టీమిండియా కెప్టెన్‌ రోహిత్‌ శర్మ ఆస్ట్రేలియాతో తొలి టెస్టుకు దూరం కానున్నట్లు గత కొంతకాలంగా వార్తలు వినిపిస్తున్నాయి. అయితే, అందుకు గల కారణమేమిటన్నది ఇంత వరకు స్పష్టం కాలేదు. ఈ నేపథ్యంలో తాజాగా ఆసక్తికర అంశం తెరమీదకు వచ్చింది. పితృత్వ సెలవుల కారణంగానే హిట్‌మ్యాన్‌ ఆసీస్‌తో ఆరంభ మ్యాచ్‌లకు దూరం కానున్నట్లు సమాచారం.రెండోసారి తండ్రి కాబోతున్న రోహిత్‌!అవును.. రోహిత్‌ శర్మ రెండోసారి తండ్రి కాబోతున్నాడట. అతడి భార్య రితికా సజ్దే త్వరలోనే తమ రెండో బిడ్డకు జన్మనివ్వబోతున్నట్లు తెలుస్తోంది. మాజీ క్రికెటర్‌ అభినవ్‌ ముకుంద్‌ జియో సినిమాతో మాట్లాడుతూ ఈ విషయాన్ని ధ్రువీకరించాడు. పెటర్నిటీ లీవ్‌లో ఉన్నందు వల్లే రోహిత్‌ కాస్త ఆలస్యంగా ఆస్ట్రేలియాకు చేరుకోనున్నట్లు వెల్లడించాడు.స్వదేశంలో చెత్త రికార్డుఆస్ట్రేలియా మాజీ కెప్టెన్‌ ఆరోన్‌ ఫించ్‌ సైతం రోహిత్‌ త్వరలోనే శుభవార్త చెప్పబోతున్నాడనే సంకేతాలు ఇచ్చాడు. కాగా టీమిండియాకు టీ20 ప్రపంచకప్‌-2024 ట్రోఫీ అందించిన కెప్టెన్‌ రోహిత్‌ శర్మ.. ఇటీవల సారథిగా చెత్త రికార్డును రికార్డును మూటగట్టుకున్నాడు. స్వదేశంలో తొలిసారి మూడు మ్యాచ్‌ల టెస్టు సిరీస్‌లో వైట్‌వాష్‌కు గురైన భారత జట్టు కెప్టెన్‌గా నిలిచాడు.న్యూజిలాండ్‌తో ఇటీవల బెంగళూరు, పుణె, ముంబై టెస్టుల్లో రోహిత్‌ సారథ్యంలోని టీమిండియా ఓడిపోయింది. ఇక తదుపరి ఆస్ట్రేలియా పర్యటనలో బోర్డర్‌- గావస్కర్‌ ట్రోఫీలో భాగంగా ఐదు మ్యాచ్‌ల టెస్టు సిరీస్‌ ఆడనుంది. ఇందులో కనీసం నాలుగు గెలిస్తేనే ప్రపంచ టెస్టు చాంపియన్‌షిప్‌ 2023-25 ఫైనల్‌కు భారత్‌ చేరుకుంటుంది.ఇంతటి కీలకమైన సిరీస్‌లో రోహిత్‌ శర్మ ఆరంభ​ మ్యాచ్‌లకు దూరంగా ఉండనున్నాడన్న వార్తల నడుమ.. భారత క్రికెట్‌ దిగ్గజం సునిల్‌ గావస్కర్‌ ఘాటుగా స్పందించాడు. ఒకవేళ రోహిత్‌కు విశ్రాంతినివ్వాలనుకుంటే ఆసీస్‌తో టెస్టుల్లో జస్‌ప్రీత్‌ బుమ్రానే కెప్టెన్‌గా నియమించాలని సూచించాడు.ఒకవేళ భార్య ప్రసవం కోసమే అయితే..ఈ నేపథ్యంలో ఆరోన్‌ ఫించ్‌ స్పందిస్తూ.. గావస్కర్‌ వ్యాఖ్యలతో తాను విభేదిస్తున్నట్లు తెలిపాడు. ‘‘భారత క్రికెట్‌ జట్టుకు రోహిత్‌ శర్మ కెప్టెన్‌. ఒకవేళ భార్య ప్రసవం కోసం.. అతడు ఇంటిదగ్గరే ఉండాలనుకుంటే.. అంతకంటే అందమైన క్షణాలు ఉండవు.కాబట్టి అతడు సెలవు తీసుకున్నా మరేం పర్లేదు. అతడికి ఆ హక్కు ఉంది’’ అని పేర్కొన్నాడు. ఒకటీ రెండు మ్యాచ్‌లకు దూరమైనంత మాత్రాన సిరీస్‌ మొత్తానికి కేవలం ఆటగాడిగానే పరిగణించాలనడం సరికాదని గావస్కర్‌ వ్యాఖ్యలను ఫించ్‌ ఖండించాడు.సమైరాకు చెల్లి లేదంటే తమ్ముడు!ఇక కివీస్‌తో ముంబై టెస్టు తర్వాత రోహిత్‌ శర్మ మాట్లాడుతూ.. ‘‘నేను ఆస్ట్రేలియాకు ఇప్పుడే వెళ్తానో లేనో చెప్పలేను’’ అని పేర్కొన్నాడు. ఈ పరిణామాల నేపథ్యంలో సమైరాకు చెల్లి లేదంటే తమ్ముడు రావడం కన్‌ఫామ్‌ అంటూ ఫ్యాన్స్‌ నెట్టింట సందడి చేస్తున్నారు. కాగా 2015లో స్పోర్ట్స్‌ మేనేజర్‌ రితికా సజ్దేను రోహిత్‌ వివాహం చేసుకున్నాడు. ఈ జంటకు తొలి సంతానంగా 2018లో కుమార్తె సమైరా జన్మించింది.చదవండి: #Shreyas Iyer: శ్రేయస్ అయ్యర్ ఊచకోత.. కెరీర్‌లో తొలి డబుల్ సెంచరీ

ఐపీఎల్‌-2024లో రాయల్‌ చాలెంజర్స్‌ బెంగళూరు చెత్త ప్రదర్శన కనబరుస్తోంది. ఇప్పటి వరకు ఆడిన ఎనిమిది మ్యాచ్‌లలో కేవలం ఒక్కటి మాత్రమే గెలిచి.. ఇప్పటికే ప్లే ఆఫ్స్‌ రేసు నుంచి దాదాపుగా నిష్క్రమించింది. ఈ నేపథ్యంలో ఫాఫ్‌ డుప్లెసిస్‌ బృందంపై ఆస్ట్రేలియా మాజీ కెప్టెన్‌, గతంలో ఆర్సీబీకి ఆడిన ఆరోన్‌ ఫించ్‌ కీలక వ్యాఖ్యలు చేశాడు. ఈ సీజన్‌లో ఆర్సీబీ వైఫల్యాలకు కారణాలు ఇవేనంటూ తన అభిప్రాయాలు పంచుకున్నాడు.‘‘వేలం సమయంలోనే వారు తప్పటడుగు వేసినట్లు కనిపించింది. బ్యాటర్ల కోసం కోట్లకు కోట్లు ఖర్చుపెట్టారు గానీ బౌలింగ్‌ విభాగంపై పెద్దగా దృష్టి సారించలేదు.ముఖ్యంగా ఈ జట్టులో ఒక్క వరల్డ్‌క్లాస్‌ స్పిన్నర్‌ కూడా లేడు. ఈ విషయంలో కేకేఆర్‌ పూర్తిగా విజయవంతమైంది. వాళ్లకు సునిల్‌ నరైన్‌ రూపంలో ప్రపంచస్థాయి స్పిన్‌ బౌలర్‌ దొరికాడు. ఒంటిచేత్తో మ్యాచ్‌ను మలుపు తిప్పేయగలడు.ఆర్సీబీకి మాత్రం ఇలాంటి స్పిన్నర్‌ లేడు. మరో విషయం ఏమిటంటే.. వాళ్లు పెద్ద మొత్తం వెచ్చించి ఎంతో మంది ఆటగాళ్లను కొనుగోలు చేశారు. వారిలో కామెరాన్‌ గ్రీన్‌ కూడా ఒకడు.అతడికి చెల్లించే జీతం భారీ మొత్తంలో ఉంటుంది. అలాంటపుడు సేవలను ఉపయోగించుకోవడంలోనూ తెలివిగా వ్యవహరించాలి కదా! నిజానికి మిడిలార్డర్‌లో కంటే టాపార్డర్‌లోనే గ్రీన్‌ మెరుగ్గా రాణించగలడు.కానీ అతడిని మిడిలార్డర్‌లోనే పంపిస్తున్నారు. తనకు సౌకర్యంగా లేని స్థానంలో వెళ్లి బ్యాటింగ్‌ చేయమని చెప్తే ఏ ఆటగాడైనా ఏం చేయగలడు. కచ్చితంగా ఇబ్బంది పడతాడు కదా’’ అని ఆరోన్‌ ఫించ్‌ ఆర్సీబీ నిరాశజనక ప్రదర్శనకు ఈ రెండూ కారణం కావొచ్చని స్టార్‌ స్పోర్ట్స్‌ షోలో చెప్పుకొచ్చాడు. కాగా ఆస్ట్రేలియా స్టార్‌ కామెరాన్‌ గ్రీన్‌ కోసం ఆర్సీబీ రూ. 17.50 కోట్లు వెచ్చించి ముంబై ఇండియన్స్‌ నుంచి ట్రేడ్‌ చేసుకుంది. అయితే, టాపార్డర్‌లో పవర్‌ఫుల్‌ స్ట్రైకర్‌ అయిన గ్రీన్‌ను మిడిలార్డర్‌లో ఆడిస్తోంది. విరాట్‌ కోహ్లితో కలిసి ఫాఫ్‌ డుప్లెసిస్‌ ఓపెనింగ్‌ చేస్తుండగా.. గత మ్యాచ్‌లో విల్‌జాక్స్‌ వన్‌డౌన్లో రాగా..పేస్‌ఆల్‌రౌండర్‌ గ్రీన్‌ ఐదో స్థానంలో బరిలోకి దిగాడు.చదవండి: MS Dhoni Angry Video: ‘నన్నెందుకు చూపిస్తున్నావు?’.. ధోని సీరియస్‌.. వీడియో వైరల్‌ var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఆస్ట్రేలియా టీ20 జట్టుకు కొత్త కెప్టెన్‌ వచ్చే సూచనలు స్పష్టంగా కనిపిస్తున్నాయి. రెగ్యులర్‌ కెప్టెన్‌ పాట్‌ కమిన్స్‌ స్థానంలో మిచెల్‌ మార్ష్‌ ఆసీస్‌ టీ20 జట్టుకు సారధిగా ఎంపికయ్యే అవకాశం ఉంది. మార్ష్‌కు టీ20 జట్టు పగ్గాలు అప్పజెప్పాలని ఆ జట్టు హెడ్‌ కోచ్‌ ఆండ్రూ మెక్‌ డొనాల్డ్‌ క్రికెట్‌ ఆస్ట్రేలియాపై ఒత్తిడి తెస్తున్నట్లు సమాచారం. జార్జ్‌ బెయిలీ అధ్యక్షుడిగా ఉన్న సెలెక్షన్‌ కమిటీలో మెంబర్‌ కూడా అయిన మెక్‌ డొనాల్డ్‌ మార్ష్‌ ఈ ఏడాది జరుగబోయే టీ20 వరల్డ్‌కప్‌లో ఆసీస్‌ పగ్గాలు చేపట్టాలని బలంగా కోరుకుంటున్నాడు. టీ20 బాధ్యతలు వదులుకునేందుకు రెగ్యులర్‌ కెప్టెన్‌ పాట్‌ కమిన్స్‌ కూడా సుముఖంగా ఉన్నట్లు తెలుస్తుంది. ఆసీస్‌ టీ20 జట్టు సారధిగా మార్ష్‌కు ఘనమైన రికార్డే ఉంది. మెక్‌ డొనాల్డ్‌ మార్ష్‌ వైపు మొగ్గు చూపేందుకు ఇది కూడా ఓ కారణంగా తెలుస్తుంది. 32 ఏళ్ల మార్ష్‌ ఆరోన్‌ ఫించ్‌ కెప్టెన్సీ నుంచి తప్పుకున్న తర్వాత జరిగిన తొలి సిరీస్‌లోనే ఆస్ట్రేలియాను విజయపథాన నడిపించాడు. వరల్డ్‌ టెస్ట్‌ ఛాంపియన్‌షిప్‌ ఫైనల్‌ 2021-23 అనంతరం సౌతాఫ్రికాతో జరిగిన 3 మ్యాచ్‌ల టీ20 సిరీస్‌ను మార్ష్‌ నేతృత్వంలోని ఆసీస్‌ క్లీన్‌ స్వీప్‌ చేసింది. ఆ సిరీస్‌లో మార్ష్‌ బ్యాటర్‌గా కూడా రాణించి (92 నాటౌట్‌, 79 నాటౌట్‌) ప్లేయర్‌ ఆఫ్‌ ద సిరీస్‌గా నిలిచాడు. ఈ ఏడాది ఆరంభంలో విండీస్‌తో జరిగిన సిరీస్‌లోనూ ఆసీస్‌ కెప్టెన్‌గా వ్యవహరించిన మార్ష్‌.. ఈ సిరీస్‌లోనూ ఆసీస్‌ను విజయపథాన నడిపించాడు. ఈ సిరీస్‌ను ఆసీస్‌ 2-1 తేడాతో కైవసం చేసుకుంది. ఇటీవల న్యూజిలాండ్‌ గడ్డపై జరిగిన సిరీస్‌లోనూ మార్ష్‌ కెప్టెన్‌గా, ఆటగాడిగా అత్యుత్తమంగా రాణించాడు. ఈ సిరీస్‌ను సైతం ఆసీస్‌ 3-0 తేడాతో క్లీన్‌ స్వీప్‌ చేసింది. మార్ష్‌కు ఉన్న ఈ ట్రాక్‌ రికార్డే ప్రస్తుతం అతన్ని ఆసీస్‌ టీ20 జట్టు కెప్టెన్‌ రేసులో నంబర్‌ వన్‌ స్థానంలో నిలబెట్టింది. ఫాస్ట్‌ బౌలింగ్‌ ఆల్‌రౌండర్‌ అయిన మార్ష్‌.. తన కెరీర్‌లో 54 టీ20లు ఆడి తొమ్మిది హాఫ్‌ సెంచరీల సాయంతో 1432 పరుగులు చేశాడు. బౌలింగ్‌లో 17 వికెట్లు పడగొట్టాడు. టీ20 వరల్డ్‌కప్‌లో ఆసీస్‌ తమ తొలి మ్యాచ్‌ను జూన్‌ 6న ఆడనుంది. దీనికి ముందు ఆసీస్‌ ఒక్క టీ20 మ్యాచ్‌ కూడా ఆడటం లేదు. టీ20 వరల్డ్‌కప్‌ జూన్‌ 1 నుంచి ప్రారంభంకానుంది.

టీ20 వరల్డ్‌కప్‌-2024కు వెస్టిండీస్‌, అమెరికా సంయుక్తంగా ఆతిథ్యం ఇవ్వనున్న సంగతి తెలిసిందే. జూన్‌ 1 నుంచి ఈ మెగా టోర్నీ ఆరంభం కానుంది. అయితే ఈ క్రికెట్‌ మహా సంగ్రామానికి  ఇంకా నాలుగు నెలల సమయం ఉన్నప్పటికి మాజీ క్రికెటర్లు అంచనాలు, అభిప్రాయాలు ఇప్పటి నుంచే మొదలెట్టేశారు. తాజాగా ఆసీస్‌ మాజీ కెప్టెన్‌ ఆరోన్‌ ఫించ్‌ టీ20 వరల్డ్‌కప్‌కు తమ జట్టు ప్లేయింగ్‌ ఎలెవన్‌ను ఎంపిక చేశాడు. తాజాగా ఈఎస్పీఎన్‌  అరౌండ్ ది వికెట్ షోలో ఫించ్‌ పాల్గోనున్నాడు. ఈ క్రమంలో పొట్టి వరల్డ్‌కప్‌లో భాగమయ్యే ఆసీస్ ప్లేయింగ్‌ ఎలెవన్‌ను ఫించ్‌ ఎంచుకున్నాడు. ఓపెనర్లగా డేవిడ్‌ వార్నర్‌, ట్రావిస్‌ హెడ్‌ను ఎంపిక చేసిన ఫించ్‌.. స్టార్‌ ఆటగాడు స్టీవ్‌ స్మిత్‌కు తన తుది జట్టులో చోటు ఇవ్వలేదు. వరుసగా ఫస్ట్‌, సెకెండ్‌ డౌన్‌లో మిచెల్ మార్ష్, గ్లెన్ మాక్స్‌వెల్‌కు చోటు కల్పించారు. అదే విధంగా పిచ్‌ పరిస్ధితులను బట్టి మార్కస్ స్టోయినిస్ లేదా మాథ్యూ షార్ట్‌లో ఒకరికి ఛాన్స్‌ ఇవ్వాలని ఫించ్‌ అభిప్రాయపడ్డాడు. అదే విధంగా వికెట్‌ కీపర్‌గా జోష్‌ ఇంగ్లీష్‌ను ఆరోన్‌ ఎంపిక చేశాడు. పినిషర్‌గా యువ ఆటగాడు టిమ్‌ డేవిడ్‌కు చోటు ఇచ్చాడు. ఇక ఫాస్ట్‌ బౌలర్ల కోటాలో పాట్ కమిన్స్, మిచెల్‌ స్టార్క్‌, జోష్ హేజిల్‌వుడ్ చోటు దక్కింది. స్పెషలిస్ట్‌ స్పిన్నర్ల కోటాలో ఆడమ్ జంపా ఒక్కడికే చోటు దక్కింది. ఫించ్‌ ఎంపిక చేసిన ఆసీస్‌ ప్లేయింగ్‌ ఎలెవన్‌: డేవిడ్ వార్నర్, ట్రావిస్ హెడ్, మిచెల్ మార్ష్, గ్లెన్ మాక్స్‌వెల్, జోష్ ఇంగ్లిస్, మార్కస్ స్టోయినిస్ లేదా మాథ్యూ షార్ట్ (పరిస్థితులపై బట్టి), టిమ్ డేవిడ్, పాట్ కమిన్స్, మిచెల్ స్టార్క్, ఆడమ్ జంపా, జోష్ హేజిల్‌వుడ్

వన్డే ప్రపంచకప్‌-2023 సమరానికి మరి కొన్ని గంటల్లో తెరలేవనుంది. అహ్మదాబాద్‌ వేదికగా గురువారం జరగనున్న ఇంగ్లండ్‌-న్యూజిలాండ్‌ మ్యాచ్‌తో ఈ మెగా టోర్నీ ఈ ప్రారంభం కానుంది. తొలి మ్యాచ్‌ కోసం ఇంగ్లండ్‌-న్యూజిలాండ్‌ జట్లు తీవ్రంగా శ్రమించాయి. ఈ మ్యాచ్‌లో ఎలాగైనా గెలిచి టోర్నీలో శుభారంభం చేయాలని ఇరు జట్లు భావిస్తున్నాయి. భారత్‌తో తొలి పోరు.. ఇక ఇది ఇలా ఉండగా.. ఈ టోర్నీలో ఐదు సార్లు వరల్డ్‌ ఛాంపియన్స్‌ ఆస్ట్రేలియా తమ తొలి మ్యాచ్‌లో ఆక్టోబర్‌ 8న చెన్నై వేదికగా తలపడనుంది. ఈ క్రమంలో టీమిండియాతో మ్యాచ్‌ కోసం ఆసీస్‌ ప్లేయింగ్‌ ఎలెవన్‌ను ఆ జట్టు మాజీ కెప్టెన్‌ ఆరోన్‌ ఫించ్‌ ఎంపిక చేశాడు. వరల్డ్‌కప్‌కు ఎంపిక చేసిన జట్టులోని చాలా మంది ఆటగాళ్లు ప్లేయింగ్‌ ఎలెవన్‌లో తమ స్ధానాలను సుస్ధిరం చేసుకున్నారని ఫించ్‌ వెల్లడించాడు. అదే విధంగా ఆరో బౌలింగ్‌ ఆప్షన్‌ కోసం మార్కస్ స్టోయినిస్, కామెరాన్ గ్రీన్ మధ్య తీవ్రమైన పోటీ ఉందని ఫించ్‌ అభిప్రాయపడ్డాడు. కాగా ఆస్ట్రేలియాకు చెందిన కోడ్‌ స్పోర్ట్స్‌ నివేదిక ప్రకారం.. భారత్‌తో తొలి మ్యాచ్‌కు స్టోయినిష్‌ దూరం కానున్నట్లు తెలుస్తోంది. స్టో​యినిష్‌ ప్రస్తుతం చేతివేలి గాయంతో బాధపడుతున్నాడు. ఫించ్‌ కోడ్‌ స్పోర్ట్‌తో మాట్లాడుతూ.. "మొదటి మ్యాచ్‌కు ఎవరో ఒక ఆల్‌రౌండర్‌ కచ్చితంగా దూరం అవుతారు. ఎందుకంటే ఆసీస్‌ దగ్గర మార్కస్ స్టోయినిస్‌, కామెరాన్ గ్రీన్ రూపంలో ఇద్దరూ ఫాస్ట్‌బౌలింగ్‌ ఆల్‌రౌండర్లు ఉన్నారు. నా వరకు అయితే తుది జట్టులో డేవిడ్‌ వార్నర్‌, మిచెల్‌ మార్ష్‌,స్టీవ్‌ స్మిత్‌, మార్నస్‌ లబుషేన్‌, గ్లెన్‌ మాక్స్‌వెల్‌, అలెక్స్‌ క్యారీ, గ్రీన్‌, ప్యాట్‌ కమ్మిన్స్‌, మిచెల్‌ స్టార్క్‌, హాజిల్‌ వుడ్‌, జంపా తుది జట్టులో ఉండవచ్చు అని అన్నాడు. కాగా ఫించ్‌ కూడా స్టోయినిష్‌కు తన ప్లేయింగ్‌ ఎలెవన్‌లో చోటు ఇవ్వలేదు. ఆసీస్‌ వరల్డ్‌కప్‌ ప్రిపేరేషన్‌ గురించి మాట్లాడుతూ.. ఈ మెగా టోర్నీకి ఆస్ట్రేలియా సిద్దంగా ఉందని నేను భావిస్తున్నాను. ఈ ఈవెంట్‌ కోసం గత ఆరు ఏడు వారాల నుంచి మా బాయ్స్‌ తీవ్రంగా శ్రమిస్తున్నారు. అయితే జట్టులో కొంతమంది ఆటగాళ్లు గత కొంత కాలంగా తక్కువ క్రికెట్‌ మాత్రమే ఆడారు. అది కాస్త ఆందోళన కలిగించే ఆంశంమని ఫించ్‌ చెప్పుకొచ్చాడు. భారత్‌తో మ్యాచ్‌కు ఫించ్‌ ఎంచుకున్న ఆసీస్‌ తుది జట్టు: డేవిడ్‌ వార్నర్‌, మిచెల్‌ మార్ష్‌,స్టీవ్‌ స్మిత్‌, మార్నస్‌ లబుషేన్‌, గ్లెన్‌ మాక్స్‌వెల్‌, అలెక్స్‌ క్యారీ, గ్రీన్‌, ప్యాట్‌ కమ్మిన్స్‌(కెప్టెన్‌), మిచెల్‌ స్టార్క్‌, హాజిల్‌ వుడ్‌, జంపా చదవండి: Gautam Gambhir: వన్డేల్లో ఇదే చివరి ప్రపంచకప్‌ టోర్నీ? ఆ బద్దకస్తులంతే! సిరాజ్‌, బుమ్రా సూపర్‌..

యూఎస్‌ మాస్టర్స్‌ టీ10 లీగ్‌ 2023లో ఆసీస్‌ మాజీ కెప్టెన్‌ ఆరోన్‌ ఫించ్‌ (కాలిఫోర్నియా నైట్స్‌) వరుసగా రెండో మ్యాచ్‌లోనూ విధ్వంసం సృష్టించాడు. న్యూజెర్సీ లెజెండ్స్‌తో నిన్న (ఆగస్ట్‌ 21) జరిగిన మ్యాచ్‌లో 31 బంతుల్లో 8 సిక్సర్లు, 3 ఫోర్ల సాయంతో  అజేయమైన 75 పరుగులు చేసిన ఫించ్‌.. ఇవాళ (ఆగస్ట్‌ 22) మోరిస్‌విల్లే యూనిటీపై 30 బంతుల్లో 4 ఫోర్లు, 5 సిక్సర్ల సాయంతో అజేయమైన 63 పరుగులు చేసి, తన భీకర ఫామ్‌ను కొనసాగించాడు. ఫించ్‌ ఒక్కడే ఒంటరిపోరాటం చేయడంతో తొలుత బ్యాటింగ్‌ చేసిన కాలిఫోర్నియా నైట్స్‌ నిర్ణీత 10 ఓవర్లలో 4 వికెట్ల నష్టానికి 100 పరుగులు చేసింది. ఫించ్‌ వరుసగా రెండో మ్యాచ్‌లో అజేయమైన అర్ధశతకం సాధించగా.. జాక్‌ కలిస్‌ (9), మిలింద్‌ కుమార్‌ (6), సురేశ్‌ రైనా (6), ఇర్ఫాన్‌ పఠాన్‌ (9) విఫలమయ్యారు. మోరిస్‌విల్లే బౌలర్లలో పియనార్‌ 3 వికెట్లు పడగొట్టగా.. సావేజ్‌ ఓ వికెట్‌ తన ఖాతాలో వేసుకున్నాడు.  సరిపోని ఫించ్‌ మెరుపులు.. కోరె ఆండర్సన్‌ ఊచకోత 101 పరుగుల లక్ష్యాన్ని ఛేదించేందుకు బరిలోకి దిగిన మోరిస్‌విల్లే.. మరో 7 బంతులు మిగిలుండగానే 3 వికెట్లు కోల్పోయి లక్ష్యాన్ని చేరుకుని, 7 వికెట్ల తేడాతో ఘన విజయం సాధించింది. మోరిస్‌విల్లే బ్యాటర్‌ కోరె ఆండర్సన్‌ సుడిగాలి ఇన్నింగ్స్‌ (5 బంతుల్లో 21 నాటౌట్‌; 2 ఫోర్లు, 2 సిక్సర్లు) ముందు ఫించ్‌ మెరుపులు సరిపోలేదు. ఛేదనలో ఆరంభంలో నిదానంగా ఆడిన మోరిస్‌విల్లే.. ఆఖర్లో ఆండర్సన్‌తో పాటు పియనార్‌ (12 బంతుల్లో 23 నాటౌట్‌; ఫోర్‌, సిక్స్‌), షెహన్‌ జయసూర్య (17 బంతుల్లో 27; 2 ఫోర్లు, 2 సిక్సర్లు) రాణించడంతో విజయతీరాలకు చేరింది. మోరిస్‌విల్లే ఇన్నింగ్స్‌లో పార్థివ్‌ పటేల్‌్‌ (9 బంతుల్లో 14; 2 ఫోర్లు), క్రిస్‌ గేల్‌ (10 బంతుల్లో 16; 2 ఫోర్లు, సిక్స్‌) ఓ మోస్తరు స్కోర్లు చేయగా.. కాలిఫోర్నియా బౌలర్లు పవన్‌ సుయాల్‌, ఆష్లే నర్స్‌, రికార్డో పావెల్‌ తలో వికెట్‌ పడగొట్టారు. 

ఆస్ట్రేలియా మాజీ కెప్టెన్‌ ఆరోన్‌ ఫించ్‌ అంతర్జాతీయ క్రికెట్‌కు రిటైర్మెంట్‌ ప్రకటించినప్పటికీ అడితో ఏ మాత్రం పవర్‌ తగ్గలేదు. ఫించ్‌ ప్రస్తుతం యూఎస్‌ మాస్టర్‌ లీగ్‌లో కాలిఫోర్నియా నైట్స్‌కు ప్రాతినిథ్యం వహిస్తున్నాడు. ఈ లీగ్‌లో భాగంగా సోమవారం న్యూజెర్సీ లెజెండ్స్‌తో జరిగిన మ్యాచ్‌లో ఫించ్‌ ఆకాశమే హద్దుగా చెలరేగిపోయాడు. ప్రత్యర్థి బౌలర్లను ఊచకోత కోశాడు.  కేవలం 31 బంతుల్లో 8 సిక్స్‌లు, 3 ఫోర్ల సాయంతో 75 పరుగులు చేసి ఆజేయంగా నిలిచాడు. ఈ మ్యాచ్‌లో ఫించ్‌ విధ్వంసకర ఇన్నింగ్స్‌ ఆడినప్పటికీ తన జట్టు మాత్రం 6 వికెట్ల తేడాతో ఓటమిపాలైంది. తొలుత బ్యాటింగ్‌ చేసిన కాలిఫోర్నియా నైట్స్‌ నిర్ణీత 10 ఓవర్లలో 3 వికెట్ల నష్టానికి 116 పరుగులు చేసింది. కాలిఫోర్నియా బ్యాటర్లలో ఫించ్‌తో పాటు మిలాంద్‌ కుమార్‌(27) పరుగులతో రాణించాడు. అనంతరం 117 పరుగుల లక్ష్యంతో బరిలోకి దిగిన న్యూజెర్సీ లెజెండ్స్‌ 4 వికెట్లు కోల్పోయి 9.4 ఓ‍వర్లలో ఛేదించింది. న్యూజెర్సీ బ్యాటర్లలో  టీమిండియా మాజీ ఆటగాడు యూసుఫ్ పఠాన్ సంచలన ఇన్నింగ్స్‌ ఆడాడు. కేవలం 11 బంతుల్లో 4 సిక్స్‌లు, 2 ఫోర్లతో 35 పరుగులు చేసి న్యూజెర్సీ విజయంలో కీలక పాత్ర పోషించాడు. అతడితో పాటు నమాన్‌ ఓజా(25) పరుగులతో రాణించాడు. చదవండి: MS Dhoni- Rohit: ఆరోజు రోహిత్‌ వద్దంటూ.. ధోని అతడి కోసం పట్టుబట్టాడు.. వెంటనే కోచ్‌ కూడా! మేమేం చేయలేకపోయాం.. Why we call him the Aaronator 👊 Take a bow @AaronFinch5 6️⃣6️⃣6️⃣6️⃣6️⃣#USMastersT10 #NJTvCK #SunshineStarsSixes#CricketsFastestFormat #T10League pic.twitter.com/NUdccQxuKq — US Masters T10 (@USMastersT10) August 21, 2023

మేజర్‌ లీగ్‌ క్రికెట్‌(MLC 2023)లో వాషింగ్టన్‌ ఫ్రీడమ్‌ మూడో విజయాన్ని నమోదు చేసింది. శాన్‌ఫ్రాన్సిస్కో యునికార్న్స్‌తో జరిగిన లో స్కోరింగ్‌ మ్యాచ్‌లో వాషింగ్టన్‌ ఫ్రీడమ్‌ 30 పరుగుల తేడాతో విజయాన్ని అందుకుంది. వాషింగ్టన్‌ ఫ్రీడమ్‌ బౌలర్‌.. భారత సంతతికి చెందిన సౌరబ్‌ నేత్రావల్కర్‌ ఆరు వికెట్లతో చెలరేగి ప్రత్యర్థిని శాసించాడు. తొలుత బ్యాటింగ్‌ చేసిన వాషింగ్టన్‌ ఫ్రీడమ్‌ నిర్ణీత 20 ఓవర్లలో 8 వికెట్ల నష్టానికి 133 పరుగులు చేసింది. మొయిసిస్‌ హెన్రిక్స్‌ 30 పరుగులతో టాప్‌ స్కోరర్‌గా నిలవగా.. పియనార్‌ 29, అండ్రీస్‌ గౌస్‌ 23 పరుగులు చేశారు. శాన్‌ఫ్రాన్సిస్కో బౌలర్లలో హారిస్‌ రవూఫ్‌ మూడు వికెట్లు తీయగా.. ప్లంకెట్‌ రెండు, స్టోయినిస్‌ ఒక వికెట్‌ తీశాడు. అనంతరం 134 పరుగుల లక్ష్యంతో బరిలోకి దిగిన శాన్‌ఫ్రాన్సిస్కో యునికార్న్స్‌ 19.5 ఓవర్లలో 103 పరుగులకే కుప్పకూలింది. సౌరబ్‌ నేత్రావల్కర్‌ బౌలింగ్‌ దాటికి టాపార్డర్‌ కకావికలమైంది. మధ్యలో కోరే అండర్సన్‌ (34 పరుగులు), ఆరోన్‌ ఫించ్‌ (14 పరుగులు) ప్రతిఘటించినప్పటికి లాభం లేకపోయింది. ఆ తర్వాత నేత్రావల్కర్‌ టెయిలెండర్ల పని పట్టడంతో శాన్‌ఫ్రాన్సిస్కో ఓటమి పాలైంది. ఎవరీ నేత్రావల్కర్‌?  భారత్‌ సంతతికి చెందిన సౌరబ్‌ నేత్రావల్కర్‌ ముంబై ప్రాంతంలో జన్మించాడు. అండర్‌-19 క్రికెట్‌లో ముంబైకి ప్రాతినిధ్యం వహించాడు. అయితే ఇక్కడ అవకాశాల్లేక అమెరికాకు వెళ్లిపోయాడు. మంచి లెఫ్టార్మ్‌ పేసర్‌గా ఎదిగిన నేత్రావల్కర్‌ ప్రస్తుతం అమెరికా జట్టులో కీలక బౌలర్‌గా ఉన్నాడు. యూఎస్‌ఏ తరపున 2019లో అంతర్జాతీయ క్రికెట్‌లో అరంగేట్రం చేసిన నేత్రావల్కర్‌ 48 వన్డేల్లో 73 వికెట్లు, 9 టి20ల్లో 15 వికెట్లు పడగొట్టాడు. అమెరికా జట్టుకు నేత్రావల్కర్‌ కెప్టెన్‌గానూ వ్యవహరించడం విశేషం. "KING OF SWING"😎 Saurabh Netravalkar takes a BRILLIANT😍 SIX-FOR to set his team up for success! pic.twitter.com/oY6o1cMqrK — Major League Cricket (@MLCricket) July 23, 2023 చదవండి: #LinDan: సినిమాల్లో 'డాన్‌'లు చాలా మందే.. బ్యాడ్మింటన్‌లో మాత్రం ఒక్కడే 'డాన్‌'

మేజర్‌ లీగ్‌ క్రికెట్‌-2023 సీజన్‌లో భాగంగా లాస్‌ ఏంజెలెస్‌ నైట్‌ రైడర్స్‌తో  ఇవాళ (జులై 19) జరిగిన మ్యాచ్‌లో శాన్‌ఫ్రాన్సిస్కో యునికార్న్స్‌ 21 పరుగుల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన యునికార్న్స్‌, నిర్ణీత 20 ఓవర్లలో 7 వికెట్ల నష్టానికి 212 పరుగుల భారీ స్కోర్‌ చేసింది. ఓపెనర్‌ మాథ్యూ వేడ్‌ (41 బంతుల్లో 78; 7 ఫోర్లు, 5 సిక్సర్లు) బౌండరీలు, సిక్సర్లతో వీరవిహారం చేయగా.. మరో ఓపెనర్‌ ఫిన్‌ అలెన్‌ 2 సిక్సర్లు, బౌండరీతో 20 పరుగులు, స్టోయినిస్‌ 37 (18 బంతుల్లో 3 ఫోర్లు, 3 సిక్సర్లు), కోరె ఆండర్సన్‌ 39 పరుగులు (20 బంతుల్లో 3 ఫోర్లు, 3 సిక్సర్లు) చేశారు. కెప్టెన్‌ ఫించ్‌ 12 పరుగులతో (10 బంతుల్లో 2 ఫోర్లు) అజేయంగా నిలిచాడు. నైట్‌రైడర్స్‌ బౌలర్లలో ఆడమ్‌ జంపా 3 వికెట్లు పడగొట్టగా.. అలీ ఖాన్‌, ఆండ్రీ రసెల్‌, సునీల్‌ నరైన్‌  తలో వికెట్‌ దక్కించుకున్నారు. అనంతరం 213 పరుగుల భారీ లక్ష్యాన్ని ఛేదించేందుకు బరిలోకి దిగిన నైట్‌రైడర్స్‌.. 20 ఓవర్లలో 5 వికెట్లు కోల్పోయి 191 పరుగులకే పరిమితమైంది. ఆరంభంలో జేసన్‌ రాయ్‌ (21 బంతుల్లో 45; 4 ఫోర్లు, 4 సిక్సర్లు), నితీశ్‌ కుమార్‌ (23 బంతుల్లో 31; 3 ఫోర్లు, సిక్స్‌).. ఆఖర్లో  ఆండ్రీ రసెల్‌ (26 బంతుల్లో 42 నాటౌట్‌; 2 ఫోర్లు, 4 సిక్సర్లు), సునీల్‌ నరైన్‌ (17 బంతుల్లో 28 నాటౌట్‌; 3 సిక్సర్లు) రాణించినప్పటికీ నైట్‌రైడర్స్‌ విజయతీరాలకు చేరలేకపోయింది. నైట్‌ రైడర్స్‌ ఇన్నింగ్స్‌లో రిలీ రొస్సో (8) నిరాశపరిచాడు. యునికార్న్స్‌ బౌలర్లలో షాదాబ్‌ ఖాన్‌ 2 వికెట్లు పడగొట్టగా.. హరీస్‌ రౌఫ్‌, బిష్ణోయ్‌, ఆండర్సన్‌ తలో వికెట్‌ చేజిక్కించుకున్నారు. ఈ ఓటమితో నైట్‌రైడర్స్‌ లీగ్‌లో హ్యాట్రిక్‌ ఓటములను నమోదు చేసింది. కోల్‌కతా నైట్‌ రైడర్స్‌ అనుబంధ ఫ్రాంచైజీ అయిన లాస్‌ ఏంజెలెస్‌ నైట్‌ రైడర్స్‌ మేజర్‌ లీగ్‌ క్రికెట్‌ సీజన్‌ 2023లో ఇంకా బోణీ కొట్టాల్సి ఉంది.

World Test Championship 2023 FInal Ind Vs Aus: బోర్డర్‌- గావస్కర్‌ ట్రోఫీ-2023 సిరీస్‌ను కైవసం చేసుకున్న టీమిండియా ప్రపంచ టెస్టు చాంపియన్‌షిప్‌ ఫైనల్లో ఆస్ట్రేలియాతో పోటీపడనుంది. ఇంగ్లండ్‌ వేదికగా ఇరు జట్ల మధ్య జూన్‌ 7- 11 వరకు మ్యాచ్‌ జరుగనుంది. లండన్‌లోని ప్రఖ్యాత ఓవల్‌ మైదానంలో రోహిత్‌ సేన.. కమిన్స్‌ బృందాన్ని ఢీకొట్టనుంది. కాగా మొట్టమొదటి డబ్ల్యూటీసీ 2019-21 సీజన్‌లో రన్నరప్‌గా నిలిచిన భారత జట్టు.. వరుసగా రెండోసారి ఫైనల్‌ చేరగా.. కంగారూలు తొలిసారి తుదిపోరుకు అర్హత సాధించారు. ఇక ఇందుకు సన్నాహకంగా అన్నట్లు ఇరు జట్ల మధ్య భారత్‌ వేదికగా నాలుగు మ్యాచ్‌ల సిరీస్‌ జరిగింది. ఫేవరెట్‌ టీమిండియా ఇందులో ఆఖరి టెస్టు ఫలితం తేలకముందే న్యూజిలాండ్‌- శ్రీలంక మధ్య తొలి టెస్టు.. ఫైనల్లో ఆసీస్‌కు ప్రత్యర్థిగా టీమిండియాను ఖరారు చేసింది. ఈ నేపథ్యంలో ఆస్ట్రేలియా మాజీ సారథి ఆరోన్‌ ఫించ్‌ ఆసక్తికర వ్యాఖ్యలు చేశాడు. డబ్ల్యూటీసీ ఫైనల్లో టీమిండియా ఫేవరెట్‌గా బరిలోకి దిగుతోందని వ్యాఖ్యానించాడు. ట్రోఫీ గెలిచే అవకాశాలు రోహిత్‌ సేనకే ఎక్కువగా ఉన్నాయని అభిప్రాయపడ్డాడు.  సిరాజ్‌ ఉన్నాడు కదా! ఇందుకు గల కారణాలు విశ్లేషిస్తూ.. ‘‘హార్దిక్‌ పాండ్యా టెస్టు మ్యాచ్‌లు ఆడే విషయం గురించి నాకు పూర్తిగా తెలియదు. అయితే.. షమీ, ఉమేశ్, సిరాజ్‌.. ఈ ముగ్గురు మంచి ఫాస్ట్‌ బౌలర్లు. ముఖ్యంగా సిరాజ్‌.. ప్రస్తుతం ప్రపంచంలోని అత్యుత్తమ బౌలర్లలో ఒకడిగా ఉన్నాడు.  బంతిని స్వింగ్‌ చేస్తూ బ్యాటర్లను ముప్పు తిప్పలుపెట్టగలడు. గతంలో టీమిండియా ఇంగ్లండ్‌ను ఇంగ్లండ్‌లోనే ఓడించి సత్తా చాటింది. కాబట్టి ఈసారి ఫైనల్లో వాళ్లకే అవకాశాలు ఎక్కువగా ఉన్నాయని చెప్పవచ్చు’’ అని ఫించ్‌ పేర్కొన్నాడు. ప్రస్తుతం లెజెండ్స్‌ లీగ్‌ క్రికెట్‌తో బిజీగా ఉన్న అతడు హిందుస్థాన్‌ టైమ్స్‌తో మాట్లాడుతూ ఈ మేరకు వ్యాఖ్యలు చేశాడు. కాగా స్వదేశంలో ఆస్ట్రేలియాతో సిరీస్‌ను టీమిండియా 2-1తో గెలిచిన విషయం తెలిసిందే. ఇక ప్రధాన పేసర్‌ బుమ్రా లేకుండానే ఈసారి భారత జట్టు డబ్ల్యూటీసీ ఫైనల్‌ బరిలోకి దిగనుంది. ఈ నేపథ్యంలో ఫించ్‌  సిరాజ్‌ను ఉద్దేశించి ఈ మేరకు వ్యాఖ్యలు చేయడం విశేషం. చదవండి: Ind Vs Aus: గిల్‌కు జోడీగా టీమిండియా ఇన్నింగ్స్‌ ఆరంభించేది అతడే: హార్దిక్‌పాండ్యా Ind Vs Aus: నేనెలా అర్హుడిని అవుతాను?! అసలు జట్టులోకి వచ్చే ఆలోచనే ఇప్పట్లో లేదు! నంబర్‌ 1 బౌలర్‌ అశూ.. నంబర్‌ 1 ఆల్‌రౌండర్‌ జడ్డూ.. ఫైనల్లో ఆడేది ఎవరో ఒక్కరే!

లెజెండ్స్‌ లీగ్‌ క్రికెట్‌-2023లో భాగంగా వరల్డ్‌ జెయింట్స్‌తో నిన్న (మార్చి 13) జరిగిన మ్యాచ్‌లో ఆసియా సింహాలు రెచ్చిపోయాయి. వర్షం కారణంగా 10 ఓవర్లకు కుదించిన మ్యాచ్‌లో తొలుత లయన్స్‌ బ్యాటర్లు, ఆతర్వాత బౌలర్లు విజృంభించారు. ఫలితంగా ఆ జట్టు 35 పరుగుల తేడాతో వరల్డ్‌ జెయింట్స్‌ను చిత్తు చేసింది. Roaring with pride after a victorious night! 🦁🔥@VisitQatar#LegendsLeagueCricket #SkyexchnetLLCMasters #LLCT20 #YahanSabBossHain pic.twitter.com/0kzmqdGPzn — Legends League Cricket (@llct20) March 13, 2023 టాస్‌ ఓడి తొలుత బ్యాటింగ్‌కు దిగిన ఆసియా లయన్స్‌ 10 ఓవర్లలో 3 వికెట్ల నష్టానికి 99 పరుగులు చేసింది. తిలకరత్నే దిల్షన్‌ (24 బంతుల్లో 32 నాటౌట్‌; 3 ఫోర్లు, సిక్స్‌), మిస్బా ఉల్‌ హాక్‌ (19 బంతుల్లో 44 నాటౌట్‌; 4 ఫోర్లు, 3 సిక్సర్లు) జెయింట్స్‌ బౌలర్లను చీల్చిచెండాడారు. తరంగ (1), తిసార పెరీరా (10), షాహిద్‌ అఫ్రిది (2) విఫలం​కాగా.. రికార్డో పావెల్‌, క్రిస్‌ గేల్‌, పాల్‌ కాలింగ్‌వుడ్‌ తలో వికెట్‌ దక్కించుకున్నారు. Job done! 💪🦁 pic.twitter.com/vSdDOClUae — Legends League Cricket (@llct20) March 13, 2023 అనంతరం బ్యాటింగ్‌కు దిగిన ఆసియా లయన్స్‌.. 10 ఓవర్లలో 5 వికెట్లు కోల్పోయి 64 పరుగులకు మాత్రమే పరిమితమై లీగ్‌లో తొలి ఓటమిని నమోదు చేసింది. లెండిల్‌ సిమన్స్‌ (14), షేన్‌ వాట్సన్‌ (3), ఆరోన్‌ ఫించ్‌ (2), రికార్డో పావెల్‌ (0) విఫలం కాగా.. క్రిస్‌ గేల్‌  (16 బంతుల్లో 23; 3 సిక్సర్లు) ఒక్కడే కాస్త పర్వాలేదనిపించాడు. Lions Roared Tonight! 🦁🔥 pic.twitter.com/6hy266Swph — Legends League Cricket (@llct20) March 13, 2023 ఆసియా లయన్స్‌ బౌలర్లలో షాహిద్‌ అఫ్రిది (2-0-11-2), సోహైల్‌ తన్వీర్‌ (2-0-9-1) రాణించగా.. అబ్దుర్‌ రజాక్‌ (2-1-2-2) అదరగొట్టాడు. లీగ్‌లో భాగంగా ఇవాళ (మార్చి 14) ఆసియా లయన్స్‌, ఇండియా మహరాజాస్‌లో తలపడనుంది. కాగా, లీగ్‌లో ఇప్పటివరకు జరిగిన 3 మ్యాచ్‌ల్లో రెండింటిలో ఆసియా లయన్స్‌, ఒక మ్యాచ్‌లో వరల్డ్‌ జెయింట్స్‌ విజయం సాధించగా.. ఇండియా మహరాజాస్‌ ఆడిన 2 మ్యాచ్‌ల్లో ఓటమిపాలైంది. లీగ్‌ తొలి మ్యాచ్‌లో ఆసియా లయన్స్‌ చేతిలో ఖంగుతిన్న (9 పరుగుల తేడాతో ఓటమి) మహరాజాస్‌.. రెండో మ్యాచ్‌లో వరల్డ్‌ జెయింట్స్‌ చేతిలో (2 పరుగుల తేడాతో ఓటమి) ఓటమిపాలయ్యారు. మహరాజాస్‌ ఓడిన రెండు మ్యాచ్‌ల్లో ఆ జట్టు కెప్టెన్‌ గౌతమ్‌ గంభీర్‌ హాఫ్‌ సెంచరీలు చేసి ఆకట్టుకున్నాడు. 

మార్చి 10 నుంచి లెజెండ్స్ లీగ్ క్రికెట్ 2023 సీజన్‌ ప్రారంభం కానున్న నేపథ్యంలో లీగ్‌లో పాల్గొనబోయే ఆసియా లయన్స్‌, వరల్డ్‌ జెయింట్స్‌, ఇండియా మహారాజాస్‌ జట్లు తమ కెప్టెన్ల పేర్లను నిన్న (మార్చి 1) ప్రకటించాయి. ఆసియా లయన్స్‌కు షాహిద్‌ అఫ్రిది, వరల్డ్‌ జెయింట్స్‌కు ఆరోన్‌ ఫించ్‌, ఇండియా మహారాజాస్‌కు గౌతమ్‌ గంభీర్‌ను కెప్టెన్లుగా ఎంపిక చేసినట్లు ఆయా జట్లు అనౌన్స్‌ చేశాయి. ఈ లీగ్‌లో ఇర్ఫాన్ పఠాన్, రాబిన్ ఉతప్ప, శ్రీశాంత్, ఆరోన్ ఫించ్, షాహిద్ అఫ్రిది, మహ్మద్ హఫీజ్, తిలకరత్నే దిల్షాన్, క్రిస్ గేల్, బ్రెట్ లీ తదితర లెజెండ్స్ ఆడనున్నారు. ఆసియా లయన్స్‌కు సారధ్యం వహించనున్న షాహిద్‌ అఫ్రిది.. ఎల్‌ఎల్‌సీలో తొలిసారి ఆడుతుండగా..  ఇండియా మహారాజాస్‌ సారధి గౌతమ్‌ గంభీర్‌ 2022 ఎల్‌ఎల్‌సీ సీజన్‌లో ఇండియా క్యాపిటల్స్‌ను ఛాంపియన్‌గా నిలబెట్టాడు. అఫ్రిది-గంభీర్‌.. వారు క్రికెట్‌ ఆడుతున్న జమానా నుంచి ఆన్‌ ఫీల్డ్‌, ఆఫ్‌ ద ఫీల్డ్‌ బద్ద శత్రువులుగా ఉన్నారు.  కాగా, ఎల్‌ఎల్‌సీ 2023 సీజన్‌ మ్యాచ్‌లు మార్చి 10 నుంచి 20 వరకు ఖతార్‌లోని దోహాలో ఉన్న ఏషియన్‌ టౌన్‌ క్రికెట్‌ స్టేడియంలో జరుగనున్నాయి. ఎల్‌ఎల్‌సీ 2022 సీజన్‌ విజేతగా ఇండియా క్యాపిటల్స్‌ నిలిచిన విషయం తెలిసిందే. ఫైనల్లో క్యాపిటల్స్‌.. బిల్వారా కింగ్స్‌పై 104 పరుగుల తేడాతో విజయం సాధంచి, టైటిల్‌ ఎగరేసుకుపోయింది. ఫైనల్లో ఇండియా క్యాపిటల్స్‌ ఆటగాడు రాస్‌ టేలర్‌ ఆకాశమే హద్దుగా చెలరేగిపోయాడు. 41 బంతుల్లో 4 ఫోర్లు, 8 సిక్సర్ల సాయంతో 82 పరుగులు చేశాడు. టేలర్‌కు జతగా.. మిచెల్‌ జాన్సన్‌ (35 బంతుల్లో 62; 7 ఫోర్లు, 3 సిక్సర్లు), ఆష్లే నర్స్‌ (19 బంతుల్లో 42 నాటౌట్‌; 6 ఫోర్లు, సిక్స్‌) కూడా రాణించారు. ఫలితంగా తొలుత బ్యాటింగ్‌ చేసిన ఇండియా క్యాపిటల్స్‌ నిర్ణీత 20 ఓవర్లలో 7 వికెట్ల నష్టానికి 211 పరుగులు చేసింది. అనంతరంలో బరిలోకి దిగిన బిల్వారా కింగ్స్‌ జట్టు.. 18.2 ఓవర్లలో 107 పరుగులకే ఆలౌటై ఘోర పరాజయంపాలైంది.  

Aaron Finch Retirement: కెప్టెన్‌గా ఆస్ట్రేలియాకు తొలి టీ20 వరల్డ్‌కప్‌ అందించిన స్టార్‌ ఓపెనర్‌ ఆరోన్ ఫించ్ అంతర్జాతీయ క్రికెట్‌ నుంచి వైదొలుగుతున్నట్లు ప్రకటించాడు. ఇదివరకే టెస్ట్‌, వన్డేలకు గుడ్‌బై చెప్పిన ఫించ్‌.. పొట్టి ఫార్మాట్‌ నుంచి కూడా తప్పుకుంటున్నట్లు మంగళవారం ప్రకటన విడుదల చేశాడు. 2024 టీ20 ప్రపంచకప్‌ వరకు కెరీర్‌ను కొనసాగించలేనని తెలిసే రిటైర్మెంట్‌ నిర్ణయం తీసుకున్నట్లు ఫించ్‌ వెల్లడించాడు. కెరీర్‌ ఆసాంతం తనకు మద్దతుగా నిలిచిన క్రికెట్‌ ఆస్ట్రేలియాకు, సహచరులకు, సహాయ సిబ్బందికి కృతజ్ఞతలు తెలిపాడు. కెరీర్‌ ఎత్తుపల్లాల్లో తనకు అండగా నిలిచిన కుటుంబానికి, అభిమానులకు ప్రత్యేక ధన్యవాదాలు తెలిపాడు. 2015 వన్డే ప్రపంచకప్, 2021లో టీ20 ప్రపంచకప్ గెలవడం తనకు చిరకాలం గుర్తుండిపోతుందని రిటైర్మెంట్ ప్రకటనలో పేర్కొన్నాడు. కాగా, ఫించ్‌ సారధ్యంలో ఆసీస్‌ 2021 టీ20 వరల్డ్‌కప్‌ గెలిచిన విషయం తెలిసిందే. ఆస్ట్రేలియా తరఫున 5 టెస్ట్‌లు, 146 వన్డేలు, 103 టీ20లు ఆడిన ఫించ్‌.. 17 వన్డే సెంచరీలు, 2 టీ20 సెంచరీలు, 2 టెస్ట్‌ ఫిఫ్టీలు, 30 వన్డే ఫిఫ్టీలు, 19 టీ20 ఫిఫ్టీల సాయంతో 278 టెస్ట్‌ పరుగులు, 5406 వన్డే పరుగులు, 3120 టీ20 పరుగులు చేశాడు. అంతర్జాతీయ టీ20ల్లో అత్యధిక వ్యక్తిగత స్కోర్‌ రికార్డు (172) ఫించ్‌ పేరిటే ఉంది.  ఇదిలా ఉంటే, బోర్డర్‌ గవాస్కర్‌ ట్రోఫీ 2023 ఆడేందుకు ఆస్ట్రేలియా జట్టు భారత్‌లో పర్యటిస్తుంది. ఈ సమయంలో ఫించ్‌ తన రిటైర్మెంట్‌ నిర్ణయాన్ని ప్రకటించాడు. ఫించ్‌ అంతర్జాతీయ క్రికెట్‌కు వీడ్కోలు పలికినప్పటికీ దేశవాలీ, క్లబ్‌, ఇతరత్రా లీగ్‌లకు అందుబాటులో ఉంటాడు. భారత్‌ ఆస్ట్రేలియా జట్ల మధ్య ఫిబ్రవరి 9 నుంచి తొలి టెస్ట్‌ మ్యాచ్‌ జరుగనున్న విషయం తెలిసిందే.   

బిగ్‌బాష్‌ లీగ్‌ 2022-23 సీజన్‌లో భాగంగా ఇవాళ (జనవరి 22) పెర్త్‌ స్కార్చర్స్‌తో జరిగిన మ్యాచ్‌లో మెల్‌బోర్న్‌ రెనెగేడ్స్‌ కెప్టెన్‌ ఆరోన్‌ ఫించ్‌ విధ్వంసకర ఇన్నింగ్స్‌ (35 బంతుల్లో 76 నాటౌట్‌; 7 ఫోర్లు, 5 సిక్సర్లు) ఆడాడు. స్కార్చర్స్‌ నిర్ధేశించిన 213 పరుగుల భారీ లక్ష్య ఛేదనలో ఫించ్‌ వీరోచితంగా పోరాడినప్పటికీ తన జట్టును మాత్రం గెలిపించలేకపోయాడు. ఫించ్‌కు జతగా షాన్‌ మార్ష్‌ (34 బంతుల్లో 54; 7 ఫోర్లు, సిక్స్‌), విల్‌ సదర్‌లాండ్‌ (18 బంతుల్లో 30; 2 ఫోర్లు, సిక్స్‌) పోరాడినప్పటికీ మెల్‌బోర్న్‌ లక్ష్యానికి 11 పరుగుల దూరంలో నిలిచిపోయింది. Run fest at Perth, over 400 plus runs scored. Melbourne Renegades fell 10 runs short, great win for Perth Scorchers as they hold on as table toppers in BBL 12.#BBL12 #CricTracker pic.twitter.com/2ss6uBZcYh — CricTracker (@Cricketracker) January 22, 2023 ఈ మ్యాచ్‌లో ఆకాశమే హద్దుగా చెలరేగిన ఫించ్‌ చాలా రోజుల తర్వాత కీలక ఇన్నింగ్స్‌ ఆడాడు. బంతిని ఇష్టం వచ్చినట్లు బాదుతూ ప్రత్యర్ధి బౌలర్లను ఊచకోత కోశాడు. ముఖ్యంగా ఆండ్రూ టై వేసిన ఇన్నింగ్స్‌ 18వ ఓవర్‌లో 3 సిక్సర్లు, 2 ఫోర్ల సాయంతో 31 పరుగులు పిండుకుని ప్రత్యర్ధిని గడగడలాడించాడు. Aaron Finch smashed 31 runs against Andrew Tye in the 18th over. Sensational stuff!#MelbourneRenegades #AaronFInch #AndrewTye pic.twitter.com/Ks6asNijvM — CricTracker (@Cricketracker) January 22, 2023 అయితే 19వ ఓవర్‌లో కేవలం 8 పరుగులే రావడంతో మెల్‌బోర్న్‌ ఓటమి ఖరారైంది. అయినప్పటికీ ఏమాత్రం తగ్గని ఫించ్‌ ఇన్నింగ్స్‌ ఆఖరి ఓవర్‌లో ఎడాపెడా ఫోర్‌, సిక్సర్‌ బాది 18 పరుగులు రాబట్టాడు. అప్పటికే జరగాల్సి నష్టం జరిగిపోయింది. మెల్‌బోర్న్‌ ఇన్నింగ్స్‌ నిర్ణీత ఓవర్లలో 202/5 స్కోర్‌ వద్ద ఆగిపోయింది. పెర్త్‌ బౌలర్లలో టర్నర్‌ 2, డేవిడ్‌ పెయిన్‌, ఆండ్రూ టై, ఆరోన్‌ హర్డీ తలో వికెట్‌ పడగొట్టారు. .@AaronFinch5 with a huge six🔥pic.twitter.com/HiqnPl1d7u — CricTracker (@Cricketracker) January 22, 2023 తొలుత బ్యాటింగ్‌ చేసిన పెర్త్‌.. ఓపెనర్లు స్టీవీ ఎస్కినాజీ (29 బంతుల్లో 54; 6 ఫోర్లు, 3 సిక్సర్లు), బాన్‌క్రాఫ్ట్‌ (50 బంతుల్లో 95 నాటౌట్‌; 5 ఫోర్లు, 6 సిక్సర్లు) చెలరేగడంతో నిర్ణీత ఓవర్లలో 5 వికెట్ల నష్టానికి 212 పరుగుల భారీ స్కోర్‌ చేసింది. ఈ గెలుపుతో పెర్త్‌ పాయింట్ల పట్టికతో అగ్రస్థానాన్ని (14 మ్యాచ్‌ల్లో 11 విజయాలతో 22 పాయిం‍ట్లు) మరింత పటిష్టం చేసుకుంది. మెల్‌బోర్న్‌ 13 మ్యాచ్‌ల్లో 6 విజయాలు, 7 పరాజయాలతో 12 పాయింట్లు ఖాతాలో వేసుకుని నాలుగో స్థానంలో ఉంది. సిడ్నీ సిక్సర్స్‌ (19 పాయింట్లు), బ్రిస్బేన్‌ హీట్‌ (13), సిడ్నీ థండర్‌ (12), అడిలైడ్‌ స్ట్రయికర్స్‌ (10), హోబర్ట్‌ హరికేన్స్‌ (10), మెల్‌బోర్న్‌ స్టార్స్‌ (6) వరుసగా 2, 3, 5, 6, 7, 8 స్థానాల్లో ఉన్నాయి. 

బిగ్‌బాష్‌ లీగ్‌ 2022-23 సీజన్‌లో భాగంగా మెల్‌బోర్న్‌ రెనగేడ్స్‌, బ్రిస్బేన్‌ హీట్‌ జట్లు ఇవాళ (డిసెంబర్‌ 21) తలపడ్డాయి. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన బ్రిస్బేన్‌ హీట్‌.. టామ్‌ రోజర్స్‌ (4/23), అకీల్‌ హొసేన్‌ (3/26) ముజీబ్‌ ఉర్‌ రెహ్మాన్‌ (1/18) ధాటికి నిర్ణీత ఓవర్లలో 8 వికెట్ల నష్టానికి 137 పరుగులు మాత్రమే చేయగలిగింది. బ్రిస్బేన్‌ ఇన్నింగ్స్‌లో మ్యాట్‌ రెన్షా (29), సామ్‌ బిల్లింగ్స్‌ (25), పీయర్సన్‌ (45) మాత్రమే రెండంకెల స్కోర్‌ చేశారు.  అనంతరం 139 పరుగుల సాధారణ లక్ష్యాన్ని ఛేదించేందుకు బరిలోకి దిగిన మెల్‌బోర్న్‌ టీమ్‌ను ఫాస్ట్‌ బౌలర్‌ మైఖేల్‌ నెసర్‌ హ్యాట్రిక్‌ వికెట్లు పడగొట్టి (4/32) భయపెట్టాడు. తొలి ఓవర్‌ తొలి బంతికే వికెట్‌ పడగొట్టిన నెసర్‌.. అదే ఓవర్‌ ఆఖరి బంతికి మరో వికెట్‌ను, ఆతర్వాత మూడో ఓవర్‌ తొలి రెండు బంతులకు వికెట్లు పడగొట్టి తమ జట్టు విజయానికి గట్టి పునాది వేశాడు. నెసర్‌ ధాటికి మెల్‌బోర్న్‌ 2.2 ఓవర్లలో కేవలం 9 పరుగులు మాత్రమే చేసి 4 వికెట్లు కోల్పోయింది. Just admiring this shot 😍 pic.twitter.com/G6ljSi7q2J — Melbourne Renegades (@RenegadesBBL) December 21, 2022 అయితే ఆరో స్థానంలో బరిలోకి దిగిన విండీస్‌ విధ్వంసకర యోధుడు ఆండ్రీ రసెల్‌ (42 బంతుల్లో 57; 2 ఫోర్లు, 6 సిక్సర్లు).. ఆరోన్‌ ఫించ్‌ (43 బంతుల్లో 31 నాటౌట్‌; 2 ఫోర్లు, సిక్స్‌), అకీల్‌ హొసేన్‌ (19 బంతుల్లో 30; 2 ఫోర్లు, 2 సిక్సర్లు) సహకారంతో మ్యాచ్‌ స్వరూపాన్నే మార్చేశాడు. అర డజన్‌ సిక్సర్లతో విరుచుకుపడిన రసెల్‌ ప్రత్యర్ధి చేతుల్లో నుంచి మ్యాచ్‌ను లాగేసుకుని మెల్‌బోర్న్‌ రెనెగేడ్స్‌ను 4 వికెట్ల తేడాతో గెలిపించాడు. రసెల్‌ మెరుపు ఇన్నింగ్స్‌ హవాలో నెసర్‌ హ్యాట్రిక్‌ వృధా అయిపోయింది. బ్రిస్బేన్‌ బౌలర్లలో నెసర్‌తో పాటు మార్క్‌ స్టీకీట్‌ (2/23) వికెట్లు దక్కించుకున్నాడు. జేమ్స్‌ బాజ్లే బౌలింగ్‌లో రసెల్‌ కొట్టిన 103 మీటర్ల సిక్సర్‌ మ్యాచ్‌ మొత్తానికే హైలైట్‌గా నిలిచింది. కాగా, బిగ్‌బాష్‌ లీగ్‌లో మెల్‌బోర్న్‌ రెనగేడ్స్‌ జట్టు 1400 రోజుల తర్వాత వరుసగా 3 మ్యాచ్‌ల్లో గెలుపొందడం విశేషం.   

వచ్చే ఏడాది (2023) జరుగబోయే ఇండియన్‌ ప్రీమియర్‌ లీగ్‌ (ఐపీఎల్‌) నుంచి విదేశీ స్టార్‌ ప్లేయర్లు ఒక్కొక్కరుగా వైదొలుగుతున్నారు. ఓ పక్క ఫ్రాంచైజీలు ఆటగాళ్ల రిటెయిన్‌ (అట్టిపెట్టుకోవడం), రిలీజ్‌ (విడుదల), ట్రేడింగ్‌ (కొనుగోలు), మినీ వేలం కోసం సన్నాహకాల్లో బిజీగా ఉంటే, విదేశీ స్టార్లు ఒక్కొక్కరుగా లీగ్‌ నుంచి జారుకుంటున్నారు. ఇప్పటికే కోల్‌కతా నైట్‌రైడర్స్‌ (కేకేఆర్‌) హిట్టర్‌, ఇంగ్లండ్‌ ఆటగాడు సామ్‌ బిల్లింగ్స్‌.. టెస్ట్‌ క్రికెట్‌కే తన మొదటి ప్రాధాన్యత అంటూ లీగ్‌ నుంచి వైదొలగగా, తాజాగా ఆసీస్‌ స్టార్‌ ఆటగాళ్లు పాట్‌ కమిన్స్‌ (కేకేఆర్‌), ఆరోన్‌ ఫించ్‌ (కేకేఆర్‌), మిచెల్‌ స్టార్క్‌ (2015 వరకు ఆర్సీబీకి ఆడాడు) దేశ విధులే తమకు ముఖ్యమంటూ లీగ్‌కు డుమ్మా కొట్టనున్నారని సమాచారం. వచ్చే ఏడాది జరిగే యాషెస్‌ సిరీస్‌ కోసం ఫిట్‌గా ఉండేందుకు వీరు ఈ నిర్ణయం తీసుకున్నట్లు తెలుస్తోంది. వీరిలో స్టార్క్‌ గతేడాదే ఐపీఎల్‌పై తన అయిష్టతను వ్యక్త పరిచాడు.  ఇదిలా ఉంటే, ఐపీఎల్‌ 16వ ఎడిషన్‌ (2023) ట్రేడింగ్‌లో భాగంగా కేకేఆర్‌ జట్టు.. రహ్మానుల్లా గుర్భాజ్‌ (ఆఫ్ఘనిస్తాన్‌), లోకీ ఫెర్గూసన్‌ (న్యూజిలాండ్‌)లను డిఫెండింగ్‌ ఛాంపియన్స్‌ గుజరాత్‌ టైటాన్స్‌ నుంచి, అలాగే టీమిండియా ఆల్‌రౌండర్‌ శార్దూల్‌ ఠాకూర్‌ను ఢిల్లీ క్యాపిటల్స్‌ నుంచి తెచ్చుకున్న విషయం తెలిసిందే. కమిన్స్‌, ఫించ్‌, సామ్‌ బిల్లింగ్స్‌ స్థానాలను వీరు భర్తీ చేసే అవకాశం ఉంది.  కాగా, కొచ్చి వేదికగా డిసెంబర్‌ 23న జరుగనున్న ఐపీఎల్‌-2023 మినీ వేలం నేపథ్యంలో ఆయా ఫ్రాంచైజీలు అట్టిపెట్టుకోవాలనుకున్న ఆటగాళ్ల జాబితా పాటు వద్దనుకున్న ఆటగాళ్ల జాబితాను సమర్పించాలని బీసీసీఐ నవంబర్‌ 15ను డెడ్‌లైన్‌గా ప్రకటించిన విషయం తెలిసిందే. ప్రస్తుతానికి ముంబై, చెన్నై జట్లు మాత్రమే తమ రిలీజ్డ్‌, రీటెయిన్డ్‌ ప్లేయర్ల లిస్ట్‌ను బీసీసీఐకి సమర్పించినట్లు తెలుస్తోంది. చదవండి: స్టార్‌ ఆల్‌రౌండర్‌ను వదులుకున్న ముంబై, జడేజాను అట్టిపెట్టుకున్న చెన్నై..! చదవండి: T20 WC 2022: ఓటమి బాధలో ఉన్న కేన్‌ మామకు మరో భారీ షాక్‌..!

Australia Vs England ODI Series 2022: టీ20 ప్రపంచకప్‌-2022 టోర్నీలో చేదు అనుభవం ఎదుర్కొన్న ఆతిథ్య ఆస్ట్రేలియా.. వన్డే వరల్డ్‌కప్‌ సన్నాహకాలు షురూ చేసింది. ఇందులో భాగంగా స్వదేశంలో ఇంగ్లండ్‌తో ద్వైపాక్షిక సిరీస్‌ ఆడనుంది. నవంబరు 17 నుంచి ఆరంభం కానున్న ఈ సిరీస్‌ కోసం క్రికెట్‌ ఆస్ట్రేలియా మంగళవారం తమ జట్టును ప్రకటించింది. కొత్త సారథిగా ప్యాట్‌ కమిన్స్‌ ప్రస్థానం మొదలు ఆరోన్‌ ఫించ్‌ వన్డేలకు వీడ్కోలు పలికిన నేపథ్యంలో అతడి స్థానంలో టెస్టు కెప్టెన్‌ ప్యాట్‌ కమిన్స్‌ తొలిసారిగా వన్డే సారథిగా బాధ్యతలు చేపట్టనున్నాడు. ఇక ఫించ్‌ గైర్హాజరీలో ఓపెనర్‌ స్థానానికి ట్రవిస్‌ హెడ్‌ను ఎంపిక చేసింది యాజమాన్యం.  వరల్డ్‌కప్‌ టోర్నీ కోసం సుదీర్ఘకాలం తర్వాత అతడు జట్టులో పునరాగమనం చేయడం గమనార్హం. అదే విధంగా పేసర్లు మిచెల్‌ స్టార్క్‌, జోష్‌ హాజిల్‌వుడ్‌లకు 14 మంది సభ్యులు గల ఈ జట్టులో చోటు దక్కింది. ఈ నేపథ్యంలో చీఫ్‌ సెలక్టర్‌ జార్జ్‌ బెయిలీ మాట్లాడుతూ.. ‘‘వన్డే కొత్త కెప్టెన్‌ ప్యాట్‌ కమిన్స్‌ సారథ్యంలో వరల్డ్‌కప్‌ నాటికి జట్టును బలోపేతం చేయడమే లక్ష్యం. మాకిది ముఖ్యమైన సిరీస్‌. ఫించ్‌ స్థానంలో ట్రవిస్‌ హెడ్‌ జట్టులోకి వచ్చాడు. ఇండియాలో వచ్చే ఏడాది జరుగనున్న ప్రపంచకప్‌ టోర్నీకి సిద్ధం కావడంపైనే ప్రస్తుతం మేము దృష్టి సారించాం’’ అని చెప్పుకొచ్చాడు. ఆస్ట్రేలియా వర్సెస్‌ ఇంగ్లండ్‌ వన్డే సిరీస్‌- షెడ్యూల్‌ నవంబరు 17, గురువారం- అడిలైడ్‌ నంబరు 19, శనివారం, సిడ్నీ నవంబరు 22, మంగళవారం, మెల్‌బోర్న్‌ ఇంగ్లండ్‌తో వన్డే సిరీస్‌- ఆస్ట్రేలియా జట్టు ఇదే ప్యాట్‌ కమిన్స్‌(కెప్టెన్‌), ఆష్టన్‌ అగర్‌, అలెక్స్‌ కారీ(వికెట్‌ కీపర్‌), కామెరూన్‌ గ్రీన్‌, జోష్‌ హాజిల్‌వుడ్‌, ట్రవిస్‌ హెడ్‌, మార్నస్‌ లబుషేన్‌, మిచెల్‌ మార్ష్‌, గ్లెన్‌ మాక్స్‌వెల్‌, స్టీవ్‌ స్మిత్‌, మిచెల్‌ స్టార్క్‌, మార్కస్‌ స్టొయినిస్‌, డేవిడ్‌ వార్నర్‌, ఆడం జంపా. చదవండి: T20 WC 2022: ఇంగ్లండ్‌తో సెమీస్‌ సమరం.. టీమిండియాలో రెండు మార్పులు..? T20 WC 2022: టీమిండియా ఫ్యాన్స్‌ను కలవరపెడుతున్న 1992 సెంటిమెంట్‌..! SQUAD: Presenting a stacked national men's team for the upcoming three-match series against our oldest rivals #AUSvENG 🎟 https://t.co/Zh2kdufP5Q pic.twitter.com/Uj9ptY0HdV — Cricket Australia (@CricketAus) November 8, 2022

టి20 ప్రపంచకప్‌లో మరో ఆసక్తికర పోరు జరిగింది. సూపర్‌-12 గ్రూఫ్‌-1లో అఫ్గానిస్తాన్‌ ఆస్ట్రేలియాను దాదాపు ఓడించినంత పని చేసింది. ఆఖర్లో రషీద్‌ ఖాన్‌ సంచలన ఇన్నింగ్స్‌తో మెరవడంతో విజయానికి దగ్గరగా వచ్చిన ఆఫ్గన్‌ కేవలం నాలుగు పరుగుల తేడాతో ఓటమి పాలైంది. 169 పరుగుల లక్ష్యంతో బరిలోకి దిగిన అఫ్గానిస్తాన్‌ 20 ఓవర్లలో ఏడు వికెట్ల నష్టానికి 164 పరుగులు చేసింది. రషీద్‌ ఖాన్‌ 23 బంతుల్లో 48 పరుగులతో మెరవగా.. గుల్బదిన్‌ నయీబ్‌ 39, ఇబ్రహీం జర్దన్‌ 26, రహమనుల్లా గుర్బాజ్‌ 30 పరుగులు చేశారు. ఆసీస్‌ బౌలర్లలో ఆడమ్‌ జంపా, జోష్‌ హాజిల్‌వుడ్‌లు చెరో రెండు వికెట్లు తీయగా.. కేన్‌ రిచర్డ్‌సన్‌ ఒక వికెట్‌ తీశాడు. ఈ విజయంతో ఆస్ట్రేలియా సెమీస్‌ రేసులో ఉన్నప్పటికి నెట్‌రనరేట్‌ మాత్రం మైనస్‌లోనే ఉంది. దీంతో శ్రీలంకతో జరిగే మ్యాచ్‌లో ఇంగ్లండ్‌ మాములు విజయం సాధించినా ఆసీస్‌ ఇంటిదారి పట్టాల్సిందే. ఒకవేళ ఇంగ్లండ్‌ ఓడిపోతే మాత్రం ఆసీస్‌ సెమీస్‌కు చేరుతుంది. ఒకే ఓవర్లో రెండు వికెట్లు కోల్పోయిన అఫ్గానిస్తాన్‌ ► 40 పరుగులకే రెండు వికెట్లు కోల్పోయి కష్టాల్లో పడిన అఫ్గానిస్తాన్‌ ఇన్నింగ్స్‌ను ఇబ్రహీం జర్దన్‌(26), గుల్బదిన్‌ నయిబ్‌(39) నిలబెట్టే ప్రయత్నం చేశారు. ఇన్నింగ్స్‌ సాఫీగా సాగుతున్న సమయంలో మాక్స్‌వెల్‌ స్టన్నింగ్‌ ఫీల్డింగ్‌కు గుల్బదిన్‌ రనౌట్‌ అయ్యాడు. ఆ తర్వాత ఆడమ్‌ జంపా వేసిన ఇన్నింగ్స్‌ 14వ ఓవర్‌ తొలి బంతికే ఇబ్రహీం జర్దన్‌ కూడా క్యాచ్‌ ఔట్‌గా పెవిలియన్‌ చేరాడు. ఆ తర్వాత అదే ఓవర్‌ మూడో బంతికి నజీబుల్లా జర్దన్‌ డకౌట్‌గా వెనుదిరిగాడు. ప్రస్తుతం అఫ్గానిస్తాన్‌ 99 పరుగులకే ఐదు వికెట్లు కోల్పోయి కష్టాల్లో పడింది. ధాటిగా ఆడుతున్న అఫ్గానిస్తాన్‌.. 13 ఓవర్లలో 102/2 ► 169 పరుగుల లక్ష్యంతో బరిలోకి దిగిన అఫ్గానిస్తాన్‌ ధాటిగా ఆడుతుంది. 13 ఓవర్లు ముగిసేసరికి రెండు వికెట్ల నష్టానికి 98 పరుగులు చేసంది. ఇబ్రహీ జర్దన్‌ 24, గుల్బదిన్‌ నయీబ్‌ 39 పరుగులతో ఆడుతున్నారు. 10 ఓవర్లలో ఆఫ్గన్‌ స్కోరు ఎంతంటే? ► 10 ఓవర్లు ముగిసేసరికి అఫ్గానిస్తాన్‌ రెండు వికెట్ల నష్టానికి 71 పరుగులు చేసింది. గుల్బదిన్‌ నయీబ్‌ 24, ఇబ్రహీం జర్దన్‌ 14 పరుగులతో క్రీజులో ఉన్నారు. ఆఫ్గన్‌ విజయానికి 60 బంతుల్లో 97 పరుగులు కావాలి వార్నర్‌ స్టన్నింగ్‌ క్యాచ్‌.. రెండో వికెట్‌ కోల్పోయిన ఆఫ్గన్‌ ► డేవిడ్‌ వార్నర్‌ స్టన్నింగ్‌ క్యాచ్‌తో 30 పరుగులు చేసిన రహమనుల్లా గుర్బాజ్‌ వెనుదిరగడంతో ఆఫ్గన్‌ రెండో వికెట్‌ కోల్పోయింది. ప్రస్తుతం ఆ జట్టు 6 ఓవర్లలో రెండు వికెట్ల నష్టానికి 47 పరుగులు చేసింది. గుల్బదిన్‌ నయీబ్‌ 7, ఇబ్రహీం జర్దన్‌ 7 పరుగులతో క్రీజులో ఉన్నారు. తొలి వికెట్‌ కోల్పోయిన అఫ్గనిస్తాన్‌ ► 169 పరుగుల లక్ష్యంతో బరిలోకి దిగిన అఫ్గానిస్తాన్‌ తొలి వికెట్‌ కోల్పోయింది. జట్టు స్కోరు 15 పరుగుల వద్ద హాజిల్‌వుడ్‌ బౌలింగ్‌లో ఉస్మాన్‌ ఘనీ(2) కమిన్స్‌కు క్యాచ్‌ ఇచ్చి వెనుదిరిగాడు.  అఫ్గానిస్తాన్‌ టార్గెట్‌ 169.. ►అఫ్గనిస్తాన్‌తో కీలక పోరులో నిర్ణీత 20 ఓవర్లలో ఆస్ట్రేలియా 8 వికెట్ల నష్టానికి 168 పరుగులు చేసింది. 32 బంతుల్లో 54 పరుగులతో అజేయంగా నిలిచిన గ్లెన్‌ మాక్స్‌వెల్‌ ఆసీస్‌ ఇన్నింగ్స్‌లో టాప్‌ స్కోరర్‌గా నిలిచాడు. మార్ష్‌ 45, వార్నర్‌ 25, స్టొయినిస్‌ 25 పరుగులు చేయగలిగారు.  ఇక అఫ్గన్‌ బౌలర్లలో ఫరూకీ రెండు, ముజీబ్‌ ఒకటి, నవీన్‌ ఉల్‌ హక్‌ అత్యధికంగా మూడు, రషీద్‌ ఖాన్‌ ఒక వికెట్‌ దక్కించుకున్నారు. రిచర్డ్‌సన్‌ రనౌట్‌ నవీన్‌ బౌలింగ్‌లో మాక్స్‌వెల్‌ షాట్‌ బాదగా పరుగు పూర్తి చేసే క్రమంలో కేన్‌ రిచర్డ్‌సన్‌ రనౌట్‌ అయ్యాడు. 19 ఓవర్లు ముగిసే సరికి ఆస్ట్రేలియా స్కోరు: 159/8 కమిన్స్‌ డకౌట్‌ ఎనిమిదో స్థానంలో బ్యాటింగ్‌కు దిగిన ప్యాట్‌ కమిన్స్‌ డకౌట్‌ అయ్యాడు. నవీన్‌ బౌలింగ్లో రషీద్‌కు క్యాచ్‌ ఇచ్చి వెనుదిరిగాడు. కమిన్స్‌ రూపంలో ఆసీస్‌ ఏడో వికెట్‌ కోల్పోయింది.  వేడ్‌ అవుట్‌ 18వ ఓవర్‌ ఐదో బంతికి ఫరూకీ.. ఆసీస్‌ కెప్టెన్‌ వేడ్‌(6)ను బౌల్డ్‌ చేశాడు. దీంతో ఆస్ట్రేలియా ఆరో వికెట్‌ కోల్పోయింది. ఐదో వికెట్‌ డౌన్‌ 16వ ఓవర్లో రషీద్‌ ఖాన్‌ బౌలింగ్‌లో స్టొయినిస్‌ ఐదో వికెట్‌గా వెనుదిరిగాడు. మాక్స్‌వెల్‌, వేడ్‌ క్రీజులో ఉన్నారు. 17 ఓవర్లలో ఆసీస్‌ స్కోరు- 146/5. మార్ష్‌ అవుట్‌ జోరు మీదున్న మార్ష్‌ను ముజీబ్‌ పెవిలియన్‌కు పంపాడు. దీంతో ఆసీస్‌ నాలుగో వికెట్‌ కోల్పోయింది. 11 ఓవర్లలో స్కోరు 88/4. స్టొయినిస్‌, మాక్స్‌వెల్‌ క్రీజులో ఉన్నారు. అర్ధ శతకానికి చేరువలో మార్ష్‌ 29 బంతుల్లో 3 ఫోర్లు, 2 సిక్స్‌ల సాయంతో 45 పరుగులు చేసిన మిచెల్‌ మార్ష్‌ హాఫ్‌ సెంచరీకి చేరువయ్యాడు. 10 ఓవర్లలో ఆసీస్‌ స్కోరు: 83/3 8 ఓవర్లలో ఆసీస్‌ స్కోరు: 64-3 మిచెల్‌ మార్ష్‌ 28, మార్కస్‌ స్టొయినిస్‌ మూడు పరుగులతో క్రీజులో ఉన్నారు. పవర్‌ ప్లే ముగిసే సరికి ఆస్ట్రేలియా స్కోరు ఎంతంటే!  ఫజల్‌హక్‌ ఫారూకీ అఫ్గనిస్తాన్‌కు శుభారంభం అందించాడు. మూడో ఓవర్‌ తొలి బంతికే గ్రీన్‌ను పెవిలియన్‌కు పంపి తొలి వికెట్‌ తన ఖాతాలో వేసుకున్నాడు. ఇక ఆరో ఓవర్‌ తొలి బంతికే వార్నర్‌ను అవుట్‌ చేశాడు నవీన్‌ ఉల్‌ హక్‌. అంతేకాదు ఆఖరి బంతికి స్మిత్‌ను పెవిలియన్‌కు చేర్చాడు. దీంతో పవర్‌ ప్లే ముగిసే సరికి 3 వికెట్ల నష్టానికి ఆస్ట్రేలియా 54 పరుగులు చేసింది.  ప్రపంచకప్‌-2022లో భాగంగా టీ20 ఫార్మాట్‌లో ఆస్ట్రేలియా- అఫ్గనిస్తాన్‌ జట్లు తొలిసారి ముఖాముఖి పోటీపడుతున్నాయి. సూపర్‌-12లో భాగంగా గ్రూప్‌-1లో ఉన్న ఇరు జట్లు శుక్రవారం మ్యాచ్‌లో అమీతుమీ తేల్చుకునేందుక సిద్ధమయ్యాయి. డిఫెండింగ్‌ చాంపియన్‌ ఆసీస్‌ సెమీస్‌ ఆశలు సజీవంగా ఉండాలంటే ఈ మ్యాచ్‌లో తప్పక భారీ విజయం సాధించి తీరాలి. మరోవైపు ఈ మ్యాచ్‌ గెలిచినా అఫ్గన్‌కు పెద్దగా లాభం లేకపోయినప్పటికీ.. ఆస్ట్రేలియా సెమీ ఫైనల్‌ ఆశలకు గండికొట్టే అవకాశం ఉంది. ఇక అఫ్గన్‌తో మ్యాచ్‌కు ఆస్ట్రేలియా కెప్టెన్‌ ఆరోన్‌ ఫించ్‌ గాయం కారణంగా దూరం కాగా.. మాథ్యూ వేడ్‌ సారథ్య బాధ్యతలు చేపట్టాడు. మూడు మార్పులు టాస్‌ సందర్భంగా తాము మూడు మార్పులతో బరిలోకి దిగనున్నట్లు వికెట్‌ కీపర్‌ బ్యాటర్‌ వేడ్‌ వెల్లడించాడు. ఫించ్‌, టిమ్‌ డేవిడ్‌, మిచెల్‌ స్టార్క్‌.. స్థానాల్లో కామెరూన్‌ గ్రీన్‌, స్టీవ్‌ స్మిత్‌, కేన్‌ రిచర్డ్‌సన్‌ తుది జట్టులోకి వచ్చినట్లు తెలిపాడు. మరోవైపు.. అఫ్గనిస్తాన్‌ రెండు మార్పులతో మైదానంలో దిగింది. అజ్మతుల్లా ఒమర్జాయ్‌, ఫరీద్‌ అహ్మద్‌ స్థానాల్లో డార్విష్‌ రసౌలీ, నవీన్‌ ఉల్‌ హక్‌లకు తుది జట్టులో చోటు దక్కింది.  కాగా ఆసీస్‌తో మ్యాచ్‌లో టాస్‌ గెలిచిన అఫ్గన్‌ తొలుత ఫీల్డింగ్‌ ఎంచుకుంది.  తుది జట్లు ఇవే: అఫ్గనిస్తాన్‌: రహ్మనుల్లా గుర్బాజ్(వికెట్‌ కీపర్‌), ఉస్మాన్ ఘనీ, ఇబ్రహీం జద్రాన్, గుల్బాదిన్ నైబ్, డారిష్‌ రసౌలీ, నజీబుల్లా జద్రాన్, మహ్మద్ నబీ(కెప్టెన్‌), రషీద్ ఖాన్, ముజీబ్ ఉర్ రహ్మాన్, నవీన్-ఉల్-హక్, ఫజల్హాక్ ఫరూఖీ. ఆస్ట్రేలియా: కామెరూన్ గ్రీన్, డేవిడ్ వార్నర్, మిచెల్ మార్ష్, స్టీవెన్ స్మిత్, గ్లెన్ మాక్స్‌వెల్, మార్కస్ స్టోయినిస్, మాథ్యూ వేడ్(కెప్టెన్‌/వికెట్‌ కీపర్‌), పాట్ కమిన్స్, కేన్ రిచర్డ్‌సన్, ఆడమ్ జంపా, జోష్ హాజిల్‌వుడ్. చదవండి: T20 WC 2022 Final: టీమిండియాతో ఫైనల్‌ ఆడే జట్టు ఇదేనన్న ఆసీస్‌ దిగ్గజం.. అయితే! T20 WC 2022 NZ Vs IRE: ఐర్లాండ్‌పై ఘన విజయం.. సెమీస్‌కు చేరిన న్యూజిలాండ్‌!

