్ కుక్కడపు, రమేష్ వెన్నెలకంటి, బాలనారాయణ మద్ద, శ్రీనివాస్ లావు, అంజయ్య చౌదరి లావు, అనిల్ యలమంచిలి,  మురళి బొడ్డు, వెంకట్ మీసాల, విజయ్ రావిళ్ల, సురేష్ దూలిపుడి, మోహన్ ఈదర, శ్రీనివాస్ గుంటక, సుధాకర్ బొర్రా, యశ్వంత్ జొన్నలగడ్డ, విజయ్ బాబు కొత్త, ప్రభాకర్ కొప్పోలు, నాగరాజు, నవీన్, సాయిప్రశాంత్, శుశ్రుత, సంతోష్ కిరణ్ వరద, సరితా కోటికే, శ్రీదేవి, విజయ్, శివ మాలెంపాటి, వినోద్ రెడ్డి తుపిలి, గౌరీధర్, సత్య నాగేందర్ గుత్తుల, రాజ్ కిరణ్ మూట తదితరులను వేడుకల్లో పాల్గొన్న మహిళలు అభినందించారు. ‘తామా’ఆధ్వర్యంలో బతుకమ్మ వేడుకలను విజయవంతం చేసిన అట్లాంటా ప్రజానీకం, స్పాన్సర్స్, ఆడియో లైటింగ్ అందించిన శ్రీనివాస్ దుర్గం, ఫోటోగ్రఫీ సేవలందించిన సురేష్ ఓలం, స్టేజీ, ఫోటోబూత్‌లను చక్కగా అలంకరించిన ఉదయ ఈటూరు, మీడియా సహకారం అందించిన టీవీ9 శివకుమార్ రామడుగు, టీవీ5, మనటీవీ ప్రవీణ్ పురం, టీవీ ఆసియా అంజలి చాబ్రియా తదితరులకు ‘తామా’ అధ్యక్షులు వెంకీ గద్దె  ప్రత్యేకంగా ధన్యవాదాలు తెలిపారు. 

అట్లాంటా : హృదయ సంబంధ లోపాలతో జన్మించే పేద దేశాలకు చెందిన పిల్లలకు ఉచితంగా ఆపరేషన్లు నిర్వహించే హార్ట్ టు హార్ట్ ఫౌండేషన్‌కు ప్రవాస భారతీయులు 1.2 లక్షల డాలర్ల (రూ. 85 లక్షలు) సహాయం అందించారు. ఫౌండేషన్ తరపున ప్రస్తుతం అమెరికాలో పర్యటిస్తున్న క్రికెట్ దిగ్గజం సునీల్ గవాస్కర్‌కు ఈ నిధులను అందజేశారు. అమెరికా క్రికెట్ బోర్డు డైరెక్టర్ వేణు కుమార్ రెడ్డి పిసికె ఆధ్వర్యంలో అట్లాంటా క్రికెట్ లీగ్ నిర్వహించిన ఈ కార్యక్రమంలో పలువురు ఎన్‌ఆర్‌ఐలు, క్రికెట్ అభిమానులు పాల్గొన్నారు. గౌతమ్ గోలి, ఫణి గుమ్మరాజు, మహేశ్ పవార్, కిరణ్ మంచికంటి, కరుణాకర్ పిసికె తదితరులు నిధుల సేకరణలో ముఖ్య పాత్ర పోషించారు. హార్ట్ టు హార్ట్ విత్ సునీల్ గవాస్కర్ పేరుతో నిర్వహించిన ఈ కార్యక్రమంలో ఆహ్వానితులు ఉదారంగా విరాళాలు అందజేశారు. తన క్రికెట్ కెరీర్లో సాధించిన 34 టెస్ట్ సెంచరీలకు గుర్తుగా గవాస్కర్ ఇటీవల 40,800 డాలర్లు అందజేశారు. ఒక్కో గుండె ఆపరేషన్‌కు 1200 డాలర్లు ఖర్చవుతుంది. రెండు నెలల క్రితం ఇంగ్లండ్ లో జరిగిన ప్రపంచ కప్ క్రికెట్ పోటీల సందర్భంగా అమెరికా క్రికెట్ బోర్డు తరపున తనను మర్యాద పూర్వకంగా కలిసిన వేణు కుమార్ రెడ్డి పిసికె, ఫణి గుమ్మరాజులను నిధుల సేకరణకు సహకరించాల్సిందిగా గవాస్కర్ కోరారు. అంతకు ముందే కొన్ని నగరాల్లో ఆయన పర్యటన ఖరారు కాగా అట్లాంగా సిటీని కూడా చేర్చి ఆహ్వనం పలికారు.  1971 లో వెస్టిండీస్ తో ఆడే టెస్ట్ మ్యాచ్ కు సెలక్ట్ అవడంలో తనకు అదృష్టం కూడా కలిసొచ్చిందని గవాస్కర్ చెప్పుకొచ్చారు. ఒక స్థానానికి ముగ్గురు క్రీడాకారులు పోటీ పడగా ఆయన ఆడుతున్నప్పుడు ప్రత్యర్థి జట్టు ఫీల్డర్లు రెండు క్యాచ్ లను వదిలేశారు. దానితో ఎక్కువ స్కోర్ సాధించి సెలక్టర్ల దృష్టిలో పడ్డట్టు తెలిపారు. అప్పుడప్పుడు హెల్మెట్ తీసి బ్యాటింగ్ చేసేవారు రిస్క్ అనిపించలేదా? అని ఆహుతుల్లో ఒకరు ప్రశ్నంచగా తన తలలో మెదడు ఉంటే గదా భయపడటానికి అని సరదాగా చమత్కరించి అందర్నీ నవ్వుల్లో ముంచారు.

అట్లాంటా : అట్లాంటా తెలుగు సంఘం (తామా) ఆధ్వర్యంలో ఇన్ఫోస్మార్ట్  టెక్నాలజీస్ అధినేత కరుణాకర్ రెడ్డి అసిరెడ్డి పర్యవేక్షణలో నారీమణుల కోసం ప్రత్యేకంగా మహిళా సంబరాల కార్యక్రమం జరిగింది. దాదాపు 400 మందికి పైగా ఈ వేడుకల్లో పాల్గొన్నారు. ముందుగా తామా కార్యవర్గ వనితలు శ్రీవల్లి శ్రీధర్, ప్రియ బలుసు, శిల్ప మద్దినేని, గౌరి కారుమంచి, హరిప్రియ దొడ్డాక, నీరజ ఉప్పు, ముఖ్య అతిథులు జ్యోతి ప్రజ్వలనతో కార్యక్రమాన్ని ప్రారంభించారు. శ్రీవల్లి, శిల్ప ఉప్పులూరి, స్రవంతి, పూజిత, పూర్ణిమ అర్జున్, రాగ వాహిని, భానుశ్రీ వావిలకొలనులు తమ గాత్రంతో ప్రేక్షకుల అలరించారు. వీణావాయిజ్యకారిణి ఉష మోచెర్ల, శాంతి మేడిచెర్ల వివిధ ప్రాంతీయ నృత్యాలతో మయూర వన్నెల నాట్య శిఖామణులు, యాంకర్‌గా రాగ వాహిని మాట చాతుర్యతతో అందరినీ ఆకట్టుకున్నారు. అధిక బరువు, మానసిక ఒత్తిడికి సంబంధించి డాక్టర్ నందిని సుంకిరెడ్డి, డాక్టర్ సౌమ్య రెడ్డి తమ అమూల్యమైన సూచనలు సలహాలు అందించారు. తామా సహకారంతో ప్రతి శనివారం నిర్వహిస్తున్న సిలికానాంధ్ర మనబడి గురువులను సత్కరించారు. 'ఆడజన్మ' ప్రదర్శన అందరి హృదయాలను ఆకట్టుకుంది. దాస్యం మాధవి 'స్త్రీ తత్వం' అనే కవితాంశతో ప్రారంభించి ఆడజన్మను మొదలుకొని ఒక స్త్రీ తన జీవిత కాలంలో తను ఎదుర్కొని పోరాడే ఒక్కో అంశాన్ని కళ్ళకు కట్టినట్టుగా వర్ణిస్తూ రమణీయంగా అభివ్యక్తపరిచారు. పాటలతో, ఆటలతో, మాటలతో నవరసాలను పండించారు. అంతే కాకుండా 'తెలుగు అమ్మాయి' పోటీ నిర్వహించి పలురకాల వైవిధ్య పరీక్షలతో పోటీదారులలో ఉత్సాహాన్ని నింపి వారిలో అత్యుత్తమంగా రాణించిన కొందరు నారీమణులకు విశిష్ఠ అతిథుల చేత బహుమానాలను అందింపచేసారు. ఈ సందర్భంగా విజేతలకు కాంత్ పొట్నూరు, సునీత పొట్నూరు బహుమతులను అందజేశారు. అలాగే కే.బి. జవేరి జువెలర్స్ డికేటర్ సమర్పించిన డైమండ్ రింగ్ తోపాటు ఇతర రాఫుల్ బహుమతులను కూడా విజేతలకు అందించారు. రేఖ హేమాద్రిభొట్ల, దీప్తి అవసరాల, గౌతమీ ప్రేమ్, కల్పనా పరిటాల, సుష్మ కిరణ్ తదితరులు ఈ కార్యక్రమం విజయవంతం చేయడంలో తమవంతు కృషి చేశారు.  

అట్లాంటా : అట్లాంటా తెలుగు సంఘం 'తామా' ఆధ్వర్యంలో ఆహార ఆరోగ్య అవగాహనా సదస్సు నిర్వహించారు. ఇండియా నుంచి ముఖ్య అతిథిగా విచ్చేసిన వీరమాచనేని రామకృష్ణారావు పాల్గొన్న ఈ సదస్సులో 250 మందికి పైగా పాల్గొన్నారు. వీఆర్కే డైట్ ద్వారా ఆహార నియమాల్లో తను తీసుకువచ్చిన విప్లవాత్మకమైన మార్పులు, ఆచరణ, వాటి ఫలితాల గురించి సుమారు 5 గంటలపాటు సుదీర్ఘంగా వివరించారు. ముఖాముఖిలో భాగంగా పలువురు అడిగిన ప్రశ్నలకు సమాధానాలందించి వారి సందేహాలను నివృత్తి చేశారు. ముందుగా అట్లాంటా తెలుగు సంఘం అధ్యక్షులు వెంకీ గద్దె స్వాగతోపన్యాసం చేస్తూ తామా నిర్వహిస్తున్న ఉచిత క్లినిక్, స్కాలర్షిప్స్, క్రీడా పోటీలు, సాంస్కృతిక సాహిత్య కార్యక్రమాలు, సిలికానాంధ్ర మనబడి, వివిధ సదస్సులు, తామా సభ్యత్వ ప్రయోజనాలు తదితర అంశాలను వివరించారు. తామా కార్యవర్గం, ఛైర్మన్ వినయ్ మద్దినేని ఆధ్వర్యంలో బోర్డు సభ్యులు వీరమాచనేనిని వేదికమీదకు ఆహ్వానించి సత్కరించబోగా ఆయన సున్నితంగా తిరస్కరించారు. ఈ సదస్సుకు కమ్మింగ్ లోని శ్రీ కృష్ణ విలాస్ రెస్టారెంట్ ఈవెంట్ హాల్  తేనీటి విందు సమర్పించిన సతీష్ ముసునూరిని వీరమాచనేని శాలువాతో సత్కరించారు. సదస్సుకు విచ్చేసిన వీరమాచనేనికి, ఉచితంగా ఆడియో సహకారం అందించిన తామా బోర్డు సభ్యులు కమల్ సాతులూరుకి, విజయవంతం చేసిన అట్లాంటా ప్రజలకు, తోటి తామా కార్యవర్గ సభ్యులు ఇన్నయ్య ఎనుముల, సుబ్బారావు మద్దాళి, సాయిరాం కారుమంచి, ఆదిత్య గాలి, సురేష్ బండారు, భరత్ అవిర్నేని మరియు బోర్డు సభ్యులు వినయ్ మద్దినేని, రాజశేఖర్ చుండూరి, నగేష్ దొడ్డాక, మనోజ్ తాటికొండ, విజు చిలువేరులకు అలాగే వాలంటీర్స్ తదితరులకు తామా అధ్యక్షులు వెంకీ గద్దె ధన్యవాదాలు తెలిపారు.

అట్లాంటా : అమెరికాలోని అట్లాంటా మహానగరంలో ఆషియన్ అమెరికన్ అసోసియేషన్ ఆఫ్ ఫీజిషియన్స్ ఆఫ్ ఇండియన్ ఆరిజిన్ (ఆపి) 37వ వార్షిక సదస్సు ఘనంగా జరిగింది. ఈ సదస్సుకు సుమారు మూడువేల మందికిపైగా హాజరయ్యారు. అమెరికాలోని వివిధ నగరాల నుంచి వైద్యులు వారి కుటుంబ సభ్యులతో పాటు పాల్గొన్నారు. ఆపి అమెరికాలో అత్యంత శక్తివంతమైన, ప్రభావశీలమైన భారతీయ వైద్యుల సంఘం. అమెరికాలోని ఈ వైద్యుల సంఘం భారత దేశంలోనూ, అమెరికాలోను అనేకమైన వైద్య సేవలను అందిస్తోంది. ఆపి సంస్థ భారత ప్రభుత్వంతోను, అనేక రాష్ట్రాలతోనూ అనేక స్వచ్చంద సంస్థలతోను ఒప్పందాలు చేసుకుని విరివిగా భారత దేశంలో వైద్య సేవలను అందిస్తోంది. ఆపి 37వ వార్షిక సదస్సు జులై 3వ తేదీ నుంచి 7వ తేదీ వరకు జార్జియా వరల్డ్ కాంగ్రెస్ సెంటర్లో.. మహబూబ్‌నగర్ మూలాలు కలిగిన అట్లాంటా ప్రముఖ హృద్రోగ నిపుణులు డాక్టర్ గంగసాని శ్రీనివాసులు రెడ్డి (శ్రీని గంగసాని) ఆధ్వర్యంలో అత్యంత వైభవోపేతంగా జరిగాయి. జులై 3వ తేదీ సాయంత్రం విశ్వయోగి విశ్వంజీ హిందూ సాంప్రదాయ బద్దంగా జ్యోతిని వెలిగించి ఐదు రోజుల ఆపి మహా సభలను ప్రారంభించారు. ఈ ప్రారంభోత్సవ కార్యక్రమానికి అమెరికా ప్రభుత్వ అధికారులు, అమెరికా మెడికల్ అసోసియేషన్ ప్రతినిధులతోపాటు అట్లాంటాలోని భారత ప్రభుత్వ దౌత్య అధికారిని డాక్టర్ స్వాతి కులకర్ణి కూడా పాల్గొని ఐదు రోజుల డాక్టర్ల సదస్సుకు హాజరైన డాక్టర్లను ఉద్దేశించి ప్రసంగించారు. జులై 4వ తేదీ ఉదయం ప్రముఖ వైద్యులు, ఆరోగ్య నిపుణులు, విద్యావేత్తలు మరియు భారతీయ సంతతి శాస్త్రవేత్తలు పాల్గొన్న ఆపి సదస్సులో ఇషా యోగ వ్యవస్థాపకులు జగ్గీ వాసుదేవ్ ముఖ్య ఉపన్యాసం చేస్తూ.. విద్య, వైద్యం, ఆధ్యాత్మికం వ్యాపారం కాకూడదని అన్నారు. ఎప్పుడైతే విద్య, వైద్యం, ఆధ్యాత్మికం వ్యాపారం అవుతాయో అప్పుడే ఆ జాతి పతనం ప్రారంభం అవుతుందని అన్నారు. ఆరోగ్యానికి చిహ్నాలైన వైద్యులు, ప్రజల ఆరోగ్యాన్ని కోరే వైద్యులు మరింత ఆరోగ్యంగా ఉండాలని, లేనిచో ఆ వైద్యుడు రోగుల బాగోగులను ఏం చూడగలడని ప్రశ్నించారు. వైద్యుల, వైద్య విద్యార్థుల ఆత్మహత్యలు ఎక్కువ అయ్యాయని, ఈ పరిస్థితిని యుద్ధ ప్రాతిపదికన సరిదిద్దాల్సిన అవసరం ఎంతైనా ఉందని అన్నారు. 37వ వార్షిక ఆపి కన్వెన్షన్‌, సైన్టిఫిక్ అసెంబ్లీ.. వైద్యులకు వైద్య పరిజ్ఞానం, తమ వృత్తి నైపుణ్యం మెరుగు పరచుకోవడానికి దోహదపడుతోంది. అంతేగాకుండా వైద్యుల కుటుంబ సభ్యులకు తమ పాత మిత్రులను కలుసుకోవటానికి ఆపి సదస్సులు ఒక వేదికగా ఉపయోగపడుతున్నాయని అన్నారు. అదే ఆపి సదస్సుల దిగ్విజయానికి కారణం. అంతేగాకుండా భారత దేశంలోని వివిధ వైద్య కళాశాలల పాత విద్యార్థుల సమావేశాలు కూడ అత్యంత ఆదరణ పొందుతున్నాయి. తెలుగు రాష్ట్రాలలోని గాంధీ, ఉస్మానియా, వరంగల్, వెంకటేశ్వర, గుంటూరు, కాకినాడ, విశాఖపట్నం వైద్య కళాశాలల పాత వైద్య విద్యార్థుల సమావేశాలు ఒక పండుగలా జరిగాయి. ఆపి కన్వెన్షన్, సైంటిఫిక్ అసెంబ్లీలో CME ( కంటిన్యూ మెడికల్ ఎడ్యుకేషన్) తరగతులు, ప్రొఫెషనల్, బిజినెస్, ఉమెన్స్ ఫోరమ్ వంటి అనేక సదస్సులతో పాటు వైద్య పరికరాలు, వివిధ విక్రయశాలలు, శంకర్ మహదేవన్ సంగీత విభావరి, వైద్యులు ప్రదర్శించిన నృత్య నాటక ప్రదర్శనలు ఆహుతులను ఎంతగానో ఆకట్టుకున్నాయి. భారతదేశాన్ని టీబీ నుంచి తప్పించాలనే ఉద్దేశంతో USAID నుంచి తొమ్మిది మిలియన్ల నిధులతో భారత దేశంలో టీబీ నిర్మూలనకు ఆపి సంస్థ చేపట్టిన కృషి.. ఏంతో ప్రశంసనీయమైనిది. భారత ప్రభుత్వం మరియు స్థానిక సంస్థలతో ఆపి యొక్క భాగస్వామ్యం అనేక నగరాలు టీబీ ఫ్రీగా మారటానికి ఏంతో దోహదపడుతోంది.

