TV
తాతయ్యనాయుడుకు ఉత్తమ అవార్డు
పాయకరావుపేట: శ్రీ ప్రకాష్‌ విద్యా సంస్ధల అనుబంధ సంస్ధ స్పేసెస్‌ డిగ్రీ కళాశాల ఎన్‌ఎస్‌ఎస్‌ ప్రోగ్రామ్‌ ఆఫీసర్‌ జి.తాతయ్య నాయుడు ఉత్తమ ఎన్‌ఎస్‌ఎస్‌ ప్రోగ్రామ్‌ ఆఫీసర్‌ అవార్డును ఆంధ్ర విశ్వ విద్యాలయ వైస్‌ చాన్సలర్‌ రాజశేఖర్‌ చేతుల మీదుగా అందుకున్నారని అంతేకాక ఆయనను జిల్లా ఎన్‌ఎస్‌ఎస్‌ నోడల్‌ ఆఫీసర్‌గా నియమించారని కళాశాల ప్రిన్సిపాల్‌ డా. ఎ.రామకృష్ణారెడ్డి తెలిపారు. ఈ సందర్భంగా స్పేసెస్‌ డిగ్రీ కళాశాల కళాశాల ఎన్‌ఎస్‌ఎస్‌ ప్రోగ్రామ్‌ ఆఫీసర్‌ జి.తాతయ్య నాయుడు మాట్లాడుతూ తమ కళాశాల యాజమాన్యం, విద్యార్థుల సహకారంతో గత విద్యా సంవత్సరంలో చేపట్టిన సేవా కార్యక్రమాలకు ఈ అవార్డు పొందడం ఆనందనీయమని తెలిపారు. అవార్డు పొందిన నాయుడిని ఆంధ్రా విశ్వ విద్యాలయ ఎన్‌ఎస్‌ఎస్‌ ప్రోగ్రాం కో ఆర్డినేటర్‌ ఆచార్యులు డి.సింహాచలం విద్యా సంస్థల అధినేత నరసింహారావు, సంయుక్త కార్యదర్శి విజయ్‌ ప్రకాష్‌ అభినందించారు.
