TV
ఓటీటీ ప్రేక్షకుల్లో అద్భుతమైన క్రేజ్‌ దక్కించుకున్న వెబ్‌సిరీస్‌ మీర్జాపూర్. ఇప్పటికే రెండు సీజన్స్‌ సినీ ప్రియులను అలరించాయి. తాజాగా మూడో సీజన్‌ను ఆడియన్స్‌ ముందుకు తీసుకొస్తున్నారు. ఈ సిరీస్‌ వచ్చే నెల 5 నుంచి అమెజాన్‌ ప్రైమ్‌ వీడియోలో స్ట్రీమింగ్ కానున్నట్లు మేకర్స్ ఇప్పటికే వెల్లడించారు. తాజాగా మూడో సీజన్‌ సిరీస్‌ ట్రైలర్‌ను మేకర్స్ రిలీజ్ చేశారు.
ఈ వెబ్ సిరీస్‌లో పంకజ్‌ త్రిపాఠి, అలీ ఫజల్‌ , శ్వేతా త్రిపాఠి శర్మ, విజయ్‌ వర్మ, ఇషా తల్వార్‌ కీలక పాత్రలు పోషించారు. ట్రైలర్ చూస్తే గత సీజన్లను మించి ఉంటుందని అర్థమవుతోంది. కొత్త సీజన్‌లో మరికొన్ని పాత్రలు పరిచయం చేయనున్నారు.