అట్లాంటా : గ్రేటర్‌ అట్లాంటా తెలంగాణ సోసైటీ(గేట్స్‌) ఆధ్వర్యంలో తెలంగాణ అవతరణ దినోత్సవ వేడుకలు ఘనంగా జరిగాయి. జూన్‌ 23న ఆదివారం నాడు కుమ్మింగ్‌లోని లేనియర్‌ టెక్నికల్ కాలేజీలో ఈ వేడుకలు జరిగాయి. దాదాపు 1000 మందిపైగా ఈ కార్యక్రమంలో పాల్గొని విజయవంతం చేశారు. స్థానిక నేతలతో పాటు పలువరు ప్రముఖులు ఈ వేడుకల్లో పాల్గొన్నారు. గేట్స్‌ బోర్డు ఛైర్మన్‌ అనిల్‌ బోధిరెడ్డి, ప్రెసిడెంట్ తిరుమల రెడ్డి పిట్ట సారథ్యంలో తెలంగాణ అవతరణ దినోత్సవ వేడుకలు అంగరంగ వైభవంగా నిర్వహించబడ్డాయి. తెలంగాణ సాంస్కృతి, సంప్రదాయాలు ఉట్టిపడేలా ఏర్పాటు చేసిన కార్యక్రమాలు ప్రత్యేక ఆకర్షణగా నిలిచాయి. చిన్నారుల నృత్యాలు, బుర్రకథలు, కాకతీయ చరిత్రను వివరిస్తూ నృత్య ప్రదర్శన, పేరిణీ తాండవం, బోనాలు, బతుకమ్మ, గుస్సాది, లంబాడీ, గిరిజన నృత్యాలు, తెలంగాణ సమరయోధుల నాట్య రూపకం అందరినీ ఆకట్టుకున్నాయి.  ఈ సందర్భంగా భువనేష్‌ బుజాల(ఆటా), ఆల రామక్రిష్ణారెడ్డి(ఆటా,బోట్‌), అంజయ్య చౌదరి లావు (తానా), భరత్‌ మాదాది(టాటా), డా.శ్రీని గంగసాని, సునీల్‌ సావిలి, శ్రీనివాసరెడ్డి పెద్ది( ఐఎఫ్‌ఏ), సత్యనారాయణరెడ్డి తంగిరాల(గాటా), వెంకీ గద్దె, వినయ్‌లను  ఘనంగా సన్మానించారు. ఈ కార్యక్రమాన్ని దిగ్విజయంగా నిర్వహించడంలో ఛైర్మన్‌ బోధిరెడ్డి, ప్రెసిడెంట్‌ తిరుమలరెడ్డి పిట్ట, వైఎస్‌ ప్రెసిడెంట్‌ రాహుల్‌ చిక్యాల, జనరల్‌ సెక్రటరీ కిషన్‌ తాళ్లపల్లి, ట్రెజరర్‌ అనితా నెల్లుట్ల, జనార్థన్‌ పన్నెల(యూత్‌ అండ్‌ స్పోర్ట్స్‌), సునీల్‌ గోతూర్( ఈవెంట్‌ సెక్రటరీ)‌, శ్రీనివాస్‌ పర్సా (కల్చరల్‌ సెక్రటరీ), శ్రీధర్‌ నెల్వల్లి, రఘు బండ, చిట్టారి ప్రభా, రమాచారి, గణేశ్‌ కాశం, వెన్నెమనేని చలపతి, సతీష్‌ నందాల, గేట్స్‌ అడ్వైజరీ బోర్డు సభ్యులు కరుణ్‌ ఆశిరెడ్డి, గౌతమ్‌గోలి, ప్రభాకర్‌ బోయపల్లి, శ్రీధర్‌ జూలపల్లి, సతీష్‌ చెటిల కృషి అమోఘమని పలువురు కొనియాడారు.

అట్లాంట : వైఎస్‌ జగన్‌మోహన్‌ రెడ్డి నేడు (మే 30) ఆంధ్రప్రదేశ్‌ ముఖ్యమంత్రిగా ప్రమాణ స్వీకారం చేసిన సంగతి తెలిసిందే. విజయవాడలోని ఇందిరాగాంధీ స్టేడియంలో జరిగిన ఈ కార్యక్రమాన్ని ప్రపంచం నలుమూలలా ఉన్న తెలుగు ప్రజలంతా వీక్షించారు. జననేతకు నేడు పట్టాభిషేకం జరుగుతున్నందున.. ‘యాత్ర’ మూవీ నిర్మాత గిరీష్‌ మేక అట్లాంటలో జననేత వైఎస్‌ జగన్‌ హోర్డింగ్‌లను ఏర్పాటు చేశారు. 

అట్లాంట : తాజాగా జరిగిన ఎన్నికల్లో వైఎస్సార్‌సీపీ అద్భుత విజయాన్ని సొంతం చేసుకోవడంతో ప్రపంచం నలుమూలలా ఉన్న వైఎస్సార్‌ అభిమానులు ఘనంగా వేడుకలు జరుపుకుంటున్నారు.  అమెరికాలోని అట్లాంటకు చెందిన ఎన్నారైలు జై జగన్‌, జోహార్‌ వైఎస్సార్‌ నినాదాలు చేస్తూ.. వారి ఆనందాన్ని వ్యక్తపరిచారు. వైఎస్‌ జగన్‌ సాధించిన ఘన విజయాన్ని అట్లాంటలోని ఎన్నారైలు అందరూ కలిసి ఎంతో ఘనంగా సెలబ్రేట్ చేసుకున్నారు. 

అట్లాంటా : ఆంధ్రప్రదేశ్‌ ఎన్నికల ఫలితాల్లో వైఎస్సార్‌సీపీ ప్రభంజనం సృష్టించడంతో వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి అభిమానులు సంబరాలు చేసుకుంటున్నారు. తెలుగు రాష్ట్రాల్లోనే కాకుండా దేశ విదేశాల్లో కూడా వైఎస్సార్‌సీపీ అభిమానులు పెద్ద ఎత్తున వేడుకలు జరుపుకుంటున్నారు. అట్లాంటాలోని కమ్మింగ్‌లో అట్లాంటా వైఎస్సార్‌సీపీ యూఎస్‌ఏ విభాగం ఆధ్వర్యంలో విజయోత్సవ సభ నిర్వహించడానికి ఏర్పాట్లు చేశారు. ఆదివారం సాయంత్రం 6.30 నుంచి 10.30 వరకు జరిగే ఈ వేడుకల్లో వైఎస్‌ జగన్‌ అభిమానులు ప్రతి ఒక్కరు పాల్గొనాలని అట్లాంటా వైఎస్సార్‌సీపీ యూఎస్‌ఏ విభాగం కోరింది.

అట్లాంటా, జార్జియా : అమెరికాలోని హిందూ దేవాలయాల్లో వరుస చోరీలు అక్కడున్న ప్రవాస తెలుగువారిని కలవర పెడుతున్నాయి. మే 17న కమ్మింగ్‌లో శ్రీ మహాలక్ష్మి ఆలయం, అట్లాంటాలోని రివర్‌డేల్‌లోని ఆలయంలో 18న చోరీలు జరిగాయి. ఈ రెండు దేవాలయాల్లో ఒకే గ్యాంగ్‌ చోరీలకు పాల్పడినట్టు తెలుస్తోంది. పూజారుల కళ్లుగప్పి విగ్రహాలకు అలంకరించిన బంగారు ఆభరణాలను చోరీ చేశారు. మొత్తం ఆరుగురు ఈ చోరీలకు పాల్పడినట్టు తెలుస్తోంది. వీరిలో ముగ్గురు మహిళలున్నారు. హిందూ మతం ఆచార వ్యవహారాల గురించి పూజారిని అడుగి దృష్టి మరల్చగా, మిగతా వారు చోరీకి పాల్పడినట్టు సమాచారం. పోలీసులు కేసు నమోదు చేసి దర్యాప్తు ప్రారంభించారు. చోరీకి పాల్పడిన వారిని సీసీటీవీ ఫుటేజీలో గుర్తించారు.  

వాషింగ్టన్‌ : ఎల్‌కేజీకే రూ లక్షల్లో ఫీజులు చెల్లించి ఆయా కుటుంబాలు ఆర్థికంగా చితికిపోయి దిక్కులు చూస్తున్న క్రమంలో ప్రతిష్టాత్మక అమెరికన్‌ కాలేజ్‌లో విద్యార్ధుల రుణాలన్నీ చెల్లించేందుకు ఓ వ్యాపార దిగ్గజం ముందుకు రావడం అందరినీ సంభ్రమాశ్చర్యంలో ముంచెత్తింది. 440 కోట్ల డాలర్ల సంపద కలిగిన ఆఫ్రికన్‌ -అమెరికన్‌ వాణిజ్యవేత్త రాబర్ట్‌ ఎఫ్‌ స్మిత్‌ అట్లాంటాలోని బ్లాక్‌​ మోర్‌హౌస్‌ కాలేజ్‌లో కొత్తగా డిగ్రీ పట్టా అందుకున్న విద్యార్ధుల రుణం మొత్తం ( దాదాపు రూ 250 కోట్లు) తాను చెల్లిస్తానని చెప్పి విద్యార్ధులు, తల్లితండ్రుల మన్ననలు పొందారు. విద్యార్ధుల రుణాన్ని చెల్లించేందుకు అవసరమైన నిధిని సమకూరుస్తానని స్మిత్‌ 400 మంది గ్రాడ్యుయేట్లు, వారి తల్లితండ్రుల హర్షధ్వానాల మధ్య ప్రకటించారు. మీ విద్యార్ధుల రుణాన్ని మాఫీ చేసేలా తమ కుటుంబం నిధులు మంజూరు చేస్తుందని గ్రాడ్యుయేషన్‌ మీట్‌లో స్మిత్‌ పేర్కొన్నట్టు కాలేజ్‌ ట్విటర్‌ ఖాతా వెల్లడించింది. ఈ కాలేజ్‌ నుంచి స్మిత్‌ గౌరవ పట్టా పొందుతూ తన ఔదార్యం చాటారు. తనలాంటి ఎందరో బ్లాక్‌ అమెరికన్ల ఉన్నతికి తన సాయం భరోసా అందించాలనే సంకల్పమే ఈ ప్రకటనకు తనను పురిగొల్పిందని స్మిత్‌ చెప్పారు.

అట్లాంటా : తెలుగు అసోసియేషన్ ఆఫ్ మెట్రో అట్లాంటా(తామా) ఆధ్వర్యంలో ఉగాది ఉత్సవాలు ఘనంగా జరిగాయి. స్థానిక మెడోక్రీక్ హైస్కూల్లో నిర్వహించిన శ్రీ వికారి నామ తెలుగు నూతన సంవత్సర ఉగాది ఉత్సవాలలో సుమారు రెండు వేల మందికి పైగా పాల్గొనగా తెలుగు సినీగాయని గీతామాధురి తన పాటలతో ఉర్రూతలూగించారు. ముందుగా పిల్లలకు క్యూరీ లెర్నింగ్ ఆధ్వర్యంలో నిర్వహించిన మాత్ బౌల్, స్పెల్ మాస్టర్ ఛాలెంజ్ పోటీలలో సుమారు 200 మంది పిల్లలు పోటీపడ్డారు. పొటీలలో గెలుపొందిన విజేతలకు బహుమతులను అందజేశారు. సాంస్కృతిక కార్యదర్శి సుబ్బారావు మద్దాళి ఉగాది శుభాకాంక్షలతో అందరికి స్వాగతం పలుకగా, తామా కార్యవర్గ సభ్యులు వెంకీ గద్దె, భరత్ మద్దినేని, ఇన్నయ్య ఎనుముల, ప్రియ బలుసు, సాయిరాం కారుమంచి, ఆదిత్య గాలి, రవి కల్లి, సురేష్ బండారు, రూపేంద్ర వేములపల్లి, భరత్ అవిర్నేని, శ్రీవల్లి శ్రీధర్ బోర్డు సభ్యులు వినయ్ మద్దినేని, రాజశేఖర్ చుండూరి, నగేష్ దొడ్డాక, ఆనంద్ అక్కినేని, కమల్ సాతులూరు, శ్రీనివాస్ ఉప్పు, అలాగే గాయని గీతా మాధురి, వ్యాఖ్యాత సమీరా విఘ్నేశ్వరునికి జ్యోతి ప్రజ్వలనతో సాంస్కృతిక కార్యక్రమాలను ప్రారంభించారు. అట్లాంటాలోని ప్రముఖ సంగీత, నృత్య పాఠశాలలవారు ప్రదర్శించిన సినిమా నృత్యాలు, శాస్త్రీయ సంగీతం, జానపద గీతాలు, ఫ్యాషన్ షో, యాంకర్ సమీరా వ్యాఖ్యానం అందరిని అబ్బురపరిచాయి. సాంస్కృతిక కార్యక్రమాలలో పాల్గొన్నవారికి ప్రశంసా పత్రాలు అందజేశారు. తామా కార్యవర్గం, బోర్డు సభ్యుల చేతులమీదుగా స్పాన్సర్స్, సింగర్ గీతా మాధురి, యాంకర్ సమీరా, జార్జియా హౌస్ ప్రతినిధి టాడ్ జోన్స్‌లను  పుష్పగుచ్చం, శాలువ,జ్ఞాపికలతో సత్కరించారు. ప్రముఖ వ్యాపారస్తులు ఏర్పాటు చేసిన స్టాల్స్‌లో ఆభరణాలు, వస్త్రాలు, ప్రత్యేక ఆహార పదార్థాలు విశేషంగా ఆకట్టుకున్నాయి. శ్రీ సత్యనారాయణ స్వామి గుడి పూజారి రవి మేడిచెర్ల గారు పంచాంగ శ్రవణం చేశారు. ప్రెసిడెంట్ ఎలెక్ట్ భరత్ మద్దినేని ఈ కార్యక్రమాన్ని విజయవంతం చేయడంలో తమవంతు సహాయసహకారాలు అందించిన ఆడియో లైటింగ్ ఫోటోగ్రఫీ వీడియోగ్రఫీ సేవలందించిన వాకిటి క్రియేషన్స్ శ్రీధర్ రెడ్డికి, వేదికను అందంగా అలంకరించిన మేరీగోల్డ్ ఈవెంట్స్ సుజాత పొన్నాడకి, మెడోక్రీక్ హై స్కూల్ యాజమాన్యానికి, స్పాన్సర్స్‌కి, వాలంటీర్స్ శ్రీనివాస్ లావు, అంజయ్య చౌదరి లావు, అనిల్ ఎలమంచిలి, రాజేష్ జంపాల, రామ్ మద్ది, ఉపేంద్ర నర్రా, శ్రీని బలుసు, విజయ్ కొత్త, విజయ్ కొత్తపల్లి, గిరి సూర్యదేవర, మురళి బొడ్డు, సురేష్ ధూళిపూడి, బాల మడ్డ, అనిల్ కొల్లి, వెంకట్ అడుసుమిల్లి, మహేష్ పవార్, వెంకట్ మీసాల, శ్రీరామ్ రొయ్యల, యశ్వంత్ జొన్నలగడ్డ, హేమంత్ వర్మ పెన్మెత్స, రమేష్ వెన్నెలకంటి, సాన్వి, అక్షు, మోనిష్, తనీష్, రితిక్, రుషీల్, అఖిల్, వంశి కనమర్లపూడి, శ్రీనివాస్ కుక్కడపు, సంతోష్, సరితా, గౌతమి ప్రేమ్, సత్య నాగేందర్, అనిల్, నగేష్ మాగంటి, మూర్తి మొల్లివెంకట, శ్రీనివాస్ గోలి, శ్రీనివాస్ కోడెల, గిరిధర్ కోటగిరి, శశి కేలం, అప్పారావు గోపు తదితరులకు ధన్యవాదాలు తెలిపారు.

