ఓటీటీలు వచ్చాక సరికొత్త సినిమాలు, సిరీస్‌లు సినీ ప్రియులను అలరిస్తూనే ఉన్నాయి. ఎప్పటికప్పుడు కొత్త కంటెంట్ అందిస్తూ ఆడియన్స్‌ను ఆకట్టుకుంటున్నాయి. ముఖ్యంగా క్రైమ్ జోనర్‌లో వచ్చే సిరీస్‌లకు ఓటీటీలో విపరీతమైన డిమాండ్ ఉంటోంది. ఇప్పటికే ఆ జోనర్‌లో వచ్చిన చిత్రాలు, సిరీస్‌లు చాలా వరకు సూపర్ హిట్‌గా నిలిచాయి.తాజాగా మరో క్రైమ్ థ్రిల్లర్‌ మిమ్మల్ని అలరించేందుకు వస్తోంది. మీర్జాపూర్ నటుడు అలీ ఫజల్ లీడ్‌ రోల్లో క్రైమ్ ఇన్వెస్టిగేషన్‌ థ్రిల్లర్‌ వెబ్ సిరీస్‌తో ప్రేక్షకుల ముందుకు రానున్నారు. ఈ విషయాన్ని అమెజాన్ ప్రైమ్ అఫీషియల్‌గా ప్రకటించింది. ఈ మేరకు ఓ పోస్టర్‌ను రిలీజ్ చేసింది.రాఖ్‌ (Raakh) పేరుతో ఈ ఆసక్తికర వెబ్ సిరీస్‌ను ప్రొసిత్‌ రాయ్‌ దర్శకత్వంలో తెరకెక్కిస్తున్నారు. గతంలో పాతాళ్ లోక్‌ అనే వెబ్ సిరీస్‌ను రూపొందించారు. ప్రస్తుతం షూటింగ్ జరుపుకుంటోన్న ఈ క్రైమ్ థ్రిల్లర్‌ వచ్చే ఏడాది ప్రేక్షకులను అలరించనుంది. ఈ ఆసక్తికర వెబ్ సిరీస్‌లో సోనాలి బింద్రే, ఆమిర్‌ బషీర్‌ ముఖ్య పాత్రల్లో నటిస్తున్నారు. ఈ సిరీస్‌ను అనూష నందకుమార్‌, సందీప్‌ సాకేత్‌ నిర్మిస్తున్నారు. JUSTICE will rise from the ashes 🔥#RaakhOnPrime, New Original Series, Coming 2026#AliFazal #SonaliBendre @prosit_roy @EndemolShineIND @anusha_nkumar #AyushTrivedi #AamirBashir @sandeepsaket83 @deepak30000 @NegiR @sunandagj @BhaDiPa pic.twitter.com/mLulmaXj8X— prime video IN (@PrimeVideoIN) August 18, 2025

భారీ అంచనాల మధ్య వచ్చి బోల్తా కొట్టిన సినిమాలెన్నో.. ఇటీవల వచ్చిన కమల్‌ హాసన్‌ థగ్‌ లైఫ్‌ మూవీ కూడా అదే కోవలోకి వస్తుంది. మణిరత్నం దర్శకత్వం వహించిన ఈ చిత్రం బాక్సాఫీస్‌ వద్ద డిజాస్టర్‌గా నిలిచింది. అయితే ఈ సినిమాలో నటించినందుకు తనను నానామాటలు అన్నారని చెప్తున్నాడు బాలీవుడ్‌ నటుడు అలీ ఫజల్‌ (Ali Fazal).ఎందుకీ సినిమా చేశావ్‌?తాజాగా అలీ ఫజల్‌ ఓ ఇంటర్వ్యూలో మాట్లాడుతూ.. థగ్‌ లైఫ్‌ సినిమా (Thug Life Movie) నేనింతవరకు చూడలేదు. కానీ చాలామంది ఈ మూవీ ఎందుకు చేశావని తిట్టారు. దానికి ఒకే ఒక్క కారణం మణిరత్నం సర్‌. ఆయనపై ఉన్న అభిమానంతోనే ఈ మూవీలో నటించాను. ఈ మూవీ బాక్సాఫీస్‌ వద్ద సరిగా ఆడలేదు. దాంతో నా స్నేహితులు, అభిమానులు ఎందుకీ సినిమా చేశావ్‌? అవసరమా నీకిది? అని కోప్పడ్డారు. వారందరికీ మరేం పర్వాలేదని బదులిచ్చాను.అది ముగిసిన చాప్టర్‌మణిరత్నం సర్‌ విజన్‌ను ప్రశ్నించేంత పెద్దవాడిని కాదు. వారు సినిమా కోసం కష్టపడ్డారు. కానీ షూటింగ్‌ జరిగేకొద్దీ కథలో చాలా మార్పులు జరిగాయని తెలుస్తోంది. అయినా థగ్‌ లైఫ్‌ చాప్టర్‌ ముగిసిపోయింది. భవిష్యత్తులో అవకాశం వస్తే మళ్లీ తప్పకుండా మణిరత్నం డైరెక్షన్‌లో నటిస్తాను అని అలీ ఫజల్‌ చెప్పుకొచ్చాడు.థగ్‌ లైఫ్‌మణిరత్నం- కమల్‌ హాసన్‌ కాంబినేషన్‌లో వచ్చిన రెండో చిత్రం థగ్‌ లైఫ్‌. గతంలో వీరి కాంబినేషన్‌లో నాయకుడు మూవీ వచ్చింది. బాక్సాఫీస్‌ వద్ద రికార్డులు సృష్టించింది. ఆ తరహాలోనే థగ్‌ లైఫ్‌ కూడా ఉంటుందని అంతా అనుకున్నారు. కానీ అందరి అంచనాలను తలకిందులు చేస్తూ ఈ మూవీ విజయాన్ని అందుకోలేకపోయింది. జూన్‌ 5న విడుదలైన ఈ చిత్రం ప్రస్తుతం నెట్‌ఫ్లిక్స్‌లో అందుబాటులో ఉంది.చదవండి: జబర్దస్త్‌ పవిత్రకు ప్రపోజ్‌ చేసిన ప్రిన్స్‌ యావర్‌.. అబ్బో!

బాలీవుడ్ నటి రిచా చద్దా పండంటి బిడ్డకు జన్మనిచ్చింది. ఈ ఏడాది ఫిబ్రవరి 2024లో గుడ్‌ న్యూస్‌ చెప్పిన నటి జూలై 16న కుమార్తె జన్మించినట్లు వెల్లడించింది. ఈ విషయంపై సంయుక్తంగా ప్రకటన విడుదల చేశారు. మా పట్ల మీ ప్రేమ, ఆశీర్వాదాలకు ధన్యవాదాలు తెలిపారు . ఈ విషయం తెలుసుకున్న అభిమానులు అభినందనలు చెబుతున్నారు.కాగా.. ఇటీవల సంజయ్ లీలా భన్సాలీ తెరకెక్కించిన హీరామండి ది డైమండ్ బజార్‌ వెబ్‌ సిరీస్‌తో అభిమానులను అలరించింది. అయితే రిచా చద్దా, అలీ ఫజల్ మొదట 2021లో రిజిస్టర్‌ మ్యారేజ్‌ చేసుకున్నారు. ఆ తర్వాత అక్టోబర్ 2023లో తమ బంధాన్ని అధికారికంగా ప్రకటించి గ్రాండ్‌గా మరోసారి పెళ్లిబంధంతో ఒక్కటయ్యారు. దాదాపు 9 ఏళ్లపాటు డేటింగ్‌లో ఉన్న వీరిద్దరు వివాహబంధంలోకి అడుగుపెట్టారు. కాగా.. వీరిద్దరు 2012లో జంటగా నటించిన ఫక్రే మూవీ సెట్స్‌లో తొలిసారి కలుసుకున్నారు. View this post on Instagram A post shared by Richa Chadha (@therichachadha)

బాలీవుడ్‌ బ్యూటీ రిచా చద్దా మాతృత్వపు మధురిమల కోసం ఎదురుచూస్తోంది. తాను గర్భం దాల్చిన విషయాన్ని ఫిబ్రవరిలో వెల్లడించిన ఈమె తాజాగా మెటర్నటీ షూట్‌ ఫోటోలను సోషల్‌ మీడియాలో షేర్‌ చేసింది. ఇందులో రిచా, ఆమె భర్త బేబీ బంప్‌ వైపు ఆత్మీయంగా చూస్తున్నారు.'మా స్వచ్ఛమైన ‍ప్రేమకు ప్రతీకగా ఓ వెలుగు మా జీవితంలోకి రాబోతోంది. నాకు తోడుగా నిలబడి నా జీవితాన్ని కాంతిమయం చేసిన భాగస్వామి అలీ ఫజల్‌కు కృతజ్ఞతలు' అని రాసుకొచ్చింది. 'ఈ సారి కామెంట్‌ సెక్షన్‌ ఆఫ్‌ చేస్తున్నాను. ఎందుకంటే ఇది నా వ్యక్తిగత జీవితానికి సంబంధించినది' అని పేర్కొంది.కాగా రిచా చద్దా, అలీ ఫజల్‌.. ఫర్కీ సినిమా సెట్‌లో ఒకరినొకరు కలుసుకున్నారు. కొంతకాలానికే మంచి స్నేహితులుగా తర్వాత ప్రేమికులుగా మారారు. 2022 అక్టోబర్‌లో ఎకో ఫ్రెండ్లీ మ్యారేజ్‌ చేసుకున్నారు. ఈ ఏడాది ఫిబ్రవరిలో 1+1=3 అంటూ తమ కుటుంబంలోకి ఓ బుజ్జి పాపాయి రానుందని ప్రకటించారు. ఇటీవలే హీరామండి వెబ్‌ సిరీస్‌లో మెప్పించిన రిచా చద్దా.. 'అభి తో పార్టీ షురూ హు హై' సినిమాలో కనిపించనుంది. ఈ మూవీ వచ్చే ఏడాది రిలీజ్‌ కానుంది.చదవండి: సైమా అవార్డ్స్‌ కోసం పోటీలో ఉన్న సినిమాలు, హీరోలు.. లిస్ట్‌ ఇదే

