ఆస్ట్రేలియా ఓపెన్‌ టైటిల్‌ విజేత ఫెడరర్‌ 

రోజర్‌ ఫెడరర్‌

మెల్‌బోర్న్‌: స్విట్జర్లాండ్‌ టెన్నిస్‌ స్టార్‌, డిఫెండింగ్‌ చాంపియన్‌ రోజర్‌ ఫెడరర్‌ ఆస్ర్టేలియన్‌ ఓపెన్‌ టైటిల్‌ కైవసం చేసుకున్నాడు. ఆదివారం జరిగిన పురుషుల సింగిల్స్‌ ఫైనల్లో క్రొయేషియాకు చెందిన ఆరోసీడ్‌ మారిన్‌ సిలిచ్‌పై 6-2, 6-7(5/7), 6-3, 3-6, 6-1తో గెలిపొందాడు. హోరాహోరిగా సాగిన ఈ మ్యాచ్‌లో ఫెడరరే పైచేయి సాధించాడు.

ఈ విజయంతో కెరీర్‌లో 20వ గ్రాండ్‌స్లామ్‌  టైటిల్‌ గెలుచుకున్నాడు. ఇక 30వ గ్రాండ్‌ స్లామ్‌ ఫైనల్‌ ఆడిన ఫెడరర్‌ 6 ఆస్ట్రేలియా ఓపెన్‌ టైటిళ్లు గెలుచుకొని నోవాక్‌ జొకోవిక్‌, ఆస్ట్రేలియన్‌ గ్రేటర్‌ రాయ్‌ ఎమెర్సన్ల సరసన అగ్రస్థానంలో నిలిచాడు. సెమీఫైనల్లో ఫెడరర్‌ దక్షిణకొరియా ప్లేయర్‌ చుంగ్‌యాన్‌పై గెలిచి ఫైనల్‌కి చేరిన విషయం తెలిసిందే.