ప్రయాగ్‌రాజ్‌: ఉత్తరప్రదేశ్‌(Uttar Pradesh)లో ఘోర రోడ్డు ప్రమాద ఘటన చోటుచేసుకుంది. మీర్జాపుర్- ప్రయాగ్‌రాజ్‌ రహదారిపై బొలేరో వాహనం బస్సును ఢీకొన్న ప్రమాదంలో దాదాపు 10 మంది భక్తులు మృతిచెందారు. ఈ ఘటనలో మరో 19 మంది తీవ్రంగా గాయపడ్డినట్టు తెలుస్తోంది. వీరంతా మహాకుంభామేళకు వెళ్తున్న సమయంలోనే ప్రమాదం జరిగింది.వివరాల ప్రకారం.. మీర్జాపుర్‌-ప్రయాగ్‌రాజ్‌(Prayagraj) జాతీయ రహదారిపై మహా కుంభమేళా(Maha KumbhaMela)కు భక్తులతో వెళ్తున్న బొలెరో వాహనం ఓ ట్రావెల్ బస్సును ఢీకొట్టింది. ఈ ప్రమాదంలో పది మంది భక్తులు అడికక్కడే మృతిచెందారు. మరో 19 మంది తీవ్రంగా గాయపడ్డారు. ఇక, మృతులందరూ ఛత్తీస్‌గఢ్‌కు చెందినవారిగా అధికారులు గుర్తించారు. అర్థరాత్రి రెండు గంటల సమయంలో మేజా సమీపంలో ఈ ప్రమాదం జరిగినట్లు పోలీసులు వెల్లడించారు. అతి వేగంగా వచ్చిన బొలెరో బస్సును ఢీకొట్టింది. ఈ ఘటనలో బొలెరో నుజ్జునుజ్జయింది. మరణించిన భక్తులందరూ బొలెరోలో ప్రయాణిస్తున్నవారేనని పోలీసులు తెలిపారు. 19 మంది బస్సులో ఉన్నవారు గాయపడినట్టు చెప్పుకొచ్చారు. ఈ ప్రమాదానికి సంబంధించిన సమాచారం అందిన వెంటనే పోలీసులు ఘటనా స్థలానికి చేరుకున్నారు. మృతదేహాలను బయటకు తీశారు. చనిపోయిన వారంతా ఛత్తీస్‌గఢ్‌లోని కోర్బా జిల్లా నివాసితులని తెలిపారు. మృతుల్లో అందరూ పురుషులే ఉన్నట్టు వెల్లడించారు. క్షతగాత్రులను ఆసుపత్రికి తరలించి చికిత్స అందిస్తున్నారు. ఈ ఘటనపై మరింత సమాచారం తెలియాల్సి ఉంది. VIDEO | At least 10 people have been killed and several injured in a head-on collision between a car and a bus in Prayagraj. More details awaited.(Full video available on PTI Videos - https://t.co/n147TvqRQz) pic.twitter.com/06t5TkNd4m— Press Trust of India (@PTI_News) February 15, 2025

ఓటీటీలో 'మీర్జాపుర్' వెబ్ సిరీస్ ఎంత ఫేమస్సో ప్రత్యేకంగా చెప్పాల్సిన పనిలేదు. అందులో ఉన్నవి బూతులే కానీ ఆడియెన్స్ వాటిని ఎంజాయ్ చేశారు. మరీ ముఖ్యంగా మున్నా భయ్యా అనే క్యారెక్టర్‌కి బోలెడంత మంది ఫ్యాన్స్ కూడా ఉన్నారు. ఇప్పుడు ఆ నటుడు తెలుగు సినిమాలో నటించేస్తున్నాడు.(ఇదీ చదవండి: 3 వారాల్లోనే ఓటీటీలోకి 'మట్కా'.. స్ట్రీమింగ్ ఎప్పుడంటే?)'గేమ్ ఛేంజర్' మూవీని రెడీ చేసిన రామ్ చరణ్.. ప్రస్తుతం బుచ్చిబాబు దర్శకత్వంలో నటిస్తున్నాడు. 'RC16' పేరుతో తీస్తున్న ఈ ప్రాజెక్ట్‌ షూటింగ్ కొన్నిరోజుల క్రితమే మైసూరులో మొదలైంది. ఇందులో కన్నడ స్టార్ హీరో శివన్న, జగపతిబాబు తదితరులు నటిస్తున్నారు. ఇప్పుడు తనకెంతో ఇష్టమైన పాత్ర అని చెప్పిన డైరెక్టర్ బుచ్చిబాబు.. మున్నా భయ్యా చరణ్ మూవీలో నటిస్తున్నట్లు ప్రకటించాడు.స్పోర్ట్స్ బ్యాక్ డ్రాప్ స్టోరీతో చరణ్-బుచ్చిబాబు మూవీ ఉండబోతుందని తెలుస్తోంది. జాన్వీ కపూర్ హీరోయిన్. ఏఆర్ రెహమాన్ సంగీత దర్శకుడు. బహుశా వచ్చే ఏడాది చివర్లో లేదంటే 2026 ప్రారంభంలో మూవీ థియేటర్లలోకి వచ్చే అవకాశముంది.(ఇదీ చదవండి: చైతూ-శోభిత పెళ్లి సందడి.. హల్దీ ఫొటోలు వైరల్)Our favourite 'Munna Bhayya' will light up the big screens in a spectacular role tailor made for him ❤️‍🔥Team #RC16 welcomes the incredibly talented and the compelling performer @divyenndu on board ✨#RamCharanRevoltsGlobal Star @AlwaysRamCharan @NimmaShivanna #JanhviKapoor… pic.twitter.com/Q4I8w9Vqhh— Vriddhi Cinemas (@vriddhicinemas) November 30, 2024

మన దేశంలో ఓటీటీల్లోనే ద బెస్ట్ వెబ్ సిరీస్‪‌ల లిస్ట్ తీస్తే అందులో కచ్చితంగా ఉండే పేరు 'మీర్జాపుర్'. తొలుత హిందీలో మాత్రమే తీశారు. కానీ ఊహించని రెస్పాన్స్ వచ్చేసరికి తెలుగు లాంటి ప్రాంతీయ భాషల్లో డబ్ చేశారు. దీంతో మరింత మంది ప్రేక్షకులకు చేరువైంది. ఇప్పటికే మూడు సీజన్లు రాగా.. నాలుగో సీజన్ కూడా ఉంటుందని అన్నారు. ఇంతలోనే మూవీగా దీన్ని తీసుకొస్తున్నట్లు ప్రకటించారు.(ఇదీ చదవండి: Bigg Boss 8: అవినాష్ ఎలిమినేట్ కాలేదు.. భార్యపై ఒట్టేసి అబద్ధాలు)'మీర్జాపుర్' వెబ్ సిరీస్‌లో హీరో కంటే మున్నాభయ్య అనే విలన్ పాత్రకే బీభత్సమైన క్రేజ్ వచ్చింది. తొలి రెండు సీజన్లలో ఈ పాత్ర ఉండటంతో ఎంటర్‌టైనింగ్‌గా అనిపించింది. మూడో సీజన్‌లో మున్నాభయ్యా లేకపోయేసరికి చాలామందికి సిరీస్ నచ్చలేదు. ఇక నాలుగో సీజన్ అంటే సాహసమనే చెప్పాలి.సరే ఇదంతా పక్కనబెడితే 'మీర్జాపుర్' సిరీస్‌లో మితిమీరిన హింసాత్మక సన్నివేశాలు, బూతులపై విమర్శలు వచ్చినప్పటికీ.. జనాలు వాటినే తెగ చూశారు. ఇప్పుడు 2026లో 'మీర్జాపుర్'ని సినిమాగా తీసుకొస్తామని ప్రకటించారు. ఇక్కడివరకు బాగానే ఉంది. కానీ కొత్త కథ ఏం చూపిస్తారు? బూతులు, వయలెంట్ సీన్స్‌ లాంటివి లేకుండా ఇంటెన్సెటినీ ఎలా చూపిస్తారనేది పెద్ద క్వశ్చన్. అయితే ఇదంతా సిరీస్‌కి ఉన్న క్రేజ్‪‍‌ని క్యాష్ చేసుకోవాలనే ఆలోచనలానే అనిపిస్తుంది!(ఇదీ చదవండి: ఈ వారం ఓటీటీల్లో 15 సినిమాలు రిలీజ్.. అవి ఏంటంటే?)

‘మీర్జాపూర్‌’.. ఓటీటీలో సంచలనం సృష్టించిన వెబ్‌ సిరిస్‌ ఇది. భాషతో సంబంధం లేకుండా ఓటీటీ ప్రేక్షకుల అంతా ఈ క్రైమ్‌ యాక్షన్‌ వెబ్‌ సిరీస్‌ని ఆదరించారు. ముఖ్యంగా యూత్‌కి ఈ సిరీస్‌ బాగా నచ్చింది. ఇప్పటి వరకు రెండు సీజన్లు రాగా.. రెండూ సూపర్‌ హిట్‌ అయ్యాయి. ఇక ఇప్పుడు మూడో సీజన్‌ రాబోతుంది. అలీ ఫజల్, విజయ్ వర్మ, శ్వేతా త్రిపాఠి, పంకజ్ త్రిపాఠి తదితరులు కీలక పాత్రల్లో నటించిన మీర్జాపూర్‌ సీజన్‌ 3 జులై 5 నుంచి ప్రముఖ ఓటీటీ అమెజాన్‌ ప్రైమ్‌లో స్ట్రీమింగ్‌ కానుంది. ఈ నేపథ్యంలో అసలు సీజన్‌ 1, 2లలో చెప్పారు? సీజన్‌ 3లో ఏం చూపించబోతున్నారు? తెలుసుకుందాం.గన్స్‌, డ్రగ్స్‌ మాఫియా చుట్టూ ఈ వెబ్‌ సిరీస్‌ కథ తిరుగుతుంది. మీర్జాపూర్‌ మొత్తం కాలీన్‌ భాయ్‌(పంకజ్‌ త్రిపాఠి) చేతిలో ఉంటుంది. అక్కడి మాఫియా సామ్రాజ్యానికి అతనే మహా రాజు. కాలీన్‌ భాయ్‌ కొడుకు మున్నా భాయ్‌(దివ్యేంద్‌) ఓ పెళ్లి కొడుకును గన్‌తో కాల్చి చంపేస్తాడు. ఈ కేసును లాయర్‌ రమాకాంత్‌ పండిత్‌(రాజేశ్‌ తైలాంగ్‌) వాధిస్తాడు. అతనికి ముగ్గురు పిల్లలు. పెద్ద కొడుకు పేరు గుడ్డు పండిత్‌(అలీ ఫజల్‌), చిన్న కొడుకు బబ్లూ పండిత్‌(విక్రాంత్‌ మస్సే), కూతురు డింపీ(హర్షిత). కొడుకును కాపాడుకునేందుకు కాలీన్‌ భాయ్‌ భారీ ప్లాన్‌ వేస్తాడు. ఈ క్రమంలో తన వ్యాపార పనులను గుడ్డు, బబ్లులకు అప్పగిస్తాడు. దీంతో మున్నా..తీవ్ర కోపంతో రగిపోతుంటాడు. గుడ్డు ప్రేయసి స్వీటీపై కన్నేస్తాడు. ఆమె దక్కించుకునేందుకు ప్రయత్నిస్తుంటాడు. ఓ పెళ్లి వేడుకకు హాజరైన గుడ్డు, స్వీటీ, బబ్లూ, డింపీలపై మున్నా తన గ్యాంగ్‌తో దాడి చేస్తాడు. ఈ దాడిలో గర్భిణి అయిన స్వీటీతో పాటు బబ్లు కూడా చనిపోతాడు. గోలు సహాయంతో గుడ్డు తప్పించుకుంటాడు. ఇంతటితో సీజన్‌ 1 ముగుస్తుంది.మున్నా ఆస్పత్రిలో చికిత్స పొందుతూ ఆరంభమయ్యే సన్నివేశాలతో సీజన్‌-2 మొదలవుతుంది. మరోవైపు డింపీ, గోలు కలిసి ఓ డాక్టర్‌ని కిడ్నాప్‌ చేసి గుడ్డుకు చికిత్స చేయిస్తారు. మున్నాను ఎలాగైన చంపేయాలనే పగతో రగిలిపోతుంటారు. మీర్జాపూర్‌లో కాలీన్‌ భాయ్‌కు అత్యంత నమ్మకస్తుడైన మక్బూల్‌.. ఒకప్పుడు తన కుటుంబ సభ్యుడి చావుకు కారణం అయ్యాడనే కోపంతో కాలీన్‌ తండ్రిని చంపేందుకు ప్లాన్‌ వేస్తాడు. కాలీన్‌ భార్య బీనా కూడా అతనితో చేతులు కలిపి మామను చంపేందుకు ప్రయత్నిస్తుంటుంది. మరోవైపు మీర్జాపూర్‌ డాన్‌ సింహాసనంపై ఆశపడి తండ్రినే చంపేందుకు ప్లాన్‌ వేస్తాడు మున్నా. అందుకోసం శరత్‌ శుక్లాతో చేతులు కలుపుతాడు. అయితే గుడ్డు, గోలులు మాత్రం పక్కా ప్లాన్‌తో మున్నాపై దాడికి దిగుతారు. ఈ దాడిలో తీవ్రంగా గాయపడిన కాలీన్‌ భాయ్‌ని శరత్‌ కాపాడగా.. మున్నాను మాత్రం ప్రాణాలు కోల్పోతాడు. అనంతరం గుడ్డు మీర్జాపూర్‌ సింహాసనాన్ని అధిరోహిస్తాడు. ఇంతటితో సీజన్‌ 2కి ఎండ్‌ కార్డు పడుతుంది.మీర్జాపూర్‌ 3లో ఏం చూపించబోతున్నారు?మీర్జాఫూర్‌ ప్రాంతాన్ని తన గుప్పిట్లోకి తెచ్చుకున్న గుడ్డు.. పూర్వాంచల్‌లో తన ఆదిపత్యాన్ని కొనసాగించాలనుకుంటాడు. మీర్జాపూర్‌లో కాలీన్‌ భాయ్‌ గుర్తులేవి లేకుండా చేస్తాడు. మరోవైపు భర్త మున్నాభాయ్‌ మరణంతో అతని భార్య, యూపీ సీఎం కూతురు మాధురి రాజకీయాల్లోకి అడుగుపెడుతుంది. కాలీన్‌ భాయ్‌పై సింపథీ క్రియేట్‌ చేసి ప్రజలకు చేరువయ్యేందుకు ప్రయత్నిస్తుంటుంది. అదే సమయంలో కాలీన్‌ భాయ్‌ తిరిగి వచ్చినట్లు ట్రైలర్‌లో చూపించారు. మీర్జాఫూర్‌ మాఫీయా సామ్రాజ్యాన్ని కాలీన్‌ భాయ్‌ తిరిగి పొందడా? డాన్‌గా ఎదిగిన తర్వాత గుడ్డు జీవితంలో ఎలాంటి పరిణామాలు చోటు చేసుకున్నాయి? మాధురి రాజకీయాల్లోకి ఎందుకు వచ్చింది? తదితర విషయాలన్నీ తెలియాలంటే సీజన్‌ 3 చూడాల్సిందే.

