TV
క్రీడాకారులను తీర్చిదిద్దడమే లక్ష్యం
క్రీడాకారులను తీర్చిదిద్దడమే లక్ష్యం
హుడాకాంప్లెక్స్: గ్రామీణ క్రీడాకారులను ప్రపంచ చాంపియన్లుగా తీర్చిదిద్దడమే లక్ష్యంగా ప్రభుత్వం కృషి చేస్తోందని జిల్లా క్రీడాధికారి వెంకటేశ్వరరావు అన్నారు. ఇందులో భాగంగా ప్రతిష్టాత్మకంగా సీఎంకప్–2026ను నిర్వహిస్తోందని తెలిపారు. సరూర్నగర్ ఇండోర్ స్టేడియంలో గురువారం జ్యోతి ప్రజ్వ లన చేసి ర్యాలీని ప్రారంభించారు. ఈ సందర్భంగా ఆయన మాట్లాడుతూ.. ఈనెల 17వ తేదీ వరకు జిల్లాలోని అన్ని పాఠశాలల్లో క్రీడలపై అవగాహన కల్పిస్తూ ర్యాలీలు నిర్వహించనున్నట్టు చెప్పారు. కార్యక్రమంలో వనస్థలిపురం ప్రభుత్వ పాఠశాల విద్యార్థులు, ఉపాధ్యాయులు పాల్గొన్నారు.
శ్రీశైలం జాతీయ రహదారిపై..
తుక్కుగూడ: డివిజన్ కేంద్రంలో సీఎంకప్ టార్చి రిలేను గురువారం జిల్లా క్రీడాధికారి వెంకటేశ్వర్ రావు ప్రారంభించారు. విద్యార్థులతో కలిసి శ్రీశైలం జాతీయ రహదారిపై ర్యాలీ నిర్వహించారు. కార్యక్రమంలో ఏఈఓ కస్నా నాయక్, హెచ్ఎం భాస్కర్రెడ్డి తదితరులు పాల్గొన్నారు.
టార్చ్ రిలేకు స్వాగతం
అబ్దుల్లాపూర్మెట్: సరూర్నగర్ ఇండోర్ స్టేడియంలో ప్రారంభమైన చీఫ్ మినిస్టర్ కప్ టార్చ్ రిలే హయత్నగర్ మండలం మీదుగా పెద్దఅంబర్పేటలోని ఫ్లై ఓవర్ బ్రిడ్జి వద్దకు రాగానే ఘనంగా స్వాగతం పలికారు. కార్యక్రమంలో తహసీల్దార్ సుదర్శన్ రెడ్డి, ఎంఈఓ జగదీశ్వర్ పాల్గొన్నారు.
