చిత్రం: టెస్ట్‌నటీనటులు: ఆర్‌. మాధవన్‌, నయనతార, సిద్ధార్థ్‌, మీరా జాస్మిన్‌, కాళీ వెంకట్‌, నాజర్‌ తదితరులు దర్శకత్వం: ఎస్‌.శశికాంత్‌నిర్మాతలు: ఎస్‌.శశికాంత్‌, రామచంద్రసినిమాటోగ్రఫీ: విరాజ్ సింగ్ గోహిల్సంగీతం: శక్తిశ్రీ గోపాలన్నిర్మాణ సంస్థలు: వైనాట్‌ స్టూడియోస్‌స్ట్రీమింగ్‌ వేదిక: నెట్‌ఫ్లిక్స్‌భారతదేశంలో క్రికెట్ అనేది ఒక మతం.. అందుకే ఈ ఆట చుట్టూ చాలా సినిమాలు వచ్చాయి. టెస్ట్‌( Test) సినిమాలో కేవలం ముగ్గురు వ్యక్తుల జీవితాలను ఎంచుకుని అందులో క్రికెట్‌ను ప్రధాన అంశంగా జోడించి దర్శకుడు శశికాంత్‌ తెరకెక్కించాడు. క్రికెట్‌ నేపథ్యంలో తెరకెక్కిన ఈ సినిమాలో నయనతారతో(Nayanthara) పాటు మాధవన్, సిద్ధార్థ్‌ (Siddharth) లీడ్‌ రోల్స్‌ చేశారు. మీరా జాస్మిన్‌ ఓ కీలక పాత్రలో నటించింది. ఈ సినిమాతో నిర్మాత శశికాంత్‌ దర్శకుడిగా పరిచయం అయ్యారు. ఏప్రిల్‌ 4న ఈ‌ చిత్రాన్ని థియేటర్లో కాకుండా నేరుగా నెట్‌ఫ్లిక్స్‌లో విడుదల చేశారు. తమిళ్‌,తెలుగు,హిందీ,కన్నడ,మలయాళంలో ఈ చిత్రం స్ట్రీమింగ్‌ అవుతుంది.కథేంటంటే.. ‍చెన్నైలో జరిగిన ఓ అంతర్జాతీయ టెస్ట్‌ క్రికెట్‌ మ్యాచ్‌ ముగ్గురు వ్యక్తుల జీవితాలను ఎలా మార్చేసింది అనేది ఈ సినిమా కథ. సినిమా మొత్తం మూడు పాత్రల చుట్టే తిరుగుతుంది. కుముద (నయనతార ) ఒక స్కూల్ టీచర్‌గా పనిచేస్తూ సరోగసి ద్వారా బిడ్డను కనాలనుకుంటుంది. కుముద భర్త శరవణన్ (ఆర్ మాధవన్) భారతదేశంలోనే బెస్ట్ సైంటిస్ట్ కావాలని ప్రయత్నాలు చేస్తూ ఉంటాడు. కుముద స్కూల్‌మేట్ అర్జున్‌ (సిద్ధార్థ్‌) స్టార్ క్రికెటర్‌గా గుర్తింపు ఉన్నప్పటికీ ఫామ్‌ కోల్పోయి భారత జట్టులో స్థిరమైన స్థానం సంపాదించుకోవాలని ప్రయత్నాలు చేస్తూ ఉంటాడు. ఇలా ముగ్గురు తమ కోరికలను ఎలాగైన సరే నెరవేర్చుకోవాలని అనుకుంటారు. అలాంటి సమయంలో వారి లైఫ్‌లోకి బెట్టింగ్ మాఫియా ఎంట్రీ ఇస్తుంది. దీంతో ఎవరు ఎలాంటి తప్పులు చేస్తారు అనేది దర్శకుడు చూపారు. చెన్నైలో ఇండియా, పాక్‌ మధ్య జరిగే టెస్ట్‌ మ్యాచ్‌తో వీరి ముగ్గురి జీవితాలు ఆధారపడి ఉంటాయి. శరవణన్‌ సైంటిస్ట్‌గా తను కనుగొన్న ప్రాజెక్ట్‌ అప్రూవల్‌ కోసం రూ. 50 లక్షలు అప్పు చేస్తాడు. కానీ, అది ముందుకు సాగదు. అర్థిక ఇబ్బందులు ఎక్కువ కావడంతో కుమదతో శరవణ్‌కు గొడవలు వస్తాయి. గొప్ప చదవులు పూర్తి చేసినప్పటికీ జీవితంలో ఏమీ సాధించలేని అసమర్థుడిగా మిగిలిపోతానేమో అనుకున్న శరవణన్.. అర్జున్ కొడుకుని కిడ్నాప్ చేసి బ్లాక్ మెయిల్ చేస్తాడు. శరవణన్‌కు బెట్టింగ్‌ మాఫియాతో ఎలా లింక్‌ ఏర్పడుతుంది..? తన స్నేహితుడి కుమారుడిని కిడ్నాప్‌ చేసినా కూడా అర్జున్‌కు కుముద ఎందుకు చెప్పదు..? కుమారుడిని కూడా పనంగా పెట్టి అర్జున్ ఎందుకు ఆడుతాడు..? ఈ తతంగం అంతా పోలీసులు ఎలా పసిగడుతారు..? చివరకు ఈ ముగ్గురి జీవితాలు ఎలా ముగిసిపోతాయి..? అనేది తెలియాలంటే సినిమా చూడాల్సిందే.ఎలా ఉందంటే..దర్శకుడు కథ చెబుతున్నప్పుడు అద్భుతంగా అనిపించే నయనతార, సిద్దార్థ్‌, మాధవన్‌ ఒప్పుకొని ఉండొచ్చు. కానీ, స్క్రీన్‌పై స్టోరీ చూపించడంలో డైరెక్టర్‌ శశికాంత్‌ ఫెయిల్‌ అయ్యాడని చెప్పవచ్చు. మిడిల్‌క్లాస్‌ జీవితాలను చూపించే సమయంలో ఎమోషన్స్‌ లేకపోతే ఆ సీన్స్‌ పెద్దగా కనెక్ట్‌ కావు. ది టెస్ట్‌ సినిమాలో అదే ఫీల్‌ కలుగుతుంది. సినిమా టైటిల్‌, ట్రైలర్‌ను చూసిన వారందరూ కూడా ఈ మూవీ మరో జెర్సీ లాంటి స్పోర్ట్స్ డ్రామా, థ్రిల్లర్‌ సినిమానే అనుకుంటారు. కానీ, ఇందులో ఆ రెండూ బలంగా లేవు. కథలో భాగంగా ప్రతి పాత్రలో ఎక్కువ షేడ్స్‌ కనిపించేలా ఉండాలి. ఆపై ఆ పాత్రల చుట్టూ ఒకదానితో ఒకటి ముడిపడి ఉన్న తీరు ప్రేక్షకులకు దగ్గర చేయాలి. ఇవి ఏమీ ఇందులో ఉండవు. అర్జున్ ఒక స్టార్ క్రికెటర్. అతనికి కుముద తండ్రి కోచ్‌గా ఉండేవాడని చెప్తారు. అయితే, కుముదతో ఉన్న బాండింగ్‌ను దర్శకుడు చూపిన తీరు చాలా హాస్యాస్పదంగా ఉంటుంది. ఒక ఆటగాడికి జట్టులో చోటు దక్కడం కష్టం అంటున్న సమయంలో బ్యాట్ పట్టుకొని ప్రాక్టీస్ చేసినట్లు, ఆట కోసం శ్రమిస్తున్నట్లుగా ఒక్క సీన్‌ కూడా ఆర్జున్‌కు సంబంధించి వుండదు. చివరికి కొడుకుని కూడా పణంగా పెట్టి గ్రౌండ్‌లో అర్జున్‌ అడుగుపెడుతాడు. కానీ, తనకు క్రికెటే ముఖ్యం అనేలా దర్శకుడు చూపించలేకపోయాడు. దీంతో ఆర్జున్‌ ఆటకు ప్రేక్షకులు కనెక్ట్‌ కావడం చాలా కష్టం.ఎవరెలా చేశారంటే..టెస్ట్ సినిమాలో కాస్త పర్వాలేదు అనిపించే పాత్ర ఏమైనా ఉందంటే శరణన్‌ (మాధవన్) అని చెప్పవచ్చు. సెకండ్ హాఫ్‌లో ఆయన పెర్ఫార్మెన్స్‌కు ఫిదా అవుతారు. ఒక సైంటిస్ట్‌గా దేశం కోసం ఏదైనా చేస్తాను అనే పాత్రలో చక్కగా సెట్‌ అయ్యాడు. టెస్ట్‌ మ్యాచ్‌లా సాగుతున్న సినిమాను వన్డే ఆటలా మార్చేశాడు. విలన్‌, హీరో ఇలా రెండు షేడ్స్‌ ఆయనలో కనిపిస్తాయి. తన వరకు వస్తే ఒక మనిషి ఎంత అవకాశవాదో శరవన్‌ పాత్రలో దర్శకుడు చూపాడు. ఈ కోణంలో చూస్తే చాలామందికి నచ్చుతుంది. టెస్ట్‌ సినిమాలో సిద్దార్ధ్‌ పాత్రను ఇంకాస్త హైలెట్‌ చేసి చూపింటే బాగుండేది. ది టెస్ట్‌లో మంచి, చెడు, సంఘర్షణ, స్వార్ధం గెలుపు, ఓటమి ఇలా ఎన్నో షేడ్స్‌ ఉన్నాయి. కానీ, తెరపై చూపించడంలో దర్శకుడు పూర్తిగా విఫలం అయ్యాడు.

సౌత్‌ ఇండియా స్టార్‌ హీరోయిన్స్‌ మీరా జాస్మిన్, నయనతార నటించిన చిత్రం 'ది టెస్ట్'. ఈ సినిమాతో నిర్మాత శశికాంత్‌ దర్శకుడిగా పరిచయం అవుతున్నారు. ఈ మూవీలో మాధవన్, సిద్ధార్థ్‌ లీడ్‌ రోల్స్‌ చేశారు. చెన్నైలో జరిగిన ఓ అంతర్జాతీయ టెస్ట్‌ క్రికెట్‌ మ్యాచ్‌ ముగ్గురు వ్యక్తుల జీవితాలను ఎలా ప్రభావితం చేసిందనే కథనంతో స్పోర్ట్స్‌ డ్రామాగా తెరకెక్కించారు. వైనాట్‌ స్టూడియోస్‌ బ్యానర్‌లో ఈ మూవీని తెరకెక్కించారు.అయితే ఈ సినిమాను నేరుగా ఓటీటీలోనే రిలీజ్ చేయనున్నారు. తాజాగా ఈ విషయాన్ని ప్రముఖ ఓటీటీ సంస్థ నెట్‌ఫ్లిక్స్ వెల్లడించింది. మీరా జాస్మిన్ ఫోటోలు షేర్ చేస్తూ స్ట్రీమింగ్ డేట్‌ను రివీల్ చేసింది. ఏప్రిల్ 4వ తేదీ నుంచి టెస్ట్ మూవీని స్ట్రీమింగ్ చేయనున్నట్లు పోస్ట్ చేసింది. తమిళంతో పాటు తెలుగు, మలయాళం, కన్నడ, హిందీలో కూడా అందుబాటులో ఉండనుందని ట్విటర్ ద్వారా తెలిపింది.ఒకప్పటి స్టార్ హీరోయిన్ మీరా జాస్మిన్ తెలుగువారికి సుపరిచితమే. రవితేజ భద్ర సినిమాతో టాలీవుడ్‌లో గుర్తింపు తెచ్చుకుంది. ఆ తర్వాత తెలుగులో పలు సూపర్ హిట్ సినిమాల్లో నటించింది. టాలీవుడ్‌లో గుడుంబా శంకర్, రారాజు, ఆకాశ రామన్న, గోరింటాకు, బంగారు బాబు, మహారథి లాంటి చిత్రాల్లో కనిపించింది. అయితే కొన్నేళ్లపాటు సినిమాలకు గ్యాప్ ఇచ్చిన మీరా.. ఆ తర్వాత విమానం సినిమాతో రీ ఎంట్రీ ఇచ్చింది. ప్రస్తుతం టెస్ట్‌ మూవీతో ప్రేక్షకులను అలరించేందుకు వస్తోంది.Some things change, but our love for Meera Jasmine? Never 🥰Watch TEST, out 4 April in Tamil, Telugu, Malayalam, Kannada and Hindi, only on Netflix!#TestOnNetflix pic.twitter.com/Sm1Neb2B4t— Netflix India South (@Netflix_INSouth) March 18, 2025

సౌత్‌ ఇండియా స్టార్‌ హీరోయిన్‌ నయనతార నటించిన చిత్రం 'ది టెస్ట్'. ఈ సినిమాతో నిర్మాత శశికాంత్‌ దర్శకుడిగా పరిచయం అవుతున్నారు. షూటింగ్‌ పూర్తి చేసుకున్న ఈ మూవీ డైరెక్ట్‌గా ఓటీటీలో విడుదల కానున్నట్లు తెలుస్తోంది. వైనాట్‌ స్టూడియోస్‌ ఈ చిత్రాన్ని తెరకెక్కిస్తుంది. గతేడాదిలో జవాన్‌ సినిమాతో సూపర్‌ హిట్‌ అందుకున్న నయనతార ఈ ఏడాదిలో వరుస సినిమాలతో అభిమానులను మెప్పించనుంది.ది టెస్ట్‌ సినిమా గురించి తాజాగా చిత్ర యూనిట్‌ ఒక ప్రకటన చేసింది. జీవితాన్ని ఆడించే ‘టెస్ట్‌’ ఆట ముగిసిందంటూ ఈ సినిమా చిత్రీకరణ పూర్తయినట్లు తెలిపింది. ఈ మూవీలో నయనతారతో పాటు మాధవన్, సిద్ధార్థ్‌ లీడ్‌ రోల్స్‌ చేశారు. మీరా జాస్మిన్‌ ఓ కీలక పాత్రలో కనిపించనున్నారు. చెన్నైలో జరిగిన ఓ అంతర్జాతీయ టెస్ట్‌ క్రికెట్‌ మ్యాచ్‌ ముగ్గురు వ్యక్తుల జీవితాలను ఎలా ప్రభావితం చేసిందనే ప్రధాన కాన్సెప్ట్‌తో స్పోర్ట్స్‌ డ్రామాగా తెరకెక్కించారు. ఈ చిత్రంలో 'కుముధ' అనే పాత్రలో నయన్‌ కనిపించనుంది.తమిళ, తెలుగు, కన్నడ, మలయాళ, హిందీ భాషల్లో డైరెక్ట్‌గా ఓటీటీలో ది టెస్ట్‌ సినిమా విడుదల కానుందని సమాచారం. ఇదే విషయాన్ని చిత్ర యూనిట్‌ కూడా త్వరలో అధికారికంగా ప్రకటించనున్నట్లు సన్నిహిత వర్గాలు తెలిపాయి. ఈ సినిమా తర్వాత నయన్‌ చేతిలో డియర్‌ స్టూడెంట్స్‌, అమ్మోరు తల్లి 2 చిత్రాలు ఉన్నాయి.

