పిల్లలతో ఇవేం ఆటలు.. నటికి క్లాస్‌

Kim Kardashian Posts video of daughter Chicago holding a snake - Sakshi

‘ఇదేం పెంపకం. పిల్లలతో ఇలాంటి ప్రమాదకరమైన ఆటలా.. ఇది బాధ్యతారాహిత్యం’ అంటూ నెటిజన్లు..  ప్రముఖ హాలీవుడ్‌ టీవీ సెలబ్రెటీ కిమ్‌ కర్దాషియన్‌కు క్లాస్‌ తీసుకుంటున్నారు. తాజాగా కిమ్‌ కర్దాషియన్‌ తన కూతురు షికాగో వెస్ట్‌ పాముతో ఆడుకుంటున్న వీడియోను పోస్టు చేశారు. ఏమాత్రం భయపడకుండా అరుదైన స్నేక్‌తో ఆ చిన్నారి ఆడుకుంటున్న వీడియో వెంటనే వైరల్‌ అయింది. ‘మై బ్రేవ్‌ గర్ల్‌ షికాగో’ అంటూ ఆమె పోస్టు చేసిన ఈ వీడియోకు కామెంట్లు వెల్లువెత్తాయి.  ‘షికాగో చాలా అల్లరి పిల్ల. ఆమె ముఖాన్ని చూడండి. పాము తలను ఎలా చూస్తుందో. ఓ మై గాడ్‌. ఐ లవ్‌ మై బ్రేవ్‌ గర్ల్‌’ అంటూ కిమ్‌ సోదరి ఖ్లోయి కర్దాషియన్‌ ఈ వీడియోపై కామెంట్‌ చేశారు. 

అయితే, తెలిసితెలియని చిన్నారి అయిన షికాగో చేతికి పామునిచ్చి ఆటలు ఆడించడాన్ని నెటిజన్లు తప్పుబడుతున్నారు. పిల్లలకు ఏవి విషపూరితమైన పాములో, ఏవి కావో అన్నది తెలియదని, వారితో ఇలాంటి ఆటలు ఆడించడం ప్రమాదకరమని నెటిజన్లు కిమ్‌ తీరుపై మండిపడుతున్నారు. పాములు కూడా ప్రాణమున్న జీవులేనని, వాటిని ఆటవస్తువులుగా పిల్లల చేతికి ఇవ్వడం తప్పని పలువురు అభిప్రాయపడుతున్నారు. 

Read latest Movies News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top