శివకార్తికేయన్‌ కొత్త సినిమా విడుదల ఎప్పుడంటే..?

మావీరన్‌, అయలాన్‌, అమరన్‌ చిత్రాలతో హ్యాట్రిక్‌ కొట్టిన నటుడు శివకార్తికేయన్‌. అయితే, తాజాగా విడుదలైన అమరన్‌ మంచి విజయాన్ని సాధించడంతో పాటు, సినీ విమర్శకుల ప్రశంసలను పొందడం విశేషం. కాగా ఈ చిత్ర విజయాన్ని ఎంజాయ్‌ చేస్తున్న శివకార్తికేయన్‌ ప్రస్తుతం ఏఆర్‌.మురుగదాస్‌ దర్శకత్వంలో నటిస్తున్నారు. ఇది ఈయన నటిస్తున్న 23వ చిత్రం కావడం గమనార్హం. 

ఇందులో ఆయన పవర్‌పుల్‌ పోలీస్‌ అధికారిగా నటిస్తున్నట్లు తెలిసింది. కాగా నటి రుక్మిణి వసంత్‌ నాయకిగా నటిస్తున్న ఈ చిత్రానికి అనిరుధ్‌ సంగీతాన్ని అందిస్తున్నారు. ఈ చిత్ర షూటింగ్‌ ఇప్పటికే 80 శాతం పూర్తి అయ్యిందని ఇటీవల ఓ భేటీలో నటుడు శివకార్తికేయన్‌ తెలిపారు. కాగా ఈ చిత్రంతో పాటు దర్శకుడు ఏఆర్‌.మురుగదాస్‌ హిందీలో సల్మాన్‌ఖాన్‌ హీరోగా ఒక చిత్రం చేస్తున్నారు. అయితే శివకార్తికేయన్‌ చిత్రాన్ని ముందుగా పూర్తి చేసి ఆ తరువాత హిందీ చిత్రాన్ని పూర్తి చేయాలని భావించినట్లు తాజా సమాచారం. 

ఆ విధంగా ఇంకా పేరు నిర్ణయించని శివకార్తికేయన్‌ చిత్రానికి సింగనై అనే టైటిల్‌ పేరు ప్రచారంలో ఉంది. కాగా ఈ యాక్షన్‌ ఎంటర్‌టెయిన్‌ కథా చిత్రాన్ని 2025 మే నెలలో తెరపైకి తీసుకురావడానికి సన్నాహాలు చేస్తున్నట్లు తాజాగా తెలిసింది. కాగా ఈ చిత్రం తరువాత శివకార్తికేయన్‌ సిబి.చక్రవర్తి దర్శకత్వంలో ఓ చిత్రం, సుధా కొంగర దర్శకత్వంలో పురనానూరు చిత్రంలో నటించడానికి కమిట్‌ అయ్యారు.