బాలీవుడ్ భామ రిచా చద్దా బీటౌన్‌లో పరిచయం అక్కర్లేని పేరు. గతేడాది ఫర్కీ-3 సినిమాతో అభిమానులను అలరించింది. పంజాబ్‌కు చెందిన ముద్దుగుమ్మ ఓయ్ లక్కీ.. లక్కీ ఓయ్ అనే మూవీతో ఇండస్ట్రీలో అడుగుపెట్టింది. ఆ తర్వాత గ్యాంగ్స్ ఆఫ్ వాసేపూర్ సినిమాతో గుర్తింపు తెచ్చుకుంది. ప్రస్తుతం సంజయ్ లీలా భన్సాలీ తెరకెక్కిస్తోన్న వెబ్ సిరీస్ హీరామండిలో కీలక పాత్రలో కనిపించనుంది. త్వరలోనే ఈ సిరీస్‌ నెట్‌ఫ్లిక్స్‌లో స్ట్రీమింగ్ కానుంది. అయితే ఫర్కీ నటుడు అలీ ఫైజల్‌తో ప్రేమాయణం కొనసాగించిన రిచా చద్దా(37) 2022లో పెళ్లిబంధంలోకి అడుగుపెట్టింది. తాజాగా ఈ ముద్దుగుమ్మ తల్లి కాబోతున్నట్లు సోషల్ మీడియా వేదికగా వెల్లడించింది. ఇది చూసిన అభిమానులు ఈ జంటకు అభినందనలు తెలిపారు.  కాగా.. 2013లో ఫర్కీ సినిమా సెట్స్‌లో మొదటిసారి కలుసుకున్న వీరిద్దరు ప్రేమలో పడ్డారు. ఆ తర్వాత కొన్నేళ్లపాటు డేటింగ్‌లో ఉన్నారు. ఆ తర్వాత పంజాబీ, లక్నో సంప్రదాయంలో ప్రీ-వెడ్డింగ్ వేడుకలను నిర్వహించారు. పెళ్లి తర్వాత సినీ ప్రముఖుల కోసం ముంబైలో గ్రాండ్ రిసెప్షన్‌ ఏర్పాటు చేశారు. ఈ కార్యక్రమానికి ప్రముఖ బాలీవుడ్ తారలంతా హాజరయ్యారు. ఇక సినిమాల విషయాకొనిస్తే.. నెట్‌ఫ్లిక్స్ ఇండియా తెరకెక్కించిన ఒరిజినల్ షో కాల్ మై ఏజెంట్‌లో నటించారు. అంతే కాకుండా గర్ల్స్ విల్ బి గర్ల్స్ చిత్రంతో నిర్మాతలుగా మారారు. ఈ సినిమా సన్‌డాన్స్‌లో రెండు అవార్డులను గెలుచుకుంది. View this post on Instagram A post shared by ali fazal (@alifazal9)

బాలీవుడ్‌ స్టార్‌ జంట రిచా చద్దా, అలీ ఫజల్‌ తన అభిమానులకు గుడ్‌ న్యూస్‌ చెప్పింది. త్వరలోనే తల్లిదండ్రులం కాబోతున్నామంటూ సోషల్‌  మీడియా ద్వారా ప్రకటించింది.  ఈ సందర్బంగా ఒక ఇంట్రస్టింగ్‌ ఫోటోను షేర్‌ చేసింది రిచా. "1 + 1= 3" అంటూ  శుక్రవారం  ఇన్‌స్టాలో వెల్లడించింది. View this post on Instagram A post shared by ali fazal (@alifazal9) రిచా పోస్ట్‌కు భర్త అలీ ఫజల్‌ స్పందిస్తూ ‘ఆ చిన్న గుండె సడి తమకు ఈ ప్రపంచంలోనే అత్యంత గొప్ప సవ్వడి’ అంటూ  కామెంట్‌ పెట్టాడు.  దీంతో సన్నిహితులు, అభిమానులు  ఈ జంటకు విషెస్‌ అందిస్తున్నారు.  కాగా  2012లో ఫక్రే సెట్స్‌లో వీరిద్దరి పరిచయం ప్రేమకు దారి తీసింది. ఏడేళ్ల డేటింగ్ తర్వాత అలీ 2019లో రిచా చద్దాకు ప్రపోజ్ చేశాడు.  కరోనావైరస్ మహమ్మారి కారణంగా 2020లో తమ వివాహాన్ని రిజిస్టర్ చేసుకున్నారు.  రెండేళ్ల తరువాత కుటుంబ సభ్యులు, స్నేహితుల సమక్షంలో 2022 అక్టోబర్ 6 న ప్రీ వెడ్డింగ్ వేడుకలతోపాటు ఘనంగా పెళ్లి చేసుకున్నారు. దాదాపు రెండేళ్ల తరువాత ఈ జంట తమ తొలిబిడ్డకు జన్మనివ్వబోతోంది. 

బాలీవుడ్‌లో మరో ప్రేమ జంట పెళ్లికి రెడీ అయ్యింది. మసాన్ చిత్రంతో గుర్తింపు పొందిన నటి రిచా చద్దా గత కొంతకాలంగా ప్రియుడు, బాలీవుడ్‌ నటుడు ఆలీ ఫజల్‌తో ప్రేమలో మునిగి తేలుతున్న సంగతి తెలిసిందే. గత ఏడాది ఏప్రిల్‌లోనే వీరి పెళ్లి జరగాల్సి ఉండగా, కరోనా కారణంగా వాయిదా పడింది. ఇక ఈ ఏడాది మార్చిలో పెళ్లికి ప్లాన్‌ చేసుకోగా ఇద్దరు షూటింగ్‌లతో బిజీ ఉండగా పెళ్లిని వాయిదా వేసుకున్నారు. ఇక ఈ సెప్టెంబర్‌ చివరిలో లేదా అక్టోబర్‌ మొదటి వారంలో ఎలాగైన పెళ్లి పీటలు ఎక్కాలని ఈ జంట గట్టిగా నిర్ణయించుకుందట. చదవండి: రణ్‌బిర్‌-ఆలియాకు చేదు అనుభవం, గుడిలోకి వెళ్లకుండ అడ్డగింత ముంబైతో పాటు ఢిల్లీలో వీరి వివాహ వేడుకకు సంబంధించిన ఏర్పాట్లు జరుగుతున్నట్లు తెలుస్తోంది. అతికొద్ది మంది బంధువులు, సన్నిహితులు మాత్రమే ఈ వివాహనికి హాజరవుతారని సమాచారం. సౌత్‌ ముంబై హోటల్లో గ్రాండ్‌ రాయల్‌ జరుగనుందని బాలీవుడ్‌ మీడియాల్లో వార్తలు వినిపిస్తున్నాయి. కాగా 2012 ఫక్రీ మూవీ సెట్‌లో కలుసుకున్న ఈ జంట అప్పటి నుంచి ప్రేమలో మునిగితేలుతున్నారు. ఏడేళ్ల డేటింగ్‌ అనంతరం అలీ ఫజల్‌, రిచాలు 2019లో పెళ్లి చేసుకోవాలని నిర్ణయించుకున్నారు. దీంతో ఇరు కుటుంబాల సమ్మతితో 2020లో పెళ్లి పీటలు ఎక్కాలనుకున్నారు. చదవండి: త్వరలో పెళ్లి పీటలు ఎక్కబోతున్న హీరోయిన్‌? వరుడు ఎవరంటే.. అయితే కరోనా కారణంగా వారి పెళ్లి వాయిదా పడింది. ఇక 2022లో మార్చి పెళ్లి వీరిద్దరు పెళ్లి పీటలు ఎక్కాలనుకోగా సినిమా షూటింగ్‌లతో ఇద్దరు బిజీగా ఉండటంతో మరోసాని వాయిదా వేసుకోవాల్సి వచ్చింది. ఈ నేపథ్యంలో ఈ నెల లేదా అక్టోబర్‌లో వివాహనికి ఈ జంట ముహుర్తం ఫిక్స్‌ చేసుకుని పెళ్లి పీటలు ఎక్కేందుకు సిద్ధమయ్యారని సన్నిహితవర్గాల నుంచి సమాచారం. ఇదిలా ఉండగా ప్రస్తుతం అలీ కొన్ని హాలీవుడ్‌ ప్రాజెక్టుల్లో నటిస్తుండగా..  రిచా సంజయ్‌ లీలా భన్సాలీ తెరకెక్కించనున్న ‘ హీరామండీ ’వెబ్‌సిరీస్‌లో కనిపించనుంది. 

శ్రీజిత్‌ ముఖర్జీ దర్శకత్వం వహించిన చిత్రం ‘రే’. ఇది సత్యజిత్ రే కథ 'బిపిన్ చౌదరి కా స్మృతి భ్రం' ప్రేరణలో దీన్ని తీశాడు. ఈ ఆంథాలజీని ఎంతో మంది ప్రముఖులు  ప్రశంసలు ప్రశంసించారు. అయితే ఆసియాలో పెద్ద ఫిల్మ్‌ ఫెస్టివల్‌ అయిన బుసాన్ ఫిల్మ్ ఫెస్టివల్‌ (బీఐఎఫ్‌ఎఫ్‌)కి మూడో ఆసియా కంటెంట్ అవార్డ్స్‌లో భాగంగా ఉత్తమ నటుడు కేటగిరికి ఈ ఆంథాలజీలో లీడ్‌రోల్‌ నటించిన అలీ ఫజల్ నామినేట్‌ అయ్యాడు. మామూలుగా వేరే దేశాల్లో జరిగే ఇలాంటి కార్య్రమాల్లో ఇండియా నుంచి నామినేషన్లు దక్కడం చాలా అరుదనే చెప్పాలి. ఈ ఫిట్‌ సాధించిన తర్వాత బీఐఎఫ్‌ఎఫ్‌ నామినేట్‌ అవ్వడం ఊహించలేదని అలీ తెలిపాడు. ఇది జరగడం ఎంతో సంతోషంగా ఉందని చెప్పాడు. ఆసియా కంటెంట్ అవార్డ్స్ సాధిస్తాననే ఆశిస్తున్నట్లు పే​ర్కొన్నాడు. చదవండి: ఈ మూవీ సమయంలో తీవ్ర ఒత్తిడి, నిరాశకు గురయ్యా: అలీ ఫజల్‌