గత శుక్రవారం థియేటర్లలో రిలీజైన 'కల్కి 2898 ఏడీ' రచ్చ లేపుతోంది. వీకెండ్ అయ్యేసరికి రూ.500 కోట్ల వసూళ్లు దాటేసింది. ఈ వారం పూర్తయ్యేసరికి రూ.1000 కోట్లు సాధించినా ఆశ్చర్యపోవాల్సిన పనిలేదు. ఈ మూవీ ఆడుతోంది కాబట్టి ఈ వారం వేరే మూవీస్ ఏం రిలీజ్ కావట్లేదు. దీంతో ఆటోమేటిక్‌గా అందరి దృష్టి ఓటీటీల్లో వచ్చే మూవీస్‌పై పడుతుంది. ఈ వారం ఏకంగా 24 సినిమాలు స్ట్రీమింగ్ కాబోతున్నాయి.(ఇదీ చదవండి: రామ్ చరణ్ ఇంట్లో సీక్రెట్‌గా ఉండేదాన్ని: మంచు లక్ష‍్మీ)ఈ వారం పలు ఓటీటీల్లో ఏకంగా 24 సినిమాలు-వెబ్ సిరీసులు రిలీజ్ కాబోతున్నాయి. వీటిలో ఓ నాలుగు మాత్రం ఆసక్తి రేపుతున్నాయి. 'మీర్జాపుర్' సిరీస్ మూడో సీజన్‌తోపాటు గరుడన్, మలయాళీ ఫ్రమ్ ఇండియా, ఫ్యూరిసోయా మ్యాడ్ మ్యాక్స్ చిత్రాలు ఉన్నంతలో చూడాలనే ఇంట్రెస్ట్ కలిగిస్తున్నాయి. ఇవి కాకుండా వీకెండ్‪‌లో ఏమైనా సడన్ ఎంట్రీస్ వచ్చినా రావొచ్చు. ఇంతకీ ఏ ఓటీటీలో ఏ మూవీ వస్తుందంటే?ఈ వారం ఓటీటీల్లో రిలీజయ్యే మూవీస్ జాబితా (జూలై 01 నుంచి 07 వరకు)నెట్‌ఫ్లిక్స్అల్విన్ సీజన్ 5 (ఇంగ్లీష్ సిరీస్) - జూలై 01స్టార్ ట్రెక్ ప్రొడిగీ: సీజన్ 2 (ఇంగ్లీష్ సిరీస్) - జూలై 01స్ప్రింట్ (ఇంగ్లీష్ సిరీస్) - జూలై 02బేవర్లీ హిల్స్ కాప్: అలెక్సా ఎఫ్ (ఇంగ్లీష్ సినిమా) - జూలై 02ద మ‍్యాన్ విత్ 1000 కిడ్స్ (ఇంగ్లీష్ సిరీస్) - జూలై 03బార్బెక్యూ షో డౌన్ సీజన్ 3 (ఇంగ్లీష్ సిరీస్) - జూలై 04రైమ్ ప్లస్ ఫ్లో ఫ్రాన్స్ సీజన్ 3 (ఫ్రెంచ్ సిరీస్) - జూలై 04డెస్పరేట్ లైస్ (పోర్చుగీస్ సిరీస్) - జూలై 05గోయో (స్పానిష్ మూవీ) - జూలై 05హాట్‌స్టార్రెడ్ స్వాన్ (కొరియన్ సిరీస్) - జూలై 03ల్యాండ్ ఆఫ్ తనబతా (జపనీస్ సిరీస్) - జూలై 04అమెజాన్ ప్రైమ్బాబ్ మార్లీ: వన్ లవ్ (ఇంగ్లీష్ మూవీ) - జూలై 03గరుడన్ (తమిళ సినిమా) - జూలై 03స్పేస్ క్యాడెట్ (ఇంగ్లీష్ చిత్రం) - జూలై 04మీర్జాపుర్ సీజన్ 3 (తెలుగు డబ్బింగ్ సిరీస్) - జూలై 05 జియో సినిమాప్రైమ్ టైమ్ విత్ మూర్తీస్ (హిందీ సిరీస్) - జూలై 03హీ వెంట్ దట్ వే (ఇంగ్లీష్ మూవీ) - జూలై 05ఆహాహరా (తమిళ సినిమా) - జూలై 05బుక్ మై షోఇఫ్ (ఇంగ్లీష్ సినిమా) - జూలై 03ఫ్యూరోసియా: ఏ మ్యాడ్ మ్యాక్స్ సాగా (ఇంగ్లీష్ మూవీ) - జూలై 04ద సీడింగ్ (ఇంగ్లీష్ ఫిల్మ్) - జూలై 05విజన్స్ (ఫ్రెంచ్ సినిమా) - జూలై 05సోనీ లివ్మలయాళీ ఫ్రమ్ ఇండియా (మలయాళ మూవీ) - జూలై 05మనోరమ మ్యాక్స్మందాకిని (మలయాళ సినిమా) - జూలై 05(ఇదీ చదవండి: 'కల్కి' ఓటీటీ డీటైల్స్.. అప్పటివరకు వెయిటింగ్ తప్పదా?)

ఓటీటీ ప్రేక్షకుల్లో అద్భుతమైన క్రేజ్‌ దక్కించుకున్న వెబ్‌సిరీస్‌ మీర్జాపూర్‌. ఇప్పటికే రెండు సీజన్స్‌ సినీ ప్రియులను అలరించాయి. తాజాగా మూడో సీజన్‌ను ఆడియన్స్‌ ముందుకు తీసుకొస్తున్నారు. ఈ సిరీస్‌ వచ్చే నెల 5 నుంచి అమెజాన్‌ ప్రైమ్‌ వీడియోలో స్ట్రీమింగ్ కానున్నట్లు మేకర్స్ ఇప్పటికే వెల్లడించారు. తాజాగా మూడో సీజన్‌ సిరీస్‌ ట్రైలర్‌ను మేకర్స్ రిలీజ్ చేశారు. ఈ వెబ్ సిరీస్‌లో పంకజ్‌ త్రిపాఠి, అలీ ఫజల్‌ , శ్వేతా త్రిపాఠి శర్మ, విజయ్‌ వర్మ, ఇషా తల్వార్‌ కీలక పాత్రలు పోషించారు. ట్రైలర్ చూస్తే గత సీజన్లను మించి ఉంటుందని అర్థమవుతోంది. కొత్త సీజన్‌లో మరికొన్ని పాత్రలు పరిచయం చేయనున్నారు.

ఓటీటీలో మోస్ట్‌ పాపులర్‌ క్రైమ్‌ థ్రిల్లర్‌ వెబ్‌సిరీస్‌ల్లో 'మీర్జాపూర్‌' మొదటి లిస్ట్‌లో ఉంటుంది. ఈ వెబ్‌ సిరీస్‌ నుంచి ఇప్పటికే విడుదలైన దీని రెండు భాగాలు భారీ విజయాన్ని అందుకున్నాయి. దీంతో మూడో సీజన్‌ కోసం ఎదురుచూస్తున్న అభిమానులకు మేకర్స్‌ శుభవార్త చెప్పారు. మీర్జాపూర్‌ విడదల తేదీని చెబుతూ ఒక‌ పోస్టర్‌ను అమెజాన్‌ విడుదల చేసింది. జులై 5 నుంచి ఈ వెబ్‌ సిరీస్‌ స్ట్రీమింగ్‌ అవుతున్నట్లు వారు ప్రకటించారు.గుర్మీత్‌సింగ్‌ దర్శకత్వంలో తెరకెక్కిన ఈ సిరీస్‌ ఉత్తరప్రదేశ్‌లోని మీర్జాపూర్‌ నేపథ్యంలో కొనసాగుతుంది. పంకజ్‌ త్రిపాఠి, శ్రియ పిల్గోంగర్‌, శ్వేతా త్రిపాఠి,అలీ ఫజల్‌, దివ్యేందు శర్మ,హర్షిత గౌర్‌ తదితరులు మొదటి భాగంలో నటించారు. రెండో సీజన్‌లో విజయవర్మ కీలకపాత్రలో కనిపించారు. 2018 నవంబరు 16న ఈ సీరిస్‌ విడుదలైంది. దానికి సీక్వెల్‌గా 2020 అక్టోబరు 23న రెండో సీజన్‌ విడుదలైంది. ఇప్పుడు సుమారు నాలుగేళ్ల తర్వాత జులై 5న మీర్జాపూర్‌-3 ప్రేక్షకుల ముందుకు రానుంది. View this post on Instagram A post shared by prime video IN (@primevideoin)

సార్వత్రిక ఎన్నికల సమరం చివరాఖరి దశకు చేరుకుంది. ఓటింగ్‌ శాతాన్ని పెంచేందుకు ఎన్నికల సంఘం ఎంత ప్రయత్నిస్తున్నా ఇప్పటిదాకా జరిగిన ఆరు విడతల్లో పెద్ద మార్పేమీ కనిపించలేదు. దాంతో చివరిదైన ఏడో విడతలోనైనా ఓటింగ్‌ శాతాన్ని వీలైనంత పెంచేందుకు ఈసీ పలు ప్రయత్నాలు చేస్తోంది. యువ ఓటర్లను పోలింగ్‌ బూత్‌లకు రప్పించేందుకు వారికి బాగా కనెక్టయ్యే మీమ్స్‌ను ఎంచుకుంది. మీర్జాపూర్‌ వెబ్‌ సిరీస్‌ ఎంత హిట్టయిందో, అందులోని మున్నా భయ్యా పాత్ర కూడా అంతే ఫేమస్‌ అయింది! ఈసీ రిలీజ్‌ చేసిన కొత్త మీమ్‌లో మున్నా భయ్యా డైలాగ్‌ను ఓటింగ్‌కు అన్వయించింది. మీర్జాపూర్‌ వెబ్‌ సిరీస్‌లో మున్నా భయ్యా క్లాస్‌ రూమ్‌లో చెప్పే ‘పడాయీ లిఖాయీ కరో, ఐఏఎస్‌ వయ్యేఎస్‌ బనో’ (చదువుసంధ్యలపై దృష్టి పెట్టు, కలెక్టరో మరోటో అవ్వు) అనే ఒరిజినల్‌ డైలాగ్‌ ఇప్పటికీ రీల్స్, షార్ట్‌ వీడియోల్లో చక్కర్లు కొడుతూనే ఉంటుంది. ఈసీ ఇప్పుడు దీనికి ఓటింగ్‌ ట్విస్ట్‌ ఇచి్చంది. ‘యే క్యా రీల్స్‌ మే టైమ్‌ బర్బాద్‌ కర్‌ రహే? జావో వోట్‌ దో, లోక్‌తంత్ర్‌ కో మజ్‌బూత్‌ కరో (రీల్స్‌ వెంటపడి ఎందుకు టైమ్‌ వేస్ట్‌ చేసుకుంటారు? వెళ్లి ఓటేయండి... ప్రజాస్వామ్యాన్ని బలోపేతం చేయండి) అని ఓటర్లకు మున్నా భయ్యా చెబుతున్నట్లుగా మీమ్‌ రూపొందించింది. ‘యువతను మున్నా భయ్యా ఓటేయాలని కోరుతున్నాడు’ అంటూ క్యాప్షన్‌ను కూడా జోడించింది! ఏడు విడతల సుదీర్ఘ షెడ్యూల్‌లో ఇప్పటికి ఆరు విడతలు పూర్తయ్యాయి. 57 లోక్‌సభ స్థానాలకు జూన్‌ 1న చివరి విడతలో పోలింగ్‌ జరగనుంది. జూన్‌ 4న ఫలితాలు వెల్లడవుతాయి. ఆఖరి దశలో చండీగఢ్‌ కేంద్రపాలిత ప్రాంతంతో సహా బిహార్, హిమాచల్‌ ప్రదేశ్, జార్ఖండ్, ఒడిశా, పంజాబ్, ఉత్తరప్రదేశ్, పశి్చమబెంగాల్‌లో పోలింగ్‌ జరగనుంది. దాంతో అక్కడ ప్రచారం దుమ్మురేగిపోతోంది. చివరి దశలో ప్రధాని మోదీ సహా మొత్తం 904 మంది అభ్యర్థులు తలపడుతున్నారు. ఈ నేపథ్యంలో ఈసీ మున్నా భాయ్‌ మీమ్‌ ప్రయోగం యూత్‌ను ఏ మేరకు పోలింగ్‌ బూత్‌లకు రప్పిస్తుందో చూడాలి! – సాక్షి, నేషనల్‌ డెస్క్‌

‘ఇండియా’ కూటమికి మిత్రపక్షమైన అప్నా దళ్ (కామెరవాడి) ఉత్తరప్రదేశ్‌లో రాబోయే లోక్‌సభ ఎన్నికలకు మూడు స్థానాలకు అభ్యర్థులను ప్రకటించింది. ఫుల్‌పూర్, మీర్జాపూర్, కౌశాంబి మూడు స్థానాల్లో పోటీ చేయాలని పార్టీ నిర్ణయించింది. “అప్నా దళ్ (కె) కేంద్ర కార్యవర్గ సమావేశం జాతీయ అధ్యక్షురాలు కృష్ణ పటేల్ ఆధ్వర్యంలో జరిగింది. ఇండియా కూటమిలో భాగంగా మూడు స్థానాల్లో పోటీ చేయాలని సమావేశంలో నిర్ణయించారు' అని కేంద్ర కార్యాలయ కార్యదర్శి రామ్ సనేహి పటేల్ ఒక ప్రకటనలో తెలిపారు. ఉత్తరప్రదేశ్‌లో సమాజ్‌వాదీ పార్టీ, కాంగ్రెస్‌లు సీట్ల పంపకాన్ని నిర్ణయించుకున్నాయి, దాని ప్రకారం కాంగ్రెస్ 17 స్థానాల్లో పోటీ చేయగా, సమాజ్‌వాదీ పార్టీ 63 స్థానాల్లో తమ అభ్యర్థులను నిలబెట్టనుంది. సమాజ్‌వాదీ పార్టీ తృణమూల్ కాంగ్రెస్‌కి భదోహి సీటును ఇచ్చింది. అక్కడ లలితేష్ త్రిపాఠిని అభ్యర్థిగా నిలిపింది. అప్నాదళ్ (కె) సీట్లను ప్రకటించడంపై సమాజ్‌వాదీ పార్టీ నేతలను ప్రశ్నించగా.. దాని గురించి తమకు తెలియదన్నారు. 2019 లోక్‌సభ ఎన్నికలలో అప్నా దళ్ (సోనీలాల్) నాయకురాలు అనుప్రియ పటేల్ (Anupriya Patel) సమాజ్‌వాదీ పార్టీకి చెందిన రామ్ చరిత్ర నిషాద్‌పై పోటీ చేసి 2,32,008 ఓట్ల తేడాతో గెలిచారు. అప్నా దళ్ (సోనీలాల్) ఎన్‌డీఏ మిత్రపక్షంగా ఉంది. అనుప్రియా పటేల్ మోదీ ప్రభుత్వంలో వాణిజ్యం, పరిశ్రమల శాఖ మంత్రిగా బాధ్యతలు నిర్వహిస్తున్నారు. అనుప్రియ అప్నా దళ్ (సోనేలాల్) పార్టీని స్థాపించిన సోనే లాల్ పటేల్ కుమార్తె. రాబోయే ఎన్నికల్లో మీర్జాపూర్‌లో అప్నా దళ్ (సోనేలాల్) వర్సెస్ అప్నా దళ్ (కామెరావాడి) మధ్య పోటీ జరుగుతుందని భావిస్తున్నారు.

