ఆ ఒక్కటీ అడక్కు చూసి నవ్వుకుందాం: అడివి శేష్‌ | Adivi Sesh About Allari Naresh Aa Okkati Adakku movie | Sakshi
Sakshi News home page

ఆ ఒక్కటీ అడక్కు చూసి నవ్వుకుందాం: అడివి శేష్‌

Published Fri, May 3 2024 12:50 AM | Last Updated on Fri, May 3 2024 12:50 AM

Adivi Sesh About Allari Naresh Aa Okkati Adakku movie

‘‘నా తొలి సినిమా ఆడియో లాంచ్‌కి నరేశ్‌గారు ముఖ్య అతిథిగా వచ్చారు. ఇప్పుడు ఆయన నటించిన ‘ఆ ఒక్కటీ అడక్కు’ మూవీ ప్రీ రిలీజ్‌ వేడుకకి నేను రావడం హ్యాపీగా ఉంది. ‘ఆ ఒక్కటీ అడక్కు’ సినిమాని మనమంతా థియేటర్లో చూసి హాయిగా నవ్వుకుందాం’’ అని హీరో అడివి శేష్‌ అన్నారు.

‘అల్లరి’ నరేశ్, ఫరియా అబ్దుల్లా జంటగా మల్లి అంకం దర్శకత్వం వహించిన చిత్రం ‘ఆ ఒక్కటీ అడక్కు’. చిలకప్రోడక్షన్స్‌పై రాజీవ్‌ చిలక నిర్మించిన ఈ సినిమా నేడు విడుదల అవుతోంది. ఈ సందర్భంగా నిర్వహించిన ప్రీ రిలీజ్‌ వేడుకకి అడివి శేష్‌ ముఖ్య అతిథిగా హాజరయ్యారు. ఈ వేడుకలో ‘అల్లరి’ నరేశ్‌ మాట్లాడుతూ– ‘నేను ఇన్నేళ్ల పాటు పరిశ్రమలో ఉండటానికి, ఈ స్థాయికి చేరుకోవడానికి కారణం మా నాన్న ఈవీవీ సత్యనారాయణగారు. ‘ఆ ఒక్కటీ అడక్కు’ డైరెక్టర్‌ మల్లి అంకంతో కలిపి ఇప్పటివరకూ దాదాపు 30 మంది కొత్త దర్శకులని పరిచయం చేశాను.

ఈ మండు వేసవిలో మీ బాధలు మర్చిపోయి రెండు గంటలు హాయిగా మా సినిమాతో ఎంజాయ్‌ చేయండి’ అన్నారు. ‘‘మంచి ఫ్యామిలీ ఎంటర్‌టైనర్‌గా రూపొందిన ఈ మూవీ ప్రేక్షకులను అలరిస్తుంది’’ అన్నారు మల్లి అంకం. ‘‘ఆ ఒక్కటీ అడక్కు’ లాంటి మంచి మూవీ చేయడం మా అదృష్టం’’ అన్నారు రాజీవ్‌ చిలక. ఈ వేడుకలో సహ నిర్మాత భరత్, దర్శకులు విజయ్‌ కనకమేడల, విజయ్‌ బిన్నీ, దేవా కట్టా, రచయితలు బీవీఎస్‌ రవి, అబ్బూరి రవి, నటి జామి లివర్‌ మాట్లాడారు.

No comments yet. Be the first to comment!
Add a comment
Advertisement
Advertisement
Advertisement