టీ20 ప్రపంచకప్‌లో భాగంగా ఆఫ్గానిస్తాన్‌తో కీలక మ్యాచ్‌కు ముందు ఆస్ట్రేలియాకు బిగ్‌ షాక్‌ తగిలే అవకాశం ఉంది. ఆసీస్‌ కెప్టెన్‌ ఆరోన్‌ ఫించ్‌ గాయం కారణంగా ఆఫ్గానిస్తాన్‌తో మ్యాచ్‌కు దూరం కానున్నట్లు తెలుస్తోంది. కాగా సోమవారం ఐర్లాండ్‌తో జరిగిన మ్యాచ్‌లో ఫించ్‌ అద్భుతమైన ఇన్నింగ్స్‌ ఆడాడు. ఈ మ్యాచ్‌లో 44 బంతులు ఎదుర్కొన్న ఫించ్‌.. 5 ఫోర్లు, మూడు సిక్స్‌లతో 63 పరుగులు సాధించాడు. అయితే  ఈ మ్యాచ్‌ తొలి ఇన్నింగ్స్‌ అఖరిలో ఫించ్‌ తొడ కండరాలు పట్టేశాయి. అయినప్పటికీ బాధను భరిస్తూనే ఇన్నింగ్స్‌ను కొనసాగించాడు. అనంతరం సెకెండ్‌ ఇన్నింగ్స్‌లో ఫించ్‌ ఫీల్డ్‌లోకి రాలేదు. అతడి స్థానంలో వైస్-కెప్టెన్ మాథ్యూ వేడ్ బాధ్యతలు స్వీకరించాడు. ఇక తన గాయంకు సంబంధించిన అప్‌డేట్‌ను  మ్యాచ్‌ అనంతరం ఫించ్‌ వెల్లడించాడు. "ప్రస్తుతం చాలా నొప్పిగా ఉంది. నేను రేపు(మంగళవారం) స్కానింగ్‌ కోసం వెళ్తాను. గతంలో కూడా ఇదే గాయంతో బాధపడ్డాను. స్కాన్‌ రిపోర్ట్స్‌ బట్టి విశ్రాంతి తీసుకోవాలా వద్ద అన్నది ఆలోచిస్తాను" అని ఫించ్‌ పేర్కొన్నాడు. కాగా ఈ మ్యాచ్‌లో ఐర్లాండ్‌పై 42 పరుగుల తేడాతో ఆసీస్‌ ఘన విజయం సాధించింది. ఇక  నవంబర్‌ 4న ఆడిలైడ్‌ వేదికగా ఆఫ్గానిస్తాన్‌తో ఆస్ట్రేలియా తలపడనుంది. In a positive update, it was just precautionary for Tim David, who was kept out from fielding with hamstring tightness 🤞 https://t.co/SpUaVotkhk — Fox Cricket (@FoxCricket) October 31, 2022 చదవండి: T20 WC 2022: 'బాబర్‌ అజం స్వార్దపరుడు.. కేవలం రికార్డుల కోసం మాత్రమే'

బ్రిస్బేన్‌: కెప్టెన్‌ ఆరోన్‌ ఫించ్‌ (44 బంతుల్లో 63; 5 ఫోర్లు, 3 సిక్సర్లు) చాలా కాలం తర్వాత ఆస్ట్రేలియాను గెలిపించే ఇన్నింగ్స్‌ ఆడాడు. దీంతో టి20 ప్రపంచకప్‌లో సోమవారం జరిగిన ‘సూపర్‌–12’ మ్యాచ్‌లో ఆతిథ్య ఆసీస్‌ 42 పరుగుల తేడాతో ఐర్లాండ్‌పై ఘన విజయం సాధించింది. ఈ గెలుపుతో గ్రూప్‌–1లో ఫించ్‌ సేన న్యూజిలాండ్‌తో పాటు 5 పాయింట్లతో సమ ఉజ్జీగా నిలిచింది. ముందుగా బ్యాటింగ్‌కు దిగిన ఆస్ట్రేలియా నిర్ణీత 20 ఓవర్లలో 5 వికెట్ల నష్టానికి 179 పరుగులు చేసింది. స్టొయినిస్‌ (25 బంతుల్లో 35; 3 ఫోర్లు, 1 సిక్స్‌) మెరుగ్గా ఆడాడు. ఐర్లాండ్‌ బౌలర్‌ బారి మెకార్తీ (3/29) టాపార్డర్‌ను కూల్చేశాడు. అనంతరం లక్ష్య ఛేదనకు దిగిన ఐర్లాండ్‌ 18.1 ఓవర్లలో 137 పరుగులకే ఆలౌటైంది. లోర్కన్‌ టకర్‌ (48 బంతుల్లో 71 నాటౌట్‌; 9 ఫోర్లు, 1 సిక్స్‌) ఒంటరి పోరాటం చేయగా, మ్యాక్స్‌వెల్‌ (2/14), స్టార్క్‌ (2/43) కీలక వికెట్లతో ఐర్లాండ్‌ను పడగొట్టారు.   ఫించ్‌ ఫిఫ్టీ గత వరల్డ్‌ కప్‌ ‘ప్లేయర్‌ ఆఫ్‌ ద టోర్నీ’ డేవిడ్‌ వార్నర్‌ (3) వరుసగా మూడో మ్యాచ్‌లోనూ విఫలమయ్యాడు. లిటిల్, మెకార్తీ కట్టుదిట్టమైన బౌలింగ్‌తో ఆరంభంలో ఆస్ట్రేలియా బ్యాటర్లు కష్ట పడ్డారు. బౌండరీ కొట్టేందుకు మూడో ఓవర్‌దాకా వేచి చూడక తప్పలేదు. పవర్‌ ప్లే (6 ఓవర్లు)లో ఆసీస్‌ స్కోరు 38/1 మాత్రమే. అనంతరం ఫియోన్‌ హ్యాండ్‌ ఓవర్లో రెండు సిక్సర్లు బాదిన మిచెల్‌  (22 బంతుల్లో 28; 2 ఫోర్లు, 2 సిక్సర్లు)  వేగం పెంచాడు. కాసేపటికే అతన్ని అవుట్‌చేసి ఈ వేగానికి మెకార్తీ కళ్లెం వేశాడు. మ్యాక్స్‌వెల్‌ (13) త్వరగానే పెవిలియన్‌ చేరగా... స్టొయినిస్‌తో కలిసి ఫించ్‌ జట్టును నడిపించాడు. ఆసీస్‌ సారథి 38 బంతుల్లో (4 ఫోర్లు, 2 సిక్స్‌లు) అర్ధ సెంచరీ పూర్తి చేసుకున్నాడు. నాలుగో వికెట్‌కు 70 పరుగులు జోడించాక ఫించ్‌ కూడా మెకార్తీ బౌలింగ్‌లోనే వెనుదిరిగాడు. టిమ్‌ డేవిడ్‌ (10 బంతుల్లో 15 నాటౌట్‌; 2 ఫోర్లు), వేడ్‌ (7 నాటౌట్‌) ఆఖరి ఓవర్లో 17 పరుగులు చేశారు. టకర్‌ నాటౌట్‌ పటిష్టమైన ఆస్ట్రేలియా బౌలింగ్‌ను వారి సొంతగడ్డపై ఎదుర్కొనే సత్తా ఐర్లాండ్‌ బ్యాటర్స్‌కు లేకపోయినా... ఒకే ఒక్కడు టకర్‌ మాత్రం అదరగొట్టాడు. 25 పరుగులకే ఐర్లాండ్‌ సగం వికెట్లు కోల్పోయింది. ఓపెనర్లు స్టిర్లింగ్‌ (11), బాల్బిర్నీ (6) సహా ఆఖరి వరుస దాకా టెక్టర్‌ (6), కాంఫెర్‌ (0), డాక్రెల్‌ (0), డెలానీ (14), అడయిర్‌ (11), హ్యాండ్‌ (6), మెకార్తీ (3), లిటిల్‌ (1)... ఇలా ఏ ఒక్కరు కనీస ప్రదర్శన చేయలేకపోయినా వన్‌డౌన్‌లో వచ్చిన టకర్‌ అసాధారణ పోరాటం చేశాడు. అండగా నిలిచే సహచరులు కరువైన చోట అతను 40 బంతుల్లో (5 ఫోర్లు, 1 సిక్స్‌) అర్ధసెంచరీ పూర్తి చేసుకున్నాడు. ఐర్లాండ్‌ ఇన్నింగ్స్‌లో ఇద్దరు మినహా అంతా సింగిల్‌ డిజిట్‌కే నిష్క్రమించినా... తను మాత్రం ఆఖరి దాకా క్రీజులో నిలిచాడు. ఆసీస్‌ బౌలర్లలో మ్యాక్స్‌వెల్, స్టార్క్‌లతో పాటు కమిన్స్, జంపా తలా రెండేసి వికెట్లు పడగొట్టారు. ఈ విజయంతో ఆసీస్‌ గ్రూప్‌-1లో రెండో స్థానానికి ఎగబాకింది. ఆసీస్‌ 4 మ్యాచ్‌ల్లో 2 విజయాలు, ఓ పరాజయం, మరో మ్యాచ్‌ ఫలితం తేలకపోవడంతో -0.304 రన్‌రేట్‌తో 5 పాయింట్లు దక్కించుకుంది. ఈ గ్రూప్‌లో న్యూజిలాండ్‌ అగ్రస్థానంలో ఉండగా.. ఇంగ్లండ్‌, ఐర్లాండ్‌, ఆఫ్ఘనిస్తాన్‌, శ్రీలంక వరుసగా 3 నుంచి 6 స్థానాల్లో నిలిచాయి. 

టీ20 వరల్డ్‌కప్‌-2022 గ్రూప్‌-1లో భాగంగా ఇవాళ (అక్టోబర్‌ 31) ఆస్ట్రేలియా-ఐర్లాండ్‌ జట్లు తలపడ్డాయి. ఈ మ్యాచ్‌లో టాస్‌ ఓడిన ఆసీస్‌.. ప్రత్యర్ధి ఆహ్వానం మేరకు తొలుత బ్యాటింగ్‌ చేసింది. కెప్టెన్‌ ఆరోన్‌ ఫించ్‌ (44 బంతుల్లో 63; 5 ఫోర్లు, 3 సిక్సర్లు) అర్ధసెంచరీతో  చెలరేగగా.. ఆఖర్లో మార్కస్‌ స్టొయినిస్‌ (25 బంతుల్లో 35; 3 ఫోర్లు, సిక్స్‌), టిమ్‌ డేవిడ్‌ (10 బంతుల్లో 15 నాటౌట్‌; 2 ఫోర్లు) బ్యాట్‌ ఝులిపించారు. మిచెల్‌ మార్ష్‌ (22 బంతుల్లో 28; 2 ఫోర్లు, 2 సిక్సర్లు) ఓ మోస్తరుగా రాణించాడు. ఫలితంగా ఆసీస్ నిర్ణీత ఓవర్లలో 5 వికెట్ల నష్టానికి 179 పరుగులు చేసింది. ఐర్లాండ్‌ బౌలర్లలో బ్యారీ మెక్‌ కార్తీ మూడు వికెట్లు పడగొట్టగా.. జాషువ లిటిల్‌ రెండు వికెట్లు తన ఖాతాలో వేసుకున్నాడు. అనంతరం 180 పరుగుల భారీ లక్ష్యాన్ని ఛేదించేందుకు బరిలోకి దిగిన ఐర్లాండ్‌ 25 పరుగులకే 4 వికెట్లు కోల్పోయి కష్టాల్లో పడింది. మ్యాక్స్‌వెల్‌ 2, స్టార్క్‌, కమిన్స్‌ తలో వికెట్‌ పడగొట్టారు. ఇక ఈ మ్యాచ్‌లో తమ బౌలర్లు సమిష్టిగా రాణించడంతో ఆస్ట్రేలియా 42 పరుగుల తేడాతో గెలుపొందింది.

టీ20 ప్రపంచకప్‌-2022లో భాగంగా ఐర్లాండ్‌తో కీలక పోరుకు ఆస్ట్రేలియా సిద్దమైంది. బ్రేస్బేన్‌ వేదికగా జరుగుతోన్న ఈ మ్యాచ్‌లో టాస్‌ గెలిచిన ఐర్లాండ్‌ తొలుత ఫీల్డింగ్‌ ఎంచుకుంది. సెమీస్‌ రేసులో ఆసీస్‌ నిలవాలంటే ఈ మ్యాచ్‌లో ఖచ్చితంగా విజయం సాధించాలి. పాయింట్ల పట్టికలో గ్రూపు-1 నంచి ఆస్ట్రేలియా నాలుగో స్థానంలో ఉంది. తొలి మ్యాచ్‌లో కివీస్‌ చేతిలో ఘోర ఓటమి చవి చూసిన ఫించ్‌ సేన.. అనంతరం శ్రీలంకపై విజయం సాధించింది. అయితే ఇంగ్లండ్‌తో కీలకమైన మ్యాచ్‌ రద్దు కావడంతో ఆస్ట్రేలియా ఖాతాలో కేవలం ఒక్క పాయింట్‌ చేరింది. మరోవైపు ఐర్లాండ్‌కు కూడా ఇది డూ ఆర్‌డై మ్యాచ్‌. ఈ మ్యాచ్‌లో విజయం సాధిస్తానే ఐర్లాండ్‌ తమ సెమీస్‌ ఆశలు సజీవంగా నిలుపుకుంటుంది. తుది జట్లు:  ఆస్ట్రేలియా డేవిడ్ వార్నర్, ఆరోన్ ఫించ్(కెప్టెన్‌), మిచెల్ మార్ష్, గ్లెన్ మాక్స్‌వెల్, మార్కస్ స్టోయినిస్, టిమ్ డేవిడ్, మాథ్యూ వేడ్(వికెట్‌ కీపర్‌), పాట్ కమిన్స్, ఆడమ్ జంపా, మిచెల్ స్టార్క్, జోష్ హేజిల్‌వుడ్ ఐర్లాండ్‌ పాల్ స్టిర్లింగ్, ఆండ్రూ బల్బిర్నీ(కెప్టెన్‌), లోర్కాన్ టక్కర్(వికెట్‌ కీపర్‌), హ్యారీ టెక్టర్, కర్టిస్ కాంఫర్, జార్జ్ డాక్రెల్, గారెత్ డెలానీ, మార్క్ అడైర్, బారీ మెక్‌కార్తీ, ఫియోన్ హ్యాండ్, జాషువా లిటిల్ చదవండి: Virat Kohli: కోహ్లికి చేదు అనుభవం! వీడియో వైరల్‌.. విరాట్‌ సీరియస్‌

టీ20 ప్రపంచకప్‌-2022లో డిఫిండింగ్‌ ఛాంపియన్‌ ఆస్ట్రేలియా మరో కీలక పోరుకు సిద్దమైంది. పెర్త్‌ వేదికగా మంగళవారం(ఆక్టోబర్‌25) శ్రీలంకతో ఆస్ట్రేలియా తలపడనుంది.  కాగా న్యూజిలాండ్‌తో జరిగిన సూపర్‌-12 తొలి మ్యాచ్‌లో ఆసీస్‌ ఘోర ఓటమిని చవిచూసింది. ఈ మ్యాచ్‌లో ఆసీస్‌ బౌలింగ్‌, బ్యాటింగ్‌ రెండింటిలోనూ విఫలమైంది. తొలుత బ్యాటింగ్‌ చేసిన న్యూజిలాండ్‌.. కాన్వే(92) చేలరేగడంతో 200 పరుగుల భారీ స్కోర్‌ సాధించింది. అనంతరం బ్యాటింగ్‌కు దిగిన ఆసీస​ కేవలం 111 పరుగులకే కుప్పకూలింది. మ్యాక్స్‌వెల్‌ మెరుస్తాడా ఇక శ్రీలంకతో జరగనున్న ఈ మ్యాచ్‌ ఆస్ట్రేలియాకు చాలా కీలకం. పాయింట్ల పట్టికలో ఆస్ట్రేలియా ఇప్పటికే అఖరి స్థానంలో కొనసాగుతుంది. కాబట్టి వరుస మ్యాచ్‌ల్లో ఆస్ట్రేలియా విజయం సాధించకపోతే గ్రూప్‌ దశలోనే ఇంటిముఖం పట్టక తప్పదు. అయితే శ్రీలంకపై మాత్రం ఆసీస్‌ విజయం సాధించే అవకాశం ఉంది. ఆస్ట్రేలియా బ్యాటింగ్‌, బౌలింగ్‌ పరంగా పటిష్టంగా కన్పిస్తోంది. బ్యాటింగ్‌లో డేవిడ్‌ వార్నర్‌, మార్ష్‌, డేవిడ్‌ చెలరేగితే శ్రీలంకకు కష్టాలు తప్పవు. అదే విధంగా బౌలింగ్‌లో హాజిల్‌ వుడ్‌, కమ్మిన్స్‌, స్టార్క్‌ ఈ ముగ్గురు పేసర్లు నిప్పులు చేరిగితే లంక బ్యాటర్లకు ముప్పు తిప్పలు తప్పవు. ఇక ఆ జట్టు స్టార్‌ ఆల్‌ రౌండర్‌ మ్యాక్స్‌వెల్‌ ఫామ్‌ లేమి ఆస్ట్రేలియాను కాస్త కలవరపెడుతోంది. అయితే న్యూజిలాండ్‌పై మ్యాక్స్‌వెల్‌ కాస్త పర్వాలేదనపించాడు. మ్యాక్స్‌వెల్‌ తన మునపటి ఫామ్‌ను తిరిగి పొందితే ఆస్ట్రేలియాకు ఇక తిరుగుండదు. మెండిస్‌, హాసరంగా మళ్లీ మ్యాజిక్‌ చేస్తారా రౌండ్‌-1లో నమీబియా చేతిలో ఆనూహ్యంగా ఓటమి చెందిన శ్రీలంక.. అనంతరం యూఏఈ, నెదర్లాండ్స్‌ను మట్టి కరిపించి సూపర్‌-12లో అడుగుపెట్టింది. అదే విధంగా సూపర్‌-12 తొలి మ్యాచ్‌లోనే ఐర్లాండ్‌ను చిత్తు చేసి తమ జోరును కొనసాగించింది. శ్రీలంక బ్యాటింగ్‌ పరంగా పర్వాలేదనిపిస్తున్నప్పటికీ.. బౌలింగ్‌లో మాత్రం అంత అనుభవం ఉన్న బౌలర్‌ ఒక్కరూ కనిపించడం లేదు. ఆ జట్టు స్టార్‌ పేసర్‌ చమీరా, యువ బౌలర్‌ మధుషాన్‌ గాయం కారణంగా దూరం కావడంతో లంకకు గట్టి ఎదురు దెబ్బ తగిలింది. ఆ జట్టు ఓపెనర్‌ కుశాల్‌ మెండిస్‌ అద్భుతమైన ఫామ్‌లో ఉన్నాడు. అదే విధంగా సూపర్‌-12 తొలి మ్యాచ్‌కు దూరమైన మరో ఓపెనర్‌ నిస్సాంక.. ఆసీస్‌తో పోరుకు జట్టులోకి వచ్చే అవకాశం ఉంది. ఇక బౌలింగ్‌లో మాత్రం లంక పూర్తి స్థాయిలో హాసరంగా, థీక్షణపైనే అధారపడుతోంది. ఈ మ్యాచ్‌లో హాసరంగా తన స్పిన్‌ మ్యాజిక్‌ను మరోసారి రిపేట్‌ చేస్తే ఆస్ట్రేలియా కష్టాలు తప్పవు. హెడ్‌ టూ హెడ్‌ రికార్డులు  ఇక ఇరు జట్లు ఇప్పటి వరకు 25 టీ20ల్లో ముఖాముఖి తలపడగా.. ఆస్ట్రేలియా 15 మ్యాచ్‌ల్లో, లంక 10 మ్యాచ్‌ల్లో విజయం సాధించింది. వరల్డ్‌కప్‌లో అయితే ఇరు జట్లు ఇప్పటి వరకు 5 మ్యాచ్‌ల్లో ముఖాముఖి తలపడగా.. ఆస్ట్రేలియా 3 సార్లు, శ్రీలంక 2 సార్లు గెలుపొందాయి. var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); చదవండి: T20 World Cup 2022: భువనేశ్వర్‌ కుమార్‌ సరికొత్త చరిత్ర.. తొలి బౌలర్‌గా

T20 World Cup 2022- NZ Vs Aus- Aaron Finch: ‘‘మొదటి నాలుగు ఓవర్లలో న్యూజిలాండ్‌ ఓపెనర్లు అద్బుతంగా ఆడారు. మమ్మల్ని కోలుకోలేని దెబ్బ కొట్టారు. లక్ష్య ఛేదనలో శుభారంభం చేయాలని భావించినా.. మేము ఆ పని చేయలేకపోయాం’’ అని ఆస్ట్రేలియా కెప్టెన్‌ ఆరోన్‌ ఫించ్‌ అన్నాడు. తొలి మ్యాచ్‌లో భారీ ఓటమి కారణంగా.. టోర్నీలో తమకు మిగిలి ఉన్న మ్యాచ్‌లలో మరింత జాగ్రత్తగా ఆడాల్సి ఉందని పేర్కొన్నాడు. టీ20 ప్రపంచకప్‌-2022 సూపర్‌-12 ఆరంభ మ్యాచ్‌లో న్యూజిలాండ్‌తో తలపడ్డ ఆతిథ్య ఆసీస్‌కు ఘోర పరాభవం ఎదురైంది. టాస్‌ గెలిచి బౌలింగ్‌ ఎంచుకున్న కంగారూలకు కివీస్‌ ఓపెనర్లు చుక్కలు చూపించారు. ముఖ్యంగా పవర్‌ ప్లేలో ఫిన్‌ అలెన్‌, డెవాన్‌ కాన్వే ఆకాశమే హద్దుగా చెలరేగారు.  వీరిద్దరి విజృంభణతో ఆరు ఓవర్లు ముగిసే సరికి కివీస్‌ ఒక వికెట్‌ నష్టపోయి 65 పరుగులు చేసింది. ఆ తర్వాత కూడా న్యూజిలాండ్‌ బ్యాటర్లను ఆపడం ఆసీస్‌ బౌలర్ల తరం కాలేదు. దీంతో కివీస్‌ 200 పరుగుల మార్కు అందుకుంది. భారీ లక్ష్యంతో బరిలోకి దిగిన ఆసీస్‌ బ్యాటింగ్‌ ఆర్డర్‌ విఫలం కావడంతో 17.1 ఓవర్లకే ఆతిథ్య జట్టు కథ ముగిసింది. 89 పరుగులతో ఓటమి పాలైంది. దీంతో భవిష్యత్తులో గనుక భారీ విజయాలు సాధించకపోతే రన్‌రేటుపై కూడా తీవ్ర ప్రభావం పడే అవకాశం ఉంది. అదృష్టం కూడా కలిసిరావాలి ఈ నేపథ్యంలో ఆసీస్ సారథి ఆరోన్‌ ఫించ్‌ మ్యాచ్‌ అనంతరం మాట్లాడుతూ.. ఓటమికి సమిష్టి వైఫల్యం కారణమని పేర్కొన్నాడు. ఈ మేరకు.. ‘‘ప్రత్యర్థి జట్టు ఓపెనర్లను కట్టడి చేయలేకపోయాం. లక్ష్య ఛేదనలోనూ ఆదిలోనే వికెట్లు కోల్పోయాం. నెట్‌ రన్‌రేటు కూడా దారుణంగా ఉంది. తదుపరి మ్యాచ్‌లో శ్రీలంకతో తలపడబోతున్నాం. మిగిలిన నాలుగు మ్యాచ్‌లలో మేము బాగా కష్టపడాల్సి ఉంటుంది. అదృష్టం కూడా కలిసిరావాలి’’ అని ఫించ్‌ వ్యాఖ్యానించాడు. చదవండి: వరల్డ్‌కప్‌ గురించి ప్రశ్న.. అదిరిపోయే సమాధానం చెప్పిన ధోని  View this post on Instagram A post shared by ICC (@icc) var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

టీ20 వరల్డ్‌కప్‌-2022లో గతేడాది (2021) రన్నరప్‌ న్యూజిలాండ్‌కు శుభారంభం లభించింది. ఇవాళ (అక్టోబర్‌ 22) జరిగిన సూపర్‌-12 తొలి మ్యాచ్‌లో విలియమ్సన్‌ సేన.. డిఫెండింగ్‌ ఛాంపియన్‌ ఆసీస్‌ను 89 పరుగుల భారీ తేడాతో మట్టికరిపించి, గతేడాది వరల్డ్‌కప్‌ ఫైనల్లో ఎదురైన పరాభవానికి ప్రతీకారం తీర్చుకుంది. ఈ మ్యాచ్‌లో కివీస్‌ ఆల్‌రౌండర్‌ ప్రదర్శనతో చెలరేగి.. ఛాంపియన్‌ జట్టుకు షాకిచ్చింది.  ఈ విజయం కివీస్‌కు అపురూప విజయంగా మిగిలిపోనుంది. ఎందుకంటే.. ఆ జట్టు పరిమిత ఓవర్ల క్రికెట్‌లో 13 ఏళ్ల తర్వాత ఆసీస్‌ను వారి సొంతగడ్డపై ఓడించింది. కివీస్‌.. 2009 ఫిబ్రవరిలో ఆసీస్‌ను చివరిసారిగా వారి సొంతగడ్డపై ఓడించింది. 2009 ఫిబ్రవరి 6న మెల్‌బోర్న్‌లో జరిగిన వన్డే మ్యాచ్‌లో కివీస్‌.. ఆస్ట్రేలియాపై 6 వికెట్ల తేడాతో గెలుపొందింది. ఆ మ్యాచ్‌ తర్వాత మళ్లీ ఇన్నాళ్లకు కివీస్‌.. ఆసీస్‌ను వైట్‌బాల్‌ క్రికెట్‌లో వారి సొంతగడ్డపై ఓడించింది.  ఇదిలా ఉంటే, ఆసీస్‌తో జరిగిన మ్యాచ్‌లో తొలుత బ్యాటింగ్‌ చేసిన న్యూజిలాండ్‌.. నిర్ణీత ఓవర్లలో 3 వికెట్ల నష్టానికి 200 పరుగుల భారీ స్కోర్‌ చేయగా.. ఛేదనలో తడబడ్డ ఆసీస్‌ 17.1 ఓవర్లలో 111 పరుగులకే చాపచుట్టేసింది. కివీస్‌ బౌలర్లు టిమ్‌ సౌథీ (3/6), ట్రెంట్‌ బౌల్ట్‌ (2/24), ఫెర్గూసన్‌ (1/20) నిప్పులు చెరిగే బంతులతో ఆసీస్‌పై ఎదురుదాడికి దిగగా.. సాంట్నర్‌ (3/31), ఐష్‌ సోధి (1/29) తమ స్పిన్‌ మాయాజాలంతో ఆసీస్‌ ఆట కట్టించారు. ఆసీస్‌ ఇన్నింగ్స్‌లో మ్యాక్స్‌వెల్‌ (28) టాప్‌ స్కోరర్‌గా నిలిచాడు.  అంతకుముందు ఫిన్‌ అలెన్‌ (16 బంతుల్లో 42; 5 ఫోర్లు, 3 సిక్సర్లు), డెవాన్‌ కాన్వే (58 బంతుల్లో 92 నాటౌట్‌; 7 ఫోర్లు, 2 సిక్సర్లు), నీషమ్‌ (13 బంతుల్లో 26 నాటౌట్‌; 2 సిక్సర్లు) చెలరేగడంతో న్యూజిలాండ్‌ భారీ స్కోర్‌ చేసింది. ఆసీస్‌ బౌలర్లలో హేజిల్‌వుడ్‌కు 2, ఆడమ్‌ జంపాకు ఓ వికెట్‌ దక్కింది. 92 పరుగులతో అజేయంగా నిలిచిన కాన్వేకు ప్లేయర్‌ ఆఫ్‌ ద మ్యాచ్‌ అవార్డు లభించింది. 

T20 World Cup 2022 - New Zealand vs Australia: స్వదేశంలో భారీ అంచనాల నడుమ టీ20 ప్రపంచకప్‌-2022 బరిలోకి దిగిన డిఫెండింగ్‌ చాంపియన్‌ ఆస్ట్రేలియా తొలి మ్యాచ్‌లోనే దారుణంగా విఫలమైంది. బౌలర్లు, బ్యాటర్ల సమిష్టి వైఫల్యం కారణంగా న్యూజిలాండ్‌ చేతిలో చిత్తుగా ఓడిపోయింది.  టాస్‌ గెలిచి సూపర్‌-12 ఆరంభం మ్యాచ్‌లో ఆస్ట్రేలియా- న్యూజిలాండ్‌ సిడ్నీ క్రికెట్‌ గ్రౌండ్‌ వేదికగా తలపడ్డాయి. ఈ మ్యాచ్‌లో టాస్‌ గెలిచిన ఆతిథ్య కంగారూ జట్టు తొలుత బౌలింగ్‌ ఎంచుకుంది. ఆసీస్‌ ఆహ్వానం మేరకు బ్యాటింగ్‌కు దిగిన కివీస్‌కు ఓపెనర్లు ఫిన్‌ అలెన్‌(16 బంతుల్లో 42 పరుగులు), డెవాన్‌ కాన్వే (58 బంతుల్లో 92 పరుగులు- నాటౌట్‌) అద్భుత ఆరంభం అందించారు. వీరిద్దరి విజృంభణతో 20 ఓవర్లలో 3 వికెట్ల నష్టానికి న్యూజిలాండ్‌ 200 పరుగులు చేయగలిగింది. ఆసీస్‌ బౌలర్లలో జంపాకు ఒకటి, హాజిల్‌వుడ్‌కు రెండు వికెట్లు దక్కాయి. కుప్పకూలిన టాపార్డర్‌ న్యూజిలాండ్‌ బౌలర్ల ధాటికి ఆసీస్‌ టాపార్డర్‌ కుప్పకూలింది. ఓపెనర్లు వార్నర్‌ 5, ఆరోన్‌ ఫించ్‌ 13.. వన్‌డౌన్‌ బ్యాటర్‌ మిచెల్‌ మార్ష్‌ 16 పరుగులకే పెవిలియన్‌ చేరారు. ఆ తర్వాత గ్లెన్‌ మాక్స్‌వెల్‌ చేసిన 28 పరుగులే ఆసీస్‌ ఇన్నింగ్స్‌లో టాప్‌ స్కోర్‌. ఇక ఆఖర్లో ప్యాట్‌ కమిన్స్‌ 18 బంతుల్లో 21 పరుగులు చేశాడు. మిగతా వాళ్లంతా సింగిల్‌ డిజిట్‌ స్కోరుకే పరిమితం కాగా 17.1 ఓవర్లలో 111 పరుగులు మాత్రమే చేసి ఆస్ట్రేలియా ఆలౌట్‌ అయింది. టోర్నీలో తమ ఆరంభ మ్యాచ్‌లోనే 89 పరుగులతో న్యూజిలాండ్‌ ఘన విజయం సాధించింది. డెవాన్‌ కాన్వే ప్లేయర్‌ ఆఫ్‌ ది మ్యాచ్‌గా నిలిచాడు. మరీ చెత్తగా ప్రతిష్టాత్మక టోర్నీలో స్వదేశంలో ఆరంభ మ్యాచ్‌లోనే ఆసీస్‌ చెత్త ప్రదర్శన కనబరిచింది. ఏ దశలోనూ ఆకట్టుకోలేకపోయింది. ఒక్కరంటే ఒక్కరు కూడా చెప్పుకోదగ్గ రీతిలో ఆడలేదు. ఈ నేపథ్యంలో బౌలింగ్‌, బ్యాటింగ్‌లో స్థాయికి తగ్గట్లు రాణించలేక చతికిల పడ్డ ఫించ్‌ బృందంపై అభిమానులు మండిపడుతున్నారు. డిఫెండింగ్‌ చాంపియన్‌ మరీ ఇంత చెత్తగా ఆడుతుందని ఊహించలేదంటూ ఆగ్రహం వ్యక్తం చేస్తున్నారు. ఆసీస్‌ పరిస్థితి ఇలా ఉంటే.. న్యూజిలాండ్‌ అటు బ్యాటింగ్‌, ఇటు బౌలింగ్‌, ఫీల్డింగ్‌ విభాగాల్లో అదరగొట్టి సమిష్టి కృషితో విజయం సాధించింది. చదవండి: T20 WC 2022: ఇదేం బ్యాటింగ్‌రా బాబు.. తొలి ఓవర్‌లోనే బౌలర్‌కు చుక్కలు! T20 WC 2022: ఫిలిప్స్‌ అద్భుత విన్యాసం.. గాల్లోకి ఎగిరి డైవ్‌ చేస్తూ..! View this post on Instagram A post shared by ICC (@icc)

ICC Mens T20 World Cup 2022 - New Zealand vs Australia- Super 12 Group 1: టీ20 ప్రపంచకప్‌-2021లో ఎలాంటి అంచనాలు లేకుండా బరిలోకి దిగిన ఆస్ట్రేలియా ఏకంగా టైటిల్‌ విజేతగా నిలిచిన విషయం తెలిసిందే. ఫైనల్లో న్యూజిలాండ్‌ మీద 8 వికెట్ల తేడాతో ఘన విజయం సాధించి... తద్వారా తొలిసారిగా పొట్టి ప్రపంచకప్‌ ట్రోఫీని ముద్దాడింది ఆరోన్‌ ఫించ్‌ బృందం. ఇప్పుడు స్వదేశంలో జరుగుతున్న వరల్డ్‌కప్‌-2022లో ఫేవరెట్‌గా మారిన ఆసీస్‌.. సూపర్‌-12 తొలి మ్యాచ్‌లో న్యూజిలాండ్‌తో పోటీ పడుతోంది. ఇందులో భాగంగా.. ఒకే ఒక్క మార్పు మినహా నాడు ఫైనల్‌ ఆడిన అదే జట్టుతో బరిలోకి దిగింది. మరోవైపు.. కివీస్‌ సైతం నాలుగైదు మార్పులతో మైదానంలో అడుగుపెట్టింది. టీ20 ప్రపంచకప్‌-2022: సూపర్‌ 12 న్యూజిలాండ్‌ వర్సెస్‌ ఆస్ట్రేలియా తుది జట్లు: న్యూజిలాండ్‌ డెవాన్ కాన్వే(వికెట్‌ కీపర్‌), ఫిన్ అలెన్, కేన్ విలియమ్సన్(కెప్టెన్‌), గ్లెన్ ఫిలిప్స్, మార్క్ చాప్‌మన్, జేమ్స్ నీషమ్, మిచెల్ సాంట్నర్, టిమ్ సౌతీ, ఇష్ సోధి, లాకీ ఫెర్గూసన్, ట్రెంట్ బౌల్ట్. ఆస్ట్రేలియా: ఆరోన్ ఫించ్(కెప్టెన్‌), డేవిడ్ వార్నర్, మిచెల్ మార్ష్, గ్లెన్ మాక్స్‌వెల్, మార్కస్ స్టొయినిస్, టిమ్ డేవిడ్, మాథ్యూ వేడ్(వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హాజిల్‌వుడ్. టీ20 ప్రపంచకప్‌-2021: ఫైనల్‌లో తుది జట్లు న్యూజిలాండ్‌ మార్టిన్ గప్టిల్, డారిల్ మిచెల్, కేన్ విలియమ్సన్ (కెప్టెన్‌), టిమ్ సీఫెర్ట్ (వికెట్‌ కీపర్‌), గ్లెన్ ఫిలిప్స్, జేమ్స్ నీషమ్, మిచెల్ సాంట్నర్, ఆడమ్ మిల్నే, టిమ్ సౌతీ, ఇష్ సోధి, ట్రెంట్ బౌల్ట్. ఆస్ట్రేలియా డేవిడ్ వార్నర్, ఆరోన్ ఫించ్ (కెప్టెన్‌), మిచెల్ మార్ష్, స్టీవెన్ స్మిత్, గ్లెన్ మాక్స్‌వెల్, మార్కస్ స్టోయినిస్, మాథ్యూ వేడ్ (వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హాజిల్‌వుడ్. చదవండి: Gautam Gambhir: వ్యక్తిగతంగా కాదు.. జట్టుకు భజన చేయండి; ఐసీసీ ట్రోఫీలు గెలవకపోవడానికి ఇదే ప్రధాన కారణం  Rohit Sharma: తొమ్మిదేళ్లుగా ఒక్క ఐసీసీ ట్రోఫీ కూడా గెలవలేదు.. అయితే ఈసారి మాత్రం..

New Zealand vs Australia, 13th Match, Super 12 Group 1- Updates: టీ20 ప్రపంచకప్‌-2022 సూపర్‌-12 తొలి మ్యాచ్‌లో ఆస్ట్రేలియా ఘోర పరాజయం పాలైంది. సిడ్నీ వేదికగా న్యూజిలాండ్‌తో జరిగిన మ్యాచ్‌లో 89 పరుగుల తేడాతో ఆసీస్‌ ఓటమి చెందింది. 201 పరుగుల భారీ లక్ష్యంతో బరిలోకి దిగిన ఆస్ట్రేలియా 111 పరుగులకే కుప్పకూలింది. న్యూజిలాండ్‌ బౌలర్లలో శాంట్నర్‌, సౌథీ మూడు వికెట్లతో ఆస్ట్రేలియా పతనాన్ని శాసించగా.. బౌల్ట్‌, ఫెర్గూసన్‌, సోధి తలా వికెట్‌ సాధించారు. ఆసీస్‌ బ్యాటర్లలో మ్యాక్స్‌వెల్‌ 28 పరుగులతో టాప్‌ స్కోరర్‌గా నిలిచాడు. ఓటమికి చేరువలో ఆస్ట్రేలియా న్యూజిలాండ్‌తో సూపర్‌-12 తొలి మ్యాచ్‌లో ఆస్ట్రేలియా ఓటమికి చేరవైంది. 16.3 ఓవర్లకు 109 పరుగులు చేసి 9 వికెట్లు కోల్పోయింది. 16 ఓవర్‌ వేసిన కివీస్‌ పేసర్‌ వరుసగా స్టార్క్‌, జంపాను పెవిలియన్‌కు పంపాడు. గ్లెన్‌ మాక్స్‌వెల్‌ అవుట్‌ ఆసీస్‌ ఇన్నింగ్స్‌లో ఇప్పటి వరకు టాప్‌ స్కోరర్‌గా ఉన్న గ్లెన్‌ మాక్స్‌వెల్‌ (28) సైతం పెవిలియన్‌ చేరాడు. దీంతో కంగారూ జట్టు ఏడో వికెట్‌ కోల్పోయింది. భారీ లక్ష్యం ముందున్న వేళ టాపార్డర్‌ కుప్పకూలడంతో 14 ఓవర్లు ముగిసే సరికి కనీసం వంద(91-7) పరుగులు కూడా చేయలేకపోయింది. ఫెర్గూసన్‌కు తొలి వికెట్‌ ఆసీస్‌ ఆరో వికెట్‌ కోల్పోయింది. ఫెర్గూసన్‌ బౌలింగ్‌లో మాథ్యూ వేడ్‌ పెవిలియన్‌ చేరాడు. స్కోరు: 86/6 (12.4) ఐదో వికెట్‌ కోల్పోయిన ఆసీస్‌ హిట్టర్‌ టిమ్‌ డేవిడ్‌ రూపంలో ఆస్ట్రేలియా ఐదో వికెట్‌ ​కోల్పోయింది. సాంట్నర్‌ బౌలింగ్‌లో అతడు పెవిలియన్‌ చేరాడు. 11 ఓవర్లు ముగిసే సరికి ఆస్ట్రేలియా 5 వికెట్ల నష్టానికి 74 పరుగులు చేసింది. స్టొయినిస్‌ అవుట్‌ సాంట్నర్‌ బౌలింగ్‌లో స్టొయినిస్‌ షాట్‌ ఆడగా.. గ్లెన్‌ ఫిలిప్స్‌ అద్బుత క్యాచ్‌తో అతడికి షాకిచ్చాడు. దీంతో ఆసీస్‌ నాలుగో వికెట్‌ కోల్పోయింది. కివీస్‌ బౌలర్లు సౌతీ, సాంట్నర్‌ ఇప్పటి వరకు చెరో రెండు వికెట్లు తీశారు. తొమ్మిది ఓవర్లలో ఆసీస్‌ స్కోరు: 54-4 మూడో వికెట్‌ డౌన్‌.. మిచెల్‌ మార్ష్‌ అవుట్‌ ఆరంభంలోనే ఆసీస్‌కు చుక్కలు చూపిస్తున్నారు కివీస్‌ బౌలర్లు. సౌతీ .. వార్నర్‌, మిచెల్‌ మార్ష్‌లను పెవిలియన్‌కు పంపగా.. సాంట్నర్‌.. ఫించ్‌ వికెట్‌ను తన ఖాతాలో వేసుకున్నాడు. 5 ఓవర్లు ముగిసే సరికి ఆసీస్‌ స్కోరు: 34-3 ఆరోన్‌ ఫించ్‌ రూపంలో రెండో వికెట్‌ కోల్పోయిన ఆస్ట్రేలియా 4 ఓవర్లు ముగిసే సరికి ఆసీస్‌ స్కోరు- 30/2  View this post on Instagram A post shared by ICC (@icc) ఆస్ట్రేలియాకు బిగ్‌ షాక్‌.. వార్నర్‌ అవుట్‌ 201 పరుగుల భారీ లక్ష్యంతో బరిలోకి దిగిన ఆస్ట్రేలియాకు ఆదిలోనే భారీ షాక్‌ తగిలింది.  5 పరుగులు చేసిన డెవిడ్‌ వార్నర్‌.. సౌథీ బౌలింగ్‌లో ఔటయ్యాడు. క్రీజులోకి మిచెల్‌ మార్ష్‌ వచ్చాడు.  కాన్వే అద్భుత ఇన్నింగ్స్‌.. కివీస్‌ స్కోరెంతంటే ఓపెనర్లు ఫిన్‌ అలెన్‌ (16 బంతుల్లో 42 పరుగులు), డెవాన్‌ కాన్వే (92 పరుగులు- నాటౌట్‌) రాణించడంతో నిర్ణీత 20 ఓవర్లలో న్యూజిలాండ్‌ 3 వికెట్ల నష్టానికి 200 పరుగులు చేసింది. 17 ఓవర్లు ముగిసే సరికి కివీస్‌ స్కోరు- 161/3 మూడో వికెట్‌ కోల్పోయిన న్యూజిలాండ్‌ 15.6 ఓవర్‌ వద్ద కివీస్‌ మూడో వికెట్‌ కోల్పోయింది. హాజిల్‌వుడ్‌ బౌలింగ్‌లో గ్లెన్‌ ఫిలిప్స్‌ అతడికే క్యాచ్‌ ఇచ్చి అవుటయ్యాడు. 15 ఓవర్లు ముగిసే సరికి కివీస్‌ స్కోరు: 144/2 కాన్వే 70, గ్లెన్‌ ఫిలిప్స్‌ 7 పరుగులతో క్రీజులో ఉన్నారు. రెండో వికెట్‌ డౌన్‌ కెప్టెన్‌ కేన్‌ విలియమ్సన్‌ రూపంలో న్యూజిలాండ్‌ రెండో వికెట్‌ కోల్పోయింది. జంపా బౌలింగ్‌లో విలియమ్సన్‌ ఎల్బీడబ్ల్యూగా వెనుదిరిగాడు. 23 బంతులు ఎదుర్కొన్న అతడు 23 పరుగులు చేశాడు. అర్ధ శతకం పూర్తి చేసుకున్న ​కాన్వే ఆసీస్‌తో ఆరంభ మ్యాచ్‌లో కివీస్‌ ఓపెనర్‌ డెవాన్‌ కాన్వే హాఫ్‌ సెంచరీ సాధించాడు. 13వ ఓవర్‌ మొదటి బంతికి జంపా బౌలింగ్‌లో సిక్స్‌ కొట్టి అర్ధ శతకం పూర్తి చేసుకున్నాడు.  పది ఓవర్లు ముగిసే సరికి న్యూజిలాండ్‌ స్కోరు: 97-1 కాన్వే 42, విలియమ్సన్‌ 12 పరుగులతో క్రీజులో ఉన్నారు.(28) పవర్‌ ప్లే ముగిసే సరికి కివీస్‌ స్కోరు:  69/1 కెప్టెన్‌ కేన్‌ విలియమ్సన్‌ 4, ఓపెనర్‌ డెవాన్‌ కాన్వే 19 పరుగులతో క్రీజులో ఉన్నారు. తొలి వికెట్‌ కోల్పోయిన కివీస్‌ ఫిన్‌ అలెన్‌ రూపంలో న్యూజిలాండ్‌ తొలి వికెట్‌ కోల్పోయింది. 42 పరుగులతో జోరు మీదున్న అలెన్‌ను హాజిల్‌వుడ్‌ తన అద్భుతమైన బంతితో బౌల్డ్‌ చేశాడు. కేన్‌ విలియమ్సన్‌, డెవాన్‌ కాన్వే క్రీజులో ఉన్నారు. 4.1 ఓవర్లలో కివీస్‌ స్కోరు-  56/1. దంచి కొడుతున్న ఫిన్‌ అలెన్‌ ఆసీస్‌ ఆహ్వానం మేరకు బ్యాటింగ్‌కు దిగిన కివీస్‌ జట్టుకు ఓపెనర్లు ఫిన్‌ అలెన్‌, డెవాన్‌ కాన్వే శుభారంభం అందించారు. అలెన్‌ 15 బంతుల్లోనే 5 ఫోర్లు, 3 సిక్స్‌ల సాయంతో 42 పరుగులు సాధించాడు. కాన్వే 9 బంతులు ఎదుర్కొని 2 ఫోర్ల సాయంతో 14 పరుగుల వద్ద ఉన్నాడు. వీరిద్దరి విజృంభణతో 4 ఓవర్లు ముగిసే సరికి న్యూజిలాండ్‌ 56 పరుగులు చేసింది. టీ20 ప్రపంచకప్‌-2022 అసలైన సమరానికి తెరలేచింది. సూపర్‌-12 ఆరంభ మ్యాచ్‌లో డిఫెండింగ్‌ చాంపియన్‌ ఆస్ట్రేలియా- రన్నరప్‌ న్యూజిలాండ్‌ సిడ్నీ క్రికెట్‌ గ్రౌండ్‌ వేదికగా తలపడుతున్నాయి. టాస్‌ గెలిచిన ఆస్ట్రేలియా తొలుత బౌలింగ్‌ ఎంచుకుంది.  తుది జట్లు: న్యూజిలాండ్‌ డెవాన్ కాన్వే(వికెట్‌ కీపర్‌), ఫిన్ అలెన్, కేన్ విలియమ్సన్(కెప్టెన్‌), గ్లెన్ ఫిలిప్స్, మార్క్ చాప్‌మన్, జేమ్స్ నీషమ్, మిచెల్ సాంట్నర్, టిమ్ సౌతీ, ఇష్ సోధి, లాకీ ఫెర్గూసన్, ట్రెంట్ బౌల్ట్. ఆస్ట్రేలియా: ఆరోన్ ఫించ్(కెప్టెన్‌), డేవిడ్ వార్నర్, మిచెల్ మార్ష్, గ్లెన్ మాక్స్‌వెల్, మార్కస్ స్టొయినిస్, టిమ్ డేవిడ్, మాథ్యూ వేడ్(వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హాజిల్‌వుడ్. చదవండి: Rohit Sharma: తొమ్మిదేళ్లుగా ఒక్క ఐసీసీ ట్రోఫీ కూడా గెలవలేదు.. అయితే ఈసారి మాత్రం..

టీమిండియాతో ఇవాళ (అక్టోబర్‌ 17) జరిగిన వార్మప్‌ మ్యాచ్‌లో ఆస్ట్రేలియా 6 పరుగుల స్వల్ప తేడాతో ఓటమిపాలైన విషయం తెలిసిందే. చివరి నిమిషం వరకు ఉత్కంఠగా సాగిన ఈ మ్యాచ్‌లో ఇరు జట్లు హోరాహోరీగా తలపడ్డాయి. అఖరి ఓవర్‌ వరకు ఇరు జట్లకు విజయావకాశాలు సమానంగా ఉండాయి. అయితే, ఆఖరి ఓవర్‌లో షమీ మ్యాజిక​్‌ చేసి మ్యాచ్‌ను ఆసీస్‌ చేతుల్లో నుంచి లాగేసుకున్నాడు. గెలుపుకు 11 పరుగులు కావల్సిన తరుణంలో షమీ అద్భుతంగా బౌలింగ్‌ చేసి భారత్‌కు విజయాన్నందించాడు. తొలి రెండు బంతులకు 4 పరుగులిచ్చిన అతను.. ఆఖరి 4 బంతుల్లో 3 వికెట్లు పడగొట్టి ప్రత్యర్ధిని ఒంటిచేత్తో ఓడించాడు.   ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. కేఎల్‌ రాహుల్‌ (33 బంతుల్లో 57; 6 ఫోర్లు, 3 సిక్సర్లు), సూర్యకుమార్‌ యాదవ్‌ (33 బంతుల్లో 50; 6 ఫోర్లు, సిక్స్‌) అర్ధశతకాలతో రాణించడంతో నిర్ణీత ఓవర్లలో 7 వికెట్ల నష్టానికి 186 పరుగుల భారీ స్కోర్‌ చేసింది. ఛేదనలో ఆసీస్‌ ఆది నుంచే చెలరేగినప్పటికీ.. ఆఖరి ఓవర్‌లో షమీ వారిని దారుణంగా దెబ్బకొట్టాడు. కెప్టెన్‌ ఫించ్‌ (54 బంతుల్లో 76; 7 ఫోర్లు, 3 సిక్సర్లు) అద్భుతమైన అర్ధసెంచరీ సాధించి జట్టును గెలిపించేందుకు విఫలయత్నం చేశాడు. స్మిత్‌, మరో ఓపెనర్‌ మిచెల్‌ మార్ష్‌ (35), మ్యాక్స్‌వెల్‌ (23) మినహా జట్టు మొత్తం విఫలమైంది.  కాగా, ఈ మ్యాచ్‌ అనంతరం మీడియా సమావేశంలో పాల్గొన్న ఫించ్‌.. టీమిండియా గెలుపుపై స్పందిస్తూ వ్యంగ్యంగా మాట్లాడాడు. తొలుత తన ఇన్నింగ్స్‌ సంతృప్తినిచ్చిందని డబ్బా కొట్టుకున్న అతను.. టీమిండియా సాధించిన విజయాన్ని లైట్‌గా తీసుకున్నాడు. తాము గెలిచి ఉంటే బాగుండేది అని అంటూనే.. వార్మప్‌ మ్యాచ్‌లు ఆడి వరల్డ్‌కప్‌ గెలవలేము కదా అంటూ పరోక్షంగా భారత విజయాన్ని చులకన చేశాడు. ఈ అంశంపై ప్రస్తుతం నెట్టింట చర్చ జరుగుతుంది. 

ఆస్ట్రేలియాతో జరిగిన వార్మప్‌ మ్యాచ్‌లో ఆఖర్లో షమీ మ్యాజిక్‌తో టీమిండియా ఆరు పరుగులతో విజయం సాధించింది. 187 పరుగుల లక్ష్యంతో బరిలోకి దిగిన ఆస్ట్రేలియా 20 ఓవర్లలో 180 పరుగులకు ఆలౌటైంది. ఫించ్‌ 76 పరుగులతో టాప్‌ స్కోరర్‌గా నిలిచాడు. మహ్మద్‌ షమీ ఆఖరి ఓవర్‌లో నాలుగు పరుగులిచ్చి మూడు వికెట్లు తీయగా..  ఒక రనౌట్‌ సహా ఓవరాల్‌గా షమీ ఓవర్లో నాలుగు వికెట్లు పడడం విశేషం. 19వ ఓవర్‌ వరకు మ్యాచ్‌ ఆస్ట్రేలియా చేతిలో ఉన్నప్పటికి.. ఆఖరి ఓవర్‌లో షమీ అద్భుతంగా బౌలింగ్‌ చేసి టీమిండియాను గెలిపించడమే గాక మంచి కమ్‌బ్యాక్‌ ఇచ్చాడు. కెప్టెన్‌ ఆరోన్‌ ఫించ్‌ 76 పరుగులు చేయగా.. గ్లెన్‌ మ్యాక్స్‌వెల్‌ 23 పరుగులు చేశాడు. టీమిండియా బౌలర్లలో​ షమీ 3, భువనేశ్వర్‌ 2, అర్ష్‌దీప్‌ సింగ్‌, చహల్‌, హర్షల్‌ పటేల్‌ తలా ఒక వికెట్‌ తీశారు. 13 ఓవర్లలో ఆస్ట్రేలియా స్కోరెంతంటే? 13 ఓవర్లు ముగిసిసరికి ఆస్ట్రేలియా రెండు వికెట్ల నష్టానికి 113 పరుగులు చేసింది. ఫించ్‌ 47, మ్యాక్స్‌వెల్‌ 11 పరుగులతో క్రీజులో ఉన్నారు. అంతకముందు 11 పరుగులు చేసిన స్టీవ్‌ స్మిత్‌ చహల్‌ బౌలింగ్‌లో వెనుదిరిగాడు. మిచెల్‌ మార్ష్‌(35) ఔట్‌.. తొలి వికెట్‌ కోల్పోయిన ఆసీస్‌ ►187 పరుగుల లక్ష్యంతో బరిలోకి దిగిన ఆస్ట్రేలియా తొలి వికెట్‌ కోల్పోయింది. 35 పరుగులు చేసిన మిచెల్‌ మార్ష్‌ భువనేశ్వర్‌ బౌలింగ్‌లో బౌల్డ్‌ అయ్యాడు. ప్రస్తుతం ఆస్ట్రేలియా 8 ఓవర్లలో వికెట్‌ నష్టానికి 76 పరుగులు చేసింది. ఫించ్‌ 31, స్టీవెన్‌ స్మిత్‌ 2 పరుగులతో క్రీజులో ఉన్నారు. సూర్యకుమార్‌ ఫిప్టీ.. 20 ఓవర్లలో టీమిండియా 186/7 ►ఆస్ట్రేలియాతో వార్మప్‌ మ్యాచ్‌లో టీమిండియా నిర్ణీత 20 ఓవర్లలో ఏడు వికెట్ల నష్టానికి 186 పరుగులు చేసింది. కేఎల్‌ రాహుల్‌ 59 పరుగులకే టాప్‌ స్కోరర్‌ కాగా.. సూర్యకుమార్‌ 50 పరుగులు చేసి ఔటైనప్పటికి తన ఫామ్‌ను కంటిన్యూ చేశాడు. దినేశ్‌ కార్తిక్‌ 20 పరుగులతో రాణించాడు. ఆస్ట్రేలియా బౌలర్లలో కేన్‌ రిచర్డ్‌సన్‌ నాలుగు వికెట్లు తీయగా.. మ్యాక్స్‌వెల్‌, ఆస్టన్‌ అగర్‌, మిచెల్‌ స్టార్క్‌లు తలా ఒక వికెట్‌ తీశారు. హార్దిక్‌ పాండ్యా ఔట్‌.. నాలుగో వికెట్‌ కోల్పోయిన టీమిండియా ►ఆల్‌రౌండర్‌ హార్దిక్‌ పాండ్యా(2) విఫలమయ్యాడు. కేన్‌ రిచర్డ్‌సన్‌ బౌలింగ్‌లో టిమ్‌ డేవిడ్‌కు క్యాచ్‌ ఇచ్చిన పాండ్యా పెవిలియన్‌కు చేరాడు. అంతకముందు విరాట్‌ కోహ్లి(19) స్టార్క్‌ బౌలింగ్‌లో మిచెల్‌ మార్స్‌కు క్యాచ్‌ ఇచ్చి వెనుదిరిగాడు. ప్రస్తుతం టీమిండియా 14 ఓవర్లలో నాలుగు వికెట్ల నష్టానికి 130 పరుగులు చేసింది. సూర్యకుమార్‌ 26, దినేశ్‌ కార్తిక్‌ 4 పరుగులతో క్రీజులో ఉన్నారు. రెండో వికెట్‌ కోల్పోయిన భారత్‌.. రోహిత్‌ శర్మ ఔట్‌ ►80 పరుగుల వద్ద టీమిండియా రెండో వికెట్‌ కోల్పోయింది. 15 పరుగులు చేసిన రోహిత్‌ శర్మ.. ఆగర్‌ బౌలింగ్‌లో పెవిలియన్‌కు చేరాడు. కేఎల్‌ రాహుల్‌ (57) ఔట్‌.. తొలి వికెట్‌ డౌన్‌ ►కేఎల్‌ రాహుల్‌(57) రూపంలో టీమిండియా తొలి వికెట్‌ కోల్పోయింది. ప్రస్తుతం టీమిండియా వికెట్‌ నష్టానికి 79 పరుగులు చేసింది. కేఎల్‌ రాహుల్‌ అర్థ శతకం.. టీమిండియా 75/0 ►టీమిండియా ఓపెనర్‌ కేఎల్‌ రాహుల్‌ అర్థ శతకంతో మెరిశాడు. ప్రస్తుతం టీమిండియా 7 ఓవర్లలో వికెట్‌ నష్టపోకుండా 75 పరుగులు చేసింది. కేఎల్‌ రాహుల్‌ 55, రోహిత్‌ శర్మ 14 పరుగులతో ఆడుతున్నారు. దంచి కొడుతున్న కేఎల్‌ రాహుల్‌.. టీమిండియా 47/0 ►టీమిండియా ఓపెనర్‌ కేఎల్‌ రాహుల్‌ దంచి కొడుతున్నాడు. సిక్సర్లు, ఫోర్లతో విజృంభిస్తున్న రాహుల్‌ 22 బంతుల్లోనే 43 పరుగులతో ఆడుతున్నాడు. రాహుల్‌ ధాటికి కెప్టెన్‌ రోహిత్‌కు బ్యాటింగ్‌ అవకాశం కూడా రాలేదు. ప్రస్తుతం టీమిండియా 4 ఓవర్లలో వికెట్‌ నష్టపోకుండా 47 పరుగులు చేసింది. 2 ఓవర్లలో టీమిండియా స్కోరు 16/0 ►2 ఓవర్లు ముగిసేసరికి టీమిండియా వికెట్‌ నష్టపోకుండా 16 పరుగులు చేసింది. కేఎల్‌ రాహుల్‌ 12, రోహిత్‌ (0) పరుగులతో క్రీజులో ఉన్నారు. టాస్‌ గెలిచి బౌలింగ్‌ ఎంచుకున్న ఆస్ట్రేలియా ►టి20 ప్రపంచకప్‌లో భాగంగా అసలు పోరుకు ముందు ఆస్ట్రేలియాతో వార్మప్‌ మ్యాచ్‌ ఆడేందుకు టీమిండియా సిద్ధమైంది. టాస్‌ గెలిచిన ఆస్ట్రేలియా బౌలింగ్‌ ఎంచుకుంది. ►ఈ మ్యాచ్‌లో టీమిండియా 15 మందితో బరిలోకి దిగనుంది. భారత్: రోహిత్‌ శర్మ(కెప్టెన్‌), కేఎల్‌ రాహుల్, విరాట్‌ కోహ్లి, సూర్యకుమార్‌ యాదవ్‌, దినేశ్‌ కార్తీక్ (వికెట్‌ కీపర్‌), రిషబ్‌ పంత్ , దీపక్‌ హుడా, హార్దిక్‌ పాండ్యా, హర్షల్‌ పటేల్, అర్షదీప్‌ సింగ్, భువనేశ్వర్‌ కుమార్, రవిచంద్రన్‌ అశ్విన్, అక్షర్‌ పటేల్, మహ్మద్‌ షమీ, యజ్వేంద్ర చాహల్. ఆస్ట్రేలియా: ఆరోన్ ఫించ్(కెప్టెన్‌), గ్లెన్ మాక్స్‌వెల్, మిచెల్ మార్ష్, స్టీవెన్ స్మిత్, మార్కస్ స్టోయినిస్, జోష్ ఇంగ్లిస్(వికెట్‌ కీపర్‌), టిమ్ డేవిడ్, అష్టన్ అగర్, పాట్ కమిన్స్, మిచెల్ స్టార్క్, కేన్ రిచర్డ్‌సన్ ఆ్రస్టేలియాలోని పరిస్థితులకు అలవాటు పడేందుకు అందరికంటే ముందుగా అక్కడికి చేరుకున్న భారత జట్టు స్థానిక జట్లతో రెండు ప్రాక్టీస్‌ మ్యాచ్‌లాడింది.  ఒక ప్రాక్టీస్‌ మ్యాచ్‌లో నెగ్గిన టీమిండియా.. రెండో మ్యాచ్‌లో మాత్రం ఓటమి పాలైంది. అయితే ఈ రెండు ప్రాక్టీస్‌ మ్యాచ్‌లు కావడంతో పెద్దగా పట్టించుకోనవసరం లేదు. కానీ అసలు మ్యాచ్‌లకు ముందు జరిగే వార్మప్‌ మ్యాచ్‌లో ఇరుజట్లు పూర్తిస్థాయిలో బరిలోకి దిగనున్నాయి.

ఆ్రస్టేలియాలోని పరిస్థితులకు అలవాటు పడేందుకు అందరికంటే ముందుగా అక్కడికి చేరుకున్న భారత జట్టు స్థానిక జట్లతో రెండు ప్రాక్టీస్‌ మ్యాచ్‌లాడింది.  ఒక ప్రాక్టీస్‌ మ్యాచ్‌లో నెగ్గిన టీమిండియా.. రెండో మ్యాచ్‌లో మాత్రం ఓటమి పాలైంది. అయితే ఈ రెండు ప్రాక్టీస్‌ మ్యాచ్‌లు కావడంతో పెద్దగా పట్టించుకోనవసరం లేదు. కానీ అసలు మ్యాచ్‌లకు ముందు జరిగే వార్మప్‌ మ్యాచ్‌లో పూర్తిస్థాయి జట్టుతో బరిలోకి దిగే అవకాశాలు ఉన్నాయి. వార్మప్‌ మ్యాచ్‌ కదా అని లైట్‌ తీసుకుంటే అసలుకే ఎసరు వస్తుంది. ఎందుకంటే వార్మప్‌లో రాణించిన దానిని బట్టే టీమిండియా ఆటతీరుపై ఒక అంచనా వచ్చే అవకాశముంది. కాబట్టి ఇరుజట్లు ఈ మ్యాచ్‌ను సీరియస్‌గా తీసుకోనున్నాయి. ఇక టి20 ప్రపంచకప్‌ కోసం చాంపియన్‌ అయిన ఆస్ట్రేలియా ఫించ్‌ కెప్టెన్సీలో ఆడేందుకు సిద్ధమైంది. ఐసీసీ ఏర్పాటు చేసిన వార్మప్‌ మ్యాచ్‌లో ఇరుజట్లు నుంచి ప్రధాన జట్లు బరిలోకి దిగనున్నాయి. ఉదయం గం. 8: 30 నుంచి  ‘స్టార్‌ స్పోర్ట్స్‌–1’లో ప్రత్యక్ష ప్రసారం కానుంది.

T20 World Cup 2022: పొట్టి క్రికెట్‌ ప్రపంచకప్‌ సమరానికి సమయం ఆసన్నమైంది. ఆస్ట్రేలియా వేదికగా ఆదివారం(అక్టోబరు 16) వరల్డ్‌కప్‌ ఎనిమిదో ఎడిషన్‌ ఆరంభం కానుంది. క్వాలిఫైయర్స్‌లో భాగంగా శ్రీలంక- నమీబియా జట్ల మధ్య జిలాంగ్‌లోని కార్డీనియా పార్క్‌ స్టేడియం వేదికగా టీ20 ప్రపంచకప్‌- 2022 టోర్నీకి తెరలేవనుంది. ఫొటో గ్యాలరీ కోసం ఇక్కడ క్లిక్ చేయండి ఈ నేపథ్యంలో టోర్నీలో పాల్గొనబోయే జట్లు ఆసీస్‌కు చేరుకున్నాయి. ఈ క్రమంలో ‘కెప్టెన్స్‌ డే’ కార్యక్రమంలో 16 జట్ల కెప్టెన్లు పాల్గొన్నారు. ఈ ఐసీసీ ఈవెంట్‌, మెగా సమరానికి తాము సన్నద్ధమవుతున్న తీరు గురించి మాట్లాడారు.  PC: ICC Twitter ట్రోఫీతో కెప్టెన్లు! ఈ సందర్భంగా ఇండియా(రోహిత్‌ శర్మ), ఆస్ట్రేలియా(ఆరోన్‌ ఫించ్‌), ఇంగ్లండ్‌(జోస్‌ బట్లర్‌), పాకిస్తాన్‌(బాబర్‌ ఆజం), అఫ్గనిస్తాన్‌(మహ్మద్‌ నబీ), శ్రీలంక(దసున్‌ షనక), న్యూజిలాండ్‌(కేన్‌ విలియమ్సన్‌), బంగ్లాదేశ్‌(షకీబ్‌ అల్‌ హసన్‌), వెస్టిండీస్‌(నికోలస్‌ పూరన్‌), సౌతాఫ్రికా(తెంబా బవుమా), జింబాబ్వే(క్రెయిగ్ ఎర్విన్), నమీబియా(గెర్హార్డ్ ఎరాస్మస్), ఐర్లాండ్‌(ఆండ్రూ బల్బిర్నీ), స్కాట్లాండ్‌(రిచర్డ్ బెరింగ్టన్), నెదర్లాండ్స్‌(స్కాట్ ఎడ్వర్డ్స్), యునైటెడ్‌ అరబ్‌ ఎమిరేట్స్‌(సీపీ రిజ్వాన్) కెప్టెన్లు ట్రోఫీతో ఫొటోకు ఫోజులిచ్చారు.   All the 16 captains in one frame 📸 🤩#NewCoverPic | #T20WorldCup pic.twitter.com/WJXtu0JEvx — ICC (@ICC) October 15, 2022 ఇందుకు సంబంధించిన ఫొటోను ఇంటర్నేషనల్‌ క్రికెట్‌ కౌన్సిల్‌ సోషల్‌ మీడియాలో పంచుకుంది. ‘‘ఒకే ఫ్రేమ్‌లో 16 జట్ల కెప్టెన్లు’’ అంటూ ట్వీట్‌ చేసింది. అదే విధంగా సారథులంతా ఒకేచోట చేరి తీసుకున్న సెల్ఫీని సైతం షేర్‌ చేసింది.  ఇదిలా ఉంటే.. అక్టోబరు 22న ఆస్ట్రేలియా, న్యూజిలాండ్‌ జట్ల మధ్య పోరుతో సూపర్‌-12 దశ ఆరంభం కానుంది. ఆ మరుసటి రోజే హైవోల్టేజ్‌ మ్యాచ్‌ ఇండియా వర్సెస్‌ పాకిస్తాన్‌కు మెల్‌బోర్న్‌ క్రికెట్‌ గ్రౌండ్‌(ఎంసీజీ) ఆతిథ్యం ఇవ్వనుంది. ఇక నవంబరు 13న ఫైనల్‌ మ్యాచ్‌కు సైతం ఎంసీజీ వేదిక కానుంది.  Selfie time 😁🤳#T20WorldCup pic.twitter.com/snMOzdPMq3 — ICC (@ICC) October 15, 2022 చదవండి: T20 WC 2022: జట్లు, పాయింట్ల కేటాయింపు విధానం, షెడ్యూల్‌, లైవ్‌ స్ట్రీమింగ్‌.. ఇతర పూర్తి వివరాలు Mitchell Starc-Buttler: 'నేనేమి దీప్తిని కాదు.. అలా చేయడానికి'

కాన్‌బెర్రా వేదికగా ఇంగ్లండ్‌-ఆస్ట్రేలియా మూడో టీ20 మ్యాచ్‌ వర్షం కారణంగా రద్దైంది. దీంతో తొలి రెండు మ్యాచ్‌ల్లో విజయం సాధించిన ఇంగ్లండ్‌.. 2-0తో సిరీస్‌ కైవసం చేసుకుంది. ఇక ఈ మ్యాచ్‌లో టాస్‌ గెలిచిన ఆస్ట్రేలియా తొలుత బౌలింగ్‌ ఎంచుకుంది. ఇంగ్లండ్‌ ఇన్నింగ్స్‌ 6.2 ఓవర్ల వద్ద ఉండగా మ్యాచ్‌కు వర్షం అంతరాయం కలిగించింది. అనంతరం వర్షం తగ్గుముఖం పట్టడడంతో మ్యాచ్‌ను 17 ఓవర్లకు కుదించారు. మళ్లీ 9.4 ఓవర్ల వద్ద వర్షం తిరిగి రావడంతో మ్యాచ్‌ నిలిచిపోయింది. అనంతరం మ్యాచ్‌ను మళ్లీ 12 ఓవర్లకు కుదించారు. ఈ క్రమంలో ఇంగ్లండ్‌ నిర్ణీత 12 ఓవర్లలో రెండు వికెట్లు కోల్పోయి 112 పరుగులు చేసింది. ఇంగ్లండ్‌ బ్యాటర్లలో జోస్‌ బట్లర్‌(65 నాటౌట్‌) పరుగులతో అద్భుతమైన ఇన్నింగ్స్‌ ఆడాడు. డక్‌వర్త్‌ లూయిస్‌ పద్దతి ప్రకారం ఆస్ట్రేలియా విజయం లక్ష్యం 12 ఓవర్లలో 130 పరుగులగా నిర్ణయించారు. ఇక ఆసీస్‌ ఇన్నింగ్స్‌ 3.4 ఓవర్ల వద్ద మళ్లీ వర్షం మ్యాచ్‌కు అడ్డుపడింది. అయితే ఈ సారి మాత్రం భారీ వర్షం రావడంతో అఖరికి మ్యాచ్‌ను రద్దు చేశారు. చదవండి: Jasprit Bumrah Replacement: బుమ్రా స్థానంలో వరల్డ్‌కప్‌ ఆడేది అతడే: బీసీసీఐ ప్రకటన

ఆస్ట్రేలియా టీ20 కెప్టెన్‌ ఆరోన్‌ ఫించ్‌ వన్డేలకు గుడ్‌బై చెప్పిన సంగతి తెలిసిందే.  ఇంకా ఇప్పటి వరకు ఫించ్‌ స్థానంలో ఆస్ట్రేలియా వన్డే కెప్టెన్‌గా క్రికెట్‌ ఆస్ట్రేలియా ఎవరిని నియమించలేదు. ఈ క్రమంలో ఫించ్‌ వారుసుడిగా ఆసీస్‌ స్టార్‌ ఆల్‌రౌండర్‌ మిచిల్‌ మార్ష్‌ సారథ్య బాధ్యతలు చేపట్టనున్నాడని వార్తలు వినిపించాయి. ఈ వార్తలపై మార్ష్‌ తాజాగా స్పందించాడు. కెప్టెన్సీపై తనకు ఆసక్తి లేదని, తన వ్యక్తిగత ఆటను మెరుగుపరచుకోవడంపై దృష్టి సారిస్తానని మార్ష్ స్పష్టం చేశాడు. ఈఎస్పీన్‌ క్రిక్‌ఇన్‌ఫోతో మార్ష్‌ మాట్లాడుతూ.. "నిజంగా వన్డే కెప్టెన్సీ రేసులో నేను లేను. ప్రస్తుతం నా దృష్టి అంతా టీ20 ప్రపంచకప్‌పైనే. మరో సారి ప్రపంచకప్‌ను సొంతం చేసుకోవడానికి మాకు ఇది మంచి అవకాశం. ఇటువంటి సమయంలో కెప్టెన్సీ గురించి అస్సలు నేను ఆలోచించను. ఈ మెగా ఈవెంట్‌లో నా ఆటతీరును మరింత మెరుగుపరుచుకోవడానికి నేను ప్రయత్నిస్తాను. అయితే టీ20 ప్రపంచకప్‌ ముగిసిన తర్వాత వన్డే కెప్టెన్సీ గరుంచి క్రికెట్ ఆస్ట్రేలియా ఓ నిర్ణయం తీసుకుంటుంది" అని పేర్కొన్నాడు. కాగా మార్ష్‌ ప్రస్తుతం ఇంగ్లండ్‌తో జరుగుతోన్న టీ20 సిరీస్‌లో ఆసీస్‌ జట్టులో భాగంగా ఉన్నాడు. చదవండి: IND vs SA: ఢిల్లీలో భారీ వర్షాలు.. మూడో వన్డే జరిగేనా?

