ఏళ్లుగా ఎదురుచూపులే..

రెండు దశాబ్దాలుగా పునరావాసం కోసం ఎదురుచూస్తున్నాం. ప్రాజెక్ట్‌ వచ్చినా మా సమస్య మాత్రం పరిష్కారం కాలేదు. వర్షాలు వస్తే గ్రామంలోకి నీరు వస్తుందేమోనన్న భయం నెలకొంది. ప్రభుత్వం ప్రకటించిన ప్యాకేజీని పూర్తిగా అమలు చేసి మాకు శాశ్వత నివాసం కల్పించాలి.

– సాయినాథ్‌, గ్రామస్తుడు

తీవ్రంగా నష్టపోయాం

ప్రాజెక్ట్‌ కారణంగా మా భూములు, ఇళ్లు కోల్పోయాం. 470 కుటుంబాల పరిస్థితిని ప్రభుత్వం పరిగణనలోకి తీసుకోవాలి. రూ.94 కోట్ల పునరావాస ప్యాకేజీలో రూ.61 కోట్లు విడుదలయ్యాయని చెబుతున్నా మిగిలిన రూ.33 కోట్లు పెండింగ్‌లో ఉన్నాయి. ఆ నిధులు విడుదల చేసి పునరావాసాన్ని పూర్తిచేస్తేనే మా సమస్యకు పరిష్కారం లభిస్తుంది.

– సూర్యవంశీ ప్రకాశ్‌, ఉపసర్పంచ్‌