గుంటూరు

శుక్రవారం శ్రీ 2 శ్రీ అక్టోబర్‌ శ్రీ 2026
బలహీన వర్గాలకు టీడీపీ వెన్నుపోటు

7

తెనాలి: తెనాలి మార్కెట్‌యార్డులో గురువారం క్వింటా నిమ్మకాయలు కనిష్ట ధర రూ.6500, గరిష్ట ధర రూ.9000, మోడల్‌ ధర రూ.8000 వరకు పలికింది.

మాచర్ల: నాగార్జునసాగర్‌ నీటిమట్టం గురువారం సాయంత్రానికి 537.20 అడుగుల మేర ఉంది. రిజర్వాయర్‌కు 27528 క్యూసెక్కులు వచ్చి చేరుతుంది.

అచ్చంపేట: పులిచింతల ప్రాజెక్టులో ప్రస్తుత నిల్వ 28.9990 టీఎంసీలు. ప్రాజెక్టు దిగువకు 400 క్యూసెక్కులు లీకేజిల ద్వారా వెళుతుంది.

జిల్లా కలెక్టర్‌ సీఎం సాయికాంత్‌ వర్మ

గుంటూరు వెస్ట్‌: ఓటర్ల జాబితా ప్రత్యేక సవరణ ( సర్‌) షెడ్యూల్‌ను భారత ఎన్నికల సంఘం సవరించిందని జిల్లా కలెక్టర్‌ సి.యం.సాయికాంత్‌ వర్మ గురువారం తెలిపారు. కేంద్ర ఎన్నికల సంఘం జారీ చేసిన సవరించిన షెడ్యూల్‌ ప్రకారం, నోటీసుల పరిశీలన, క్లెయిమ్‌లు, అభ్యంతరాల పరిష్కార ప్రక్రియ ఈనెల 10వ తేదీ వరకు కొనసాగుతుందని, అక్టోబర్‌ 16న ఓటర్ల తుది జాబితా ప్రచురిస్తారని చెప్పారు. ఓటర్ల సౌకర్యార్థం ఎస్‌.ఐ.ఆర్‌కు సంబంధించి భారత ఎన్నికల సంఘం కొన్ని నిర్ణయాలు తీసుకుందన్నారు. ప్రస్తుతం జరుగుతున్న ఎస్‌.ఐ.ఆర్‌లో మ్యాపింగ్‌ కాకపోవడం, తార్కిక వ్యత్యాసాలు తదితర కారణాలతో నోటీసులు జారీ చేసిన వ్యక్తుల ఇళ్లకు సంబంధిత బూత్‌ లెవల్‌ అధికారులు స్వయంగా వెళ్లి అవసరమైన పత్రాలను సేకరించాలన్నారు. ఆ పత్రాలను ఇసిఐ నెట్‌లో అప్‌లోడ్‌ చేయాలని, దానిపై ఎలక్టోరల్‌ రిజిస్ట్రేషన్‌ అధికారి నిర్ణయం తీసుకోవాలని చెప్పారు. రాత్రి ఆశ్రయ కేంద్రాల్లో నివసించే వారు, కార్మికులు, పేదలు, నిరాశ్రయులు తదితరుల అవసరానికి అనుగుణంగా హెల్ప్‌డెస్క్‌లు లేదా ప్రత్యేక శిబిరాలు నిర్వహించాలని సూచించారు.