ఆస్ట్రేలియా కెప్టెన్‌ ఆరోన్‌ ఫించ్‌ను ఐసీసీ మందలించింది. మ్యాచ్‌ సందర్భంగా అభ్యంతరకర వ్యాఖ్యలు చేసినందుకు గానూ ఫించ్‌ను హెచ్చరించినట్లు ఐసీసీ పేర్కొంది. విషయంలోకి వెళితే.. ఇంగ్లండ్‌తో జరిగిన తొలి టి20లో ఇంగ్లండ్‌ ఇన్నింగ్స్‌ తొమ్మిదో ఓవర్‌లో ఫించ్‌ అభ్యంతరకర వ్యాఖ్యలు చేశాడు. కామెరున్‌ గ్రీన్‌ వేసిన బంతిని బట్లర్‌ ఇన్‌సైడ్‌ ఎడ్జ్‌ ఆడే ప్రయత్నం చేశాడు. బంతి మిస్‌ అయి కీపర్‌ వేడ్‌ చేతుల్లోకి వెళ్లింది. ఆసీస్‌ ఆటగాళ్లు అప్పీల్‌ చేయగా అంపైర్‌ నాటౌట్‌ ఇచ్చాడు. దీంతో కెప్టెన్‌ ఫించ్‌ అంపైర్‌ను ఉద్దేశించి అసభ్యకర వ్యాఖ్యలు చేశాడు. ఇదంతా స్టంప్‌ మైక్‌లో రికార్డయింది. ఈ నేపథ్యంలోనే ఐసీసీ కోడ్‌ ఆప్‌ కండక్ట్‌ కింద లెవెల్‌-1 నిబంధన ఉల్లఘించినట్లు ఐసీసీ పేర్కొంది.  ఆర్టికల్‌ 2.3 ఐసీసీ కోడ్‌ ఆఫ్‌ కండక్ట్‌ కింద ఒక అంతర్జాతీయ మ్యాచ్‌లో అసభ్యకర వ్యాఖ్యలను చేయడం నిబంధన ఉల్లఘించడం కిందే వస్తుందని.. అందుకే ఫించ్‌కు జరిమానా కాకుండా కేవలం హెచ్చరికతో వదిలిపెట్టామని వెల్లడించింది. మరోసారి ఇదే రిపీట్‌ చేస్తే మ్యాచ్‌ నిషేధంతో పాటు జరిమానా కూడా విధించే అవకాశం ఉందని తెలిపింది. కాగా ఐసీసీ హెచ్చరిక కారణంగా డీమెరిట్‌ కింద ఫించ్‌కు ఒక పాయింట్‌ కోత పడింది.  ఇక తొలి మ్యాచ్‌లో  ఇంగ్లండ్‌ 8 పరుగుల తేడాతో విజయం సాధించింది. ఆఖరి నిమిషం వరకు ఉత్కంఠభరితంగా సాగిన ఈ మ్యాచ్‌లో భారీ స్కోర్‌ చేసిన ఇంగ్లండ్‌ ఎట్టకేలకు గెలుపొందింది.టాస్ ఓడి తొలుత బ్యాటింగ్‌ చేసిన ఇంగ్లండ్‌.. ఓపెనర్లు జోస్‌ బట్లర్‌ (32 బంతుల్లో 68; 8 ఫోర్లు, 4 సిక్సర్లు), అలెక్స్‌ హేల్స్‌ (51 బంతుల్లో 84; 12 ఫోర్లు, 3 సిక్సర్లు) వీరలెవెల్లో రెచ్చిపోవడంతో నిర్ణీత ఓవర్లలో 6 వికెట్ల నష్టానికి 208 పరుగుల భారీ స్కోర్‌ చేసింది. 209 పరుగుల భారీ లక్ష్యాన్ని ఛేదించేందుకు బరిలోకి దిగిన ఆస్ట్రేలియా ఆరంభం నుంచే ప్రత్యర్ధిపై ఎదురుదాడికి దిగింది. ఓపెనర్‌ డేవిడ్‌ వార్నర్‌ (44 బంతుల్లో 73; 8 ఫోర్లు, 2 సిక్సర్లు), ఆతర్వాత మిచెల్‌ మార్ష్‌ (26 బంతుల్లో 36; 3 ఫోర్లు, 2 సిక్సర్లు), స్టోయినిస్‌ (15 బంతుల్లో 35; 2 ఫోర్లు, 3 సిక్సర్లు) ఆకాశమే హద్దుగా చెలరేగడంతో ఓ దశలో ఆసీస్‌ సునాయాసంగా గెలిచేలా కనిపించింది.అయితే ఆఖర్లో మార్క్‌ వుడ్‌ (3/34) వరుస క్రమంలో వికెట్లు తీయడంతో ఆసీస్‌ లక్ష్యానికి 9 పరుగుల దూరంలో నిలిచిపోయింది. "It would have been f***ing nice to know in time." Aaron Finch swearing at the umpire against England, after asking whether a ball had carried to Matthew Wade as he considered a review. Finch has been given an official reprimand by the match referee, but avoided a fine. pic.twitter.com/Pm3AR1VmaR — Jack Snape (@jacksongs) October 10, 2022 చదవండి: ఉతికారేసిన బట్లర్‌, హేల్స్‌.. వణికించి ఓడిన ఆస్ట్రేలియా

క్వీన్స్‌ల్యాండ్ వేదికగా వెస్టిండీస్‌తో జరిగిన తొలి టీ20లో ఆస్ట్రేలియా 3 వికెట్ల తేడాతో విజయం సాధించింది. అఖరి వరకు ఉత్కంత భరితంగా జరిగిన మ్యాచ్‌లో ఆస్ట్రేలియా బ్యాటర్‌ మాథ్యూ వేడ్‌ తమ జట్టును విజయ తీరాలకు చేర్చాడు. అఖరి ఓవర్‌లో విజయానికి 11 పరుగులు అవసరమ్వగా.. వేడ్‌, స్టార్క్‌ తమ జట్టు విజయాన్ని లాంఛనం చేశారు. 147 పరుగుల లక్ష్యంతో బరిలోకి దిగిన ఆస్ట్రేలియా 58 పరుగులకే ఐదు వికెట్లు కోల్పోయి కష్టాల్లో పడింది. ఈ క్రమంలో ఆసీస్‌ కెప్టెన్‌ ఆరోన్‌ ఫించ్‌, వేడ్‌ ఇన్నింగ్స్‌ను చక్క దిద్దారు. వీరిద్దరూ ఆరో వికెట్‌కు 69 పరుగుల కీలక భాగస్వామ్యం నెలకొల్పారు. అనంతరం ఫించ్‌ ఔటైనప్పటికీ.. వేడ్‌ మాత్రం ఆచితూచి ఆడూతూ జట్టు విజయంలో కీలక పాత్ర పోషించాడు. ఫించ్‌ 52 బంతుల్లో 58 పరుగులు చేయగా.. వేడ్‌ 29 బంతుల్లో 39 పరుగులు సాధించాడు. కాగా విండీస్‌ బౌలర్లలో కాట్రెల్‌, జోషఫ్‌ తలా రెండు వికెట్లు సాధించగా.. హోల్డర్‌, కారియా, స్మిత్‌ చెరో వికెట్‌ సాధించారు. ఇక అంతకుముందు బ్యాటింగ్‌ చేసిన విండీస్‌.. నిర్ణీత 20 ఓవర్లలో 9 వికెట్లు కోల్పోయి 145 పరుగులు చేసింది. విండీస్‌ బ్యాటర్లలో కైల్‌ మైయర్స్‌ 39 పరుగులతో టాప్‌ స్కోరర్‌గా నిలిచాడు. ఆస్ట్రేలియా బౌలర్లలో జోష్‌ హాజిల్‌ వుడ్‌ మూడు వికెట్లతో అదరగొట్టగా.. స్టార్క్‌, కమ్మిన్స్‌ చెరో రెండు వికెట్లు సాధించారు. చదవండి: Womens Asia Cup 2022: పాకిస్తాన్‌కు భారీ షాకిచ్చిన థాయ్‌లాండ్‌.. క్రికెట్‌ చరిత్రలో తొలి విజయం

టీ20 ప్రపంచకప్‌-2022లో ఆస్ట్రేలియా బ్యాకప్ కెప్టెన్‌గా వికెట్‌ కీపర్‌ మాథ్యూ వేడ్ ఎంపికయ్యే అవకాశం ఉంది. ఈ విషయాన్ని సిడ్నీ మార్నింగ్‌ ఓ ప్రకటనలో పేర్కొంది. కాగా ఈ మెగా ఈవెంట్‌లో రెగ్యులర్ కెప్టెన్ ఆరోన్ ఫించ్ గాయపడిన లేదా మరే ఇతర కారణాల వల్ల జట్టుకు దూరమైతే వేడ్‌ సారథ్య బాధ్యతలు చేపట్టనున్నాడు. కాగా వేడ్‌ ప్రస్తుతం తన కెరీర్‌లోనే అత్యున్నత ఫామ్‌లో ఉన్నాడు. ఇటీవల టీమిండియాతో జరిగిన టీ20 సిరీస్‌లోనూ వేడ్‌ అద్భుతమైన ప్రదర్శన కనబరిచాడు. ఇక అంతకుముందు 2020లో సిడ్నీ వేదికగా భారత్‌తో జరిగిన ఓ టీ20 మ్యాచ్‌లో ఆసీస్‌ జట్టు కెప్టెన్‌గా వేడ్‌  బాధ్యతలు నిర్వహించాడు. అదే విధంగా  దేశీవాళీ టోర్నీ‍ల్లో కెప్టెన్‌గా బాధ్యతలు నిర్వహించిన అనుభవం కూడా ఉంది. మరోవైపు బిగ్‌బాష్‌ లీగ్‌లో హోబర్ట్ హరికేన్స్‌ సారథిగా వేడ్‌ కొనసాగుతున్నాడు. ఇది ఇలా ఉండగా.. క్రికెట్‌ ఆస్ట్రేలియా సెంట్రల్‌ కాంట్రక్ట్‌ జాబితాలో వేడ్‌ లేక పోవడం గమనార్హం. ఈ ఏడాది ఆరంభంలో క్రికెట్‌ ఆస్ట్రేలియా ప్రకటించిన సెంట్రల్‌ కాంట్రక్ట్‌ లిస్ట్‌ లో వేడ్‌ పేరు లేదు. ప్రస్తుతం వేడ్‌ కేవలం ఇంక్రిమెంటల్ కాంట్రాక్టును మాత్రమే కలిగి ఉన్నాడు. చదవండి: IND Vs SA: పద్మనాభస్వామి ఆలయంలో సందడి చేసిన దక్షిణాఫ్రికా స్టార్‌ స్పిన్నర్‌

టీమిండియా స్పీడస్టర్‌ జస్‌ప్రీత్‌ బుమ్రా పునరాగమనం ఘనంగా చాటుకున్నాడు. గాయంతో సుధీర్ఘ కాలం జట్టుకు దూరంగా ఉన్న బుమ్రా ఆస్ట్రేలియాతో జరిగిన రెండో టి20తో ఎంట్రీ ఇచ్చాడు. వర్షం కారణంగా మ్యాచ్‌ను 8 ఓవర్లకు కుదించడంతో బుమ్రాకు కేవలం రెండు ఓవర్లు మాత్రమే బౌలింగ్‌ చేసే అవకాశం వచ్చింది. అయినప్పటికి బుమ్రా తన మార్క్‌ను చూపించాడు. 2 ఓవర్లు వేసిన బుమ్రా 23 పరుగులిచ్చి ఒక వికెట్‌ తీశాడు. అయితే ఆస్ట్రేలియా కెప్టెన్‌ ఆరోన్‌ ఫించ్‌ను ఔట్‌ చేసిన తీరు మాత్రం సోషల్‌ మీడియాలో వైరల్‌గా మారింది.  బుమ్రా వేసిన యార్కర్‌కు  15 బంతుల్లో 31 పరుగులతో ధాటిగా ఆడుతున్న ఫించ్‌ వద్ద సమాధానం లేకుండా పోయింది. బుమ్రాను ఎందుకు యార్కర్ల కింగ్‌గా పిలుస్తారో ఫించ్‌కు వేసిన డెలివరీని చూస్తే మీకు అర్థమవుతుంది. అందుకే ప్రత్యర్థి జట్టు కెప్టెన్‌ అయినా ఫించ్‌ బుమ్రాను మెచ్చుకోకుండా ఉండలేకపోయాడు. పెవిలియన్ వెళ్తూ ''సూపర్‌ డెలివరీ'' అన్న తరహాలో తన బ్యాట్‌ను చేతితో కొట్టిన ఫించ్‌ అతన్ని అభినందించాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక బుమ్రా కమ్‌బ్యాక్‌ను టీమిండియా ఫ్యాన్స్‌ పండుగలా జరుపుకున్నారు. ''బూమ్‌ బూమ్‌ బుమ్రా ఈజ్‌ బ్యాక్‌.. బుమ్రా వచ్చాడు టీమిండియా గెలిచింది.. అందుకే నిన్ను యార్కర్ల కింగ్‌ అనేది'' అంటూ కామెంట్స్‌ చేశారు. B. O. O. M! ⚡️ ⚡️@Jaspritbumrah93 strikes to dismiss Aaron Finch with a cracker of a yorker. 👍 👍#TeamIndia are chipping away here in Nagpur! 👏 👏 Follow the match ▶️ https://t.co/LyNJTtkxVv Don’t miss the LIVE coverage of the #INDvAUS match on @StarSportsIndia pic.twitter.com/omG6LcrkX8 — BCCI (@BCCI) September 23, 2022 చదవండి: 'నేనే సర్‌ప్రైజ్‌ అయ్యా.. అందుకే డీకే పంత్‌ కంటే ముందుగా'

ఆస్ట్రేలియాతో జరిగిన రెండో టీ20లో భారత్‌ 6 వికెట్ల తేడాతో ఘన విజయం సాధించింది. 91 పరుగుల లక్ష్యంతో బరిలోకి దిగిన భారత్‌ నాలుగు వికెట్లు కోల్పోయి చేధించింది. కెప్టెన్‌ రోహిత్‌ శర్మ(46) పరుగులతో అఖరి వరకు నిలిచి జట్టును విజయతీరాలకు చేర్చాడు. కాగా ఔట్‌ ఫీల్డ్‌ చిత్తడి కారణంగా మ్యాచ్‌ను 8 ఓవర్లకు కుదించారు. తొలుత బ్యాటింగ్‌ చేసిన ఆస్ట్రేలియా నిర్ణీత 8ఓవర్లలో 5 వికెట్లు కోల్పోయి 90 పరుగులు చేసింది.  ఆసీస్‌ బ్యాటర్లలో ఆరోన్‌ ఫించ్‌(31), మాథ్యూ వేడ్‌(43) పరుగులతో రాణించారు. మూడో వికెట్‌ ‍కోల్పోయిన టీమిండియా 55 పరుగులు వద్ద టీమిండియా మూడో వికెట్‌ కోల్పోయింది. 11 పరుగులు చేసిన కోహ్లి.. జంపా బౌలింగ్‌లో క్లీన్‌ బౌల్డయ్యాడు. మూడు ఓవర్లకు భారత్‌ స్కోర్‌: 40/1 91 పరుగుల లక్ష్యంతో బరిలోకి దిగిన టీమిండియా మూడు ఓవర్లు ముగిసే సరికి వికెట్‌ నష్టానికి 40 పరుగులు చేసింది. క్రీజులో కోహ్లి(1),రోహిత్‌(27) పరుగులతో ఉన్నారు. భారత్‌ టార్గెట్‌ 91 పరుగులు టాస్‌ ఓడి బ్యాటింగ్‌కు దిగిన ఆస్ట్రేలియా నిర్ణీత 8 ఓవర్లలో 5 వికెట్ల నష్టానికి 90 పరుగులు చేసింది. ఆసీస్‌ బ్యాటర్లలో ఆరోన్‌ ఫించ్‌(31), మాథ్యూ వేడ్‌(43) పరుగులతో రాణించారు. మూడో వికెట్‌ కీల్పోయిన ఆసీస్‌ 31 పరుగులు వద్ద ఆస్ట్రేలియా మూడో వికెట్‌ కోల్పోయింది. 2 పరుగులు చేసిన డేవిడ్‌.. అక్షర్‌ పటేల్‌ బౌలింగ్‌లో క్లీన్‌ బౌల్డయ్యాడు. రెండు వికెట్లు కోల్పోయిన ఆస్ట్రేలియా ఆస్ట్రేలియా వరుస క్రమంలో రెండు వికెట్లు కోల్పోయింది. అక్షర్‌ పటేల్‌ వేసిన రెండో ఓవర్‌లో గ్రీన్‌(5) రనౌట్‌ కాగా.. మ్యాక్స్‌వెల్‌ క్లీన్‌ బౌల్డయ్యాడు. 2 ఓవర్లకు ఆసీస్‌ స్కోర్‌: 19/2 తొలి ఓవర్‌కు ఆసీస్‌ స్కోర్‌: 10/0 తొలి ఓవర్‌ ముగిసే సరికి ఆస్ట్రేలియా వికెట్‌ నష్టపోకుండా 10 పరుగులు చేసింది. క్రీజులో గ్రీన్‌(1),ఫించ్‌(9) పరుగులతో ఉన్నారు. టాస్‌ గెలిచి బౌలింగ్‌ ఎంచుకున్న భారత్‌ భారత్‌-ఆస్ట్రేలియా మధ్య రెండో టీ20 మ్యాచ్‌ను 8 ఓవర్లకు కుదించారు. 9:30 గంటలకు మ్యాచ్‌ ప్రారంభం కానుంది. ఈ మ్యాచ్‌లో టాస్‌ గెలిచిన టీమిండియా తొలుత ఫీల్డింగ్‌ ఎంచుకుంది. తొలి టీ20కు దూరమైన బుమ్రా, పంత్‌.. ఈ మ్యాచ్‌ తుది జట్టులోకి వచ్చారు. తుది జట్లు ఆస్ట్రేలియా: ఆరోన్ ఫించ్ (కెప్టెన్‌), కామెరాన్ గ్రీన్, స్టీవెన్ స్మిత్, గ్లెన్ మాక్స్‌వెల్, సీన్ అబాట్, టిమ్ డేవిడ్, మాథ్యూ వేడ్ (వికెట్‌ కీపర్‌), పాట్ కమిన్స్, డేనియల్ సామ్స్, ఆడమ్ జంపా, జోష్ హేజిల్‌వుడ్ భారత్: కేఎల్‌ రాహుల్, రోహిత్ శర్మ(కెప్టెన్‌), విరాట్ కోహ్లీ, సూర్యకుమార్ యాదవ్, రిషబ్ పంత్(వికెట్‌ కీపర్‌), హార్దిక్ పాండ్యా, దినేష్ కార్తీక్, అక్షర్ పటేల్, హర్షల్ పటేల్, జస్ప్రీత్ బుమ్రా, యుజ్వేంద్ర చాహల్ టాస్‌ ఆలస్యం మూడు మ్యాచ్‌ల సిరీస్‌లో భాగంగా నాగ్‌పూర్‌ వేదికగా ఆస్ట్రేలియాతో రెండో టీ20లో తలపడేందకు టీమిండియా సిద్దమైంది. అయితే భారత్‌-ఆస్ట్రేలియా రెండో టీ20 ఆలస్యంగా ప్రారంభం కానుంది. గత రెండు రోజులుగా నాగ్‌పూర్‌లో వర్షం కురస్తుండండంతో.. స్టేడియం ఔట్‌ ఫీల్డ్‌ కాస్త చిత్తడిగా మారింది. దీంతో 6:30 గంటలకి పడాల్సిన మ్యాచ్ టాస్ కూడా ఆలస్యంకానుంది. కాగా మొహాలీ వేదికగా జరిగిన తొలి టీ20లో ఓటమి పాలైన టీమిండియా.. ఈ మ్యాచ్‌లో ఎలాగైన విజయం సాధించి సిరీస్‌ను సమం చేయాలని భావిస్తోంది చదవండి: భారత్‌, ఇంగ్లండ్‌, పాకిస్తాన్‌ కాదు.. టీ20 ప్రపంచకప్‌ విజేత ఆ జట్టే: భారత మాజీ ఆటగాడు

మొహాలీ వేదికగా టీమిండియాతో జరిగిన తొలి టీ20లో ఆస్ట్రేలియా 4 వికెట్ల తేడాతో విజయం సాధించింది.  అఖరిలో ఆసీస్‌ ఆటగాడు మాథ్యూ వేడ్‌(20 బంతుల్లో 45 పరుగులు) దూకుడుగా ఆడి జట్టును విజయతీరాలకు చేర్చాడు.  209 పరుగుల లక్ష్యంతో బరిలోకి దిగిన ఆస్ట్రేలియా 19.2 ఓవర్లలో 6 వికెట్లు కోల్పోయి ఛేదించింది. ఆసీస్‌ బ్యాటర్లలో  గ్రీన్‌(61) పరుగులతో టాప్‌ స్కోరర్‌గా నిలిచాడు. భారత బౌలర్లలో అక్షర్‌ పటేల్‌ మూడు వికెట్లు, ఉమేశ్‌యాదవ్‌ రెండు, చాహల్‌ ఒక్క వికెట్‌ సాధించాడు.  ఇక అంతకుముందు హార్దిక్‌ పాండ్యా చేలరేగడంతో భారత్‌ నిర్ణీత 20 ఓవర్లలో 6 వికెట్లు కోల్పోయి 208 పరుగులు చేసింది. హార్దిక్‌ కేవలం 30 బంతుల్లో 7 ఫోర్లు, 5 సిక్స్‌లతో 71 పరుగులు చేసి విధ్వంసం సృష్టించాడు. భారత బ్యాటర్లలో కేఎల్‌ రాహుల్‌(55) సూర్యకుమార్‌ యాదవ్‌( 46) పరుగులతో అద్భుతమైన ఇన్నింగ్స్‌ ఆడారు. ఇక ఆసీస్‌ బౌలర్లలో ఎల్లీస్‌ మూడు, హాజిల్‌ వుడ్‌ రెండు, గ్రీన్‌ ఒక్క వికెట్‌ సాధించారు. 17 ఓవర్లకు ఆసీస్‌ స్కోర్‌: 169/5 17 ఓవర్లు ముగిసే సరికి ఆస్ట్రేలియా 5 వికెట్లు కోల్పోయి 169 పరుగులు చేసింది. ఆసీస్‌ విజయానికి 18 బంతుల్లో 40 పరుగులు కావాలి. వరుస క్రమంలో వికెట్లు కోల్పోయిన ఆసీస్‌ ఉమేశ్‌ యాదవ్‌ వేసిన 13 ఓవర్‌లో ఆసీస్‌ వరుస క్రమంలో వికెట్లు కోల్పోయింది. స్మిత్‌, మ్యాక్స్‌వెల్‌ వికెట్‌ కీపర్‌లకు క్యాచ్‌ ఇచ్చి ఔటయ్యారు. 13 ఓవర్లకు ఆసీస్‌ స్కోర్‌: 134/4 రెండో వికెట్‌ కోల్పోయిన టీమిండియా 109 పరుగులు వద్ద ఆస్ట్రేలియా రెండో వికెట్‌ కోల్పోయింది. 61 పరుగులు చేసిన గ్రీన్‌.. అక్షర్‌ పటేల్‌ బౌలింగ్‌లో పెవిలియన్‌కు చేరాడు. 8 ఓవర్లకు ఆసీస్‌ స్కోర్‌: 90/1 ఆస్ట్రేలియా దీటుగా ఆడుతోంది. 8 ఓవర్లు ముగిసేసరికి ఆస్ట్రేలియా వికెట్ నష్టానికి 90 పరుగులు చేసింది. క్రీజులో గ్రీన్‌(47), స్మిత్‌(19) పరుగులతో ఉన్నారు. తొలి వికెట్‌ కోల్పోయిన ఆస్ట్రేలియా 209 పరుగుల భారీ లక్ష్యంతో బరిలోకి దిగిన ఆస్ట్రేలియా తొలి వికెట్‌ కోల్పోయింది. 22 పరుగులు చేసిన ఫించ్‌.. అక్షర్‌ పటేల్‌ బౌలింగ్‌లో క్లీన్‌ బౌల్డయ్యాడు. క్రీజులోకి స్టీవన్‌ స్మిత్‌ వచ్చాడు. 3 ఓవర్లకు ఆస్ట్రేలియా స్కోర్‌: 38/0 209 పరుగుల భారీ లక్ష్యంతో బరిలోకి దిగిన ఆస్ట్రేలియా దూకుడుగా ఆడుతోంది. 3 ఓవర్లు ముగిసే సరికి ఆసీస్‌ వికెట్‌ నష్టపోకుండా 38 పరుగులు చేసింది. క్రీజులో ఆరోన్‌ ఫించ్‌(22), గ్రీన్‌(16) పరుగులతో ఉన్నారు. హార్దిక్‌ పాండ్యా విధ్వంసం.. ఆసీస్‌ టార్గెట్‌ 209 పరుగులు మొహాలీ వేదికగా ఆస్ట్రేలియాతో జరుగుతోన్న తొలి టీ20లో టీమిండియా భారీ స్కోర్‌ సాధించింది. హార్దిక్‌ పాండ్యా చేలరేగడంతో భారత్‌ నిర్ణీత 20 ఓవర్లలో 6 వికెట్లు కోల్పోయి 208 పరుగులు చేసింది. హార్దిక్‌ కేవలం 30 బంతుల్లో 7 ఫోర్లు, 5 సిక్స్‌లతో 71 పరుగులు చేసి విధ్వంసం సృష్టించాడు. అఖరి ఓవర్‌లో హ్యాట్రిక్‌ సిక్స్‌లు కొట్టి ఏకంగా 20 పరుగులు రాబట్టాడు. అదే విధంగా భారత బ్యాటర్లలో కేఎల్‌ రాహుల్‌(55) సూర్యకుమార్‌ యాదవ్‌( 46) పరుగులతో అద్భుతమైన ఇన్నింగ్స్‌ ఆడారు. ఇక ఆసీస్‌ బౌలర్లలో ఎల్లీస్‌ మూడు, హాజిల్‌ వుడ్‌ రెండు, గ్రీన్‌ ఒక్క వికెట్‌ సాధించారు. ఐదో వికెట్‌ కోల్పోయిన భారత్‌ 148 పరుగుల వద్ద టీమిండియా ఐదో వికెట్‌ కోల్పోయింది. 6 పరుగులు చేసిన అక్షర్‌ పటేల్‌.. గ్రీన్‌కు క్యాచ్‌ ఇచ్చి పెవిలియన్‌కు చేరాడు. నాలుగో వికెట్‌ కోల్పోయిన టీమిండియా 126 పరుగుల వద్ద టీమిండియా నాలుగో వికెట్‌ కోల్పోయింది. 46 పరుగులుతో దూకుడుగా ఆడుతోన్న సూర్యకుమార్‌ యాదవ్‌.. గ్రీన్‌ బౌలింగ్‌లో వికెట్‌ కీపర్‌కు క్యాచ్‌ ఇచ్చి పెవిలియన్‌కు చేరాడు. మూడో వికెట్‌ కోల్పోయిన భారత్‌ 103 పరుగుల వద్ద టీమిండియా మూడో వికెట్‌ కోల్పోయింది. 55 పరుగులు చేసిన రాహుల్‌ హాజిల్‌వుడ్‌ బౌలింగ్‌లో ఎల్లిస్‌ క్యాచ్‌ ఇచ్చి ఔటయ్యాడు. క్రీజులోకి హార్దిక్‌ పాండ్యా వచ్చాడు. కేఎల్‌ రాహుల్‌ హాఫ్‌ సెంచరీ.. టీమిండియా స్టార్‌ ఓపెనర్‌ కేఎల్‌ రాహుల్‌ అర్దసెంచరీ సాధించాడు. 32 బంతుల్లో మూడు ఫోర్లు, మూడు సిక్స్‌లతో తన హాఫ్‌ సెంచరీని రాహుల్‌ పూర్తి చేసుకున్నాడు. ఇక 11 ఓవర్లు ముగిసే సరికి భారత్‌ రెండు వికెట్లు కోల్పోయి 91 పరుగులు చేసింది. క్రీజులో రాహుల్‌(50), సూర్యకుమార్‌ యాదవ్‌(25) పరుగులో ఉన్నారు. 8 ఓవర్లకు భారత్‌ స్కోర్‌: 69/2 8 ఓవర్లు ముగిసే సరికి భారత్‌ రెండు వికెట్లు కోల్పోయి 69 పరుగులు చేసింది. క్రీజులో కేఎల్‌ రాహుల్‌(37), సూర్యకుమార్‌ యాదవ్‌(17) పరుగులతో ఉన్నారు. రెండో వికెట్‌ కోల్పోయిన భారత్‌.. కోహ్లి ఔట్‌ 35 పరుగుల వద్ద టీమిండియా రెండో వికెట్‌ కోల్పోయింది. 2 పరుగులు చేసిన విరాట్‌ కోహ్లి.. నాథన్ ఎల్లిస్ బౌలింగ్‌లో గ్రీన్‌కు క్యాచ్‌ ఇచ్చి పెవిలియన్‌కు చేరాడు. ప్రస్తుతం క్రీజులో కేఎల్‌ రాహుల్‌, సూర్యకుమార్‌ యాదవ్‌ ఉన్నారు. తొలి వికెట్‌ కోల్పోయిన భారత్‌.. రోహిత్‌ ఔట్‌ 21 పరుగులు వద్ద భారత్‌ తొలి వికెట్‌ కోల్పోయింది. 11 పరుగులు చేసిన రోహిత్‌ శర్మ.. హాజిల్‌వుడ్‌ బౌలింగ్‌లో పెవిలియన్‌కు చేరాడు. క్రీజులోకి విరాట్‌ కోహ్లి వచ్చాడు. 2ఓవర్లకు భారత్‌ స్కోర్‌: 14/0 టాస్‌ ఓడి బ్యాటింగ్‌కు దిగిన భారత్‌ రెండు ఓవర్లు ముగిసే సరికి వికెట్‌ నష్టపోకుండా 14 పరుగులు చేసింది. క్రీజులో రాహుల్‌(3), రోహిత్‌ శర్మ(11) పరుగలతో ఉన్నారు. స్వదేశంలో ఆస్ట్రేలియాతో మూడు మ్యాచ్‌ల టీ20 సిరీస్‌లో తలపడేందుకు టీమిండియా సిద్దమైంది. ఈ సిరీస్‌లో భాగంగా తొలి టీ20 ఇరు జట్లు మధ్య మొహాలీ వేదికగా జరగుతోంది. ఈ మ్యాచ్‌లో టాస్‌ గెలిచిన ఆస్ట్రేలియా తొలుత ఫీల్డింగ్‌ ఎంచుకుంది. కాగా ఈ మ్యాచ్‌కు భారత ఆటగాళ్లు రిషబ్‌ పంత్‌, బుమ్రా దూరమయ్యారు. తుది జట్లు ఆస్ట్రేలియా: ఆరోన్ ఫించ్(కెప్టెన్‌), కామెరాన్ గ్రీన్, స్టీవెన్ స్మిత్, గ్లెన్ మాక్స్‌వెల్, జోష్ ఇంగ్లీష్, టిమ్ డేవిడ్, మాథ్యూ వేడ్(వికెట్‌ కీపర్‌), పాట్ కమిన్స్, నాథన్ ఎల్లిస్, ఆడమ్ జంపా, జోష్ హేజిల్‌వుడ్ భారత్‌: రోహిత్ శర్మ(కెప్టెన్‌), కేఎల్‌ రాహుల్, విరాట్ కోహ్లీ, సూర్యకుమార్ యాదవ్, హార్దిక్ పాండ్యా, దినేష్ కార్తీక్(వికెట్‌ కీపర్‌), అక్షర్ పటేల్, భువనేశ్వర్ కుమార్, హర్షల్ పటేల్, ఉమేష్ యాదవ్, యుజ్వేంద్ర చాహాల్‌

India Vs Australia T20 Series 2022-  Rohit Sharma: టీమిండియా కెప్టెన్‌ రోహిత్‌ శర్మ టీ20 ఫార్మాట్‌లో సాధించిన రికార్డుల గురించి ప్రత్యేకంగా చెప్పనక్కర్లేదు. తన పదిహేనేళ్ల అంతర్జాతీయ కెరీర్‌లో హిట్‌మ్యాన్‌ ఇప్పటి వరకు పొట్టి ఫార్మాట్‌లో 3620 పరుగులు సాధించాడు. నాలుగు శతకాలు.. 28 హాఫ్‌ సెంచరీలు తన ఖాతాలో వేసుకున్నాడు. ఇక టీ20లలో హిట్‌మ్యాన్‌ అత్యధిక స్కోరు 118. అదే విధంగా ఈ ఫార్మాట్‌లో ఇంటర్నేషనల్‌ క్రికెట్‌లో రోహిత్‌ శర్మ ఇప్పటి వరకు 323 ఫోర్లు, 171 సిక్సర్లు బాదాడు. ఈ క్రమంలో స్వదేశంలో ఆస్ట్రేలియాతో టీ20 సిరీస్‌ ఆరంభం నేపథ్యంలో టీమిండియా సారథి అరుదైన ప్రపంచ రికార్డు ముంగిట నిలిచాడు. రెండు సిక్సర్లు కొట్టాడంటే! మొహాలీ వేదికగా మంగళవారం(సెప్టెంబరు 20) భారత్‌- ఆస్ట్రేలియా మధ్య తొలి టీ20 మొదలుకానుంది. ఈ మ్యాచ్‌లో రోహిత్‌ శర్మ ఒక్క సిక్స్‌ కొడితే.. న్యూజిలాండ్‌ ఓపెనర్‌ మార్టిన్‌ గప్టిల్‌ రికార్డును సరిచేస్తాడు. రెండు సిక్సర్లు గనుక బాదితే గప్టిల్‌ను అధిగమించి అంతర్జాతీయ క్రికెట్‌లో పొట్టి ఫార్మాట్‌లో అత్యధిక సిక్స్‌లు కొట్టిన బ్యాటర్‌గా చరిత్ర సృష్టిస్తాడు. ఇక గప్టిల్‌ ఇప్పటి వరకు 121 అంతర్జాతీయ టీ20లు ఆడి 172 సిక్స్‌లు కొట్టాడు. రోహిత్‌ శర్మ 171 సిక్సర్లతో అతడి తర్వాతి స్థానాన్ని ఆక్రమించాడు. వీరి తర్వాత.. వెస్టిండీస్‌ బ్యాటర్‌ క్రిస్‌గేల్‌ 124, ఇంగ్లండ్‌ మాజీ సారథి ఇయాన్‌ మోర్గాన్‌ 120, ఆస్ట్రేలియా కెప్టెన్‌ ఆరోన్‌ ఫించ్‌ 117 సిక్సర్లతో టాప్‌-5లో కొనసాగుతున్నారు.  చదవండి: T20 WC 2022: పంత్‌ ఆ స్థానానికి సరిపోడు! అతడిని ఆడించకపోవడమే మంచిది: భారత మాజీ ఓపెనర్‌ CSA 2022 Auction- Kavya Maran: ఆ వేలంలో హైలెట్‌గా కావ్య.. ఎంఐతో పోటీపడి! యువ హిట్టర్‌ కోసం భారీ ధర!

Australia tour of India, 2022- India Vs Australia T20 Series: టీ20 ప్రపంచకప్‌-2022కు ముందు టీమిండియా స్వదేశంలో ఆస్ట్రేలియాతో టీ20 సిరీస్‌ ఆడనుంది. ఈ మూడు మ్యాచ్‌ల సిరీస్‌ కోసం కంగారూ జట్టు గురువారం భారత్‌కు చేరుకుంది. ఐసీసీ మెగా ఈవెంట్‌కు ముందు జరుగనున్న ఈ సిరీస్‌ ఇరు జట్లకు ప్రతిష్టాత్మకంగా మారింది. ఇక డేవిడ్‌ వార్నర్‌ మినహా.. ప్రపంచకప్‌ జట్టులోని మిగతా ఆసీస్‌ ఆటగాళ్లంతా రోహిత్‌ సేనతో సిరీస్‌లో పాల్గొననున్న విషయం తెలిసిందే. అయితే, మిచెల్‌ మార్ష్‌, మార్కస్‌ స్టొయినిస్‌, మిచెల్‌ స్టార్క్‌ గాయం కారణంగా జట్టుకు దూరం కాగా.. నాథన్‌ ఎలిస్‌, డేనియల్‌ సామ్స్‌, సీన్‌ అబాట్‌లు వారి స్థానాలను భర్తీ చేశారు. ఈ నేపథ్యంలో భారత్‌- ఆసీస్‌ పోరు ఎప్పుడు ఆరంభం కానుంది? పూర్తి షెడ్యూల్‌, మ్యాచ్‌ ప్రత్యక్ష ప్రసారాలు, జట్ల వివరాల తాజా అప్‌డేట్లు, తదితర అంశాలు పరిశీలిద్దాం. ఇండియా వర్సెస్‌ ఆస్ట్రేలియా- మూడు టీ20 మ్యాచ్‌లు మ్యాచ్‌లన్నీ భారత కాలమానం ప్రకారం రాత్రి ఏడున్నర గంటలకు ఆరంభం మొదటి టీ20 సెప్టెంబరు 20- మంగళవారం- పంజాబ్‌ క్రికెట్‌ అసోసియేషన్‌ ఐఎస్‌ బింద్రా స్టేడియం, మొహాలి రెండో టీ20 సెప్టెంబరు 23- శుక్రవారం, విదర్భ క్రికెట్‌ అసోసియేషన్‌ స్టేడియం, నాగ్‌పూర్‌ మూడో టీ20 సెప్టెంబరు 25- ఆదివారం- రాజీవ్‌ గాంధీ ఇంటర్నేషనల్‌ స్టేడియం, హైదరాబాద్‌ మ్యాచ్‌ ప్రసారాలు, లైవ్‌ స్ట్రీమింగ్‌ స్టార్‌ స్పోర్ట్స్ నెట్‌వర్క్‌లో ప్రసారం డిస్నీ+హాట్‌స్టార్‌లో లైవ్‌స్ట్రీమింగ్‌ ఆస్ట్రేలియాతో టీ20 సిరీస్‌కు భారత జట్టు: రోహిత్‌ శర్మ, కేఎల్‌ రాహుల్‌, విరాట్‌ కోహ్లి, సూర్యకుమార్‌ యాదవ్‌, దీపక్‌ హుడా, రిషభ్‌ పంత్‌, దినేశ్‌ కార్తిక్‌, హార్దిక్‌ పాండ్యా, రవిచంద్రన్‌ అశ్విన్‌, యజువేంద్ర చహల్‌, అక్షర్‌ పటేల్‌, భువనేశ్వర్‌ కుమార్‌, మహ్మద్‌ షమీ, హర్షల్‌ పటేల్‌, దీపక్‌ చహర్‌, జస్‌ప్రీత్‌ బుమ్రా. అప్‌డేట్‌: షమీకి కరోనా పాజిటివ్‌గా తేలడంతో అతడి స్థానంలో ఉమేశ్‌ యాదవ్‌ జట్టులోకి వచ్చాడు. టీమిండియాతో సిరీస్‌కు ఆస్ట్రేలియా జట్టు: ఆరోన్‌ ఫించ్‌(కెప్టెన్‌), సీన్‌ అబాట్‌, అష్టన్‌ అగర్‌, ప్యాట్‌ కమిన్స్‌, టిమ్‌ డేవిడ్‌, నాథన్‌ ఎలిస్‌, కామెరూన్‌ గ్రీన్‌, జోష్‌ హాజిల్‌వుడ్‌, జోష్‌ ఇంగ్లిస్‌, గ్లెన్‌ మాక్స్‌వెల్‌, కేన్‌ రిచర్డ్‌సన్‌, డేనియల్‌ సామ్స్‌, స్టీవ్‌ స్మిత్‌, మాథ్యూ వేడ్‌, ఆడం జంపా.  చదవండి: 17 ఏళ్ల తర్వాత పాకిస్తాన్‌ గడ్డపై అడుగుపెట్టిన ఇంగ్లండ్‌ T20 World Cup 2022: జట్టును ప్రకటించిన అఫ్గనిస్తాన్‌.. యువ బౌలర్‌ ఎంట్రీ

ఆసీస్‌ వన్డే కెప్టెన్‌గా ఆరోన్‌ ఫించ్‌ వైదొలిగిన నేపథ్యంలో ఆ స్థానాన్ని ఎవరు భర్తీ చేస్తారన్న డిస్కషన్‌ ప్రస్తుతం క్రికెట్‌ వర్గాల్లో జోరుగా సాగుతుంది. కొందరేమో టెస్ట్‌ సారధి పాట్‌ కమిన్స్‌కే వన్డే కెప్టెన్సీ కూడా కట్టబెట్టాలని అంటుంటే.. మరికొందరేమో వెటరన్‌ ఓపెనర్‌ డేవిడ్‌ వార్నర్‌ పేరును సూచిస్తున్నారు. పరిమిత ఓవర్ల కెప్టెన్‌గా ఉండేందుకు వార్నర్‌ సైతం ఆసక్తిగా ఉన్నట్లు తెలుస్తోంది.  అయితే, 2018 బాల్‌ టాంపరింగ్‌ వివాదంలో వార్నర్‌పై జీవితకాల నిషేధం (కెప్టెన్సీ విషయంలో) ఉన్న నేపథ్యంలో క్రికెట్‌ ఆస్ట్రేలియా (సీఏ) ఏ విధంగా స్పందిస్తుందో వేచి చేడాల్సి ఉంది. సమస్యను పరిష్కరించుకునేందుకు (బ్యాన్‌ ఎత్తివేత) డేవిడ్‌ భాయ్‌ స్వయంగా రంగంలోకి దిగి పావులు కదుపుతున్నట్లు సమాచారం. ఈ విషయంలో అతనికి తాజాగా మాజీ కెప్టెన్‌ ఆరోన్‌ ఫించ్‌ అలాగే పలువురు క్రికెట్‌ ఆస్ట్రేలియా పెద్దల మద్దతు కూడా ఉన్నట్లు తెలుస్తోంది.  మరోవైపు ఫించ్‌ స్వదేశంలో జరిగే టీ20 వరల్డ్‌కప్‌ తర్వాత పొట్టి ఫార్మాట్‌ నుంచి కూడా వైదొలుగుతాడన్న వార్తలు వినిపిస్తున్నాయి. ఇందుకోసమే వార్నర్‌ కూడా ఎదురుచూస్తున్నాడని అతని సన్నిహితుల ద్వారా తెలుస్తోంది. మెగా టోర్నీ తర్వాత ఫించ్‌ పొట్టి ఫార్మాట్‌ నుంచి కూడా తప్పుకుంటే.. పరిమిత ఓవర్ల కెప్టెన్సీ మొత్తం కోసం పావులు కదపాలన్నది వార్నర్‌ ప్లాన్‌గా తెలుస్తుంది. అన్ని అనుకున్నట్లుగా జరిగితే వార్నర్‌ టీ20 వరల్డ్‌కప్‌ అనంతరం ఆసీస్‌ పరిమిత ఓవర్ల కెప్టెన్‌గా బాధ్యతలు చేపట్టడం ఖాయమని విశ్లేషకులు సైతం అభిప్రాయపడుతున్నారు.     

స్వదేశంలో కివీస్‌తో జరిగిన 3 మ్యాచ్‌ల వన్డే సిరీస్‌ను ఆస్ట్రేలియా 3-0 తేడాతో క్లీన్‌ స్వీప్‌ చేసింది. ఆదివారం (సెప్టెంబర్‌ 11) జరిగిన మూడో వన్డేలో స్టీవ్‌ స్మిత్‌ (105)  సూపర్‌ సెంచరీతో చెలరేగడంతో ఆసీస్‌ 25 పరుగుల తేడాతో జయకేతనం ఎగురవేసింది. టాస్‌ ఓడి తొలుత బ్యాటింగ్‌ చేసిన ఆసీస్‌.. స్మిత్‌ సెంచరీ, మార్నస్‌ లబూషేన్‌ (52), అలెక్స్‌ క్యారీ (42 నాటౌట్‌) రాణించడంతో నిర్ణీత ఓవర్లలో 5 వికెట్ల నష్టానికి 267 పరుగుల చేసింది. ఆఖర్లో కెమరూన్‌ గ్రీన్‌ (12 బంతుల్లో 25 నాటౌట్‌; 2 ఫోర్లు, 2 సిక్సర్లు) వేగంగా పరుగులు సాధించాడు. కివీస్‌ బౌలర్లలో బౌల్ట్‌ 2, సౌథీ, ఫెర్గూసన్‌, సాంట్నర్‌ తలో వికెట్‌ పడగొట్టారు. అనంతరం 268 పరుగుల లక్ష్యాన్ని ఛేదించేందుకు బరిలోకి దిగిన కివీస్‌.. ఆరంభం నుంచే క్రమం తప్పకుండా వికెట్లు కోల్పోయి లక్ష్యానికి 26 పరుగుల దూరంలో నిలిచిపోయింది. కివీస్‌ మరో బంతి మిగిలుండగానే 242 పరుగల వద్ద ఆలౌటైంది. ఫిన్‌ అలెన్‌ (35), గ్లెన్‌ ఫిలిప్‌ (47), జేమ్స్‌ నీషమ్‌ (36), మిచెల్‌ సాంట్నర్‌ (30) ఓ మోస్తరుగా రాణించినప్పటికీ ఫలితం లేకుండా పోయింది.   ఆసీస్‌ బౌలర్ల ఏ ఓక్క బ్యాటర్‌ను కుదురుకోనివ్వలేదు. సీన్‌ అబాట్‌ (2/31), కెమరూన్‌ గ్రీన్‌ (2/25) పొదుపుగా బౌలింగ్‌ చేయడంతో పాటు కివీస్‌పై ఒత్తిడి పెంచారు. ఆఖర్లో స్టార్క్‌ (3/60) చెలరేగి మ్యాచ్‌ను లాంఛనంగా ముగించాడు. హేజిల్‌వుడ్‌, జంపా తలో వికెట్‌ పడగొట్టారు. ఈ సిరీస్‌లో హాఫ్‌ సెంచరీ, సెంచరీతో రాణించిన స్టీవ్‌ స్మిత్‌కు ప్లేయర్‌ ఆఫ్‌ ద మ్యాచ్‌, సిరీస్‌ అవార్డులు దక్కాయి. కాగా, సిరీస్‌లో భాగంగా జరిగిన తొలి రెండు వన్డేల్లోనూ ఆసీస్‌ గెలుపొందిన విషయం తెలిసిందే. ఆసీస్‌ తదుపరి టీమిండియాతో మూడు మ్యాచ్‌ల టీ20 సిరీస్‌ ఆడనుంది.     చదవండి: స్మిత్‌.. మరీ ఇంత స్వార్థపరుడివనుకోలేదు!

ఆస్ట్రేలియా వన్డే జట్టు కెప్టెన్‌గా ఆరోన్‌ ఫించ్‌ వైదొలిగిన నేపథ్యంలో ఓ ఆసక్తికర విషయం వెలుగు చూసింది. 2019 వన్డే వరల్డ్‌కప్‌ ఆడిన పది దేశాల కెప్టెన్లలో ప్రస్తుతం ఒకే ఒక్కరు సారధిగా కొనసాగుతున్నారు. గత వన్డే వరల్డ్‌కప్‌లో ఇంగ్లండ్‌ (డిఫెండింగ్‌ ఛాంపియన్‌) కెప్టెన్‌గా వ్యవహరించిన ఇయాన్‌ మోర్గాన్‌, విరాట్‌ కోహ్లి (ఇండియా), ఫాఫ్‌ డుప్లెసిస్‌ (సౌతాఫ్రికా), జేసన్‌ హోల్డర్‌ (వెస్టిండీస్‌), సర్ఫరాజ్‌ అహ్మద్‌ (పాకిస్తాన్‌), శ్రీలంక (దిముత్‌ కరుణరత్నే), ముషరఫే మోర్తజా (బంగ్లాదేశ్‌), గుల్బదిన్‌ నైబ్‌ (ఆఫ్ఘనిస్తాన్‌), తాజాగా ఆరోన్‌ ఫించ్‌ (ఆస్ట్రేలియా) కెప్టెన్సీ బాధ్యతలను నుంచి వైదొలగగా ఒక్క కేన్‌ విలియమ్సన్‌ మాత్రమే మూడు ఫార్మాట్లలో న్యూజిలాండ్‌ కెప్టెన్‌గా కొనసాగుతున్నాడు. కెప్టెన్లకు ఏమాత్రం కలిసి రానిదిగా చెప్పుకునే గడిచిన వన్డే వరల్డ్ కప్ ఆడిన కెప్టెన్లలో కేన్‌ మామ తప్ప అంతా ఔటయ్యారు.  వీరిలో కొందరు స్వతహాగా కెప్టెన్సీ నుంచి తప్పుకోగా, మరికొందరిని (హోల్డర్‌, సర్ఫరాజ్‌, గుల్బదిన్‌, మోర్తజా, కరుణరత్నే) బలవంతంగా తప్పించారు.  తప్పించబడిన కెప్టెన్లలో కొందరు వన్డే జట్టులో స్థానం సైతం కోల్పోయారు. 2019 వన్డే వరల్డ్‌కప్‌ ఆడిన కెప్టెన్లలో మిగిలిన ఒకే ఒక్కడు విలియమ్సన్‌ పరిస్థితి కూడా ప్రస్తుతం ఏమంత ఆశాజనకంగా లేదు. కేన్‌ మామ కెప్టెన్సీ కూడా ఇప్పుడా అప్పుడా అన్నట్లు ఉంది. గత కొంతకాలంగా అతను మూడు ఫార్మాట్లలో దారుణంగా విఫలమవుతున్నాడు. దీంతో కేన్‌ను పరిమిత ఓవర్ల కెప్టెన్సీ నుంచి తప్పించాలని ఆ దేశ మాజీలు అభిప్రాయపడుతున్నారు.  ఒకవేళ విలియమ్సన్‌ కూడా వన్డే కెప్టెన్సీ నుంచి తప్పించబడితే గత వన్డే వరల్డ్‌కప్‌ ఆడిన కెప్టెన్లంతా ఔటైనట్లే. వరల్డ్‌కప్‌ ఆడిన పది మంది కెప్టెన్లలో ఒక్క మోర్గాన్‌ తప్ప మిగతా ఎవ్వరూ అంత హ్యాపీగా జట్టుకు దూరం కాలేదు. ఇంగ్లండ్‌కు తొట్ట తొలి వన్డే వరల్డ్‌ కప్‌ అందించిన కెప్టెన్‌గా మోర్గాన్‌కు మంచి రెస్పెక్ట్‌ దక్కింది. ఇక విరాట్‌ కోహ్లి విషయానికొస్తే.. ఈ టీమిండియా తాజా మాజీ కెప్టెన్‌కు నాటి వరల్డ్‌కప్‌ నుంచే దరిద్రం పట్టుకుంది. 2019 నుంచి  మూడేళ్లకు పైగా ఒక్క సెంచరీ కూడా చేయని విరాట్‌.. ఇటీవలే (ఆసియా కప్‌ 2022) ఓ సెంచరీ చేశాడు. ఆఫ్ఘనిస్తాన్‌తో జరిగిన పోరులో సుదీర్ఘకాలం తర్వాత సెంచరీ బాదిన కోహ్లి కెరీర్‌లో 71వ సెంచరీ, అంతర్జాతీయ టీ20ల్లో తొలి సెంచరీ సాధించాడు.  చదవండి: Asia Cup 2022: లంకకు ఎదురుందా!

ఆస్ట్రేలియా కెప్టెన్‌ ఆరోన్‌ ఫించ్‌ వన్డే క్రికెట్‌కు గుడ్‌బై చెప్పనున్న సంగతి తెలిసిందే. ఆదివారం న్యూజిలాండ్‌తో ఫించ్‌ తన చివరి మ్యాచ్‌(146వ మ్యాచ్‌) ఆడనున్నాడు. టీ20లపై దృష్టి పెట్టేందుకు ఈ నిర్ణయం తీసుకున్నట్లు  ఫించ్‌ మీడియాకు తెలిపాడు. కాగా సౌతాఫ్రికాతో మ్యాచ్‌ తర్వాత వన్డేలకు గుడ్‌బై చెప్పనున్న ఫించ్‌పై టీమిండియా రన్‌మెషిన్‌ విరాట్‌ కోహ్లి ప్రశంసలు కురిపించాడు. ఇన్‌స్టాగ్రామ్‌ వేదికగా కోహ్లి ఫించ్‌తో ఉన్న అనుబంధాన్ని ఎమోషనల్‌గా పేర్కొన్నాడు.  ''వెల్‌డన్‌ ఫించీ.. నీకు ప్రత్యర్థిగా ఇన్ని సంవత్సరాలు క్రికెట్‌ ఆడడం ఎప్పటికి మరిచిపోనూ. అలాగే ఐపీఎల్‌లో ఆర్‌సీబీ తరపున ఇద్దరం ఒకే జట్టుకు ఆడడం మంచి అనుభూతి కలిగించింది. ఆల్‌ ది బెస్ట్‌ ఫర్‌ టి20 క్రికెట్‌.. నీ తర్వాతి లైఫ్‌ను సాఫీగా సాగించు'' అంటూ కోహ్లి పేర్కొన్నాడు.   కాగా గత కొంత కాలంగా వన్డేల్లో ఫించ్‌ దారుణంగా విఫలమవుతున్నాడు. అతడు తన ఏడు వన్డే ఇన్నింగ్స్‌లలో కేవలం 26 పరుగులు మాత్రమే చేశాడు. వాటిలో రెండు డకౌట్‌లు కూడా ఉన్నాయి. ఇక ఫించ్‌ 2013 శ్రీలంకపై ఆసీస్‌ తరపున వన్డేల్లో అంతర్జాతీయ అరంగేట్రం చేశాడు. ఇప్పటి వరకు ఆస్ట్రేలియా తరపున 145 వన్డేల్లో ప్రాతినిథ్యం వహించిన ఫించ్‌.. 5041 పరుగులు సాధించాడు. 54 వన్డేల్లో ఆసీస్‌ జట్టు కెప్టెన్‌గా ఫించ్‌ వ్యవహారించాడు. అతడి వన్డే కెరీర్‌లో ఇప్పటి వరకు 17 సెంచరీలు, 30 హాఫ్‌ సెంచరీలు ఉన్నాయి. 2015 వన్డే వరల్డ్‌కప్‌ ఆస్ట్రేలియా నెగ్గడంలో ఫించ్‌ది కీలకపాత్ర. ఆ వరల్డ్‌కప్‌లో ఫించ్‌ 8 మ్యాచ్‌ల్లో 280 పరుగులు సాధించాడు.  ఇక 2021 టి20 ప్రపంచకప్‌ గెలిచిన ఆస్ట్రేలియా జట్టుకు ఫించ్‌ నాయకత్వం వహించాడు. బ్యాటర్‌గా విఫలమైనప్పటికి కెప్టెన్‌గా మాత్రం ఫించ్‌ సూపర్‌ సక్సెస్‌ అయ్యాడు. కాగా వచ్చే నెలలో ఆస్ట్రేలియా వేదికగా జరగనున్న టి20 ప్రపంచకప్‌లో ఫించ్‌ సారధ్యంలోనే ఆస్ట్రేలియా డిఫెండింగ్‌ చాంపియన్‌గా బరిలోకి దిగనుంది. చదవండి: ఆస్ట్రేలియా కెప్టెన్‌ సంచలన నిర్ణయం​.. వన్డేలకు గుడ్‌బై

ఆస్ట్రేలియా పరిమిత ఓవర్ల కెప్టెన్‌ ఆరోన్ ఫించ్ సంచలన నిర్ణయం తీసుకున్నాడు. అంతర్జాతీయ వన్డే క్రికెట్‌కు ఫించ్‌ రిటైర్మెంట్‌ ప్రకటించాడు. ఈ విషయాన్ని శనివారం విలేకరుల సమావేశంలో ఫించ్‌ వెల్లండించాడు. ఆదివారం కైర్న్స్‌ వేదికగా జరగనున్న మూడో వన్డే ఫించ్ అఖరి వన్డే కానుంది. అతడు టీ20లపై దృష్టి పెట్టేందుకు ఈ నిర్ణయం తీసుకున్నట్లు తెలుస్తోంది. "ఆస్ట్రేలియా వంటి అద్భుతమైన జట్టులో భాగమైనందుకు నేను చాలా అదృష్టవంతుడిని. ఆసీస్‌ జట్టుతో నా జర్నీలో ఎన్నో మధురమైన జ్ఞాపకాలు ఉన్నాయి. ఈ రోజు వన్డే క్రికెట్‌ నుంచి తప్పుకోవాలని నిర్ణయించుకున్నాను. నా ఈ ప్రయాణంలో నాకు మద్దతుగా నిలిచిన క్రికెట్‌ ఆస్ట్రేలియా, అభిమానులకు కృతజ్ఞతలు తెలుపుతున్నాను" అని ఫించ్‌ పేర్కొన్నాడు. కాగా గత కొంత కాలంగా వన్డేల్లో ఫించ్‌ దారుణంగా విఫలమవుతున్నాడు. అతడు తన ఏడు వన్డే ఇన్నింగ్స్‌లలో కేవలం 26 పరుగులు మాత్రమే చేశాడు. వాటిలో రెండు డకౌట్‌లు కూడా ఉన్నాయి. ఇక ఫించ్‌ 2013 శ్రీలంకపై ఆసీస్‌ తరపున వన్డేల్లో అంతర్జాతీయ అరంగేట్రం చేశాడు. ఇప్పటి వరకు ఆస్ట్రేలియా తరపున 145 వన్డేల్లో ప్రాతినిథ్యం వహించిన ఫించ్‌.. 5041 పరుగులు సాధించాడు. 54 వన్డేల్లో ఆసీస్‌ జట్టు కెప్టెన్‌గా ఫించ్‌ వ్యవహారించాడు. అతడి వన్డే కెరీర్‌లో ఇప్పటి వరకు 17 సెంచరీలు, 30 హాఫ్‌ సెంచరీలు ఉన్నాయి. A true champion of the white-ball game. Aaron Finch will retire from one-day cricket after tomorrow’s third and final Dettol ODI vs New Zealand, with focus shifting to leading Australia at the #T20WorldCup pic.twitter.com/SG8uQuTVGc — Cricket Australia (@CricketAus) September 9, 2022 చదవండి: Asia Cup 2022: పాక్‌కు షాకిచ్చిన శ్రీలంక​.. 5 వికెట్ల తేడాతో ఘన విజయం

ఆస్ట్రేలియా పరిమిత ఓవర్ల కెప్టెన్‌ ఆరోన్‌ ఫించ్‌ సంచలన నిర్ణయం తీసుకుబోతున్నట్లు తెలుస్తోంది. వన్డే క్రికెట్‌కు వీడ్కోలు పలకాలని ఫించ్‌ నిర్ణయించుకున్నట్లు సమాచారం. కెయిర్న్స్ వేదికగా ఆదివారం (సెప్టెంబర్ 11) న్యూజిలాండ్‌తో జరగనున్న మూడో వన్డే ఫించ్‌కు అఖరి వన్డే కానున్నట్లు వార్తలు వినిపిస్తున్నాయి. అయితే ఈ మ్యాచ్‌కు ఒక్క రోజు ముందు (శనివారం) ఫించ్‌విలేకరుల సమావేశంలో పాల్గోనున్నాడు. ఈ సమావేశంలో  ఫించ్‌  తన తన నిర్ణయాన్ని ప్రకటించే అవకాశం ఉంది. కాగా కెప్టెన్‌గా జట్టును విజయాల బాటలో నడిపిస్తున్న ఫించ్‌.. వ్యక్తిగత ప్రదర్శనలో మాత్రం దారుణంగా విఫలమవతున్నాడు. ఫించ్‌ గత తన ఏడు వన్డే ఇన్నింగ్స్‌లలో 26 పరుగులు మాత్రమే చేశాడు. వాటిలో రెండు డకౌట్‌లు కూడా ఉన్నాయి. ఇక​ ఫించ్‌ సారథ్యంలోనే ఆస్ట్రేలియా జట్టు తమ తొలి టీ20 ప్రపంచకప్‌ టైటిల్‌ను కూడా కైవసం చేసుకుంది. టీ20 ప్రపంచకప్‌-2021ను ఆసీస్‌ సొంతం చేసుకున్న సంగతి తెలిసిందే. చదవండి: Asia Cup 2022: కింగ్‌ కోహ్లి అద్భుతమైన సెంచరీ.. పాక్‌ ఆటగాళ్ల ప్రశంసల జల్లు!

Zimbabwe Tour of Australia, 2022- 3rd ODI: ఆస్ట్రేలియాతో మూడో వన్డేలో జింబాబ్వే సంచలన విజయం సాధించింది. మూడు వికెట్ల తేడాతో ఆతిథ్య కంగారూలను ఓడించి భారీ షాక్‌ ఇచ్చింది. తద్వారా మూడు వన్డేల సిరీస్‌లో ఆసీస్‌ ఆధిక్యాన్ని 2-1కి తగ్గించి క్లీన్‌స్వీప్‌ నుంచి తప్పించుకుంది. కాగా ఐసీసీ క్రికెట్‌ వరల్డ్‌కప్‌ సూపర్‌ లీగ్‌లో భాగంగా మూడు వన్డేలు ఆడేందుకు జింబాబ్వే.. ఆస్ట్రేలియా పర్యటనకు వెళ్లింది. మొదటి రెండు మ్యాచ్‌లలో అలవోకగానే! మొదటి రెండు మ్యాచ్‌లలో ఆరోన్‌ ఫించ్‌ బృందం పర్యాటక జింబాబ్వే మీద వరుసగా 5, 8 వికెట్ల తేడాతో ఏకపక్ష విజయాలు సాధించి ట్రోఫీని కైవసం చేసుకుంది. ఇక నామమాత్రపు మూడో వన్డేలోనూ నెగ్గి సిరీస్‌ను క్లీన్‌స్వీప్‌ చేయాలని భావించింది. అయితే, అనూహ్య రీతిలో రెగిస్‌ చకబ్వా బృందం ఆసీస్‌కు షాకిచ్చింది. బర్ల్‌ దెబ్బకు కుప్పకూలిన ఆసీస్‌ బ్యాటింగ్‌ ఆర్డర్‌ టౌన్స్‌విల్లే వేదికగా శనివారం జరిగిన మూడో వన్డేలో టాస్‌ గెలిచిన జింబాబ్వే తొలుత బౌలింగ్‌ ఎంచుకుంది. రియాన్‌ బర్ల్‌ 5 వికెట్లతో చెలరేగిన నేపథ్యంలో 31 ఓవర్లలోనే కంగారూల ఆట ముగిసింది. 141 పరుగులకే ఆలౌట్‌ అయింది. ఇందులో 94 పరుగులు ఓపెనర్‌ డేవిడ్‌ వార్నర్‌ చేసినవే! #3rdODI | @ryanburl3 after his five-wicket haul 👇 pic.twitter.com/mHc6DSBv0X — Zimbabwe Cricket (@ZimCricketv) September 3, 2022 రాణించిన మారుమని.. చకబ్వా కెప్టెన్‌ ఇన్నింగ్స్‌ లక్ష్య ఛేదనకు దిగిన జింబాబ్వేకు ఓపెనర్‌ తాడివానాషే మారుమని 35 పరుగులతో శుభారంభం అందించాడు. ఇక వరుసగా వికెట్లు కోల్పోయి కష్టాల్లో కూరుకుపోయిన వేళ ఆరో స్థానంలో బరిలోకి దిగిన కెప్టెన్‌ రెగిస్‌ చకబ్వా 37 పరుగులతో ఆఖరి వరకు అజేయంగా నిలిచాడు. రియాన్‌ బర్ల్‌ సైతం ఆఖర్లో విలువైన ఇన్నింగ్స్‌ ఆడి (11 పరుగులు) కెప్టెన్‌కు సహకారం అందించాడు. ఈ క్రమంలో 39 ఓవర్లలో 7 వికెట్ల నస్టానికి 142 పరుగులు చేసిన జింబాబ్వే.. ఆతిథ్య ఆసీస్‌ మీద అద్బుత విజయం సాధించింది. రియాన్‌ బర్ల్‌ ప్లేయర్‌ ఆఫ్‌ ది మ్యాచ్‌గా నిలిచాడు. చదవండి: Asia Cup 2022: మరోసారి తలపడనున్న భారత్‌-పాక్‌.. సూపర్‌-4 షెడ్యూల్‌ ఇదే Asia cup 2022: భారత్‌ రికార్డు బద్దలు కొట్టిన పాకిస్తాన్‌.. ప్రపంచంలోనే రెండో జట్టుగా!

IND VS AUS T20 Series Schedule: టీ20 ప్రపంచకప్‌ 2022కు ముందు భారత క్రికెట్‌ జట్టు ఊపిరి సడలని షెడ్యూల్‌తో ఉక్కిరిబిక్కిరవుతుంది. ప్రస్తుతం విండీస్‌తో ఐదు మ్యాచ్‌ల టీ20 సిరీస్‌ ఆడుతున్న టీమిండియా.. ఆ తర్వాత జింబాబ్వే పర్యటన, ఆ వెంటనే ఆసియా కప్‌తో బిజీబిజీగా గడపనుంది. ఆసియా కప్‌ ముగిసిన తర్వాత టీమిండియా దాదాపు నెలన్నర ఖాళీగా ఉండటంతో బీసీసీఐ ఈ మధ్యలో రెండు సిరీస్‌లను ప్లాన్‌ చేసింది. Take a look at #TeamIndia's home series fixture against Australia. 👍#INDvAUS pic.twitter.com/zwNuDtF32R — BCCI (@BCCI) August 3, 2022 సెప్టెంబర్‌ 20-25 మధ్యలో ఆస్ట్రేలియా, సెప్టెంబర్‌ 28-అక్టోబర్‌ 11 మధ్యలో సౌతాఫ్రికా జట్లు భారత్‌లో పర్యటించనున్నాయి. దీనికి సంబంధించిన షెడ్యూల్‌ను బీసీసీఐ బుధవారం విడుదల చేసింది. భారత పర్యటనలో ఆస్ట్రేలియా 3 మ్యాచ్‌ల టీ20 సిరీస్‌ ఆడనుండగా.. దక్షిణాఫ్రికా 3 టీ20లు, 3 మ్యాచ్‌ల వన్డే సిరీస్‌ ఆడనుంది. Check out the #INDvSA home series schedule. 👌#TeamIndia | @BCCI | @OfficialCSA pic.twitter.com/jo8zC4hjDq — BCCI (@BCCI) August 3, 2022 ఆస్ట్రేలియా సిరీస్‌లో తొలి మ్యాచ్‌కు పంజాబ్‌లోని మొహాలీ వేదిక కాగా.. రెండో టీ20 నాగ్‌పూర్‌లో జరుగనుంది. చివరిదైన మూడో టీ20కి హైదరాబాద్‌లోని రాజీవ్‌ గాంధీ ఇంటర్నేషనల్‌ స్టేడియం (ఉప్పల్‌) వేదిక కానుంది. చాలా కాలం తర్వాత హైదరాబాద్‌లో ఓ ఇంటర్నేషనల్ క్రికెట్‌ మ్యాచ్‌ జరుగనుంది. దీంతో స్థానికులు ఉబ్బితబ్బుబ్బిపోతున్నారు.  సౌతాఫ్రికా పర్యటన విషయానికొస్తే..  సెప్టెంబర్‌ 28- తొలి టీ20 (తిరువనంతపురం) అక్టోబర్‌ 2- రెండో టీ20 (గౌహతి) అక్టోబర్‌ 4- మూడో టీ20 (ఇండోర్‌) అక్టోబర్‌ 6- తొలి వన్డే (లక్నో) అక్టోబర్‌ 9- రెండో వన్డే (రాంచీ) అక్టోబర్‌ 11- మూడో వన్డే (ఢిల్లీ) చదవండి: Asia Cup 2022: ఇండియా వర్సెస్‌ పాకిస్తాన్‌.. త్రిబుల్‌ ధమాకా..!  

Australia tour of Sri Lanka, 2022- కొలంబో: శ్రీలంకతో జరుగుతున్న మూడు టి20 మ్యాచ్‌ల సిరీస్‌ను ఆస్ట్రేలియా మరో మ్యాచ్‌ మిగిలుండగానే 2–0తో కైవసం చేసుకుంది. కొలంబోలోని ఆర్‌. ప్రేమదాస స్టేడియంలో బుధవారం జరిగిన రెండో టి20లో ఆసీస్‌ 3 వికెట్లతో గెలిచింది. మొదట లంక 20 ఓవర్లలో 9 వికెట్లకు 124 పరుగులు చేసింది. అసలంక (39), కుశాల్‌ మెండిస్‌ (36) రాణించారు. కేన్‌ రిచర్డ్‌సన్‌ 4 వికెట్లు తీశాడు. తర్వాత ఆసీస్‌ 17.5 ఓవర్లలో 7 వికెట్లు కోల్పోయి 126 పరుగులు చేసి గెలిచింది. 26 బంతులు ఎదుర్కొని 26 పరుగులు సాధించిన ఆసీస్‌ వికెట్‌ కీపర్‌ బ్యాటర్‌ మాథ్యూ వేడ్‌ ప్లేయర్‌ ఆఫ్‌ ది మ్యాచ్‌గా నిలిచాడు. లంక ఆల్‌రౌండర్‌ వనిందు హసరంగకు నాలుగు వికెట్లు దక్కాయి. ఈ నేపథ్యంలో ఓటమిపై స్పందించిన ఆతిథ్య శ్రీలంక జట్టు కెప్టెన్‌ దసున్‌ షనక.. టాపార్డర్‌ విఫలం కావడం పట్ల అసంతృప్తి వ్యక్తం చేశాడు. ఇక ఆసీస్‌ కెప్టెన్‌ ఆరోన్‌ ఫించ్‌ మాట్లాడుతూ.. తమ బౌలింగ్‌ విభాగం అద్భుత ప్రదర్శనతో ఆకట్టుకుందని బౌలర్లను కొనియాడాడు. శ్రీలంకను తక్కువ స్కోరుకే పరిమితం చేశారన్న ఫించ్‌.. మాథ్యూ వేడ్‌ అనుభవం జట్టును విజయాలకు చేర్చడంలో ఉపకరించిందని పేర్కొన్నాడు.  కాగా ఈ ఏడాది ఫిబ్రవరిలో ఆస్ట్రేలియా పర్యటనలో 4-1 తేడాతో సిరీస్‌ చేజార్చుకున్న లంక రాత ‍స్వదేశంలోనైనా మారుతుందనుకుంటే అలా జరుగలేదు. ఆఖరి మ్యాచ్‌ మిగిలి ఉండగానే పర్యాటక ఆసీస్‌ జట్టు సిరీస్‌ను కైవసం చేసుకుంది. ఇక నామమాత్రపు మూడో టీ20 మ్యాచ్‌ జూన్‌ 11న పల్లెకెలెలో జరుగుతుంది.  శ్రీలంక వర్సెస్‌ ఆస్ట్రేలియా రెండో టీ20: టాస్‌- ఆస్ట్రేలియా- తొలుత బౌలింగ్‌ శ్రీలంక స్కోరు: 124/9 (20) ఆస్ట్రేలియా స్కోరు: 126/7 (17.5) చదవండి: Mithali Raj: మిథాలీరాజ్‌ పెళ్లి చేసుకోకపోవడం వెనుక కారణం? Ind Vs SA: కుర్రాళ్లకు భలే చాన్సులే.. ఇక్కడ మెరిస్తే డైరెక్ట్‌గా ఆస్ట్రేలియాకు!