టైటిల్‌: ‘శ్వాగ్‌’ నటీనటులు: శ్రీవిష్ణు, రీతూ వర్మ, మీరా జాస్మిన్, దక్ష నాగర్కర్, శరణ్య ప్రదీప్, సునీల్, రవిబాబు, గెటప్ శ్రీను, గోప రాజు రమణ తదితరులునిర్మాణ సంస్థ: పీపుల్ మీడియా ఫ్యాక్టరీ నిర్మాత : టి.జి. విశ్వ ప్రసాద్రచన-దర్శకత్వం: హసిత్‌ గోలిసంగీతం: వివేక్‌ సాగర్‌సినిమాటోగ్రఫీ: వేదరామన్ శంకరన్ఎడిటర్‌: విప్లవ్‌ నైషధంవిడుదల తేది: అక్టోబర్‌ 04, 2024వరుస సినిమాలతో దూసుకెళ్తున్నాడు హీరో శ్రీవిష్ణు. ఈ ఏడాది మార్చిలో ఓం భీమ్ బుష్‌ సినిమాతో సూపర్‌ హిట్‌ని తన ఖాతాలో వేసుకున్నాడు. ఇక ఇప్పుడు ‘శ్వాగ్‌’ అంటూ మరోసారి ప్రేక్షకులు ముందుకు వచ్చాడు. 'రాజ రాజ చోర' బ్లాక్ బస్టర్ హిట్ తర్వాత శ్రీవిష్ణువుతో డైరెక్టర్‌ హసిత్‌ గోలి తెరకెక్కించిన రెండో చిత్రమిది. ఇప్పటికే విడుదలైన టీజర్‌, ట్రైలర్‌ సినిమాపై హైప్‌ క్రియేట్‌ చేశాయి. భారీ అంచనాల మధ్య నేడు(అక్టోబర్‌ 4)ఈ చిత్రం ప్రేక్షకుల ముందుకు వచ్చింది. మరి ఈ సినిమా ఎలా ఉంది? శ్రీవిష్ణువు ఖాతాలో మరో హిట్‌ పడిందా లేదా? రివ్యూలో చూద్దాం.కథేంటంటే.. దివాకర్‌ పేట ఎస్సైగా విధులు నిర్వహిస్తున్న భవనభూతి(శ్రీవిష్ణు) రిటైర్మెంట్‌ రోజు అతనికి ఒక లెటర్‌ వస్తుంది. అందులో తనది శ్వాగనిక వంశం అని.. వంశ వృక్ష నిలయంలో పూర్వికుల ఆస్తి ఉందని ఉంటుంది. ఎలాగైన ఆ ఆస్తినికి కొట్టేయాలని భవనభూతి అక్కడికి వెళ్తాడు. ఆ ఆస్తికి రక్షగా నిలుస్తున్న మరో వంశం వ్యక్తి(గోపరాజు రమణ).. పూర్వికుల ఇచ్చిన పలక తీసుకొని వస్తేనే ఆస్తి దక్కుతుందని చెబుతాడు. భవనభూతి దాని వెతుకుతుండగా..మరో యువతి అనుభూతి(రీతువర్మ) ఆ పలకతో వంశవృక్ష నిలయానికి వస్తుంది. శ్వాగనిక వంశం తనదే అంటే తనదే అంటూ ఇద్దరు గొడవపడుతుంటారు. మరోవైపు యూట్యూబర్‌ సింగ(శ్రీవిష్ణువు) కూడా స్వాగనిక వంశం వాడేనని తెలుస్తుంది. ఆయన కూడా ఆస్తికోసం వంశ వృక్ష నిలయానికి వస్తాడు. అసలు ఈ ముగ్గురికి మధ్య ఉన్న సంబంధ ఏంటి? వీరికి లేఖలు రాస్తున్నదెవరు? ఎందుకు రాశారు? 1550లో మాతృస్వామ్య పాలన సాగిస్తున్న వింజారమ వంశపు స్త్రీ (రితూ వర్మ) నుంచి స్వాగనిక వంశ మూలపురుషుడు భవభూతి(శ్రీవిష్ణు) అధికారాన్ని ఎలా దక్కించుకున్నాడు? మాతృస్వామ్య పాలనకు ముగింపు పలికి పితృస్వామ్య పాలన ఎప్పటికి కొనసాగించేందుకు ఆయన తీసుకున్న నిర్ణయం ఏంటి? అనేది తెలియాలంటే సినిమా చూడాల్సిందే. ఎలా ఉందంటే.. పైన రాసిన కథ చదివితేనే కాస్త గందరగోళంగా అనిసిస్తుంది కదా?. మరి దాన్ని తెరపై అర్థమయ్యేలా చూపించడం చాలా కష్టమైన పని. ఈ విషయంలో డైరెక్టర్‌ హసిత్‌ గోలి కొంతమేర సక్సెస్‌ అయ్యాడు. విభిన్న టైమ్‌లైన్‌లలో సెట్ చేయబడిన కథ ఇది. ప్రారంభంలో కాస్త గందరగోళానికి గురైనా.. కాసేపటి తర్వాత అందరూ పాత్రలతో మూవ్‌ అవుతుంటారు. 1550ల నాటి కథకి ఇప్పటి వ్యక్తులకు ఉన్న సంబంధం ఏంటి అనేది బుర్రపెట్టి చూస్తే తప్ప అర్థం కాదు. అయితే ఉన్న కొద్ది సమయంలో దర్శకుడు అందరికి అర్థమయ్యేలా కథను చెప్పాలనుకున్నాడు. కానీ సాధారణ ప్రేక్షకుడికి మాత్రం అది కాస్త గందరగోళానికి గురిచేస్తుంది. పెద్ద కథ కాబట్టి అన్ని విడమర్చి చెప్పడానికి సమయం లేకపోవడంతో సింపుల్‌గా ఒక్కొ సీన్‌తో ముగించేశారు.1550 ల సమయంలో మాతృస్వామ్యం, పితృస్వామ్యం అంటూ మగాళ్ల మధ్య ఆడవాళ్ళ ఆధిపత్య పోరు జరుగుతున్న సీన్‌తో కథ ప్రారంభం అవుతుంది. అప్పట్లో స్త్రీలే పరిపాలన చేసేవారని, మగవారు ముసుగు ధరించి ఇంట్లోనే ఉండేవారని చూపించారు. ఆ తర్వాత కథ ప్రస్తుతానికి చేరుతుంది. ఎస్సై భవనభూతి భార్య రేవతి(మీరా జాస్మిన్‌) ఎందుకు అతన్ని వదిలి వెళ్లిపోయింది అనేది ఆసక్తికరంగా చూపించారు. ఫస్టాఫ్‌లోనే అన్ని ప్రధాన పాత్రలను పరిచయం చేసి.. ఆ పాత్రల మధ్య ఉన్న సంబంధం ఏంటనే క్యూరియాసిటీని ప్రేక్షకుల్లో కల్పించారు. అయితే మొదటి 30 నిమిషాలు మాత్రం కథనం రొటీన్‌గానే సాగుతుంది. ఇంటర్వెల్‌ బ్యాంగ్‌ ఆసక్తికరంగా ఉంటుంది. ఇక సెకండాఫ్‌లో పాత్రల మధ్య ఉన్న సంబంధాన్ని రివీల్‌ చేస్తూనే ప్రస్తుతం సమాజంలో చోటు చేసుకుంటున్న ఓ ప్రధానమైన సమస్యపై సీరియస్‌గా చర్చించారు. ముఖ్యంగా విభూతి(శ్రీవిష్ణువు) పాత్ర ఎంట్రీ తర్వాత కథనం మొత్తం ఎమోషనల్‌గా సాగుతుంది. కామెడీతో మొదలైన సినిమా.. చివరకు ఎమోషనల్‌గా ముగుస్తుంది. అయితే ముందుగా చెప్పినట్లు కాస్త బుర్రపెట్టి చూస్తేనే ఈ సినిమా అర్థమవుతుంది. ఎవరెలా చేశారంటే.. కంటెంట్‌ కింగ్‌ అనే బిరుదుకు శ్రీవిష్ణువు మరోసారి న్యాయం చేశాడు. మంచి కథను ఎంచుకోవడమే కాకుండా తనదైన నటనతో ఆ కథకు పూర్తి న్యాయం చేశాడు. విభిన్నమైన ఐదు పాత్రల్లో నటిస్తూ.. ప్రతి పాత్రలోనూ వేరియేషన్‌ చూపించి ఆకట్టుకున్నాడు. ముఖ్యంగా విభూతి పాత్ర అయితే సినిమాకే హైలెట్‌. ఆ పాత్రతో శ్రీవిష్ణు నటన అద్భుతం. ఈ పాత్ర గురించి ఎక్కువగా చెబితే ట్విస్ట్‌ రివీల్‌ అవుతుంది. ఇక రీతూ వర్మ రెండు పాత్రల్లో కనిపించి.. తనదైన నటనతో ఆకట్టుకుంది. మీరా జాస్మిన్‌ తెరపై కనిపించేంది కాసేపే అయితే..ఉన్నంతలో బాగానే చేసింది. కథ మొత్తం ఆమె పాత్ర చుట్టే తిరుగుతుంది. సునీల్‌, గోపరాజు రమణతో పాటు మిగిలిన నటీనటులు తమ పాత్రల పరిధిమేర నటించారు. సాంకేతికంగా సినిమా బాగుంది. వివేక్‌ సాగర్‌ నేపథ్య సంగీతం సినిమా స్థాయిని పెంచేసింది. పాటలు పర్వాలేదు. సినిమాటోగ్రఫీ బాగుంది. పీపుల్ మీడియా ఫ్యాక్టరీ నిర్మాణ విలువలు చాలా బాగున్నాయి. ఖర్చు విషయంలో ఎక్కడా వెనకాడలేదని సినిమా చూస్తే అర్థమవుతుంది. -Rating: 2.75/5-అంజి శెట్టె, సాక్షి వెబ్‌డెస్క్‌

శ్రీవిష్ణు హీరోగా నటించిన తాజా చిత్రం ‘శ్వాగ్‌’. హసిత్ గోలి దర్శకత్వం వహించిన ఈ చిత్రంలో రీతూ వర్మ హీరోయిన్‌గా నటించగా, మీరా జాస్మిన్, దక్ష నాగర్కర్ ఇతర కీలక పాత్రలు పోషించారు. అక్టోబర్‌ 4న ఈ చిత్రం ప్రేక్షకుల ముందుకు రాబోతుంది. ఈ నేపథ్యంలో తాజాగా హీరో శ్రీవిష్ణు మీడియాతో ముచ్చటించారు. ఆ విశేషాలు..⇢ శ్వాగ్.. అంటే శ్వాగనిక వంశానికి సుస్వాగతం. అంత పెద్ద టైటిల్ ని పలకడానికి ఇబ్బందిగా ఉంటుందని షార్ట్ గా 'శ్వాగ్' అని టైటిల్ పెట్టాం. ⇢ శ్వాగ్ ఒక వంశానికి సంబధించిన కథ. మాత్రు, పితృస్వామ్యం అనే క్లాష్ నుంచి 1500 సంవంత్సవంలో మొదలయ్యే కథ. మగ గొప్పా ? ఆడ గొప్పా ? అనే అంశంపై చిన్న టిట్ ఫర్ టాట్ లాంటి కథ. తెలుగు ప్రేక్షకులు కొత్త కథ ఎప్పుడు చెప్పినా ఆదరించారు. అదే ధైర్యంతో ఈ సినిమా చేయడం జరిగింది. ⇢ నేను ఎప్పుడూ డ్యుయల్ రోల్స్ చేయలేదు. ఇందులో నాలుగు పాత్రలు చేశాను. అందరూ ఒకే పోలికతో ఉండే ఒకే వంశస్తులే. నాలుగు పాత్రలు ఉన్నప్పడు ఎలా చేయాలనేది ఛాలెంజ్ గా అనిపించింది. వన్స్ గెటప్స్ అన్నీ సెట్ అయ్యాక.. చాలా బాగా కుదిరింది. ⇢ సినిమా చాలా బావొచ్చింది. ఇంటిల్లిపాది చూడదగ్గ సినిమా ఇది. పెద్దవాళ్ళకి సినిమా విపరీతంగా నచ్చుతుంది. అలాగే యంగ్ ఆడియన్స్ కావాల్సిన అన్ని ఎలిమెంట్స్ సినిమాలో ఉన్నాయి. సినిమా చూసి పేరెంట్స్ ని కూడా సినిమాకి తీసుకువెళ్తారు. ఈ జనరేషన్ తెలుసుకోవాల్సిన చాలా విషయాలు ఇందులో ఉన్నాయి. మన వంశం గురించి, పెద్దల గురించి, తాతల గురించి తెలుసుకోవాల్సిన అవసరం ఏమిటనేది ఇందులో చాలా చక్కగా చూపించడం జరిగింది.⇢ చాలా పెద్ద కథ ఇది. రెండున్న గంటల్లో ఇంత పెద్ద కథ చెప్పారా అని సినిమా చూసిన తర్వాత దర్శకుడిని ప్రేక్షకులు అభినందిస్తారు. కథలో బాగంగానే ఎంటర్టైన్మెంట్ ఉంటుంది. అందరి ఆడియన్స్ కి ఈ సినిమా తప్పకుండా నచ్చుతుంది. నా కెరీర్ లో ఈ సినిమా వన్ అఫ్ ది టాప్ ఫిల్మ్ గా నిలుస్తుందనే నమ్మకం ఉంది.⇢ రాజ రాజ చేస్తున్నప్పుడు సెకండ్ సినిమా చేద్దామని ఫిక్స్ అయ్యాం. పీపుల్ మీడియా ఫ్యాక్టరీ కూడా మీరు ఎప్పుడు ఫ్రీ అయితే అప్పుడు ప్రాజెక్ట్ చేసుకోమని చెప్పారు. పీపుల్ మీడియా ఫ్యాక్టరీ మమ్మల్ని నమ్మి రాజరాజ చోర సినిమా ఇచ్చింది. చాలా సపోర్ట్ చేశారు. ఈ సినిమా ఖచ్చితంగా పీపుల్ మీడియా ఫ్యాక్టరీ కి మంచి సక్సెస్ అవుతుంది.⇢ ఇందులో క్యారెక్టర్ బ్యాక్ స్టోరీస్ బాగా కుదిరాయి. రీతూ వర్మ క్యారెక్టర్ లో చాలా మంచి ట్రాన్స్ ఫర్మేషన్ ఉంటుంది. ఈ సినిమా చూసాక ఆడవాళ్ళని ఒక మెట్టు ఎక్కువ అభిమానం, గౌరవంతో చూస్తాం. భవభూతి క్యారెక్టర్ ని కూడా సినిమా పూర్తయిన తర్వాత ఆడవాళ్ళు అందరూ చాలా ఇష్టపడతారు. ఈ సినిమా చూసినప్పుడు నటులు కాకుండా పాత్రలే గుర్తుంటాయి.⇢ ఇందులో నేను చేసిన నాలుగు క్యారెక్టర్లలో సింగ తప్ప మిగతా మూడు కష్టమైనవే. వాటి గెటప్, బాడీ లాంగ్వెజ్, డైలాగ్ డిక్షన్ దేనికవే ప్రత్యేకం. రోజుకి నాలుగున్న గంటల సేపు మేకప్ వేసుకోవడం, మళ్ళీ దాన్ని తీయడానికి మరో రెండు గంటల సమయం పట్టడం.. ఇదంతా చాలా టఫ్. అయితే రేజర్ టీజర్ రిలీజ్ చేసిన తర్వాత దానికి వచ్చిన మంచి రెస్పాన్స్ మా కష్టానికి తగిన ఫలితాన్ని ఇచ్చిన అనుభూతి కలిగింది. అందరూ వందశాతం ఎఫర్ట్ పెట్టి సినిమా చేశారు. కింగ్ ఎపిసోడ్స్ కి మోనో లాగ్స్ వున్నాయి. దాని కోసం ప్రత్యేకంగా ప్రాక్టిస్ చేశాం. ఇందులో 90 ఇయర్స్ క్యారెక్టర్ కూడా వుంటుంది. అది చాలా బావొచ్చింది.⇢ ఒక కుటుంబం కథ చెప్పినప్పుడు స్క్రీన్ ప్లే అందరికీ అర్ధమేయ్యేలా ఉండాలి. ఎలాంటి కన్ఫ్యుజన్ ఉండకూడదు. శ్వాగ్ లో స్క్రీన్ ప్లే అందరికీ అర్ధమయ్యేలా చాలా ఎంగేజింగ్ గా ఉంటుంది. సింపుల్ గా ఉంటునే చాలా కొత్తగా ఉంటుంది.⇢ ఇందులో మీరా జాస్మిన్ గారు చాలా అద్భుతంగా నటించారు. 90లో మదర్ లాంటి క్యారెక్టర్ ఆమెది. ఆ క్యారెక్టర్ ని చూసినప్పుడు అందరి మదర్స్ గుర్తుకు వస్తారు. ఆ పాత్ర చాలా హుందాగా హోమ్లీ గా ఉంటుంది. యునానిమస్ గా అందరికీ నచ్చుతుంది.⇢ మ్యూజిక్‌ డైరెక్టర్‌ వివేక్ తో బ్రోచేవారెవరురా, రాజ రాజ చేశాను, ఇది మూడో సినిమా. పాటలు సిట్యువేషన్ కి తగ్గట్టుగా ఉంటాయి. బీజీఎం థియేటర్స్ లో క్రేజీ ఎక్స్ పీరియన్స్ ఇస్తుంది. ఈ సినిమా తన కెరీర్ లో వన్ అఫ్ ది బెస్ట్ మూవీ అవుతుంది.⇢ ఇది కొత్త కథ. ప్రతి ఇరవై నిమిషాలకు అబ్బురపరిచే ట్విస్ట్ ఉంటుంది. సర్ ప్రైజ్ లు ఉంటాయి. ప్యూర్ కంటెంట్ సినిమా. పండగ సినిమాల్లో తప్పకుండా ఫ్యామిలీ అంతా కలసి చూడదగ్గ సినిమా.⇢ కొత్తగా ఒక థ్రిల్లర్ మూవీ చేస్తున్నాను. అలాగే గీతా ఆర్ట్స్ లో ఓ ఎంటర్ టైనర్ చేస్తున్నాను.