అట్లాంట : ఆ కుక్క పిల్లకు ఎదురైన కష్టం అలవాటుగా మారింది. అదే దాన్ని అన్ని కుక్కలకంటే భిన్నమైనదాన్ని చేసింది.  నిలబడితే తప్ప నిద్రపోలేని స్థితికి తీసుకొచ్చింది. వివరాల్లోకి వెళితే.. జార్జియాకు చెందిన మెలిసా లెంజ్‌ అనే మహిళ కొద్ది రోజుల క్రితం  ధీన స్థితిలో ఉన్న కొన్ని కుక్కపిల్లలను రక్షించి వాటిని సంరక్షణా నిలయానికి పంపించేసింది. అందులో ముద్దుగా ఉన్న ఓ కుక్కపిల్లను ఇంటికి తెచ్చుకుని పెంచుకుంటోంది. దానికి జార్డన్‌ నైట్‌ అని పేరు కూడా పెట్టింది. ఒక రోజు నిలబడి అటూ ఇటూ తూలుతూ ఉన్న జార్డన్‌ను దగ్గరకు వెళ్లి చూసింది. అది నిలబడి నిద్రపోతోందని తెలిసి ఆశ్చర్యపోయింది. తరుచూ అది అలాగే చేస్తుంటే ఎందుకని ఆరాతీసింది. గతంలో అది ఉన్న కుక్కల బోనులో ఎక్కువ కుక్కలను ఉంచటం కారణంగా నిద్రపోవటానికి స్థలం ఉండేది కాదు. చలి, బోనులో రోత కారణంగా నిలబడి నిద్రపోవాల్సి వచ్చేది. ఇక అక్కడినుంచి బయటకు వచ్చినా నిలబడి నిద్రపోవటం అలవాటుగా మారింది. ఈ విషయం తెలుసుకున్న మెలిసా కంట నీళ్లు తిరిగాయి. దాన్ని ఎలాగైనా కిందపడుకునే విధంగా చేయాలని ప్రయత్నించి విఫలమైంది. జార్డన్‌ మామూలు సమయాల్లో క్రిందకూర్చున్నా, నిద్రపోవటానికి మాత్రం నిలబడుతోంది.

అట్లాంటా : జమ్మూకశ్మీర్‌లోని పుల్వామా జిల్లాలో 40 మంది భద్రతాదళ సభ్యల ప్రాణాలను బలిగొన్న తీవ్రవాదుల అమానవీయ ఘటన యావత్‌ దేశాన్నీ కుదిపేసింది. ఫెడరేషన్‌ ఆఫ్‌ ఇండియన్‌ అసోసియేషన్స్‌ ఆధ్వర్యంలో అట్లాంటాలో వీరసైనికులకు ప్రవాసాంధ్రులు నివాళులు అర్పించారు. దాదాపు 1000 మందికి పైగా ప్రవాస భారతీయులు ఈ కార్యక్రమంలో పాల్గొన్నారు. భారత ప్రభుత్వ అధికారులు, అమెరికా చట్టసభలకు చెందిన అధికారులతో పాటు రిటైర్డ్ నౌకాదళ, వాయుసేన అధికారులు పాల్గొని సైనికుల సేవలను కొనియాడారు. టెర్రరిజం ఎక్కడ ఏ రూపంలో ఉన్నా ఉపేక్షించవద్దని సూచించారు.

అట్లాంటా : పుల్వామా ఉగ్రదాడిలో వీర మరణం పొందిన సైనికులకు ఫెడరేషన్‌ ఆఫ్‌ఇండియన్‌ అసోసియేషన్స్‌ ఆధ్వర్యంలో వీర సైనికులకు నివాళులర్పించారు. ఈ కార్యక్రమంలో దాదాపు 1000 మందికి పైగా ప్రవాస భారతీయులు పాల్గొన్నారు. భారత ప్రభుత్వ అధికారులు, అమెరికా చట్టసభలకు చెందిన అధికారులతో పాటు రిటైర్డ్ నౌకాదళ, వాయుసేన అధికారులు పాల్గొని సైనికుల సేవలను కొనియాడారు. టెర్రరిజం ఎక్కడ ఏ రూపంలో ఉన్నా ఉపేక్షించవద్దని అన్నారు.

అట్లాంటా : అట్లాంటా తెలుగు సంఘం 'తామా' ఆధ్వర్యంలో భారత 70వ గణతంత్ర దినోత్సవ వేడుకలు ఘనంగా నిర్వహించారు. మిడిల్ స్కూల్లో నిర్వహించిన ఈ వేడుకలకు సుమారు 300 మంది బాలబాలికలు, 200 మంది పెద్దలు, ఉపాధ్యాయినీ ఉపాధ్యాయులు పాల్గొన్నారు. ముందుగా తామా అధ్యక్షులు వెంకీ గద్దె స్వాగతోపన్యాసం చేస్తూ గణతంత్ర దినోత్సవ  ప్రాశస్త్యం గురించి వివరించారు. సిలికానాంధ్ర మనబడి ప్రతినిధి విజయ్ రావిళ్ల, తామా చైర్మన్ వినయ్ మద్దినేనిలు ఉపాధ్యాయులకు పుష్పగుచ్ఛాలు అందజేశారు. మా తెలుగు తల్లికి మల్లెపూదండ వంటి దేశభక్తి గీతాలను శ్రద్ధగా ఆలపించారు. తదనంతరం విజయ్ రావిళ్ల జెండా వందనం చేయగా, అందరూ జాతీయగీతం ఆలపించి భారతావనిపై తమకున్న గౌరవాన్ని తెలియజెప్పారు. వాతావరణం చాలా చల్లగా ఉన్నప్పటికీ ప్రతి సంవత్సరం కంటే అత్యధికంగా 500 మందికి పైగా పాల్గొనడం విశేషం అంటూ అక్కడికి విచ్చేసిన అందరూ తామా కార్యవర్గాన్ని కొనియాడారు. ఇంతమంది తెలుగు వారు ఇలా మన జాతీయ పండుగను చేసుకోవటం హర్షణీయం అని ప్రశంసించారు. ఈ కార్యక్రమం భారత దేశంలో చిన్నప్పుడు తమ స్కూళ్లలో జరిగినట్లు ఉందని, ఆ రోజులను తామా వారు తమకు గుర్తుచేసినందుకు, తమ పిల్లలు ఇందులో భాగం కావటం పట్ల చాలా మంది పెద్దలు హర్షం వ్యక్తం చేశారు. గణతంత్ర దినోత్సవ వేడుకలలో భాగంగా పిల్లలకు గుడీ బ్యాగ్స్, పెద్దలకు స్నాక్స్ అందించారు. చివరిగా స్నాక్స్ స్పాన్సర్ చేసిన అట్లాంటా ఫుడ్ డిస్ట్రిబ్యూటర్స్, వేడుకల నిర్వహణలో సహకరించిన తోటి తామా కార్యవర్గ సభ్యులు, బోర్డు సభ్యులు, మనబడి సమన్వయకర్తలు, ఉపాధ్యాయినీ ఉపాధ్యాయులందరికీ తామా అధ్యక్షులు వెంకీ గద్దె కృతజ్ఞతలు తెలిపారు.

అట్లాంటా : అట్లాంటా తెలుగు సంఘం (తామా) ఆధ్వర్యంలో సంక్రాంతి సంబరాలు వీనుల విందుగా జరిగాయి. స్థానిక నార్‌క్రాస్ ఉన్నత పాఠశాలలో నిర్వహించిన ఈ సంబరాలను శూరా ఈబి 5 ఫండ్, మై టాక్స్ ఫైలర్, సంక్రాంతి రెస్టారెంట్ వారు సమర్పించగా, సుమారు 1200 మందికి పైగా హాజరయ్యారు. ముందుగా పిల్లలకు ప్రత్యేకంగా నిర్వహించిన గ్లోబల్ ఆర్ట్ కళ, ది యంగ్ లీడర్స్ అకాడమీ ఉపన్యాసం పోటీలలో సుమారు 250 మంది పిల్లలు పాల్గొని తమ ప్రావీణ్యాన్ని ప్రదర్శించారు. ముగ్గుల పోటీలు, మెహిందీలో మహిళలు పెద్ద ఎత్తున పాల్గొన్నారు. అనంతరం సాంస్కృతిక కార్యదర్శి సుబ్బారావు మద్దాళి స్వాగతోపన్యాసం చేయగా, తామా కార్యవర్గం, బోర్డు సభ్యులు జ్యోతి ప్రజ్వలనతో సాంస్కృతిక కార్యక్రమాలు ప్రారంభమయ్యాయి. ఇందులో భాగంగా ప్రదర్శించిన జానపద గీతాలు, శాస్త్రీయ సంగీతం, సినీ పాటలు, నృత్యాలు, శ్లోకాలు అందరిని ఆకట్టుకున్నాయి. సాంస్కృతిక కార్యక్రమాలలో పాల్గొన్న అందరికీ ప్రశంసా పత్రాలు అందజేశారు. అధ్యక్షులు వెంకీ గద్దె ప్రసంగిస్తూ తామా నిర్వహించే ఉచిత క్లినిక్, స్కాలర్‌షిప్స్‌, మనబడి, స్పోర్ట్స్, సాహిత్యం, తదితర విద్య, వైద్యం, వినోద కార్యక్రమాలను వివరించారు. తామా కార్యవర్గం, చైర్మన్ వినయ్ మద్దినేని సారథ్యంలో బోర్డు సభ్యుల చేతులమీదుగా స్పాన్సర్స్ శ్రీనివాస్ నిమ్మగడ్డ, హరిప్రసాద్ సాలియాన్, జాన్స్ క్రీక్ డిస్ట్రిక్ట్ 50 హౌస్ ప్రతినిధి ఏంజెలికా కౌషె, హిందూ టెంపుల్ ప్రెసిడెంట్ షీలా లింగం, అట్లాంటా ఐటీ సర్వ్ ప్రెసిడెంట్ క్రిస్ గద్దె, స్కాలర్షిప్స్ సమన్వయకర్త సీత వల్లూరుపల్లి, మనబడి సమన్వయకర్త విజయ్ రావిళ్ల, ఉపాధ్యాయని ఉపాధ్యాయులను సగౌరవంగా సత్కరించారు. మధ్య మధ్యలో గోదావరి రెస్టారెంట్, విజయ కలెక్షన్స్, నేటివ్ ట్రెండ్స్, ఏబీసీ పార్టీ హాల్, కేబీ జవేరీ వారు సమర్పించిన గ్రాండ్ రాఫుల్ విజేతలకు బహుమతులు అందజేశారు. గాయని శిల్ప, గాయకులు ప్రసాద్ సింహాద్రి తమ పాటలతో ప్రేక్షకులను మైమరపించారు. వారి పాటలకు పిల్లలు, యువతీయువకులు వేదిక మీదకు వెళ్లి మరీ డ్యాన్స్ చేయడం విశేషం. గాయని శిల్ప నిర్వహించిన సంప్రదాయ దుస్తుల పోటీలలో మహిళలు, పిల్లలు పాల్గొనగా విజేతలకు బహుమతులు అందజేశారు. నగరంలోని ప్రముఖ వ్యాపారస్తులు ఏర్పాటు చేసిన స్టాల్స్‌లో ప్రత్యేక ఆహార పదార్థాలు, ఆభరణాలు, వస్త్రాలు విశేషంగా ఆకట్టుకున్నాయి. పిల్లలు ఎక్కువగా ఫేస్ పెయింటింగ్ స్టాల్ దగ్గర తిరుగుతూ కనిపించారు. ఈ కార్యక్రమం విజయవంతం కావడానికి సహకరించిన వాలంటీర్స్ శ్రీనివాస్ లావు, అంజయ్య చౌదరి లావు, అనిల్ యలమంచిలి, ఉపేంద్ర నర్రా, వెంకట్ అడుసుమిల్లి, విజయ్ రావిళ్ల, శ్రీని బలుసు, వెంకట్ గోగినేని, విజయ్ కొత్తపల్లి, మురళి బొడ్డు, విజయ్ బాబు కొత్త, యశ్వంత్ జొన్నలగడ్డ, రమణ, చైతన్య, అరుణ మద్దాళి, సునీత పొట్నూరు, అబ్దు, రీమ, సాన్వి, అక్షు, వేదికను అందంగా అలంకరించిన మేరీగోల్డ్ ఈవెంట్స్ సుజాత పొన్నాడ, ఆడియో లైటింగ్ ఫోటోగ్రఫీ అందించిన బైట్ గ్రాఫ్ ప్రశాంత్ కొల్లిపర, రుచికరమైన భోజనాలందించిన సంక్రాంతి రెస్టారెంట్ శ్రీనివాస్ నిమ్మగడ్డ, సమర్పకులు శూరా ఈబి 5 ఫండ్ ప్రసాద్ గద్దె, మై టాక్స్ ఫైలర్ హరిప్రసాద్ సాలియాన్, నార్‌క్రాస్ ఉన్నత పాఠశాల యాజమాన్యం, వ్యాఖ్యాత శ్రీధర్, ది యంగ్ లీడర్స్ అకాడమీ కమల వడ్లమూడి, గ్లోబల్ ఆర్ట్ సుధ గోపాలకృష్ణన్, తామా కార్యవర్గానికి  బోర్డు సభ్యులకు వెంకీ గద్దె ధన్యవాదాలు తెలిపారు.

అట్లాంటా : అమెరికన్‌ తెలుగు అసోసియేషన్‌(ఆటా) ఆధ్వర్యంలో జార్జియాలోని అట్లాంటాలో ఇన్‌కమ్‌ ట్యాక్స్‌పై అవగాహన కార్యక్రమాన్ని ఏర్పాటు చేశారు. ఇటీవలే 2019లో టాక్స్‌ చట్టాల్లో మార్పులపై అవగాహన కల్పించే ఉద్దేశంతో ఈ కార్యక్రమాన్ని చేపట్టామని ఆటా పేర్కొంది.  అట్లాంటాలో 2009 నుంచి ట్యాక్స్‌ కన్సల్టింగ్‌ సర్వీసెస్‌ను అందిస్తున్న సీపీఏ ప్రభాకర్‌ రెడ్డి టాక్స్‌ చట్టాలపై సెషన్‌ తీసుకున్నారు. ట్యాక్స్‌ చట్టాలు 2018, ఎన్‌ఆర్‌ఐ ట్యాక్సేషన్‌, ట్యాక్స్‌ ఫిల్లింగ్‌ వంటి అంశాలపై ముఖ్యమైన సూచనలు ఇచ్చారు. ఈ కార్యక్రమంలో 60 మందికి పైగా పాల్గొన్నారు. మంచి కార్యక్రమంతో టాక్స్‌ చట్టాలపై అవగాహన కల్పించిన ఆటాకు తరగతులకు హాజరైనవారు కృతజ్ఞతలు తెలిపారు. సీపీఏ ప్రభాకర్‌ రెడ్డికి ఆటా అధ్యక్షులు కరుణాకర్‌ ఆసిరెడ్డి, కిరణ్‌ పాశం, అనిల్‌ బొడ్డిరెడ్డి, వేణు పిసికెలు కృతజ్ఞతలు తెలిపారు. ఆటా రీజినల్‌ కోఆర్డినేటర్లు ప్రశాంత్‌ పీ, శ్రీరామ్ ఎస్‌‌, గణేష్‌ కాసం, ఆటా రీజినల్‌ డైరెక్టర్‌ తిరుమల్‌ రెడ్డి, ఆటా స్టాండింగ్‌ కమిటీ ఛైర్స్‌‌, కో ఛైర్స్‌ రమణారెడ్డి, శివకుమార్‌ రామడుగు, శ్రీధర్‌ టీ, ఉమేష్‌ ముత్యాల, ఉదయ్‌ ఎటూరు, సుబ్బారావు మద్దలి, సురేష్‌ వోలమ్‌లతోపాటూ ఆటా వాలంటీర్లు అతిథులకు అన్ని సౌకర్యాలను కల్పించారు.