Sri Lanka Vs Australia T20 Series: ఆస్ట్రేలియాతో స్వదేశంలో టీ20 సిరీస్‌కు శ్రీలంక క్రికెట్‌ జట్టు సిద్ధమైంది. కొలంబోలోని ఆర్‌ ప్రేమదాస స్టేడియం వేదికగా మొదటి టీ20 జరుగనుంది. ఈ క్రమంలో మంగళవారం నాటి(జూన్‌ 7) మ్యాచ్‌కు శ్రీలంక తమ తుది జట్టును ప్రకటించింది. కాగా 3 టీ20లు, 5 వన్డేలు, 2 టెస్టుల సిరీస్‌ కోసం కంగారూ జట్టు  శ్రీలంకలో పర్యటిస్తోంది. ఇక ఈ ఏడాది ఫిబ్రవరిలో లంక జట్టు ఆస్ట్రేలియాలో పర్యటించిన సంగతి తెలిసిందే. ఐదు మ్యాచ్‌ల టీ20 సిరీస్‌ ఆడగా ఆతిథ్య ఆసీస్‌ జట్టు చేతిలో ఘోర పరాభవం చవిచూసింది. ఆఖరి మ్యాచ్‌లో మాత్రమే గెలుపొంది ఐదింట నాలుగు మ్యాచ్‌లు ఓడిపోయి సిరీస్‌ను ఫించ్‌ బృందానికి సమర్పించుకుంది. ఈ నేపథ్యంలో ఆసీస్‌ చేతిలో పరాభవానికి బదులు తీర్చుకోవాలని లంక జట్టు పట్టుదలగా ఉంది.  ఈ నేపథ్యంలో కెప్టెన్‌ దసున్‌ షనక మాట్లాడుతూ.. ‘‘ఐపీఎల్‌-2022లో మా ఆటగాళ్లు భాగస్వామ్యం కావడంతో కావాల్సినంత ప్రాక్టీసు దొరికింది. ఐపీఎల్‌ అనుభవం మా జట్టుకు ఉపకరిస్తుంది. బలమైన ఆసీస్‌ జట్టును ఢీకొట్టేందుకు మేము సిద్ధంగా ఉన్నాము’’ అని పేర్కొన్నాడు. టీ20 వరల్డ్‌కప్‌ విజేత ఆస్ట్రేలియాను తప్పకుండా ఓడించి తీరతామని విశ్వాసం వ్యక్తం చేశాడు. ఆస్ట్రేలియాతో మొదటి టీ20 మ్యాచ్‌కు శ్రీలంక తుది జట్టు: పాథుమ్‌ నిసాంక, దనుష్క గుణతిలక, చరిత్‌ అసలంక, కుశాల్‌ మెండిస్‌, భనుక రాజపక్స, దసున్‌ షనక(కెప్టెన్‌), వనిందు హసరంగ, చమిక కరుణరత్నె, దుష్మంత చమీర, మహీశ్‌ తీక్షణ, నువాన్‌ తుషార. శ్రీలంకతో తొలి టీ20కి ఆస్ట్రేలియా తుది జట్టు ఆరోన్‌ ఫించ్‌(కెప్టెన్‌), డేవిడ్‌ వార్నర్‌, మిచెల్‌ మార్ష్‌, గ్లెన్‌ మాక్స్‌వెల్‌, స్టీవ్‌ స్మిత్‌, మార్కస్‌ స్టొయినిస్‌, మాథ్యూ వేడ్‌(వికెట్‌ కీపర్‌), ఆష్టన్‌ అగర్‌, మిచెల్‌ స్టార్క్‌, కేన్‌ రిచర్డ్‌సన్‌, జోష్‌ హాజిల్‌వుడ్‌. చదవండి: MS Dhoni: 'ధోని కెప్టెన్సీలో ఆడటం నా అదృష్టంగా భావిస్తున్నా'

Australia tour of Sri Lanka, 2022: మూడు టీ20లు, 5 వన్డేలు, రెండు టెస్టుల సిరీస్‌ నిమిత్తం ఆస్ట్రేలియా శ్రీలంకలో పర్యటిస్తోంది. ఈ నేపథ్యంలో జూన్‌ 7న జరుగనున్న మొదటి టీ20 మ్యాచ్‌కు తుది జట్టును ప్రకటించింది. స్వదేశంలో శ్రీలంకతో టీ20 సిరీస్‌కు దూరమైన మిచెల్‌ మార్ష్‌, డేవిడ్‌ వార్నర్‌, గ్లెన్‌ మాక్స్‌వెల్‌, స్టీవ్‌ స్మిత్‌ ఈసారి లంకతో తలపడే జట్టులో చోటు దక్కించుకున్నారు. ఇక జట్టు ప్రకటన నేపథ్యంలో ఆసీస్‌ కెప్టెన్‌ ఆరోన్‌ ఫించ్‌ మాట్లాడుతూ.. ‘‘ఇద్దరు స్పిన్నర్లతో ఆడాలనేలా పిచ్‌ ఊరించింది. కానీ, గత రెండు రోజులుగా వర్షం కారణంగా పరిస్థితులు మారిపోయాయి. కాబట్టి ఫాస్ట్‌ బౌలర్ల సేవలపై దృష్టి సారించాల్సి ఉంటుంది. నిజానికి గత రెండేళ్లుగా శ్రీలంక ఫాస్ట్‌ బౌలింగ్‌ అటాక్‌ మెరుగ్గా ఉంది. దుష్మంత చమీర నేతృత్వంలో వారి మంచి ఫలితాలు రాబడుతున్నారు’’ అని పేర్కొన్నాడు. కాగా కొలంబోలోని ప్రేమదాస స్టేడియంలో తొలి టీ20 జరుగనుంది. శ్రీలంకతో తొలి టీ20కి ఆస్ట్రేలియా తుది జట్టు(SL Vs AUS: Australia Playing XI For 1st T20I) ఆరోన్‌ ఫించ్‌(కెప్టెన్‌), డేవిడ్‌ వార్నర్‌, మిచెల్‌ మార్ష్‌, గ్లెన్‌ మాక్స్‌వెల్‌, స్టీవ్‌ స్మిత్‌, మార్కస్‌ స్టొయినిస్‌, మాథ్యూ వేడ్‌(వికెట్‌ కీపర్‌), ఆష్టన్‌ అగర్‌, మిచెల్‌ స్టార్క్‌, కేన్‌ రిచర్డ్‌సన్‌, జోష్‌ హాజిల్‌వుడ్‌. చదవండి: Joe Root: వామ్మో.. ఇదేంటి? రూట్‌ నీకు చేతబడి తెలుసా? అదేం కాదు బ్రో.. వైరల్‌! Happy Birthday Ajinkya Rahane: తక్కువగా అంచనా వేశారు.. కానీ.. అతడే ‘గెలిపించాడు’!

టీమిండియా ఆటగాళ్లంతా ప్రస్తుతం ఐపీఎల్‌ 2022 సీజన్‌లో బిజీగా ఉన్నారు. ఆఖరి అంకానికి చేరుకున్న ఐపీఎల్‌ 15వ సీజన్‌ మే 29తో ముగియనుంది. ఐపీఎల్‌ ముగియగానే టీమిండియా బిజీ కానుంది. ఏడాదిపాటు వివిధ దేశాలతో ఇంటా, బయటా సిరీస్‌లు ఆడనుంది. ఈ నేపథ్యంలోనే రానున్న సెప్టెంబర్‌ 2022లో ఆస్ట్రేలియా భారత పర్యటనకు వచ్చే అవకాశముంది. ఈ పర్యటనలో ఆసీస్‌ జట్టు టీమిండియాతో మూడు మ్యాచ్‌ల టి20 సిరీస్‌ ఆడనుంది. దీనికి సంబంధించిన పూర్తి వివరాలను తర్వలో వెల్లడిస్తామని బీసీసీఐ పేర్కొంది. నవంబర్‌- డిసెంబర్‌లో ఆస్ట్రేలియా వేదికగా జరగనున్న టి20 ప్రపంచకప్‌ 2022కు ఇది సన్నాహాకంగా ఉపయోగపడుతుందని ఒక ప్రకటనలో తెలిపింది. ఇక ఆస్ట్రేలియా ఈ ఏడాది పాకిస్తాన్‌ను వారి సొంతగడ్డపైనే ఓడించిన సంగతి తెలిసిందే. మూడు టెస్టుల సిరీస్‌ను 1-0 తేడాతో.. ఒకే ఒక్క టి20 మ్యాచ్‌ను గెలిచిన ఆస్ట్రేలియా వన్డే సిరీస్‌ను మాత్రం 2-1 తేడాతో పోగొట్టుకుంది. ఇక ఆసియా గడ్డపై మరొక బలమైన జట్టుతో ఆస్ట్రేలియా పోటీ పడనుంది. టి20లో చాంపియన్స్‌ అయిన ఆసీస్‌ను టీమిండియా స్వదేశంలో ఏ మేరకు నిలువరిస్తుందో చూడాలి. ఇక ఐపీఎల్‌ 2022 సీజన్‌ ముగియగానే టీమిండియా స్వదేశంలో సౌతాఫ్రికాతో జూన్‌ 9 నుంచి 19 మధ్య ఐదు మ్యాచ్‌ల టి20 సిరీస్‌ ఆడనుంది. ఆ తర్వాత ఐర్లాండ్‌ పర్యటనలో రెండు టి20 మ్యాచ్‌లు ఆడనుంది. అక్కడి నుంచి నేరుగా ఇంగ్లండ్‌కు చేరుకోనున్న టీమిండియా గతేడాది కరోనాతో వాయిదా పడిన ఐదో టెస్టు(ఏకైక టెస్టు)తో పాటు మూడు టి20లు, మూడు వన్డేలు ఆడనుంది. ఇక ఆగస్టులో టీమిండియా ఆసియాకప్‌లో బిజీ కానుంది. అటుపై ఆస్ట్రేలియాతో సిరీస్‌ అనంతరం ప్రతిష్టాత్మక టి20 వరల్డ్‌కప్‌లో పాల్గొంటుంది. ఈ మెగాటోర్నీ ముగియగానే స్వదేశంలో బంగ్లాదేశ్‌తో సిరీస్‌ ఆడనుంది. ఇలా జూన్‌ నుంచి డిసెంబర్‌ వరకు టీమిండియా తీరిక లేకుండా మ్యాచ్‌లతో బిజీబిజీగా గడపనుంది. ఈ ఆరు నెలల కాలంలో ఎక్కువగా టి20లు ఆడనున్న టీమిండియాకు 2022 టి20 ప్రపంచకప్‌కు సన్నాహకంగా మంచి ప్రాక్టీస్‌ లభించినట్లవుతుంది. చదవండి: Rovman Powell: 'మూడురోజులు టవల్‌ చుట్టుకునే.. ఈ కష్టం పగోడికి కూడా రాకూడదు'

ఐపీఎల్‌-2022లో ఢిల్లీ క్యాపిటల్స్ తరపున ఆడుతున్న చేతన్ సకారియా తొలి మ్యాచ్‌లోనే అదరగొట్టాడు. కోల్‌కతా నైట్‌రైడర్స్‌తో మ్యాచ్‌లో 3 ఓవర్లు వేసిన సకారియా.. 17 పరుగులు ఇచ్చి ఫించ్‌ వికెట్‌ పడగొట్టాడు. కాగా  ఫించ్‌ వికెట్ సాధించిన సకారియా.. వెరైటీ సెలబ్రేషన్స్‌ జరుపుకున్నాడు. కోల్‌కతా నైట్‌రైడర్స్‌ ఇన్నింగ్స్‌ రెండో ఓవర్‌ వేసిన సకారియా.. అద్భుతమైన ఇన్ స్వింగర్‌తో ఫించ్‌ను క్లీన్‌ బౌల్డ్‌ చేశాడు. ఈ క్రమంలో వికెట్‌ తీసిన ఆనం‍దంలో సకారియా.. ప్రఖ్యాత జపనీస్‌ యానిమేషన్‌ సిరీస్‌ "డ్రాగన్ బాల్ జెడ్‌" లోని గోకు స్టైల్లో సెలబ్రేషన్స్‌ జరపుకున్నాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఇక ఐపీఎల్‌-2022 మెగా వేలానికి ముందు రాజస్తాన్‌ రాయల్స్‌ సకారియాను రీటైన్‌ చేసుకోలేదు. దీంతో వేలంలో రూ. 4 కోట్లకు సకారియాను ఢిల్లీ క్యాపిటల్స్‌ కొనుగోలు చేసింది. చదవండి: IPL 2022: ఏదో ఒక రోజు 155 కి.మీ వేగంతో బౌలింగ్‌ చేస్తా: ఉమ్రాన్‌ మాలిక్‌ What a start🔥🔥🔥🔥 pic.twitter.com/nbnA7h7HAp — abhishek sandikar (@ASandikar) April 28, 2022

ఐపీఎల్‌ 2022లో కేకేఆర్‌, రాజస్తాన్‌ రాయల్స్‌ మధ్య మ్యాచ్‌లో ఒక ఆసక్తికర ఘటన చోటుచేసుకుంది. కేకేఆర్‌ ఇన్నింగ్స్‌ ఆరంభంలోనే ఒక ఊహించని పరిణామం జరిగింది. 218 పరుగుల భారీ లక్ష్యంతో బరిలోకి దిగిన కేకేఆర్‌కు ఆదిలోనే షాక్‌ తగిలింది. లేని పరుగు కోసం ప్రయత్నించిన ఫించ్‌.. ఓపెనర్‌ నరైన్‌ను రనౌట్‌ చేశాడు. ఐపీఎల్‌లో 150వ మ్యాచ్‌ ఆడుతున్న నరైన్‌ ఆరంభంలోనే మెరుపు ఇన్నింగ్స్‌ ఆడి స్కోరు సాధించాలన్న కల తీరకుండా ఫించ్‌ అతనికి అడ్డుపడ్డాడు. Courtesy: IPL Twitter విషయంలోకి వెళితే.. బౌల్ట్‌ వేసిన తొలి ఓవర్‌ తొలి బంతిని ఫించ్‌ కవర్స్‌ దిశగా ఆడాడు. అయితే షాట్‌ కొట్టిన వెంటనే సింగిల్‌కు కాల్‌ ఇచ్చాడు. రిస్క్‌ అని తెలిసినా పరిగెత్తాడు. అప్పటికే బంతిని అందుకున్న హెట్‌మైర్‌ బులెట్‌ వేగంతో డైరెక్ట్‌ త్రో విసిరాడు. నరైన్‌ సగం క్రీజు దాటేలోపే బంతి వికెట్లను గిరాటేసింది. దీంతో నరైన్‌ డైమండ్‌ డకౌట్‌గా వెనుదిరిగాడు. డైమండ్‌ డక్‌ అంటే ఒక్క బంతి ఆడకుండానే వెనుదిరగడం. బహుశా ఐపీఎల్‌లో నరైన్‌దే తొలి డైమండ్‌ డక్‌ అనుకుంటా. కాగా నరైన్‌ ఔట్‌ విషయంలో ఫించ్‌ను తప్పుబట్టారు. తొలి బంతికే ఎందుకంత తొందర.. నరైన పాలిట ఫించ్‌ విలన్‌ అయ్యాడు అంటూ కామెంట్స్‌ చేశారు. అయితే నరైన్‌ను ఔట్‌ చేశానన్న బాధ కలిగిందేమో తెలియదు గాని ఆ తర్వాత ధాటిగా ఆడడం మొదలుపెట్టాడు. 25 బంతుల్లోనే ఫిప్టీ మార్క్‌ను అందుకున్నాడు. ఫించ్‌ ఇన్నింగ్స్‌లో 9 ఫోర్లు, 2 సిక్సర్లు ఉన్నాయి. ఆ తర్వాత 28 బంతుల్లో 58 పరుగులు చేసి ప్రసిధ్‌ కృష్ణ బౌలింగ్‌లో కరుణ్‌ నాయర్‌కు క్యాచ్‌ ఇచ్చి వెనుదిరిగాడు. చదవండి: IPL 2022: సీజన్‌లో రెండో సెంచరీ అందుకున్న బట్లర్‌.. పలు రికార్డులు బద్దలు సునీల్‌ నరైన్‌ డైమండ్‌ డకౌట్‌ కోసం క్లిక్‌ చేయండి

ఐపీఎల్‌లో ఆస్ట్రేలియా క్రికెటర్‌ ఆరోన్‌ ఫించ్‌ అరుదైన రికార్డు సాధించాడు. ఐపీఎల్‌లో అత్యధిక జట్లకు ప్రాతినిధ్యం వహించిన తొలి ఆటగాడిగా ఫించ్‌ నిలిచాడు. ఐపీఎల్‌-2022లో భాగంగా  సన్‌రైజర్స్‌తో మ్యాచ్‌లో కోల్‌కతా నైట్‌రైడర్స్‌ తరఫున బరిలోకి దిగడం ద్వారా ఫించ్‌ ఐపీఎల్‌లో అత్యధికంగా తొమ్మిది జట్లకు ప్రాతినిధ్యం వహించిన ప్లేయర్‌గా  గుర్తింపు పొందాడు. గతంలో ఫించ్‌... రాజస్తాన్‌ రాయల్స్‌ (2010), ఢిల్లీ డేర్‌డెవిల్స్‌ (2011–2012), పుణే వారియర్స్‌ (2013), సన్‌రైజర్స్‌ హైదరాబాద్‌ (2014), ముంబై ఇండియన్స్‌ (2015), గుజరాత్‌ లయన్స్‌ (2016, 2017), కింగ్స్‌ ఎలెవన్‌ పంజాబ్‌ (2018), రాయల్‌ చాలెంజర్స్‌ బెంగళూరు (2020) జట్లకు ఆడాడు. ఫించ్‌ తర్వాత ఈ జాబితాలో దినేశ్‌ కార్తీక్, మనీశ్‌ పాండే, ఇషాంత్‌ శర్మ, పార్థివ్‌ పటేల్‌ (6 జట్లు చొప్పున) రెండో స్థానంలో ఉన్నారు. చదవండి: IPL 2022: అంపైర్‌ పొరపాటు ఎస్‌ఆర్‌హెచ్‌కు కలిసొచ్చింది

ఆస్ట్రేలియా పరిమిత ఓవర్ల కెప్టెన్‌ ఆరోన్‌ ఫించ్‌ తన చెత్త ఫామ్‌ను ఐపీఎల్‌ 2022లోనూ కంటిన్యూ చేశాడు. ఎస్‌ఆర్‌హెచ్‌తో మ్యాచ్‌ ద్వారా ఫించ్‌ కేకేఆర్‌ తరపున ఈ సీజన్‌లో ఎంట్రీ ఇచ్చాడు. భువనేశ్వర్‌ బౌలింగ్‌లో సిక్స్‌ కొట్టిన ఫించ్‌ మంచి టచ్‌లో కనిపించాడు. అయితే తర్వాతి ఓవర్లోనే వెనుదిరిగి ఒక్క సిక్స్‌కే పరిమితమై పెవిలియన్‌ చేరాడు. మార్కో జాన్సెన్‌ వేసిన ఇన్నింగ్స్‌ 2వ ఓవర్లో ఆఫ్‌స్టంప్‌కు దూరంగా వెళ్తున్న బంతిని ఫ్రంట్‌ఫుట్‌ వచ్చి మరీ షాట్‌ కొట్టే క్రమంలో కీపర్‌ పూరన్‌కు క్యాచ్‌ ఇచ్చి వెనుదిరిగాడు. ఇక 2010 నుంచి ఐపీఎల్‌ ఆడుతున్న ఫించ్‌ ప్రతీ సీజన్‌ తొలి మ్యాచ్‌లో పెద్దగా రాణించలేకపోయాడు. 2010 నుంచి 2022 వరకు చూసుకుంటే ఫించ్‌ వరుసగా 21,8,64,2,58,74,0,29,7 పరుగులు సాధించాడు. మూడుసార్లు అర్థసెంచరీలు మినహా గోల్డెన్‌ డక్‌ సహా మూడుసార్లు సింగిల్‌ డిజిట్‌కే పరిమితమ్యాడు. ఇటీవలే పాకిస్తాన్‌తో జరిగిన వన్డే సిరీస్‌లో ఘోరంగా విఫలమైన ఫించ్‌ రెండు సార్లు డకౌట్‌ అయ్యాడు. ఈ రెండుసార్లు పాకిస్తాన్‌ పేసర్‌ షాహిన్‌ అఫ్రిది బౌలింగ్‌లోనే వెనుదిరిగాడు. తాజాగా అదే చెత్త ఫామ్‌ను ఎస్‌ఆర్‌హెచ్‌ మ్యాచ్‌లోనూ కంటిన్యూ చేశాడు. ఫించ్‌ ఔట్‌పై సోషల్‌ మీడియాలో ఫ్యాన్స్‌ ట్రోల్‌ చేశారు. ''భలే ఎంట్రీ ఇచ్చావ్‌ ఫించ్‌''.. ''నీ ఆటలో ఏ మార్పు లేదు..'' అంటూ కామెంట్‌ చేశారు. ఆరోన్‌ ఫించ్‌ ఔట్‌ చేయడం కోసం క్లిక్‌ చేయండి చదవండి: SuryaKumar Yadav: 'సలహాలు అవసరం లేదు.. ఆ స్థాయిని ఎప్పుడో దాటేశారు'

క్రికెట్‌లో కొన్ని సందర్బాలు అరుదుగా జరుగుతుంటాయి. ఇరుజట్ల మధ్య ఒక సిరీస్‌ లేదా ఏదైనా మేజర్‌ టోర్నీ జరిగినప్పుడు.. సదరు మ్యాచ్‌ల్లో ఒక బ్యాట్స్‌మన్‌ పదేపదే ఒకే బౌలర్‌ చేతిలో ఔటవ్వడం అరుదుగా చూస్తుంటాం. తాజాగా ఆ జాబితాలో ఆరోన్‌ ఫించ్‌- షాహిన్‌ అఫ్రిది చేరిపోయారు. వన్డే సిరీస్‌లో అఫ్రిది.. ఫించ్‌ను రెండుసార్లు ఔట్‌ చేశాడు. తాజాగా ఆ రికార్డును మరోసారి నిలబెట్టుకున్నాడు. మంగళవారం జరిగిన ఏకైక టి20 మ్యాచ్‌లో 55 పరుగులతో కీలక ఇన్నింగ్స్‌ ఆడిన ఆసీస్‌ కెప్టెన్‌ చివరకు అఫ్రిది చేతిలోనే వెనుదిరిగాడు. దీంతో ఈ సిరీస్‌లో ముచ్చటగా  మూడోసారి ఫించ్‌ అఫ్రిదికే దొరికిపోయాడు. అయితే గతేడాది నవంబర్‌లో జరిగిన టి20 ప్రపంచకప్‌ సెమీఫైనల్లో ఫించ్‌ను తొలిసారి అఫ్రిది గోల్డెన్‌ డక్‌ చేశాడు. ఏడాది వ్యవధిలోనే ఫించ్‌ నాలుగుసార్లు అఫ్రిది చేతిలో ఔటయ్యాడంటే వీరిది ఫెవరెట్‌ జోడి అని ప్రత్యేకంగా చెప్పనవసరం లేదు. అందుకే అభిమానులు కూడా ఫించ్‌ను ట్రోల్‌ చేస్తూ కామెంట్‌ చేశారు. ''ఏంటి ఫించ్‌.. అఫ్రిది అంటే అంత ఇష్టమా నీకు.. ప్రతీసారి అతని బౌలింగ్‌లోనే ఔటవుతున్నావు.. మీ బంధం దృడమైనది.. ఎవరు విడదీయలేరు'' అంటూ కామెంట్స్‌ చేశారు. ఇక ఫించ్‌తో పాటు సీన్‌ అబాట్‌ను గోల్డెన్‌ డక్‌గా అఫ్రిది ఒకే ఓవర్లో వెనక్కి పంపాడు. ఆ తర్వాత అతను చేసిన సెలబ్రేషన్‌ కూడా సోషల్‌ మీడియాలో వైరల్‌గా మారింది. పాకిస్తాన్‌తో జరిగిన ఏకైక టి20 మ్యాచ్‌నలో ఆస్ట్రేలియా విజయం సాధించింది. తొలుత బ్యాటింగ్‌ చేసిన పాకిస్తాన్‌ నిర్ణీత 20 ఓవర్లలో 8 వికెట్ల నష్టానికి 162 పరుగులు చేసింది. కెప్టెన్‌ బాబర్‌ ఆజం(66) రాణించగా.. కుష్‌దిల్‌ 24, రిజ్వాన్‌ 23 పరుగులు చేశారు. అనంతరం బ్యాటింగ్‌ చేసిన ఆస్ట్రేలియా 19.1 ఓవర్లలో 7 వికెట్లు కోల్పోయి లక్ష్యాన్ని అందుకుంది. ఫించ్‌ 55 పరుగులతో రాణించగా.. చివర్లో బెన్‌ మెక్‌డెర్మోట్‌ 22 పరుగులు నాటౌట్‌ జట్టును గెలిపించాడు. చదవండి: ICC Rankings: దూసుకుపోతున్న పాక్‌ ప్లేయర్లు.. మూడో స్థానానికి ఎగబాకిన టీమిండియా పేసర్‌ Shikar Dhawan: 'లవ్‌ ప్రపోజ్‌ చేస్తే రిజెక్ట్‌ చేసింది.. కోహినూర్‌ డైమండ్‌ను మిస్సయ్యావు!' Shaheen gets Finch, again! #BoysReadyHain l #PAKvAUS pic.twitter.com/6KDBKqEeCq — Pakistan Cricket (@TheRealPCB) April 5, 2022

PAK Vs AUS Only T20-  Australia Beat Pakistan By 3 Wickets: పాకిస్తాన్‌తో జరిగిన టీ20 మ్యాచ్‌లో ఆస్ట్రేలియా ఘన విజయం సాధించింది. ఆఖరి వరకు ఉత్కంఠ రేపిన మ్యాచ్‌లో ఆతిథ్య జట్టును 3 వికెట్ల తేడాతో ఓడించింది. ఆరోన్‌ ఫించ్‌ అద్భుత అర్థ శతకంతో కెప్టెన్‌ ఇన్నింగ్స్‌ ఆడి జట్టుకు విజయం అందించాడు. కాగా మూడు టెస్టులు, మూడు వన్డేలు, ఒక టీ20 ఆడే నిమిత్తం ఆస్ట్రేలియా పాకిస్తాన్ పర్యటనకు వెళ్లిన విషయం తెలిసిందే. టెస్టు సిరీస్‌ను ఆస్ట్రేలియా సొంతం చేసుకోగా.. వన్డే సిరీస్‌ను పాకిస్తాన్‌ కైవసం చేసుకుంది. ఇక మంగళవారం జరిగిన ఏకైక టీ20 మ్యాచ్‌లో ఆసీస్‌ గెలుపొందింది. లాహోర్‌ వేదికగా మంగళవారం రాత్రి జరిగిన మ్యాచ్‌లో టాస్‌ గెలిచిన ఆస్ట్రేలియా ముందుగా బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఓపెనర్లు రిజ్వాన్‌(23), బాబర్‌ ఆజం(66) అదిరిపోయే ఆరంభం అందించారు. అయితే, మిగతా బ్యాటర్లలో ఖుష్‌దిల్‌(24) మినహా మిగతా వాళ్లెవరూ 20 పరుగులు కూడా చేయలేకపోయారు. దీంతో పాక్‌ నిర్ణీత 20 ఓవర్లలో 8 వికెట్ల నష్టానికి 162 పరుగులు సాధించింది. ఆసీస్‌ బౌలర్‌ నాథన్‌ ఎలిస్‌ 4 ఓవర్లలో కేవలం 28 పరుగులు మాత్రమే ఇచ్చి 4 కీలక వికెట్లు పడగొట్టాడు. ఇక లక్ష్య ఛేదనకు దిగిన ఆస్ట్రేలియా ఇన్నింగ్స్‌కు ట్రవిస్‌ హెడ్‌(26), కెప్టెన్‌ ఆరోన్‌ ఫించ్‌(55) గట్టి పునాది వేశారు. వన్‌డౌన్‌లో వచ్చిన జోష్‌ ఇంగ్లిస్‌(24), మార్కస్‌ స్టొయినిస్‌(23) తమ వంతు పాత్ర పోషించారు. ఇక వరుస విరామాల్లో వికెట్లు పడటంతో మ్యాచ్‌ ఆఖరి ఓవర్‌ వరకు కొనసాగింది.  ఈ క్రమంలో బెన్‌ మెక్‌డెర్మాట్‌(19 బంతుల్లో 22 పరుగులు నాటౌట్‌) పట్టుదలగా నిలబడటంతో 19.1 ఓవర్లలో ఆసీస్‌ లక్ష్యాన్ని ఛేదించింది. హాఫ్‌ సెంచరీతో రాణించిన ఆసీస్‌ కెప్టెన్‌ ఆరోన్‌ ఫించ్‌కు ప్లేయర్‌ ఆఫ్‌ ది మ్యాచ్‌ అవార్డు లభించింది.  పాకిస్తాన్‌ వర్సెస్‌ ఆస్ట్రేలియా ఏకైక టీ20 మ్యాచ్‌ స్కోర్లు: పాకిస్తాన్‌- 162/8 (20) ఆస్ట్రేలియా- 163/7 (19.1) The guests won the game tonight and our hearts forever 🙌🏼 #BoysReadyHain l #PAKvAUS pic.twitter.com/rEOVPRcOOY — Pakistan Cricket (@TheRealPCB) April 5, 2022 చదవండి: IPL 2022: శభాష్‌ షహబాజ్‌... సూపర్‌ కార్తీక్‌! ఆర్సీబీ సంచలన విజయం

ఆస్ట్రేలియాతో జరిగిన తొలి వన్డేలో పాకిస్తాన్‌ పరాజయం మూటగట్టుకున్న సంగతి తెలిసిందే. అయితే రెండో వన్డేలో ఎలాగైనా విజయం సాధించి 1-1తో సిరీస్‌ను సమం చేయాలని పాక్‌ బలంగా అనుకుంటుంది. ఆ కసిని పాకిస్తాన్‌ బౌలర్‌ షాహిన్‌ అఫ్రిది తన బౌలింగ్‌లో చూపించాడు. తొలి ఓవర్‌ రెండో బంతికే ఆసీస్‌ కెప్టెన్‌ ఆరోన్‌ ఫించ్‌ను గోల్డెన్‌ డక్‌గా పెవిలియన్‌ చేర్చాడు. బులెట్‌ వేగంతో దూసుకొచ్చిన బంతి పించ్‌ కాళ్లను తాకుతూ వెళ్లింది. దీంతో షాహిన్‌ అప్పీల్‌కు వెళ్లగా.. అంపైర్‌ వెంటనే ఔట్‌ ఇచ్చేశాడు. కనీసం ఫించ్‌కు రివ్యూకు వెళ్లే అవకాశం కూడా లేదంటే బంతి ఎంత కచ్చితంగా పడిందో దీన్నిబట్టే అర్థం చేసుకోవచ్చు. అయితే ఇదే షాహిన్‌ అఫ్రిది తొలి వన్డేకు దూరమయ్యాడు. ఎలాగైనా తన జట్టును గెలిపించాలన్న కసితో బౌలింగ్‌ వేసిన అఫ్రిది ఫలితం అందుకున్నాడు. పనిలో పనిగా ఫించ్‌పై తన రికార్డును నిలబెట్టుకున్నాడు. అదేంటంటే గతేడాది టి20 ప్రపంచకప్‌ సెమీఫైనల్లో ఇదే ఫించ్‌ను షాహిన్‌ గోల్డెన్‌డక్‌గా పెవిలియన్‌ చేర్చాడు. తాజాగా ఫించ్‌ను షాహిన్‌ మరోసారి గోల్డెన్‌డక్‌ చేశాడు.దీనికి సంబంధించిన వీడియోను పీసీబీ ట్విటర్‌లో షేర్‌ చేయడంతో వైరల్‌గా మారింది. అయితే ఫించ్‌ వికెట్‌ కోల్పోయిన ఆసీసీ మళ్లీ పాకిస్తాన్‌కు ఆ అవకాశం ఇవ్వలేదు. పాక్‌ బౌలర్లను ఉతికారేస్తూ తొలి వన్డే తరహాలో మరోసారి భారీ స్కోరు దిశగా పయనిస్తోంది. ఈ దశలో మరో సెంచరీకి దగ్గరైన తరుణంలో ట్రెవిస్‌ హెడ్‌ 89 పరుగుల వద్ద జహీద్‌ మహమూద్‌ బౌలింగ్‌లో అఫ్రిదికి క్యాచ్‌ ఇచ్చి వెనుదిరిగాడు. ప్రస్తుతం ఆస్ట్రేలియా 31 ఓవర్లలో 2 వికెట్ల నష్టానికి 217 పరుగులు చేసింది. బెన్‌ మెక్‌డెర్మొట్‌ 93, మార్నస్‌ లబుషేన్‌ 31 పరుగులతో ఆడుతున్నారు. చదవండి: IPL 2022: అరె ఇషాంత్‌ భయ్యా.. ఇదేం కర్మ! IPL 2022: ప్చ్‌.. వేలంలో పాల్గొనలేకపోయా.. మ్యాచ్‌లు చూస్తుంటే చిరాగ్గా ఉంది Shaheen hit's the bullseye 🎯#BoysReadyHain l #PAKvAUS pic.twitter.com/NcwtN06Ht2 — Pakistan Cricket (@TheRealPCB) March 31, 2022

పాకిస్తాన్‌పై టెస్టు సిరీస్‌ గెలిచి జోరు మీద ఉన్న ఆస్ట్రేలియాకు భారీ షాక్‌ తగిలిం‍ది. ఆ జట్టు స్టార్‌ బ్యాటర్‌ స్టీవ్ స్మిత్ పాకిస్తాన్‌తో జరగబోయే పరిమిత ఓవర్ల సిరీస్‌కు దూరమయ్యాడు. గతంలో గాయపడిన  స్టీవ్ స్మిత్.. తన మోచేయికి శస్త్ర చికిత్స చేయుంచుకోబోతున్నాడు. దీంతో పాక్‌తో వన్డే, టీ20 సిరీస్‌లకు దూరం కానున్నాడు. ఇక అతడి స్థానంలో స్పిన్నర్ మిచెల్ స్వెప్సన్‌ను క్రికెట్‌ ఆస్ట్రేలియా ఎంపిక చేసింది. కాగా ఆస్ట్రేలియా టెస్టు సిరీస్‌ను కైవసం చేసుకోవడంలో స్టీవ్‌ స్మిత్‌ కీలక పాత్ర పోషించాడు. అదే విధంగా టెస్టు క్రికెట్‌లో అత్యంత వేగంగా 8000  పరుగులు చేసిన ఆటగాడిగా కూడా స్మిత్ రికార్డు సృష్టించాడు. మరోవైపు గాయం కారణంగా ఆ జట్టు పేసర్‌ కేన్ రిచర్డ్‌సన్ కూడా పాక్‌ సిరీస్‌ నుంచి తప్పుకున్న సంగతి తెలిసిందే. ఇక మార్చి 29న లాహోర్‌ వేదికగా పాక్‌- ఆస్ట్రేలియా తొలి వన్డే జరగనుంది. ఆస్ట్రేలియా వన్డే/టీ20 జట్టు: ఆరోన్ ఫించ్ (కెప్టెన్), సీన్ అబాట్, అష్టన్ అగర్, జాసన్ బెహ్రెన్‌డార్ఫ్, అలెక్స్ కారీ, బెన్ ద్వార్షుయిస్, నాథన్ ఎల్లిస్, కామెరాన్ గ్రీన్, ట్రావిస్ హెడ్, జోష్ ఇంగ్లిస్, మార్నస్ లాబుషాగ్నే, మిచెల్ మార్ష్, బెన్ మెక్‌డెర్మోట్, బెన్ మెక్‌డెర్మోట్ , మిచెల్ స్వెప్సన్, ఆడమ్ జంపా

KKR Rope In Aaron Finch As Replacement For Alex Hales: ఐపీఎల్‌ 2022 మెగా వేలంలో అమ్ముడుపోని సరుకుగా మిగిలిపోయిన ఆటగాళ్లలో ఆస్ట్రేలియా పరిమిత ఓవర్ల కెప్టెన్‌ ఆరోన్‌ ఫించ్‌ ఒకరు. ఫామ్‌ లేమి, వయసు పైపడిన దృష్ట్యా ఏ ఫ్రాంచైజీ అతన్ని తీసుకునేందుకు ముందుకు రాలేదు. అయితే కోల్‌కతా నైట్‌రైడర్స్‌ ఆటగాడు, ఇంగ్లండ్‌ ఓపెనర్‌  అలెక్స్‌ హేల్స్‌ జట్టు నుంచి అనూహ్యంగా  (బయోబబుల్‌ వాతావరణంలో ఇమడలేక) తప్పుకోవడంతో ఫించ్‌కు ఐపీఎల్‌లో రీఎంట్రీ ఇచ్చే లక్కీ ఛాన్స్‌ దక్కింది.  🚨 Aaron Finch joins KKR as a replacement for Alex Hales. Welcome to the #GalaxyOfKnights, @AaronFinch5! 💜#KKR #KKRHaiTaiyaar #IPL2022 pic.twitter.com/3HnSyKogV2 — KolkataKnightRiders (@KKRiders) March 11, 2022 ఫించ్‌ను కేకేఆర్‌ రూ. 1.5 కోట్ల బేస్‌ప్రైజ్‌కు సొంతం చేసుకుంది. గతంలో ఏకంగా 8 ఐపీఎల్‌ ఫ్రాంచైజీలకు ఆడిన రికార్డు ఉన్న 35 ఏళ్ల ఫించ్‌..గత సీజన్‌లో కోహ్లి నేతృత్వంలోని రాయల్‌ ఛాలెంజర్స్‌ బెంగళూరు (ఆర్సీబీ) జట్టుకు ప్రాతినిధ్యం వహించాడు. ఫించ్‌ ఐపీఎల్‌ కెరీర్లో మొత్తం 87 మ్యాచ్‌లు ఆడి 25.7 సగటున, 127.7 స్ట్రైయిక్‌రేట్‌తో 2005 పరుగులు చేశాడు. ఇందులో 14 హాఫ్‌ సెంచరీలు ఉన్నాయి. ప్రస్తుతం ఆసీస్‌ వన్డే, టీ20 జట్లకు నాయకత్వం వహిస్తున్న ఫించ్‌.. ఐపీఎల్‌ ప్రారంభ సమయానికి పాకిస్థాన్‌ పర్యటనలో ఉండే అవకాశం ఉంది. ఏప్రిల్‌ 6 వరకు ఆసీస్‌.. పాక్‌తో 3 వన్డేలు, ఏకైక టీ20 ఆడాల్సి ఉంది.  చదవండి: ఢిల్లీ క్యాపిటల్స్‌కు ఆడనున్న ఆస్ట్రేలియా స్టార్‌ బౌలర్‌!

ఆస్ట్రేలియా క్రికెట్‌ జట్టు మార్చి లో పాకిస్తాన్‌ పర్యటనకు వెళ్లనుంది. మూడు టెస్టులు, మూడు వన్డేలు, ఒక టీ20 మ్యాచ్‌ ఆడనుంది. ఈ నేపథ్యంలో పాకిస్తాన్‌తో పరిమిత ఓవర్ల సిరీస్‌కు క్రికెట్‌ ఆస్ట్రేలియా జట్టును ప్రకటించింది. టెస్టు కెప్టెన్‌ ప్యాట్‌ కమిన్స్‌, జోష్‌ హాజిల్‌వుడ్‌, మిచెల్‌ స్టార్క్‌ వంటి కీలక బౌలర్లు సహా స్టార్‌ ఓపెనర్‌ డేవిడ్‌ వార్నర్‌, ఆల్‌రౌండర్‌ గ్లెన్‌ మాక్స్‌వెల్‌ లేకుండా బరిలోకి దిగనున్నట్లు వెల్లడించింది.  ఇక పేస్‌ విభాగంలో సీన్‌ అబాట్‌, జేసన్‌, నాథన్‌ ఎలిస్‌ చోటు దక్కించుకోగా... ఆల్‌రౌండర్‌ కామెరూన్‌ గ్రీన్‌తో పాటు మాథ్యూవేడ్‌ జట్టులోకి వచ్చారు. కాగా మార్చి 29 నుంచి రావల్పిండి స్టేడియంలో మ్యాచ్‌లు పరిమిత ఓవర్ల మ్యాచ్‌లు ఆరంభం కానున్నాయి. పాకిస్తాన్‌ పర్యటనకు ఆస్ట్రేలియా వన్డే, టీ20 జట్టు ఇదే: ఆరోన్‌ ఫించ్‌(కెప్టెన్‌), సీన్‌ అబాట్‌, ఆష్టన్‌ అగర్‌, జేసన్‌ బెహ్రెన్‌డార్ఫ్‌, అలెక్స్‌ క్యారీ, నాథన్‌ ఎలిస్‌, కామెరూన్‌ గ్రీన్‌, ట్రవిస్‌ హెడ్‌, జోష్‌ ఇంగ్లిస్‌, మార్నస్‌ లబుషేన్‌, మిచెల్‌ మార్ష్‌, బెన్‌ మెక్‌డెర్మాట్‌, కేన్‌ రిచర్డ్‌సన్‌, స్టీవ్‌ స్మిత్‌, మార్కస్‌ స్టొయినిస్‌, ఆడం జంపా. ఆసీస్‌ పాక్‌ పర్యటన- షెడ్యూల్‌ ఇలా: మొదటి టెస్టు- మార్చి 4-8: రావల్పిండి రెండో టెస్టు- మార్చి 12- 16: కరాచి మూడో టెస్టు- మార్చి 21-25: లాహోర్‌ మొదటి వన్డే- మార్చి 29 రెండో వన్డే- మార్చి 31 మూడో వన్డే- ఏప్రిల్‌ 2 ఏకైక టీ20- ఏప్రిల్‌ 5 చదవండి: Yuvraj Singh-Virat Kohli: నువ్వు ప్రపంచానికి కింగ్‌ కోహ్లివి కావొచ్చు.. కానీ నాకు మాత్రం: యువీ భావోద్వేగ లేఖ IPL 2022: రూ. 6.5 కోట్లే దండగ.. మళ్లీ వైస్‌ కెప్టెన్సీనా!? ఎస్‌ఆర్‌హెచ్‌ ఫ్యాన్స్‌ గరం

ఆస్ట్రేలియాకు తొట్ట‌ తొలి టీ20 ప్రపంచకప్ అందించిన ఆ దేశ ప‌రిమిత ఓవ‌ర్ల కెప్టెన్‌ ఆరోన్ ఫించ్‌పై దిగ్గ‌జ వికెట్‌కీప‌ర్, ఆస్ట్రేలియా మాజీ ఆట‌గాడు ఇయాన్ హీలీ సంచ‌ల‌న వ్యాఖ్య‌లు చేశాడు. తాజాగా శ్రీలంకతో ముగిసిన ఐదు మ్యాచ్‌ల టీ20 సిరీస్‌ను ఫించ్ నేతృత్వంలోని ఆసీస్ జ‌ట్టు 4-1 తేడాతో గెలుచుకుంది. అయితే సిరీస్ ఆధ్యాంతం పేల‌వ ప్ర‌దర్శ‌న (5 మ్యాచ్‌ల్లో 78 ప‌రుగులు) క‌న‌బ‌ర్చి, జ‌ట్టుకు భారంగా మారిని ఫించ్‌పై ఆసీస్ మాజీ వికెట్‌కీప‌ర్ హీలీ మండిప‌డ్డాడు.  Aaron Finch’s batting average in T20 internationals has dropped every year since 2018. 2018 – 40.84 (SR 176.41) 2019 – 35.83 (SR 158.08) 2020 – 33.97 (SR 138.97) 2021 – 28.68 (SR 125.06) 2022 – 15.60 (SR 91.76) More on @newscomauHQ: https://t.co/Qn3GfEEGJI 📸 Getty #AUSvSL pic.twitter.com/SKZ7pZawNO — Nic Savage (@nic_savage1) February 21, 2022 ఫించ్ ప్ర‌ద‌ర్శ‌న‌ నానాటికీ తీసికట్టుగా మారుతుంద‌ని.. గ‌డిచిన నాలుగేళ్ల‌లో అత‌ని గ‌ణాంకాలే ఇందుకు నిద‌ర్శ‌న‌మ‌ని అన్నాడు. ఫించ్‌ స్వ‌చ్ఛందంగా జ‌ట్టు నుంచి త‌ప్పుకుంటే మ‌ర్యాద‌గా ఉంటుంద‌ని లేదంటే ఫామ్ కోల్పోయిన‌ప్పుడు దిగ్గ‌జాల‌కు సైతం త‌ప్ప‌ని అవ‌మానాన్ని ఎద‌ర్కొవాల్సి ఉంటుంద‌ని హెచ్చ‌రించాడు. కెరీర్ ఆరంభంలో పవర్ హిట్టింగ్‌తో దుమ్ము లేపిన‌ ఫించ్.. వ‌యో భారంతో పాటు ఫామ్ లేమితో మునుప‌టి త‌ర‌హా ఆట‌తీరును క‌న‌బ‌ర్చ‌లేక‌పోతున్నాడని తెలిపాడు.  ఇలాంటి ప‌రిస్థితుల్లో ఫించ్ జట్టులో ఉండటం అవసరమా అని ప్ర‌శ్నించాడు. ఫించ్ లాగే మరో టాపార్డ‌ర్ ఆట‌గాడు స్టీవ్ స్మిత్ కూడా త‌యార‌య్యాడ‌ని, అత‌నిని కూడా జ‌ట్టు నుంచి పక్కకు పెట్టాల్సిన అవ‌స‌ర‌ముంద‌ని పేర్కొన్నాడు. తుది జట్టులో స్మిత్‌కు చోటు కల్పించడం కోసం మ్యాక్స్ వెల్‌, మిచెల్ మార్ష్,  మార్కస్ స్టోయినిస్, మాథ్యూ వేడ్ లాంటి ఆటగాళ్లపై వేటు వేయరాదని సూచించాడు. ఫించ్‌, స్మిత్ ఇద్ద‌రూ సామ‌ర్ధ్యం మేర‌కు రాణించ‌లేక‌పోతున్నారు కాబ‌ట్టే ఇటీవల ముగిసిన ఐపీఎల్ వేలంలో వారు అమ్ముడుపోలేదని చుర‌క‌లంటించాడు. చ‌దవండి: దంచి కొట్టిండు.. దండం పెట్టిండు.. వైర‌ల‌వుతున్న సూర్య‌కుమార్ న‌మ‌స్తే సెల‌బ్రేష‌న్స్‌ ఇయాన్ హీలీ, ఆరోన్ ఫించ్‌, ఆస్ట్రేలియా కెప్టెన్‌, స్టీవ్ స్మిత్‌

మన దేశంలో క్రిప్టోకరెన్సీకి అత్యంత ఆదరణ లభిస్తోంది. ప్రపంచవ్యాప్తంగా క్రిప్టోకరెన్సీపై ఇన్వెస్ట్‌ చేస్తోన్న వారిలో భారత్‌ సుమారు 10 కోట్ల మందితో నిలిచిన విషయం తెలిసిందే. అయితే, ఇప్పుడు క్రిప్టోకరెన్సీతో పాటుగా నాన్‌ ఫంజిబుల్‌ టోకెన్‌(ఎన్‌ఎఫ్‌టీ)కు ‍కూడా భారత్‌లో భారీ ఆదరణ లభిస్తోంది.  మన దేశంలో ఇప్పటికే వీరేంద్ర సెహ్వాగ్, స్మృతి మంధాన, సునీల్ గవాస్కర్, భువనేశ్వర్ కుమార్ వంటి క్రికెటర్స్ ఎన్‌ఎఫ్‌టీపై కన్నేశారు. తమ ఎన్‌ఎఫ్‌టీ కలెక్షన్లను అభిమానులతో పంచుకోవడానికి సిద్ధమయ్యారు. వీరితో పాటు ఆస్ట్రేలియా వైట్ బాల్ కెప్టెన్ ఆరోన్ ఫించ్ కూడా ఎన్‌ఎఫ్‌టీ తెచ్చేందుకు తాను కూడా సిద్దం అంటున్నారు. ఆరోన్ ఫించ్ తన ఎన్‌ఎఫ్‌టీలను విడుదల చేయడానికి అధికారికంగా లైసెన్స్ పొందిన మొదటి క్రికెట్ డిజిటల్ కలెక్టిబుల్స్ ప్లాట్ ఫామ్ రారియోతో జతకట్టాడు. ఈ ఎన్‌ఎఫ్‌టీలు రారియోలో అందుబాటులో ఉండనున్నాయి. ప్రపంచంలోనే అధికారికంగా లైసెన్స్‌​ పొందిన తొలి క్రికెట్‌ ఎన్‌ఎఫ్‌టీ ప్లాట్‌ఫామ్‌ రారియోలో చాలా మంది ఇతర క్రికెటర్లకు చెందిన అనేక ఎన్‌ఎఫ్‌టీలు అందుబాటులో ఉన్నాయి. 2018లో జింబాబ్వేపై 172 పరుగులు చేసిన అత్యధిక స్కోరుతో 2013లో ఇంగ్లాండ్ పై సాధించిన తన 156 పరుగుల రికార్డును అధిగమించాడు. 2013లో ఒక ఇన్నింగ్స్లో ఫించ్ బాధిన 14 సిక్సర్లు ఉన్నాయి. అతను ఇంగ్లాండ్ లోని యార్క్ షైర్, సర్రేలకు కూడా ప్రాతినిధ్యం వహించాడు. ఆస్ట్రేలియన్ వైట్-బాల్ కెప్టెన్ బీబీఎల్ ప్రారంభం నుంచి మెల్బోర్న్ రెనెగేడ్స్ జట్టులో ఒక ముఖ్యమైన పాత్ర పోషించాడు. వీటికి సంబంధించిన వీడియోల రూపంలో తీసుకొస్తున్నట్లు తెలుస్తుంది. ఈ విషయంపై ఆరోన్ ఫించ్ మాట్లాడుతూ.. "రారియో క్రికెట్ ఎన్‌ఎఫ్‌టీ ప్లాట్‌ఫామ్‌తో నా ప్రత్యేక భాగస్వామ్యాన్ని ప్రకటించడం నాకు సంతోషంగా ఉంది, ఇక్కడ మీరు నా ఎన్‌ఎఫ్‌టీలను స్వంతం చేసుకోవచ్చు" అని అన్నారు.  (చదవండి: సామాన్యులకు షాక్.. మళ్లీ పెరిగిన ధరలు!)

Aus Vs Sl By 6 Wickets 3rd T20I: టి20 చాంపియన్స్‌ ఆస్ట్రేలియా మరోసారి అదరగొట్టింది. ప్రపంచకప్‌ ముగిసిన తర్వాత శ్రీలంకతో జరుగుతున్న ఐదు మ్యాచ్‌ల టి20 సిరీస్‌లో చాంపియన్‌ ఆటతీరు కనబరిచింది. శ్రీలంకతో జరిగిన మూడో టి20లో ఘన విజయం సాధించిన ఆసీస్‌ మరో రెండు మ్యాచ్‌లు మిగిలి ఉండగానే సిరీస్‌ కైవసం చేసుకుంది. ఆస్ట్రేలియా పదునైన బౌలింగ్‌ ముందు లంక బ్యాట్స్‌మెన్‌ తడబడ్డారు. చదవండి: Mitchell Starc: క్రికెట్‌ చరిత్రలోనే అత్యంత చెత్త బంతి తొలుత బ్యాటింగ్‌ చేసిన శ్రీలంక  నిర్ణీత 20 ఓవర్లలో 6 వికెట్ల నష్టానికి 121 పరుగులు చేసింది. కెప్టెన్‌ షనక 39 పరుగులతో టాప్‌ స్కోరర్‌ కాగా.. చండిమల్‌ 25 పరుగులు చేశాడు. 40 పరుగులకే నాలుగు వికెట్లు కోల్పోయిన దశలో కెప్టెన్‌ షనక, దినేష్‌ చండిమల్ కాస్త పోరాడడంతో లంక స్కోరు వంద పరుగులు దాటింది. అనంతరం బ్యాటింగ్‌ చేసిన ఆస్ట్రేలియా 16.5 ఓవర్లలో 4 వికెట్లు కోల్పోయి లక్ష్యాన్ని అందుకుంది. మ్యాక్స్‌వెల్‌ 39, ఆరోన్‌ ఫించ్‌ 35 పరుగులతో రాణించారు. ఇరుజట్ల మధ్య నాలుగో టి20 మ్యాచ్‌ ఫిబ్రవరి 18న జరగనుంది. 

బెంగళూరు వేదికగా ఐపీఎల్‌ మెగా వేలం-2022 రెండో రోజు ఆరంభమైంది. తొలిసెట్‌లో దక్షిణాఫ్రికా క్రికెటర్‌ ఎయిడెన్‌ మార్కరమ్‌ను సన్‌రైజర్స్‌ హైదరాబాద్‌ దక్కించుకుంది. 2.6 కోట్లు వెచ్చించి అతడిని కొనుగోలు చేసింది. మరోవైపు.. టీమిండియా సీనియర్‌, టెస్టు ప్లేయర్‌ అజింక్య రహానేను కోల్‌కతా నైట్‌రైడర్స్‌ కొనుగోలు చేసింది. కోటి రూపాయలు ఖర్చు చేసి అతడిని సొంతం చేసుకుంది.  ఇక మన్‌దీప్‌ సింగ్‌ను ఢిల్లీ క్యాపిటల్స్‌ 1.10 కోట్లకు కొనుగోలు చేసింది. ఇదిలా ఉండగా.... తొలి సెట్‌లో ఇంగ్లండ్‌ పరిమిత ఓవర్ల కెప్టెన్‌ ఇయాన్‌ మోర్గాన్‌, టీ20 ప్రపంచకప్‌ విజేత-2021 ఆస్ట్రేలియా సారథి ఆరోన్‌ ఫించ్‌ సహా పలువురు ఆటగాళ్లు అన్‌సోల్డ్‌(ఎవరూ కొనలేదు)గా మిగిలిపోయారు. ఫ్రాంఛైజీలు వీరిని అసలు పట్టించుకోలేదు. ఐపీఎల్‌ మెగా వేలం-2022: రెండో రోజు తొలి సెట్‌- అన్‌సోల్డ్‌ జాబితా: 1. డేవిడ్‌ మలన్‌(ఇంగ్లండ్‌) 2. మార్నస్‌ లబుషేన్‌(ఆస్ట్రేలియా) 3. ఇయాన్‌ మోర్గాన్‌(ఇంగ్లండ్‌) 4. సౌరభ్‌ తివారి(ఇండియా) 5. ఆరోన్‌ ఫించ్‌(ఆస్ట్రేలియా) 6. ఛతేశ్వర్‌ పుజారా(ఇండియా) చదవండి: IPL 2022 Auction Unsold Players: అమ్ముడుపోని ఆటగాళ్లకు మరో చాన్స్ .. అదేంటంటే

Justin Langer Resigns As Australia Coach: ఆస్ట్రేలియా క్రికెట్‌ జట్టు కోచ్‌గా కొనసాగాలని భావించిన జస్టిన్‌ లాంగర్‌కు చేదు అనుభవం ఎదురైంది. తానెంతగానో ప్రేమించే హెడ్‌కోచ్‌ పదవికి రాజీనామా చేయక తప్పలేదు. క్రికెట్‌ ఆస్ట్రేలియా(సీఏ)తో అనేక చర్చల అనంతరం.. జస్టిన్‌ లాంగర్‌ తన పదవి నుంచి వైదొలిగినట్లు అతడి మేనేజ్‌మెంట్‌ కంపెనీ డీఎస్‌ఈజీ శనివారం ప్రకటన విడుదల చేసింది. ఈ మేరకు... ‘‘మా క్లైంట్‌ జస్టిన్‌ లాంగర్‌.. ఆస్ట్రేలియా పురుషుల క్రికెట్‌ జట్టు హెడ్‌కోచ్‌గా ఈరోజు ఉదయం రాజీనామా చేశారు. క్రికెట్‌ ఆస్ట్రేలియాతో నిన్నటి చర్చల తర్వాత ఈ నిర్ణయం తీసుకున్నారు. తక్షణమే ఆయన తన పదవి నుంచి వైదొలుగుతున్నారు’’ అని పేర్కొంది. కాగా ఆసీస్‌ క్రికెట్‌ బోర్డుతో కుదిరిన ఒప్పందం ప్రకారం జస్టిన్‌ లాంగర్‌ జూన్‌ వరకు తన పదవిలో కొనసాగాల్సి ఉంది. అయితే, దీర్ఘకాలం పాటు పదవీ కాలాన్ని పొడిగించాలని కోరగా... బోర్డు అందుకు సుముఖంగా లేనట్లు సమాచారం. ఈ క్రమంలో సీఏ చీఫ్‌ ఎగ్జిక్యూటివ్‌ నిక్‌ హాక్లే, సీఏ నేషనల్‌ టీమ్స్‌ హెడ్‌ బెన్‌ ఒలివిర్‌తో ఈ విషయం గురించి చర్చించగా.. సానుకూల ఫలితం రాలేదు. దీంతో లాంగర్‌ రాజీనామా చేశారు. ఇదిలా ఉంటే... ఆసీస్‌ మాజీ కెప్టెన్‌ టిమ్‌ పైన్‌, ప్రస్తుత టెస్టు కెప్టెన్‌ ప్యాట్‌ కమిన్స్‌, పరిమిత ఓవర్ల క్రికెట్‌ కెప్టెన్‌ ఆరోన్‌ ఫించ్‌ సహా పలువురు కీలక ఆటగాళ్లతో లాంగర్‌కు అభిప్రాయ భేదాలు తలెత్తినట్లు సమాచారం. ఆగస్టులో బంగ్లాదేశ్‌ పర్యటనలో ఆస్ట్రేలియాకు పరాభవం ఎదురైన సంగతి తెలిసిందే. చదవండి: సాండ్‌విచ్‌ కూడా తినడానికి అవకాశం ఇవ్వలేదు.. కోచ్‌గా నా బాధ్యత నిర్వర్తించడం తప్పా? ఈ క్రమంలో ఆటగాళ్లతో విభేదాలు తారస్థాయికి చేరినట్లు తెలుస్తోంది. అనవసర విషయాల్లో జోక్యం చేసుకుంటాడని, అంతా తాను చెప్పినట్లే జరగాలనే నియంతృత్వ ధోరణితో ఉంటాడని ఆటగాళ్లు అతడి వ్యవహారశైలిపై మండిపడినట్లు సమాచారం. ఆయనతో తమకు పొసగడం లేదంటూ కోచ్‌కు వ్యతిరేకంగా గళం విప్పడంతో ఆయనను కొనసాగించేందుకు బోర్డు విముఖత వ్యక్తం చేసినట్లు తెలుస్తోంది. కాగా లాంగర్‌ మార్గదర్శనంలో ఆస్ట్రేలియా తొలిసారిగా టీ20 వరల్డ్‌కప్‌ చాంపియన్‌గా అవతరించింది. అంతేకాదు ఇటీవల ఇంగ్లండ్‌తో ముగిసిన యాషెస్‌ సిరీస్‌లోనూ 4-0 తేడాతో ట్రోఫీని కైవసం చేసుకుంది. చదవండి: U19 WC Final Ind Vs Eng: 11 మందిలో ఏకంగా 8వ వరుస బ్యాటర్‌ దాకా పరుగులు చేసే సత్తా వాళ్లది.. హోరాహోరీ తప్పదు!

పాకిస్తాన్‌ గడ్డపై ఆస్ట్రేలియా 24 ఏళ్ల తర్వాత పూర్తిస్థాయి సిరీస్‌ ఆడనుంది. వచ్చే మార్చి- ఏప్రిల్‌ నెలలో పాకిస్తాన్‌లో పర్యటించనున్న ఆస్ట్రేలియా మూడు టెస్టులు, మూడు వన్డేలు, ఒక టి20 మ్యాచ్‌ ఆడనుంది. ఈ మేరకు పాకిస్తాన్‌ క్రికెట్‌ బోర్డు, క్రికెట్‌ ఆస్ట్రేలియా(సీఏ) ఒప్పందం చేసుకున్నాయి. వాస్తవానికి గతేడాది నవంబర్‌లోనే ఈ సిరీస్‌ జరగాల్సి ఉన్నప్పటికి సెక్యురిటీ కారణాల రిత్యా ఆస్ట్రేలియా పర్యటనను వాయిదా వేసుకుంది. చదవండి: హార్దిక్‌ పాండ్యాపై నిప్పులు చెరిగిన కోహ్లి చిన్ననాటి కోచ్‌ కాగా తొలుత టెస్టు సిరీస్‌తో ప్రారంభం కానున్న ఆస్ట్రేలియా పర్యటన టి20 మ్యాచ్‌తో ముగుస్తుంది. తొలి టెస్టు రావల్పిండి.. రెండో టెస్టు కరాచీ.. మూడో టెస్టు లాహోర్‌ వేదికగా జరగనుంది. మూడు వన్డేలు సహా ఏకైక టి20 మ్యాచ్‌ రావల్పిండి వేదికగానే నిర్వహించనున్నారు. కాగా మార్క్‌ టేలర్‌ నేతృత్వంలోని ఆస్ట్రేలియా జట్టు  చివరిసారిగా 1998లో పాకిస్తాన్‌లో పర్యటించింది. అప్పట్లో పాక్‌ గడ్డపై మూడు టెస్టు మ్యాచ్‌ల సిరీస్‌ను ఆసీస్‌ 1-0 తేడాతో కైవసం చేసుకుంది. ఇక ఆస్ట్రేలియా ఇటీవలే ఇంగ్లండ్‌తో ముగిసిన యాషెస్‌ సిరీస్‌ను 4-0తో గెలుచుకొని సూపర్‌ ఫామ్‌లో ఉంది. చదవండి: Under-19 World Cup: అప్పుడు కుర్రాళ్లు.. ఇప్పుడు సూపర్‌స్టార్లు ఆస్ట్రేలియా టూర్‌ ఆప్‌ పాకిస్తాన్‌: మార్చి 4-8: తొలి టెస్టు, రావల్పిండి మార్చి 12-16: రెండో టెస్టు, కరాచీ మార్చి 21-25: మూడో టెస్టు, లాహోర్‌ మార్చి 29: తొలి వన్డే, రావల్పిండి మార్చి 31: రెండో వన్డే,రావల్పిండి ఏప్రిల్‌ 2: మూడో వన్డే, రావల్పిండి ఏప్రిల్‌ 5: ఏకైక టి20 మ్యాచ్‌, రావల్పిండి

Aus Vs SL T20 Series: శ్రీలంకతో జరుగనున్న టీ20 సిరీస్‌కు ఆస్ట్రేలియా తమ జట్టును ప్రకటించింది. లంక జట్టుతో స్వదేశంలో తలపడబోయే తమ ఆటగాళ్ల పేర్లను మంగళవారం వెల్లడించింది. స్టార్‌ ఓపెనర్‌, టీ20 ప్రపంచకప్‌-2021 ప్లేయర్‌ ఆఫ్‌ ది టోర్నీ విజేత డేవిడ్‌ వార్నర్‌కు సెలక్టర్లు విశ్రాంతినిచ్చారు. అతడితో పాటు మిచెల్‌ మార్ష్‌ కూడా ఈ సిరీస్‌కు దూరం కానున్నాడు. ఇక స్థానిక బిగ్‌బాష్‌ లీగ్‌లో మెరుగైన ప్రదర్శనతో ఆకట్టుకున్న వికెట్‌కీపర్‌ బెన్‌ మెక్‌డెర్మాట్‌కు ఈ జట్టులో చోటు దక్కడం విశేషం.  అదే విధంగా... యాషెస్‌ హీరో ట్రవిస్‌ హెడ్‌, ఆల్‌రౌండర్‌ మోజెస్‌ హెన్రిక్స్‌ తదితరులు లంకతో తలపడే టీమ్‌లో ఉన్నారు. ఇక ఆసీస్‌ హెడ్‌కోచ్‌ జస్టిన్‌ లాంగర్‌ లంకతో సిరీస్‌కు దూరం కానున్నాడు. మార్చిలో కంగారూల పాకిస్తాన్‌ పర్యటన నేపథ్యంలో ప్రణాళికలు సిద్ధం చేసేందుకు ఈ విరామాన్ని అతడు ఉపయోగించుకోనున్నాడు. కాగా ఫిబ్రవరి 11 నుంచి మొదలు కానున్న 5 మ్యాచ్‌ల టీ20 సిరీస్‌ కోసం శ్రీలంక ఆస్ట్రేలియాలో పర్యటించనుంది.  శ్రీలంకతో టీ20 సిరీస్‌కు క్రికెట్‌ ఆస్ట్రేలియా ప్రకటించిన జట్టు: ఆరోన్‌ ఫించ్‌(కెప్టెన్‌), ఆష్టన్‌ ఆగర్‌, ప్యాట్‌ కమిన్స్‌, జోష్‌ హాజిల్‌వుడ్‌, ట్రవిస్‌ హెడ్‌, మోజెస్‌ హెన్నిక్స్‌, జోష్‌ ఇంగ్లిస్‌, బెన్‌ మెక్‌డెర్మాట్‌, గ్లెన్‌ మాక్స్‌వెల్‌, జై రిచర్డ్‌సన్‌, కేన్‌ రిచర్డ్‌సన్‌, స్టీవ్‌ స్మిత్‌, మిచెల్‌ స్టార్క్‌, మార్కస్‌ స్టొయినిస్‌, మాథ్యూ వేడ్‌, ఆడం జంపా. చదవండి: Dinesh Karthik: టీమిండియా మిడిలార్డర్‌ ప్లేయర్‌పై ప్రశంసలు కురిపించిన డీకే

Unmukt Chand- BBL: ఆస్ట్రేలియాకు చెందిన బిగ్‌బాష్‌ టి20 లీగ్‌ టోర్నీలో మ్యాచ్‌ ఆడిన తొలి భారతీయ క్రికెటర్‌గా ఉన్ముక్త్‌ చంద్‌ గుర్తింపు పొందాడు. హోబర్ట్‌ హరికేన్స్‌తో మంగళవారం జరిగిన మ్యాచ్‌లో మెల్‌బోర్న్‌ రెనెగెడ్స్‌ తరఫున ఉన్ముక్త్‌ బరిలోకి దిగి ఆరు పరుగులు చేశాడు. ఈ మ్యాచ్‌లో హోబర్ట్‌ హరికేన్స్‌ 6 పరుగుల తేడాతో గెలుపొందింది. ఆరోన్‌ ఫించ్‌ ప్లేయర్‌ ఆఫ్‌ ది మ్యాచ్‌గా నిలిచాడు. కాగా 2012లో ఉన్ముక్త్‌ కెప్టెన్సీలో టీమిండియా అండర్‌–19 ప్రపంచకప్‌ టైటిల్‌ గెలిచింది. బీసీసీఐ రూల్స్‌  ప్రకారం భారత క్రికెట్‌కు గుడ్‌బై చెప్పిన ఆటగాళ్లకే విదేశీ టి20 లీగ్‌లలో ఆడే అర్హత ఉంది. దాంతో 28 ఏళ్ల ఉన్ముక్త్‌ గత ఆగస్టులో రిటైర్మెంట్‌ ప్రకటించాడు. ప్రస్తుతం బీబీఎల్‌లో మెల్‌బోర్న్‌ రెనెగెడ్స్‌కు అతడు ప్రాతినిథ్యం వహిస్తున్నాడు. చదవండి: Glenn Maxwell: 'క్యాచ్‌ పట్టేశావు.. భ్రమలో నుంచి బయటికి రా' Seymour is smokin' them 🔥pic.twitter.com/WwKXFn6bW7 — Melbourne Renegades (@RenegadesBBL) January 18, 2022

ఆస్ట్రేలియా పరిమిత ఓవర్ల కెప్టెన్‌ ఆరోన్‌ ఫించ్‌ టి20 క్రికెట్‌లో అరుదైన మైలురాయిని అందుకున్నాడు. టి20ల్లో 10వేల పరుగులు పూర్తి చేసిన ఆరో బ్యాటర్‌గా ఫించ్‌ రికార్డు సృష్టించాడు. బిగ్‌బాష్‌ లీగ్‌ 2021లో భాగంగా మెల్‌బోర్న్‌ రెనేగేడ్స్‌కు ఆడుతున్న ఫించ్‌ పెర్త్‌ స్కార్చర్స్‌తో జరిగిన మ్యాచ్‌లో 65 పరుగులు చేయడం ద్వారా ఈ రికార్డు సాధించాడు. కాగా ఫించ్‌ కంటే ముందు క్రిస్‌ గేల్‌, విరాట్‌ కోహ్లి, డేవిడ్‌ వార్నర్‌, కీరన్‌ పొలార్డ్‌, షోయబ్‌ మాలిక్‌లు ఉన్నారు. కాగా ఫించ్‌ టి20ల్లో 10వేల పరుగుల మైలురాయిని చేరుకోవడానికి 327 ఇన్నింగ్స్‌లు అవసరమయ్యాయి. చదవండి: BBL 2021: మా బంతి పోయింది.. కనబడితే ఇచ్చేయండి! ఇక విండీస్‌ విధ్వంసకర ఆటగాడు క్రిస్‌ గేల్‌ 285 ఇన్నింగ్స్‌లు.. టీమిండియా టెస్టు కెప్టెన్‌ విరాట్‌ కోహ్లి 299 ఇన్నింగ్స్‌లు.. ఆసీస్‌ విధ్వంసకర ఓపెనర్‌ డేవిడ్‌ వార్నర్‌ 303 ఇన్నింగ్స్‌లు.. పాకిస్తాన్‌ వెటరన్‌ ఆటగాడు షోయబ్‌ మాలిక్‌ 368 ఇన్నింగ్స్‌లు అవసరమయ్యాయి. అయితే కీరన్‌ పొలార్డ్‌కు మాత్రం టి20ల్లో 10వేల పరుగుల మైలురాయిని అందుకోవడానికి 450 ఇన్నింగ్స్‌లు తీసుకున్నాడు.  చదవండి: Short Run: ఏకంగా 5 పరుగుల పెనాల్టీ విధించిన అంపైర్‌

ఆస్ట్రేలియా పరిమిత ఓవర్ల కెప్టెన్‌గా ఆరోన్‌ ఫించ్‌ పెద్దగా సక్సెస్‌ అయినట్లు అనిపించడం లేదు. అతను కెప్టెన్‌గా బాధ్యతలు చేపట్టినప్పటి నుంచి ఆసీస్‌ ద్వైపాక్షిక సిరీస్‌ల్లో విజయం సాధించిందే తప్ప ఐసీసీ ట్రోఫీలు గెలిచిన దాఖలాలు లేవు. ఫించ్‌ కెప్టెన్సీలో 2019 వన్డే వరల్డ్‌కప్‌లో సెమీస్‌ వరకు వెళ్లింది. అయితే ఇటీవలే ముగిసిన టి20 ప్రపంచకప్‌ను మాత్రం ఆస్ట్రేలియా కైవసం చేసుకుంది.ఈ టోర్నీలో బ్యాట్స్‌మన్‌గా ఫించ్‌ విఫలమైనప్పటికి.. కెప్టెన్సీలో అదరగొట్టాడు. అలా తన కెప్టెన్సీలో ఆస్ట్రేలియాకు తొలిసారి ఐసీసీ ట్రోఫీని అందించాడు.ఇక ఆస్ట్రేలియా ఆఖరిసారిగా 2015లో మైకెల్‌ క్లార్క్‌ కెప్టెన్సీలో వన్డే ప్రపంచకప్‌ను గెలిచింది.  చదవండి: మ్యాచ్‌ చివరి బంతికి ఊహించని ట్విస్ట్‌ ఇక తాజాగా ఆరోన్‌ ఫించ్‌ ఒక త్రోబ్యాక్‌ ఫోటోను షేర్‌ చేశాడు. ఆ ఫోటోలో ఫించ్‌ చిన్నతనంలో తాను వాడిన క్రికెట్‌ బ్యాట్‌లు ఉన్నాయి. నా చిన్నతనంలో నేను వాడిన బ్యాట్స్‌ అవి. ఇప్పుడు మా నాన్న షెడ్‌లో దొరికాయి.. ఇందులో మీ ఫెవరెట్‌ బ్యాట్‌ ఏదో చెప్పండి అంటూ కామెంట్‌ చేశాడు. ప్రస్తుతం ఆస్ట్రేలియా  యాషెస్‌ సిరీస్‌లో బిజీగా ఉంది. ఇంగ్లండ్‌తో జరిగిన తొలి రెండు టెస్టుల్లో పూర్తి ఆధిపత్యం చూపించిన ఆస్ట్రేలియా 2-0తో ఆధిక్యంలో ఉంది. కాగా మూడోటెస్టు డిసెంబర్‌ 26న బాక్సింగ్‌ డే రోజున మొదలవ్వనుంది. చదవండి: పాకిస్తాన్‌ క్రికెటర్లకు ఘోర అవమానం.. హోటల్‌ నుంచి గెంటేశారు Just found my old bats from when I was a kid in dads shed!! What was your favourite old bat? pic.twitter.com/A5qVHLzf73 — Aaron Finch (@AaronFinch5) December 23, 2021

Shoaib Akhtar On Australia Way of Celebration Little Disgusting Netizens Troll Him: టి20 ప్రపంచకప్‌-2021 విజేతగా నిలిచిన ఆరోన్‌ ఫించ్‌ బృందం సంబరాలు చేసుకున్న తీరుపై పాకిస్తాన్‌ మాజీ బౌలర్‌ షోయబ్‌ అక్తర్‌ తీవ్ర వ్యాఖ్యలు చేశాడు. అసహ్యకరంగా సెలబ్రేషన్స్‌ చేసుకోవడం అవసరమా అంటూ సెటైర్లు వేశాడు. కాగా పొట్టి ఫార్మాట్‌ ప్రపంచకప్‌ టోర్నమెంట్‌లో ఆరుసార్లు నిరాశకు గురైన ఆస్ట్రేలియా ఎట్టకేలకు ఈ ఏడాది చాంపియన్‌గా నిలిచి తమ కలను నెరవేర్చుకున్న సంగతి తెలిసిందే. దీంతో కంగారూ జట్టు పట్టపగ్గాల్లేని ఆనందడోలికల్లో మునిగితేలింది. ఇన్నాళ్లూ అందని ద్రాక్షగా ఉన్న పొట్టి కప్‌ చేతులకందడంతో ఆటగాళ్లు తెగ సంబరాలు చేసుకున్నారు. ఆదివారం రాత్రి స్టేడియంలోని డ్రెస్సింగ్‌ రూమ్‌కు చేరగానే క్రికెటర్లు టిన్‌లలోని బీరును కాలి బూట్లలో పోసుకొని గుటకేశారు. ఆల్‌రౌండర్‌ స్టొయినిస్‌ కాలికి ఉన్న బూట్‌ విడిచి దాన్ని కడిగాకా బీరు పోసుకొని తాగాడు. కెప్టెన్‌ ఫించ్‌ అదేపని చేశాడు. తర్వాత వేడ్‌ సహా కొందరు సహచరులు ఇలా బూట్లలో బీరు తాగారు.  ఇందుకు సంబంధించిన వీడియో వైరల్‌ కాగా.. తన ట్విటర్‌ అ‍కౌంట్‌లో షేర్‌ చేసిన షోయబ్‌ అక్తర్‌.. ‘‘అసలు మీరేం చేశారు? వీళ్లు సెలబ్రేషన్స్‌ చేసుకున్న తీరు కాస్త అసహ్యంగా ఉంది కదా’’ అని కామెంట్‌ చేశాడు. ఈ క్రమంలో పాక్‌ ఫ్యాన్స్‌.. ‘‘కొంచెం కాదు.. చాలా జుగుప్సాకరంగా ఉంది’’ అంటూ అక్తర్‌కు మద్దతు పలుకుతున్నారు. మరికొంత మంది నెటిజన్లు మాత్రం.. ‘‘ఇది వారి సంప్రదాయంలో భాగం. ముందు ఆ విషయం తెలుసుకోండి. తెలియకపోతే ఊరుకోండి. అయినా, సెమీస్‌లో మిమ్మల్ని ఓడించినందుకేనా ఈ అక్కసు’’ అని అక్తర్‌కు చురకలు అంటిస్తున్నారు. కాగా రెండో సెమీ ఫైనల్‌లో ఆస్ట్రేలియా పాకిస్తాన్‌ను చిత్తు చేసి ఫైనల్‌కు వెళ్లిన సంగతి తెలిసిందే. దీంతో సూపర్‌ 12 రౌండ్‌లో ఐదింటికి ఐదు గెలిచి కప్‌ కొట్టాలన్న ఆశతో ఉన్న బాబర్‌ ఆజమ్‌ బృందానికి షాక్‌ తగిలింది. తుది పోరుకు అర్హత సాధించిన ఆసీస్‌.. న్యూజిలాండ్‌ను ఓడించి కొత్త చాంపియన్‌గా అవతరించింది. షూయీ సంప్రదాయం ఇలా బూట్లలో డ్రింక్స్‌ పోసుకుని తాగటం మనకు జుగుప్సాకరంగా ఉన్నా ఆస్ట్రేలియాలో ఇలాంటి సంబరాలు సాధారణమే! అన్నట్లు దీనికో పేరు కూడా ఉంది.  షూలో పోసుకు తాగడాన్ని ‘షూయి’ అంటారు. విశ్వవిజేతగా నిలవడంతో కంగారూ క్రికెటర్లు అలా షూయి వేడుక చేసుకున్నారు. ఆస్ట్రేలియాకు చెందిన ఫార్ములావన్‌ డ్రైవర్‌ రికియార్డో 2016లో జర్మన్‌ గ్రాండ్‌ప్రిలో పోడియం ఫినిష్‌ చేయగానే తొలిసారి షాంపేన్‌ బూట్లో పోసుకొని తాగాడు.  చదవండి: Hardik Pandya: హార్దిక్‌ పాండ్యాకు భారీ షాక్‌.. 5 కోట్ల విలువైన వాచీలు సీజ్‌! A little disgusting way of celebrating no?? pic.twitter.com/H96vMlabC8 — Shoaib Akhtar (@shoaib100mph) November 15, 2021

T20 WC 2021 Winner Australia: Aaron Finch Comments On David Warner Adam Zampa: ‘‘చాలా గర్వంగా ఉంది. ఈ ఘనత సాధించిన ఆస్ట్రేలియా తొలి జట్టుగా మేము నిలిచాం. టైటిల్‌ సాధించడం అంత తేలికైన విషయం కాదు అని మాకు తెలుసు. వ్యక్తిగతంగా, సమష్టిగా అద్భుత ప్రదర్శన కనబరిచి ఇక్కడి దాకా చేరుకున్నాం’’ అని టీ20 వరల్డ్‌కప్‌-2021 చాంపియన్‌ ఆస్ట్రేలియా కెప్టెన్‌ ఆరోన్‌ ఫించ్‌ హర్షం వ్యక్తం  చేశాడు. ఆసీస్‌కు ఇన్నాళ్లు అందని ద్రాక్షగా ఉన్న పొట్టి ఫార్మాట్‌ టైటిల్‌ గెలవడం పట్ల తన ఆనందాన్ని పంచుకున్నాడు. నవంబరు 14న న్యూజిలాండ్‌తో ఫైనల్‌లో ఆస్ట్రేలియా 8 వికెట్ల తేడాతో విజయం సాధించిన విషయం తెలిసిందే. డేవిడ్‌ వార్నర్‌(38 బంతుల్లో 53 పరుగులు), మిచెల్‌ మార్ష్‌(50 బంతుల్లో 77 పరుగులు, నాటౌట్‌) సూపర్‌ ఇన్నింగ్స్‌తో ఆకట్టుకున్నారు. వార్నర్‌ ప్లేయర్‌ ఆఫ్‌ ది టోర్నమెంట్‌గా నిలవగా..  మార్ష్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఈ నేపథ్యంలో గెలుపు అనంతరం కెప్టెన్‌ ఫించ్‌ మాట్లాడుతూ.. వార్నర్‌, ఆడం జంపా, మార్ష్‌పై ప్రశంసలు కురిపించాడు. ‘‘తన పని అయిపోయిందంటూ చాలా మంది చాలా రకాలుగా రాశారు. నిజానికి అలాంటి సమయాల్లోనే వార్నర్‌ అత్యుత్తమ ప్రదర్శన కనబరుస్తాడు. అయితే నా దృష్టిలో మాత్రం జంపా ప్లేయర్‌ ఆఫ్‌ ది టోర్నమెంట్‌. మార్ష్‌ ఈరోజు అద్భుతంగా ఆడాడు. వేడ్‌ గాయం కారణంగా ఇబ్బంది పడగా స్టొయినిస్‌ తన పనిని పూర్తి చేశాడు’’ అని చెప్పుకొచ్చాడు. స్కోర్లు: న్యూజిలాండ్‌- 172/4 (20) ఆస్ట్రేలియా- 173/2 (18.5)