ఉత్పలదేవిగా మారిపోయారు మీరా జాస్మిన్‌. ఉత్పలదేవి దయాగుణం వల్ల రాణి కావాల్సిన ఆమెకు సింహాసనం దక్కదు. ఆ తర్వాత ఏం జరిగిందనేది ‘శ్వాగ్‌’ సినిమా చూసి తెలుసుకోవాల్సిందే. శ్రీవిష్ణు హీరోగా హసిత్‌ గోలీ దర్శకత్వంలో ‘శ్వాగ్‌’ అనే సినిమా రూపొందుతున్న సంగతి తెలిసిందే.ఈ చిత్రంలో వింజమర వంశంలోని రాణి రుక్మిణి దేవిగా రీతూ వర్మ ఓ లీడ్‌ రోల్‌లో నటిస్తుండగా, మరో లీడ్‌ రోల్‌లో ఉత్పలదేవిగా మీరా జాస్మిన్‌ కనిపిస్తారు. ఆదివారం ఆమె ఫస్ట్‌ లుక్‌ రిలీజ్‌ చేశారు. ఈ చిత్రాన్ని టీజీ విశ్వప్రసాద్‌ నిర్మిస్తున్నారు.

హీరోయిన్‌ మీరా జాస్మిన్‌ ఇంట తీవ్ర విషాదం నెలకొంది. ఆమె తండ్రి జోసెఫ్‌ ఫిలిప్‌ (83) అనారోగ్యంతో గురువారం (ఏప్రిల్‌ 4న) కన్నుమూశారు. వృద్ధాప్య సమస్యలతో బాధపడుతున్న ఆయన ఎర్నాకులంలోని తన నివాసంలో తుది శ్వాస విడిచారు. దీంతో మీరా జాస్మిన్‌ ఇంట విషాద చాయలు నెలకొన్నాయి. జోసెఫ్‌ ఫిలిప్‌ భార్య పేరు ఎలియమ్మ. వీరికి సారా, జేని, జార్జ్‌, జాయ్‌, మీరా అని ఐదుగురు సంతానం. మీరా జాస్మిన్‌ అందరిలో కంటే చిన్నది. రీఎంట్రీ మీరా జాస్మిన్‌.. సూత్రధారన్‌ అనే మలయాళ చిత్రంలో కెరీర్‌ ఆరంభించింది. రన్‌ సినిమాతో తమిళంలో ఎంట్రీ ఇచ్చింది. అమ్మాయి బాగుంది చిత్రంతో తెలుగు ప్రేక్షకులను పలకరించింది. పందెం కోడి, గుడుంబా శంకర్‌, భద్ర, రారాజు, మహారథి, యమగోల మళ్లీ మొదలైంది, గోరింటాకు, మా ఆయన చంటిపిల్లాడు.. ఇలా అనేక సినిమాలు చేసింది. 2014లో దుబాయ్‌ ఇంజనీర్‌ అనిల్‌ జాన్‌ను పెళ్లాడింది. పెళ్లి తర్వాత సినిమాల సంఖ్య తగ్గించేసిన మీరా.. గతేడాది విమానం చిత్రంతో తెలుగులో రీఎంట్రీ ఇచ్చింది.  చదవండి: రౌడీ హీరో కామెంట్స్‌పై ట్రోలింగ్‌.. నచ్చితే చూడు, లేదంటే మానేయ్‌ అన్న నిర్మాత

‘ది టెస్ట్‌’ను పూర్తి చేశారు నయనతార. క్రికెట్‌ నేపథ్యంలో తెరకెక్కిన ఈ సినిమాలో నయనతారతో పాటు మాధవన్, సిద్ధార్థ్‌ లీడ్‌ రోల్స్‌ చేశారు. మీరా జాస్మిన్‌ ఓ కీలక పాత్రలో నటించిన ఈ సినిమాతో నిర్మాత శశికాంత్‌ దర్శకుడిగా పరిచయం అవుతున్నారు. సింగర్‌ శక్తి శ్రీగోపాలన్‌ మ్యూజిక్‌ డైరెక్టర్‌గా ఎంట్రీ ఇస్తున్నారు.  ఈ సినిమా చిత్రీకరణ పూర్తయినట్లు, ఈ వేసవిలో విడుదల చేయనున్నట్లు చిత్ర యూనిట్‌ వెల్లడించింది. కాగా ఈ సినిమాను గత ఏడాది నవంబరులో విడుదల చేయాలనుకున్నారు. కానీ ఇప్పుడు వేసవికి వాయిదా వేశారు. తమిళ, తెలుగు, కన్నడ, మలయాళ, హిందీ భాషల్లో ఈ చిత్రం విడుదల కానుంది.   

బ్లాక్ డ్రస్‌లో మరింత అందంగా యాంకర్ వర్షిణి ఒంపు సొంపులు చూపిస్తూ పిచ్చెక్కిస్తున్న బిగ్‌బాస్ స్రవంతి టూ పీస్ బికినీలో హీరోయిన్ తాన్య హోప్ ఆ సినిమాకు రెండేళ్లు.. హీరోయిన్ సారా ఇంట్రెస్టింగ్ పోస్ట్ పూలతో బిగ్‌బాస్ అశ్విని.. మీరు వీడియో చూస్తే అంతే ఇక ఉప్పొంగే అందాలతో రచ్చ లేపుతున్న నేహాశర్మ ఎర్రని చీరలో ధగధగా మెరిసిపోతున్న ఐశ్వర్య మేనన్ మనాలి టూర్‌లో చిల్ అవుతున్న హీరోయిన్ ఆషికా డ్రాగన్ ఫొటోతో అవాక్కయ్యేలా చేస్తున్న రితికా సింగ్ View this post on Instagram A post shared by Varshini Sounderajan (@varshini_sounderajan) View this post on Instagram A post shared by Tanya Hope (@hope.tanya) View this post on Instagram A post shared by sravanthi_chokarapu (@sravanthi_chokarapu) View this post on Instagram A post shared by Sara Ali Khan (@saraalikhan95) View this post on Instagram A post shared by Ashwini Sree (@ashwinii_sree) View this post on Instagram A post shared by Neha Sharma 💫 (@nehasharmaofficial) View this post on Instagram A post shared by Neha Sharma 💫 (@nehasharmaofficial) View this post on Instagram A post shared by ISWARYA MENON (@iswarya.menon) View this post on Instagram A post shared by Ashika Ranganath (@ashika_rangnath) View this post on Instagram A post shared by Ritika Singh (@ritika_offl) View this post on Instagram A post shared by Hebah P (@ihebahp) View this post on Instagram A post shared by Rakul Singh (@rakulpreet) View this post on Instagram A post shared by Meera Jasmine (@meerajasmine) View this post on Instagram A post shared by Janhvi Kapoor (@janhvikapoor)

రవితేజ హీరోగా నటించిన భద్ర సినిమా చూశారా? ఈ చిత్రంలో హీరోయిన్‌ నటించిన మీరా జాస్మిన్ తన అమాయకపు చూపులతో అదరగొట్టింది. తెలుగులో రన్‌ చిత్రం ద్వారా పరిచయమైనప్పటికీ.. 'అమ్మాయి బాగుంది' చిత్రంతో ఎంట్రీ ఇచ్చిన మలయాళ ముద్దుగుమ్మ తమిళ చిత్రాల్లోనూ నటించింది. టాలీవుడ్‌లో గుడుంబా శంకర్, రారాజు, ఆకాశ రామన్న, గోరింటాకు, బంగారు బాబు, మహారథి లాంటి చిత్రాల్లో కనిపించింది. (ఇది చదవండి: లైవ్‌లో సిగరెట్ తాగిన స్టార్ హీరో.. మండిపడుతున్న నెటిజన్స్! ) అయితే కొన్నేళ్లపాటు సినిమాలకు గ్యాప్ ఇచ్చిన మీరా.. తాజాగా విమానం సినిమాతో రీ ఎంట్రీ ఇచ్చింది.  అయితే మరో చిత్రం టెస్ట్‌ లోనూ నటిస్తోంది. తాజాగా ఓ ఇంట‍ర్వ్యూకు హాజరైన మీరా పలు ఆసక్తికర విషయాలను పంచుకుంది. తానెందుకు నటనకు దూరం కావాల్సి వచ్చిందో వివరించింది.  మీరా జాస్మిన్ మాట్లాడుతూ..'నేను నటిగా ఇప్పటి వరకు అద్భుతమైన ప్రయాణాన్ని కొనసాగించా. హీరోయిన్‌గా ఆదరణ పొందడం గౌరవంగా ఉంది. ఇంకా మెరుగ్గా రాణించేందుకు కొన్నేళ్లపాటు బ్రేక్‌ తీసుకున్నా. తాజాగా సినిమాల్లో నటిస్తున్న సమయంలో నా జర్నీ ప్రారంభించినంతగా ఫీలింగ్ కలిగింది.' అంటూ చెప్పుకొచ్చింది ముద్దుగుమ్మ. కాగా.. టెస్ట్ చిత్రంలో మాధవన్, సిద్ధార్థ్, నయనతార నటిస్తున్నారు. దర్శకుడు శశికాంత్ ఈ చిత్రాన్ని తెరకెక్కిస్తున్నారు.  (ఇది చదవండి: చెప్పు తెగుతుందంటూ.. రిపోర్టర్‌పై బేబమ్మ రియాక్షన్‌)

‘విమానం’ ట్రైలర్‌ చూస్తుంటే మంచి భావోద్వేగాలతో సినిమా ఉంటుందని తెలుస్తోంది. తండ్రీ కొడుకుల మధ్య ఉండే ఎమోషన్‌ని దర్శకుడు శివ ప్రసాద్‌ ట్రైలర్‌లో అద్భుతంగా చూపించాడు. ట్రైలర్‌ నా మనసును కదిలించింది.. నాకు కన్నీళ్లొచ్చాయి’’ అని డైరెక్టర్‌ కె.రాఘవేంద్రరావు అన్నారు. సముద్ర ఖని, అనసూయ భరద్వాజ్, మీరా జాస్మిన్, రాహుల్‌ రామకృష్ణ, మాస్టర్‌ ధ్రువన్‌ కీలక పాత్రల్లో శివ ప్రసాద్‌ యానాల దర్శకత్వం వహించిన చిత్రం ‘విమానం’. జీ స్టూడియోస్, కిరణ్‌ కొర్రపాటి (కిరణ్‌ కొర్రపాటి క్రియేటివ్‌ వర్క్స్‌) నిర్మించిన ఈ సినిమా ఈ నెల 9న తెలుగు, తమిళ భాషల్లో విడుదలకానుంది. ఈ చిత్రం ట్రైలర్‌ను విడుదల చేసిన కె.రాఘవేంద్రరావు మాట్లాడుతూ–‘‘తల్లిదండ్రులు తమ పిల్లలతో కలిసి ‘విమానం’ సినిమా చూడాలి.. అప్పుడే పిల్లల కోసం తల్లిదండ్రులు పడే తపన ఎలా ఉంటుందో తెలుస్తుంది’’ అన్నారు. జీ స్టూడియో సౌత్‌ వైస్‌ ప్రెసిడెంట్‌ నిమ్మకాయల ప్రసాద్, సంగీత దర్శకుడు చరణ్‌ అర్జున్‌  పాల్గొన్నారు. ఈ చిత్రానికి కెమెరా: వివేక్‌ కాలేపు.    

స‌ముద్ర ఖ‌ని, అన‌సూయ భ‌ర‌ద్వాజ్‌, మీరా జాస్మిన్, మాస్టర్ ధ్రువన్ ప్రధాన పాత్రల్లో తెరకెక్కిన చిత్రం 'విమానం'.  శివ ప్రసాద్ యానాల దర్శకత్వంలో జీ స్టూడియోస్‌, కిర‌ణ్ కొర్ర‌పాటి  ఈ చిత్రాన్ని నిర్మిస్తున్నారు. తెలుగు, తమిళ భాషల్లో ఏకకాలంలో ఈ సినిమాను తెరకెక్కిస్తున్నారు. జూన్‌ 9న ఈ సినిమా విడుదల కానుంది. ఇప్పటికే ఫస్ట్‌లుక్‌, సాంగ్స్‌ను రిలీజ్‌ చేసిన మేకర్స్.. తాజాగా ఈ సినిమా టీజ‌ర్‌ను విడుద‌ల చేశారు. తండ్రీ, కుమారుల మధ్య ప్రేమే విమానం  టీజ‌ర్‌ చూస్తే మాస్ట‌ర్ ధ్రువన్ కుమారుడిగా న‌టిస్తే.. తండ్రి పాత్ర‌లో విల‌క్ష‌ణ న‌టుడు స‌ముద్ర ఖ‌ని న‌టించారు. వీరి మ‌ధ్య సాగే విమానం సంభాష‌ణ ఆస‌క్తిక‌రంగా, ఫ‌న్నీగా ఉంది. అలాగే సినిమాలో బ‌ల‌మైన ఎమోష‌న‌ల్ అంశాలు కూడా ఉన్నాయి. ‘నాన్నా ఎప్పుడు దేవుడు క‌న‌ప‌డినా దండం పెట్టుకోమంటావు ఎందుకు’ అని అడిగిన కొడుకుతో ‘మనం అడిగినవన్నీ ఇస్తాడు’ కాబట్టి అని తండ్రి చెబుతాడు. దానికి ఆ పిల్లాడు ‘అన్నీ ఇచ్చేవాడిని దేవుడు అనరు.. నాన్నా అంటారు’ అనే ఓ డైలాగ్ చాలు తండ్రీ కొడుకుల మధ్య ఉన్న బంధాన్ని తెలియజేస్తోంది. ఈ చిత్రంలో రాజేంద్ర‌న్‌, ధ‌న్‌రాజ్‌, రాహుల్ రామ‌కృష్ణ ఇత‌ర కీల‌క పాత్ర‌ల్లో నటించారు. 

