యూపీఏ ప్రభుత్వం కూడా ఈ దాడులు చేసిందట!

 

కానీ మొదటిసారేమీ ఆర్మీ నియంత్రణ రేఖను దాటివెళ్లలేదని, ఇదేమాదిరి అతిపెద్ద దాడి 2013లో జనవరిలో యూపీఏ హయాంలో జరిగిందని చిదంబరం అన్నారు. ఆ విషయాన్ని ప్రజల్లోకి తీసుకెళ్లడానికి యూపీఏ ప్రభుత్వం ప్రయత్నించలేదని పేర్కొన్నారు. సర్జికల్ స్ట్రయిక్స్పై రాజకీయ యాజమాన్యమంతా ఎన్డీయే ప్రభుత్వం స్వాధీనం పరుచుకోవలనుకోవడంపై ఆయన హెచ్చరించారు. నియంత్రణ రేఖ వెంబడి పాకిస్తాన్ ఉగ్రవాద శిబిరాలపై ఆర్మీ జరిపే సర్టికల్ స్టయిక్స్కు నరేంద్రమోదీ ప్రభుత్వానికి తామందరమూ వెన్నుదన్నుగా నిలుస్తామని, కానీ మిలటరీ చర్యలకు తగిన ఆధారాలు బయటపెట్టాలని డిమాండ్ చేశారు. మరోవైపు దాడులు చేయలేదంటూ పాకిస్థాన్ చేస్తున్న దుష్ప్రచారాన్ని ప్రధాని నరేంద్రమోదీ తిప్పి కొట్టాలని, సర్జికల్ దాడుల ఫుటేజీ విడుదల చేయాలని ఢిల్లీ  ముఖ్యమంత్రి కేజ్రీవాల్ కూడా డిమాండ్ చేస్తున్నారు.