సమయం: 23:00.. టి20 ప్రపంచకప్‌ 2021 విజేతగా ఆస్ట్రేలియా నిలిచింది. న్యూజిలాండ్‌తో జరిగిన ఫైనల్లో ఆస్ట్రేలియా 173 పరుగుల లక్ష్యాన్ని 2 వికెట్లు మాత్రమే కోల్పోయి చేధించింది. మిచెల్‌ మార్ష్‌ (46 బంతుల్లో 78 పరుగులు, 5 ఫోర్లు, 4 సిక్సర్లు) విధ్వంసం సృష్టించాడు. అతనికి తోడుగా ఓపెనర్‌ డేవిడ్‌ వార్నర్‌ (38 బంతుల్లో 53, 4 ఫోర్లు, 3 సిక్సర్లు)మరోసారి మెరవడంతో ఆసీస్‌ సులువుగానే విజయం సాధించింది.  మిచెల్‌ మార్ష్‌ మెరుపులు.. 16 ఓవర్లలో 149/2 మిచెల్‌ మార్ష్‌ 39 బంతుల్లో 69 పరుగులతో మెరుపులు మెరిపిస్తుండడంతో ఆసీస్‌ విజయం దిశగా పయనిస్తోంది. ప్రస్తుతం 16 ఓవర్లు ముగిసేసరికి 2 వికెట్ల నష్టానికి 149 పరుగుల చేసింది. మ్యాక్స్‌వెల్‌ 10 బంతుల్లో 21 పరుగులతో సహకరిస్తున్నాడు. వార్నర్‌ అర్థశతకం.. 11 ఓవర్లలో 97/1 డేవిడ్‌ వార్నర్‌ 35 బంతుల్లో అర్థసెంచరీ మార్క్‌ను అందుకున్నాడు. వార్నర్‌ ఇన్నింగ్స్‌లో 4 ఫోర్లు.. 3 సిక్సర్లు ఉన్నాయి. మరోవైపు మిచెల్‌ మార్ష్‌ కూడా 26 బంతుల్లో 40 పరుగులతో దాటిగా ఆడుతున్నాడు. ప్రస్తుతం 11 ఓవర్లలో వికెట్‌ నష్టానికి 97 పరుగులు చేసింది. సమయం: 22:02.. ఆస్ట్రేలియా ఓపెనర్‌ డేవిడ్‌ వార్నర్‌(42) మరోసారి విధ్వంసకర ఇన్నింగ్స్‌ ఆడుతున్నాడు. ఫించ్‌ ఔటైన అనంతరం వార్నర్‌ దూకుడు చూపిస్తుండడంతో ఆసీస్‌ స్కోరుబోర్డు పరుగుపెడుతుంది. 173 పరుగుల లక్ష్యంతో బరిలోకి దిగిన ఆస్ట్రేలియా 9 ఓవర్లు ముగిసేసరికి వికెట్‌ నష్టానికి 77 పరుగులు చేసింది.  ఫించ్‌(5) ఔట్‌.. 6 ఓవర్లలో ఆస్ట్రేలియా 43/1 172 పరుగుల లక్ష్యంతో బరిలోకి దిగిన ఆస్ట్రేలియా ఆరోన్‌ ఫించ్‌(5) రూపంలో తొలి వికెట్‌ కోల్పోయింది. బౌల్ట్‌ బౌలింగ్‌లో డారిల్‌ మిచెల్‌కు క్యాచ్‌ ఇచ్చి వెనుదిరిగాడు. ప్రస్తుతం ఆస్ట్రేలియా 6 ఓవర్లలో వికెట్‌ నష్టానికి 43 పరుగులు చేసింది. వార్నర్‌ 19, మిచెల్‌ మార్ష్‌ 17 పరుగులతో ఆడుతున్నారు. విలియమ్సన్‌ విధ్వంసం.. 20 ఓవర్లలో కివీస్‌ 172/4 కివీస్‌ కెప్టెన్‌ కేన్‌ విలియమ్సన్‌(85 పరుగులు, 48 బంతుల్లో 10 ఫోర్లు, 3 సిక్సర్లతో) విధ్వంసం సృష్టించడంతో న్యూజిలాండ్‌ నిర్ణీత 20 ఓవర్లలో 4 వికెట్ల నష్టానికి 172 పరుగులు చేసింది. 10 ఓవర్లు ముగిసేసరికి 57/1 గా ఉన్న న్యూజిలాండ్‌ స్కోరు 16 ఓవర్లలో 132 పరుగులకు చేరింది. 6 ఓవర్లలో 75 పరుగులు సాధించిందంటే అదంతా కేన్‌ విలియమ్సన్‌ మాయే అని చెప్పొచ్చు. ఇక స్టార్క్‌ వేసిన ఇన్నింగ్స్‌ 16 ఓవర్లో 4,4,6,0,4,4తో విలియమ్సన్‌ విశ్వరూపం చూపించాడు. కేన్‌ విలియమ్సన్‌(85) ఔట్‌.. న్యూజిలాండ్‌ 149/4 దూకుడుగా ఆడుతున్న కేన్‌ విలియమ్సన్‌(85) హాజిల్‌వుడ్‌ బౌలింగ్‌లో స్మిత్‌కు క్యాచ్‌ ఇచ్చి వెనుదిరిగడంతో న్యూజిలాండ్‌ నాలుగో వికెట్‌ కోల్పోయింది. 18 ఓవర్లు ముగిసేసరికి 4 వికెట్ల నష్టానికి 149 పరుగులు చేసింది.. అయితే ఈ న్యూజిలాండ్‌ కెప్టెన్‌ తన శైలికి విరుద్ధంగా దూకుడుగా ఆడుతూ ఆసీస్‌ బౌలర్లను ఊచకోత కోశాడు. 48 బంతుల్లోనే 10 ఫోర్లు, 3 సిక్సర్లతో 85 పరుగులు చేశాడు. అంతకముందు అతనికి సహకరిస్తున్న గ్లెన్‌ ఫిలిప్స్‌(18) హాజిల్‌వుడ్‌ బౌలింగ్‌లో మ్యాక్స్‌వెల్‌కు క్యాచ్‌ ఇచ్చి వెనుదిరిగడంతో మూడో వికెట్‌ కోల్పోయింది. కేన్‌ మామ ఫిఫ్టీ.. న్యూజిలాండ్‌ 13 ఓవర్లలో 97/2 ఆస్ట్రేలియాతో జరుగుతున్న ఫైనల్లో కేన్‌ విలియమ్సన్‌ అర్థసెంచరీతో మెరిశాడు. 33 బంతుల్లో 51 పరుగులు చేసిన కేన్‌ విలియమ్సన్‌ ఇన్నింగ్స్‌లో 2 సిక్సర్లు, 5 ఫోర్లు ఉన్నాయి. ప్రస్తుతం న్యూజిలాండ్‌ 13 ఓవర్లలో 2 వికెట్ల నష్టానికి 97 పరుగులు చేసింది.  రెండో వికెట్‌ కోల్పోయిన న్యూజిలాండ్‌ నిలకడగా ఆడుతున్న న్యూజిలాండ్‌ రెండో వికెట్‌ కోల్పోయింది. 28 పరుగులు చేసిన మార్టిన్‌ గప్టిల్‌ జంపా బౌలింగ్‌లో స్టోయినిస్‌కు క్యాచ్‌ ఇచ్చి వెనుదిరిగాడు.  10 ఓవర్లలో న్యూజిలాండ్‌ 57/1 సమయం: 20:13.. 10 ఓవర్లు ముగిసేసరికి న్యూజిలాండ్‌ వికెట్‌ నష్టపోయి 57 పరుగులు చేసింది. డారిల్‌ మిచెల్‌ వెనుదిరిగిన తర్వాత గప్టిల్‌(27), విలియమ్సన్‌(17)లు ఆచితూచి ఆడుతున్నారు.  తొలి వికెట్‌ కోల్పోయిన న్యూజిలాండ్‌  సమయం: 19:50.. డారిల్‌ మిచెల్‌(11) రూపంలో న్యూజిలాండ్‌ తొలి వికెట్‌ కోల్పోయింది. హాజిల్‌వుడ్‌ వేసిన ఇన్నింగ్స్‌ 4వ ఓవర్‌ ఐదో బంతికి షాట్‌ ఆడే ప్రయత్నంలో కీపర్‌ వేడ్‌కు క్యాచ్‌ ఇచ్చి వెనుదిరిగాడు. ప్రస్తుతం న్యూజిలాండ్‌ 4 ఓవర్లలో వికెట్‌ నష్టానికి 28 పరుగులు చేసింది. గప్టిల్‌ 16, విలియమ్సన్‌ 0 పరుగులతో ఆడుతున్నారు. సమయం: 19:39.. టాస్‌ ఓడి బ్యాటింగ్‌కు దిగిన న్యూజిలాండ్‌ రెండు ఓవర్లలో వికెట్‌ నష్టపోకుండా 13 పరుగులు చేసింది. మార్టిన్‌ గప్టిల్‌ 10, మిచెల్‌ 3 పరుగులతో ఆడుతున్నారు. దుబాయ్‌: టి20 ప్రపంచకప్‌ 2021 ఫైనల్లో భాగంగా ఆస్ట్రేలియా, న్యూజిలాండ్‌ మధ్య మహాసంగ్రామం మొదలైంది. టాస్‌ గెలిచిన ఆస్ట్రేలియా ఫీల్డింగ్‌ ఎంచుకుంది. ఈ టోర్నమెంట్‌లో అండర్‌ డాగ్స్‌గా బరిలోకి దిగిన న్యూజిలాండ్‌.. అందరి అంచనాలను తారుమారు చేస్తూ ఫైనల్‌కు చేరింది. ఇంగ్లండ్‌తో జరిగిన తొలి సెమీఫైనల్లో న్యూజిలాండ్‌ అనుహ్య విజయం సాధించింది. మరో వైపు రెండో సెమీఫైనల్లో పాకిస్తాన్‌పై అద్బుత విజయం సాధించి ఆస్ట్రేలియా ఫైనల్లో అడుగు పెట్టింది. అయితే ఈ రెండు జట్లలో ఏది విజయం సాధించిన.. ఈసారి ట్రోఫిని కొత్త జట్టు ముద్దాడబోతోంది. కాగా ఈ రెండు జట్లు కూడా పటిష్టంగా ఉన్నాయి. దీంతో టైటిల్‌ ఫేవరేట్‌ ఏ జట్టు అనేది అంచనా వేయడం కష్టమే.  కాగా టీ20ల్లో 14 మ్యాచ్‌ల్లో ఇరు జట్లు ముఖా ముఖి తలపడగా.. ఆస్ట్రేలియా 9 మ్యాచ్‌ల్లో విజయం సాధించగా, న్యూజిలాండ్‌ కేవలం నాలుగు మ్యాచ్‌ల్లో గెలుపొందింది.  టీ20 ప్రపంచకప్‌లో ఇరు జట్లు ఒకే ఒక్కసారి తలపడ్డాయి. అయితే ఈ మ్యాచ్‌లో న్యూజిలాండ్‌ పైచేయి సాధించింది.  న్యూజిలాండ్: మార్టిన్ గప్టిల్, డారిల్ మిచెల్, కేన్ విలియమ్సన్(కెప్టెన్‌), టిమ్ సీఫెర్ట్(వికెట్‌ కీపర్‌), గ్లెన్ ఫిలిప్స్, జేమ్స్ నీషమ్, మిచెల్ సాంట్నర్, ఆడమ్ మిల్నే, టిమ్ సౌతీ, ఇష్ సోధి, ట్రెంట్ బౌల్ట్ ఆస్ట్రేలియా : డేవిడ్ వార్నర్, ఆరోన్ ఫించ్(కెప్టెన్‌), మిచెల్ మార్ష్, స్టీవెన్ స్మిత్, గ్లెన్ మాక్స్‌వెల్, మార్కస్ స్టోయినిస్, మాథ్యూ వేడ్(వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హాజిల్‌వుడ్

Toss Winning Team Won T20 World Cup 2021 Title.. టి20 ప్రపంచకప్‌ 2021 ఆఖరి అంకానికి చేరుకుంది. న్యూజిలాండ్‌, ఆస్ట్రేలియాలు మరికొద్ది గంటల్లో అమీతుమీ తేల్చుకోనున్నాయి. మ్యాచ్‌ పరంగా చూస్తే ఆస్ట్రేలియా ఫెవరెట్‌గా కనిపిస్తున్నప్పటికీ దానికి మించి టాస్‌ మరింత ఫెవరెట్‌గా మారింది. దుబాయ్‌ వేదికగా జరగనున్న ఫైనల్లో టాస్‌ గెలిచిన జట్టు బౌలింగ్‌ ఎంచుకుంటే  సగం విజయం సాధించినట్టే. చదవండి:  'యువీ నువ్వుంటే బాగుండేది'': కోహ్లి.. అనుష్క రియాక్షన్‌ వైరల్‌ ఈ టి20 ప్రపంచకప్‌లో దుబాయ్‌ వేదికగా జరిగిన అన్ని మ్యాచ్‌లు ఇదే రుజువు చేస్తున్నాయి. ఇక్కడ జరిగిన 12 మ్యాచ్‌ల్లో మొదట బౌలింగ్‌ చేసిన జట్లు 11 సార్లు విజయం సాధించగా.. ఒక్కసారి మాత్రమే ఓడిపోయింది. ఇక టాస్‌ గెలిచిన జట్లు 10 సార్లు విజయం అందుకోగా.. రెండుసార్లు మాత్రమే ఓటమి పాలయ్యాయి. ఓవరాల్‌గా ప్రపంచకప్‌లో సెమీఫైనల్స్‌ సహా మొత్తం 44 మ్యాచ్‌లు జరగ్గా.. 29 సార్లు టాస్‌ గెలిచిన జట్లు విజయం సాధించడం విశేషం. విన్నింగ్‌ శాతం 65.9% ఉంది. ఇంకో విషయమేంటంటే దుబాయ్‌ వేదికగా రాత్రి జరిగిన తొమ్మిది మ్యాచ్‌లు చేజింగ్‌ చేసిన జట్లే గెలిచాయి. రాత్రి మ్యాచ్‌ల్లో చేజింగ్‌ సమయంలో మంచు ప్రభావం ఉండడంతో 9 మ్యాచ్‌ల్లో బౌలర్లు కేవలం ఎనిమిది వికెట్లే పడగొట్టగలిగారు. ఈ ప్రపంచకప్‌ మాత్రమే కాదు 2014, 2016లోనూ టాస్‌ గెలిచి బౌలింగ్‌ ఎంచుకోవడం.. లేదా చేజింగ్‌ టీమ్‌లే విశ్వవిజేతలుగా నిలవడం విశేషం. ఇక ఆస్ట్రేలియా, న్యూజిలాండ్‌ మధ్య జరగనున్న ఫైనల్లో టాస్‌ ఎవరు గెలిస్తే వాళ్లు బౌలింగ్‌ ఎంచుకోవడం ఖాయం. చూడాలి మరి ఏం జరుగుతుందో. చదవండి: T20 WC 2021: ఆస్ట్రేలియతో ఫైనల్‌.. కాన్వే స్థానంలో ఎవరంటే Now for the main event 💥 New Zealand and Australia are in the final… and they’re ready 💪 Are you? https://t.co/VISgYpY6QE#T20WorldCup pic.twitter.com/p5nH9o5VxR — ICC (@ICC) November 13, 2021

స్టోయినిస్‌, వేడ్‌ మెరుపులు.. ఫైనల్‌కు ఆస్ట్రేలియా; పాకిస్తాన్‌ ఓటమి సమయం:23:19.. టి20 ప్రపంచకప్‌లో ఆస్ట్రేలియా ఫైనల్‌కు ప్రవేశించింది. పాకిస్తాన్‌తో జరిగిన సెమీఫైనల్లో ఆస్ట్రేలియా 5 వికెట్ల తేడాతో ఘన విజయాన్ని సాధించింది. 177 పరుగుల లక్ష్యంతో బరిలోకి ఆస్ట్రేలియా ఒక దశలో 96 పరుగులకే ఐదు వికెట్లు కోల్పోయి ఓటమి దిశగా పయనిస్తున్నట్లు కనిపించింది. కానీ మార్కస్‌ స్టోయినిస్(‌31 బంతుల్లో 40 పరుగులు; 2 ఫోర్లు, 2 సిక్సర్లు ), మాథ్యూ వేడ్‌(17 బంతుల్లో 41 పరుగులు, 2 ఫోర్లు, 4 సిక్సర్లు) పోటాపోటీగా సిక్సర్లు, బౌండరీలు వర్షం కురిపించడంతో ఒక ఓవర్‌ మిగిలి ఉండగానే విజయాన్ని అందుకుంది. అంతకముందు డేవిడ్‌ వార్నర్‌ 49 పరుగులతో కీలక ఇన్నింగ్స్‌తో ఆడాడు. పాకిస్తాన్‌ బౌలర్లలో షాదాబ్‌ ఖాన్‌ 4 వికెట్లు తీశాడు. ఇక నవంబర్‌ 14 న జరిగే ఫైనల్లో ఆస్ట్రేలియా.. న్యూజిలాండ్‌తో అమీతుమీ తేల్చుకోనుంది. ఇక 2015 ఐసీసీ వన్డే వరల్డ్‌కప్‌ ఫైనల్లో ఆస్ట్రేలియా న్యూజిలాండ్‌ను ఓడించి విశ్వవిజేతగా నిలిచింది. అంతకముందు పాకిస్తాన్‌ నిర్ణీత 20 ఓవర్లలో 4 వికెట్ల నష్టానికి 176 పరుగులు చేసింది.  ఓపెనర్‌ మహ్మద్‌ రిజ్వాన్‌(67 పరుగులు) మరో అర్థశతకంతో మెరవగా.. ఫఖర్‌ జమాన్‌ (32 బంతుల్లో 55 పరుగులు;  3 ఫోర్లు, 4 సిక్సర్లు) విధ్వంసం సృష్టించాడు. కెప్టెన్‌ బాబర్‌ అజమ్‌ 39 పరుగులు చేశాడు. ఆసీస్‌ బౌలర్లలో మిచెల్‌ స్టార్క్‌ 2, కమిన్స్‌, జంపా చెరో వికెట్‌ తీశారు సమయం: 23:04.. పాకిస్తాన్‌, ఆస్ట్రేలియా మధ్య మ్యాచ్‌ హోరాహోరిగా సాగుతుంది. ప్రస్తుతం 18 ఓవర్లు ముగిసేసరికి 5 వికెట్ల నష్టానికి 155 పరుగులు చేసింది. స్టోయినిస్‌ 40, వేడ్‌ 21 పరుగులతో ఆడుతున్నారు. 13 ఓవర్లలో ఆస్ట్రేలియా 103/5 సమయం: 22:34.. 177 పరుగుల లక్ష్యంతో బరిలోకి దిగిన ఆస్ట్రేలియా 96 పరుగులకే ఐదు వికెట్లు కోల్పోయి కష్టాల్లో పడింది. వార్నర్‌ ఔటైన కాసేపటికే మ్యాక్స్‌వెల్‌(7)ను షాబాద్‌ బోల్తా కొట్టించాడు. షాబాద్‌కు ఇది నాలుగో వికెట్‌ కావడం విశేషం. ప్రస్తుతం 13 ఓవర్లలో 5 వికెట్ల నష్టానికి 103 పరుగులు చేసింది. సమయం: 22:25..  డేవిడ్‌ వార్నర్‌(49) రూపంలో ఆస్ట్రేలియా బిగ్‌ వికెట్‌ కోల్పోయింది. పాక్‌ స్పిన్నర్‌ షాదబ్‌ ఖాన్‌ 3 వికెట్లతో ఆసీస్‌ను దెబ్బ తీశాడు. ప్రస్తుతం ఆస్ట్రేలియా 11 ఓవర్లలో 4 వికెట్ల నష్టానికి 92 పరుగులు చేసింది. స్మిత్‌ (5) ఔట్‌.. మూడో వికెట్‌ కోల్పోయిన ఆస్ట్రేలియా సమయం: 22:17.. ఆస్ట్రేలియా వరుస విరామాల్లో వికెట్లు కోల్పోతుంది. షాదాబ్‌ ఖాన్‌ బౌలింగ్‌లో స్టీవ్‌ స్మిత్‌(5) క్యాచ్‌ అవుట్‌గా వెనుదిరిగాడు. ప్రస్తుతం 10 ఓవర్లలో 3 వికెట్ల నష్టానికి 89 పరుగులు చేసింది. వార్నర్‌ 48, మ్యాక్స్‌వెల్‌ 3 పరుగలుతో ఆడుతున్నారు.  సమయం: 22:00.. నిలకడగా ఆడుతున్న ఆస్ట్రేలియా మిచెల్‌ మార్ష్‌(28) రూపంలో రెండో వికెట్‌ కోల్పోయింది. వార్నర్‌ 24, స్మిత్‌ 0 పరుగులతో ఆడుతున్నారు. 5 ఓవర్లలో ఆస్ట్రేలియా 44/1 సమయం: 21:53.. 177 పరుగుల లక్ష్యంతో బరిలోకి దిగిన ఆస్ట్రేలియా 5 ఓవర్లలో వికెట్‌ నష్టానికి 44 పరుగులు చేసింది. వార్నర్‌ 22, మార్ష్‌ 22 పరుగులతో ఆడుతున్నారు.ఫించ్‌ గోల్డెన్‌ డక్‌గా వెనుదిరిగినప్పటికీ తర్వాత వచ్చిన మార్ష్‌తో కలిసి వార్నర్‌ ఇన్నింగ్స్‌ను నడిపిస్తున్నాడు.  ఆరోన్‌ ఫించ్‌ గోల్డెన్‌ డక్‌ సమయం: 21:36.. 177 పరుగుల లక్ష్యంతో బరిలోకి దిగిన ఆస్ట్రేలియాకు తొలి ఓవర్‌లోనే షాక్‌ తగిలింది. షాహిన్‌ అఫ్రిది బౌలింగ్‌లో ఆరోన్‌ ఫించ్‌ గోల్డెన్‌ డక్‌గా వెనుదిరిగాడు. ప్రస్తుతం ఆస్ట్రేలియా 2 ఓవర్లలో వికెట్‌ నష్టానికి 6 పరుగులు చేసింది. వార్నర్‌ 3, మిచెల్‌ మార్ష్‌ 3 పరుగులతో ఆడుతున్నారు. ఫఖర్‌ జమాన్‌ మెరుపులు.. పాకిస్తాన్‌ 20 ఓవర్లలో 176/4 ఆస్ట్రేలియాతో జరుగుతున్న మ్యాచ్‌లో పాకిస్తాన్‌ నిర్ణీత 20 ఓవర్లలో 4 వికెట్ల నష్టానికి 176 పరుగులు చేసింది.  ఓపెనర్‌ మహ్మద్‌ రిజ్వాన్‌(67 పరుగులు) మరో అర్థశతకంతో మెరవగా.. ఫఖర్‌ జమాన్‌ (32 బంతుల్లో 55 పరుగులు;  3 ఫోర్లు, 4 సిక్సర్లు) విధ్వంసం సృష్టించాడు. కెప్టెన్‌ బాబర్‌ అజమ్‌ 39 పరుగులు చేశాడు. ఆసీస్‌ బౌలర్లలో మిచెల్‌ స్టార్క్‌ 2, కమిన్స్‌, జంపా చెరో వికెట్‌ తీశారు. రిజ్వాన్‌(67) ఔట్‌.. మూడో వికెట్‌ కోల్పోయిన పాకిస్తాన్‌ ఓపెనర్‌ మహ్మద్‌ రిజ్వాన్‌(67) రూపంలో పాకిస్తాన్‌ మూడో వికెట్‌ కోల్పోయింది. స్టార్క్‌ బౌలింగ్‌లో మిడాఫ్‌ దిశగా షాట్‌ ఆడినప్పటికీ స్మిత్‌ క్యాచ్‌ తీసుకున్నాడు. ప్రస్తుతం 18 ఓవర్లలో 2 వికెట్ల నష్టానికి 158 పరుగులు చేసింది. ఫఖర్‌ జమాన్‌ 40, ఆసిఫ్‌ అలీ 0 పరుగులతో ఆడుతున్నాడు. 10 ఓవర్లలో పాకిస్తాన్‌ 71/1 సమయం: 20:12.. పాకిస్తాన్‌ ఓపెనర్‌ బాబర్‌ అజమ్‌(39) రూపంలో పాకిస్తాన్‌ తొలి వికెట్‌ కోల్పోయింది. ఆడమ్‌ జంపా బౌలింగ్‌లో భారీ షాట్‌కు యత్నించిన బాబర్‌ వార్నర్‌కు క్యాచ్‌ ఇచ్చి వెనుదిరిగాడు. ప్రస్తుతం 10 ఓవర్లు ముగిసేసరికి వికెట్‌ నష్టానికి 71 పరుగులు చేసింది. మహ్మద్‌ రిజ్వాన్‌ 28 పరుగులతో ఆడుతున్నాడు. ధాటిగా ఆడుతున్న పాకిస్తాన్‌.. 5 ఓవర్లలో 38/0 సమయం: 19:50.. ఆ‍స్ట్రేలియాతో జరుగుతున్న మ్యాచ్‌లో పాకిస్తాన్‌ ఇన్నింగ్స్‌ను ధాటిగా మొదలుపెట్టింది. 5 ఓవర్లు ముగిసేసరికి వికెట్‌ నష్టపోకుండా 38 పరుగులు చేసింది. బాబర్‌ అజమ్‌ 21, మహ్మద్‌ రిజ్వాన్‌ 15 పరుగులతో ఆడుతున్నారు. దుబాయ్‌: టి20 ప్రపంచకప్‌ 2021లో భాగంగా గురువారం పాకిస్తాన్‌, ఆస్ట్రేలియా మధ్య రెండో సెమీ ఫైనల్‌ జరగనుంది. టాస్‌ గెలిచిన ఆస్ట్రేలియా ఫీల్డింగ్‌ ఎంచుకుంది. ఇక సూపర్‌ 12 దశలో పాకిస్తాన్‌ ఆడిన ఐదు మ్యాచ్‌ల్లో విజయాలు సాధించి నాటౌట్‌గా సెమీస్‌లో అడుగుపెట్టింది. మరోవైపు ఆస్ట్రేలియా ఐదు మ్యాచ్‌ల్లో నాలుగు గెలిచి.. ఒకటి ఓడి సెమీస్‌లోకి ప్రవేశించింది. పాకిస్తాన్ జట్టులో ఉన్న 11 మంది సూపర్‌ ఫామ్‌లో ఉండడం ఆ జట్టుకు సానుకూలాంశం. ఒకరు విఫలమైతే.. మరొకరు ఆడుతుండడం పాక్‌కు అదనపు బలం. బౌలింగ్‌లో షాహిన్‌ అఫ్రిది, హారిస్‌ రౌఫ్‌, హసన్‌ అలీలు అంచనాలకు మించి రాణిస్తున్నారు. ఇక ఆస్ట్రేలియా మాత్రం బ్యాటింగ్‌లో డేవిడ్‌ వార్నర్‌పై ఎక్కువగా ఆధారపడుతోంది. మిగిలిన బ్యాటర్స్‌లో మ్యాక్స్‌వెల్‌, స్మిత్‌, ఫించ్‌లు తమదైన ఆటతీరును ఇంకా చూపించలేదు. వీరు కూడా ఫామ్‌లోకి వస్తే పాకిస్తాన్‌కు కొంచెం కష్టమే. ఇక స్టార్క్‌, కమిన్స్‌, హాజిల్‌వుడ్‌, జంపా లాంటి బౌలర్లతో ఆసీస్‌ బౌలింగ్‌  పటిష్టంగానే కనిపిస్తుంది. ఓవరాల్‌గా పాకిస్తాన్‌ ఫెవరెట్‌గా కనిపిస్తున్నప్పటికి ఆస్ట్రేలియాను తక్కువ అంచనా వేయలేము. ఇక ముఖాముఖి పోరులో ఇరుజట్లు టి20ల్లో 22 సార్లు తలపడగా.. 13 సార్లు పాకిస్తాన్‌.. 9 సార్లు ఆసీస్‌ గెలిచింది. ఇక టి20 ప్రపంచకప్‌లో ఇప్పటివరకు ఆరుసార్లు తలపడిన ఈ రెండు జట్లు చెరో మూడు విజయాలతో సమానంగా ఉన్నాయి. ఇంకో విశేషమేమిటంటే ఐసీసీ టోర్నీ నాకౌట్లలో పాకిస్తాన్‌తో జరిగిన మ్యాచ్‌ల్లో ఆస్ట్రేలియా ఒక్కసారి కూడా ఓడిపోలేదు. ఇక యూఏఈలో పాకిస్తాన్‌ 16 టి20 మ్యాచ్‌లు ఆడగా.. 13 మ్యాచ్‌ల్లో విజయం సాధించడం విశేషం. పాకిస్థాన్: మహ్మద్ రిజ్వాన్(వికెట్‌ కీపర్‌), బాబర్ అజమ్‌(కెప్టెన్‌), ఫఖర్ జమాన్, మహ్మద్ హఫీజ్, షోయబ్ మాలిక్, ఆసిఫ్ అలీ, షాదాబ్ ఖాన్, ఇమాద్ వాసిం, హసన్ అలీ, హారీస్ రవూఫ్, షాహీన్ అఫ్రిది ఆస్ట్రేలియా: డేవిడ్ వార్నర్, ఆరోన్ ఫించ్(కెప్టెన్‌), మిచెల్ మార్ష్, స్టీవెన్ స్మిత్, గ్లెన్ మాక్స్‌వెల్, మార్కస్ స్టోయినిస్, మాథ్యూ వేడ్(వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హాజిల్‌వుడ్

ఆస్ట్రేలియాపై ఇంగ్లండ్‌ ఘనవిజయం.. సెమీస్‌ బెర్తు దాదాపు ఖరారు సమయం: 22:27.. టి20 ప్రపంచకప్‌ 2021లో ఇంగ్లండ్‌ హ్యాట్రిక్‌ విజయాన్ని నమోదు చేసింది. 126 పరుగుల లక్ష్యంతో బరిలోకి దిగిన ఇంగ్లండ్‌ 11.4 ఓవర్లలోనే రెండు వికెట్లు మాత్రమే కోల్పోయి లక్ష్యాన్ని చేధించింది. ఓపెనర్‌ జాస్‌ బట్లర్‌ (32 బంతుల్లో 72 పరుగులు;  5 ఫోర్లు, 5 సిక్సర్లు)  ఆసీస్‌ బౌలర్లను ఊచకోత కోయడంతో ఇంగ్లండ్‌ 8 వికెట్ల తేడాతో విజయాన్ని అందుకుంది. దీంతో ఇంగ్లండ్‌ సెమీస్‌ బెర్త్‌ను దాదాపు ఖరారు చేసుకున్నట్లే. మిగిలిన రెండు మ్యాచ్‌ల్లో ఒక్క విజయం సాధిస్తే సెమీస్‌లో అడుగుపెడుతుంది. అంతకముందు ఆస్ట్రేలియా  నిర్ణీత 20 ఓవర్లలో 125 పరుగులకు ఆలౌటైంది. ఇంగ్లండ్‌ బౌలర్ల దాటికి ఆసీస్‌ బ్యాటర్స్‌ బెంబెలెత్తిపోయారు. వరుస విరామాల్లో వికెట్లు కోల్పోతూ పరుగులు చేయలేక నానా అవస్థలు పడింది. ఆరోన్‌ ఫించ్‌ 44 పరుగులతో టాప్‌ స్కోరర్‌గా నిలవగా.. మిగిలిన బ్యాటర్స్‌ దారుణంగా విఫలమయ్యారు. ఇంగ్లండ్‌ బౌలర్ల దాటికి ఐదుగురు బ్యాటర్స్‌ సింగిల్‌ డిజిట్‌కే పరిమితమయ్యారు. ఇంగ్లండ్‌ బౌలర్లలో క్రిస్‌ జోర్డాన్‌ 3, టైమల్‌ మిల్స్‌, క్రిస్‌ వోక్స్‌ చెరో రెండు వికెట్లు తీశారు. సమయం: 22:15.. జాస్‌ బట్లర్‌ మెరుపు అర్థశతకంతో మెరిశాడు. 25 బంతుల్లోనే 4 ఫోర్లు.. 4 సిక్సర్లతో అర్థశతకం మార్క్‌ను అందుకున్నాడు. కాగా 126 పరుగుల లక్ష్యంతో బరిలోకి దిగిన ఇంగ్లండ్‌ ఆడుతూ పాడుతూ చేధిస్తుంది. ప్రస్తుతం 10 ఓవర్లలో రెండు వికెట్ల నష్టానికి 98 పరుగులు చేసింది. సమయం: 22:00.. జేసన్‌ రాయ్‌(22)  రూపంలో ఇంగ్లండ్‌ 66 పరుగుల వద్ద తొలి వికెట్‌ కోల్పోయింది. సమయం: 21:55..  ఇంగ్లండ్‌ ఓపెనర్‌ జాస్‌ బట్లర్‌ ఇన్నింగ్స్‌ 6వ ఓవర్‌లో సిక్సర్ల వర్షం కురిపించడంతో విజయానికి మరింత దగ్గరైంది. 126 పరుగుల లక్ష్యంతో బరిలోకి దిగిన ఇంగ్లండ్‌ ప్రస్తుతం 6 ఓవర్లలో వికెట్‌ నష్టపోకుండా 66 పరుగులు చేసింది. రాయ్‌ 22 పరుగులతో అతనికి సహకరిస్తున్నాడు. సమయం: 21:41.. 126 పరుగుల లక్ష్యంతో బరిలోకి దిగిన ఇంగ్లండ్‌ 5 ఓవర్లలో వికెట్‌ నష్టపో​కుండా 45 పరుగులు చేసింది. రాయ్‌ 20, బట్లర్‌ 24 పరుగులతో ఆడుతున్నారు. ఆస్ట్రేలియా 125 ఆలౌట్‌.. ఇంగ్లండ్‌ టార్గెట్‌ 126 సమయం: 21:15.. టి20 ప్రపంచకప్‌లో ఇంగ్లండ్‌తో జరుగుతున్న మ్యాచ్‌లో ఆస్ట్రేలియా  నిర్ణీత 20 ఓవర్లలో 125 పరుగులకు ఆలౌటైంది. ఇంగ్లండ్‌ బౌలర్ల దాటికి ఆసీస్‌ బ్యాటర్స్‌ బెంబెలెత్తిపోయారు. వరుస విరామాల్లో వికెట్లు కోల్పోతూ పరుగులు చేయలేక నానా అవస్థలు పడింది. ఆరోన్‌ ఫించ్‌ 44 పరుగులతో టాప్‌ స్కోరర్‌గా నిలవగా.. మిగిలిన బ్యాటర్స్‌ దారుణంగా విఫలమయ్యారు. ఇంగ్లండ్‌ బౌలర్ల దాటికి ఐదుగురు బ్యాటర్స్‌ సింగిల్‌ డిజిట్‌కే పరిమితమయ్యారు. ఇంగ్లండ్‌ బౌలర్లలో క్రిస్‌ జోర్డాన్‌ 3, టైమల్‌ మిల్స్‌, క్రిస్‌ వోక్స్‌ చెరో రెండు వికెట్లు తీశారు. సమయం: 21:05.. ఇంగ్లండ్‌తో జరుగుతున్న మ్యాచ్‌లో ఆస్ట్రేలియా వరుస విరామాల్లో వికెట్లు కోల్పోతూ వస్తుంది. క్రిస్‌ జోర్డాన్‌ వేసిన ఇన్నింగ్స్‌ 19వ ఓవర్లో వరుస బంతుల్లో రెండు వికెట్లు కోల్పోయిన ఆసీస్‌.. అంతకముందు ఓవర్లో మరో వికెట్‌ కోల్పోయింది. ప్రస్తుతం 19 ఓవర్లు ముగిసేసరికి 8 వికెట్ల నష్టానికి 116 పరుగులు చేసింది. కష్టాల్లో ఆసీస్‌.. 51 పరుగులకే సగం వికెట్లు డౌన్‌ సమయం 20:21.. ఇంగ్లండ్‌ బౌలర్లు చెలరేగి బౌలింగ్‌ చేస్తుండటంతో ఆసీస్‌ జట్టు కష్టాల్లో కూరుకుపోయింది. 12 ఓవర్లలో కేవలం 51 పరుగులు మాత్రమే చేసి సగం వికెట్లు కోల్పోయింది. లివింగ్‌స్టోన్‌ వేసిన 11.4వ ఓవర్లో జేసన్‌ రాయ్‌ క్యాచ్‌ పట్టడంతో మాథ్యూ వేడ్‌(18 బంతుల్లో 18; 2 ఫోర్లు) పెవిలియన్‌ బాట పట్టాడు. క్రీజ్‌లో ఆరోన్‌ ఫించ్‌(22), ఆస్టన్‌ అగర్‌ ఉన్నారు. ఇంగ్లండ్‌ బౌలర్లలో క్రిస్‌ వోక్స్‌ 2 వికెట్లు పడగొట్టగా.. లివింగ్‌స్టోన్‌, క్రిస్‌ జోర్డాన్‌, ఆదిల్‌ రషీద్‌లకు తలో వికెట్‌ దక్కింది.  9 ఓవర్లలో ఆస్ట్రేలియా 4 వికెట్ల నష్టానికి 37 పరుగులు చేసింది. ఫించ్‌ 18, వేడ్‌ 9 పరుగులతో ఆడుతున్నారు. మ్యాక్స్‌వెల్‌(6) ఔట్‌.. మూడో వికెట్‌ కోల్పోయిన ఆస్ట్రేలియా సమయం: 19:51.. 15 పరుగుల వద్ద ఆస్ట్రేలియా మూడో వికెట్‌ కోల్పోయింది. వోక్స్‌ బౌలింగ్‌లో మ్యాక్స్‌వెల్‌(6) ఎల్బీగా వెనుదిరిగాడు. ప్రస్తుతం ఆసీస్‌ 4 ఓవర్లలో 3 వికెట్ల నష్టానికి 15 పరుగులు చేసింది. ఆరోన్‌ ఫించ్‌ 7, స్టోయినిస్‌ క్రీజులో ఉన్నారు. సమయం: 19:41.. ఇంగ్లండ్‌తో జరుగుతున్న మ్యాచ్‌లో ఆస్ట్రేలియా 8 పరుగులకే రెండు వికెట్లు కోల్పోయి కష్టాల్లో పడింది. తొలుత ఇన్నింగ్స్‌ రెండో ఓవర్‌ రెండో బంతికి వోక్స్‌ బౌలింగ్‌లో వార్నర్‌(1) బట్లర్‌కు క్యాచ్‌ ఇచ్చి వెనుదిరిగాడు. ఆ తర్వాత స్మిత్‌(1) జోర్డాన్‌ బౌలింగ్‌లో వెనుదిరిగాడు. ప్రస్తుతం 3 ఓవర్లలో 2 వికెట్ల నష్టానికి 9 పరుగులు చేసింది. దుబాయ్‌: టి20 ప్రపంచకప్‌లో సూపర్‌ 12 గ్రూఫ్‌ 1లో నేడు ఆస్ట్రేలియా, ఇంగ్లండ్‌ మధ్య ఆసక్తికర పోటీ జరగనుంది. టాస్‌ గెలిచిన ఇంగ్లండ్‌ ఫీల్డింగ్‌ ఎంచుకుంది. ఇరు జట్లు చెరో రెండు విజయాలతో మంచి ఫామ్‌లో ఉన్నాయి. కాగా ఈ మ్యాచ్‌లో ఎవరు గెలిస్తే వారు టాప్‌ ప్లేస్‌లో నిలుస్తారు. ఇక ఇరుజట్ల మధ్య టి20 ప్రపంచకప్‌లో రెండు మ్యాచ్‌లు జరగ్గా.. చెరో విజయాన్ని సాధించాయి. ఇందులో టి20 ప్రపంచకప్‌ 2010 ఫైనల్‌ ఉండడం విశేషం. ఆ మ్యాచ్‌లో ఇంగ్లండ్‌ విజేతగా నిలిచి టి20 చాంపియన్‌గా అవతరించింది. ఇక టి20ల్లో ఇరుజట్లు 19 సార్లు పోటీపడగా.. ఆస్ట్రేలియా 10సార్లు.. ఇంగ్లండ్‌ 8 సార్లు విజయాలు సాధించాయి. ఆస్ట్రేలియా: డేవిడ్ వార్నర్, ఆరోన్ ఫించ్ (కెప్టెన్‌), గ్లెన్ మాక్స్‌వెల్, స్టీవెన్ స్మిత్, మార్కస్ స్టోయినిస్, మాథ్యూ వేడ్ (వికెట్‌ కీపర్‌), పాట్ కమిన్స్, అష్టన్ అగర్, మిచెల్ స్టార్క్, ఆడమ్ జంపా, జోష్ హేజిల్‌వుడ్ ఇంగ్లండ్ : జాసన్ రాయ్, జోస్ బట్లర్(వికెట్‌ కీపర్‌), డేవిడ్ మలన్, జానీ బెయిర్‌స్టో, ఇయాన్ మోర్గాన్(కెప్టెన్‌), లియామ్ లివింగ్‌స్టోన్, మొయిన్ అలీ, క్రిస్ వోక్స్, క్రిస్ జోర్డాన్, ఆదిల్ రషీద్, టైమల్ మిల్స్

ఆస్ట్రేలియా జోరు పెంచింది... పొట్టి ప్రపంచకప్‌లో తన స్థాయికి తగిన ప్రదర్శనతో గ్రూప్‌–1లో వరుసగా రెండో విజయాన్ని సాధించింది. కంగారూ ఓపెనర్లు ఫించ్, వార్నర్‌ లక్ష్యఛేదనలో చెలరేగిపోగా, అంతకంటే ముందు ఆడమ్‌ జంపా తన స్పిన్‌తో లంకను కట్టేశాడు. దీంతో ఆసీస్‌ అలవోక విజయంతో సెమీస్‌ బాటలో పడింది.         T20 World Cup 2021: Australia Beat Sri Lanka By 7 Wickets: ఆస్ట్రేలియా ఇన్నేళ్లుగా తమకు అందని టి20 ప్రపంచకప్‌ కోసం గట్టిగానే ప్రయత్నిస్తోంది. తమ లక్ష్యాన్ని వరుస విజయాలతో ఘనంగా చాటి చెబుతోంది. దుబాయ్‌లో గురువారం జరిగిన గ్రూప్‌–1 లీగ్‌ మ్యాచ్‌లో ఆసీస్‌ 7 వికెట్ల తేడాతో శ్రీలంకపై అలవోక విజయం సాధించింది. మొదట బ్యాటింగ్‌కు దిగిన శ్రీలంక 20 ఓవర్లలో 6 వికెట్ల నష్టానికి 154 పరుగులు చేసింది. కుశాల్‌ పెరీరా (25 బంతుల్లో 35; 4 ఫోర్లు, 1 సిక్స్‌), చరిత్‌ అసలంక (27 బంతుల్లో 35; 4 ఫోర్లు, 1 సిక్స్‌) ధాటిగా ఆడారు. ఆస్ట్రేలియా స్పిన్నర్, ‘ప్లేయర్‌ ఆఫ్‌ ద మ్యాచ్‌’ ఆడమ్‌ జంపా (2/12) పొదుపైన బౌలింగ్‌తో ప్రత్యర్థిని కట్టడి చేశాడు. తర్వాత ఆసీస్‌ 17 ఓవర్లలోనే 3 వికెట్లే కోల్పోయి 155 పరుగుల లక్ష్యాన్ని ఛేదించింది. ఓపెనర్లు ఆరోన్‌ ఫించ్‌ (23 బంతుల్లో 37; 5 ఫోర్లు, 2 సిక్స్‌లు), వార్నర్‌ (42 బంతుల్లో 65; 10 ఫోర్లు) చెలరేగారు.  రాణించిన కుశాల్, అసలంక  టాస్‌ ఓడి మొదట బ్యాటింగ్‌కు దిగిన శ్రీలంక ఆరంభంలోనే ఓపెనర్‌ నిసంక (7) వికెట్‌ను కోల్పోయింది. తర్వాత వన్‌డౌన్‌లో వచి్చన అసలంకతో కలిసి ఓపెనర్‌ కుశాల్‌ పెరీరా ఇన్నింగ్స్‌ను నడిపించాడు. ఇద్దరు కూడా బౌండరీలతో ధాటిగా ఆడారు. దీంతో లంక 5.4 ఓవర్లో 50 పరుగులు చేసింది. అయితే పదో ఓవర్లో ఎట్టకేలకు జంపా... అసలంక ఆట కట్టించాడు. దీంతో 63 పరుగుల రెండో వికెట్‌ భాగస్వామ్యానికి తెరపడింది. తర్వాత స్వల్ప వ్యవధిలో స్టార్క్‌... పెరిరా, హసరంగ (4)లను పెవిలియన్‌ చేర్చగా, అవిష్క ఫెర్నాండో (4)ను జంపా బోల్తా కొట్టించాడు. రాజపక్స (26 బంతుల్లో 33 నాటౌట్‌; 4 ఫోర్లు, 1 సిక్స్‌) అడపాదడపా బౌండరీలు బాదడంతో లంక స్కోరు 150 దాటింది.   మెరిపించిన ఫించ్‌  ఆసీస్‌ లక్ష్యాన్ని వేగంగా ఛేదించే పనిలో పడింది. కెప్టెన్‌ ఫించ్‌ తొలి ఓవర్లో 2 బౌండరీలు బాదాడు. లహిరు కుమార వేసిన ఇన్నింగ్స్‌ నాలుగో ఓవర్లో ఫించ్, వార్నర్‌ ఎదురుదాడికి దిగారు. ఫించ్‌ ఫోర్, సిక్స్‌ కొట్టగా, వార్నర్‌ 2 ఫోర్లు బాదాడు. ఈ ఒక్క ఓవర్లోనే 20 పరుగులు వచ్చాయి. ఫించ్‌ క్రీజులో ఉన్నంతసేపూ ధనాధన్‌ కొనసాగించడంతో కంగారూ పది పైచిలుకు రన్‌రేట్‌తో దూసుకుపోయింది. 4.2 ఓవర్లోనే జట్టు స్కోరు 50 పరుగులకు చేరింది. చమీర వేసిన ఈ ఓవర్లో (5వ) వార్నర్‌ ఇచ్చిన సులువైన క్యాచ్‌ను కీపర్‌ కుశాల్‌ పెరీరా నేలపాలు చేశాడు.  వార్నర్‌ ఫిఫ్టీ  లైఫ్‌ దొరికిన తర్వాత వార్నర్‌ బాధ్యతగా ఆడాడు. బౌండరీలతో వేగం పెంచాడు. ఏడో ఓవర్లో ఫించ్‌ దూకుడుకు హసరంగ కళ్లెం వేశాడు. 70 పరుగుల తొలి వికెట్‌ భాగస్వామ్యాన్ని ముగించిన ఈ స్పిన్నర్‌ తన మరుసటి ఓవర్లో డాషింగ్‌ బ్యాట్స్‌మన్‌ మ్యాక్స్‌వెల్‌ (5)ను బోల్తా కొట్టించాడు. కానీ వార్నర్‌ క్రీజులో పాతుకుపోవడం, స్మిత్‌ నిలకడగా ఆడటంతో లంకకు పట్టు బిగించే అవకాశమే చిక్కలేదు. 11వ ఓవర్లో ఆస్ట్రేలియా వంద పరుగులను అధిగమించింది. తర్వాత ఓవర్లోనే వార్నర్‌ 31 బంతుల్లో (8 ఫోర్లు) అర్ధసెంచరీ కూడా పూర్తయ్యింది. ఈ ఓపెనర్‌ చూడచక్కని ఫోర్లతో ఆసీస్‌ లక్ష్యంవైపుగా దూసుకెళ్లింది. ఇదే ఉత్సాహంతో షనక బౌలింగ్‌లో భారీ సిక్సర్‌కు ప్రయతి్నంచిన వార్నర్‌ లాం గాఫ్‌లో రాజపక్సకు చిక్కా డు. 130 స్కోరు వద్ద నిష్క్రమించాడు. అప్పటికే ఆసీస్‌ లక్ష్యానికి చేరువైంది. 30 బంతుల్లో 25 పరుగుల లాంఛనాన్ని స్టీవ్‌ స్మిత్‌ (26 బంతుల్లో 28 నాటౌట్‌; 1 ఫోర్‌), స్టొయినిస్‌ (7 బంతు ల్లో 16 నాటౌట్‌; 2 ఫోర్లు, 1 సిక్స్‌) పూర్తి చేశారు.  స్కోరు వివరాలు  శ్రీలంక ఇన్నింగ్స్‌: నిసంక (సి) వార్నర్‌ (బి) కమిన్స్‌ 7; కుశాల్‌ పెరీరా (బి) స్టార్క్‌ 35; అసలంక (సి) స్మిత్‌ (బి) జంపా 35; అవిష్క ఫెర్నాండో (సి) స్మిత్‌ (బి) జంపా 4; రాజపక్స (నాటౌట్‌) 33; హసరంగ (సి) వేడ్‌ (బి) స్టార్క్‌ 4; షనక (సి) వేడ్‌ (బి) కమిన్స్‌ 12; కరుణరత్నే (నాటౌట్‌) 9; ఎక్స్‌ట్రాలు 15; మొత్తం (20 ఓవర్లలో 6 వికెట్లకు) 154.   వికెట్ల పతనం: 1–15, 2–78, 3–86, 4–90, 5–94, 6–134. బౌలింగ్‌: స్టార్క్‌ 4–0–27–2, హాజల్‌వుడ్‌ 4–0–26–0, కమిన్స్‌ 4–0–34–2, మ్యాక్స్‌వెల్‌ 1–0–16–0, స్టొయినిస్‌ 3–0–35–0, జంపా 4–0–12–2.    ఆస్ట్రేలియా ఇన్నింగ్స్‌: వార్నర్‌ (సి) రాజపక్స (బి) షనక 65; ఫించ్‌ (బి) హసరంగ 37; మ్యాక్స్‌వెల్‌ (సి) ఫెర్నాండో (బి) హసరంగ 5; స్మిత్‌ (నాటౌట్‌) 28; స్టొయినిస్‌ (నాటౌట్‌) 16; ఎక్స్‌ట్రాలు 4; మొత్తం (17 ఓవర్లలో 3 వికెట్లకు) 155. వికెట్ల పతనం: 1–70, 2–80, 3–130. బౌలింగ్‌: కరుణరత్నే 2–0–19–0, తీక్షణ 4–0–27–0, చమీర 3–0–33–0, లహిరు కుమార 3–0–48–0, హసరంగ 4–0–22–2, షనక 1–0–6–1.    చదవండి: David Warner: టి20 ప్రపంచకప్‌ చరిత్రలో ఆస్ట్రేలియా తరపున తొలి బ్యాటర్‌గా

వార్నర్‌ మెరుపులు.. శ్రీలంకపై ఆస్ట్రేలియా ఘన విజయం సమయం: 22:45.. డేవిడ్‌ వార్నర్‌(65;42 బంతులు) మెరుపులు మెరిపించడంతో శ్రీలంకపై 7 వికెట్ల తేడాతో ఆస్ట్రేలియా ఘన విజయాన్ని అందుకుంది. 155 పరుగుల లక్ష్యంతో బరిలోకి దిగిన ఆస్ట్రేలియా మరో 18 బంతులు మిగిలి ఉండగానే చేధించింది. పించ్‌, వార్నర్‌లు కలిసి తొలి వికెట్‌కు 70 పరుగులు జోడించి ఇన్నింగ్స్‌కు పునాది వేశారు. ఫించ్‌, మ్యాక్స్‌వెల్‌ ఔటైన తర్వాత వార్నర్‌ జోరు చూపగా.. స్మిత్‌ 28 పరగులు నాటౌట్‌ రాణించాడు. ఇక చివర్లో మార్కస్‌ స్టోయినిస్‌ 7 బంతుల్లో 16 పరుగులతో తనదైన స్టైల్లో మ్యాచ్‌ను ముగించాడు. దీంతో ఆస్ట్రేలియా సూపర్‌ 12 దశలో వరుసగా రెండో విజయాన్ని నమోదు చేసింది. లంక బౌలర్లలో వనిందు హసరంగా రెండు వికెట్లు తీశాడు. డేవిడ్‌ వార్నర్‌(65) ఔట్‌.. 16 ఓవర్లలో 140/3 సమయం: 22:36.. డేవిడ్‌ వార్నర్‌(65) రూపంలో ఆస్ట్రేలియా మూడో వికెట్‌ కోల్పోయింది. షనక బౌలింగ్‌లో రాజపక్సకు క్యాచ్‌ ఇచ్చి వార్నర్‌ వెనుదిరిగాడు. ప్రస్తుతం 16 ఓవర్లు ముగిసేసరికి 3 వికెట్ల నష్టానికి 140 పరుగులు చేసింది. ఆసీస్‌ విజయానికి ఇంకా 15 పరుగుల దూరంలో ఉంది. వార్నర్‌ హాఫ్‌ సెంచరీ.. 13 ఓవర్లలో ఆస్ట్రేలియా 112/2 సమయం: 22:20.. 13 ఓవర్లు ముగిసేసరికి ఆస్ట్రేలియా 2 వికెట్ల నష్టానికి 112 పరుగులు చేసింది. ఓపెనర్‌ డేవిడ్‌ వార్నర్‌ 30 బంతుల్లో 8 ఫోర్ల సాయంతో అర్థసెంచరీ మార్క్‌ను సాధించాడు. కాగా అంతకముందు 5 పరుగులు చేసిన మ్యాక్స్‌వెల్‌ హసరంగ బౌలింగ్‌లో ఫెర్నాండోకు క్యాచ్‌ ఇచ్చి వెనుదిరిగాడు. ఫించ్‌(37) ఔట్‌.. తొలి వికెట్‌ కోల్పోయిన ఆస్ట్రేలియా శ్రీలంకతో జరుగుతున్న మ్యాచ్‌లో ఆస్ట్రేలియా తొలి వికెట్‌ కోల్పోయింది. 37 పరుగులు చేసిన ఆరోన్‌ ఫించ్‌ వనిందు హసరంగ బౌలింగ్‌లో క్లీన్‌బౌల్డ్‌ అయ్యాడు. ప్రస్తుతం 8 ఓవర్లు ముగిసేసరికి వికెట్‌ నష్టానికి 76 పరుగులు చేసింది. వార్నర్‌ 36, మ్యాక్స్‌వెల్‌ 1 పరుగులతో ఆడుతున్నారు. దాటిగా ఆడుతున్న ఆసీస్‌ ఓపెనర్లు.. 5 ఓవర్లలో 56/0 సమయం: 21:48.. 155 పరుగుల లక్ష్యంతో బరిలోకి దిగిన ఆస్ట్రేలియా ఇన్నింగ్స్‌ను దాటిగా ఆరంభించింది. 5 ఓవర్లు ముగిసేసరికి వికెట్‌ నష్టపోకుండా 56 పరుగులు చేసింది. ఆరోన్‌ ఫించ్‌ 36 పరుగులతో, వార్నర్‌ 19 పరుగులతో క్రీజులో ఉన్నారు. శ్రీలంక 154/6.. ఆసీస్‌ టార్గెట్‌ 155 సమయం 21:13..  ఆస్ట్రేలియాతో జరుగుతున్న మ్యాచ్‌లో శ్రీలంక నిర్ణీత 20 ఓవర్లలో 6 వికెట్ల నష్టానికి 154 పరుగులు చేసింది. లంక బ్యాటింగ్‌లో కుషాల్‌ పెరీరా, చరిత్‌ అసలంక చెరో 35 పరుగులు చేయగా.. బానుక రాజపక్స 33 పరుగులతో ఆఖర్లో కీలక ఇన్నింగ్స్‌ ఆడడంతో లంక గౌరవప్రదమైన స్కోరు చేయగలిగింది. ఆసీస్‌ బౌలర్లలో మిచెల్‌ స్టార్క్‌, పాట్‌ కమిన్స్‌, ఆడమ్‌ జంపా తలా రెండు వికెట్లు తీశారు. సమయం: 21:02.. 18 ఓవర్లు ముగిసేసరికి శ్రీలంక 6 వికెట్ల నష్టానికి 135 పరుగులు చేసింది. 12 పరుగులు చేసిన దాసున్‌ షనక కమిన్స్‌ బౌలింగ్‌లో వేడ్‌కు క్యాచ్‌ ఇచ్చి వెనుదిరిగాడు. 94 పరుగులకే సగం వికెట్లు కోల్పోయిన శ్రీలంక.. లంక జట్టును మిచెల్‌ స్టార్క్‌ మరో దెబ్బ కొట్టాడు. 12.2వ ఓవర్లో హసరంగ(2 బంతుల్లో 4; ఫోర్‌)ను ఔట్‌ చేశాడు. దీంతో ఆ జట్టు 94 పరుగులకే సగం వికెట్లు కోల్పోయి కష్టాల్లో చిక్కుకుంది. వికెట్‌కీపర్‌ మాథ్యూ వేడ్‌ క్యాచ్‌ పటట్డంతో హసరంగ పెవిలియన్‌ బాట పట్టాడు. క్రీజ్‌లో రాజపక్స(2), షనక ఉన్నారు.  అవిష్క ఫెర్నాండో(4) ఔట్‌.. లంక నాలుగో వికెట్‌ డౌన్‌ 11వ ఓవర్‌లో మూడో వికెట్‌ను కోల్పోయి కష్టాల్లో చిక్కుకున్న లంక జట్టుకు ఆ మరుసటి ఓవర్‌లో ఆడమ్‌ జంపా మరో షాకిచ్చాడు. అవిష్క ఫెర్నాండో(7 బంతుల్లో 4)ను పెవిలియన్‌కు పంపి ఆ జట్టును మరింత కష్టాల్లోకి నెట్టాడు. 11.5 ఓవర్ల తర్వాత లంక స్కోర్‌ 90/4. క్రీజ్‌లో రాజపక్స(2), హసరంగ ఉన్నారు.  మూడో వికెట్‌ కోల్పోయిన శ్రీలంక.. కుశాల్‌ పెరీరా(35) ఔట్‌ ఇన్నింగ్స్‌ 11వ ఓవర్‌లో సిక్సర్‌ బాది జోరుమీదున్న కుశాల్‌ పెరీరా(25 బంతుల్లో 35; 4 ఫోర్లు, సిక్స్‌)ను మిచెల్‌ స్టార్క్‌ క్లీన్‌ బౌల్డ్‌ చేశాడు. దీంతో శ్రీలంక 86 పరుగుల వద్ద మూడో వికెట్‌ను కోల్పోయింది. క్రీజ్‌లో అవిష్క ఫెర్నాండో(2), భానుక రాజపక్స ఉన్నారు. రెండో వికెట్‌ కోల్పోయిన శ్రీలంక.. 10 ఓవర్లలో 79/2 సమయం: 20:17.. ఇన్‌ఫామ్‌ బ్యాటర్‌ చరిత్‌ అసలంక(35) రూపంలో శ్రీలంక రెండో వికెట్‌ కోల్పోయింది. ఆడమ్‌ జంపా బౌలింగ్‌ ఇన్నింగ్స్‌ 10వ ఓవర్‌ నాలుగో బంతికి స్మిత్‌కు క్యాచ్‌ ఇచ్చి ఔటయ్యాడు. ప్రస్తుతం 10 ఓవర్లు ముగిసేసరికి రెండు వికెట్ల నష్టానికి 79 పరుగులు చేసింది. పెరీరా 29, అవిష్క ఫెర్నాండో 1 పరుగుతో ఆడుతున్నారు.  సమయం: 19:58.. 6 ఓవర్లు ముగిసేసరికి శ్రీలంక వికెట్‌ నష్టానికి 53 పరుగులు చేసింది. చరిత అసలంక(26 పరుగులు) దాటిగా ఆడుతుండగా.. పెరీరా 11 పరుగులతో అతనికి సహకరిస్తున్నాడు. తొలి వికెట్‌ కోల్పోయిన లంక.. సమయం: 19:43.. ఓపెనర్‌ పథుమ్‌ నిస్సాంక(7) రూపంలో శ్రీలంక తొలి వికెట్‌ కోల్పోయింది. పాట్‌ కమిన్స్‌ బౌలింగ్‌లో వార్నర్‌కు క్యాచ్‌ ఇచ్చి నిస్సాంక పెవిలియన్‌ చేరాడు. ప్రస్తుతం శ్రీలంక 4 ఓవర్లలో వికెట్‌ నష్టానికి 41 పరుగులు చేసింది. అసలంక 20, కుషాల్‌ పెరీరా 7 పరుగులతో ఆడుతున్నారు. దుబాయ్‌: టి20 ప్రపంచకప్‌లో భాగంగా సూపర్‌ 12 గ్రూఫ్‌ 1లో నేడు ఆస్ట్రేలియా, శ్రీలంక మధ్య ఆసక్తికర మ్యాచ్‌ జరగనుంది. టాస్‌ గెలిచిన ఆస్ట్రేలియా ఫీల్డింగ్‌ ఎంచుకుంది. సూపర్‌ 12 దశలో ఇరుజట్లు తమ తొలి మ్యాచ్‌లో విజయం సాధించి మంచి ఆత్మవిశ్వాసంతో ఉన్నాయి. ఇక 2010 టి20 ప్రపంచకప్‌ తర్వాత ఆస్ట్రేలియ, శ్రీలంక తలపడడం మళ్లీ ఇదే. ఇక ముఖాముఖి పోరులో టి20ల్లో 16 సార్లు తలపడగా.. 8 సార్లు ఆసీస్‌.. 8 సార్లు లంక విజయాలు అందుకుంది. ఇక టి20 ప్రపంచకప్‌లో ఆస్ట్రేలియా, శ్రీలంక మధ్య మూడు మ్యాచ్‌లు జరగ్గా.. రెండుసార్లు ఆసీస్‌.. ఒకసారి లంక విజయం అందుకుంది.  శ్రీలంక: దాసున్ షనక(కెప్టెన్‌), కుశాల్ పెరీరా(వికెట్‌ కీపర్‌), పాతుమ్ నిస్సాంక, చరిత్ అసలంక, అవిష్క ఫెర్నాండో, వనిందు హసరంగా, భానుక రాజపక్సే, చమిక కరుణరత్నే, దుష్మంత చమీర, లహిరు కుమార, మహేశ్ తీక్షణ ఆస్ట్రేలియా : ఆరోన్ ఫించ్(కెప్టెన్‌), డేవిడ్ వార్నర్, మిచెల్ మార్ష్, స్టీవెన్ స్మిత్, గ్లెన్ మాక్స్‌వెల్, మార్కస్ స్టోయినిస్, మాథ్యూ వేడ్(వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హాజిల్‌వుడ్

T20 World Cup 2021 Aus Vs SA: టి20 ప్రపంచకప్‌ సూపర్‌–12 ఆరంభ పోరులో ఆస్ట్రేలియా అతికష్టమ్మీద గెలిచింది. లక్ష్యం చిన్నదే అయినా ఛేదనలో కిందా మీదా పడిన ఆసీస్‌... స్టొయినిస్‌ (16 బంతుల్లో 24 నాటౌట్‌; 3 ఫోర్లు), మాథ్యూ వేడ్‌ (10 బంతుల్లో 15 నాటౌట్‌; 2 ఫోర్లు) పట్టుదలగా ఆడటంతో దక్షిణాఫ్రికాపై ఐదు వికెట్ల తేడాతో గెలిచి ఈ మెగా ఈవెంట్‌లో శుభారంభం చేసింది. గ్రూప్‌–1లో భాగంగా శనివారం అబుదాబిలో జరిగిన ఈ మ్యాచ్‌లో తొలుత బ్యాటింగ్‌ చేసిన దక్షిణాఫ్రికా 20 ఓవర్లలో 9 వికెట్లకు 118 పరుగులు చేసింది. మార్క్‌రమ్‌ (36 బంతుల్లో 40; 3 ఫోర్లు, 1 సిక్స్‌) మినహా మిగిలిన బ్యాటర్స్‌ విఫలమయ్యారు. ‘ప్లేయర్‌ ఆఫ్‌ ద మ్యాచ్‌’ జోష్‌ హేజల్‌వుడ్, మిషెల్‌ స్టార్క్, ఆడమ్‌ జంపా తలా రెండు వికెట్లు తీశారు. ఛేజింగ్‌లో ఆ్రస్టేలియా 19.4 ఓవర్లలో 5 వికెట్లు నష్టపోయి 121 పరుగులు చేసి గెలిచింది. స్టీవ్‌ స్మిత్‌ (34 బంతుల్లో 35; 3 ఫోర్లు) రాణించాడు. నోర్జేకు రెండు వికెట్లు దక్కాయి.  రాణించిన బౌలర్లు  టాస్‌ ఓడి బ్యాటింగ్‌కు దిగిన దక్షిణాఫ్రికాను తక్కువ స్కోరుకే కట్టడి చేయడంలో ఆస్ట్రేలియా బౌలర్లు సఫలమయ్యారు. స్టార్క్‌ వేసిన తొలి ఓవర్లో రెండు వరుస ఫోర్లు కొట్టిన కెప్టెన్‌ బవూమ (7 బంతుల్లో 12; 2 ఫోర్లు) దూకుడు మీద కనిపించాడు. అయితే మరుసటి ఓవర్లోనే మ్యాక్స్‌వెల్‌ బౌలింగ్‌లో బౌల్డ్‌ అయ్యాడు. ఆ తర్వాత హేజల్‌వుడ్‌ తన వరుస ఓవర్లలో వాన్‌ డెర్‌ డసెన్‌ (3 బంతుల్లో 2), క్వింటన్‌ డికాక్‌ (12 బంతుల్లో 7; ఫోర్‌)లను అవుట్‌ చేశాడు. మరికాసేపటికే క్లాసెన్‌ (13 బంతుల్లో 13; 2 ఫోర్లు) కూడా పెవిలియన్‌కు చేరడంతో దక్షిణాఫ్రికా కష్టాల్లో పడింది. ఈ దశలో డేవిడ్‌ మిల్లర్‌ (18 బంతుల్లో 16)తో కలిసి మార్క్‌రమ్‌ జట్టును ఆదుకున్నాడు. వీరిద్దరూ ఐదో వికెట్‌కు 34 పరుగులు జోడించారు. 14వ ఓవర్‌లో బౌలింగ్‌కు వచ్చిన ఆడమ్‌ జంపా ఒకే ఓవర్‌లో మిల్లర్, ప్రిటోరియస్‌ (1)లను పెవిలియన్‌కు చేర్చాడు. ఆ తర్వాత మార్క్‌రమ్‌ కూడా అవుటవ్వడంతో దక్షిణాఫ్రికా 120 మార్కును కూడా అందుకోలేకపోయింది.   గెలిపించిన స్టొయినిస్‌  పిచ్‌ బౌలర్లకు సహకరిస్తుండటంతో ఆ్రస్టేలియా ఛేదన సాఫీగా సాగలేదు. ఆస్ట్రేలియా టాప్‌–3 బ్యాటర్స్‌ వార్నర్‌ (15 బంతుల్లో 14, 3 ఫోర్లు), కెపె్టన్‌ ఫించ్‌ (0), మిషెల్‌ మార్‌‡్ష (17 బంతుల్లో 11; 1 ఫోర్‌) విఫలమయ్యారు. స్మిత్, మ్యాక్స్‌వెల్‌ (21 బంతుల్లో 18; 1 ఫోర్‌) నిలబడటంతో కంగారూ జట్టు లక్ష్యం వైపు కదిలింది. అయితే మార్క్‌రమ్‌ సూపర్‌ క్యాచ్‌తో స్మిత్‌ను అవుట్‌ పెవిలియన్‌కు చేర్చాడు. కేశవ్‌ మహరాజ్‌ వేసిన 15వ ఓవర్‌ ఐదో బంతిని స్మిత్‌ మిడ్‌ వికెట్‌ దిశలో గాల్లోకి ఆడగా... లాంగాన్‌లో ఉన్న మార్క్‌రమ్‌ తన కుడివైపునకు పరుగెత్తుకుంటూ వెళ్లి అద్భుతమైన డైవ్‌తో క్యాచ్‌ అందుకున్నాడు. రెండు బంతుల అనంతరం షమ్సీ బౌలింగ్‌లో స్విచ్‌ హిట్‌కు ప్రయతి్నంచిన మ్యాక్స్‌వెల్‌ క్లీన్‌ బౌల్డ్‌ అయ్యాడు. దాంతో ఛేదనలో ఆసీస్‌ మరోసారి దారి తప్పింది. చివరి రెండు ఓవర్లలో ఆస్ట్రేలియా విజయ సమీకరణం 12 బంతుల్లో 18 పరుగులుగా మారింది. క్రీజులో ఉన్న స్టొయినిస్‌ 19వ ఓవర్‌లో ఒక ఫోర్‌... 20వ ఓవర్‌లో మరో రెండు ఫోర్లు బాది రెండు బంతులు మిగిలి ఉండగానే ఆసీస్‌ను గట్టెక్కించాడు. వేడ్‌తో కలిసి స్టొయినిస్‌ అజేయమైన ఆరో వికెట్‌కు 40 పరుగులు జోడించాడు.  స్కోర్లు దక్షిణాఫ్రికా ఇన్నింగ్స్‌: బవూమ (బి) మ్యాక్‌వెల్‌ 12; డికాక్‌ (బి) హేజల్‌వుడ్‌ 7; డసెన్‌ (సి) వేడ్‌ (బి) హేజల్‌వుడ్‌ 2; మార్క్‌రమ్‌ (సి) మ్యాక్స్‌వెల్‌ (బి) స్టార్క్‌ 40; క్లాసెన్‌ (సి) స్మిత్‌ (బి) కమిన్స్‌ 13; మిల్లర్‌ (ఎల్బీ) (బి) జంపా 16; ప్రిటోరియస్‌ (సి) వేడ్‌ (బి) జంపా 1; కేశవ్‌ మహరాజ్‌ (రనౌట్‌) 0; రబడ (నాటౌట్‌) 19; నోర్జే (సి) ఫించ్‌ (బి) స్టార్క్‌ 2; షమ్సీ (నాటౌట్‌) 0; ఎక్స్‌ట్రాలు 6; మొత్తం (20 ఓవర్లలో 9 వికెట్లకు) 118.  వికెట్ల పతనం: 1–13, 2–16, 3–23, 4–46, 5–80, 6–82, 7–83, 8–98, 9–115. బౌలింగ్‌: స్టార్క్‌ 4–0–32–2, మ్యాక్స్‌వెల్‌ 4–0–24–1, హేజల్‌వుడ్‌ 4–1–19–2, కమిన్స్‌ 4–0–17–1, జంపా 4–0–21–2.   ఆస్ట్రేలియా ఇన్నింగ్స్‌: ఫించ్‌ (సి) రబడ (బి) నోర్జే 0; వార్నర్‌ (సి) క్లాసెన్‌ (బి) రబడ 14; మార్‌‡్ష (సి) డసెన్‌ (బి) కేశవ్‌ మహరాజ్‌ 11; స్మిత్‌ (సి) మార్క్‌రమ్‌ (బి) నోర్జే 35; మ్యాక్స్‌వెల్‌ (బి) షమ్సీ 18; స్టొయినిస్‌ (నాటౌట్‌) 24; వేడ్‌ (నాటౌట్‌) 15; ఎక్స్‌ట్రాలు 4; మొత్తం (19.4 ఓవర్లలో 5 వికెట్లకు) 121.  వికెట్ల పతనం: 1–4, 2–20, 3–38, 4–80, 5–81. బౌలింగ్‌: రబడ 4–0–28–1, నోర్జే 4–0–21–2, కేశవ్‌ మహరాజ్‌ 4–0–23–1, షమ్సీ 4–0–22–1, ప్రిటోరియస్‌ 3.4–0–26–0.    చదవండి: T20 World Cup Ind Vs Pak: అతడిని ఒక బ్యాట్స్‌మన్‌గా కూడా ఆడించగలం: విరాట్‌ కోహ్లి

