పరీక్షల సీజన్‌.. నేత్రాలు పదిలం!

● కళ్లపై ఒత్తిడి పెంచొద్దు ● తగిన జాగ్రత్తలు అవసరం ● 20 –20 –20 నియమం పాటించాలి: ప్రతీ 20 నిమిషాలకు ఒకసారి, 20 అడుగుల దూరంలో ఉన్న వస్తువును కనీసం 20 సెకన్లు చూడాలి. ● తగినంత వెలుతురు అవసరం: మసకబారిన కాంతిలో, చీకటి గదుల్లో చదవడం వల్ల కంటిపై ఒత్తిడి పెరుగుతుంది. ప్రకాశవంతమైన, సమానంగా విరజిమ్మే కాంతి ఉండాలి. ●స్క్రీన్‌ టైమ్‌ తగ్గించాలి: మొబైల్‌, ట్యాబ్‌, ల్యాప్‌టాప్‌ల వినియోగాన్ని పూర్తిగా తగ్గించాలి. విద్యాపరమైన అంశాలలో అవసరమైతేనే పరిమితంగా వాడాలి. ● సరైన దూరం పాటించాలి: పుస్తకాన్ని కనీసం 30 –40 సెంటీమీటర్ల దూరంలో ఉంచి చదవాలి. ● ఎక్కువ సేపు చదివేటప్పుడు కళ్లను సహజంగా చిమ్మడం, తెరవడం, మూయడం తగ్గిపోతుంది. కావున ఉద్దేశపూర్వకంగా కళ్లను తరచుగా మూసి తెరవాలి. ● ఆహారం, నిద్ర కూడా ముఖ్యం: క్యారెట్‌, పాలకూర, గ్రీన్‌ లీవ్స్‌, పండ్లు వంటి విటమిన్‌ ఏ సమృద్ధిగా ఉన్న ఆహారం తీసుకోవాలి. రోజుకు కనీసం 6 –8 గంటలు నిద్ర ఉండాలి. ● కంటి ఎర్రదనం, నీరూరడం, తీవ్ర తలనొప్పి, చూపు తగ్గిన భావన వంటి లక్షణాలు గమనిస్తే నేత్ర వైద్యుడిని సంప్రదించాలి. స్వయంగా మందులు కొనుగోలు చేసి వాడకూడదు. ● పరీక్షల సమయంలో చదువుతో పాటు ఆరోగ్యంపైనా దృష్టి పెట్టాలి. కంటి సంరక్షణలో చిన్న జాగ్రత్తలు పెద్ద సమస్యలను నివారించగలవు.