‘3 ఇడియట్స్‌’ మూవీ సయమంలో తీవ్ర మానసిక ఒత్తిడికి గురయ్యానని నటుడు ఫజల్‌ అలీ తాజాగా వెల్లడించాడు. 2009లో వచ్చిన ఈ చిత్రంలో అలీ ఆత్మహత్యకు పాల్పడిన కాలేజీ స్టూడెంట్‌ పాత్ర పోషించాడు. ఇదిలా ఉండగా తాజాగా ఓ ఛానల్‌కు ఇచ్చిన ఇంటర్వ్యూలో అలీ ఈ విడుదల అనంతరం తనకు ఎదురైన చేదు అనుభవాన్ని పంచుకున్నాడు. ఈ సందర్భంగా అలీ మాట్లాడుతూ.. ‘3 ఇడియట్స్‌ సినిమా చేస్తున్న సమయంలో నేను తీవ్ర మానసిక ఒత్తిడిలోకి వెళ్లిపోయా. 3 ఇడియట్స్‌లో నా పాత్ర చాలా చిన్నదే అయినా అది తీవ్ర ప్రభావం చూపింది’ అని పేర్కొ‍న్నాడు. ‘ఎందుకంటే ఈ మూవీలో నేను డీన్‌ పైనల్‌ ప్రాజెక్ట్‌ సబ్‌మిషన్‌ గడువును పెంచెందుకు నిరాకరించడంలో ఆత్మహత్య చేసుకునే విద్యార్థి పాత్ర పోషించాను. అదే సమయంలో బయట కొంత మంది విద్యార్థులు కూడా ఇలాంటి సంఘటనల కారణంగా ఆత్మహత్యకు పాల్పడటంతో న్యూస్‌ ఛానల్‌ వాళ్లు నాకు ఫోన్‌ చేయడం ప్రారంభించారు. పలు ఛానల్స్‌ నాకు ఫోన్‌ చేసి సర్‌ 3 ఇడియట్స్‌ మూవీలో మీరు చేసినట్లుగా కొంత మంది విద్యార్థులు ఆత్మహత్య చేసుకున్నారు. దీనిపై మీ అభిప్రాయం చెప్పాలని, ఇప్పుడు మీరు ఎలా ఫీల్‌ అవుతున్నారు’ అంటూ ఫోన్‌ చేసి రకరకాల ప్రశ్నలతో వేసి వేధించారని చెప్పాడు. ఇక ‘ఈ సంఘటన కారణంగా చాలా ఒత్తిడికి లోనయ్యా. ఎంతో నిరాశకు గురయ్యాను’ అని తెలిపాడు. ఇక ఆ తర్వాత వారితో ప్లీజ్‌ ఇలా చేయకండని, నిర్మాతతో మాట్లాడండని వారితో చెప్పానని అలీ వివరించాడు. కాగా అమిర్‌ ఖాన్‌, మాధవన్‌, శర్మన్‌ జోషీ ప్రధాన పాత్రలో వచ్చిన ఈ మూవీని డైరెక్టర్‌ రాజ్‌కుమార్‌ హీరానీ భగత్‌ చేతన్‌ నవల్‌ నుంచి తీసుకుని తెరకెక్కించాడు. 2009లో విడుదలైన ఈ మూవీ సూపర్‌ హిట్‌ అయ్యింది. ఫీమేల్‌ లీడ్‌ రోల్‌లో కరిష్మా కపూర్‌ నటించింది. అయితే హిందీలో పలు చిత్రాలు, వెబ్‌ సిరీస్‌లో నటించి నటుడిగా మంచి గుర్తింపు తెచ్చుకున్న అలీ ఫజల్‌ ఇటీవల ‘రే’ అనే వెబ్‌ సిరీస్‌లో నటించాడు. త్వరలో ఈ సిరీస్‌ నెట్‌ఫ్లిక్స్‌లో విడుదల కానుంది.  చదవండి:  వాళ్లు నన్ను మోసం చేశారు: నటి షబానా అజ్మీ ‘అవికా-మనీశ్‌లకు సీక్రెట్‌ బిడ్డ’: స్పందించిన నటుడు

ముంబై : క్రైమ్‌, థ్రిల్లర్‌ యాక్షన్‌ వెబ్‌ సిరీస్‌గా నెటిజన్లను విపరీతంగా ఆకర్షించింది మీర్జాపూర్‌. పంక్‌ త్రిపాఠి, అలీ ఫజల్‌, దివ్యేందు శర్మ, శ్వేత త్రిపాఠి, హర్షితా శేఖర్‌, అమిత్‌ సియాల్‌ కీలక పాత్రల్లో నటించిన ఈ వెబ్‌ సిరీస్‌ను కరణ్‌ అన్షుమన్‌, గుర్మీత్‌ సింగ్‌లు తెరకెక్కించారు. ఇటీవల ఈ సిరీస్‌కు కొనసాగింపుగా మీర్జాపూర్‌ 2 వచ్చిన విషయం తెలిసిందే. అక్టోబర్‌ 23న సోషల్‌ మీడియా ప్లాట్‌ ఫాం అమెజాన్‌ ప్రైమ్‌లో ఈ వెబ్‌ సిరీస్‌ అధికారికంగా విడుదల అయ్యింది. అయితే మీర్జాపూర్‌ మొదటి సిరీస్‌ తెలుగుతోపాటు అన్ని ప్రాంతీయ భాషల్లోకి డబ్ అవ్వగా.. మీర్జాపూర్‌-2 మాత్రం కేవలం హిందీలో మాత్రమే అందుబాటులోకి వచ్చింది. చదవండి: మీర్జాపూర్‌ 2: ఫ్యాన్స్‌ అసంతృప్తి దీంతో తెలుగు ప్రేక్షకులు పూర్తిగా నిరాశ చెందారు. మీర్జాపూర్‌-2ను తెలుగు‌లోనూ విడుదల చేయాలని అభిమానులు పట్టుబట్టారు. తెలుగు వెర్షన్‌ను కోరుతూ సోషల్‌ మీడియా వేదికగా రచ్చ రచ్చ చేశారు. దీనిపై స్పందించిన మీర్జాపూర్‌-2 చిత్ర యూనిట్‌ తాజాగా తెలుగు అభిమానులకు శుభవార్తను అందించింది. ప్రస్తుతం హిందీలో మాత్రమే విడుదలైన ఈ సిరీస్‌ను తెలుగులోనూ రిలీజ్‌ చేసేందుకు సిద్ధమైంది. ఈ క్రమంలో శుక్రవారం(డిసెంబర్‌ 11) రోజు అమెజాన్‌ ప్రైమ్‌లో తెలుగు ఆడియోను అందుబాటులోకి తీసుకొచ్చింది. ఇక మీర్జాపూర్‌ ప్రస్తుతం తెలుగులోనూ లభించడంతో అభిమానులు పండగ చేసుకుంటున్నారు. ఇదిలా ఉండగా మొదటి సీజన్‌తో పోల్చుకుంటే రెండో సీజన్‌ అభిమానులను నిరాశకు గురిచేసింది. హింస మరింత పెరిగిందని, ఎవర్ని ఎవరు చంపుతున్నారో క్లారిటీ లేదని అభిమానులు అసంతృప్తి వ్యక్తం చేశారు. 

క‌ళ్యాణ‌మొచ్చినా క‌క్కొచ్చినా ఆగ‌దంటారు. కానీ ఈ బాలీవుడ్ ల‌వ్‌బ‌ర్డ్స్‌కు మాత్రం ఇంకా క‌ళ్యాణ ఘ‌డియ‌లు ద‌గ్గ‌ర‌ప‌డ‌లేదు. న‌టులు అలీ ఫ‌జ‌ల్‌, రిచా చ‌ద్దా 2015 నుంచి డేటింగ్ చేస్తున్నారు. 2017లో రిలేష‌న్‌షిప్‌ను అధికారికంగా ప్ర‌క‌టించారు. ఈ ఏడాది ఏప్రిల్‌లో పెళ్లి చేసుకుందామ‌నుకున్నారు. కానీ కోవిడ్ వ‌ల్ల వాయిదా వేసుకున్నారు. కొద్దిమందితో పెళ్లిని మ‌మ అనిపించేకంటే అంద‌రి స‌మ‌క్షంలోనే ఈ వేడుక‌ను వైభ‌వంగా జ‌రుపుకోవాల‌ని ఈ జంట ఆశ‌ప‌డుతోంది. అందుక‌ని వ‌చ్చే ఏడాదికి పెళ్లిని వాయిదా వేసుకుంది. మ‌తాంత‌ర వివాహంపై రిచా స్పంద‌న‌ కాగా ఈ ఇద్ద‌రూ ఒకే మ‌తానికి చెందిన‌వారు కాదు. అయిన‌ప్ప‌టికీ ఇరు కుటుంబాలు పెద్ద మ‌న‌సుతో వారి పెళ్లికి మ‌న‌స్ఫూర్తిగా అంగీక‌రించ‌డం విశేషం. ఈ విష‌యంపై రిచా చ‌ద్దా మాట్లాడుతూ త‌నిష్క్ వివాదాస్ప‌ద యాడ్‌ను ప్ర‌స్తావించారు. నిజానికి ఆ యాడ్ చాలా బాగుంద‌ని ప్ర‌శంసించారు. అందులో త‌న జీవితం ప్ర‌తిబింబిస్తోంద‌న్నారు. అలీ నుంచి, అత‌డి కుటుంబం నుంచి ఎంతో ప్రేమ‌ను పొందుతున్నాన‌ని పేర్కొన్నారు.‌ కానీ ప‌క్క‌వాళ్లు ఎవ‌రిని పెళ్లి చేసుకుంటున్నార‌నేది కూడా పెద్ద‌ స‌మ‌స్య‌గా ఫీల‌వుతున్న‌వాళ్లను చూస్తే జాలేస్తోంది అని తెలిపారు. (చ‌ద‌వండి: కేవలం ఆమె కోసమే; ‘తనిష్క్‌పై’ నెటిజన్ల ఫైర్‌..) యాడ్‌ను తొల‌గించిన తనిష్క్ యాడ్‌ కాగా ప్ర‌ముఖ ఆభ‌ర‌ణాల సంస్థ త‌నిష్క్ ఏక‌త్వం పేరిట ఓ యాడ్ తీసుకొచ్చింది. ముస్లిం కుటుంబంలో అడుగు పెట్టిన హిందూ మ‌హిళ కోడ‌లిగా అడుగు పెడుతుంది. ఆమెను ఆప్యాయంగా ఆహ్వానించిన ఆ కుటుంబం హిందూ సాంప్ర‌దాయం ప్ర‌కారం సీమంతం నిర్వ‌హిస్తుంది. ఇది రెండు వేర్వేరు మ‌తాలు, సాంప్ర‌దాయాలు, సంస్కృతుల అందమైన కలయిక అని చెప్పుకొచ్చింది. కానీ ఇది ల‌వ్ జిహాదీని ప్రోత్స‌హించే విధంగా ఉందంటూ వ్య‌తిరేక‌త రావ‌డంతో స‌ద‌రు కంపెనీ ఆ యాడ్‌ను తొల‌గించింది. (చ‌ద‌వండి: ఆ స్టార్‌ ప్రేమజంట పెళ్లి వాయిదా!)

