TV
బీసీల కోసం పోరాటం చేసే పార్టీ కాంగ్రెస్‌
ధర్మపురి: బీసీల కోసం నిజమైన పోరాటం చేస్తున్నది కాంగ్రెస్‌ పార్టీయేనని మంత్రి అడ్లూరి లక్ష్మణ్‌కుమార్‌ అన్నారు. శనివారం క్యాంపు కార్యాలయంలో మాట్లాడారు. బీసీ రిజర్వేషన్‌ విషయంలో అన్ని పార్టీల ఏకాభిప్రాయంతోనే 42 శాతం రిజర్వేషన్‌ ఇవ్వాలని సీఎం నిర్ణయం తీసుకున్నారని, కొందరు పార్టీనీ బదనాం చేయడానికి ప్రజలకు రెచ్చగొడుతున్నారని అన్నారు. కాంగ్రెస్‌ పార్టీ బడుగుబలహీన వర్గాల అభ్యున్నతికి పాటు పడుతుందని, అన్ని కులాలవారిని కలుపుకొని వెల్లడం తమ నాయకుడి లక్షణమన్నారు. జిల్లా అధ్యక్షుడిగా ఒక బీసీ నాయకున్ని నియమించడం జరిగిందని, ఇది తమ పార్టీ వైఖరి అని వివరించారు. గ్రామాల్లో కోట్లాది రూపాయలతో అభివృద్ది పనులు ముమ్మరంగా సాగుతున్నాయని పేర్కొన్నారు. ధర్మపురి డంపింగ్‌యార్డు రిసైక్లింగ్‌ యూనిట్‌ కోసం త్వరలోనే ముహూర్తం పెడుతామని, అవసరమైన నిధులు తెచ్చేందుకు సీఎం దృష్టికి తీసుకెళ్తానని తెలిపారు. నాయకులు ఎస్‌.దినేశ్‌, కుంట సుధాకర్‌, చీపిరిశెట్టి రాజేశ్‌ తదితరులున్నారు.
మంత్రి అడ్లూరి లక్ష్మణ్‌కుమార్‌