క్రేజీ వెబ్ సిరీస్ నుంచి కేక పుట్టించే అప్డేట్ వినిపిస్తుంది. ఓటీటీ ట్రెండ్ మొదలైన తర్వాత కొన్ని వెబ్ సిరీసులు.. జనాల్ని ఓ రేంజులో ఊపేశాయి. అలాంటి వాటిలో ఒకటి 'మీర్జాపూర్'. క్రైమ్ థ్రిల్లర్ యాక్షన్ బ్యాక్ డ్రాప్ స్టోరీతో తీసిన ఈ నాటు సిరీస్.. మిగతా వాళ్లకేమో గానీ తెలుగు ప్రేక్షకులకు బాగా ఎక్కేసింది. ఇప్పుడు దీని మూడో సీజన్ నుంచి క్రేజీ అప్డేట్ సోషల్ మీడియాలో గట్టిగా వినిపిస్తోంది. (ఇదీ చదవండి: ఈ వారం ఓటీటీల్లోకి ఏకంగా 45 సినిమాలు) ఓటీటీలో రికార్డులు సృష్టించిన వెబ్ సిరీసుల లిస్టు తీస్తే అందులో కచ్చితంగా 'మీర్జాపూర్' ఉంటుంది. ఉత్తరప్రదేశ్‌లోని  ఓ ప్రాంతమైన మీర్జాపూర్‌ నేపథ్యంగా కల్పిత పాత్రలతో ఈ సిరీస్ తీశారు. ఊరమాస్ క్రైమ్ థ్రిల్లర్ కాన్సెప్ట్‌తో ఈ సిరీస్‌లో అద్భుతమైన డ్రామాతో పాటు బూతులు కూడా గట్టిగానే ఉంటాయి. అలా 2018 నవంబరు 16న రిలీజైన తొలి సీజన్ బ్లాక్ బస్టర్ హిట్ అయింది. 2020 అక్టోబరు 23న వచ్చిన రెండో సీజన్ అంతకు మించి హిట్‌గా నిలిచింది. ఇక మూడో సీజన్‌కి సంబంధించిన షూటింగ్ దాదాపు ఏడాది క్రితమే పూర్తయిపోయినప్పటికీ.. ఇప్పుడు పోస్ట్ ప్రొడక్షన్, డబ్బింగ్ పనులు జరుగుతున్నాయి. ఈ క్రమంలోనే మూడో సీజన్.. ఈ మార్చి చివరి వారంలో రిలీజ్ కానుందని టాక్ వినిపిస్తుంది. ఒకవేళ ఇదే నిజమైతే మాత్రం మున్నాభయ్యా ఫ్యాన్స్‌కి పండగే. ఇకపోతే తొలి సీజన్‌లో గుడ్డూ భయ్యా, అతడి కుటుంబాన్ని మున్నా ఇబ్బంది పెట్టడం చూపించారు. రెండో సీజన్‌లో గుడ్డు భయ్యా.. మున్నా భయ్యాపై ప్రతీకారం తీర్చుకోవడం చూపించారు. మూడో సీజన్‌లో ఏం చూపించబోతున్నారో? (ఇదీ చదవండి: 'సలార్' ఓటీటీ రిలీజ్ డేట్ ఫిక్స్ అయ్యిందా? స్ట్రీమింగ్ అప్పుడేనా?)

Mirzapur Season 3: ఓటీటీల్లోని వెబ్ సిరీసులు అనగానే చాలామందికి ముందు గుర్తొచ్చేది 'మీర్జాపుర్'. బూతులు ఎక్కువని అంటారు గానీ తెలుగు రాష్ట్రాల్లోని చాలామంది ఈ సిరీస్‌కు ఫ్యాన్స్. మున్నా భయ్యా, గుడ్డూ భయ్యా పాత్రలు వాళ్లు చెప్పిన డైలాగ్స్ మీలో చాలామందికి బాగా తెలుసు. వాళ్లందరూ కూడా మూడో సీజన్ కోసం తెగ వెయిట్ చేస్తున్నారు. ఇప్పుడు వాళ్ల కోసమా అన్నట్లు బీనా అంటీ అప్డేట్ తో వచ్చేసింది. (ఇదీ చదవండి: ఆమెని మర్చిపోలేకపోతున్న చిన్నల్లుడు కల్యాణ్ దేవ్!) మూడేళ్లుగా వెయిటింగ్ 2018లో 'మీర్జాపుర్' తొలి సీజన్.. అమెజాన్ ప్రైమ్‪‌లో విడుదలైంది. తొమ్మిది ఎపిసోడ్లలో ప్రతి ఒక్కటి ప్రేక్షకుల్ని విపరీతంగా అలరించాయి. 2020లో 10 ఎపిసోడ్లతో రెండో సీజన్ వచ్చింది. దీనికి కూడా మొదటి దానికి మించిన రెస్పాన్స్ వచ్చింది. దీంతో మూడో సీజన్ ఎప్పుడొస్తుందా అని అందరూ ఎదురుచూస్తున్నారు. చాలారోజుల క్రితమే షూటింగ్ పూర్తయినప్పటికీ రిలీజ్ ఇంకా ఫిక్స్ చేయలేదు. బీనా ఆంటీ డబ్బింగ్ ఈ సిరీస్ లో మున్నా భయ్యా, గుడ్డు భయ్యా, ఖాలీన్ భయ్యా పాత‍్రల తర్వాత ఆ స్థాయి క్రేజ్ తెచ్చుకున్న రోల్ అంటే బీనా అంటీదే. ఈమెది ఖాలీన్ భయ్యాకు రెండో భార్య పాత్ర. ఒకటి, రెండు సీజన్లలో ఈమె పాత్రకు స్కోప్ తక్కువే. కానీ మూడో సీజన్ లో మాత్రం ఎక్కువే ఉండబోతుందని హింట్ ఇచ్చారు. ఇప్పుడు డబ్బింగ్ చెబుతున్న ఫొటోని పోస్ట్ చేసి.. త్వరలోనే సీజన్ 3 రిలీజ్ అవుతుందనే హింట్ ఇచ్చేసింది. దీంతో 'మీర్జాపుర్' ఫ్యాన్స్ హ్యాపీగా ఫీలవుతున్నారు. View this post on Instagram A post shared by Rasika (@rasikadugal) (ఇదీ చదవండి: 'బలగం' హీరోయిన్‌కి అవమానం!)

ఉత్తరప్రదేశ్‌లోని మిర్జాపూర్‌లో సంచలన ఉదంతం చోటుచేసుకుంది. ఈ ప్రాంతంలో ఒక యువతి చెరువులో తేలుతూ పోలీసులకు కనిపించింది. దీంతో పోలీసులు ఆ యవతి దేహాన్ని పోస్టుమార్టం కోసం ఆసుపత్రికి తరలించేందుకు ఏర్పాట్లు చేశారు. అయితే ఇంతలో ఆ యువతి కుటుంబ సభ్యులు తమ కుమార్తెను ఒకసారి వైద్యులకు చూపించాలని కోరారు. వెంటనే పోలీసులు వారి కోరిక మేరకు ఆ యువతిని వైద్యుల దగ్గరకు తీసుకువెళ్లారు. పోలీసుల వైద్య పరీక్షల్లో ఆ యువతి గుండె కొట్టుకుంటున్నట్లు గమనించారు.  ఈ ఘటన మిర్జాపూర్‌ పరిధిలోని సంత్‌నగర్‌ పోలీస్‌స్టేషన్‌ పరిధిలోని రాహ్‌ కలాం హవూదవా గ్రామంలో చోటుచేసుకుంది. ఆదివారం సాయంత్రం సిర్సీకి చెందిన ఒక యువతి చెరువులో తేలుతూ కనిపించింది.స్థానికులు ఈ విషయాన్ని పంచాయతీ సభ్యులకు తెలియజేశారు. వారు ఈ సమాచారాన్ని పోలీసులకు అందించారు.  పోస్టుమార్టం కోసం సిద్ధమైన పోలీసులు.. సంఘటనా స్థలానికి చేరుకున్న పోలీసులు ఆ యువతి దేహాన్ని బయటకు తీశారు. ఆమె ఎవరనేది గుర్తించి, కుటుంబ సభ్యులకు తెలియజేశారు. ఆ యువతి మృతిచెందిందని భావించిన పోలీసులు పోస్టుమార్టంనకు తరలించేందుకు ఏర్పాట్లు చేశారు. యువతి ఇంటిలో ఆనందోత్సాహాలు అయితే ఆ యువతి కుటుంబ సభ్యులు తమ కుమార్తెను ఒకసారి వైద్యుల దగ్గరకు తీసుకువెళ్లాలని కోరారు. దీంతో పోలీసులు ఆ యువతిని పటెహరా ఆరోగ్య కేంద్రానికి తీసుకెళ్లారు. అక్కడి వైద్యులు ఆమెను పరిశీలించి, గుండె కొట్టుకుంటున్న విషయాన్ని గమనించారు. వెంటనే వైద్యులు ఆమెకు చికిత్స ప్రారంభించారు. తమ కుమార్తె బతికేవుందని తెలియడంతో ఆమె కుటుంబ సభ్యుల ఆనందానికి హద్దులు లేకుండా పోయాయి. యువతి తల్లి ఏమన్నదంటే.. ఆ యువతి తల్లి రత్నాదేవి మీడియాతో మాట్లాడుతూ తమ కుమార్తె మానసిక పరిస్థితి సవ్యంగా లేదన్నారు.అప్పుడప్పుడు ఇంటి నుంచి బయటకు ఎక్కడికో వెళ్లిపోతుందని తెలిపారు. ఈ సందర్భంగా ఆ యువతికి చికిత్సనందించిన వైద్యులు డాక్టర్‌ గణేశ్‌ శంకర్‌ త్రిపాఠి మాట్లాడుతూ పోలీసులు ఆ యువతిని చెకప్‌ కోసం తీసుకువచ్చారని, వైద్య పరీక్షలు చేసి, చికిత్సనందించామని, ప్రస్తుతం ఆ యువతి పూర్తి ఆరోగ్యంగానే ఉన్నదని తెలిపారు.  ఇది కూడా చదవండి: రైలు రిజర్వేషన్‌లో సరిదిద్దలేని పొరపాట్లివే..

ఉత్తరప్రదేశ్‌లోని మీర్జాపూర్‌ చెందిన ఓ టీవీ మెకానిక్‌ కుమార్తె సానియా మీర్జా నేషనల్‌ ఢిఫెన్స్‌ అకాడమీ(ఎన్‌డీఏ) పరీక్షలో ఉత్తీర్ణత సాధించి వార్తల్లో నిలిచింది. దీంతో ఆమె భారత్‌లోనే తొలి ముస్లిం మహిళా ఫైటర్‌ పైలట్‌గా కానున్నట్లు భారత వైమానిక దళం(ఐఏఎఫ్‌) పేర్కొంది. ఆమె ఫైటర్‌ పైలట్‌గా ఎంపికవ్వడానికి ముందుగా నాలుగేళ్ల శిక్షణను విజయవంతంగా పూర్తి చేయాల్సి ఉందని ఐఏఎఫ్‌ తెలిపింది. ఈ మేరకు ఆమె ఎన్‌డీఏలో చేరి అకాడమీ కోర్సుగా ఫైటర్‌ పైలట్‌ స్ట్రీమ్‌ను ఎంచుకున్నట్లు తెలుస్తుంది. ఈక్రమంలో వైమానిక దళం ఆమె కల నిజమవ్వాలంటూ.. సానియాకు శుభాకాంక్షలు తెలిపింది. ఆమె ఎన్‌డీఏ ఎగ్జామ్‌లో 149వ ర్యాంకును సాధించింది. హిందీ మీడియంలో చదివినా విజయం సాధించవచ్చని నిరూపించింది సానియా. తాను తొలి మహిళా పైలట్‌ అవనీ చతుర్వేదిని చూసి ప్రేరణ పొంది రెండో ప్రయత్నంలో ఎన్‌డీఏలో విజయం సాధించినట్లు సానియా పేర్కొంది. (చదవండి: సోనియా వ్యాఖ్యలకు స్పందించకపోతే.. బాధ్యత పరంగా విఫలమైనట్లే: ధన్‌ఖర్‌)

సినీ పరిశ్రమలో విషాదం చోటుచేసుకుంది. ప్రముఖ బాలీవుడ్‌ నటుడు జితేంద్ర శాస్త్రి మృతి చెందారు. ఆయన మరణించినట్లు ప్రముఖ నటుడు సంజయ్‌ మిశ్రా సోషల్‌ మీడియా వేదికగా ప్రకటించారు. ఈ సందర్భంగా జితేంద్ర శాస్త్రితో తనకున్న అనుబంధాన్ని గుర్తు చేసుకుని ఆయన భావోద్వేగానికి గురయ్యారు. అయితే ఆయన మృతికి గల కారణాలను ఆయన వెల్లడించలేదు. వృద్ధాప్య సమస్యలతో ఆయన మరణించినట్లు తెలుస్తోంది. ఈ మేరకు సంజయ్‌ మిశ్రా ట్వీట్‌ చేస్తూ.. ‘‘జీతూ భాయ్‌ మీరు నాతో ఓ మాట చెప్పారు. ‘సంజయ్‌ ఎప్పుడు ఏం జరుగుతుందో తెలియదు. ఫోన్‌ వ్యక్తి పేరు ఉంటుంది. చదవండి: సొంతవాళ్లే మోసం చేశారు, నటి వల్ల రూ. 6 కోట్లు నష్టపోయా: గీతా సింగ్‌ కానీ, ఆ మనిషి నెట్‌వర్క్‌ పరిధిలో ఉండడు’ అన్నారు. చెప్పినట్టుగానే మీరు ఈ ప్రపంచాన్ని(నెట్‌వర్క్‌) వీడారు. కానీ మా మనసుల్లో, ఆలోచనలో ఎప్పుడు ఉంటారు. ఓం శాంతి’’ అంటూ ఆయనతో ఉన్న ఫొటోను షేర్‌ చేశారు. ఇక ఆయన మరణావార్తమ తెలిసి బాలీవుడ్‌ సినీ, టీవీ నటులు దిగ్భ్రాంతి వ్యక్తం చేస్తున్నారు. ఆయన ఆత్మకు శాంతి చేకూరాలంటూ సంతాపం ప్రకటిస్తున్నారు. కాగా జితేంద్ర శాస్త్రి బ్లాక్‌ ఫ్రైడే, ఇండియాస్‌ మోస్ట్‌ వాంటెడ్‌, రాజ్మా చావ్లా వంటి చిత్రాల్లో నటించి గుర్తింపు పొందారు. అలాగే ఓటీటీలో అంత్యంత ఆదరణ పొందిన మీర్జాపూర్‌ వెబ్‌ సిరీస్‌లో కూడా ఆయన నటించారు. ఇందులో ఆయన ఉస్మాన్‌ అనే ప్రధాన పాత్ర పోషించారు.  View this post on Instagram A post shared by Sanjay Mishra (@imsanjaimishra)

