అన్నా మెచ్చుకుంటే.. కేజ్రీవాల్ తిట్టారు!

 

ఎన్నికల్లో రాజకీయ పార్టీలకు నిధులు ఇచ్చే సంస్కృతిపై అన్నా హజారే స్పందించారు. ఇప్పుడు ఒక మంచి నిర్ణయం తీసుకున్న కేంద్ర ప్రభుత్వం.. ఇక రాజకీయాలను ప్రక్షాణల చేయడానికి కార్యాచరణ మొదలుపెట్టాలని ఆయన సూచించారు. ఎన్నికలు, రాజకీయాల్లో కూడా నల్లధనాన్ని పూర్తిగా అరికట్టాలని, ఇది ప్రభుత్వానికి పెద్ద సవాలే అవుతుందని ఆయన అన్నారు. వచ్చే సంవత్సరం ఐదు రాష్ట్రాలలో ఎన్నికలు ఉన్న నేపథ్యంలో.. పెద్ద ఎత్తున ఎన్నికల సంస్కరణలు తీసుకురావాలని తెలిపారు. దాదాపు అన్ని రాజకీయ పార్టీలూ పెద్ద మొత్తాల్లో విరాళాలు తీసుకుంటాయని, కానీ ఆదాయపన్ను అధికారుల దాడుల నుంచి తప్పించుకోడానికి దాతల పేర్ల మీద రసీదులు ఇస్తుంటారని ఆయన ఆరోపించారు. కొత్త కరెన్సీ నోట్లు కూడా నల్ల కుబేరుల చేతుల్లో పడకుండా ప్రభుత్వం తగు జాగ్రత్తలు తీసుకోవాలని చెప్పారు.