‘సన్‌’ సత్తా సరిపోలేదు 

SRH vs KKR IPL 2021: Kolkata Knight Riders Beat SRH By 10 Runs - Sakshi

కోల్‌కతా నైట్‌రైడర్స్‌ చేతిలో 10 పరుగుల తేడాతో హైదరాబాద్‌ ఓటమి

బెయిర్‌స్టో, పాండే పోరాటం వృథా

రాణించిన రాణా, రాహుల్‌ త్రిపాఠి  

భారీ లక్ష్యాన్ని ఛేదించాలంటే ఓపెనర్లు శుభారంభం ఇవ్వాలి. మిడిల్‌ ఆర్డర్‌ నిలకడ చూపాలి. చివర్లో ధనాధన్‌ షాట్లు ఆడాలి. కానీ సన్‌రైజర్స్‌ హైదరాబాద్‌ విషయంలో అలా జరగలేదు. ఓపెనర్లు విఫలం కాగా... మిడిల్‌ ఆర్డర్‌లో బెయిర్‌స్టో, మనీశ్‌ పాండే పోరాడి సన్‌రైజర్స్‌ హైదరాబాద్‌ను లక్ష్యం దిశగా నడిపించారు. అయితే బెయిర్‌స్టో అవుటయ్యాక వచ్చిన బ్యాట్స్‌మెన్‌ ఆశించినస్థాయిలో దూకుడుగా ఆడలేకపోవడంతో హైదరాబాద్‌ విజయానికి దూరమైపోయింది. చివర్లో కట్టుదిట్టంగా బౌలింగ్‌ చేసిన కోల్‌కతా నైట్‌రైడర్స్‌ 10 పరుగుల తేడాతో విజయాన్ని అందుకొని గెలుపు బోణీ చేసింది.   

చెన్నై: గత ఐదు సీజన్‌లలో నిలకడగా ఆడుతున్న సన్‌రైజర్స్‌ హైదరాబాద్‌ జట్టుకు ఈసారి శుభారంభం లభించలేదు. ఆదివారం జరిగిన మ్యాచ్‌లో వార్నర్‌ బృందం 10 పరుగుల తేడాతో కోల్‌కతా నైట్‌రైడర్స్‌ (కేకేఆర్‌) చేతిలో ఓడింది. తొలుత బ్యాటింగ్‌ చేసిన కేకేఆర్‌ 20 ఓవర్లలో 6 వికెట్లకు 187 పరుగులు సాధించింది. నితీశ్‌ రాణా (56 బంతుల్లో 80; 9 ఫోర్లు, 4 సిక్స్‌లు), రాహుల్‌ త్రిపాఠి (29 బంతుల్లో 53; 5 ఫోర్లు 2 సిక్స్‌లు) మెరుపులు మెరిపించారు. రషీద్‌ ఖాన్, నబీ చెరో రెండు వికెట్లు తీశారు. అనంతరం హైదరాబాద్‌ 20 ఓవర్లలో 5 వికెట్లకు 177 పరుగులు చేసి పరాజయం పాలైంది. మనీశ్‌ పాండే (44 బంతుల్లో 61 నాటౌట్‌; 2 ఫోర్లు, 3 సిక్స్‌లు), బెయిర్‌స్టో (40 బంతుల్లో 55; 5 ఫోర్లు, 3 సిక్స్‌లు) అర్ధ సెంచరీలతో పోరాడినా హైదరాబాద్‌ను విజయతీరానికి చేర్చలేకపోయారు. కోల్‌కతా బౌలర్లలో ప్రసిధ్‌ కృష్ణ రెండు వికెట్లు తీయగా... కీలకమైన బెయిర్‌స్టో వికెట్‌ను కమిన్స్‌ దక్కించుకొని తమ జట్టు విజయంలో కీలకపాత్ర పోషించాడు. 


మనీశ్‌ పాండే

వార్నర్‌ విఫలం... 
భారీ లక్ష్య ఛేదనలో హైదరాబాద్‌కు ఆరంభంలోనే దెబ్బ పడింది. హర్భజన్‌ వేసిన తొలి ఓవర్‌ నాలుగో బంతికి వార్నర్‌ ఇచ్చిన క్యాచ్‌ను కమిన్స్‌ జారవిడిచాడు. అయితే వార్నర్‌ ఈ అవకాశాన్ని సద్వినియోగం చేసుకోలేదు. ఇన్నింగ్స్‌ రెండో ఓవర్లో ప్రసిధ్‌ కృష్ణ బౌలింగ్‌లో వార్నర్‌ (3) కీపర్‌ దినేశ్‌ కార్తీక్‌కు క్యాచ్‌ ఇచ్చి పెవిలియన్‌ చేరాడు. సిక్స్‌ కొట్టి జోరు మీదున్నట్లు కనిపించిన మరో ఓపెనర్‌ వృద్ధిమాన్‌ సాహా (7) షకీబ్‌ బౌలింగ్‌లో బౌల్డ్‌ అయ్యాడు. దాంతో హైదరాబాద్‌ 10 పరుగులకే రెండు వికెట్లు కోల్పోయి కష్టాల్లో పడింది. ఈ తరుణంలో జతకట్టిన బెయిర్‌స్టో, మనీశ్‌ పాండేలు క్రీజులో కుదురుకున్నాక స్వేచ్ఛగా షాట్లు ఆడారు. ముఖ్యంగా బెయిర్‌స్టో సిక్సర్లు, ఫోర్లతో విరుచుకుపడ్డాడు. వరుణ్‌ బౌలింగ్‌లో సిక్సర్‌ కొట్టిన బెయిర్‌స్టో 32 బంతుల్లో అర్ధ సెంచరీ పూర్తి చేసుకున్నాడు.