దేశంలో దాదాపు అన్ని పోలీస్‌ కమిషనరేట్‌లలో దాదాపు అందరూ మగ అధికారులే కమిషనర్‌లు. సినిమాల్లో కూడా హీరోయే పోలీస్‌ కమిషనర్‌. కాని ఆర్తి సింగ్‌ ఈ సన్నివేశాన్ని మార్చింది. మహారాష్ట్రలోని అమరావతికి కమిషనర్‌గా చార్జ్‌ తీసుకుంది. ప్రస్తుతం దేశంలో ఈమె ఒక్కతే మహిళా పోలీస్‌ కమిషనర్‌. రావడంతోటే స్ట్రీట్‌ క్రైమ్‌ను రూపుమాపాలనుకుంది. ఎస్‌.. నేను చేయగలను అంటున్న ఆర్తి సింగ్‌ పరిచయం. 2009. దేశానికి ఎలక్షన్లు. కీలకమైన సమయం. మరోవైపు మావోయిస్టులు తమ కదలికలను పెంచారు. మహారాష్ట్రలోని ‘రెడ్‌ కారిడార్‌’ అయిన గడ్చిరోలి ప్రాంతంలో జరిగిన దాడిలో 17 మంది పోలీసులు చనిపోయారు. ఆ సమయంలో అక్కడ గట్టి పోలీస్‌ ఆఫీసర్‌ అవసరం. మావోయిస్టుల దాడులను నిరోధించేందుకే కాదు ఎలక్షన్లు సజావుగా జరిగేందుకు కూడా చర్యలు తీసుకోవాలి. కాని చార్జ్‌ తీసుకోవడానికి ఎవరూ ముందుకు రాలేదు. ఆ సమయంలో పై అధికారులకు తట్టిన ఒకే ఒక్క పేరు ఆర్తి సింగ్‌. ఆమె 2006 బ్యాచ్‌ ఐపిఎస్‌ ఆఫీసర్‌. పెద్దగా అనుభవం లేదు. పైగా మహిళా ఆఫీసర్‌. ‘ఆమె ఏమి చేయగలదు’ అని గడ్చిరోలి ప్రాంతంలోని సబార్డినేట్‌ పోలీస్‌ ఆఫీసర్లు అనుకున్నారు. కాని ఆమె చార్జ్‌ తీసుకున్నాక వారంతా అవాక్కయ్యారు. ఎందుకంటే ఆ సమయంలో ఆమె మావోయిస్టుల కదలికలను నివారించడమే కాదు... ఎలక్షన్లను బహిష్కరించండి అన్న వారి పిలుపును గెలవనీకుండా గ్రామీణ ప్రాంతాలలో ఓటింగ్‌ జరిగేలా చూసింది. అందుకే ఆమె పోలీసుల్లో ఫైర్‌ బ్రాండ్‌గా పేరు పొందింది. అందరూ మూడు నుంచి ఆరు నెలల కాలం చేసి ట్రాన్స్‌ఫర్‌ పెట్టుకుని వెళ్లిపోయే చోట ఆమె మూడు సంవత్సరాలు పని చేసింది. ‘నేను చేయగలను అనుకున్నాను. చేశాను’ అంటుంది ఆర్తి సింగ్‌. ఆమె ఆ కాలంలో చాలా ఆయుధాల డంప్‌ను స్వాధీనం చేసుకుంది. అందుకే ఆమె ట్రాన్స్‌ఫర్‌ అయి వెళుతుంటే కేంద్ర రాష్ట్ర ప్రభుత్వాలు సన్మానం చేసి అవార్డులు ఇచ్చి పంపాయి. అదీ ఆర్తి సింగ్‌ ఘనత. ఆడపిల్ల పుడితే ఏంటి? ఆర్తి సింగ్‌ది ఉత్తరప్రదేశ్‌లోని మిర్జాపూర్‌. ఆ ప్రాంతంలో ఆడపిల్లల్ని కనడం గురించి స్త్రీలు వివక్ష ఎదుర్కొంటున్నా ఆర్తి కుటుంబంలో అలాంటి వివక్ష ఏదీ ఉండేది కాదు. ఆర్తి ఎంత చదవాలన్నా చదువుకోనిచ్చారు. ‘మా నాన్న సపోర్ట్‌ చాలా ఉంది’ అంటుంది ఆర్తి. ఆమె బెనారస్‌ హిందూ యూనివర్సిటీలో మెడిసిన్‌ చేసి డ్యూటీ డాక్టర్‌గా పని చేస్తున్నప్పుడు గైనకాలజీ వార్డ్‌లో ఆమెకు తల్లులు అందరి నుంచి ఎదురయ్యే ఒకే ఒక ప్రశ్న ‘ఆడిపిల్లా? మగపిల్లాడా?’– ఆడపిల్ల పుడితే వాళ్ల ముఖాలు మాడిపోయేవి. ‘ఆ పరిస్థితి చాలా విషాదం. తల్లిదండ్రులు ఆడపిల్లలను కాకుండా మగపిల్లలను ఎందుకు కోరుకుంటారంటే వారిని రక్షించలేమేమోనన్న ఆందోళనే. అందుకు వారు ఎన్నుకునే ఉపాయం. పెళ్లి. పెళ్లి చేసేస్తే ఆడపిల్ల సేఫ్‌ అనుకుంటారు. దాంతో బాల్య వివాహాలు, అపరిపక్వ వివాహాలు జరిగిపోతాయి. నేను ఈ పరిస్థితిని మార్చాలంటే డాక్టర్‌గా ఉంటే కుదరదనిపించింది. ఐఏఎస్‌ కాని ఐపిఎస్‌ కాని చేయాలనుకున్నాను. నేను పెద్ద ఆఫీసరయ్యి ఆడపిల్లల తల్లిదండ్రులకు సందేశం ఇవ్వాలనుకున్నాను’ అంటుంది ఆర్తి. అయితే బంగారంలాంటి డాక్టర్‌ చదువు చదివి ఉద్యోగం చేస్తూ కూడా యు.పి.ఎస్‌.సి పరీక్షలకు హాజరవ్వాలనుకోవడం రిస్క్‌. ‘కాని నేను చేయగలను అనుకున్నాను’ అంటుంది ఆర్తి సింగ్‌. ఆమెకు మొదటిసారి అవకాశం రాలేదు. రెండోసారి పంతంగా రాసి ఐ.పి.ఎస్‌ సాధించింది. కోవిడ్‌ వారియర్‌ మహారాష్ట్రలో మాలేగావ్‌ సెన్సిటివ్‌ ఏరియా. ఏడున్నర లక్షల మంది ఉండే ఈ టెక్స్‌టైల్‌ టౌన్‌లో మత కలహాలు ఏ పచ్చగడ్డీ వేయకనే భగ్గుమంటాయి. దానికి తోడు అక్కడే గత సంవత్సరం కరోనా కేసులు ఇబ్బడి ముబ్బడిగా పెరిగాయి. ఆ సమయంలో అధికారులకు మళ్లీ గుర్తొచ్చిన పేరు ఆర్తి సింగ్‌. అక్కడ చార్జ్‌ తీసుకోవడం అంటే ఏ క్షణమైనా కరోనా బారిన పడటమే. కాని ఆర్తి సింగ్‌ ధైర్యంగా చార్జ్‌ తీసుకుంది. అంతేకాదు రెండు నెలల కాలంలో కరోనాను అదుపు చేసింది. ‘నేను డాక్టర్‌ని కనుక ఇల్లు కదలకుండా ఉండటం ఎంత అవసరమో ప్రజలకు సమర్థంగా చెప్పాను. మరోవైపు మా సిబ్బంది ఒక్కొక్కరు కరోనా బారిన పడుతుంటే ధైర్యంగా ఉండటం కష్టమయ్యేది. అయినా సరే పోరాడాను. అలాగే కలహాలకు కారణమయ్యే టిక్‌టాక్‌లు, వాట్సాప్‌ మెసేజ్‌లు కట్టడి చేశాను’ అంటుంది ఆర్తి సింగ్‌. మహిళా కమిషనర్‌గా దేశంలోని కమిషనరేట్‌లలో అందరూ మగ ఆఫీసర్‌లు ఉంటే మహారాష్ట్ర ప్రభుత్వం ఆర్తి సామర్థ్యాలను గుర్తించి విదర్భ ప్రాంతంలోని అమరావతి నగరానికి కమిషనర్‌గా వేసింది. ఆ నగరంలో స్ట్రీట్‌ క్రైం ఎక్కువ. రౌడీలు తిరగడం, చైన్‌ స్నాచింగ్‌లు, తన్నులాటలు, ఈవ్‌ టీజింగ్‌లు.. మోతాదు మించి ఉండేవి. ఆర్తి చార్జ్‌ తీసుకున్నదన్న వార్తకే అవి సగం కంట్రోల్‌ అయ్యాయి. మరి కొన్నాళ్లకు మిగిలిన సగం కూడా. ఒత్తిళ్లకు తలొగ్గకుండా పని చేయడం ఆర్తి తీరు. ఇద్దరు పిల్లల తల్లి అయిన ఆర్తి ‘నేను చేయగలను’ అనుకోగలిగితే స్త్రీలను చేయలేనిది ఏదీ లేదు అని నిరూపిస్తోంది.

Kane Williamson With Manoj Bajpayee:  ప్రముఖ బాలీవుడ్‌ నటుడు, ఫ్యామిలీ మ్యాన్‌ ఫేమ్‌ మనోజ్‌ బాజ్‌పేయికి.. న్యూజిలాండ్ క్రికెట్‌ జట్టు కెప్టెన్‌ కేన్ విలియమ్సన్ అదిరిపోయే రేంజ్‌లో షాకిచ్చాడు. కేన్‌ మామ ఎంటి.. మనోజ్‌ బాజ్‌పేయికి షాకివ్వడమేంటి అనుకుంటున్నారు. అయితే ఈ స్టోరీ చదవండి. అమెజాన్ ప్రైమ్ వేదికగా బాలీవుడ్ సూపర్ స్టార్ మనోజ్ బాజ్‌పేయి, కివీస్‌ కెప్టెన్‌ కేన్ విలియమ్సన్‌తో ముచ్చటించాడు. ఈ ఇద్దరి మధ్య క్రికెట్‌, సినిమా, వెబ్‌ సిరీస్‌ వంటి పలు అంశాలపై సరదా సంభాషణ జరిగింది. ఈ సందర్భంగా ఫ్యామిలీ మ్యాన్‌.. కేన్‌ మామకు పలు ప్రశ్నలు వేశాడు. దీనికి కివీస్‌ కెప్టెన్‌ కూడా ఫన్నీగా రిప్లై ఇచ్చాడు.  సంభాషణలో భాగంగా అమెజాన్ ప్రైమ్‌లో నీకు నచ్చిన వెబ్‌ సిరీస్‌ ఏంటని మనోజ్‌ బాజ్‌పేయి..  కేన్‌ను అడిగాడు. ఇందుకు బదులుగా కేన్‌ తన "ఫ్యామిలీ మ్యాన్" పేరు చెప్తాడేమోనని బాజ్‌పేయి ఆసక్తిగా చూశాడు. కానీ కేన్.. ఫ్యామిలీ మ్యాన్‌కు షాకిస్తూ.. ‘మీర్జాపూర్’ అని చెప్పాడు. మీర్జాపూర్‌ రెండు సీజన్లను చూసానని.. మూడో పార్ట్‌ కోసం ఆసక్తిగా ఎదురుచూస్తున్నానని బదులిచ్చాడు. కేన్‌ సమాధానంతో బాజ్‌పేయి అవాక్కయ్యాడు. అతని ముఖం మాడిపోయింది. 'బై కేన్‌' అంటూ సంభాషణను ముగించాడు. ఇందుకు  సంబంధించిన వీడియోను అమెజాన్ ప్రైమ్ యూట్యూబ్‌లో విడుదల చేయగా.. ప్రస్తుతం నెట్టింట వైరలవుతుంది. కాగా, పంకజ్ త్రిపాఠి,  దివ్యేందు శర్మ, అలీ ఫజల్ నటించిన మీర్జాపూర్ వెబ్‌ సిరీస్‌.. ఓటీటీ ప్లాట్‌ఫామ్‌పై ప్రకంపనలు సృష్టించింది. అభిమానులు మూడో సీజన్ ఎంతో ఆసక్తిగా ఎదురుచూస్తున్నారు.  చదవండి: ICC Rankings: రూట్‌ను వెనక్కునెట్టి టాప్‌కు చేరిన ఆసీస్‌ బ్యాటర్‌

అలహాబాద్:  మీర్జాపూర్ వెబ్ సిరీస్ రూపకర్తలకు ఊరట లభించింది. నిర్మాతలు ఫర్హాన్ అఖర్, రితేష్ సిధ్వానీలపై దాఖలైన ఎఫ్‌ఐఆర్‌ను అలహాబాద్ హైకోర్టు శుక్రవారం రద్దు చేసింది. జస్టిస్‌ ఎంసీ త్రిపాఠి, జస్టిస్‌ సుభాష్‌ విద్యార్థిలతో కూడిన బెంచ్‌ ఈ మేరకు ఉత్తర్వులిచ్చింది. దర్శక-రచయితలు కరణ్ అన్షుమాన్, గుర్మీత్ సింగ్, పునీత్ కృష్ణ, వినీత్ కృష్ణలపై నమోదైన ఎఫ్‌ఐఆర్‌ను కూడా హైకోర్టు రద్దు చేసింది.  ఉత్తరప్రదేశ్‌ ప్రతిష్టకు భంగం కలిగేలా వెబ్ సిరీస్ రూపొందించారని ఆరోపిస్తూ కొత్వాలి దేహత్ పోలీస్ స్టేషన్ (మీర్జాపూర్)లో స్థానిక జర్నలిస్ట్ అరవింద్ చతుర్వేది జనవరి, 17న ఫిర్యాదు చేశారు. దీంతో ఐపీసీ సెక్షన్ 295-ఏ, 504, 505, 34, ఇన్ఫర్మేషన్ టెక్నాలజీ చట్టంలోని సెక్షన్ 67-ఏ కింద పోలీసులు ఎఫ్‌ఐఆర్‌ నమోదు చేశారు. వెబ్ సిరీస్‌లో మీర్జాపూర్ పట్టణాన్ని చెడుగా చిత్రీకరించి మత, సామాజిక, ప్రాంతీయ మనోభావాలను దెబ్బతీశారని పిటిషనర్‌ ఆరోపించారు.  తమపై నమోదైన ఎఫ్‌ఐఆర్‌ను కొట్టివేయాలని కోరుతూ ముందుగా నిర్మాతలు కోర్టు ఆశ్రయించారు. తర్వాత దర్శక-రచయితలు కూడా న్యాయస్థానం తలుపు తట్టారు. జనవరి, ఫిబ్రవరిలో వీరిని అరెస్ట్‌ చేయకుండా కోర్టు ఆదేశిలిచ్చింది. మీర్జాపూర్ వెబ్ సిరీస్ పూర్తిగా కల్పితమని, అన్ని మతాలను తాము గౌరవిస్తామని అంతకుముందు ఉన్నత న్యాయస్థానానికి వీరు విన్నవించుకున్నారు. వీరి వాదనలను పరిగణనలోకి తీసుకుని ఎఫ్‌ఐఆర్‌లను కోర్టు రద్దు చేసింది. (చదవండి: సినిమా చూసేందుకు ఆటోలో వచ్చిన స్టార్‌ హీరోయిన్‌) అమెజాన్‌ ప్రైమ్‌ వీడియోస్‌లో విడుదలైన మీర్జాపూర్ వెబ్ సిరీస్‌కు వీక్షకుల నుంచి ఆదరణ లభించింది. ఇప్పటికే రెండు సిరీస్‌లు విడుదలయ్యాయి. పంకజ్‌ త్రిపాఠి, అలీ ఫజాల్‌, దివ్యేందు శర్మ, కుల్‌భూషణ్ ఖర్బందా, రసికా దుగల్‌, శ్వేతా త్రిపాఠి, ప్రమోద్‌ పాఠక్‌, హర్షిత గౌర్, షాజీ చౌదరి తదితరులు నటించారు. ఇదిలావుంటే మూడో మీర్జాపూర్ వెబ్ సిరీస్‌ మూడో సీజన్‌ కోసం వీక్షకులు ఆసక్తిగా ఎదురుచూస్తున్నారు. (చదవండి: మీ మగబుద్ధే వంకరబుద్ధి అంటున్న సమంత!)

