TV
హీరోయిన్‌గా చక్కటి అవకాశాలు ఇచ్చింది దక్షిణాది చిత్రపరిశ్రమే. తెలుగులో భలే మంచి రోజులో చేసింది. అలాగే తమిళ, మలయాళ చిత్రాల్లోనూ నటించి మంచి పేరు తెచ్చుకుంది. ఆమె తొలి వెబ్‌సిరీస్‌ డిస్నీ హాట్‌స్టార్‌లోని గ్రహణ్‌. ఇటు పంజాబీ, హిందీ, దక్షిణాది చిత్రాలు, అటు వెబ్‌సిరీస్‌ చేస్తూ బిజీగా ఉంటోంది.
నెట్‌ఫ్లిక్స్‌లో ప్రసారమవుతున్న ‘మాయి (mai)’ సిరీస్‌ చూసినవారెవరైనా వామికా గబ్బీని మరచిపోలేరు. మూగ అమ్మాయిగా ఆమె కనబరచిన నటన అలాంటిది మరి. ‘లాంగ్వేజ్‌ క్వీన్‌ ఆఫ్‌ ఇండియన్‌ సినిమా’గా ఆమెకు పేరు. వామికా గురించి మరిన్ని వివరాలు..
► పుట్టింది, పెరిగింది చండీగఢ్‌లో. తండ్రి.. గోవర్ధన్‌ గబ్బీ.. పంజాబీ సినిమా స్క్రిప్ట్‌ రైటర్‌. తల్లి రాజ్‌కుమారి.. టీచర్‌.
► కథక్‌ డాన్స్‌లో శిక్షణ తీసుకుంది. ఎనిమిదవ యేటనే ‘సౌదా దిలా దే’ అనే పంజాబీ టీవీ సీరియల్‌తో నటనారంగంలోకి ప్రవేశించింది.
► డిగ్రీలో ఉన్నప్పుడే మోడలింగ్‌ చేసింది. ఓ డాన్స్ షో ద్వారా పంజాబీ సినిమారంగంలో అవకాశం దొరికింది.
► జబ్‌ వి మెట్‌తో బాలీవుడ్‌లోకి ఎంట్రీ ఇచ్చింది. ఆ తర్వాత సైఫ్‌ అలీ ఖాన్, దీపికా జంటగా నటించిన లవ్‌ ఆజ్‌ కల్‌లోనూ కనిపించింది వామికా. నిన్నటి తాజా చిత్రం ‘83’లోనూ నటించింది.
► హీరోయిన్‌గా చక్కటి అవకాశాలు ఇచ్చింది దక్షిణాది చిత్రపరిశ్రమే. తెలుగులో భలే మంచి రోజులో చేసింది. అలాగే తమిళ, మలయాళ చిత్రాల్లోనూ నటించి మంచి పేరు తెచ్చుకుంది.
► ఆమె తొలి వెబ్‌సిరీస్‌ డిస్నీ హాట్‌స్టార్‌లోని గ్రహణ్‌. ఇటు పంజాబీ, హిందీ, దక్షిణాది చిత్రాలు, అటు వెబ్‌సిరీస్‌ చేస్తూ బిజీగా ఉంటోంది.
► వామికా మంచి మిమిక్రీ ఆర్టిస్ట్‌ కూడా. పుస్తకాలు చదవడం, డాన్స్, ప్రయాణాలు ఆమె అభిరుచులు.
ఏ నటి, నటుడికైనా భిన్నమైన పాత్రలు పోషించాలనే ఉంటుంది. నాదీ అదే లక్ష్యం. అయితే సంజయ్‌లీలా భన్సాలీ దేవ్‌దాస్‌లోని ఐశ్వర్య రాయ్‌ పోషించిన పార్వతి పాత్ర నా డ్రీమ్‌ రోల్‌!
– వామికా గబ్బీ
చదవండి: ఆ ఇద్దరు హీరోల యాక్టింగ్‌ అంటే చాలా ఇష్టం
పాట కోసం అన్ని లక్షలు ఖర్చుపెట్టాం, కానీ లీక్‌ చేయడంతో బాధేసింది