అట్లాంటా(అమెరికా): వైఎస్సార్సీపీ అధ్యక్షుడు, ఏపీ ప్రతిపక్షనేత వైఎస్‌ జగన్‌ మోహన్‌ రెడ్డి తలపెట్టిన ప్రజాసంకల్పయాత్ర ముగింపు ఉత్సవం సందర్భంగా వైఎస్సార్‌సీపీ అట్లాంటా ఎన్‌ఆర్‌ఐ కమిటీ ఆధ్వర్యంలో అట్లాంటాలో జనవరి 12న మహాసభ జరిగింది. ఈ మహా సభ వైఎస్సార్‌సీపీ శ్రేణుల్లో నూతన ఉత్తేజాన్ని నింపింది. అలాగే అట్లాంటా పక్క రాష్ట్రాలైన జార్జియా, టెన్నిసీ, ఫ్లోరిడా, అలబామా, సౌత్‌ కరోలినా, నార్త్‌ కరోలినాల నుంచి ముఖ్య నేతలు, కార్యకర్తలు పాల్గొని సభను జయప్రదం చేశారు. ఈ కార్యక్రమంలో పాల్గొన్న కార్యకర్తలు, వారి అమూల్యమైన సందేశాలను, దివంగత ముఖ్యమంత్రి వైఎస్‌ రాజశేఖర్‌ రెడ్డితో వారికున్న అనుబంధాలను సభలో గుర్తు చేసుకున్నారు. వైఎస్‌ జగన్‌ తలపెట్టిన ప్రజాసంకల్పయాత్ర ముఖ్య ఉద్దేశాన్ని, ఆంధ్ర రాష్ట్ర ప్రజలు వైఎస్‌ జగన్‌ను ఎందుకు ముఖ్యమంత్రిగా చూడాలి అనుకుంటున్నారు.. అనే విషయాలను కార్యకర్తలకు తెలియజేశారు. ఏపీ సీఎం నారా చంద్రబాబు నాయుడు, ఆయన తనయుడు లోకేష్‌ అండ్‌ ఎల్లో మీడియాతో కలిసి చేస్తున్న అరాచకాలను వైఎస్‌ జగన్‌ సీఎం అవ్వడంతోనే అడ్డుకట్ట వేయగలమని వివరించారు. సభలో పాల్గొన్న వక్తలు, కార్యకర్తలకి దిశానిర్దేశం, రాబోయే ఎన్నికల్లో ప్రవాస భారతీయులు వైఎస్సార్‌సీపీకి ఎలా సహకరించాలో స్పష్టంగా తెలియజేశారు. సభలో వైఎస్‌ రాజశేఖర్‌ రెడ్డి, షర్మిల, వైఎస్‌ జగన్‌మోహన్‌ రెడ్డిలు ఏపీలో చేసిన పాదయాత్రల లఘు చిత్రాలను ప్రదర్శించి కార్యకర్తలకు ఉత్తేజాన్ని అందించారు. అలాగే సభలో వైఎస్‌ఆర్‌ బయోపిక్‌ ‘యాత్ర’ ట్రైలర్‌ను కూడా ప్రదర్శించారు. కొంత మంది కార్యకర్తలు పాటలు, ప్రజాసంకల్పయాత్ర విశిష్టతను, వైఎస్‌ జగన్‌ అమలు చేయబోయే నవరత్నాలను కవితల రూపంలో వివరించారు. సభ మొత్తం కూడా కార్యకర్తల కోలాహలంతో, నూతన సభ్యుల చేరికతో పండుగ వాతావరణం నెలకొంది. స్థానికంగా వాతావరణం సహకరించకున్నా ఉదయాన్నే లేచి వచ్చి వైఎస్‌ జగన్‌పై, వైఎస్‌ఆర్‌సీపీపై ఉన్న ఇష్టాన్ని చాటుకున్నారని, ఈ కార్యక్రమాన్ని జయప్రదం చేసిన కార్యకర్తలకు, సహాయ సహకారాలు అందించిన వైఎస్సార్‌సీపీ అభిమానులకు వైఎస్సార్‌సీపీ అట్లాంటా ఎన్‌ఆర్‌ఐ కమిటీ వారు ధన్యవాదాలు తెలుపుతున్నట్లు చెప్పారు.

అట్లాంటా : వైఎస్సార్‌సీపీ అధ్యక్షులు, ప్రతిపక్ష నేత వైఎస్‌ జగన్‌మోహన్‌రెడ్డిపై జరిగిన దాడిని అట్లాంటా వైఎస్సార్‌సీపీ చాప్టర్‌ సభ్యులు ఖండించారు. తనను తాను గొప్ప పరిపాలనాధక్షుడుగా చెప్పుకునే సీఎం చంద్రబాబు హయాంలో ప్రతిపక్షనేతపై దాడి జరిగిందని, ఈ ఘటన ప్రభుత్వ భద్రతా వైఫల్యానికి నిదర్శనమన్నారు. వైఎస్‌ జగన్‌పై హత్యాయత్నం జరిగితే మానవతా కోణంలో చూడాల్సింది పోయి చంద్రబాబు రాజకీయాలు చేస్తున్నారని మండిపడ్డారు. ముఖ్యమంత్రి స్థాయి వ్యక్తి దాడిని ఖండించకుండా, ఖండించిన వారిపై విమర్శలు చేయడం ద్వారా తన రాక్షసత్వాన్ని మరోసారి భయటపెట్టుకున్నారని ధ్వజమెత్తారు. తక్షణమే ఈ హత్యాయత్నం మీద సీబీఐ దర్యాప్తు జరిపించాలని దోషులను కఠినంగా శిక్షంచాలని డిమాండ్‌ చేశారు.    ఈ నిరసన కార్యక్రమంలో ధనుంజయ్‌, వేణు రెడ్డి పంట, రాజ్‌ అయిలా, రామ్‌ భూపాల్‌ రెడ్డి, క్రిష్ణ నర్సింపల్లె, జై పగడాల, క్రిష్ణ, కిరణ్‌ కందుల, శ్రీనివాస్‌ కొట్లూరి, ధనుంజయ గడ్డం, వినోద్‌, జగదీశ్‌ గంగిరెడ్డి, సంతోష్‌, అమర్‌లతో పాటూ పలువురు ప్రవాసాంధ్రులు పాల్గొన్నారు.

గురుత్వాకర్షణ తరంగాలకు సంబంధించి సరికొత్త విషయాలను ఆవిష్కరించిన శాస్త్రవేత్త కరణ్‌ జానీ, అతడి స్నేహితులకి అట్లాంటాలో అవమానం జరిగింది. తన ఇంటి పేరు, రూపం కారణంగా గర్భా వేడుకలో పాల్గొనకుండా నిర్వాహకులు అడ్డుకున్నారని సోషల్‌ మీడియాలో వరుస పోస్టులతో కరణ్‌ ఆవేదన వ్యక్తం చేశారు. అసలేం జరిగిందంటే... నవరాత్రుల సందర్భంగా అట్లాంటాలో జరుగుతున్న గర్భా వేడుకలో పాల్గొనేందుకు కరణ్‌ జానీ తన స్నేహితులతో కలిసి వెళ్లారు. ఈ సందర్భంగా వారి ఐడీ కార్డులను పరిశీలించిన ఆర్గనైజర్స్‌ వ్యవహరించిన తీరు తన స్నేహితురాలిని భయభ్రాంతులకు గురిచేసిందని కరణ్‌ పేర్కొన్నారు. ‘నేను, కొంకణీ ప్రాంతానికి చెందిన నా స్నేహితురాలు గర్భా వేడుకలో పాల్గొనేందుకు వెళ్లాం. మమ్మల్ని క్యూలో నిల్చోవాల్సిందిగా నిర్వాహకులు ఆదేశించారు. కానీ అకస్మాత్తుగా ఆమెను లాగి పడేసి.. మీ కార్యక్రమాలకు మేము రాలేదు కదా.. మరి నువ్వెందుకు ఇక్కడికి వచ్చావు. మీకు ఇక్కడ ప్రవేశం లేదంటూ అత్యుత్సాహాన్ని ప్రదర్శించారు. అయితే తాను కూడా హిందువేనని.. కన్నడ మరాఠీనని చెప్పేందుకు తను ప్రయత్నించింది. ఆమె ఇలా చెప్పడంతో మా గుజరాతీ సోదరులు.. అసలు కన్నడ అంటే ఏంటి. నువ్వు ఇస్మాయిలీవి(ముస్లింవి) అంటూ ఆమెను గద్దించారు. నా మిగతా స్నేహితుల పరిస్థితి కూడా దాదాపుగా అదే విధంగా ఉంది. మొట్టమొదటి సారి గర్భా వేడుకను చూసేందుకు వచ్చిన వాళ్లకు... మా గుజరాతీ సోదరులు భయంకర అనుభవాన్ని మిగిల్చారు’ అంటూ కరణ్‌ జానీ సోషల్‌ మీడియాలో రాసుకొచ్చారు. కాగా వడోదరలో జన్మించిన కరణ్‌ అస్ట్రోఫిజిసిస్ట్‌గా గుర్తింపు పొందారు. గతేడాది ఫోర్బ్స్‌ మ్యాగజీన్‌ ప్రచురించిన అత్యంత శక్తిమంతమైన 30 మంది శాస్త్రవేత్తల జాబితాలో కరణ్‌ చోటు దక్కించుకున్నారు.

అట్లాంటా: దివంగత ముఖ్యమంత్రి వైఎస్‌ రాజశేఖరరెడ్డి 9వ వర్థంతి సందర్భంగా అట్లాంటా వైఎస్సార్‌ సీపీ విభాగం సెప్టెంబర్‌ 8వ తేదీన ఆయనకు ఘన నివాళులు ఆర్పించారు. వైఎస్సార్‌ సీపీ అట్లాంటా ఎన్నారై కమిటీ ఆధ్వర్యంలో ఈ కార్యక్రమం జరిగింది. ఈ సందర్భంగా నాయకులు మహానేత సేవలను గుర్తుచేసుకున్నారు. అనంతరం ఉపేంద్ర రాచుపల్లి, బాలరామిరెడ్డి వల్లూరి వైఎస్సార్‌ చిత్రపటానికి పూలమాల వేసి శ్రద్ధాంజలి ఘటించారు. ఈ సందర్భంగా ధనుంజయరెడ్డి గడ్డం డాక్టర్‌ వైఎస్సార్‌ ఇంటర్నేషనల్‌ చారిటబుల్‌ ట్రస్ట్‌ను ప్రారంభించారు. ఈ ట్రస్ట్‌ ఉద్దేశాన్ని అక్కడివారికి వివరించారు. దీనిపట్ల ఉత్సాహంగా స్పందించిన వైఎస్సార్‌ అభిమానులు ఆ ట్రస్ట్‌కు తమ మద్దతు తెలిపారు. 6 వేల డాలర్ల విరాళాలను అందజేస్తామన్నారు. ధనుంజయరెడ్డి గడ్డం, కిరణ్‌ కందుల, కృష్ణ నరసింపల్లె, జయచంద్రరెడ్డి, రాంభూపాల్‌ రెడ్డిలు ఈ కార్యక్రమాన్ని విజయవంతంగా నిర్వహించారు.  ఈ కార్యక్రమంలో ఉపేంద్ర రాచుపల్లి, శ్రీని వంగిమల్ల, రాజ్‌, ప్రభాకర్‌ రెడ్డి, వేణురెడ్డి పంట, సురేశ్‌ సురువిల్ల, డా. కిశోర్‌ రెడ్డి, నవీన్‌ కొనారెడ్డి, రాజ్‌ ముప్పాల, డా. కామేశ్‌లతో పాటు పెద్ద ఎత్తున వైఎస్సార్‌ అభిమానులు పాల్గొన్నారు.

అట్లాంటా : మహానేత వైఎస్‌ రాజశేఖరరెడ్డి  తొమ్మిదో వర్ధంతి(సెప్టెంబర్‌ 2) సందర్భంగా అట్లాంటాలోని ఆయన అభిమానులు, వైఎస్సార్‌ కాంగ్రెస్‌ పార్టీ కార్యకర్తలు ఘనంగా నివాళులు అర్పించారు. మహానేత చిత్రపటానికి పూలమాల వేసి శ్రద్ధాంజలి ఘటించారు. ఈ సందర్భంగా వారు మహానేత సేవలను, ఆయన తెచ్చిన పథకాలను కొనియాడారు. రాజన్నతో తమకు  ఉన్న అనుబంధాన్ని స్మరించుకున్నారు. వైఎస్‌. జగన్‌ మోహన్‌ రెడ్డి ముఖ్యమంత్రి అయితేనే మరలా రాజన్న రాజ్యం సాధ్యం అవుతుందని అభిప్రాయపడ్డారు. వైఎస్‌ జగన్‌ను సీఎం చేసేందుకు ప్రతి ఒక్కరు కృషి చేయాలన్నారు. ఎన్నికలు సమీపిస్తున్నందున వైఎస్సార్‌ అభిమానులు ప్రతి నెల సమావేశం కావాలని నిర్ణయించుకున్నారు. అలాగే ఏపీలోని తమ తమ నియోజక వర్గ ప్రజలతో, సన్నిహితులతో, పార్టీ ఇంచార్జ్‌లతో తరచూ మాట్లాడుతూ.. పార్టీ బలోపేతానికి సహకరించాలని అభిప్రాయపడ్డారు. ఎన్నికలకు ముందు ఏపీకి వెళ్లి పార్టీ తరపున ప్రచారం చేయాలని నిర్ణయించుకున్నారు.

అట్లాంటా :  అమెరికాలోని అట్లాంటాలో దివంగత ముఖ్యమంత్రి వైఎస్‌ రాజశేఖర్‌ రెడ్డి జయంతి వేడుకలు ఘనంగా జరిగాయి. ఈ సందర్భంగా వైఎస్సార్‌సీపీ నాయకులు, ప్రవాసాంధ్రులు వైఎస్సార్‌ ఫోటోకు పూలమాలలు వేసి నివాళులు అర్పించారు. ఈ కార్యక్రమంలో వైఎస్సార్‌సీపీ ఎమ్మెల్యేలు రవీంద్రనాథ్‌రెడ్డి, కోన రఘుపతి, కొరముట్ల శ్రీనివాసులు, పార్టీ నేతలు నందమూరి లక్ష్మీపార్వతి, పద్మజా రెడ్డి పాల్గొన్నారు. నంద గోపినాథ్‌ రెడ్డి, శ్రీనివాసులు కొట్లురె, వెంకట రామ్‌ చింతమ్‌, గిరీష్‌ మేక, ఉపెందర్‌ రెడ్డి రాచమళ్లు సత్య నారాయణ రెడ్డి, టీ. గౌతమ్‌ గోలి, ధనుంజయ రెడ్డి, కిరణ్‌ కందుల, వంగిమాల శ్రీనివాస్‌ల ఆధ్వర్యంలో ఈ కార్యక్రమం జరిగింది. వైఎస్సార్‌ అభిమానులు సునీల్‌ కొవ్వురు, ఉమా కల్వకుర్తి, గోరు పరందామి, నరసింహారెడ్డి, నాగేంద్ర సింగ్‌ రాయ్‌, శ్రీనివాస రఘువర్‌ వడ్రేవు, ఇజాక్‌ విశాల్‌ శ్యామ్యుల్‌, అశ్విన్‌ కుమార్‌, రాజ సురేంద్రనాథ్‌ బాబు, ఉపేంద్ర సల్తూరి, రవిపోనంగి, డా. శశి, అనిల్‌ యెర్రపా రెడ్డి, వెంకట్‌ పబ్బులేటి, పుల్లా రెడ్డి, కిరణ్‌ సలికి రెడ్డి, రఘు సగిలిలు ఈకార్యక్రమం విజయవంతం చేయడంలో తమవంతు కృషి చేశారు. గోపినాథ్‌ రెడ్డి అతిథులను వేధికపైకి ఆహ్వానించగా, వారు వైఎస్సార్‌తో తమకున్న అనుబంధాన్ని నెమరు వేసుకున్నారు. ఈ వేడుకల్లో పాల్గొనడం అదృష్టంగా భావిస్తున్నట్టు రవీంద్రనాథ్‌రెడ్డి తెలిపారు. మాతృభూమికి వేల కిలోమీటర్ల అవతల ఉన్నా, ప్రవాసాంధ్రులు వైఎస్సార్‌పైన చూపిస్తున్న అభిమానం చూస్తుంటే కడపలో ఉన్నాననే అనుభూతి కలుగుతోందన్నారు. ప్రస్తుతం ఆంధ్రప్రదేశ్‌లో పరిపాలన కుంటుపడిందని, తిరిగి రాజన్న రాజ్యం రావాలంటే అందరం సమిష్టిగా కృషి చేయాలన్నారు. అట్లాంటాలో రెండో సారి ఈ వేడుకల్లో పాల్గొనడం సంతోషంగా ఉందని  కొరముట్ల శ్రీనివాసులు అన్నారు. వరల్డ్‌ బ్యాంక్‌ జీతగాడుగా పేరు పొంది రాష్ట్రాన్ని రుణాంద్రప్రదేశ్‌గా చంద్రబాబు మార్చితే.. అప్పుల్లో ఉన్న ఆంధ్రప్రదేశ్‌ని వైఎస్సార్‌ 90 వేల కోట్లకి బడ్జెట్‌ని పెంచి ఎన్నో సంక్షేమ కార్యక్రమాలని చేపట్టారని లక్ష్మీపార్వతి కొనియాడారు. శ్రీనివాస్‌ తన గాత్రంతో అందరిని ఆకట్టుకోగా, రఘు సగిలి, గిరీష్‌ మేక, శ్రీనివాస్‌ కొట్లూరులు వ్యాఖ్యాతలుగా వ్యవహరించారు.