హీరోయిన్‌ మీరా జాస్మిన్‌ను దక్షిణాది ప్రేక్షకులు అంత ఈజీగా మరచిపోలేరు. ఈ మలయాళీ భామ తమిళం, తెలుగు భాషల్లోనూ కథానాయికగా నటించి మంచి పేరు తెచ్చుకున్నారు. తమిళంలో ఆమె రన్‌ చిత్రంతో పరిచయం అయ్యారు. మాదవన్‌ హీరోగా నటించిన ఆ చిత్రం మంచి విజయాన్ని సాధించింది. తర్వాత పలు విజయవంతమైన చిత్రాల్లో నటించి టాప్‌ హీరోయిన్‌గా రాణించారు. ఆ తరువాత నటనకు దూరం అయిన మీరా జాస్మిన్‌ ఇటీవల తన అందమైన ఫొటోలను సామాజిక మాధ్యమాల్లో పోస్ట్‌ చేసి రీఎంట్రీకి రెడీ అని సిగ్నల్‌ ఇచ్చారు. అదే విధంగా మలయాళ చిత్రాల్లో నటిస్తున్న ఈమె తాజాగా కోలీవుడ్‌లోనూ నటించడానికి సిద్ధం అయ్యారు. మీరాజాస్మిన్‌ కోలీవుడ్‌లో నటించిన చివరి చిత్రం విజ్ఞాని. ఇది 2014 విడుదలైంది. కాగా సుమారు దశాబ్దం తరువాత మళ్లీ కోలీవుడ్‌కు రీఎంట్రీ అవుతున్నారన్న మాట. ఈమె తాజాగా నయనతారతో కలిసి నటించడానికి తయారవుతున్నారు. వైనాట్‌ స్టూడియోస్‌ పతాకంపై శశికాంత్‌ మెగాఫోన్‌ పట్టి నిర్మిస్తున్న చిత్రం టెస్ట్‌. క్రికెట్‌ నేపథ్యంలో రూపొందుతున్న ఇందులో మాదవన్‌, సిద్ధార్థ్‌, నయనతార ప్రధాన పాత్రల్లో నటించనున్నారు. తాజాగా ఇందులో నటి మీరాజాస్మిన్‌ కూడా నటించబోతున్నట్లు చిత్ర వర్గాలు అధికారికంగా వెల్లడించాయి. ఈ సినిమా ద్వారా గాయని శక్తిశ్రీ సంగీత దర్శకురాలిగా పరిచయం అవుతుండటం విశేషం. ఇటీవలే ప్రారంభం అయిన ఈ చిత్రం శరవేగంగా చిత్రీకరణను జరుపుకుంటోంది. చిత్రాన్ని ఈ ఏడాది ప్రథమార్థంలో కానీ, చివరిలో గానీ తెరపైకి తీసుకురావడానికి ప్రయత్నిస్తున్నట్లు యూనిట్‌ వర్గాలు తెలిపాయి. చదవండి: మీ పెంపకం ఎలాంటిదోనన్న అనసూయ.. రాహుల్‌ స్ట్రాంగ్‌ కౌంటర్‌

స‌ముద్ర ఖ‌ని, మీరా జాస్మిన్, అన‌సూయ భ‌ర‌ద్వాజ్‌, ప్రధాన పాత్రల్లో తెరకెక్కిస్తున్న చిత్రం 'విమానం'. జీ స్టూడియోస్‌, కిర‌ణ్‌ కొర్ర‌పాటి క్రియేటివ్ వ‌ర్క్స్ బ్యాన‌ర్స్‌పై సినిమాను రూపొందిస్తున్నారు. ఈ చిత్రానికి శివ ప్ర‌సాద్ యానాల ద‌ర్శ‌క‌త్వం వ‌హిస్తున్నారు. తెలుగు, తమిళ భాషల్లో ఈ సినిమాను విడుదల చేయనున్నారు. తాజాగా ఈ మూవీ ప్రోమోను మేక‌ర్స్  విడుద‌ల చేశారు.  ప్రోమోను చూస్తే.. అందులో తండ్రీ, కుమారుల కొడుకుల మ‌ధ్య అనుబంధం కథాంశంగా తెరకెక్కిస్తున్నట్లు క‌నిపిస్తోంది. స‌ముద్ర ఖని అంగ వైక‌ల్యంతో బాధ‌ప‌డే మ‌ధ్య వ‌య‌స్కుడిగా, భార్య లేక‌పోయినా పిల్లాడిని  జాగ్ర‌త్త‌గా చూసుకునే వీర‌య్య అనే తండ్రి పాత్ర‌లో న‌టించారు. జీ స్టూడియోస్‌ సౌత్ మూవీస్ హెడ్ అక్ష‌య్ క్రేజీవాల్ మాట్లాడుతూ..'కిరణ్ కొర్రపాటి క్రియేటివ్ వర్క్స్‌తో అసోసియేట్ కావ‌టం చాలా సంతోషంగా ఉంది. బ‌ల‌మైన క‌థాంశంతో రూపొందిన విమానం ప్రేక్ష‌కుల‌ను మెప్పిస్తుంది. ప్రేక్ష‌కులు మెచ్చే కంటెంట్‌ను అందించ‌ట‌మే మా ల‌క్ష్యం. ఆ దిశ‌గానే అడుగులు వేస్తున్నాం.' అని అన్నారు. ఈ చిత్రంలో మాస్ట‌ర్ ధ్రువ‌న్‌, రాహుల్ రామ‌కృష్ణ‌, ధ‌న్‌రాజ్‌, రాజేంద్ర‌న్ కీలకపాత్రలు పోషిస్తున్నారు.  ఈ సినిమా జూన్ 9 థియేటర్లలో రిలీజ్ కానుంది. 

మీరా జాస్మిన్ ఒకప్పుడు టాలీవుడ్‌లో స్టార్ హీరోయిన్‌. రవితేజ జంటగా నటించిన చిత్రం భద్ర సూపర్ హిట్‌గా నిలిచింది. ఆ తర్వాత గుడుంబా శంకర్, గోరింటాకు సినిమాల్లో తనదైన నటనతో మెప్పించింది మలయాళ ముద్దుగుమ్మ. అయితే ఆ తర్వాత సినిమాలకు దూరంగా ఉన్నారు. తాజాగా టాలీవుడ్‌లో ఎంట్రీ ఇస్తున్నట్లు వెల్లడించింది మీరా జాస్మిన్‌. దాదాపు పదేళ్లు ఇండస్ట్రీకి దూరంగా ఉన్న మీరా రీ ఎంట్రీ ఇస్తున్నట్లు తాజాగా సోషల్ మీడియాలో ప్రకటించారు. తన పాత్ర డబ్బింగ్‌కు సంబంధించిన ఫొటోలను అభిమానులతో పంచుకున్నారు. అయితే సినిమాకు సంబంధించిన వివరాలు మాత్రం వెల్లడించలేదు. దీనికి సంబంధించి పూర్తి వివరాలు తెలియాలంటే మరికొంత వేచి చూడక తప్పదు. ‘అమ్మాయి బాగుంది చిత్రంతో తెలుగు చలన చిత్ర పరిశ్రమకు పరిచయమైంది. ఆ తర్వాత టాలీవుడ్ అగ్రహీరోల సరసన నటించింది. ఆమె చివరిగా నటించిన తెలుగు చిత్రం 2013లో విడుదలైన ‘మోక్ష. ఆ తర్వాత ఆమె మలయాళం పలు సినిమాల్లో నటించారు.  

► క్రిస్మస్‌ సెలబ్రేషన్స్‌లో కాజల్‌ సిస్టర్స్‌ ► యంగ్‌ లుక్‌తో మెరిసిపోతున్న మీరా జాస్మిన్‌ ► యాంకర్‌ నిఖిల్‌ క్రిస్మస్‌ పార్టీలో టాలీవుడ్‌ సెలబ్రిటీలు ► అందంతో కేక పుట్టిస్తోన్న హీరోయిన్‌ శ్రీలీల ► భర్తతో కాజల్‌ క్యూట్‌ ఫోటో View this post on Instagram A post shared by Sreeleela (@sreeleela14) View this post on Instagram A post shared by Meera Jasmine (@meerajasmine) View this post on Instagram A post shared by Gautam Kitchlu (@kitchlug) View this post on Instagram A post shared by Are Syamala (@syamalaofficial) View this post on Instagram A post shared by Are Syamala (@syamalaofficial) View this post on Instagram A post shared by Mehaboob Dil Se (@mehaboobdilse) View this post on Instagram A post shared by Ariaana & Viviana Manchu (@ariviviofficial) View this post on Instagram A post shared by Shilpa Reddy (@shilpareddy.official) View this post on Instagram A post shared by 𝐀𝐊𝐇𝐈𝐋𝐒𝐀𝐑𝐓𝐇𝐀𝐊 (@akhilsarthak_official) View this post on Instagram A post shared by Viranica Manchu (@viranica) View this post on Instagram A post shared by Nisha Aggarwal (@nishaaggarwal) View this post on Instagram A post shared by Nikhiluuuuuuuuu (@nikhilvijayendrasimha) View this post on Instagram A post shared by SitaraGhattamaneni (@sitaraghattamaneni) View this post on Instagram A post shared by Anasuya Bharadwaj (@itsme_anasuya)

తమిళసినిమా: రన్‌ చిత్రంతో కోలీవుడ్‌కు దిగుమతి అయిన మలయాళీ బ్యూటీ మీరా జాస్మిన్‌. ఈ చిత్ర విజయం ఇక్కడ ఈమె స్థానాన్ని పదిలం చేసిందనే చెప్పాలి. అలాగే విశాల్‌కు జంటగా నటించిన సండైకోళి చిత్రం మీరా జాస్మిన్‌ స్థాయిని మరింత పెంచింది. ఆ చిత్రంలో అందరినీ ఆటపట్టించే అల్లరి పిల్లగా ఆమె నటన ఆకట్టుకుంది. అలా మణిరత్నం దర్శకత్వంలో ఆయుధ ఎళుత్తు చిత్రంతో స్టార్‌ ఇమేజ్‌ను తెచ్చుకుంది. ఈమె తెలుగులో పలు చిత్రాల్లో నటించి బహుభాషా నటిగా పేరు తెచ్చుకుంది. అయితే గ్లామర్‌కు దూరంగా పక్కింటి అమ్మాయి ఇమేజ్‌ను సొంతం చేసుకున్న మీరాజాస్మిన్‌ వ్యక్తిగతంగా పలు సమస్యలను ఎదుర్కొంది. ముఖ్యంగా వైవాహిక జీవితంలో పలు ఒడిదుడుకులను చవి చూడాల్సి వచ్చింది. ఆ ప్రభావం తన నట జీవితంపైనా పడింది. అలా సక్సెస్‌ఫుల్‌ నటిగా కొనసాగిన మీరా జాస్మిన్‌ అనూహ్యంగా నటనకు దూరమైంది. ఈమె తమిళంలో నటించిన చివరి చిత్రం విజ్ఞాని. కాగా చాలా గ్యాప్‌ తరువాత మీరాజాస్మిన్‌ మళ్లీ నటించడానికి సిద్ధమైంది. అలా మలయాళం అడపాదడపా అవకాశాలను రాబట్టుకుంటోంది. మలయాళం జయరాంకు జంటగా నటించిన మక్కల్‌ అనే చిత్రం గత ఏప్రిల్‌ నెలలో విడుదలైంది. కాగా మరిన్ని అవకాశాలను ఇతర భాషల్లోనూ రాబట్టుకోవడానికి ముమ్మరంగా ప్రయత్నిస్తున్నట్లు తెలుస్తోంది. అందుకు గ్లామర్‌ బాట పట్టింది. ఇప్పుడీ అమ్మడి వయసు 40 ఏళ్లు. అయినా 20 ఏళ్ల యువతిలా ఈ తరం హీరోయిన్లకు తగ్గేదేలా అన్నట్లు స్పెషల్‌ ఫొటో షూట్‌తో గ్లామరస్‌ పొటోలను సామాజిక మాధ్యమాల్లో పోస్ట్‌ చేస్తోంది. ఆ ఫొటోలు ఇప్పుడు నెట్టింట్లో వైరల్‌ అవుతున్నాయి. అయితే అవి ఆమెకు ఎంతవరకు కథానాయకి అవకాశాలు తెచ్చి పెడుతాయన్నది వేచి చూడాల్సిందే.

Meera Jasmine Recent Pictures: మీరా జాస్మిన్‌.. టాలీవుడ్ ప్రేక్షకులకు పరిచయం అక్కర్లేని పేరు ఇది. ఒకప్పుడు ఈమె స్టార్‌ హీరోయిన్‌. అందం, అభినయంతో లక్షలాది మంది అభిమానులకు సంపాదించుకుంది. ఈ భామ ఇచ్చే క్యూట్‌ ఎక్స్‌ప్రెషన్స్‌కు యువత ఫిదా అయింది. 2001-2010 కాలంలో మీరా స్టార్‌ హీరోయిన్‌. పవన్‌ కల్యాణ్‌,బాలకృష్ణ లాంటి స్టార్‌ హీరోలకు నటించి, మెప్పించింది.  డబ్బింగ్ మూవీ ‘రన్‌’తో టాలీవుడ్‌కి పరిచ‌య‌మైంది మీరాజాస్మిన్‌. ఆ త‌ర్వాత 2004లో శివాజీ ‘అమ్మాయి బాగుంది’మూవీతో టాలీవుడ్‌ ఎంట్రీ ఇచ్చింది. తనదైన అభినయంతో తక్కువ కాలంలోనే తెలుగు ప్రేక్షకులకు దగ్గరైంది. పవన్ కల్యాణ్‌తో కలిసి గుడుంబా శంకర్‌లో నటించింది. ఈ చిత్రంలో మీరాకు మంచి గుర్తింపు వచ్చింది.  ‘చిట్టినడుమునే చూస్తున్న’ పాటలో పవన్‌, మీరాల కెమిస్ట్రీ అదిరిపోవడంతో ఈ బ్యూటీకి వరస ఆఫర్లు వచ్చాయి. రవితేజ భద్ర, విశాల్‌ పందెకోడి చిత్రాలతో తెలుగు ప్రేక్షకులకు మరింత దగ్గరైంది. రాజశేఖర్‌ గోరింటాకు చిత్రంతో తెలుగింటి ఆడపడచు అయిపోయింది. 2014 లో దుబాయ్‌లో ఇంజినీర్‌గా పనిచేస్తున్న అనిల్‌ జాన్‌ టైటాన్‌ని వివాహం చేసుకొని సినిమాలకు దూరమైంది. కొన్నాళ్ల తర్వాత విభేదాల కారణంగా భర్తతో విడిపోయింది. ఆ తర్వాత కూడా సినిమాల వైపు తిరిగి చూడలేదు.  చాలా కాలం తర్వాత మళ్లీ సినిమాల్లోకి రీఎంట్రీ ఇచ్చేందుకు మీరా ప్రయత్నిస్తుంది. ఇప్పటికే మలయాళంలో ‘మకల్‌’అనే చిత్రంలో నటిస్తుంది. ఇప్పుడు తెలుగులో కూడా సినిమాలు చేయాలని ప్రయత్నిస్తుందట. ఇప్పటికే బోయపాటి శ్రీను తెరకెక్కించబోయే చిత్రంలో ఓ కీలక పాత్ర పోషించబోతున్నట్లు సమాచారం.  ఇదిలా ఉండగా.. తెరపై బొద్దగా ఉండే మీరా.. ఇప్పుడు చాలా సన్నబడింది. తాజాగా ఆమె సోషల్‌ మీడియాలో షేర్‌ చేసిన ఫోటోలు నెట్టింట వైరల్‌ అవుతున్నాయి. నాలుగు పదుల వయసులో కూడా మీరా..గతంలో కంటే అందంగా కనిపిస్తోంది. రీఎంట్రీ కోసమే ఈ అమ్మడు వెయిట్ లాస్ అయిందట. సన్నబడిన మీరా జాస్మిన్‌ ఫోటోలు చూసి నెటిజన్స్‌ షాకవుతున్నారు. మీరా ఏంటి.. ఇంత సన్నబడింది? సినిమాల్లో రీ ఎంట్రీ కోసం ఎదురు చూస్తున్నాం అంటూ నెటిజన్స్‌ కామెంట్‌ చేస్తున్నారు.      var request = 'https://www.sakshi.com/knowwidget/kwstr_4261450729.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Meera Jasmine Reentry: ‘అమ్మాయి బాగుంది’ మూవీతో తెలుగు తెరపై మెరిసింది నటి మీరా జాస్మిన్‌. ఆ తర్వాత వరస చిత్రాల్లో ఆపర్‌ అందుకున్న ఆమెకు పెద్దగా సక్సెస్‌ రాలేదు. చివరిగా గొరింటాకు సినిమాలోరాజశేఖర్‌ చెల్లెలి పాత్రలో మెప్పించింది, మంచి హిట్‌ను అందుకుంది. ఇందులో ఆమె నటనకు మంచి మార్కులు పడ్డాయి. అయితే తెలుగులో ఆమెకు అవకాశాలు తగ్గడంతో  పెళ్లి చేసుకుని సెటిలైపోయింది. చదవండి: అతడే నా భర్త, ఇంట్లో చెప్పే పెళ్లి చేసుకుంటాను: రష్మిక ఆసక్తికర వ్యాఖ్యలు ఆ తర్వాత నటకు బ్రేక్‌ ఇచ్చిన మీరా జాస్మిన్‌ ఇటీవల ఓ తమిళ చిత్రంలో రీఎంట్రీ ఇవ్వబోతోంది. ఈ క్రమంలో ఆమెకు తెలుగులో కూడా మంచి ఆఫర్లు వస్తున్నాయి. తాజాగా మాస్‌ డైరెక్టర్‌ బోయపాటి తన సినిమాలో మీరాకు బంపర్‌ ఆఫర్‌ ఇచ్చినట్లు వార్తలు వినిపిస్తున్నాయి. యంగ్‌ హీరో రామ్‌ పోతినేని బోయపాటి ఓ సినిమా చేస్తున్న సంగతి తెలిసిందే. ఇటీవల చర్చలు, స్క్రిప్ట్‌ను పూర్తి చేసుకున్న ఈ ప్రాజెక్ట్‌.. ప్రస్తుతం నటీనటులు ఎంపిక దశలో ఉంది. చదవండి: ఆయనకు చిరంజీవి వాయిస్‌ ఓవర్‌ ఇవ్వడం అదృష్టంగా భావిస్తున్నా: డైరెక్టర్‌ ఈ క్రమంలో హీరో అక్క పాత్రకు మీరా జాస్మిన్‌ను సంప్రదించినట్లు సినీ వర్గాల నుంచి సమాచారం. ఇప్పటికే ఆమెకి బోయపాటి కధ,పాత్రను వివరించగా చేసేందుకు ఆమె గ్రీన్ సిగ్నల్ ఇచ్చినట్టుగా తెలుస్తోంది. ఇందులో అమెది కీలకమైన పాత్ర అని సమాచారం. కాగా బోయపాటి తెరకెక్కించిన మొదటి సినిమా భద్రలో మీరా జాస్మిన్ హీరోయిన్‌‌గా నటించిన సంగతి తెలిసిందే.

