విజయ్‌ సేతుపతి- నిత్యా మీనన్‌ సినిమా టీజర్‌ వచ్చేసింది.. రిలీజ్‌ ఎప్పుడంటే

కోలీవుడ్‌ నటుడు విజయ్‌ సేతుపతి (Vijay Sethupathi) కొత్త సినిమా  ‘తలైవా తలైవి’ (Thalaivan Thalaivi) టీజర్‌ను విడుదల చేశారు. ఆపై మూవీ విడుదల  తేదీని కూడా ప్రకటించారు. పాండిరాజ్‌ దర్శకత్వం వహిస్తున్న  ఈ చిత్రంలో జాతీయ అవార్డ్‌ విన్నింగ్‌ హీరోయిన్‌ నిత్యా మీనన్‌  (Nithya Menen) ఆయనకు జోడీగా నటిస్తున్నారు. సత్యజ్యోతి ఫిలింస్‌ సంస్థ నిర్మిస్తున్న ఈ చిత్రంలో నటుడు యోగిబాబు, సెంబన్‌ వినోద్‌ జోస్, దీపా శంకర్, శరవణన్, రోషిణి హరిప్రియన్‌ తదితరులు ముఖ్య పాత్రలు పోషిస్తున్నారు. కాగా ఈ చిత్రం ఇప్పటికే షూటింగ్‌ పూర్తి చేసుకుంది. జులై 25న విడుదల కానున్నట్లు అధికారికంగా ప్రకటించారు. తమిళ్‌తో పాటు తెలుగులో కూడా ఈ చిత్రం విడుదల కానుంది.