ముంబై: ప్రముఖ వెబ్‌ సరీస్‌ మీర్జాపూర్‌ సీక్వెల్‌ బాయ్‌కాట్‌ చేయాలంటూ సోషల్‌ మీడియాలో నిరసనలు వెల్లువెత్తున్నాయి. నిన్న (బుధవారం) మీర్జాపూర్‌ 2ట్రైలర్‌ విడుదలైన విషయం తెలిసిందే. దీంతో ట్విటర్‌ యూజర్‌లు ట్రైలర్‌ విడుదలకు ముందు నుంచే మీర్జాపూర్‌ 2ను బాయ్‌కాట్‌ చేయాలంటూ #BoycottMirzapur2 అనే పేరుతో హ్యాష్‌ ట్యాగ్‌ను ట్రెండ్‌ చేస్తున్నారు. దీనికి ప్రధాన కారణం ఈ సిరీస్‌లో హీరోగా నటిస్తున్న ఫజల్‌ అలీ, సహా నిర్మాత ఫర్హాన్‌ అక్తర్‌లు. గతేడాది  వీరు పౌరసత్వ సవరణ బిల్లుకు వ్యతిరేకంగా జరిగిన నిరసనలకు మద్దతునిచ్చారు. వారి తీరుపై ఆగ్రహాం వ్యక్తం చేస్తూ ‘తమ దేశానికి విధేయత చూపని నటుల సినిమాలు కానీ వెబ్‌ సిరీస్‌లు కానీ మాకోద్దు #BoycottMirzapur2’ అనే హ్యాష్‌ ట్యాగ్‌ను‌ ట్రెండ్‌ చేస్తున్నారు. (చదవండి: మీర్జాపూర్‌ 2 ట్రైలర్‌ విడుదల) No more movies or web series of people who are not loyal to their country #BoycottMirzapur2 pic.twitter.com/OwowUApZsn — ISHWARI K (@ISHWARIK2) October 7, 2020 మరోవైపు మిర్జాపూర్‌ సీజన్‌2 కోసం ఎంతో ఆస్తక్తిగా ఎదురు చుస్తున్నామంటూ అభిమానులు ట్వీట్‌ చేస్తున్నారు. ‘మీర్జాపూర్ 2 ట్రైలర్ ఆశాజనకంగా ఉంది’ ఈ సిరీస్‌ కోసం ఏడాదిగా ఎదురు చూస్తున్న.. ట్రైలర్‌ చూస్తుంటే ఉత్సాకంగా ఉంది. మొదటి సిజన్‌ తరహాలోనే సిక్వేల్‌ కూడా సూపర్‌ హిట్‌ అవుతుంది’ అంటూ అభిమాను ట్వీట్‌ చేస్తున్నారు. అంతా బాగుంటే వచ్చే నెలలో ప్రుముఖ ఓటీటీ ప్లాట్‌ఫాం అమోజాన్‌ ప్రైంలో మీర్జాపూర్‌ విడుదల కావాల్సీంది. అయితే ఈ వివాదాల మధ్య మరి మీర్జాపూర్‌2‌ విడుదల అవుతుందో లేదో వేచి చూడాల్సిందే. 

అనుకున్నట్లు అన్నీ కుదిరితే వచ్చే నెలలో మీర్జాపూర్‌ వెబ్‌సిరీస్‌ సీక్వెల్‌ అమెజాన్‌ ప్రైమ్‌ ద్వారా ఓటీటీ ఫ్లాట్‌ఫామ్‌లో విడుదల కానుంది. మీర్జాపూర్‌ సీక్వెల్‌ కోసం ఫ్యాన్స్‌ ఏడాదిగా ఎదురుచూస్తున్నారు. బాహుబలి సినిమా పార్ట్‌ 1 విషయంలో కట్టప్ప బాహుబలిని ఎందుకు చంపాడు అనే ట్విస్ట్‌తో రాజమౌళి ఫ్యాన్స్‌ను ఊరించిన మాదిరిగా ఈ వెబ్‌సిరీస్‌ మొదటి పార్ట్‌ చివరిలో కూడా ఒక ట్విస్ట్‌ ఉంటుంది. అందుకే ఎప్పుడెప్పుడు ఈ వెబ్‌ సిరీస్‌ సీక్వెల్‌  విడుదల అవుతుందా? ఈ ట్విస్ట్‌ ఏంటో తెలుసుకుందామా అని ఫ్యాన్స్‌ ఎదరు చూస్తున్నారు. అయితే ఈ సీక్వెల్‌ కు ఇబ్బందులు తప్పేటట్టు కనిపించడం లేదు.  Its here ! #mirzapur2 https://t.co/rlSs0mvu4J — Ali Fazal M / میر علی فضل / अली (@alifazal9) October 6, 2020 దానికి ప్రధాన కారణం కో ప్రొడ్యూసర్‌  ఫర్హ ఖాన్‌, హీరో అలీ ఫజల్‌. వీరు గత ఏడాది పౌరసత్వ సవరణ బిల్లుకు వ్యతిరేకంగా జరిగిన నిరసనలకు మద్దతునిచ్చారు. దీంతో #బాయ్‌కాట్‌ మీర్జాపూర్‌2  అని ట్వీట్టర్‌లో ట్రెండ్‌ అవుతుంది. అయితే ఫ్యాన్స్‌ మాత్రం దీనికి వ్యతిరేకంగా వెబ్‌ సిరీస్‌ విడుదల కావాలని తమ వంతు ప్రచారం  చేస్తున్నారు. దీనిపై వివిధ రకాల మీమ్స్‌ ద్వారా సోషల్‌ మీడియాలో స్పందిస్తున్నారు.   మంగళవారం ఈ చిత్రం టీజర్‌ విడుదలైన సంగతి తెలిసిందే.   చదవండి: ‘మీర్జాపూర్‌-2’ రిలీజ్‌ డేట్‌ వచ్చేసింది..

ముంబాయి: క్రైమ్‌, థ్రిల్లర్‌ యాక్షన్‌ వెబ్‌ సిరీస్‌గా నెటిజన్లను విపరీతంగా ఆకర్షించింది మీర్జాపూర్‌. పంక్‌ త్రిపాఠి, అలీ ఫజల్‌, దివ్యేందు శర్మ, శ్వేత త్రిపాఠి, హర్షితా శేఖర్‌, అమిత్‌ సియాల్‌ కీలక పాత్రల్లో నటించిన ఈ వెబ్‌ సిరీస్‌ను కరణ్‌ అన్షుమన్‌, గుర్మీత్‌ సింగ్‌లు తెరకెక్కించారు. ప్రస్తుతం ఈ సిరీస్‌కు కొనసాగింపుగా మీర్జాపూర్‌ 2 వస్తున్న విషయం తెలిసిందే. ఇప్పటికే విడుదల కావాల్సిన రెండో సిరీస్‌ కరోనా వైరస్‌, లాక్‌డౌన్‌ కారణంగా వాయిదా పడింది. దీంతో అక్టోబర్‌ 23న సోషల్‌ మీడియా ప్లాట్‌ ఫాం అమెజాన్‌ ప్రైమ్‌లో ఈ వెబ్‌ సిరీస్‌ విడుదల కానుంది. (‘మీర్జాపూర్‌-2’ రిలీజ్‌ ఎప్పుడంటే..) ఈ సిరీస్‌ను గుర్మీత్‌ సింగ్‌, మిహిర్‌ దేశాయ్‌లను తెరకెక్కిస్తుండగా.. ఎక్సెల్‌ మీడియా ఎంటర్‌టైన్‌మెంట్‌ పతాకంపై ఫర్హాన్ అక్తర్, రితేశ్‌ సిద్వానీ నిర్మిస్తున్నారు. దాదాపు రెండేళ్ల నుంచి సీజన్‌ 2 కోసం ఎదురు చూస్తుండగా.. తాజాగా మీర్జాపూర్‌ 2 ట్రైలర్‌ చిత్ర బృందం విడుదల చేసింది. మీర్జాపూర్‌2 సిరీస్‌ ఎప్పుడెప్పుడు విడుదలవుతుందా అని ఎదురుచూస్తున్నఈ సినిమా నుంచి ట్రైలర్‌ విడుదల చేసినందుకు సంతోషంగా ఉందని, ఈ సినిమా అభిమానులకు ఖచ్చితంగా ఆక్టుకుంటుందని ఆశిస్తున్నట్లు నిర్మాతల్లో ఒకరైన రితేశ్‌ తెలిపారు. కాగా 2 నిమిషాల 48 సెకన్ల నిడివి గల ఈ ట్రైలర్‌ను చూస్తుంటే సినిమాపై ఉన్న అంచనాలను మించి ఉండేలా కన్పిస్తోంది. అభిమానులను కట్టిపడేసే మలుపులు, అనేక ట్విస్టులతో ఉండనున్నట్లు తెలుస్తోంది. అలాగే  ఈ సిరీస్‌లో మరి కొందరు నటులు కొత్తగా కనిపించనున్నారు. ('రొమాంటిక్ డిన్న‌ర్ ప్లాన్ చేసి ప్ర‌పోజ్ చేశాడు')