దక్షిణాఫ్రికాపై 5 వికెట్ల తేడాతో విజయం..భోణి కొట్టిన ఆస్ట్రేలియా టి20 ప్రపంచకప్‌ 2021లో దక్షిణాఫ్రికాపై ఆస్ట్రేలియా 5 వికెట్ల తేడాతో విజయం అందుకొని భోణి కొట్టింది. 119 పరుగుల లక్ష్యంతో బరిలోకి దిగిన ఆసీస్‌ 19.4 ఓవర్లలో 5 వికెట్లు కోల్పోయి చేధించింది. ఆఖరి ఓవర్‌లో 8 పరుగులు అవసరమైన దశలో మార్కస్‌ స్టోయినిస్‌(24 నాటౌట్‌), మాథ్యూ వేడ్‌(15 నాటౌట్‌) ఆసీస్‌ను గెలిపించారు. అంతకముందు స్టీవ్‌ స్మిత్‌ 35 పరుగులు పరుగులతో రాణించాడు. దక్షిణాఫ్రికా బౌలర్లలో నోర్ట్జే 2, షంసీ, కగిసో రబడ, కేశవ్‌ మహరాజ్‌ తలా ఒక వికెట్‌ తీశారు. మ్యాక్స్‌వెల్‌ ఔట్‌.. ఐదో వికెట్‌ కోల్పోయిన ఆస్ట్రేలియా ఆసీస్‌ వెనువెంటనే రెండు వికెట్లు కోల్పోయింది. ఫామ్‌లో ఉన్న మ్యాక్స్‌వెల్‌ షమ్సీ బౌలింగ్‌లో క్లీన్‌బౌల్డ్‌ అయ్యాడు. ప్రస్తుతం ఆసీస్‌ 5 వికెట్ల నష్టానికి 81 పరుగులు చేసింది. ఆసీస్‌ విజయానికి ఇంకా 38 పరుగులు కావాలి. అంతకముందు ఎయిడెన్‌ మక్రమ్‌ సూపర్‌ క్యాచ్‌కు స్టీవ్‌ స్మిత్‌(35)వెనుదిరిగాడు. దీంతో ఆస్ట్రేలియా 80 పరుగుల వద్ద నాలుగో వికెట్‌ కోల్పోయింది.  మూడో వికెట్‌ కోల్పోయిన ఆస్ట్రేలియా.. మిచెల్‌ మార్ష్‌(11) ఔట్‌ 119 పరుగుల లక్ష్యంతో బరిలోకి దిగిన ఆస్ట్రేలియా వరుస విరామాల్లో వికెట్లు కోల్పోతుంది. 11 పరుగులు చేసిన మిచెల్‌ మార్ష్‌ కేశవ్‌ మహరాజ్‌ బౌలింగ్‌లో వాండర్‌ డుసెన్‌కు క్యాచ్‌ ఇచ్చి వెనుదిరిగాడు. ప్రస్తుతం ఆస్ట్రేలియా 13 ఓవర్లలో 3 వికెట్ల నష్టానికి 67 పరుగులు చేసింది. స్మిత్‌ 30, మ్యాక్స్‌వెల్‌ 10 పరుగులతో క్రీజులో ఉన్నారు. అంతకముందు డేవిడ్‌ వార్నర్‌ రబడ బౌలింగ్‌లో వెనుదిరిగాడు. ఆరోన్‌ ఫించ్‌ డకౌట్‌ 119 పరుగుల లక్ష్యంతో బరిలోకి దిగిన ఆస్ట్రేలియా 4 పరుగుల వద్ద తొలి వికెట్‌ కోల్పోయింది. కెప్టెన్‌ ఆరోన్‌ ఫించ్‌ డకౌట్‌గా వెనుదిరిగాడు. ప్రస్తుతం ఆస్ట్రేలియా 2 ఓవర్లలో వికెట్‌ నష్టానికి 4 పరుగులు చేసింది. దక్షిణాఫ్రికా 118/9.. ఆసీస్‌ టార్గెట్‌ 119 ఆస్ట్రేలియాతో జరుగుతున్న మ్యాచ్‌లో దక్షిణాఫ్రికా నిర్ణీత 20 ఓవర్లలో 9 వికెట్ల నష్టానికి 118 పరుగులు మాత్రమే చేసింది. ఆసీస్‌ బౌలర్ల దాటికి మక్రమ్‌(40) మినహా ఒక్కరు కూడా చెప్పుకోదగ్గ ప్రదర్శన కనబరచలేదు. దక్షిణాఫ్రికా బ్యాటింగ్‌లో ఐదుగురు బ్యాటర్స్‌ సింగిల్‌ డిజిట్‌కే పరిమితమయ్యారు. ఆసీస్‌ బౌలర్లలో హాజిల్‌వుడ్‌, ఆడమ్‌ జంపా, మిచెల్‌ స్టార్క్‌ తలా రెండు వికెట్లు తీయగా.. మ్యాక్స్‌వెల్‌, కమిన్స్‌ చెరో వికెట్‌ తీశారు. ఎనిమిదో వికెట్‌ డౌన్‌.. దక్షిణాఫ్రికా 98/8 మక్రమ్‌(40) భారీ షాట్‌కు యత్నించి మిచెల్‌ స్టార్క్‌ బౌలింగ్‌లో మ్యాక్స్‌వెల్‌కు క్యాచ్‌ ఇచ్చి వెనుదిరిగాడు. దీంతో 98 పరుగుల వద్ద 8వ వికెట్‌ కోల్పోయింది.  దక్షిణాఫ్రికా దారుణ ఆటతీరు కనబరుస్తుంది. ఆసీస్‌ బౌలర్ల కట్టుదిట్టమైన బౌలింగ్‌కు పరుగులు చేయడంలో నానా కష్టాలు పడుతున్న దక్షిణాఫ్రికా వరుసగా వికెట్లు కోల్పోతూ వస్తుంది. తాజాగా కేశవ్‌ మహరాజ్‌(0) కమిన్స్‌ బౌలింగ్‌లో రనౌట్‌గా వెనుదిరిగాడు. దీంతో దక్షిణాఫ్రికా 83 పరుగులకే ఏడు వికెట్లు కోల్పోయి కష్టాల్లో పడింది. ఆసీస్‌ బౌలర్ల ప్రతాపం.. ఆరో వికెట్‌ కోల్పోయిన దక్షిణాఫ్రికా ఆసీస్‌ బౌలర్లు తమ ప్రతాపం చూపిస్తుండడంతో దక్షిణాఫ్రికా వరుస విరామాల్లో వికెట్లు కోల్పోతూ వస్తుంది. తాజాగా 1 పరుగు చేసిన ప్రిటోరియస్‌ ఆడమ్‌ జంపా బౌలింగ్‌లో క్యాచ్‌ అవుట్‌గా వెనుదిరిగాడు. అంతకముందు 16 పరుగులు చేసిన డేవిడ్‌ మిల్లర్‌ ఆడమ్‌ జంపా బౌలింగ్‌లోనే ఎల్బీగా వెనుదిరిగాడు.  ప్రస్తుతం 14 ఓవర్లలో 6 వికెట్ల నష్టానికి 82 పరుగులు చేసింది.  13 ఓవర్లలో దక్షిణాఫ్రికా 78/4 13 ఓవర్లు ముగిసేసరికి 4 వికెట్ల నష్టానికి 77 పరుగులు చేసింది. మక్రమ్‌ 28, డేవిడ్‌ మిల్లర్‌ 14 పరుగులతో ఆడుతున్నారు.  10 ఓవర్లలో దక్షిణాఫ్రికా 59/4 10 ఓవర్లు ముగిసేసరికి దక్షిణాఫ్రికా 4 వికెట్ల నష్టానికి 59 పరుగులు చేసింది. డేవిడ్‌ మిల్లర్‌ 5, ఎయిడెన్‌ మక్రమ్‌ 19 పరుగులతో ఆడుతున్నారు. అంతకముందు 13 పరుగులు చేసిన క్లాసెన్‌ కమిన్స్‌ బౌలింగ్‌లో స్మిత్‌కు క్యాచ్‌ ఇచ్చి వెనుదిరిగాడు.  డికాక్‌ ఔట్‌.. మూడో వికెట్‌ కోల్పోయిన దక్షిణాఫ్రికా దక్షిణాఫ్రికా వరుస విరామాల్లో వికెట్లు కోల్పోతూ వస్తుంది. తాజాగా డికాక్‌(7) దురదృష్టవశాత్తూ బౌల్డ్‌గా వెనుదిరిగాల్సి వచ్చింది. ప్రస్తుతం 5 ఓవర్లలో దక్షిణాఫ్రికా 3 వికెట్ల నష్టానికి 23 పరుగులు చేసింది.  ఆస్ట్రేలియాతో జరుగుతున్న మ్యాచ్‌లో దక్షిణాఫ్రికా రెండో వికెట్‌ కోల్పోయింది. హాజిల్‌వుడ్‌ బౌలింగ్‌లో వాండర్‌ డుసెన్‌(2) వేడ్‌కు క్యాచ్‌ ఇచ్చి వెనుదిరిగాడు. అంతకముందు పార్ట్‌టైమ్‌ బౌలర్‌ మ్యాక్స్‌వెల్‌ బౌలింగ్‌లో కెప్టెన్‌ బవుమా(12) క్లీన్‌బౌల్డ్‌గా వెనుదిరిగాడు. ప్రస్తుతం 3 ఓవర్లలో రెండు వికెట్ల నష్టానికి 17 పరుగులు చేసింది. డికాక్‌ 2,  మక్రమ్‌ 1 పరుగుతో ఆడుతున్నారు. అబుదాబి: టి20 ప్రపంచకప్‌ 2021లో భాగంగా నేటి నుంచి సూపర్‌ 12 దశ మ్యాచ్‌లు ప్రారంభం కానున్నాయి. తొలి మ్యాచ్‌లో భాగంగా ఆస్ట్రేలియా, దక్షిణాఫ్రికాలు తలపడుతున్నాయి. టాస్‌ గెలిచిన ఆస్ట్రేలియా బ్యాటింగ్‌ ఎంచుకుంది. సుదీర్ఘ కాలంపాటు క్రికెట్‌ను శాసించినా టి20 ప్రపంచకప్‌ మాత్రం ఆస్ట్రేలియా జట్టుకు అందని ద్రాక్షే అయింది. ఆరు టోర్నీలను చూస్తే 2010లో ఫైనల్‌ చేరడం మినహా చెప్పుకోదగ్గ ప్రదర్శన ఏదీ లేదు. ప్రస్తుత టీమ్‌లో ఓపెనర్లు వార్నర్, ఫించ్‌ పేలవ ఫామ్‌లో ఉండటం కలవరపెడుతుండగా... మిడిలార్డర్‌లో మ్యాక్స్‌వెల్, స్మిత్, స్టొయినిస్‌లను జట్టు నమ్ముకుంది. మరోవైపు స్టార్లతో నిండి ఉన్నప్పుడు కూడా దక్షిణాఫ్రికా ఒక్కసారి కూడా ప్రపంచకప్‌లో ఫైనల్‌ చేరలేదు. ఇప్పుడు పెద్దగా అనుభవంలేని ఆటగాళ్లు ఎక్కువ మందితో కూడిన టీమ్‌ ఎలాంటి ఒత్తిడి లేకుండా ప్రశాంతంగా ఆడే అవకాశం ఉండటం సానుకూలాంశం.  ఇక ముఖాముఖి పోరులో ఆస్ట్రేలియా, దక్షిణాఫ్రికా మధ్య 21 టి20 మ్యాచ్‌లు జరగ్గా.. అందులో 13 ఆస్ట్రేలియా.. 8 దక్షిణాఫ్రికా గెలిచింది. ఇక టి20 ప్రపంచకప్‌లలో ఆస్ట్రేలియా 29 మ్యాచ్‌ల్లో 16 విజయాలు.. 13 ఓటములు చవిచూసింది. ఇక దక్షిణాఫ్రికా టి20 ప్రపంచకప్‌లలో 30 మ్యాచ్‌ల్లో 18 గెలిచి.. 12 ఓడింది. దక్షిణాఫ్రికా: క్వింటన్ డి కాక్ (వికెట్‌ కీపర్‌), టెంబా బావుమా (కెప్టెన్‌), ఐడెన్ మార్క్రామ్, రాసీ వాన్ డెర్ డుసెన్, డేవిడ్ మిల్లర్, హెన్రిచ్ క్లాసెన్, డ్వైన్ ప్రిటోరియస్, కేశవ్ మహారాజ్, కాగిసో రబాడా, అన్రిచ్ నార్ట్జే, తబ్రేజ్ షమ్సీ ఆస్ట్రేలియా : ఆరోన్ ఫించ్ (కెప్టెన్‌), డేవిడ్ వార్నర్, మిచెల్ మార్ష్, గ్లెన్ మాక్స్‌వెల్, స్టీవెన్ స్మిత్, మార్కస్ స్టోయినిస్, మాథ్యూ వేడ్ (వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హేజిల్‌వుడ్

T20 World Cup 2021: ధనాధన్‌ పోరులో రెండో అంకానికి రంగం సిద్ధం. 16 జట్ల సమరం 12 జట్లకు మారింది. వినోదం మాత్రం అంతకంటే రెట్టింపు కానుంది. టాప్‌ టీమ్‌ల మధ్య హోరాహోరీకి నేటితో తెర లేవనుండగా, మెగా టోర్నీని గెలుచుకునే లక్ష్యం దిశగా తొలి మ్యాచ్‌ నుంచే సత్తా చాటాలని జట్లు పట్టుదలగా ఉన్నాయి. ఒక్కసారి కూడా పొట్టి ప్రపంచ కప్‌ను ముద్దాడని రెండు అగ్రశ్రేణి జట్లు ఈ సారైనా కల నెరవేర్చుకునేందుకు శుభారంభంపై దృష్టి పెట్టాయి. ఇక చిరకాల ప్రత్యర్థి పాకిస్తాన్‌తో తేల్చుకునేందుకు పదునైన అస్త్రాలతో భారత్‌ రేపు రంగంలోకి దిగనుంది. నవంబర్‌ 14న జరిగే ఫైనల్‌ వరకు మెరుపు ప్రదర్శనలు, విధ్వంసకర బ్యాటింగ్‌ విన్యాసాలతో ఈ 23 రోజులు క్రికెట్‌ అభిమానులకు పెద్ద పండగే!    అబుదాబి: సరిగ్గా ఏడాది క్రితం ఆస్ట్రేలియా గడ్డపై ఏడో టి20 ప్రపంచకప్‌ జరగాల్సింది. కానీ కరోనా కారణంగా మా వల్ల కాదంటూ ఆ్రస్టేలియా చేతులెత్తేసింది... అక్కడ ఏం జరిగినా మేం మాత్రం షెడ్యూల్‌ ప్రకారం 2021లో మా దేశంలోనే నిర్వహిస్తామని బీసీసీఐ ఘనంగా ప్రకటించింది. కానీ 2021 ఏప్రిల్‌కు వచ్చేసరికి పరిస్థితి ఒక్కసారిగా మారిపోయింది. కోవిడ్‌ ఉధృత దశకు చేరుతున్న వేళ క్రికెట్‌ గురించి మాట్లాడే స్థితి లేకపోయింది. పైగా ఐపీఎల్‌కు కరోనా కాటు తగలడంతో రాబోయే ప్రమాదాన్ని ఊహించిన భారత బోర్డు మన దేశంలో మ్యాచ్‌లు నిర్వహించడం అసాధ్యమని తేల్చేసింది. చివరకు ఆతిథ్యం మనదే కానీ ఆట మాత్రం విదేశాల్లో జరిపేందుకు రంగం సిద్ధమైంది. ఎట్టకేలకు అభిమానులు ఆసక్తిగా ఎదురు చూస్తున్న సమయం రానే వచ్చింది. టి20 తొలి దశ పోటీలు శుక్రవారంతో ముగియగా, ముందంజ వేసే జట్లేవో ఖరారైపోయింది. ఇప్పుడు ఈ ‘సూపర్‌–12’ నుంచి ఎవరు విశ్వవిజేతగా నిలుస్తారనేది ఆసక్తికరం.   ఆసీస్‌ ఏం చేస్తుందో!  సుదీర్ఘ కాలంపాటు క్రికెట్‌ను శాసించినా టి20 ప్రపంచకప్‌ మాత్రం ఆస్ట్రేలియా జట్టుకు అందని ద్రాక్షే అయింది. ఆరు టోర్నీలను చూస్తే 2010లో ఫైనల్‌ చేరడం మినహా చెప్పుకోదగ్గ ప్రదర్శన ఏదీ లేదు. ప్రస్తుత టీమ్‌లో ఓపెనర్లు వార్నర్, ఫించ్‌ పేలవ ఫామ్‌లో ఉండటం కలవరపెడుతుండగా... మిడిలార్డర్‌లో మ్యాక్స్‌వెల్, స్మిత్, స్టొయినిస్‌లను జట్టు నమ్ముకుంది. ఆ జట్టు పేస్‌ దళం మెరుగ్గానే ఉన్నా... స్పిన్‌కు అనుకూలించే యూఏఈ పిచ్‌లపై జంపా, అగర్‌ స్థాయి బౌలర్లు ఏమాత్రం ప్రభావం చూపించగలరనేది సందేహమే. మరోవైపు స్టార్లతో నిండి ఉన్నప్పుడు కూడా దక్షిణాఫ్రికా ఒక్కసారి కూడా ప్రపంచకప్‌లో ఫైనల్‌ చేరలేదు. ఇప్పుడు పెద్దగా అనుభవంలేని ఆటగాళ్లు ఎక్కువ మందితో కూడిన టీమ్‌ ఎలాంటి ఒత్తిడి లేకుండా ప్రశాంతంగా ఆడే అవకాశం ఉండటం సానుకూలాంశం.    చదవండి: T20 WC 2021: చరిత్ర సృష్టించిన నమీబియా; ఆటగాళ్ల సంబరం మాములుగా లేదు

Aaron Finch Comments On David Warner: ఐసీసీ టీ20 వరల్డ్‌కప్‌ టోర్నీలో డేవిడ్‌ వార్నర్‌ ఓపెనర్‌గా మైదానంలో దిగుతాడని ఆస్ట్రేలియా పరిమిత ఓవర్ల కెప్టెన్‌ ఆరోన్‌ ఫించ్‌ స్పష్టం చేశాడు. తమ జట్టులోని అత్యుత్తమ ఆటగాళ్లలో వార్నర్‌ ఒకడని ప్రశంసలు కురిపించాడు. అతడు కచ్చితంగా మెగా ఈవెంట్‌కు పూర్తి స్థాయిలో సన్నద్ధమవుతున్నాడని భావిస్తున్నట్లు పేర్కొన్నాడు. కాగా ఇండియన్‌ ప్రీమియర్‌ లీగ్‌లో సన్‌రైజర్స్‌ హైదరాబాద్‌కు ప్రాతినిథ్యం వహిస్తున్న డేవిడ్‌ వార్నర్‌కు ఈ సీజన్‌ అస్సలు కలిసి రాలేదన్న సంగతి తెలిసిందే. కోవిడ్‌ కారణంగా ఐపీఎల్‌-2021 వాయిదా పడేనాటికే కెప్టెన్సీ సహా తుది జట్టులో చోటు కోల్పోయిన అతడు.. రెండో అంచెలో రెండు మ్యాచ్‌లు ఆడే అవకాశం వచ్చినా సద్వినియోగం(0, 2 పరుగులు) చేసుకోలేకపోయాడు. దీంతో మరోసారి వార్నర్‌ను పక్కనపెట్టేశారు. ఇక ఐపీఎల్‌ ముగిసిన రెండు రోజుల వ్యవధిలో.. టీ20 ప్రపంచకప్‌(అక్టోబరు 17) మొదలుకానున్న నేపథ్యంలో ఆసీస్‌ కెప్టెన్‌ ఆరోన్‌ ఫించ్‌.. వార్నర్‌ ఫామ్‌ గురించిన ఆందోళనల నేపథ్యంలో కీలక వ్యాఖ్యలు చేశాడు. పత్రికా సమావేశంలో విలేకరుల ప్రశ్నలకు బదులిస్తూ... టీ20 వరల్డ్‌కప్‌ టోర్నీలో వార్నరే ఆసీస్‌ ఇన్నింగ్స్‌ మొదలుపెడతాడని పేర్కొన్నాడు. ‘‘ఆస్ట్రేలియాకు ప్రాతినిథ్యం వహిస్తున్న అత్యుత్తమ ఆటగాళ్లలో తనూ ఒకడు. మెగా ఈవెంట్‌కు తన సన్నాహకాల గురించి నాకు ఎటువంటి సందేహం లేదు. హైదరాబాద్‌కు ఆడటాన్ని తను ప్రేమిస్తాడు. కాబట్టి.. తను ప్రాక్టీసు చేస్తూనే ఉంటాడు. కచ్చితంగా ఐసీసీ టోర్నీలో రాణిస్తాడనే నమ్మకం ఉంది’’ అని ఫించ్‌ సహచర ఆటగాడికి మద్దతుగా నిలిచాడు.  ఇక గతేడాది సెప్టెంబరులో జరిగిన టీ20 మ్యాచ్‌లో చివరిసారిగా ఆసీస్‌ తరఫున మైదానంలో దిగిన వార్నర్‌.. టీ20 ప్రపంచకప్‌లో జట్టులో చోటు దక్కించుకున్నాడు. ఇదిలా ఉండగా.. మోకాలి నొప్పి కారణంగా... బంగ్లాదేశ్‌తో జరిగిన టీ20 సిరీస్‌కు దూరమైన ఫించ్‌.. తాను కోలుకుంటున్నట్లు తెలిపాడు. ఐసీసీ టోర్నీకి ముందు పూర్తిస్థాయిలో ఫిట్‌నెస్‌ సాధిస్తాననే నమ్మకం ఉందని.. సానుకూల దృక్పథంతో ముందుకు సాగుతున్నట్లు పేర్కొన్నాడు. టీ20 వరల్డ్‌కప్‌కి ఆస్ట్రేలియా జట్టు: ఆరోన్ ఫించ్, డేవిడ్ వార్నర్, స్టీవ్ స్మిత్, గ్లెన్ మ్యాక్స్‌వెల్, మార్కస్ స్టోయినిస్, జోష్ హజల్‌వుడ్, మిచెల్ స్టార్క్, మాథ్యూ వేడ్, ఆస్టన్ అగర్, జోష్ ఇంగ్లీష్, కేన్‌ రిచర్డ్‌సన్, పాట్ కమిన్స్, మిచెల్ మార్ష్, స్వీప్సన్, ఆడమ్ జంపా రిజర్వు ప్లేయర్లు: డానియల్ క్రిస్టియన్, నాథన్ ఎల్లిస్, డానియల్ సామ్స్. చదవండి: T20 World Cup 2021: భారత జట్టులో మార్పులు చేయనవసరం లేదు..

Aaron Finch announces arrival of a baby girl: ఆస్ట్రేలియా పరిమిత ఓవర్ల క్రికెట్‌ కెప్టెన్‌ ఆరోన్‌ ఫించ్‌ తండ్రయ్యాడు. అతడి భార్య అమీ ఫించ్‌ పండంటి ఆడబిడ్డకు జన్మనిచ్చారు. పాపాయికి ఎస్తేర్‌ కేట్‌ ఫించ్‌గా నామకరణం చేశారు. సోషల్‌ మీడియా వేదికగా ఈ శుభవార్తను పంచుకున్న ఆరోన్‌ ఫించ్‌.. తల్లీబిడ్డ క్షేమంగా ఉన్నట్లు వెల్లడించాడు. ‘‘ఎస్తేర్‌ కేట్‌ ఫించ్‌.. ఈ అందమైన ప్రపంచంలోకి నీకు స్వాగతం. మా చిన్నారి రాకుమారి నిన్న సాయంత్రం 4 గంటల 58 నిమిషాల సమయంలో జన్మించింది. తను 3.54 కిలోల బరువు ఉంది. అమీ, బేబీ ఇద్దరూ ఆరోగ్యంగా ఉన్నారు’’ అని భార్యాబిడ్డలతో దిగిన ఫొటోలను ఆరోన్‌ ఫించ్‌ ఇన్‌స్టాలో షేర్‌ చేశాడు. చదవండి: హింట్‌ ఇచ్చావుగా కోహ్లి; ఈసారి వసీం, మైకేల్‌ ఒకేమాట! ఇక కెరీర్‌ విషయానికొస్తే.. గాయాలతో సతమవుతున్న ఆరోన్‌ ఫించ్‌ ప్రస్తుతం గడ్డు పరిస్థితులను ఎదుర్కొంటున్నాడు. ఇటీవల వెస్టిండీస్‌లో మోకాలి గాయం కారణంగా వన్డే సిరీస్‌ మిస్సయ్యాడు. బంగ్లాదేశ్‌తో జరిగిన సిరీస్‌లోనూ ఆడలేకపోయాడు. మోకాలికి చికిత్స చేయించుకుంటున్న అతడు.. అంతా సవ్యంగా సాగితే అక్టోబరులో ఆరంభం కానున్న టీ20 వరల్డ్‌కప్‌నకు అందుబాటులో ఉండే అవకాశం ఉంది. View this post on Instagram A post shared by Aaron Finch (@aaronfinch5)

సిడ్నీ: టీ20 ప్రపంచకప్‌ 2021కు సమయం దగ్గర పడుతుండడంతో టోర్నీలో పాల్గొననున్న దేశాలు తమ జట్లను ప్రకటిస్తున్నాయి. సెప్టెంబర్‌ 10లోగా అన్ని దేశాలు తమ జట్లను ప్రకటంచాల్సిందిగా ఐసీసీ సూచించింది. తాజాగా గురువారం ఆస్ట్రేలియా జట్టు టీ20 ప్రపంచకప్‌ జట్టును ప్రకటించింది. 15 మందితో కూడిన ప్రాబబుల్స్‌కు  ఆరోన్‌ పించ్‌ సారధ్యం వహించనున్నాడు. ఇక ఇటీవలే బంగ్లాదేశ్‌, వెస్టిండీస్‌లతో జరిగిన టీ20 సిరీస్‌లకు దూరంగా ఉన్న సీనియర్‌ ఆటగాళ్లు స్టీవ్‌ స్మిత్‌, డేవిడ్‌ వార్నర్‌, గ్లెన్‌ మ్యాక్స్‌వెల్‌, పాట్‌ కమిన్స్‌ తిరిగి జట్టులోకి వచ్చారు. స్టార్ బౌలర్ పాట్ కమ్మిన్స్‌  జట్టుకు వైస్ కెప్టెన్‌గా వ్యవహరించనున్నాడు. ఇక బిగ్‌బాష్ లీగ్‌లో ఆకట్టుకునే ప్రదర్శన చేసిన జోష్ ఇంగ్లీష్‌కి తొలిసారి ఆసీస్‌ జట్టు నుంచి పిలుపు వచ్చింది. ఆస్ట్రేలియా టీ20 వరల్డ్‌కప్‌ జట్టులో చోటు దక్కించుకున్న అరంగేట్ర క్రికెటర్‌గా జోష్‌ ఇంగ్లీష్‌ నిలవనున్నాడు. డానియల్ క్రిస్టియన్, నాథన్ ఎల్లిస్, డానియల్ సామ్స్‌ రిజర్వ్‌ ఆటగాళ్లుగా ఉండనున్నారు. ఇక సూపర్‌ 12లో గ్రూప్-1లో వెస్టిండీస్, ఇంగ్లాండ్, ఆస్ట్రేలియా, దక్షిణాఫ్రికా ఉండగా.. గ్రూప్-2లో భారత్, పాకిస్థాన్, న్యూజిలాండ్, అఫ్గానిస్థాన్ ఉన్నాయి. ఆస్ట్రేలియా తన మొదటి మ్యాచ్‌ని అక్టోబరు 23న దక్షిణాఫ్రికాతో ఆడనుంది. ఆ తర్వాత 30న ఇంగ్లాండ్, నవంబరు 6న వెస్టిండీస్‌తో తలపడనుంది. వీటితో పాటు క్వాలిఫయర్స్ నుంచి సూపర్-12లోకి రానున్న రెండు జట్లతో ఒక్కో మ్యాచ్‌ని ఆస్ట్రేలియా ఆడనుంది.  ఇక వ్యక్తిగత కారణాలతో స్టీవ్‌ స్మిత్‌ టీ20 ప్రపంచకప్‌కు దూరంగా ఉండాలని భావించాడు. అయితే ఇటీవల బంగ్లాదేశ్‌తో ముగిసిన టీ20 సిరీస్‌లో 1-4 తేడాతో దారుణ పరాజయం చవిచూసింది. దీన్ని సీరియస్‌గా తీసుకున్న క్రికెట్‌ ఆస్ట్రేలియా(సీఏ) స్మిత్‌ను టీ20 ప్రపంచకప్‌లో ఆడాల్సిందేనని ఆదేశాలు జారీ చేసింది. టీ20 వరల్డ్‌కప్‌కి ఆస్ట్రేలియా జట్టు: ఆరోన్ ఫించ్, డేవిడ్ వార్నర్, స్టీవ్ స్మిత్, గ్లెన్ మ్యాక్స్‌వెల్, మార్కస్ స్టోయినిస్, జోష్ హజల్‌వుడ్, మిచెల్ స్టార్క్, మాథ్యూ వేడ్, ఆస్టన్ అగర్, జోష్ ఇంగ్లీష్, కేన్‌ రిచర్డ్‌సన్, పాట్ కమిన్స్, మిచెల్ మార్ష్, స్వీప్సన్, ఆడమ్ జంపా రిజర్వు ప్లేయర్లు: డానియల్ క్రిస్టియన్, నాథన్ ఎల్లిస్, డానియల్ సామ్స్ Our Australian men's squad for the ICC Men’s #T20WorldCup! 🇦🇺 More from Chair of Selectors, George Bailey: https://t.co/CAQZ4BoSH5 pic.twitter.com/aqGDXZu0t9 — Cricket Australia (@CricketAus) August 19, 2021

దుబాయ్‌: ఐసీసీ బుధవారం విడుదల చేసిన తాజా టీ20 ర్యాంకింగ్స్‌లో పాకిస్తాన్‌ కెప్టెన్‌ బాబార్‌ ఆజమ్‌ రెండో స్థానానికి ఎగబాకాడు. ఇటీవలే టీమిండియా సారధి విరాట్‌ కోహ్లి నుంచి వన్డే టాప్‌ ర్యాంక్‌ను చేజిక్కించుకున్న బాబర్‌.. టీ20 అగ్రస్థానంపై కూడా కన్నేశాడు. దక్షిణాఫ్రికాతో నాలుగు మ్యాచ్‌ల టీ20 సిరీస్‌లో భాగంగా గతవారం జరిగిన మూడవ టీ20లో అద్భుత శతకంతో(122) అదరగొట్టిన బాబార్‌.. 47 రేటింగ్‌ పాయింట్లు దక్కించుకుని రెండో స్థానంలో ఉన్న ఆసీస్‌ ఆటగాడు ఆరోన్‌ ఫించ్‌ను వెనక్కునెట్టి ఆ స్థానానికి దూసుకొచ్చాడు. సఫారీలపై బాబర్‌ సాధించిన శతకం అతని కెరీర్‌లో తొలి అంతర్జాతీయ టీ20 శతకం కావడం విశేషం.  ప్రస్తుతం 844 రేటింగ్‌ పాయింట్లు కలిగి ఉన్న బాబర్‌... అగ్రస్థానంలో ఉన్న డేవిడ్‌ మలాన్‌(ఇంగ్లండ్‌)(892) కంటే కేవలం 48 పాయింట్లు మాత్రమే వెనుకపడి ఉన్నాడు. కాగా, గతేడాది నవంబర్‌ వరకు టీ20 ర్యాంకింగ్స్‌లో అగ్రస్థానంలో కొనసాగిన బాబర్‌కు మరోసారి టీ20 అగ్రపీఠాన్ని అధిరోహించే అవకాశం ఉంది. పాక్‌ జట్టు నేటి (ఏప్రిల్‌ 21) నుంచి జింబాబ్వేతో మూడు మ్యాచ్‌ల టీ20 సిరీస్‌ ఆడనుంది. ఈ సిరీస్‌లో బాబర్‌ ఓ మోస్తరుగా రాణించినా డేవిడ్‌ మలాన్‌ అగ్రస్థానానికి ఎసరు పెట్టడం ఖాయం.  ఇదిలా ఉంటే, ఐసీసీ టీ20 ర్యాంకింగ్స్‌ జాబితాలో టీమిండియా కెప్టెన్‌ విరాట్‌ కోహ్లి(762) ఒక స్థానం కిందకు పడిపోయాడు. గతవారం ర్యాంకింగ్స్‌లో నాలుగో స్థానంలో ఉన్న విరాట్‌.. తాజా జాబితాలో ఐదో ర్యాంక్‌కు దిగజారాడు. టీమిండియాకు చెందిన మరో ఆటగాడు కేఎల్‌ రాహుల్‌(743) సైతం రెండు స్థానాలు కోల్పోయి 7వ స్థానంలో ఉండగా, భారత వైస్‌ కెప్టెన్‌ రోహిత్‌ శర్మ(613) ఒక స్థానాన్ని మెరుగుపరచుకుని 13వ ర్యాంక్‌కు చేరాడు. ఇక టీ20 బౌలర్ల జాబితా విషయానికొస్తే.. దక్షిణాఫ్రికా స్పిన్నర్‌ తబ్రేజ్‌ షంషి(732), ఆఫ్ఘన్‌ స్పిన్నర్‌ రషీద్‌ ఖాన్‌(719), ఆసీస్‌ బౌలర్‌ ఆష్టన్‌ అగర్‌లు(702) మొదటి మూడు స్థానాల్లో కొనసాగుతున్నారు. టీం ర్యాంకింగ్స్‌లో ఇంగ్లండ్‌(272) మొదటి స్థానంలో ఉండగా, భారత్‌(270), ఆస్ట్రేలియా(267), పాక్‌(262) వరుసగా రెండు నుంచి నాలుగు ర్యాంక్‌ల్లో కొనసాగుతున్నాయి.  చదవండి: వైరలవుతున్న టీమిండియా ప్రస్తుత, మాజీ కెప్టెన్ల భార్యల ఫోటోలు

వెల్లింగ్టన్: ఆసీస్‌ పరిమిత ఓవర్ల  కెప్టెన్ ఆరోన్ ఫించ్ అరుదైన ఘనతను సొంతం చేసుకున్నాడు. టీ20ల్లో 100 సిక్సర్లు బాదిన తొలి ఆసీస్ క్రికెటర్‌గా నిలిచాడు. న్యూజిలాండ్‌తో శుక్రవారం జరిగిన నాలుగో టీ20లో ఫించ్ విధ్వంసకర వీరుల జాబితాలో చేరాడు. టీ20ల్లో 100 అంతకంటే ఎక్కువ సిక్సర్లు బాదిన ఆటగాళ్ల జాబితాలో న్యూజిలాండ్ ఆటగాడు మార్టిన్ గప్టిల్ 135 సిక్సర్లతో అగ్రస్థానంలో ఉండగా.. హిట్‌మ్యాన్‌ రోహిత్‌శర్మ (127) రెండో స్థానంలో, ఇంగ్లండ్ పరిమిత ఓవర్ల కెప్టెన్ ఇయాన్ మోర్గాన్ (113) మూడో స్థానంలో, న్యూజిలాండ్ ఆటగాడు కొలిన్ మన్రో (107) నాలుగులో, విండీస్‌ యోధుడు గేల్ (105) ఐదో స్థానంలో ఉన్నారు. తాజాగా ఫించ్‌ వీరి సరసన చేరాడు. కాగా, టీ20 ఫార్మాట్‌లో ఆసీస్‌ తరపున అత్యధిక పరుగులు చేసిన ఆటగాడు కూడా ఫించే కావడం విశేషం.  ఫించ్ 70 ఇన్సింగ్స్‌ల్లో రెండు సెంచరీలు, 14 అర్థ సెంచరీల సాయంతో 2,310 పరుగులు చేసి తొలి స్థానంలో ఉండగా. సహచర ఆటగాడు వార్నర్ 81 మ్యాచ్‌ల్లో సెంచరీ, 18 అర్ధ సెంచరీల సాయంతో 2,265 పరుగులు చేసి రెండో స్థానంలో ఉన్నాడు. తాజాగా జరిగిన మ్యాచ్‌లో ఫింఛ్ (55 బంతుల్లో 5 ఫోర్లు, 4 సిక్సర్లతో 79) హాఫ్ సెంచరీతో రాణించడంతో ఆసీస్‌ 50 పరుగుల తేడాతో కివీస్‌పై విజయం సాధించింది. దీంతో ఐదు టీ20ల సిరీస్‌లో ఆసీస్‌ 2-2తో సమంగా నిలిచింది.

సిడ్నీ: ఆస్ట్రేలియా వన్డే జట్టు కెప్టెన్‌ ఆరోన్‌ ఫించ్‌ తాజగా న్యూజిలాండ్‌తో జరిగిన టీ20 మ్యాచ్‌లో 12 పరుగులు మాత్రమే చేసి విఫలమయ్యాడు. దీంతో ఫించ్‌ దంపతులను టార్గెట్‌ చేస్తూ సోషల్‌ మీడియాలో కొంతమంది తప్పుడు ట్రోల్స్‌ చేశారు. అంతేగాక ఫించ్‌ భార్య ఎమీపై లైంగిక వేధింపులతో పాటు అసభ్యకరమైన సందేశాలను సోషల్‌ మీడియాలో పోస్ట్‌ చేశారు. దీనిపై ఫించ్‌ భార్య ఎమీ ఆగ్రహం వ్యక్తం చేస్తూ తమను ట్రోల్‌ చేసిన వారిపై మండిపడింది. 'ఇలాంటి పనులు చేయడానికి మీకు సిగ్గులేదా. దమ్ముంటే ముందుకు వచ్చి మాట్లాడండి.. అంతేకాని ఇలా అసభ్య సందేశాలు పంపించి మీ పరువు తీసుకోకండి. నా భర్త ఒక్క మ్యాచ్‌లో సరిగా ఆడనందుకు ఇలాంటి చెత్త విమర్శలు చేస్తారా? ఫించ్‌ ఆటగాడిగా ఇప్పటికే ప్రూవ్‌ చేసుకున్నాడు. ప్రస్తుతం అతను ఆసీస్‌ పరిమిత ఓవర్ల కెప్టెన్‌గా ఉన్నాడు. అతని ఆటతీరును తప్పుపట్టేందుకు మీకు అర్హత లేదు. అయినా మా వైవాహిక జీవితంలో మేం బాగానే ఉన్నాం.. ఇలాంటి పనికిమాలిన పోస్టులు పెట్టేకంటే మీ పని చూసుకుంటే బాగుంటుంది.'అంటూ హెచ్చరించింది. ఆరోన్‌ ఫించ్‌ ఆస్ట్రేలియా తరపున 132 వన్డేల్లో 5232 పరుగులు, 68 టీ20ల్లో 2162 పరుగులు, 5 టెస్టుల్లో 278 పరుగులు చేశాడు.కాగా కివీస్‌తో సిరీస్‌కు ముందు ఫించ్‌ 29 టీ20 మ్యాచ్‌లాడి 495 పరుగులు సాధించాడు. వీటిలో ఐపీఎల్‌, బిగ్‌బాష్‌ సహా పలు అంతర్జాతీయ మ్యాచ్‌లు ఉన్నాయి. ఇక కివీస్‌తో జరుగుతున్న ఐదు టీ20ల సిరీస్‌లో రెండు మ్యాచ్‌ల్లోనూ న్యూజిలాండ్‌ విజయం సాధించి 2-0తో ముందంజలో ఉంది. ఇరు జట్ల మధ్య మూడో టీ20 బుధవారం వెల్లింగ్‌టన్‌లో జరగనుంది. చదవండి: 'ఆ వార్తలు నా కుటుంబాన్ని బాధించాయి' మహిళా క్రికెటర్‌తో ట్వీటర్‌ క్లాష్‌: ఈసీబీ వార్నింగ్‌

సిడ్నీ : ఆసీస్‌తో జరగుతున్న మూడో టీ20లో టాస్‌ గెలిచిన టీమిండియా ఫీల్డింగ్‌ ఏంచుకుంది. కాగా మరో మ్యాచ్‌ మిగిలి ఉండగానే ఆస్ట్రేలియాతో టి20 సిరీస్‌ను సొంతం చేసుకున్న భారత్‌ క్లీన్‌స్వీప్‌పై కన్నేసింది. గత మ్యాచ్‌ వేదికలోనే ఇరు జట్లు మూడో టీ20లో తలపడనున్నాయి. వన్డే సిరీస్‌ తరహాలోనే చివరి మ్యాచ్‌ గెలిచి ఆసీస్‌ లెక్క సరి చేస్తుందా... లేక భారత్‌ తమ జోరు కొనసాగించి రెండోసారి ఆసీస్‌ను క్లీన్‌స్వీప్‌ చేస్తుందా అనేది ఆసక్తికరంగా మారింది. భారత్‌ ఎలాంటి మార్పులు లేకుండా బరిలోకి దిగగా.. ఇక ఆసీస్‌ విషయానికి వస్తే గత మ్యాచ్‌కు దూరంగా ఉన్న రెగ్యులర్‌ కెప్టెన్‌ ఫించ్‌ మళ్లీ తుది జట్టులోకి వచ్చేశాడు. తుది జట్లు : భారత్ ‌: కోహ్లి (కెప్టెన్‌), శిఖర్‌ ధావన్, రాహుల్, సామ్సన్, శ్రేయస్‌ అయ్యర్, హార్దిక్‌ పాండ్యా, శార్దుల్, సుందర్, దీపక్‌ చహర్, నటరాజన్, చహల్‌ ఆస్ట్రేలియా : ఆరోన్‌ ఫించ్‌ (కెప్టెన్‌), మాథ్యూ వేడ్, మ్యాక్స్‌వెల్, డీ ఆర్సీ షార్ట్‌, హెన్రిక్స్, సీన్‌ అబాట్, స్యామ్స్, స్వెప్సన్, జంపా, ఆండ్రూ టై

కాన్‌బెర్రా : ఆసీస్‌తో జరిగిన మూడో వన్డేలో టీమిండియాకు ఓదార్పు విజయం దక్కింది. 303 పరుగులు లక్ష్యంతో బరిలోకి దిగిన ఆసీస్‌ 49.3 ఓవర్లలో 289 పరుగులకు ఆలౌటైంది. ఆసీస్‌ బ్యాటింగ్‌లో ఆరోన్‌ ఫించ్‌ 75 పరుగులతో టాప్‌ స్కోరర్‌గా నిలవగా.. మ్యాక్స్‌వెల్‌ 59 పరగులతో రాణించాడు. ఒక దశలో 152 పరుగులకే 5 వికెట్లు కోల్పోయి కష్టాల్లో ఉన్న ఆసీస్‌ను మ్యాక్స్‌వెల్‌, అలెక్స్‌ క్యారీలు కలిసి ఇన్నింగ్స్‌ను చక్కదిద్దే పనిలో పడ్డారు. ఈ నేపథ్యంలోనే ధాటిగా ఆడిన మ్యాక్స్‌వెల్‌ అర్థసెంచరీ సాధించడంతో ఆసీస్‌ మళ్లీ గెలుపు దిశగా పయనించింది. (చదవండి : క్రికెట్‌ ఆస్ట్రేలియాపై వార్నర్‌ అసంతృప్తి) అయితే 38 పరుగులు చేసిన క్యారీ రనౌట్‌గా వెనుదిరిగినా.. మ్యాక్స్‌వెల్‌ ఉండడంతో ఆసీస్‌ గెలుపుపై ధీమాతో ఉంది. కానీ జట్టు స్కోరు 268 పరుగుల వద్ద ఉన్నప్పుడు బుమ్రా బౌలింగ్‌లో మ్యాక్స్‌వెల్‌ అవుట్‌ కావడంతో మ్యాచ్‌ టీమిండియా వైపు మొగ్గింది. ఆ తర్వాత కాసేపటికే 28 పరుగులు చేసిన ఆస్టన్‌ అగర్‌ అవుట్‌ కావడంతో భారత్‌ విజయం ఖాయమైంది. ఇక బౌలింగ్‌లో  శార్ధూల్‌ ఠాకూర్‌ 3 వికెట్లు తీయగా, తొలి మ్యాచ్‌ ఆడిన నటరాజన్‌ 2 వికెట్లు, బుమ్రా, జడేజా, కుల్దీప్‌ తలా ఒక వికెట్‌ తీశారు. అంతకముందు మొదట బ్యాటింగ్‌ చేసిన టీమిండియా 50 ఓవర్లలో 5 వికెట్ల నష్టానికి 302 పరుగులు చేసింది.  భారత బ్యాటింగ్‌లో హార్దిక్‌ పాండ్యా 92 పరుగులతో టాప్‌ స్కోరర్‌గా నిలవగా, జడేజా 66, కోహ్లి 63 పరుగులతో రాణించారు. పాండ్యా, జడేజాలు కలిసి ఆరో వికెట్‌కు 150 పరుగుల రికార్డు భాగస్వామ్యం నెలకొల్పడం టీమిండియా ఇన్నింగ్స్‌లో హైలెట్‌గా నిలిచింది. కాగా ఇప్పటికే తొలి రెండు వన్డేలు ఓడిన భారత్‌ సిరీస్‌ను 2-1 తేడాతో ఆస్ట్రేలియాకు అప్పగించింది. ఇరు జట్ల మధ్య  మూడు టీ20ల సిరీస్‌లో భాగంగా మొదటి టీ20 డిసెండర్‌ 4 శుక్రవారం ఇదే స్టేడియంలో జరగనుంది. (చదవండి : 21 ఏళ్ల తర్వాత ఆ రికార్డు కనుమరుగు)

సిడ్నీ: భారత్‌-ఆస్ట్రేలియా జట్ల మధ్య జరిగిన రెండో వన్డేలో ఓ సరదా సన్నివేశం చోటు చేసుకుంది. ఆసీస్‌ కెప్టెన్‌ అరోన్‌ ఫించ్‌ను టీమిండియా ఆటగాడు కేఎల్‌ రాహుల్‌ ఆటపట్టించే యత్నం చేశాడు. ఆసీస్‌ ఇన్నింగ్స్‌లో భాగంగా నవదీప్ సైనీ  వేసిన 12 ఓవర్‌ ఐదో బంతి బీమర్ ఫించ్ పొట్ట మీద తాకింది.  145.6 కి.మీ వేగంతో విసిరిన బంతి కాస్త గట్టిగా తాకడంతో ఫించ్ నొప్పితో బాధపడ్డాడు. వెంటనే సైనీ ఆసీస్‌కు కెప్టెన్‌కు సారీ చెప్పగా.. వికెట్ కీపర్ కేఎల్ రాహుల్, స్పిన్నర్ చాహల్ బ్యాట్స్‌మెన్ దగ్గరకు పరిగెత్తుకొచ్చారు. ఈ క్రమంలోనే ఫించ్‌ను రాహుల్‌ ఆటపట్టించాడు. దెబ్బ ఎక్కడ తాకింది..? పొట్ట మీదా లేదంటే కాస్త కిందా..?, బంతి ఇక్కడనే తాకింది.. అని నవ్వుతూ పొట్టను పట్టుకోయాడు. దానికి రిప్లైగా ఫించ్‌ తిరిగి రాహుల్‌  పొట్టపై పంచ్‌ విసిరాడు. దాంతో కాసేపు వారిద్దరూ నవ్వుకున్నారు. ఇది వైరల్‌ అయ్యింది ఆసీస్‌తో జరిగిన రెండో వన్డేలోనూ పరాజయం చెందిన టీమిండియా సిరీస్‌ను కోల్పోయింది. మూడు వన్డేల సిరీస్‌లో భాగంగా తొలి వన్డేను గెలిచిన ఆసీస్‌.. రెండో వన్డేలో కూడా విజయం సాధించింది. ఆసీస్‌ 51 పరుగుల తేడాతో గెలిచింది. ఫలితంగా సిరీస్‌ను ఇంకా మ్యాచ్‌ ఉండగానే 2-0 తేడాతో కైవసం చేసుకుంది. రెండో వన్డేలో ముందుగా బ్యాటింగ్‌ చేసిన ఆసీస్‌ నాలుగు వికెట్ల నష్టానికి 389 పరుగులు చేసింది. అనంతరం టీమిండియా నిర్ణీత ఓవర్లలో 9 వికెట్లు కోల్పోయి 338 పరుగులకే పరిమితమై ఓటమి పాలైంది. KL Rahul just checking on Aaron Finch after getting hit by a full toss 😅 #AUSvIND pic.twitter.com/lb9Kzthisl — cricket.com.au (@cricketcomau) November 29, 2020

చెదిరిన బౌలింగ్, కుదరని ఫీల్డింగ్‌తో టీమిండియా భంగపడింది. భారత బ్యాట్స్‌మెన్‌ కూడా పోరాడినా... ఇది విజయానికి సరిపోలేదు. దీంతో ఆస్ట్రేలియా గడ్డపై కోహ్లి సేన పరాజయంతో పర్యటనను ప్రారంభించింది. సిడ్నీ: భారీస్కోర్ల ఆటలో భారత్‌ వెనుకబడింది. పసలేని బౌలింగ్, పేలవమైన ఫీల్డింగ్‌ ఆస్ట్రేలియా చితక్కొట్టేందుకు దోహదపడగా... ఛేదనలో భారత బ్యాట్స్‌మెన్‌ జోరుకు ఆతిథ్య బౌలర్లు కళ్లెం వేశారు. దీంతో 289 రోజుల తర్వాత వన్డే బరిలోకి దిగిన టీమిండియాకు ఓటమి ఎదురైంది. శుక్రవారం జరిగిన తొలి వన్డేలో 66 పరుగుల తేడాతో ఓడింది. మొదట ఆసీస్‌ 50 ఓవర్లలో 6 వికెట్లకు 374 పరుగులు చేసింది. కెప్టెన్‌ ఆరోన్‌ ఫించ్‌ (124 బంతుల్లో 114; 9 ఫోర్లు, 2 సిక్స్‌లు), ‘మ్యాన్‌ ఆఫ్‌ ద మ్యాచ్‌’ స్టీవ్‌ స్మిత్‌ (66 బంతుల్లో 105; 11 ఫోర్లు, 4 సిక్సర్లు) సెంచరీలతో కదం తొక్కారు. షమీకి 3 వికెట్లు దక్కాయి. తర్వాత భారత్‌ 50 ఓవర్లలో 8 వికెట్లకు 308 పరుగులకు పరిమితమైంది. హార్దిక్‌ పాండ్యా (76 బంతుల్లో 90; 7 ఫోర్లు, 4 సిక్స్‌లు), ధావన్‌ (86 బంతుల్లో 74; 10 ఫోర్లు) అర్ధ సెంచరీలతో చెలరేగారు. జంపా 4, హాజల్‌వుడ్‌ 3 వికెట్లు తీశారు. రెండో వన్డే రేపు ఇదే వేదికపై జరుగుతుంది. ‘శతక’బాదుడు రెండు శతకాలు, రెండు శతక భాగస్వామ్యాలు ఆస్ట్రేలియాను మ్యాచ్‌ సగంలోనే పై మెట్టుపై నిలబెట్టాయి. ఓపెనర్లు డేవిడ్‌ వార్నర్‌ (76 బంతుల్లో 69; 6 ఫోర్లు), ఫించ్‌ తొలి వికెట్‌కు 156 పరుగులు జోడించగా... స్మిత్‌తో కలిసి ఫించ్‌ రెండో వికెట్‌కు 108 పరుగులు జతచేశాడు. మొత్తం స్కోరులో ఈ టాపార్డరే ఏకంగా 288 పరుగులు చేయడం విశేషం. ఈ క్రమంలో స్మిత్‌ 62 బంతుల్లో చేసిన మెరుపు శతకం ఆసీస్‌ తరఫున మూడో ఫాస్టెస్ట్‌ సెంచరీగా నిలిచింది. ఆఖర్లో మ్యాక్స్‌వెల్‌ (19 బంతుల్లో 45; 5 ఫోర్లు, 3 సిక్సర్లు) దంచేయడంతో చివరి పది ఓవర్లలో ఆసీస్‌ 110 పరుగులు చేసింది. ధాటిగా ఆడిన పాండ్యా   ప్రపంచకప్‌ సెమీఫైనల్‌ తర్వాత తొలి వన్డే ఆడిన హార్దిక్‌ పాండ్యా మిడిలార్డర్‌లో చెలరేగాడు. మొదట ధావన్‌ ధాటిగా ఆడటంతో 13.1 ఓవర్లలోనే భారత్‌ వంద పరుగులను చేరుకుంది. కానీ ఆలోపే ఓపెనర్‌ మయాంక్‌ అగర్వాల్‌ (22),  కోహ్లి (21), అయ్యర్‌ (2) వికెట్లను కోల్పోవడంతో భారత్‌కు లక్ష్యం పెనుభారమైంది. రాహుల్‌ (12) కూడా చేతులెత్తేశాడు. ఈ దశలో ధావన్‌కు జతయిన పాండ్యా చకచకా పరుగులు చేశాడు. వీళ్లిద్దరి జోడి ఐదో వికెట్‌కు 21 ఓవర్లలో 128 పరుగులు జతచేసింది. స్పిన్నర్‌ జంపా రాహుల్‌తో పాటు ధావన్, పాండ్యా, జడేజా (25)లను ఔట్‌ చేయడంతో భారత్‌ గెలుపు అవకాశాలు ముగిసిపోయాయి. వదిలేశారు... చెత్త ఫీల్డింగ్‌తో విలువైన క్యాచ్‌ల్ని భారత్‌ వదిలేయగా... సీనియర్‌ బౌలర్లు బుమ్రా (1/73), చహల్‌ (1/89), సైనీ (1/89) ధారాళంగా పరుగులు సమర్పించుకున్నారు. ధావన్‌ రెండు క్యాచ్‌లను, చహల్‌ సునాయాసమైన క్యాచ్‌ను నేలపాలు చేశారు. దీనికి తోడు చురుకైన ఫీల్డర్‌గా పేరున్న జడేజా కూడా సునాయాస రనౌట్‌ను మిస్‌ చేయడం భారత్‌ను నష్టపర్చగా... ఆసీస్‌ భారీ స్కోరుకు కారణమైంది. ‘స్టాప్‌ అదానీ’ ఆస్ట్రేలియాలో భారత వ్యాపారవేత్త గౌతమ్‌ అదాని చేపట్టిన బొగ్గు గనుల వెలికితీత ప్రాజెక్ట్‌ను ఆపాలని, ప్రాజెక్ట్‌ కోసం ఎస్‌బీఐ ఇవ్వదల్చిన 1 బిలియన్‌ డాలర్లు (సుమారు రూ.5,500 కోట్లు) రుణాన్ని కూడా నిలిపివేయాలని కోరుతూ ఇద్దరు సామాజిక కార్యకర్తలు మైదానంలో ప్లకార్డ్‌లు ప్రదర్శించారు. అదానీ ప్రాజెక్ట్‌ పర్యావరణానికి తీవ్ర ముప్పు తెస్తుందంటూ ఆస్ట్రేలియాలో చాలా రోజులుగా నిరసనలు కొనసాగుతున్నాయి. మరో వైపు ఇటీవల మరణించిన ఆసీస్‌ మాజీ క్రికెటర్‌ డీన్‌ జోన్స్, ఆరేళ్ల క్రితం సరిగ్గా ఇదే రోజు చనిపోయిన ఫిల్‌ హ్యూజెస్‌కు నివాళి అర్పించి ఇరు జట్లు భుజాలకు నల్ల రంగు బ్యాండ్‌ లు ధరించి బరిలో కి దిగగా... జాతి వివక్షకు వ్యతిరేకంగా సంఘీభావం ప్రకటిస్తూ ‘బేర్‌ ఫుట్‌ సర్కిల్‌’లో కూడా పాల్గొన్నారు.   స్కోరు వివరాలు ఆస్ట్రేలియా ఇన్నింగ్స్‌: వార్నర్‌ (సి) రాహుల్‌ (బి) షమీ 69; ఫించ్‌ (సి) రాహుల్‌ (బి) బుమ్రా 114; స్మిత్‌ (బి) షమీ 105; స్టొయినిస్‌ (సి) రాహుల్‌ (బి) చహల్‌ 0; మ్యాక్స్‌వెల్‌ (సి) జడేజా (బి) షమీ 45; లబ్‌షేన్‌ (సి) ధావన్‌ (బి) సైనీ 2; క్యారీ నాటౌట్‌ 17; కమిన్స్‌ నాటౌట్‌ 1; ఎక్స్‌ట్రాలు 21; మొత్తం (50 ఓవర్లలో 6 వికెట్లకు) 374/6. వికెట్ల పతనం: 1–156, 2–264, 3–271, 4–328, 5–331, 6–372. బౌలింగ్‌: షమీ 10–0–59–3, బుమ్రా 10–0–73–1, సైనీ 10–0–83–1; చహల్‌ 10–0–89–1, జడేజా 10–0–63–0. భారత్‌ ఇన్నింగ్స్‌: మయాంక్‌ (సి) మ్యాక్స్‌వెల్‌ (బి) హాజల్‌వుడ్‌ 22; ధావన్‌ (సి) స్టార్క్‌ (బి) జంపా 74; కోహ్లి (సి) ఫించ్‌ (బి) హాజల్‌వుడ్‌ 21; అయ్యర్‌ (సి) క్యారీ (బి) హాజల్‌వుడ్‌ 2; రాహుల్‌ (సి) స్మిత్‌ (బి) జంపా 12; హార్దిక్‌ పాండ్యా (సి) స్టార్క్‌ (బి) జంపా 90; జడేజా (సి) స్టార్క్‌ (బి) జంపా 25; సైనీ నాటౌట్‌ 29; షమీ (బి) స్టార్క్‌ 13; బుమ్రా నాటౌట్‌ 0; ఎక్స్‌ట్రాలు 20; మొత్తం (50 ఓవర్లలో 8 వికెట్లకు) 308. వికెట్ల పతనం: 1–53, 2–78, 3–80, 4–101, 5–229, 6–247, 7–281, 8–308. బౌలింగ్‌: స్టార్క్‌ 9–0–65–1, హాజల్‌వుడ్‌ 10–0–55–3; కమిన్స్‌ 8–0–52–0, జంపా 10–0–54–4, స్టొయినిస్‌ 6.2–0–25–0, మ్యాక్స్‌వెల్‌ 6.4–0–55–0. వన్డేల్లో భారత్‌పై ఆస్ట్రేలియాకు ఇదే అత్యధిక స్కోరు. గతంలో చేసిన 359 పరుగులను ఆసీస్‌ సవరించింది.  స్మిత్, ఫించ్‌

సిడ్నీ:  ఆస్ట్రేలియా పరిమిత ఓవర్ల కెప్టెన్‌ అరోన్‌ ఫించ్‌ ఒక అరుదైన మైలురాయిని చేరుకున్నాడు. వన్డే ఫార్మాట్‌లో వేగవంతంగా ఐదువేల పరుగుల మార్కును చేరుకున్న రెండో ఆసీస్‌ బ్యాట్స్‌మన్‌గా ఫించ్‌ రికార్డు నమోదు చేశాడు.  టీమిండియాతో తొలి వన్డేలో ఫించ్‌(114; 124 బంతుల్లో 9 ఫోర్లు, 2 సిక్స్‌లు) సెంచరీ సాధించాడు. అదే సమయంలో ఈ ఫార్మాట్‌లో ఐదు వేల పరుగుల్ని పూర్తి చేసుకున్నాడు.ఫలితంగా ఫించ్‌ 126 వన్డే ఇన్నింగ్స్‌ల్లో ఐదు వేల పరుగులు పూర్తి చేసుకున్నాడు. దాంతో ఆసీస్‌ తరఫున వేగవంతంగా ఈ ఫీట్‌ను సాధించిన రెండో క్రికెటర్‌గా నిలిచాడు. డేవిడ్‌ వార్నర్‌ 115 ఇన్నింగ్స్‌ల్లో  ఐదువేల వన్డే పరుగుల్ని సాధించి వేగవంతమైన జాబితాలో తొలి ఆసీస్‌ క్రికెటర్‌గా ఉంటే, ఆ తర్వాత స్థానాన్ని ఫించ్‌ ఆక్రమించాడు. ఈ క్రమంలోనే డీన్‌ జోన్స్ ‌(128 ఇన్నింగ్స్‌ల్లో) స్థానాన్ని ఫించ్‌ అధిగమించాడు.(హార్దిక్‌ వీర బాదుడు) తొలి వన్డేలో ఆస్ట్రేలియా 375 పరుగుల టార్గెట్‌ను ఉంచింది. తొలుత బ్యాటింగ్‌ చేసిన ఆసీస్‌ జట్టులో ఫించ్‌తో స్టీవ్‌ స్మిత్‌(105; 66 బంతుల్లో 11 ఫోర్లు, 4 సిక్స్‌లు),  డేవిడ్‌ వార్నర్‌(69; 76 బంతుల్లో 6 ఫోర్లు)లు రాణించడంతో ఆసీస్‌ నిర్ణీత ఓవర్లలో 6 వికెట్ల నష్టానికి 374 పరుగుల భారీ స్కోరు చేసింది. లక్ష్య ఛేదనలో భాగంగా భారత్‌ ఇన్నింగ్స్‌ను దూకుడుగా ఆరంభించింది. టీమిండియా ఇన్నింగ్స్‌ను మయాంక్‌ అగర్వాల్‌-శిఖర్‌ ధావన్‌లు ధాటిగా ప్రారంభించారు. ఓవర్‌కు 10 పరుగుల రన్‌రేట్‌ను మెయింటైన్‌ చేస్తూ స్కోరు బోర్డును పరుగులు పెట్టించారు. 5 ఓవర్లలో 53 పరుగులు చేసి మంచి ఆరంభాన్ని అందించారు. అయితే హజిల్‌వుడ్‌ వేసిన ఆరో ఓవర్‌ రెండో బంతికి మయాంక్‌ ఔటయ్యాడు. ఆఫ్‌ సైడ్‌ ఆడబోయిన బంతిని మ్యాక్స్‌వెల్‌ క్యాచ్‌గా పట్టుకోవడంతో మయాంక్‌ తొలి వికెట్‌గా పెవిలియన్‌ చేరాడు.  కోహ్లి(21) రెండో వికెట్‌గా పెవిలియన్‌ చేరగా, వెంటనే అయ్యర్‌(2) కూడా ఔటయ్యాడు. కేఎల్‌ రాహుల్‌(12) నిరాశపరిచాడు. ధావన్‌ హాఫ్‌ సెంచరీ సాధించాడు.  పాండ్యా-ధావన్‌ల జోడి నిలకడగా ఆడటంతో టీమిండియా తిరిగి గాడిలో పడింది.

దుబాయ్‌: గతేడాది జరిగిన ఐపీఎల్‌లో  రాజస్తాన్‌ బ్యాట్స్‌మన్‌ జోస్‌ బట్లర్‌ను ‘మన్కడింగ్‌’ ద్వారా ఔట్‌ చేసి రవిచంద్రన్‌ అశ్విన్‌ వివాదానికి తెరలేపాడు. అప్పుడు అశ్విన్‌ కింగ్స్‌ పంజాబ్‌  కెప్టెన్‌గా ఉన్నాడు. అయితే ఈ ఏడాది అశ్విన్‌ ఫ్రాంచైజీ మారింది.. మనసు కూడా మారింది. ఈ సీజన్‌లో ఢిల్లీ క్యాపిటల్స్‌ తరఫున ఆడుతున్న అశ్విన్‌.. మన్కడింగ్‌(నాన్‌ స్టైకర్‌ ఎండ్‌లో బ్యాట్స్‌మన్‌ క్రీజ్‌ దాటినప్పుడు చేసే రనౌట్‌) అవకాశం వచ్చినా దాన్ని వదిలేశాడు. కేవలం వార్నింగ్‌తో సరిపెట్టి బ్యాట్స్‌మన్‌కు అవకాశం ఇచ్చాడు. ఆర్సీబీ బ్యాటింగ్‌ చేస్తున్న సమయంలో అశ్విన్‌ బౌలింగ్‌ చేస్తుండగా నాన్‌స్టైకింగ్‌ ఎండ్‌లో ఉన్న అరోన్‌ ఫించ్‌ క్రీజ్‌ను దాటి ఆమడ దూరం వెళ్లాడు. కానీ అశ్విన్‌ మన్కడింగ్‌కు ప్రయత్నించలేదు. బంతిని వేయడం ఆపేసి ఫించ్‌కు మర్యాదగా వార్నింగ్‌ ఇచ్చాడు.(చదవండి: ఫ్రీబాల్‌కు పట్టుబడుతున్న అశ్విన్‌!) అశ్విన్‌ ఫైనల్‌ వార్నింగ్‌.. ఎవరికి! ఇప్పడు ఆ ఫైనల్‌ వార్నింగ్‌ కోసం ట్వీటర్‌లో వివరణ ఇచ్చుకున్నాడు. ‘ నేను మన్కడింగ్‌పై క్లియర్‌గా చెబుతున్నా. 2020 సీజన్‌లో ఫస్ట్‌ అండ్‌ ఫైనల్‌ వార్నింగ్‌ ఇది. నేను అధికారికంగా ఈ విషయం చెబుతున్నా. ఆపై నన్ను ఎవరూ విమర్శించవద్దు’ అని ట్వీట్‌ ద్వారా తెలిపాడు. ఇకపై అన్ని ఫ్రాంచైజీల ఆటగాళ్లు తనతో  జాగ్రత్తగా ఉండాలని ఫైనల్‌ వార్నింగ్‌ ఇచ్చినా,  రికీ పాంటింగ్‌, అరోన్‌ ఫించ్‌లను ట్యాగ్‌ చేస్తూ చేయడం ఆసక్తికరంగా మారింది. మరి ఇక్కడ ఆ వార్నింగ్‌ పరోక్షంగా పాంటింగ్‌కే ఇచ్చినట్లు కనబడుతోంది. తనకు ఫించ్‌ మంచి స్నేహితుడని పేర్కొన్న అశ్విన్‌.. మరి ఇప్పుడు ఢిల్లీకే ఆడుతూ కోచ్‌ రికీ పాంటింగ్‌కే వార్నింగ్‌ ఇచ్చాడా అనే అనుమానం అభిమానుల్లో వ్యక్తమవుతోంది. ట్వీట్‌కు కారణం అదేనా? గతేడాది మన్కడింగ్‌ వివాదంపై ఢిల్లీ కోచ్‌ రికీ పాంటింగ్‌ కూడా స్పందించాడు. ఇది గేమ్‌ ఆఫ్‌ ద స్పిరిట్‌ కాదని చెప్పాడు. దీనికి ఐదు పరుగుల పెనాల్టీ విధించాలని పాంటింగ్‌ వాదించాడు. ఈ నిబంధనను తీసుకురావాలన్నాడు. కాగా ఇప్పుడు అశ్విన్‌ మన్కడింగ్‌ అవకాశాన్ని వదిలేయడానికి పాంటింగ్‌ తమ కోచ్‌గా ఉండటమే ప్రధాన కారణం కావొచ్చు. కానీ అశ్విన్‌లో ఎందుకో మన్కడింగ్‌ చేసే అవకాశాన్ని వదిలేశాననే బాధ ఉన్నట్లు ఉంది. అందుకే ట్వీట్‌ రూపంలో మన ముందుకొచ్చాడు. ఈ సీజన్‌లో ఇకపై మన్కడింగ్‌ చేసే అవకాశాన్ని వదలబోనని హెచ్చరించాడు. ఫించ్‌దే తన వరకూ చివరిది అవుతుందన్నాడు. ఆపై తనను ఎవరూ నిందించవద్దని, మన్కడింగ్‌ చేయడానికి ఎట్టిపరిస్థితుల్లోనూ వెనుకాడబోనని తెలిపాడు. దీనిపై ఇక ఎవరు చెప్పినా తాను వినే ప్రసక్తే లేదని అశ్విన్‌ చెప్పకనే చెప్పేశాడు. ఒకవేళ కోచ్‌ పాంటింగ్‌ చెప్పినా తన వైఖరిలో మార్పు ఉండదనేది అశ్విన్‌ అభిప్రాయంగా కనబడుతోంది.(చదవండి: కెమెరాలన్నీ పాంటింగ్‌వైపే!) Let’s make it clear !! First and final warning for 2020. I am making it official and don’t blame me later on. @RickyPonting #runout #nonstriker @AaronFinch5 and I are good buddies btw.😂😂 #IPL2020 — Ashwin 🇮🇳 (@ashwinravi99) October 5, 2020

ఢిల్లీ​: 'మన్కడింగ్‌' అని వినగానే మనకు గుర్తొచ్చే పేరు రవిచంద్రన్‌ అశ్విన్‌. ఇంతకు ముందు మన్కడింగ్‌ అంటే ఏంటో ఎవ్వరికీ తెలియదు. క్రికెట్‌ లవర్స్‌కు దీన్ని పరిచయం చేసిన ఘనత అశ్విన్‌కే దక్కుతుంది. రాయల్‌ ఛాలెంజర్స్‌ బెంగళూరుతో సోమవారం జరిగిన మ్యాచ్‌లో మన్కడింగ్‌ అంశం మళ్లీ తెరపైకి వచ్చింది. 197 భారీ లక్ష్యాన్ని ఛేదించేందుకు ఆర్‌సీబీ బరిలోకి దిగింది. ఇన్నింగ్స్‌లోని మూడో ఓవర్‌ వేసేందుకు వచ్చిన అశ్విన్‌ తన నాలుగో బంతి వేస్తుండగా ఆరోన్‌ ఫించ్‌ క్రీజు దాటి బయటకు వెళ్లాడు. అశ్విన్‌ బంతి వేయకుండా అలాగే ఆగిపోయి ఫించ్‌వైపు కోపంగా చూశాడు. అక్కడ మన్కడింగ్‌ చేసే అవకాశం ఉన్నా అశ్విన్‌ ఆ పని చేయలేదు. దీంతో ఒక్కసారిగా అందరికీ గతేడాది బట్లర్‌ను మన్కడింగ్‌ చేసింది గుర్తొచ్చింది. ఐతే ఈ సారి మన్కడింగ్‌ ఎందుకు చేయలేదని క్రికెట్‌ అభిమానులు ఆశ్చర్యపోయారు.   అప్పుడు చేశాడని... ఇప్పుడు చేయలేదని! గత ఐపీఎల్‌ సీజన్‌లో పంజాబ్‌ తరుపున ఆడిన అశ్విన్‌... రాజస్థాన్‌ రాయల్స్‌తో జరిగిన మ్యాచ్‌లో జాస్‌ బట్లర్‌ను మన్కడింగ్‌ చేశాడు. అప్పట్లో ఈ అంశం వివాదంగా మారింది. ఐతే మన్కడింగ్‌ అనేది క్రికెట్‌ రూల్స్‌లో భాగమైనప్పటికీ ఇది క్రికెట్‌ స్ఫూర్తికి విరుద్ధమని క్రికెట్‌ ఫా​న్స్‌తో పాటు పలువురు ఆటగాలు అశ్విన్‌ తీరుపై మండిపడ్డారు. రూల్‌ ఉన్నప్పుడు మన్కడింగ్‌ చేస్తే తప్పేంటని అశ్విన్‌ సమర్థించుకున్నాడు. ఏదైమైనా మన్కడింగ్‌ అంశం మళ్లీ తెరపైకి వచ్చింది. అది కూడా అశ్విన్‌ వల్లనే సాధ్యం అయ్యింది. గతేడాది బట్లర్‌ను మన్కడింగ్‌ చేశాడని సోషల్‌ మీడియాలో ట్రోల్‌ చేయగా ఈసారి అవకాశం ఉన్నా ఫించ్‌ను ఎందుకు చేయలేదని నెటిజన్లు ట్రోల్‌ చేస్తున్నారు. బట్లర్‌కు మద్దతుగా కొన్ని ఫన్నీ ఫోటోలు విడుదల చేయగా ఇప్పుడు అవి సోషల్‌ మీడియాలో వైరల్‌గా మారుతున్నాయి. మాన్‌కడింగ్‌ చరిత్ర ఏంటంటే... అసలు మన్కడింగ్‌ అనేది కొత్తగా వచ్చింది కాదు. 1947-48లో భారత్‌, ఆస్ర్టేలియా మధ్య జరిగిన రెండో టెస్ట్‌ మ్యాచ్‌లో మొదటిసారి మన్కడింగ్‌ జరిగింది. భారత స్పిన్నర్‌ 'విన్నూ మన్కడ్‌' బౌలింగ్‌ చేస్తుండగా నాన్‌స్ర్టైక్‌లో ఉన్న బిల్‌ బ్రౌన్‌ క్రీజు దాటి బయటికి వెళ్లాడు. అప్పుడు విన్నూ మన్కడ్‌ వికెట్లు పడగొట్టి అతడిని అవుట్‌ చేశాడు. అలా మాన్‌కడ్‌ అనే పదం వెలుగులోని వచ్చింది. అప్పట్లో ఆసిస్‌ మీడియాలో ఇది చర్చనీయాంశంగా మారింది. ఏదేమైనా మన్కడ్‌ క్రికెట్‌ రూ​ల్స్‌లో ఉన్నప్పటికీ ఇది క్రికెట్‌ స్ఫూర్తికి విరు​ద్ధమని ఆటగాలు భావిస్తున్నారు.   (ఇదీ చదవండి: అశ్విన్‌ వదిలేశాడు.. కెమెరాలన్నీ పాంటింగ్‌వైపే!) Jos butter be like😂 #Ashwin pic.twitter.com/TgOxTGLazw — Mizan (@Mizan98726466) October 5, 2020 #RCBvDC Ashwin didn't Mankad Finch Meanwhile Buttler: pic.twitter.com/vfRnIQ8Trb — Shivani (@meme_ki_diwani) October 5, 2020 Jos Buttler To Ashwin pic.twitter.com/woRH6Q0TW3 — 🇮🇳 A M A R 🕊️ (@imShinde777) October 5, 2020

ఆంటిగ్వా:  ప్రపంచ వ్యాప్తంగా ఏదొక చోట నల్ల జాతీయులపై దాడులు జరుగుతున్నా ఆస్ట్రేలియా-ఇంగ్లండ్‌ క్రికెట్‌ జట్ల నుంచి మద్దతు కరువైందంటూ వెస్టిండీస్‌ దిగ్గజ బౌలర్‌, కామెంటేటర్‌ మైకేల్‌ హెల్డింగ్‌  ధ్వజమెత్తాడు. నల్ల జాతీయులపై జరుగుతున్న దాడులను ప్రస్తుతం ఇంగ్లండ్‌-ఆస్ట్రేలియా జట్ల మధ్య జరుగుతున్న ద్వైపాక్షిక సిరీస్‌లో క​నీసం లోగోల ద్వారా కూడా ఆ రెండు జట్ల నిరసించకపోవడాన్ని హోల్డింగ్‌ విమర్శించాడు. అంతకుముందు పాకిస్తాన్‌-ఇంగ్లండ్‌ జట్ల మధ్య జరిగిన సిరీస్‌లో సైతం ఇదే విధానం కనిపించిందన్నాడు. అంతకుముందు వెస్టిండీస్‌తో జరిగిన సిరీస్‌లో ఇంగ్లండ్‌ బ్లాక్‌ లైవ్‌ మ్యాటర్స్‌’ లోగోలను ధరించి క్రికెట్‌ ఆడగా, ఇప్పుడు మాత్రం దానికి చరమగీతం పాడటం వెనుక అర్థం ఏమిటని ప్రశ్నించాడు. వెస్టిండీస్‌ ఇలా స్వదేశానికి వచ్చేయగానే బ్లాక్‌ లైవ్స్‌ మ్యాటర్స్‌ అంశం​ ముగిసిపోయిందని అనుకుంటున్నారా అంటూ ఇంగ్లండ్‌-వేల్స్‌ క్రికెట్‌ బోర్డు(ఈసీబీ)ని హోల్డింగ్‌ ప్రశ్నించాడు. ఇప్పుడు జరుగుతున్నది నలుపు-తెలుపు వ్యక్తుల పోరాటం కాదని, సమాన హక్కుల పోరాటమని గుర్తుంచుకోవాలన్నాడు. ఇది కేవలం అమెరికాకు మాత్రమే పరిమితమైన అంశం కాదన్నాడు.(చదవండి: పొలార్డ్‌ గ్యాంగ్‌పై షారుక్‌ ప్రశంసలు) హోల్డింగ్‌ వ్యాఖ్యలపై ఈసీబీ స్పందించింది. ‘ బ్లాక్‌ లైవ్‌ మ్యాటర్స్‌’ అంశంలో మాది సుదీర్ఘమైన ప్రణాళిక. ఈ క్రమంలోనే మా దేశంలోని అన్ని ప్రాంతాల క్రికెట్‌లో సమూల మార్పులకు శ్రీకారం చుట్టాం. దానిపైనే ఫోకస్‌తో ముందుకు వెళుతున్నాం’ అని బదులిచ్చింది. ఇక దీనిపై ఆసీస్‌ పరిమిత ఓవర్ల కెప్టెన్‌ అరోన్‌ ఫించ్‌ కూడా రిప్లై ఇచ్చాడు. ‘ఇప్పుడు జరుగుతున్న పోరాటం కంటే ఎడ్యుకేషన్‌ అనేది చాలా ముఖ్యం అని పేర్కొన్నాడు.  అదే సమయంలో ఏ ఒక్కరిపై వివక్ష లేని క్రీడలో ఉన్నందుకు సంతోషంగా ఉందంటూ ఫించ్‌ పేర్కొన్నాడు. ఫించ్‌కు స్ట్రాంగ్‌ కౌంటర్‌ ఇది కేవలం విద్య కోసం జరుగుతున్న పోరాటం మాత్రమే కాదు.  సమానత్వపు పోరాటంలో అవగాహనా ఉద్యమంతో పాటు ఎడ్యుకేషన్‌ కూడా ముఖ్యమే. జాతి, మతం, నీ వర్ణం నీ లింగం ఆధారంగా ఎవరూ నిషేధం విధింపబడలేని క్రీడలో ఉన్నందుకు చాలా సంతోషంగా ఉందని ఫించ్‌ అంటున్నాడు. ఫించ్‌ ప్రకటన ఏమిటో నాకు అర్థం కాలేదు. ఏ క్రీడలో వివక్ష లేదు. నీ ప్రకటన హాస్యాస్పదంగా ఉంది’ అంటూ హోల్డింగ్‌ కౌంటర్‌ ఇచ్చాడు. ఒకవేళ మీకు ఎవరికి నల్ల జాతీయుల ఉద్యమానికి మద్దతు అవసరం లేదనకుంటే మిమ్ముల్ని తానేమీ బలవంతంగా అందులోకి తీసుకెళ్లడానికి ఇక్కడ లేనన్నాడు. కానీ ఆచరణలో పెట్టలేని మాటలను మాట్లడవద్దన్నాడు.(చదవండి: ‘ఆ గన్‌ ప్లేయర్‌తో రైనా స్థానాన్ని పూడుస్తాం’)

మాంచెస్టర్‌: ఇంగ్లండ్‌తో జరిగిన రెండో టీ20లో పాకిస్తాన్‌ ఐదు వికెట్ల తేడాతో ఓటమి పాలైంది. మాంచెస్టర్‌ వేదికగా ఆదివారం జరిగిన మ్యాచ్‌లో తొలుత బ్యాటింగ్‌ చేసిన పాకిస్తాన్‌ నాలుగు వికెట్లకు 195 పరుగులు చేసింది. కాగా, చివరకు ఇంగ్లండ్‌నే విజయం వరించింది. ఆఖరి ఓవర్‌ తొలి బంతికి ఇంగ్లండ్‌ విజయం సాధించి సిరీస్‌లో 1-0తో ఆధిక్యంలో నిలిచింది. తొలి టీ20 వర్షం వల్ల రద్దు కాగా, మూడో టీ20 మంగళవారం జరుగనుంది. రెండో టీ20లో పాక్‌ ఇన్నింగ్స్‌లో కెప్టెన్‌ బాబర్‌ అజామ్‌(56) హాఫ్‌ సెంచరీ సాధించాడు.  ఫలితంగా అంతర్జాతీయ టీ20ల్లో 1,500 పరుగులు సాధించిన ఆటగాళ్ల జాబితాలో చేరిపోయాడు. ఈ క్రమంలోనే వేగవంతంగా పదిహేను వందల అంతర్జాతీయ టీ20 పరుగుల్ని సాధించిన ఆటగాళ్ల సరసన నిలిచాడు. అంతకుముందు టీమిండియా కెప్టెన్‌ విరాట్‌ కోహ్లి, ఆసీస్‌ వన్డే కెప్టెన్‌ అరోన్‌ ఫించ్‌లు వేగవంతంగా 1,500 పరుగుల మార్కును చేరిన ఆటగాళ్లు కాగా, ఇప్పుడు వారి సరసన అజామ్‌ కూడా స్థానం సంపాదించాడు. అజామ్‌కు ఇది 39వ అంతర్జాతీయ టీ20 ఇన్నింగ్స్‌. ఈ మ్యాచ్‌కు ముందు అజామ్‌ పదిహేను వందల పరుగులకు 29 పరుగుల దూరంలో ఉన్నాడు. ఈ మార్కును సులభంగానే చేరిన అజామ్‌.. ఆపై హాఫ్‌ సెంచరీతో మెరిశాడు.  ఇది అజామ్‌కు 14వ టీ20 హాఫ్‌ సెంచరీ.ఇక పాకిస్తాన్‌ నిర్దేశించిన 196 పరుగుల లక్ష్యాన్ని ఇంగ్లండ్‌ ఐదు వికెట్లు కోల్పోయి ఛేదించింది. ఇంగ్లండ్‌ కెప్టెన్‌ ఇయాన్‌ మోర్గాన్‌ 33 బంతుల్లో 6 ఫోర్లు, 4 సిక్స్‌లతో 66 పరుగులు సాధించి జట్టు విజయంలో కీలక పాత్ర పోషించాడు. అతనికి తోడు మలాన్‌ 36 బంతుల్లో 6 ఫోర్లు, 1 సిక్స్‌తో అజేయంగా 54 పరుగులు సాధించడంతో ఇంగ్లండ్‌ సులభంగానే గెలిచింది. 