‘ఓణి వేసిన దిపావళి వచ్చిందా ఇంటికి’ అంటూ ‘పందెంకోడి’ సినిమాతో తెలుగు ప్రేక్షకులను పలకరించింది మీరా జాస్మిన్‌. మొదట ‘సూత్రదారన్’(2001) అనే మలయాళ సినిమాతో సినీరంగ ప్రవేశం చేసిన ఆమె ‘అమ్మాయి బాగుంది’ చిత్రంతో నేరుగా టాలీవుడ్‌ ఎంట్రీ ఇచ్చింది. ఇక వరస హిట్లు అందుకుని స్టార్‌ హీరోయిన్‌గా ఎదిగిన మీరా జాస్మిన్‌ కొంతకాలంగా తెరపై కనుమరుగైంది. ఈ నేపథ్యంలో నేడు ఆమె బర్త్‌డే సందర్భంగా మారోసారి తెరపైకి వచ్చింది. మంగళవారం (ఫిబ్రవరి 15) ఆమె పుట్టిన రోజు సందర్భంగా తన లెటెస్ట్‌ ఫొటోలను షేర్‌ చేసింది. ఈ సందర్భంగా మీరా జాస్మిన్‌ సినీ ప్రయాణం, ఆమె సినిమాలను మరోసారి గుర్తు చేసుకుందాం. అమ్మాయి బాగుంది చిత్రంలో తెలుగు టాలీవుడ్‌ ఎంట్రీ ఇచ్చిన మీరా జాస్మిన్‌.. ఆ తర్వాత పవన్‌ కల్యాణ్‌ సరసన గుడుంబా శంకర్‌ నటిచింది. ఆ వెంటనే రవితేజతో భద్రలో జోడి కట్టిన మీరా తొలి కమర్షియల్‌ హిట్‌ అందుకుంది. పరిశ్రమలో అడుగు పెట్టిన ఆనతి కాలంలోనే స్టార్‌ హీరోయిన్‌గా మారింది. ఇక తర్వాత ఆమెను వరస ప్లాప్‌ వెంటాడిన చివరి గొరింటాకులో రాజశేఖర్‌కు చెల్లిగా నటించి హిట్‌ అందుకుంది. ఆ తర్వాత తెలుగులో ఆమెకు అవకాశాలు కరువయ్యాయి. దీంతో తమిళ, మళయాళంలో ఆడపాదడపా సినిమాలు చేస్తున్న క్రమంలో దుబాయ్‌కి చెందిన ఇంజనీర్‌ అనిల్‌ జాన్‌ టిటస్‌ని పెళ్లి చేసుకుని అక్కడే సెటిల్‌ అయింది.  ఈ క్రమంలో చాలా కాలం తర్వాత ఆమె లీడ్ రోల్‌లో మలయాళంలో 'మకల్' అనే చిత్రంలో రీఎంట్రీ ఇస్తున్నట్లు సమాచారం. ఈ నేపథ్యంలో ఇటీవల ఇచ్చిన ఓ ఫొటోషూట్‌ ఫొటోలను షేర్‌ చేసి ఫుల్‌ గ్లామర్‌ షో చేసి ఫ్యాన్స్‌కు షాకిచ్చింది మీరా జాస్మిన్‌. 

వీలైతే నాలుగు మాటలు... కుదిరితే కప్పు కాఫీ... ‘బొమ్మరిల్లు’లో ఇలాంటి డైలాగుల్లో జెనీలియా అమాయకత్వాన్ని మరచిపోలేం. అమ్మాయి.. బాగుంది.. చూడచక్కగా ఉంది.. నటన కూడా బాగుంది. ‘అమ్మాయి బాగుంది’తో తెలుగు తెరకు వచ్చిన  మీరా జాస్మిన్‌కి లభించిన ప్రశంసలు.గ్లామర్‌ మాత్రమే కాదు.. మంచి నటి కూడా.. హిందీలో అనుష్కా శర్మకు దక్కిన అభినందనలు. ఈ ముగ్గురు భామలూ పెళ్లి చేసుకుని సినిమాలకు బ్రేక్‌ చెప్పారు. ఇప్పుడు బ్రేక్‌కి ఫుల్‌స్టాప్‌ పెట్టారు. సినిమాలు సైన్‌ చేశారు. అభిమానులను ఆనందపరచడానికి మళ్లీ వస్తున్నారు. పెళ్లయిన నాయికలకు ‘లీడ్‌ రోల్స్‌’ రావు అనే మాటని ఐశ్వర్యా రాయ్‌ బచ్చన్, జ్యోతిక, రాణీ ముఖర్జీ వంటి తారలు అబద్ధం చేశారు. కథానాయికలుగా చేస్తున్నారు. అంతెందుకు? దాదాపు పద్నాలుగేళ్ల గ్యాప్‌ తర్వాత శ్రీదేవి రీ–ఎంట్రీ ‘ఇంగ్లిష్‌–వింగ్లిష్‌’లో చేసిన లీడ్‌ రోల్‌తోనే జరిగింది. ఆ తర్వాత ‘మామ్‌’లోనూ లీడ్‌ రోల్‌ చేశారామె. శ్రీదేవి హఠాత్తుగా తిరిగి రాని లోకాలకు వెళ్లిపోయారు. లేకుంటే ఈ ఫిఫ్టీ ప్లస్‌ తారను మరిన్ని మెయిన్‌ రోల్స్‌లో చూడగలిగేవాళ్లం. మామూలుగా హాలీవుడ్‌లో ఫిఫ్టీ, సిక్స్‌టీ ప్లస్‌ తారలు కూడా నాయికలుగా చేస్తుంటారు. ఇండియన్‌ సినిమాలోనూ అది సాధ్యం అని నిరూపించారు శ్రీదేవి. ఇక రీ ఎంటర్‌ అవుతున్న తారల్లో జెనీలియా గురించి చెప్పాలంటే.. ‘బొమ్మరిల్లు, రెడీ, శశిరేఖా పరిణయం, ఆరెంజ్‌’.. ఇలా తెలుగులో మంచి సినిమాలు జెనీలియా ఖాతాలో ఉన్నాయి. 2012లో చేసిన ‘నా ఇష్టం’ తర్వాత ఈ నార్త్‌ బ్యూటీ తెలుగులో సినిమాలు చేయలేదు. అదే ఏడాది హిందీ నటుడు రితేష్‌ దేశ్‌ముఖ్‌ని పెళ్లి చేసుకున్నారు. ఆ తర్వాత రెండు మూడు హిందీ చిత్రాల్లో, ఓ మరాఠీ చిత్రంలో అతిథి పాత్రల్లో కనిపించడంతో పాటు కొన్ని చిత్రాలకు నిర్మాతగా చేశారు. 2014లో ఒక బాబుకి, 2016లో ఓ బాబుకి జన్మనిచ్చారు జెనీలియా. ఇక నటిగా కొనసాగాలనుకుంటున్నారు. మరాఠీ సినిమా ‘వేద్‌’తో ఆమె రీ ఎంట్రీ షురూ అయింది. మరాఠీలో జెనీలియా కథానాయికగా చేస్తున్న తొలి చిత్రం ఇది. అది కూడా ఆమె భర్త రితేష్‌ దర్శకత్వం వహించనున్న సినిమా కావడం విశేషం. ‘‘నేను మహారాష్ట్రలో పుట్టి, పెరిగాను. కానీ మరాఠీలో పూర్తి స్థాయి నిడివి ఉన్న పాత్ర చేయలేదు. ఆ కొరత తీరుతున్నందుకు హ్యాపీగా ఉంది’’ అన్నారు జెనీలియా. ఇక, మీరా జాస్మిన్‌ విషయానికొస్తే.. ‘అమ్మాయి బాగుంది’తో కథానాయికగా ఎంట్రీ ఇచ్చిన ఈ మలయాళ బ్యూటీ అంతకు ముందే మలయాళ, తమిళ చిత్రాల్లో నటించారు. వాటిలో తమిళ చిత్రం ‘రన్‌’ తెలుగులోనూ విడుదలైంది. తెలుగులో ‘గుడుంబా శంకర్‌’, ‘భద్ర’ వంటి హిట్‌ చిత్రాల్లో నటించారు. 2014లో అనిల్‌ జాన్‌ని పెళ్లాడిన మీరా ఆ తర్వాత నాలుగైదు సినిమాల్లో నటించారు.  వాటిలో అతిథి పాత్రలు ఉన్నాయి. బ్రేక్‌కి ముందు ట్రెడిషనల్‌ హీరోయిన్‌ క్యారెక్టర్లు చేసిన మీరా జాస్మిన్‌ రీ–ఎంట్రీలో అందుకు పూర్తి భిన్నమైన ఇమేజ్‌ని కోరుకుంటున్నట్లున్నారు. మళ్లీ వస్తున్న విషయాన్ని తెలియజేస్తూ, గ్లామరస్‌గా ఫొటోషూట్‌ చేయించుకున్నారు. అంతేకాదు.. అభిమానులకు అందుబాటులో ఉండాలని సోషల్‌ మీడియాలోకీ ఎంట్రీ ఇచ్చారు. ‘మక్కళ్‌’ అనే మలయాళ సినిమా అంగీకరించారు మీరా. ‘అందం హిందోళం.. అదరం తాంబూలం’ అంటూ ‘యముడికి మొగుడు’లో స్టైల్‌గా స్టెప్పులేసిన రాధ 30 ఏళ్ల క్రితం స్టార్‌ హీరోయిన్‌. తెలుగులో ‘అగ్నిపర్వతం’, ‘సింహాసనం’, ‘రాముడు భీముడు’ వంటి పలు చిత్రాల్లో కథానాయికగా 1980 నుంచి 1990 వరకూ నాటి తరానికి పాపులర్‌. ఎన్టీఆర్, ఏఎన్నార్, కృష్ణ, శోభన్‌బాబు, కృష్ణంరాజు, చిరంజీవి, బాలకృష్ణ, నాగార్జున, వెంకటేశ్‌ వంటి అగ్ర హీరోలతో నటించారామె. 1991లో వ్యాపారవేత్త రాజశేఖరన్‌ని పెళ్లాడాక సినిమాలకు బ్రేక్‌ వేశారు. 30ఏళ్ల తర్వాత ఆమె రీ ఎంట్రీ ఇచ్చారు.. అయితే  స్మాల్‌ స్క్రీన్‌కి. తమిళంలో ఈ మధ్యే ప్రసారం ప్రారంభమైన ‘సూపర్‌ క్వీన్‌’కి న్యాయ నిర్ణేతగా వ్యవహరిస్తున్నారు రాధ. మంచి పాత్రలు వస్తే సినిమాల్లోనూ నటించే ఆలోచనలో రాధ ఉన్నారని సమాచారం.  అటు హిందీ వైపు వెళితే.. అనుష్కా శర్మ వెండితెరపై కనిపించి దాదాపు మూడేళ్లవుతోంది. 2017లో క్రికెటర్‌ విరాట్‌ కోహ్లీని పెళ్లాడాక, బ్రేక్‌ తీసుకున్నారామె. గత ఏడాది ఓ పాపకు జన్మనిచ్చారు. ఈ ఐదేళ్ల బ్రేక్‌లో నటించలేదు కానీ, నిర్మాతగా సినిమాలు తీస్తున్నారు. ఇప్పుడు బ్రేక్‌కి ఫుల్‌స్టాప్‌ పెట్టి, హీరోయిన్‌గా ‘చక్‌ద ఎక్స్‌ప్రెస్‌’ సినిమాకి సైన్‌ చేశారు అనుష్క. భారత ప్రముఖ మహిళా క్రికెటర్‌ జులన్‌ గోస్వామి బయోపిక్‌గా ఈ చిత్రం రూపొందుతోంది. జులన్‌ పాత్రను అనుష్క చేస్తున్నారు. ‘‘ఇలాంటి ప్రయోజనాత్మకమైన సినిమా ద్వారా వస్తున్నందుకు ఆనందంగా ఉంది’’ అన్నారు అనుష్కా శర్మ.రాధ, జెనీలియా, మీరా జాస్మిన్, అనుష్కా శర్మ.. వీరి ఎంట్రీ మరికొంతమంది తారలకు ఇన్‌స్పైరింగ్‌గా ఉంటుందని చెప్పొచ్చు. ఇక వీలైతే నాలుగు సినిమాలు లేదా అంతకు మించి.. కుదిరితే లీడ్‌ రోల్స్‌లో తమ అభిమాన తారలను చూడాలని ఫ్యాన్స్‌ కోరుకోకుండా ఉంటారా!

Meera Jasmine Re Entry To Films Debuts On Instagram: ‘అమ్మాయే బాగుంది’చిత్రంతో టాలీవుడ్‌కు పరిచయమైన మలయాళీ బ్యూటీ మీరా జాస్మిన్‌. 'గుడుంబా శంకర్', 'భద్ర' వంటి చిత్రాలతో తెలుగులో పాపులర్‌ అయిన ఈ బ్యూటీ ‘పందెం కోడి’ ‘గోరింటాకు’, ‘ఆకాశ రామన్న’ సహా పలు మలయాళ చిత్రాల్లో నటించింది. కానీ ఆశించిన స్థాయిలో విజయాలు లభించలేదు. దీంతో కొన్నాళ్లకి దుబాయ్‌కి చెందిన సాఫ్ట్‌వేర్‌ ఇంజనీర్‌ అనిల్‌ జాన్‌ టైటాన్‌ని 2014లో పెళ్లి చేసుకుంది. అయితే మనస్పర్థల కారణంగా కొన్నాళ్లకు భర్త నుంచి విడిపోయిన మీరా జాస్మిన్‌.. మళ్లీ ఇన్నాళ్లకు తిరిగి సినిమాలు చేసేందుకు సిద్ధమైంది. ఇటీవలె సినిమాల్లో రీఎంట్రీ ఇచ్చేందుకు సిద్ధమైంది. ఇప్పటికే మకల్‌ అనే ఓ మలయాళ చిత్రంతో రీఎంట్రీ ఇస్తున్న ఈ బ్యూటీ ఇప్పుడు టాలీవుడ్‌లోనూ రీఎంట్రీ ఇవ్వనున్నట్లు సమాచారం. ఈ నేపథ్యంలోనే ఇన్‌స్టాగ్రామ్‌లోకి కూడా అడుగుపెట్టింది. సోషల్‌ మీడియాలోనూ యాక్టివ్‌గా ఉంటూ అభిమానులతో టచ్‌లో ఉండాలని భావిస్తుందట. అలా ఇన్‌స్టాలో ఆమె ఎంట్రీ ఇచ్చిందో లేదో ఆమెకు ఫాలోవర్ల సంఖ్య అమాంతం పెరిగిపోయింది. ఒక్క రోజులోనే సుమారు లక్షమంది ఆమెను ఫాలో అయ్యారు. 

