జంటనగరాల్లో 15 ప్రమాదాలు, ఇద్దరి మృతి

హైదరాబాద్ : హైదరాబాద్‌ పోలీసులు ఎన్ని చర్యలు తీసుకున్నా...ఎన్ని నిబంధనలు విధించినా న్యూ ఇయర్‌ వేడుకల్లో ప్రమాదాలు మాత్రం ఆగటం లేదు. ఈ సారి కూడా జంటనగరాల్లో మొత్తం 15  రోడ్డు ప్రమాదాలు జరిగాయి. వేర్వేరు ఘటనల్లో ఇద్దరు యువకులు ప్రాణాలు కోల్పోయారు.  జూబ్లీహిల్స్‌ చెక్‌ పోస్ట్‌ వద్ద చెట్టును బైక్‌ ఢీ కొట్టడంతో ఒకరు మృతి చెందారు.

సికింద్రాబాద్‌లో డివైడర్‌ను బైక్‌ ఢీ కొట్టడంతో మరొకరు ప్రాణాలు కోల్పోయారు. మరికొన్ని ప్రమాదాల్లో పలువురు గాయపడ్డారు.   పోలీసులు డ్రంకన్‌ డ్రైవ్‌ నిర్వహించి మందుబాబుల జోరుకు మూకుతాడు వేశారు. 400 మందిపై కేసు నమోదు చేసిన పోలీసులు 400 వాహనాల్ని స్వాధీనం చేసుకున్నారు.