క్రమశిక్షణ గల పోలీస్ అధికారిగా...

 అజిత్, మీరా జాస్మిన్ జంటగా తమిళంలో రూపొందిన ‘ఆంజనేయ’ చిత్రాన్ని ‘నే వస్తున్నా’ పేరుతో ఎస్. మురళీనాథన్ తెలుగులోకి విడుదల చేస్తున్నారు. అనువాద కార్యక్రమాలు పూర్తయ్యాయి. మణిశర్మ స్వరపరచిన పాటలను ఈ నెల రెండో వారంలో విడుదల చేయాలనుకుంటున్నారు. నిర్మాత మాట్లాడుతూ - ‘‘ఇందులో క్రమశిక్షణ గల పోలీస్ అధికారిగా అజిత్ నటించారు. మీరా జాస్మిన్‌ది కూడా నటనకు అవకాశం ఉన్న పాత్ర. కథానుసారం ఇందులో పదకొండు ఫైట్స్ ఉన్నాయి. దాదాపు అన్నీ రిస్కీ ఫైట్సే. వీటిని అజిత్ డూప్ లేకుండా చేశారు. ఈ సినిమా అన్ని వర్గాలవారిని ఆకట్టుకునే విధంగా ఉంటుంది’’ అన్నారు. ఈ చిత్రానికి మాటలు: శ్రీరామ్ .వై, సహనిర్మాత: పరిటాల రాంబాబు.