నేడు స్వచ్ఛాంధ్ర అవార్డులు ప్రదానం

స్వచ్ఛాంధ్ర అవార్డ్స్‌ –2026 బహూకరణ కార్యక్రమం గాంధీ జయంతి సందర్భంగా శుక్రవారం స్థానిక కలెక్టరేట్‌లోని ఎస్‌ఆర్‌ శంకరన్‌ సమావేశ మందిరంలో మధ్యాహ్నం 3 గంటలకు నిర్వహిస్తున్నామని జిల్లా కలెక్టర్‌ సాయికాంత్‌ వర్మ గురువారం తెలిపారు. స్వర్ణాంధ్ర–స్వచ్ఛాంధ్ర కార్యక్రమం కింద స్వచ్ఛత కార్యక్రమాల్లో విశేష కృషి చేసిన వారిని గుర్తించి, ప్రోత్సహించేందుకు అవార్డ్స్‌ను ప్రభుత్వం ప్రతిష్టాత్మకంగా ప్రవేశపెట్టిందన్నారు. విజేతలకు అవార్డులు అందజేయడంతోపాటు జిల్లా ఇన్‌చార్జి మంత్రి సమక్షంలో సత్కరిస్తామని చెప్పారు. ప్రజాప్రతినిధులు, అధికారులు ఈ కార్యక్రమంలో పాల్గొంటారన్నారు.

స్థానిక సంస్థల్లో బీసీలకు 34 శాతం రిజర్వేషన్లు దక్కాలంటే కేంద్రంతో రాజ్యాంగ సవరణ చేయించాలి. తమిళనాడు తరహాలోనే ఏపీ లోనూ రాజ్యాంగ సవరణ ద్వారా రిజర్వేషన్ల పరిమితి పెంచేలా చంద్రబాబు ప్రధాని మోదీపై ఒత్తిడి తేవాలి. ఢిల్లీకి అఖిలపక్ష ప్రతినిధి బృందాన్ని తీసుకెళ్లాలి.

– తాటికొండ నరసింహారావు,

జాతీయ బీసీ బహుజన ఫ్రంట్‌ అధ్యక్షుడు

సాక్షి ప్రతినిధి, గుంటూరు: రాష్ట్ర జనాభాలో అధికంగా ఉండే వెనుకబడిన తరగతులు(బీసీ)లపై ప్రభు త్వం మరోమారు తమ కపట వైఖరిని ప్రదర్శించింది. ఎన్నికల సమయంలో మాత్రమే గుర్తుకువచ్చే బీసీ రిజర్వేషన్‌ పెంపుదల అంశంలో కూటమి ప్రభుత్వ చిత్తశుద్ధి బహిర్గతమైంది. ఆగస్టు 18వ తేదీన బీసీలకు స్థానిక సంస్థల్లో ప్రభుత్వం బీసీలకు ఉన్న రిజర్వేషన్‌ను పెంచి సీట్లు కేటాయిస్తామని గత ఆగస్టులో ముఖ్యమంత్రి చంద్రబాబు నాయుడు ఆర్భాటంగా ప్రకటించారు. అందుకు అనుగుణంగా రెండు జీఓలను కూడా తీసుకువచ్చారు. అయితే రాష్ట్ర సర్వోన్నత న్యాయస్థానం దీనిపై గురువారం కీలకతీర్పు వెల్లడించింది. బీసీలకు గ్రామీణ ప్రాంతాల్లో 34 శాతం, పట్టణ ప్రాంతాల్లో స్థానిక సంస్థలకు 33.33 శాతం రిజర్వేషన్‌లను కల్పిస్తామని తీసుకువచ్చిన జీఓలను కొట్టివేసింది.

సమాచారం సేకరించటంలో విఫలం..

రాష్ట్ర ప్రభుత్వం ఈ ఏడాది ఫిబ్రవరిలో స్థానిక సంస్థల్లో బీసీ రిజర్వేషన్‌ పెంపుదల, ఖరారుకు సీనియర్‌ రిటైర్డ్‌ ఐఏఎస్‌ అధికారి రాజీవ్‌రంజన్‌ ఆధ్వర్యంలో బీసీ డెడికేషన్‌ కమిషన్‌ ఏర్పాటు చేశారు. ఈ కమిషన్‌ రాష్ట్రంలోని గ్రామీణ, పట్టణ ప్రాంతాల్లో బీసీల వెనుకబాటు తనంపై అనుభవపూర్వక విచారణ, వారి రిజర్వేషన్‌ పెంచే ప్రక్రియ చేయటమే కమిటీ ఉద్దేశం. ఈ కమిటీ సెప్టెంబర్‌ 30 వరకు పనిచేసింది. అయితే కమిటీ పూర్తిస్థాయిలో నివేదికలు ఇవ్వలేదని, సరైన సమాచారం సేకరించటంలో విఫలమైందని, క్షేత్ర స్థాయి పరిశీలన చేయకుండానే ప్రభుత్వం సమర్పించిన నివేదికలను మాత్రమే పరిగణలోకి తీసుకుని నివేదికను సిద్ధం చేసిందనే విమర్శలు ఉన్నాయి.

