ఘనంగా భూ వరాహస్వామి జయంతి

ఘనంగా భూ వరాహస్వామి జయంతి

తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్యక్షేత్రంపై భూ వరాహస్వామి జయంతి ఉత్సవాలను వైభవంగా ప్రారంభమయ్యాయి. ఈ సందర్భంగా జీయర్‌ ఎడ్యుకేషనల్‌ ట్రస్ట్‌ ఆశ్రమ నిర్వాహకులు పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి మంగళాశాసనములతో ఈ నెల 6 నుంచి 8వ తేదీ వరకు ఈ జయంతి ఉత్సవాలు నిర్వహిస్తున్నామని తెలిపారు. మొదటి రోజు బుధవారం ఉదయం 9 గంటలకు శ్రీ భూవరాహ హోమం, అష్టోత్తర శతనామార్చన, పూర్ణాహుతి, వేద ఆశీర్వచనం నిర్వహించామని పేర్కొన్నారు. స్వామి నారాయణ సంస్థ నుంచి స్వామిజీ మహారాజ్‌ సేవకులు శ్రీ నారాయణ చరణ్‌ స్వామి బృందంతో విచ్చేశారన్నారు. కార్యక్రమంలో భక్తులు అధిక సంఖ్యలో పాల్గొన్నారని తెలిపారు.

1/1

ఘనంగా భూ వరాహస్వామి జయంతి