పాఠశాలల ప్రహరీలకు రూ. 1.50 కోట్లు

ఎమ్మిగనూరురూరల్:  జిల్లాలో రూ. 1.50 కోట్లతో 18 పాఠశాలల్లో ప్రహరీలు నిర్మిస్త్నుట్లు సర్వశిక్షాభియాన్‌ ప్రాజెక్ట్‌ అఫీసర్‌ రామచంద్రారెడ్డి  పేర్కొన్నారు. శుక్రవారం స్థానిక మండల రిసోర్స్‌ పర్సన్‌ కార్యాలయాన్ని సందర్శించారు. సీఆర్‌పీల పనితీరును అడిగి తెలుసుకున్నారు. ఈ సందర్భంగా ఆయన మాట్లాడుతూ.. 2015–16 సంవత్సరానికి 653 పాఠశాలల అదనపు గదులు మంజూరు కాగా 97 శాతం నిర్మాణాలు పూర్తి చేసినట్లు తెలిపారు. అలాగే 77 పాఠశాలల్లో  మరమ్మతులు చేయించనున్నట్లు చెప్పారు. మరుగుదొడ్లను శుభ్రం చేయటానికి  ఎంపీపీ స్కూల్స్‌కు రూ. 2 వేలు, ఎంపీయూపీ స్కూల్స్‌కు రూ.2500లు, హైస్కూల్స్‌కు రూ. 4 వేలు ఇస్తున్నట్లు తెలిపారు.