సబ్‌ప్లాన్ నిధులు సద్వినియోగం చేయాలి

గుంటూరు,న్యూస్‌లైన్: సబ్‌ప్లాన్,ఉపాధి హామీ నిధులను సక్రమంగా వినియోగించుకుని దళిత, గిరిజన ప్రాంతాల్లో మౌలిక వసతులు మెరుగుపర్చుకోవాలని సాంఘిక సంక్షేమశాఖ డి.డి హనుమంతు కోరారు. దళిత బహుజన ఫ్రంట్ ఆధ్వర్యంలో స్థానిక సోషల్ వెల్ఫేర్ కాన్ఫరెన్స్ హాలులో శనివారం ఁపంచాయతీ పాలనపై ప్రజాప్రతినిధుల అవగాహన సదస్సురూ. జరిగింది. ఈ సదస్సులో హనుమంతు మాట్లాడుతూ సామాజిక భద్రత పింఛన్లు అందించేందుకు సర్పంచ్‌లు గ్రామసభలు నిర్వహించాలని సూచించారు. గ్రామాల్లో అర్హులైన వారందరికి సామాజిక భద్రత పింఛన్లు అందించేందుకు సర్పంచ్‌లు తోడ్పడాలని కోరారు.  ఎస్సీ కార్పొరేషన్ ఇ.డి పులిపాక రాణి మాట్లాడుతూ దళితులను పారిశ్రామికంగా అభివృద్ధి చేయడానికి ప్రభుత్వం కృషి చేస్తోందన్నారు. గ్రామాల్లో బాల్యవివాహాలు జరగకుండా చూడాలని సూచించారు. అవగాహన సదస్సులో ముఖ్యఅతిథిగా పాల్గొన్న డీబీఎఫ్ రాష్ట్ర అధ్యక్షుడు వినయకుమార్ మాట్లాడుతూ దళిత బహుజన సర్పంచ్‌లు స్వేచ్ఛగా, స్వతంత్రంగా పనిచేసి గ్రామాలను అభివృద్ధి వైపు నడిపించాలని కోరారు.