TV
ఆర్ఆర్ఆర్.. ఈ సినిమా పేరు ప్రస్తుతం అంతర్జాతీయ వేదికలపై మార్మోగుతుంది. సినిమాకు సంబంధి ఎలాంటి అవార్డులు ప్రకటించినా.. ఆ లిస్ట్లో ఆర్ఆర్ఆర్ ఉంటుంది. తాజాగా ‘హాలీవుడ్ క్రిటిక్స్ అసోసియేషన్’ అవార్డులు ప్రకటిస్తే.. అందులో కూడా ఆర్ఆర్ఆర్ సత్తా చాటింది. బ్లాక్ పాంథర్, ది వుమెన్ కింగ్, ది బ్యాట్ మ్యాన్ వంటి హాలీవుడ్చిత్రాలను వెనక్కి నెట్టి..‘ బెస్ట్ ఇంటర్నేషనల్ ఫిల్మ్’, ‘బెస్ట్ స్టంట్స్’, బెస్ట్ యాక్షన్ మూవీ’, బెస్ట్ ఒరిజినల్ సాంగ్ విభాగాల్లో అవార్డులను సొంతం చేసుకుంది.
దీంతో పాటు ‘క్రిటిక్ ఛాయిస్ సూపర్ అవార్డు’లో యాక్షన్ మూవీ విభాగంలో ఉత్తమ నటుడు కేటగిరీ విభాగంలో రామ్ చరణ్, ఎన్టీఆర్ పేర్లు ఉన్న సంగతి తెలిసిందే. హాలీవుడ్ స్టార్స్ టామ్ క్రూజ్, బ్రాడ్ పిట్లతో ఎన్టీఆర్, రామ్ చరణ్ పోటీ పడుతున్నారు. ఈ విషయాన్ని మరోసారి గుర్తు చేస్తూ రామ్ చరణ్ ఆసక్తికర ట్వీట్ చేశాడు.
‘క్రిటిక్స్ ఛాయిస్ అవార్డ్స్ లో బెస్ట్ యాక్టర్ ఇన్ యాక్షన్ మూవీ విభాగంలో టామ్ క్రూజ్, బ్రాడ్ పిట్ లాంటి దిగ్గజ నటులతో పాటు నా పేరు, నా బ్రదర్ ఎన్టీఆర్ పేరు కలిసి చూడడం ఆనందంగా ఉంది’ అని చరణ్ ట్వీట్ చేశాడు. ఆర్ఆర్ఆర్ చిత్రంలో రామ్ చరణ్ పాత్రకు మంచి రెస్పాన్స్ రావడంతో.. ఈ సారి ఆ అవార్డు పక్క రామ్ చరణ్కు వస్తుందని సినీ పండితులు అభిప్రాయపడుతున్నారు.
Delighted to see my brother @tarak9999 ‘s and my name on the nominees list of Best Actor in an Action Movie.
— Ram Charan (@AlwaysRamCharan) February 25, 2023
What a beautiful feeling to see our names next to legends like Nicolas Cage, Tom Cruise and Brad Pitt! https://t.co/FVVPx1lm9i
