అంగన్‌వాడీలు ఉద్యమానికి సిద్ధం కండి

సాక్షి, అమరావతి: న్యాయమైన డిమాండ్ల సాధన కో­సం అంగన్‌వాడీలు ఉద్యమానికి సిద్ధం కావా­లని ఆంధ్రప్రదేశ్‌ అంగన్‌వాడీ వర్కర్స్, హెల్పర్స్‌ యూనియన్‌(సీఐటీయూ) రాష్ట్ర ప్రధాన కార్యదర్శి కె.సుబ్బరావమ్మ పిలుపునిచ్చారు. జూలై 10న అన్ని జిల్లాల కలెక్టరేట్ల వద్ద ఆందోళనలను విజయవంతం చేయాలని కోరారు. విజయవాడలో ఆ­దివారం యూనియన్‌ అధ్యక్షురాలు జి.బేబీరాణి అధ్యక్షతన అంగన్‌వాడీల రాష్ట్రస్థాయి వర్క్‌షాప్‌ నిర్వహించారు. అనంతరం సుబ్బరావమ్మ మీడి­యా­­­తో మాట్లాడుతూ..అంగన్‌వాడీలకు కనీస వే­త­నమివ్వాలని, పెన్షన్, ఈఎస్‌ఐ సదుపాయం కల్పించాలని డిమాండ్‌ చేశారు. 

ప్రభుత్వం ఐసీడీఎస్‌కు నిధులు తగ్గించి లబ్ధిదారులకు ఫీడింగ్‌ స­క్రమంగా అందకుండా చేస్తోందన్నారు. అనేక ర­కా­ల యాప్‌లు తీసుకొచ్చి అంగన్‌వాడీలపై పనిభా­రం పెంచి ప్రీసూ్కల్‌ జరగనివ్వకుండా చేస్తోందన్నారు. సీఐటీయూ రాష్ట్ర ప్రధాన కార్యదర్శి ఏవీ నాగేశ్వరరావు మాట్లాడుతూ నిత్యావసరాల ధర­లు ఏడాదికి 10 శాతానికి పైగా పెరుగుతున్నాయని, ప్రభుత్వం మాత్రం అంగన్‌వాడీలకు కనీస వేత­నాలు ఇవ్వడం లేదన్నారు. బాబు ప్రభుత్వం పె­ట్టు­బడిదారులకు రూ.లక్షల కోట్లు రా­యి­తీలు ఇ­స్తోందని, పారిశ్రామికవేత్తలకు 99పైసలకే భూములను ధారాదత్తం చేస్తోందని, అంగన్‌వాడీల సమస్యలను మాత్రం పట్టించుకోవడంలేదన్నారు.