డెర్బీ: ఆస్ట్రేలియా తరఫున టెస్టు మ్యాచ్‌ల్లో ఆడేది అనుమానమేనని వన్డే కెప్టెన్‌ ఆరోన్‌ ఫించ్‌ అన్నాడు. దాదాపుగా తన టెస్టు కెరీర్‌ ముగిసినట్లేనని వ్యాఖ్యానించాడు. 3 వన్డేలు, 3టి20 మ్యాచ్‌ల సిరీస్‌ కోసం ప్రస్తుతం ఇంగ్లండ్‌లో ఉన్న ఫించ్‌... కెరీర్‌ ముగిసేలోగా చివరగా ఒక టెస్టు మ్యాచ్‌ ఆడాలని ఉందంటూ తన ఆసక్తిని బయట పెట్టాడు. భారత్‌లో 2023లో జరిగే వన్డే ప్రపంచకప్‌ తనకు చివరి సిరీస్‌ అవుతుందని చెప్పాడు. ‘నేనింకా టెస్టులు ఆడే అవకాశం ఉందని అనుకోవట్లేదు. ఎరుపు బంతితో ఆడతానని చెప్తే అది అబద్ధమే అవుతుంది. టెస్టు జట్టులో చోటు కోసం ఇప్పట్లో నేను ఫస్ట్‌క్లాస్‌ క్రికెట్‌ ఆడలేను. మరోవైపు యువకులు దూసుకొస్తున్నారు. టాపార్డర్‌లో ఇమిడిపోయే యువకులే అధికంగా వెలుగులోకి వస్తున్నారు’ అని ఫించ్‌ చెప్పాడు. ఇప్పటివరకు కేవలం 5 టెస్టుల్లోనే ఆస్ట్రేలియాకు ప్రాతినిధ్యం వహించిన 33 ఏళ్ల ఫించ్‌... 126 వన్డేలు, 61 టి20లు ఆడాడు.   (చదవండి: ఊహించని ట్విస్ట్‌.. పాపం కెవిన్‌ ఒబ్రెయిన్‌)

సిడ్నీ: ఇప్పటివరకూ ఒక్కసారి కూడా ఇండియన్‌ ప్రీమియర్‌ లీగ్‌(ఐపీఎల్‌) టైటిల్‌ గెలవలేకపోయిన ఆర్సీబీ.. దాన్ని అధిగమించాలంటే కెప్టెన్‌ విరాట్‌ కోహ్లి బ్యాట్‌ ఝుళిపించాల్సి ఉందని ఆసీస్‌ దిగ్గజ బౌలర్‌ బ్రెట్‌ లీ అభిప్రాయపడ్డాడు. ఎటువంటి ఒత్తిడికి లోనుకాకుండా తన సహజసిద్ధమైన ఆటను ఆడాలని కోహ్లికి సూచించాడు. కోహ్లికి ఒత్తిడి తగ్గిస్తేనే అది ఆర్సీబీకి ఉపయోగడపడుతుందని పేర్కొన్న బ్రెట్‌ లీ.. ఫించ్‌కు వైస్‌ కెప్టెన్సీ బాధ్యతలు అప్పచెబుతారని అనుకుంటున్నానని అన్నాడు. తొలిసారి ఆర్సీబీ తరఫున ఆడబోతున్న ఫించ్‌.. కోహ్లికి సాయంగా ఉంటాడనడంలో ఎటువంటి సందేహం లేదన్నాడు. కోహ్లి తర్వాత వైస్‌ కెప్టెన్సీ రోల్‌ ఫించ్‌దేనని తాను అనుకుంటున్నట్లు చెప్పాడు. ఆర్సీబీ సక్సెస్‌ బాటలో పయనించాలంటే కోహ్లికి ఒత్తిడి తగ్గించాల్సిం‍దేనని లీ తెలిపాడు.(‘అందుకే అంబటి రాయుడ్ని తీసుకోలేదు’) ‘కోహ్లి కేవలం క్రికెట్‌ను ఆస్వాదిస్తూనే బ్యాటింగ్‌ చేయాలి. ఎటువంటి ఒత్తిడి తీసుకోకూడదు. ఒక ప్లేయర్‌గా ఒక కెప్టెన్‌గా సక్సెస్‌ కావాలంటే ఒత్తిడిని వదిలేయాలి. ప‍్రస్తుతం కోహ్లి ఎంతో ఎత్తులో ఉన్నాడు. ఒక్కోసారి జట్టులో విపరీతమైన ఒత్తిడి ఉంటుంది. ఆటగాళ్లు విఫమైనప్పుడు ఆ భారాన్ని కెప్టెన్‌ మోయాల్సి ఉంటుంది. ఇక్కడ కోహ్లి ఒత్తిడికి ఎంత దూరంగా ఉంటే అంత మంచిది. ఆసీస్‌ జట్టు పరిమిత ఓవర్ల కెప్టెన్‌ అయిన అరోన్‌ ఫించ్‌ అనుభవం కోహ్లికి ఉపయోగపడుతుంది. ఫించ్‌ వైస్‌ కెప్టెన్‌గా ఉంటే కోహ్లి ఒత్తిడి తగ్గుతుంది’ అని స్టార్‌ స్పోర్ట్స్‌ నిర్వహించిన క్రికెట్‌ కనెక్టడ్‌ షోలో బ్రెట్‌ లీ పేర్కొన్నాడు. గతంలో పలు ఫ్రాంచైజీలకు ఐపీఎల్‌లో ఫించ్ ప్రాతినిథ‍్యం వహించగా, ఈ సీజన్‌ ఐపీఎల్‌గాను గతేడాది డిసెంబర్‌లో జరిగిన వేలంలో ఆర్సీబీ కొనుగోలు చేసింది.(కోహ్లికి ఒత్తిడి తగ్గిస్తా: ఆసీస్‌ కెప్టెన్‌) ఇక్కడ చదవండి: ఆర్‌సీబీతోనే నా ప్రయాణం

సిడ్నీ: ఇండియన్‌ ప్రీమియర్‌ లీగ్‌(ఐపీఎల్‌)-13వ సీజన్‌కు రంగం సిద్ధమైంది. యూఏఈ వేదికగా వచ్చే నెల 19వ తేదీ నుంచి ఐపీఎల్‌ ఆరంభం కానున్న నేపథ్యంలో అన్ని జట్లు తమ ప్రణాళికల్లో నిమగ్నమై పోయాయి. కాగా, విరాట్‌ కోహ్లి సారథ్యం వహిస్తున్న రాయల్‌ చాలెంజర్స్‌ బెంగళూరు(ఆర్సీబీ) తరపున ఆడటానికి ఎంతో ఆసక్తిగా ఎదురుచూస్తున్నట్లు  ఆసీస్‌ పరిమిత ఓవర్ల కెప్టెన్‌ అరోన్‌ ఫించ్‌ తెలిపాడు. తొలిసారి ఆర్సీబీకి ఆడుతున్న ఆనందంలో ఉన్న ఫించ్‌.. ఆ జట్టులోని గొప్ప ఆటగాళ్లతో కలిసి ఆడటాన్ని ఆస్వాదిస్తానన్నాడు. (‘ఫ్యాబ్‌-4 బ్యాటింగ్‌ లిస్టులోకి వచ్చేశాడు’) ఏఎన్‌ఐతో ఫించ్‌ మాట్లాడుతూ.. ‘ ఆర్సీబీతో కలవడానికి నిరీక్షిస్తున్నా. ఇప్పటికే ఆర్సీబీతో జాయిన్‌ కావడం ఆలస్యమైంది. వరల్డ్‌లోని పలువురు అత్యుత్తమ ఆటగాళ్లు ఆర్సీబీలో ఉన్నారు. ఆర్సీబీ హోమ్‌ గ్రౌండ్‌ అయిన చిన్నస్వామి స్టేడియంలో ప్రేక్షకుల మధ్య ఆడితే ఇంకా మజాగా ఉండేది.. కానీ ఆ అవకాశం లేదు. యూఏఈలో ఐపీఎల్‌ జరుగుతుంది. కోహ్లి నాయకత్వంలో ఆడటం ఇదే తొలిసారి. దాంతో ఆతృత ఎక్కువైంది. చాలాకాల నుంచి కోహ్లి-నేను ప్రత్యర్థులుగా తలపడుతున్నాం. ఈసారి కలిసి ఆడబోతున్నాం. దాంతో కోహ్లితో కలిసి ఆడటం కోసం ఎదురుచూస్తున్నా’ అని ఫించ్‌ తెలిపాడు. ఇక మీ నాయకత్వం కోహ్లికి ఏమైనా ఉపయోగపడుతుందా అనే దానికి ఫించ్‌ ఆసక్తికర సమాధానం చెప్పాడు. ‘నా అనుభవం ఆర్సీబీకి ఉపయోగపడుతుందనే ఆశిస్తున్నా. మా జట్టులో ఎవరికైనా సలహాలు ఇవ్వడానికి సిద్ధంగా ఉంటా. ఇక కోహ్లికి ఒత్తిడి తగ్గించడానికి చేయాల్సినదంతా చేస్తా’ అని ఫించ్‌ చెప్పుకొచ్చాడు. గతంలో పలు ఫ్రాంచైజీలకు ఐపీఎల్‌లో ఫించ్ ప్రాతినిథ‍్యం వహించగా, ఈ సీజన్‌ ఐపీఎల్‌గాను గతేడాది డిసెంబర్‌లో జరిగిన వేలంలో ఆర్సీబీ కొనుగోలు చేసింది.(‘ధోని ఏమిటో మీరే చూస్తారు కదా’)

లండన్‌: భారత రన్‌ మెషీన్‌ విరాట్‌ కోహ్లి, హిట్‌ మ్యాన్‌ రోహిత్‌ శర్మ క్రీజులో కుదురుకుంటే ప్రత్యర్థి జట్టు బేలగా చూస్తుండిపోవాల్సిందే. ఇక ఈ ఇద్దరు జోడీగా చెలరేగితే ఆ విధ్వంసాన్ని ఎలా అడ్డుకోవాలో తెలీక ప్రత్యర్థి కెప్టెన్‌ తల పట్టుకోవాల్సిందే. సరిగ్గా ఇదే పరిస్థితిలో ఉన్న ఆస్ట్రేలియా సారథి ఆరోన్‌ ఫించ్‌... ఏం చేయాలో పాలుపోక మంచి సలహా కోసం చివరకు మ్యాచ్‌ అంపైర్‌ను ఆశ్రయించాడట. ఈ విషయాన్ని స్వయంగా ఆనాటి మ్యాచ్‌ అంపైర్‌ మైకేల్‌ గౌఫ్‌ తాజాగా వెల్లడించాడు. ఈ ఘటన జనవరిలో భారత్‌–ఆసీస్‌ మధ్య బెంగళూరులో మూడో వన్డే సందర్భంగా జరిగిందని గౌఫ్‌ బుధవారం పేర్కొన్నాడు. ‘ఆ మ్యాచ్‌ నాకు బాగా గుర్తుంది. విరాట్‌–రోహిత్‌ జోడీ భారీ భాగస్వామ్యం దిశగా దూసుకెళ్తోంది. అప్పుడు స్క్వేర్‌ లెగ్‌ దగ్గర నా పక్కనే ఉన్న ఫించ్‌ నా దగ్గరికి వచ్చి ‘ఈ ఇద్దరు గొప్ప క్రికెటర్ల ఆట నమ్మశక్యంగా లేదు. వీరికి ఎలా బౌలింగ్‌ చేయాలి’ అని అడిగాడు. దానికి సమాధానంగా ‘నా పని నాకుంది. నీ పని నువ్వు చూస్కో’ అని చెప్పినట్లు’ గౌఫ్‌ పేర్కొన్నాడు. ఆ మ్యాచ్‌లో రెండో వికెట్‌కు విరాట్‌ (89), రోహిత్‌ (119) జోడీ నెలకొల్పిన 137 పరుగుల భాగస్వామ్యంతో భారత్‌ 286 పరుగుల లక్ష్యాన్ని ఛేదించి 7 వికెట్లతో గెలుపొందింది. దీంతో 2–1తో సిరీస్‌ భారత్‌ వశమైంది.

లండన్‌: టీమిండియా సారథి, పరుగుల యంత్రం విరాట్‌ కోహ్లి, హిట్‌ మ్యాన్‌ రోహిత్‌ శర్మలు ఇద్దరూ కలిసి బ్యాటింగ్‌ చేస్తుంటే ఫ్యాన్స్‌కు ఎంత మజా వస్తుందో అంతకంటే ఎక్కువగా ప్రత్యర్థి జట్టులో గుబులు మొదలవుతుంది. ఒక్కసారి వీరిద్దరూ క్రీజుల పాతుకపోతే బౌండరీల వర్షం.. పరుగుల వరద ఖాయం. అలా వీరిద్దరూ ఎంతో మంది ప్రత్యర్థి బౌలర్లకు, కెప్టెన్లకు నిద్రలేని రాత్రులను మిగిల్చారు. అయితే గతంలో టీమిండియా, ఆస్ట్రేలియా జట్ల మధ్య జరిగిన ఓ వన్డే మ్యాచ్‌లో ఓ ఆసక్తికర సంఘటన చోటుచేసుకుంది. ఆ మ్యాచ్‌లో కోహ్లి, రోహిత్‌లు విధ్వంసం సృష్టిస్తుంటే ఏం చేయాలో పాలుపోని సారథి ఫించ్‌ అంపైరింగ్‌ చేస్తున్న మైకేల్‌ గాఫ్‌ సలహా కోరాడు. ఈ విషయాన్ని స్థానిక మాగజైన్‌కు ఇచ్చిన ఇంటర్వ్యూలో మైకేల్‌ గాఫ్‌ బయటపెట్టాడు. (‘కోహ్లిలా ఆడాలి.. పాక్‌ను గెలిపించాలి’) ‘భారత్‌, ఆస్ట్రేలియా మ్యాచ్‌ ఒకటి గుర్తొస్తోంది. ఆ మ్యాచ్‌లో కోహ్లి, రోహిత్‌లు బాగా బ్యాటింగ్‌ చేస్తున్నారు. భారీ భాగస్వామ్యం దిశగా పరుగులు తీస్తున్నారు. ఈ సమయంలో స్క్వేర్‌ లెగ్‌లో ఫీల్డింగ్‌ చేస్తున్న ఫించ్‌ పక్కన అంపైరింగ్‌ బాధ్యతలు నిర్వర్తిస్తున్న నా దగ్గరికి వచ్చి ఇలా అన్నాడు. ఈ ఇద్దరు గొప్ప బ్యాట్స్‌మన్‌ ఆట చూడకుండా ఉండేదెలా? వారిద్దరికి నేనెలా బౌలింగ్‌ చేయించాలి? అని సలహా కోరాడు. అప్పుడు నాకు పని ఉంది. నీ పని నువ్వు చూసుకో’ అని జవాబిచ్చినట్లు ఆనాటి మ్యాచ్‌ విశేషాలను గాఫ్‌ గుర్తుతెచ్చుకున్నాడు. ప్రస్తుతం ఈ వార్త సోషల్‌ మీడియాలో హాట్‌ టాపిక్‌గా మారింది. ఇంగ్లండ్‌కు చెందిన మైకేల్‌ గాఫ్‌ 62 వన్డే మ్యాచ్‌లకు అంపైరింగ్‌ చేశాడు. ('ఆరోజు రితికా అందుకే ఏడ్చింది')

సిడ్నీ: పదకొండు మంది సభ్యులతో కూడిన భారత్‌-ఆస్ట్రేలియా ఆల్‌టైమ్‌ అత్యుత్తమ వన్డే జట్టును ఆసీస్‌ క్రికెట్‌ జట్టు పరిమిత ఓవర్ల కెప్టెన్‌ ఆరోన్‌ ఫించ్‌ ఎంపిక చేశాడు. గురువారం ఓ స్పోర్ట్స్‌ ఛానల్‌కు ఇచ్చిన ఇంటర్వ్యూలో ఈ జట్టును ప్రకటించాడు. అయితే ఫించ్‌ ప్రకటించిన జట్టులో మాస్టర్‌ బ్లాస్టర్‌ సచిన్‌ టెండూల్కర్‌ పేరు లేకపోవడం గమనార్హం. అయితే టీమిండియా మాజీ సారథి ఎంఎస్‌ ధోనికి అనూహ్యంగా వన్డే జట్టులో అవకాశం కల్పించాడు. ఓపెనర్లను ఎంపిక చేయడానికి ఫించ్‌ తర్జనభర్జన పడ్డాడు. ఒక ఓపెనర్‌గా ఆడమ్‌ గిల్‌క్రిస్ట్‌ను ఎంపిక చేయగా.. అతడికి జోడిగా ఎవరిని తీసుకోవాలనేదానిపై తీవ్రంగా ఆలోచించాడు. (సోషల్‌ మీడియాకు దూరంగా ధోని..) ‘నా తొలి ప్రాధాన్యత వీరేంద్ర సెహ్వాగే. బౌలర్లపై పూర్తి ఆధిపత్యం చెలాయిస్తూ దూకుడుగా బ్యాటింగ్‌ చేస్తాడు. కానీ అతని ఆట ముగిసింది. దీంతో రోహిత్‌ శర్మను తీసుకుంటున్నా. అతని వన్డే రికార్డులు అత్యద్భుతం. కానీ గిల్‌క్రిస్ట్‌-సెహ్వాగ్‌లు ఓపెనర్లుగా దిగి ఆడితే చూడాలని ఉంది. బ్యాటింగ్‌ ఆర్డర్‌లో మూడు, నాలుగు స్థానాల కోసం రికీ పాంటింగ్‌, విరాట్‌ కోహ్లిలను ఎంపిక చేస్తా.  హార్దిక్‌ పాండ్యా, ఆండ్రూ సైమండ్స్‌లు ఆల్‌రౌండర్ల స్థానాన్ని భర్తీ చేస్తారు’ అని ఫించ్‌ వివరించారు. ఇక వీరితో పాటు టీమిండియా మాజీ సారథి ఎంఎస్‌ ధోనిని కూడా భారత్‌-ఆసీస్‌ వన్డే జట్టులో ఎంపిక చేశాడు. అయితే ధోని భవిత్యంపై మాట్లాడేందకు ఫించ్‌ నిరాకరించాడు.  ‘ధోని భవిష్యత్‌పై మాట్లాడను. అతడు ఒక అద్భుతమైన ఆటగాడు. ప్రత్యర్థి జట్టులో ఉన్నప్పటికీ ధోని ఆటను ఆస్వాదిస్తుంటాను. అయితే అతని భవిష్యత్‌పై వస్తున్న వార్తలపై స్పందించలేను. ఎందుకంటే వాటి గురించి నాకు తెలియదు’ అని ఫించ్‌ అన్నాడు. ఇక బ్రాడ్‌ హాగ్‌, హర్భజన్‌ సింగ్‌లలో ఒకరిని స్పిన్నర్‌గా జట్టుతోకి తీసుకుంటానని ఫించ్‌ పేర్కొన్నాడు. బ్రెట్‌లీ, గ్లెన్‌ మెక్‌గ్రాత్‌, జస్ప్రిత్‌ బుమ్రాలతో బౌలింగ్‌ విభాగాన్ని భర్తీ చేశాడు. (విదేశాల్లో ఐపీఎల్‌-2020?)

సిడ్నీ : కరోనా  నేపథ్యంలో లాక్‌డౌన్‌ విధించడంతో ఆటగాళ్లంతా ఇళ్లకే పరిమితమయిన సంగతి తెలిసిందే. లాక్‌డౌన్‌ సమయాన్ని ఒక్కో ఆటగాడు ఒక్కో విధంగా పంచుకుంటున్నారు. లాక్‌డౌన్‌ విధించినప్పటి నుంచి ఆస్ట్రేలియా విధ్వంసకర ఆటగాడు, ఓపెనర్‌ డేవిడ్‌ వార్నర్‌ సోషల్‌ మీడియాలో చాలా యాక్టివ్‌గా ఉంటున్న సంగతి తెలిసిందే. తాను ఏ పని చేసినా వెంటనే ఆ వీడియోనూ ఇన్‌స్టాగ్రామ్‌లో షేర్‌ చేసుకుంటున్నాడు. వార్నర్‌, ఆస్ట్రేలియా పరిమిత ఓవర్ల కెప్టెన్‌ ఆరోన్‌ ఫించ్‌ స్వతహాగానే మంచి మిత్రులు. వార్నర్‌ చేసిన ప్రతీ వీడియోనూ ఎంజాయ్‌ చేస్తూ వచ్చిన ఫించ్‌ తానెందుకు టిక్‌టాక్‌ వీడియో చేయొద్దని అనుకున్నాడు. వెంటనే టిక్‌టాక్‌ యాప్‌ ఓపెన్‌ చేసి డ్యాన్స్‌ చేయడం ప్రారంభించాడు. కానీ డ్యాన్స్‌ అంటే కేవలం చేతులను ఆడిస్తే సరిపోదనుకొని బాడీ మూమెంట్స్‌ కూడా ప్రయత్నించాడు, అయితే మూమెంట్స్‌ అనుకున్నంత మంచిగా రాకపోవడంతో డ్యాన్స్‌ను ఆపేశాడు. ఆ వీడియోనూ ఇన్‌స్టాగ్రామ్‌లో షేర్‌ చేస్తూ ఆరోన్‌ ఫించ్‌ ఇలా రాసుకొచ్చాడు.('వారిని ప్రపంచకప్‌లో మాత్రం ఓడించలేకపోయాం') 'నా వయసు 30 దాటిపోవడంతో డ్యాన్స్‌ చేయడం చాలా కష్టంగా అనిపిస్తుంది. అందులోనూ డ్యాన్స్‌ చేస్తూ టిక్‌టాక్‌ యాప్‌లో వీడియో తీయడం ఇంకా ఇబ్బందిగా ఉంది. నా మిత్రుడు వార్నర్‌ లాక్‌డౌన్‌ బాగా ఎంజాయ్‌ చేస్తున్నాడు.  వార్నర్‌ వయసులో పెద్దవాడైనా డ్యాన్స్‌ మాత్రం ఇరగదీస్తున్నాడు. నేను కూడా అతని లాగా చేద్దామనుకున్నా.. కానీ కుదరలేదు. నా వరకు డ్యాన్స్‌ కంటే క్రికెట్‌ ఆటే బాగుంది' అంటూ క్యాప్షన్‌ జతచేశాడు. అక్టోబర్‌లో జరగాల్సిన టీ20 వరల్డ్‌ కప్‌ కరోనా వైరస్‌ నేపథ్యంలో ఆలస్యమయ్యే అవకాశముందని ఫించ్‌ పేర్కొన్నాడు. అయితే టీ20 వరల్డ్‌ కప్‌కు సన్నద్దమవ్వడానికి ముందు ఒక సిరీస్‌ ఆడితే బాగుంటుదనే విషయాన్ని క్రికెట్‌ ఆస్ట్రేలియాకు లేఖ ద్వారా పేర్కొన్నట్లు తెలిపాడు. ఆసీస్‌ తరపున 126 వన్డేల్లో 4882 పరుగులు, 61 టీ20ల్లో 1989 పరుగులు చేశాడు. (రోహిత్‌ బ్యాట్‌ సౌండ్‌.. నాకు తొలి జ్ఞాపకం!)

మెల్‌బోర్న్‌: కరోనా (కోవిడ్‌–19) కారణంగా ఐపీఎల్,  ఆస్ట్రేలియా జట్టు ఆడే ద్వైపాక్షిక సిరీస్‌లు ఆగిపోతే తమకు భారీగా ఆర్థిక నష్టం వాటిల్లుతుందని ఆస్ట్రేలియా పరిమిత ఓవర్ల సారథి ఆరోన్‌ ఫించ్‌ ఆందోళన వ్యక్తం చేశాడు. అయినప్పటికీ తామంతా కలిసి కట్టుగా ఈ పరిస్థితిని ఎదుర్కొంటామన్నాడు. ఆసీస్‌ ఆటగాళ్లు ఐపీఎల్‌లో ఆడేందుకు క్రికెట్‌ ఆస్ట్రేలియా (సీఏ) గతంలో నో అబ్జక్షన్‌ సర్టిఫికేట్‌ ఇవ్వగా... తాజా పరిస్థితుల్లో దానిని పునఃసమీక్షించే అవకాశం ఉందని బాంబు పేల్చింది. కరోనా విజృంభిస్తున్న నేపథ్యంలో ప్రస్తుతం ఆస్ట్రేలియా ప్రభుత్వం సైతం విదేశీ ప్రయాణాలపై చాలా కఠినంగా ఉంది. దాంతో ఐపీఎల్‌ ఏప్రిల్‌ 15న ఆరంభమైనా ఆసీస్‌ ఆటగాళ్లు భారత్‌కు వచ్చే అవకాశాలు తక్కువగా ఉన్నాయి. సీఏ ఇప్పటికే తాము ఆడాల్సిన ద్వైపాక్షిక సిరీస్‌లను రద్దు చేసుకుంది. దాంతో ఇది ఆటగాళ్ల ఆదాయంపై ప్రభావం చూపుతుంది. ఎందుకంటే సీఏ తాము నిర్వహించిన సిరీస్‌ల ద్వారా వచ్చే రాబడి లోంచి వాటాల (రెవెన్యూ షేర్‌ మోడల్‌) రూపంలో ఆటగాళ్లకు చెల్లిస్తుంది. ఇప్పుడు సిరీస్‌లు జరగనందువల్ల తమకు నష్టం జరిగే ప్రమాదం ఉందని ఫించ్‌ పేర్కొన్నాడు. ఇటువంటి సమయంలోనే ఐపీఎల్‌ కూడా జరగకపోతే మా పరిస్థితి మరింతగా దిగజారుతుందని అన్నాడు. దాదాపు 17 మంది ఆటగాళ్లు ఐపీఎల్‌ ప్రాంచైజీలతో కాంట్రాక్టు కలిగి ఉన్నారు. అయితే ఈ పరిస్థితులు చక్కబడతాయని ఆశిస్తున్నానన్న ఫించ్‌... ఎప్పుడనేది మాత్రం తాను ప్రస్తుతం చెప్పలేనన్నాడు. ‘మనం ఎప్పుడూ ఇటువంటి పరిస్థితులను చూసి ఉండం. ప్రయాణాలపై కొన్ని గంటల్లోనే నిర్ణయం తీసుకున్నారు. రెండు, మూడు వారాల్లో తిరిగి మామూలు స్థితి ఏర్పడవచ్చు. ఏ నిర్ణయం తీసుకోలేని పరిస్థితిలో ఉన్నాం. ప్రస్తుతం మనం ఈ వైరస్‌ కట్టడికి అందరూ తమ వంతు సాయం చేయాలి.’అని ఫించ్‌ పేర్కొన్నాడు.

సిడ్నీ : ప్రపంచాన్ని గడగడలాడిస్తోన్న కరోనా వైరస్‌ ప్రభావం క్రీడలకు పాకిందన్న సంగతి ప్రత్యేకంగా చెప్పనవసరం లేదు. ఫుట్‌బాల్‌, క్రికెట్‌, ఇతర క్రీడలకు చెందిన పలు సిరీస్‌లు కోవిడ్‌ ప్రభావంతో రద్దయ్యాయి. ఒకవేళ మ్యాచ్‌లు జరిగినా మైదానంలో ప్రేక్షకులు లేకుండా ఆడాల్సి వస్తుంది. తాజాగా ఆస్ట్రేలియా, న్యూజిలాండ్‌ల మధ్య జరుగుతున్న మొదటి వన్డేలో ఒక ఆసక్తికర ఘటన చోటుచేసుకుంది. టాస్‌ వేసిన తర్వాత ఇరు జట్ల కెప్టెన్లు షేక్‌ హ్యాండ్‌ ఇచ్చుకోవడం ఆనవాయితీగా వస్తుంది. ఈ నేపథ్యంలో టాస్‌ వేసిన తర్వాత ఆసీస్‌ కెప్టెన్‌ ఆరోన్‌ ఫించ్‌,కివీస్‌ కెప్టెన్‌ కేన్‌ విలియమ్సన్‌కు షేక్‌ హ్యాండ్‌ ఇవ్వబోయాడు. అయితే వెంటనే ఫించ్‌ తన చేతిని వెనక్కి తీసుకున్నాడు. ఈ ఉదంతంతో ఇరు కెప్టెన్ల ముఖాల్లో నవ్వు వెల్లివిరిసింది. తర్వాత కేన్‌ విలియమ్సన్‌, ఫించ్‌లు తమ మోచేతులతో ట్యాప్‌ చేసుకున్నారు. (ఆసీస్‌ క్రికెటర్‌కు ‘కరోనా’ టెస్టులు.. వన్డేకు దూరం!) షేక్‌హ్యాండ్‌ ఇచ్చుకోవడానికి భయపడుతున్నారంటే కరోనా వైరస్‌ ఎంతలా ప్రభావం చూపిస్తుందో తెలుస్తూనే ఉంది.ఇప్పుడు ఏ ఇద్దరు కలిసినా షేక్‌ హ్యాండ్‌ ఇచ్చుకోకుండా కేవలం 'నమస్తే'తోనే సరిపెట్టుకుంటున్నారు. ఈ విషయాన్ని క్రికెట్‌ ఆస్ర్టేలియా తన ట్విటర్‌లో షేర్‌ చేసింది. 'క్రికెట్‌లో హ్యాండ్‌ షేక్‌ బాగా అలవాటైపోయింది.. ఇప్పుడు మోచేతితో అంటే కష్టమే అంటూ ఇరు కెప్టెన్లు అనుకుంటున్నట్లుగా' కాప్షన్‌ పెట్టారు. అయితే మ్యాచ్‌ ఆరంభానికి ముందు ఆసీస్‌ బౌలర్‌ కేన్‌ రిచర్డ్‌సన్‌కు కరోనా సోకిందని అనుమానం రావడంతో మ్యాచ్‌ నుంచి తొలగించారు. ప్రస్తుతం రిచర్డ్‌సన్‌కు కోవిడ్‌కు సంబంధించిన టెస్టులు పూర్తి చేశామని, వాటి రిపోర్ట్స్‌ కోసం ఎదురుచూస్తున్నట్లు క్రికెట్‌ ఆస్ట్రేలియా ప్రకటించింది. కాగా ఆసీస్‌- న్యూజిలాండ్‌ మధ్య మూడు వన్డేలు, మూడు టీ20లు జరగనున్నాయి. శుక్రవారం మొదటి వన్డేలో భాగంగా టాస్‌ గెలిచిన ఆసీస్‌ బ్యాటింగ్‌ ఎంచుకుంది. కరోనా ప్రభావంతో  ఇరు జట్ల మధ్య జరగనున్న సిరీస్‌లో ప్రేక్షకులు లేకుండానే మ్యాచ్‌లు జరగడం విశేషం. ('కోహ్లి నా దగ్గర సలహాలు తీసుకునేవాడు') A handshake out of habit, and then a quick joke, between the skippers 🤝#AUSvNZ pic.twitter.com/QJcsA4Bv0X — cricket.com.au (@cricketcomau) March 13, 2020

సిడ్నీ: ఆస్ట్రేలియా క్రికెట్‌ జట్టు తరఫున ఆడే క్రమంలో అరోన్‌ ఫించ్‌లు, స్టీవ్‌ స్మిత్‌లు జట్టుకు విజయాలు సాధించి పెట్టిన సందర్భాలు ఎన్నో. అయితే ఇద్దరూ ప్రత్యర్థులుగా మారితే.. ఒకర్ని ఒకరు ఓడించుకుంటే అది అత్యంత ఆసక్తిగా ఉంటుంది. బిగ్‌బాష్‌ లీగ్‌(బీబీఎల్‌)లో భాగంగా శనివారం సిడ్నీ సిక్సర్స్‌- మెల్‌బోర్న్‌ రెనిగేడ్స్‌ జట్ల మధ్య మ్యాచ్‌ జరిగింది. ఈ మ్యాచ్‌లో రెనిగేడ్స్‌ కెప్టెన్‌ అరోన్‌ ఫించ్‌ ఉంటే, సిడ్నీ సిక్సర్స్‌ సభ్యుడిగా ఉన్న స్మిత్‌ ఉన్నాడు. అయితే తొలుత బ్యాటింగ్‌ చేసిన రెనిగేడ్స్‌ జట్టులో ఫించ్‌ శతకంతో చెలరేగిపోయాడు. 68 బంతుల్లో 6 ఫోర్లు, 7 సిక్సర్లతో 109 పరుగులు సాధించాడు. కాగా, మిగతా వారు పెద్దగా రాణించకపోవడంతో రెనిగేడ్స్‌ నిర్ణీత ఓవర్లలో ఐదు వికెట్ల నష్టానికి 175 పరుగులు చేసింది.  ఆ లక్ష్యాన్ని సిడ్నీ సిక్సర్స్‌ సునాయాసంగా ఛేదించింది. 18.4 ఓవర్లలో మూడు వికెట్ల నష్టానికి 176 పరుగులు చేసి సిడ్నీ సిక్సర్స్‌ విజయం సాధించింది. ఈ విజయంలో స్టీవ్‌ స్మిత్‌ కీలక పాత్ర పోషించాడు. కడవరకూ అజేయంగా క్రీజ్‌లో ఉండి మ్యాచ్‌ను గెలిపించాడు. 40 బంతుల్లో 7 ఫోర్లు, 1 సిక్స్‌తో 66 పరుగులు సాధించాడు. సిడ్నీ సిక్సర్స్‌ ఓపెనర్‌ జోష్‌ ఫిలిఫ్‌ 61 పరుగులు సాధించగా, ఫస్ట్‌ డౌన్‌లో వచ్చిన స్మిత్‌ బ్యాట్‌ ఝుళిపించాడు. బౌండరీలతో అలరిస్తూ మ్యాచ్‌ను ఏకపక్షంగా మార్చేశాడు.   

సిడ్నీ:  ఇటీవల భారత్‌తో జరిగిన వన్డే సిరీస్‌ను కోల్పోయిన తర్వాత స్వదేశానికి చేరిన ఆసీస్‌ క్రికెట్‌ జట్టు సభ్యులు మళ్లీ బిగ్‌బాష్‌ లీగ్‌(బీబీఎల్‌)తో బిజీ అయిపోయారు. ఈ క్రమంలోనే మెల్‌బోర్న్‌ రెనిగేడ్స్‌కు కెప్టెన్‌గా వ్యవవహరిస్తున్న అరోన్‌ ఫించ్‌ బ్యాట్‌ ఝుళిపించాడు. శనివారం సిడ్నీ సిక్సర్స్‌తో మ్యాచ్‌లో ఫించ్‌ శతకంతో మెరుపులు మెరిపించాడు.  తొలుత రెనిగేడ్స్‌ బ్యాటింగ్‌కు దిగగా ఫించ్‌ సిక్స్‌లు, ఫోర్లతో విరుచుకుపడ్డాడు. 68 బంతుల్లో 6 ఫోర్లు, 7 సిక్స్‌లతో 109 పరుగులు చేశాడు. రెనిగేడ్స్‌ ఇన్నింగ్స్‌లో ఫించ్‌ మినహా ఎవరూ పెద్దగా రాణించకపోవడంతో ఆ జట్టు నిర్ణీత ఓవర్లలో ఐదు వికెట్లకు 175 పరుగులు చేసింది. అయితే ఆపై టార్గెట్‌ను ఛేదించడానికి బరిలోకి దిగిన సిడ్నీ సిక్సర్స్‌ ధాటిగా బ్యాటింగ్‌ కొనసాగిస్తోంది. 11 ఓవర్లు ముగిసే సరికి వికెట్‌ నష్టానికి 99 పరుగులు చేసింది. సిడ్నీసిక్సర్స్‌ జట్టులో స్టీవ్‌ స్మిత్ సభ్యుడు. 

బెంగళూరు: భారత్‌తో జరిగిన చివరి వన్డేలో తమ ప్రణాళిక సక్సెస్‌ కాలేకపోవడంతోనే సిరీస్‌ను చేజార్చుకున్నామని ఆస్ట్రేలియా కెప్టెన్‌ అరోన్‌ ఫించ్ అన్నాడు. తొలుత మూడొందలకు పైగా పరుగులు సాధించాలనుకున్న ప్లాన్‌ అమలు కాలేదని, దాంతోనే మ్యాచ్‌ను కాపాడుకోలేకపోయామన్నాడు. ‘ చివరి వన్డేలో పిచ్‌ స్పిన్నర్లకు బాగా అనుకూలించింది. చివరి వరకూ స్పిన్‌కు అనుకూలంగానే ఉంది. కానీ మేము సాధించిన స్కోరు భారీ స్కోరు కాదు. ఒకవేళ 310 పరుగులు చేసి ఉంటే మా స్పిన్నర్లు మరింత ఒత్తిడి తెచ్చేవారు. ఆగర్‌ బౌలింగ్‌ చాలా బాగుంది. లైన్‌ అండ్‌ లెంగ్త్‌ బంతులతో  బ్యాట్స్‌మెన్‌పై ఒత్తిడి తెచ్చాడు. (ఇక్కడ చదవండి: ‘రాహుల్‌ ఔటైన తర్వాత అదే అనుకున్నాం’) దాంతో భారత్‌ ఆటగాళ్లకు అతని బౌలింగ్‌ ఆడటానికి రిస్క్‌ చేయాల్సి వచ్చింది. మేము స్వల్ప విరామాల్లో రెండేసి వికెట్లను కోల్పోవడం కూడా భారీ స్కోరు చేయలేకపోవడానికి ఒక కారణమైంది. నేను పార్ట్‌ టైమ్‌ స్పిన్‌ వర్కౌట్‌ అవుతుందని అనుకున్నా. దాంతోనే లబూషేన్‌తో పాటు నేను కూడా బౌలింగ్‌ చేశా. కానీ ఆ ప్రణాళిక ఫలించలేదు. ఈ సిరీస్‌ ఓటమి మాకు చాలా విషయాలు నేర్పింది. భారత్‌ స్వదేశంలో ఎంతటి గట్టి జట్టు మరోసారి చూపించింది. వరల్డ్‌ అత్యుత్తమ జట్టును, అందులోనే వారి సొంత గడ్డపై ఓడించమంటే మాకు తెలిసొచ్చింది’ అని ఫించ్‌ అన్నాడు.  (ఇక్కడ చదవండి: కంగారెత్తించాం...)

బెంగళూరు: భారత్‌తో జరుగుతున్న సిరీస్‌ నిర్ణయాత్మక మూడో వన్డేలో ఆస్ట్రేలియా 10 ఓవర్లు ముగియకుండానే రెండు కీలక వికెట్లను కోల్పోయింది. మహ్మద్‌ షమీ వేసిన నాల్గో ఓవర్‌ రెండో బంతికి డేవిడ్‌ వార్నర్‌(3) వికెట్‌ కీపర్‌ కేఎల్‌ రాహుల్‌కు క్యాచ్‌ ఇచ్చి ఔటయ్యాడు. ఆ తరుణంలో ఫస్ట్‌ డౌన్‌లో బ్యాటింగ్‌కు వచ్చిన స్టీవ్‌ స్మిత్‌.. అరోన్‌ ఫించ్‌కు జత కలిశాడు. వీరిద్దరూ నిలకడగా ఆడుతున్నారనుకునే సమయంలో స్మిత్‌ చేసిన పొరపాటు ఫించ్‌ వికెట్‌ను బలి తీసుకుంది. షమీ వేసిన 9వ ఓవర్‌ ఐదో బంతికి బ్యాక్‌వర్డ్‌ పాయింట్‌లోకి ఆడిన స్మిత్‌.. సింగిల్‌ కోసం ప్రయత్నించాడు. ఫించ్‌ను పరుగు కోసం రమ్మంటూ పిలిచాడు.  అయితే తన నిర్ణయాన్ని సెకన్ల వ్యవధిలో మార్చుకున్న స్మిత్‌ వెంటనే స్ట్రైకింగ్‌ ఎండ్‌లోకి దూకేశాడు. అయితే ఫీల్డర్‌ రవీంద్ర జడేజా స్టైకింగ్‌ ఎండ్‌లోకి బంతిని విసిరి స్మిత్‌ రనౌట్‌ కోసం యత్నించాడు. ఆ సమయంలో స్మిత్‌ రనౌట్‌ నుంచి తప్పించుకున్నప్పటికీ ఫించ్‌ పిచ్‌ మధ్యలోకి వచ్చేశాడు. మళ్లీ తిరిగి నాన్‌ స్ట్రైకింగ్‌ ఎండ్‌లోకి వెళ్లే ప‍్రయత్నం చేసినా అప్పటికే బంతిని అందుకున్న శ్రేయస్‌ అయ్యర్‌.. బౌలర్‌ షమీకి అందించాడు. అంతే బంతిని అందుకున్న వెంటనే షమీ వికెట్లను పడగొట్టడంతో ఫించ్‌ రనౌట్‌గా పెవిలియన్‌ చేరాడు. స్మిత్‌ చేసిన తప్పిదానికి తన వికెట్‌ను కోల్పోవడంతో ఫించ్‌ తిట్టుకుంటూ మైదానాన్ని వీడాడు. 

బెంగళూరు : టీమిండియా-ఆస్ట్రేలియా జట్ల మధ్య జరుగుతున్న మూడు వన్డేల సిరీస్‌లో ఓ వినూత్న సంఘటన చోటు చేసుకుంది. ఈ సిరీస్‌లో పర్యాటక ఆసీస్‌ జట్టు ఒక్క మ్యాచ్‌లోనూ టాస్‌ ఓడిపోలేదు. మూడింటిలోనూ టాస్‌ గెలిచింది. తొలి రెండు వన్డేల్లో టాస్‌ గెలిచి బౌలింగ్‌ ఎంచుకున్న ఆసీస్‌ జట్టు.. బెంగళూరు వేదికగా జరుగుతున్న వన్డేలో మాత్రం  తొలుత బ్యాటింగ్‌ వైపు మొగ్గుచూపింది. దీంతో ఓవరాల్‌గా మూడు వన్డేల్లోనూ టాస్‌ గెలిచి టీమిండియాను ఆసీస్‌ క్లీన్‌స్వీప్‌ చేసిందని నెటిజన్లు సరదాగా కామెంట్‌ చేస్తున్నారు. ఈ సిరీస్‌లో ఒక్క మ్యాచ్‌లోనూ సారథి విరాట్‌ కోహ్లి టాస్‌ గెలవకపోవడం గమనార్హం. మూడు వన్డేల సిరీస్‌ ప్రస్తుతం 1–1తో సమంగా ఉండగా ఈ మ్యాచ్‌ గెలిచిన జట్టు ఖాతాలో సిరీస్‌ చేరుతుంది. రెండు జట్లు కూడా దాదాపు సమఉజ్జీలుగా కనిపిస్తుండటంతో పాటు భారీ స్కోర్ల వేదికపై మ్యాచ్‌ జరుగుతుండంతో మరో హోరాహోరీ పోరు జరగడరం ఖాయంగా కనిపిస్తోంది. కాగా, భారత మాజీ క్రికెటర్‌ బాపు నాదకర్ణి మరణానికి సంతాపంగా టీమిండియా క్రికెటర్లు నల్ల రిబ్బన్లు ధరించి మైదానంలోకి దిగారు.  ఇక తొలుత బ్యాటింగ్‌కు దిగిన ఆసీస్‌కు టీమిండియా బౌలర్‌ మహ్మద్‌ షమీ ఆరంభంలోనే గట్టి షాక్‌ ఇచ్చాడు. డేవిడ్‌ వార్నర్‌(3)ను వికెట్‌ పడగొట్టి టీమిండియా శిబిరంలో ఆనందం నింపాడు. దీంతో 18 పరుగులకే ఆసీస్‌ తొలి వికెట్‌ కోల్పోయింది.  చదవండి:  ఓటమిపై స్పందించిన స్టీవ్‌ స్మిత్‌

పేలవ బ్యాటింగ్‌ ప్రదర్శన... 350 పరుగులు కూడా ఛేదించగలిగే ఈ రోజుల్లో 90లనాటి స్కోరుతో ప్రత్యరి్థకి సునాయాస లక్ష్యం... ఆపై ఐదుగురు బౌలర్ల సమష్టి వైఫల్యం... ఇదే అదనుగా చెలరేగిన ఆసీస్‌ ఓపెనర్ల రికార్డు భాగస్వామ్యం... ఫలితంగా భారత వన్డే చరిత్రలో అతి పెద్ద పరాజయాల్లో ఒకటి వాంఖడేలో నమోదైంది. సొంతగడ్డపై ఆడుతూ కూడా టీమిండియా అనూహ్యంగా కంగారూల ముందు తలవంచింది. ఒక్క వికెట్‌ కూడా తీయకుండానే మ్యాచ్‌ను అప్పగించింది. కోహ్లి సేన ప్రయోగాలు పని చేయలేదు, వ్యూహాలు అమలు కాలేదు. దాంతో హోరాహోరీగా సాగుతుందనుకున్న పోరు ఏకపక్షంగా మారిపోయింది. వార్నర్, ఫించ్‌ తాము ఆడుతోంది ఆస్ట్రేలియాలో అన్నంత అలవోకగా పరుగులు రాబట్టడంతో మరో 12.2 ఓవర్లు మిగిలి ఉండగానే ఆసీస్‌ విజయాన్ని అందుకుంది. ఏడాది క్రితం భారత్‌లోనే సాధించిన సిరీస్‌ విజయానికి కొనసాగింపుగా మరో గెలుపును తమ ఖాతాలో వేసుకుంది. ముంబై: ఆ్రస్టేలియాతో మూడు వన్డేల సిరీస్‌ను భారత్‌ పరాభవంతో మొదలు పెట్టింది. మంగళవారం ఇక్కడ జరిగిన తొలి వన్డేలో ఆ్రస్టేలియా 10 వికెట్ల తేడాతో భారత్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన భారత్‌ 49.1 ఓవర్లలో 255 పరుగులకే ఆలౌటైంది. శిఖర్‌ ధావన్‌ (91 బంతుల్లో 74; 9 ఫోర్లు, 1 సిక్స్‌) అర్ధ సెంచరీ చేయగా, కేఎల్‌ రాహుల్‌ (61 బంతుల్లో 47; 4 ఫోర్లు) ఫర్వాలేదనిపించాడు. స్టార్క్‌కు 3 వికెట్లు దక్కాయి. అనంతరం ఆ్రస్టేలియా 37.4 ఓవర్లలో వికెట్‌ నష్టపోకుండా 258 పరుగులు చేసి గెలిచింది. ‘మ్యాన్‌ ఆఫ్‌ ద మ్యాచ్‌’ డేవిడ్‌ వార్నర్‌ (112 బంతుల్లో 128 నాటౌట్‌; 17 ఫోర్లు, 3 సిక్సర్లు), కెప్టెన్ ఆరోన్‌ ఫించ్‌ (114 బంతుల్లో 110 నాటౌట్‌; 13 ఫోర్లు, 2 సిక్సర్లు) అద్భుత ప్రదర్శనతో జట్టును గెలిపించారు. భారత్‌ ఒక్క వికెట్‌ కూడా తీయలేక చతికిలపడింది. సిరీస్‌లో ఆసీస్‌ 1–0తో ముందంజ వేయగా, రెండో మ్యాచ్‌ ఈ నెల 17న రాజ్‌కోట్‌లో జరుగుతుంది.   కీలక భాగస్వామ్యం... విశ్రాంతి అనంతరం మళ్లీ మైదానంలోకి దిగిన రోహిత్‌ శర్మ (10) తొలి మ్యాచ్‌లో ప్రభావం చూపలేకపోయాడు. స్టార్క్‌ వేసిన ఇన్నింగ్స్‌ తొలి ఓవర్లో రెండు ఫోర్లు కొట్టిన అతను ఆ తర్వాత స్టార్క్‌ బౌలింగ్‌లోనే వెనుదిరిగాడు. ఈ దశలో ధావన్, రాహుల్‌ కలిసి ఇన్నింగ్స్‌ను నడిపించారు. ముఖ్యంగా ధావన్‌ చక్కటి షాట్లతో ఆకట్టుకున్నాడు. ఒక దశలో అతను 11 బంతుల వ్యవధిలో 5 ఫోర్లు కొట్టాడు. తొలి పవర్‌ప్లేలో భారత్‌ 45 పరుగులే చేయగలిగింది. ఆ తర్వాత ఇద్దరూ చక్కటి సమన్వయంతో ఆడటంతో భాగస్వామ్యం వంద పరుగులు దాటింది. ఈ క్రమంలో 66 బంతుల్లో ధావన్‌ అర్ధ సెంచరీ పూర్తయింది. ఆ తర్వాత రాహుల్‌ను అగర్‌ అవుట్‌ చేయడంతో 121 పరుగుల భాగస్వామ్యానికి తెర పడింది. 55 పరుగుల వద్ద అగర్‌ బౌలింగ్‌లో వార్నర్‌ క్యాచ్‌ వదిలేయడంతో బతికిపోయిన ధావన్‌... ఆ తర్వాత దానిని పెద్దగా వాడుకోలేకపోయాడు. కమిన్స్‌ అతడిని అవుట్‌ చేశాడు. సమష్టి వైఫల్యం...   భారీ భాగస్వామ్యం తర్వాత ఏ ఒక్క బ్యాట్స్‌మన్‌ కూడా పట్టుదలగా నిలబడకపోవడంతో భారత్‌ తక్కువ స్కోరుకే పరిమితమైంది. నాలుగో స్థానంలో వచి్చన కోహ్లి (16) విఫలం కాగా, అయ్యర్‌ (4) అతడిని అనుసరించాడు. 30 పరుగుల వ్యవధిలో భారత్‌ నాలుగు వికెట్లు కోల్పోయింది. ఆ తర్వాత పంత్‌ (33 బంతుల్లో 28; 2 ఫోర్లు, 1 సిక్స్‌), జడేజా (32 బంతుల్లో 25; 2 ఫోర్లు, 1 సిక్స్‌) మాత్రమే కొద్దిగా నిలబడి ఆరో వికెట్‌కు 49 పరుగులు జోడించగలిగారు. వీరిద్దరు వరుస ఓవర్లలో వెనుదిరిగారు. అనంతరం భారత్‌ మిగిలిన వికెట్లు కోల్పోయేందుకు ఎక్కువ సమయం పట్టలేదు.   ఆడుతూ పాడుతూ... లక్ష్య ఛేదనలో ఆ్రస్టేలియా ఏ దశలోనూ తడబడలేదు. వార్నర్, ఫించ్‌ తమ అనుభవాన్ని ఉపయోగిస్తూ సమర్థంగా ఇన్నింగ్స్‌ను నడిపించారు. ఐదుగురు భారత బౌలర్లలో ఒక్కరు కూడా వారిని ఇబ్బంది పెట్టలేకపోయారు. పరుగులు చేయడంలో వీరిద్దరు ఒకరితో మరొకరు పోటీ పడ్డారు. బుమ్రా ఓవర్లో ఫించ్‌ రెండు ఫోర్లు కొట్టగా, శార్దుల్‌ ఓవర్లో రెండు ఫోర్లు, సిక్స్‌తో వార్నర్‌ దూకుడు ప్రదర్శించాడు. షమీని ఇద్దరూ వదల్లేదు. పవర్‌ప్లే ముగిసేసరికే ఆసీస్‌ స్కోరు 84 పరుగులకు చేరింది. ఆ వెంటనే కోహ్లి ఇద్దరు స్పిన్నర్లను బౌలింగ్‌కు దించినా  ఫలితం దక్కలేదు. వార్నర్‌ 40 బంతుల్లో, ఫించ్‌ 52 బంతుల్లో అర్ధ సెంచరీలు పూర్తి చేసుకున్నారు. ఆ తర్వాత కూడా వీరిద్దరి జోరు తగ్గలేదు. దాంతో కోహ్లి మళ్లీ బుమ్రాను ఆశ్రయించాడు. అయితే తన రెండో స్పెల్‌లో బుమ్రా రెండు ఓవర్లు వేయగా 19 పరుగులు వచ్చాయి. బుమ్రా బౌలింగ్‌లోనే పాయింట్‌ దిశగా బౌండరీ కొట్టి వార్నర్‌ 88 బంతుల్లోనే సెంచరీ అందుకున్నాడు. అనంతరం జడేజా ఓవర్లో లెగ్‌సైడ్‌ వైపు స్వీప్‌ చేసి ఫోర్‌ రాబట్టిన ఫించ్‌ 108 బంతుల్లో శతకం చేరుకున్నాడు. ఇక ఆసీస్‌ విజయం సాధించకుండా ఆపడం భారత్‌ వల్ల కాలేదు. స్కోరు వివరాలు భారత్‌ ఇన్నింగ్స్‌: రోహిత్‌ (సి) వార్నర్‌ (బి) స్టార్క్‌ 10; ధావన్‌ (సి) అగర్‌ (బి) కమిన్స్‌ 74; రాహుల్‌ (సి) స్మిత్‌ (బి) అగర్‌ 47; కోహ్లి (సి అండ్‌ బి) జంపా 16; అయ్యర్‌ (సి) క్యారీ (బి) స్టార్క్‌ 4; పంత్‌ (సి) టర్నర్‌ (బి) కమిన్స్‌ 28; జడేజా (సి) క్యారీ (బి) రిచర్డ్సన్‌ 25; శార్దుల్‌ (బి) స్టార్క్‌ 13; షమీ (సి) క్యారీ (బి) రిచర్డ్సన్‌ 10; కుల్దీప్‌ (రనౌట్‌) 17; బుమ్రా (నాటౌట్‌) 0; ఎక్స్‌ట్రాలు 11; మొత్తం (49.1 ఓవర్లలో ఆలౌట్‌) 255 వికెట్ల పతనం: 1–13; 2–134; 3–140; 4–156; 5–164; 6–213; 7–217; 8–229; 9–255; 10–255. బౌలింగ్‌: స్టార్క్‌ 10–0–56–3; కమిన్స్‌ 10–1–44–2; రిచర్డ్సన్‌ 9.1–0–43–2; జంపా 10–0–53–1; అగర్‌ 10–1–56–1. ఆ్రస్టేలియా ఇన్నింగ్స్‌: వార్నర్‌ (నాటౌట్‌) 128; ఫించ్‌ (నాటౌట్‌) 110; ఎక్స్‌ట్రాలు 20; మొత్తం (37.4 ఓవర్లలో వికెట్‌ నష్టపోకుండా) 258.   బౌలింగ్‌: షమీ 7.4–0–58–0; జస్‌ప్రీత్‌ బుమ్రా 7–0–50–0; శార్దుల్‌ ఠాకూర్‌ 5–0–43–0; కుల్దీప్‌ యాదవ్‌ 10–0–55–0; రవీంద్ర జడేజా 8–0–41–0. ‘మూడు రంగాల్లోనూ విఫలమయ్యాం. ఆ్రస్టేలియా చాలా పటిష్టంగా ఉంది. దానికి తగినట్లుగా ఆడకపోతే ఇదే రకంగా బాధపడాల్సి వస్తుంది. కొన్ని సందర్భాల్లో మేం ఆసీస్‌ బౌలర్లపై ఎదురుదాడికి దిగితే బాగుండేది. రాబోయే మ్యాచ్‌ మాకు పెద్ద సవాల్‌. ఫార్మాట్‌ ఏదైనా అంతర్జాతీయ క్రికెట్‌ అనుభవానికి ఏదీ సాటి రాదు. యువ ఆటగాళ్లు బలమైన బౌలర్లను ఎదుర్కొని గొప్ప ఇన్నింగ్స్‌లు ఆడేందుకు ఇది మంచి అవకాశం. నేను నాలుగో స్థానంలో ఆడటంపై గతంలో కూడా చర్చ జరిగింది. రాహుల్‌ ఫామ్‌ను బట్టి ముందు పంపాలని నిర్ణయించుకున్నాం. అయితే ఇప్పుడు దీనిపై పునరాలోచిస్తాం. ఫలితంపై ఆందోళన చెందాల్సిన పని లేదు. మాకు ఏదీ అనుకూలించని రోజుల్లో ఇదొకటి’ – విరాట్‌ కోహ్లి, భారత కెప్టెన్ ►5 వన్డేల్లో భారత్‌ 10 వికెట్ల తేడాతో ఓడటం ఇది ఐదోసారి మాత్రమే. స్వదేశంలోనైతే రెండోసారి. 2005లో కోల్‌కతాలో జరిగిన మ్యాచ్‌లో దక్షిణాఫ్రికా 10 వికెట్లతో గెలిచింది ►6 భారత్‌పై ఓ వన్డే మ్యాచ్‌లో ఇద్దరు ఓపెనర్లు సెంచరీలు చేయడం ఇది ఆరోసారి. ఆస్ట్రేలియా నుంచి ఇది రెండోసారి. 1986లో డేవిడ్‌ బూన్‌–జెఫ్‌ మార్ష్ (ఆ్రస్టేలియా) తొలిసారి ఈ ఘనత సాధించారు. ►1 భారత్‌పై వన్డేల్లో ఏ జట్టు తరఫు నుంచైనా ఇద్దరు బ్యాట్స్‌మెన్‌ నమోదు చేసిన అతి పెద్ద భాగస్వామ్యం ఇదే (258). గతంలో స్మిత్‌–బెయిలీ (ఆ్రస్టేలియా) 242 పరుగులు నమోదు చేశారు. ►2 ఒక జట్టు 10 వికెట్లతో నెగ్గిన మ్యాచ్‌లో ఇది (258) రెండో అత్యధిక స్కోరు. గతంలో దక్షిణాఫ్రికా వికెట్‌ నష్టపోకుండా శ్రీలంకపై 279 పరుగుల లక్ష్యాన్ని ఛేదించింది. ►18వన్డేల్లో వార్నర్‌ సెంచరీల సంఖ్య. ఆ్రస్టేలియా తరఫున మార్క్‌ వా (18)తో సమంగా రెండో స్థానంలో నిలవగా, పాంటింగ్‌ (29) అందరికంటే ముందున్నాడు. ఈ మ్యాచ్‌లోనే వార్నర్‌ వన్డేల్లో 5 వేల పరుగులు కూడా పూర్తి చేసుకున్నాడు.  

ముంబై:  వరుస విజయాలతో దూసుకుపోతున్న టీమిండియా అతిపెద్ద ఓటమిని చవిచూసింది. ఆసీస్‌తో జరిగిన తొలి వన్డేలో 10 వికెట్ల తేడాతో ఓటమి చెందడంతో భారత్‌కు ఘోర పరాభవం తప్పలేదు. ఈ క్రమంలోనే వన్డేల్లో భారత్‌పై అత్యధిక పరుగుల భాగస్వామ్యం నమోదైంది. భారత వన్డే చరిత్రలో అరోన్‌ ఫించ్‌-డేవిడ్‌ వార్నర్‌లు నెలకొల్పిన 258 పరుగుల భాగస్వామ్యమే అత్యధికం. అంతకుముందు 2016లో ఆసీస్‌ ఆటగాళ్లు స్టీవ్‌ స్మిత్‌-జార్జ్‌ బెయిలీ నెలకొల్పిన 242 పరుగులు రికార్డు ఓవరాల్‌గా భారత్‌పై అత్యధిక భాగస్వామ్యం కాగా, దాన్ని ఫించ్‌-వార్నర్‌ల జోడి బ్రేక్‌ చేసింది. ఈ జాబితాలో 2000వ సంవత్సరంలో దక్షిణాఫ్రికా జోడి గ్యారీ కిరెస్టన్‌-గిబ్స్‌ల జోడి భారత్‌పై 235 పరుగుల భాగస్వామ్యం మూడో స్థానంలో ఉండగా, 2003లో ఆసీస్‌ జోడి రికీ పాంటింగ్‌- మార్టిన్‌లు నెలకొల్పిన 234 పరుగుల భాగస్వామ్యం నాల్గో స్థానంలో ఉంది. ఇక ఐదో స్థానంలో మళ్లీ ఫించ్‌-వార్నర్‌లే ఉన్నారు. 2017లో భారత్‌తో బెంగళూరులో జరిగిన మ్యాచ్‌లో వార్నర్‌-పించ్‌లు 231 పరుగులు సాధించారు. (ఇక్కడ చదవండి: టీమిండియా ఘోర పరాజయం) ఇదిలా ఉంచితే, భారత్‌పై ఒకే వన్డేలో ఇద్దరు ప్రత్యర్థి జట్టు ఓపెనర్లు శతకాలు సాధించడం ఏడేళ్ల తర్వాత ఇదే తొలిసారి. 2013లో ఉపల్‌ తరంగా-మహేలా జయవర్ధనే(శ్రీలంక), డీకాక్‌-ఆమ్లా(దక్షిణాఫ్రికా)లు భారత్‌పై చివరిసారి సెంచరీలు సాధించిన ఓపెనర్లు కాగా, ఏడేళ్ల తర్వాత వారి సరసన ఫించ్‌-వార్నర్‌లు నిలిచారు.  . మూడు వన్డేల సిరీస్‌లో భాగంగా వాంఖేడే వేదికగా జరిగిన మొదటి వన్డేలో తొలుత బ్యాటింగ్‌ చేసిన భారత్‌ జట్టు 255 పరుగులకే పరిమితమైతే.. దాన్ని ఆసీస్‌ అవలీలగా ఛేదించింది. కనీసం వికెట్‌ కూడా కోల్పోకుండానే భారత్‌ను చిత్తు చేసింది. ఆసీస్‌ ఓపెనర్లు డేవిడ్‌ వార్నర్‌-అరోన్‌ ఫించ్‌లు సెంచరీల మోత మోగించి ఘన విజయాన్ని అందించారు. భారత్‌ నిర్దేశించిన 256 పరుగుల టార్గెట్‌ను 37. 4 ఓవర్లలోనే కొట్టేసిన ఆసీస్‌.. సిరీస్‌లో శుభారంభం చేసింది.  వార్నర్‌(128 నాటౌట్‌; 112 బంతుల్లో 17 ఫోర్లు, 3 సిక్స్‌లు), ఫించ్‌(110 నాటౌట్‌;114 బంతుల్లో 13 ఫోర్లు, 2 సిక్స్‌లు) ఆసీస్‌ భారీ విజయంలో సహకరించారు. (ఇక్కడ చదవండి: ఈసారి ‘సెంచరీ’ లేదు!)

మెల్‌బోర్న్‌: గత కొంతకాలంగా ఆస్ట్రేలియా టెస్టు జట్టులో లబూషేన్‌ రెగ్యులర్‌ ఆటగాడిగా మారిపోయాడు. వరుసగా పరుగుల మోత మోగిస్తూ ఆసీస్‌ టెస్టు జట్టులో ప్రత్యేక ముద్ర వేశాడు లబూషేన్‌. అతని రాకతో ఆసీస్‌ జట్టు మరింత బలోపేతం అయ్యిందనడంలో ఎటువంటి సందేహం లేదు. గతేడాది వెయ్యి టెస్టు పరుగులకు పైగా సాధించి ఆ ఫీట్‌ సాధించిన ఏకైక ఆటగాడిగా లబూషేన్‌ నిలవడం అతని ఆటకు అద్దం పడుతోంది. కాగా, ఇప్పటివరకూ సుదీర్ఘ ఫార్మాట్‌కు మాత్రమే పరిమితమైన లబూషేన్‌.. పరిమిత ఓవర్ల క్రికెట్‌లో అరంగేట్రం చేయడానికి కూడా రంగం సిద్ధమైంది.  ఈనెలలో టీమిండియాతో వన్డే సిరీస్‌ నేపథ్యంలో లబూషేన్‌ అరంగేట్రం చేయడం దాదాపు ఖాయమైంది. దీనిపై ఆసీస్‌ జట్టు కెప్టెన్‌ అరోన్‌ ఫించ్‌ ఇప్పటికే క్లారిటీ ఇచ్చేశాడు. టెస్టుల్లో భీకరమైన ఫామ్‌లో ఉన్న లబూషేన్‌ను వన్డేల్లో తీసుకోవడానికి సమయం ఆసన్నమైందన్నాడు. ఈ క్రమంలోనే భారత్‌తో పోరుకు పక్కా ప్రణాళికతో సిద్ధం అవుతున్నట్లు తెలిపాడు. ‘ భారత్‌లో ఆ జట్టుతో పోరు ఎలా ఉంటుందో మాకు తెలుసు. మా ప్రణాళిక మాకు ఉంది. భారత్‌పై ఎప్పుడూ అనుమాన పడుతూ గేమ్‌ ప్లాన్‌ను అవలంభించకూడదు. అలా చేస్తే టీమిండియా ముందుగానే పైచేయి సాధిస్తుంది. ఏది జరిగిన టీమిండియాపై దూకుడుగా ఆడి సత్తాచాటతాం. భారత్‌ను వారి దేశంలో ఓడించే సత్తా మాకు ఉంది. మా ఆటగాళ్ల ప్రదర్శనపై నాకు నమ్మకం ఉంది. టీమిండియాను ఓడించే ఆత్మవిశ్వాసం మాలో ఉంది. టెస్టుల్లో సత్తాచాటిన లబూషేన్‌ వన్డే అరంగేట్రం అతి త్వరలోనే ఉంటుంది. ప్రధానంగా లబూషేన్‌ స్పిన్నర్లను బాగా ఆడతాడు. అది భారత్‌లో మాకు సహకరిస్తుంది. తన ఫామ్‌ను కొనసాగిస్తాడని ఆశిస్తున్నా’ అని ఫించ్‌ తెలిపాడు. జనవరి 14వ తేదీ నుంచి 19వ తేదీ వరకూ భారత్‌-ఆసీస్‌ల మధ్య మూడు వన్డేల ద్వైపాక్షిక సిరీస్‌ జరుగనుంది. ప్రస్తుతం భారత్‌ పర్యటనలో ఉన్న శ్రీలంక చివరి టీ20 ముగిసిన తర్వాత స్వదేశానికి పయనమవుతుంది. శుక్రవారం భారత్‌-శ్రీలంకల మధ్య చివరిదైన మూడో టీ20 జరుగనుంది.

ఐపీఎల్‌ వేలంలో ఆస్ట్రేలియా ఆటగాడు ఆరోన్‌ ఫించ్‌ను రాయల్‌ చాలెంజర్స్‌ బెంగళూరు రూ. 4.4 కోట్లకు దక్కించుకున్న విషయం తెలిసిందే. ఈ సందర్భంగా ఫించ్‌ ఆర్‌సీబీకి వెళ్లడంపై క్రికెట్‌ ఆస్ట్రేలియా(సీఏ)   ట్విటర్‌లో స్పందించింది.  ' ఆసీస్‌ స్టార్‌ ఆటగాడు ఆరోన్‌ ఫించ్‌ ఐపీఎల్‌ వేలంలో ఆర్‌సీబీకి వెళ్లాడు. ఆ జట్టులో ఉన్న సభ్యులంతా అతడిని ఇష్టపడతారని ఆశిస్తున్నామంటూ' ట్వీట్‌ చేయడంతో పాటు ఓ వీడియోనూ షేర్‌ చేశారు. ఆ వీడియోలో ఆస్ట్రేలియా  టిమ్‌ పైన్‌, ఆరోన్‌ పించ్‌లు ఐపీఎల్‌ గురించి మాట్లాడుకున్నారు. గతంలో భారత్‌, ఆస్ట్రేలియా మధ్య జరిగిన టెస్టు మ్యాచ్‌లో బ్యాటింగ్‌ చేస్తున్న రోహిత్‌ శర్మ దృష్టి మరల్చడానికి టిమ్‌ పైన్‌ స్టంప్‌ మైక్రోఫోన్‌ ద్వారా ఫించ్‌తో  సరదాగా  మాట్లాడాడు. ' ఫించ్‌.. ఐపీఎల్‌లో  ఇప్పటికే ఎన్నో టీమ్‌లు మారావు. దాదాపు అన్ని జట్లతో ఆడావ్‌' అని పైన్‌ అన్నాడు. దీనికి బదులుగా ఫించ్‌.. ' అవును అన్ని జట్లకు ఆడాను.. ఒక్క ఆర్‌సీబీకి తప్ప'  అని బదులిచ్చాడు. అప్పుడు పైన్‌ అందుకుంటూ.. ' నిన్ను ఆ జట్టు ఎందుకు తీసుకోదు..  ఆ జట్టు కెప్టెన్‌ విరాట్‌ కోహ్లి నిన్ను ఇష్టపడరా ?'  అంటూ సరదాగా అడిగాడు. ' అవును నన్ను ఎవరు ఇష్టపడరు.. అందుకే అన్ని జట్లు మారతున్నా అంటూ' .. ఫించ్‌ సమాధానమిచ్చాడు.  అయితే ప్రస్తుతం ఐపీఎల్‌ వేలంలో ఫించ్‌ ఆర్‌సీబీకి వెళ్లడం విశేషం. ఈ వీడియోనూ కాస్తా క్రికెట్‌ ఆస్ట్రేలియా ట్విటర్‌లో షేర్‌ చేయడంతో వైరల్‌గా మారి నెటిజన్లను విపరీతంగా ఆకట్టుకుంటుంది. 'ఐపీఎల్‌ వేలంలో ఆరోన్‌ ఫించ్‌ ఆర్‌సీబీకి వెళ్లాడు.  ఇప్పుడు కోహ్లి అతన్ని ఇష్టపడతాడులే' అంటూ నెటిజన్లు కామెంట్లు పెడుతున్నారు.   ప్రసుత్తం ఆర్‌సీబీకి ఆడనున్న ఆరోన్‌ పించ్‌ ఐపీఎల్‌లో ఏడు జట్లకు ఆడాడు. ఇప్పుడు ఆర్‌సీబీతో కలిపి 8 వ జట్టుకు ఆడనున్నాడు. కాగా, ఐపీఎల్‌ వేలంలో ఆర్‌సీబీ ఫించ్‌తో పాటు ఆస్ట్రేలియా బౌలర్‌ కేన్‌ రిచర్డ్‌సన్‌(రూ. 4 కోట్లు) , దక్షిణాఫ్రికా నుంచి ఆల్‌రౌండర్‌ క్రిస్‌ మోరిస్‌(రూ. 10 కోట్లు), బౌలర్‌ డేల్‌ స్టేయిన్‌(రూ. 2 కోట్లు)లను సొంతం చేసుకుంది. (చదవండి : సహచరులతో ఎంజాయ్‌ చేస్తున్న కోహ్లి) Aussie star Aaron Finch is off to @RCBTweets in the #IPLAuction2020. Let's hope his new teammates like him 😂😂😂 pic.twitter.com/VGfUFfJffq — cricket.com.au (@cricketcomau) December 19, 2019

కోల్‌కతా: ఇండియన్‌ ప్రీమియర్‌ లీగ్‌(ఐపీఎల్‌)-2020 ఆటగాళ్ల వేలానికి రంగం సిద్దమైంది. వచ్చే సీజన్‌ కోసం నిర్వహించే వేలంలో పాల్గొనడానికి మొత్తం 971 మంది క్రికెటర్లు తమ పేర్లను నమోదు చేసుకోగా.. 332 మంది షార్ట్‌లిస్ట్‌ అయ్యారు. రిజిష్టర్‌ చేసుకున్న ఆటగాళ్ల నుంచి తాము కోరుకుంటున్న 332 మంది ఆటగాళ్ల పేర్లను ఎనిమిది ఫ్రాంచైజీలు ఫైనలైజ్‌ చేశాయి. ఈ జాబితాలో 43 మంది భారత్‌కు చెందినవారు కాగా మిగతావారు విదేశీ క్రికెటర్లు. ఈ 43 మందిలో 19 మంది టీమిండియా తరుపున ప్రాతినిథ్యం వహించిన వారే ఉండటం విశేషం. ఇక ఎనిమిది  ఫ్రాంచైజీలు ఈ జాబితా నుంచి గరిష్టంగా 73 మందిని మాత్రమే ఎంపిక చేసుకునే అవకాశం ఉంది. దీంతో  కోల్‌కతా వేదికగా డిసెంబర్‌ 19న జరగనున్న ఈ వేలంలో 332 మంది క్రికెటర్లు తమ అదృష్టాన్ని పరీక్షించుకోనున్నారు.  గతేడాది జరిగిన ఐపీఎల్‌ వేలంలో ఎంతో మంది అనామక క్రికెటర్లను పలు ఫ్రాంచైజీలు భారీ మొత్తంలో ఛేజిక్కించుకున్నాయి. దీంతో ఈసారి ఏ క్రికెటర్‌పై ఫ్రాంచైజీలు కాసుల వర్షం కురిపిస్తారో అని ఆసక్తికరంగా మారింది. యూఏఈ వేదికగా జరిగిన టీ10లీగ్‌లో కేవలం 25 బంతుల్లోనే సెంచరీ సాధించిన సర్రే ఆటగాడు విల్‌ జాక్స్‌పైనే అందరి దృష్టి ఉన్నట్లు తెలుస్తోంది. అంతేకాకుండా ఈ సారి వేలంలోకి వచ్చిన క్రికెటర్లలో ఆరోన్‌ ఫించ్‌, గ్లెన్‌ మ్యాక్స్‌వెల్‌, క్రిస్‌ లిన్‌, జాసన్‌ రాయ్‌, ఇయాన్‌ మోర్గాన్‌, ప్యాట్‌ కమిన్స్‌, మిచెల్‌ మార్స్‌, ఏంజెలో మాథ్యూస్, హెజిల్‌వుడ్‌, స్టెయిన్‌, ముస్తాఫిజుర్‌, రాబిన్‌ ఊతప్ప, పియూష్‌ చావ్లాలు ఎక్కువ ధర పలికే అవకాశం ఉన్నట్లు కనిపిస్తోంది. తాజాగా ముగిసిన టీ20 సిరీస్‌లో ఆకట్టుకున్న విలియమ్స్‌ షార్ట్‌ లిస్ట్‌ అయ్యాడు. దీంతో ఈ క్రికెటర్‌పై కూడా ఫ్రాంచైజీలు కన్నేశాయి. 

మెల్‌బోర్న్‌: ఇటీవల ముగిసిన యాషెస్‌ సిరీస్‌లో విశేషంగా రాణించిన ఆసీస్‌ క్రికెటర్‌ స్టీవ్‌ స్మిత్‌ మూడేళ్ల తర్వాత టీ20ల్లో చోటు దక్కించుకున్నాడు. బాల్‌ ట్యాంపరింగ్‌ కారణంగా ఏడాదిపాటు నిషేధం ఎదుర్కొన్న స్మిత్‌.. వరల్డ్‌కప్‌ ద్వారా రీఎంట్రీ ఇచ్చాడు. ఆపై ప్రతిష్టాత్మక యాషెస్‌ సిరీస్‌లో సైతం పూర్వపు ఫామ్‌తో సత్తాచాటాడు. కాగా, శ్రీలంక, పాకిస్తాన్‌లతో త్వరలో ఆరంభం కానున్న టీ20 సిరీస్‌కు సంబంధించి స్మిత్‌ను ఎంపిక చేస్తూ క్రికెట్‌ ఆస్ట్రేలియా(సీఏ) నిర్ణయం తీసుకుంది. ఈ మేరకు ఆసీస్‌ తమ జట్టును ప్రకటించింది. 2016 మార్చిలో చివరిసారి ఆసీస్‌ తరఫున టీ20 మ్యాచ్‌ ఆడిన స్మిత్‌.. సుదీర్ఘ కాలం తర్వాత ఈ ఫార్మాట్‌లో స్థానం దక్కించుకున్నాడు. వచ్చే వరల్డ్‌ టీ20కి ఏడాది పాటు మాత్రమే సమయం ఉండటంతో ఆసీస్‌ తమ బలాన్ని పరీక్షించే పనిలో ఉంది. అది కూడా తమ దేశంలోనే వరల్డ్‌కప్‌ జరుగనున్న తరుణంలో ఆటగాళ్ల సత్తాకు ఇప్పట్నుంచే ప్రణాళికలు సిద్ధం చేసింది. ఈ క్రమంలోనే టెస్టు స్పెషలిస్టు ఆటగాడైన స్మిత్‌ను పొట్టి ఫార్మాట్‌లో ఎంపిక చేశారు. మరొకవైపు యాషెస్‌లో దారుణంగా విఫలమైన ఆసీస్‌ ఓపెనర్‌ డేవిడ్‌ వార్నర్‌కు చోటు కల్పించారు. స్వదేశంలో అక్టోబర్‌ 27వ తేదీన శ్రీలంకతో తొలి టీ20 ఆరంభం కానుంది. లంకేయులతో టీ20 సిరీస్‌ ముగిసిన తర్వాత టాప్‌ ర్యాంకులో ఉన్న పాకిస్తాన్‌తో ఆసీస్‌ తలపడనుంది. ఈ టీ20 సిరీస్‌లకు అరోన్‌ ఫించ్‌ ఆసీస్‌ కెప్టెన్‌గా వ్యవహరించనున్నాడు.