అట్లాంటా : అమెరికాలోని గాంధీ ఫౌండేషన్‌, తెలుగు సంఘాల ఆధ్వర్యంలో 2018 మార్చి 17న (శనివారం) సాయంత్రం అట్లాంటాలోని కింగ్‌ సెంటర్ ఆవరణలోని జాతిపిత మహాత్మా గాంధీ విగ్రహం వద్ద మీట్&గ్రీట్‌ కార్యక్రమం జరిగింది. ఈ కార్యక్రమంలో సుప్రసిద్ధ తెలుగుచలనచిత్ర, రంగస్థల నటుడు తనికెళ్ళ భరణి, ఆకాశవాణి దూరదర్శన్ వ్యాఖ్యాత  పోణంగి బాలభాస్కర్‌ పాల్గొని గాంధీ విగ్రహానికి పూలమాలలు వేసి నివాళులు అర్పించారు.  ఇండియా ట్రిబ్యూన్‌ పత్రిక ఎడిటర్‌ రవి పోణంగి అతిధులను పరిచయం చేశారు. అనంతరం శిల్ప, మహాత్మాగాంధీకి ఇష్టమైన వైష్ణవ జనతో, రఘుపతి రాఘవ రాజారామ్‌ గీతాలను ఆలపించారు. గాంధీ ఫౌండేషన్ ఎగ్జిక్యూటివ్‌ డైరెక్టర్‌ ఆంథోనీ థాలియా తమ సంస్థ కార్యకలాపాలను వివరించారు. గాంధీ విగ్రహం ప్రతిష్టించి 20 సంవత్సరాలైందనీ, ప్రతీ ఏటా వివిధ దేశాలకు చెందిన దాదాపు మిలియన్‌కు పైగా ప్రజలు ఈ విగ్రహాన్నిసందర్శిస్తారని తెలిపారు. ఈ సందర్భంగా తనికెళ్ళ భరణి మాట్లాడుతూ  అహింసను వజ్రాయుధంగా చేసుకుని ఉద్యమాలు చేసిన ఇద్దరు మహాపురుషుల స్మారక కేంద్రాన్ని సందర్శించి నివాళులు అర్పించడం తన అదృష్టంగా భావిస్తున్నట్లు చెప్పారు.  పోణంగి బాల భాస్కర్‌ మాట్లాడుతూ మహాత్మాగాంధీని స్ఫూర్తిగా తీసుకుని డాక్టర్‌ మార్టీన్‌ లూథర్‌ కింగ్‌ జూనియర్‌ అమెరికాలో నల్లజాతీయుల విముక్తి కోసం పోరాడి విజయం సాధించడం నిజంగా ప్రతి భారతీయుడు గర్వించదగ్గ విషయమని పేర్కొన్నారు. అనంతరం మార్టిన్‌ లూథర్‌ కింగ్‌ జూనియర్‌ సమాధి వద్ద పుష్పాంజలి ఘటించి నివాళులర్పించారు. సమీపంలో ఉన్న గాంధీ మ్యూజియం, కింగ్‌ జన్మించిన గృహం,  కింగ్‌ పనిచేసిన ప్రార్ధనామందిరం (చర్చి), కింగ్‌ సెంటర్లను సందర్శించారు.

పియాంగ్‌  చాంగ్‌ ‌: వందల కోట్ల ఖర్చుతో నిర్మితమైన భారీ స్టేడియం భవిష్యత్‌ ప్రశ్నార్థకంగా మారింది. నాలుగు వేడుకల తర్వాత నిర్వీర్యంగా మారనుందా అంటే అవుననే చెప్పాలి. కొత్త హంగులతో, అద్భుతంగా నిర్మించిన కట్టడం చరిత్రలో కలిసిపోనుంది. శీతాకాల ఒలింపిక్స్‌-2018 కోసం పియాంగ్‌  చాంగ్‌ (దక్షిణ కోరియా) ఆతిథ్యం ఇస్తున్న సంగతి తెలిసిందే. ఒలింపిక్స్ వేడుకలను అట్టహాసంగా జరపాలని ఉద్దేశంతో పియాంగ్‌  చాంగ్‌ లో భారీ స్టేడియాన్ని నిర్మించారు. కానీ ఆ తర్వాత తాము చేసిన పనికి అధికారులు తలలు పట్టుకున్నారు. అదేంటి స్డేడియాన్ని నిర్మించడం తప్పేమి కాదుగా.. ఎందుకీ అవస్థ అంటారా. ఆ స్టేడియం నిర్మాణానికి అక్షరాల వంద మిలియన్‌ డాలర్లు (భారత కరెన్సీ ప్రకారం సుమారు 635కోట్లు) ఖర్చు చేసింది. ఒకేసారి 35000 మంది వీక్షించే సదుపాయం కలదు. ఇంత భారీ ఖర్చుతో నిర్మించిన స్టేడియాన్ని కేవలం నాలుగంటే నాలుగు సార్లు మాత్రమే ఉపయోగిస్తారు. శీతాకాల ఒలింపిక్స్‌, పారా ఒలింపిక్స్‌ ప్రారంభ, ముగింపు వేడుకలకు మాత్రమే వేదిక కానుంది. ఆ తర్వాత స్టేడియాన్ని ఏ అవసరాలకు వినియోగించాలో అర్థంకాక అధికారులు తికమక పడుతున్నారు. ఇప్పటివరకు జరిగిన అన్ని ఒలింపిక్స్ స్టేడియాల పరిస్థితి ఇలానే ఉన్నాయి. రియో, అట్లాంట ఒలింపిక్స్ స్టేడియాలు శిథిలావస్థకు చేరగా, మరికొన్ని స్టేడియాలు ఆటగాళ్ల వసతులకు ఉపయోగపడుతున్నాయి. పియాంగ్‌  చాంగ్‌ లో   స్డేడియం సామర్థ్యం కంటే కేవలం 10 వేల మంది ఎక్కువ ప్రజలు ఉన్న దేశంలో  భవిష్యత్తులో దాని నిర్వహణకు చేసే ఖర్చు తలుచుకుంటే అధికారులకు వారి తప్పిదం అర్థమవుతోంది.  

సాక్షి, అట్లాంటా: అమెరికన్‌ తెలుగు అసోసియేషన్‌ ఆధ్వర్యంలో సన్మాన కార్యక్రమం అట్లాంటాలో బుధవారం ఘనంగా జరిగింది. ఈ సమావేశంలో టీసీసీఐ రాష్ట్ర సెక్రటరీ బొద్దిరెడ్డి ప్రభాకర్‌ రెడ్డి, ఉస్మానియా యూనివర్శిటీ ప్రొఫెసర్‌ జగదీశ్వరరావులు పాల్గొన్నారు. ఈ సందర్భంగా అటా వీరిద్దరిని ఘనంగా సత్కారించింది. ఈ కార్యక్రమంలో అటా ప్రెసిడెంట్‌ కరుణాకర అసిరెడ్డి, అటా బోర్డ్‌ ఆఫ్‌ ట్రస్టీ అనిల్‌ బొడ్డి రెడ్డి, రీజినల్‌ కోఆర్డినేటర్‌ శివ కుమార్‌ రమదుగు, వీరితో పాటు గేట్స్‌ ప్రెసిడెంట్‌ నందా చాట్లా, గటా చీఫ్‌ శంకర్ గండ్ర, రఘు మరిపెడ్డి, గేట్స్‌ చైర్మన్‌ శ్రీధర్‌ నరవెల్‌, వెంకట్‌ వీరనేనిలు పాల్గొన్నారు. అంతేకాక ఈ సమావేశానికి స్థానిక కమ్యూనిటీ నాయకులు పెద్ద సంఖ్యలో హాజరయ్యారు.

హైదరాబాద్లో డిసెంబర్ 15 నుండి 19 వరకు తెలంగాణ రాష్ట్ర ప్రభుత్వం నిర్వహించనున్న ప్రపంచ తెలుగు మహాసభలకు సంబంధించి సన్నాహక సదస్సులను వివిద దేశాల్లొ నిర్వహిస్తున్నారు. దీనిలో భాగంగా అమెరికా సంయుక్త రాష్ట్రాల్లో సన్నాహక సదస్సును అట్లాంటాలో జరిపారు. తెలంగాణా ముఖ్యమంత్రి కేసీఆర్‌ ఆదేశాలతో తెలంగాణా సాహిత్య అకాడమి పక్షాన.. ప్రపంచ తెలుగు మహా సభల ప్రవాస భారతీయ శాఖల సమన్వయకర్త మహెష్ బిగాల ముఖ్య అతిథిగా అట్లాంటాకి వచ్చి ప్రపంచ తెలుగు మహాసభలకు వచ్చి విజయవంతం చేయాల్సిందిగా ఆహ్వానం పలికారు. దీప ప్రజ్వలన అనంతరం చదువులతల్లి సరస్వతి అమ్మవారిపై  మీనక్షి రామడ్గు పాడిన పాటతో కార్యక్రమం ప్రారంభం అయ్యింది. ముఖ్య అతిథి మహెష్ బిగాల మాట్లాదుతూ, కేసీఆర్‌కి తెలుగు బాష పై ఉన్న మమకారం, సాహిత్యం మీదున్న ఆసక్తి గురించి వివరించారు. తెలుగు బాషను కాపాడటానికి ప్రభుత్వం తీసుకుంటున్న నిర్ణయాల గురించి చెప్పారు. తెలుగు బాష అందరిదని, భాషా పండితులు ఎక్కడివారైనా గౌరవించాల్సిన బాధ్యత మన అందరిమీద ఉన్నదని అన్నారు. అమెరికా, వివిద దేశాల నుండి వచ్చే వారికి ప్రభుత్వం కల్పించనున్న సదుపాయాలను వివరించారు. తర్వాత ఒక పవర్ పాయింట్ ప్రెజెంటేషన్‌ ద్వారా ప్రపంచ తెలుగు మహా సభల ఉద్దేశాన్ని వివరించారు. ఈ సదస్సుకు అట్లాంటా నగరం, చుట్టు పక్కల ప్రాంతాలనుండి తెలుగు భాషా పండితులు, సాహితీ వేత్తలు, భాషా ప్రేమికులు, అన్ని తెలుగు సంఘాల నాయకులు పాల్గొని సభను విజయవంతం చేశారు. ప్రముఖ సంస్కృతాంధ్రపండితులు బాబు దేవీదాస్ శర్మ మాట్లాడుతూ, తెలుగు సాహిత్యం ఎంతో ప్రాఛీనమైనదని కొండాపూరు నందు లభ్యమైన శాసనాలను ఉటంకిస్తూ చెప్పారు. అలాగే తెలంగాణాలోని ఎన్నో సంస్థానాలు కవిపండితులను పోషించాయని అందులో గద్వాల సంస్థానం చాలా ప్రముఖమైనది చెబుతూ, గద్వాల సంస్థానములో జరిగిన  శతావధానములోని పద్యాలను ఉదహరించారు. అనంతరం ప్రముఖ సాహితీ పరిశోధకుడు, రచయిత సురేష్ కొలిచాల మాట్లాడుతూ, తెలుగుభాష నేడు ఎంతోమంది మాట్లాడుతున్నప్పటికీ, అంతర్జాతీయ స్థాయిలో మన భాషకు ఇంకా సముచితమైన స్థానం దక్కలేదని, భాషను పరిరక్షించుకునే దిశగా మనమంతా అడుగులు వేయాలని, లేకపోతే మన భాష అనేక ఇతర దేశాలలోని భాషలాగే అంతరించే ప్రమాదం ఉందన్నారు. భాషా పరిరక్షణ , వ్యాప్తికి ముఖ్యమంత్రి కేసీఆర్‌ చేపట్టిన కార్యక్రమాన్ని ప్రశంసించారు.  తరువాత కవి, రచయిత ఫణి డొక్కా మాట్లాడుతూ తాను సాహితీ కర్షకుడనని చెబుతూ, తాను రాసిన కొన్ని చక్కని వృత్తపద్యాలను వినిపించారు. ఇంటర్మీడియెట్ వరకు తెలుగు బోధించాలి అని తెలంగాణా ప్రభుత్వం తీసుకున్న నిర్ణయాన్ని, తెలుగు భాషను కాపాడుకోవడంలో కేసీఆర్‌ చూపుతున్న చిత్తశుద్దిని కొనియాడారు. అమెరికన్ తెలుగు సంఘం అధ్యక్షులు కరుణాకర్ ఆసిరెడ్డి మాట్లాడుతూ, ఇది చాలా మంచి కార్యక్రమం అని, తనతోపాటు దాదాపు 30 మంది సంఘ సభ్యులు హాజరవుతారని తెలిపారు. తానా కార్యదర్శి అంజయ్య చౌదరి మాట్లాడుతూ భాష విషయంలో సహాయ సహకారాలందించడం కొరకు తమ సంస్థ ఎప్పుడూ ముందుంటుందని చెప్పారు. తానా పక్షాన 20 మంది వరకు హాజరవుతారని తెలిపారు. టాటా  పక్షాన భరత్ మాదాడి మాట్లాడుతూ.. సంఘం నాయకులందరూ కార్యక్రమనికి హాజరవుతారని తెలిపారు. ఇండియన్ ఫ్రెండ్స్ ఆఫ్ అట్లాంటా చైర్మన్, ఆటా బోర్డ్ ఆఫ్ ట్రస్టీ అనిల్ బొద్దిరెడ్డి, నాటా పక్షాన కిరణ్ కందుల, గేట్స్ పక్షాన నందా చాట్లా, తామా పక్షాన వెంకట్ మీసాల, గాటా పక్షాన గురు, ఎన్నారై విఏ పక్షాన రాము, గణెష్ కాసం, సింగర్‌ శ్రీనివాస్ దుర్గం, ఆటా సాంస్కృతిక  శాఖ నుండి ఉదయ ఏటూరు, జానపద గాయకుడు  జనార్థన్‌ పన్నెల, విటి సేవ పక్షాన సంధ్య యెల్లాప్రగడతో పాటు పలువురు ప్రముఖులు ఈ కార్యక్రమంలో పాల్గొన్నారు. ఈ కార్యక్రమం విజయవంతం చేయడంలో రామడ్గు శివకుమార్, నిరంజన్ పొద్దుటూరిలు తమవంతు కృషి చేశారు.          తెలుగు మహాసభల సన్నాహక సదస్సుకు కాలిఫోర్నియాలో భారీ స్పందన తెలుగు భాష, సాహితీ వైభవాన్ని ప్రపంచమంతా చాటేలా తెలంగాణ రాష్ట్ర ప్రభుత్వం నిర్వహిస్తున్న ప్రపంచ తెలుగు మహాసభలను ప్రవాసులు విజయవంతం చేయాలని మహాసభల ఎన్నారై కో-ఆర్డినేటర్ మహేష్ బీగాల కోరారు. తెలుగు మహాసభల సన్నాహక సదస్సును కాలిఫోర్నియాలోని బే ఏరియాలో నిర్వహించారు. విజయ్ చవ్వా, పూర్ణ బైరి లు సమన్వయకర్తలుగా నిర్వహించిన ఈ సన్నాహక సదస్సు కు మహాసభల ఎన్నారై కో-ఆర్డినేటర్ మహేష్ బీగాల ముఖ్యఅతిథిగా హాజరై మాట్లాడారు. ప్రపంచమంతా పర్యటిస్తూ ఈ మహాసభలకు తెలుగు వారిని, సాహితీ ప్రియులను, తెలుగు భాషాభిమానులకు ఆహ్వానిస్తున్నట్టు అయన చెప్పారు. తెలుగు జాతి సీఎం కేసీఆర్  కు రుణపడి ఉంటుందని పేర్కొన్నారు. కార్యక్రమంలో టీసీఏ టీఆర్‌ఎస్‌ యూఎస్‌ఏ, సిలికాన్ ఆంధ్ర, బాటా, వీటీఏ ,టీడీఎప్‌, టాటా, సాన్‌ రామన్‌ ఫ్రెండ్స్‌, ఎస్‌టీఏ, తెలంగాణ జాగృతి హెచ్‌ఎస్‌ఎస్‌ సంఘాల ప్రతినిధులు, తెలుగు రచయతలు, కళాకారులు పాల్గొన్నారు.