వార్నర్‌ను అవుట్‌ చేశాక ప్రసిద్‌ కృష్ణ సంబరం

అయితే 13వ ఓవర్‌ వేయడానికి వచ్చిన కమిన్స్‌ మ్యాచ్‌ గతిని మార్చేశాడు. ఆ ఓవర్‌ తొలి 5 బంతుల్లో కేవలం రెండు పరుగులు మాత్రమే రావడంతో ఒత్తిడికి గురైన బెయిర్‌స్టో చివరి బంతిని బ్యాక్‌వర్డ్‌ పాయింట్‌లోకి ఆడగా... అక్కడే ఉన్న నితీశ్‌ రాణా ఒడిసి పట్టుకున్నాడు. దాంతో 92 పరుగుల మూడో వికెట్‌ భాగస్వామ్యానికి తెర పడింది. పాండే అడపాదడపా షాట్లు ఆడుతూ 37 బంతుల్లో హాఫ్‌ సెంచరీని పూర్తి చేసుకున్నాడు. నబీ (11 బంతుల్లో 14; 2 ఫోర్లు), విజయ్‌ శంకర్‌ (7 బంతుల్లో 11; సిక్స్‌) ఎక్కువసేపు క్రీజులో నిలబడలేదు. చివర్లో అబ్దుల్‌ సమద్‌ (8 బంతుల్లో 19 నాటౌట్‌; 2 సిక్స్‌లు) దూకుడుగా ఆడాడు. హైదరాబాద్‌ విజయానికి చివరి ఓవర్లో 22 పరుగులు అవసరం కాగా...  రసెల్‌ వేసిన ఈ ఓవర్‌లో సమద్, పాండే భారీ షాట్‌లు ఆడలేకపోవడంతో హైదరాబాద్‌ 11 పరుగులే రాబట్టగలిగింది.  

రాణా జోరు... 
అంతకుముందు కోల్‌కతా జట్టుకు ఓపెనర్లు గిల్‌ (15), నితీశ్‌ రాణా మెరుపు ఆరంభాన్నిచ్చారు. సందీప్‌ శర్మ వేసిన ఇన్నింగ్స్‌ నాలుగో ఓవర్‌లో రాణా రెచ్చిపోయాడు. వరుసగా మూడు ఫోర్లు కొట్టాడు. పవర్‌ప్లే ముగిసేసరికి కేకేఆర్‌ 50/0గా నిలిచింది. ప్రమాదకరంగా మారుతున్న ఈ జోడిని రషీద్‌ ఖాన్‌ విడదీశాడు. ఈ దశలో క్రీజులోకొచ్చిన రాహుల్‌ త్రిపాఠి... రాణాతో కలిసి జట్టును ముందుకు నడిపించాడు. త్రిపాఠి–రాణా జంట రెండో వికెట్‌కు 50 బంతుల్లో 93 పరుగులు జోడించింది. ఆ తర్వాత కూడా రాణా కొన్ని చూడచక్కని షాట్లు ఆడాడు. సెంచరీ వైపు దూసుకెళ్తున్న రాణాను నబీ పెవిలియన్‌కు చేర్చాడు. చివర్లో దినేశ్‌ కార్తిక్‌ (9 బంతుల్లో 22; 2 ఫోర్లు, 1 సిక్స్‌) మినహా రసెల్‌ (5), కెప్టెన్‌ మోర్గాన్‌ (2), షకీబుల్‌ హసన్‌ (3) విఫలమయ్యారు. దాంతో కోల్‌కతా 41 పరుగుల వ్యవధిలో 5 వికెట్లను కోల్పోయి 200 మార్కును అందుకోలేకపోయింది.   