Bramha Mishra Demise: బాలీవుడ్‌లో విషాదం చోటు చేసుకుంది. హిందీ నటుడు బ్రహ్మ మిశ్రా అనుమానాస్పద స్థితిలో మృతి చెందాడు. ముంబైలో తను నివసిస్తున్న వెర్సోవాలోని ఫ్లాట్‌లో శవమై కనిపించాడు. కుళ్లిపోతున్న స్థితిలో ఉన్న ఆయన శరీరాన్ని పోలీసులు శవపరీక్ష చేయడం కోసం డా.కూపర్‌ ఆస్పత్రికి తరలించారు. ఆయనది హత్యా? ఆత్మహత్యా? ఆకస్మిక మరణమా? అన్న వివరాలు తెలియాల్సి ఉంది.  కాగా మీర్జాపూర్‌ సిరీస్‌లో మున్నా త్రిపాఠి స్నేహితుడు లలిత్‌ పాత్రతో మంచి గుర్తింపు తెచ్చుకున్నాడు మిశ్రా. 'మీర్జాపూర్‌' 1, 2 సిరీస్‌లతో పాటు 'మంజి: ద మౌంటెన్‌ మ్యాన్‌', 'కేసరి' సహా పలు చిత్రాల్లో నటించాడు. మిశ్రా మరణంపై మీర్జాపూర్‌ కోస్టార్‌ దివ్యేందు సోషల్‌ మీడియా వేదికగా విచారం వ్యక్తం చేశాడు. View this post on Instagram A post shared by Divyenndu 💫 (@divyenndu)

Mirzapur Actor Divyenndu Aka Munna Bhaiya Funniest Act: బాలీవుడ్ నటుడు దివ‍్యేందు శర్మ అంటే పెద్దగా ఎవరికీ తెలీదు. కానీ 'మున్నా భయ‍్యా' అంటే మాత్రం అందరికీ తెలుసు. తన నటనతో ఎంతోమంది అభిమానులను సంపాదించుకున్నాడు దివ్యేందు. అన్నిటికిమించి 'మీర్జాపూర్‌ సిరీస్‌'ల్లోని 'మున్నా త్రిపాఠి' పాత్ర అంటే అది వేరే లెవెల్‌. అతనికి ఈ పాత్రతో ఫ్యాన్స్‌ కూడా హైలెవెల్‌గానే పెరిగిపోయారు. అంతలా యూత్‌కి కిక్‌ ఇచ్చింది అతడి నటన. తాజాగా దివ్వేందు సోషల్‌ మీడియాలో వస్తున్న అర్బన్‌ డిక్షనరీ ట్రెండ్‌పై సరదాగా స్పందించాడు. అర్బన్‌ డిక్షనరీలో తన అసలు పేరుకు బదులు 'మున్నా' అనే పేరుకు అర్థం వెతికాడు. దానికి అర్బన్‌ డిక్షనరీ వెబ్‌సైట్‌ ఇచ్చిన అర్థాన్ని స్క్రీన్‌షాట్‌ తీసి తన ఇన్‌స్టా గ్రామ్‌లో షేర్‌ చేశాడు. అలాగే మున్నా అనే పేరుకు వచ్చిన అర్థాన్ని 'అమెజాన్‌ ప్రైమ్‌' కూడా షేర్‌ చేయడాన్ని దివ్యేందు తన ఇన్‌స్టాలో పంచుకున్నాడు.  'మీర్జాపూర్‌కు రాజు కావాలని పరితపించే వ్యక్తి ఎప్పుడూ తన తండ్రి ఆమోదం కోసం ఎదురుచూస్తుంటాడు. జీవితం మున్నా భయ్యా లాంటిది.' అని అర్బన్ డిక్షనరీ 'మున్నా' పేరుకు అర్థం తెలిపింది. దివ్వేందును అతడి అభిమానులు మున్నా భయ్యా అనే పిలుస్తారు. భారతీయులు అత్యంత ఇష్టపడే పాత్రలలో ఒకటి మున్నా భయ్యా పాత్ర. ఈ పాత్రలో దివ్యేందు అద్భుత నటన ఎప్పటికీ గుర‍్తుండిపోతుంది. 'ప‍్యార్‌ కా పంచ్‌నామా'లో ఒక పక్కింటి కుర్రాడి పాత్ర నుంచి 'మీర్జాపూర్‌'లో గూండా వరకు తనదైనా నటనతో ఆకట్టుకున్నాడు దివ్యేందు. ప‍్రస్తుతం దివ్యేందు వివిధ ప్రాజెక్టులకు సంతకం చేసినట్లు ప్రచారం ఉంది. వాటిని త్వరలోనే ప్రకటిస్తారాని సమాచారం. 

Sunil Pal: నీలి చిత్రాల కేసులో బాలీవుడ్‌ నటి శిల్పాశెట్టి భర్త, వ్యాపారవేత్త రాజ్‌ కుంద్రాను అరెస్ట్‌ చేయడంపై కమెడియన్‌ సునీల్‌ పాల్‌ స్పందించాడు. పోర్నోగ్రఫీ రాకెట్‌ గుట్టు రట్టు చేయడమే కాక అతడిని అరెస్ట్‌ చేసినందుకు పోలీసులను అభినందించాడు. అయితే ఈ పోర్న్‌ అనేది రకరకాల రూపాల్లో విస్తరిస్తోందని చెప్పుకొచ్చాడు. ఈ మేరకు ఆయన తాజాగా మీడియాతో మాట్లాడాడు. 'రాజ్‌కుంద్రాను అరెస్ట్‌ చేయడం సబబైనదే. ఇదిప్పుడు అవసరం కూడా! ఎందుకంటే పలుచోట్ల సెన్సార్‌ లేకపోవడంతో కొందరు పెద్ద తలకాయలు అడ్డగోలు వెబ్‌సిరీస్‌లు తీస్తున్నారు. అవి ఇంట్లోవాళ్లతో కలిసి చూడలేనంత ఘోరంగా ఉంటున్నాయి.  ఉదాహరణకు మనోజ్‌ బాజ్‌పాయ్‌ను తీసుకుందాం. అతడు పెద్ద నటుడే కావచ్చు. కానీ అతడిలాంటి సభ్యత లేని వ్యక్తిని, నీచుడిని నేనింతవరకు చూడలేదు. రాష్ట్రపతి చేతుల మీదుగా పద్మశ్రీ అవార్డు అందుకున్న అతడు ఫ్యామిలీ ఆడియన్స్‌ కోసం ఏం చేస్తున్నాడు? అతడు నటించిన ఫ్యామిలీ మ్యాన్‌ సిరీస్‌లో.. భార్యకు వివాహేతర సంబంధం, భర్తకు మరో మహిళతో ఎఫైర్‌, మైనర్‌ బాలికకు బాయ్‌ఫ్రెండ్‌, చిన్న పిల్లాడు తన వయసుకు మించి ప్రవర్తించడం.. ఓ కుటుంబం అంటే ఇలాగే ఉంటుందా? ఇవా మీరు చూపించేది? ఇక పంకజ్‌ త్రిపాఠి నటించిన మీర్జాపూర్‌ పనికిరాని వెబ్‌సిరీస్‌. అందులో చేసినవాళ్లంటేనే నాకు అసహ్యం. పోర్న్‌పై నిషేధం విధించినట్లుగానే ఈ పనికిరాని వెబ్‌సిరీస్‌లను కూడా బ్యాన్‌ చేయాలి. కేవలం కళ్లకు కనిపించేదే కాదు, ఆలోచనల్ని చెడగొట్టేది కూడా పోర్న్‌ కిందకే వస్తుంది' అని చెప్పుకొచ్చాడు. కాగా సునీల్‌ పాల్‌ 2005లో ఇండియన్‌ లాఫ్టర్‌ చాలెంజ్‌లో విజేతగా నిలిచాడు. 2010లో 'భవ్నావో కో సమజో' అనే కామెడీ సినిమాకు దర్శకత్వం వహించాడు.

ప్రతిభావంతులైన కళాకారులెందరికో వేదికనిస్తోంది ఓటీటీ. అలా పరిచయం అయిన నటే ప్రియాషా భరద్వాజ్‌. పాత్ర స్వభావాన్ని ప్రదర్శించడం ఆమె ప్రత్యేకత. ప్రముఖ రచయిత, దర్శకుడు, నటుడు సత్యప్రసాద్‌ బారువా కుటుంబానికి చెందిన ప్రియాషా సొంతూరు గువాహటి. చిన్నప్పటినుంచి డాన్స్‌ అంటే ఇష్టం. కొంతకాలం భరతనాట్యం, వెస్టర్న్‌ డాన్స్‌లో  శిక్షణ తీసుకుంది. ఢిల్లీ యూనివర్సిటీలో సైకాలజీ చదివింది. సిటీ బ్యాంక్‌లో ఉద్యోగం సంపాదించింది. అయితే ఆ వృత్తి.. తన ప్రవృత్తికి మ్యాచ్‌ అవక చేస్తున్న కొలువును వదిలిపెట్టి కొరియోగ్రాఫర్‌గా కెరీర్‌ ప్రారంభించింది. ఆ తర్వాత యాంకరింగ్, వాయిస్‌ ఓవర్‌ ఆర్టిస్ట్, ఈవెంట్‌ మేనేజర్, మోడల్, అసిస్టెంట్‌ డైరెక్టర్‌ దాకా సాగింది ఆ ప్రయాణం. దీపికా పడుకోణ్‌తో కలిసి బ్రిటానియా గుడ్‌ డే యాడ్‌ చేస్తున్నప్పుడే నటనపై ఆసక్తి పెరిగింది.  కొంతకాలం ముంబైలోని ‘బేర్‌ ఫుట్‌ థియేటర్‌’, ‘ది బ్లైండ్‌ అండ్‌ ది ఎలిఫెంట్‌ థియేటర్‌’లలో ఆర్టిస్ట్‌గా కూడా పనిచేసింది. 2019లో ‘మేడిన్‌ హెవెన్‌’తో వెబ్‌సిరీస్‌ చాన్స్‌ వచ్చింది. టాలెంట్‌ను చాటుకుంది. ఆ గుర్తింపుతోనే  ‘కాఫిర్‌’, ‘ఆర్యా’ వంటి సిరీస్‌లూ ఆమెకు ప్రధాన భూమికలనిచ్చాయి. అమెజాన్‌లో స్ట్రీమ్‌ అవుతోన్న ‘మిర్జాపూర్‌ –2’లో జమున పాత్రలో ఒదిగిపోయి వెబ్‌ వీక్షకుల అభిమానాన్ని, విమర్శకుల ప్రశంసలనూ పొందుతోంది.  ఇండస్ట్రీలో గాడ్‌ఫాదర్‌ లేనివారికి ఓటీటీ ఫ్లాట్‌ఫామ్‌ ఓ వరం.. మన టాలెంట్‌కు చక్కని అవకాశం. అందుకే సినిమాలకంటే వెబ్‌సిరీస్‌లే నాకు బాగా నచ్చుతాయి.  – ప్రియాషా భరద్వాజ్‌ చదవండి: Monal Gajjar: హైదరాబాదీని అయిపోయా.. మోనాల్‌ ఆసక్తికర పోస్ట్‌

మీర్జాపూర్‌/ఉత్తరప్రదేశ్‌: మూడు తరాల పాతదైన ఓ ఇల్లు కూలి 5 మంది మరణించిన ఘటన ఉత్తర ప్రదేశ్‌లోని మీర్జాపూర్‌లో చోటు చేసుకుంది. బుధవారం తెల్లవారుజామున 3 గంటల సమయంలో ఇంటి పైకప్పు కూలడంతో ఇంట్లో ఉన్న 5 మంది నిద్రలోనే కన్ను మూశారు. మరణించిన వారిని మోటార్‌ మెకానిక్‌ ఉమాశంకర్‌ (50), ఆయన భార్య గుడియా (48), కుమారులు శుభమ్‌ (22), సౌరభ్‌ (18), కూతురు సంధ్య (20)లుగా గుర్తించారు. కాగా, మరొక కుమర్తె వారణాసిలో చదువుతోంది. ప్రమాద సమయంలో ఆమె ఇంట్లో లేకపోవడంతో ప్రమాదం నుంచి తప్పించుకున్నారు. ఈ ఏడాది నవంబర్‌లో ఆమె పెళ్లి చేయాలని కుటుంబం నిర్ణయించుకున్న నేపథ్యంలో ఈ ఘటన జరగడం గమనార్హం. ముఖ్యమంత్రి యోగి ఆదిత్యనాథ్‌ ఈ విషయంపై విచారం వ్యక్తం చేశారు. మరణించిన ఒక్కొక్కరి తరఫున రూ. 2లక్షల నష్టపరిహారం అందించనున్నట్లు ప్రభుత్వం ప్రకటించింది.  చదవండి: అమానవీయం: సైకిల్‌పై భార్య మృతదేహం తరలింపు

పంకజ్‌ త్రిపాఠి అంటే అందరికీ ‘గ్యాంగ్స్‌ ఆఫ్‌ వాసేపూర్‌’ గుర్తుకు వస్తుంది. ఆ తర్వాత అతను ‘మసాన్‌’, ‘స్త్రీ’, ‘న్యూటన్‌’ తదితర సినిమాల్లో అద్భుతంగా నటించాడు. ప్రస్తుతం హాట్‌స్టార్‌లో అతను నటించిన వెబ్‌సిరీస్‌ ‘క్రిమినల్‌ జస్టిస్‌’ మంచి ప్రశంసలు పొందుతోంది. ఇప్పుడు క్షణం తీరిక లేని ఆర్టిస్టే అయినా ఒకప్పుడు అంటే 2000 సంవత్సరంలో అవకాశాల కోసం ఎక్కే గడప దిగే గడపగా అతను జీవించాడు. భార్యను స్కూల్‌ టీచర్‌గా చేర్చి ఆ వచ్చే జీతంతో బతుకుతూ అవకాశాల కోసం ఆఫీసుల చుట్టూ తిరిగేవాడు. అయితే ఆఫీసుల్లోకి అంత సులభంగా ఎవర్నీ రానివ్వరు. దానికి త్రిపాఠి ఒక టెక్నిక్‌ పాటించేవాడు. సినిమా తీయబోతున్న ప్రతి ఆఫీసుకు తన ఫోటోలతో వెళ్లి ‘ఈశ్వర్‌ గారు పంపారండీ నన్ను’ అని రిసెప్షన్‌లో చెప్పేవాడు. ‘ఈశ్వర్‌ గారు పంపారట’ అనేసరికి ఆ ఈశ్వర్‌ ఎవరో ప్రముఖుడనుకొని లోపలికి రానిచ్చేవారు. ఫొటోలు తీసుకుని మాట్లాడి ఆఖరున ‘ఇంతకీ ఏ ఈశ్వర్‌ గారండీ’ అని అడిగేవారు. అప్పుడు పంకజ్‌ ఆకాశం వైపు చూపించి ’ఆ ఈశ్వర్‌ అండీ. ఆయనే కదా భూమ్మీదకు మనందరినీ పంపింది’ అనంటే అందరూ నవ్వేసేవారట. ఆ సెన్స్‌ ఆఫ్‌ హ్యూమర్‌ ఉండటం వల్లే ఆయన అంత మంచి నటుడయ్యాడు. 

