TV
వరుణ్‌ ధావన్‌ హీరోగా నటించిన తాజా హిందీ చిత్రం ‘బేబీ జాన్‌’. కాలీస్‌ దర్శకత్వం వహించిన ఈ చిత్రంలో కీర్తీ సురేష్, వామికా గబ్బి హీరోయిన్లుగా నటించారు. తమిళ దర్శకుడు అట్లీ, సినీ1 స్టూడియోస్, ఏ ఫర్‌ యాపిల్‌ పతాకాలపై జ్యోతీ దేశ్‌పాండే, మురాద్‌ ఖేతనీ, ప్రియా అట్లీ నిర్మించిన ఈ చిత్రం డిసెంబరు 25న రిలీజ్‌ కానుంది.
తాజాగా ‘బేబీ జాన్‌’ టెస్టర్‌ కట్‌ పేరుతో ఈ సినిమా కొత్త వీడియోను రిలీజ్‌ చేశారు మేకర్స్‌. ‘బేబీ వాళ్లకు అర్థమయ్యే భాషలోనే చెప్పొచ్చుగా..’, ‘నాలాంటివాళ్లు గతంలో చాలామంది వచ్చి ఉండొచ్చు.. కానీ నేను తొలిసారిగా ఇప్పుడే వచ్చాను’ వంటి డైలాగ్స్‌తో పాటు ‘హో.. బేబీజాన్‌’ సాంగ్‌ వీడియోలో ఉంది.
