TV
చెన్నై ఓపెన్‌ డబ్ల్యూటీఏ–250 టెన్నిస్‌ టోర్నీ క్వాలిఫయింగ్‌లో హైదరాబాద్ క్రీడాకారిణి భమిడిపాటి శ్రీవల్లి రష్మిక తొలి రౌండ్‌లోనే వెనుదిరిగింది. విక్టోరియా మొర్వాయోవా (స్లొవేకియా)తో జరిగిన మ్యాచ్‌లో రష్మిక 2–6, 3–6తో ఓడిపోయింది. భారత్‌కే చెందిన జీల్‌ దేశాయ్, దియా, జెన్సీ తొలి రౌండ్‌లోనే పరాజయంపాలై మెయిన్‌ ‘డ్రా’కు అర్హత పొందలేకపోయారు. నేటి నుంచి మెయిన్‌ ‘డ్రా’ మ్యాచ్‌లు జరుగుతాయి. మెయిన్‌ ‘డ్రా’లో భారత్ నుంచి సహజ యామలపల్లి, వైష్ణవి అడ్కర్, మాయ రాజేశ్వరన్‌ పోటీపడనున్నారు.
