మన శంకరవరప్రసాద్‌గారు.. ఎన్ని లక్షలు ఇచ్చారంటే?

అమృతం సీరియల్‌తో బాగా ఫేమస్‌ అయిన వ్యక్తి హర్షవర్ధన్‌. నటుడిగానే కాకుండా డైలాగ్‌ రచయితగానూ సుపరిచితుడైన ఈయన సినిమాలతో ఫుల్‌ బిజీగా ఉన్నాడు. గతేడాది కోర్ట్‌, ఆంధ్ర కింగ్‌ తాలూకా సహా ఐదారు సినిమాల్లో నటుడిగా అలరించిన ఆయన ఈ ఏడాది మన శంకరవరప్రసాద్‌గారు సినిమాలోనూ మెప్పించాడు. 

షూటింగ్‌ మధ్యలో యాక్సిడెంట్‌
అనిల్‌ రావిపూడి దర్శకత్వంలో చిరంజీవి ప్రధాన పాత్రలో నటించిన ఈ మూవీ సంక్రాంతి సందర్భంగా విడుదలవగా ఏకంగా రూ.350 కోట్లకు పైగా కలెక్షన్స్‌ రాబట్టింది. ఈ మూవీ చిత్రీకరణ సమయంలో హర్షవర్ధన్‌కు యాక్సిడెంట్‌ కూడా అయింది. దీంతో ఆస్పత్రి బెడ్‌పై నుంచే మిగతా సగం షూటింగ్‌ పూర్తి చేశాడు. తాజాగా ఈ సినిమాకుగానూ తనకు ఎంత పారితోషికం ముట్టిందనే విషయాన్ని బయటపెట్టాడు.

రెమ్యునరేషన్‌ ఎంత?
హర్షవర్దన్‌ మాట్లాడుతూ.. రెమ్యునరేషన్‌ అనేది రెండురకాలుగా ఉంటుంది. ఒకటి సినిమా మొత్తానికి కలిపి ప్యాకేజీ మాట్లాడుకోవడం.. రెండోది రోజుకు ఇంత అని లెక్కగట్టడం. ఈ సినిమాకు 60 రోజులు డేట్స్‌ ఇచ్చాను. రెండు నెలలు కాబట్టి రోజు లెక్కన పారితోషికం ఇవ్వరు. ప్యాకేజీ ఫిక్స్‌ చేశారు. అలా రూ.40 లక్షల రెమ్యునరేషన్‌ తీసుకున్నాను అని పేర్కొన్నాడు. ప్రస్తుతం హర్షవర్దన్‌ చిరంజీవి విశ్వంభర సినిమలో యాక్ట్‌ చేస్తున్నాడు.

చదవండి: ఆ తర్వాత చాలా బాధపడ్డా: విశ్వక్‌సేన్‌