బర్మింగ్‌హామ్ ‌: ప్రపంచకప్‌ కోసం ఏడాదిగా కష్టపడ్డామని కానీ ఓ చెత్త ప్రదర్శనతో టోర్నీ నుంచి నిష్క్రమించడం బాధకలిగిస్తోందని ఆస్ట్రేలియా సారిథి ఆరోన్‌ ఫించ్‌ పేర్కొన్నాడు. గురువారం ఇంగ్లండ్‌తో జరిగిన సెమీస్‌ మ్యాచ్‌లో ఆసీస్‌ 8 వికెట్ల తేడాతో ఓటమి చవిచూసింది. అయితే ప్రపంచకప్‌లో 27 ఏళ్ల తర్వాత ఇంగ్లండ్‌ తొలిసారి ఫైనల్‌ చేరగా.. ఆసీస్‌ క్రికెట్‌ చరిత్రలో మొదటిసారి సెమీస్‌లో ఓటమి చవిచూసింది. డిఫెండింగ్‌ చాంపియన్‌ హోదాలో బరిలోకి దిగిన ఆసీస్‌ కనీసం ఫైనల్‌కు చేరకుండానే నిష్క్రమించడంపై ఆసీస్‌ సారథి ఫించ్‌ అసంతృప్తి వ్యక్తం చేశాడు. ఇం‍గ్లండ్‌తో మ్యాచ్‌ అనంతరం ఫించ్‌ మీడియా సమావేశంలో మాట్లాడాడు.  ‘టీమిండియా, పాకిస్తాన్ వంటి బలమైన జట్లపై వన్డే సిరీస్‌లు నెగ్గడంతో ఆత్మవిశ్వాసంతో ప్రపంచకప్‌ బరిలోకి దిగాం. బాల్‌ ట్యాంపరింగ్‌ ఉదంతం అనంతర ఏడాది పాటు మా ప్రయాణం కష్టంగా సాగింది. అయితే ఆటగాళ్లు మానసికంగా చాలా పరిపక్వతను ప్రదర్శించారు. తిరిగి గాడిలో పడి ప్రపంచకప్‌లో ఎన్నో ఆశలతో బరిలోకి దిగాం. లీగ్‌లో చాంపియన్‌ ఆటనే ప్రదర్శించాం. కానీ ఇంగ్లండ్‌పై మా అంచనాలు తలకిందులు అయ్యాయి. ఇంగ్లండ్‌ బ్యాటింగ్‌లో చెలరేగుతుందని అనుకున్నాం.. కానీ బౌలింగ్‌లో చెలరేగా మమల్ని షాక్‌కు గురిచేసింది. వోక్స్‌, ఆర్చర్‌లు అద్భుతంగా బౌలింగ్‌ చేశారు.  కష్టకాలంలో స్టీవ్‌ స్మిత్‌, అలెక్స్‌ క్యారీలు అద్భుత పోరాట పటిమను ప్రదర్శించారు. మిగతా బ్యాట్స్‌మెన్‌ దారుణంగా విఫలమయ్యారు. ఇంగ్లండ్‌ మ్యాచ్‌లో మేము అన్ని రంగాల్లో విఫలమయ్యాం. ఆర్చర్‌కు మంచి భవిష్యత్‌ ఉంది. చెత్త ప్రదర్శనతో టోర్నీ నుంచి నిష్క్రమించడం బాధ కలిగించింది. ఈ ఓటమి ప్రభావం త్వరలో జరగబోయే యాషెస్‌ సిరీస్‌పై ఉండదని భావిస్తున్నా’అంటూ ఫించ్‌ వివరించాడు. ఇక సెమీస్‌లో తమ జట్టు కనీసం పోరాడకుండానే ఓడిపోవడంపై ఆసీస్‌ ఫ్యాన్స్‌ ఆగ్రహం వ్యక్తం చేస్తున్నారు.  

లండన్‌: సమఉజ్జీల పోరులో డిఫెండింగ్‌ చాంపియన్‌ ఆస్ట్రేలియానే పై చేయి సాధించింది. శ్రీలంక, పాకిస్తాన్‌లపై అనూహ్య పరాజయాలు చవిచూసిన ఇంగ్లండ్‌.. మంగళవారం లార్డ్స్‌ వేదికగా ఆసీస్‌తో జరిగిన మ్యాచ్‌లో చిత్తుచిత్తుగా ఓడింది. ఆసీస్‌ బౌలర్లు బెహ్రాన్‌డార్ఫ్‌(5/44), మిచెల్‌ స్టార్క్‌(4/43) ధాటికి ఇంగ్లీష్‌ బ్యాట్స్‌మెన్‌ విలవిలలాడారు. ఆసీస్‌ నిర్దేశించిన 286 పరుగుల లక్ష్యంతో బరిలోకి దిగిన ఇంగ్లండ్‌ 221 పరుగులకే కుప్పకూలింది. దీంతో 64 పరుగుల తేడాతో ఆతిథ్య జట్టు ఓటమి చవిచూసింది. ఇంగ్లండ్‌ ఆటగాళ్లలో బెన్‌ స్టోక్స్‌(89; 115 బంతుల్లో 8ఫోర్లు, 2సిక్సర్లు) మినహా ఎవరూ రాణించలేకపోయారు. సెంచరీతో ఆసీస్‌ విజయంలో కీలకపాత్ర పోషించిన ఆరోన్‌ ఫించ్‌కు ప్లేయర్‌ ఆప్‌ ద మ్యాచ్‌ అవార్డు లభించింది.  అంతకుముందు టాస్‌ ఓడి తొలుత బ్యాటింగ్‌కు దిగిన ఆసీస్‌కు ఓపెనర్లు మరోసారి బాధ్యాతయుతంగా ఆడటంతో నిర్ణీత ఓవర్లలో 7 వికెట్ల నష్టానికి 285 పరుగులు చేసింది. సారథి ఆరోన్‌ ఫించ్‌ (100;116 బంతుల్లో 11ఫోర్లు, 2 సిక్సర్లు) సెంచరీతో కదంతొక్కగా.. డేవిడ్‌ వార్నర్‌(53; 61 బంతుల్లో 6ఫోర్లు) అర్దసెంచరీతో రాణించాడు.  టాపార్డర్‌ జోరును చూసి ఆసీస్‌ 300కి పైగా పరుగులు సాధిస్తుందని భావించారు. అయితే మిడిల్‌, లోయర్‌ ఆర్డర్‌ మరోసారి విఫలమవడంతో 300కిపైగా పరుగులు సాధించలేకపోయింది. ఇంగ్లండ్‌ బౌలర్లలో వోక్స్‌ రెండు వికెట్లతో రాణించగా.. ఆర్చర్‌, వుడ్‌, స్టోక్స్‌, మొయిన్‌లు తలో వికెట్‌ పడగొట్టారు. 

లండన్‌: భారీ స్కోర్‌ సాధిస్తుందనుకున్న డిఫెండింగ్‌ చాంపియన్‌ ఆస్ట్రేలియా.. సాధారణ స్కోరుకే పరిమితమైంది. ప్రపంచకప్‌లో భాగంగా ఆతిథ్య ఇంగ్లండ్‌తో జరిగిన మ్యాచ్‌లో ఆస్ట్రేలియా 286 పరుగుల లక్ష్యాన్ని నిర్దేశించింది. ఆసీస్‌ ఆటగాళ్లో సారథి ఆరోన్‌ ఫించ్‌ (100;116 బంతుల్లో 11ఫోర్లు, 2 సిక్సర్లు) సెంచరీతో కదంతొక్కగా.. డేవిడ్‌ వార్నర్‌(53; 61 బంతుల్లో 6ఫోర్లు) అర్దసెంచరీతో రాణించాడు. టాపార్డర్‌ జోరును చూసి ఆసీస్‌ 300కి పైగా పరుగులు సాధిస్తుందని భావించారు. అయితే మిడిల్‌, లోయర్‌ ఆర్డర్‌ మరోసారి విఫలమవడంతో ఇంగ్లండ్‌ ముందు ఆసీస్‌ భారీ స్కోర్‌ను నిర్దేశించలేకపోయింది. తొలుత అంతగా ఆకట్టుకోని ఇంగ్లీష్‌ బౌలర్లు చివర్లో విజృంభించి ఆసీస్‌ బ్యాట్స్‌మెన్‌కు చెమటలు పట్టించారు. ఇంగ్లండ్‌ బౌలర్లలో వోక్స్‌ రెండు వికెట్లతో రాణించగా.. ఆర్చర్‌, వుడ్‌, స్టోక్స్‌, మొయిన్‌లు తలో వికెట్‌ పడగొట్టారు.   లార్డ్స్‌ వేదికగా జరుగుతున్న ఈ మ్యాచ్‌లో టాస్‌ గెలిచిన ఇంగ్లండ్‌ ఛేజింగ్‌కే మొగ్గుచూపింది. దీంతో బ్యాటింగ్‌కు దిగిన ఆసీస్‌కు ఓపెనర్లు మరోసారి శుభారంభాన్ని అందించారు. ఇద్దరూ హాఫ్‌ సెంచరీలతో నిలకడగా రాణిస్తున్న తరుణంలో డేవిడ్‌ వార్నర్‌(53) మొయిన్‌ అలీ బౌలింగ్‌లో వెనుదిరుగుతాడు. దీంతో తొలి వికెట్‌కు 123 పరుగుల భాగస్వామ్యానికి తెరపడింది. అనంతర వచ్చిన బ్యాట్స్‌మెన్‌ ఎవరూ ఆరోన్‌ ఫించ్‌తో కలిసి భారీ భాగస్వామ్యాలు నమోదు చేయలేకపోయారు. ఈ క్రమంలోనే ఫించ్‌ మరో శతకాన్ని తన ఖాతాలో వేసుకున్నాడు. సెంచరీ అనంతరం ఫించ్‌ వెనుదిరగడంతో ఆసీస్‌ స్కోర్‌ బోర్డు నెమ్మదించింది. ఇక వరుసగా వికెట్లు తీస్తూ ఆసీస్‌పై ఇంగ్లండ్‌ బౌలర్లు ఒత్తిడి పెంచారు.   మిడిలార్డర్‌ విఫలం 30 ఓవర్లు ముగిసే సరికి ఆసీస్‌ ఒక్క వికెట్‌ నష్టానికి 162 పరుగులు చేసింది. వికెట్లు చేతులుండంతో పాటు మ్యాక్స్‌వెల్‌, స్టోయినిస్‌ వంటి హిట్టర్లు ఉండటంలో ఇంగ్లండ్‌ ముందు ఆసీస్‌ భారీ స్కోర్‌ సాధిస్తుందనుకున్నారు. అయితే చివరి ఓవర్లను ఇంగ్లండ్‌ బౌలర్లు కట్టుదిట్టంగా బౌలింగ్‌ చేయడంతో ఆసీస్‌ బ్యాట్స్‌మెన్‌ చేతులెత్తేశారు. స్మిత్‌(38), ఖవాజా(23), మ్యాక్స్‌వెల్‌(12), స్టొయినిస్‌(8)లు పూర్తిగా నిరాశపరిచారు. దీంతో ఆసీస్‌ నిర్ణీత 50 ఓవర్లలో 7 వికెట్ల నష్టానికి 285 పరుగులు చేసింది. 

లండన్‌ : వన్డే వరల్డ్‌కప్‌లో భాగంగా శ్రీలంకతో జరిగిన మ్యాచ్‌లో ఆస్ట్రేలియా 87 పరుగుల తేడాతో విజయం సాధించింది. శ్రీలంకను 247 పరుగులకే కట్టడి చేసిన ఆస్ట్రేలియా మరో గెలుపును అందుకుంది.  ఈ టోర్నీలో ఇది ఆసీస్‌కు నాల్గో విజయం కాగా, లంకకు రెండో ఓటమి. తాజా మ్యాచ్‌లో శ్రీలంకకు దిముత్‌ కరుణరత్నే(97), కుశాల్‌ పెరీరా(52) మంచి ఆరంభాన్నిచ్చినా భారీ లక్ష్యం కావడంతో ఆ జట్టుకు ఓటమి తప్పలేదు.  అంతకుముందు టాస్‌ ఓడి ముందుగా బ్యాటింగ్‌కు దిగిన ఆసీస్‌ జట్టులో అరోన్‌ ఫించ్‌(153; 132 బంతుల్లో 15 ఫోర్లు, 5 సిక్సర్లు) భారీ సెంచరీ సాధించాడు. అతనికి తోడు స్టీవ్‌ స్మిత్‌(73; 59 బంతుల్లో 7 ఫోర్లు, 1 సిక్స్‌), మ్యాక్స్‌వెల్‌(46 నాటౌట్‌; 25 బంతుల్లో 5 ఫోర్లు, 1 సిక్స్‌)ల దూకుడు కూడా జత కలవడంతో ఆసీస్‌ 335 పరుగుల టార్గెట్‌ను నిర్దేశించింది. ఓపెనర్లు డేవిడ్‌ వార్నర్‌-అరోన్‌ ఫించ్‌లు ఇన్నింగ్స్‌ను నెమ్మదిగా ఆరంభించారు. వీరిద్దరూ తొలి వికెట్‌కు 80 పరుగులు జత చేసిన తర్వాత వార్నర్‌(26) తొలి వికెట్‌గా పెవిలియన్‌ చేరాడు. ఆపై ఖవాజా(10) కూడా నిరాశపరచడంతో ఆసీస్‌ 100 పరుగుల వద్ద రెండో వికెట్‌ను నష్టపోయింది. ఆ తరుణంలో ఫించ్‌కు జత కలిసిన స్టీవ్‌ స్మిత్‌ తన సొగసైన ఆటతో స్కోరు బోర్డును పరుగులు పెట్టించాడు. ఈ క్రమంలోనే ముందుగా ఫించ్‌ హాఫ్‌ సెంచరీ పూర్తి చేసుకోగా, కాసేపటికి స్మిత్‌ కూడా అర్థ శతకం పూర్తి చేసుకున్నాడు. వీరిద్దరూ హాఫ్‌ సెంచరీలు సాధించిన తర్వాత ఆసీస్‌ స్కోరులో వేగం పుంజుకుంది. ప్రధానంగా ఫించ్‌ హార్డ్‌ హిట్టింగ్‌తో విరుచుపడితే, స్మిత్‌ చక్కటి టైమింగ్‌తో పరుగులు రాబట్టాడు.  ఈ జోడి మూడో వికెట్‌కు 173 పరుగులు భాగస్వామ్యం నమోదు చేసిన తర్వాత ఫించ్‌ భారీ షాట్‌కు యత్నించి పెవిలియన్‌ చేరాడు. మరో ఐదు పరుగుల వ్యవధిలో స్మిత్‌ సైతం ఔట్‌ కావడంతో ఆసీస్‌ 278 పరుగుల వద్ద నాల్గో వికెట్‌ను నష్టపోయింది. ఆ సమయంలో మ్యాక్స్‌వెల్‌ బ్యాట్‌కు పనిచెప్పాడు. వచ్చీ రావడంతో బౌండరీలే లక్ష్యంగా బ్యాట్‌ ఝుళిపించాడు. కాగా, చివర్లో శ్రీలంక బౌలర్లు కట్టుదిట్టమైన బౌలింగ్‌ చేయడమే కాకుండా ఫీల్డింగ్‌ కూడా మెరుపులు మెరింపించడంతో ఆసీస్‌ స్కోరు మందగించింది. దాంతో ఆసీస్‌ నిర్ణీత ఓవర్లలో ఏడు వికెట్ల నష్టానికి 334 పరుగుల చేసింది. లంక బౌలర్లలో ధనంజయ డిసిల్వా, ఇసురా ఉదానాలకు తలో రెండు వికెట్లు లభించగా, లసిత్‌ మలింగా వికెట్‌ తీశాడు.

లండన్‌: వన్డే వరల్డ్‌కప్‌లో భాగంగా ఆస్ట్రేలియా నిర్దేశించిన భారీ టార్గెట్‌ను ఛేదించే క్రమంలో శ్రీలంక దూకుడుగా ఆడుతోంది. లంకేయులు 15 ఓవర్లు ముగిసే సరికి వికెట్‌ నష్టపోకుండా 112 పరుగులు చేసి ధీటుగా బదులిస్తున్నారు. లంక ఓపెనర్లు దిముత్‌ కరుణరత్నే, కుశాల్‌ పెరీరాలు హాఫ్‌ సెంచరీలు సాధించారు. ఒకవైపు కరుణరత్నే సమయోచితంగా ఆడుతుంటే, కుశాల్‌ పెరీరా మాత్రం చెలరేగి ఆడుతున్నాడు. ఆది నుంచి విజృంభించి ఆడటంతో ఆసీస్‌ బౌలర్లు చెమటోడ్చుతున్నారు. అంతకుముందు అరోన్‌ ఫించ్‌(153; 132 బంతుల్లో 15 ఫోర్లు, 5 సిక్సర్లు) భారీ సెంచరీకి తోడు స్టీవ్‌ స్మిత్‌(73; 59 బంతుల్లో 7 ఫోర్లు, 1 సిక్స్‌), మ్యాక్స్‌వెల్‌(46 నాటౌట్‌; 25 బంతుల్లో 5 ఫోర్లు, 1 సిక్స్‌)ల ఆసీస్‌ 335 పరుగుల టార్గెట్‌ను నిర్దేశించింది. టాస్‌ ఓడి ముందుగా బ్యాటింగ్‌ చేపట్టిన ఆసీస్‌ ఆరంభంలో కుదురుగా ఆడింది. ఓపెనర్లు డేవిడ్‌ వార్నర్‌-అరోన్‌ ఫించ్‌లు ఇన్నింగ్స్‌ను నెమ్మదిగా ఆరంభించారు. వీరిద్దరూ తొలి వికెట్‌కు 80 పరుగులు జత చేసిన తర్వాత వార్నర్‌(26) తొలి వికెట్‌గా పెవిలియన్‌ చేరాడు. ఆపై ఖవాజా(10) కూడా నిరాశపరచడంతో ఆసీస్‌ 100 పరుగుల వద్ద రెండో వికెట్‌ను నష్టపోయింది. ఆ తరుణంలో ఫించ్‌కు జత కలిసిన స్టీవ్‌ స్మిత్‌ తన సొగసైన ఆటతో స్కోరు బోర్డును పరుగులు పెట్టించాడు. ఈ క్రమంలోనే ముందుగా ఫించ్‌ హాఫ​ సెంచరీ పూర్తి చేసుకోగా, కాసేపటికి స్మిత్‌ కూడా అర్థ శతకం పూర్తి చేసుకున్నాడు. వీరిద్దరూ హాఫ్‌ సెంచరీలు సాధించిన తర్వాత ఆసీస్‌ స్కోరులో వేగం పుంజుకుంది. ప్రధానంగా ఫించ్‌ హార్డ్‌ హిట్టింగ్‌తో విరుచుపడితే, స్మిత్‌ చక్కటి టైమింగ్‌తో పరుగులు రాబట్టాడు.  ఈ జోడి మూడో వికెట్‌కు 173 పరుగులు భాగస్వామ్యం నమోదు చేసిన తర్వాత ఫించ్‌ భారీ షాట్‌కు యత్నించి పెవిలియన్‌ చేరాడు. మరో ఐదు పరుగుల వ్యవధిలో స్మిత్‌ సైతం ఔట్‌ కావడంతో ఆసీస్‌ 278 పరుగుల వద్ద నాల్గో వికెట్‌ను నష్టపోయింది. ఆ సమయంలో మ్యాక్స్‌వెల్‌ బ్యాట్‌కు పనిచెప్పాడు. వచ్చీ రావడంతో బౌండరీలే లక్ష్యంగా బ్యాట్‌ ఝుళిపించాడు. కాగా, చివర్లో శ్రీలంక బౌలర్లు కట్టుదిట్టమైన బౌలింగ్‌ చేయడమే కాకుండా ఫీల్డింగ్‌ కూడా మెరుపులు మెరింపించడంతో ఆసీస్‌ స్కోరు మందగించింది. దాంతో ఆసీస్‌ నిర్ణీత ఓవర్లలో ఏడు వికెట్ల నష్టానికి 334 పరుగుల చేసింది.  

లండన్‌: వరల్డ్‌కప్‌లో భాగంగా శ్రీలంకతో జరుగుతున్న మ్యాచ్‌లో ఆస్ట్రేలియా బ్యాటింగ్‌లో దుమ్మురేపింది. అరోన్‌ ఫించ్‌(153; 132 బంతుల్లో 15 ఫోర్లు, 5 సిక్సర్లు) భారీ సెంచరీకి తోడు స్టీవ్‌ స్మిత్‌(73; 59 బంతుల్లో 7 ఫోర్లు, 1 సిక్స్‌), మ్యాక్స్‌వెల్‌(46 నాటౌట్‌; 25 బంతుల్లో 5 ఫోర్లు, 1 సిక్స్‌)ల దూకుడు జత కలవడంతో ఆసీస్‌ 335 పరుగుల టార్గెట్‌ను నిర్దేశించింది. టాస్‌ ఓడి ముందుగా బ్యాటింగ్‌ చేపట్టిన ఆసీస్‌ ఆరంభంలో కుదురుగా ఆడింది. ఓపెనర్లు డేవిడ్‌ వార్నర్‌-అరోన్‌ ఫించ్‌లు ఇన్నింగ్స్‌ను నెమ్మదిగా ఆరంభించారు. వీరిద్దరూ తొలి వికెట్‌కు 80 పరుగులు జత చేసిన తర్వాత వార్నర్‌(26) తొలి వికెట్‌గా పెవిలియన్‌ చేరాడు. ఆపై ఖవాజా(10) కూడా నిరాశపరచడంతో ఆసీస్‌ 100 పరుగుల వద్ద రెండో వికెట్‌ను నష్టపోయింది. (ఇక్కడ చదవండి: ఫించ్‌ సరికొత్త రికార్డు) ఆ తరుణంలో ఫించ్‌కు జత కలిసిన స్టీవ్‌ స్మిత్‌ తన సొగసైన ఆటతో స్కోరు బోర్డును పరుగులు పెట్టించాడు. ఈ క్రమంలోనే ముందుగా ఫించ్‌ హాఫ్‌​ సెంచరీ పూర్తి చేసుకోగా, కాసేపటికి స్మిత్‌ కూడా అర్థ శతకం పూర్తి చేసుకున్నాడు. వీరిద్దరూ హాఫ్‌ సెంచరీలు సాధించిన తర్వాత ఆసీస్‌ స్కోరులో వేగం పుంజుకుంది. ప్రధానంగా ఫించ్‌ హార్డ్‌ హిట్టింగ్‌తో విరుచుకుపడితే, స్మిత్‌ చక్కటి టైమింగ్‌తో పరుగులు రాబట్టాడు.  ఈ జోడి మూడో వికెట్‌కు 173 పరుగులు భాగస్వామ్యం నమోదు చేసిన తర్వాత ఫించ్‌ భారీ షాట్‌కు యత్నించి పెవిలియన్‌ చేరాడు. మరో ఐదు పరుగుల వ్యవధిలో స్మిత్‌ సైతం ఔట్‌ కావడంతో ఆసీస్‌ 278 పరుగుల వద్ద నాల్గో వికెట్‌ను నష్టపోయింది. ఆ సమయంలో మ్యాక్స్‌వెల్‌ బ్యాట్‌కు పనిచెప్పాడు. వచ్చీ రావడంతోనే బౌండరీలే లక్ష్యంగా బ్యాట్‌ ఝుళిపించాడు. కాగా, చివర్లో శ్రీలంక బౌలర్లు కట్టుదిట్టమైన బౌలింగ్‌ చేయడమే కాకుండా ఫీల్డింగ్‌లో కూడా మెరుపులు మెరిపించడంతో ఆసీస్‌ స్కోరు మందగించింది. దాంతో ఆసీస్‌ నిర్ణీత ఓవర్లలో ఏడు వికెట్ల నష్టానికి 334 పరుగుల చేసింది. లంక బౌలర్లలో ధనంజయ డిసిల్వా, ఇసురా ఉదానాలకు తలో రెండు వికెట్లు లభించగా, లసిత్‌ మలింగా వికెట్‌ తీశాడు.  

లండన్‌: ఆస్ట్రేలియా కెప్టెన్‌ అరోన్‌ ఫించ్‌ సరికొత్త రికార్డు నెలకొల్పాడు. ఇంగ్లండ్‌ గడ్డపై వన్డే ఫార్మాట్‌లో అత్యధిక వ్యక్తిగత పరుగులు సాధించిన ఆసీస్‌ బ్యాట్స్‌మన్‌గా ఘనత సాధించాడు. వన్డే వరల్డ్‌కప్‌లో భాగంగా శ్రీలంకతో మ్యాచ్‌లో ఫించ్‌ ఈ ఫీట్‌ నమోదు చేశాడు. 132 బంతుల్లో 15 ఫోర్లు, 5 సిక్సర్లు సాయంతో 153 పరుగుల వ్యక్తిగత స్కోరు నమోదు చేశాడు. ఇది ఫించ్‌కు వన్డేల్లో అత్యధిక వ్యక్తిగత స్కోరు కాగా, ఇంగ్లండ్‌ గడ్డపై ఆసీస్‌ తరఫున అత్యధిక పరుగులు సాధించిన ఘనతను కూడా తన పేరున లిఖించుకున్నాడు. (ఇక్కడ చదవండి: ఫించ్‌ శతక్కొట్టుడు) అంతకముందు ఇంగ్లండ్‌లో అత్యధిక వ్యక్తిగత పరుగులు సాధించిన రికార్డు షేన్‌ వాట్సన్‌ పేరిట ఉంది. 2013లో సౌతాంప్టన్‌లో ఇంగ్లండ్‌తో జరిగిన మ్యాచ్‌లో వాట్సన్‌ ఈ ఘనత సాధించాడు. తాజాగా దాన్ని ఫించ్‌ బ్రేక్‌ చేసి నూతన రికార్డును నెలకొల్పాడు. ఇక వరల్డ్‌కప్‌ మ్యాచ్‌ల్లో అత్యధిక పరుగులు సాధించిన మూడో ఆసీస్‌ బ్యాట్స్‌మన్‌గా ఫించ్‌ గుర్తింపు సాధించాడు. ఈ జాబితాలో డేవిడ్‌ వార‍్నర్‌ (178; 2015 వరల్డ్‌కప్‌లో), మాథ్యూ హేడెన్‌ (158; 2007 వరల్డ్‌కప్‌లో) తొలి రెండు స్థానాల్లో ఉన్నారు.  

లండన్‌: వన్డే వరల్డ్‌కప్‌లో భాగంగా శ్రీలంకతో జరుగుతున్న మ్యాచ్‌లో ఆసీస్‌ కెప్టెన్‌ అరోన్‌ ఫించ్‌ శతకంతో మెరిశాడు. ఆదిలో తన సహజసిద్ధమైన బ్యాటింగ్‌ను వదిలి నెమ్మదిగా ఆడిన ఫించ్‌.. హాఫ్‌ సెంచరీ తర్వాత వేగాన్ని పెంచాడు. ఈ క్రమంలోనే 98 బంతుల్లో 8 ఫోర్లు, 4 సిక్సర్ల సాయంతో సెంచరీ సాధించాడు. ఆసీస్‌ ఇన్నింగ్స్‌లో భాగంగా సిరివర్థనే వేసిన 33 ఓవర్‌ రెండో బంతిని సిక్స్‌గా కొట్టి సెంచరీ పూర్తి చేసుకున్నాడు. ఇది ఫించ్‌ వన్డే కెరీర్‌లో 14వ సెంచరీ. టాస్‌ ఓడి ముందుగా బ్యాటింగ్‌ దిగిన ఆసీస్‌ ఇన్నింగ్స్‌ను డేవిడ్‌ వార్నర్‌-అరోన్‌ ఫించ్‌లు ప్రారంభించారు. వీరిద్దరూ 80 పరుగులు జత చేసిన తర్వాత వార్నర్‌(26) తొలి వికెట్‌గా ఔటయ్యాడు. ఆపై మరో 20 పరుగుల వ‍్యవధిలో ఫస్ట్‌ డౌన్‌లో వచ్చిన ఖవాజా(10) కూడా ఔట్‌ కావడంతో ఆసీస్‌ 100 పరుగుల వద్ద రెండో వికెట్‌ను చేజార్చుకుంది. ఆ తరుణంలో ఫించ్‌కు జత కలిసిన స్టీవ్‌ స్మిత్‌ ఇన్నింగ్స్‌ను ముందుకు తీసుకెళ్లాడు. ఈ జోడి స్టైక్‌ రోటేట్‌ చేస్తూ ముందుకు సాగడంతో ఆసీస్‌ స్కోరులో వేగం పెరిగింది. దాంతో ఆసీస్‌ 35 ఓవర్లు ముగిసే సరికి రెండు వికెట్ల నష్టానికి 195 పరుగులు చేసింది. ఆసీస్‌ కోల్పోయిన తొలి రెండు వికెట్లు ధనంజయ డిసిల్వా ఖాతాలో పడ్డాయి.  

టాంటన్‌: పాకిస్తాన్‌తో జరుగుతున్న మ్యాచ్‌లో ఆస్ట్రేలియా భారీ స్కోర్‌ దిశగా పయనిస్తోంది. ఓపెనర్లు ఆరోన్‌ ఫించ్‌, డేవిడ్‌ వార్నర్‌లు రాణించడంతో ఆసీస్‌కు మంచి శుభారంభం లభించింది. ప్రపంచకప్‌లో భాగంగా నేడు స్థానిక మైదానంలో జరుగుతున్న మ్యాచ్‌లో టాస్‌ ఓడి తొలుత బ్యాటింగ్‌ చేపట్టిన డిఫెండింగ్‌ చాంపియన్‌ జట్టుకు ఓపెనర్లు అదిరే ఆరంభాన్ని అందించారు. తొలి వికెట్‌కు 146 పరుగుల భాగస్వామం నమోదు చేశారు. అనంతరం ఫించ్‌(82)ను అమిర్‌ పెవిలియన్‌కు పంపించడంతో తొలి వికెట్‌ భాగస్వామ్యానికి తెరపడింది.  అయితే తొలుత నిదానంగా ఇన్నింగ్స్‌ను ప్రారంభించిన ఈ జోడి ఆ తర్వాత గేర్‌ మార్చి దూకుడుగా ఆడారు. ముఖ్యంగా సారథి ఆరోన్‌ ఫించ్‌ ఆకాశమే హద్దుగా రెచ్చిపోతుండటంతో స్కోర్‌ బోర్డు పరుగులు తీసింది. ఈ క్రమంలో తొలి వికెట్‌కు 100 పరుగుల భాగస్వామ్యం నమోదు చేశారు. అయితే ప్రపంచకప్‌లో పాకిస్తాన్‌ జట్టుపై ఓపెనర్లు వందకు పైగా పరుగల భాగస్వామ్యం నమోదు చేయడం ఈ మధ్యకాలంలో ఇదే మొదటిది కావడం విశేషం. అంతకుముందు 1996 ప్రపంచకప్‌లో పాక్‌పై ఇంగ్లండ్‌ ఓపెనర్లు స్మిత్‌, మికీ అథెర్టన్‌లు తొలి వికెట్‌కు 147 పరుగుల భాగస్వామ్యం నమోదు చేశారు. మళ్లీ ఐదు ప్రపంచకప్‌ల తర్వాత తొలి వికెట్‌కు శతక భాగస్మామ్యం చేసిన జోడిగా వార్నర్‌-ఫించ్‌లు నిలిచారు.  అంతేకాకుండా ప్రపంచకప్‌లో పాక్‌పై వందకు పైగా పరుగుల భాగస్వామ్యం నమోదు చేసిన తొలి ఆసీస్‌ ఓపెనర్లుగా ఫించ్‌, వార్నర్‌లు మరో ఘనతను అందుకున్నారు. మార్క్‌ టేలర్‌, మార్క్‌ వా, గిల్‌క్రిస్ట్‌, హెడెన్‌ వంటి దిగ్గజ ఓపెనర్లతో సాధ్యంకాని రికార్డును తాజా ఓపెనర్లు అందుకోవడం విశేషం. 

విశ్వ విజేతగా నిలిచిన తర్వాత గత నాలుగేళ్లలో ఆస్ట్రేలియా క్రికెట్‌ జట్టు అనేక ఒడిదుడుకులకు లోనైంది. అసలు కొంత కాలం పాటు వన్డేలకు ఎలాంటి జట్టును ఎంపిక చేయాలో కూడా అర్థం కానంత అనిశ్చితి, గందరగోళం నెలకొన్నాయి. చాంపియన్స్‌ ట్రోఫీ జరిగిన 2017 జూన్‌ నుంచి 2019 మార్చి వరకు కంగారూ టీమ్‌ 26 ఆడితే 4 మ్యాచ్‌లే గెలవగలిగింది! దీనికి తోడు ట్యాంపరింగ్‌ వివాదం కారణంగా వార్నర్, స్మిత్‌లపై ఏడాది నిషేధంతో టీమ్‌ సమతూకం పూర్తిగా దెబ్బ తింది. అయితే భారత గడ్డపై వన్డే సిరీస్‌ విజయం వారిలో ఆత్మవిశ్వాసాన్ని పెంచింది. సరిగ్గా ప్రపంచ కప్‌కు ముందు పాకిస్తాన్‌ను క్లీన్‌స్వీప్‌ చేయడంతో జట్టులో కొత్త ఉత్సాహం వచ్చింది. ఇప్పుడు ఇదే జోరులో ఫించ్‌ సేన వరల్డ్‌ కప్‌ వేదికపై తమ బలం ప్రదర్శించేందుకు సిద్ధమైంది. టీమ్‌ బలంగానే కనిపిస్తున్నా ఎక్కువ మంది దానిని ప్రస్తుతానికి ఫేవరెట్‌గానైతే చూడటం లేదు. ప్రస్తుతం ఐసీసీ ర్యాంకింగ్స్‌లో ఐదో స్థానంలో ఉన్న ఆసీస్‌ అంచనాలకు భిన్నంగా తమ అసలు సత్తాను ప్రదర్శించగలదా!  బలాలు సుదీర్ఘ కాలం పాటు క్రికెట్‌ ప్రపంచాన్ని శాసించిన ఆస్ట్రేలియా ఆరోసారి ప్రపంచ కప్‌ గెలిచే లక్ష్యంతో బలమైన జట్టునే ఎంపిక చేసింది. సరిగ్గా చెప్పాలంటే వారికి వన్డేలకు సరైన టీమ్‌ లభించింది. వార్నర్, ఫించ్‌ రూపంలో ఇద్దరు విధ్వంసకర ఓపెనర్లు జట్టులో ఉన్నారు. వీరు ఆరంభంలో చెలరేగితే ఆసీస్‌కు మంచి పునాది లభిస్తుంది. మ్యాక్స్‌వెల్, స్టొయినిస్‌ ఇదే ఊపును చివర్లో కొనసాగించగల సమర్థులు. వీరందరి మధ్య వారధిగా అసలైన వన్డే ఆటను ప్రదర్శించగల నైపుణ్యం స్టీవ్‌ స్మిత్‌ సొంతం. పునరాగమనం తర్వాత వరుసగా మూడు వార్మప్‌ మ్యాచ్‌లలో మూడు అర్ధసెంచరీలు చేసిన అతను టచ్‌లోకి వచ్చినట్లే కనిపించాడు. తుది జట్టులో ఉంటే షాన్‌ మార్‌ష, ఖాజా కూడా పరిస్థితులకు తగినట్లుగా రాణించగలరు. బౌలింగ్‌లో స్టార్క్, కమిన్స్‌ ఎలాంటి ప్రత్యర్థులనైనా కుప్పకూల్చగలరు. ముఖ్యంగా ఇంగ్లండ్‌ పరిస్థితులు స్వింగ్‌కు కొంత అనుకూలించినా వీరికి తిరుగుండదు. ఈ వరల్డ్‌ కప్‌లో లెగ్‌ స్పిన్‌ ప్రభావం చూపిస్తుందని భావిస్తున్న నేపథ్యంలో ఆడమ్‌ జంపా కూడా ప్రభావం చూపించవచ్చు.  అన్నింటికి మంచి ఒక మెగా ఈవెంట్‌లో ఎలా ఆడాలో, ఒత్తిడిని సమర్థంగా ఎలా ఎదుర్కోవాలో ఆస్ట్రేలియన్లకు తెలిసినట్లుగా మరే జట్టుకు తెలీదు. అప్పటి వరకు ఎలాంటి రికార్డు ఉన్నా... వరల్డ్‌ కప్‌కు వచ్చేసరికి ఈ మానసిక దృఢత్వం వల్లే వారు సవాల్‌ విసరగలరు. ఇదే కంగారూలను అందరికంటే ప్రత్యేకంగా నిలబెడుతుంది. పైగా ఇంగ్లండ్‌లో ఆడిన అనుభవం జట్టులో చాలా మందికి ఉండటం కూడా కలిసొచ్చే అంశం. మూడు వరల్డ్‌ కప్‌ విజయాలలో భాగమైన రికీ పాంటింగ్‌ సహాయక సిబ్బందిలో ఉండటం జట్టు వ్యూహాలపరంగా బలమైన అంశం.   బలహీనతలు నిషేధం తర్వాత వార్నర్, స్మిత్‌ ఆడుతున్న తొలి టోర్నీ (ఐపీఎల్‌ను మినహాయిస్తే) ఇదే. సహజంగానే వారిపై కొంత ఒత్తిడి ఉంటుంది. అంతే కాకుండా ఇంగ్లండ్‌లో ప్రేక్షకుల నుంచి వెక్కిరింతలు, హేళనకు కూడా వారు సిద్ధం కావాల్సిందే. ఇలాంటి స్థితిలో వారు తమలోని 100 శాతం ఆటను ప్రదర్శించగలరా అనేది ప్రశ్నార్ధకం. ఐపీఎల్‌ కూడా ఆడని మ్యాక్స్‌వెల్‌ వన్డేలు ఆడి ఏడాది దాటింది. అతను ఒక్కసారిగా ఫామ్‌లోకి రాకపోతే కష్టం. బౌలింగ్‌లో స్టార్క్, కమిన్స్‌ కాకుండా ఇతర బౌలర్లకు అనుభవం చాలా తక్కువ. ఇది వరల్డ్‌ కప్‌లో వారిపై ఒత్తిడి పెంచవచ్చు. రెండో స్పిన్నర్‌గా చోటు దక్కించుకున్న లయన్‌ వన్డే సామర్థ్యం అంతంత మాత్రమే. స్టార్క్‌ కూడా వరుస గాయాల కారణంగా ఏడాదిన్నరగా వన్డేలు ఆడలేదు. పైగా గత ప్రపంచ కప్‌లో ఆసీస్‌ గడ్డపై భారీ, బౌన్సీ మైదానాల్లో ఆసీస్‌ పేసర్లు షార్ట్‌ బంతులను సమర్థంగా ఉపయోగించి ఫలితం సాధించారు. ఇంగ్లండ్‌లోని చిన్న మైదానాల్లో బంతిని నియంత్రించడం అంత సులువు కాదు. ఇది బలహీనతగా మారితే స్టార్క్, కమిన్స్‌ భారీగా పరుగులు ఇచ్చే ప్రమాదముంది. స్పిన్‌ను సమర్థంగా ఆడలేని బలహీనత కూడా ఆసీస్‌ను దెబ్బ తీయవచ్చు.  గత రికార్డు వరల్డ్‌ కప్‌ చరిత్రలో మరే జట్టుకు లేని అద్భుతమైన రికార్డు ఆస్ట్రేలియా సొంతం. 11 సార్లు ప్రపంచకప్‌ జరిగితే ఏకంగా ఐదు సార్లు (1987, 1999, 2003, 2007, 2015) విశ్వ విజేతగా నిలిచింది. మరో రెండుసార్లు (1975, 1996) ఫైనల్లో పరాజయం పాలైంది. 1987 ప్రపంచ కప్‌కు ముందు కూడా వరుస పరాజయాలు, భారత గడ్డపై స్పిన్‌ను ఆడలేని బలహీనత వల్లే ఆసీస్‌ను ఎవరూ పట్టించుకోలేదు. కానీ చివరకు బోర్డర్‌ సేనదే విజయమైంది. పరిస్థితులు ప్రతికూలంగా ఉన్నా... వాటిని అధిగమించగల సత్తా ఉన్న ఆస్ట్రేలియా మరోసారి అలాంటి అద్భుతం చేసినా ఆశ్చర్యం లేదు.   స్పిన్‌తోనే గెలుపోటములు... ప్రపంచ కప్‌లో ఆస్ట్రేలియా స్పిన్‌ను ఎంత సమర్థంగా ఎదుర్కొంటుందో, జట్టు స్పిన్నర్లు ఎంత బాగా బౌలింగ్‌ చేస్తారో అనే దానిపైనే మా విజయావకాశాలు ఆధార పడి ఉన్నాయి. గత 12–18 నెలలుగా మాకు ఇదే ప్రధాన లోపంగా ఉంది. ఇప్పుడు స్పిన్‌ను ఆడటంలో మా మిడిలార్డర్‌ కొంత మెరుగైందనే చెప్పవచ్చు. ముఖ్యంగా వార్నర్, స్నిత్‌ వచ్చాక సమస్య తగ్గినట్లు కనిపిస్తోంది. బౌలింగ్‌లో చూస్తే జంపా బాగానే రాణిస్తుండగా, లయన్, మ్యాక్స్‌వెల్‌ కూడా పర్వాలేదు. మొత్తంగా జట్టుపై స్పిన్‌ ప్రభావం చూపించడం ఖాయం. – రికీ పాంటింగ్, ఆస్ట్రేలియా అసిస్టెంట్‌ కోచ్‌   

లండన్‌: ఈ ఏడాది ఫిబ్రవరిలో ఆస్ట్రేలియా జట్టుకు అసిస్టెంట్‌ కోచ్‌గా బాధ్యతలు తీసుకున్న ఆ జట్టు మాజీ కెప్టెన్‌ రికీ పాంటింగ్‌ స్వల్ప వ్యవధిలోనే తనదైన ముద్ర వేయగలిగాడు. ఎంతలా అంటే.. పాప్‌ సింగర్‌ జస్టిన్‌ బీబర్‌ చుట్టూ తిరిగే ఎనిమిదేళ్ల బాలికల్లాగా.. తాము కూడా పాంటింగ్‌పై ఆరాధన కలిగి ఉన్నామని కెప్టెన్‌ ఆరోన్‌ ఫించ్‌ చెబుతున్నంతగా! ‘డ్రెస్సింగ్‌ రూమ్‌లో ‘పంటర్‌(పాంటింగ్‌)ఉంటే మేమంతా అతడి దృష్టిలో పడేందుకు ప్రయత్నిస్తుంటాం. ఓ రకంగా బీబర్‌ చుట్టూ తిరిగే ఎనిమిదేళ్ల పిల్లల్లా మారిపోతాం. ఆసీస్‌ విజయవంతమైన కెప్టెన్‌గా పేరు తెచ్చుకున్న పాంటింగ్‌ సలహాలు మాకు ఉపయోగపడతాయి’ అని ఫించ్‌ తెలిపాడు. రికీ పాంటింగ్‌ కెప్టెన్సీలో ఆస్ట్రేలియా రెండు వరుస వరల్డ్‌కప్‌లు గెలిచిన సంగతి తెలిసిందే. 2003, 07 సంవత్సరాల్లో పాంటింగ్‌ సారథ్యంలోని ఆసీస్‌ వరల్డ్‌కప్‌ను అందుకుంది.  మే 30వ తేదీ నుంచి ఇంగ్లండ్‌ వేదికగా ఆరంభమయ్యే వరల్డ్‌కప్‌లో ఆసీస్‌ డిఫెండింగ్‌ చాంపియన్‌గా బరిలో దిగుతోంది. ఈసారి కూడా టైటిల్‌ గెలిచి తమ వరల్డ్‌ చాంపియన్‌ హోదాను నిలబెట్టుకోవాలనే కసితో ఉంది ఆసీస్‌.

సిడ్నీ : మే 30 నుంచి ఇంగ్లండ్‌ వేదికగా జరగనున్న మెగా ఈవెంట్‌ ప్రపంచకప్‌-2019కు క్రికెట్‌ ఆస్ట్రేలియా తమ జట్టును ప్రకటించింది. 15 మంది సభ్యులతో కూడిన జట్టు వివరాలను ఆస్ట్రేలియా సెలక్టర్ల చైర్మన్‌ ట్రెవర్‌ హాన్స్‌ సోమవారం తెలిపారు. ఈ జట్టులో సీనియర్‌ ఆటగాళ్లు జోష్‌ హజల్‌వుడ్‌, వికెట్‌ కీపర్‌, బ్యాట్స్‌మన్‌ పీటర్‌ హ్యాండ్‌స్కోంబ్‌లకు చోటు దక్కలేదు. దీంతో అలెక్స్‌ కారె వికెట్‌ కీపర్‌గా వ్యవహరించనున్నాడు. గాయం కారణంగానే హజల్‌వుడ్‌ జట్టులో చోటుదక్కలేదని, యాషెస్‌ సిరీస్‌కు అందుబాటులో ఉంటాడని ట్రెవర్‌ స్పష్టం చేశాడు. ఇక బాల్‌ ట్యాంపరింగ్‌తో ఏడాది పాటు ఆటకు దూరమైన స్టీవ్‌స్మిత్‌, డెవిడ్‌ వార్నర్‌లు వరల్డ్‌కప్‌ జట్టులో చోటుదక్కించుకున్నారు. కానీ ఆరోన్‌ ఫించ్‌నే కెప్టెన్‌గా కొనసాగించారు. BREAKING: Australia name their #CWC19 squad! pic.twitter.com/jmz7KhPKxA — Cricket World Cup (@cricketworldcup) 15 April 2019 తుది జట్టు: ఆరోన్‌ ఫించ్‌(కెప్టెన్‌), డేవిడ్‌వార్నర్‌, ఉస్మాన్‌ ఖవాజా, స్టీవ్‌స్మిత్‌, షాన్‌ మార్ష్‌, గ్లెన్‌ మ్యాక్స్‌వెల్‌, మార్కస్‌ స్టోయినిస్‌, అలెక్స్‌ కారె(వికెట్‌ కీపర్‌), ప్యాట్‌ కమిన్స్‌, మిచెల్‌ స్టార్క్‌, నాథన్‌ కౌల్టర్‌ నీల్‌, రిచర్డ్సన్‌, జాసన్‌ బెహండ్రాఫ్‌, ఆడమ్‌ జంపా.  

షార్జా: కెప్టెన్‌ ఆరోన్‌ ఫించ్‌ (143 బంతుల్లో 153 నాటౌట్‌; 11 ఫోర్లు, 6 సిక్స్‌లు) మరో సెంచరీ చేయడంతో... పాకిస్తాన్‌తో జరిగిన రెండో వన్డేలో ఆస్ట్రేలియా ఎనిమిది వికెట్ల తేడాతో ఘనవిజయం సాధించింది. ఐదు మ్యాచ్‌ల సిరీస్‌లో 2–0తో ఆధిక్యంలోకి వెళ్లింది. తొలి వన్డేలోనూ ఫించ్‌ సెంచరీ చేసి ఆసీస్‌ విజయంలో ముఖ్యపాత్ర పోషించగా... రెండో వన్డేలోనూ అతను కెప్టెన్‌ ఇన్నింగ్స్‌ ఆడాడు. టాస్‌ గెలిచి బ్యాటింగ్‌ ఎంచుకున్న పాకిస్తాన్‌ 50 ఓవర్లలో ఏడు వికెట్లకు 284 పరుగులు చేసింది. మొహమ్మద్‌ రిజ్వాన్‌ (126 బంతుల్లో 115; 11 ఫోర్లు) సెంచరీ చేయగా... షోయబ్‌ మాలిక్‌ (61 బంతుల్లో 60; 3 ఫోర్లు, సిక్స్‌) అర్ధ సెంచరీ సాధించాడు. ఆసీస్‌ బౌలర్లలో రిచర్డ్సన్, కూల్టర్‌నీల్‌ రెండేసి వికెట్లు పడగొట్టారు. 285 పరుగుల లక్ష్యాన్ని ఆసీస్‌ 47.5 ఓవర్లలో కేవలం రెండు వికెట్లు కోల్పోయి అధిగమించింది. ఉస్మాన్‌ ఖాజా (109 బంతుల్లో 88; 8 ఫోర్లు)తో కలిసి ఫించ్‌ తొలి వికెట్‌కు 209 పరుగులు జోడించడం విశేషం. ఖాజా, మ్యాక్స్‌వెల్‌ ఔటయ్యాక షాన్‌ మార్‌‡్ష (11 నాటౌట్‌)తో కలిసి ఫించ్‌ ఆసీస్‌ను విజయతీరాలకు చేర్చాడు. 1996లో మార్క్‌ వా తర్వాత ఆసియాలో వరుసగా రెండు మ్యాచ్‌ల్లో రెండు సెంచరీలు చేసిన తొలి ఆసీస్‌ బ్యాట్స్‌మన్‌గా ఫించ్‌ ఘనత వహించాడు. మూడో వన్డే అబుదాబిలో బుధవారం జరుగుతుంది. 

షార్జా: భారత్‌లో భారత్‌ను వన్డే సిరీస్‌లో ఓడించి ఉత్సాహం మీదున్న ఆస్ట్రేలియా జట్టు పాకిస్తాన్‌తో సిరీస్‌లోనూ శుభారంభం చేసింది. పాక్‌తో జరిగిన తొలి వన్డేలో ప్రపంచ చాంపియన్‌ ఆస్ట్రేలియా ఎనిమిది వికెట్ల తేడాతో ఘనవిజయం సాధించింది. కెప్టెన్‌ ఆరోన్‌ ఫించ్‌ (135 బంతుల్లో 116; 8 ఫోర్లు, 4 సిక్స్‌లు) అద్భుత సెంచరీ... షాన్‌ మార్‌‡్ష (102 బంతుల్లో 91 నాటౌట్‌; 4 ఫోర్లు, 2 సిక్స్‌లు) బాధ్యతాయుత బ్యాటింగ్‌... ఆసీస్‌ విజయంలో కీలకపాత్ర పోషించాయి. టాస్‌ గెలిచి బ్యాటింగ్‌ ఎంచుకున్న పాకిస్తాన్‌ నిర్ణీత 50 ఓవర్లలో ఐదు వికెట్లకు 280 పరుగులు చేసింది. హారిస్‌ సొహైల్‌ (115 బంతుల్లో 101 నాటౌట్‌; 6 ఫోర్లు, సిక్స్‌) అజేయ సెంచరీ సాధించాడు. ఆసీస్‌ బౌలర్లలో కూల్టర్‌నీల్‌కు రెండు వికెట్లు దక్కాయి. 281 పరుగుల లక్ష్యంతో బరిలోకి దిగిన ఆస్ట్రేలియా 49 ఓవర్లలో రెండు వికెట్లు కోల్పోయి లక్ష్యాన్ని ఛేదించింది.  

న్యూఢిల్లీ : ఆస్ట్రేలియాతో జరిగిన ఆఖరి మ్యాచ్‌లో భారత్‌ అనూహ్యంగా ఓటమిపాలై 5 వన్డేల సిరీస్‌ను 2-3తో కోల్పోయిన విషయం తెలిసిందే. అయితే ప్రపంచకప్‌లాంటి మెగా టోర్నీలకు ముందు ఇలాంటి ఓటములు మంచిదేనని టీమిండియా కెప్టెన్‌ విరాట్‌ కోహ్లి అభిప్రాయపడ్డాడు.  మ్యాచ్‌ అనంతరం మాట్లాడుతూ.. ఈ తరహా ఓటములతో తమ తప్పులు సరిదిద్దుకోవడానికి అవకాశం ఉంటుందని చెప్పుకొచ్చాడు.  ‘అనుకున్నదానికంటే 15–20 పరుగులు ఎక్కువే ఇచ్చినా లక్ష్యాన్ని ఛేదించగలమని భావించాం. ఎంతో భావోద్వేగంతో, ఆకలిగొన్న వారిలా ఆడిన ఆసీస్‌కు గెలిచే అర్హత ఉంది. గత మూడు మ్యాచ్‌ల్లో ఒత్తిడిలో వారు పట్టుదలగా నిలబడ్డారు. ఓటమికి సాకులు చెప్పదల్చుకోలేదు. ప్రపంచ కప్‌కు ముందు తప్పులు సరిదిద్దుకునేందుకు ఇలాంటి ఓటములు మంచిదే. సిరీస్‌ ఓడినా గత కొంతకాలంగా మా జట్టు ఆడిన తీరు పట్ల గర్వపడుతున్నా. చివరి మూడు వన్డేల్లో ప్రయోగాలు చేయడానికి ప్రయత్నించాం. అయితే ఓటమికి మార్పులు కారణం కాదు. వరల్డ్‌ కప్‌కు ముందు కావాల్సినంత ఆత్మవిశ్వాసం మాలో ఉంది. ఈ ఓటమితో మేం ఏం కుంగిపోవడం లేదు. జట్టు కూర్పుకు సంబంధించి దాదాపుగా ఎలాంటి సమస్యలు లేవు.  మహా అయితే ఒక స్థానం గురించి మాత్రమే కాస్త ఆలోచించాల్సి ఉంది. పరిస్థితులకు తగ్గట్లు నిర్ణయం తీసుకోవాల్సి ఉంది. హార్దిక్‌ పాండ్యా పునరాగమనంతో జట్టు బ్యాటింగ్‌ బలపడుతుంది. అలాగే బౌలింగ్‌ విభాగంకు కూడా మద్దతుగా ఉంటుంది. ప్రస్తుత  పరిస్థితుల్లో ప్రపంచకప్‌ బరిలో దిగే ఏ జట్టు హాట్‌ ఫేవరేట్‌ కాదు. మాతో పాటు వెస్టిండీస్‌, ఇంగ్లండ్‌, న్యూజిలాండ్‌ జట్లు చాలా బలంగా కనిపిస్తున్నాయి. ఇప్పుడు ఆస్ట్రేలియా కూడా సమతూకంగా ఉంది. పాకిస్తాన్‌ను తక్కువ అంచనా వేయలేం.’ అని చెప్పుకొచ్చాడు. చదవండి: ప్చ్‌.. సిరీస్‌ పోయింది!

న్యూఢిల్లీ : భారత్‌తో జరుగుతున్న నిర్ణయాత్మక ఆఖరి వన్డేలో ఆస్ట్రేలియా జట్టు టాస్‌ గెలిచి బ్యాటింగ్‌ ఎంచుకుంది. ఈ తుది సమరానికి న్యూఢిల్లీ ఫిరోజ్‌ షా కోట్లా మైదానం వేదికగా నిలిచింది. ఇప్పటికే చెరో రెండు మ్యాచ్‌లు గెలిచి ఐదు వన్డేల సిరీస్‌ 2-2తో సమఉజ్జీలుగా నిలిచిన ఇరు జట్లు గెలుపే లక్ష్యంగా తుది సమరానికి సిద్దమయ్యాయి. ఇక ఈ మ్యాచ్‌లో టాస్‌గెలిచిన ఆసీస్‌ కెప్టెన్‌ ఫించ్‌.. బ్యాటింగ్‌కే మొగ్గు చూపాడు. ఈ పిచ్‌పై భారీ స్కోర్‌ చేసి కాపాడుకుంటామని పించ్‌ ఆశాభావం వ్యక్తం చేయగా.. చేజింగ్‌లో తమది గొప్పజట్టని, అది మరోసారి నిరూపిస్తామని టీమిండియా కెప్టెన్‌ విరాట్‌ కోహ్లి పేర్కొన్నాడు. ఇక ఇరు జట్లలో స్వల్ప మార్పులు చోటుచేసుకున్నాయి. భారత తుది జట్టులోకి చహల్‌, రాహుల్‌ స్థానాల్లో జడేజా, షమీలు రాగా.. ఆసీస్‌ తుది జట్టులోకి షాన్‌ మార్ష్‌, బెహండ్రాఫ్‌ స్థానాల్లో మార్కస్‌ స్టొయినిస్‌, నాథన్‌ లయన్‌లు వచ్చారు. తొలి రెండు మ్యాచ్‌లు గెలిచి సిరీస్‌ ఆధిపత్యం కనబర్చిన భారత్‌ చివరి రెండు మ్యాచ్‌లను అనూహ్యంగా ఓడి సిరీస్‌ ఫలితాన్ని చివరి మ్యాచ్‌ వరకు తీసుకొచ్చింది. ఈ మ్యాచ్‌ గెలిచి సిరీస్‌ కైవసం చేసుకోవాలని ఇరు జట్లు భావిస్తున్నాయి. తుది జట్లు భారత్‌: కోహ్లి (కెప్టెన్‌), రోహిత్, ధావన్, పంత్, జాదవ్, విజయ్‌ శంకర్, భువనేశ్వర్, కుల్దీప్, జడేజా, బుమ్రా, షమీ ఆస్ట్రేలియా: ఫించ్, ఖాజా, స్టొయినిస్‌, హ్యాండ్స్‌కోంబ్, మ్యాక్స్‌వెల్, టర్నర్, కారీ, రిచర్డ్సన్, కమిన్స్, జంపా, లయన్‌. 

రాంచీ: నెల రోజుల వ్యవధిలోనే డీఆర్‌ఎస్‌(అంపైర్‌ నిర్ణయ పునః సమీక్ష పద్ధతి)లో మరో వివాదం చోటు చేసుకుంది. గత నెల 8వ తేదీన న్యూజిలాండ్‌తో జరిగిన రెండో టీ20లో డీఆర్‌ఎస్‌పై అనేక అనుమానాలు తలెత్తాయి.  కివీస్‌ ఆటగాడు డార్లీ మిచెల్‌ ఎల్బీగా మైదానం వీడిన తీరు అనేక ప్రశ్నలకు తావిచ్చింది. కృనాల్ పాండ్య బౌలింగ్‌లో మిచెల్  ఎల్బీగా వెనుదిరిగిన తీరు అనేక సందేహాలకు చోటిచ్చింది.   హాట్ స్పాట్‌లో మాత్రం బ్యాట్ తగిలినట్లు చూపించగా, స్నికో మీటర్‌లో దీనికి విరుద్ధంగా కనిపించింది. బ్యాట్‌ను బంతి దాటే సమయంలో ఎటువంటి స్పైక్‌ కనిపించలేదు. దాంతో బాల్‌ ట్రాకింగ్‌ ఆధారంగా థర్డ్‌ అంపైర్‌ తన నిర్ణయాన్ని ఔట్‌గా ప్రకటించాడు.  తాజాగా డీఆర్‌ఎస్‌లోని బాల్‌ ట్రాకింగ్‌ టెక్నాలజీ  అనేక ప‍్రశ్నలకు తావిచ్చింది. ఆసీస్‌తో రాంచీ వేదికగా జరిగిన మూడో వన్డేలో హాక్‌ఐ టెక్నాలజీ పని చేసే తీరు వివాదాస్పదంగా మారింది. కుల్దీప్‌ బౌలింగ్‌లో ఆసీస్‌ కెప్టెన్‌ అరోన్‌ ఫించ్‌ ఎల్బీగా ఔటయ్యాడు. దానిపై డీఆర్‌ఎస్‌కు వెళ్లిన ఫించ్‌కు వ్యతిరేక నిర్ణయమే వచ్చింది. దాంతో 93 పరుగులు చేసిన ఫించ్‌ పెవిలియన్‌ బాట పట్టాడు. థర్డ్‌ అంపైర్‌ పలు కోణాల్లో పరీక్షించి ఫించ్‌ను ఔట్‌గా ప్రకటించాడు. కాగా, కుల్దీప్‌ వేసిన ఆ బంతిని ట్రాక్‌ చేయడానికి ఉపయోగించిన హాక్‌ఐ టెక్నాలజీ చర‍్చనీయాంశమైంది. (ఇక్కడ చదవండి: టీమిండియా బ్యాటింగ్‌ ‘విచిత్రం’ చూశారా?) ఆ బంతి పిచ్‌ అయ్యే క్రమంలో మిడిల్‌ స్టంప్‌ నుంచి మిడిల్‌ వికెట్‌ను గిరాటేస్తుండగా, బాల్‌ ట్రాకింగ్‌ టెక్నాలజీలో మాత్రం అది లెగ్‌ స్టంప్‌లో పడి మిడిల్‌ స్టంప్‌కు వెళుతున్నట్లు కనిపించింది. దాంతో డీఆర్‌ఎస్‌లో ఇంకా లోపాలు ఉన్నట్లు మరోసారి స్పష్టమైంది. గతంలో ఒకానొక సందర్భంలో డీఆర్‌ఎస్ సరిగా లేదనే వాదనను భారత్‌ బలంగా వినిపించింది. అయితే ఈ టెక్నాలజీని పలుమార్లు పరీక్షించిన తర్వాత అందుకు బీసీసీఐ ఓకే చెప్పింది. ఇప్పుడు డీఆర్‌ఎస్‌లో వరుస వైఫల్యాలు కొట్టిచ్చినట్లు కనబడుతుండటంతో అది ఏ జట్టును కొ్ంపముంచుతుందో అనే అనుమానాలు వ్యక్తమవుతున్నాయి. (ఇక్కడ చదవండి: ఇక చాలు.. మళ్లీ చూడదల్చుకోలేదు : కోహ్లి)

రాంచీ:  ఆస్ట్రేలియా క్రికెట్ జట్టు మరో ఘనతను నమోదు చేసింది. భారత్‌లో మరో అత్యుత్తమ ఓపెనింగ్‌ భాగస్వామ్యాన్ని సాధించింది. భారత్‌తో మూడో వన్డేలో ఆసీస్‌ తొలి వికెట్‌కు 193 పరుగులు చేసింది. ఇది భారత్‌లో భారత్‌పై ఆసీస్‌కు మూడో అత్యుత్తమంగా రికార్డులకెక్కింది.  ఓపెనర్లు అరోన్‌ ఫించ్‌-ఖాజాలు ధాటిగా బ్యాటింగ్‌ చేసి భారీ భాగస్వామ్యాన్ని సాధించిపెట్టారు. అయితే ఫించ్‌ 99 బంతుల్లో 10 ఫోర్లు, 3 సిక్సర్ల సాయంతో 93 పరుగులు చేసిన తర్వాత పెవిలియన్‌ చేరడంతో వారి తొలి వికెట్‌ భాగస్వామ్యానికి తెరపడింది. కుల్దీప్‌ ఎల్బీ చేయడంతో ఫించ్‌ సెంచరీ చేసే అవకాశాన్ని తృటిలో కోల్పోయాడు. అంతకుముందు 1986లో తొలిసారి జెఫ్‌ మార్ష్‌- డేవిడ్‌ బూన్‌ల జోడి 212 పరుగుల ఓపెనింగ్‌ భాగస‍్వామ్యాన్ని సాధించగా, 2017లో అరోన్‌ ఫించ్‌-డేవిడ్‌ వార్నర్‌ల జోడి 231 పరుగుల తొలి వికెట్‌ భాగస్వామ్యాన్ని నమోదు చేసింది. తాజాగా  ఫించ్‌-ఖాజాల జోడి నమోదు చేసిన భాగస్వామ్య భారత్‌లో ఆసీస్‌ రఫున మూడోదిగా నిలిచింది. కాగా, భారత్‌పై భారత్‌లో అత్యుత్తమ ఓపెనింగ్‌ భాగస్వామ్యం రికార్డు దక్షిణాఫ్రికా పేరిటి ఉంది. 2000లో గ్యారీ కిరెస్టన్‌-గిబ్స్‌ల జోడి 235 పరుగుల తొలి వికెట్‌ భాగస్వామ్యాన్ని నమోదు చేసింది.

రాంచీ: గత కొంతకాలంగా పేలవ ఫామ్‌లో కొనసాగుతున్న ఆస్ట్రేలియా పరిమిత ఓవర్ల కెప్టెన్‌ అరోన్‌ ఫించ్‌ ఎట్టకేలకు గాడిలో పడ్డాడు. భారత్‌తో ఐదు వన్డేల సిరీస్‌లో భాగంగా ఇక్కడ జరుగుతున్న మూడో వన్డేలో ఫించ్‌ తన పూర్వపు ఫామ్‌ను అందిపుచ్చుకున్నాడు. 51 బంతుల్లో హాఫ్‌ సెంచరీ మార్కును చేరాడు. ఇది ఫించ్‌కు 19వ వన్డే ఫిఫ్టీ. అయితే వైట్‌ బాల్‌ క్రికెట్‌ పరంగా చూస్తే గతేడాది జూలై తర్వాత ఫించ్‌కు ఇది తొలి హాఫ్‌ సెంచరీ. ఓవరాల్‌గా చూస్తే తొమ్మిది ఇన్నింగ్స్‌ల తర్వాత ఫించ్‌ మొదటి అర్థ శతకం సాధించాడు. అతనికి జతగా ఖాజా కూడా హాఫ్‌ సెంచరీ నమోదు చేయడంతో ఆసీస్‌ స్కోరు పరుగులు పెడుతోంది. ఆసీస్‌ 29 ఓవర్లు ముగిసే సరికి వికెట్‌ నష్టపోకుండా 179 పరుగులు చేసింది. దాంతో  గత 19 వన్డేల పరంగా చూస్తే ఆసీస్‌ తరఫున ఏ వికెట్‌కైనా ఇదే అత్యధిక భాగస్వామ్యంగా నమోదైంది. ఈ మ్యాచ్‌లో టాస్‌ గెలిచిన భారత్‌ తొలుత ఫీల్డింగ్‌ ఎంచుకుంది. టాస్‌ గెలిచిన టీమిండియా కెప్టెన్‌ విరాట్‌ కోహ్లి ముందుగా ఆసీస్‌ను బ్యాటింగ్‌కు ఆహ్వానించాడు. దాంతో బ్యాటింగ్‌ చేపట్టిన ఆసీస్‌ ఆది నుంచి దూకుడును కొనసాగించింది. ఒకవైపు పేలవమైన భారత్‌ ఫీల్డింగ్‌ను సద్వినియోగం చేసుకున్న ఆసీస్‌ ఓపెనర్లు ధాటిగా బ్యాటింగ్‌ చేస్తున్నారు. ఇక్కడ చదవండి: ధావన్‌ వదిలేశాడు..! అమర జవాన్లకు టీమిండియా ఘన నివాళి

నాగ్‌పూర్‌ వన్డే : భారత్‌తో జరుగుతున్న రెండో వన్డేలో ఆస్ట్రేలియా టాస్‌ గెలిచి ఫీల్డింగ్‌ ఎంచుకుంది. టాస్‌ గెలిచిన ఆసీస్‌ కెప్టెన్‌ ఫించ్‌ ఛేజింగ్‌కే మొగ్గుచూపాడు. ఇక భారత్‌ ఈ మ్యాచ్‌లో ఎలాంటి మార్పులు లేకుండా బరిలోకి దిగుతుంది. హైదరాబాద్‌ వన్డే విజయంతో ఉత్సాహంగా ఉన్న కోహ్లిసేన ఈ మ్యాచ్‌ను సైతం గెలిచి సిరీస్‌లో ఆధిపత్యం ప్రదర్శించాలని భావిస్తోంది. ఇక ఆసీస్‌ రెండు మార్పులు చేసింది. ఆష్‌తోన్‌ టర్నర్‌, జాసన్‌ బెహెండ్రాఫ్‌లకు ఉద్వాసన పలికి షాన్‌ మార్ష్‌, నాథన్‌ లియోన్‌లకు అవకాశం కల్పించింది. ఈ మ్యాచ్‌ను ఎలాగైన గెలిచి గట్టిపోటీనివ్వాలని భావిస్తోంది. ప్రపంచకప్‌ మెగా ఈవెంట్‌కు ముందు మిగిలున్నవి ఈ నాలుగు వన్డేలే కావునా.. ప్రతి మ్యాచ్‌ను ఇరు జట్లు కీలకంగా భావిస్తున్నాయి. తుది జట్లు  భారత్ ‌: కోహ్లి (కెప్టెన్‌), శిఖర్‌ ధావన్, రోహిత్‌ శర్మ, రాయుడు, ధోని, కేదార్‌ జాదవ్, విజయ్‌ శంకర్, జడేజా, షమీ, కుల్దీప్, బుమ్రా.  ఆస్ట్రేలియా: ఫించ్‌ (కెప్టెన్‌), ఖాజా, షాన్‌ మార్ష్‌, స్టొయినిస్, హ్యాండ్స్‌కోంబ్, మ్యాక్స్‌వెల్, క్యారీ, కూల్టర్‌ నీల్, కమిన్స్, నాథన్‌ లియోన్‌, జంపా.     

హైదరాబాద్‌: గత కొంతకాలంగా పేలవమైన ఫామ్‌లో కొనసాగుతున్న ఆస్ట్రేలియా పరిమిత ఓవర్ల కెప్టెన్‌ అరోన్‌ ఫించ్‌ మరోసారి నిరాశపరిచాడు. భారత్‌తో శనివారం ఉప్పల్‌ వేదికగా జరుగుతున్న తొలి వన్డేలో ఫించ్‌ డకౌట్‌గా నిష్క్రమించాడు. మూడు బంతులు ఆడిన ఫించ్‌ పరుగులేమీ చేయకుండా పెవిలియన్‌ చేరాడు. భారత పేసర్‌ బుమ్రా వేసి ఇన‍్నింగ్స్‌ రెండో ఓవర్‌ మూడో బంతికి ధోనికి క్యాచ్‌కు ఇచ్చి పెవిలియన్‌ చేరాడు. ఈ క్రమంలోనే అరుదైన చెత్త రికార్డును మూటగట్టుకున్నాడు ఫించ్‌. ఇది ఫించ్‌కు వందో వన్డే. ఈ మ్యాచ్‌లో ఫించ్‌ డకౌట్‌గా నిష్క్రమించడంతో ఆసీస్‌ తరఫున ఇలా వందో మ్యాచ్‌లో సున్నాకే ఔటైన మూడో ఆటగాడిగా నిలిచాడు. అంతకముందు డీన్‌ జోన్స్‌, క్రెయిగ్‌ మెక్‌డెర్మట్‌లు వందో వన్డేలో డకౌట్‌గా ఔటైన ఆసీస్‌ క్రికెటర్లు. ఇప్పుడు వారి సరసర ఫించ్‌ చేరిపోయాడు. తాజా మ్యాచ్‌లో ఆసీస్‌ టాస్‌ గెలవడంతో బ్యాటింగ్‌ ఎంచుకుంది. అయితే ఫించ్‌ డకౌట్‌గా పెవిలియన్‌ చేరడంతో ఆసీస్‌ స్కోరు బోర్డుపై పరుగులేమీ లేకుండానే వికెట్‌ను నష్టపోయింది. ఇదిలా ఉంచితే, 2018-19 సీజన్‌లో ఫించ్‌ సగటు దారుణంగా ఉంది. టెస్టుల్లో 27.80 సగటు నమోదు చేయగా, వన్డేల్లో 11.85 సగటు మాత్రమే చేశాడు. ఇక టీ20ల్లో 7.50 సగటుతో ఉన్నాడు. ఇక్కడ చదవండి: చహల్‌కు విశ్రాంతి.. జడేజా రీఎంట్రీ

హైదరాబాద్‌: గత కాలంగా పేలవ ఫామ్‌లో కొనసాగుతున్న ఆస్ట్రేలియా పరిమిత ఓవర్ల కెప్టెన్‌ అరోన్‌ ఫించ్‌కు ఆ జట్టు కోచ్‌ జస్టిన్‌ లాంగర్‌ మద్దతుగా నిలిచాడు. అరోన్‌ ఫించ్‌ త్వరలోనే తిరిగి గాడిలో పడతాడనే ఆశాభావం వ్యక్తం చేశాడు. ‘అతనొక విధ్వంసకర ఆటగాడనే సంగతి మనకు తెలుసు. ప్రస్తుతం ఫించ్‌ ఫామ్‌ లేడు. కానీ అతను ఎంతో విలువైన ఆటగాడు. ఫామ్‌లో లేని అతనికి మద్దతుగా నిలవాల్సిన అవసరం ఉంది. ఒకసారి ఫించ్‌ రాణించడం మొదలు పెడితే అతన్ని ఆపడం కష్టం. ఇక నాయకుడిగా కూడా ఫించ్‌ ఆకట్టుకుంటున్నాడు. జట్టులో ఎటువంటి తారతమ్యాలు లేకుండా ముందుకు తీసుకెళుతున్నాడు. అతనిది చాలా ఉన్నతమైన వ్యక్తిత్వం’ అని లాంగర్‌ కొనియాడాడు.ఇక రెండో టీ20లో శతకం సాధించి ఆసీస్‌ సిరీస్‌ సాధించడంలో కీలక పాత్ర పోషించిన మ్యాక్స్‌వెల్‌పై కూడా లాంగర్‌ ప్రశంసలు కురిపించాడు. తమకు మ్యాక్సీ చాలా కీలక ఆటగాడని,  ఇటీవల కాలంలో అతని ఆట తీరులో మరింత నిలకడ పెరగడం ఆసీస్‌ జట్టుకు శుభపరిణామమన్నాడు. (ఇక్కడ చదవండి: కప్పుకు ముందు కంగారూ సన్నాహం)

మెల్‌బోర్న్‌: ఆస్ట్రేలియా పరిమిత ఓవర్ల కెప్టెన్‌ అరోన్‌ ఫించ్ తన కోపాన్ని కుర్చీపై చూపించాడు. రెండోరోజుల క్రితం బిగ్‌బాష్‌ లీగ్‌(బీబీఎల్‌)లో భాగంగా మెల్‌బోర్న్‌ రెనెగేడ్స్‌ కెప్టెన్‌గా ఉన్న ఫించ్‌ రనౌటైన క్రమంలో పెవిలియన్‌లోకి వెళుతూ అక్కడ ఉన్న కుర్చీపై విశ్వరూపం ప్రదర్శించాడు.  రెండుసార్లు కుర్చీని బలంగా బాది దాన్ని విరగొట్టే యత్నం చేశాడు. ఆదివారం మెల్‌బోర్న్‌ రెనిగేడ్స్‌-మెల్‌బోర్న్‌ స్టార్స్‌ మధ్య బిగ్‌బాష్‌ ఫైనల్‌మ్యాచ్‌ జరిగింది. మ్యాచ్‌లో భాగంగా మెల్‌బోర్న్‌ రెనిగేడ్స్‌ ఫించ్‌ బ్యాటింగ్‌ చేసే క్రమంలో అతని ఏమరుపాటు కారణంగా అనుకోకుండా రనౌట్‌ అయ్యాడు.ఫించ్‌కు మరో ఎండ్‌లో ఉన్న కామెరూన్ బంతిని ఆడాడు. దీన్ని బౌలర్ జాక్సన్ బంతిని పాదంతో ఆపే ప్రయత్నం చేశాడు. ఈలోపు అనవసర పరుగు కోసం ప్రయత్నించిన ఫించ్‌ రనౌట్‌ అయ్యాడు. దీంతో ఫించ్‌ కోపం కట్టలు తెంచుకుంది. ఏం చేసేది లేక పెవిలియన్‌ చేరేటప్పుడు దారిలో ఉన్న చైర్‌ను రెండుసార్లు బ్యాట్‌తో కొట్టాడు. దీనిపై నెటిజన్లు మండిపడుతున్నారు. (ఇక‍్కడ చదవండి: 19 పరుగుల వ్యవధిలో 7 వికెట్లు) ‘అసలు దీని ద్వారా ఏం సందేశం ఇద్దామని అనుకుంటాన్నావ్‌ ఫించ్’ అంటూ ఒక అభిమాని ప్రశ్నించగా, ‘అతని దెబ్బకు కుర్చీ దాదాపు చెత్త అయిపోవడం ఖాయం’ మరొకరు సెటైర్‌ వేశాడు. ‘ఫించ్‌ కెమెరాకు చిక్కావ్‌.. నీకు జరిమానా తప్పదు’ మరొకరు ఎద్దేవా చేశాడు.  అసహనంలో ఇలా ప్లాస్టిక్‌ చైర్‌పై దాడి చేయడం నీకు తగదు.. ఇదేమీ గొప్పగా అనిపించడం లేదు. ఇది పిల్లలకు ఒక చెడు సందేశం’ అని మరో అభిమాని విమర్శించాడు.ఇదిలా ఉంచితే, కుర్చీపై తన కోపాన్ని ప్రదర్శించిన ఫించ్‌కు బీబీఎల్‌ యాజమాన్యం మందలింపు సరిపెట్టింది. ఇలా మరొకసారి చేయవద్దని హెచ్చరించింది.  కాగా, ఈ మ్యాచ్‌లో ఫించ్‌ నేతృత్వంలో మెల్‌బోర్న్ రెనిగేడ్స్ జట్టు 13 పరుగుల తేడాతో గెలుపొందింది.

మెల్‌బోర్న్‌: త్వరలో టీమిండియాతో ఆరంభం కానున్న ద్వైపాక్షిక సిరీస్‌లో సత్తాచాటుతామని అంటున్నాడు ఆస్ట్రేలియా పరిమిత ఓవర్ల కెప్టెన్‌ అరోన్‌ ఫించ్‌. ఇందుకు కచ్చితమైన ప్రణాళికలతో భారత్‌తో పోరుకు సిద్ధమవుతున్నట్లు వెల్లడించాడు. భారత్‌ను వారి దేశంలో ఓడించడం అంత ఈజీ కాకపోయినప్పటికీ, తాము అనుకున్న గేమ్‌ ప్లాన్‌ అమలు చేసి పైచేయి సాధిస్తామన్నాడు. ‘ సొంత గడ్డపై టీమిండియా చాలా ప్రమాదకరమైన జట్టు. స్వదేశీ వన్డేల్లో భారత్‌ తిరుగులేని శక్తిగా ఉంది. కానీ మేము పూర్తి ఆత్మవిశ్వాసంతో బరిలోకి దిగుతున్నాం. మా దగ్గర టీమిండియాను ఓడించడానికి రియల్ క్లియర్‌ గేమ్‌ ప్లాన్‌ ఉంది’ అని ఫించ్‌ పేర్కొన్నాడు. బిగ్‌బాష్‌ లీగ్‌(బీబీఎల్‌)టైటిల్‌ను తొలిసారి సాధించిన మెల్‌బోర్న్‌ రెనెగేడ్స్‌ జట్టుకు సారథ్యం వహించిన ఫించ్‌ మ్యాచ్‌ తర్వాత మాట్లాడుతూ.. భారత్‌తో సిరీస్‌లో విజయం సాధించడంపైనే దృష్టి సారించామన్నాడు. తమ ఆత్మవిశ్వాసాన్ని తిరిగి ప్రోది చేసుకోవాలంటే భారత్‌ను వారి దేశంలో ఓడించడమే ఒక్కటే మార్గమన‍్నాడు. ఫిబ్రవరి 24వ తేదీన  భారత్‌-ఆస్ట్రేలియా జట్ల మధ్య పరిమిత ఓవర్ల సిరీస్‌ ఆరంభం కానుంది. ఇందులో రెండు టీ20ల సిరీస్‌తో పాటు ఐదు వన్డేల సిరీస్‌ జరుగనుంది.