సోనీ కెమెరాతో పోకో కొత్త ఫోన్‌

స్మార్ట్‌ఫోన్స్‌ బ్రాండ్‌ తాజాగా ఎఫ్‌–సిరీస్‌లో ఎఫ్‌7 ఫోన్‌ను ఆవిష్కరించింది. దీని ప్రారంభ ధర రూ.29,999 నుంచి రూ.31,999 వరకు ఉంటుంది. 7,550 ఎంఏహెచ్‌ బ్యాటరీ, 90 వాట్స్‌ టర్బో చార్జింగ్, స్నాప్‌డ్రాగన్‌ 8ఎస్‌ జెన్‌ 4 చిప్‌సెట్, 6.83 అంగుళాల అమోలెడ్‌ డిస్‌ప్లే, 50 ఎంపీ సోనీ ఐఎంఎక్స్‌882 కెమెరా తదితర ఫీచర్లు ఇందులో ఉన్నాయని సంస్థ ప్రోడక్ట్‌ మార్కెటింగ్‌ మేనేజర్‌ సచిన్‌ దేవ్‌ తెలిపారు.

ఇదీ చదవండి: దేశంలో అత్యంత విలువైన టాప్‌ 10 బ్రాండ్లు

నాలుగేళ్ల వరకు ఆండ్రాయిడ్‌ అప్‌డేట్స్, 6 ఏళ్ల వరకు సెక్యూరిటీ అప్‌డేట్స్‌ లభిస్తాయి. జులై 1 నుంచి ఫ్లిప్‌కార్ట్‌పై ఎక్స్‌క్లూజివ్‌గా అమ్మకాలు ప్రారంభమవుతాయి. తొలి రోజున హెచ్‌డీఎఫ్‌సీ, ఎస్‌బీఐ తదితర కార్డులపై రూ.2,000 డిస్కౌంటు, రూ.2,000 వరకు ఎక్స్చేంజ్‌ బోనస్‌ పొందవచ్చని దేవ్‌ చెప్పారు.