భద్రత మధ్యమీరా పెళ్లి!

 మీరా జాస్మిన్ జీవితం ఓ కొత్త మలుపు తీసుకుంది. ఎన్నో తియ్యని కలలతో అనిల్ జాన్ టైటస్ చెయ్యి పట్టుకుని ఆ మలుపులోకి అడుగుపెట్టారు మీరా. దక్షిణాది భాషల్లో ఆమె పలు చిత్రాల్లో నటించి, మంచి గుర్తింపు తెచ్చుకున్న విషయం తెలిసిందే. సినిమా తారల మీద వచ్చే సహజమైన వదంతులే మీరా గురించి వచ్చాయి. వాటిలో మాండలిన్ రాజేష్‌ని ఆమె పెళ్లి చేసుకున్నారనే వార్త ఒకటి. అయితే, ఈ వార్తలో నిజం లేదని మీరా చెప్పినా, చాలామంది నమ్మలేదు. ఇప్పుడు నమ్మే సమయం ఆసన్నమైంది. ఎందుకంటే, అనిల్ జాన్ టైటస్‌తో ఆమె వివాహం బుధవారం తిరువనంతపురంలోని పాలయం కోట్టయ్‌లో గల ఎల్‌ఎంఎస్ చర్చిలో జరిగింది.