‘లక్కీ భాస్కర్‌’తో దుల్కర్‌ అసాధారణమైన ప్రయాణం | Dulquer Salmaan Lucky Bhaskar First Look | Sakshi
Sakshi News home page

‘లక్కీ భాస్కర్‌’తో దుల్కర్‌ అసాధారణమైన ప్రయాణం

Published Sun, Feb 4 2024 12:15 AM | Last Updated on Sun, Feb 4 2024 7:20 AM

Dulquer Salmaan Lucky Bhaskar First Look - Sakshi

మలయాళ హీరో దుల్కర్‌ సల్మాన్‌ కెరీర్‌ ఆరంభమై పుష్కర కాలం అయింది. ఇన్నేళ్లల్లో మలయాళంతో పాటు తెలుగు, తమిళ, హిందీ భాషల్లో వినూత్న చిత్రాలు, పాత్రలు చేస్తూ వస్తున్నారు దుల్కర్‌. ఇక పన్నెండేళ్లయిన సందర్భంగా దుల్కర్‌ హీరోగా రూపొందుతున్న తాజా చిత్రం ‘లక్కీ భాస్కర్‌’ ఫస్ట్‌ లుక్‌ని విడుదల చేశారు చిత్ర నిర్మాతలు సూర్యదేవర నాగవంశీ, సాయి సౌజన్య. వెంకీ అట్లూరి దర్శకత్వంలో ఈ చిత్రం రూపొందుతోంది.

మీనాక్షి చౌదరి కథానాయిక. ‘‘ఈ చిత్రంలో మగధ బ్యాంక్‌లో క్యాషియర్‌గా పని చేసే దుల్కర్‌ లుక్‌ని విడుదల చేశాం. 1980ల నాటి బొంబాయి నేపథ్యంలో ఈ సినిమా ఉంటుంది. ఒక సాధారణ మనిషి తాలూకు అసాధారణమైన ప్రయాణమే ఈ సినిమా. ప్రస్తుతం షూటింగ్‌ శరవేగంగా జరుగుతోంది’’ అని యూనిట్‌ పేర్కొంది. తెలుగు, మలయాళ, తమిళ, హిందీ భాషల్లో ఈ చిత్రం విడుదల కానుంది.

No comments yet. Be the first to comment!
Add a comment
Advertisement
Advertisement
 
Advertisement
 
Advertisement