ఎప్పుడెప్పుడు విడుదలవుతుందా అని ఆసక్తిగా ఎదురు చూస్తున్న వెబ్‌ సిరీస్‌ ‘మీర్జాపూర్‌ 2’ విడుదల తేదిని  అమెజాన్‌ ప్రైమ్ వీడియో‌ అధికారికంగా ప్రకటిచింది. ఈ మేరకు సోమవారం ఓ వీడియోను పోస్టు చేసింది. ఇందులో అక్టోబర్‌ 23న మీర్జాపూర్‌-2 ను అమెజాన్‌ ప్రైమ్‌లో విడుదల చేస్తున్నట్లు వెల్లడించింది. కాగా ఇప్పటికే విడుదలైన మీర్జాపూర్‌ మొదటి సీజన్‌ ప్రేక్షకులను విపరీతంగా ఆకర్షించింది. అప్పటి నుండి సెకండ్ సీజన్ కోసం అందరూ వెయిట్ చేస్తున్నారు. ఈ క్రమంలో శుక్రవారం అమెజాన్‌ ప్రైమ్‌ వీడియో తన సోషల్‌ మీడియా అకౌంట్‌లో ఓ వీడియోను షేర్‌ చేసిన విషయం తెలిసిందే. వెబ్‌ సిరీస్‌ మీర్జాపూర్‌ సీక్వెల్‌ను త్వరలో విడుదల చేస్తామని తెలిపింది. అయితే షూటింగ్‌ పూర్తి చేసుకొని విడుదలకు సిద్ధంగా ఉన్న మీర్జాపూర్‌-2 కరోనా వైరస్‌ కారణంగా వాయిదా పడింది. (మరోసారి బోల్డ్‌ పాత్రలో...) మిర్జాపూర్.. ఓ క్రైమ్ థ్రిల్లర్ వెబ్ సిరీస్. ఇది డ్రగ్స్, గన్స్ ,అన్యాయం చుట్టూ తిరుగుతుంది. మాఫియా డాన్స్ పాలన, ఉత్తర ప్రదేశ్‌లోని పూర్వాంచల్ ప్రాంతంలో ఉన్న శత్రుత్వం, నేరాలను చూపిస్తుంది. ఈ సిరీస్ మొదటి సీజన్‌లో అలీ ఫజల్, విక్రాంత్ మాస్సే, శ్వేతా త్రిపాఠి, శ్రియా పిల్గావ్కర్, రసిక దుగల్, హర్షితా గౌర్, దివియేండు శర్మ, కుల్భూషణ్ ఖర్బండా ముఖ్యపాత్రల్లో నటించారు. ఈ సిరీస్‌పై అలీ ఫజల్‌ ఇటీవల మాట్లాడుతూ. రెండో సిరీస్‌ లాక్‌డౌన్‌ వల్ల‌ ఆలస్యం అయ్యిందన్నారు. ప్రస్తుతం అభిమనులు దీని కోసం ఎంతో ఎదురు చూస్తున్నారని తెలిపారు. ‘మీర్జాపూర్‌ 2’ వారి అంచనాలకు చేరుతుందని ఆశిస్తున్నాని పేర్కొన్నారు. ఈ సిరీస్‌ అమెజాన్‌లో భాగమైనందుకు చాలా గర్వంగా ఉందన్నారు.('ఐ ల‌వ్ యూ చెప్పేందుకు 3 నెల‌లు')

బాలీవుడ్ ప్రేమ‌జంట‌ అలీ ఫ‌జ‌ల్‌, రిచా చ‌ద్దా ఐదేళ్ల డేటింగ్‌కు ఫుల్‌స్టాప్ పెడుతూ ఏప్రిల్‌లో పెళ్లి నిర్ణ‌యించుకున్నారు. కానీ వీరి పెళ్లికి క‌రోనా శ‌నిలా అడ్డు త‌గిలింది. దీంతో ఏప్రిల్ 15న జ‌ర‌గాల్సిన వివాహాన్ని వాయిదా వేసుకున్న విష‌యం తెలిసిందే. కాగా వీరి మ‌ధ్య ప్రేమ ఎలా చిగురించింద‌నే విష‌యాన్ని బ్రైబ్స్‌ ఇండియా మ్యాగ‌జైన్‌తో చెప్పుకొచ్చారు‌. ముందుగా రిచా మాట్లాడుతూ.. "అలీ మాల్దీవుల్లోని ఐలాండ్‌లో రొమాంటిక్ డిన్న‌ర్ ప్లాన్ చేశాడు. బ‌హుశా నా పుట్టిన‌రోజు కోసమేమో అనుకున్నా. అంత‌కుమించి ఎక్కువ‌గా ఊహించ‌లేదు. ఇక ఆ రోజు మేము క‌లిసి తింటూ ఉన్నాం. స‌డ‌న్‌గా అలీ ధైర్యం చేసి న‌న్ను పెళ్లి చేసుకుంటావా? అని అడిగాడు. ‌త‌ర్వాత‌ 10 నిమిషాల గ్యాప్ తీసుకున్నాడు. బ‌హుశా ప్ర‌పోజ్ చేసినందుకు త‌ను లోలోప‌ల భ‌య‌ప‌డుతూ, మ‌థ‌న‌ప‌డిన‌ట్టున్నాడు. అయితే మోకాళ్ల‌పై కూర్చుని, చేతిలో ఉంగ‌రం ప‌ట్టుకుని మాత్రం ప్ర‌పోజ్ చేయ‌లేదు." (అందుకే ఇప్పట్లో పెళ్లి చేసుకోలేం: నటి) "నా విష‌యానికొస్తే నేను తొలిసారిగా నా ప్రేమ‌ను ఎప్పుడు వ్య‌క్తీక‌రించానంటే.. మా ఇంట్లో మేమిద్ద‌రం క‌లిసి నాకెంతో ఇష్ట‌మైన‌ చాప్లిన్ సినిమా చూస్తున్నాం. ఆ సినిమాను అలీ బాగా ఎంజాయ్ చేశాడు. అప్పుడు నా అభిరుచి ఉన్న వ్య‌క్తి దొర‌క‌టం అదృష్టం అనుకున్నా. వెంట‌నే ఐ ల‌వ్ యూ చెప్పా. కానీ నాకు తిరిగి ఐ ల‌వ్ యూ అని చెప్ప‌డానికి అలీకి మూడు నెల‌లు ప‌ట్టింది" అని రిచా బుంబగ‌మూతి పెట్టింది. "రిచా చిన్న‌పిల్ల‌లా ప్ర‌వ‌ర్తిస్తుంది. త‌న‌ను ప్రేమించ‌డానికి అది కూడా ఓ కార‌ణం. ఆమె అన్నం తింటుంటే త‌న చుట్టూ ఆహారాన్ని కింద వెద‌జ‌ల్లిన‌ట్లే ఉంటుంది. గ్లాసులో ఉన్న నీళ్లు స‌గం కింద ప‌డిపోయి క‌నిపిస్తుంది.. ఓ సారి డిన్న‌ర్ చేస్తున్న‌ప్పుడు అయితే ఏకంగా ఆమె ప్లేట్‌లోని వ‌స్తువు గాల్లోకి లేచి ఇత‌రుల ప్లేట్‌లో ప‌డింది" అంటూ అలీ న‌వ్వుతూ సెల‌విచ్చాడు. (ఆ స్టార్‌ ప్రేమజంట పెళ్లి వాయిదా!)

ముంబై: బాలీవుడ్‌ ప్రేమజంట రిచా చద్దా- అలీ ఫజల్‌ వచ్చే నెల జరగాల్సిన తమ వివాహాన్ని వాయిదా వేసుకున్నట్లు సమాచారం. ఈ క్రమంలో 2020 చివరి నాటికి మరోసారి పెళ్లి డేట్‌ ఫిక్స్‌ చేసుకోనున్నట్లు తెలుస్తోంది. ప్రాణాంతక కరోనా వైరస్‌(కోవిడ్‌-19) పంజా విసురుతున్న నేపథ్యంలో వీరు ఈ నిర్ణయం తీసుకున్నట్లు వారి అధికార ప్రతినిధి మీడియాకు వెల్లడించాడు. ‘‘అంటువ్యాధి కోవిడ్‌-19 ప్రబలుతున్న తరుణంలో  అలీ ఫజల్‌, రిచా చద్దా తమ వివాహాన్ని వాయిదా వేయాలని నిర్ణయించుకున్నారు’’అని పేర్కొన్నారు. కాగా ఏప్రిల్‌ చివరి వారంలో వివాహం చేసుకునేందుకు రిచా, అలీ కోర్టు నుంచి అనుమతి పొందిన విషయం తెలిసిందే. ఇక ‘ఫక్రీ రిటర్న్స్‌’లో జంటగా నటించిన వీరు.. ఆ సమయంలోనే ప్రేమలో పడ్డారు. రిచా పంజాబీ అమ్మాయి కాగా.. అలీది ఉత్తర్‌ప్రదేశ్‌.(హీరో నితిన్‌ పెళ్లి వాయిదా..!) ఇక కాగా కరోనా వ్యాప్తి నేపథ్యంలో బాలీవుడ్‌ హీరో వరుణ్‌ ధావన్‌ కూడా పెళ్లి వేడుకను వాయిదా వేసుకున్నట్లు తెలుస్తోంది. గత కొంతకాలంగా చిన్ననాటి స్నేహితురాలు నటాషాతో డేటింగ్‌ చేస్తున్న ఈ హీరో పెద్దలను ఒప్పించి డెస్టినేషన్‌ వెడ్డింగ్‌ ప్లాన్‌ చేసినట్లు అతడి సన్నిహితులు మీడియాకు వెల్లడించారు. తొలుత థాయ్‌ల్యాండ్‌లోని ప్రైవేటు ద్వీపంలో పెళ్లి చేసుకోవాలని భావించిన ఈ జంట.. కరోనా వ్యాప్తి నేపథ్యంలో వివాహ వేదికను జోధ్‌పూర్‌కు, ఆ తర్వాత ముంబైకి మార్చుకున్నారని.. ప్రస్తుత పరిస్థితుల్లో పూర్తిగా వాయిదా వేశారని పేర్కొన్నారు. కాగా కరోనా ధాటికి భారత్‌లో ఇప్పటికే నలుగురు మృత్యువాత పడిన విషయం తెలిసిందే.(నా పెళ్లిని ఎవరూ ఆపలేరు: హీరో) ‘అందుకే పెళ్లి విషయం రహస్యంగా ఉంచాను’