సాక్షి, న్యూయార్క్‌ : అమెరికాలో గత వారం ఓ తల్లి అత్యంత క్రూరమైన ఘటనకు పాల్పడింది. తన ఇద్దరు పిల్లను ఓవెన్‌లో పెట్టి హింసించి మరీ చంపింది. ఆ తల్లి అంతటితో ఆగలేదు. ఆ తతంగం అంతా వీడియో తీసి తన భర్తకు పంపింది. అయితే అతను అప్రమత్తం అయ్యే లోపే ఘోరం జరిగిపోయింది.  అట్లాంటాకు చెందిన లమోరా విలియమ్స్ భర్తతో వీడియో ఛాట్ చేస్తూ ఉంది. ఈ క్రమంలోనే ఆ మహిళ.. తన రెండేళ్ల కుమారుడు యుంటే పెన్, ఏడాది చిన్నారి కార్టర్ విలియమ్స్‌లను ఒవెన్‌లో కూర్చోపెట్టింది. అయితే తన పిల్లలను ఏదో ప్రమాదం జరగబోతుందని ఊహించిన తండ్రి జమీల్‌ పెన్‌ వెంటనే పోలీసులకు సమాచారం అందించారు.    అధికారులు అక్కడికి వచ్చే లోపే పిల్లలు మాంసం ముద్దలుగా మారిపోయారు. కాగా, ఆమె మానసిక వ్యాధితో బాధపడుతున్నట్టు ఇరుగుపొరుగు వారు తెలిపారు. అయినప్పటికీ లమోరాపై హత్యా నేరం కింద కేసు నమోదు చేసిన పోలీసులు దర్యాప్తు చేస్తున్నారు.

అట్లాంటా: అమెరికన్‌ తెలుగు అసోసియేషన్‌(అటా)ఆధ్వర్యంలో ఉచిత వైద్య శిబిరం అక్టోబర్‌ 14న అట్లాంటాలోని హిందూ దేవాలయంలో ఘనంగా నిర్వహించారు. ఈ క్యాంపులో ప్రజలకు ఆరోగ్య పరీక్షలు, వ్యాధుల గురించి అవగాహన కార్యక్రమాలు చెపట్టారు. దీనికి సాయి హెల్త్‌ ఫేయిర్‌, జార్జియా ఇండియన్‌ నర్స్‌ అసోసియేషన్‌లు సహకారం అందించాయి. ఈ ఉచిత​ వైద్య శిబిరంలో ప్రత్యేక విబాగాల్లో నిష్ణాతులైన 20 డాక్టర్లు, చాలామంది డాక్టర్లు, వాలంటీర్స్‌ పాల్లొని  సేవలు అందించారు. ఈ వైద్య శిబిరానికి దాదాపుగా 200 మందికిపైగా పాల్గొని ఉచిత సేలు పొంది కార్యక్రమాన్ని విజయవంతం చేశారు. ఈ కార్యక్రమంలో డయాబెటిక్‌, న్యూట్రిషన్‌, హైపర్‌ టెన్షన్‌, ధూమపానం వల్ల వచ్చే నష్టాలను ఆ రంగంలో నిష్ణాతులైన డాక్టర్లు తెలిపారు. ఈ కార్యక్రమంలో గొప్ప యోగ మాస్టర్‌తో యోగా సెషన్‌ కూడా పెట్టారు.  ఈ కార్యక్రమం డాక్టర్‌ సుజాత రెడ్డి, డాక్టర్‌ సిమాలా ఎర్రమల్‌, డాక్టర్‌ శ్రీనిగంగాసనీ, దక్షిణ ప్రాంతంలోనే ప్రొఫెషనల్‌ డాక్టర్లు ఈ శిబిరాన్ని ముందుండి నడిపించారు. అంతేకాక గైనకాలజీ, ఆర్థోపెడిక్స్‌, కార్డియాలజి, డెర్మటాలజీ వివిధ రంగాల్లో నిపుణులైనా 20 మంది డాక్టర్లు పరీక్షలు జరిపి సేవలు అందించారు. ఈ కార్యక్రమంలో సంపూర్ణ ఆరోగ్యం అవగాహన కల్పించారు. ఈ శిబిరంలో పాల్గొన డాక్టర్లందరీకి అటా ప్రత్యేక ధన్యవాదాలు తెలిపింది. అంతేకాక ఈ కార్యక్రమానికి ఆడిటోరియం ఇచ్చిన హిందూ ఆలయ బోర్డు సభ్యలకు కృతజ్ఞతలు తెలిపారు. అమెరికన్‌ తెలుగు అసోసియేషన్‌ బోర్డు ధర్మకర్తలు అనిల్‌ బొడ్డిరెడ్డి, వేణు పిసికె మాట్లాడుతూ.. ఈ కార్యక్రమం చాలా విజయవంతం అయిందని అన్నారు. చాలా తక్కువ సమయంలోనే  వివిధ ప్రాంతాల నుంచి చాలా మంది ప్రజలు హాజరయ్యారని తెలిపారు. ఆటా అసోసియేషన్‌ ట్రేజరర్‌, ఎగ్జిక్యూటివ్‌ బోర్డ్‌ మెంబర్‌ కిరణ్‌ పాసం మాట్లాడుతూ.. ఈ కార్యక్రమం వృద్దులకు, విద్యార్థులకు, గాయపడిన వారికి ఎంతో ఉపయోడపడిందని అన్నారు.  అమెరికన్‌ తెలుగు అసోసియేషన్‌ అధ్యక్షుడు కరుణాకర్‌ అశిరెడ్డి మాట్లాడుతూ.. ఉచిత వైద్యశిబిరంలో పనిచేసిన డాక్టర్లకు కృతజ్ఞతలు తెలిపారు.  సేవ కార్యక్రమాల్లో భాగంగా అమెరికన్‌ తెలుగు అసోసియేషన్‌ డిసెంబర్‌లో రెండు తెలుగు రాష్ట్రాల్లో ఉచిత వైద్యశిబిరాలు చేపడుతామని ఆయన తెలిపారు. ఈ కార్యక్రమంలో అమెరికన్‌ తెలుగు అసోసియేషన్‌ రిజనల్‌ డైరెక్టర్‌ తిరుమల్‌ పిట్ట, రిజనల్‌ కో- అర్డినేటర్స్‌ ప్రశాంత్‌ పొద్దుటురి, శ్రావణి రచ్చకుల్లా, శ్రీరామ్‌, శ్రీనివాస్‌, హెల్త్‌ కమిటీ కో చైర్‌ రమణ రెడ్డి బాతుల, స్టాడింగ్‌ కమిటీ చైర్మన్‌లు శివ రామడుగు, నందా చాట్ల, శ్రీధర్‌, అటా వాలంటీర్స్‌లు పాల్గొన్నారు.  


 అట్లాంటా: నగరంలో ఈ నెల 14వ తేదీ నుంచి హిందూ టెంపుల్‌ ఆధ్వర్యంలో ఐదు రోజుల పాటు జరిగిన ప్రవచనాల ప్రవాహంలో పాల్గొని భక్త జనం పులకరించారు. ఇందులో భాగంగా శివుని విలాసం-శక్తి వైభవంపై బ్రహ్మశ్రీ సామవేదం షణ్మఖ శర్మ ప్రవచించారు. ఉపనిషత్తుల సారం మొదలు శివపురాణం, శ్రీనాధ హరవిలాసం, పోతన భాగవతం, కాళిదాసు కుమార సంభవాలను సమన్వయపరుస్తూ అద్భుతంగా ఆవిష్కరించారు.
 
 మహాశివుడి లీల, లాస్యం, తత్వం, కరుణ, కారుణ్యాలను షణ్ముఖ శర్మ భక్తులకు విశదీకరించారు. రుద్రునిగా, వీర భద్రునిగా, సుందరేశునిగా, కామేశునిగా, పరమేశ్వరునిగా మహాశివుడి లీలను కళ్లకు కట్టినట్లు వివరించారు. షణ్ముఖ శర్మ ప్రవచనాలు భక్తుల సందేహాలను పటాపంచలు చేశాయి. ఈ కార్యక్రమానికి అట్లాంటా నుంచే కాకుండా.. కొలంబస్‌, అలబామా, చికాగోల నుంచి కూడా భక్తులు తరలివచ్చారు.
 
 హిందూ టెంపుల్‌ ఆచార్యులు పవన్‌ కుమార్‌ కిష్టపాటి శివపార్వతులకు కళ్యాణం నిర్వహించారు. అనంతరం అట్లాంటా హిందూ దేవాలయ అధ్యక్షులు కొట్టె కుసుమ ఆలయం తరఫున షణ్మఖ శర్మను ఘనంగా సత్కరించారు. ఐదు రోజుల పాటు సాగిన కార్యక్రమంలో పాల్గొన్న భక్తులకు ప్రసాదాలు అందజేశారు.
 ఇందుకు సన్‌షైన్‌ పిడియాట్రిక్స్‌, శేఖర్‌ రియల్టర్‌ రాజేసింగ్‌, లాజిక్‌ లూప్స్‌, స్వప్న రెస్టారెంట్‌, కృష్ణ విలాస్‌, రమేష్‌ వల్లూరి, హనుమాన్‌ నందపాటి, డా.రవి వర్మ, డా.బీకే మోహన్‌, సురేష్‌ సజ్జా, నేమాని సోమయాజులు, ప్రూడెన్షియల్‌ ఇన్సూరెన్స్‌, శ్రీనివాస్‌ మేడూరి, దివాకర్‌ జమ్మలమడుగు, కృష్ణ కాళకూరి, పార్థ రామరాజు, కొండల్‌ నల్లజర్ల, శంకర్‌ బోనాలి, శశి ఉప్పల తదితర దాతలు సాయం చేశారు. కాగా, అమెరికాలో 68 రోజుల పర్యటనలో భాగంగా 15 నగరాల్లో షణ్మఖ శర్మ ప్రవచనాలు ఇస్తున్న విషయం తెలిసిందే.
 
 
 


 అట్లాంటా :
 అట్లాంటాలో విశ్వ విఖ్యాత నటసార్వభౌమ పద్మశ్రీ డాక్టర్ నందమూరి తారకరామారావు 94వ జయంతి వేడుకలు ఘనంగా జరిగాయి. స్థానిక పెర్సిస్ ఇండియన్ రెస్టారెంట్లో, ఎన్టీఆర్ ట్రస్ట్ అట్లాంటా ఆధ్వర్యంలో నిర్వహించిన ఈవేడుకల్లో నందమూరి కళ్యాణ్ రామ్ పాల్గొన్నారు. ముందుగా రాజేష్ జంపాల స్వాగతోపన్యాసం చేయగా, నందమూరి కళ్యాణ్ రామ్, తానా పూర్వ అధ్యక్షులు వడ్లమూడి రామ్మోహనరావులు జ్యోతి ప్రజ్వలన చేసి కార్యక్రమాన్ని ప్రారంభించారు. ఈ సందర్భంగా ఎన్టీఆర్ని గుర్తు చేసుకుంటూ ఒక ప్రత్యేక వీడియోని ప్రదర్శించారు. నందమూరి కళ్యాణ్ రామ్ తన తాత నందమూరి తారక రామారావుతో ఉన్న అనుబంధాన్ని గుర్తుచేసుకున్నారు. అలాగే తన విద్యాభ్యాసం, కుటుంబ జీవితం, సినిమాల గురించి సభికులు అడిగిన వివిధ ప్రశ్నలకు ఎంతో ఓర్పుగా సమాధానాలు ఇచ్చారు. చివరిగా తెలుగు వారందరు కలిసి మెలిసి ఉండి ఒకరికొకరు సహాయం చేసుసుకోవాలని సూచించారు.
 
 అనంతరం జోహార్ ఎన్టీఆర్ నినాదాల నడుమ కళ్యాణ్ రామ్ కేక్ కట్ చేసి అభిమానులకు, ఆడపడుచులకు స్వయంగా కేక్ అందించారు. ఈ సందర్భంగా నరేంద్ర సూరపనేని ఎన్టీఆర్ విగ్రహాన్ని ప్రకాశం బ్యారేజ్ వద్ద ప్రతిష్టించేందుకు కృషి చేయాలని కళ్యాణ్ రామ్ని కోరారు. ఎన్టీఆర్ ట్రస్ట్ అట్లాంటా సభ్యుల కోరిక మేరకు ఎన్టీఆర్ జయంతి వేడుకలకు విచ్చేసిన కళ్యాణ్ రామ్కి మురళి బొడ్డు పుష్ఫగుచ్ఛం అందజేయగా, శ్రీనివాస్ లావు అంజయ్య చౌదరి లావు శాలువాతో సత్కరించారు.
 
 అలాగే బాలా రెడ్డి ఇందుర్తి, షీలా లింగం, సుబ్బారావు మద్దాళి, సుధాకర్ వల్లూరుపల్లి, శ్రీనివాస్ కడియాల, ప్రభాకరరావు కడియాల తదితరులు ఎన్టీఆర్ పుట్టుపూర్వోత్తరాలు, సినీ జీవితం, రాజకీయ ప్రవేశం, ముఖ్యమంత్రిగా పేదలకోసం ప్రారంభించిన ప్రజాహిత కార్యక్రమాల గురించి ప్రసంగించారు. తర్వాత వెంకీ గద్దె ప్రసంగిస్తూ 2008 లో ఎన్టీఆర్ ట్రస్ట్ అట్లాంటా తరపున ఎన్టీఆర్ జయంతి వేడుకలు మొట్టమొదటిసారి ప్రారంభించగా, ప్రతి సంవత్సరం అప్రతిహాతంగా నిర్వహిస్తున్నామన్నారు. అలాగే ఈ ఏడాది 10వ వేడుకలు కావడం అందులోనూ నందమూరి వారసులు కళ్యాణ్ రామ్ పాల్గొనడం ఆనందంగా ఉందన్నారు. ఎన్టీఆర్ జయంతి వేడుకలను విజయవంతం చేసిన ప్రతి ఒక్కరికి, అలాగే తమ ఆహ్వానాన్ని మన్నించి కళ్యాణ్ రామ్ని తీసుకువచ్చిన చక్రి సూరపనేనికి కృతజ్ఞతలు తెలిపారు. ఈ కార్యక్రమ నిర్వహణలో సహకరించిన ఎన్టీఆర్ ట్రస్ట్ సభ్యులు అనిల్ యలమంచిలి, వినయ్ మద్దినేని, వెంకట్ అడుసుమిల్లి, భరత్ మద్దినేని, శ్రీహర్ష యెర్నేని, మల్లిక్ మేదరమెట్ల, ఉపేంద్ర నర్రా, శ్రీనివాస్ నిమ్మగడ్డ, విజయ్ కొత్తపల్లి, పెర్సిస్ రెస్టారెంట్ యజమానులు శ్రీధర్ దొడ్డపనేని, మిత్రులు బిల్హన్ ఆలపాటి, శ్రీనివాస్ రాయపురెడ్డి, మధు యార్లగడ్డ, వెంకట్ మీసాల, రాజు మందపాటి, అనిల్ కొల్లి, గిరి సూర్యదేవర, ఇన్నయ్య ఎనుముల, చవన్ కోయ, హేమంత్ వర్మ పెన్మెత్స, రామ్ మద్ది, మహేష్ పవార్, తిరు చిలపల్లి, ప్రణీత్ కావూరి, మురళి కిలారు, బాలనారాయణ మడ్డ, శ్రీనివాస్ గుంటక, విశాల్ మాదల, ప్రశాంత్ కొల్లిపర, శ్రీకాంత్ పుట్టి తదితరులకు వెంకీ గద్దె కృతజ్ఞతలు తెలిపారు.
 


 న్యూయార్క్‌: ఆయుధాలతో వచ్చిన ఓ మహిళ అమెరికాలో నలుగురు పిల్లలతో సహా కారెత్తుకెళ్లిపోయింది. అక్కడి పోలీసులను ఉలిక్కి పడేలా చేసింది. కారు విషయం పక్కకు పెడితే పిల్లలు పెను ప్రమాదంలో ఉన్నారని భావించిన పోలీసులు ఎక్కడికక్కడ అలర్ట్‌ అయ్యి యుద్ధప్రాతిపదికన ఆ మహిళ కోసం తీవ్రంగా గాలింపులు చేసి చివరకు అరెస్టు చేసినట్లు సమాచారం.
 
 కొద్ది సమయంలోనే హల్‌చల్‌ చేసిన ఆ మహిళను తాము అదుపులోకి తీసుకున్నామని, పిల్లలు కూడా సురక్షితంగా ఉన్నారని అట్లాంటా పోలీసులు తెలిపారు. నిస్సాన్‌ కారును ఆమె ఎత్తుకెళ్లిందని, ఆ సమయంలో ఆమె వద్ద ఓ తుపాకీ కూడా ఉన్నట్లు చెప్పారు.  