బీసీలకు బాబు వెన్నుపోటు

టీడీపీ అధికారంలోకి వచ్చిన తరువాత ఉమ్మడి గుంటూరు జిల్లాలో రెండు రాజ్యసభ సీట్లు, ఒక ఎమ్మెల్సీ స్థానం సొంత సామాజిక వర్గ నేతలకే ఇచ్చుకున్న చంద్రబాబు ఏ ఒక్క స్థానంలోనూ బీసీలకు అవకాశం ఇవ్వలేదు. గుంటూరు మిర్చి యార్డు చైర్మన్‌ నుంచి, జీడీసీసీ బ్యాంక్‌ చైర్మన్‌, మేయర్‌, గ్రంథాలయ సంస్థ చైర్మన్‌, వివిధ కార్పొరేషన్‌ చైర్మన్‌ పదవులు ఇలా ఇచ్చిన నామినేటెడ్‌ పోస్టులన్నీ సొంత సామాజిక వర్గానికే కేటాయించారు తప్ప.. ఒక్క పోస్టు కూడా బీసీలకు ఇవ్వలేదు. బీసీలకు 34 శాతం రిజర్వేషన్‌ అంటూ డ్రామా ఆడుతున్న చంద్రబాబు ఉమ్మడి జిల్లాలో 2 శాతం కూడా ఇవ్వకపోవడం కొసమెరుపు.

గత వైఎస్సార్‌ కాంగ్రెస్‌పార్టీ హయాంలో జిల్లాకు చెందిన బీసీ నాయకుడు మోపిదేవి వెంకటరమణ రేపల్లె నుంచి పోటీ చేసి ఓటమి పాలైనప్పటికీ, తొలుత ఎమ్మెల్సీ ఇచ్చి, మంత్రిగా అవకాశం కల్పించిన వైఎస్‌ జగన్‌మోహన్‌రెడ్డి, ఆతరువాత ఆయనకు రాజ్యసభ సీటు ఇచ్చి బీసీలకు పెద్ద పీట వేశారు. జిల్లాకు చెందిన బీసీ నేత విడదల రజినికి మంత్రివర్గంలో స్థానం కల్పించిన విషయం తెలిసిందే. అంతేకాకుండా గుంటూరు మిర్చి యార్డు చైర్మన్‌గా, గుంటూరు వెస్ట్‌ నుంచి ఓటమి పాలైన బీసీ నేత చంద్రగిరి ఏసురత్నంకు ఇచ్చి, అనంతరం ఆయనకు ఎమ్మెల్సీగా సైతం అవకాశం కల్పించారు. ఆయన్ను మార్చిన తరువాత కూడా మరో బీసీ నేత నిమ్మకాయల రాజనారాయణకు యార్డు చైర్మన్‌గా అవకాశం కల్పించారు. మంగళగిరికి చెందిన బీసీ నేత మురుగుడు హనుమంతరావుకు ఎమ్మెల్సీగా అవకాశం కల్పించారు. జిల్లా కో–ఆపరేటీవ్‌ మార్కెటింగ్‌ సొసైటీ చైర్మన్‌గా బీసీ మహిళ యార్లగడ్డ భాగ్యలక్ష్మికి అవకాశం కల్పించారు.