నాలుగేళ్ల ప్రేమను పెళ్లి వరకూ తీసుకెళ్లడానికి బాలీవుడ్‌ నటుడు అలీ ఫజల్, నటి రిచా చద్దా రెడీ అయిపోయారు. రిజిస్టర్‌ ఆఫీసులో పెళ్లి చేసుకుని, ఆ తర్వాత బంధువులు, సన్నిహితుల సమక్షంలో పెళ్లి వేడుకలు చేసుకుంటారట. అందుకని రిజిస్ట్రేషన్‌ కోసం ముంబై కోర్టులో అప్లికేషన్‌ పెట్టుకున్నారని సమాచారం. ఏప్రిల్‌ చివరి వారంలో పెళ్లి చేసుకోవాలనుకుంటున్నారని ఇద్దరి సన్నిహితులు పేర్కొన్నారు. 2017లో ‘ఫక్రీ రిటర్న్స్‌’లో ఈ ఇద్దరూ జంటగా నటించారు. ఆ సమయంలోనే ఇద్దరి మధ్య ప్రేమ చిగురించింది. రిచా పంజాబీ అమ్మాయి. అలీది ఉత్తర్‌ప్రదేశ్‌. పెద్దల అంగీకారంతోనే వీరి పెళ్లి జరగనుంది.

ఐదేళ్ల డేటింగ్‌కి ఫుల్‌స్టాప్‌ పెట్టారు బాలీవుడ్‌ తారలు అలీ ఫజల్, రీచా చద్దా. త్వరలోనే ఈ జంట పెళ్లి చేసుకోబోతోంది. 2012లో ‘ఫక్రీ’ సినిమాలో కలసి నటించిన ఈ ఇద్దరూ  2015 నుంచి డేటింగ్‌ చేస్తున్నారు. 2017లో వీళ్ల రిలేషన్‌షిప్‌ని అధికారికంగా ప్రకటించారు. ఇటీవలే మాల్దీవుల్లో హాలిడేకి వెళ్లారు రీచా, అలీ. అక్కడ రీచాను అలీ పెళ్లి చేసుకుందామని ప్రపోజ్‌ చేయడం, ఆమె అంగీకరించడం జరిగిపోయాయట. ఏప్రిల్‌ 15న ఢిల్లీలో కుటుంబ సభ్యుల మధ్య వివాహం చేసుకోవాలనుకుంటున్నారట. ఆ తర్వాత ముంబైలో రిసెప్షన్‌ను ఏర్పాటు చేయాలనుకుంటున్నారు. ∙అలీ ఫజల్, రీచా చద్దా

బాలీవుడ్‌ నటి రిచా చద్దా తన వివాహ విషయంపై స్పందించారు. బాయ్‌ఫ్రెండ్‌ అలీ ఫజల్‌ను ఇప్పట్లో పెళ్లి చేసుకోలేనని ప్రకటించారు. ఇందుకు గల కారణాలను కూడా ఆమె తెలిపారు. నటుడు అలీ ఫజల్‌తో హాట్ బ్యూటీ ప్రేమలో ఉన్న విషయం తెలిసిందే. తాజాగా ఓ మీడియాకు ఇచ్చిన ఇంటర్వ్యూలో తన పెళ్లి విషయంపై చర్చించారు. ఇప్పట్లో పెళ్లి చేసుకునే అవకాశాలు లేవని స్పష్టం చేశారు. ఇందుకు వీరి ముందు ఉన్న బీజీ షెడ్యూల్లే కారణమని తెలిపారు. పెళ్లి చేసుకోడానికి ప్రస్తుతం తమ వద్ద సమయం లేదని అన్నారు. పెళ్లికి ఖచ్చితమైన తేది కోసం ఎదురుచూస్తున్నట్లు తెలిపారు.‘‘మాకు టైం లేదు. మార్చిలో నాకు డేట్స్‌ లేవు. మేలో ఎండలు బాగా ఉంటాయి. జూన్‌లో ఇద్దరం సినిమా షూటింగ్‌ చేస్తున్నాం. జూలైలో వర్షాలు ఎక్కువగా పడతాయి. మేము ప్రస్తుతం సంతోషంగా ఉన్నాం. అలాగే పెళ్లి కోసం కూడా ఎదురు చూస్తున్నాం’’. అని వివరణ ఇచ్చారు.(అల్లు అర్జున్‌ కుటుంబంలో విషాదం) ఇక తన రిలేషన్‌షిప్‌ను అద్భుతమైనదిగా రిచా వర్ణించారు. సినిమా ఇండస్ట్రీలో ఒకే మనస్తత్వంగల వారు దొరకడం చాలా అరుదుగా ఉంటుందని ఆమె తెలిపారు. ఫక్రీ సినిమా షూటింగ్‌లో కలుసుకన్న ఈ జంట 2017 వెనిస్‌లోని ఫిల్మ్‌ ఫెస్టివల్‌ కార్యక్రమంలో తమ ప్రేమ ప్రయాణాన్ని అధికారికంగా ప్రకటించారు. రిచా తాజాగా కంగనా రనౌత్‌ ప్రధాన పాత్రలో నటించిన స్పోర్ట్స్‌ డ్రామా సినిమా ‘పంగా’లో కనిపించనుంది. ఈ మూవీ రేపు( జనవరి 24) విడుదల కానుంది.అలాగే షకీలా బయోపిక్‌ మూవీలోనూ రిచా నటిస్తున్నారు.

‘విక్టోరియా అండ్‌ అబ్దుల్‌’... నటుడు అలీ ఫజల్‌ నటించిన తొలి హాలీవుడ్‌ చిత్రమిది. కాస్ట్యూమ్‌ డిజైన్, బెస్ట్‌ మేకప్‌ అండ్‌ హెయిర్‌ స్టైలింగ్‌ విభాగాల్లో ఈ చిత్రం 90వ ఆస్కార్‌ అవార్డ్స్‌కి నామినేట్‌ అయ్యింది. ఇప్పుడు అలీ తన రెండో హాలీవుడ్‌ సినిమాకు గ్రీన్‌సిగ్నల్‌ ఇచ్చారు. తన రెండో హాలీవుడ్‌ సినిమా గురించి అలీ ఫజల్‌ మాట్లాడుతూ– ‘‘ఇది బయోపిక్‌.  వార్‌ బ్యాక్‌డ్రాప్‌లో ఈ సినిమా ఉంటుంది. ఈ సినిమాలో నేను ఒక లీడ్‌ రోల్‌ చేయబోతున్నా. నాకు అక్కడ పెద్దగా మార్కెట్‌ లేదు. అందుకే ఇతర కీలక పాత్రలకు పెద్ద స్టార్స్‌ ఈ సినిమాలో భాగం అయితే మరింత మైలేజ్‌ వస్తుంది. నిజానికి ఈ సినిమా ఈ ఏడాది చివర్లోనే స్టార్ట్‌ కావాల్సింది. కానీ నాకు ఉన్న కొన్ని కమిట్‌మెంట్స్‌ కారణంగా ఈ సినిమా చిత్రీకరణ 2020లో స్టార్ట్‌ కావచ్చని అనుకుంటున్నాను’’ అన్నారు. ప్రస్తుతం అమెజాన్‌ ప్రైమ్‌కు చెందిన ఓ వెబ్‌ సిరీస్‌తో బిజీగా ఉన్నారాయన.

ముంబై : హీరోయిన్లే కాదు హీరోలను కూడా వదలడం లేదు సైబర్‌ నేరగాళ్లు. ఇటీవలే తమ ఫోన్లు హ్యాకింగ్‌ గురయ్యాయంటూ హీరోయిన్లు అక్షరా హసన్‌, హన్సిక ఆవేదన వ్యక్తం చేసిన సంగతి తెలిసిందే. తమ ప్రైవేటు ఫొటోలు లీక్‌ అవడంతో.. సోషల్‌ మీడియా ద్వారా అభిమానులకు వివరణ ఇచ్చుకున్నారు ఈ ముద్దుగుమ్మలు. తాజాగా.. బాలీవుడు నటుడు అలీ ఫజల్‌ కూడా వీరి కోవలో చేరిపోయాడు. తనకు సంబంధించిన నగ్న ఫొటోలు ఆన్‌లైన్‌లో దర్శనమివ్వడంతో అలీ షాక్‌కు గురయ్యాడు. ఈ విషయం గురించి మాట్లాడుతూ.. ‘ అవును ఆ ఫొటోలో ఉంది నేనే.. అయితే ఆ ఫొటోలు ఎలా బయటికి వచ్చాయో నాకు తెలీదు. సమయం వచ్చినపుడు నేను అన్నీ వివరిస్తాను’ అంటూ అలీ ఇన్‌స్టాగ్రామ్‌లో సెల్ఫీ వీడియో పోస్ట్‌ చేశాడు. ఇది నిజంగా చీప్‌ టెక్నిక్‌, వాళ్లది వరస్ట్‌ టేస్ట్‌ అని మండిపడ్డాడు. కాగా అలీ ఫజల్‌ నటించిన ‘మిలాన్‌ టాకీస్‌’సినిమా మార్చి 15న విడుదల కానుంది. అలీ ప్రస్తుతం ఈ మూవీ ప్రమోషన్లలో బిజీగా ఉన్నాడు. View this post on Instagram Not Cool... A post shared by ali fazal (@alifazal9) on Feb 23, 2019 at 4:33am PST

