మారెమ్మ యూనిట్‌ సందడి

చౌటుప్పల్‌, భువనగిరి: చౌటుప్పల్‌, భువనగిరి పట్టణాల్లో మారెమ్మ సినిమా యూనిట్‌ గురువారం సందడి చేసింది. ఆయా పట్టణాల్లో శ్రీనివాస, వసుంధర థియేటర్లలో ఆ సినిమాను హీరోయిన్‌ దీపాబాలు.. యూనిట్‌ సభ్యులు ..ప్రేక్షకులతో కలిసి తిలకించారు. వారితో మాట్లాడారు. హీరోయిన్‌ను చూసేందుకు స్థానికులు పెద్ద సంఖ్యలో తరలివచ్చారు. సినిమా యూనిట్‌తో సెల్ఫీలు తీసుకోవడానికి ఆసక్తి చూపారు. ఈ సందర్భంగా హీరోయిన్‌ దీపా బాలు, బండారు సుభాష్‌రెడ్డి, ఇతర సభ్యులు కున్‌రెడ్డి, సందీప్‌రెడ్డిలు మాట్లాడారు. పల్లెప్రజల జీవన విధానం, ఆచార వ్యవహారాలు సినిమాలో మలచిన విధానం ఎంతో బాగుందని ప్రేక్షకులు చెబుతున్నారని వారు తెలిపారు.