 
 అట్లాంటా :
 గ్రేటర్‌ అట్లాంటా తెలంగాణ సొసైటీ(జీఏటీఈఎస్) ఆధ్వర్యంలో నిర్వహించిన బిజినెస్ సెమినార్, తెలంగాణ సాంస్కృతికోత్సవానికి విశేష స్పందన వచ్చింది. అట్లాంటాలో కుమ్మింగ్‌లోని ఫోర్‌సిత్‌ కాన్ఫరెన్స్‌ సెంటర్‌లో  ఈ కార్యక్రమం జరిగింది. గ్రేటర్‌ అట్లాంటా తెలంగాణ సొసైటీ, అట్లాంటాలోని కాన్సులేట్‌ జనరల్‌ ఆఫ్‌ ఇండియా సంయుక్త ఆధ్వర్యంలో ఈ సదస్సును నిర్వహించారు. భారతదేశం ప్రత్యేకించి తెలంగాణ రాష్ట్రం, అట్లాంటా వ్యాపారవేత్తల మధ్య వ్యాపార సంబంధాలను మరింత బలోపేతం చేయడమే ఈ సదస్సు ముఖ్య ఉద్దేశ్యం. ఈ కార్యక్రమానికి 250మందికి పైగా ప్రముఖ వ్యాపారవేత్తలతో పాటూ పెద్ద ఎత్తున ఎన్ఆర్ఐలు హాజరయ్యారు.
 
 సతీష్‌ చేటి (జీఏటీఈఎస్ చైర్మన్‌) అతిథులను ఆహ్వానించగా,  ప్రశాంతి అసిరెడ్డి ( జీఏటీఈఎస్ ప్రెసిడెంట్‌) ముఖ్య అతిథులను సెమినార్కు వచ్చిన వారికి పరిచయం చేశారు. ఆర్ శ్రీనివాసన్(కాన్సుల్ ఆఫ్ ఇండియన్ కాన్సులేట్‌) , ప్రొఫెసర్‌ వి.వెంకట రమణ (హెచ్సీయూ‌), కార్టర్ పాట్టర్సన్లు భారతదేశం, తెలంగాణ రాష్ట్రంలో వ్యాపార అవకాశాలు అనే అంశంపై ప్రసంగించారు. ఎన్ఆర్ఐలు భారత్లో పెట్టుబడి పెట్టడానికి భారత ప్రభుత్వ పాలసీలు అనూకూలంగా ఉన్నాయని ఆర్ శ్రీనివాసన్ తెలిపారు. ఇలాంటి సెమినార్లు నిర్వహించి ఎన్ఆర్ఐలలో చైతన్యం చేస్తున్నందుకుగానూ జీఏటీఈఎస్ను ఆయన అభినందించారు.
 
 తెలంగాణలో ఐటీ, ఫార్మా పార్క్, టెక్స్టైల్ పార్క్, టూరిజం, ఫుడ్ ప్రాసెసింగ్, వేస్ట్ మేనేజ్మెంట్వంటి రంగాల్లో పెట్టుబడులు పెట్టడానికి ఉన్న అవకాశాలు, వనరుల గురించి ప్రొఫెసర్‌ వి.వెంకట రమణ వివరించారు. అట్లాంటాలో పెట్టుబడి పెట్టడానికి ఉన్న అవకాశాలను కార్టర్ తెలిపారు. అమెరికా ఎకానమీ పటిష్టం చేయడంలో ఇండో-అమెరికన్ల కృషిని ఆయన కొనియాడారు. అట్లాంటాలో వ్యాపారరంగంలో విజయవంతంగా దూసుకుపోతున్న తెలంగాణకు చెందిన కిరణ్ పాశం, మిగతా వ్యాపారవేత్తలు తమ అనుభవాలను పంచుకున్నారు.
 
 ప్రజాప్రతినిధులు డన్కన్, బ్రాండన్లను జీఏటీఈఎస్ సత్కరించింది. రమేష్ తన మిమిక్రీతో అతిథులను అలరించారు. బుర్రకథ, ఒగ్గుకథ, సమ్మక్క సారక్క నృత్యరూపకం, పేరిణి డ్యాన్స్‌, లంబాడీ డ్యాన్స్‌, జానపద నృత్యాలు ఇలా ఎన్నో కార్యక్రమాలను ఇందులో ప్రదర్శించారు. ఈ కార్యక్రమం విజయవంతంగా నిర్వహించడంలో సహకరించినందుకుగానూఈవెంట్ స్పాన్సర్స్ ఇన్ఫోస్మార్ట్, ఈఐఎస్ టెక్నాలజీస్లను  జీఏటీఈఎస్ ఈసీ, బోర్డు అభినందించింది.
 
 సతీష్ చేటి, శ్రీనివాస్ గంగసాని, నందా చాట్ల, అనితా నేలుట్ల, కిషన్ తాల్లపల్లి, అనిల్ బోడిరెడ్డి, శ్రీనివాస్ ఆవుల, సునిల్ రెడ్డి కూటూరు, రాహుల్ చిక్యాల, రఘురెడ్డి, వేణు పిసికె, శ్రీధర్ నెలవెల్లి, సునిల్ గూటూరు, సురేష్, కే. వేలమ్, తిరుమల్ పిట్టల సమిష్టి సహకారంతో జీఏటీఈఎస్ ఈ కార్యక్రమాన్ని విజయవంతంగా నిర్వహించింది.
 


 అట్లాంటా: అమెరికాలోని అట్లాంటాలో గురువారం భారీ అగ్ని ప్రమాదం సంభవించింది. ఈ ప్రమాదంలో ఓవర్‌ పాస్‌ బ్రిడ్జ్‌ పూర్తిగా ధ్వంసమవ్వగా ఎలాంటి ప్రాణ నష్టం జరగలేదు. ఒక గంటకు పైగా మంటలు ఎగిసిపడ్డాయని అట్లాంటా జర్నర్‌ కానిస్టుట్యూషన్‌ పేర్కొంది. ఈ ప్రమాదం పీడ్మొంట్ రోడ్ సమీపంలోని నార్త్‌బౌండ్‌అండర్‌  ఐ-85 బ్రిడ్జిపై చోటు చేసుకుంది. ఆ ప్రాంతమంతా దట్టమై నల్లని పొగలతో కమ్ముకుంది.  పక్క బ్రిడ్జిలకు మంటలు  వ్యాపించలేదని, మంటలను అదుపులోకి తీసుకొచ్చామని ఫైర్‌ డిపార్ట్‌మెంట్‌ అధికారులు తెలిపారు. ఈ ప్రమాదంలో ఎవరు గాయపడలేదని, ఎలాంటి ప్రాణ నష్టం జరగలేదని పోలీసులు తెలిపారు.
  
 గురువారం రాత్రి 7 గంటల సమయంలో బ్రిడ్జి పడిపోయిందని అధికారులు వెల్లడించారు. తీవ్రవాదులు చేసిన పనిగా అనుకోవడంలేదని జార్జీయా పోలీసు అధికారి మార్క్‌పెర్రీ మీడియాకు తెలిపారు. ప్రమాదానికి సంబంధించిన వివరాలు తెలియరాలేదని విచారిస్తున్నామన్నారు. బ్రిడ్జి కూలిపోవడంతో వాహనాదారులకు  ప్రత్యామ్నయ మార్గాలను సూచించామన్నారు.. ఘటన స్ధలిలో కొన్నిపీవీస్‌ వస్తువులు లభించాయని పూర్తి వివారలు శనివారం ఉదయంలోపు వెల్లడిస్తామని అధికారులు తెలిపారు. 
  


 
 
 అట్లాంటా :
 అమెరికాలోని అన్ని ముఖ్య నగరాల్లో అంతర్జాతీయ మహిళా దినోత్సవ వేడుకలని అమెరికన్ తెలుగు సంఘం(ఆటా) ఘనంగా నిర్వహిస్తోంది. మార్చి 19న అట్లాంటాలో నిర్వహించిన మహిళా దినోత్సవ సంబురాలకు ముఖ్య అథితిగా ఫోర్సిత్ కౌంటీ బోర్డ్ కమిషనర్ సిండి జోన్స్ మిల్స్, డా.సుజాత రెడ్డి, డా.ఆనంద మాధురి, డా.మాధురి నముదురి, ప్రత్యేక అథితిగా భారతీ రత్నం హాజరయ్యారు. ఆటా మహిళా బృందం వీరిని ఘనంగా సన్మానించింది.
 
 అట్లాంటా మెట్రొ ప్రాంతంలో నివాసముంటున్న దాదాపు 300లకు పైగా మహిళలు ఈ కార్యక్రమంలో పాల్గొన్నారు. సాంస్కృతిక కార్యక్రమాల్లో భాగంగా మహిళల పాటలు, నృత్యాలు అక్కడికొచ్చిన వారందరిలో ఉత్సాహాన్ని నింపాయి. ఆటా మహిళా ప్రతినిధులు శ్రీమతి అరుంధతి కోడురు, స్వప్న పాశం, లక్ష్మి నరం రెడ్డి, అనుపమ సుబ్బగారి, ఉదయ ఏటూరు, శ్రావణి రాచకుల్లలు ఈ కార్యక్రమాన్ని నిర్వహించారు.
 
 వక్తలు మాట్లాడుతూ,  సమాజంలో మహిళల ప్రాధాన్యత, అనుసరించాల్సిన కార్యాచరణ విషయాలను వివరించారు. మహిళలు తమ ఓటు హక్కుని తప్పకుండా వినియోగించుకోవాలని, వీలైతే ఎన్నికల్లో పోటీ చెయ్యాలని పిలుపునిచ్చారు. మాతృత్వం అనేది దేవుడిచ్చిన వరమని, అదే వారి పిల్లలను సమాజానికి ఉపయోగపడేట్టు తీర్చిదిద్దుతుందని పేర్కొన్నారు. ఈ కార్యక్రమానికి హాజరైన వారందరూ సామాజిక కార్యక్రమాల్లొ పాల్గొని, ఎంతో కొంత సమాజానికి మంచి జరిగేలా కృషి చేస్తామని ప్రతిజ్ఞ చేశారు.
 
 చివరగా అమెరికన్ తెలుగు సంఘం అధ్యక్షుడు శ్రీ కరుణాకర్ ఏసిరెడ్డి, ట్రెజరర్ కిరణ్ పాశం, బోర్డ్ ఆఫ్ ట్రస్టీ అనిల్ బొద్దిరెడ్డి  కార్యక్రమాన్ని ఘనంగా నిర్వహించినందుకు రీజినల్ కోఆర్డినేటర్ శివకుమార్ రామడ్గు, ప్రశాంత్ ప్రొద్దుటూరులతో పాటూ మిగతా మహిళా ప్రతినిధులని అభినందించారు. ఆటా తరఫున ప్రశాంతి ఏసిరెడ్డి, విక్రం సుదిని, వేణు పిస్కె, ఉమేష్ ముత్యాల, శ్రీధర్ తిరుపతి, ప్రషీల్ గుకంటి, సాయి గొర్రపటి, రమన ఉప్పిరి, తిరుమల్ పిట్ట, అరుణ్ కట్పల్లి, వెంకట్ వీరనేని, సురేష్ వోలం, నంద చాట్లలు ఈ కార్యక్రమాన హాజరైన  మహిళలందరికి ధన్యవాదాలు తెలిపారు.
 
 
 
 
 


 సాన్ డియాగో: వీసా గడువు ముగిసినా అమెరికాలో నివసిస్తున్న వారి సంఖ్య పెరగ డంపై ఆందోళన మొదలైంది. సక్రమంగా ప్రవేశించి వీసా కాలం చెల్లినా అక్కడే ఉంటున్న విదేశీయుల సంఖ్యను గణించి దాదాపు 20 ఏళ్లు గడిచింది. హోం ల్యాండ్ సెక్యూరిటీ విభాగం ప్రకటించిన తాజా సమాచారం మేరకు...2015లో దేశాన్ని వదిలి వెళ్లాల్సిన సుమారు 5,27,127 మంది వీసా గడువు ముగిసినా అక్కడి నుంచి కదల్లేదు.
 
 ఈ సంఖ్య అట్లాంటా పట్టణం జనాభా కన్నా ఎక్కువే. అదే సమయంలో అమెరికాలోకి అక్రమంగా ప్రవేశిస్తున్న 3,37,117 మందిని సరిహద్దు గస్తీ దళాలు అదుపులోకి తీసుకున్నాయి. వీటిలో చాలామటుకు మెక్సికో సరిహద్దు వద్దే జరిగాయి. 


 అట్లంటా: స్వలింగ సంప్కరులపై దాడి చేసినందుకు అమెరికాలోని అట్లాంటాలో ఓ వ్యక్తికి కోర్టు 40 ఏళ్లు జైలు శిక్ష విధించింది. మార్టిన్ బ్లాక్వెల్ అనే వ్యక్తి తన ప్రియురాలి కొడుకు ఆంథోని గూడెన్, అతడి భాగస్వామి మార్క్వెజ్ టొల్బెర్ట్ పై దాడి చేశాడు. నిద్రపోతున్న సమయంలో వారిద్దరిపై మరుగుతున్న నీళ్లు పారబోశాడు. తీవ్రగాయాలపాలైన వీరిద్దరూ చాలా రోజుల పాటు ఆస్పత్రిలో చికిత్స పొందారు. కాలిన గాయాలతో నరకయాతన అనుభవించామని న్యాయస్థానంలో బాధితులు కన్నీళ్ల పర్యంతమయ్యారు.
 
 మార్టిన్ బ్లాక్వెల్ ను దోషిగా తేల్చిన కోర్టు అతడికి 40 ఏళ్ల శిక్ష విధిస్తూ తీర్పు వెలువరించింది. గూడెన్ తల్లితో నిందితుడు గత మూడేళ్లుగా డేటింగ్ చేస్తున్నాడు. తన కుమారుడిపై బ్లాక్వెల్ దాడి చేయడాన్ని ఆమె ఖండించింది. కోర్టు తీర్పును బాధితులు స్వాగతించారు. ఏదో ఒకనాటిని బ్లాక్వెల్ ను క్షమిస్తానని టొల్బెర్ట్ అన్నాడు.


 అట్లాంటా: మహానేత వైఎస్. రాజశేఖర రెడ్డి 67వ జయంతి వేడుకలు అమెరికాలోని అట్లాంటా నగరంలో ఎన్నారైలు ఘనంగా నిర్వహించారు. జులై 17వ తేదీ ఆదివారం అభిమానులు, బంధుమిత్రాదుల సమక్షంలో జరిగాయి.  ముఖ్య అతిథిగా హాజరైన వైఎస్ ప్రకాష్ రెడ్డి ఈ సందర్భంగా వైఎస్ఆర్ గురించి తమ అనుభవాలు పంచుకున్నారు. అలాగే తెలుగు ప్రజలకు వైఎస్ రాజశేఖరరెడ్డి చేసిన సేవలు, పేదల పట్ల ఆయన కనబరిచిన ప్రత్యేక శ్రద్ధను ప్రస్తావిస్తూ కృష్ణా రెడ్డి (రిటైర్డ్ ట్రిపుల్ ఐటీ డైరెక్టర్),  ప్రసాద్ రెడ్డి , వి. గురివిరెడ్డి, బాల రెడ్డి ఇందుర్తి  తదితరులు ప్రసంగించారు.
 
 మూడు గంటల పాటు జరిగిన ఈ కార్యక్రమంలో ముందుగా మహానేత చిత్రపటానికి పూలమాల వేసి ఘనంగా అంజలి ఘటనించారు.  కార్యక్రమ నిర్వాహకులు  వైస్సార్సీపీ (అమెరికా) కన్వీనర్ గురువారెడ్డి , నంద గోపినాథ్ రెడ్డి,వెంకట్రామ్ చింతం  ,శ్రీనివాసులరెడ్డి కొట్లూరు ,నరేష్ గువ్వా, శ్రీని వంగిమళ్ళ, కల్వకుర్తి ఉమా మహేశ్వర రెడ్డి ,ప్రసాద్ రెడ్డి, దామోదర్ రెడ్డి, చంద్రా, జగదీష్, విజయ్ కోట,లక్ష్మీ  ఛారుగుంట వైఎస్ఆర్ జయంతికి హాజరైన వారందరికీ హృదయపూర్వక కృతజ్ఞతలు తెలిపారు.


 రాయల అట్లాంటా గ్రూప్ ఆధ్వర్యంలో రాయలసీమ వనభోజనాల కార్యక్రమాన్ని అట్లాంటాలో ఘనంగా నిర్వహించారు. జూన్ 19న జార్జియాలోని బుఫోర్డ్ డ్యాం పార్కులో ఉదయం 11 నుంచి సాయంత్రం 6 వరకు జరిగిన ఈ కార్యక్రమానికి దాదాపు 650 మంది హాజరై రాయలసీమ రుచులను ఆస్వాదించారు. రాయలసీమ ఆచార వ్యవహారాలను భావితరాలకు అందించడమే ఈ కార్యక్రమం ముఖ్య ఉద్దేశమని నిర్వాహకులు తెలిపారు. రాయలసీమ వారు నిర్వహించినా తెలుగు వారందరు కలిసి చేసుకొనే కార్యక్రమమని తెలిపారు. పలువురు వక్తలు మాట్లాడుతూ ఈ రాయలసీమ పండుగ వాతావరణాన్ని ఇలాగే ప్రతి సంవత్సరం జరపాలని కోరారు. కర్నూలు జిల్లా నంద్యాల నుండి ఇటీవలే కొడుకు దగ్గరికి వచ్చిన వంగల రెడ్డి మాట్లాడుతూ సిద్ధేశ్వరం అలుగు కోసం ప్రజాసంఘాలు గత నెల చేప్పట్టిన శంకుస్థాపన కార్యక్రమం గురించి వివరించారు. ప్రవాస రాయలసీమ వారు ఇందులో ఏదో విధంగా భాగస్వాములు కావాలని ఆయన కోరారు. రాయలసీమ వైభవాన్ని, విభజన తరువాత రాయలసీమ ఎదుర్కొంటున్న సమస్యలను ఒక పవర్ పాయింట్ ప్రజెంటేషన్ ద్వారా చర్చించారు.
 