Meera Jasmine Lifestory: కొంతమంది హీరోయిన్లు చేసినవి కొన్ని సినిమాలే అయినప్పటికీ తమదైన నటనతో ప్రేక్షకుల గుండెల్లో చిరకాలం నిలిచిపోతుంటారు. అలాంటి కొద్ది మంది​ హీరోయిన్లలో మీరా జాస్మిన్‌ ఒకరు. తన అభినయం, క్యూట్‌ ఎక్స్‌ప్రెషన్స్‌తో లక్షలాది మంది అభిమానులను సంపాదించుకుంది ఈ కేరళ కుట్టి. ఎక్స్‌పోజింగ్‌కు దూరంగా ఉంటూ కేవలం హావభావాలతో లక్షలాదిమంది మనస్సును దోచుకుంది. 2001-2010 కాలంలో ఆమె స్టార్‌ హీరోయిన్‌. తెలుగుతో పాటు మలయాళం, త‌మిళ భాషల్లో న‌టించిన జాతీయ ఉత్త‌మ న‌టిగా గుర్తింపు పొందింది.  కేరళకు చెందిన ఈ బ్యూటీ.. 1982 ఫిబ్రవరి 15న కేరళలోని తీరువల్లలో ఓ సిరియన్‌ క్రైస్తవ కుటుంబంలో జన్మించింది. ఈమె అసలు పేరు జాస్మిన్‌ మేరి జోసెఫ్‌. మీరా సోదరుడు జార్జ్‌ సినిమాటోగ్రాఫర్‌గా పనిచేశాడు. మీరా డిగ్రీ చదువుతున్న రోజుల్లో బ్లెస్సి అనే సహాయ దర్శకుడు ఆమెను చూసి సినిమాల్లోకి ఆహ్వానించాడు. ప్రముఖ దర్శకుడు లోహిత్‌ దాస్‌కు మీరాని పరిచయం చేసి మలయాళం మూవీ ‘సూత్రధారన్‌’లో అవకాశం ఇప్పించాడు. ఆ తర్వాత పలు కోలీవుడ్‌, మాలీవుడ్‌ సినిమాల్లో నటించి మెప్పించిన మీరా.. ‘పాదమ్ ఒన్ను ఒరు విలాపం’ మూవీతో ఉత్తమ నటిగా నేషనల్‌ అవార్డును అందుకుంది. (చదవండి: నయనతార, విజయ్‌ సేతుపతిలతో సమంత సెలబ్రేషన్‌.. ఫోటోలు వైరల్‌) ఇలా తనదైన నటనతో దూసుకెళ్తున్న మీరాకు తక్కువ టైమ్‌లోనే టాలీవుడ్‌ నుంచి పిలుపొచ్చింది. తెలుగులోకి రిలీజైన్ డబ్బింగ్ మూవీ ‘రన్‌’తో టాలీవుడ్‌కి పరిచ‌య‌మైంది మీరాజాస్మిన్‌. ఆ త‌ర్వాత 2004లో హీరో శివాజీతో క‌లిసి ‘అమ్మాయి బాగుంది’లో నటించి మెప్పించింది. పవన్ కళ్యాణ్‌తో గుడుంబా శంకర్, రవితేజతో భద్ర, విశాల్‌తో పందెం కోడి తదితర సినిమాలతో తెలుగు ప్రేక్షకులకు దగ్గరైంది ఈ భామ. హీరో రాజ‌శేఖ‌ర్, మీరా జాస్మిన్ అన్న చెల్లెలుగా న‌టించిన ‘గోరింటాకు’తో తెలుగింటి ఆడపడుచు అయిపోయింది. ఈ మూవీలోని ఎమోషనల్‌ సీన్స్‌లో అద్భుతంగా నటించి ప్రేక్షకుల చేత కంటతడి పెట్టించింది.  తనదైన నటనతో దక్షిణాదిన స్టార్‌ హీరోయిన్‌గా ఎదిగిన మీరా.. 2014 లో దుబాయ్‌లో ఇంజినీర్‌గా పనిచేస్తున్న అనిల్‌ జాన్‌ టైటాన్‌ని వివాహం చేసుకొని సినిమాలకు దూరమైంది. అయితే వివాహం తర్వాత తలెత్తిన విబేధాల కారణంగా మీరా.. తన భర్తతో విడిపోయింది. అయినప్పటికీ ఆమె సినిమాలపైపు తిరిగి చూడలేదు. జీవితంలో ఉన్న ఒడిదుడుకుల కారణంగా సినిమాలకు దూరమైన ఆమె ఇప్పుడు రీ ఎంట్రీకి రెడీ అవుతోంది. కొంతకాలం క్రితం ఓ మలయాళం సినిమాలో గెస్ట్ రోల్‌లో మీరా కనిపించింది. అయితే ప్రస్తుతం పరిస్థితులను దృష్టిలో పెట్టుకొని మళ్లీ పూర్తిగా సినిమాల్లోకి రావాలని నిర్ణయించుకుందట. రీ ఎంట్రీ కోసం ఈ అమ్మ‌డు జిమ్ కి వ‌ర్క్ అవుట్స్ చేసి వెయిట్ లాస్ అయిందట. ప్ర‌జెంట్ మీరాకు సంబంధించిన కొన్ని ఫోటోలు సోషల్ మీడియాలో వైర‌ల్ గా మారాయి. ఏదేమైనా.. భూమిక, స్నేహల మాదిరిగా మీరా సెకండ్‌ ఇన్సింగ్స్‌ కూడా సక్సెస్‌ఫుల్‌గా కొనసాగాలని ఆశిద్దాం. 

తన క్యూట్‌ ఎక్సెప్రెషన్స్‌, అభినయంతో ఎంతో మంది అభిమానులను సొంతం చేసుకున్న కేరళ భామ మీరా జాస్మిన్ అభిమానులకు గుడ్‌ న్యూస్‌. దాదాపు ఆరేళ్లకు పైగా సినిమాలకు గుడ్‌బై చెప్పిన కేరళ భామ మీరా జాస్మిన్‌ రీ ఎంట్రీకి రెడీ అయ్యారు. ప్రముఖ మలయాళీ దర్శకుడు సత్యన్ అంతికాడ్ రూపొందిస్తున్న సినిమాతో మీరా జాస్మిన్‌ మరోసారి వెండితెరపై కనిపించనుంది. ఈ విషయాన్ని స్వయంగా ఆయనే తన ఫేస్‌బుక్‌ పేజ్‌ ద్వారా ప్రకటించారు. తన నెక్ట్స్‌ ప్రాజెక్ట్‌లో మీరా జాస్మిన్‌ నటించనున్నట్లు వెల్లడించారు. అల వైకుంఠపురంలో ఫేం జయరాం, మీరా జాస్మిన్‌లు ప్రధాన పాత్రలో ఓ సినిమాను తెరకెక్కిస్తున్నట్లు చెప్పారు. జూలైలోనే ఈ సినిమా షూటింగ్‌ ప్రారంభం కానున్నట్లు తెలిపారు. మాధవన్‌ సరసన రన్‌ సినిమాతో టాలీవుడ్‌లో హీరోయిన్‌గా ఎంట్రీ ఇచ్చిన మీరా జాస్మిన్‌..ఆ తర్వాత భద్ర, గుడుంబా శంకర్, పందెం కోడి వంటి సూపర్‌ హిట్‌ చిత్రాల్లో నటించారు. 2014లో దుబాయ్‌లో ఇంజనీర్‌గా పనిచేస్తున్న అనిల్ జాన్ టైటస్‌ను పెళ్లి చేసుకుంది. అయితే వివాహం​ తర్వాత తలెత్తిన విభేదాల కారణంగా వీరు విడాపోయారు. వ్యక్తిగత జీవితంలో ఉన్న ఒడిదుడుకుల కారణంగా నటనకు దూరమైన మీరా జాస్మాన్‌..మరోసారి వెండితెరపై రీ ఎంట్రీ ఇవ్వనుంది.  చదవండి : ప్రియుడితో నయనతార.. ప్రత్యేక విమానంలో ఫ్లైట్‌లో తమన్నా: అక్కడ కోహ్లి ఏం చేస్తున్నాడు?  

సినిమా: మలయాళ నటి మీరాజాస్మిన్‌ గుర్తుందా? ఒక్క మలయాళం ఏమిటి, తమిళం, తెలుగు అంటూ దక్షిణాది భాషలన్నింటిలోనూ నాయకిగా నటించేసింది. ముఖ్యంగా కోలీవుడ్‌లో రన్‌ చిత్రంతో ఎంట్రీ ఇచ్చిన ఈ బ్యూటీ తొలి చిత్రంతోనే పేరు తెచ్చుకుంది. నటిగా మంచి ఫేమ్‌లో ఉండగానే ఒక ప్రముఖ మలయాళ దర్శకుడుతో ప్రేమలో పడి ఆ తరువాత వివాదాల్లో చిక్కుకున్న మీరాజాస్మిన్‌ 2014లో అనిల్‌జాన్‌ టైటిస్‌ అనే ఇంజినీర్‌ను పెళ్లి చేసుకుని నటనకు దూరమైంది. భర్తతో కలిసి దుబాయ్‌లో సెటిల్‌ అయిన ఈ అమ్మడు గత ఏడాది ఒక నగల దుకాణం ప్రారంభోత్సవానికి చెన్నైకి వచ్చింది. అప్పుడు ఆమెను చూసిన వారు ఆశ్చర్యపోయారు. అంతగా లావైపోయింది. ఇక మీరాను సినిమాల్లో చూడలేం అని ఆమె ఫొటో చూసిన అభిమానులకు తాజాగా మరో షాక్‌. ఇటీవల మలమాళ దర్శకుడు అరుణ్‌ గోపీ దుబాయ్‌కు వెళ్లారు. అక్కడ నటి మీరాజాస్మిన్‌ను కలిసి సెల్ఫీ తీసుకున్నారు. ఆ ఫొటోను సామాజిక మాధ్యమాల్లో పోస్ట్‌ చేశారు. అందులో మీరాజాస్మిన్‌ నమ్మశక్యం కానంతగా సన్నబడింది. కాగా ఈ అమ్మడు తాజాగా నటిగా రీఎంట్రీకి సిద్ధం అవుతోందని, అందుకే చాలా స్లిమ్‌గా తయారైందని సినీ వర్గాల టాక్‌. అదేవిధంగా ఆమె ఆభిమానులు మీరాజాస్మిన్‌కు వెల్‌కమ్‌ చెబుతూ ట్విట్టర్‌లో ట్వీట్‌లు చేస్తున్నారు. మరి ఈ బ్యూటీ హీరోయిన్‌గా ఎంట్రీ ఇస్తుందా లేక అక్కగా, వదినగా నటిస్తుందా అన్నది వేచి చూడాలి.

తమిళసినిమా: సినిమా కోసం కష్టపడి చదివిన వైద్య వృత్తిని వదులుకున్నానని అంటోంది సాయిపల్లవి. నటిగా మలయాళంలో సక్సెస్‌ అయ్యి ఆ తరువాత తెలుగు చిత్రసీమలో విజయాలను అందుకుని ఆ తరువాతే తమిళ చిత్ర రంగంలోకి ఎంట్రీ ఇచ్చిన తమిళ అమ్మాయి ఈ భామ. అయితే మాలీవుడ్‌లో నటించిన ప్రేమమ్‌ చిత్రమే ఈ అమ్మడి తొలి చిత్రం అని చాలా మంది అనుకుంటున్నారు. అయితే అది నిజం కాదన్న విషయాన్ని సాయిపల్లవి తనకు తానే బయటపెట్టింది. ఆ కథేంటో చూద్దాం.  ఇంతకుముందు తమిళంలో ధామ్‌ ధూమ్‌ చిత్రంలో కంగణాకు స్నేహితురాలిగా, కస్తూరిమాన్‌ అనే మలయాళ చిత్రంలో మీరా జాస్మిన్‌కు స్నేహితురాలిగా నటించాను. అయితే సినిమా శాశ్వతం కాదని, హీరోయిన్ల కాలపరిమితి ఐదారేళ్లే అని తన తండ్రి చెప్పారన్నారు. చదువే మంచి భవిష్యత్తునిస్తుందని తను ఎంబీబీఎస్‌ చదివించేందుకు జార్జియా  పంపారన్నారు.  జార్జియాలో చదువుతుండగానే ప్రేమమ్‌ చిత్రంలో హీరోయిన్‌గా నటించే అవకాశం వచ్చింది. దీంతో చదువుకు ఇబ్బంది కలగకుండా సెలవు రోజుల్లో నటించమని అమ్మానాన్న చెప్పారు. అలా నటించిన ప్రేమమ్‌ చిత్రం ఘన విజయం సాధించడంతో సినిమాలపైనే పూర్తిగా దృష్టి సారించాను. దీంతో వృత్తిని వదులుకోవలసివచ్చింది. అందుకే పూర్తిస్థాయి నటిగా మారిపోయాను. అయితే దేవుడి దయవల్ల  ఈ స్థాయికి చేరుకున్నాను అని సాయిపల్లవి అంది. ఈ అమ్మడు  తొలి తమిళ చిత్రం కరు త్వరలో విడుదలకు సిద్ధం అవుతోంది.


 ముంబై: దక్షిణాది హీరోయిన్ మీరా జాస్మిన్  విడాకులకు సిద్ధమవుతున్నట్టు తెలుస్తోంది. 2014 లో   అనూహ్యంగా దుబాయ్ కి  చెందిన సాఫ్ట్ వేర్ ఇంజనీర్  అనిల్ జాన్ టైటస్ ను  పెళ్లాడిన ఈ అమ్మడు తాజాగా విడాకులకోసం దరఖాస్తు చేసినట్టు సమాచారం. తెలుగు, తమిళం,మలయాళం, కన్నడ భాషల్లో సూపర్ హిట్   సినిమాల్లో నటించిన మీరా  పెళ్లి తరువాత సినిమాలకు గుడ్ బై చెప్పింది. అయితే ఏడాది నుంచి విభేదాలతోనే కలిసి సాగుతున్న ఈ జంట.. చివరికి విడిపోవాలనే నిర్ణయానికి వచ్చినట్టు తెలుస్తోంది.  
 భ‌ద్ర‌, గుడుంబా శంకర్ లాంటి సినిమాలతో తెలుగు ప్రేక్షకులను ఆకట్టుకున్న ఈ మలయాళ కుట్టి  మళ్లీ కరియర్ పై దృష్టి  పెట్టే పనిలో బిజీ ఉందట. ఈ నేపధ్యంలోనే ఇండియాలో స్థిరపడేందుకు  యోచిస్తోందట. పెళ్లి తర్వాత దుబాయ్ లో సెటిల్ అయిన మీరా ఇటీవల   'పతూ కల్పనకల్'  అనే చిత్రం ద్వారా సెకండ్ ఇన్నింగ్స్ మొదలు పెట్టింది.  దర్శకుడిగా  డాన్ మాక్స్ డెబ్యూ మూవీ అయిన ఈ చిత్రంలో మీరా  పోలీస్ ఆఫీసర్ పాత్ర పోషించింది. అలాగే  మరో డెబ్యూ హీరో కాళిదాస్ జయరామ్  తో పూమారం  అనే మలయాళంలో చిత్రంలో నటిస్తోంది.
 మరోవైపు ఇటీవల మీడియాతో మాట్లాడిన  మీరా జాస్మిన్ తన నిర్ణయాల పట్ల సంతోషంగా ఉన్నానని వ్యాఖ్యానించింది.  సినీ జీవితంలోనూ, వ్యక్తిగత జీవితంలోనూ 100 శాతం సంతోషంగా ఉన్నానని వ్యాఖ్యానించింది. తనకు పెద్ద పెద్ద కలలులేవని, ఉన్నదానితో చాలా సంతోషంగా ఉన్నానని పేర్కొంది. 100 సినిమాల్లో నటించాలి లాంటి  లక్ష్యాలేవీ తనకు లేవని స్పష్టం చేసింది. ఇంతలోనే విడాకుల వార్తలు  సినిమా ఇండస్ట్రీలో హాట్‌ టాపిక్‌ గా మారాయి.
 కరియర్ పీక్ స్టేజ్ లో  మాండలిన్ రాజేష్ అనే మ్యుజీషియన్ తో  ప్రేమాయణం సాగించినట్టువార్తలు గుప్పుమన్నాయి.  చివరికి రెండేళ్ల కిందట వివాదాస్పద రీతిలో అనిల్ ను పెళ్లాడింది. అనిల్ మొదటి భార్య బంధువుల ఆందోళన నేపథ్యంలో పోలిసుల సమక్షంలో వీరిద్దరి పెళ్లి జరిగింది. అయితే వివిధకారణాలతో మీరా- అనిల్ పెళ్లి రిజిస్టర్ కు అధికారులు తిరస్కరించిన సంగతి తెలిసిందే. అయితే  ఈ విడాకుల వార్తలపై మీరా దంపతులు ఇంకా  స్పందించాల్సి ఉంది.