‘కెమెరా.. యాక్షన్‌..’ అనగానే నటించడం నటులకు సహజమే. కానీ.. ఆ నటనలో సహజత్వాన్ని కలబోసి.. జీవించగలిగేవాళ్లు కొందరే ఉంటారు. పాత్ర చిన్నదైనా, పెద్దదైనా.. ప్రేక్షకుల మనసుల్లో ముద్రపడేటంత గొప్పగా నటించి.. అభిమానుల గుండెల్ని కొల్లగొట్టేస్తారు. అలాంటి కోవకు చెందిన అమ్మాయే ఈ ప్రియాషా భరద్వాజ్‌. వెబ్‌ సిరీస్‌ ప్రియులంతా ఈమెను ‘సౌందర్య’ అని, ‘జమున’ అని తమ అభిమాన క్యారెక్టర్‌ పేరుతో గుర్తుపడుతుంటారు. నటనలో తనకంటూ ప్రత్యేక గుర్తింపు తెచ్చుకున్న ప్రియాషా.. అస్సాంలోని గౌహతిలో నవంబర్‌ 8న జన్మించింది. ఓటీటీ ప్లాట్‌ఫాంలో ‘ఆర్యా’,‘కాఫిర్‌’ సీరిస్‌లలో నటిగా మంచి గుర్తింపు తెచ్చుకుంది. ప్రస్తుతం మీర్జాపూర్‌–2తో ప్రేక్షకులకు మరింత దగ్గరైంది. విమర్శకుల ప్రశంసలు అందుకుంది. ‘మేడిన్‌ హెవెన్‌’ వెబ్‌సిరీస్‌లో తన కెరీర్‌ స్టార్ట్‌ చేసింది. అందులో ఐసీయూ నర్స్‌గా చిన్న పాత్ర పోషించింది. ఆ పాత్రకు తగ్గట్టుగా రెండంటే రెండు లైన్ల డైలాగ్‌ చెప్పి..ఆ సిరీస్‌ డైరెక్టర్‌ చేతే ‘బాగా చేశావ్, నీకు మంచి ఫ్యూచర్‌ ఉంది’ అని చెప్పించుకుందంటే తన నటనాప్రావీణ్యాన్ని అర్థం చేసుకోవచ్చు. ప్రముఖ రచయిత, నటుడు, దర్శకుడు అయిన  సత్యప్రసాద్‌ బారువా కుటుంబానికి చెందిన ప్రియాషా.. పాఠశాల విద్య సంస్కృత పాఠశాలలో చదివింది. సైకాలజీలో బ్యాచిలర్‌ డిగ్రీ ఢిల్లీ యూనివర్సిటీలో పూర్తి చేసింది. చిన్నప్పటినుంచి భరతనాట్యం నేర్చుకున్న ప్రియాషా.. స్కూలు విద్య పూర్తి అయ్యాక, ఢిల్లీలో జాజ్, వెస్టర్న్‌ డ్యాన్స్‌లు నేరుకుంది. డిగ్రీ అయ్యాక సిటీబ్యాంక్‌లో ఉద్యోగినిగా కెరీర్‌ స్టార్ట్‌ చేసిన ప్రియషా.. ఆ జాబ్‌లో ఇమడలేక రిజైన్‌ చేసి.. ఫ్రీలాన్స్‌ కొరియోగ్రఫీ ప్రాజెక్టులను చేయడం ప్రారంభించింది. తర్వాత కార్పొరేట్‌ కొరియోగ్రఫీ, యాంకరింగ్, ఈవెంట్స్‌కి ఆర్టిస్ట్‌ మేనేజర్, అసిస్టెంట్‌ కాస్టింగ్‌ డైరెక్టర్, వాయిస్‌ ఓవర్‌ ఇలా చాలానే చేసింది. ఈ క్రమంలోనే ఆమెకు యాక్టింగ్‌పై ఆసక్తి కలిగింది. చిన్నప్పటి నుంచి సంగీతం, డ్యాన్స్‌ అంటే ఇష్టముండటంతో.. మోడలింగ్‌ వైపు అడుగుల వేసిన ప్రియషా.. దీపికా పదుకొనేతో కలిసి బ్రిటానియా గుడ్‌డే యాడ్‌లో నటించింది. తర్వాత యాడ్స్‌ ఆడిషన్స్‌ కోసం ముంబై షిఫ్ట్‌ అయ్యింది. యూనిసెఫ్‌కు సంబంధించి మదర్‌హుడ్‌ స్టోరీస్‌ యాడ్‌ సిరీస్‌లో డజన్ల సంఖ్యలో ఆమె యాడ్స్‌ చేసింది. సినిమాలకంటే వెబ్‌సిరీస్‌లే తనకు బాగా నచ్చుతాయంటుంది ప్రియాషా. ఎందుకంటే.. ‘సినిమాలతో పోలిస్తే వెబ్‌సిరీస్‌లలో స్క్రీన్‌ మీద ఎక్కువ సేపు మనల్ని మనం చూసుకోవచ్చు కదా’ అంటూ కొంటెగా సమాధానమిస్తోంది ఈమె. 2019లో ‘కాఫిర్‌’లో చాన్స్‌ వచ్చాక. ఆమె వెనక్కి తిరిగిచూసుకోలేదు. ప్రముఖ నటి సుస్మితా సేన్‌ నటించిన ‘ఆర్యా’ వెబ్‌సిరీస్‌లో సేన్‌ చెల్లిగా సౌందర్య క్యారెక్టర్, మీర్జాపూర్‌–2లో జమున క్యారెక్టర్‌.. ప్రియాషాకి మంచి పేరు తెచ్చిపెట్టాయి. ఇండస్ట్రీలో నెపోటిజం ఉన్నప్పటికీ కొత్త వారికి అవకాశాలు మెండుగా ఉన్నాయంటారు ప్రియషా. ‘నేను 200 ఆడిషన్స్‌కు వెళ్తే.. 40 ఆడిషన్స్‌కి సెలెక్ట్‌ అయ్యాను.. అంటే నా పైన నెపోటిజం పెద్దగా ప్రభావితం చూపించలేదు..’ అంటుంది ప్రియాషా. ‘10–15 సంవత్సరాల తర్వాత నా సొంతూరు గౌహతి వెళ్లిపోయి.. అక్కడ ఉన్న పేద పిల్లలకు నటనలో ట్రైనింగ్‌ ఇస్తాను’ అంటోంది ప్రియషా. (చదవండి: 3 నిమిషాల పాట కోసం అనసూయకు రూ .20 లక్షలు!)

పెనం మీద నుంచి పొయ్యిలో పడ్డట్లైంది అమెజాన్‌ ప్రైమ్‌ వీడియో పరిస్థితి. ఇప్పటికే తాండవ్‌ సిరీస్‌ను వివాదాలు చుట్టుముట్టగా ఇప్పుడు మీర్జాపూర్‌కు కొత్త చిక్కులు వచ్చిపడ్డాయి. ఉత్తర ప్రదేశ్‌లోని మీర్జాపూర్‌ ప్రాంతాన్ని హింసాత్మకంగా చూపించడంతో అక్కడ నివసించే ఓ వ్యక్తి ఈ వెబ్‌ సిరీస్‌ మీద పిల్‌ దాఖలు చేశాడు. దీంతో సుప్రీం కోర్టు గురువారం నాడు మీర్జాపూర్‌ టీమ్‌కు, అమెజాన్‌ ప్రైమ్‌ వీడియోకు నోటీసులు జారీ చేసింది. ఈ నేపథ్యంలో ఓటీటీలో ఇష్టారీతిన వస్తున్న సినిమాలు, వెబ్‌ సిరీస్‌ కంటెంట్‌ను నియంత్రించాలన్న డిమాండ్‌ వినిపిస్తోంది.(చదవండి: మీర్జాపూర్‌ 2ను బ్యాన్‌ చేయండి: మహిళా ఎంపీ) ఇదిలావుంటే ఈ వెబ్‌సిరీస్‌పై లక్నో, మీర్జాపూర్‌లో ఇదివరకే రెండు ఎఫ్‌ఐఆర్‌లు నమోదు అవగా తాజాగా ఓ కేసు నమోదైనట్లు తెలుస్తోంది. ఈ సిరీస్‌లో మత, ప్రాంతీయ, సామాజిక మనోభావాలను దెబ్బతీయడంతో పాటు అక్రమ సంబంధాలను ఎక్కువ ఫోకస్‌ చేశారంటూ మీర్జాపూర్‌లోని అర్వింద్‌ చతుర్వేది పోలీసులను ఆశ్రయించాడు. అతడి ఫిర్యాదు మీరకు పోలీసులు సదరు వెబ్‌సిరీస్‌ నిర్మాతలతో పాటు, దాన్ని ప్రసారం చేసిన ఓటీటీ ప్లాట్‌ఫామ్‌ పైనా సోమవారం నాడు కేసు నమోదు చేశారు. కాగా అప్పట్లో ఈ సిరీస్‌ మీద మీర్జాపూర్‌ ఎంపీ అనుప్రియ పటేల్‌ సైతం అభ్యంతరం వ్యక్తం చేశారు. ప్రధాని నరేంద్ర మోదీ, యూపీ ముఖ్యమంత్రి యోగి ఆదిత్యనాథ్‌ నాయకత్వంలో మీర్జాపూర్‌ ప్రశాంతతకు కేంద్రంగా ఉందని, కానీ వెబ్‌ సిరీస్‌లో ఈ నగరాన్ని హింసాత్మకంగా చూపించి దాని ప్రతిష్టను దిగజార్చారని మండిపడ్డారు. ఇక రెండు సిరీస్‌లుగా వచ్చిన మీర్జాపూర్‌లో పంకజ్‌ త్రిపాఠి, అలీ ఫజల్‌, విక్రాంత్‌ మాస్సే, శ్వేత త్రిపాఠి, హర్షిత గౌర్‌ తదితరులు నటించారు. ఈ వెబ్‌ సిరీస్‌కు కరణ్‌ అన్షుమన్‌, గుర్మీత్‌ సింగ్‌లు దర్శకత్వం వహించారు. ఎక్సెల్‌ మీడియా ఎంటర్‌టైన్‌మెంట్‌ పతాకంపై ఫర్హాన్ అక్తర్, రితేశ్‌ సిద్వానీ దీన్ని నిర్మించారు. (చదవండి: హనీమూన్‌కు వెళ్లిన బిగ్‌బాస్‌ నటి)

ముంబై : క్రైమ్‌, థ్రిల్లర్‌ యాక్షన్‌ వెబ్‌ సిరీస్‌గా నెటిజన్లను విపరీతంగా ఆకర్షించింది మీర్జాపూర్‌. పంక్‌ త్రిపాఠి, అలీ ఫజల్‌, దివ్యేందు శర్మ, శ్వేత త్రిపాఠి, హర్షితా శేఖర్‌, అమిత్‌ సియాల్‌ కీలక పాత్రల్లో నటించిన ఈ వెబ్‌ సిరీస్‌ను కరణ్‌ అన్షుమన్‌, గుర్మీత్‌ సింగ్‌లు తెరకెక్కించారు. ఇటీవల ఈ సిరీస్‌కు కొనసాగింపుగా మీర్జాపూర్‌ 2 వచ్చిన విషయం తెలిసిందే. అక్టోబర్‌ 23న సోషల్‌ మీడియా ప్లాట్‌ ఫాం అమెజాన్‌ ప్రైమ్‌లో ఈ వెబ్‌ సిరీస్‌ అధికారికంగా విడుదల అయ్యింది. అయితే మీర్జాపూర్‌ మొదటి సిరీస్‌ తెలుగుతోపాటు అన్ని ప్రాంతీయ భాషల్లోకి డబ్ అవ్వగా.. మీర్జాపూర్‌-2 మాత్రం కేవలం హిందీలో మాత్రమే అందుబాటులోకి వచ్చింది. చదవండి: మీర్జాపూర్‌ 2: ఫ్యాన్స్‌ అసంతృప్తి దీంతో తెలుగు ప్రేక్షకులు పూర్తిగా నిరాశ చెందారు. మీర్జాపూర్‌-2ను తెలుగు‌లోనూ విడుదల చేయాలని అభిమానులు పట్టుబట్టారు. తెలుగు వెర్షన్‌ను కోరుతూ సోషల్‌ మీడియా వేదికగా రచ్చ రచ్చ చేశారు. దీనిపై స్పందించిన మీర్జాపూర్‌-2 చిత్ర యూనిట్‌ తాజాగా తెలుగు అభిమానులకు శుభవార్తను అందించింది. ప్రస్తుతం హిందీలో మాత్రమే విడుదలైన ఈ సిరీస్‌ను తెలుగులోనూ రిలీజ్‌ చేసేందుకు సిద్ధమైంది. ఈ క్రమంలో శుక్రవారం(డిసెంబర్‌ 11) రోజు అమెజాన్‌ ప్రైమ్‌లో తెలుగు ఆడియోను అందుబాటులోకి తీసుకొచ్చింది. ఇక మీర్జాపూర్‌ ప్రస్తుతం తెలుగులోనూ లభించడంతో అభిమానులు పండగ చేసుకుంటున్నారు. ఇదిలా ఉండగా మొదటి సీజన్‌తో పోల్చుకుంటే రెండో సీజన్‌ అభిమానులను నిరాశకు గురిచేసింది. హింస మరింత పెరిగిందని, ఎవర్ని ఎవరు చంపుతున్నారో క్లారిటీ లేదని అభిమానులు అసంతృప్తి వ్యక్తం చేశారు. 

