టాలీవుడ్‌ సీనియర్‌ నటి సురేఖా వాణి కూతురితో కలిసి తిరుమల శ్రీవారిని దర్శించుకుంది. ఆదివారం(జనవరి 7న) నాడు కాలినడకన తిరుమల చేరుకున్న ఆమె అనంతరం ఏడుకొండల వెంకన్నను దర్శించుకుని మొక్కులు సమర్పించుకుంది. ఈ క్రమంలో శ్రీవారికి తలనీలాలు సమర్పించుకుంది. దర్శనానంతరం సురేఖావాణి గుండుతో కనిపించగా అందుకు సంబంధించిన ఫోటోలు, వీడియోలు సోషల్‌ మీడియాలో వైరలవుతున్నాయి.
కాగా క్యారెక్టర్‌ ఆర్టిస్టుగా సురేఖా వాణి తెలుగు ప్రేక్షకులకు సుపరిచితురాలే! తెలుగులో ఎన్నో చిత్రాల్లో నటించిన ఈమె ఈ మధ్య మాత్రం సినిమాల సంఖ్య తగ్గించేసింది. కానీ సోషల్‌ మీడియాలో మాత్రం ఫుల్‌ యాక్టివ్‌గా ఉంటూ అభిమానులతో నిత్యం టచ్‌లో ఉంటోంది. అటు సురేఖ కూతురు కూడా నెట్టింట తెగ హడావుడి చేస్తూ ఎప్పుడూ వార్తల్లో ఉంటుంది.
TV