 కోచి: రేపిస్టులపై ప్రముఖ హీరోయిన్‌ మీరా జాస్మిన్‌ సంచలన వ్యాఖ్యలు చేసింది. మహిళలపై లైంగిక దాడులను చేసేవారికి క్యాస్ట్రేషన్‌ (బీజకోశాలను కత్తిరించి నపుంసకులుగా మార్చడం) ఒక్కటే సరైన శిక్ష అని, రేపిస్టుల సైతం ఆ బాధను అనుభవించినప్పుడు ఇలాంటి ఘటనలు తగ్గుతాయని ఆమె పేర్కొన్నారు. ఇటీవల కేరళలోని పెరుంబవూర్‌లో దళిత మహిళ అత్యాచారానికి గురై.. హత్య చేయబడింది. ఈ నేపథ్యంలో బాధితురాలి తల్లితోపాటు, నటుడు అనూప్‌తో కలిసి మీరా జాస్మిన్‌ మీడియాతో మాట్లాడింది. ప్రస్తుతమున్చ చట్టాలతో లైంగిక దాడులు వంటి నేరాలను సమర్థంగా ఎదుర్కొనలేకపోతున్నామని పేర్కొంది.
 
 ‘మహిళలపై లైంగిక దాడులు జరుపుతున్న వారికి నొప్పి కలిగించే శిక్షలు ఇవ్వాల్సిన అవసరముంది. అలాంటివారిని ఎదుర్కోవడానికి క్యాస్ట్రేషన్‌ (అంగ విచ్ఛేదన) ఒక్కటే మార్గం’ అని పేర్కొంది. ‘అలాంటి నొప్పి కలిగించే శిక్షలు విధిస్తే.. వారు జీవితంలో మహిళలను తాకడానికి సాహసించరు’ అని తెలిపింది. రేప్‌ బాధితురాళ్లపై మీరా జాస్మిన్‌ నటించిన తాజా సినిమా ‘పాథు కల్పనకల్‌’ సినిమా ప్రమోషన్‌లో భాగంగా ఆమె ఈ విలేకరుల సమావేశం నిర్వహించింది. 


 ‘మోక్ష’ తర్వాత మీరా జాస్మిన్ మళ్లీ తెలుగు తెరపై కనబడలేదు. చాలా కాలం తర్వాత మళ్లీ ఆమె నటించిన చిత్రం ‘ద ఐస్’. మలయాళంలో షాజియం తెరకెక్కించిన ఈ చిత్రాన్ని తెలుగులో అదే పేరుతో డి. వెంకటేశ్ అనువదించారు. శుక్రవారం ఈ చిత్రం విడుదల కానుంది.. ‘‘ఒక అమ్మాయికి ఎదురైన విచిత్రమైన అనుభవాల నేపథ్యంలో మంచి థ్రిల్లర్ గా ఈ చిత్రం రూపొందింది. మీరాజాస్మిన్ నటన అందరినీ ఆకట్టుకుంటుంది. ఓ విభ్నిమైన పాయింట్ నేపథ్యంలో సాగే ఈ చిత్రం ఆద్యంతం ఉత్కంఠభరితంగా ఉంటుంది. ప్రేక్షకులకు ఎక్కడా డబ్బింగ్ సినిమా చూస్తున్నామన్న ఫీలింగ్ కలగదు. మలయాళంలోలానే తెలుగులోనూ ఈ చిత్రం తప్పక విజయం సాధిస్తుందన్న నమ్మకం ఉంది’’ అని డి. వెంకటేశ్ చెప్పారు.
  


  నటి మీరాజాస్మిన్‌ను తమిళ తెరపై చూసిన చాలా కాలమైంది. త్వరలో సండైకోళి-2 చిత్రంలో నటించడానికి సిద్ధం అవుతున్న ఈ మలయాళీ భామ అంతకు ముందు ఒక అనువాద చిత్రం ద్వారా అలరించడారిని రంగం రెడీ అయ్యింది.మలయాళంలో మిస్సెస్ లేఖ తరూర్ పేరుతో తెరకెక్కిన వైవిధ్యభరిత కథా చిత్రాన్ని తమిళంలోకి డీ.వెంకటేశ్ డీవీ క్రియేషన్స్ నతాకంపై కన్‌గళ్ ఇరండాళ్ పేరుతో అనువదిస్తున్నారు. ఫాజియం కథ, కథనం,దర్శకత్వం బాధ్యతల్ని నిర్వహించిన ఈ చిత్రానికి రమేష్ నారాయణన్ సంగీతాన్ని అందించారు.
  
   శనివారం మధ్యాహ్నం స్థానిక సాలిగ్రామంలోని ప్రసాద్ ల్యాబ్‌లో చిత్ర యూనిట్ నిర్వహించిన విలేకరుల సమావేశంలో దర్శకుడు చిత్ర వివరాలను వెల్లడిస్తూ నటి మీరాజాస్మిన్ తొలిసారిగా అంధురాలిగా నటించిన చిత్రం ఇదని తెలిపారు. అలెక్స్ కథానాయకుడిగా నటించిన ఈ చిత్రం గురించి చెప్పాలంటే  మీరాజాస్మిన్ ఒక టీవీ చానల్‌లో రియాలిటీ షో నిర్వహిస్తుంటారన్నారు. అలాంటి ఒక తరుణంలో ఒక యువకుడి ప్రేమలో పడతారని చెప్పారు. మీరాజాస్మిన్‌కు కళ్ల ముందు ఏదో రూపం కదలాడుతున్నట్లు భావన కలుగుతుందన్నారు. ప్రశ్నలకు సమాధానం కావాలంటే చిత్రం చూడాల్సిందేనన్నారు.
  


  పందెం కోడి, భద్ర, గుడుంబా శంకర్.. తదితర చిత్రాల ద్వారా తెలుగు ప్రేక్షకులకు దగ్గరయ్యారు మీరా జాస్మిన్. గత ఏడాది ఈ మలయాళ భామ పెళ్లి చేసుకున్నారు. అప్పట్నుంచీ సినిమాలకు దూరంగా ఉంటున్నారు. పెళ్లికి ముందు ఆమె నటించిన మలయాళ చిత్రం ‘ది ఐస్’ని అదే పేరుతో డీవీ సినీ క్రియేషన్స్ అధినేత డీవీ వెంకటేశ్ తెలుగులోకి విడుదల చేయనున్నారు. హార్రర్, థ్రిల్లర్ ఎలిమెంట్స్‌తో ఆద్యంతం ఉత్కంఠగా సాగే ఈ చిత్రం మలయాళంలో ఘనవిజయం సాధించిందని వెంకటేశ్ తెలిపారు. ప్రస్తుతం రీ-రికార్డింగ్ కార్యక్రమాలు జరుపుతున్నామని అన్నారు. మీరా జాస్మిన్ నటన ఈ చిత్రానికి ప్రత్యేక ఆకర్షణగా నిలుస్తుందని వెంకటేశ్ చెప్పారు. ఈ చిత్రానికి షాజియం దర్శకుడు.
  


  సండకోళి చిత్రానికి కొనసాగింపునకు గ్రీన్ సిగ్నల్ పడింది. నటుడు విశాల్‌కు కమర్షియల్ హీరో ఇమేజ్‌ను తెచ్చిపెట్టిన చిత్రం సండకోళి. మీరాజాస్మిన్ హీరోయిన్‌గా నటించిన ఈ చిత్రానికి లింగుస్వామి దర్శకుడు. 2005లో తెరపైకి వచ్చిన ఈ కమర్షియల్ ఎంటర్‌టైనర్ చిత్రం తమిళంతో పాటు తెలుగులోనూ పందెంకోడి పేరుతో విశేష ప్రజాదరణ పొందింది. అలాంటి చిత్రానికి తొమ్మిదేళ్ల తరువాత సీక్వెల్ రూపొందడానికి సన్నాహాలు చేస్తున్నారు. సండకోళి చిత్రంలో విశాల్ తండ్రి పాత్రలో రాజ్‌కిరణ్, ప్రతి నాయకుడి పాత్రలో మలయాళ దర్శకుడు రాల్ నటించారు. దీనికి కొనసాగింపు చిత్రంలోనూ వీరిద్దరూ నటించనున్నారు. హీరోయిన్‌గా ఒక ప్రముఖ నటి నటించనున్నట్లు విశాల్ స్పష్టం చేశారు.
  
  దీన్ని విశాల్ ఫిలిం ఫ్యాక్టరీ పతాకంపై నిర్మించనున్నట్లు తెలిపారు. సండకోళి చిత్ర దర్శకుడు లింగుస్వామినే ఈ కొనసాగింపునకు దర్శకత్వం వహించనున్నారు. దర్శకుడు చెప్పిన కథ చాలా నచ్చిందని విశాల్ పేర్కొన్నారు. ఈ చిత్రం పూర్తి వివరాలను త్వరలో వెల్లడించనున్నట్లు చెప్పారు. ఈ చిత్రంలో కథానాయకిగా బాలీవుడ్ బ్యూటీ అలియూభట్ నటించే అవకాశం ఉన్నట్టు కోలీవుడ్ టాక్. అయితే దర్శకుడు లింగుస్వామి తమిళం, తెలుగు భాషల్లో ప్రాచుర్యం పొందిన నటి మాత్రమే ఉంటారని అంటున్నారు.
  
  దీంతో శ్రుతి హాసన్ పేరు వినిపిస్తోంది. ఇప్పటికే విశాల్, శృతిహాసన్ పూజై చిత్రంలో హిట్ పెరుుర్ పేరు తెచ్చుకున్నారు. అదే విధంగా విశాల్ చిత్రాలకు తమిళంతోపాటు తెలుగులోనూ మంచి మార్కెట్ ఉంది. అందువలన శ్రుతిహాసన్ మరోసారి విశాల్‌తో జతకట్టే అవకాశం ఉంది. ప్రస్తుతం విశాల్ సుందర్ సి దర్శకత్వంలో ఆంబళ చిత్రంలో నటిస్తున్నారు. తరువాత సుశీంద్రన్ దర్శకత్వంలో చిత్రం చేయడానికి రెడీ అవుతున్నారు. ఆ తరువాతనే లింగుస్వామితో చేసే చిత్రం ఉంటుందని సమాచారం.
  


 బిల్లా, ఆరంభం... ఇలా తమిళంలో అజిత్ హీరోగా నటిస్తున్న చిత్రాలు దాదాపు తెలుగులోకి అనువాదమవుతున్న విషయం తెలిసిందే. తాజాగా, మరో చిత్రం ద్వారా తెలుగు ప్రేక్షకులను అలరించనున్నారు అజిత్. మహారాజన్ దర్శకత్వంలో అజిత్, మీరా జాస్మిన్ జంటగా రూపొందిన ఓ తమిళ చిత్రాన్ని ఎస్. మురళీ రామనాధం తెలుగులోకి అనువదించారు.
 ఈ నెల రెండో వారంలో ఈ చిత్రాన్ని విడుదల చేయాలనుకుంటున్నారు. దీనికి ‘నే వస్తున్నా’ అనే టైటిల్‌ని ఖరారు చేశారు. వాణిజ్య అంశాలు మెండుగా ఉన్న చిత్రం ఇదనీ, అజిత్ చేసిన రిస్కీ పోరాటాలు, మీరా జాస్మిన్ అందచందాలు, అభినయం సినిమాకి ప్రత్యేక ఆకర్షణగా నిలుస్తాయని నిర్మాత తెలిపారు. ఇందులో ఉన్న ఐదు పాటలకూ మణిశర్మ అద్భుతమైన స్వరాలందించారని, శ్రీరాం రాసిన సంభాషణలు బాగుంటాయని కూడా అన్నారు. ఈ చిత్రానికి సహనిర్మాత: పరిటాల రాంబాబు.
  


  హీరోయిన్లు ఒక విషయం మినహా వేటి గురించి అయినా చకచకా, కామాలు, ఫుల్‌స్టాప్‌లు లేకుండా చెప్పేస్తుంటారు. ఆ ఒక్క విషయం అంటే వ్యక్తిగతం. ఈ అంశానికొచ్చేసరికి ముఖంలో రంగులు మారిపోతాయి. నటి మీరాజాస్మిన్ ఇందుకు అతీతం కాదు. ఈమె గత ఏడాది ఐటీ కంపెనీలో పనిచేసే అనిల్‌జాన్ అనే వ్యక్తిని వివాహం చేసుకున్నారు. వీరి వివాహం చట్టబద్ధం చేయడంలో సమస్యలు తలెత్తుతాయనే ప్రచారం హోరెత్తుతోంది. కారణం అనిల్‌జాన్‌కు ఇంతకుముందే వేరే యువతితో వివాహం జరిగిన విషయం తెల్సిందే.
  
  ఈ సమస్య తలకెక్కించుకోకుండా నటి మీరాజాస్మిన్ జాలీగా మళ్లీ నటనపై గమనం సారిస్తున్నారు. ప్రస్తుతం తమిళంలో విజ్ఞాని అనే చిత్రంలో నటిస్తున్నారు. దీని గురించి ఆమె మాట్లాడుతూ నటనకు అవకాశం ఉన్న పాత్ర కావడంతో విజ్ఞాని చిత్రంలో నటించడానికి అంగీకరించానన్నారు. ఈ చిత్రం చూడటానికి ఆసక్తిగా ఎదురుచూస్తున్నట్లు చెప్పారు. కాగా తన వివాహం చట్టబద్ధత వ్యవహారంలో సమస్య గురించి ప్రశ్నించగా దయచేసి ఆ విషయం గురించి మాత్రం అడక్కండి అంటూ దాటవేత ధోరణి అవలంభిస్తున్నారు.
  
  


  నటి మీరా జాస్మిన్ వివాహం నమోదుకు రిజిస్టర్ అధికారులు నో అనడం చర్చనీయాంశంగా మారింది. తమిళం, తెలుగు, మలయాళం, కన్నడం భాషలన్నింటిలోను ప్రముఖ హీరోయిన్‌గా వెలుగొందిన నటి మీరా జాస్మిన్. ఈమె వ్యక్తిగత జీవితం పలు మలుపులు తిరిగి చివరికి అనిల్ జాన్ అనే సాఫ్ట్‌వేర్ ఇంజనీర్‌తో ముడిపడింది. ప్రముఖ మాండలిన్ సంగీత కళాకారుడు రాజేష్‌తో మీరా జాస్మిన్ ప్రేమ పెళ్లి వరకు వెళ్లి ఆగిపోయింది. మీరాజాస్మిన్-అనిల్ జాన్‌ల వివాహం గత ఫిబ్రవరిలో కేరళ రాష్ట్రం తిరువనంతపురంలో ఉన్న చర్చిలో జరిగింది.
  