లక్నో : అమెజాన్‌ ప్రైమ్‌ వెబ్‌ సిరీస్‌ మీర్జాపూర్‌ 2ను బ్యాన్‌ చేయాలని మీర్జాపూర్‌ అప్నా దల్‌ ఎంపీ అనుప్రియా పాటేల్‌ డిమాండ్‌ చేశారు. సదరు వెబ్‌ సిరీస్‌ జాతి అసమానతలను వ్యాప్తి చేస్తోందని ఆమె ఆరోపించారు. మీర్జాపూర్‌ను ఓ హింసాత్మక ప్రదేశంగా చూపిస్తూ దాని పేరు చెడగొడుతోందని మండిపడ్డారు. ప్రధాని నరేంద్ర మోదీ, ముఖ్యమంత్రి యోగీ ఆధిత్యనాథ్‌ నాయకత్వంలో మీర్జాపూర్‌ ప్రశాంతతకు కేంద్ర బిందువుగా ఉందని అన్నారు. వెబ్‌ సిరీస్‌ విషయంపై తప్పక విచారణ జరిపి తగిన విధంగా చర్యలు తీసుకోవాలని కోరారు. ( నాకు  కాబోయేవాడు నా షూ‌తో సమానం ) గ్యాంగ్‌ వార్‌ నేపథ్యంలో సాగే క్రైమ్‌ థ్రిల్లర్‌ వెబ్‌ సిరీస్‌ మీర్జాపూర్‌. దీనికి కొనసాగింపుగా ఈ నెల 23న  అమెజాన్‌ ప్రైమ్‌లో మీర్జాపూర్‌ 2 విడుదలైంది. అలీ ఫజల్‌, పంకజ్‌ త్రిపాఠి, దివ్యేందు శర్మ, శ్వేత త్రిపాఠి, హర్షితా శేఖర్‌, అమిత్‌ సియాల్‌, విజయ్‌ వర్మ, ప్రియన్షూ పేన్యూలీ, ఇషా తల్వార్‌లు కీలక పాత్రల్లో నటించిన ఈ వెబ్‌ సిరీస్‌కు కరణ్‌ అన్షుమన్‌, గుర్మీత్‌ సింగ్‌లు దర్శకత్వం వహించారు. ఎక్సెల్‌ మీడియా ఎంటర్‌టైన్‌మెంట్‌ పతాకంపై ఫర్హాన్ అక్తర్, రితేశ్‌ సిద్వానీ దీన్ని నిర్మించారు.

మొదటి సీజన్‌తో విపరీతమైన ప్రేక్షకాదరణ పొందిన వెబ్‌ సిరీస్‌ ‘‘మీర్జాపూర్‌’. గ్యాంగ్‌ వార్‌ నేపథ్యంలో సాగే క్రైమ్‌ థ్రిల్లర్‌ కథ ఇది. శుక్రవారం అమెజాన్‌ ప్రైమ్‌లో సీజన్‌ 2 మొదలైంది. తాజగా విడుదలైన సీజన్‌2లోని రెండు ఎపిసోడ్లపై సోషల్‌ మీడియా వేదికగా అభిమానులు స్పందిస్తున్నారు. మొదటి సీజన్‌తో పోల్చుకుంటే రెండో సీజన్‌ కొద్దిగా బాగోలేదని అంటున్నారు. హింస మరింత పెరిగిందని, ఎవర్ని ఎవరు చంపుతున్నారో క్లారిటీ లేదని వాపోతున్నారు. అయితే కొత్తగా సీజన్‌లోకి ప్రవేశించిన నటీనటులు విజయ్‌ వర్మ, ప్రియన్షూ పేన్యూలీ, ఇషా తల్వార్‌ నటన అద్భుతంగా ఉందంటున్నారు. ( హ్యపీ బర్త్‌డే డార్లింగ్‌ ప్రభాస్‌..) అలీ ఫజల్‌, పంకజ్‌ త్రిపాఠి, దివ్యేందు శర్మ, శ్వేత త్రిపాఠి, హర్షితా శేఖర్‌, అమిత్‌ సియాల్‌, విజయ్‌ వర్మ, ప్రియన్షూ పేన్యూలీ, ఇషా తల్వార్‌లు కీలక పాత్రల్లో నటించిన ఈ వెబ్‌ సిరీస్‌కు కరణ్‌ అన్షుమన్‌, గుర్మీత్‌ సింగ్‌లు దర్శకత్వం వహించారు. ఎక్సెల్‌ మీడియా ఎంటర్‌టైన్‌మెంట్‌ పతాకంపై ఫర్హాన్ అక్తర్, రితేశ్‌ సిద్వానీ దీన్ని నిర్మించారు. మొదటి సీజన్‌కు కూడా మిశ్రమ స్పందనలు వచ్చినప్పటికి అభిమానుల ప్రోత్సాహంతో ముందుకు దూసుకుపోయింది.

ముంబాయి: క్రైమ్‌, థ్రిల్లర్‌ యాక్షన్‌ వెబ్‌ సిరీస్‌గా నెటిజన్లను విపరీతంగా ఆకర్షించింది మీర్జాపూర్‌. పంక్‌ త్రిపాఠి, అలీ ఫజల్‌, దివ్యేందు శర్మ, శ్వేత త్రిపాఠి, హర్షితా శేఖర్‌, అమిత్‌ సియాల్‌ కీలక పాత్రల్లో నటించిన ఈ వెబ్‌ సిరీస్‌ను కరణ్‌ అన్షుమన్‌, గుర్మీత్‌ సింగ్‌లు తెరకెక్కించారు. ప్రస్తుతం ఈ సిరీస్‌కు కొనసాగింపుగా మీర్జాపూర్‌ 2 వస్తున్న విషయం తెలిసిందే. ఇప్పటికే విడుదల కావాల్సిన రెండో సిరీస్‌ కరోనా వైరస్‌, లాక్‌డౌన్‌ కారణంగా వాయిదా పడింది. దీంతో అక్టోబర్‌ 23న సోషల్‌ మీడియా ప్లాట్‌ ఫాం అమెజాన్‌ ప్రైమ్‌లో ఈ వెబ్‌ సిరీస్‌ విడుదల కానుంది. (‘మీర్జాపూర్‌-2’ రిలీజ్‌ ఎప్పుడంటే..) ఈ సిరీస్‌ను గుర్మీత్‌ సింగ్‌, మిహిర్‌ దేశాయ్‌లను తెరకెక్కిస్తుండగా.. ఎక్సెల్‌ మీడియా ఎంటర్‌టైన్‌మెంట్‌ పతాకంపై ఫర్హాన్ అక్తర్, రితేశ్‌ సిద్వానీ నిర్మిస్తున్నారు. దాదాపు రెండేళ్ల నుంచి సీజన్‌ 2 కోసం ఎదురు చూస్తుండగా.. తాజాగా మీర్జాపూర్‌ 2 ట్రైలర్‌ చిత్ర బృందం విడుదల చేసింది. మీర్జాపూర్‌2 సిరీస్‌ ఎప్పుడెప్పుడు విడుదలవుతుందా అని ఎదురుచూస్తున్నఈ సినిమా నుంచి ట్రైలర్‌ విడుదల చేసినందుకు సంతోషంగా ఉందని, ఈ సినిమా అభిమానులకు ఖచ్చితంగా ఆక్టుకుంటుందని ఆశిస్తున్నట్లు నిర్మాతల్లో ఒకరైన రితేశ్‌ తెలిపారు. కాగా 2 నిమిషాల 48 సెకన్ల నిడివి గల ఈ ట్రైలర్‌ను చూస్తుంటే సినిమాపై ఉన్న అంచనాలను మించి ఉండేలా కన్పిస్తోంది. అభిమానులను కట్టిపడేసే మలుపులు, అనేక ట్విస్టులతో ఉండనున్నట్లు తెలుస్తోంది. అలాగే  ఈ సిరీస్‌లో మరి కొందరు నటులు కొత్తగా కనిపించనున్నారు. ('రొమాంటిక్ డిన్న‌ర్ ప్లాన్ చేసి ప్ర‌పోజ్ చేశాడు')

సాక్షి, న్యూఢిల్లీ : ఉత్తరప్రదేశ్‌లోని మీర్జాపూర్‌ జిల్లా, రాంపూర్‌ అటారి గ్రామం ప్రభుత్వ పాఠశాలలో సోమవారం ఘోరం జరిగిపోయింది. పిల్లల మధ్యాహ్న భోజనం కోసం ఏర్పాట్లు జరగుతున్నప్పుడు ఉడుకుతున్న కూర బానలో ప్రమాదవశాత్తు మూడేళ్ల పాప పడిపోయి కాలిన గాయాలతో మరణించింది. ఆ సమయంలో వంటవాడు ఇయర్‌ ఫోన్లు పెట్టుకొని పాటలు వింటుండంతో పాప పడిపోయిన శబ్దంగానీ, ‘అయ్యో చెల్లె పడిపోయింది. పడిపోయింది. రక్షించండి’ అంటూ ఆ పాప సోదరుడు పెట్టిన అరుపులుగానీ వినిపించుకోలేదు. సోదరుడు వచ్చి వంటివాడిని కుదిపేస్తేగానీ జరిగిన ఘోరం వంటవాడికి అర్థం కాలేదు. పాఠశాల ఉపాధ్యాయులు వెంటనే స్పందించి పాపను ఆస్పత్రికి తీసుకెళ్లినా లాభం లేకపోయింది. అప్పటికే ఒళ్లంతా కాలిపోవడంతో ఆ పాప మరణించింది. ఈ సంఘటనపై వెంటనే స్పందించిన జిల్లా మేజిస్ట్రేట్‌ సుశీల్‌ కుమార్‌ పటేల్‌ పాఠశాల ప్రధానోపాధ్యాయుడిని సస్పెండ్‌ చేస్తూ ఆదేశాలు జారీ చేశారు. పాఠశాలల్లో ఇలాంటి ఘోరం జరగడం ఇదే మొదటిసారి కాదు. తెలంగాణాలోని రంగారెడ్డి జిల్లాలో గత నవంబర్‌ నెలలో సురేశ్‌ అనే మూడేళ్ల బాలుడు ఉడుకుతున్న పప్పు బానలో పడి చనిపోయాడు. వంటకు సమీపంలో ఆ బాలుడు ఆడుకుంటున్నప్పుడు ఈ ప్రమాదం జరిగింది. నవంబర్‌ నెలలోనే ఆంధ్రపదేశ్‌లోని కర్నూల్‌ పట్టణంలో ఓ ప్రైవేటు పాఠశాలలో ఆరేళ్ల బాలుడు ఉడుకుతున్న సాంబారును చిన్న బకెట్‌లోకి తీయబోయి పొరపాటున బానాలో పడిపోయి మరణించాడు.

సాక్షి, న్యూఢిల్లీ : ఉత్తరప్రదేశ్‌ రాష్ట్రంలోని మీర్జాపూర్‌ జిల్లాలోని ఓ ప్రభుత్వ పాఠశాలలో ఆగస్టు 22వ తేదీ మధ్యాహ్నం పిల్లలు ఓ రొట్టెముక్కను ఉప్పులో నంజుకుని తింటున్న వీడియో ఒకటి ఇటీవల మీడియాలో హల్‌చల్‌ చేసింది. ఇది ఆ ఒక్క రోజు కనిపించిన దశ్యం కాదని, ఎప్పుడూ జరిగేదేనని ఆ దశ్యాన్ని వీడియో తీసిన హిందీ వార్తా పత్రిక ‘జనసంఘర్ష్‌ టైమ్స్‌’ జర్నలిస్ట్‌ పవన్‌ జైస్వాల్‌ తెలిపారు. ఈ వీడియో వార్తా కథనంపై తక్షణమే స్పందించిన మీర్జాపూర్‌ జిల్లా మేజిస్ట్రేట్‌ దార్యాప్తు జరిపి ఆ పాఠశాల అధికారులను సస్పెండ్‌ చేశారు. సమగ్ర దర్యాప్తు జరిపిస్తామని ఆదిత్యనాథ్‌ నేతత్వంలోని బీజేపీ ప్రభుత్వం హామీ ఇచ్చింది.  అయితే ఆశ్చర్యకరంగా గత ఆదివారం నాడు యూపీ పోలీసులు జర్నలిస్ట్‌ పవన్‌ జైస్వాల్‌పై ఎఫ్‌ఐఆర్‌ దాఖలు చేశారు. వీడియో కథనం వెనక ఆయన నేరపూరిత కుట్రపన్నారంటూ ఎఫ్‌ఐఆర్‌లో ఆరోపించారు. పాఠశాల ఉన్న సియూర్‌ గ్రామ పెద్ద ప్రతినిధి అయిన రాజ్‌కుమార్‌ పాల్‌తోపాటు ఓ గుర్తుతెలియని వ్యక్తిని కూడా ఇందులో నిందితులుగా చేర్చారు. కేంద్ర ప్రభుత్వం ఆదేశాల మేరకు నిర్వహిస్తున్న మధ్యాహ్న భోజన పథకంలో రోటి, సోయాబీన్, ఇతర కూరగాయలు, లేదా రోటి, దాల్‌ లేదా పలావును తప్పనిసరిగా సర్వ్‌ చేయాలంటూ యూపీ ప్రభుత్వం అధికారులకు మార్గదర్శకాలను సూచించింది. ప్రతి రోజు 450 గ్రాముల క్యాలరీలు, 12 గ్రాముల ప్రొటీన్లు విధిగా ఉండాలని కూడా నిర్దేశించింది.  యూపీలో బడి పిల్లలు పౌష్టికాహార లోపంతో ఎక్కువగా బాధ పడుతున్నందున ఆహారం విషయంలో మార్గదర్శకాలు అవసరం అయ్యాయి. భారత దేశం మొత్తం మీద 4.66 కోట్ల మంది ఐదేళ్ల లోపు పిల్లలు పౌష్టికాహార లోపంతో బాధ పడుతున్నారని, ఈ విషయంలో భారత్‌ ప్రపంచంలోనే దిగువ నుంచి మూడో స్థానంలో ఉందని 2018లో విడుదలైన ‘ప్రపంచ న్యూట్రిషన్‌ రిపోర్ట్‌’ తెలియజేస్తోంది. బడి పిల్లల్లో పోష్టికాహార లోపాన్ని సరిదిద్ది వారిని అంటు రోగాల బారిన పడకుండా నిరోధించడంతోపాటు వారిని పాఠశాలలకు ఆకర్షించడానికి, వారిలో కుల, మత భేదాలు లేకుండా సామరస్యం పెంపొందించడానికి 1995లో కేంద్ర మానవ వనరుల అభివద్ధి శాఖ ఈ ‘మధ్యాహ్న భోజన పథకం’ను దేశవ్యాప్తంగా ప్రవేశపెట్టింది.  ఈ స్కీమ్‌ను అమలు చేయడంలో కొన్ని రాష్ట్రాల్లో అప్పుడప్పుడు అవకతవకలు జరుగుతూనే ఉన్నాయి. 2013లో బీహార్‌లో విషాహారం సరఫరా వల్ల 23 మంది బడి పిల్లలు మరణించారు. పశ్చిమ బెంగాల్‌లోని ఓ పాఠశాలలో తనిఖీ నిర్వహించగా తెల్ల అన్నం, ఉప్పును మాత్రమే పెట్టిన ఘోరం బయట పడింది. యూపీలోని ఐదేళ్లలోపు పిల్లల్లో ఎక్కువ మంది పిల్లలు పౌష్టికాహార లోపంతో బాధ పడుతున్నట్లు పలు నివేదికలు ఇప్పటికే బహిర్గతం చేశాయి. మధ్యాహ్న భోజనం పథకంలో లొసుగులను పూడ్చేందుకు కఠిన చర్యలు తీసుకోవాల్సిన యోగి ఆధిత్యనాథ్‌ ప్రభుత్వం, పథకం అమలు తీరును బయటన పెట్టిన జర్నలిస్టుపై చర్య తీసుకోవడం ఏమిటో ఎవరికి అర్థంకాని విషయం.