స్కోరు వివరాలు 
కోల్‌కతా నైట్‌రైడర్స్‌ ఇన్నింగ్స్‌: నితీశ్‌ రాణా (సి) శంకర్‌ (బి) నబీ 80; గిల్‌ (బి) రషీద్‌ ఖాన్‌ 15; త్రిపాఠి (సి) సాహా (బి) నటరాజన్‌ 53; రసెల్‌ (సి) పాండే (బి) రషీద్‌ ఖాన్‌ 5; మోర్గాన్‌ (సి) సమద్‌ (బి) నబీ 2; దినేశ్‌ కార్తీక్‌ (నాటౌట్‌) 22; షకీబ్‌ (సి) సమద్‌ (బి) భువనేశ్వర్‌ 3; ఎక్స్‌ట్రాలు 7; మొత్తం (20 ఓవర్లలో 6 వికెట్లకు) 187. వికెట్ల పతనం: 1–53, 2–146, 3–157, 4–160, 5–160, 6–187.బౌలింగ్‌: భువనేశ్వర్‌ 4–0–45–1, సందీప్‌ శర్మ 3–0–35–0, నటరాజన్‌ 4–0–37–1, నబీ 4–0–32–2, రషీద్‌ ఖాన్‌ 4–0–24–2, విజయ్‌ శంకర్‌ 1–0–14–0. 
సన్‌రైజర్స్‌ హెదరాబాద్‌ ఇన్నింగ్స్‌: సాహా (బి) షకీబ్‌ 7; వార్నర్‌ (సి) దినేశ్‌ కార్తీక్‌ (బి) ప్రసిధ్‌ కృష్ణ 3; మనీశ్‌ పాండే (నాటౌట్‌) 61; బెయిర్‌స్టో (సి) నితీశ్‌ రాణా (బి) కమిన్స్‌ 55; నబీ (సి) మోర్గాన్‌ (బి) ప్రసిధ్‌ కృష్ణ 14; విజయ్‌ శంకర్‌ (సి) మోర్గాన్‌ (బి) రసెల్‌ 11; సమద్‌ (నాటౌట్‌) 19; ఎక్స్‌ట్రాలు 7; మొత్తం (20 ఓవర్లలో 5 వికెట్లకు) 177. వికెట్ల పతనం: 1–10, 2–10, 3–102, 4–131, 5–150. బౌలింగ్‌: హర్భజన్‌ సింగ్‌ 1–0–8–0, ప్రసిధ్‌ కృష్ణ 4–0–35–2, షకీబ్‌ 4–0–34–1, కమిన్స్‌ 4–0–30–1, రసెల్‌ 3–0–32–1, వరుణ్‌ చక్రవర్తి 4–0–36–0.   

Read latest Sports News and Telugu News | Follow us on FaceBook, Twitter, Telegram