 వనభోజనాల కార్యక్రమం జరిగినంతసేపు అతిథులు చాలా ఆహ్లాదంగా గడిపారు. ఆప్యాయంగా ఒకరినొకర పలకరించుకున్నారు. రాయలసీమ యాసలో మాట్లాడుకోవటం చూస్తే ఆ ప్రాంతమంతా ఒక తిరుణాల వాతావరణం నెలకొంది. మొత్తం మీద రాయలసీమ ఔన్నత్యం అస్తిత్వం తెలియజేసే ప్రధాన లక్ష్యంతో మూడేళ్ళుగా చేస్తున్న ఈ కార్యక్రమం గత ఏడాది కంటే ఈసారి విజయవంతం కావటంతో నిర్వాహకులు రాయల అట్లాంటా గ్రూప్ సంతోషం వ్యక్తం చేసింది.
 
 
 వనభోజనాలలో ఉదయం టిఫిన్లోకి హుగ్గాని, మిరపకాయ బజ్జి , పొంగలిని వడ్డించారు. మధ్యాహ్నం భోజనానికి: రాగిసంగటి , అలసంద వడలు, సియ్యల పులుసు, కోడి పులుసు, గ్రిల్ల్డ్ చికెన్, శనిక్కాయ ఊరిబిండి, ఉర్లగడ్డ తాళింపు, తిరవాత అన్నం , చిత్రాన్నం, నూనె వంకాయ, శెనగబ్యాళ్ల పాయసంతో కూడిన మెనూను వడ్డించారు. అతిథులంతా వంటకాలన్నింటిని ఆస్వాదించి ప్రశంసించారు. భోజనాల తరువాత పిల్లలకు ఆటల పోటీలు నిర్వహించి గెలిచిన వారికి బహుమతులు అందించారు.
 


 వాషింగ్టన్: కారును ఆపమ్మన్నందుకు ఓ పోలీసు అధికారిపై దుండగులు కాల్పులకు తెగబడ్డారు. అమెరికాలోని అట్లాంటాలో శనివారం రాత్రి  చోటు చేసుకున్న ఈ ఘటనలో తీవ్రంగా గాయపడిన ఆ పోలీసు అధికారిని ప్రస్తుతం ఆసుపత్రికి తరలించి చికిత్స అందిస్తున్నారు. స్థానిక పోలీసులు వెల్లడించిన వివరాలు ఇవి.
 
 అట్లాంటా సిటీ దక్షిణ ప్రాంతంలో విధులు నిర్వర్తిస్తున్న ఓ పోలీసు అధికారి అటుగా వస్తున్న కారును ఆపమని కోరాడు. ఈ క్రమంలో కారు దగ్గరకు నడుచుకుంటూ వెళ్తున్న అతడిపై కారులో ఉన్న ముగ్గురు వ్యక్తులలో ఓ వ్యక్తి కాల్పులకు పాల్పడ్డాడు. అతి సమీపం నుంచి కాల్పులు జరపడంతో పోలీసు అధికారి ఎడమ కంటి పై భాగంలోకి బుల్లెట్ దూసుకెళ్లింది. మిగతా పోలీసులు తేరుకునే లోపే దుండగులు అక్కడి నుంచి పరారయ్యారు. ఆసుపత్రిలో చికిత్స పొందుతున్న సదరు పోలీసు అధికారి పరిస్థితి విషమంగా ఉన్నట్లు సమాచారం. కాల్పులకు పాల్పడిన వ్యక్తులను పట్టుకునేందుకు ప్రయత్నిస్తున్నామని విచారణ అధికారి మైక్ జోల్లీ తెలిపారు. ఈ ఘటనకు సంబంధించిన దృశ్యాలు పోలీసు అధికారి డ్యాష్ కెమేరాలో రికార్డయ్యాయి.
  


 అట్లాంటాలో బతుకమ్మ, దసరా సంబరాలు అట్టహాసంగా జరిగాయి. తెలంగాణ అభివృద్ధి ఫోరం(టీడీఎఫ్) ఆద్వర్యంలో జరిగిన సంబరాల్లో వందలాది మంది తెలంగాణ మహిళలు ఉత్సాహంగా పాల్గొన్నారు. అందంగా తీర్చిదిద్దిన బతుకమ్మలను తెచ్చి.. ఆటపాటలో వేడుక చేసుకున్నారు. మునుపెన్నడూ లేనంతగా.. సుమారు 1600 మంది మహిళలు బతుకమ్మ వేడుకల్లో పాల్గొనడం విశేషం. ఈ కార్యక్రమంలో తెలంగాణ గాయకులు స్వర్ణక్క, స్వరూప, తిరుపతి తదితరులు పాల్గొన్నారు.
 
 బతుమ్మ సంబరాల అనంతరం దసరా నేపథ్యంలో శమీ పూజ నిర్వహించారు. బతుకమ్మను అందంగా రూపొందించిన మహిళలకు బహుమతులు అందించారు. కార్యక్రమంలో టీడీఎఫ్ అధ్యక్షుడు విష్ణు కలవల, ట్రస్టీలు కవిత చల్లా, విజయ్ పిట్టా, మురళి చింతలపాని, నవీన్ మామిడిపల్లి, పవన్ కొండెం తదితరులు పాల్గొన్నారు.


 కొత్త పరిశోధన
  
 కేవలం ఐదంటే ఐదు... అంశాల్లో మార్పులు చేసుకోవడం ద్వారా గుండెజబ్బుల నుంచి, గుండెపోటు నుంచి గుండెను పూర్తిగా రక్షించుకోవచ్చని అట్లాంటాలోని ఎమోరీ యూనివర్సిటీకి చెందిన పరిశోధకురాలు డాక్టర్ శివానీ పటేల్ పేర్కొంటున్నారు. 1) పొగతాగే అలవాటు, 2) ఎక్కువ కొలెస్ట్రాల్ ఉండే ఆహారానికి దూరంగా ఉండటం 3) హై బ్లడ్ ప్రెషర్ రాకుండా చూసుకునేందుకు ఎప్పుడూ ఒత్తిడికి గురికాకుండా ఉండటం, 4) టైప్-2 డయాబెటిస్‌ను నివారించే ఆరోగ్యకరమైన జీవనశైలిని అనుసరించడం, 5) స్థూలకాయం రాకుండా, బరువు పెరగకుండా చూసుకోవడం. ఈ ఐదు అంశాలనూ పాటించడం అన్నది మన చేతుల్లో ఉన్న విషయమే.
 
 ఈ ఐదు అంశాలను పాటిస్తూ సాధ్యమైనంతవరకు వాటిని మన ఆరోగ్యాన్ని కాపాడేవిధంగా మార్పులు చేసుకుంటే గుండె సురక్షితంగా ఉంటుందంటున్నారు డాక్టర్ శివానీ. ఈ అధ్యయనం కోసం ఆమె 45 నుంచి 79 ఏళ్ల వయసున్న దాదాపు ఐదు లక్షల మందిని పరిశీలించారు. వారి జీవనశైలిని ఆరోగ్యకరంగా ఉండేలా మార్పులు చేయడం వల్ల 54 శాతంమందిలో గుండె జబ్బులను నివారించగలిగినట్లు ఆమె పేర్కొంటున్నారు. తన పరిశోధన ఫలితాలను ‘యానల్స్ ఆఫ్ ఇంటర్నల్ మెడిసిన్’ అనే జర్నల్‌లో పొందుపరచినట్లు ఆమె వెల్లడించారు.
  
  


 సాక్షి, హైదరాబాద్: మహానేత, దివంగత ముఖ్యమంత్రి డాక్టర్ వైఎస్ రాజశేఖర రెడ్డి 66వ జయంత్యుత్సవాలు శనివారం అమెరికాలోని అట్లాంటా నగరంలో జరుగుతున్నాయి. ఇందుకు వైఎస్సార్ అభిమానులు ఏర్పాట్లు చేశారు. ఈ కార్యక్రమానికి అమెరికాలోని వివిధ నగరాల్లో ఉన్న వైఎస్ అభిమానులు హాజరయ్యారు. ఈ వేడుకల్లో పాల్గొనడానికి తెలుగు రాష్ట్రాల నుంచి పలువురు ప్రజా ప్రతినిధులు, వైఎస్సార్ కాంగ్రెస్ నాయకులు తరలి వెళ్లారు.
 
 Live streaming video by Ustream
 వైఎస్సార్‌సీపీ ఎంపీలు పొంగులేటి శ్రీనివాసరెడ్డి, మిథున్‌రెడ్డి, ఎమ్మెల్యేలు గడికోట శ్రీకాంత్‌రెడ్డి, రాజన్న దొర, చెవిరెడ్డి భాస్కర్‌రెడ్డి, ఆదిమూలపు సురేష్, ఆళ్ల రామకృష్ణారెడ్డి, రామిరెడ్డి ప్రతాప్‌కుమార్‌రెడ్డి, నేతలు అంబటి రాంబాబు, చలమలశెట్టి సునీల్, గుడివాడ అమర్‌నాథ్, భూమన కరుణాకరరెడ్డి ఈ వేడుకలకు హాజరయ్యారు.


 వాషింగ్టన్‌ :  ఉత్తర అమెరికా తెలుగు సమితి (నాటా) మహాసభలు ఆదివారం ఘనంగా ముగిశాయి. రెండో ద్వైవార్షిక నాటా మహాసభలు అట్లాంటాలో విజయవంతంగా నిర్వహించారు.  అట్లాంటాలోని జార్జియా వరల్డ్ కాంగ్రెస్ సెంటర్‌లో ఈ నెల 4న ప్రారంభమై ఆదివారం ముగిసిన ఈ మహాసభలలో ప్రముఖ గాయకుడు ఎస్పీ బాలుకు జీవిత సాఫల్య పురస్కారం ప్రదానం చేశారు.
 
 నాటా మహాసభల్లో  జార్జియా రాష్ట్ర గవర్నర్ నేథన్‌డీల్ దంపతులతోపాటు వివిధ రంగాల సినీప్రముఖులు సిరివెన్నెల సీతారామశాస్త్రి,  దేవిశ్రీప్రసాద్,  చంద్రబోస్, తమన్నా, ప్రణీత, లయ, విమలారామన్, కళ్యాణి, రోజా, సింగర్ సునీత, మల్లికార్జున్, గోపిక, శివారెడ్డి,  ఏపి,  తెలంగాణకు చెందిన పలువురు ప్రముఖులు పాల్గొన్నారు.
 
 నాటా సభల నిర్వహణకు సహకరించినవారికి, హాజరైన అతిథులకు ‘నాటా‘ అధ్యక్షుడు సంజీవ రెడ్డి ధన్యవాదాలు తెలిపారు.  కో-ఆర్డినేటర్ శ్రీనిరెడ్డి వంగిమళ్ల, కన్వీనర్ బాల ఇందూరి, కో-కన్వీనర్ టి. సత్యనారాయణ రెడ్డి, కొమ్మిడి శ్రీనివాసరెడ్డి తదితరుల ఆధ్వర్యంలో  ‘నాటా‘ వేడుకలు అత్యంత ఘనంగా నిర్వహించారు.
  


 అమెరికాలోని అట్లాంటాలో జార్జియా టెక్ లోని ఫెర్స్ట్ సెంటర్ ఫర్ ఆర్ట్స్ లో ‘శ్రీహనుమద్వైభవం’ నృత్యనాటిక ప్రదర్శించారు. హనుమాన్ మందిర్ (ఆల్ఫరెట్టా) నిధుల సేకరణ నిమిత్తం హనుమాన్ మందిర్, నటరాజ నృత్యాంజలి నాట్య అకాడమీ సమిష్టిగా ఈ నాటకాన్ని ప్రదర్శించారు. నటరాజ నృత్యాంజలి నాట్య అకాడమీ సంస్థాపకులు నీలిమ గడ్డమణుగు వద్ద శిక్షణ పొందిన సుమారు 50 మంది చిన్నారులు ఈ దృశ్యకావ్యాన్ని సుందరంగా ఆవిష్కరించారు. దండిభొట్ల నారాయణమూర్తి ఈ నృత్యనాటికకు గేయరచన చేశారు.
 
 ఈ కార్యక్రమానికి వ్యాఖ్యాతగా మాలతి నాగభైరవ వ్యవహరించగా, హనుమాన్ మందిర్ కార్యదర్శి రాము అరుణాచలం పరిచయవాక్యాలతో శుభారంభం పలికారు. హనుమానులవారి పుట్టుకతో ప్రారంభమైన ఈ నాటిక శ్రీరామ పట్టాభిషేకంతో ముగిసింది. అశోకవనం, రామరావణ సంగ్రామం వంటి సన్నివేశాలు ప్రేక్షకులను ఆకట్టుకున్నాయి. నవ్య నూతివాన ప్రధానపాత్ర పోషించగా, రామలక్ష్మణ పాత్రలను మీనురెడ్డి, షాలిని వేమూరు పోషించారు.
 
 సాలెం అసోసియేట్స్, గరుడవేగా కొరియర్స్, యప్ టీవీ, క్యూబ్ ప్రింటర్స్, రామ్ డీజే, హరి లిముసీన్, శారీధోతీ.కామ్, వెంకట గడ్డం రియల్ ఎస్టేట్, ఎజైల్ ఐటీ యూఎస్, ఉత్తర అమెరికా తెలుగు సంఘం, ఏడీవీబ్యాక్ఆఫీస్.కామ్, సెరెనిటీ ఇన్ఫోటెక్, బ్రాండ్ మార్ట్గేజ్, గోల్డెన్ లైన్ ఎల్ ఎల్ సి, అమ్మా కిచెన్, ఏ.వి.డెంటల్ కేర్, ఎవరెస్ట్ టెక్నాలజీస్, మెట్రో మెడికల్ అసోసియేట్స్, స్పైసెస్ హట్, తడ్కా/బేమ్బూ గార్డెన్, హాట్ బ్రెడ్స్, టీవీ ఏసియా, మరియు బైటెగ్రాఫ్.కామ్ సంస్థలు ఈ కార్యక్రమానికి కార్పొరేట్ స్పాన్సర్లుగా వ్యవహరించాయి.


 ఎవరైనా నమ్మినవారు ద్రోహం చేస్తే 'కుక్కకుండే విశ్వాసం కూడా లేదంటూ' నిందించడం పరిపాటి. అమెరికాలోని ఓ కుక్క తన యజమానిపై అంతులేని విశ్వాసం చూపడమే కాదు అతని ప్రాణాలను కాపాడటం కోసం ఏకంగా తన ప్రాణాలను బలితీసుకుంది. మనుషుల్లోనే కాదు కుక్కల్లోనూ త్యాగజీవులుంటాయని నిరూపించింది. అట్లాంటాకు చెందిన డేవ్ ఫురుకవా.. సిమోన్ అనే మగ కుక్కను పెంచుకుంటున్నాడు.
 
 ఇటీవల ఫురుకవా తన నాలుగేళ్ల కొడుకు విల్ను తీసుకుని స్కూల్కు బయల్దేరాడు. ఆ సమయంలో వారి వెంట కుక్క్ కూడా ఉంది. కాలినడకన ఓ రోడ్డును దాటే సమయంలో వారు సిగ్నల్ను గమనించలేదు. అటుగా ఓ కారు వేగంగా విల్ వైపు దూసుకొస్తోంది. సిమోన్ వెంటనే అప్రమత్తమై ఆ బాలుణ్ని రోడ్డు పక్కకు తోసివేసింది. దీంతో విల్ సురక్షితంగా బయటపడ్డాడు.
 
 అయితే కుక్కను కారు ఢీ కొనడంతో తీవ్రంగా గాయపడింది. ఆస్పత్రికి తీసుకెళ్తుండగా మార్గమధ్యంలో మరణించింది. ఈ సంఘటన అందర్నీ కలచివేసింది. కుక్క సాహసం, ప్రాణత్యాగన్ని కొనియాడుతూ హీరోగా అభివర్ణించారు. సిమోన్ తప్పించుకునే అవకాశం ఉన్నా తన కొడుకును కాపాడే ప్రయత్నంలో ప్రాణం త్యాగం చేసిందని ఫురుకవా చెమర్చిన కళ్లతో నివాళులర్పించాడు.