‘యు–టర్న్‌’ సినిమాతో ఆడియన్స్‌తో పాటు దర్శక–నిర్మాతల దృష్టిని తనవైపు తిప్పుకున్నారు కన్నడ బ్యూటీ శ్రద్ధా శ్రీనాథ్‌. ఆ తర్వాత ఆమెకు తమిళ, తెలుగు భాషల్లో వరుస ఆఫర్లు వస్తున్నాయి. తెలుగులో నాని హీరోగా రూపొందుతున్న ‘జెర్సీ’ చిత్రంలో శ్రద్ధా శ్రీనాథ్‌నే కథానాయిక అన్న విషయం తెలిసిందే. అలాగే తమిళంలో అజిత్‌ నటిస్తున్న ‘పింక్‌’ రీమేక్‌లో లీడ్‌ రోల్‌ చేస్తున్నారామె. కన్నడంలో ‘కే–13’ అనే సినిమాలో కూడా శ్రద్ధానే హీరోయిన్‌. ఇలా సౌత్‌ సినిమాలతో బిజీగా ఉన్న ఆమె బాలీవుడ్‌కు ‘మిలాన్‌ టాకీస్‌’ అనే లవ్‌స్టోరీతో ఎంట్రీ ఇస్తున్నారు. ఇందులో అలీ ఫజల్‌ హీరోగా నటిస్తున్నారు. 2013లో వచ్చిన ‘పాన్‌ సింగ్‌ తోమర్‌’ సినిమాతో జాతీయ అవార్డు సాధించిన తిగ్మాంషు ధూలియా ఈ చిత్రానికి దర్శకత్వం వహిస్తున్నారు. సంజయ్‌ మిశ్రా, అశుతోష్‌ రానా కీలక పాత్రలు చేస్తున్నారు. ఈ సినిమా ఫస్ట్‌ లుక్‌ను మంగళవారం విడుదల చేశారు. ఈ రోజు ట్రైలర్‌ విడుదల అవుతుంది.‘‘బాలీవుడ్‌కు హీరోయిన్‌గా పరిచయం కాబోతున్నందుకు చాలా హ్యాపీగా ఉంది. మంగళవారం ఫస్ట్‌ లుక్‌ రిలీజ్‌ చేశాం. బుధవారం ట్రైలర్‌ విడుదలవుతోంది. చాలా ఎగై్జటింగ్‌గా ఉంది’’ అన్నారు శ్రద్ధా శ్రీనాథ్‌. ఈ చిత్రం మార్చి 15న విడుదల కానుంది.   

బాలీవుడ్ బ్యూటీ సోనాక్షి సిన్హా మరో డిఫరెంట్‌ మూవీతో ప్రేక్షకుల ముందుకు వచ్చేందుకు రెడీ అవుతున్నారు. దబాంగ్‌ లాంటి కమర్షియల్‌ ఎంటర్‌టైనర్‌తో వెండితెరకు పరిచయం అయిన సోనాక్షి తరువాత సినిమాల ఎంపికలో కొత్తగా ఆలోచిస్తున్నారు. కేవలం గ్లామర్‌షోకు పరిమితమైపోకుండా నటనకు అవకాశమున్న పాత్రల్లో ఆకట్టుకుంటున్నారు. అదే బాటలో త్వరలో హ్యాపీ ఫిర్‌ బాగ్‌ జాయేగీ సినిమాతో అలరించేందుకు రెడీ అవుతున్నారు. కామెడీ ఎంటర్‌టైనర్‌గా తెరకెక్కుతున్న ఈ సినిమాను ఆనంద్‌ ఎల్‌ రాయ్‌ నిర్మిస్తుండగా ముదస్సర్‌ అజీజ్‌ దర్శకత్వం వహిస్తున్నారు. పారిపోయిన పెళ్లికూతురు హ్యాపి సోనాక్షి అనుకొని ఆమెను పట్టుకోవటం తరువాత నిజం తెలుసుకోని హ్యాపిని పట్టుకునేందుకు సోనాక్షి సాయం చేయటం అనే కథతో ఈ సినిమా రూపొందుతోంది. డయానపెంటీ, పియూష్ మిశ్రా, జిమ్‌ శెర్గిల్‌, అభయ్‌ డియోల్‌ అలీ ఫజల్‌లు ఇతర కీలక పాత్రలో నటిస్తున్న ఈ సినిమాను ఆగస్టు 24న రిలీజ్ చేసేందుకు ప్లాన్ చేస్తున్నారు.

‘హ్యాపీ ఫిర్‌ భాగ్‌ జాయేగీ’ మూవీ టీమ్‌కి టైమ్‌ బాగాలేనట్లుంది. ఎక్కడ షూటింగ్‌ స్టార్ట్‌ చేసినా ఏదో ఒక కారణంతో బ్రేక్‌ పడుతోంది. సోనాక్షి సిన్హా, డయానా పెంటీ, అభయ్‌ డియోల్, అలీ ఫాజల్‌ ముఖ్యతారలుగా ముదసర్‌ అజీజ్‌ దర్శకత్వంలో రూపొందుతోన్న సినిమా ‘హ్యాపీ ఫిర్‌ భాగ్‌ జాయేగీ’. రెండేళ్ల కిత్రం అజీజ్‌ దర్శకత్వంలోనే వచ్చిన ‘హ్యాపీ భాగ్‌ జాయేగీ’ సినిమాకు సీక్వెల్‌ ఇది. రీసెంట్‌గా ఈ సినిమా షూటింగ్‌ను థాయ్‌ల్యాండ్‌లో స్టార్ట్‌ చేశారు. కానీ అక్కడ లొకేషన్స్‌కు పర్మిషన్స్‌ ప్రాబ్లమ్స్‌తో షూటింగ్‌ను నిలిపివేయాల్సి వచ్చింది. నెక్ట్స్‌ మలేసియాలో కొత్త షెడ్యూల్‌ను ప్లాన్‌ చేశారు. కానీ అక్కడి కౌలాలంపూర్‌లో వెదర్‌ బాగాలేక ప్రజెంట్‌ షూటింగ్‌ ఆగిపోయింది. వెదర్‌ కండీషన్స్‌ షూటింగ్‌కు అనుకూలించకపోతే టీమ్‌ ముంబై రావాలని ప్లాన్‌ చేస్తోందట. ఆల్రెడీ సినిమాను ఆగస్టులో రిలీజ్‌ చేస్తామని ప్రకటించారు. అయితే అనుకున్నట్లుగా షూటింగ్‌ సాగకపోవడంతో ‘ప్చ్‌.. టైమ్‌ బాగాలేదు’ అనుకుంటున్నారట చిత్రబృందం.

ఈ మధ్య తాప్సీకి ఒక అదృశ్య అతిథి పరిచయం అయ్యారట. ఎవ్వరికీ కనిపించరు. కేవలం తాప్సీకి మాత్రమే కనిపిస్తారట. ఏంటి.. బాయ్‌ఫ్రెండ్‌ గురించి మాట్లాడుతున్నాం అనుకుంటున్నారా? అస్సలు కాదండి. ఈ అదృశ్య అతిథి కేవలం సినిమాలో పాత్ర మాత్రమే. స్పానిష్‌ మూవీ ‘కాంట్రాటింపో’(ఇంగ్లీష్‌ వెర్షన్‌లో ‘ది ఇన్‌విజిబుల్‌ గెస్ట్‌’) హిందీలోకి రాబోతోంది. ఈ స్పానిష్‌ థ్రిల్లర్‌ను బాలీవుడ్‌ దర్శకుడు సంజయ్‌ ఘోష్‌ హిందీలో రీమేక్‌ చేస్తున్నారు. తాప్సీ హీరోయిన్‌గా నటించనున్న  ఈ సినిమాలో బిజినెస్‌మేన్‌గా అలీ ఫాజల్‌ కనిపించనున్నారు. అమితాబ్‌ బచ్చన్‌ కూడా నటించనున్నారని టాక్‌. సో.. ఈ సినిమాలో తాప్సీ కోసం వచ్చే ఆ ‘అదృశ్య అతిథి’ ఎవరో తెలియాలంటే రిలీజ్‌ వరకూ ఆగాల్సిందే. జూన్‌లో ఈ సినిమా సెట్స్‌పైకి వెళ్లనుంది. ఒకటే షెడ్యూల్‌లో సినిమాను పూర్తి చేయాలని చిత్రబృందం ప్లాన్‌ చేస్తోందట. డెహ్రాడూన్‌లో ఎక్కువ భాగం షూటింగ్‌ జరుపుకోనుంది. ఈ సంగతి ఇలా ఉంచితే  ఇండియన్‌ హాకీ ప్లేయర్‌ సందీప్‌ సింగ్‌ జీవితం ఆధారంగా షాద్‌ అలీ దర్శకత్వంలో రూపొందిన చిత్రం ‘సూర్మ’. దిల్జీత్‌ సింగ్, తాప్సీ నటించిన ఈ సినిమాను జూలై 13న రిలీజ్‌ చేయాలనుకుంటున్నారు. ఈ సినిమాలో హాకీ ప్లేయర్‌గా కనిపించనున్నారు తాప్సీ.

యాక్టింగ్‌లోకి ఎంట్రీ ఇచ్చిన మూడేళ్లకే బాలీవుడ్‌ గడప తొక్కారు కన్నడ కథానాయిక శ్రద్ధా శ్రీనాథ్‌. కన్నడ ‘యూ టర్న్‌’ సినిమాతో ఫేమ్‌లోకి వచ్చిన ఈ బ్యూటీ ఆ తర్వాత తమిళ్‌ ఇండస్ట్రీలోనూ మంచి ఫామ్‌లో కొనసాగుతున్నారు. ఇప్పుడు బాలీవుడ్‌కి వెళుతున్నారు. ‘సాహెబ్‌ బీబీ ఔర్‌ గ్యాంగ్‌స్టర్‌’ ఫ్రాంచైజ్‌ దర్శకుడు తిగ్మాంషు థులీయా దర్శకత్వంలో రూపొందనున్న ఓ సినిమాలో కథానాయికగా ఎంపికయ్యారు శ్రద్ధా. ఈ సినిమాలో అలీ ఫైజల్‌ హీరోగా నటించనున్నారు. ‘‘బాలీవుడ్‌ సినిమా చేయబోతున్నందుకు హ్యాపీగా ఉంది. తిగ్మాంషుగారు ‘పాన్‌సింగ్‌ తోమర్‌’, ‘సాహెబ్‌ బీబీ ఔర్‌ గ్యాంగ్‌స్టర్‌’ వంటి గుడ్‌ ఫిల్మ్స్‌ను రూపొందించారు. ఆయన దర్శకత్వంలో నటించనుండటం ఆనందంగా ఉంది. ఫన్‌ లవ్‌స్టోరీగా తెరకెక్కబోయే ఈ చిత్రంలో ఆలీ ఫైజల్‌ నా కో–స్టార్‌’’ అని పేర్కొన్నారు శ్రద్ధా. ఈ సినిమా షూటింగ్‌ వచ్చే నెలలో లక్నోలో స్టార్ట్‌ కానుంది.


