విజయమే లక్ష్యంగా డీసీ, కేకేఆర్‌ జట్ల ప్రాక్టీస్‌

నెట్‌ ప్రాక్టీస్‌లో డీసీ, కేకేఆర్‌ జట్ల క్రీడాకారులు

విశాఖ స్పోర్ట్స్‌: ఆతిధ్య జట్టుకు అచ్చివచ్చిన స్టేడియంలో ఢిల్లీ క్యాపిటల్స్‌ (డీసీ) మరో విజయానికి సిద్ధపడుతుండగా... కోల్‌కతా నైట్‌రైడర్స్‌ (కేకేఆర్‌) హ్యాట్రిక్‌ సాధించాలనే పట్టుదలతో విశాఖలోని వైఎస్సార్‌ స్టేడియంలో సోమవారం రాత్రి ప్రాక్టీస్‌ చేశాయి. వరుసగా రెండు మ్యాచ్‌ల్లో పరాజయం పాలైన డీసీ వైఎస్సార్‌ స్టేడియంలో సీఎస్‌కే మ్యాచ్‌లో విజయం సాధించింది. బుధవారం ఆడే రెండో మ్యాచ్‌లోనూ విజయం సాధించేందుకు శ్రమిస్తోంది.

మంగళవారం కూడా ఇరుజట్లు ప్రాక్టీస్‌ చేయనున్నాయి. ఇరుజట్ల మధ్య పోరు బుధవారం రాత్రి ఏడున్నర గంటలకు మ్యాచ్‌ జరగనుంది. శ్రేయాస్‌ అయ్యర్‌ సారధ్యంలో కేకేఆర్‌ జట్టు పోటీకి సిద్ధపడుతుండగా ఓపెనర్లుగా ఫిల్‌, నరేన్‌లుతో పాటు వెంకటేష్‌ అయ్యర్‌ సైతం విజయమే లక్ష్యంగా ప్రాక్టిస్‌ చేస్తున్నారు. ప్రమాదం నుంచి కోలుకొని సీఎస్‌కే మ్యాచ్‌లో అర్ధసెంచరీతో రాణించడమే కాకుండా జట్టును విజయపథంలో నడిపిన రిషబ్‌ పంత్‌ తన ఫామ్‌ను కొనసాగించేందుకు శ్రమిస్తున్నాడు. ఇలా ఇరు జట్లు ఆత్మవిశ్వాసంతో మరోసారి విశాఖ క్రీడాభిమానులను అలరించేందుకు సిద్ధమవుతున్నాయి.

1/1