Stand Up Rahul Movie: వినోదాత్మకంగా రాజ్​ తరుణ్​ 'స్టాండప్​ రాహుల్​' ట్రైలర్​..

Raj Tarun Starrer Stand Up Rahul Movie Trailer Out: 'ఉయ్యాల జంపాల' చిత్రంతో హీరోగా పరిచయమై మొదటి సినిమాతోనే మంచి క్రేజ్​ తెచ్చుకున్నాడు రాజ్​ తరుణ్​. ప్రస్తుతం వరుస సినిమాలతో దూసుకుపోతున్నాడు. ఇటీవలే 'అనుభవించు రాజా' సినిమాతో ప్రేక్షకులను అలరించాడు. తాజాగా శాంటో మోహన్​ వీరంకి దర్శకత్వంలో 'స్టాండప్​ రాహుల్'​ సినిమాలో నటిస్తున్నాడు. వర్ష బొల్లమ్మ హీరోయిన్​గా చేస్తున్న ఈ సినిమాకు కూర్చుంది చాలు అనేది క్యాప్షన్​. శుక్రవారం మార్చి 4న ఈ మూవీకి సంబంధించిన ట్రైలర్​ను విడుదల చేశారు మేకర్స్​.

'మా బాస్​ ఏ పనైనా రెండే నిమిషాల్లో చేస్తాడట' అనే డైలాగ్​తో ట్రైలర్​ ప్రారంభమవుతుంది. ఈ డైలాగ్​ను స్టాండప్​ కమెడియన్​గా రాజ్​ తరుణ్​ పలకడం వినోదాత్మకంగా ఉంది. ఆద్యంతం కామెడీ, భావోద్వేగాలతో ఈ సినిమా రూపొందినట్లు ట్రైలర్ చూస్తే తెలుస్తోంది. పలు సంభాషణలు బాగా అకట్టుకుంటున్నాయి. ఇందులో రాజ్​ తరుణ్​ తల్లిగా ప్రముఖ సీనియర్​ హీరోయిన్​ ఇంద్రజ నటిస్తున్నారు. ఈ సినిమాను మార్చి 18న ప్రేక్షకుల ముందుకు తీసుకువస్తున్నట్లు ట్రైలర్​లో ప్రకటించారు.