 ఇప్పటికే బాలీవుడ్ ఇండస్ట్రీలో పలువురు హాలీవుడ్ నటులు కనిపించారు. తాజాగా మరో ఇంట్రస్టింగ్ ప్రాజెక్ట్ తెరకెక్కుతోంది. అంతర్జాతీయ స్థాయిలో తిరుగులేని ఫ్యాన్ ఫాలోయింగ్ ఉన్న పాప్ సింగర్ మైకేల్ జాక్సన్ కూతురు పారిస్ జాక్సన్లో బాలీవుడ్ సినిమాలో నటించనుంది. ఇప్పటికే పారిస్ను సంప్రదించిన మూవీ టీం ఆమె అంగీకారం పొందారు. త్వరలోనే ఈ ప్రాజెక్ట్ సెట్స్ మీదకు వెళ్లనుంది.
 
 బాలీవుడ్ బ్యూటి రిచా ఛడ్డా, పాకిస్తానీ నటుడు అలీ ఫజల్లు కీలక పాత్రల్లో నటిస్తున్న సినిమాలో పారిస్ జాక్సన్ కీలక పాత్రలో నటించనుంది. ప్రధానంగా ఇంగ్లీష్తో తెరకెక్కిస్తున్న ఈ సినిమాను భారతీయ సినిమాగానే తెరకెక్కిస్తున్నారు. పారిస్ జాక్సన్కు జంటగా ఓ హాలీవుడ్ నటుణ్ని సంప్రదిస్తున్నారు. ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఈ సినిమా ఏప్రిల్ చివర్లో సెట్స్ మీదకు వెళ్లనుంది.


 న్యూఢిల్లీ: త్వరలో ప్రేక్షకుల ముందుకు రాబోయే ఫాస్ట్ అండ్ ఫ్యూరియస్ 7 ప్రమోషన్ నుంచి హాలీవుడ్ నటుడు అలీఫజల్ నిష్క్రమించాడు. దీనికి కారణం లేకపోలేదు. అదేమిటంటే సోనీ రజ్దాన్ దర్శకత్వంలో ఆయన ''లవ్ అఫైర్'' అనే సినిమా చేయబోతున్నాడు. ఈ కారణంతోనే అతడు ప్రమోషన్ కు హాజరుకావటంలేదని అలీఫజల్ సన్నిహితులు తెలిపారు. అయితే ఈ సినిమా ప్రీమియర్ కు మాత్రం ఆయన హాజరయ్యే అవకాశం ఉంది. ఈ విషయాన్ని ఆయనే స్వయంగా వెల్లడించారు. ఫాస్ట్ అండ్ ఫ్యూరియస్ 7  సినిమా ప్రీమియర్ కు హాజరయ్యేందుకు ప్రయత్నిస్తానని అలీఫజల్ తెలిపారు.
  
 ఇదిలాఉండగా ఫాస్ట్ అండ్ ప్యూరియస్ 7 సినిమాలో అలీఫజల్ మూడు సీన్లలో కనిపించనున్నారు. అంతేకాకుండా ఈ సినిమాలో హాలీవుడ్ నటుడు విన్ డీజిల్ కూడా నటించారు. ఫాస్ట్ అండ్ ఫ్యూరియస్ 7 భారత్ లో ఏప్రిల్ 2 వ తేదీ విడుదలకు సిద్ధమైంది. ఈ సినిమాను ఇంగ్లీష్, హిందీతో పాటు ప్రాంతీయ భాషలైన తెలుగు, తమిళ్ లోనూ విడుదల చేయడానికి నిర్మాతలు సన్నాహాలు చేస్తున్నారు.


 ముంబై:'బాబీ జాసెస్'హీరో ఆలీ ఫజల్ నిరాశలో మునిగిపోయాడు. ఎప్పట్నుంచో కాశ్మీర్ లో షూటింగ్ కోసం ఎదురుచూస్తున్న ఈ నటుడు.. అక్కడ షూటింగ్ కు వాతావరణం అనుకూలించకపోవడంతో అసంతృప్తిగా చెందుతున్నాడు. మహేష్ భట్ నిర్మాణ సారథ్యంలో రూపొందుతున్న 'ఖామోషియన్' రెండో షెడ్యూల్ షూటింగ్ కాశ్మీర్ లో జరగాల్సి ఉంది.అయితే ఈ మధ్య కాశ్మీర్ ను వరదలు ముంచెత్తడంతో అక్కడి పరిస్థితులు షూటింగ్ చేయడానికి అనువుగా లేవు.
  
 'నేను కాశ్మీర్ లో షూటింగ్ కోసం చాలా కాలం నుంచి నిరీక్షిస్తున్నాను. అక్కడి అందాల్ని చూస్తూ షూటింగ్ లో పాల్గొనాలనుకున్నా.దీని కారణం కాశ్మీర్ ను నేను ఎప్పుడు సందర్శించకపోవడమే' ఆలీ ఫజల్ స్పష్టం చేశాడు. అయితే కాశ్మీర్ త్వరలోనే సాధారణ పరిస్థితికి రావాలిని తాను కోరుకుంటున్నట్లు ఆలీ తెలిపాడు.
  


 న్యూఢిల్లీ: అమెరికన్ పొలిటికల్ థ్రిల్లర్ టీవీ సిరీస్ నిర్మిస్తున్న హోమ్ ల్యాండ్ తదుపరి ఎడిషన్ లో బాలీవుడ్ నటి నిర్మత్ కౌర్ కు అవకాశం దక్కడం పట్ల బాలీవుడ్ నటుడు ఆలీ ఫజల్ ఆనందం వ్యక్తం చేశాడు.  ప్రింట్ మోడల్ గా కెరీర్ ను ఆరంభించి తనకంటూ ప్రత్యేక స్థానం ఏర్పరుచుకున్న నిర్మత్ కౌర్ కు  ఈ అవకాశం రావడం వెనుక ఆమె కష్టం చాలానే ఉందన్నాడు. 'హోమ్  ల్యాండ్ సిరీస్ లో నిర్మత్ చేస్తున్నందుకు సంతోషంగా ఉంది. బాలీవుడ్ లో ఆమె చేసిన పలు ప్రాజెక్టులతోనే ఆ అవకాశాన్ని దక్కించుకుంది. మేమిద్దరం కలిసి చాలా కార్యక్రమాలు చేశాం. నాకు ఆమె మంచి స్నేహితురాలు. ఈ చక్కటి అవకాశం ఆమెకు వచ్చినందుకు చాలా ఆనందంగా ఉంది' అని జాతీయ వార్త సంస్థకు ఇచ్చిన ఇంటర్యూలో పేర్కొన్నాడు.
  
 తాను ప్రస్తుతం ఖామోషియాన్ సినిమా షూటింగ్ లో బిజీగా ఉన్నానని ఆలీ ఫజల్ తెలిపాడు. 'బాబీ జాసెస్ విడుదలకు ముందే ఈ చిత్రాన్ని అంగీకరించినట్లు ఒక ప్రశ్నకు సమాధానంగా చెప్పాడు. తాను నటించిన 'సోనాలి కేబుల్' చిత్రం అక్టోబర్ లో విడుదలవుతుందన్నాడు.


 ముంబై:' బాబీ జాసెస్' విడుదలైన అనంతరం నటుడు ఆలీ ఫజల్ మరో చిత్ర షూటింగ్ కు సిద్ధమవుతున్నాడు. ముఖేష్ భట్ నిర్మాణ సారథ్యంలో రూపొందుతున్న 'ఖామోషియన్' చిత్రంలో ఆలీ ఫజల్ నటించనున్నాడు. ఇందులో భాగంగానే ఆ షూటింగ్ ను కాశ్మీర్ లో చేయదలచుకున్నారు. ఆ షూటింగ్ కోసం ఆలీ ఫజల్ ఆత్రుతగా ఎదురుచూస్తున్నాడట. ఆ విషయాన్ని అతనే స్వయంగా ప్రకటించాడు. 'ఆ సినిమా షూటింగ్ ను కాశ్మీర్ లో ఎప్పుడు చేస్తారా?అని నిరీక్షిస్తున్నాను. నేను ఇప్పటి వరకూ కాశ్మీర్ చూడలేదు. నాన్న శ్రీనగర్ కు కాలేజీకి వెళ్లడమే మాత్రమే నాకు తెలుసు.  కాశ్మీర్ వాలీ అద్భుతంగా ఉంటుందని తల్లి దండ్రులు చెప్పగా విన్నాను' అంటూ కాశ్మీర్ పై తన ప్రేమను తెలియజేశాడు ఫజల్. 
  
 కాశ్మీర్ లో షూటింగ్ త్వరలో ప్రారంభిస్తున్నట్లు చిత్ర నిర్మాత ముఖేష్ భట్  ప్రకటించడంతో చెప్పలేని సంతోషంతో ఉన్నానని అన్నాడు. ఈ చిత్ర షూటింగ్ సెప్టెంబర్ లో కాశ్మీర్ లో జరిగే అవకాశం ఉందన్నాడు. అక్కడ దాదాపు 15 రోజుల పాటు షూటింగ్ ఉంటుందని ఫజల్ తెలిపాడు.