  అయితే వీరి వివాహాన్ని ప్రభుత్వ కార్పొరేషన్ అధికారులు నమోదు చేయలేదు. అందుకు కారణం అనిల్ జాన్‌కిది రెండో వివాహం అన్న సందేహమే. దీనిపై రిజిస్ట్రార్ ఆఫీసర్ ఒకరు మాట్లాడుతూ, ఇటీవల మీరాజాస్మిన్, అనిల్‌జాన్ తమ వివాహ నమోదు సమస్య గురించి అడగడానికి తమ కార్యాలయానికి వచ్చారని తెలిపారు. వివాహం జరిగిన 45 రోజుల తరువాత వివాహం నమోదు చేయడానికి వచ్చిన వారిని విచారించడం అన్నది సాధారణ విషయం అన్నారు.
  
  నటి మీరాజాస్మిన్ ప్రస్తుతం చిత్రాల్లో నటించడం లేదన్నారు. భర్తతో కలిసి దుబాయ్‌లో నివశిస్తున్న ఆమెను వివాహ నమోదు సమస్య గురించి ప్రశ్నించగా ఆమె ఎలాంటి బదులు ఇవ్వలేదని తెలిపారు. ఈ కారణంగానే వారి వివాహాన్ని చట్టబద్దంగా నమోదు చేయలేదనే అభిప్రాయాన్ని వ్యక్తం చేశారు. అనిల్ జాన్ ఇంతకు ముందు బెంగళూర్‌కు చెందిన ఒక యువతితో పెళ్లికి సిద్ధం అయ్యారని అయితే కొన్ని కారణాల వల్ల ఆ వివాహం ఆగిపోయింది.
  
  ఆ యువతి కుటుంబ సభ్యులు తమ వివాహాన్ని అడ్డుకునే ప్రయత్నం చేసే అవకాశం ఉందని పెళ్లి సమయంలో అనిల్ జాన్ పోలీసుల రక్షణ కోరారు. మరో విషయం ఏమిటంటే అనిల్ జాన్‌కు బెంగళూర్‌కు చెందిన యువతికి వివాహం అయినట్లు నటి మీరాజాస్మిన్, అనిల్ జాన్‌కు రెండో భార్య అనే విషయం ప్రచారంలో ఉంది.   
  


  అజిత్, మీరా జాస్మిన్ జంటగా తమిళంలో రూపొందిన ‘ఆంజనేయ’ చిత్రాన్ని ‘నే వస్తున్నా’ పేరుతో ఎస్. మురళీనాథన్ తెలుగులోకి విడుదల చేస్తున్నారు. అనువాద కార్యక్రమాలు పూర్తయ్యాయి. మణిశర్మ స్వరపరచిన పాటలను ఈ నెల రెండో వారంలో విడుదల చేయాలనుకుంటున్నారు. నిర్మాత మాట్లాడుతూ - ‘‘ఇందులో క్రమశిక్షణ గల పోలీస్ అధికారిగా అజిత్ నటించారు. మీరా జాస్మిన్‌ది కూడా నటనకు అవకాశం ఉన్న పాత్ర. కథానుసారం ఇందులో పదకొండు ఫైట్స్ ఉన్నాయి. దాదాపు అన్నీ రిస్కీ ఫైట్సే. వీటిని అజిత్ డూప్ లేకుండా చేశారు. ఈ సినిమా అన్ని వర్గాలవారిని ఆకట్టుకునే విధంగా ఉంటుంది’’ అన్నారు. ఈ చిత్రానికి మాటలు: శ్రీరామ్ .వై, సహనిర్మాత: పరిటాల రాంబాబు.
  


 తమిళంలో మంచి మాస్ హీరో అయిన అజిత్‌కు తెలుగునాట కూడా మంచి ఫాలోయింగ్ ఉంది. తాజాగా అజిత్ ‘నే వస్తున్నా’ అనే అనువాద చిత్రంతో తెలుగు ప్రేక్షకుల ముందుకు వస్తున్నారు. ఇందులో మీరాజాస్మిన్ కథానాయిక. ఎస్. మురళీ రామనాథన్ నిర్మాత. ఈ నెలాఖరున పాటలను, వచ్చే నెల మొదటి వారంలో చిత్రాన్ని విడుదల చేయాలనుకుంటున్నారు. నిర్మాత మాట్లాడుతూ -‘‘అజిత్ శక్తిమంతమైన పోలీసాఫీసర్‌గా నటించారు. ఈ చిత్రంలో ఉన్న పదకొండు ఫైట్స్ ప్రేక్షకులను థ్రిల్‌కి గురి చేస్తాయి. మణిశర్మ స్వరపరచిన ఆరు పాటలూ వినసొంపుగా ఉంటాయి. అజిత్ యాక్షన్, మీరాజాస్మిన్ అభినయం ఈ సినిమాకి హైలైట్‌గా నిలుస్తాయి’’ అని చెప్పారు. ఈ చిత్రానికి మాటలు: శ్రీరామ్ .వై, సహనిర్మాత: పరిటాల రాంబాబు, దర్శకత్వం: ఎన్. మహరాజన్.
  


  మీరా జాస్మిన్ జీవితం ఓ కొత్త మలుపు తీసుకుంది. ఎన్నో తియ్యని కలలతో అనిల్ జాన్ టైటస్ చెయ్యి పట్టుకుని ఆ మలుపులోకి అడుగుపెట్టారు మీరా. దక్షిణాది భాషల్లో ఆమె పలు చిత్రాల్లో నటించి, మంచి గుర్తింపు తెచ్చుకున్న విషయం తెలిసిందే. సినిమా తారల మీద వచ్చే సహజమైన వదంతులే మీరా గురించి వచ్చాయి. వాటిలో మాండలిన్ రాజేష్‌ని ఆమె పెళ్లి చేసుకున్నారనే వార్త ఒకటి. అయితే, ఈ వార్తలో నిజం లేదని మీరా చెప్పినా, చాలామంది నమ్మలేదు. ఇప్పుడు నమ్మే సమయం ఆసన్నమైంది. ఎందుకంటే, అనిల్ జాన్ టైటస్‌తో ఆమె వివాహం బుధవారం తిరువనంతపురంలోని పాలయం కోట్టయ్‌లో గల ఎల్‌ఎంఎస్ చర్చిలో జరిగింది. 
  
  ఈ ఇద్దరూ కుటుంబ సభ్యులు, అత్యంత సన్నిహితుల సమక్షంలో ఉంగరాలు మార్చుకున్నారు. పోలీసుల భద్రత మధ్య ఈ పెళ్లి జరిగింది. కాగా, గతంలో అనిల్ ఓ యువతిని పెళ్లి చేసుకోవాలని అనుకున్నారట. ప్రస్తుతం ఆ యువతి, ఆమె తండ్రి అనిల్-మీరాల పెళ్లి విషయంలో రచ్చ చేయడానికి ప్రయత్నించారట. మీరాని బెదిరించిందట కూడా. ఈ కారణంగా కోర్టు ద్వారా పోలీస్ ప్రొటెక్షన్ కోరారు అనిల్. ఆయన విన్నపాన్ని పరిశీలించిన మీద రక్షణ కల్పించింది. పెళ్లి తర్వాత కొన్ని మీరా రోజులు బ్రేక్ తీసుకున్నా సినిమాలకు ఫుల్‌స్టాప్ పెట్టాలనుకోవడంలేదు.
  


 మాంగల్యం తంతునానేనా మమ జీవన హేతునా. ఈ సంప్రదాయ బద్దమయిన ఈ వేదమంత్రాల కోసం యువత ఎదురు చూస్తుంటుంది. అలాంటి ఘడియలు నటి మీరా జాస్మిన్‌కు వచ్చాయి. తమిళం, తెలుగు, మలయాళం, కన్నడం తదితర దక్షిణాది భాషలన్నింటిలోనూ మంచి నటిగా గుర్తింపు పొందిన నటి మీరా జాస్మిన్. ఈమె గురించి ఇంతకు ముందు పలు రకాల వదంతులు ప్రచారం అయ్యాయి. ప్రముఖ సంగీత విద్వాంసుడు మాండోలిన్ శ్రీనివాస్‌తో ప్రేమాయణం అంటూ వీరిద్దరూ సహజీవనం చేస్తున్నారంటూ రకరకాల ప్రచారం జరిగింది. 
  
  ఈమెకు దుబాయ్‌కు చెందిన సాఫ్ట్‌వేర్ ఇంజనీర్ అనిల్ జాన్ టైటస్‌తో తిరువనంతపురంలోని పాలయంకోట్టైలో గల ఎల్‌ఎంస్ చర్చిలో వివాహం జరిగింది. మీరాజాస్మిన్ అనిల్ జాన్ టైటస్ సోమవారం రాత్రి 8.30 గంటలకు చట్టబద్ధంగా భార్యాభర్తలయ్యారు. రిజిస్టర్ అధికారి ఒకరు కొచ్చిలోని మీరాజాస్మిన్ ఇంటికి వచ్చి మీరాజాస్మిన్, అనిల్ జాన్ టైటస్‌ల సంతకాలను రిజిస్టర్‌లో పొందుపరిచారు. అదే సమయంలో ఇద్దరు పూలదండలు మార్చుకున్నారు. ఈ కార్యక్రమంలో ఇరు కుటుంబాలకు చెందిన అతి ముఖ్యమైన వారు మాత్రమే పాల్గొన్నారు. మీరా జాస్మిన్ వివాహానంతరం నటించనున్నారట. 
  


 ఇది కథానాయికల పెళ్లి సీజన్‌లా ఉంది. మొన్నేమో వీణామాలిక్, నిన్నేమో సమీరారెడ్డి పెళ్లి వార్తలు తెలిశాయి. లేటెస్ట్‌గా ఈ జాబితాలో మీరా జాస్మిన్  చేరారు. ఆమెకు పెళ్లి కుదిరింది. కేరళకు చెందిన మీరా మలయాళంతో పాటు తెలుగు, తమిళ భాషల్లో కూడా పాపులార్టీ సంపాదించుకున్నారు. తెలుగులో ఆమె భద్ర, గుడుంబా శంకర్, మహారథి, అఆఇఈ తదితర చిత్రాల్లో నటించారు. ‘మాండలిన్’ రాజేష్‌తో మీరా ప్రేమాయణం సాగిస్తుందనే వార్తలు అప్పట్లో బాగా షికారు చేశాయి. అయితే... అలాంటిదేమీ లేదని మీరా ఎప్పటికప్పుడు ఖండిస్తూ వచ్చారు. ఇటీవలే మీరాకు దుబాయ్‌కి చెందిన సాఫ్ట్‌వేర్ ఇంజినీర్ అనిల్ జానీ టైటస్‌తో పెళ్లి ఖరారయ్యింది. ఓ మ్యారేజ్ బ్యూరో ద్వారా ఈ పెళ్లి కుదిరిందని సమాచారం. ఫిబ్రవరి 12న కేరళలోని పాలయమ్‌లో గల ఓ చర్చిలో వీరి పెళ్లి జరగనుంది. అనంతరం ఎడపళంజి ఆడిటోరియంలో రిసె ప్షన్ జరగనుంది. ప్రస్తుతం మీరా మలయాళంలో ‘ఒన్నుమ్ మిండాదే’ సినిమా చేస్తున్నారు.
  


 ప్రేమ అనే పదానికి అక్షరాలు రెండే. కాని భావాలెన్నో. ప్రేమ పవిత్రమైందంటారు కొందరు. కాదు గుడ్డిదంటారు ఇంకొందరు. ఇక సినిమా రంగం విషయానికొస్తే అసలు ప్రేమకు అర్థం ఏమిటో ఎవరూ చెప్పలేకపోవచ్చు. ఇక్కడ ఎవరు ఎప్పుడు ఎవరితో ప్రేమలో పడతారో, ఎప్పుడు బ్రేక్ అప్ అంటారో అర్థంకాని పరిస్థితి. 
  
  భావన..
  భావన ఒక దర్శకుడి ప్రేమలో పడ్డారు. తొలుత ఈ ప్రేమ మధురంగానే అనిపించినా ఆ తరువాత చేదు అనుభవన్నే మిగిల్చింది. ఆమె ఎవరితో మాట్లాడరాదనే ఆంక్షలు విధించాడు. చివరకు సెల్‌ఫోన్‌ను కూడా లాక్కున్నాడు. ఆ కఠిన నిబంధనల చెరను భావన భరించలేకపోయింది. ఆ ప్రేమ అనే బంధం నుంచి బయటపడగలిగింది. 
  
  మీరాజాస్మిన్..
  ఈమె బహుభాషా నటి. ఈ కేరళ కుట్టి కూడా తొలుత ఒక దర్శకుడితో ప్రేమాయణం సాగించింది. ఆ తరువాత ఒక రాజకీయ నాయకుడి లవ్‌లో పడినట్లు పుకార్లు షికార్లు చేశారు. ఆ మధ్య మాండలిన్ రాజేష్‌తో ప్రేమ వ్యవహారం సాగించారు. వీరిద్దరూ పెళ్లి పీటలెక్కనున్నట్లు వార్తలు వెలువడ్డాయి. ఆ తరువాత లవ్ బ్రేక్ అప్ అంటూ వార్తలు వెలువడ్డాయి. తాజాగా ఇద్దరూ సహ జీవనం చేస్తున్నారనే ప్రచారం జరుగుతోంది.
  
  నయనతార..
  మోస్ట్ క్రేజియస్ట్ హీరోయిన్ ఈ బ్యూటీ. సంచలనాలకు కేంద్ర బిందువని కూడా చెప్పవచ్చు. మొదట నటుడు శింబు ప్రేమలో పడ్డారు. వీరి రొమాన్స్ ఫొటోలు ఇంటర్నెట్‌లో కలకలం సృష్టించాయి. వీరిద్దరూ పెళ్లి చేసుకోనున్నారని ప్రచారం సాగింది. చివరకు వీరి ప్రేమ పెటాకులైంది. విల్లు చిత్ర షూటింగ్ సమయంలో ఆ చిత్ర దర్శకుడు ప్రభుదేవాతో నయనతార ప్రేమాయణం సాగించారు. సుమారు రెండేళ్లు సాగిన వీరి ప్రేమ పెళ్లి ఖాయం అనే స్థాయికి చేరుకుంది. నయనతార ప్రేమకోసం మతాన్ని కూడా మార్చుకున్నారు.
  
   నటనకు స్వస్తి చెప్పారు. అయినా వీరి ప్రేమకు ఫుల్‌స్టాప్ పడింది. ప్రస్తుతం నటుడు ఆర్య మోజులో ఉన్నట్లు సమాచారం. ఆర్య మాత్రం అలాంటిదేమీ లేదని ఖండించారు. ఇక నటి ఆండ్రియా, యువ సంగీత దర్శకుడు అనిరుధ్‌తో రసవత్తర ప్రేమ సన్నివేశాలు ఇంటర్నెట్‌లో దర్శనమిచ్చి సంచలనం సృష్టించిన విషయం తెలిసిందే. ఏ విషయంలోనయినా డోంట్ కేర్ అన్నట్లుగా ప్రవర్తించే ఆండ్రియా ఒకప్పుడు తాను, అనిరుధ్ ప్రేమించుకున్న ప్రేమ విషయం నిజమే. 
  
  ఇప్పుడు తమ మధ్య అదేంలేదని సెలవిస్తోంది. రిచా గంగోపాధ్యాయ తమిళంలో ఒస్తి, మయక్కం ఎన్న చిత్రాలలో నటించింది. ఈమె ఆదిలోనే ఒక ఫొటోగ్రాఫర్‌తో ప్రేమాయణం సాగించింది. ఆ ప్రేమ వికటించింది. తమిళం, తెలుగు భాషలలో మంచి స్థానం కోసం తాపత్రయ పడుతున్న నటి తాప్సి. ఈ జాన ప్రేమ వ్యవహారంలో నెరజాణే. నటుడు మహత్‌తో ప్రేమ వ్యవహారం వెలుగులోకి వచ్చింది.  ఈ అమ్మడి ప్రేమ కోసం ఇద్దరు యువకులు ముష్టియుద్ధానికి దిగినట్టు వార్తలు వచ్చాయి. ఈ ప్రేమ వ్యవహారాన్ని తాప్సీ ఖండించారనుకోండి. ఏది ఏమై నా ప్రేమను ఇప్పు డు తమ పరిస్థితులకనుగుణంగా మా ర్చుకుంటున్నారని చెప్పక తప్పదు.