లక్నో: తినడానికి మూడు పూటలా తిండి దొరికితే చాలు అనుకునే కుటుంబాలు నేటికి మన దేశంలో కొకొల్లలు. ఈ క్రమంలో కనీసం ఓ పూటైనా కడుపు నిండా తిండి దొరుకుతుందనే ఉద్దేశంతో పిల్లలను ప్రభుత్వ పాఠశాలకు పంపే కుటుంబాలు ఎన్నో ఉన్నాయి. ఇలాంటి పేద విద్యార్థులకు సరైన పోషకాహారం అందించేందుకు ప్రభుత్వం మధ్యాహ్న భోజన పథకం తీసుకొచ్చింది. దీని కోసం ప్రతి ఏడాది కొన్ని వేల కోట్ల రూపాయాలు ఖర్చు పెడుతోంది. కానీ నేటికి కొన్ని ప్రాంతాల్లోని పాఠశాలల్లో విద్యార్థులకు పోషకాహారం కాదు కదా.. కనీస భోజనం కూడా సరిగా అందట్లేదు. ఈ నేపథ్యంలో ఉత్తరప్రదేశ్‌లో ఓ దారుణమైన సంఘటన వెలుగు చేసింది. మీర్జాపూర్‌ జిల్లాలోని కొన్ని ప్రభుత్వ పాఠశాలల్లో విద్యార్థులకు మధ్యాహ్న భోజనం పేరుతో కేవలం రొట్టెలు, కూరకు బదులుగా ఉప్పు ఇస్తున్నారు.   మధ్యాహ్న భోజన పథకంలో చిన్నారులకు ప్రతిరోజు అన్నం, పప్పు, రొట్టె, కూరగాయాలు, పండ్లు, పాలు వంటి పోషకాహారం భోజనంగా ఇవ్వాలని అధికారులు ఈ పథకం తీసుకొచ్చారు. అయితే మీర్జాపూర్‌లోని ఓ ప్రభుత్వ ప్రాథమిక పాఠశాలలో మాత్రం ఇవేవీ కాకుండా కేవలం రొట్టెలు మాత్రమే పెడుతున్నారు. కనీసం కూర కూడా వండకుండా ఉప్పుతో తినమంటున్నారు. ఒకరోజు ఉప్పు, రొట్టెలు.. మరుసటి రోజు అన్నం, ఉప్పు ఇలా వారమంతా విద్యార్థులకు ఇదే భోజనం అందిస్తున్నారు. ఇలా ఓ ఏడాది నుంచి జరుగుతోంది. అయితే తాజాగా ఓ జాతీయ వార్తా సంస్థ కథనంతో ఈ దారుణం వెలుగు చూసింది. ప్రస్తుతం ఇందుకు సంబంధించిన వీడియో సోషల్‌ మీడియాలో తెగ వైరలవుతోంది.   This clip is from a @UPGovt school in east UP's #Mirzapur . These children are being served what should be a 'nutritious' mid day meal ,part of a flagship govt scheme .On the menu on Thursday was roti + salt !Parents say the meals alternate between roti + salt and rice + salt ! pic.twitter.com/IWBVLrch8A — Alok Pandey (@alok_pandey) August 23, 2019 ‘గత ఏడాది కాలంగా ఈ పాఠశాలలో మా పిల్లలకు ఇదే భోజనం పెడుతున్నారు.  పాలు ఎప్పుడో ఒక్కసారి వస్తాయి. వచ్చినా వాటిని పిల్లలకు ఇవ్వరు. ఇక అరటిపండ్లు ఇంతవరకూ పంచలేదు’అని విద్యార్థుల తల్లిదండ్రులు తెలిపారు. ఈ వ్యవహారం బయటకు రావడంతో అధికారులు విచారణ చేపట్టారు. ఇందుకు బాధ్యులైన గ్రామ పంచాయతీ సూపర్‌వైజర్‌, స్కూల్‌ ఇన్‌ఛార్జ్‌లను విధుల నుంచి సస్పెండ్‌ చేశామని వెల్లడించారు. తాజాగా ఇలాంటి సంఘటనే ఒకటి ఇటీవల కాలంలో పశ్చిమ బెంగాల్‌లోని చిన్సురాలో గల ఓ బాలికల పాఠశాలలో చోటు చేసుకుంది. అక్కడ కూడా పిల్లలకు  ఉప్పు, అన్నం మాత్రమే పెడుతున్న వీడియో వైరల్‌ అయ్యింది. దాంతో ఇద్దరు టీచర్లను సస్పెండ్‌ చేశారు.

 మిర్జాపూర్‌ : శవం పక్కన కొద్దిసేపు ఉండడానికే భయపడతారు చాలా మంది. కానీ చనిపోయిన వ్యక్తి శవం పక్కన నెల రోజుల పాటు ఉండాల్సి వస్తే ? అది కూడా సొంత కూతురి శవమైతే? ఆ ఊహే భయంకరంగా ఉంది కదూ. కానీ ఓ దంపతులు తమ కూతురి శవాన్ని ఇంట్లో పెట్టుకొని నెల రోజుల పాటు ఉన్నారు.  ఒళ్ళు గగుర్పొడిచేలా ఉన్న ఈ ఘటన ఉత్తరప్రదేశ్‌లోని మిర్జాపూర్‌లో చోటు చేసుకుంది. వివరాలు.. యూపీకి చెందిన ఓ రిటైర్డ్‌ పోలీసు అధికారి, అతని భార్య మిర్జాపూర్‌లోని హయత్‌నగర్‌లో ఏరియాలో ‘దిలావర్ సిద్దిఖీ’ హౌజ్‌లో నివాసం ఉంటున్నారు. అతనికి ఓ కూతురు ఉంది. గత కొద్ది రోజులుగా ఆ ఇంటి నుంచి ఏదో దుర్వాసన వస్తోంది. ఆ దుర్వాసన రోజురోజుకి ఎక్కువవుతుండడంతో భరించలేక చుట్టుపక్కల వాళ్లు పోలీసులకు సమాచారం ఇచ్చారు. సమాచారం అందుకున్న పోలీసులు హయత్‌నగర్‌ చేరుకొని రిటైర్డ్‌ పోలీసు అధికారి ఇంట్లో సోదాలు నిర్వహించారు. ఇంట్లో నుంచి కుళ్లిపోయిన ఒక శవం లభించింది. ఆ శవాన్ని రిటైర్డ్‌ పోలీసు అధికారి కూతురిగా పోలీసులు గుర్తించారు. ఈ ఘటనపై ఆ దంపతులను విచారించగా.. తమ కూతురు చనిపోలేదని, నిద్రపోతుందని సమాధానం చెప్పడంతో పోలీసులు నిర్ఘాంతపోయారు. అంతే కాకుండా తామంతా కలిసే ఉన్నామని, తమ ఇంట్లో ఎలాంటి దుర్వాసన రావడం లేదని పిచ్చి పిచ్చి సమాధానాలు ఇచ్చారు.  వారి సమాధానాలపై అనుమానం వచ్చి ఈ విషయంపై చుట్టుపక్కలవారిని ప్రశ్నించగా..ఆ దంపతులు మానసిక రుగ్మతతో బాధపడుతున్నారని, ఎవరితో సరిగా మాట్లాడేవారు కాదని చెప్పారు. కేసు నమోదు చేసుకున్న పోలీసులు.. మృతదేహాన్ని పోస్ట్‌మార్టంకి తరలించారు. మానసిక రుగ్మతతో బాధపడుతున్న దంపతులు అనుకోకుండా తమ కూతురిని హత్య చేసి ఉండవచ్చని, పోస్ట్‌మార్టం రిపోర్టు వచ్చాక పూర్తి దర్యాప్తు చేపడతామని పోలీసులు పేర్కొన్నారు.

లక్నో : కాంగ్రెస్‌ పార్టీ నిర్లక్ష్యం కారణంగా దేశం అభివృద్ధికి ఆమడదూరంలో ఉండిపోయిందని ప్రధాని నరేంద్ర మోదీ ధ్వజమెత్తారు. రెండు రోజుల పర్యటనలో భాగంగా.. ఆదివారం ఉత్తరప్రదేశ్‌లోని మీర్జాపూర్‌లో బన్సాగర్‌ నీటిపారుదల ప్రాజెక్టును మోదీ ప్రారంభించారు. పర్యటనలో భాగంగా గంగానదీపై ఇటీవల నిర్మించిన వంతెనను ప్రారంభించిన మోదీ, మెడికల్‌ కాలేజీ, 229 కోట్లతో మీర్జాపూర్‌-ఆలహాబాద్‌ నేషనల్‌ హైవేకు శంకుస్థాపన చేశారు. ఈ సందర్భంగా బీజేపీ నిర్వహించిన రోడ్‌షోలో మోదీ ప్రసంగించారు. గత పాలకుల నిర్లక్ష్యం కారణంగా రాష్ట్రంలో ఎప్పుడో పూర్తి కావాల్సిన ప్రాజెక్టులు ఇప్పటికి పూర్తి కాలేదని మండిపడ్డారు. ఇరవై ఏళ్ల క్రితం బన్సాగర్‌ ప్రాజెక్టుకు 350 కోట్లతో శంకుస్థాపన చేసి వదిలేశారని, తమ ప్రభుత్వం అధికారంలోకి వచ్చిన ఏడాదిలోపే 3500 కోట్లుతో ప్రాజెక్టును పూర్తి చేసినట్లు మోదీ తెలిపారు. ఈ ప్రాజెక్టుతో మీర్జాపూర్‌యే కాకుండా ఆలహాబాద్‌కు కూడా నీటి అవసరాలు తీరుతాయని పేర్కొన్నారు. రాష్ట్రంలో కాంగ్రెస్‌ పార్టీ 55ఏళ్ల పాలనలో ఒక్క ఎయియ్స్‌ కూడా నిర్మించలేకపోయిందని, తమ ప్రభుత్వం 700 మెడికల్‌, 50 శస్త్రచికిత్సా కేంద్రాలను ఏర్పాటు చేయనుందని తెలిపారు. రాష్ట్రానికి సీఎం అయిన కొంత కాలంలోనే యూపీని అభివృద్ధి పథంలో నడుపుతున్నారని సీఎం యోగి ఆదిత్యానాధ్‌ను మోదీ కొనియాడారు. కాంగ్రెస్‌ పార్టీ కేవలం ముస్లింల పక్షానే నిలుస్తుందని, ట్రిపుల్‌ తలాక్‌పై వీరు అనుసరిస్తున్న ధోరణే ఇందుకు నిదర్శనమని శనివారం మోదీ విమర్శించిన విషయం తెలిసిందే.

మీర్జాపూర్‌: షార్ట్‌ సర్క్యూట్‌తో ఓ ఇంట్లో  జరిగిన అగ్నిప్రమాదంలో తల్లితో పాటు ఇద్దరు పిల్లలు సజీవదహనమయ్యారు. ఈ సంఘటన ఉత్తరప్రదేశ్‌లోని మిర్జాపూర్‌ జిల్లా కొల్హాన్‌ గ్రామంలో ఆదివారం రాత్రి చోటుచేసుకుంది. గ్రామానికి చెందిన షీల(30) తన ఇద్దరు పిల్లలతో కలిసి ఇంట్లో నిద్రిస్తుండగా.. ప్రమాదవశాత్తు ఇంట్లో షార్ట్‌ సర్క్యూట్‌ జరిగి మంటలు చెలరేగాయి. పిల్లలతో కలిసి బయటకు రావడానికి యత్నించినా సాధ్యపడకపోవడంతో మంటల్లో చిక్కుకొని ముగ్గురు సజీవదహనమయ్యారు. విషయం తెలుసుకున్న పోలీసులు సంఘటనా స్థలానికి చేరుకొని కేసు దర్యాప్తు చేస్తున్నారు.


 వారాణాసి: పిల్లల భవిష్యత్తుకు బంగారు బాటలు వేసే పాఠశాలలో పాడు పని చేశాడు ఓ గ్రామ పెద్ద. సాక్షాత్తు తరగతి గదిలోనే తప్పతాగి బార్‌ గర్స్‌ తో చిందులేసిన ఘటన ఉత్తరప్రదేశ్‌ లోని మీర్జాపూర్‌ గ్రామంలో చోటు చేసుకుంది. అందుకు సంబంధించిన వీడియో ఒకటి ప్రస్తుతం వైరల్‌ అవుతోంది.
 
 జమల్‌పూర్‌ లోని టెట్రాహియా కాలా కర్ద్‌ ప్రభుత్వ ప్రాథమిక పాఠశాలకు సోమవారం రాఖీపండగ సందర్భంగా సెలవు ప్రకటించారు. ఆ మరుసటిరోజు స్కూల్‌కి వచ్చిన టీచర్లు షాక్‌కి గురయ్యారు. ప్రాంగణం అంతా ఖాళీ మందు సీసాలు పడి ఉండటంతో స్థానికులను ఆరాతీయగా, అదంతా గ్రామాధికారి చేసిన నిర్వాకమని తేలింది.
 
 ఘటనపై అసిస్టెంట్‌ టీచర్‌ అశోక్‌కుమార్‌ విద్యాశాఖ అధికారి ప్రవీణ్‌ కుమార్‌ తివారీకి ఫిర్యాదు చేయగా, ఆయన విచారణకు ఆదేశించారు. తన పుట్టినరోజు సందర్భంగా స్కూల్‌ లోనే పార్టీ ఇచ్చాడని, పైగా బార్‌ గర్ల్స్‌ తో చిందులు కూడా వేసినట్లు తేలింది. దీంతో రామ్‌కేష్‌ పై చర్యలు తీసుకోవాలని జిల్లామెజిస్ట్రేట్‌తోపాటు చీఫ్‌ డెవలప్‌మెంట్‌ ఆఫీసర్‌ ను తివారీ కోరారు. తాను పార్టీ ఇచ్చిన మాట వాస్తవమేనని, అయితే అందులో తాను పాల్గొనలేదని రామ్‌కేష్‌ చెబుతున్నారు.


 ఉత్తరప్రదేశ్ మిర్జాపూర్ ప్రాంతంలోని దిహత్ కొత్వాలీ వద్ద గంగా నదిలో పడవ బోల్తా పడింది. ఆ ప్రమాదంలో18 మంది గల్లంతయ్యారు. మరో ఎనిమిది మంది సురక్షితంగా ఒడ్డుకు చేరారని పోలీసు ఉన్నతాధికారులు వెల్లడించారు. గల్లంతైన వారి కోసం గాలింపు చర్యలు ముమ్మరం చేసినట్లు చెప్పారు.
  
 నివాడియా ఘాట్ వద్ద నుంచి నిన్న సాయంత్రం  26 మందితో పడవ బయలుదేరిందని, బయలుదేరిన కొద్ది సేపటికే పడవ బోల్తా పడిందని చెప్పారు. నీటిలో మునిగిన 8 మంది మాత్రం ఈదుకుంటు ఒడ్డుకు చేరుకున్నారని తెలిపారు. పరిమితికి మించి ప్రయాణికులు పడవలోకి ఎక్కడం వల్లే ఆ ప్రమాదం సంభవించిందని భావిస్తున్నట్లు పోలీసులు వెల్లడించారు.