TV
రోడ్డు ప్రమాదంలో గాయపడ్డ వైఎస్ఆర్ సీపీ నేత దుర్గా ప్రసాదరాజును పార్టీ అధ్యక్షుడు వైఎస్ జగన్ మోహన్ రెడ్డి పరామర్శించారు.
హైదరాబాద్ : రోడ్డు ప్రమాదంలో గాయపడ్డ వైఎస్ఆర్ సీపీ నేత దుర్గా ప్రసాదరాజును పార్టీ అధ్యక్షుడు వైఎస్ జగన్ మోహన్ రెడ్డి పరామర్శించారు. వైఎస్ జగన్ గురువారం హైదరాబాద్ లోని దుర్గాప్రసాదరాజు నివాసానికి వెళ్లారు. ఈ సందర్భంగా ఆయన ఆరోగ్యం గురించి అడిగి తెలుసుకున్నారు. త్వరగా కోలుకోవాలని ఆకాంక్షించారు. వైఎస్ జగన్ తో పాటు ఎంపీ మిథున్ రెడ్డి, ఆది శేషగిరిరావు ఉన్నారు. కాగా మూడు రోజుల క్రితం రోడ్డు ప్రమాదంలో దుర్గా ప్రసాదరాజు గాయపడిన విషయం తెలిసిందే.