Author:
కె. రామచంద్రమూర్తి

మరిన్ని వార్తలు

06-05-2021
May 06, 2021, 14:09 IST
ముంబై: బీసీసీఐ పక్కాగా జాగ్రత్తలు తీసుకుని ఆటగాళ్లను బయోబబుల్‌లో ఉంచినప్పటికీ కూడా కరోనా ప్రభావం ఐపీఎల్- 2021 మీద పడింది. దీంతో ఈ లీగ్‌ను అనూహ్యంగా మధ్యలోనే వాయిదా వేయాల్సి...
06-05-2021
May 06, 2021, 11:04 IST
భారత్‌లో కోవిడ్‌ వీర విహారం చేస్తోంది. ఐపీఎల్‌ 2021కు కరోనా సెగ తగలకూడదని బయోబబుల్‌లో ఆటగాళ్లను ఉంచి ఎన్ని జాగ్రత్తులు తీసుకున్నప్పటికీ ప్రయోజనం లేకుండా...
06-05-2021
May 06, 2021, 06:01 IST
న్యూఢిల్లీ: ఐపీఎల్‌లో కొత్త తరహా ఫిక్సింగ్‌కు ప్రయత్నం జరిగినట్లు తేలింది. ఇందు కోసం బుకీలు మైదానంలోనే పని చేసే క్లీనర్‌ను...
06-05-2021
May 06, 2021, 04:06 IST
న్యూఢిల్లీ: ఐపీఎల్‌ నిరవధికంగా వాయిదా పడటంతో వివిధ ఫ్రాంచైజీలలో భాగంగా ఉన్న విదేశీ క్రికెటర్లు బయో బబుల్‌ను వదిలి తమ...
05-05-2021
May 05, 2021, 19:30 IST
సిడ్నీ: ఆసీస్‌ మాజీ క్రికెటర్‌ మైకెల్‌ స్లేటర్‌ ఆ దేశ ప్రధాని స్కాట్ మోరిస‌న్‌పై మ‌రోసారి విరుచుకుప‌డ్డాడు. కరోనా విజృంభణతో భారత్‌...
05-05-2021
May 05, 2021, 17:39 IST
ఢిల్లీ: కరోనా కారణంగా ఐపీఎల్‌ 2021 రద్దైన సంగతి తెలిసిందే. ఈ నేపథ్యంలో పాక్‌ మాజీ క్రికెటర్‌ షోయబ్‌ అక్తర్‌...
05-05-2021
May 05, 2021, 16:52 IST
చెన్నై: ఐపీఎల్‌ 14వ సీజన్‌లో సీఎస్‌కే దుమ్మురేపే ప్రదర్శనతో ఆకట్టుకున్న సంగతి తెలిసిందే. ఆడిన ఏడు మ్యాచ్‌ల్లో 5 విజయాలు.. రెండు...
05-05-2021
May 05, 2021, 16:18 IST
లండన్‌: బీసీసీఐ ఎంతో ప్రతిష్టాత్మకంగా నిర్వహిస్తున్న ఐపీఎల్‌ 14వ సీజన్‌కు కరోనా సెగ తగలడంతో సీజన్‌ను రద్దు చేస్తున్నట్లు మంగళవారం...
05-05-2021
May 05, 2021, 08:00 IST
యునైటెడ్‌ అరబ్‌ ఎమిరేట్స్‌ (యూఏఈ)ని వేదికగా చేసుకొని విజయవంతంగా టోర్నీని ముగించింది.
05-05-2021
May 05, 2021, 07:46 IST
న్యూఢిల్లీ: దేశంలో కోవిడ్‌ సెకండ్‌వేవ్‌ విజృంభణ నేపథ్యంలో భారత క్రికెట్‌ నియంత్రణ మండలి కీలక నిర్ణయం తీసుకుంది. ఆటగాళ్లు వరుసగా కరోనా...
05-05-2021
May 05, 2021, 00:30 IST
ముంబై: ఐపీఎల్‌ అనూహ్యంగా వాయిదా పడటంతో దీనికి సంబంధించిన ఆర్థిక పరమైన అంశాలపై చర్చ మొదలైంది. లీగ్‌ ఆగిపోవడంతో బీసీసీఐకి సుమారు...
04-05-2021
May 04, 2021, 22:08 IST
ముంబై: భారత్‌లో కరోనా బాధితులను ఆదుకునేందుకు పలువురు క్రికెటర్లు ముందుకు వస్తూనే ఉన్నారు. కొవిడ్‌పై భారత్‌ పోరాటానికి సహాయ పడేందుకు ఐపీఎల్‌...
04-05-2021
May 04, 2021, 21:33 IST
ఐపీఎల్‌ వాయిదా తర్వాత ట్వీట్‌ చేసిన సఫారీ పేసర్‌
04-05-2021
May 04, 2021, 21:15 IST
న్యూఢిల్లీ: బీసీసీఐ ఎంతో ప్రతిష్మాత్మకంగా నిర్వహిస్తున్న ఐపీఎల్‌ 14వ సీజన్‌ కరోనా పుణ్యానా రద్దు చేయాల్సి వచ్చింది. సోమవారం కేకేఆర్‌ ఆటగాళ్లు...
04-05-2021
May 04, 2021, 19:32 IST
ఢిల్లీ: సీఎస్‌కే ఆల్‌రౌండర్‌ రవీంద్ర జడేజా ఐపీఎల్‌ 14వ సీజన్‌లో ఆకట్టుకునే ప్రదర్శనను నమోదు చేశాడు. 7 మ్యాచ్‌లాడి 131 పరుగులు...
04-05-2021
May 04, 2021, 18:53 IST
ఢిల్లీ:  టీమిండియా ఆల్‌రౌండర్‌, చెన్నై సూపర్‌ కింగ్స్‌ ఆటగాడు రవీంద్ర జడేజా ప్రశంసల వర్షం కురిపించాడు న్యూజిలాండ్‌ మాజీ క్రికెటర్‌...
04-05-2021
May 04, 2021, 18:14 IST
లండన్‌: ఐపీఎల్‌ 14వ సీజన్‌ను బీసీసీఐ నిరవధిక వాయిదా వేస్తూ మంగళవారం నిర్ణయం తీసుకున్న సంగతి తెలిసిందే. ఈ నిర్ణయంతో...
04-05-2021
May 04, 2021, 18:06 IST
మీరు రాకండి.. భారత్‌లోనే ఉండండి: సీఏ
04-05-2021
May 04, 2021, 17:06 IST
మరో 10 రోజుల్లో ఐపీఎల్‌ రీషెడ్యూల్‌?
04-05-2021
May 04, 2021, 16:24 IST
లండన్‌: ఐపీఎల్‌ 14వ సీజన్‌ రద్దు చేసినట్లు బీసీసీఐ ప్రకటించగానే.. ''నా గుండె పగిలిందంటూ'' ఇంగ్లండ్‌ మాజీ ఆటగాడు కెవిన్‌...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top